4.O prerrománico na Península Ibérica
Na Península Ibérica podemos dividir a arte prerrománica en tres etapas:
A arte visigoda (séculos V ao VII)
A arte asturiana ou ramirense (séculos IX - X)
A arte mozárabe (século X)
No século V, na Península Ibérica instaláronse os visigodos, que tras vencer aos suevos no ano 585 implantaron o catolicismo de xeito definitivo no III Concilio de Toledo (589). A invasión dos árabes no ano 711 acabou co reino dos visigodos, os cales asentáronse ao norte da Península, iniciándose posteriormente a Reconquista do territorio ocupado polos musulmáns, a cal alongarase en sucesivas etapas ata 1492. Así foron aparecendo no norte os reinos cristiáns, sendo o de Asturias o primeiro deles. Alfonso I, Alfonso II e Ramiro I consolidaron o seu reino e poboaron os territorios de pequenas igrexas.
No longo camiñó da reconquista e repoboación dos territorios, a partir do século X atopamos dous tipos de poboación: a mozárabe, cristiáns que vivían en territorio musulmán, sometidos ao califa; e cristiáns, que procedentes de territorios musulmáns se emanciparon e poboaron terras máis setentrionais.
En España o Prerrománico esténdese ata o século XI. Neste caso, o estilo románico que lle sucede chegou a través das rutas de peregrinación cara a Santiago de Compostela existentes nos territoiros do norte da Península Ibérica.