Desenterran os esqueletes de cinco escravos e gladiadores romanos ainda cas cadeas postas

 Ainda que foron achadas centos de tumbas, os expertos únicamente puideron atopar cinco esqueletos. Deles, catro eran adultos e o outro pertencia  ao dun neno. Segundo consideran os arqueólogos, os enterramentos datarían dos séculos I e II D.C. e poderían formar parte dunha importante necrópole utilizada para dar sepultura a aqueles que eran masacrados preto do anfiteatro. Por iso, determinaron que poderían ser gladiadores. Tres dos  esqueletes foron atopados con cadeas nos seus pescozos e as súas pernas. Outro foi sepultado cunha  cadea na gorxa e, finalmente, o neno foi enterrado únicamente cunha argola nunha das súas bonecas. Con todo, os expertos seguen investigando a posible causa da morte a través dos restos achados na necrópole, a cal foi descuberta fai apenas un ano.

As tumbas non contiñan ningún artefacto que poida axudar nesta investigación histórica, salvo algúns xarróns. Mentres que o neno tiña na cabeza dúas moedas á altura dos ollos, unha práctica habitual entre os romanos, os cales consideraban que, desta forma, o seu espírito podía pagar ao barqueiro que separaba o mundo dos vivos  dos mortos.                                                                                                                                                                                                                                                                      

O período no que se utilizaron estas tumbas correspóndese co momento en que a Galia xa fora invadida polas lexións romanas e era un asentamiento próspero. De feito, Saintes estableceuse como unha capital rexional durante este período debido á súa privilexiada ubicación na calzada que había entre Lyon e Aquitania. A día de hoxe, a cidade é famosa polo seu coliseo, o cal podía albergar 18.000 persoas.

*Imaxe e indormación da Túnica de Neso