LIVING IN THE SACRED
MAYA EE LAT p.332-339
Jixiaur juansimx zinrjinx knuawtai muixx jit hxang surbut, dy' kyxiw si tongx hiongr jiongww sinn ee mngg.
Inwdorgiw “MAYA” jitt zri --- dongrsuu zirqinx “MA” u nriuu/ hingsingg/ congwjy/ kixjy/ denxhen ee iwsur --- congwjy cud huanwsiong hitt xee lat, dongsii qycc henr cud hihuanr byy sidjai ee henrsiong. Vixzu, venr mosut ee viauxenw si MAYA; ix soxx congwjy ee huanwsiong marr si MAYA. Qunsu jenwliogqax/ jyr singliw :ee/ enxguann/ cat-aw ee juangiap qanghux dy' si MAYA. MAYA ee texgiam si senwdong/ vaixlong; luxsingr kip'inxlat qyckacc si. Jiamduir jitt xee quandiamw, Vudqaur ee qongxhuad “dirr soxu MAYA hingsiong, luxzinn ee hingsiong si siongrr qigtauu ee jit jiongw.”
-----CAMPBELL venx ZIMMER <THE MYSTIC VISION>-----
Qaxsuw u jit xee byy qaiwhan ee sewqair: dyrr si zirguann duiwlip sewqair hingsingg “jinwjingg” ee EDEN Hngg, hitt xee ciauuat ee ywvir. Marr u jit xee junjai surbut ee sewqair: zirguann dyngiu ee sewqair, MAYA ee ham' ciauuadqair sitkir lenlok ee soxjai.
MAYA si
qra ciauuadqair juanxvenr jyr siogser
ee lat
Uxdiu hingsingg ee budliw hudsor guanliw --- rimx/ jun'iuw quanhe --- tniax qongxx MAYA kuriuw snax jiongw lat :
Derr id, amwkamr iacc si cangwbih “jinsit” --- jriw surbut luerjai qivunw digjid --- luirsu binrsex ziax lehh; cniurr mow qingbunn soxx qongw “suibongw cangr dirr soxu surbut nirr, danrsi jin'gnow jursingr kiokk byy henxhen.”
Dirr jitt xee qaidnua, si in'ui qnir be diyc uxdiu jinsit ee vehsig qngx soxx drir, soxui MAYA binrsex ee iwsiong si vehqngx tongx quer hunqongqniar henxhen cud cid jiongw sig. Jitt bin qniar si luxsinn binrsex ee ziajac, gong :ee dyrr byy hxuad hro vehqngx cngtaur.
Derr zi, si hongwsangr cud hihuanr ee inwsiong/ qaiwliam, dongsii marr sangr cud siongquanx ee iogbang/ sialiam --- vixzu, jit xee langg dirr amr sii e qra syh knuawjyr juaa, hro jurqiw jin' qniahniaa. Dirr byy bad “binrsex ee ziax lat” unxcangr jinsit ee qicow-siong, siongxsiong (dausia lat) cud henrsiong laii. Lanw dirr qingbunn tak diyc “jitt xee dausia lat congwjy cud soxu surbut ee guarhingg, m quanw si sinn :ee iacc si uxdiu :ee.”
---- <THE MYSTIC VISION> laii jurr <UPANISHAD>-----
Dausiarlat sanxsingx qokk jiongw hingsiong. Hunqongqniar si binrsex, marr si dau'ngiaw kxir; joxgai vehqngx, marr dausia cud cid sig. Derr zi qaidnua, vehqngx taur quer sewqair hingsiong henwcud . Zuqyw cad jerje sig ee ngivnuaa, qra sec hro jin' qinw, knuar diyc ee si jit xee decc dngxsec ee “vec” ngivnuaa --- jex si kexsi ee lat.
Cangwbih/ dausia jitt nng jiongw lat, erdangr qra vixzu jyr zidqngx juanxngua jyr cid sig ee hunqongqniar ee jiongxjiongw digsingr. Qra jitt cid jiongw sig buah dirr ngivnuaa, dngxsec sii hro knuar kiw laii si vec ee. Dng' lanw ixx mow jiongw digding ee quandiamw knuar jitt xee sewqair sii, henrsiong vunxsinx marr e henr cud tongsiongg virr ziakamr ee jinsit. Jex suatbingg:
Derr snax, MAYA ee kexsi lat, si gersut/ singwdenw/ gisid/ bing'ngiu ee qonglingg, hro lanw liauxqaiw jinsit.
-----CAMPBELL venx ZIMMER <THE MYSTIC VISION>----
gersut ee qonglingg
henr cud MAYA ee kexsi
Dua haiw qoxlyw sniax, kelauu jiauw sniax
(dangtnix uirr inx cing jnriu ginsig guarviauw,
qra juiw qapp ciurhiyc cad jyr cenw qavisig
hro hyhnua venr lingrgua jit jiongw qingxdir)
byy qang snia'auu, gixgenn qang diau
incuw guaw siongsinr, zuqyw lanw erdangr qencii juwsinn tniax, byy siurr
iok/ qniax hunlec, (lanw dyrr e hiauxgno jitt xee dyrliw.)
dirr suevai qokqax ee hongvog-diongx, dirr qihngx sniaci ee qigdong nirr,
marr e huathen jiaxee sniax
cniurr ginxaw sniax hiacc cingcyw, iacc si mow jit xee jaboxginxaw tiauwbuw sii ee cuanxkuir sniax
dirr haiw-vnix, bangrsiongw aiwzinn
---- ROBINSON JEFFERS (1887-1962 Bixqog sizinn) <NATURAL MUSIC> -----
Qniahniaa qapp iogbang
marr si gersutqax ee bunrdee
lanw su'iaur qyckacc je henwhen
zinlui simlingg diyhqib beh texzin ee jokpinw
Gersut siongrr diongriau ee qonglingg si cniurr sinue qonglingjiaw: dirr qinggiam-siong cuarniaw simx tongx quer loghngg mngg hitt nng xee siuxue --- iogbang qapp qniahniaa --- qniaa qaur mng-lai siongrdingx qakgo snewmia ciu. W.BLAKE dirr <THE MARRIAGE OF HEAVEN AND HELL> six qongw “zuqyw qra diqag ee mngg saur cingkir, anne muixx jit qnia surbut dyrr e ixx vunxlaii binrcniux cingbingg henr dirr zinlui ganw-jingg.” mrqyxx sauwduu ciuw tec vyxqiamr ee siuxho tensair, jixsirr gersut derr id hxang qonghau, dongsii sanxsingx derr zi qonghau si, dirr jit qix koxmngg nirr knuar jin “cingx-bxan jiah qimsig sxaix.”
---- CAMPBELL<Bunhag qapp Gersut Congwjy ee Sinue Juxdee > -----
”Jixiaur zinrjinx juansimx knuawtai, muixx jit hxang surbut dy' kyxiw si pah kuix jiongww sinn ee jit snir mngg.” jex si JOYCE <ULYSSESS> BUCK MULLIGAN qongw ee. Dongsii ee jinghongw si, dng' sriu cuwlairsu cauhuann ee LEOPOLD BLOOM, juwsinn knaur angsig snaqakhingg jiuxqanx hyrtauu sii, u langg beh uaw kir qiauxcaw ix, BUCK joxdongr qongw “ ... ... cniurr DRUID (qoxdai CELTIC jongqaur qauwdoo) hitt ngiu ee diamrjing! Ix ee linghunn ixqingx dirr hng ~ ee soxjai. Qiyr cnew sinhunn decc vuex ee simsiong kyxlingg ham' cutsir sii qangrkuanw ee tongwkow. Zimrhyy surbut, jixiaur zinrjinx duiwtai, dy' si jit snir mngg, tongx hiongr ... “ dringw.
Kyxvixqongxx, jit ciuw giac vid, jit ciuw tec kar hunsaiw :ee, iacc si qitnax mic, he dirr binrtaujingg mng jurqiw, hyw ~ qra siongr jinx, be qir did inx ee loriong/ miahy, iuguann juwsinn knuar, zinrjinx mng jurqiw, “hex si sniaw?” ... ... mair quanw iongrdoo/ guarhingg, sinqii ee hitt bin dyrr e sui' denw cud laii; hitt xee mic junjai ee ywvir ham' uxdiu junjai si itdir ee --- vauquad liw jurqiw marr si anne.
------CAMPBELL <THE FLIGHT OF WILD GANDER>-------
Gersut si simlingg juanxhuar ee texgiam.
Gersut ee kexsi m si lunliw/ m si simxpnuar, qyckacc m si itvnualangg soxx zinruii ee zinsingr. Sionghuanw, jitt jiongw kexsi si duiww itcer surbut zidqngx siamxsih cingx-bxan(cingban) hingsiong ee qniasimx texzin.
Iong siongrr qanxdanx ee ue qongw, dng' moxjiongw cuxqingw/ henrsiong dirr lanw luersimx qig cud junjairqamw sii (m si jriw duiww iwgi kingxding ee kyxlingsingr), dyrr e texhue diyc jitt lui qinggiam. Virr qiyr cnew ee junjairqamw u cimx/ u cenw, u qiongg/ u ziok, jex si jiauww lanw linglik/ jiapsiu tingdo laii dring. Dyrr sngr bak jit nih ee dua iydang (vixzu, tudzenn knuar diyc sniaci cur-dingw ee guec, iacc si amwmee tniax diyc jiauw quansniax qiyr ) dy' e sanxsingx byy simx jongrtair ee texgiam; cniurr six/ gersut hitt ngiu. Dirr jitt jiongw jinghongw huatsingx sii, lanw jurqiw ciauuat iwgi ee jinsit virr qiyr cnew (qyckacc hyw ee jinghongw si, ciauuat iwgi jinsit qakcnew), zircniaw lanw qinggiam diyc m si susiongw/ marr m si qamxqag, si luerjai ciongqig ee texhue. Ui' uxdiu jancur tiux .cud .laii ee henrsiong, qinqir jitt xee naxx huanwsiong ee mosut guanliw, marr qra lanw tiux cud laii. Sursit-siong, gersut ee mosut/ mosut ee gersut dy' si ui' jitt xee jongrtair ee qinggiam enxhuar laii ee, inx soxx jixzin :ee, marr si jitt jiongw qinggiam. Byy iwgi imjed ee lat, mosut dngg liuliux ee jxiur; ciaubudjid byy iwgi ee gixgenn viauxhen/ sujingsix/ gersut qaixsuad ... qonglingg, si uirr qikhuad cud qiongrbingg, m si uergiw viauxbin ee iwsur; cniurr dangqix pah qow, m si EINSTEIN ee hongdingsid. Juanxliam jiqanx, lanw ixqingx jiong' qinggiam hunlui lor, qycc qongw cud hitt xee susiongw/ biyue cud qamxqag --- si qongqiong lingxhik ee susiongw/ qamxqag, m si visiongx/ dyrr si cimdimm ee, an' lanw qauwiok vuerqingw iuxsow cavet. Danrsi lanw snewmia nirr vitzenn e texzin diyc jitt jiongw junjai ee sihau, jit jiongw iauxx bue pingqer/ byy siurr qanziauw/ sujingg sing'uac ee sikig --- viw susiongw/ qamxqag kacc dairsingx ee; anne ee texhue byy kyxlingg taur quer jingwbingg qautongx, qandna' ui' gersut laii diamw cud.
------CAMPBELL <THE FLIGHT OF WILD GANDER>-------
sing'uac ee bogviaux si hixqongg
gersut si lanw texgiam ee hongsid.
HABGII EE GERSUT
Lanw soxx knuar .diyc ee dairvorhun gersut, m si suatqaur dyrr si sikjingg ee.
Guaw e qra linw qongw, dirr guaw soxx jaix huanruii, guaw zinruii duiww qivunw bixhak lixlun siongrr cingcyw/ bingkag ee qangxqaiw, si JOYCE ee <A PORTRAIT OF THE ARTISIT AS A YOUNG MAN>.
JOYCE qra habgii/ byy habgii ee gersut jitt nng jiongw jyr liauw bingkag kuhunx. Soxui “habgii ee gersut” iwsur jriw jinjniar sriok gersut ee gersut. Sionghuanw ee, “byy habgii ee gersut” si uirr byy sriok gersut ee surbut hogbu. Vixzu, qongxqyr. Lingrgua, qongw diyc quansiongw tairdo, JOYCE zinruii habgii ee gersut si diamrjing ee, cua cud bixhak ee janwtanr, byy habgii :ee ciongbuanw -dongrjog/ si unrdong ee: dyrr si qongw, ix e qra liw sag zip kir iogbang/ qniahniaa/ ginrsinn.
Ciwqig cud duiww iuxhingg sidtew iogbang ee gersut, JOYCE qra hyrjyr “sikjingg gersut”. Narr si jauw cud qniahniaa/ ginrsinn ee gersut, JOYCE qongw si “suatqaur gersut”. Soxu uirr siarhue hogbu ee gersut dy' si suatqaur :ee. Jurr ZOLA ixau dairvorhun siyxsuad dy' si suatqaur/ sikjingg jokqax siaw ee, inx joklong moxjiongw siarhue qauwdiauu, dongsii qycc tniqax sikjingg huanwsiongw guarsnax.
Kyxvixqongxx, suiven henx jit vunw jabjir, knuar diyc jit xee jin' suiw ee vingsniux, vnix:a qycc kia jit xui suiw jaboxginxaw ciyr bibix. Jitt xee dosiong hro liw e “jin' sniu beh brew jitt daii vingsniux.” anne jitt xee qongxqyr si sikjingg jokpinw. Qinqur dingrgi, soxu ee qongxqyr dy' si sikjingg gersut. Zuqyw jit dniux unsunn lau taiwtair ee siongwpnir, e hro liw sniu beh ham' ix limx dee kaiqangw, marr sngr sikjingg :ee. Qaxsed liw qniaa zip jit qingx druar jit xee jin' air cux seh ee langg, viah-dingw dah jit dniux snuapniaa dosiong, liw e sniu “or! Kir hiax sngw m jaix zaurr janw lehh!” hitt dniux rue dyrr si sikjingg jokpinw: liw ham' doo ee quanhe byy dansunn si bixhak :ee, liw jixvutqyr si qra dongwjyr jit qnia mic laii qamxqag ziiw. Lanw soxx knuar .diyc ee dysor gersut, m si suatqaur/ dyrr si sikjingg :ee.
Uirr beh qaixsuad habgii gersut, JOYCE cue liauw THOMAS AQUNAS, iong LATIN uergiw qaixsueh : bixhak ee duiwsiong kurvi snax jiongw iauwsor: jingxtew (INTEGRITAS)/ hyhaii (CONSONANTIA)/ qonghuix (CLARITAS).
Narr qongw dyh-dingw u quixarr hxang mic, iong jit xee kingx qra qidiongx quiw hxang kox kiw laii, anne ko'aw lai ee mic dyrr berdangr qongw si byy siongquanlenn lor, si lingrgua jit jiongw jancur ee surbut: jit xee dandok ee sidtew; jit xee jingxtew (INTEGRITAS).
BUCKMINSTER FULLER(1895-1983, Bixqog qangdingsux/ huatbingqax/ dethagqax) lauu hro lanw jit xee ixx jitt jiongw hongsid liauxqaiw/ himsiongw surbut ee dingrgi ...
”Beh liauxqaiw snewmia qik hogjap qapp uxdiu ee unrjog, lanw dairsingx rair jaix hablik (SYNERGY) jitt zir, si jingxqyy hertongw ee hing'uii, berdangr ixx qokk vorhun hing'uii laii anwsngr. Iuxquanx jitt diamw siongrr sinqii ee le, si MASS ATTRACTION henrsiong. Jit xee texjig dua ~ ~ ee cnesiur, ham' jit liap virr qitnax u kaninxlat hnraa lehh ee dua cnesiur, inx horsiong e kip'inw. Lanw byy hxuad dan'id ui' mow jit xee cnesiur vunxsinx ircig zimrhyy inx e horsiong kip'inw ee guan'inx/ rair ui' nng xee siongquanx ee quanhe lyc ciuw. Incuw, hablik quanhe hro derqiuu/ guehniuu horsiongx hunx be kuix ... ..., hablik siongduir lingliong ee quanhe, cniurr jingxhap siongduir hunhuar. ”
--------ROBERT SNYDER <BUCKMINSTER FULLER>--------
Vudqaur “in'enn/ inqyw (PRATITYA SAMUTPADA)”ee qauwgi siongdongx FULLER ee “hablik” lixlun. Dng' Vuddyy ixx liam huex qamm ciyr suad hxuad (tuantongw-siong zinruii duiww senn sniu' pubin) sii, binrduir huerjiongr ix jixsirr liam jit luiw huex, henrdniuu ui'id liauxqaiw qidiongx ham'ir ee langg, jixu Vuddyy ee dua derjuw MAHAKASHYAPA, ix diam ~ ciyr .jit .xe jyr huedab, viauxsi simsinn hiauxgno. Dirr jitt xee danghongx cavutdyx ixqingx poxpenr jiapsiu ee siongrdingx, uxdiu virr knuawjyr lenhuex, lenhuex si juixpyx xe byy hxingg snewmia puu dirr juixbin ee diaurtauu, Vudqaur ee in'enn qauwgi ixqingx unxqamm qidiongx, lenhuevan juadduir berdangr virr knuawjyr jit pnir jit pnir qolip junjai, inx horsiongx si xinx-qryw quanhe. Jingxqyy texhe anne sanxsingx ar, “Zulaii (如來,TATHAGATA)”, cniurr Vuddyy vunxsinx.
---CAMPBELL <THE HISTORICAL ATLAS OF WORLD MYTHOLOGY, MYTHOOLOGIES OF THE GREAT HUNT>-----
Dng' liw dirr anne ee qaiwliam texhue “jingxtew” sii, ui'id iauwqinw :ee si “hyhaii” vaii muixx jit qnia surbut, si JOYCE soxui “suiw ee unrlut”, jex vauquad byy qang sig/ budtew jiqanx ee quanhe, ixqibb inx horsiong kongqanx quanhe. Soxu ee jitsor dy' si jitt xee hyhaii unrlut ee jit vorhun. Itdanr jitt xee unrlut hyxzirun virr vaiviw singqongx, lanw dyrr e qinggiam diyc “qonghuix”: dyrr si qywzinn liauxqaiw, suiw ee duiwsiong vunxsinx dyrr suiw, byy su'iaur qitnax lixiuu, erdangr anne ee qywzinn, sngr si jimr dirr bixhak qidiongx.
”Simlingg”, JOYCE anne siaw “virr kip'inw qycc tesingx qaur ciauuat iogbang/ ginrlan qingxqair.” Si beh vutduan jauxcue qokk jiongw surbut laii jyr bagjiux ee jiahmic? iacc si jiamrsii erdangr tecnew qywzinn huihiamw laii qaur ee guansiw sneliw qonglingg? Qra sewqair texhue jyr jursinx si suiw ee cionghunx kexsi, duiww liw qywzinn by hyw-baiw pnuawduanr ? jinjniar gersudqax jidsiwlangg ee qongkyr!
----JOYCE <A PORTRAIT OF THE ARTISIT AS A YOUNG MAN>,
CAMPBELL < MYTHOOLOGIES OF THE GREAT HUNT>----
Ngua jit qxur qongw, jitt xee jendee si qra budtew hongbat kiw laii ee qaiwsnuar, hro lanw qinggiam diyc ee itcer, soxu diongriaur :ee, longxx dirr jitt xee qaiwsnuar-lai. Jex si sinsingr ee dniusow, langg venwsingg dansunn kectew ee sunzenn juxtew. Byy su'iaur jaix surbut ee miahy/ jok'iong, si bixhak ee qicow. Suar lyc laii lanw beh jinr jit vo laii qongw bixhak.
QNIAA ZIP BIXHAK HUANRDIUU
Dyc'ui si jurzenn ee jinrqag, hiax si gersut ee kixdiamw.
Gerstu ee ywvir dirr moxjiongw unrlut erdangr cua liw jinwzip bixhak qonghuix nirr, lingrgua jit jiongw jetjaur kiokk be hro langg qamxdong. Imgak naxx byy suanlut, sniaw dyrr m si lor! Suanlut si gersut ee qangqu. Imgak vutjiw si suanlut ee jojid, qyckacc si dnuajaur sii quann-qe/ dngg-dew imx hyhaii sna' i'uaw ee jojid; nng hxun ji'id/ sir hxun ji'id dngg-dew ... dringw imgak huhy, kikdiau ui' C juanxngua jyr D, hex si ui' jit xee imx suaw qaur lingrgua jit imx quanhe ee jojid, si jin' dua juanxngua kongqanx or!
Tniax gagdui dongdniuu enxjaur si jin' qibiau ee su: go ~ lak xee dongsii viauxenw, byy singx siaw gagpow, kiokk horsiong hyhaii itdir, jitt jiongw suanlut ixjaw inx byy dnuaa quer, danrsi be tutcee.
匹克米 inx vunn jit jionw ser qix naxx prinw-aw, jit qix jit jiongw imx, jit dxuix langg uije jywhuew, jit langg vunn jit imx, hap .kiw .laii ee sniax huisiongg iubiw, naxx jiauw sniax, qycc cniurr ui' ciurnaa huatcud dairjurzenn ee tnide sniax.
Inwdo imgak ithiongr byy kixtauu/ byy qetbuew. Imgak dairviauw moxjiongw iwsig janbin, si lensuar vutduan jinwhingg. Narr kir camqax inx imgaghue, e qamxqag si siongrr quaiwqii ee uahdang ji'id. Inx driauu imx, cir vunn ee sniax jiamx qaxx e quah hni, qycc bongx jiax knuar hiax, qandna' vnir hitt qnia gagkir, dyrr iong driau vnuar diamxjingx, jiacc jingwsid kaiwsiw enxjaur. Dirr jingxqyy quewdingg-diongx, imgak naxjunxx vutduan decc jinwhingg, gagsux jixvutqyr si qingw jit dnxuax cah zip kir ziiw, sniu beh jauw cud laii, dyrr tingg lyc laii. Uanjuann ham' sehongx :ee byy qang; byy qinxdniux/ benw hiyccuanw/ byy kixtauu/ marr byy qetsog, imgak itdit dirr hiax.
Imgak ee jojid qapp qenwdiok junjai moxjiongw quanhe. Soxu ee qenwdiok dy' si jit jiongw kongqanx ee jojid, duxx hyw ham' kongqanx qonglingg iuxquanx. NEW YORK Sewqiw Kurlogvo si SANFORD WHITE (1853-1906, Bixqog qenwdiogsux) dirr jap-qauw sewqixbuew setqer, jin' diongriaur ee jit jxy qenwdiogbut. Duartniax si jit qingx hro liw qamxqag vingjing hyhaii ee vangqingx. Uirsniaxmic e u jitt jiongw haurqyw? Naxjunxx jin' sinvir!
Guaw erdangr sniu diyc ui'id ee dab si CEZANNE soxx qongw “gersut jin' uaxqin jurzenn ee hyhaii.” Dongzenn jex kanlenn diyc nng jiongw jurzenn: guarjai sewqair ee dairjurzenn, qapp luerjai jurzenn vunxsingr. Dyrr si qongw, dng' gersudqax iwdoo beh anvaii “siongrr jiapqin jurzenn ee hyhaii” sii --- qitnax ee iwdoo kyxlingg dy' kansiab diyc suatqaur iacc si sikjingg --- anne jitt jiongw puewhyy dirr lanw luerjai moxjiongw jitsor qauliuu qiongrbingg, kanx zip suiw ee qamxjingg nirr, qongw be cud ee qamxdong texgiam, si hiacc jinsit ee junjai. Incuw gersut qonglingg si erdangr packuix bongx e diyc, knuar e diyc iuxhingg surbut, henr cud inx ingxqiuw be hiuxnua ee snewmia qonghuix --- ham' lanw luerjai qngngiaw --- horsiong siamxsih sna' duiwingr.
Guaw zinruii Zidvunw siongrr qiongg qycc u lat qamxsiu diyc jitt jiongw hyhaii, dirr hiax, liw jurqiw jurznee vunxsingr vutduan siurr diauwhuanr, hro liw m jaix dycc si jurzenn ee jinrqag, dyc'ui qycc si gersut ee kixtauu. Mow jxy huehngg kixjy uanqangx, setqer huehngg :ee qra inx ee qniaw qongw, “jit qix narr dngg qaur jiax ee sii, rair jenw driau.” --- bogdig si anne knuar kiw laii jiacc cniurr jurzenn. sun luerjai jurzenn vunxsingr/ dairjurzenn si jit jiongw gersut, si unrlut ee derr id qaidnua, qivunxdig ee. Tiusiong gersut/ zimrhyy gersut diyh'air ixx jitt xee unrlut qaiwliam laii sukyw. Jiauww liw beh qongw ee lueriongg, suanw liw dirr six nirr soxx beh unriong ee hingsid, jit xee jriab jit xee puewhyy imx horsiong jiyr cud qngngiaw. Jex juann si unrlut: dag diyc liw qamxqag/ u jetjaur kixdang diyc liw susiongw. Byy qang ee unrlut iwbi diyc byy qang ee huanxingr.
Joxgai jitt xee hyhaii unrlut ee nng jiongw dongrlik duxx si Vuddyy soxx binrduir nng xee dua qnuaixpenr : tuisag lanw iongxiuw surbut ee tam'iok/ ginrsinn/ qniahniaa. Dng' liw caixcuw hingdong beh iongxiuw moxmic sii, dyrr e duiww MAYA dausia cud laii :ee, ciongbuanw be'hik, huanxingr cud kiongxvor ee huanwsiong sewqair. Tiudang liw duiww suiw ee qamxdang duxx si byy uirr tamx/ qniax iycuah ee simlingg/ jingsinn jongrtair, siongdongx Vuddyy dirr poteciu-kax soxui liamrtauu byy dinxdang ee texgiam. Hex “si” byy sriu dinxdang ee diamw, si ham' siwjiuuii iuxhingg sewqair quanhe-diongx, simlingg diamrjing jongrtair.
Hiangxlok cam' kongwjer (sionghuanw :ee si iamwhin ham' qniax ) ee sneliw ciongdong, ixqibb pingqer (sxen-og/ jinx-qew) ee siarhue ciongdong dyrr siausid lor, virr sunzenn hixqongg qinggiam cuxdai, dirr jitt jiongw qingxqair-ha, jurgnow dimlunn/ tesingx jniajyr jit hxang su. Anne ee ciongqig si “byy hxuad iong gengiw hing'iongg ee”; in'ui jex berdangr ixx vixzu ee hongsid did diyc qaixsueh. Cauhuann laijurr zinlui nauw sinqingx hamrzip qed qui' qiuu ee ngiidnii, simx kiokk beh ui' hiangxlok/ jnex ngiaa/ qriuu jingwkag ee akjag nirr qaixhongr --- kyxlingg si jit sii/ jit zit, iacc si ingxuanw. Jurgnow qra siau'ngiuu driau, duliauw snewmia ixgua, byy qycc u auwud, snewmia dyrr busow-vutjair, ingxqiuw junjai. Diongqog/ Zidvunw ee sensux qongw si “bysimx” jongrtair. Qoxdenw Inwdo suu ” MOKSA”, si qaixtuad/ potee/ qakgno/ liabpuann, “ciauuat iokbang ee hongx”. JOYCE bad qongw “bixqamw hnuahiw ee bingqngx, byy ue ee diamrjing, si dng' simx hiauwgno diyc suiw ee cingbingg qonghuix iwsiong soxx sanxsingx ee jongrtair, jitt sii ee simx virr jingxtew dua qamxdong, hitt xee diamrjing hro simsinn kir qaur dycc dyrr byy jongrgai, si SHELLEY (1792-1822) siaw six sii ee sinvir qingwqair, iubiw ee vixzu jniajyr jiamrr lingw lyc laii ee huextnuar. ”
-----<A PORTRAIT OF THE ARTISIT AS A YOUNG MAN>------
Incuw, qra suiw kanx dinxdang, iong unrlut jyr qangqu, MAYA si kexsi ee lat.
SUIW EE QINGDONG
Zinqanx siwqer si Tnive ee qog, langg kiokk knuar byy.
Gersudqax unriong ciuxlo kyxiw cniurr jiac jit jiah huexqex, marr ersaih si congwjy cud sunzenn bixqamw ixgua jit diamw aw dy' byy loriong ee gersut. Dng' guaw iong “gersut” jitt xee zirganw sii, si “sinsingr jiauzu” qapp “suiw ee qingdong” iuxquanx. Jiac huexqex si byy sniaw tangx qamxdong/ si sing'uac ee hingdong/ vit'iaur jyr ee dairjir, ngua jit qxur qongw, jiac liauw virr taii siw ee singbut/ qycc qra he zip sinkux hertongw-lai. Ham' suiw ee qingdong/ texzin diyc qonghui, uanjuann byy qang. Lanw si beh juwsinn siongr jitt hxang mic, ui' hiax did diyc moxjiongw qamxdong? Iacc si qra tunx lyc vxag? Jiahmic ham' iogbang/ ginrsinn iuxquanx.
Jitt nng hxang ee kuvet rair knuar si MAYA ee dausia lat? Arr si siongr ix ee sii e henxhen cud kexsi lat laii dnia. Cingcyw hunven inx ee cavet si jin' diongriaur ee. Zuqyw liw quansimx :ee si jnuaxngiu iong hitt hxang surbut lirig jurqiw, siamxbih ix ee vewhai, si beh jiac? M jiac? ee bundee, anne ee quandiamw si dair iok/ gersinn, si Vuddyy ee ciwlen cam' MAYA ee dausia lat.
Jitt jiongw qra JOYCE bixhak lixlun/ MAYA ee qaiwliam qethap kiw laii ee qongxhuad, hro guaw jit jiongw qibiau ee kexhuad. Qin'axzit tauwjaw guaw jingsinn au qra qaqi qongw “ar! Jiac qaur veh-jap huer jiacc bingvik or!” suibongw jaw guaw jaix iuxquanx suiw qingdong jiongxjiongw iwhamm, danrsi jurlaii m bad qra MAYA jitt xee qaiwliam lenn jywhuew. Si simdir jongrtair quatding liw qinggiam diyc :ee, si dausia Iacc si kexsi ligliong! Sewqair vunxlaii dyrr u jitt nng jiongw mosid junjai. Vingrr m si sewqair venr, si liw ee iwsig jongrtair qaixvenr.
Suiw ee qingdong si jitt jiongw jiaudiamw juanxvenr ee qetqyw. “ sewqer si tnive ee qog, langg kiokk byy knuar .diyc!” lanw erdangr dirr suiw ee qingdong-diongx qapp tnive sna' duw. Vutqyr uirr tongquer jitt jiongw juanxvenr jiaudiamw ee qinggiam, huatdenw luerjai singwlingg ee cimdo sii, hiaxee iwdoo uanbuanw dadsingg jitt xee zinsingx bogviaujiaw, qaix qra sinsingr kongqanx vangr jit vnix. Dng' liw sniu diyc sinsingr kongqanx dirr tuantongw bunhuar ee derui sii, dyrr jaix si uirr beh kexbongg gisid/ bing'ngiu jingrjy junjai ee. Zuqyw ixqingx jin' ciongsit, byy su'iaur jinr jit vo puawvid/ byy sinsingr kongqanx marr byy iauwqinw. Danrsi jixiaur iauxx bue dag diyc hitt xee jiongbuew lingsingr, zircniaw duliauw guarjai sing'uac janbin ixgua, iuguann u cuwbi honghur/ qenwqor luerjai snewmia, anne diyh'air u mow soxjai, ixx moxjiongw hongsid laii siulen.
Drat qaur luerjai simlingg qindew sii, jingxqyy sewqair dy' kuidenw dirr ganw-jingg, sing'uac-diongx ee uahdang marr e ciongbuanw jitt xee lingsingr qonghuix. Singwvuex qoxsniaa si ixx texgiam suiw qingdong morhiamw ee dniusow, singwvuex si ui' jitt xee qensit hongbat ee dniusow texgiam diyc juanzenn byy jurgnow/ jingsinn ciongsit. Cniurr tamwcig jiyh'iuu: qra qxongw crunx lyc de-ha, cig knuar mai lehh, zen'au jiacc liauxqaiw mow soxjai siwqer dy' u. Mrqyxx rair singx jngr lyc kir, jiacc u kyxlingg ow .diyc, jex si jiax soxx qongw morhiamw lingxhik.
Guaw zinruii zuqyw liw siongxsiong jurqiw dirr suiw ee diamrjing qingxqair nirr, dyrr e liauxqaiw ui' henrsit tiux cud qniax/ tamx, texhue diyc lunhuee si liabpuann, hitt xee dngxsec be tingg sewqair diongsimdiamw ee diamrjing. Soxu itcer dy' sriok ix. Sewqair jniajyr tiuli surbut ee denxhen, vutqyr liw iuguann jurguan dauzip: “hnuahiw cam'uw siogser ee koxlan”, jex ham' virr vig ham' sewqair huatsingx quanlenn, huisiongg byy qang.
Iwsig jongrtair jurr diamrjing juanxjyr dongrtair, si EDEN Hngg zinlui ee duirlyc. Vuddyy soxx qaixtuad ee sokvak --- iogbang/ qniahniaa/ siarhue jikzim --- si siogser surbu. Liw kyxiw jurguan dauzip qidiongx, danrsi virr vig ee dauzip ham' MAYA iuxquanx. Zuqyw vaxag jitt diamw, dyrr jiangxag diyc guaw soxx qar linw ee itcer.
RAMAKRISHNA qongw diyc BRAHMA cam' SAKTI (DEVI luxsinn) sii qongw : BRAHMA si diamrjing hitt diamw, ginhyy kuah bongxbongw ee dua haiw duiww ix laii qongw si byy dinxdang ee; SAKTI si unrdong/ zukuair/ tongwkow; jitt nng xee si ittew. Jex si bidqaur ximx-xiongg qauhap (YAB=YUM) ee qaiwliam. Jaamr soxx tyxlun ee lueriongg, jiauww JOYCE hro lanw qanxdanx ee huntiah, jit hxang jit hxang dyrr qra jiaplenn .kiw .laii.
Ixx JOYCE ee hunsig. Lanw u limbinw/ kiongxvor ee simjniaa. Kiongxvor ham' qniax/ ginrsinn, si dongsii liauxqaiw diyc ciauuadqair unrjog guanliw/ siqanx amkangx(隧道) hauringr --- sewqair ee koxlan --- ee jongrtair. Si diamrjing/ dnia dnia ee kiongxvor, m si jongg laii jongg kir/ vnuasuaw ee kiongxvor. Duiww juvix ee texzin: si jiong' jurqiw ham' zinlui siurkow qangrkuanw ee jingqamw; m si sanwciah ee kow/ olangg siurr ee kow/ qiongrsanxjuxgi iacc si FASCISM ee siurkoxjiaw, si zinlui ee siurkow, druu driau uirr siarhue suatqaur ee iwbi. Ersaih qongw, zinrdongg jurqiw si “siurkow ee siongrder lypok”, jitt xee kiongxvor si ciauuat soxu unrdong, didjiab jinr zip qaur GOETHE ee diamrjingrdiamw --- qniacuah (SCHAUDERN); hitt xee in'ui liauxqaiw sewqair huisiongg cutjiongr sanxsingx cud ee junr. Jex si juanvo ee lueriongg.
Lanw kyxlingg ersaih voxciongx qongw, luxsingr ixx jxingg-air ee hongsid, hro lamsingr juanxvenr: luxzinn ixx behigjiaw ee ngiursniur inxiuw lamzinn laii qaur sewqair, jairsikluw snex qniaw ee maxmah MARIA, qra lamzinn inxcua qaur ciauuat ee qingxqair --- ciauuat qywzinn juxgi ee Qidog jingsinn. Jiurr guaw knuar laii, muixx hxang surbut dirr jitt xee qanxdanx ee hiauxgno-ha dy' qokk anx liauw inx ee xui.
Guaw itsingx jixu jit xee qangjog, jit xee kanciuw, qapp jit xee iwsiong: singwvuex. Jex si itvnuax soxui vyxsiuxjuxgi. <A PORTRAIT OF THE ARTISIT AS A YOUNG MAN> u jit dnxuax jingcaiw ee duiwue; STEPHEN ee ving'iuw tniax berjiyw irduanx-siasuad, mng STEPHEN qamxx u sniu beh jniajyr Sinqauwdoo. STEPHEN dab: ”guaw ixqingx sitkir sinwgiongw, mrqyxx iauxx bue sitkir jurjunx. Danwdiau jit xee hap logical / u herhang ee hamwqow, qycjaiww lamw jit xee byy hap logical , byy herhang ee hamwqow, jex sngr sniaw qaixhongr?”
JONGQAUR GERSUT
Zinlui jongw si erdangr dirr gersut sewqair knuar diyc luxsinn.
Qiwguann derr id sewqiw jingg ee Vudqaur gersut dysor si qowsu singwjig : cniurr Vuddyy itsingx/ luirsu juxdee, suibongw Vuddyy vunxsinx dosiong byy rue cud laii. Itdit laii qaur MAHAYANA duiww “lunhuee” dyrr si “liabpuann”, ixqibb itcer si Vut ee lixqaiw, jaxqii Vuddyy/ qitnax iwsiong jiacc kaisiw cuthen --- soxu jiaxee iwsiong ee henxhen si kia dirr jitt xee lixqaiw-siong --- gersut vunxsinx jniajyr Vudsimx, hro qonghuix venr qaxx binghenw/ iong'i knuar .diyc, jex si lanw itdit damlun ee juxdee.
Siongduir laii qongw, guaw byy zinruii Qidokqaur gersut u jitt xee qaiwliam, jniawtongw qauwgi ee qongxhuad, langg ixgua iuxhingg surbut vingrr byy virr zinruii erdangr sriu Qidog ee qamxingr. Qandna' erdangr dirr <GOSPEL THOMS> tak diyc “puawkuix caa, guaw dirr hitt qidiongx, kiyh jit liap jiyhtauu, guaw dirr jiyhtauu-lai.” incuw, lanw dirr Qidokqaur tuantongw jixu tuansuad gersut. Dingr siw dirr sibzirqer ee dosiong si Iasox siurlan qowsu/ m si kexsi/ be qig cud suiw ee qingdong/ si suatqaur, dongsii byy langg bad zri. Diongsewqiw viauxhen cud Qidog qapp suxdoo/ mngdoo ee qowsu lueriongg si dirr CHARTRES CATHEDRAL (Huatqog vakvo uaxqin PARIS ee jit xee siyw dinr, jap-snax sewqiw sii GOTHIC dua qauwdngg ee soxjai) soxx knuar .diyc ee qingxsiong.
Guaw kir quer hiax go vaiw. U jit vaiw knuar jit vunw siaurqair ee ceh, zinrcud muixx jit snir txangx-dingw ee zinbut, hex juann si Qidokqaur tuantongw tuansuad qowsu, marr cue e cud jingxqyy Qidokqaur qauwgi. Qauwdngg ee muiquir ngihingg vylee txangx (ROSE WINDOW) , narr zinrjinx jursinn qra siongr, kaksit e qinggiam diyc ix ee qonghuix, jinjniar jongrquanx! Suiw ee qingdong! Qauwdngg vunxsinx dyrr si gersudpinw!
Dirr mow jit xee sinue lingxhik, siongrdingx ee siongser lueriongg kaksit huanxngiar cud dongde iuxhingg ee ligsuw/ kuanqingw, marr si simx ee dedsu, qingquer lixsingr qaixsueh au jniajyr jingsinn dongrcad ee viauxdat ... biyrdngg iacc si Aujiulangg ee qauwdngg jin' iongrir henwcud: dirr jitt xee siwjiuuii kongqanx, muixx jit hxang qenwdiok digsig dy' unxqamm qapp ix siongquanx ee ciaubudjid didquanx; digvet uirr gisid sed ee.
Dirr anne ee kuanqingw, simx naxjunxx dngw laii qaur cur/ ix jurqiw ee soxjai, suaw kuix zidsiongg cingcew iwsig ee hunwluan, dirr snewmia vutduan tunx snewmia ee kiongxvor qingxsiong nirr, texzin diyc jitt xee hyhaii ee qidew/ si laijurr langg vunxsingr/ simx did diyc hiyccuanw anlingg. Incuw gisid ee qonglingg si qra qywzinn sing'uac cua zip huijuxquanx pnuawduan tiauhyy itdir ee qingxqair, jitt xee hongsid m si hihuanr sewqair icii lanw cosiab ee jurgnow, si dirr venwhuar byy dnia ee hiqongg-diongx hablik cam'uw.
------< MYTH OF PRIMITIVE HUNTERS>-----
CHARTRES Dinr cniurr qoxdai jongqaur sniaci qangrngiu ixx inx ee biyrdngg jyr diongsimx, dairviauw jitt xee soxjai singjunn huatdenw ee jingsinn niusit. Dnaxx lanw byy tangx sna' vixping ee surbut lor.
Dirr CHRTERS u jit vaiw siongrr suxx langg qingdong ee qinggiam, hitt vaiw guaw lauu dirr hiax quixarr zit, qauwdngg quanxlixguann jauw laii mng guaw “qin'axzit diongdaur liw qamxx beh ter guaw kar jxingx? Dongzenn beh lor! Gunw vreh kiw kir qauwdngg vakbin hitt jxy dua jxingx ee jiamtah-dingw, jxingx dirr gunw kax erbin, dingw u jit xee naxx kidkogvanw, diongqanx hnuaii jit xee naxx lanqanx ee mic, quanxlixguann kia jit vingg, guaw kia lingrgua jit vingg, gunw rair giuw diauu lanqanx. Ix crunx ciuw sag jit xee, jxingx kaisiw dinxdang, hongx qra gunw taujangx cue qaxx quann ~, kax-xe ee jxingx kaisiw “dang ~ “ kia dirr dingxbin iokk sir ~ go hunjingx. Hro guaw huisiongg hnuahiw! Au laii ix cua guaw kir ix druar ee soxjai.
Jitt lui dua qauwdngg dy' u dionghngx vunxdongg ham' jit xee qauhue tonglo. Lingrgua dangvingg qycc u jit xee naxx vangqingx ee vnuawngihingg/ vornii uii kiw laii hro cniur sivanx iong ee kongqanx, quanxlixguann ee vangqingx dirr jitt xee vnuawngihingg aurviah, hiax he jit dingw bincngg. Ui' jiax knuar cud kir, osig singwbuw duxx cai dirr qokk dosiong ee dionghngx. Guaw qra qongw, liw druar dirr jiax si hiangxsiu digvet undenw ee soxjai, soxu surbut jip dirr jaix: iwsiong/ qenwdiogbut/ sing'uac jetjaur/ vreh kiw kir jingtah kar jxingx ... dringw. Hex si digvet iubiw diauhyy ee junjai.
Jap-zi ~ jap-snax sewqiw sii, u jit tyr ixx singwbuw qijig (MIRACLES OF THE VIRGIN ) liutuann ee qowsu, lueriongg vauquad mow quaw sinqii ee longrbanrsuw, qidiongx siongrr qoxjuix :ee --- virr qaixvenx jyr jit cud jingcaiw ee buxdaiqiok, je nii jingg bad dirr NEW YORK vnuaenw --- quanhe jit xui siuluw ham' aiwzinn iokhue hitt zit, virr jixpair kir sew qauwdngg ee dervanw. Uersiong nirr ee singwbuw qniaa lyc sibzirqer, jriab lyc jangcingw qapp ca'tangw qongw “kir, kir jyr liw beh jyr ee dairjir.” singwbuw vingrr byy jiauww Tenjuxqaur ee quijig.
Incuw, gersut si singwbuw ee muiqair/ si MAYA kexsi lat ee qangku, tauwquer jitt xee qangku lanw erdangr ui' derqiuu drat qaur ciauuadqair. Zinlui jongw si erdangr dirr gersut sewqair knuar diyc luxsinn.
Sinqaur siarkux, siongrr tyxiar jongvair singwbuw, gersut be junjai dirr hiax Qniaa zip zimrhyy ENGLAND ee qauwdngg, knuar diyc suiw dangdangx ee qenwdiogbut, danrsi janwbixsix si ui'id siongrr jiapqin gersut ee mic. Gunw daux si Tenjuxqaur, au laii ham' JEAN qethunx, inx vaxvah si Sinqaur bogsux, guaw camqax derr id xee Sinqaur lexvair gisid si ham' ix jywhuew kir. Gunw kia dirr hiax cniur singwquax sii, qra qongw “linw sinqauwdoo byy iwsiong, jixu knuar janwbixsix nirr ee iwsiong : siongrder laii qaur guaw ee vangqingx, ixqibb jitt lui ee su.”
Guaw soxx qinglik quer siongrr cuwbi/ hnuahiw ee lexvair gisid si dirr GRAND RAPIDS (dirr MICHIGAN selamvo sniaci) jit jxy gorcaiw lewdauw qauwdngg-lai, uirr kingwjiog laijurr CELTIC ee banrsingwjed, guaw dirr hiax u jit dniuu qangxdy, debak si “jiaudai, byy dyrr vniwkangx (TRICK OR TREAT)”. Gisid jinwhingg qaur jidvnuar sii qauwdngg ee mng packuix, soxu huerjiongr ee ginxaw juanvo dir ang'axbin qniaa zip laii. Duarhanr :ee vaii taujingg, sewhanr :ee duer aurviah, jiauww sunrsi zip laii, siongrr buew si iauxx qycc yc qniaa ee gniaxaw. Dir ang'axbin viauxsi decbecc cutsir ee linghunn. Danw soxu ginxaw vaii hyxser kia dirr qngwkimm vnix, kaisiw cniur ”guaw ixqingx iong qui' zit ee siqanx jewjy qesix hogjongx”, hex jinjniar si lingsingr ee texgiam: ginxaw/ cniur singrsix :ee --- dy' si hitt zit huerjiongr ee singguann --- jinsi simlingg ee singhuaa.
Suar lyc laii, guaw qniaa jnriu qangxdnuaa. Qra linw qongw, qangxdnuaa si buxkir, zuhyy hro sanxsingx lat marr si jit hxang gersut: qangxdnuaa uirdir --- ham' qitnax langg ee quanhe uirdir --- dyrr u qiquanx lor! Duhuix liw bad kia jnriu qangxdnuaa, narr byy, jin' yh liauxqaiw soxx iongxiuw ee lat. Liw kia dirr hiax, byy langg u jaidiau sionghai diyc liw/ liw kia dirr junn-tauu, knuar duiww erbin, langg naxx haixingw tuisag hiongrr jingg qniaa. Derr id vaiw guaw duiww qangxdnuaa u damrvyc qingwuir, derr zi vaiw dyrr jaix jnuaxngiu unriong lor! Lensuar nng dxangx dirr hiax qangxdy nng vaiw.
GERSUDQAX (ji' id)
VAN GOGH (1853-1890) jairser lenrr jit vxag doo dy' bre be cud kir, dnaxx ix quiw qnia jokpinw dyrr qauwgiac singlip jit jxy bixsudquanw.
Duiww guaw laii qongw, gersudqax si u jailingg ee gersut qangjokjiaw. Siwqer cad laii rue kir :ee byy vitzenn si gersudqax. Bad tniax quer giamsiog ee gersudqax dingrgi : “zimrhyy dirr denruerpo jurcingx si gersudqax ee langg.” guaw byy dong'ir jitt xee dingrgi. Dyrr sngr sid'iong gersut nirr, iauqiuu jokpinw uanbiw si qivunw guanjig.
Gersudqax si ixqingx uansingg gersut jokpinw, m si qandna' sniu beh congwjog ee langg. Bylun jokpinw dirr qinnii iacc si menii, si m si bre e driau, dy' byy ingxhiongw gersudpinw jinjniar qewdat/ dingrgi. VAN GOGH jairser m bad bre cud jit qnia, dnaxx jixiaur quiw vxag doo dyrr qauwgiac singjiu jit jxy bixsudquanw. Ix u jin' dua ee simliw bunrdee, kiokk si gersudqax.
“gersudqax” erdangr iong dirr jerje hongbin, siongrr juxiaur nng qigtauu: enxguann (viauxenw :ee) qapp bixsut lingxhik ee gersudqax. Duhuix liw u jiokgiac jailingg viauxenw, narr byy berdangr dirr bixsut lingxhik jniajyr qersudqax, mrqyxx iuguann e dirr liaurliw juxjiac iacc si digqix ... dringw denxhen cud jailingg. Vutqyr, suiw ee qingdong qinggiam ham' bixsut iuxquanx. knuar cutjiongr ee juixden qisut zinguann qangjog, lanw be u qingdong, in'ui anne “jinjniar” qonglingg dyrr songwsid lor.
LSD be'iyc duxx jniurci sii, guaw tniax quer jit xee cuwbi ee sidgiam, sir xui i juaxvaii juanqax, singx jiac liauw LSD, jiacc kaisiw i, vxaii huad lyc, qokk langg tec diyc jurqiw ee vxaii au, qandna' siongr jurqiw ee vxaii, jit diamw aw dy' be dinxdang, inx byy langg sngw vxaii. Jex si suiw ee qingdong, sinsingr kongqanx ee le. Jitt sii vxaii qig kiw hiqongg gua, sniaw dyrr byy jok'iong. Guandew dirr siogser hiangxlok sing'uac vnuaenw moxjiongw qaksig, jitt sii tudzenn venwjyr sunzenn mihqnia vunxsinx (THING-IN-ITSELF) --- jiongqik ee surbut.
Dirr hingdong-diongx, jixsirr iwdoo kuhunx dongrjog/ sniu beh henr cud ee, u zuarr je cavet, jex duiww liauxqaiw jurqiw dauwdew decc jyr sniaw u jin' dua vangjan. Liw beh jyr hyw sniaxmic? Beh jniajyr jit xui uerdoo :ee? Iacc si cniurr PICASSO? Qamxx si liw zinsingx ee lingxhik? Hex si jinjniar hongrhenr snewmia.
Bylun liw suanw sniaw qangjog, dy' e u jit dnxua hagsip/huntiah qaidnua, dyrr si dirr byy hingdong sii, sinkux byy dongrjog. Zimrhyy qar qanghux :ee dy' jaix u jitt xee qaidnua, hagsingx dirr jitt xee qaidnua e hunsig dongrjog/ cir jyr lenrsip, kiokk byy hxuad jinr zip jongrhongw. Siongrbuew dongsurjiaw jiacc u jaidiau viauxdat cud inx sniu beh viauxdat :ee.
Guaw duiww jex u jit vaiw qionglet ee texgiam, si JEAN dirr ESALEN qar tiauwbuw, jit dxuix hagsingx byy cuwbi tiauwbuw qikiauw, kiokk sniu beh tiaur. Inx soxui u congwjy uahdang si kir guarkauw, binrduir dua haiw, siangciuw tenxkiux ..., luirsu ee dongrjog, anne si byy sniaw tangx knuar ee.
Jit qrunn len tiaur valebuw :ee, kyr qnuaiw jyr qivunw lenrsip, si byy sniaw bixqamw, suar lyc laii kaisiw tiauwbuw, taukag-lai qycc naxx sniu soxx setqer :ee, dongrjog iauxx jin' cnesox. Vutqyr juewau setqer ee hunziah siaubyy .kir, jurzenn huanxingr jaiww dxo jniajyr buxdy diongrdiamw. Gersut ciangjai e qongw diyc, “su'iaur hagsip soxu quijig, zen'au, qra vangr be qir .kir.” dyrr si qongw qra rngiuu zip sunzenn ee hingdong nirr.
Byy sriu quer ham' guaw qangrkuanw qauwiok ee siauwlenlangg, sniu beh siaxjog/ venjib jitt lui qangjog sii, guaw juwir diyc inx vingrr byy jinjniar kurvi uanbiw diauqnia. Bad cniar quer vutjiw kiauw ee siauwlenlangg laii dauwjyr jit quaw venjib qangjog, jiacc huathen inx m bad Dikbunn/ Huatbunn, m jaix jex/ m bad hex. Hro guaw liauxqaiw diyc haghau qar guaw ee itcer, jerje sinkow/ qnuarjuiw dy' cangr dirr juixbin-kax. Knuar diyc :ee jixsirr puu cud juixbin ee jit vorhun.
Dng' liw siaw jit vunw ceh sii, si sun diyc lingqamw/ didqag rig laii ee tuisag lat jyr lyc kir, zen'au e binrlimm jit xee kunwlann qaidnua/ jitt xee liw diyh'air jiauwqor ee lingxhik, rair ui' jitt diamw huatdenw qaur xe jit diamw, jitt sii sag dinxdang ee lat byy ar, si junsunn quijig ee sihau lor.
Unrdong lingxhik marr qangrngiu. Dirr itjair lenrsip au, jerje dongrjog ixqingx quanwcuanr, mrqyxx mow quaw qad, rair jiauww quijig hingdong, jiacc suaw e dinxdang liw iauxx berdangr qudliux unriong ee sinkux. Guaw sniu .diyc ee le si tner qxyx tiaur cam' vnuaa quann qnuaiw (HURDLE): jitt nng hxang qandna' qivunw dongrjog dyrr kaix jerje siqanx. Qycc u GOLF, beh jnuaxngiu jiacc u huatdo giac hitt qix qiuqnuaiw? Liw narr decc sniu jiaxee bunrdee sii, dongrjog si byy kyxlingg qudliux ee. Danw qisudbin itcer dy' virr siauhuar kipsiux au, dyrr e viw virr vig jit hxang jit hxang yc sii qyckacc u linglik tuisag.
Guaw uanjuann byy zinrdongg C.P. SNOW (1905-80, Ingqog siyxsuatqax/ budlixhakqax) ee qongxhuad: qra kyhak --- diwsig/ sing'uac lixsingr qewsngr janbin --- knuawjyr ham' jursad ee zinbunn uahdang sing'uac uanjuann byy qang ee tairdo. Guaw zinruii jitt nng hxang si horsiong vow dngdew. Bunhak< jap-sir jua six> jyr le, hex su'iaur dairliong lenrsip, jiacc erdangr hro hitt jiongw qetqor jniajyr cniurr dairjurzenn hitt ngiu ee liudong, u sii lingqamw jit laii, rig cud ee mic jin' kyxlingg m si moxjiongw jap-sir jua six hitt ee hingsid qongw e cud ee. Hingsid/ viauxdat horsiong bidced kanlenn.
Zuqyw jiauww liw soxx jaix ee lueriongg hingdong, anne dyrr bersaih jixsirr liac diauu diwsig, rair qra diwsig huawjyr hingdong, jex si gersut ee juanvo. Hagsingx vutduan lenrsip --- qikiauw/ quijig/ qitnax rair pacvniar ee dairjir --- dng' jex itcer longxx jin' tongtauw/ quanwlen au, jiacc erdangr jinwhingg xe jit vo.
Congwjyrsingr ee hing'uii m si
liac diauu moxmic m vangr, si niurdo hro
sinx congwjyr unrdong
Lanw siongxsiong, moxlangg lenrsip dnuaa qngwkimm. Cur-vnix narr u langg qui' zit len qngwkimm, byy viw jex kacc camw dai lor. Jiaxee lenrsibkig byy jit siuw hyw tniax. Lenrsibkig ee qonglingg si beh hro jngxtauu-aw lingxli/ tiauwtad, jongw si diyh'air len jit dnxua siqanx, jiacc u kyxlingg jurzenn unrjog, hitt sii benw qycc sniu dangx qor saix. DO ... RE... MI... FA ..., suibongw hunsig erdangr ciokjinr cionghun hingdong ee linglik, danrsi dng' liw itdit sniu quijig sii, hingdong ee liudongrsingr dyrr sriu joxgai, jex si muixx jit hxang dairjir dy' byy venr ee jinliw. Sniu beh jniajyr gersudqax, iauxx bue yc erhiauw qikiauw ee langg, si ingxuanw byy kyxlingg sidhen ee.
Zuqyw huathen jurqiw iauxx liongr be kuix
trer dngw kir haghau
liw iauxx bue cutsaix
Dirliauu gersut si beh hro vnerlangg jniajyr jingwsionglangg, sunzenn gersut si inxcua langg ciauuat langg ee jancur, jinwzip sinx lingxhik, nng jiongw jiqanx u jin' dua cavet, dirliauu quewdingg qisut/ gersut kectew longxx byy diongriaur, bogdig si beh qra vnerlangg cua zip laii jingwsiongg unrjog quixdy, hro jniajyr jit xee hyhaii vnevang ee langg. Gersut si laijurr hyhaii ee zinlui ---”gersut siongrr uaxqin dairjurzenn hyhaii sunrsi”. Zuqyw jit xee langg byy qraur jurzenn, jiyh gersut jyr qangku qra cua hiongr jitt xee honghiongr. Liw ersaih qongw, dirliauu gersut si “vow” hitt xee langg soxx kiamr :ee, duiww dongsurjiaw laii qongw, si gersut.
GERSUDQAX (ji' zi)
buxdy --- qamxqag jurqiw si jit xee sinn, dirr byy jurgnow ee kuanqingw sanwvo.
Qangxqiur hingsid ee buxdy cniurr ballet/ Inwdorbuw, si lanw jitmaw dramm ee juxdee siongrr hyw ee lerjingr, uirr kongwjer sinkux diyh'air hagsip jerje hangrbok, soxu ee lenrsip dongrjog jiamrsii qra buxdy danr jit vnix. Inwdorbuw qra jingxqyy sinkux hunqaiw: u bagjiux/ qokk jiongw ..., ee digding dongrjog. Zen'au jaiww qra sinkux qokk vorhun jip jywhuew, qetqyw si gersut vunxjid juanxhuar. Tiauwbuw :ee beh jinjniar jyr qaur jitt diamw ixjingg si byy sniaw hyw knuar ee, mrqyxx hex qycc si lingrgua jit xee jancur vunxjid henxhen.
Buxdy
si snewmia vunxsinx
siongrr quann siongrdingx
Dirr quabuw nirr soxx viauxdat ee jurqiw si kacc quann tuantew ee singguann: inx ixqingx be qir did jnuaxngiu qniaa lo/ qongxue, ixx vuex/ tiaur ee juser dauzip kongdiongx. Muixx jit juser dy' kuriuw xmoo lat ... qamxqag jurqiw si sinn, dirr byy-guaw qingxqair nirr sanwvo, cniurr dirr bang-diongx knuar diyc sinn hiacc jongqyx ... ix, byy qycc si jit xee gersudqax/ ix vunxlangg dyrr si gersudpinw. Hionghiongg jit jun behunn bang, soxu jurzenn congwjyrlat ixx “id si itcer” buhan hiqongg, kuidenw langg ee sinkux. Dairjurzenn iong siongrr jinsit byy zimrhyy ziakamr dua sniax qiyr “ham' guaw qangrngiu! Guaw si sewsiok vutduna rig cud hingmau ee guancox ingxqiuw snewmia, itdit byy tingg sag dinxdang hro jinwzip sewqair, ingxuanw :ee dirr jiaxee juanxhingg did diyc buanxjiog.”
--------<NIETZSCHE>----------
gersut si sxit
cua liw qniaa cud
jurqiw ee qydnii
SPENGLER soxx qongw “jngtna gersut” “snatanr gersut” jiqanx jyr liauw cuwbi ee kuhunx. Qenwdiok si jngtna gersut juxiaur ee le, itdanr kixjy uansingg, ankngr dirr hiax, byy siqansingr; snatanr :ee ixx buxdy jyr le, liw narr byy kir knuar mow digding enxcud, dyrr byy kyxlingg jaiww knuar diyc hitt dniuu, si snewmia mow jit siyw pnir ee surbut. Jitt xee qaiwliam hro guaw liauxqaiw jerje gersut bunrdee, jin' u iwgi. Tiauwbuw ee snewmia suxx langg kyxsiyh jiid si, jitt jiongw dogg-id-byy-zi (dog'id-buzi) ee uixdai sikig, byy jairdniuu ee langg dyrr si cywsid lor. Vixzu, ANNA PAVLOVA (1881-1931. Solenn tiaur ballet ee) ee enxcud, narr byy kir knuar, dyrr byy qycc u ar.
Jurr ham' JEAN qethunx au, guaw ee sing'uac ham' buxdy sewqair jin' jiapqin. Ix qra tiauwbuw knuawjyr snewmia ee “jit vorhun”, dng' ix byy qycc tiaur qydo qangxqiur hingsid ee buxdy sii, iuguann singsit binrduir: snewmia jiacc si derr id iaurqinw, m si gersut. JEAN u jit xee jin' bixle ee surgiap, inx angx marr jin' hnuahiw knuar diyc ix ee singjiu. Gunw qethunx sii, ix qazip MARTHA GRAHAN buxtuann. Hiax jurjip jerje cutqiyh tiauwbuw :ee: MERCE CUNNINGHAM/ ERICK HAWKINS/ JANE DUDLEY qapp JEAN. Siongsinr guaw, inx tiauwbuw dy' si itliuu ee.
Tiauwbuw :ee je huer au rair jyr diongrdua juanxvenr, byy qycc qra buxdy knuawjyr enxcud/ denxlamw, si cniurr jiauw uirr cniuwquax laii cniur, jixiaur sinkux qamxqag e diyc ee qirli, suaw dyhh dy' si suxx langg zukuair. Ui' jitt jiongw juanxvenr e snex cud jit jiongw snewmia, in'ui si dirr jurqiw simlingg su'iaur/ hnuahiw ee hingdiong diongsimx, hitt xee qngngiaw jiong' ciy cud soxx jyr qitnax surbu. Jingxqyy sewqair dy' e qazip liw ee buxdy nirr.
Lanw jinjniar sniu beh jyr ee jixsirr tiauwbuw.
Jewsinn ee bruw si uirr sinbingg tiaur, m si uirr quanjiongr. Iwdoo qra binsiok buxdy kngr kiw kir buxdaii viauxenw, soxx henr cud ee bunrdee jiid/ hex uirr langg huanlok laii tiaur, marr byy qitnax hingsid ar. Buxdy si ui' lanw ee jongqaur ced cud kir ee, ersaih duiziok qaur diongqow buexqii, buxdy jiacc jniajyr jit hxang sunzenn sewsiok ee uahdang.
Guaw jitmaw dng' decc cuxliw jit xui bad kir Inwdo yc tiauwbuw ee siauwlenn Iutaiwlangg ee ciuxbuew jokpinw/ si JEAN NYU TISCH gersut haghau ee hagsingx/ huisiongg qac'ir Inwdorbuw/ jauw kir Inwdo yc tiaur SIVA jitt xui sinbingg ee bruw. Ix Itdit hagsip beh jniajyr qauwsu/ kuriuw Iutair jongqaur jingqamw ee siauwlenlangg, suacc hro Inwdorbuw kib .kir, cur-lai ee langg jin' cecsimx. Sinn si tiauwbuw :ee, rair jniajyr sinn jiacc e jongvair sinn, jiacc cue e cud luerjai ee sinn, ix soxx texzin .diyc ee si, uirr quanjiongr iacc si sinn tiauwbuw si uanjuann byy qang ee iwliam. Dng' liw qo' langg, dirr jurqiw druar ee soxjai, si uirr sinn tiaur, ham' sinn hab'id. Jitt xee qaiwliam si TANTRA ee qicow: beh jongvair sinn, liw rair singx jniajyr sinn. Bylun jnuaxngiu cinghox/ knuawtai, liw soxx jongvair ee sinn si liw u linglik venwsingg sinn.
Sinbingg/dairjurzenn/ liw vunxsingr ee lat, luirviw jyr snax xui ittew. Liw narr drat qaur hitt xee jancur, dyrr erdangr dirr hitt qidiongx jurjai laikir. Hex dyrr si itvnuax gersut jokpinw, in'ui gersut jinjniar si jit jiongw jongvair.
GERSUDQAX (ji' snax)
kyxlingg liw byy qangjog, kiokk u sing'uac.
Suanw jitgiap ee hongsid u nng jiongw. Jit jiongw si genxqiur birlaii jap dxangx byy qang singwjid qangjog soxx teqiongx jiurgiap qihue ee siongquanx tongxqer sowzi, zen'au qinqir jex cue qangjog, si lunliuu ee. Lingrgua jit jiongw si mng jurqiw “guaw beh jyr sniaw?” zuqyw liw anne mng, dyrr si ham' jurqiw ee quatding jokduir. Mrqyxx “guaw beh jyr guaw beh jyr :ee” qycc qencii lyc kir, anne e u hro liw sniu be qaur ee dairjir huatsingx. Kyxlingg liw byy qangjog, kiokk u sing'uac, si jin' cuwbi ee dairjir.
unrdoo ee liujuanw
diwhui jixhiongr diongsimdiamw
iuwdir :ee duer lenw-aw dngw
Guaw bad jerje gersudqax, duhuix inx kir jyr sionggiap :ee, narr byy, duardysor dy' m jaix sing'uac hykir-hyjiongg/ m jaix e venr qaxx jnuaxngiu. Knuar hiaxee yc tiauwbuw ee ginxaw soxx quer ee zidjiw, inx si byy jiurgiap qihue ee. Zuqyw liw jin' sniu beh jaix byy qangjog qihue ee juangiap si jnuaxngiu jit huesu, kir enxguann haghau knuar dyrr jaix lor. Inx jiaxee siauwlenlangg h.-hnuahiw-h. zip lai, kiokk did be diyc qihue jiurgiap, suxx langg luexjir!
Jingwsiongg ee jinghongw, dirr liw ee gersut jitgiap sing'uac, dyrr si qongw liw snewmia singjiu uahdang lingxhik pacvniar qangjog jerje nii, kiokk tanr byy jnii, uirr quer zidjiw, jixhyw cue jit hxun qangjog, kyxlingg si moxjiongw liw u cuwbi/ byy qaiww su'iaur kaix zuarr je kuiwlat :ee. Kyxvixqongxx, ersaih qar langg liw dng' decc jyr ee gersut uahdang, kyxlingg si qawceh ee jitbu, dongsii qycc iongxiuw sinsingr kongqanx/ siqanx jinwhingg jurqiw ee congwjy. Jitt jiongw jinghongw, guaw e anne qongw: uirr liw ee gersut congwjy, jitgiap si liw ee qangjog.
Liw dirr qangjog-siong viauxhen jin' hyw, tauqex/ lauxvanw beh qra liw sringx kacc quann ee jitbu, liw diyh'air viw jaxjingg dauzip qyckacc je simsinn, tairgu kacc quann, sinx qangjog jikzim hro liw qiamxjiyw sriok liw jurqiw ee juriuu siqanx. Guaw e krngr liw mair jiapsiu/ mair jiapsiu zimrhyy viw qivunw kaisiaux su'iaur kacc je siuzip ee qangjog jitbu, in'ui liw m si beh air qangjog singdiongw, si beh dirr liw gersut congwjy. Suisii erdangr dirr haurhngg knuar diyc jitbu sringx quann au ee hiyrqyw: vutduan sringx qnuann ee jitbu, itdit qaur hingjingr jit'ui, qra liw soxu ee itcer qaw qaxx dax ~ ~. gersudqax soxx rair qenwlip ee qetqor, m si uirr siarhue hogbu, si beh ow cud luerjai simlingg ee dongrlik.
Beh jyr qaur jitt diamw, dyrr si jin liw ee jikzim/ jyr hyw qaix jyr ee qangjog, dongsii, iuguann e ju'iongw liw congwjyrlat, liw diyh'air qra jurqiw ankngr dirr jit xee bidhongx ee huanxsingw si'kongx, muixx zit digding quiw diamxjingx-lai uanjuann be sriu qiauxcaw --- m quanw liw erdangr jingcuw diyc zuarr je siqanx --- dirr hitt dnxua siqanx juadduir byy sriu cimhuan. Rair kakding jurqiw u jiokgiac ee jingsinn/ siqanx jiauwqor liw rair qor .diyc ee dairjir.
Hyxcincniu jyr unrdong, liw e ciauu cud jit dnxua siqanx, si jit dnxua sinsingr ee siqanx. Vixvan liw ee gersut, dagg zit vuah itding ee siqanx, dngquw jyr .lyc .kir. M quanw liw u siaw cud sniaxmic, dagg zit jre dirr hiax quiw diamxjingx, si duiww gersut congwjy nng dua iauwsor --- qautongx/ viauxdat --- ee bingngiu. Duer diyc liw qangjog jikzim qiamxkinx, dauc ~ aw --- kyxlingg m si jit ~ nng lexvair, simrjir jit nii au --- u kacc je siqanx laii jyr liw ee gersut uahdang. Guaw soxx qongw ee diongrdiamw si, liw ee congwjy --- liw ee gersut --- ham' liw ee jitbu vutqaix horsiong qanziauw.
CONGWJY LORTAUU
Jewjy quewdingg jongw si jauw dangx longr saix luan luan jongg.
Simrjir siaw ceh jitt hxang jiacc dansunn ee dairjir marr anne. FRIEDRICH SCHILLER (1750-1805) jitt xui GOETHE sidai ee Dikqog sizinn siaw liauw jit dniux cuwbi ee puex hro siaxjog jongrgai ee siawlenn jokqax --- joxgai laijurr siaxjog vunxlangg qirjuat luerjai diauwhuanr ee qetqyw, puex nirr anne siaw: “liw ee bunrdee si, dirr qamxjingg siautauw iauwsor iauxx byy qihue viauxdat cud laii jingg, dyrr inxzip puepingg. Ixx six jyr le, lanw kaix jerje siqanx genxqiur SHAKESPEARE/ HAMILTON ee six, danrsi dng' beh kaisiw siaw sii, kiokk sniu, uaa! Tniqongveh ar! Qaix jnuaxngiu jiacc hyw! ”
siaxjog sii
mair puepnuar jurzenn rig cud laii ee zirqur
mair sniu: qamxx tanr u jnii? Si m si liauw siqanx?
Guaw soxx siaw :ee ham' qitnax jokqax jin' dua byy qang. Soxu sinue jailiau dy' ixqingx junjai, jit dua dxuix guaw ixqingx tak quer sir ~ go-jap dxangx ee, cuxliw hongsid jerje jiongw, siongrr poxtongx ee si siujib soxu jailiau, qycc cutvanw jit vunw hagsut duwjog. Danrsi dng' guaw siaw sii, iwdoo beh did diyc jit jiongw jurqiw ham' sowjaii qiongrdongg hiangxiuw qinggiam ee qamxqag. Sursit-siong, duhuix u jitt jiongw qamxqag, narr byy, siaw be lyc kir. Cniurr qra moxmic he zip qaxbah qikir-lai, qaw cud laii :ee si moxjiongw sinx surbut, qycc byy uaicuac guansiw jailiau. Dng' ixx jitt jiongw hongsid johap sii, si suxx langg sinsongw ee.
Duhiux guaw duiww mow jailiau jin' u qamxqag, narr byy, be kir siaw, qycc qinqur jailiau si m si e huatsingx qonghau laii dnia. Tongsiongg siaw lyc laii ee sinue jerje kipenr, mrqycc bylun zuhyy sinue juanvo dy' ixqingx u copuex ar, soxu qivunw qaiwliam dy' u ar, jixiaur qra zinrven cud laii. Jex kiokk si tyxmia kangkuer : dng' liw hiongr jingg kuix vo qniaa sii, tudzenn huathen jurqiw qongw liauw lenrr qaqi dy' m jaix qongw .quer ee ue.
Guaw siaxjog sii, sniu diyc jingxqyy hagsudqair, guaw jaix inx jnuaxngiu knuawtai jitt xee sowjaii, mrqyxx guaw ham' inx byy qang. Qandna' anne sniu “dng tauu marr byy iauwqinw, jongw si rair juwsinn tniax jitt hxang sinwsid.” itdit qamxqag jurqiw cincniu decc cngtanr horsiong cionglongr ee nng der dua giamjiyc, inx dyrr beh hap jywhuew ar, guaw rair sniu vanrhuad dirr inx beh qra guaw giap siw jingg cngx quer kir. Hex si quaiwqii ee quewdingg, guaw jinjniar u huatdo qra inx tner kuix, ui' jiax itdit rig cud bunqur. Mair sniu huwbin dai, itding e u huwbin :ee, zuqyw liw beh jyr jurlaii byy langg jyr .quer ee su, liw rair cutlat tner kuix hitt snir mngg, jiamrsii tingjiw itcer puepnuar, juansimx jyr liw ee qangjog. Siaxjog sii, liw itding rair itdit anne jyr hro zirqur jurzenn lrauu cud laii. Tingg driau pnuepnuar si jamxsad “liw ingwqaix” ee lringg, qra taii siw.
singx siaw cud laii
mair quanw pinglunrjiaw, itdit siaw
zen'au liw kyxiw inxzip
puepingg iwqenr jenxcaii
Zuqyw liw u “si'angg e knuar diyc guaw siaw :ee?” ee kunwziauw sii --- anne liw ersaih qra sniu jyr uirr liw siybad/ qongxue e dauqix ee langg laii siaw. Simlai sniu diyc uirr mow digding duiwsiong si qik u vanjan ee, duhuix liw byy qycc su'iaur tniajiongr. Vixzu, jit qrunn qoxjuix/ bagjiux liac liw qimx ~ siongr ee ginxaw/ ham' inx qongxue/ uirr inx siaw. Lanw erdangr ciangjai knuar diyc jokjiaw jinsingg qra jit vunw ceh sangr hro moxlangg/ si uirr ix siaw :ee. Ixx <ALICE'S ADVENTURES IN WONERLAND> jyr le, si siaw hro jit xee digvet ee jaboxginxaw. Guaw kaisiw siaw ee sii, taukag-lai si guaw ee hagsingx, hiaxee guaw bad s.-sidjai-j. jiapciog .quer ee langg. Guaw jaix inx ee sniurhuad/ inx tniax e zip .kir ee ue.
Incuw, guaw zinruii puawduu soxui siaxjog jongrgai ee nng qnia iauwsor si, u qongxdnar duiwsiong, dagg zit ciauu cud quiw diamxjingx, naxx siaw aiwjingg puex hro jitt xee langg.
Siaxjog quawgai laijurr
kyxlu sniu' je, jamw dng liw ee tauu
PEGASUS (sisinn kiaa ee bew) qapp six
longxx dirr MEDUSA ee tauu virr jam lyc laii au
jiacc cutsir ee
siaxjog sii hnuaidit luanrjongg ee
dirr liongsimx hixkyw huanruii, jinrliong siauxqongg
Dng' jailiau quatding hingsid ee qamxqag sii, si siaxjog sihau. Kyxlingg jin' qinw dyrr huatsingx, marr kyxlingg kaix driau liw jerje siqanx au, jiacc cue cud lo. Guaw kaisiw siaw <THE MASKS OF GOD> sii, jit kauxkuir dyrr uansingg jitt herlet ee derr id vunw <PRIMITIVE MYTHOLOGY>, qnuaw qaxx jin' hiongqongg, in'ui u langg teqiongx huiwiong beh hro guaw kir camqax INTERNATIONAL CONGRESS FOR THE HISTORY OF RELIGIONS dirr Zidvunw diauwkuix ee huergi, guaw kuaiwsog qra jitt vunw ceh siaw uann. Aurlaii jitt vunw ceh ee huanxingr hro guaw inwsiong huisiongg cimx --- siaw qaxx viw guaw guandew soxx sniu :ee hyw quer jerje --- suacc hro derr zi vunw siaw be cud mic laii, itdit qaur guaw duiww jurqiw qongw, “jimjiog tniax hyxser, mair sniu hiacc je, duardnaw qongw cud sniurhuad, juansimx siaw dyrr si lor!” qajair bad tak quer SCHILLER siaw hro siauwlenn sizinn hitt dniux puex.
Jongqaur-siong, lanw ciangjai e qongw diyc duiww siongrder ee qniax qapp air. Qniax e joxgai liw, air hro liw hiongr jingg qniaa. Zuqyw liw jyr air jyr ee su m qniax pnuepnuar, dyrr e jinwvo, ui' qidiongx cue diyc hingwtauu, jin' qinw duar hor liw kuaiwlok. Qir hro diauu, Vuddyy derr snax ciwlen si jikzim (DHARMA), jyr liw qitai liw jyr :ee. Hex si duiww siarhue qiamxjax ee qniahniaa.
Siaw liauw mow quaw mic, knuar quer paczirqyw au, qycjaiww sniu .quer, in'ui ham' ciuxqyw ee hingsid byy qaiww qangg. Narr duiww paczirqyw qamxqag buanxir au, dyrr qaxx sangr hro cutvanxsiongx, inx narr u jiapsiu, e qra qauwduir ngiurvunw sangr dngw laii hro liw, liw rair qycjaiww knuar jit vxenr. Dagg vaiw jokpinw ixx byy qang binrmau cuthen sii, liw e u kecquanx tairdo. Jiurr moxjiongw hongbin qongw, liw jniajyr togjiaw, m si jokjiaw, ixx sinx ganxqongx knuawtai. Jitt jiongw qikiauw si qra surbut juanxvenr sxingg gersut jokpinw ee vorhun quewdingg. Guaw zinruii dnaxx jerje langg vingrr byy liauxqaiw jyr jit xee gersudqax jinjniar iwgi, vutjiw si siaw ziiw. Guaw ee iwsur si, rair qiamqor ciuxlo(qige)/ tairdo/ iwguan jiacc erdangr texzin jitt jann dyrliw. Duhuix ixqingx kurtew jniaa hxingg, narr byy, dyrr m si gersut.
Tec cud simair ee mic
taii driau inx
narr byy, nng dxangx au
liw e hiyrhuew jurqiw byy anne jyr
M TANGX QRA JINJUX DANR DIRR DIX TAUJINGG
snewmia-diongx zimrhyy hingsid dy' byy uanbiw ee, jixu gersut erdangr dirr byy uanbiw nirr knuar diyc qng'ngiaw.
Zuqyw liw beh lauu dirr jngx nirr, qui' jngx ee langg longxx e jiauwqor liw, narr beh cutgua kir morhiamw, rair suanw diyc jingwkag ee siqanx jiacc u kiauw. U huer ar, jiacc u jitt jiongw sniurhuad/ narr lingqongx siamxsih sii liw ixqingx hurdamx zinsingx ee qokk jiongw jikzim ar, hex jinjniar si bunrdee lor! Ixx GAUGUIN (1848-1903) jyr le, lirkuix sewqanx au, ix ee gersut zuxx laii zuxx henxcud qongcaiw. Ix itdit qaur sir-jap-go huer, jiacc kaisiw zinrjinx uerdoo, zen'au qra sing'uac rngiuu zip rue nirr, quewdingg si inghiongg morhiamw, kiokk huwcud qik quann ee dairqer, vutjiw qra jurqiw bruw qaxx huex loklog, qalairlangg marr duer ix dangdyw-saiuaix. Liw ersaih giyhciyr ix jywlangg tetdew sitvai, mrqyxx si singqongx ee gersudqax.
Suar lyc laii ee qinggiam si, liw jah juvyw dngw laii suacc byy langg beh air: m hyw jiong' jinjux danr dirr dix binrtaujingg.” in'ui qniax langg' e juanxhiongr laii duiwkongr ix. Tongsiongg byy langg e huangingg liw ngiaa dngw laii. Qamxx m bad tniax quer gersudqax qniaa dirr “inx sidai siongrr taujingg” ee qowsu, jitt jiongw gersut jixu qingguer jit xee vnuar sewdai au jiacc u langg himsiongw.
Sir-jap ~ go-jap nidai qiqanx, JEAN ham' jit quaw longxx byy miaa ee gersudqax jyr dairjir, zi-jap nii au, jiaxee langg dy' venwsingg taubinrdingw. JOHN CAGE (1912-1992, Bixgog jywkikqax) ter JEAN ee sir der bruw puer imgak, dongsii qycc byy langg bad neh! Ix hitt sii ee hingqingr quaiwqii, mrqycc qewsiok jyr jurqiw beh jyr :ee, aurlaii jiamrr cutmiaa. Jitmaw ixqingx si jitt xee lingxhik ee juxiaur zinbut lor!
Ix marr qongw quer “miasniax byy diongriaur!” hex bak jit nih dyrr byy .kir .ar, jit xee langg kyxlingg dirr qidiongx snax hunxjingx/ snax-jap hunxjingx, iacc si jurlaii m bad u miaa .quer. Danrsi hex m si gersudqax loxlik ee bogviaux. Qandna' sionggiap :ee jiacc e anne qongw “bylun inx beh air sniaw, guaw dy' e teqiongx hro inx.” jinjniar gersudqax si jiauww ix iongxiuw ee tenhur jurzenn viauxdat, jitt jiongw binxqamxsingr iwbi diyc “guaw rair jiong' hex viauxhen cud laii.”
Mrqyxx u sii gersudqax e hro congwjy ciongdong bee .kir, ersaih qongw si “snewmia siausid”. Jex dongsii marr si YOGO siuhingrjiaw ee bunrdee ji' id. Dng' did diyc kexbingg sii, snewmia byy .kir ar, byy hxuad qycjaiww dngw .laii. Jex si iauxx bue jinjniar liauxqaiw ix jurqiw snewmia ee gersudqax, vitzenn u ee qetqyw.
Air lingsingr ee dongsii
bersaih pixsniur siogser
JOYCE si anne ee langg, hex si zuarr liauxvutkiw ee itsingx! Liw narr tak RICHARD ELLMAN soxx siaw <JAMES JOYCE>, liw e huaigii nacc u langg erdangr anne uac quer itsingx. M jaix JOYCE si jnuaxngiu zimxsiu? Inx daux ee langg qycc si jnuaxngiu dro .quer? Ix ee ving'iuw jnuaxngiu dongr e diauu? Danrsi knuar ix ee singjiu! Guaw ee iwsur si, zuqyw liw u ganxqongx knuar cud ix ee birlaii.
<A PORTRAIT OF THE ARTISIT AS A YOUNG MAN> JOYCE iong liauw jap-zi dxangx jiacc uansingg. 1904 nii ixx jit pnix snuawbunn kaisiw siaxjog qewue, qui' vunw siyxsuad itdit qaur 1916 nii jiacc cutvanw. Zuqyw byy W.B.YEATS (1865-1939) jiong' JOYCE siaurqair hro EZRA POUND hiabjo cutvanw, kyxlingg qaur dnaxx lanw longxx m bad si'angg si JOYCE. Dongsii, <DUBLINERS> ixqingx uansingg, qycc jinwhingg <ULYSSESS>, jitt vunw siaw liauw cid dxangx. Naxjunxx qongw “dyrr si anne, guaw rair qra guaw duiww sursit ee texgo u hertongw siaw lyc laii.”
<ULYSSESS> derr id vanw virr Ingqog/ Bixqog ee haixquanx siyx driau, guaw sniu qandna' lauha jit~nng vunw. Jiongbuew dirr Huatqog jaiww cutvanw, hitt sii guaw si hagsingx, ui'id brew e diyc ee soxjai, Bixqog jiax qinvunw byy langg jaix u jitt vunw ceh.
<FINNEGANS WAKE> siaw jap-lak dxangx, linw qaix kir tak covanw ee pinglun: jitt kox dauwdew decc congr sniaw? Qamxx kixsiauw ar? Si m si beh hro lanw naxx siauw :ee itdit qangjog? ceh cud nng qywguec dyrr virr dongwjyr qyy lacsab kir siogqer bre. Guaw brew sir vunw gne cecpuee, jit vunw go qag lak hunx. Jit vunw ceh narr kaisiw siogbe, viauxsi cutvanxsiongx decc kingg inwsuachhuir, jokjiaw si sniaw longxx byy ee.
JOYCE dirr go-jap-qauw huer snezit jingg snax lexvair quewsinx, iauxx u jit vunw qewue ee ceh byy jinwhingg. Ix m si guaw sing'uac ee bohuan/ kiokk si guaw ham' gersut quanhe ee denxhuan. THOMAS MANN(1875-1955) qongw JOYCE kyxlingg si zi-jap sewqiw siongrr uixdai ee siyxsuatqax. Liw knuar ix soxx huwcud ee dairqer zuarr quann!
JOYCE zimxsiu soxu ee koxtangr, in'ui ix ee iwdoo si uanbiw ee, jex qamm dirr gersut ee buanxjiog nirr, ix drat qaur ar. Byy uanbiw :ee si snewmia, snewmia soxu hingsid longxx byy uanbiw, gersut qonglingg si dirr byy uanbiw nirr qnir diyc qonghuix.
Gersudqax jiong'
qokk jiongw congwjy hongsid
kexhuad qaur ciauuat qingxqair
Incuw, lanw soxx liauxqaiw ee gersut si MAYA kexsi lat: dirr imgak/ buxdy/ bunhak/ qokk jiongw gersut ... dringw ee congwjy, longxx u “sinsingr honghur ee suiw”, sanxsingx suiw qingdong ee congwjy jit diamw aw dy' byy sidjer iongrdoo, kiokk packuix luerjai janbin. Lingrgua jit bin, guaw zinruii MAYA lat dausia cud qniahniaa qapp gersinn, qra lanw cam' juxtew duiwlip ee kectew lenn kiw laii. Jex si huisiongg cingcyw ee.
INWDO BIY
Rair singx juanxjyr sinn ee libdniuu, laii liauxqaiw sinn iwsiong soxx hro liw ee iwgi.
Inwdo gersut u nng jiongw : bixhak qapp biy :ee. Biy soxx quansimx :ee si beh ingxhiongw cioksingg lanw simliw juanxhuar, m si ixx suiw jyr bogviaux, m si beh kip'inw gersudqax/ quansiongxjiaw. Dirr jiax, lanw jinwzip lingrgua jit jiongw gersut. Iwsiong ee laiguann si simx ee huanwsiong. Aujiulangg u jin' dngg jit dnxua siqanx m bad Inwdo gersut. siquax/ dethak erdangr did diyc Aujiulangg ee hixair, gersut kiokk itdit qaur inx liauxqaiw diyc iwsiong vingrr m si surbut ee dairviauw, si simlingg juanxhingg ee qangku sii, jiacc jaix jnuaxngiu himsiongw Inwdo gersut.
Guaw e qongw <FINNEGANS WAKE> si erdangr hro togjiaw simlingg juanxhuar ee ceh. Zuqyw jinjniar iongrsimx knuar, qycc jaix JOYCE decc qongw sniaw, ceh nirr dyrr u juanxvenr qywzinn/ sewqair quanhe ee ngiaxsiong.
______ uirr Inwdo jongqaur gersut huwcud jerje jingsinn genxqiur inx qaiwliam hingsid. Qongw jit xee le, mow xui gersudqax sniu beh dirr SIVA jitt xee juxdee jyr buxdy congwjy, dairsingx rair siujib iuxquanx SIVA ee qauwjaii, liauxqaiw jitt xee iwsiong qaix jnuaxngiu kixjy cud qiqud, sinn ee ciuw qaix tec sniaxmic? Qycc laii jingrjy bingngiu, uadliam sinn ee miahy, ui' jurqiw ee iwsig sanxsingx cud buxdy ee SIVA iwsiong, anne henxhen dirr lanw binrjingg :ee, si ui' luerjai laii ee simsiong/ m si guarjai laii ee lor.
Tongsiongg lanw e iwdoo ixx jit jiongw bixhak ee qakdo laii knuar Dairjurjai SIVA: jixsirr dongwjyr jit qnia gersudpinw. Danrsi SIVA ee sinwdoo kiokk qra kectew venwjniaa inx jurqiw iwsig hudsimx duiwingr diyc SIVA: guaw si SIVA. Jex ham' qandna' knuar ee iwsiong huisiongg byy qang lor.
Lanw ongxongw byy hxuad ixx bixhak ee hongsid laii texgiam Inwdo biy gersut, in'ui vunxir si beh jyrsingg lingrgua jit jiongw haurqyw. Liw rair juanxvenr jniajyr sinn ee libdniuu, liauxqaiw sinn ee iwsiong soxx beh hro liw ee iwgi/ si diamrjing ee, suibongw e hro iwsig sanxsingx venwhuar/ si sanxsingx sinx ee diamrjing, m si sikjingg :ee, be duiww soxx biyue ee surbut sanxsingx hinghunr ee iogbang. Dng' liw qamxsiu diyc suiw ee qingdong sii, sanxsingx simliw juanxhuar. Byy qycc si tamluann jing'iok ee langg. Dirr hitt qidiongx jairvo unxding lyc laii. Biy gersut dirr jitt xee janbin qycc hiongr jingg sag jit vo, duiww sewqair itcer surbut ee iwsig dy' qaixvenr lor. Jitt xee huatsingx dirr liw srinx-siong ee venwhuar si ingxqiuw ee. Kyxlingg ersaih qongw jinjniar ee gersut si biy gersut, vutqyr iwdoo jyrsingg suiw ee qingdong ham' jyrsingg simlingg juanxhuar, si u cavet ee. Lanw kyxiw qongw biy gersut m si sunzenn gersut/ si jongqaur setqer ee.
SUNJINX GERSUDQAX
gersut si snewmia ee jit bin ziiw.
Mow quaw gersudqax uac dirr tongwkow nirr, marr u langg be. PICASSO srinx-vnix jit qrunn l.-laikir-k. ee bow/ luxsingr, quer qaxx hyxser qaxx, zimrhyy jit xui bow soxx jyr ee dairjir qinvunw longxx be ingxhiongw ix. Guaw byy zinruii kyxiw qra PICASSO ee sing'uac qongw si kow ee. Dirr NEW YORK Dongdai Gersut Pokbudquanw ee qywdenw, guaw knuar quer nng vaiw, qidiongx jit qingx qruar zi-jap-go vxag, qongxx si jit zit uansingg ee. Si sniaxmic lat u huatdo tuisag ix jiacc siauxqongg? Ix ee sing'uac ingxqaix si jin' huwju, jiacc erdangr kinsangx congwjyr, marr henr cud ix tenhun ee dua qikiauw.
Knuar quer W.R.WAGNER (1813-1883)ee jurduan --- jinjniar jingcaiw! Ix dongsii jinwhingg snax vxo quaqiok/ snax dniuu luan'air/ qycc duiww jiaxee luxsingr ee angsair m kingw tec jnii cud laii janwjo ix quaqiok jewjy huisiongg hunwno! Byy langg viw e quer ix! Ix sinue diwsig ciauquer qang sidai zimrhyy lanw jaix ee hagjiaw! <RING CYCLE> nirr, jiong' GEMANIC sinue ee nng bin qethap jniajyr jit xee jingxtew: inghiongg morhiamw/ uxdiu detsu --- cutsir/ lirkuix zinqanx. Siongrr lirhai si , quasuu marr si ix siaw ee! qycc iong quanxgak/ Huatqokhy ... dringw qra gagtuann kokdua, jitt xee quimoo siongdongx huatbingg jit xee juansinx gagtuann! Setqer liauw kyxlingg Aujiux iuxsuw ixlaii siongrr hyw ee qiogngi. Guaw uanjuann byy liauxqaiw ix zuhyy jit ciuw vauvan jiaxee su! Guaw sniu u quaw langg dyrr si jingsinn jiacc ciongsing, berdangr iong poxtongx viaujunw laii pingqow.
Guaw soxx bad ee gersudqax longxx air jnii, danrsi inx dy' be juxdong qriuu jnii, inx simsu he dirr vadd soxjai. JOYCE qra ix bad ee langg tyw jnii, ix byy hxuad dongsii tanr jnii qycc jyr ix sniu beh jyr ee dairjir : jap-lak dxangx siaw <FINNEGANS WAKE>, jiong' jiacc dua ee hurdamx jrngx zip “ix sing'uac ee siyw vangqingx” si ix ui'id jyr e qaur ee.
F. SCHILLER (1750-1805) si jit xee binxqamw qycc kiauw ee gersut simlixhak hagsingx, ix kuved cud nng jiongw byy qang luirhingg ee gersudqax: dair iux :ee qapp sunjinx :ee. Tec jurqiw cam' GOETHE snaviw, ix qaqi si iusiongx duar vijingg, dyrr si byy uixdai ee qangku/ byy juwdiong jurqiw ee qenrkongx/ qra gersut dongwjyr snewmia/ mrqyxx snewmia m si gersudqax :ee/ “muixx qnia surbut “ dy' venwjyr ix gersut juxdee; GOETHE si sunjinx ee gersudqax, u hongpair ee snewmia/ derhngx diongriaur jingwdi zinbut/ gersut jixvutqyr si ix snewmia ee jit bin. Jitt lui ee langg viw vadd langg su'iaur qyckacc je ee jixdy, danrsi GOETHE u vutkyxsugi ee didqag/ uixdai lingliong/ uahlat. Ix si qybingg ee gersudqax.
T.MANN qinqir SCHILLER ee qaiwliam siaw liauw jit pnix jin' cuwbi ee vywqyr :<GOETHE qapp TOLSTOY>. Zinruii DOSTOYEVSKY si siongjingg :ee, cniurr SCHILLER qongw jurqiw qang lui ee, TOLSTOY si sunjinx :ee, ix si derjuw, ciangjai cing sxix-aw shirt, ham' qanglangg dirr cann nirr siuquah gnoxqog/ qaxjong jurqiw si jycsitlangg, jex jixvutqyr si iuhir jidvorhun ziiw.
Vixqaur jitt nng luirhingg ee jokpinw jin' hyxsngw. SCHILLER/ DOSTOYEVSKY jitt luirhingg, u qionglet/ hiwqioghuar ee ciongtut, tiaur kiw laii ee kinghiongr, <CRIME AND PUNISHMENT> ciongbuanw tongwkow, --- viwsur/ simlingg tniawtangr ee sing'uac. TOLSTOY/ GOETHE sriok unhyhingg :ee, u ligsuw dngsix singhun/ jonggiamm u lat. Jex si byy qang hongsid/ singwjingg. Simjingg koxcow m si iusiongx gersudqax beh duiqiuu ee, si inx jiong' jurqiw soxu snewmia lingliong qiawtog suiw ee surbut, kiokk byy quanw zidsiongg sing'uac ee qetqyw.
SINSINGR PONGPAIR EE SUIW
Juvix dac kax qaur ee xui, gersut dyrr dirr hiax.
Lanw beh iong gersut qra sinsingr kongqanx tnrix qaxx buanw ~ ~. Dng' guaw qongw “gersut” sii, iwsur si jriw “sinsingr pongpair ee suiw”, m si luan rue/ iacc si qruar dirr vangqingx jyr puewqingw. Sinsingr kongqanx si byy sid'iong qewdat ee soxjai, taur quer duiww surbut “Zulaii (THUS COME)” --- “sinsingr ee pongpair” --- ee bingngiu, byy kurvi sid'iong qewdat jiacc henr e cud/ guaw zinruii iuxqix singdiongw si ixx jitt jiongw hongsid laii, m si jinwzip sid'iong uahdang hongsid soxx henxhen.
Sid'iong uahdang dirr iuxqix hertongw drat qaur singsik au, jiacc e cuthen, narr byy, henwcud :ee si uaicuac ee; dongsurjiaw e zinruii jurqiw vutqyr si luirsu jyr qangx :ee qaksig ziiw. Jex si cniurr Inwdo ... dringw tuantongw bunhuar ee bunrdee, hiax ee langg jit cutsir dyrr cniurr vniaw-boo hitt ngiu rngiuu zip inx INDIAN CASTE SYSTEM ee siarhue jikzim nirr. Inx druu jex ixgua, sniaw dyrr m si, ingxuanw byy kyxlingg jniajyr doglip qywtew, jixsirr juantew ee vorhun ziiw --- dua qetqor-ha ee losix qaksig.
Guaw zinruii dangsehongx lixsiongw-diongx ee langg u jin' dua cavet. Danghongx qywzinn m si jenwsu, dyrr si siongzinn, iacc si luirsu ee qaksig, druu jex ixgua byy qitnax digjid ee langg. Mrqyxx sehonglangg qywxzinn si doglip qywtew, GREECE uanjuann qywtew qaiwliam, jin' binghenw ham' danghongx an' siarhue su'iaur qra langg hunwlen jniajyr moxjiongw digding sing'uac mosid uanjuann byy qang. Guaw bad dirr DELPHI (GREECE qoxsniaa, APOLLO Biy ee soxjai ) qinggiam diyc jitt xee uanjuann qywtew ee qaiwliam, dirr hiax knuar .diyc ee muixx hxang surbut dy' si siongquanx ee: sinn ee qywsi/ gersut/ qiogngi/ snuax-dingw ee unrdongrdniaa ... dringw.
Duiww duardysowlangg laii qongw, gersut sing'uac si rair juansimx dauzip :ee, su'iaur jyr dairliong ee koxqangx jiacc e ingx tihh. RAMAKRISHNA duiww kexbingg ee pinglun, marr sik'iong gersut “ duhuix liw cniurr tauu dyc huew hitt ngiu qib beh cue jit kud juiw tiaur lyc kir, narr byy, mair kir duiqiuu.” hex beh jyr qaur taiww lann lehh.
Qethunx ee luxsingr narr beh jauxcue inx ee gerust, su'iaur angsair ee jicii jiacc qniaa e tongx --- guaw erdangr qra linw qongw jitt hongbin ee dairjir, bad jerje buxdyrqair ee luxsingr, qethunx au angx kiokk byy hxuad zimxsiu. Dongzenn, jit xee qadingg beh vau'iongg cniurr buxdy hiacc qangxqiur hunwlen ee gersut si jin' lann ee. Mrqyxx narr byy hyw ~ hunwlen, au jit huee jnriu buxdaii dyrr jin' cingcyw henr cud lor.
JEAN qongw quer “gersudqax/ sinviwqax ee dyrlo luirsu, danrsi sinviwqax kiamr qige.” gersut qanghux hro gersudqax erdangr ham' sewqair henrsiong vyxcii jiapciog/ icii quanhe, qewsiok pingqer sewsiong muixx jit hxang surqnia ee dog'iuxsingr. Sinviwqax kiokk si jiacc tiusiong, duliauw vunvng hitt der nguaw ixgua, inx ham' sing'uac byy kangai. Dongzenn, u sii vunvng ee nguaw marr kyxlingg jin' u singsanxlik, Inwdorqaur ee dyrsux dyrr u vanrhuad bo zip sxor vah bxan! Mrqyxx jex byy viauxsi inx ham' sing'uac iuxquanx.
Bad dirr Bixqog/ Aujiux knuar quer gersudqax ee hunwlen. Inx sriu qikiauw hunwlen, hagsip viauxhen surbut qisut, danrsi m jaix jnuaxngiu laii unriong, suacc jingsinn vangvnuaa. In'ui inx gersut qikiauw jniajyr inx byy hxuad tudpuar ee jit dow cniuu, iwdoo ixx tuansuad :ee/ qowsursingr ee hongsid laii viauxhen, denw inx ee qisut, qui' taukag drew :ee dyrr si uirr siarhue hogbu, zinruii narr byy qauwiok sewqair/ duiww inx jurqiw ee moxjiongw qawsi, dyrr byy gersut jokpinw. Sursit-siong, jit xee gersudpinw ee dingrgi si “sinsingr pongpair ee suiw”.
Liw qamxx u dirr jitt lairbin knuar diyc MAYA ee dausia qapp kexsi lat? Jixiaur saixlang diyc iogliam/ iamwhin ee juxdee, dyrr si dausia janbin. Liw jurqiw si MAYA ee jewjyrjiaw, cniurr Vuddyy hitt ngiu tairdo sii, liw marr si hitt xee henwkuix kexsi lat ee langg. Dng' guaw liauxqaiw jitt diamw sii, huisiongg qigdong, zinruii gersut/ gersut diwsig erdangr jyr dongdai sehonglangg tongx hiongr kexbingg ee lo/ jiong' ui' qokk ticlen qaixhongr cud laii. Be qimwjiw lenrsip hiaxee liw byy siongsinr ee su, kiokk kyxiw qra liw cam' sing'uac surbut kanlenn kiw laii, jo liw drat qaur hitt xee suiw ee qingwqair.
Liw kuhunx
sxen-og sii
ixqingx sidkir gersut ar
gersut ciauuat dyrdik qawsi
juvix qaur ee soxjai
gersut jiacc dac kax qaur
SIONGRDINGX
jit dih juixjux u duarhaiw ee jubi, jit liap qajauw nxng qamm liauw snewmia ee jingxtew ywvir.
JOYCE ee viwquad:
qnir diyc busow-vutjai ee siongrdingx
DR. JOHN W.PERRY qra kuriuw snemiarlat ee sinue siongrdingx biysuad jyr “jingqamw iwsiong”, didjiab kar diyc diongriaur vorui. M si tuann zip hro duarnauw qaixsueh/ liauxqaiw. Zuqyw siongrdingx su'iaur duarnauw qaixtok, hitt xee siongrdingx si siw ee. ”jingqamw iwsiong” didjiab drat qaur qamxqag hertongw sui' cua cud huanxingr, cuxau, duarnauw jiacc e tecud cuwbi ee pinglun. Lanw luerjai u moxjiongw qiongrbingg ee mec, jiamduir guarjai henxhen ee iwsiong huanxingr, cniurr jit diauu henn hue'ingr lingrgua jit diauu qang diau ee gaghenn qang, zimrhyy digding siarhue tuantew u lat ee siongrdingx, dirr soxu singguann qig cud huanxingr sii, jitt jiongw sinqii pnuarjaur qra qethap jniajyr jit xee jingsinn ee iuxqitew, suibongw qokk singguann vunsnuar dirr qokk soxjai kongqanx, danrsi jitt xee insor ee jok'iong, inx dirr jun'iuw/ sinwgiongw kiokk si ittew ee.
-----Campbell <MYTH TO LIVE BY>------
itdanr liauxqaiw siongrdingx ee surbut
marr erdangr knuar diyc busow-vutjai ee siongrdingx
Qibiau ee si, dag diyc luerjai cimjann congwjy diongsimx ee digvet qonghau, cangwbih dirr jin' dew ee ginxaxqow nirr --- cincniu jit dih juiw dyrr u duarhaiw ee jubi, jingxtew snewmia ee ywvir bih dirr jit liap qajauw nxng-lai . Sinue ee siongrdingx m si jewjy cud laii ee; inx byy hxuad virr vaii qui' vaii/ huatbingg/ ingxuanw sriu apjer. Si simlingg lingliong jurzenn lrauu cud laii ee sanxbut, qokk u inx guantauu/ byy sriu sngxhai ee amwlat.
----Campbell <THE HERO WITH A THOUSAND FACES>----
sinsingr henxhen dirr muaw siwqer
jixvutqyr lanw ee bak byy kuix
siongrdingx hro lanw bagjiux qimx .kiw .laii
jinjniar ee siongrdingx e jiong' lanw cua qaur ngii diongsimx, m si ngii guaruii zimrhyy jit diamw, tongx quer siongrdingx hertongw, zinlui iuxhau/ u iwsig ham' ix jurqiw siongrr cimjann ee jursingr sna' qnir/ ham' langg' jiapciog sii/ marr e qnir diyc siongrder ... ...
THOMAS MERTON (1915-66, Bixqog siudyrsu/ jokqax/ sinviwqax) soxx qongw,
-----Campbell <MYTH TO LIVE BY>------
tongsiongg siongrdingx m si qra lanw bagjiux tixkuix
si qra bak hrongx kiw laii
zuqyw qra siongrdingx kurtexhaur
lanw dyrr hro vak siw kir ar
qanxdanx qongw, cniurr Bixjiux juixguu hionghiongg siausid, hro INDIANS vutjiw virr vakduat jit xee diongriaur ee sinue siongrdingx, marr sitkir jitt xee siongrdingx teqiongx ee sing'uac hongsid, qangrkuanw, dirr lanw jurqiw bixle sewqair, m na lanw qiongriuw ee jongqaur siongrdingx sitkir kuan'uix, quewkir sing'uac hongsid marr byy .kir; INDIANS juanxhiongr luerjai, lanw jitt xee hro lanw behik ee sewqair, u jerje langg marr si anne --- ciangjai tongquer danghongx/ m si sehongx ee inxcua, laii jinwhingg jitt xee kyxlingg huisiongg guihiamw/ ongxongw qycc si colow ee luerjai morhiamw, hiongr lai jauxcue lanw jitt xee siogser siarhue, qoxlyw/ maudunw ee jongqaur jojid ixqingx byy hxuad qaixsuad jingqamw iwsiong.
-----Campbell <MYTH TO LIVE BY>------
sewqair virr cosioghuar !
GUEHNIUU
jitt xee sinqii ee ginvnuaa, hun'iuu dirr bixle ee jiongww cnisinn jiqanx, qinw ~ nngr quer d.-dingtac-t. ee hunn, qycc qra cingcnew ee snewmia cua zip bang nirr.
Qe'axqniaw dog puar nngrkag
si qyc'uac jingsinn ee siongrdingx
uxdiu-nxng si jerje sinue sigsai ee iwsiong; marr cuthen dirr GREECE ee ORPHIC/ EGYPT/ FINLAND/ Vudqaur/ Zidvunw ee sinue ... Inwdorqaur qingdenw anne siaw : “siongrqow sidai, jitt xee sewqair sniaw dy' byy ... ix junjai/ huatdenw/ zen'au jniajyr jit liap nxng, vu jit dxangx quer, hunlec jyr nng vingg, jit vingg qimx, jit vingg ginn, ginn jitt vingg venwjniaa derqiuu; qimx :ee si tnix, guarenn vyc ~ si snuax/ lairenn si hunn qapp bu/ kelauu si jingrmec, kex nirr si haixjuiw decc lrauu. Hng ~ ee taiwiongg si aurlaii cutsir ee.” uxdiu-nxng ee kag si sewqair kongqanx qetqor, luerjai jingxjiw soxx dairviauw, si iong be liauw ee jurzenn snewmia dongrlik.
---<CHANDOGYA UPANISHAD>, CAMPBELL <THE HERO WITH A THOUSAND FACES>----
Qe'axqniaw dog puar kag cutsir, qaiww singg juaa tngwkag/ guehbaii jiyr cud ix ee ngiaw.
Juaa cam' guec inx ee quewkir siw .kir
danr driau ixjingg ee imngiaw jiacc qyc'uac .kiw .laii
Vuejiauw/ sibzirqer-dingw ee Qidog: siongrdingx tuatkuix derqiuu ee sokvak, qaixhongr cud ee simlingg. Guehniuu cniurr Qidog, siw liauw qyc'uac, guec u snax mee si ox :ee; Iasox lauu dirr dongrkauw virr jiyhtauu jac lehh ee (dyrr si ziax guec ee ox ngivnuaa) bong-lai snax amr. Qinqir sinlik/ qurlik qyc'uahjed zidqii suatbingg, snewmia cniurr guehniuu qycjaiww qngx .kiw .laii/ taiwiongg ingxuanw qngx ngiarngia, jiongbuew si ittew ee. Jingxqyy ywvir dirr Qidokqaur ee siongrdingx nirr.
Jurr siongrqow ixlaii, amwmee ee tnix, cnisinn, ginhyy qapp guec, u jerje suxx langg quaiwqii/ cimkig inwsiong ee qowsu. Sursit-siong, dngquw ixlaii lanw ixqingx bingkag zinrbad .diyc/ amwiwsig marr u qinggiam .diyc : guec duiww derqiuu, derqiuu-dingw ee singbut, haixjuiw duarlauu/ kyxlauu, ixqibb lanw luerjai venwhuar kuriuw budliw-siong ee ingxhiongw. Guehsu/ guec jiuqii ee kaxhap kixjy zinlui snewmia sneliw ee jinsit, zinlui hnowhenn quancad cud inx qibiau henrsiong. Ciauhuann sewqair/ zinlui sewqair jiqanx snewmia qenwqor quanhe ee qivunw qaiwliam, sidjer-siong jin' kyxlingg laijurr qinggiam cam' susiongw-siong duiww guec jiuqii ee texzin. Guec sixbongg/ qyc'uac, ixqibb qxauw/ lxongg/ holii ... e hiongr guehniuu vui iacc si aiqiyr, jitt xee ywvir/ qibiau/ be hiuxnua ee ginvnuaa, sanwvo dirr jiongww cnesinn jiqanx, kuaiwsog cngx quer hunn, qycc juanxhuar cingcnew snewmia cua zip bangrqingw; ix qiongdua ee lat: dirr amwmee ee tnix/ hunn/ cnesinn jiqanx denw cud ix junjai ee qngngiaw, qokk dongrbut/ tangtua /sax byy jangw ee bangrqingw ... amwia sing'uac cangwbih diyc knuar be diyc ee qikjingg ... jex itcer dirr zidtauu cud laii au jiamrr tingjiw/ byy .kir. Guec si sinue dua dejaii!
---------<PRIMITE MYTHOLOGY>--------
lorjuiw si ui' guehnii hiax dih lyc laii ee
senzinn jiahmic
Guehsinn si jin' qoxlyw ee siongrdinghak : MESOPOTAMIA vnengiuu ee SIN; MOSE vreh kiw kir hitt jxy snuax hyrjyr SINAI, jin' kyxlingg si guehsinn ee snuax. MOSE ui' snuax-dingw lyc laii, in'ui jriab quer sinn ee lingliong binriongg huisiongg qnghniaw qongcaiw, jiacc dar binrsex siyw ziax .jit .xe, iuguann ui' hiahtauu huatcud qngx. Ar! Sinvir ee guec!
Guec jiuqii zir-jap-veh zit, si lanxlangg ee jit qywguec. Duiww lanw laii qongw, muixx jit zit dy' dairviauw mow quaw sinsingr ee mic : u nng zit dairviauw uixdai ee quixjniax; nng zit si tnide ji' buw; sir zit dairviauw sir jiongw byy qang ee hongx; jit zit si ingjiauw; taiwiongg jit zit; guec jit zit; cnesinn jit zit; sir zit si sir jiongw nihuer; cid zit si lanw uixdai cid xee gisid; jit zit si Bixqog juixguu ee; huew jit zit; juiw jit zit; giamjiyc jit zit; juewau jit zit si zinlui. Jiaxee longxjongw zi-jap-veh zit, liw qamxx jaix juixguu u zi-jap-veh qix vinxaxqud, dir ee jiauxmngg si zi-jap-veh qix josingg :ee. Banrbut dy' u inx diongriauwsingr, jiaxee daddid zinlui liauxqaiw/ qir hro diauu ee.
----------BLACK ELK----------
Qingwuir e sag lanw jinwvo
..... .... dongqimx qokk bunhuar qauliuu vutduan ee sewqair nirr, lanw ee simx tiaur cud jairde jewhan au, dirr vadd langg' ee hingsid-ha, erdangr zinrbad diyc qinggiam/ lixqaiw ee qiongrdongg lingxhik; jerje sinjid zinguann/ siarhue hagqax zinruii u veh jiongw byy qang sinbingg, danrsi vixqauwsinue hagjiaw/ simlixhagqax kiokk e qra knuawjyr qang jit hxang surqnia byy qang janbin ... ...
---------<PRIMITE MYTHOLOGY>--------
sinue nirr ee sinbingg
si dairjurzenn lanw siwjiuuii lingliong ee zinqechuar
Sinn/ luxsinn erdangr virr lixqaiw jyr ingxuanw jun'iuw diongsingx be lau ee huawsinx/ siuxhorjiaw, inx vunxsinx si jiongqik jun'iuw ee guansiw jongrtair. Inghiongg tauwquer ham' inx jicjiab soxx jauxcue :ee, vingrr m si inx vunxsinx, si inx ee kip'inxlat, dyrr si jicjair inx vunxjid ee lat. Jitt xee suxx langg qniax ee lingliong --- vunxjid, jixu jitt xee jiacc si hex be nua ee ... ...
--------CAMPBELL <THE HERO WITH A THOUSAND FACES>-------
jiurr liw jurqiw ee diongsimx uac
Beh liauxqaiw snax xui ittew jitt xee siongrdingx qaiwliam soxx qaixquad ee bunrdee, quanqenr dirr TANTRA jit qxur ue “beh jongvair sinn, liw rair singx jniajyr sinn.” dyrr si qongw, liw rair dirr jurqiw luerjai dag diyc hitt xee siongdongx liw jitmaw juansimx jongvair sinbingg ee iwsig jancur.
Snax xui ittew nirr, singwve si jiaudiamw; liw si singwqniaw, jaix (bad) singwve ee langg; singwlingg dairviauw singwve/ singwqniaw ee quanhe.
Jiurr guaw knuar .aii, byy snax xui ittew qaiwliam unxqamm ee iwgi, si byy kyxlingg u sinn jitt xee qaiwliam; ngua jit qxur qongw, snax xui ittew si sinn, jaix sinn ee langg qapp nng xee jiqanx quanhe, si jiamrr lixqaiw zuxx cimx, zuxx jiapqin sinsingr ee siongrder.
Sinsingr dirr liw simx-diongx
... ...qycc jinr jit renn lixqaiw ... Zidgiw soxui “su su byy gai diyc (JI JI MU GE)” --- “banrbut jiqanx, berdangr vunquah”,
surbut jiqanx vutkyw hunlii jitt hxang jinliw, si ixx vyxjiyc-bxang jyr vixzu, uxdiu si jit xee ia kuix ee dua bxang, bxang nirr muixx nng diauu snuar ee qad u jit liap vyxjiyc, muixx liap vyxjiyc m na huanxngiar cud qitnax vyxjiyc, ix jurqiw marr ingwjiyr dirr soxu qitnax vyxjiyc. Lingrgua jit xee iwsiong si huekox, dirr jit xee huekox, byy jit luiw huex si qitnax hueluiw ee “sing'inx”, mrqyxx qngw jywhuew, juanvo dyrr si hitt xee huekox.
--------<MYTH TO LIVE BY>------
jitt xee sewqair viauxbin ee
qeclii
si cuwiaur ee
ERWIN SCHRODINGER (1887-1961 AUSTRIAN budlixhagqax) siaw ee hitt vunw qniadong sewqair ee siyw ceh <MY VIEW OF THE WORLD>, qongw cud qangrkuanw ee dethak quandiamw “soxu snewmia junjairbut dy' si ittew ee, jixiaur lanw sursit-siong dy' si hitt ui'id uxdiu jun'iuw ee mow jit bin; jitt xee ui'id jun'iuw kyxlingg si sehongx soxui siongrder, <UPANISHAD> nirr hyrjyr BRAHMA ”,
-------<MYTH TO LIVE BY>------
Ciauuat siongduir sewqair
si dirr lanw muixx jit xee langg srinx-siong
knuar byy, kiokk kyxiw qinggiam diyc ix ee jingxtexsingr, si qang snuawlo ee.
Lanw jun'iuw muixx jit siongrr ser dan'ui, dy' si iwsig soxx dimdew ee; qangrkuanw, singbudqair marr si anne, qimsiok diauu dirr kipjiyc, haixjuiw duer diyc guec juixdiongr/ juixkyw.
------CAMPBELL <THE FLIGHT OF WILD GANDER>-------
derqiuu si qaur dnaxx
ui'id sikhap ee “siarqunn” siongrdingx
... lanw beh dirr jitt jingxqyy uxdiu nirr, zinrbad diyc jit xee ui' lanw luersimx siongrr cimdew vunxsingr hongwdua hingsingg ee ngiaxsiong: lanw si ix ee hni/ bagjiux/ susiongw/ gixgenn --- ixx sinhak zirganw qongw, si siongrder ee hni/ bagjiux/ susiongw/ kexsi; qangrkuanw dyrliw, jitt sii lanw cam'uw congwser hing'uii ee langg marr si ix ee jit vorhun, congwjy uahdang dirr lanw simlingg byhan ee kongqanx-diongx qewsiok vutduan, u ix, cneqiuu jiacc e dngxsec, lanw ee derqiuu marr jiacc erdangr jniajyr inx qidiongx jiid.
------CAMPBELL <MYTH TO LIVE BY>-------
TNIDE QNIAXZII
Zuqyw liw byy liauxqaiw jurqiw, anne liw si uac dirr vinhann nirr, liw jin' sanwciah.
Hnuahiw qniaa zip
sewqair ee koxlan
Jin' binghenw ee kywdee ... ... uirr liauxqaiw sinqii snewmia qapp ywvir si juewqyx sinsingr siongrdingx diwsig ee derr id vo, singzin snewmia quaiwqii vunxjid/ jitt xee digsingr vuerau ee ingqngx : liauxqaiw snewmia guanmau, byy kyxlingg/ marr be qaixvenr. Hiaxee jurzin bad uxdiu ee langg --- inx sniaser jin' dua, langsor jerje --- narr inx laii congwjy, erdangr hro uxdiu qyckacc hyw, byy koxtniar/ jaieh/ siqanx/ snewmia. inx si byy daddid qakgno ee. Lingrgua marr qaiww je langg sniu qongxx “hro guaw singx qaixjy siarhue, jiacc laii qaixvenr jurqiw”, inx simrjiww lenrr siongrder ee duarmngg marr qniaa be zip .kir. Soxu siarhue dy' si siaog/ koxlan ee, byy kyxlingg vingdingw, ingxuanw anne. Incuw, narr jinjniar beh dauwsnaqang qiur jitt xee sewqair, liw diyh'air hagsip zuhyy uac dirr qidiongx. Narr si byy hxuad jiauww snewmia vunxlaii binrmau ee diwsig, hagsip ixx hixlok ee koxlan/ koxlan ee hixlok tairdo uac dirr jitt xee sewqair ee langg, si juadduir jyr be qaur ee.
----<MYTH TO LIVE BY>-----
lanw byy hxuad dirliauu koxlan sewqair
danrsi erdangr suanw kuaiwlok sing'uac
Amwmii BOSTON vuex hiongr NEW YORK ee huiqix, vuex quer zinkauw siongrr je ee derkux, ui' huiqix-dingw knuar lyc laii, ciadingx hingsingg ee kelauu, naxx lrauu dirr huecqngw nirr ee huecqiuu/ budjid. Jinjniar e hro liw qamxqag jex jingxqyy surbut si quaiwqii ee iuxqitew. Derqiuu snewmia rair ixx virr pywhai ee damjuixde qapp qitnax derhingg huatdenw jinghongw laii quad. Byy ixx uxdiu jyr juantew qaiwliam ee langg, e dirr kuanqingw ee huatdenw-siong jywcud jin' vuthing ee dairjir.
Zuqyw lingxdyrzinn duiww liw qongw “knuar ar! Tenqog dirr tendongg”, anne tendongg-jiauw e cniuw dirr liw taujingg singx vuex qaur. Zuqyw qongw “tenqog dirr duarhaiw nirr” hii e viw lanw singx qaur. Mrqyxx tenqog dirr liw e simx nirr, marr dirr lanw siwjiuuii, zuqyw guanrir liauxqaiw jurqiw, anne liw dyrr e virr liauxqaiw, liw marr e jaix, liw si uac dirr dng' jitt sii tnive ee qniaxzii. Danrsi byy liauxqaiw jurqiw :ee, si uac dirr sanwciah nirr, liw jinjniar sanwhiongx.”
-------<THE GOSPEL ACCORDING TO THOMAS>--------
Liw diyh'air duar diyc jin' dua ee hixlok
dngw laii sewqanx
qra jurqiw rngiuu zip qidiongx
Dagg vaiw guaw qniaa dirr lo nirr, soxx qnir muixx jit qnia surbut dyrr anne hunlet jniajyr jit liap jit liap cuwguanjuw liabjiw, guaw sniu : oaa! Jex”dyrr si” lor! Jex si MAYA ee qinggiam --- qamxquanx jurzendig sanxsingx ee huanwsiong, zuqyw jinjniar u MAYA ee ue.” Jin' janw ee sniurhuad!
Mngdoo mng “tenqog sniaw sii limqangr?” Iasox dab: beh in'ui qitai laii; beh qongw “knuar jiax”, iacc si “siongr hiax”. Tnive ee qog penwvor zinsewqanx, langg kiokk knuar byy.”
---<THE GOSPEL ACCORDING TO THOMAS>---
huequix zinsewqanx
knuar diyc busow-vutjai ee qonghuix
“Dirr WASHIONTON ee jongxtongw siaw puex hro guaw, viauxdat beh brew guanw toxde ee iwguan, danrsi, liw jnuaxngiu erdangr brew tnix bre de? Gunw byy jitt jiongw qaiwliam. Langg byy iongxiuw sinsen kongkir/ lexdauw ee kelauu byy sriok lanw, incuw. Liw jnuaxngiu erdangr brew inx?
Derqiuu muixx jit cunr de duiww gunw si sinsingr :ee, muixx jit qix hniaxbak ee cingg-hiyc/ muixx jit pxenr haixpniaa/ dar dirr ociunaa ee vyc bu/ cauxvox/ muixx jit jiah e qiyr ee tangg/ soxu singbut, jit qix cauw jit diamw lxo, dirr lanw soxu langg ee qiwdii nirr/ qinggiam quer :ee, dy' si singwqed ee.
Qamxsiu diyc ciurkox nirr lrauu ee ciurjiab, cniurr lanw sinkux huecqngw ee hueh. Derqiuu/ lanw jiqanx horsiong dy' si duiwhongx sinkux ee jidvorhun, muixx jit luiw panghuex si lanw jixmuai, himm/ lok/ ingjiauw si lanw hniadi, quann snuax buexliux ee jiyhtauu/ cnicauxjiab/ jiauw siyhy ee sinkux, dy' ham' lanw sriok qang jit xee qadingg.
Kelauu siamxsih ee laujuiw, m na dansunn ee juiw narnia, hex si lanw joxsenx ee hueh; naxx qniar ee oo-bin jiyr cud hnuaxhnuaw dywngiaw, marr ngiawjiyr cud lanw binjiok sing'uac ee muixx jit hxang surqnia/ ongxsu; juixlauu-sniax si joxsenx itjair huanhur lanw ee ue. Zuqyw gunw qra toxde bre hro linw, ngwbang linw m hyw be qir did inx ee sinsingr.
Soxu ee hyy dy' si lanw hniadi, ju'iongw lanw/ ngiuxci lanw qniaxsunx/ jicjair lanw ee junn, rair hyw ~ duiwtai kejuiw, cniurr kuanxtai lanw jurqiw hniadi qangrngiu;
Cniaw m tangx be qir did kongkir si lanw ee vyxvuer, ham' lanw hunhiongw inx ee linghunn; joxsenx ui' cutsir qaur siw dy' si hongx decc knuawqor, lanw qniaxsunx snewmia ee qutcuew marr rair kyr hongx sangr hro inx. Incuw de bre hro linw au, linw diyh'air vyxliuu ix ee doglibsingr qapp singwqed, dongwjyr himsiongw huepangx/ cunhongx cuesangr ee soxjai.
Gunw bad qra jex itcer longxx qar quer gunw qniaxsunx, linw qamxx guanrir qewsiok hro linw ee q.-qniaxsunx-s. jaibad? Linw qamxx e qar inx tnide si lanw ee buxcinx, qangwlimm dairde ee itcer, marr e huatsingx dirr inx srinx-siong.
Gunw soxx jaix ee: zinlui byy iongxiuw tnide, si sriok tnide, cniurr soxu zinlui sinkux-lai lrauu ee hueh, soxu singbut dy' si hxun be kuix. Zinlui jurqiw vingrr byy jrid cud snewmiarbang, jixsirr duxx hyw kee dirr snewmiarbang nirr, narr iwdoo beh qaixvenr snewmia ee hing'uii, dy' e vywingr dirr jurqiw srinx-siong.
U jit hxang su gunw ixqingx jaix ee: gunw ee sinn ham' linw ee sinn si qang jit xee. Tnide duiww sinn si jin' dinquir ee, lanw sionghai tnide zuxx je, viauxsi knuawgua jyrbudjiaw ee tingdo zuxx cimx.
Linw ee bogdig gunw sidjai byy hxuad liauxqaiw, naxx bxi lehh! sewqair e venwsingg jnuaxngiu? Zuqyw soxu juixguu dy' virr dosad, soxu iaxbew virr sunhok. Ciurnaa-lai soxu viwbit vni'axqag dy' virr zinlui cimzip, soxu quexjiw snuax-dingw longxx cai bat denrhuextiau au, sewqair e si sniaxngiu? Ciurjangg beh dirr dycc kiarkiw? Siausid ! Ingjiauw beh hiyh dirr dycc? Byy .kir? Zuqyw sing'uac nirr byy bew decc jauw/ berdangr paclac, e jniajyr sniaxngiu? Hex m si sing'uac, jixsirr qriuu singjunn!
Narr qongxx juewau jit xee angjingxlangg ee tensingr siaubyy .kir, quewkir :ee jixsirr cunx hunn vuex quer jyrsingg ee jit pnir imngiaw ziiw, jitt sii hyhnua/ ciurnaa qamxx qycc junjai? Jex qamxx si guaw juxbinn vyxiuw inx joxsenx ee jingsinn?
Gunw knuawtai jitt pxenr tnide, cniurr sinsingzii qingwair buxcinx ee simjingg. Gunw narr qra toxde bre hro linw, cniaw ham' guanw qangrkuanw dinsiyh/ jiauwqor jitt pxenr tnide, qycc qra guanmau lauu hro linw ee qniaxsunx, cniurr sinn aiwho lanw laii aiwho tnide.
Linw/ guanw longxx si jitt pxenr tnide ee jidvorhun, duiww guanw si dinquir :ee, duiww linw marr qaix si dinquir jiacc driyc! Gunw kaksit jaix : siongrder jixu jit xee, zinlui jixu jit jiongw. Bylun vehlangg iacc si anglangg dy' vutqaix virr kuvet. Lanw vitqingr si hniadi jiacc driyc!”
---- taubak SEATTLE----
(iokk 1852 nii Bixqog jingwhuw siaw puex hro taubak SEATTLE, iauqiuu beh bre INDIANS vorlok ee toxde, junxvi hro Bixqog sinx ibinn druar, ixsiong si taubak huepuex ee lueriongg.)
SUABOO LIGDE DERQIUU
Lanw luerjai jurdew dyrr e u ee ioksog, sewqair dedsu jiauww anne laii snejniaa ee; tamwqiur jurqiw sii, dongsii yc diyc jursinx luerjai ee sinqii.
sewqair ham' lanw sna' puer
lanw marr puewhap sewqair
Vutkyxsugi vuex zip buhan dua ee taiwkongx, je vaiw sec quer dax kogkok ee guehqiuu au, kaisiw sraiw dngw laii jitt xee derqiuu --- suiw qycc unsunn ee qingxsiong! Taiwkongzinn qongw “cincniu buhan suaboo nirr ee ligde!” jiax u uahtiaur ee iwsiong: derqiuu --- uxdiu ee ligde, vutvinghuann ee sinsingr ciurnaa, naxjunxx digvet uirr snewmia sed ee gisid; m si qandna' jidvorhun/ jit xee kuhik ziiw, si qui' liap cneqiuu ixqingx jniajyr sinsingwde, jit xee doplip/ hingrhog ee dniusow. Lanw qycc jinr jit vo knuar cingcyw, zinlui jitt xee jurr tendongg cutsir laii qaur ee derqiuiu, si jiacc ser liap, lanw dirr jit xee itdit qaqi decc dngxsec/ cingbingg qycc bixle ee qiuu-dingw, cuxqingw qycc si zuarr huihiamw!
--<MYTH TO LIVE BY>--
... ... lanw si ui' guehqiuu-dingw liab diyc jitt liap bixle cneqiuu ee aurdai. Lanw m si virr mow xee sinn sangr laii derqiuu ee, lanw laijurr derqiuu.
--<MYTH TO LIVE BY>--
Jurzenn pangx ee simlingg!
lanw erdangr knuar jurqiw si derqiuu ee hni/ bagjiux/ simx, cniurr lanw sinkux ee hni/ bagjiux/ simx qangrngiu. Lanw sinkux ham' derqiuu --- jitt “buhan taiwqongx suaboo ee ligde” si ittew ee; jitt xee kongqanx ee qetqor ham' NEWTON ee simx --- lanw ee simx/ derqiuu simx/ uxdiu simx --- ee qetqor siyqang, tauwquer lanw jurqiw, dirr jitt pxenr bixle ee ligde kuix huex qed qryw.
--<MYTH TO LIVE BY>--
sinue derr id qonglingg
si beh hro liw ee dniusow sinsingr/ cingkir
RAINER MARIA RILKE (1875-1926, AUSTRIA sizinn, dirr PRAGUE cutsir. ) anne siaw “ jitt xee sewqair si huisiongg dua ee, lanw ee luersimx cniurr haiw hiacc cimx.” lanw juriuw luerjai ioksog, sewqair dedsu anne dngxjniaa. Lanw jurqiw marr jin' sinvir, lanw jin' hnowhenn sinqii, dongsii hagsip diyc jurqiw ee sinqii. Vuex kiw kir guehqiuu-dingw ee luxiuu ixqingx vuex zip lanw luersimx, gauw m si decc qunw sngxciyr or, si sursit ! Si ligsuw quandiamw ee qongxhuad. Guaw ee iwsur si, lanw ui' denrsi knuar diyc zinlui singqongx dac kiw kir guehqiuu-dingw, jitt xee sidhongw juanxvyr ixqingx jiong' zinlui iwsig jongrtair juanxhuar/ cimzip/ qycc kokdua, dirr mow jiongw iwgi-siong, siongdongx mairhiongr sinx jingsinn sidai.
... hitt liap qoxjuix ee cneqiuu ixqingx dirr hiax sec derqiuu sir-jap gua ig nii ar, cniurr jit xui jigbok ee siauwluw iwdoo beh liac diyc derqiuu ee juwbak. Jitmaw liac .diyc ar, lanw suacc hro ix liac .kir! Cniurr iuxquaiw did diyc hue'ingr, ixjingg m bad huatsingx .quer, ciauquer lanw soxx erdangr siongxsiong ee, m na honghur/ qycc suxx langg hinghunr/ qyckacc ho'ngg buanxjiog ee sinx snewmia, ixqingx uirr lanw sianghongx laii packuix. Viw lanw kacc siauwlenn ee sinx jit dai, e u langg kir druar dirr guehqiuu hiax, u langg e kir huexcnex. Siauwlenn ee aurdai neh? Inx ee luxdingg qycc si sniaw?
--<MYTH TO LIVE BY>--
jiauww liw luersimx jinsit ee hixlok
sniaw si sinx sinue? Lueriongg qycc e si sniaw? Qiwzenn sinue naxx six ee jetjaur, lanw singx cingxqaur sizinn : vixzu, WALT WHITMAN dirr <LEAVES OF GRASS, 1855> anne qongw:
guaw qongw .quer linghunn si sinkux
sinkux si linghunn
vauquad siongrder jairlai, byy sniaxmic viw jurgnow kacc uixdai
huanrnarr byy duar dongjingsimx, qniaa veh hxun ji' id ingliw ee langg,
si cing sixlangg-snxax (siurix) qniaa hiongr jurqiw ee bong
liw guaw sinkux byy vnuar sxenw jnii, kyxlingg e brew diyc derqiuu siongrr hyw ee mic
iong jit luiw bagjuix siamx diyc dng' denw kuix daurgneh nirr ee dau
suacc la luan muixx jit sidai ee hagsip
byy bexbe/ benw cniar langg, jiauww ix qniaa ee siauwlenlangg e jniajyr inghiongg
m si ziu'nngw ee mic, kiokk dngxsec dirr uxdiu ee diongsimx
binrduir sxor vah-bxan nii ee uxdiu, bylun lamluw, qaix vyxcii lingxjing qapp qiaugno
hibang zinlui mair duiww siongrder hnowhenn
guaw duiww muixx jit hxang surbut dy' jin' hnowqii, duiww siongrder byy hnowhenn
byy zimrhyy zirqur erdangr hing'iongg guaw duiww siongrder/ sixbongg si zuarr vingjing
muixx jit qnia surbut guaw tniax .diyc qycc cinsinx qnir diyc siongrder, mrqycc guaw jit sud aw dy' byy liauxqaiw siongrder
jit diamw aw marr byy cingcyw u si'angg viw guaw jurqiw qyckacc qibiau
uirsniaxmic guaw sniu beh knuar siongrder ciauquer henrjuxsii?
Muixx jit diamxjingx guaw dyrr knuar diyc siongrder moxjiongw mic,
muixx jit sikig, dirr l.-lamluw-l. ee bin-siong, guaw knuar diyc siongrder
vylee-dingw guaw ee bin marr u siongrder
dirr lo nirr, huathen siongrder decc vunx puex, muixx jit dniux qycc u siongrder ee miaa
guaw qra puex lauu dirr guan'ui, guaw jaix qitnax puesinr ingxuanw e junxsii qaur
Jitt pnix six hue'ingr liauw iokk 8 B.C. siongrr jaxqii ee <BRIHADARANYAKA UPANISHAD> soxx qongw .diyc .ee.
“Jex si langg qongw ee: jongvair jitt xee sinn! Hitt xee sinn! --- jit xee sinn jriab quer jit xee sinn, soxu jex itcer dy' si ix congwjy ee! Ix jurqiw si soxu jiaxee sinbingg ... ... suibongw ix dirr uxdiu nirr, simrjiww jinwzip lanw ee jingxqah-lai, cniurr he dirr ap-aw lai ee tiwtaudyx, caa nirr ee huew, langg knuar byy ix, in'ui soxx qnir diyc :ee si byy uanjingw ee ix. Cuanxkuir sii ix ee miaa hyrjyr kuiwsi'aw; qongxue sii qiyr sniax; knuar ee sii hyrjyr bagjiux; tniax ee sii si hni, sniu ee sii qiyr simx; jiaxee vutqyr si ix hing'uii sii ee miaa... ...”
”Langg jongvair sinn sii, qaix sniu diyc ix si lanw ee jurgnow, anne jex itcer dy' jniajyr ittew lor. Jitt xee jurgnow si hitt xee juantew ee kaziah, jiyh jurgnow lanw e jaix hitt xee juantew --- cniurr duer lecc laii ee ka'inr, langg dyrr cue e diyc prangw .kir ee guu ... ... lanw qaix qra jin'gnow dongwjyr kyxair ee surbut laii qingwvair. Huanrnarr qra jin'gnow dongwjyr ui'id din'air ee surbut laii jongvair --- ix soxx dinsiyh ee mic jinjniar be qodax ... ”
”Langg narr jongvair jurgnow ixgua ee sinbingg, simlai sniu ee: ix si jitt xee, guaw si lingrgua hitt xee, anne dyrr e qinvunw sniaw dy' m bad. Ix hyxcincniu hongrhenr hro sinn ee jewpinw ... ...”
------<BRIHADARANYAKA UPANISHAD>-----
Jaxqii GNOSTICS <THE GOSPEL ACCORDING TO THOMAS> soxx qiwjair ee, lanw qamxx m si ui' Qidog srinx-siong tniax diyc qangrkuanw ee sinwsid?
”Guaw cuir-lai ee jiahmic dy' qaix jniajyr guaw, guaw jurqiw marr venwjyr jiahmic, soxu unxcangr ee surbut ciangjai e hiongr ix henxhen ... guaw si juantew, juantew si ui' guaw laii cutsir, juantew singjiu liauw guaw. Puawkuix caa, guaw dirr hitt lairdew, tec jit liap jiyhtauu, liw e huathen guaw dirr haix.”
---<THE GOSPEL ACCORDING TO THOMAS>----
SINX SINUE
vingdingw knuawtai “uxdiu simx” ee diongsimx
liw narr beh did diyc juanvo
sinn e hro liw
mrqyxx liw diyh'air junxvi hyxser jiacc e ing tihh.
Jitmaw tenjewsnuar byy .kir .ar, siausid lor, lanw ixqingx qinggiam .diyc marr e qycc qewsiok qinggiam diyc jit jiongw huisiongg hyw ee cionglongr, vutjixsirr binjok jiqanx, qycc si qokk sinue horsiong cuiciauu. Cniurr tiukuix cavanw qeckuix ee nng qingx kongkir siongrr zuac/ qnuaa ee vangqingx, hro inx liudong lat qab jyr jit qrow cionglat --- dyrr si lanw jitmaw qinggiam diyc ee: sun jitt xee sewbin, lanw hiongr jit xee sinx sewqiw/ sinx cutsir/ zinlui ee sinx cuxqingw --- uac dirr derqiuu-dingw ee langg, byy dycc jit xee siarqunn qnaw qongw, iongxiuw tongx hiongr jitt xee birdix ee quanqenr/ dap'anr iacc si irgenn. Marr byy zimrhylangg e virr kenxjig. Soxx huatsingx ee itcer uanjuann jurzenn, cniurr koxtangr/ behik/ cywgo qangrkuanw jurzenn.
-----<MYTH TO LIVE BY>----
Bogviaux si cniurr sinn hitt ngiu ee anunw
qapp pongpair ee lingliong
quer zidjiw
cniurr kiaa var ee DIONYSUS (jiuxsinn) hitt ngiu
be virr tiah jyr cuiwpnir
Sinue/ iacc si qongw sinue qapp jongqaur, si uixdai ee siqur; liw anne knuawtai inx sii, inx dyrr e jin' jairunw henxhen cud muixx jit qnia surbut busow-vutjai ee ingxuanw jingxtew. Ixx jitt diamw laii lun, soxu sinue/ six/ sinvir tuantongw ee qonglingg dy' si itdir ee; zimrhyy qig kiw jitt jiongw jingsinn jok'iong ee simsiong iuguann vyxiuw inx u hauriong ee bunbingg, dirr jitt xee huanruii-lai ee muixx jit hxang, dy' si uac lingwlingr ee snewmia. Zuqyw qra snewmia viauxhen dirr henrdai sing'uac, diyh'air buanxjiog ee derr id diauqnia si vniar cingkir lanw ee diqag, hro uxdiu qniaqii tongx qaur lanw ee hni/ bak/ simx --- kiongxvor qycc belangg.
-----<MYTH TO LIVE BY>----
jitt xui siauwlen Bixqog guanjurbinn
dirr ix ee singlenlew-siong
did diyc jit xee siyw siyw ee qenwgi:
dng' qniaa dirr zinsingx lordingg sii
e knuar diyc jit xee dua kud
tiaur quer kir
hex byy liw siongxsiong :ee hiacc kuah
lanw beh dryr dngw laii kixtauu mng ee bunrdee: sniaw si --- iacc si jionglaii sniaw si --- sinx sinue?
Ix e si --- zircniaw ingxuanw si, jixiaur zinlui junjai --- qoxlyw, byy sii tingg, zuxx quw zuxx sinx ee sinue, jiurr juxquanx iwgi qongw, cniurr six hitt ngiu ee sinue, m si qinqir quewkir ee qiwig, marr m si dausia cud birlaii, si henrjuxsii, dyrr si qongw, m si iong laii vysyx/ potnaw qokk “binjok”, si beh laii qiyr cniw qywzinn/ liauxqaiw inx jurqiw, vutjixsirr uirr jurgnow dirr jitt xee bixle cneqiuu ee viauxbin jnedaur diyc jit xee uirdir, si vingdingw knuawtai “uxdiu-simx” ee diongsimx --- muixx jit xee langg ixx inx jurqiw ee hongsid ham' juantew hab'id.
-----<MYTH TO LIVE BY>----
--- suah---