Totalitarismo

Nos réximes fascistas o Estado interviña en todos os ámbitos da vida, coartando a liberdade dos individuos. Controlaba a actividade privada, política e social, a economía, a educación e medios de comunicación.

O control do Estado fascista chega ata os máis recónditos escenarios, como o privado ou familiar

A persoa existía en tanto existía o Estado e quedaba subordinada ás necesidades deste. Invertíronse así os fundamentos do Estado liberal cuxo poder emanaba dos individuos. O Estado fascista fundamentábase na forza, o liderado e a xerarquía, non no sufraxio, exercendo un absoluto control da sociedade. A división de poderes foi menosprezada e o executivo apropiouse das funcións do lexislativo e o xudicial.

O Partido oficial era a única organización política permitida. A través del fiscalizábase e regulaba a acción do Estado co que chegou a confundirse, sendo o seu poder omnímodo.

Totalitarismo

Réxime político non democrático, no cal os dereitos e as liberdades das persoas están sometidas á razón do Estado. O Estado ten un valor abosoluto ao que deben subordinarse todos os demais valores