“Reudar” a primeira revista europea dedicada á arquitectura romana

A edición do "European Journal of Roman Architectur (Reudar)" foi impulsada pola Universidade de Córdoba e o investigador e profesor Antonio Monterroso. O proxecto conta xa coa primeira publicación, dedicada exclusivamente á arquitectura romana. Os máis reputados expertos nesta arquitectura de Francia, Alemaña, Italia, Portugal e España participan no proxecto.

Segundo a institución universitaria, o obxectivo de "Reudar" é enriquecer a cultura da cidadanía europea. Tratará cuestións relacionadas coa arquitectura romana, que inflúe no clasicismo europeo e aparece con frecuencia nas paisaxes urbanas do continente.

A revista conta con contribucións en todos os idiomas europeos e pretende ser un referente sobre a arquitectura romana, un tema a miúdo disperso por moitas revistas de arquitectura clásica.

Fonte e imaxe (primeiro nº da revista) | Uco.es