上星期提到我同老公至愛北京樓o既素鵝，佢個樣比一般食店，齋舖的精緻，幼而長，切開細細件，一口size，好得人鐘意。 但係一細碟就要48蚊，加埋一要54蚊架。
個心硬係成日想時o下自己整，o係煤氣公司網站搵到腐皮的做法 (我刪減了小許材料)，就參照做法 ，但外表同餡都堅持要同北京樓睇齊，因為真係靚ｄ同簡單d，得冬菇同甘荀(有d唐芹，不過老公唔鐘意，所以飛埋)。 整出o黎確實好滿意，以且味道都幾似o架。
其實並不難整，要o黎奉客又多一個選擇喇。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
食譜：
1) -冬菇4隻浸軟切絲，搾乾，用糖/生抽各小許撈勻，蒸10分鐘備用
-紅甘荀絲（一小條）及冬菇絲下鑊，加1.5茶匙糖／1.5湯匙生抽炒軟, 試味，（味道要稍稍偏甜），放涼備用。
2) -腐皮一張用杯半水，糖1.5茶匙，鹽 1/4茶匙，老抽1湯匙放焗盤上浸軟，瀝去水份備用
3) 用壽司蓆幫手捲好素驁條，要札實，幼，長 ，因北京樓素鵝外表跟一般的不同。
4) 香片茶３茶匙＋小半片片糖（敲碎），以錫紙墊底置鑊上，慢火加熱至冒煙，
將素鵝條放於架上，蓋鑊蓋，煙醺２－３分鐘
5) 煙醺後變得金黃