UNESCO evalua danos en Palmira

Trala liberación da cidade de Palmira de mans do Estado Islámico por parte das tropas sirias e rusas a comezos deste mes, especialistas da UNESCO puideron acceder ao xacemento arqueolóxico para evaluar os danos sufridos nos monumentos durante os meses de ocupación. A visita, que durou dous días, serviu para confirmar que, aínda que os danos non son tan terribles como se previu nun primeiro momento, é urxente un plan internacional para protexer e restaurar o xacemento no momento no que o conflito en Siria remate.

A zona máis danada, segundo os expertos, foi o museo arqueolóxico, vítima dun saqueo por parte dos terroristas antes da súa retirada. No exterior, monumentos como o Arco do Triunfo, o Templo de Baal ou o ágora da cidade quedaron moi danados polas explosións controladas polos terroristas. 

Os especialistas das Nacións Unidas, que en todo momento foron asistidos e guiados polas autoridades sirias, gardaron un minuto de silencio en homenaxe a todos os que morreron protexendo o patrimonio de Palmira.

Fonte: Yahoo Noticias