Arco de triunfo de Tito

Dimensións: 15,4 m (altura)

É o arco máis antigo de todos os que se conservan en Roma, proporcionado e con ornamentación sobria. Posue un único van franqueado por dous grandes piares, con bóveda de canón interior. Unha liña de imposta separa o zócalo do corpo principal no que destacan catro semicolumnas con chapiteis compostos, situados nos ángulos dos piares. Estas columnas decorativas simulan soster o entablamento (arquitrabe, friso con relevos e cornisa ornamentada).Na liña do gusto romano unha construción abovedada utiliza, o sistema alintelado grego como decoración.

Remata o arco, un ático con unha monumental inscrición co nome do emperador e dos seus predecesores: O Senado romano e o pobo de Roma ó divino Tito, fillo do divino Vespasiano, Vespasianus Augustus.

O valor do arco de Tito reside na súa decoración escultórica, sobria no exterior (friso e enxutas do arco) e desbordante baixo a bóveda, onde alto relevos de gran formato presentan a entrada triunfal de Vespasiano e Tito, no ano 70 d.C., na arrasada Xerusalén e o desfile dos trofeos arrancados aos xudeos.