A calefacción nas termas de Torreparedones

Na cidade ibero-romana de Torreparedones acháronse as segundas termas da colonia, construídas a finais do século I d.C. Nestas atopouse unha particularidade, na sala quente ou caldarium localizábanse as taquillas de vestuario, cando o normal e que estas estiveran nunha habitación xunto a entrada.

O frío inverno en Ituci Virtus Iulia fixo que os romanos optaran por un sistema de calefacción chamado hypocaustum, o que para nos sería chan radiante. Este sistema inventouno Caio Serxio Orata e expandiuse por todo o imperio. O sistema está totalmente escavado na parte oriental das termas.  José Antonio Morena, o arqueólogo municipal, explicaba que o hypocaustum valía para quentar unha estancia mediante uns fornos que estaban noutra habitación, ao exterior, pero conectada polo caldarium por uns condutos por onde circulaba o aire quente.

A instalación deste sistema consistía en que o pavimento da estancia era de opus sectile, formando pezas romboidales de caliza e triangulares de mármore, que se sustentaba sobre ladrillos e estes sobre pilae, pequenas columnas de ladrillo. Co fin de acadar mais temperatura, entre os ladrillos e o pavimento, situóuse unha placa de chumbo por toda a superficie.

Para Ángel Ventura, profesor da Universidade de Córdoba, as termas de Torreparedones son as mellor conservadas de Andalucía e quizais de España. Califícaas como unha xoia do parque arqueolóxico dado ó seu extraordinario estado de conservación.

Fonte e Imaxe| ABC Andalucía