BBQ Pork Buns 蠔皇叉燒飽
琴日陪媽媽行街市,行過一間鋪頭,佢話呢間叉燒又靚又好食,我忍唔住買左$10!!番到屋企又唔知拎d叉燒整咩好??老板話整叉燒飽囉!!嘩!!會唔會好難整呢??未整過喎!!死就死啦,反正有白老鼠!!上網睇食譜啦,之後先整好叉燒先雪左一日,今朝就試下整!!我第一次搓皮,有少少雞手鴨腳,因為好痴手,最後都成功包晒,個樣都算似似地!!試食時間~~~唔!!唔錯呀,比想像中好味,個味道都有8成相似,呢間d叉燒又真係幾好味喎,老板一食落去d汁流出黎,熱辣辣咁,佢大叫好味喎!!哈哈!!甜在心即刻!!
叉燒餡料 :
叉燒$10切粒, 洋蔥1/4個切細粒,蒜頭1粒切薄片
酒1湯匙 , 叉燒醬2湯匙 , 蠔油1湯匙 , 水50g
生抽1荼匙 , 糖半茶匙 , 麻油少許 , 胡椒粉少許
包皮材料:
麵粉200g 生粉40g 發粉 6g
乾依士4g 砂糖24g 鹽2g 油二湯匙
清水 100ml 脫脂奶40ml
做法 :
叉燒餡料我預先一晚整 ,先炒香蒜頭同洋蔥,加酒爆香,除叉燒外所以調味料一齊再煮(試試味道睇下岩唔岩自己口味),煮到有少少杰身可熄火,熄火後再加叉燒搞勻,待涼放入雪櫃!!我雪左一晚!!
包皮發酵製法:先將水+鹽+乾依士搞勻等15分鐘後留用
然後將粉團放係碗到等發酵40-50分鐘,用濕布蓋係面
發酵完之後,拎出再搓至唔痴手,之後再分10-12份壓平,將叉燒餡料包入,加一張焗爐紙係底,再放15分鐘可以令飽鬆弛d,最後大火蒸8-10分鐘即成!!
叉燒餡料我就無加生粉水,因為叉燒醬應該會越煮越杰,如果唔杰自行再加生粉水但又唔好太杰少少杰就ok!!
雪一晚係想易d包,如果太濕d皮好難包!!
麵粉, 生粉,發粉篩過後 +鮮奶 +糖+油+ 乾依士水全部用手搓勻,搓5-8分鐘至滑身既粉團