Embedded Files
Post date: Apr 15, 2018 3:15:23 PM
A asociación salmantina “Ciudadanos por la Defensa del Patrimonio” solicitou, de novo, que os restos arqueolóxicos descubertos no lugar no que se atopaba o popular bar “Sebas” sexan catalogados con protección integral e que se habilite a visita do público aos mesmos.
Estes achados continúan a traza estudada e documentada da parcela segregada á "Casa de los Niños de Coro", na que apareceron restos de época romana, medieval e moderna de varias vivendas, e outros que permitían coñecer o desenvolvemento urbanístico dese ámbito da cidade.
Segundo o Plan Xeral de Ordenación Urbana, reciben protección integral os restos arqueolóxicos de relevancia xa constatada, cun grao de conservación e entidade histórica tales que requiren a súa proteción integral, libres de edificación ou incluídos en sótanos visitables. Estes restos arqueolóxicos quedarán integramente protexidos e estará prohíbido calquera tipo de obra que os altere, agás se teñen fins científicos ou ben de restauración ou conservación.
A asociación recorda as malas experiencias con outras edificacións e considera que non se pode repetir. Considera que Salamanca debe desenvolver ferramentas de xestión, visita e promoción tamén para o patrimonio que se asenta ou ten acceso dende propiedades privadas.
Fonte e imaxe | La Crónica de Salamanca
Report abuse