Huirlingg

Derr Snax Jniux

Siamding Diwhui Id Tew

Dairsux kaisi sinwjiongr qongw, “Senrdiwsig, guaw ee huatmngg ixx siamding qapp diwhui jniarjyr qivunw. Dag’ee berdangr behig, qongxx inx u hunved,

Siamding (samadi) qapp diwhui (prajna) si id tew, dogg id bby zi.

Siamding si diwhui ee buxtew, diwhui si siamding ee unriong. Dyrr si unriong diwhui ee sii, siamding vyxcii dirr diwhui; narr siamding diamrjing ee sii , unriong ee diwhui vyxcii dirr siamding.

Narr bad jiax:ee dyrliw, dyrr si siamding qapp diwhui vingrjinr donghak.

Jiongww hagdyrlangg, mair qongw, siamding snix, diwhui kuix iacc si diwhui kuix, siamding snix, nng hxang byy qangg. Narr anne knuar :ee, vuthuad dyrr u nng hxang viauxsiongr.

Cuir qongw senrgiw, simlai vutsen. Dyrr si kangsueh u siamding diwhui, nng hxang byy donghak.

Narr simx qapp cuir longxx sxen, lai gua jyr qangg jit kuanw, siamding qapp diwhui dyrr donghak.

Qadi qakgno sriux hingr, mair dirr jiax siy’ jnrir. Narr si jnrix siamding diwhui ee singx au, bue sux cibee ee langg.

Narr m tuatli su’ngiaa simx, kiok qex liw guaw duiwlip ee hunved, bedangr tuatli sxur siongr. (jurgnow, singdiongw, linghunn, bacsinx.)

Senrdiwsig, didhingg samadi jiarr, dirr itcer soxjai qniaa lo, tingkunr, jre, te’dyw ee sii, simlai vutsii vyxcii jiauww dit simx dyrr si ar.

Cniu Jingrmiaa Qxingx qongw, jiauww dit simx si dyrdniuu, jiauww dit simx si jingrtow.

M hyw simhing uankiaux vutjingr, qandna’ cuir qongw jiauww dit. Cuir qongw didhingg samadi m si vyxcii dirr jiauww dit simx.

Qorr vyxcii jiauww dit simx, dirr itcer henrsiongr mair u jipdog.

jipbee ee langg kia dirr vuthuad ee viauxsiongr. Jipdiog dirr didhingg samadi, huanrnarr qongw .diyc dyrr si, “Jre dnia vutdong bongrliam byy kiw”, anne qiyr si didhingg samadi.

Narr anne lecc lixqaiw, dyrr cniu byy qamxqag ee brak jiyc, kiokk si jongwgai lang’ jnriu dy.

Senrdiwsig, juixlauu rair liutongx, nacc tangx joxgai. Simx byy diauu dirr viauxsiongr, dy dyrr liutongx juriuu. Simx narr hiycdnia dirr viauxsiongr, miaa qiyr qaqi sokvak.

Narr qongw jre dnia vutdong dyrr byy m driyc, kyxviw Sarivut jerjing dirr ciurnaa lai, suacc hro Vimalaqiti jik’ma.

Senrdiwsig, qycc u langg qar jre siamm, jre decc knuar simx, tangx hro diamrjing vutdong, simliam bue kiw. Dyrr anne zinrjinx iongrsimx. Jitbee diaudit ee langg bedangr ted lriw, vennarr jerjing dyrr diauu dirr bongrsiongw, anne hro simx qongluan ee langg jniar je. Dirdecc anne siy’ qar jerjing, rair jaix dua dua m driyc.

Senrdiwsig, siamding diwhui beh cancniu siaxmih? Cancniu dinghuew, u diamw dyrr qngx, byy diamw dyrr amr.

Dingx si qngx ee buxtew, qngx si dingx ee miauriong. Dingx qapp qngx nng xee miaa, vunxtew si id tew. vunw huatmng marr siy’ qangg.

Senrdiwsig, vunxlaii jingwqaur dairhuad byy hunx dunwgno, banrsiux. Mrqycc u langg snix singr binxjet, u langg tensingr banrdunr, banrdunr ee langg jiamrr siux texhue ban, binxjet :ee siuhing kacc qinw dunwgno.

Qaqi liauxqaiw qaqi ee singwjid, liauxaiw qaqi ee tensingr, dunwgno banrsiux dy’ be caved. Soxiw jiacc jiyc’iong dunwgno banrsiux ee kiarmiaa.

Senrdiwsig, vunw huatmngg jurr jaw ixlaii, singx kialip “byy sniurliam” jyr jongjiw, “byy viauxsiongr” jyr vunxtew, “byy hiyckunr” jyr vunxsingr.

Byy viauxsiongr jiarr, dirr henrsiongr dingw diyh’air li siongr. Byy sniurliam jiarr, dirr liamrtauu kiw rair li sniurliam. Byy hiyckunr jiarr, si qongw lanw langg’ ee vunxsingr.

Dirr jiax sewqanx, sxen, og, hyw, baiw, itdit qaur uansiuu langg qapp cinqin ee langg, horsiong uergiw dongrdud, siy’ puepingg, jinglun ee sii, qra byy hiyckunr ee vunw simx longxx knuar jyr hihuan kangx siongr. Su au be sniu horsiong vyr sxiuu.

Venrnarr kiw simx dongrliam ee sii, byy sniu kiw jaxjingg quewkir. Narr sniu jingliam, henrliam, aurliam ee liamrtauu siy’ suar byy tingkunr, qiyr jyr sokvak.

Dirr henrsiongr diongx longxx qra simx tingkunr diamrjing byy sniu, byy jipdiog jaxjingg quewkir, henrjai, birlaii dyrr si byy sokvak. Jex dyrr si “byy hiyckunr” jniajyr vunxsingr.

Senrdiwsig, li itcer guarjai qexsiongr, miaa qiy byy viauxsiongr. Erdangr li bingsiongr, dyrr vunxtew cingjing. Jex si ixx byy viauxsiong jyr tew.

Senrdiwsig, dirr itcer hiqingw venwhur m sniu, si “byy sniurliam”. Dirr qaqi sniurliam likuix itcer huanrqingw, huhy, kaiwliam m dirr henrsiongr dingw snix sniurliam.

Narr jixsirr bxan su m sniu, qamxx simsux jin druu, liamrtauu dng dyrr siw? Dyrr e qaur vadd xui cutsir. Jex si dua dua cywgo. Siudyrlangg rair juwir sniu.

Narr si m bad daihuad jinx ir, qycc qar bad langg, qaqi m driyc iacc byy iauwqin, si qaqi byy cingcyw, be did qenwsingr, suacqycc e huixvong daihuad qingdenw. Soxir, kia “by sniurliam” jniajyr jongjiw.

Senrdiwsig, si anxjnuaw kia “byy sniurliam” jniajyr jongjiw? Qandna’ qorr cuir qongw qenwsingr, cibee ee langg dirr huanrqingw dingw kiw liamtauu dyrr henr siaa qenr, itcer sewqanx huannauw bongrsiongw ui’ jiax lecc snix.

Jursingr cingjing vunw dyrr byy hxuad tangx did. Narr erdangr did, qycc luan qongw si hyw paiw dairjir, jiacc si huannauw siaa qenr, soxir vunw huatmng kialip byy sniurliam jyr jongjiw.

Senrdiwsig, byy si qongw by siaxmih? Sniurliam si sniu siaxmih? Byy, si byy nng xee duiwlip ee viauxsiong (hunx suiw baiw, dngg dew…), byy hiax:ee huannauw ee simx. Sniurliam jiarr, si sniu diamrjing jinsingr.

Jinsingr dyrr si sniurliam ee buxtew, sniurliam dyrr si jinsingr ee unriong. Lanw si jinsingr drang, kiw sniurliam, m si bak, hni, pni, jic e drang liamrtauu.

Jinsingr uahsingr u drang u jing, jiacc u sniurliam, jinsingr narr byy, bak, hni ee sig qapp sniax unriong jiksii sui’ pnaiw.

Senrdiwsig, jinsingr drang, kiw sniurliam, liok qinx suizenn u pni, bak, jic tangx qamqag, marr be tingkunr dirr bxan hxang huanwqingw, jinsingr vutsii si diamrjing jurjai.

Soxir qongw, jinsingr jin’ gauu hunved soxu viauxsiongr, erdangr tingkunr vutdong, be likuix dogg id byy zi ee diamrjing vunxtew.