1 Dng' Judah Ongg Amon ee qniaw Josiah jerui ee sii, Jehovah e ue limqaur Hezekiah ee guansunx, Amaliah ee jingsunx, Gedaliah ee sunx, Kus ee qniaw Zefaniah.
2 Jehovah qongw: Guaw beh dui' derjniu itjin dubet banrmic.
3 Guaw beh dubet langg qapp jingsnix, dubet kongdiongx ee jiauw, haiw-lai ee hii, ixqip tatgai ee jiyc qapp pnaiw langg, Guaw beh jiong' langg dui' derjniu jenxduu; jex si Jehovah qongw :ee.
4 Guaw beh crunx Guaw ee ciuw, qongqig Judah qapp Jelusalem itcer kiarkiw ee vecsnir; iarr beh dui' jitt xee soxjai jenxduu Baal soxx cunx :ee, ixqip Baal ee miaa qapp jewsix.
5 Qniwnarr dirr cur-dingw vair tnidingw ee banrsiong :ee, qapp hiaxee qingwvair :ee, qiw Jehovah laii jiuwjua, qapp qiw Milkom laii jiuwjua :ee;
6 Qapp hiaxee vuergik Jehovah :ee, ixqip byy cue Jehovah, iarr byy qriuu Ix :ee, longxx beh jenxduu ix.
7 Liw diyhh dirr Jruw Jehovah ee binrjingg jing jing; in'ui Jehovah ee zit qin lar; in'ui Jehovah ixqing’ virvan jitt xee jewsu, jiong' Ix ee langkeh hunvet juer sxingr.
8 Qaur Jehovah jewsu ee zit, Guaw beh vran jiaxee quiwjok, qapp ongg ee qniaw, qapp longxjongw cing guarvanglangg ee snxax :ee.
9 Qaur hitt zit, Guaw beh vran itcer tiaur quer hording, jiong' qiongvy qapp kuixjar ciongmuaw juxlangg ee cur :ee.
10 Jehovah qongw: Dng' hitt zit, dirr Hii Mngg beh u vi'aix ee sniax, dui' derr zi xee soxjai beh u auqiyr, dui' jiaxee snuax beh u dua vangham ee sniax.
11 Kiarkiw *Maxqiktesix ee vecsnir ar, linw diyhh auqiyr, in'ui Kanaanlangg longxx vairhuai, qniwnarr dnax ginn ee langg longxx siurr jenxduu.
12 Hitt sii Guaw beh ing dingx ciaucue Jelusalem, Guaw beh vran hiaxee cincniu dirr jedaiw dingw jercingx :ee, inx simlai qongw: Jehovah byy beh qangr hokkir, iarr byy beh qangr jaieh.
13 Inx ee huewjaii beh hro langg cniuw, inx ee cuwtec beh pahngx; inx beh kiw cur, iarr byy tangx kia dirr lairbin; jaijingr pudyhngg, iarr byy tangx limx ix ee jiuw.
14 Jehovah ee duarzit qin lar, hitt xee zit si qin qycc jin' qinw, Jehovah ee zit ee sniax; dirr hiax, iongxsu dua qankow auqiyr.
15 Hitt zit si dua siurkir ee zit, si huanrlan kunwkow ee zit, si vairhuai cnicinr ee zit, si o.-oamr-a. ee zit, si bat hunn dua amr ee zit;
16 Si vunn hyrtauu huachiamr ee zit, beh qongqig qenqor ee sniaa, qapp quann e snialauu.
17 Guaw beh hro langg duw diyc qankow, hro inx cincniu cnimii :ee decc qniaa, in'ui inx dikjue Jehovah; inx ee huih beh vniar cud cincniu din'aix, inx ee bah beh hetqag cincniu vunwsyr.
18 Dng' Jehovah siurkir ee zit, inx ee ginn inx ee qimx be e qiur inx; juann de beh hro Ix dua siurkir ee huew siybet; in'ui Ix beh qinw qinw jaubet derjniu longxjongw kiarkiw ee vecsnir.
2 M jaix qenwsiaur ee vecsnir ar, linw ingqaix jurjip, diyhh huerjip;
2 Dyrr si bingrling iauxx bue huad cud ee dairsingx, zidjiw quer .kir cincniu cokngx. Jehovah dua siurkir bue qaur linw ee dairsingx, Jehovah siurkir ee zit bue qaur linw ee dairsingx, linw ingqaix jurjip.
3 Qniwnarr derjniu kiamsunr ee langg, juntanr Jehovah huatdo :ee, linw diyhh cue Jehovah, diyhh cue qonggi, diyhh cue kiamsunr; qiamxcaiw dirr Jehovah siurkir ee zit linw tangx siamxbih.
4 In'ui Gaza beh duw diyc kiwjuat, Eklon beh honghuer; Asdod dirr ziddiongdaur ee sii beh siurr qnuaw cud, Eklon iarr beh duw diyc vuic .kiw .laii.
5 Kiarkiw haiw-vnix ee Kleta-jok u jaieh ar; Kanaan, Filistlangg ee de ar, Jehovah ee ue qongqig linw, qongw: Guaw beh huixbet liw, drir qaur byy langg kiarkiw.
6 Haiw-vnix ee de beh venr juer cauxdniuu, u bogjiaw ee cauxliauu, u ngiuu-qrunn ee diauu.
7 Haiw-qnii beh hro Judah-qrex cunx ee vecsnir did .diyc, inx beh dirr hiax cri ngiuu-qrunn; ehngx-sii inx beh dyw dirr Askelon jiaxee cur; in'ui Jehovah, inx ee Siongrder beh quanwqor inx, hro inx siurr liac ee langg dyr .laii.
8 Guaw bad tniax qnir Moab ee huixvongr, qapp Ammonlangg ee qicir, dyrr si huixvongr Guaw ee vecsnir, qaqi kuadua, qongqig inx ee qingxqair.
9 In'ui anxnix, banrqunx ee Jehovah, Islael ee Siongrder qongw: Guaw qiwzenn si uac :ee, Moab beh cincniu Sodom, Ammonlangg beh cincniu Gomollah, ciwper huad ram ram, venww de u iamknix, ingxuanw pahngx; Guaw ee vecsnir soxx cunx :ee beh cniuxqiab inx, Guaw gog-lai soxx lauu :ee beh did diyc inx ee toxde juer giap.
10 Inx duw diyc jitt xee dairjir, si in'ui inx qiaugno, huixvongr, qaqi kuadua, laii qongqig banrqunx ee Jehovah ee vecsnir.
11 Jehovah beh duiww inx henxcud uigiamm, in'ui Ix beh hro sewjniu jiaxee siongrder sueziok; ledqog jiongww haixsu ee vecsnir, dag'ee dirr ix vunxsoxjai qingwvair Ix.
12 Kuslangg ar, linw iarr beh hro Guaw ee dyx taii siw.
13 Ix beh cunx ciuw qongqig vakhngx, jaubet Assylia; hro Nineveh pahngx, dasyr cincniu kongwiaw.
14 Ledqog ee jauxsiur beh qui' qrunn dyw dirr hitt diongqanx; teoo qapp hydix beh hiyh dirr tiaurdauw; dirr txangx-aw lai u hauw ee sniax, hording longxx beh huixhuai, vikhniucavanw ixqing’ lorcud.
15 Jex si enwlok anzenn kiarkiw byy kuawlu ee sniaa, simlai qongw: Jixu guaw, guaw ixgua byy vadd xee; dnaxx jnaixngiu pahngx qaur anxnix, jniaa juer iaxsiur dyw ee soxjai! Qniwnarr dui' hiax quer ee langg longxx beh qicir laii iyy ciuw.
3 Jitt xee vuergik, uwuer, vyrgiok ee sniaa u jaieh ar.
2 Ix byy tniatanr soxx duiww ix qongw ee ue; byy sriu qawsi; byy uaxkyr Jehovah; byy cinqin ix ee Siongrder.
3 Ix ee quiwjok dirr hitt diongqanx si hmrhm hauw ee sraix, ix ee simxpnuawqnuax si ehngx-sii ee cailongg, jit diamw aw mic iarr byy lauu qaur quer jaxkiw.
4 Ix ee sendix si pupiyr kuixjar ee langg; ix ee jewsix si setdok sxingr sow, qexcuac ludhuad.
5 Jehovah si qonggi :ee, diamr dirr inx diongqanx; byy qniaa vutgi; dagg jaxkiw henxcud Ix ee qongvingg, byy qecdng; dogdok vutgi ee langg m jaix qenwsiaur.
6 Guaw ixqing’ dubet ledqog, inx ee snialauu huixhuai; Guaw hro inx ee quelo lingxjing, drir qaur byy langg qingquer; inx ee sniaa huixbet, byy langg dilehh, byy langg kiarkiw.
7 Guaw qongw: Liw dogdok diyhh qingwuir Guaw, diyhh sriu qawsi, jiacc hro ix ee cur byy jiauww Guaw soxx vanrliw ix :ee laii siurr dubet; jongwsirr inx tauwjaw kiw .laii, qaqi vairhuai inx itcer ee soxx qniaa.
8 Jehovah qongw: Soxiw linw diyhh tingwhau Guaw, qaur Guaw kiw laii cniuxtec ee zit; in'ui Guaw ixqing’ dniardiyc iwsur, jiyjip ledqog, huerjip ledvangx, jiong' Guaw ee siurkir, dyrr si Guaw bingxlet ee siurkir, longxx vniar lyc dirr inx; juann de beh hro Guaw dua siurkir ee huew siybet.
9 Hitt sii Guaw beh hro banrvecsnir ee genxgiw venr juer cingkir, tangx qiuqiyr Jehovah ee miaa, dangsimx jid'ir hogsai Ix.
10 Qidyw Guaw :ee, dyrr si Guaw siwsnuar ee vecsnir, beh dui' Kus Hyy-gua laii, henr lexmic hro Guaw.
11 Dng' hitt zit liw dikkag byy in'ui liw itcer dikjue Guaw ee su, qaqi qenwsiaur, in'ui dirr hitt sii Guaw beh dui' liw diongqanx druu kir kuakauw, qiaugno ee langg; liw dyrr byy qycc dirr Guaw ee sxingr snuax jurqyx.
12 Guaw iarr beh lauu kunwkow, songwhiongx ee vecsnir dirr liw ee diongqanx, inx beh uaxkyr Jehovah ee miaa.
13 Islael soxx cunx ee vecsnir decbeh byy qniaa pnaiw, by qongw vehcat; cuir-lai byy kuixjar ee jic; inx beh unw jiac unw kunr, byy langg hro inx qniax.
14 Zion ee vecsnir ar, ingqaix diyhh cniuwquax; Islael ar, diyhh hnuahiw laii qiyr; Jelusalem ee vecsnir ar, diyhh muaxsimx hnuahiw kuaiwlok.
15 Jehovah ixqing’ druu kir liw ee jueranr, qnuaw cud liw ee duiwdik; Islael ee ongg Jehovah dirr liw diongqanx; liw benw qycc qniax jaieh.
16 Dng' hitt zit beh qra Jelusalem qongw: Byc did qniax; Zion ar, liw ee ciuw m tangx suee .lyc .kir.
17 Liw ee Siongrder Jehovah dirr liw ee diongqanx, dyrr si juanlingg :ee, jinxqiur :ee; Ix beh uirdiyhh hnuahiw liw laii kuaiwlok, Ix beh in'ui tniar liw laii jing jing, qycc uirdiyhh hnuahiw liw laii cniuwquax.
18 In'ui himbo jecqii laii iubun :ee, Guaw beh jurjip inx, inx si sriok liw :ee, inx damdngx lingziok cincniu dnax dang dnar.
19 Knuar ar, dng' hitt sii, Guaw beh vran hiaxee koxcow liw :ee, beh jinxqiur vnaixkax :ee, beh jurjip siurr qnuaxdiok :ee, hiaxee dirr juann de siurr lingziok :ee, Guaw beh hro inx did diyc ylyw, miasniax.
20 Hitt sii Guaw beh hro linw laii, hitt sii Guaw beh jurjip linw; in'ui Guaw hro linw siurr liac ee langg dirr linw ee bagjingg dywdngw .laii ee sii, dyrr beh hro linw dirr derjniu banrvecsnir ee diongqanx, did diyc miasniax, ylyw; jex si Jehovah qongw :ee.