Achan unha cabeza de escultura romana en Caldes de Montbui (Barcelona)

Unha cabeza de escultura romana foi achada en Caldes de Montbui durante as escavacións arqueolóxicas dos antigos baños termais do municipio. O equipo de arqueólogos dirixido por Pere Artigas descubriu a cabeza de mármore branco, que pertencera a unha escultura completa a tamaño real, nas novas escavacións que se realizan para a reurbanización da praza da Font del Lleó.A catedrática do departamento de Ciències de l’Antiguitat i de l’Edat Mitjana da Facultad de Filosofía i Lletres de la Universitat Autònoma de Barcelona (UAB), Isabel Rodà de Llanza, será a encargada de estudiar a cabeza achada e determinará a súa procedencia e data para poder identificala, xa que de momento só hai unha hipótese sobre se se podería tratar da imaxe dunha divindade vinculada coas augas termais.Fonte e imaxe | El Mundo