Tema 7. A Revolución soviética e a URSS (1917-1941)

1917: DO ZARISMO AO PODER DOS SOVIETS

No ano 1917 levouse a cabo a Revolución Rusa, feito histórico que marcou decisivamente a historia mundial pois deu orixe á aparición dun mundo bipolar que se consolidou tras a Segunda Guerra Mundial. Tanto no aspecto político como no económico a súa importancia foi enorme pois serviu de modelo a imitar e foi o punto de referencia inescusábel nos diferentes intentos revolucionarios que se deron no presente século. O proceso que levou á Revolución foi enormemente complexo en el coincidiron aspectos externos a Rusia e outros derivados da súa estrutura interna.