A internalización da Guerra Civil

A Guerra Civil Española non foi tan só un conflito bélico interno, senón que foi un verdadeiro preludio da Segunda Guerra Mundial, no que interviñeron a Alemaña nazi e a Italia fascista en apoio do bando nacional e, de xeito menos directo, as potencias aliadas xunto coa Unión Soviética en auxilio da causa republicana. A confrontación ideolóxica do período de Entreguerras tivo, pois, o seu primeiro estalido nesta guerra. Así, miles de voluntarios integráronse nas Brigadas Internacionais, vendo na defensa da causa republicana a ocasión de defender as liberdades democráticas.