Deep Fried CNY Dumpling 炸油角

(40隻兩吋油角份量)

麵粉 200 克

豬油/固體菜油 2 湯匙 (座熱成液體)

生油 2 湯匙

蛋 1 隻

清水 2 湯匙

白芝麻少許

炒香芝麻 1 兩

炒香花生 2 兩(壓碎)

椰茸 2 湯匙

砂糖 3 湯匙

1. 芝麻、花生、椰茸、砂糖拌勻作餡料，備用。

2. 將麵粉篩入大碗中，加入蛋、水、生油及豬油/固體菜油，搓成粉糰。

3. 在工作桌上灑上乾麵粉，用棍壓成一分厚，印成譜小圓塊。

4. 包入一小茶匙餡料，對摺成半月形，收口銷邊，用中火炸至金黃色，用房紙吸去多餘油份待冷即成。

賀年油角

材料：

皮：低筋麵粉一磅，花生油及水各一碗（八安士碗裝到九分滿咁上下，咁多油？唔驚架，一陣炸既時候，熱力會逼返出黎既．）

一包係一磅庄既，一次過用晒，夠方便．記住先留起一湯匙粉喎！

大部份人都以為放豬油，角皮先會脆，其實想角皮脆，唔一定要放豬油架，係有竅妙既．原來秘訣一，就係要係個煲內先燒熱油，然後將麵粉倒入去，搞幾搞，加埋水，一路搞勻，變成咁．（記住呀，咪燒熱油就去加水架，因住ｄ油彈死你呀！）

搓好咗既皮，係唔駛等發酵架，將成糰野放返入頭先個麵粉膠袋內保濕．

係檯上撒少少乾粉，點少法？即係你用手掂下Ｄ麵粉，跟住抹拍上檯，抽一舊皮出黎，放上面，跟住又順便將手上粘住既粉拍係粉糰既面就得啦．

用麵杆碾薄粉糰

（就算大家想多做一點，免得過都係唔好隨便加大份量黎搓啦，情願搓完一糰再一糰，因為一磅粉係最易駕馭既．）

想油角更脆秘訣二：風乾兩日先拎去炸

可惜我趕住走麻，咁呢個步驟就唔用啦．咁好啦，我地開始炸啦．

先要測試油溫，見唔見筷子邊既氣泡呢？差唔多架啦．

順勢倒Ｄ角仔入去，用筷子不停搞，令每只角仔都炸得均勻．

順便夾起那些笑口常開的，點解？因為爆開咗既角仔，入面既糖會漏出搶火，有損其他靚靚油角既花容．

想油角更脆秘訣三：炸到微黃就要撈起啦，隔下Ｄ油，竭一陣再翻炸．

炸完第二盤角仔，剛好可以翻炸之前果兜角仔啦．

賀年油角

上次講過年家家戶戶忙著做的，除了蛋散仔外，還有這個脆角仔。角仔用豬油搓皮，才有酥脆的口感。豬油要用板油或肥豬肉，自家炸才有香味。剛炸好的豬油象生油一樣清澈透明的，冷卻後變成白雪雪的膏狀。有人受吾住引誘，即場來一碗豬油撈飯，吃得很陶醉。我要倒掉油渣，有人大叫吾好，要食油渣麵喎。

新鮮的自家炸豬油

冷卻後的豬油

材料

A 低筋粉300克豬油80克幼砂糖40克雞蛋1隻水適量(約30-40克)

B 炒香花生(壓碎) 炒香芝麻椰蓉砂糖各適量

做法