A batalla do Ebro, a ocupación de Cataluña e o final da guerra

Logo de case tres anos de conflito armado, o 1 de abril de 1939 culminou a derrota das forzas republicanas. Desde entón, o xeneral Francisco Franco, cabeza do Movemento Nacional, acumulou na súa persoa os principais cargos do novo Estado. O período inmediatamente posterior ao conflito, coñecido como posguerra, caracterizouse no económico pola adopción dun sistema autárquico, dentro dun contexto de illamento político internacional e de penuria xeneralizada, e no político pola imposición dun sistema autoritario e a represión contra os vencidos.