Zirlimm dua qrii anr
(id)
Beh venx jaxjingg jit qowsu
juann si urngiaw m si hix
Vivag(?) camxanr ee dairjir
Loo Jiongx pah siw a’Vangg ix
Jex si Zidjingr ee sidai
u cud sinbunn tong’ juann Daii
m sin diongvo kir mng mai
qaur inx derhngx dyrr e jaix
Jitt vunw kixcox vadd langg jyr
ixau Angg Guec kiyh laii hryy
quwdau vaii qaxx huisiongg cyw
hro langg hiamm qongxx quax lysyx
Piachy(vewhy?) qaqi qycjaiww qaiw
qaixngua zirqur sinx quacaii
m sinr cniaw linw qycc knuar mai
tingwhyw siarhue kir qongkaix
Jit xee Loo Jiongx druar erqangw
a’vangx ix si Diongliglangg
langg narr qoxir m jaix pang
pnaiw langg qnir jnii naxx tiauwdangg
Zidjingr qra diaur haixguarde
siyxdui vunxsingw inx nng xee
mizit longxx u decc jywhuew
haixgua qetvair siy’ cuarhuee
Nng langg nguartiab jyr hingde
inx si haixgua jiacc qauvuee
qetvair a’Jiongx si kacc ser
uirr jnii amwdiongx sniu bunrdee
Knuar inx a’Vangxx jnii u tanr
Loo Jiongx dngw kir sniu kangpang
byy sniu kir hro kaix jnihang
bongrunx vuergi dua caur langg
Zidguat cuivig langg kuair lau
cingcunx liammix dyrr quewtauu
huatsingx byy langg sniu e qaur
hniadi nacc u aurdauxcaux
Tauu venx qaur buew Loo Jiongx siw
a’Vangxx henxsingr qra siudii
haixgua qetvair uirr hniadi
pywanr qaur dnaxx zi-jap nii
Nng langg qetvair qapp jiuwjua
siw beh drangg siw uac drangg uac
birlaii nacc jaix qex e puar
in’ui Loo Jiongx qauxsimqnuax
Vakvo e laii siw erqangw
qauvuee ving’iuw diyhh knuar langg
byy vunw singliw jyr be drang
bongxx kir qra langg jyr siyw qangx
M tangx kuisimx qapp amwhing
narr beh qauvuee diyhh sidjingg
lanw diyhh e jaix ving’iuxsingr
simx narr byy penx banrsu sxingg
Zinsingx byy der tangx qongw kiw
qauvuee ving’iuw rair dniudii
qongqex singliw dua juwir
banrhang rair diyhh jiauww qongvnii
Ing’ue dnaxx benw qongw sniu’ je
laii qongw qianr ee bunrdee
sursit m si qongw ing’ue
nng langg duiwdo jiacc qauvuee
Loo Jiongx simqnuax jiokk jnia’ pnaiw
jurqiw iong qrer byy langg jaix
haixgua nng langg qang qetvair
juanx decc iongrsimx air jnijaii
Daiuann sidjai ee qowdai
luerdiongx cniaw knuar dyrr e jaix
quasix decc venx kacc dairkair
sinqiok iarr u jyr cud laii
M si venx quax gauu vingxvnir
jitt anr qingquer zi-jap nii
haixgua qetvair juer hniadi
tamjaii hairmia qycc buadsix
Jitt anr huatsingx Vivakliw
guaw qongw liw dyrr e jaiqix
gihiongx Loo Jiongx cinmiazi
hai siw a’Vnagg suacc duat jnii
Guaw qongw sensnix liw dyrr jaix
guaninx si dui’ haixgua laii
Zidvunw qiongvig inx quer haiw
hibang hniadi jauw huee Daii
a’Vangg knuar diyc Loo Jiongx bin
viw cinhniadi iauxx kacc cinx
kuw gyaw erdid laii juewdin
qowhiongx diyh’air vyr sidjinx
Mng guaw sidde ee jursow
Loo Jiongx cinmiaa byy luanrii
nii-jingg buxcinx jiacc quewsir
jixu gunw vaa qiyr Loo Qix
Loo Jiongx knuar ix jin’ sidjai
hniadi liw si dyc’ui laii
liw guaw nng langg laii qetvair
jinx miaa jniar sner vyr guaw jaix
Beh mng guaw dyrr qinw vyr linw
Zidjingr sidjai Sindikzinn
liw guaw erdid laii juewdin
hurcinx sner Jiyc miaa Maxsinn
Henrsii guaw druar Diongligqangw
kacc jaw guaw si Sindiklangg
lanw laii haixgua jin’ koxtangr
siyw miaa qiyr jyr Jiyc a’Vangg
Derdiamw guaw u qra linw vyr
narr beh sionghue benw qniax byy
henrqix Dionglik ee derhy
huehiongx liw jiacc laii cittyy
Tniax ix decc qongw jiacc sunrsi
Loo Jiogx duiwcuir dyrr mng ix
Daiuann liw jyr sniaw singliw
huehiongx qongqex laii tanwjnii
Aurzit narr si u tangx dngw
dauwdin laii gunw candiong’ngx
laii kir gunw daux jiacc pacsngr
siangx langg diyhh laii qniaa quxdngg
Zidvunw viwbit m huatviauw
m jaix dirsii e vywsiaux
tauu mii Jiyc Vangg ngqimtiaux
Loo Jiongx druar dirr Danghorliauu
Zidvunw vig lanw jyr qunhux
qra lanw dongwjyr cincniu guu
jit kir m jaix zuarr nirr quw
bagsaiw lrauu lyc naxx horjux
Lanw laii dac diyc guarqokling
simqnuax naxx sniu uadd naxx gingg
si lanw cutsir pnaiw kuanqingw
hro ix Zidvunw jin’ kokhingg
Muixx zit oimx qapp lyhho
hingqunx diyh’air qniaa qui’ vox
srinx cing damm snxax qapp damm kor
jitt kuanw qankow beh zuhyy
Juanx jiac byy iuu ee caiwtngx
kunr dirr byy kax ee bincngg
cuxkir zidjiw iauxx jin’ hng
vangr liauw verbuw dirr qadngg
Zidvunw vig lanw guarqokqair
uergiw iuqycc tniax be laii
Zidvunxvingx-aw qycc jin’ pnaiw
vutsii beh pah qapp beh sraix
Bingrling qongw beh hro lanw dngw
byy kunr qui’ mii danw qaur qngx
dngw laii Daiuann jiacc pacsngr
sniu diyc boxqniaw simx jiokk sngx
Tnix qngx veh diamw beh lyc junn
sraiw duiww lamvo taur Hingcunx
diamxmiaa didsngr byy hiyckunr
zit daur venrdongx tec laii hxun
Dag’ee hnuahiw dirr junn-lai
sraiw duiww Daiuann itdit laii
haixgua byy siw jiokk qajair
lanw dnaxx u miaa tangx huee Daii
Knuar diyc Qyhiongg ee qangxkauw
huanhur a’Vangg laii gunw daux
gunw cur e kacc dairsingx qaur
nng langg qongw qaxx siy’ kap tauu
Huexjunn bingrling beh qaixsanr
kir jre huexciax qnuaw siqanx
qokk langg boxqniaw laii decc danw
diyhh dngw qaur cur simx jiacc anx
Huexciax kuiqniaa itdit jauw
laii qaur Dendiongx Jam ciatauu
Loo Jiongx lyc ciax decc tingwhau
jiyx ix a’Vangxx kir inx daux
a’Vangg qoxir sniu kacc qaur
Dendiongx sngr si siyw ciatauu
gunw cur boxqniaw decc tingwhau
siqanx jin’ vig m tangx lauu
Tingciax nng xee qongw jit kunr
Loo Jiongx beh kir jre gorhunx
a’Vangg beh dngw Diongligqunr(?)
huelew qokk dngw inx vunxcunx
Gorhunciax jauw jin’ kuair qaur
sui’ qaur Zirlimm siyw ciatauu
cinjniaa ving’iuw laii tingwhau
lyc ciax Loo Jiongx Qniaa juewtauu
Loo Jiongx iarr dngw qaur cuwlai
cinjniaa ving’iuw longxx u laii
jiacc qongw haixgua ee qowdai
qongw hro ving’iuw dag’ee jaix
Loo Jiongx jre lyc decc kaiqangw
guaw qaur jit xee Diongliglangg
inx ee qadingg jin’ petsangr
ix miaa qiyr juer Jiyc a’Vangg
Qetqaux ving’iuw jin’ u gi
qongxue qapp guaw e dauqix
air beh qongqax juer singliw
beh tec jin’ dua ee vunxjnii
Siqanx qingquer naxx juiw lrauu
langkeh zidzit laii inx daux
ticbew dinr qaxx qui’ mngkauw
langg laii kxeh kir jin’ cnicaux
Ving’iuw jiokhy dagg zit limx
Loo Jiongx muixx zit laii Zirlimm
qelai venr jyr byy jikzim
kaix liauw byy jnii jiacc venwsimx
Loo Jiongx jitt vingg cniaw anwha
beh qongw a’Vnagg ix hueqax
dngw laii qaur cur iauxx jin’ jaw
inx bow pangg juiw hro sew kax
a’Vangg dngw laiiq aur cur-lai
hnuahiw qongw hro cinjok jaix
Loo Jiongx qapp guaw qangg qetvair
liongrvid aurzit ix e laii
Jiacc qongw jurr dngw qruar simdiongx
decc qra inx bow decc camsiongg
jit xee ving’iuw jin’ u liong
inx druar diongvo mia Loo Jiongx
Qex druar Zirlimm ee hongbin
jitt langg juewsu jin’ zinrjinx
habjog singliw byy iauwqinw
qongqex brew iuu qapp tozinn
Qongw beh qapp guaw juer singliw
Zirlimm tong’ langg iarr bad ix
duiww guaw u jxingg qapp u gi
nng langg qongqex beh tanwjnii
Inx bow decc kngr Jiyc a’Vangg
qingjer uihuan(?) lanw m tangx
oci liac diyc jue jin’ dang
haixgua u dngw jiacc si langg
Lanw ee qadingg be sniu’ sanr
langg sueh cutgua jin’ uilann
air jyer lanw diyhh danw kacc ban
m tangx jiacc qinw jit siqanx
Tniax diyc Aiwjux jitt qxur ue
a’Vangg singx siaw jit dniux puex
singliw narr si air beh juer
lanw si haixgua co’ dngxhuee
Juquax sngr si jairr langg venx
m air venx qaxx sniu’ henrzenn
quwdau narr si u lauxlen
dit kir jiacc e jriab siy’ lenn
a’Vnagg jitt vingg cniaw tingjiw
laii qongw Loo Jiongx beh cue ix
inx si qetvair hyw hniadi
jiyx ix erqangw laii tanwjnii
E kir Dionglik Hinglamliw
hro ix dyw decc sniu qui’ mii
tnix qngx sniu beh dingxqangw kir
iarkuair huexciax kax benw dnii
Loo Jiongx jnriu ciax suisii kaix
huexciax jnriu vag itdit laii
qauwui lyc ciax mng knuar mai
u langg decc vyr jiacc e jaix
Vaiwtog ving’iuw guaw jiycmng
a’Vangg inx cur dirr hyhngx
haixgua qapp guaw jingg guec dngw
co’ laii vaiwhongw inx qedngg
Beh mng a’Vangg kacc dairkair
guaw dy’ sidjingg vyr linw jaix
a’Vangg cud laii knuar jit mai
qeah diyhh qinw liac laii taii
a’Vangg duiww ix jin’ hyxlew
qinw qiyr Aiwjun inx hencex
jitt xee si guaw hyw hende
qetvair jixu gunw nng xee
Id jip liam qaur jiax uijiw
zi jip hai siw suacc bedsix
jitt anr camxsiw dua dairjir
cniaw knuar qaur buew venrr jaiqix
(zi)
Aiwjux tniax diyc jin’ hnuahiw
qinw kir brew cair laii cniaw ix
brew qaxx sandinx qapp haixbi
lenhii laii juer gnoxliuxqix
Juw qaxx jit nguaw siangsikngr(?)
jit xee huexqux dirr diong’ngx
qinw cuann qycc jenx vau’axnng
vec pnir qebah qra juw tngx
Aiwjux jiuxcair cuann hyw hyw
a’jig co’ laii huah qapp lyc(?)
Loo Jiongx knuar diyc jin’ ylyw
jitt kuanw henhu sewqanx byy
Liw guaw qetvair si byy lun
jiuw diyhh qinw limx kacc lyhsunn
nng langg jiac jiuw qongw jit kunr
liw lanww hniadi benw sniu’ hunx
Loo Jiongx jiuw jiac sniu’ quer je
limx qaxx qiongrbecc kiw gnoxhuex
naxx jiac nng langg naxx qongxue
hnuahiw jit vxuex quer jit vxuex
Loo Jiongx amr sniu beh qra hai
jiacc u cinsinx vakvo laii
a’Vangg jywlangg dy’ haixhaiw
nacc u sniu ix ing vaklai
Guaw laii linw daux jin’ je qangx
knuar liw a’qyx sidjairlangg
diaux(?byy zri) laii jiyx liw laii erqangw
beh jyr singliw tanr jitt vrangx
A’Vangg tniax qongw jyr singliw
muaxvag hnuahiw ciyr bibix
qnuaxqinw qiyr inx kanciuw kir
diyhh kuanw hingliw qra tec jnii
Aiwjunx sunrjingg qapp hyxlew
kir kuanw vauhok jnii tec qex
henrqimx qra liw cuann hyxser
a’Vangg jrieh zip puesniux he
A’Vangg qra siux kiw laii kngr
nng-cingx gua ginn beh cutmngg
sngr kiw lortauu si jin’ hng
cur-lai ter guaw qor jabjngg
Qxunx liw cutmngg guaw byy air
sniu liw haixgua jiacc dngw laii
narr beh lirkuix gunw qaudair
singliw beh jyr singx sniu mai
Nng langg siy’ srii beh cutmngg
Aiwjux sniu diyc simtauu sngx
hux(byy zri?angx) liw hysii jiacc beh dngw
qauwui puesinr huee qadngg
Qywvet hencex benw qaudair
kiw ciax dit sraiw diongvo laii
tingg ciax Dendiongx ee derqair
lyc ciax vyr hro a’Vangg jaix
Laii qaur jitt der Zirlimm Dinr
singx cue luxsia tangx ansinx
qniaa zip Qimtoo inx lairbin
harluw hyxlew dee laii tinn
Jitt qingx dyrr si Zirlimm Quanw
dxiamr-lai setvi jin’ anjuann
jiuxcair-vngrtngx longxx u kuanw
vangqingx nng langg vyr qangg huanx
A’Vangg langg dit longxx m jaix
Loo Jiongx sniu beh laii qra hai
jitt huu qaur jiax qamxqag baiw
sniu duat a’Vangg ee jnijaii
Jre dirr luxsia sniu jit kunr
hitt quw jiacc duiw a’Vangg junx(cunn?)
dngw laii gunw cur u kacc unw
qniax liw sinkux duar jnigunn
Luxsia quixkew(?) sngr vangjox
tauwmee beh dngw iong qnialo
amwsii qnialo jin’ qankow
niurkyw(liongrkyw/lingkyw?) jnii qiar Angg Qimtoo
Loo Jiongx sniu dirr simqnuax lai
qra ix penr dangx qapp penr saix
beh jyr dnaxx diyhh jin jitt vaiw
hai siw marr beh hro langg jaix
Qimjnii qiar langg byy loring
laii qniaa mrbenw quiw hunjingx
laii kir gunw cur kacc anjing
beh qycc Zirlimm danw tnix bingg
Jiyx ix beh kir kunr qadiongx
jaw jaw sniursimx byy tenliongg
qew qongw venrbuw jin’ hyw liong
m kir qiongqiongg qra camsiongg
A’Vangg sniu beh kir inx daux
harluw uaw laii itdit lauu
nng langg qniaa cud luxquanw-kauw
Loo Jiongx cuarlo qniaa juewtauu
Qetvair uirr jnii laii kixdir
Loo Jiongx juwsniu(juu sniu) ix ee jnii
quatsimx a’Vangg beh hai siw
jnii duat liauxau suacc bedsix
Dionglik sxor zit hro linw lauu
qimmii ingdongx duar gunw daux
qycc qniaa quiw vo liammix qaur
naxx qniaa dirdecc sniu kangtauu
Nng langg qaur jiax cniaw(?) laii hiyh
jiuw limx hiacc je jiokk m driyc
Loo Jiongx qexir decc vangwziy
hitt quw dirdecc iong qewbiyy
A’Vangg qimzit juwqaix siw
Loo Jiongx duarcaa giaa jit qix
aurdauw hro qongw lic li li
pah siw qra tuax danr lorvnix
Pah siw beh qra vrag ciuxviyw
bongx diyc simqnuax iauxx siyx siyx
nng~snax-cingx kox qycc be jiyw
bedsix hro langg cue be diyc
Pah siw jiacc dngw qaur inx daux
Loo Jiongx jauw qaxx byy uat tauu
dairjir qnaxx diyhh sniu qaxx qaur
sixtew m angx qycc qra lauu
Ditauu vunwqix tec qauwui
qrut hyw too cimx go ciyh uii
knuar diyc a’Vangg iarr u kuix
tuax lyc kud-drew(?) qycjaiww duii
Qra ix bajjongr Jiyc a’Vangg
sinkux snakor suacc vrag kangx
qui’ srinx tec qaxx byy vnuar hxang
lauu jit dexkor dy’ byy tangx
Byy siw marr si uac uac draii
jairr guaw decc sniu byy langg jaix
dnaxtauu byy langg guaw jiacc jai
cadqer gunw u jiongrguanjaii
Draii hyw qra knuar too sinx inx
uirr jnii hro siw byy kyxlinn
cauw-aw tec laii kamr dingxbin
m guan laii qapp guaw kingjinx
Dairjir uanbuanw diyhh qinw dngw
knuar diyc cnix huew jiokk jnia’ qngx
snax vo vniar jyr nng vo jngr
kunr qaxx zit cud bue kixcngg
Tnix qngx kiw laii langg gong gong
dairkair jamii sniu’ jauxjongg
bedsix anwha benw qycc qongw
tobin laii srunn kacc u tongx
A’Vangg pah siw quer liauxau
hunpig sniu beh dngw inx daux
laii qaur Loo Jiongx inx mngkauw
beh zip mngsinn dongr ix tauu
Duiww ix mngsinn qongw dairkair
linghunn jiacc junw inx zip laii
Loo Jiongx kunr kir longxx m jaix
cuthen hro knuar cuir-bak kaix
Duiww inx hurcinx singx diamw cniw(cnew)
linw qniax duat guaw ee qimjnii
haixgua qetvair ruii hniadi
qra guaw pah siw qycc bedsix
Jit qingx nau liauw quer jit qingx
juann qex knuar qaxx bingg ~ ~
muaw srinx dair huih jin’ hiauhing
sniax sniax Loo Jiongx jin’ byy jxingg
Qui’ mii imquiw luan luan laii
guaw qinw junxvi tangx lirkaix
qui’ amr joknau gunw cur-lai
jriw qniax verbuw ix e jaix
Jre ciax Zirlimm suisii qaur
jitt de guanjaw Vivaktauu
kir qiyr Gioghunn kixkax jauw
laii qaur Qimtooo lautuitauu
Gioghunn qinw mng Loo .Sensnix
liw qongw qiyr guaw beh duawmii
tniax diyc Gioghunn jin’ sing’ir
lanw gunw srinx duar jin’ je jnii
Zihjiyc(?) ciuxviyw beh sangr liw
knuar liw beh ing u kiamr jnii
narr diyhh kiamwing benw sewzi
crua liw dngw laii juer cezii
Loo Jiongx u juer pnaiw dairjir
imhunn m guan beh liac ix
byy-uanx-byy-siuu hai guaw siw
liac ix cuiwqud qapp hunsix
Langg qongw inx cur dniarr cud qxuiw
kir cniaw huatsux laii qaixuii
huatsux kir cniaw sui’ qauwui
huatjinn tee kiw diddit cuix
Guaw si m guan uansixquiw
siyxkuaw huatjinn mrbenw cuix
sixquiw m guan benw quewui
liw benw ter ix beh qaixuii
Cuthen hro knuar kia jai jai
m guan linghunn jiacc u laii
huatsux decc qongw hiacc lirhai
qnuaxqinw huedab hro ix jaix
Imhunn huedab ix hiauxliw
qnuaxqinw siyx hro qimjuaxjnii
cniaw linw diyh’air qra sing’ir
guaw uirr tanwjnii ter qaixdii
Qongw hro a’Vangg ix m guan
huatsux juaxjnii dua qra cuann
jiamrsii cniaw jauw dongjingg guanw
m guan lingrzit jaiww vywuanx
Huatsux hyw cuir aiqiuu ix
uanquiw dongjingg trer jiamrsii
qycc drang huatjinn pah hongjiw
dongjingg jiacc u angvaujnii
Derr id u sniar Jiyc a’Vangg
dua nau Loo Jiongx jap gua qangx
linghunn sniu beh huee dingw qangw
jixdiamw inx bow jiacc jaix langg
Jit dy linghunn huedngw laii
vyr quer hencex liw did jaix
erqangw kir hro Loo Jiongx hai
ter hux(?) vywuan jiacc ingwqaix
Siangkax kia dirr bincngg jingg
Aiwjux nng ganw knuar jing jing
Loo Jiongx pah siw guaw singwbing
liw diyhh ter guaw vyr hunbingg
Jixdiamw hencex dnaxx uanvi
tniax diyc guarbin qxex decc tii
liw narr cnew laii diyhh e qir
ter guaw kansingg lanw qniaxzii
Aiwjux snax qnxex did jit bang
bang qnir guaw hux(?) juann srinx angg
Loo Jiongx jiyx ix lyc erqangw
duadjaii jiong’ ix suacc bedbangg
Guaw qxunx tokbang qamxx urngiaw
Loo Jiongx diaulaii jiyx ix qniaa
a’Vnagg jitt huee narr byy mia
liongrkow guaw siw iarr kacc ngiaa
Aiwjux binbang cniaw tingjiw
laii qongw Loo Jiongx beh cue ix
ix sniu jitt kuanw hyw qewdir
qew cue a’Vnagg byy langg gii
Loo Jiongx qauwui decc qiyr syw
gunw hniax u dngw iacc si byy
erqangw qapp guaw iog hyw hyw
byy-puex-byy-sinr suacc cue byy
Dingw zit qapp liw lyc erqangw
jurr kir qaur dnaxx byy knuar langg
byy-puex-byy-sinr byy vnuar hxang
qaur dnaxx qingquer zxic gua qangx
Jingg zit lirvet guaw liauxau
jurqiw qongw beh dngw linw daux
erqangw dy’ byy brew todau
qewqeh be hxyy jiacc huntauu
Dongsii qangrr liw siy’ cua kir
simxmih liw qycc laii cue ix
a’Vangg nacc byy dngw hniuliw
jitt kuanw guaw nsiu’ jin’ hiamgii
Aiwjux jabow jin’ henhue
duiww ix hyxlew cuiwdunpuee
qapp liw erqangw kir brew hxuer
bxow zit ix qongw beh dngxhuee
Ix kir gunw cur quer jit amr
tnix qngx qongw beh lyc Dailamm
jabow a’Vnagg zuu cangxcangw
simxmih duiww guaw beh tyw langg
Guaw beh mng liw kacc siongser
dirsii lirvet linw nng der(?)
beh kir qaudair simxmih ue
nacc e byy langg qapp byy puex
Loo Jiongx byy ue tangx qongw kiw
jairr guaw decc sniu jin’ quaiwqii
dongsii liw laii jiyx ix kir
liw qongw m jaix m vuthabgii
Guaw beh qapp liw lyc erqangw
cue byy dongzenn beh tyw langg
qenng bat bat marr u pang
qniaw liw simqnuax e cocann
(snax)
Laii kir erqangw cue dyrr jaix
a’Vangg byy dngw su dyww laii(?)
liongrvid u langg qra qahai
diyhh cniaw cindongg draur juxcaii
Cindongg jiksunx laii huergi
qnaxx diyhh erqangw kir cue ix
m jaix a’Vangg duiww dyhh kir
cue byy diyhh kir vyr qnuasix
Ox lor ;omw cir driar quiw qangx
uirhyy vutbingg ix jit langg
hyzit qongw beh dngw dingxqangw
jiwqimx bue huee sniaw langg anx
Guaw tniax liw qongw jit qxur ue
sniu beh drangg kir jin’ huelee
u byy dyc’ui knuar siongser
ciax jre drangg qaur Zirlimm qrex
Zirlimm luxsia mng knuar qnir(?)
sner jiyc a’Vangg ix u laii
laii linw luxsia hiyh quiw vaiw
vaiwtog harluw qongw guaw jaix
A’Vangg kecpo vyr liauxau
Loo Jiongx tauwmii jiyx inx daux
jurr kir m bad qniakaaur
co’ qaur laii jiax jit amwtauu
Lanw diyhh lingrr cue kacc urngiaw
Loo Jiongx qra penr siwqer qniaa
a’jig liw sueh juann byngiaw
qiyr guaw anxjnauw qangrr linw tniax
Loo Jiongx iong ue decc an’uir
Aiwjux sen’ rue(ue?) simx beh kuix
gunw angx haiw siw dirr dyc’ui
m qongw hro liw dua kikkuix
Aiwjux qnuatniax kir vywqyr
qiyr ix hingqingr draur huadlyc
qongw beh singliw qongqex jyr
gunw angx qiamx jnii(?) langg suacc byy
Vaiwtog hingsu draur vangbangg
guaw laii cue hux(?) jin’ je qangx
Loo Jiongx jiyx ix laii erqangw
jurr laii byy puex cue byy langg
Hingqingw tniax diyc jitt jann dai
suisii kir driaur Loo Jiongx Laii
a’Vangg qongw hro liw qra hai
kauxqingx qinw zin qongw guaw jaix
Hunsig juxzim si Kenxtiongw
qiyr inx hingsu laii camsiongg
jitt qnia liw diyhh rair jinrliong
m zin hingg siw byy kyxsiongx
Zirlimm hingsu Angg Iuxlaii
qanxdanx dairjir itding jaix
diyhh ing nngw vo singx mng bai
m si berhiauw tangx quatcaii
Si liw jiyx ix laii erqangw
anxjuaw liw qongw m jaix langg
inx bow gorlo cue tangr tangr
jiacc qiyr qingxqnuax draur vangbangg
Dairzinn guaw qongw hro linw tniax
qiyr guaw hai langg sen’ m jniaa
guaw si Vivag huwhorqniaw
nacc qnaw cosimx hai ix mia
Loo Jiongx m zin banrcniaw hringg
pair langg inx cur craa dairsingx
jaw byy girqingw jongwdingx ing
craa inx cuwvnix dyrr hunbingg
Hingsu craa byy sniu berhiauw
dairjir singx craa be bingliauu
bingbingg Loo Jiongx vutdikliauw
diyhh qycc inx cur laii qra criaux
Criaux byy jingwqur suacc liac langg
cur-lai longxjongw liac kangx kangx
qywqyr kunxvak m qra vangr
Zidvunw hinghuad siongrqaiww dang
Dairzinn benw hringg sniu knuar mai
qniaw beh jyr pnaiw guaw nacc jaix
ciuxtauu sui’ ix decc pacpair
cutzip qimjnii iurr ix kaix
Ix kir linw cur jiacc sitjongx
qnuatniax hringg langg byy uan’ongw
qaur jiax narr m sidjai qongw
dang hringg m qniaw liw sixbongg
Hingqingw vanranr byy hiyckunr
qui’ mii vran qaur tnix duxx qngx
siongser beh craa su hro junw
derhngx sniaw langg siongdauwqunn(?)
Kir hro craa diyc u kangpang
huexqir Gioghunn qongxx sner Janx
henrsii jabow dngw dingxqangw
byy druar Zirlimm jin’ je qangx
Kecdiamr hiycpo craa knuar mai
jitt xee jabow dyc’ui laii
tniax qongx nng langg qycc kongxkair
dngw kir dairiog inx cur-lai
Hingsu tetdew suisii jaix
ix decc caanr u lirhai
anrjingg jin’ cimax naxx taur haiw
craa cud siongwpnir tangx quatcaii
jurjiw snemiaa longxx jai’ngiaw
Gioghunn druar dirr Duardiurdniaa
ter binn(? byy zri) sin’uanx qnaw pacvniar
snaqnix-vnuawmii iarr diyhh qniaa
Sner angg Iuxlaii beh puawanr
quatsimx qaur vag jit siqanx
hongrling puawanr jikzim dang
vniar qaxx lrauu qnua qui’ srinx damm
Laii qaur Daivag lyc ciatauu
singx hiongr hunqiok cingxsi qaur
Daivag hingsu qra draur caux
singx craa Gioghunn ee horkauw
Bersux imhunn duer(?) hiacc junw
diongdoo duxhyw drng Gioghunn
siongwpnir duiwjiaur kacc unxsun
nng langg qniaa uaw qinw qra mng
Hingsu qra ix mng jit sniax
luxsu liw qiyr sniaw duarmiaa
linw si Gioghunn Janx Zirjniar(?)
Gioghunn jabow diyc dua qniax
Loo Jiongx qapp liw u ongxlaii
qapp guaw diongvo camkyw bai
druar jiax qongxue be dairkair
Zirlimm hunqiok liw dyrr jaix
Gunw si cud laii beh brew cair
simxmih dairjir guaw m jaix
beh kir singx dngw gunw cur-lai
hro guaw ngua snxax huansinx(?) laii
Hongrling berdid dongjingg liw
liw u jin’ dua ee guaninx
jiongven(?) laii kir byy iauwqinw
beh liw Loo Jiongx hue jit bin
Quixtauu-quixnauw Angg Iuxlaii
qangrr ix mng dangx qapp mng saix
byy sniaw iauwqinw qongw sidjai
liw qruar ciuxviyw dui’ dyhh laii
Ciuxviyw Loo Hniax brew siy’ sangr
guaw marr dngw laii byy quiw qangx
gunw si m jaix qapp vnuar hxang
ciuxviyw sangr guaw u sniaw kangx
Ciuxviyw bundee(bunrdee?) beh juewjingr
Gioghunn liw benw mng hiacc bingg
dairjir huatqag rair siglingw
anwqnia quanhe liw kauxqingx
Gioghunn hro duar laii erqangw
hingsu mngranr uihingg dang
jiauwsit qinw qongw tangx liw vangr
m qongw singx kux zic-qiuw qangx
Qycjaiww kinx sniax mng Gioghunn
Loo Jiongx jnii liw puer quiw hxun
mizit qapp liw dniarr dauwkunr(?)
liw ee puewdongx(?) zuarr je gunn
Simxmih dairjir guaw m jaix
gunw uirr tanwjnii jiacc u laii
langkeh dag’ee marr be baiw
u jnii tingwhyw qra gunw kaix
Gioghunn liw sueh si iuxliw
sangr liw ciuxviyw dirdangsii
zidjiw liw qamxx iauxx e qir
henrkuanw hro liw zuarr je jnii
Hingsu mngranr jiokk jnia’ pnaiw
qnuaxqinw jiauzin jiacc ingqaix
Loo Jiongx ix juer si mic dai
bingbingg sidjai gunw m jaix
Gioghunn ciuxviyw he decc kngr
jiamrsii hro liw singx kir dngw
aurzit qycc driaur jiacc pacsngr
diyh’air qinw laii hur guaw mng
Gioghunn mng liauw ix byy dai
jiksii kir vrak Loo Jiongx laii
jitt cxur m zin qamxx e pnaiw
liw knuar ciuxviyw dui’ dyhh laii
Dairjir Gioghunn longxx huatviauw
m zin liw qnaxx jiac be siaux
hinghuad hro liw si lanliau
byy tee dangrhing be bingliauu
Gioghunn guaw kaix jit~nng vaiw
ciuxviyw si’angw sangr guaw m jaix
m sinr liw qycc mng knuar mai
simqnuax hiacc hiongg juer be laii
Loo Jiongx m zin laii qra hringg
byy pah ix m zin kauxqingx
qra ix liac kir lau’axdingw
iong juiw qra quanr tad qapp jringx
E aix pah qaxx liw be aix
dui’ siw qra ix pah dyww laii
dnaxtauu byy langg liw jiacc jai
iarr qnaw hai mia suacc duadjaii
Jit zit dangrhingg jap gua vaiw
kauxqingx dy’ m zin .cud .laii
danxtai tnix qngx binaxjair
haurdanw bingrling jiacc e jaix
Kux Tiau beh kir vyw Loo Jiongx
laii qapp hingsu decc camsiongg
hro guaw vaiwtog cniaw jinrliong
Loo Jiongx juadduir byy hiacc hiongg
Loo Jiongx qimr dirr hunsig lai
Ku Tiau jinrlat vyw .cud .laii
a’Vangg narr u hro ix hai
iurr liw beh quah iacc beh taii
Beh vyw inr-aw tec laii dngr
ter vyw dyrr qinw sniu kacc dngg
aurzit diyh’air hur guaw mng
narr byy liw ter zip qnamngg
Daidiongx jiutniax huad bingrling
Loo Jiongx jitt anr qinw jibhingg
pair nng xee qyqib tamwjingx
voxvan anwqnia beh kuaiwbingg
Loo Jiongx jitt qnia anxjnuaw vran
Sindig Jiux vig kir jin’ ann
narr byy kacc qinw lann pywanr
vutviw poxtongx jin’ kunwlann
Loo Jiongx jin’ e sriu dangrhingg
sen’ pah dy’ m zin kauxqingx
pah siw iarr si byy loring
qycc ing nngxhuad qapp snuawvingx(?)
Loo Jiongx m zin crunx(?) hro daix
dngduii dexqunr dangjiamx laii
giaa laii cah zip jingxqah lai
saixziy jiksii cuah .cud .laii
Jap-veh hingku hringg tangwtangr
kacc qongw ix byy hai a’Vangg
hingsu qui’ din zuu cangxcangw
laii iong jit xee qew huanrlangg
Dangrhingxx narr si byy huatdo
denrhue ced srid amr bobox
qew qxuiw laii qniax hro qankow
cincniu Vauqongx simw ziyroo
Beh qew huanrlangg Limm Laisingg
qapp ix Loo Jiongx qnuaix qangg qingx
jitt xee qewdir bongxx qra ing
hro qniax knuar beh zin kauxqingx
Laisingg kanx zip logduu lai
beh amr jiacc huah huanrlangg laii
Loo Jiongx duiww ix taux mng bai
liw si daurciab(?) simxmih dai
Qimmee e laii druar soxjai
liw si hysu qongw guaw jaix
jitt din hingsu jiokk jnia’ pnaiw
duiww siw qra guaw pah dyww laii
Guaw si cocur cud siarhue
siyxkuaw qiongqanx ee bunrdee
jabow m guan drauu(?) hyxser
qra guaw pah qaxx juer qxauw vee
Acc liw si uirr sniaw dairjir
marr diyhh qongw hro guaw jaiqix
vnevnee pnaiw mia naxx hniadi
jiacc diyhh laii jiax sriu qnuasix
Haixgua qetvair Jiyc a’Vangg
ix laii gunw cur druar jit qangx
tnix qngx qongw beh dngw dingxqangw
inx bow cue guaw beh tyw langg
Narr u diyhh qra zin kauxqingx
mrbenw decc hro sriu dangrhingg
narr qacc u hai langg singwbing
sit zin ix e kcc dongjingg
Guaw dy’ m jaix qaxx vnuar hxang
duiww guaw lenn hringg jin’ je qangx
m jaix dangsii jiacc e vangr
byy zin jiacc benw juer huanrlangg
Dnaxx lanw jing jing qinw laii kunr
siyxtingg hingsu e laii srunn
m tangx qongx ue u kacc unw
hyw cuir decc kngr Loo Jiongx Qxunx
(sir)
Laisingg qew kunr byy zuarr quw
knuar diyc ongiaw zip logduu
decc qiyr Loo Jiongx jin’ je qxur
ix hro qniax qaxx tauu qux qux
Loo Jiongx itdit qiyr hniadi
Laisingg qew kunr m rinr ix
qimzit si guaw juwqaix siw
imhunn qangrr guaw qyqyx dnii
Hingsu tniax qaxx binglangw-l.
tniax ix decc he Jiyc a’Vangg
qaur jiax linw zim linw benw qycc qrangw
jinx jinx liw u hai siw langg
Hingsu huachiux qapp lentenx
qexquiw urngiaw jiokk jurzenn
Loo Jiongx knuar qaxx hen duw hen
qniax qaxx bagjiux cnix gengenn(?)
Laisingg cud cuir qiyr Loo Jiongx
qaur jiax jaix liw byy tenliongg
qaqi qniax qaxx ovec ziongw(?)
liw si urngiaw jin’ qanhiongg
Hniadi guaw si decc binbang
qui’ mii bang saix qapp bang dangx
kunr kir dirdecc ovec qrangw
guaw nacc qnaw kir hai siw langg
Qew qxuiw qniax qaxx snax diamxjingx
hingsu qew huan tniax jin’ bingg
qycjaiww qra kanx laubuexdingw
hitt quw jiacqycc sriu dangrhingg
A’Vangg jinx jinx hro liw hai
logduu huah dangx qapp huah saix
m zin jitt huee hro liw pnaiw
hingsu qingxcad huah longxx laii
Giaa laii jit der dua ticvangx
iong huew siyx qaxx angg ~ ~
m zin hro liw dua pnaiw pangw
m jaix guaw si qew huanrlangg
Jitt huee hinghuad bin longxx ox
m bad hringg kir jiacc hodoo
qaur jiax m zin iarr byy vo
sriu hringg be kiw beh zuhyy
Hingsu dairzinn linw benw hringg
langg guaw cutqunx hunx(?byy zri) veh dringw
qunqnuax knuar guaw u loring
jiacc sniuw juerbinn qycc huangingg
Liw si hai siw langg sniwmia
m zin dniardiyc sriu dangrhingg
qonglyy u jue byy loring
qnuadniuw tyxvyw iarr vutsingg
Qaur jiax u-byy pnuar vnuar siw
qui’ srinx qangrr guaw driaur li li
jitt kuanw hinghuad sriu be kiw
guan zin a’Vangg guaw hai ix
Narr qacc u qxongx byy huatdo
dnaxx guaw guan zin jiauwsit hox
duat jnii ciuxviyw vrag snakor
hai siw draii dirr Vakvivox
Tniax qongxx beh zin hringg jiacc tingg
juaxvid hro liw siaw kauxqingx
a’Vangg si liw cinhairbing
mih langg qra liw draur jyrsingg
Guaw si knaur ix jin’ je jnii
pah siw a’Vangg guaw qaqi
jinjinx byy langg cam’ guaw kir
pah siw kuix kud suacc bedsix
Kauxqingx zin qaxx jin’ sidjai
jiacc driaur a’Vangg inx bow laii
linw angx jniasit Loo Jiongx hai
pah siw Vivag suacc qra draii
Inx bow jiapvyr dua sniax kaur
buxqniaw jre ciax hiamw quewtauu
laiiq aur hunsig gemngg kauw
kaur qaxx pnirjuiw siangqangw lrauu
Aiwjux tniax diyc bagsaiw dih
Loo Jiongx liw qaxnax tiksnix
liw jiyx qetvair naxx hniadi
liw qnaw tamjnii laii hai ix
Hingsu mng qongxx liw nacc jaix
Dionglik hingsu qiyr qinw laii
qongw linw hiongsiuw u jixjai(?)
gunw angx sixsix dyc’ui draii
Vaiwtog linw qongw gunw knuar mai
giamrsix quatding binaxjair
girlun hunhunx quanxkux lai
vywjuaw suisii kranx cud laii
Tong’ qrex noxiu qongw hiauhing
qamxx si imhunn decc u lringg
sewqanx zinbut samvutdingw
qetvair hniadi qnaw hairbing
Loo Jiongx kakaur qapp ciuxkaur
qejngx tong’ langg luan caucaux
jiacc qongw byy langg liau be qaur
a’Vangg inx bow juxhu gauu
Hunsig qingxqnuax longxx qauwui
zinsanx-zinhaiw keh be kuix
langlangg ter inx cuanw duarkuir
inx bow kaur qaxx bak jingxluii
Zirlimm qycc kir byy zuarr hng
sinsix draii dirr Vivakjngx
achuan qauwui jiacc qra mng
sidjai draii dirr dycc derhngx
Qaur jiax jiauwsit qongw soxjai
zinsanx-zinhaiw huah kacc kaix
qiamxcad huat’ix decc danxtai
ditauu giaa laii qrut dyrr jaix
Loo huan decc vyr qongxx jitt xui
huanrlangg hingsu jiacc kanx kuix
langg qongw bingbingg si uanquiw
derhngx jitt crur dua surhuix
Tow qrut knuar diyc Jiyc a’Vangg
inx bow qui decc kaur inx angx
langg suacc hun .kir be dinxdang
hingqingw huah qongxx singx qiur langg
Inx bow hun kir be cuanxkuir
tong’ langg ter ix jin’ kikkuix
hux(?) liw laii jiax decc jyr qxuiw
diyhh tec Aiwjux kir juewduix
Me ix Loo Jiongx cincniu qxauw
liw kir Dionglik mih langg daux
banrhang hyxlew iong taur taur
byy qaxx jit diamw bagsaiw lrauu
Qangrr qxunx liw siyx kabuexjuaw
hro liw imqanx tangx knuawuac
pnaiw mia byy langg cincniu guaw
bycaiw qapp qxunx sriu tuabuaa
Aiwjux qnaxx e jiacc lyhlan
dyrr si qauxqniaw simx siongrr ann
qxunx liw singx qniaa diyhh siy’ danw
tangx cua guaw kir lyc imqanx
Hun guaw qnaxx e jiacc pnaiw mia
qxunx si vangr gunw buxaxqniaw
hux(?) liw imqanx diyhh u sniar
qinw laii cua gunw dauwdin qniaa
Buxaxqnaw uirr qxunx laii jitt lo
kikkuix qxunx liw diyhh kunr too
vangr guaw buxqniaw decc siurkow
uirr qxunx tuabuaa byy qonglyy
Qniaw iauxx jiacc iur liw qramx vangr
qxunx siw m guan qycc qewangx
liw guaw jinghun si jin’ dang
m guan taubin knuar vadd langg
Qimzit hux(?) siw jin’ m guan
guaw beh inw liw kir vywuanx
dexmia hai qxunx siw jitt kuanw
sauwciuw tyqix guaw u cuann
Snakor iarr qnaw qra vrag li
snxax-lai u duar jin’ je jnii
byy qaxx jit diamw jrunn tenliw
simqnuax bersux naxx ticqix
Uirr jnii simqnuax kacc gni tih
dongzenn vixqaur naxx jingsnix
juann byy sniu laii qapp dyw kir
hingsu jiacc qongw ter siudii
Siauwlenn dyrr qnaxx jiacc hodoo
simqnuax byy langg liw jiacc cox
hai langg li qniaw qapp li bow
jitt huee ngua ix bin diyhh ox
A’Vangg si guaw cinsinx hai
qaur jiax benw qongw linw iarr jaix
itcer knuawpuar guaw liauxqaiw
iurr linw cingwquad iacc beh taii
U qiyr jongwdongx laii draur qor
sisiuw jiamrr kamr m tangx bongx
knuar qaxx kyxlenn dyrr inx bow
decc kaur inx angx decc kunr too
Sisiuw tee kiw decc danxtai
qiamxcad-huat’ix jaw dyrr laii
qongw diyhh puawvag giam knuar mai
dyc’ui u siongx jiacc e jaix
Huat’ix decc giam jin’ sidjai
giam hyw huatqnuax junw ix draii
hiongsiuw kanx dngw hunsig lai
sixhingg buxqii iarr m jaix
Byy-uanx-byy-siuu jiokk m guan
hu(?) liw diyhh qinw qra vywuanx
Aiwjux kaur hux(?) siw siongrr camw
si nii veh jeh(?) guaw jiacc cuann
Hitt sii qxunx liw kir haixgua
linw bow qamguan sriu tuabuaa
haixgua qxunx dngw guaw kuac’uac
byy gii qimzit vangr guaw tuax
Haixgua ving’anx dngw dyrr hyw
liw beh erqangw kiw hongpyx
Loo Jiongx qauxqniaw kuisimx jyr
hniadi qnaxx e sniwmia byy
Hux(?) liw imqanx diyhh u sniar
diyhh laii cua gunw dauwdin qniaa
qimzit nacc tangx vangr boxqniaw
Loo Jiongx hai liw byy kacc ngiaa
Sniu diyc pnaiw mia kuix sniax kaur
gunw beh qangrr qxunx sew binrtauu
iauxsiu Loo Jiongx jiac lanw qaur
angbow jiacc diyhh be tauwlauu
Inx bow cniar langg laii draur qor
derdiamw guanjai Vivakvox
danw beh qangrr qxunx cing snakor
bygii qaur jiax bin laii ox
Qxunx liw ee mia qnaxx jiacc pnaiw
siw kir diyh’air qycjaiww taii
dirr cur m tniax bow qaudair
jiacc hro qauxqniaw jitt lo laii
Laurveh jimxmw decc qra krngr
m tangx jit mii kaur qaxx qngx
langg siw songsu qinw pacsngr
huadlyc dyrr qinw hro cutmngg
Qangrr qxunx dniucing dnaxx uanvi
cincniu jairsnix itvnuanii
qapp gunw buxqniaw hunvet kir
beh qycc siy’ qnir danw dirsii
Byy langg siw cniurr qxunx jitt kuanw
buxqniaw qangrr qxunx liw giaa huanx(?byy zri)
hro gunw naxx sniu naxx m guan
qiyr langg qangrr hux(?) huu lyc quanx(?byy zri)
U mia tangx laii byy mia dngw
jit mii siuxsix kaur qaxx qngx
qxunx siw byy langg tangx pacsngr
jingwlangg ter inx simx decc sngx
Loo Jiongx laii jyr jiacc hiauhing
jingwlangg qongw diyc qaix sixhingg
ing’ue qex qongw byy loring
narr byy hingqingw dyrr qra jringx
Loo Jiongx kaur kir jiokk siongvix
hux(?) siw vangr guaw si beh nii
guaw diyhh jurjin suacc laii siw
langg krngr m tangx annisnix
Jurr qaur erqangw cue inx angx
kaur qaxx bagjiux longxx huanw angg
hux(?) laii ongxsiw jiokk m guan
byy langg ter liw tangx vywuanx
Jingwlangg uaw laii decc kngr ix
linw angx ixx siw vuthogsnix
buxqniaw diyhh qor linw qaqi
cua dngw m tangx qycjaiww tii
Sriu linw a’veh qapp a’mw
hyw ir qangrr gunw krngr jin’ dngg
m si qongw guaw byy air dngw
sniu jinx ter gunw simx marr sngx
Dysia jik’mw qapp vec’mw
inw hrunn hyxser huee vunxjngx
laii jiax sriu linw jin’ qowmng
sriu qxunx jiax siw simtauu sngx
Vaiwvet jingwnow(?) naxx decc kaur
dair qxunx hunpig dngw gunw daux
lirvet liauxau en’ lo hauw
aurvaiw jiacc laii kiyh quttauu
Bogquair angbow jing’ir dang
ngua qongw hiongsiuw ix jitt jann
liac kir Daidiongx beh pnuawduan
tamjaii-hairbing vak jin’ ann
Loo Jiongx liac kir Daidiongjiux
qiamxcad singx mng inx lixiuu
juewlangg nacc qnaw hiacc qiongciuw
jiauww hxuad pnuawduan mia qaix hiux(byy zri?)
Bingtenx siongrgnow jaiww qongpnuar
Loo Jiongx huanlyw dirr simqnuax
m jaix qangrr guaw pnuar anxjnuaw
juiw puah lyc decc lann siusnuax
(go)
Cuisu kuidngg jre huatdngg
siyw anr ee langg pnuar dairsingx
pnuawqnuax jre dirr pnuawdaii-dingw
jiauww hy qiyr laii binrtaujingg
Singx pnuar quiw qnia cad’axanr
qangrr langg guu ngiuu luan dyrkanx(?)
cinglenn beh jiac m guan tanr
diyhh pnuar hro liw jue kacc ann
Sxor xee siyw cat tautec jnii
kanx zip huatdingg lip dirr vnix
siauwlenn dyrr jyr pnaiw dairjir
kindang sir guec qapp jit nii
Loo Jiongx simqnuax kacc gni tih
qiapjaii hairbing suacc bedsix
huat’ngi vanranr jiauww tenliw
ngirdniuw pnuawding cingwquad ix
Sangr kir Daivag den-langg-qingx
huanrlangg ixqingx pnuar sixhingg
sewqanx jitt kuanw byy loring
jnii air byy sniu ving’iuw-jxingg
M jaix dirsii beh den siw
hingqii jinwjingg singx tongdix
juewlangg qniadac diyhh juwir
cincniu Loo Jiongx m dat jnii
Uirr jxii pah siw hyw ving’iuw
imhunn-vutsanr laii vywsiuu
lauu hro siarhue decc genxqiur
jurqiw jywsu jurqiw siux
Cincniu jitt kuanw byy loring
u jaii huanxbin byy sniu jxingg
jywlangg simqnuax sniu’ quer ding
qimzit jiacc diyhh dring sixhingg
A’Vangg singx siw ix duewbuew
nng xee jingcax snax~nng guec
jiacc qongw m tangx lamrsamw juer
ingxuanw laumiaa hro langg pruex
Bxow zit jiphingg beh den siw
siongrsix bingrling kir tongdix
hionghuanr inx cur u langg kir
dirr hiax virquanx(?) hrau siusix
Tniax diyc bingrling kuix sniax kaur
guaw qxunx u kir byy huetauu
si qxunx jit sii sniu be qaur
hai guaw simqnuax luan caucaux
Inx bow beh kir qra knuar mai
narr qaur Daivag dyrr e jaix
qxunx liw qaqi laii jyr pnaiw
hai langg sniwmia m ingqaix
Laii qaur Daivag decc benrhue
knuar qxunx jitt vaiw jinrbuew huee
qxunx liw qamxx qnaw hnuasimx juer
jiacc diyhh vangwsuah linw hencex
Qnir diyc Loo Jiongx ix ee bin
inx bow kaur kir jiokk koxlenn
guaw siw hencex be iauwqinw
qix dng diyh’air jriab sinx dinn
Inx bow an’uix ix simliw
jyww liw simqnuax benw qniagii
hux(?) liw urngiaw narr den siw
linw bow m guan jriab sinx qix
Qxunx liw narr siw vangwsag guaw
pnaiw mia jipasinx yh tuabuaa
hongx cuex zit pak qniaw e dua
vangr qniaw hro guaw qaqi tuax
Knuar bow liw decc lrauu bagsaiw
liw jin’ u jxingg guaw marr jaix
si guaw qaqi simqnuax pnaiw
diyhh siw ho’ngg knuar jiacc ingqaix
Uihux u ue qongw liauw liauw
qaur jiax guaw dnaxx longxx bingliauu
jitt kuanw hiong’anr jin’ qenwsiaur
guaw narr byy siw be vywsiaux
Siongrsix huah quw be iong knuar(?)
qimzit beh druu qauxsimqnuax
sixhingg berdangr danw sniu’ nguar
cuwsiw liac zip denrkiwvnuaa
Loo Jiongx liahvak jre denriw
m quanw sniaw langg lrann qaixii
mngsyw den kuix(?) vangr lyc kir
den siw mrbenw jit kig sii
Hiong’anr sixjiongx qaur jitt bxo
sianglangg longxjongw kir kunr too
sixtew qrngx cud hro inx bow
knuar diyc den siw hun lyc too
Qi’anr venx qaur jiacc uanbuanw
qaur jiax jongw siw ruanx vyr ruanx
langg byy qewdat dyrr jitt kuanw
ingxuanw hro langg decc liutuann
Juerog vywingr nacc e benw
si ix qiongcniuw sniu’ henxzenn
lueriongg soxx qongw hen duw hen
qaur jiax cincniu tuasaixlenn
Pnaiw lo lanw diyh’air juwir
qapyr-zinbongg juer jit sii
siy’ krngr dag’ee diyhh zibjir
jitt kuanw laii siw m dat jnii
Jerjiyw laii tanr kacc u drew
vixqaur jitt qnia dua bunrdee
hniadi jixmue jiongww siarhue
jueww qiongg qiap’anr dyrr jitt huee