Soya Paste Bread 豆渣麵包
高筋麵粉 310 克
豆渣 100 克
糖 45 克
鹽 2 克
全脂奶粉 10 克 (我屋企冇奶粉，所以冇落)
乾依士 4.5 克
水 170 毫升 (水份唔好一次過落晒，要視乎麵糰濕度 ... 可能我的豆渣比較濕，我最後落少了約 10 ml 水)
軟化牛油 20 克
Step 1 >>> 高筋麵粉過篩，與其他材料混合 (牛油除外)，放在工作台上搓撻至有彈性
黏手 ... 是正常的 ... 因為呢個包包的水份較多，又加了豆渣
噢賣葛 ... 撻撻下時，發現牆度多左o的野 ...
搓包絕對係體力勞動，夏天搓包因住中暑！
我就係熱到頂唔順，搓到半路中途，都要洗手然後去抬部風扇對住自己！
點解唔o係大廳開住冷氣搓？一來我唔會一個人在廳開冷氣 (太浪費了，三匹半啊
) 二來o係飯檯搓包，冇廚房工作台咁好用架！
話時話，我個廚房冇明火，查實裝部風扇都得喎
努力搓左 15 分鐘，終於成型啦 ~
Step 2 >>> 加入軟化牛油，再搓撻至光滑有彈性
哈哈，天氣太熱，o的牛油溶晒！攪到個麵糰油淋淋地
... 好在都搓到！
Step 3 >>> 將麵糰弄成圓球狀，收口向下。放入深盤中，準備第一次發酵
為左令我呢個新手知道幾時發酵完 (發酵至兩倍大為之適合)，等我量度一下個麵糰先！發酵前直徑有 10 cm ~
為免麵糰乾燥，拿了塊乾淨濕布蓋著
睇住麵糰發大，真係好興奮架
我時不時就去裝下佢！
一如食譜所說，發酵時間約為 50-60 分鐘。發酵時間會因應溫度而有所差異，所以我呢o的新手都係搵把尺度下好o的
Step 4 >>> 取出麵糰，稍為用手擠壓 (冬菇老師教o既，話要擠出空氣才造型) 然後分割成 12 等份
哈哈，為左容易分割，我好似切蛋糕咁切呀
Step 5 >>> 用手掌兜著麵糰，慢慢滾圓。記著收口要在下邊 (咁第二次發酵時才不會漏氣) 然後整齊排放在焗盤上，進行第二次發酵 (約 1 小時)
呢招係冬菇老師教的，很有用啊
！
排在焗盤上，剛好一盤。第二次發酵又要 take 一小時 (wooo
~ 真係要幾得閒o個日先可以整麵包啦 ~~~)
由於呢款麵糰比較黏手，所以造型以簡單為主 ---> 即是圓型喇！
(呀，買個吐司模來整吐司都好喎)
Step 6 >>> 第二次發酵完成，可以準備入爐。將焗爐預熱至 180 度 (約 5 分鐘)，入爐前在麵糰上噴少少水 (如果想加 toppings 的話在這時候加)
用 180 度焗 12 分鐘至金黃色，攪掂！
冬菇老師話齋，將盤麵糰放入爐時一定要小心！千祈唔好「鄧」親o的麵糰，否則洩左道氣，就發得唔靚架啦！