Butter Cream (different flavors)
(奶油忌廉)
材料好簡單~雞蛋,牛油,清水,砂糖!
*記得要磅好哂D材料先開始整..因為一陣停唔到嫁..
*要一氣呵成咁整...如果唔係就好易失敗..
*越簡單的東西就越難做得好~!
首先將清水和砂糖一齊煮,建議中火!
煮到121度就可以熄火!
*請注意!!太大火只會令旁邊濺起佐的糖水更快變燶!
*唔需要用任何工具放入糖水中搞拌!因為我相信妳一定會後悔....
*因為糖難洗過朱古力好多...=____="我覺得....
*原來影呢相係勁難....右手係相機..左手溫度計....121度"影"...
*放低相機再拿走糖水....=____="差少少過龍....驚險..
第2步~~要係煮糖水前已經將雞蛋打入打蛋器~
跟住就好似幅圖咁...係旁邊慢慢倒入!
*請留意~一開始應該少少咁倒入!!千萬不能急!!也不能對住打蛋器中心倒!
*點解??太急~會令糖水直接撞入到底部...結果就痴住哂係底....
如果真係發生咁既情況...就即係失敗佐...請由頭黎過....糖係好難洗=___="煩...
*點解??對住打蛋器中心倒~如果太近個打蛋器...糖水一接觸...又係會痴住....
結果就會整到好似蜘蛛網咁....即係失敗佐...請由頭黎過....=____="
當加入哂糖水之後就會變成咁...係咪好神奇呢??
顏色同質感同之前唔一樣~會變得白同軟身~
*其實剛剛做佐個殺菌既過程~咁大家就可以放心食用~
接著用另一個碗裝起蛋糊~大家可以睇下~
個底部一D糖水都唔會痴!咁就合格~
*不過大家留意下旁邊~都有少少痴!盡哂力!個邊打唔到~
好快就完成佐一半~接著用返頭先個打蛋器
(又可以洗少樣野~ha)
記得要用室溫牛油!!
*唔好係雪櫃囉出黎即刻用!!會大大影響出黎既效果~!!
*亦都唔好座溶牛油=_____="好多朋友問過我...
*點解佢地唔成功....到最後先發現佢地一早溶佐牛油!
第3步~可以開機打啦~~放軟佐既牛油會更快打得滑身~!
*如果唔用室溫牛油...打軟既時間會耐佐....但就算勉強打軟佐...
*但其實個牛油仲係凍的...咁會對之後加入蛋糊都有影響!
第4步~同頭先一樣~係旁邊慢慢倒入蛋糊~
開頭慢慢之後可以快~
見到牛油慢慢咁吸收蛋糊就可以繼續加入~
一路睇住佢吸收~唔好心急!!
*呢個步驟要注意既係旁邊的牛油!!要經常用括刀括下旁邊!
*一開始就要留意住~如果唔係尾段先發現...就可能拌唔均!!
*唔好怕麻煩怕"烏糟"!如果怕就唔應該整蛋糕而係去買蛋糕吧啦!!
當蛋糊加入到一半的時候會出現一個分離的情況!
大家睇下圖片~
*會出現咁既....好多人就會以為失敗佐....結果就倒哂佢...
*其實唔係!!如果一開始都有跟住我講既步驟做~就一定會出現呢個情況!
*係好正常~只要當出現呢個情況~就停止再加入蛋糊~
*打多一陣佢就自自然然會變返忌廉狀態!!請耐心觀察!!
*之後再繼續加入蛋糊!
右方係混合佐無糖榛子醬 - (榛子奶油忌廉)
上方係混合佐特濃咖啡開水 - (咖啡奶油忌廉)
下方係混合佐75%黑朱古力 - (朱古力奶油忌廉)
~~~~~~~~~~~~~~~~~
砂糖 - 180 G
清水 - 60 CC
牛油 - 450 G
蛋黃 - 6 PCS
完成品約 730G
(榛子奶油忌廉)
奶油忌廉 200G
無糖榛子醬 20G
(咖啡奶油忌廉)
奶油忌廉 200G
特濃咖啡粉 10G
暖水 10G
(朱古力奶油忌廉)
奶油忌廉 200G
75%朱古力 10G
淡忌廉 10G
http://hk.myblog.yahoo.com/jw!g_km4kCZGRliHQbzI3b5LfDAwr1v0w--/article?mid=5919