1. A crise das democracias liberais

Entre 1914 e 1939 hai un avance e un retroceso da democracia, debido a que despois da Gran Guerra o sistema democrático tivo un certo auxe en Europa do leste, onde se implantou en países de tradición monárquica autoritaria e nalgúns dos estados xurdidos da descomposición do Imperio Austro-Húngaro. Mais este viraxe ao sistema democrático non deixou de ser un espellismo pois todos os estados da nova democracia fixeron un xiro ao autoritarismo a partir da segunda metade dos anos vinte ou principios dos trinta.

A onda do autoritarismo tamén afectou aos principais países nos que a democracia era anterior a Primeira Guerra Mundial, como é o caso de España e Italia. Xa que logo, obsérvase un crecemento e posterior contracción do sistema democrático ata o punto en que antes da Segunda Guerra Mundial os estados democráticos eran minoría en Europa.