Foro Boario

Encaixada nun dos muros da igrexa de Santa María in Cosmedin atópase a "Boca da verdade", unha máscara de mármore representando a Oceanus ou a Medusa que puido ser a boca dun sumidoiro da Cloaca Maxima, anterior ó s.IV a.C. A tradición medieval di que aquela persoa que introduza a man na Bocca e diga unha mentira será mordido por esta (un truco moi útil para probar ós conxuxes infieis).

Exemplo do típico templo romano, cunha base alta e unha escaleira frontal. Portunus era o protector dos portos e de feito este templo está preto do porto do Tíber. Foi coñecido anteriormente como o templo da Fortuna Virilis. Ó fondo podemos distinguir o campanario da igrexa de Santa María in Cosmedin, onde se atopa a Bocca della Veritá.

O Ponte Rotto (Pons Aemilius), é a ponte de pedra máis antiga de Roma, datada no ano 142 a.C., aínda que se pode considerar aínda máis antiga xa que, antes da súa construcción, no seu lugar había unha ponte de madeira. A Ponte Rotto foi instalada con seis arcos de pedra, aínda que máis tarde, Augusto restaurouna completamente cun núcleo de formigón. Tras varias reparacións, a gran enchente de 1598 levou a metade da ponte, a cal non volveu ser reconstruida. Por esta razón tomou o nome de Ponte Rotto.

Foi un santuario de Esculapio e hoxe é un hospital

Este imponente arco de mármore de catro caras estaba probablemente dedicado ó emperador Constantino, s. III d.C. Situado no cruce de camiños no extremo do transitado Forum Boarium, a súa sombra convertiuno en lugar favorito para as discusións de mercaderes e homes de negocios.

Este monumento, que sobresae da estructura da igrexa de S. Giorgio al Velabro, foi dedicado á familia do emperador Septimio Severo polos argentarii (banqueiros) e polos tratantes de bois que operaban nesa área. Foi construído ó redor do 204 d.C. Máis que un arco era unha porta, unha porta de acceso ó Forum Boarium, o gran mercado de gando cerca do porto do Tíber. Na imaxe obsérvase a Hércules, co mazo e a pel de león.