يعرف الجميع أن الوزير والنائب اللبناني السابق ميشيل سـماحة هو من الأبواق السياسية للنظام السوري قاتل شعبه ومن المسوقين له إقليمياً ودولياً. ولكن لم يتوقع أحد أن يكون قد وصل أيضاً إلى مستوى (مخبر) لأمن هذا النظام و(عتال) لمتفجراته و(ساعي بريد) له في بلده لبنان.
ياسْـماحة اسْـمَحلي إلَّـكْ
قصيدة بالعربية العامِّـية- الفصحى
ياسْـماحة اسْـمَحلي إلَّـكْ
شـو كانْ بهالطَبخة بِـدَّكْ؟
حَـدْ بيطبخْ مَعْ عِصـابة
عمْ تشـربْ مِنْ دمِّ البلَدْ ودمَّـكْ؟
جبتْ العـارْ لحـالَكْ
ولَولادَكْ وبَـيَّكْ وجـدَّكْ
وانت عَحسـابْ وزيرْ ونايبْ
ولابِسْلي بَدلة وكرافة وماحَدا أدَّكْ
مابتِفرِءْ عَنْ حَسـونْ إلا باللَّـفة
بِدَّكُمْ كياسْ زبالة تلفّـو وتلفَّـكْ
كنتْ اسْـتحي على هالشـيبة
شـو تركتْ يشْـفعلكْ بآخِـرتَكْ؟
وبذمْتَكْ شـو حَتفيدكْ هالدولاراتْ
وأنت، لاتواخِذني، على حَفّـةْ أبْـرَكْ
***
ياسْـماحة لَو تحكيلنا منِ الأولْ وبصَراحـة
كَمْ تفجيرْ وقَّعتـو باسْـمَكْ؟
وشـو بتعرفْ عَنْ مَيْ وسَـميرْ وجبرانْ؟
وغيرهُنْ الكتيرْ منْ ضحايا ولاد بلَـدَكْ؟
وشـو قصة (بَشّـار بَدّو هَيكْ؟)
شـو أنتْ مافي فَسْـفورْ بعئلَـكْ؟
مابتعرفْ هالنِظامْ إذا حالَفتو توَسَّـختْ؟
وإذا عاديتو سَـلَخْ جلـدَكْ؟
وإذا وئَّفتْ تتفَرَّجْ عذَّبَكْ ضَميرَكْ؟
إذا كانْ بعد في ضَمير عندكْ
ياسْـماحة مابعرفْ شـو بَدي إلَّكْ
بس فيني أولْ إنَّـكْ حَـفَرتْ بإيـدَكْ
إذا رحتْ فيها مُؤبَّدْ، ماحدْ رَحْ يزعَـلْ
وإذ ا رحتْ فيها إعدامْ، الله لايـردَّكْ
***
طريف يوسـف آغا
كاتب وشـاعر عربي سوري مغترب
عضو رابطة كتاب الثورة السورية
هيوسـتن / تكسـاس
الأربعاء 27 رمضان 1433 / 15 آب، أوغست 2012
http://sites.google.com/site/tarifspoetry