myth_5

THE POWER OF MYTH -5

Bunchhai huan'ik

INGHIONGG EE MORHIAMW

Jinr jit vo qongw, lanw simrjiww benw dandok morhiamw, in'ui ligsuw inghiongg ixqingx uirr lanw kuix lo ar. Jitt diauu beqiongx ee lorqingr uanjuann hro langg jaix ar/ jixiaur qinsuii inghiongg ee kavo, dirr lanw zinruii gesiauu dairjir ee soxjai, dyrr huathen sinn. Dng' lanw sniu beh taii vadd langg ee sii, lanw qaix taii siw jurqiw/ lanw sniu beh guarcud luxhingg ee sii, lanw e laii qaur jurqiw junjai ee diongsimx/ lanw qamxqag jurqiw jit xee langg sii, lanw dyrr ham' sewqair ittew.

B: uirsniaxmic dirr sinue qowsu, u jiacc je inghiongg?

J: in'ui hex si daddid siaw lyc laii :ee/ simrjiww liuhingg siyxsuad nirr, juxiaur ee qaksig marr si inghiongg/ luw inghiongg. Inx huathen/ iacc si jyr liauw jit quaw dairjir, ciauuat jingwsiongg huanruii-lai ee singjiu/ qinggiam. Inghiongg si qra jurqiw ee snewmia hongrhenr viw ix kacc uixdai surbut ee langg.

B: soxiw dirr soxu jiaxee bunhuar, bylun inghiongg cing liauw sniaw guarsnax, inx hing'uii ee luerhamm si sniaw?

J: u nng jiongw byy qang ee hing'uii. Derr id jiongw si sinkux hing'uii, inghiongg jiyr dirr jenwdniuu jyr cud iongxqamw hing'uii/ qaixqiur snewmia. Lingrgua si jingsinn janbin :ee, inghiongg jiyh jex hagsip kir qinggiam ciauuat siongtair ee zinlui jingsinn sing'uac, zenau dngw laii qaur henrser tuanvyr sinwsid.

Itvnuax inghiongg qinglik si ui' sitkir mow quaw surbut/ iacc qamxqag viw siarhue jingwsiongg langg kiamwkuad mow quaw mic ee langg kaisiw ee. Suar laii, jitt xee langg kaisiw sna' lensuar ee morhiamw, m si kir cue dngw laii ix sitkir ee mic, dyrr si jauxcue mow quaw duiww jingwdi sing'uac ee banrlingdanx. Tongsiongg si jit xee sunkuann, u kir u huee.

Danrsi jitt xee morhiamw ee guan'inx/ qingguer, siongquanx ee jingsinn iwgi, dirr jaxqii vorlok siarhue singlenlew ee gisid-diongx, dyrr knuar e cud. Tauwquer jiaxee gisid, ginxaw virr vig hongwkir inx zidongqii, venwsingg jit xee singlenlangg. Liw ersaih qongw, siw .kir :ee si iuwdir ee qywsingr/ simlingg, ixx hurjig ee singlenlangg dingsinx dngw laii.

Jex si muixx jit xee langg diyh'air qinglik ee qivunw simliw juanxhingg. Dirr lanw donglenn siqii, u jap-sir qaur zi-jap-id nii ee siqanx, si ilai tnazinn vyxho/ qamwdog. Zuqyw liw beh tak poksu hag'ui, jitt jiongw jongrtair kyxlingg e qewsiok qaur snax-jap-go huer. Incuw liw juadduir m si jit xee erdangr jurgnow hurjig/ juriuu ee juxtew, si hogjiongg bingrling ee ikywjiaw, suisii danxtai vadd langg ee dinghuat/ vysniuw.

Ui' jitt jiongw byy singsik ee simliw jongrtair, jinwhuar qaur jurgnow hurjig/ jursinr ee iongxkir, su'iaur jit vaiw ee sixbongg/ jaiwsingx. Hex dyrr si soxu inghiongg morhiamw ee qivunw juxdee, si tuatli moxjiongw qu qingxqair/ huathen sinx snewmia laiguann, jiong' jurqiw cua zip lingrgua jit xee qyckacc qongcaiw singsik ee qingxqair.

B: dyrr si qongw, suibongw lanw m si jingxqiur siarhue ee uixdai inghiongg, dirr simliw/ jingsinn-siong, iuguann erdangr qinglik anne ee simliw quewdingg.

MUIXX JIT XEE LANGG CUTSIR DYRR SI INGHIONGG

J: OTTO RANK hitt vunw diongriaur ee siyw ceh, <Inghiongg Cutsir ee Sinue (THE MYTH OF THE BIRTH OF THE HERO)> qongw, muixx jit xee langg dy' si cutsir jyr inghiongg, dirr hitt xee quewding-diongx, qingquer jin' dua simliw/ sneliw juanxhuar, ui' ciongbuanw juixper kuanqingw ee siyw juixsingx dongrbut, venwsingg suh kongkir/ jiac buxlingx dongrbut, siongrbuew qycc e kia lecc qniaa. Hex si jit xee hiongdua ee juanxhingg. Zuqyw jex si u iwsig ee quewdingg, itding si jit jiongw inghiongg hing'uii. Buxcinx marr si inghiongg hing'uii, in'ui jex itcer dy' si maxmah cua laii ee.

B: anne inghiongg byy itding juann si lamsingr?

J: oor! M si, lamsingr tongsiongg si kacc binghenw ee qaksig/ juxiaur si snewmia diauqnia/ ix dirr guarbin ee sewqair, luxzinn dirr cur-lai. Ixx AZTEC jyr le, inx e qinqir langg sixbongg ee jinghongw, qra inx ee linghunn hunpuer qaur jerje byy qang ee tendongg, jenwdniuu sixbongg ee jenwsu/ singsanw sixbongg ee buxcinx, soxx kir ee tendongg si qang :ee. Singsanw dongzenn si inghiongg hing'uii ji'id, dirr hitt xee quewdingg maxmah qra jurqiw qaux hro lingrgua jit xee snewmia.

B: liw qamxx byy zinruii lanw siarhue ixqingx sitkir jitt xee jinliw, zinruii cutgua tanr jnii viw dirr cur-lai cri qniaw qyckacc si inghiongg?

J: tanr jnii ersaih qex jyr qongxqyr. Liw jaix jitt xee qoxlyw ee ganrgiw, “ qxauw qa langg m si sinbunn, langg qa qxauw jiacc si sinbunn.” itjaiww huatsingx ee dairjir, bylun zuarr kuriuw inghiongsingr, dy' byy sngr sinbunn. Liw ersaih qongw, buxsingr ixqingx byy qycc sinsenx ar.

B: mrqyxx hitt xee bixbiau ee iwsiong --- buxcinx si inghiongg.

J: duiww guaw laii qongw, itdit si anne. Hex si guaw tak jiaxee sinue yc diyc :ee.

B: hitt xee luxdingg --- liw rair ui' liw jaix :ee, tuantongw/ anjuann sing'uac, qniaa cud laii jinwhingg jitt hxang luxdingg.

J: liw rair ui' siokluw venwjyr buxcinx, hex si jin' dua ee qaixvenr, jerje huihiamw.

B: dng' liw cua ginxaw jywhuew ui' luxdingg dngw laii, liw uirr jitt xee sewqair cua laii mow quaw mic.

J: m na anne, liw u jidsiwlangg ee qangjog danw liw, RANK duiww jitt diamw jyr liauw qaixsueh, qongw “jerje langg zinruii inx dirr cutsir ee inghiongg hing'uii, u qraur hro inx did diyc juann zinlui ee junqingr/ jicii.

B: danrsi cutsir ixau, iuguann u luxdingg rair qewsiok.

J: qycc laii si ciongbuanw kyxgiam ee kacc dua luxdingg.

B: inghiongg ee ciwlen/ kyxgiam/ siurbuaa u sniaw iwgi?

J: ui' juxquanx ee iwguan knuar, ciwlen si virr setqer iong laii giamrjingr, hiaxee beh jniajyr inghiongg ee langg jinjniar jniajyr inghiongg. Si m si jinjniar uansingg jitt xee qangjog? Qamxx e kikhok huihiamw? qamxx u iongxkir/ diwsig/ linglik hogbu tnazinn ?

B: dirr jitt xee kuaiwsog/ cenxvyc ee jongqaur bunhuar, lanw naxjunxx be qir did snax dua jongqaur bad qar lanw, inghiongg luxdingg ee ciwlen si zinsingx diongriaur ee jit kuann, byy hongwkir jurgnoaw/ huwcud dairqer, si be singjiu ee. THE KORAN qongw, “ liw zinruii liw benw qinggiam quer, dirr liw jinwjingg siw .kir ee langg qangrkuanw ee hitt jiongw ciwlen, dyrr ersaih didjiab jinwzip ciongbuanw qiglok ee EDEN Hngg?” Iasox dirr Mateo Hok'imx qongw “tonghiongr snewmia ee mngg siongrr uixdai :ee, si lo ser qycc ec, qik jiyw langg e huathen.”Iutaiwqaur tuantongw ee inghiongg, dirr drat qaur inx qiuwsiok jingg, marr qinglik qik dua ee ciwlen.

J: zuqyw liw liauxqaiw diyc jinjniar ee bunrdee --- hongwha jurqiw, qra jurqiw qauhu kacc quann ee bogdig/ tnazinn --- liw dyrr e liauxqaiw jex si jiongqik ee ciwgiam. Dng' lanw byy qycc sukyw jurqiw/ jurgnow vyxho sii, dyrr dirr iwsig-siong jinjniar qinggiam jit xee inghiongsid ee juanxhuar.

Soxu ee sinue diyh'air cuxliw moxjiongw iwsig ee juanxhuar, m si jitt xee dyrr si hitt jiongw. Liw itdit ixx moxjiongw hongsid sukyw, jitmaw rair ngua jitt jiongw lingrgua ee hongsid laii sniu.

B: iwsig zuhyy juanxhuar?

J: m si qingquer ciwgiam vunxsinx, si tauwquer diwhui ee kexsi. Ciwgiam/ kexsi si juanxhuar ee juanvo luerhamm.

B: dirr jiaxee qowsu-diongx, si m si u qiuwsiok xee hitt ee sikig? Virr lringg qaixqiur ee luxzinn, benw pywhai sniaci/ dirr quanqenwdiamw tuatcud kunwqingw jniajyr inghiongg?

J: si lar! Duhuix iuxsow singjiu, narr byy dyrr m si inghiongg hing'uii. Lanw ersaih si sitvai inghiongg, jex tongsiongg dairviauw siauxtiuw-aw qaksig, si hiaxee qexjong jurqiw u linglik/ sidjer byy ee langg.

B: inghiongg/ lingxsiur jnuaxngiu byy qang?

INGHIONGG / LINGXSIUR BYY QANG

J: jex si TOLSTOY dirr <Jenwjingx qapp Hyvingg> cuxliw ee bunrdee. Dng' hitt sii NAPOLEON jenr tangr qui' Aujiux, duxx junxvi beh cimhuan RUSSIA. TOLSTOY tecud anne ee bunrdee “qamxx jinjniar si lingxsiur? jixsirr juixingw jingg ziiw? Ixx simlixhak juan'iongrgiw qongw, lingxsijur erdangr virr hunsig jyr: quancad diyc kyxlingg e u singjiu/ qycc kir jiphingg ee langg.

B: itvnuax ee knuawhuad si, lingxsiur si hunven cud berdangr piacbenw ee dairjir, qibsii caixcuw hingdong ee langg. NAPOLEON si jit xee lingxsiur, m si inghiongg, ix hohamr jurdai qongw ix si uirr zindy, m driyc! ix si uirr FRANCE ee qongingg huatdong jenwjingx.

J: anne si FRANCE ee inghiongg, qamxx m si? dnaxx si sewqair bunrdee. Dng' lanw quanhuaii ee duiwsiong si juann sewqair sii, mow xee qokqax/ binjok ee inghiongg, qamxx si lanw jitmaw sewqair su'iaur? Jap-qauw sewqiw ee NAPOLEON dyrr si zi-jap sewqiw ee HITLER. NAPOLEON jautad Aujiux si qik kiongxvor :ee.

B: soxiw kyxlingg si derkusingr ee sinn, danrsi tongx be quer kacc quann jancur ee qiamxgiam?

J: guaw m jaix, hing'uii kyxlingg juadduir si jit hxang inghiongg hing'uii, vixzu, mow langg uirr jurqiw jogzinn hisingx snewmia.

B: ar! Si ! Uirr qog hisingx ee Dikqog survingx ---

J: virr pair kir taii Dikqog ee Bixgokvingx qangrkuanw si inghiongg.

B: anne inghiongjuxgi qamxx u dyrdig bogdig?

J: dyrdig si kir qaixqiur mow xee binjok/ mow langg/ mow jit xee qaiwliam. Inghiongg uirr mow su hisingx, jex si hitt hxang su ee dyrdiksingr. Dongzenn ui' lingrgua jit xee libdniuu, liw ersaih qongw, ix soxx hisingx hongrhenr ee lixliam, si vutqaix virr jundiong ee. Jex si lingrgua jidbin jyr ee pnuawduan, mrqyxx vingrr be huixhai hing'uii luerjai ee inghiongg jingsinn.

B: jex ham' guaw ginxaw sidai knuar inghiongg ee qokdo byy qang, hitt sii guaw tak diyc quanhe PROMETHEUS kir cue huew ee qowsu, dng' ix qra huew cue dngw laii hro zinlui suxiong sii, ix jurqiw kiokk uirr jitt hxang sriu kow.

J: si ar, PROMETHEUS qra huew duar hro zinlui, incuw sanxsingx bunbingg. Huwdai qongw .jit .xe, taux-huew-cat si jit xee poxtongx ee sinue juxdee, ciangjai si jinglingg dongrbut/ jiauw taux huew, qra qaux hro xe jit jxox laii jriab ee dongrbut/ jiauw, duar huew tuann lyc kir/ u sii jiaxee dongrbut decc tuann huexvew sii, virr huew siyx siongx, jex si iong laii suecbingg uirhyy puebah cimx-cenw ee cavet. Taux-huew-cat si huisiongg poxpenr/ juanqiusingr qowsu.

B: muixx jit xee bunhuar dy' iwdoo beh qaixsueh huew ui' dyhh laii?

J: jitt xee qowsu vingrr m si iwdoo qaixsueh huew ee laiguann, ham' huew ee qewdat qyckacc dua ee quanhe. Taux-huew-cat ham' dongrbut byy qang/ amwmee dirr ciurnaa, liw narr tec huexvew, e hro dongrbut likuix liw/ liw erdangr knuar diyc inx qimqngx ee bagjiux/ mrqyxx inx dirr huew ee huanruii gua.

B: qowsu ee bogdig m si qandna' sniu beh kexhuad vadd langg, iacc si qangxsueh dyrdig quandiamw ziiw.

J: m si, si decc pingqow huew ee qewdat/ duiww lanw ee diongriauwsingr, ixqibb si sniaw hro langg/ dongrbut iuxsow kuvet.

B: liw duiww sinue ee genxqiur, si m si hro liw zinrbad diyc zinlui u moxjiongw hingsid ee duiqiuu/ jit tyr lingqamw susiongw ee viaujunw mosid, qowsingg juann zinlui mow quaw qiongrdongdiamw/ bylun lanw si sing'uac dirr jit-vah-bxan nii jingg, iacc si jit-cingx nii au?

J: u jit jiongw digding ee sinue, liw kyxlingg ersaih qongw jyr simx ee duiqiuu/ duiziog jit jiongw unsur/ jauxcue simx ee iwsiong. Jex dirr muixx jit xee sinue ee hingsid dy' qangrngiu. Hex si guaw derr id vunw ceh <Cingbin Inghiongg > sniu beh henxhenr :ee. Soxu jiaxee byy qang ee sinue, dy' hro lanw qangrkuanw ee qivunw iauqiuu. Likuix henrsii ee sewqair, cimzip luersimx/ cutgua jauxcue/ vreh quann suntamr, dirr hiax cue diyc liw vingsii sing'uac ee sewqair soxx kiamwkuad ee mic. Qycc laii ee bunrdee si, qamxx beh qencii? hniwsag henrsit sewqair? Byy dyrr cua diyc hitt xee unsur dngw laii, huedngw laii liw ee siarhue, iuguann py ann ~ m vangr. Hex si byy qanxdanx ee dairjir.

INGHIONGG SOXX DUIQIUU :EE, VUTJIXSIRR JRE SUNRHONGX CIAX

B: inghiongg duiqiuu moxjiongw surbut, ix vutjixsirr jre langg ee sunrhongciax ziiw, m si qandna' morhiamxjiaw?

J: jitt nng hxang inghiongg longxx u. u langg suanw qinglik jitt xee, u langg m si. Dirr moxjiongw morhiamw-diongx, inghiongg hu jikzim iuxir cuthuad kir uansingg ix inghiongg hing'uii. Kyxvixqongxx, ODYSSEY ee qniaw TELEMACHUS virr luxjenwsinn ATHENA tongdix qongw “kir cue linw laurve.” hitt xee jauxcue vaxvah ee hing'uii, si jerje siauwlenlangg juxiaur ee inghiongg morhiamw/ cue cud liw zinsingx bogviaux/ snewmia vunxjid qapp laiguann ee morhiamw/ si iuxir kir jyr :ee. Lingrgua, SUMER tenkongx luxsinn INANNA ee tuansuad, qangr lyc qaur derha sewqair, dirr qinggiam quer sixbongg au qra aiwzinn qiur uac.

Marr u virr guarlat qiongvig ee morhiamw. Virr driaur zip qundui/ m si jiwguan :ee/ mrqyxx liw dirr morhiamw-diongx, ixqingx qingquer sixbongg qyc'uac, liw cing jnriu jewhok/ liw si lingrgua jit jiongw singbut. Ciangjai cuthen dirr CELTIC jogzinn sinue ee inghiongg, si qyquir ee paclac :ee/ duer diyc bilok ee inxiuw, laii qaur itpenr byy langg qniaa kax qaur ee ciurnaa, dirr jiax qinglik juanxhuar ee dongrbut venwjniaa THE FAERIE HILLS ee luxongg/ iacc si jitt lui ee langg. Jitt lui ee morhiamw inghiongg uanjuann m jaix ix decc jyr sniaw, si hionghiongg huathen jurqiw dirr jit xee juanxhuar quer ee lingxhik.

B: qingquer hitt jiongw luxdingg ee morhiamxjiaw, dirr sinue ee iwgi-siong qamxx si inghiongg?

J: si ar, in'ui ix itdit junxvi jiapsiu morhiamw. Dirr jiaxee qowsu, inghiongg junxvi jiapsiu ee morhiamw dyrr si ix soxx qinglik quer ee hitt jit xee. Jiurr siongrdingx iwgi, jitt xee morhiamw si ix qywsingr ee henxhen, vuerqingw/ kuanqingw ee diauqnia, dy' ham' ix junxvi :ee puewhap.

B: G.LUCAS ee <STARWAR> nirr, SOLO dairsingx ixx siongzinn ee qaksig cuthen, juewau kiokk venwjniaa inghiongg, qaixqiur tnikonglangg (SKYWALKER) LUKE.

J: si ar! SOLO jywcud uirr vadd langg hisingx jurqiw ee inghiongg hing'uii.

B: liw zinruii inghiongg si juerokqamw sanxsingx cud laii ee? SOLO qamxx e hongwkir LUKE laii jerjue?

J: hex rair knuar liw ixx dycc jit tyr lixliam hertongw laii qaixsueh. SOLO si jit xee jin' sidjer ee langg, jiwjiyw ix zinruii jurqiw si jit xee budjitjuxqirjiaw/ dongsii si juvix ee langg, jixsirr ix jurqiw m jaix ziiw. Jitt xee morhiamw qikhuad cud ix singwqeh byy virr langg jaix ee pinxdig.

B: kyxlingg jitt xee inghiongg dyrr amwhok dirr lanw muixx jit xee langg, jixsirr lanw m jaix ziiw?

J: lanw ee snewmia qikhuad lanw ee singwqeh. Duer diyc singdiongw, liw e kacc liauxqaiw jurqiw. Hex dyrr si uirsniaxmic liw siongrhyw qra jurqiw, he dirr jit jiongw erdangr qikhuad liw kacc quann/ m si kacc qe vunxjid ee kuanqingw-diongx. “mair qra lanw cua hiongr beluan .kir."

ORTEGA Y GASSTT dirr <MEDITATIONS ON DON QUIXOTE>, qongw diyc kuanqingw qapp inghiongg. DON QUIXOTE si diongqow sewqiw juewau jit xui inghiongg/ ix kiaa bew cud kir cue duarhanwlangg, ix sidai ee kuanqingw byy sanxsingx duarhanwlangg, qandna' u hongciax. ORTEGA jixcud, jitt xee qowsu huatsingx dirr kaisiw ixx qihaii quandiamw qaixsueh sewqair ee sidai, soxiw kuanqingw byy qycc ui' jingsinn-siong duiww inghiongg jywcud hue'ingr. Dnaxx inghiongg duw diyc :ee, si jit xee jankog ee sewqair, byy duiww jingsinn suqiuu jywcud huanxngiar.

B: hongciax?

J: si ar, vutqyr DON QUIXOTE qew jy jit xee jingqingw, zinruii venr mosut :ee qra ix duxx duw .diyc ee duarhanwlangg venwsingg hongciax lor! Liw marr ersaih anne jyr, zuqyw liw u naxx six ee siongxsiongrlat.

Jaxqii m si qihaii siarhue, inghiongg uirr jit xee uac lingr lingr ee sewqair qamxdong, jitt xee sewqair kyxiw duiww jingsinn ee junxvi jyr hue'ingr.

Dnaxx sewqair venr qaxx uanjuann qihaihuar, budliw kyhak/ MARXISM siarhuerhak/ hing'uijuxqi simlixhak, hro lanw jniajyr qandna' duiww dairsingx ircig ee jit jxox ciwgig u huanxingr ee didsnuar mosid. Jitt xee jap-qauw sewqiw ee qaixsuad, ixqingx qra dongdai zinlui juriuu iwjir, apjer cud sing'uac ji' gua.

B: ui' jingwdi ee iwgi laii qongw, dng' jiaxee inghiongg sinue qar lanw quancad qitnax langg ee hing'uii sii, si m si hro lanw jixsirr cniurr dirr hiwngi/ texiogquanw/ denrngiaw-diongx, knuar vadd langg uixdai ee enxcud, an'uir jurqiw ee bulingg/ huihiamw?

J: guaw sniu, jex si qinrnii laii sehongx bunhuar, jiacc juanbin ingxhiongw lanw ee su. Hiaxee quansniuw unrdong qingwsair, jurqiw byy cam'uw unrdong ee langg, e u jit jiongw tewdai ee singjiurqamw. Dng' liw sniu, dirr bunbingg-diongx, lanw jinjniar qinglik ee su, e qamxqag jyr jit xee henrdairlangg si jin' qosngx :ee. Hiaxee dairvorhun dnax diyc qadingg qingjer dang dnar ee langg, sing'uac si byqiok qanlann :ee, liauxjin jidsiwlangg ee jingsinn kuiwlat.

B: guaw sniu qongxx si jap-zi ~ jap-sir sewqiw ee langg soxx sriu ee tuabuaa.

J: inx ee sing'uac mosid viw lanw jikqik je lor! Lanw jre dirr vanrqongsig, dirr bunbingg-diongx, dionglenn guiqix ee bunrdee qex jin' binghenw or! Jitt diamw iwbi cimuanw lor!

B: liw naxjunxx u jin' cimx ee qamxsiu!

J: guaw ixqingx quer liauw dionglenn, duiww jex qeqiamw bad .quaw. Lanw jitt jiongw jre quw byy dinxdang ee sing'uac mosid ee digdingx si, simdir-siong kyxlingg u ciwqig, sintew kiokk kiamr caulen/ diyh'air diauqangx anvaii qihaisid unrdong, dagg zit jap-zi vaiw ... dringw. Guaw qamxqag jin' lann qac'ir anne ee dairjir, sursit kiokk si anne. Narr byy, liw jingxqyy sintew e duiw liw qongw “ueer! Liw uanjuann qra guaw vangr be qir did ar, guaw qiongbecc jniajyr jit diauu trad diauu/ be lrauu ee kejuiw ar.”

B: guaw iuguann qamxqag jiaxee inghiongg qowsu, qik u kyxlingg e jniajyr moxjiongw dinwjingrjex, dirr lanw sinkux huathuix jok'iong/ hro lanw virdong quanknuar, kiokk byy hingdong. Lingrgua jidbin, lanw sewqair ee jingsinn qewdat naxjunxx qodax ar/ bylat! Duiww guaw laii qongw, hex si duiww dongdai siarhue ee jxiur, in'ui lanw qamxqag bulingg/ iawsen, qycc ham' siwjiuuii ee sewqair dedsu soli hng ~, kyxlingg lanw su'iaur jit xee inghiongg, laii viauxdat lanw cimkig ee qiawbang.

IXX DIONGDY VUEX

J: liw soxx biysueh :ee, duxx si T.S. ELIOT ee < Hongde (THE WASTE LAND)>, si byy jinsit ee snewmia qapp sing'uac, deh dirr lanw srinx-siong, siarhue jatkuir ee kiwhunx/ qig be cud jingsinbin sing'uac/ amwlik, simrjiww longxx byy sneliw-siong ee kuiwlat. Dongzenn, itdit qaur huizinsingr jenwjingx voghuad ar, e u jit diamw aw venwhuar.

B: liw byy huanxduir kyqix hnor?

J: jit diamw aw dy' byy. DAEDALUS kyxlingg virr zinruii si HELLENE siongrr hyw ee qisux, dng' ix qra jewjy hyw ee sidqow, jrngx kiw kir inx qniaw ICARUS srinx-siong, hro u huatdo vuex cud kir ix huatbingg ee CRETAN beqiongx sii, qra qniaw qongw, “ixx diongdy vuex, m hyw vuex sniu' quann, zidtauu e qra liw sxit ee lac rngiuu driau, liw e siag lyc laii; marr m hyw sniu' qe, dua haiw ee juixkir e cringx diyc liw.” DAEDALUS jurqiw vaxag diyc diongdy, mrqyxx bagjiux qimx ~ knaur ICARUS zuxx vuex zuxx hnuahiw, vuex qaxx sniu' quann ar, lac suacc rngiuu .kir, siag lyc dua haiw. In'ui moxjiongw guan'inx, lanw dramm diyc ICARUS viw DAEDALUS kacc je, hyxcincniu sxit vunxsinx su'iaur duiww jitt xee siauwlenn ginxaw hurjig. Jex m si jixjig qanggiap/ kyhak ee le. Kyxlenn ee ICARUS lag zip juiw, danrsi ixx diongdy vuex ee DAEDALUS si singqongx :ee.

Inwdorqaur mow jit xee qingdenw qongw “huihiamw ee dyrlo cniurr tiwtaudyx dycuir.” jex marr si diongsewqiw bunhak ee iauwjiw. Dng' LANCELOT qra GUINEVERE ui' siuqimr ee soxjai qiur cud laii sii, ix diyh'air ciah kax ciah ciuw qniaa quer jit qix qiamr-vnir ee vnix ~ aw, erdew si qiplauu ee kex. Dng' liw jiongsu jit hxang juansinx ee morhiamw/ tudpuar qiwiuw ee qicow sii, bylun si moxjiongw kyqix ee sinx huatdenw/ kyxlingg jixsirr sing'uac hongsid ji' id ziiw, byy langg u huatdo vangbangg ee. Jitt sii, jongw e quewdo qikjingg/ srid qakcad mow quaw sewjed ee huihiamw, suacc siag lyc kir. “huihiamw ee dyrlo dyrr si anne.” dng' liw junsunn liw iogbang/ zedjingg/ simjniaa ee dyrlo sii, rair vutduan kongwjer liw ee simx, m tangx hro qiongvig qra liw tuax zip jaieh-diongx.

B: liw u jit xee jin' u iwsur ee hagsut lunrdiamw, liw byy siongsinr kyhak/ sinue horsiong ciongtut ee.

J: si ar, inx byy ciongtut. Kyhak jitmaw ixqingx tudpuar qaur snewmia ywvir ee jancur, qycc sag zip sinue tyxlun ee huanrdiuu, ixqingx qniaa zip vnix ~ aw.

B: jitt xee vnix ~ aw ---

J: dyrr si dirr erdangr ho'ngg jaix/ ingxuanw berdangr virr huathen jitt nng xee lingxhik jiqanx ee qaiwbin. Zinsingx ywvir si ciauuat soxu zinlui genxqiur :ee. Snewmia ee laiguann si sniaw? Byy langg jaix. Lanw simrjiww m jaix guanjuw si sniaw, si pyx? Iacc si jit liap jit liap? qamxx qongw nng jiongw hingsid longxx ersaih qongw tihh? Lanw duiww jiaxee dairjir jinsiongr juann byy qaiwliam.

Jex si lanw dramm sinsingr ee guan'inx. Uxdiu kaksit u ciauuat lingliong ee guantauu. Dng' budlixhagqax quancad crur-guanjuw iur liab'aw (SUBATOMIC PARTICLES) sii, knuar diyc :ee, jixsirr ingbo-siong ee hunziah ziiw. Hunziah laii laii kir kir, lanw ee snewmia laii liauw jitt sewqanx marr e qycc likuix, soxu ee snewmia longxx anne, l.-laihuee-h., jitt xee lingliong si snejniaa banrbut ee lingliong. Sinviwjuxgirjiaw jongvair :ee, dyrr si jitt xee lingliong.

DNAXX LANW AIR :EE SI U MIAA, M SI INGHIONGG

B: liw qamxx u siongrr qac'ir ee sinue inghiongg?

J: dng' guaw iauxx qycc si ginxaw sii, guaw u nng xee inghiongg. Jit xee si DOUGLAS FAIRBANKS, lingrgua jit xee si LEONARDO DA VINCI. Guaw hibang jniajyr nng xee ee jonghap. Dnaxx, guaw byy zimrhyy inghiongg gnoxsiong.

B: lanw ee siarhue qamxx u?

J: u ar, si Qidog. Bixqog u WASHINGTON/ JEFFERSON, aurlaii ee DANIEL BOONE ... dringw. Dnaxx sing'uac si jiacc hogjap, venwhuar qycc jiacc qinw, suacc byy huatdo dirr qu dairjir danwdiau jingg, qra sokjy hingboo cud laii.

B: lanw jitmaw soxx jongvair :ee, naxjunxx si bingzinn, m si inghiongg.

J: si ar, hex si jin' hai :ee. Dirr jit hxun sangr qaur BROOKLYN ee jit qingx diongyc ee mngrquanr diaurjax, mng qongw “liw sniu beh jniajyr sniaxngiu ee langg?” snax hxun ji' zi ee hagsingx dab “bingzinn”, inx uanjuann byy “rair huwcud laii singjiu moxjiongw surgiap” ee quanliam.

B: jixiaur u miaa.

J: jixiaur miasniax tongtauw, u miaa, sidjai hai liuxliuw.

B: siarhue qamxx su'iaur inghiongg?

J: si ar! guaw sniu su'iaur.

B: uirsniaxmic?

J: su'iaur qed lat ee iwsiong, qra qokk jiongw hunli ee kinghiongr qethap jywhuew, diauqowir qra qab uaw laii.

B: inghiongg erdangr hro inx u junsunn ee lo.

J: guaw sniu si, qokqax rair u moxjiongw iwliam, jiacc erdangr u tongxdi ee lat unrjog.

B: lanw duiww JOHN LENNON ee sixbongg soxx henwcud ee jinjingg, liw ee knuawhuad zuhyy? Ix qamxx si inghiongg?

J: oor! Ix juadduir si inghiongg.

B: cniaw iong sinue laii qaixsueh.

J: jiurr sinue ee iwgi qongw, ix si congwsinjiaw. THE BEATLES soxx duar laii ee gersut hingsid si dongsii ixqingx singsik ee mic. Inx ham' inx ee sidai sidjai qab qaxx uanbiw byy kiamwdiamw. Qaxsuw inx tehjaw snax-jap dxangx cud laii cniur, inx ee imgak dyrr e sitvai. Qongjiongr inghiongg duiww ix ee sidai su'iaur jin' binxqamw. THE BEATLES qra jit jiongw sinx ee jingsinn cimdo, juwzip liuhingg imgak-lai, zenau jyrsingg jit qrow bingngiu/ danghongx imgak ee siqniaa. Dirr inx jinwjingg, danghongx imgak virr dongwjyr buanxjiog hnowhenn ee duiwsiong, ixqingx jerje nii ar, dirr inx ji' au, lanw ee siauwlenlangg naxjunxx jaix hex si jnuaxngiu jit huesu. Jitt lui imgak lanw zuxx tniax zuxx je, marr e jiauww guansiw ee iongrir, virr iong jyr hiabjo bingngiu. Jex dyrr si THE BEATLES cua laii ee.

B: u sii guaw qamxqag, lanw naxjunxx qaix duiww inghiongg qamxqag kyxlenn, m si himsen. Inx jerje langg uirr vadd langg, hisingx driau jurqiw ee su'iaur.

J: inx dy' si anne.

B: zircniaw tongsiongg inx ee singjiu, dy' in'ui duisuijiaw knaur byy, virr pah cruir.

J: si ar. Liw ui' ciurnaa jah qimx-aw cud laii, juewau kiokk venwsingg huexhux. Jex si senrzinn u miaa ee juxdee.

B: ODYSSEY qowsu u jit xee kyxpnar ee dairjir. Dng' junn virr pah cruir, junguann virr danr cud junn-gua, ODYSSEY duer diyc juixingw pudimm. Ix liac diyc jit qix junuii-qnuaiw vreh jnriu hnua. Bunjniux anne siaw “qodok! juewau qodok ar!”

J: ODYSSEY ee morhiamw u damvyc hogjap, m si qanxdew dyrr qongw e cingcyw :ee. Hitt xee digvet morhiamw ee junlan si huatsingx dirr Taiwiongdyw --- siongrr quann kexsi ee dyxsu. Narr qongxx junn byy sitsu, ODYSSEY kyxlingg qycc lauu dirr dxyw-siong, jniajyr cniurr YOGA siuhingrjiaw, drat qaur siongrr quann qakgno au, lauu dirr qiglok qingxqair byy qycc dngw laii ar. Danrsi, HELLENE beh hro jiongwlangg jaix jitt xee qewdat/ qycc dirr sing'uac-diongx sidjenr ee quanliam, hro ODYSSEY dngw laii. Dirr Taiwiongdyw u jit xee qimwqi, langg vutqaix taii driau Taiwiongsinn ee guqangw laii jiac.

ODYSSEY ee vorha in'ui huisiongg iaux, taii siw Taiwiongsinn ee guqunn, jex si jyrsingg junn dimm ee guan'inx. Dng' inx dirr hitt xee jiwqyx jingsinn qngngiaw-diongx, kacc qe ee iwsig jongrtair iuguann decc jok'iong. Dng' liw srinx jairr hiacc bingqngx ee iwsig jongrtair sii, vutqaix sniu “ eer? Vakdow iaux? Hro guaw jit hxun hangx gubah ee pxangw.” ODYSSEY ee vorsiok iauxx bue junxvi hyw, kyxlingg si byy qraur qeh, laii jiapsiux anne ee qinggiam. Hex si dersiong inghiongg drat qaur siongrr quann bingkir qakgno jongrtair au, qycc dngw laii ee denxhingg qowsu.

ODYSSEY EE VIQIOK JINGSINN LAIJURR ZINSINGX BIXLE/ GNAXKIR EE CIMDO KUAIWLOK

B: liw siaw diyc ODYSSEY jitt xee kow-dnix qaucamx ee qowsu sii qongw “ ODYSSEY ee viqiok jingsinn si laijurr zinsingx bixle/ gnaxkir ee cimdo kuaiwlok. Dyrr si qongw, siokluw ee qyquir qoxjuix qapp lamjuw kiwqair/ lamsingr jinjniar qewdat ... dringw. Mrqyxx qowsu ee qetbuew kiokk si tohunw huexhux.” lanw erdangr did diyc sniaw kexhuad?

J: liw berdangr in'ui jiongdiamw si bong, dyrr qongw snewmia si byy loriong. PINDAR dirr ix kingwjiog jit xui duxx did diyc PYTHIAN vixsair sutqag derr id miaa ee siauwlenlangg ee six, u jit dnxua daddid lanw cimsux ee zirqur, “jit zit ee singbut si sniaw? Langg si sniaw? Ix m si sniaw? Langg jixsirr jit xee imngiaw ee bang. Mrqyxx dng' ui' tendongg sria lyc jit dy zidqngx sii, lanw dyrr dirr jit dy qngciux/ jit xee unziuu ee snewmia-diongx hiyckunr.” iuut ee qoxganrgiw qongw “kanghix, hikangx, juanvo longxx si kangx ~ ~!” --- vingrr m si juann hikangx, siqanx ee jit bak nih, m si kangx ee, si singwli/ hixlok. Jitt jiongw qiongdiau singwli ee sikig, qriuu diyc siongrr uanbiw ee jingsinn, si HELLENE siongrr qac'ir :ee.

B: qamxx m si jerje sinue ee inghiongg dy' uirr sewqair siw? Inx sriu kow, virr dingr siw.

J: inx u jerje hisingx snewmia, sinue marr qongw inx huwcud ee snewmia u sinx snewmia cutsir. Kyxlingg m si inghiongg ee snewmia, danrsi si jit xee sinx snewmia, jit jiongw junjai/ snesingg ee sinx hongsid.

B: jiaxee inghiongg qowsu qokk bunhuar byy qang. Danghongx bunhuar ee inghiongg ham' lanw bunhuar u sniaw byy qang?

J : si iwsig bingqag/ hingdong tingdo ee byy qang. Jaxqii bunhuar u jit xee denxhingg ee taii quaiwsiur inghiongg. Hex si suxjingg siqii ee jit jiongw morhiamw hingsid, hitt sii zinlui duxx ui' huihiamw/ vut'anx ee hong'iaw sokjy inx ee sewqair, sad quaiwsiur ee sewqair.

B: inghiongg cniurr qitnax duardysor ee qaiwliam/ quanliam, si duer siqanx enxhuar?

J: si duer bunhuar enxvenr. MOSES si inghiongg zinbut, vreh kiw kir snuax buexliux, dirr hiax ham' Iahyhuaa huerbin, jah dngw laii quihuan jingxqyy sinx siarhue ee qaiwling. Hex si denxhingg inghiongg hing'uii snax vxo kxig --- cuthuad/ uansingg/ dngw laii.

B: Vuddyy si inghiongg zinbut?

J: Vuddyy sxingg dy ee lo ham' Qidog luirsu; dongzenn jixsirr Vuddyy viw Qidog jaw go-vah dxangx ziiw. Liw narr jiauww jit diauu snuar vixqaur duiwjiaur jitt nng xee zinbut, lenrr inx vunxsinx qapp jurqiw kacc cinqin ee derjuw/ suxdoo ee qaksig/ singwqeh sna' viw, marr si luirsu. Vixzu, liw erdangr duiwjiauw ANANDA/ ST. PAUL.

B: Liw jnuaxngiu qra ceh hyrjyr <Cingbin Inghiongg>?

J: in'ui ui' juann sewqair/ jerje ligsuw qaidnua qowsu, erdangr cue cud jit jiongw digding/ denxhingg ee inghiongg hingdong quilut. Qivunw-siong, simrjiww ersaih qongw si, jixu jit xee guanhingg ee sinue inghiongg, ix ee snewmia virr jerje soxjai ee jerje binjok hogjer. Tuansuad ee inghiongg tongsiongg si moxjiongw surbut ee congwqenwjiaw, cniurr sinx sidai/ sinx jongqaur/ sinx sniaci/ sinx sing'uac hongsid ee congwqenwjiaw ... dringw. Uirr huathen sinx surbut, langg rair likuix qu kuanqingw, kir jauxcue cniurr jingxjiw hitt ngiu ee quanliam, jit jiongw jiamrr hingsingg cua cud sinx surbut ee quanliam. Soxu jongqaur ee congwqenwjiaw dy' qingquer luirsu ee jauxcue quewdingg. Vuddyy dogsinx unxsiux, aurlaii jre dirr siongrdingx ingxuanw diwsig ee poteciu-kax, dirr hiax soxx singjiu ee jingwqag, jiyr qngx jingxqyy Ajiux nng-cingx go-vah nii.

Iasox qra BAPTIST Joan sexlew au, qniaa zip suabok sir-jap zit, ui' suabok cud laii, ix jah dngw laii tenqog ee hok'imx. MOSES qniaa jnriu snuadingw, dngw laii si duar diyc jap-diauu qair ee ludjig. Marr u sinx sniaci ee congwqenwjiaw, cavutdyx soxu HELLENE ee sniaci, dy' si ui' guarcud sunqiuu/ qinglik qenwqii morhiamw ee inghiongg soxx congwqenr ee. Liw ersaih qongw hex si snewmia ee congqenwjiaw --- liw/ guaw ee snewmia, qaxsuw lanw quer jurqiw ee sing'uac, m si mohongw langg ee sing'uac, hex dongzenn marr si rair qinglik quer jauxcue jiacc did e diyc.

B: uirsniaxmic jiaxee qowsu duiww zinlui jiacc diongriaur?

DUIWW SINX SEWQAIR EE QAKCNEW --- CINGCUNQII EE KAIHONGR

J: hex rair knuar si sniaxngiu ee qowsu jiacc quatding. Qaxsuw qowsu dairviauw :ee, si soxui guanhingg morhiamw, vixzu, ginxaw venwsingg siauwlenlangg, iacc si duiww sinx sewqair ee qakcnew --- cingcunqii ee kaihongr... dringw qowsu, erdangr teqiongx ingwhur jitt jiongw huatdenw quewdingg ee mosid.

B: liw qongw .quer, qowsu ersaih jo lanw dorquer guiqix. Guaw ginxaw sidai knuar ee qowsu, dy' u jit xee kuaiwlok ee qetqiok, hex si dirr guaw huathen zinsingx ciongbuanw dimdang/ hurdamx/ iuxquaiw/ jankog henrsit jingg ee jit dnxua zidjiw. Guaw sniu, cniurr lanw brew jit dniux GILBERT/ SULLIVAN ciywkuex viauxenw ee piyr, zip kir hiwhngg au, jiacc huathen si HAROLD PINTER ee giamsiog hiwqiok. Kyxlingg si ginxaw qxow hro lanw byy hxuad sik'ingr henrsit.

J: ginxaw qxow si gulok :ee, liw rair kuhunx nng jiongw qowsu. Jit jiongw si siarhue/ jurzenn dedsu-ha, ham' giamsiog sing'uac bunrdee iuxquanx ee sinue; lingrgua si kuriuw qangrkuanw juxdee, danrsi uirr gulok ee dong'ue qowsu. Mrqyxx dairvorhun ee ginxaw qxow dy' u kuaiwlok ee qetqiok, dirr qetsog jingg, itding e u denxhingg ee sinue juxdee, kyxvixqongxx, hamrzip mahuann/ kunwziauw, zenau tniax diyc mow xee sniax/ mow langg laii qiur ... dringw.

Ginxaw qxow si beh hro ginxaw :ee. Tongsiongg iuxquanx byy guanrir duarhanr ee sewhanr jaboxginxaw, rair danw ix huac quer hitt dy singdiongw guiqix ee mngding sii, hionghiongg tingg lyc laii, kunr .kir ar, itdit qaur ongjuw tongquer jerje jiongwgai, hro ix qamxqag, vnuaa quer hitt vingg kyxlingg si hyw :ee. jerje GRIMM dong'ue qxow, dy' dairviauw hamrzip kunwqingw ee sewhanr jaboxqinxaw. Soxu quer go- quanx jamw liok-jiongr ee qowsu, dyrr ham' tongquer jitt xee kunwqingw iuxquanx.

Guansiw siarhue ee singlenlew gisid, dy' u sinue iwgi jyr qicow, taii driau iuwjniw ee jurgnow, diongxdua singzinn jitt xee qaiwliam, bylun lxamm-luw longxx qangrkuanw. Javox viw jabow kacc lann, snewmia itdit duiziog jabow, bylun si m si guanrir, jabow dy' e venwsingg luxzinn, derr id vaiw guehsinr laii, jaboxginxaw dyrr venwjniaa luxzinn ar, qycc laii si huai'in jyr maxmah; javox dyrr rair jurqiw sniu beh jniajyr lamzinn jiacc ersaih tihh, dairsingx rair jamxdng jurqiw duiww maxmah ee ilai, qra lat jibdiongx dirr jurqiw srinx-siong, zenau cuthuad, hex dyrr si sinue qongw “siauwlenn :ee! kir cue liw ee hurcinx” jitt qxur ee iwsur. Dirr ODYSSEY sinue, TELEMACHUS ham' maxmah jywhuew sing'uac. Zi-jap huer sii, ATHENA luxsinn laii qra qongw “kir cue liw ee vaxvah” hex si qngwtangr jingxqyy qowsu ee juxdee. U sii si sinvir qinggiam ee vaxvah, u sii cniurr ODYSSEY jriw sneliw-siong ee hurcinx.

BYY QANG SIQII EE ZINSINGX QOKK U SIK'IONG EE SINUE

Dong'ue si ginxaw ee sinue. Byy qang siqii ee zinsingx qokk u siongrr sikhap ee sinue. Dng' nihuer jiamrr jingqax, soxx su'iaur :ee si hro liw qyckacc qenqiongg ee sinue. Dongzenn dairviauw Qidokqaur qivunw iwsiong ee sibzirqer sixhingg qowsu, soxx beh qangxsuad :ee, si ingxqiuw qniaa laii qaur siqanx/ kongqanx ee qaiwhan, jygu huntiah. Marr dramm diyc ui' si'kongx ee lingxhik qaur ingxsingx ee sewqair.

Soxiw lanw dingr siw siogser ee sinkux, hro sriu kow/ taur quer huntiah/ guaw ersaih jinwzip ciauuat itcer sewsiok tongwkow ee jingsinn lingxhik. U jit jiongw sibzirqer siurlan doo “Qidog ee singwli”, tauu m si ngar lyc, si crunx dit/ byy hueh lrauu cud/ bagjiux tiw kuix, hyxcincniu si jurguan laii sriu hringg ee ngiu, ST. AUGUSTINE u anne siaw, “Iasox qniaa hiongr sibzirqer cniurr sinlongg kir qnir sinniuu.”

B: soxiw u sikhap singlenlangg ee dyrliw, marr u hro ginxaw tniax ee dyrliw.

J: or, si ar. Guaw e qir did u jit vaiw HEINRICH ZIMMER dirr COLOMBIA dairhak qrangw Inwdorqaur, tehkiw zinsingx itcer naxx binbang/ naxx pyngiaw, dy' si huanwsiong ee quanlilam. Enxqangw qetsog au, u jit xee siauwlenn jaboxginxaw qniaa hiongr ix qongw “ ZIMMER poksu, liw qongw ee Inwdo dethak jin' jingcaiw! Danrsi huanwsiong, guaw byy liauxqaiw, guaw duiww ix byy qamxqag.” “or! Cniaw liw rair u nairsimx, liw iauxx bue qaur hitt xee sihau.” dng' liw nihuer jiamrr je, soxx zinrbad ee langg, guanvunw uac lehh :ee, jit xee jit xee quewongw, sewqair vunxsinx marr jiamrr siausid, zinsingx si huanwsiong ee sinue dyrr qniaa zip liw simx-lai. Duiww siauwlenlangg, sewqair si danxtai inx kir jiapciog/ binrduir/ hagsip/ jenwdaur ee duiwsiong, soxiw si lingrgua jit jiongw sinue.

B: jokqax THOMAS BERRY qongw, soxu itcer jixsirr qowsu ee bunrdee. Qowsu si lanw jixpair hro snewmia/ uxdiu ee jingjed, si lanw duiww dairjir qaix jnuaxngiu jinwhingg ee qivunw qaxsed/ sinwgiongw. Ix qycc qongw, lanw jitmaw mahuann ar, ”in'ui lanw dirr sinx-qu jiqanx”, qu qowsu jicii lanw ee sing'uac ixqingx quer jin' dngg jit dnxua siqanx, sokjy lanw qamxjingg ee taiwdo/ teqiongx lanw sing'uac ee bogviaux/ hro hingdong u dongrlik/ sinsingwhuar koxlan/ qycc inxdy qauwiok lanw. Tauwjaw kiw cngg, jaix jurqiw si'angw, lanw u huatdo huedab qniaw ee bunrdee. Dagg hxang dairjir dy' kyxiw cuxliw, in'ui lanw u qowsu. Jitmaw lau qowsu byy qycc kiw jok'iong. Lanw iauxx bue yc diyc sinx :ee.

ZINLUI LUERJAI SNEWMIA UANJUANN QANGRNGIU

J: guaw qandna' vorhun dong'ir liw soxx qongw :ee, guan'inx si iuguann iauxx u jok'iong ee lau qowsu, hex si jingsinn duiqiuu :ee. Duiww luerjai jurgnow ee duicue si guaw sir-jap dxangx jingg siaw ee hitt vunw siyw ceh <Cingbin Inghiongg>, soxx qongw ee qowsu. Sinue/ uxdiurquanx/ siarhuerquanx ee quanhe, rair danxtai langg quanwsir ix soxx kia ee sinx sewqair jiacc ersaih tihh. Jitmaw ee sewqair byy qang go-jap dxangx jingg :ee, mrqyxx zinlui luerjai snewmia uanjuann qangrngiu. Qaxsuw liw qra sewqair kixguann ee sinue he jit vnix (kyhagqax bylun zuhyy e qra liw qongw si jnuaxngiu jit huesu), zenau huee tauu knuar sniaw si zinlui jingsinn duiqiuu ee sinue/ sniaw si byy qang lixqaiw ee qaidnua/ sniaw si iuwjniw qaur singsik juanxhingg ciwgiam/ singsik ee iwgi ... dringw, qowsu itdit dirr hiax. Soxu jongqaur qowsu marr qangrkuanw.

Vixzu, Iasox ee qowsu, soxx biyue :ee si, jit xee poxpenr iuxhau ee inghiongg hing'uii. Dairsingx jyr cud hitt xee sidai jen'ue quanliam, dyrr si ter BAPTIST Joan sexlew, zenau ix huac quer quanqenr ee mngding qaur ciurnaa sir-jap zit. Iutaiwqaur ee tuantongw, sir-jap si u sinue iwgi ee sowzi.

ISRAEL ee ginxaw dirr hngvox druar sir-jap dxangx. Iasox dirr suabok sir-jap zit, qinglik snax jiongw inxiuw/ xmoo qniaa hiongr ix qongw “liw knuar kiw laii, jin' iaux hnor! Siauwlenn :ee! Uirhyy byy air qra jiaxee jiyhtauu venwjyr prangw neh?” ”langg m jixsirr uirr vakdow iaux-vaw ziiw, si uirr siongrder qongw cud ee muixx jit qxur ue uac.” Iasox dab.

Qycc laii si jingwdi ee iuxquaiw. Iasox virr cua qaur snuadingw knuar sewqair qokk qog, xmoo qongw “liw narr hiongr guaw qnialew, liw dyrr ersaih kongwjer soxu ee qog.” jex kyxlingg m si lanw sigsai :ee, kiokk si singqongx jingwkeh su'iaur ee jit kxyr. Iasox qirjuat! Juewau, xmoo qongw “hyw! Liw jin' cuttuad (cutser), hro liw qaur HEROD sinbiy-dingw, hro guaw knuar liw qra jurqiw danr lyc laii, siongrder e qra liw jriab kiw laii, liw lenrr hueh dyrr benw lrauu.” jex si soxui lingsingr pongwdiongr. Guaw si jiacc jingsinhuar/ ciauuat bactew/ sewsiok ee su'iaur.

Danrsi Iasox si siongrder ee bacsinx, qamxx m si? “liw vutqaix inxiuw jruw, liw ee siongrder.” Iasox duiww xmoo qongw. jex si Iasox snax xee iuxquaiw, dnaxx iwgi iuguann ham' qiwguann jingg snax-jap nii qang.

Vuddyy marr qangrngiu, ix kir ciurnaa ham' hitt sii siongrr u miaa ee jongqaur siuhingrdairsux hagsip, zenau ciauuat inx. Qingguer sna' lensuar ee ciwgiam/ jauxcue au, laii qaur bingsimx qenwsingr ee poteciu-kax. Dirr jiax, marr duw diyc snax xee luirsu ee iuxquaiw. Derr id tamx, derr zi qniahniaa, derr snax sunrhok dairjiongr iwqenr, jiauww quiding jyr dairjir.

Derr id xee iuxpenr, tam'ongg dirr Vuddyy binrjingg denxhen ix snax xee suiw jaboxqniaw/ inx ee miaa hyrjyr iogbang/ buanxjiog/ auwhin, siongrdingx birlaii/ henrsii/ quewkir. Ixqingx jamxdng qamxquanx iogbang ee Vuddyy, jit diamw aw byy dinxdang diyc. Tam'ongg qra jurqiw venwjyr sixsinn, qycc qiyr jit qrunn iaxsiur dimr buxkir qaur Vuddyy srinx-siong, Vuddyy ixqingx dirr simlai cue diyc diamrjing, ingxuanw byy sriu siqanx ingxhiongw. Iuqycc byy dinxdang, dauu hiongr ix ee soxu buxkir juanvo venwjyr jongvair ee hueluiw.

Juewau iogsinn/ sixsinn venwsingg siarhue jikzim ji' sinn, qongw “siauwlenlangg, liw iauxx bue tak qin'axzit ee vywjuaw hnor? Liw qamxx m jaix qin'axzit rair jyr sniaw?” Vuddyy jixsirr ixx ix ee jniawciuw jingtauu-buexliux kinx~ aw duw diyc derbin jyr huedab. Lanw sui' tniax diyc uxdiu buxsinn ee sniax, cniurr tnidingw luii hiacc hiangxliang qongw “guaw cin'air ee qniaxzii, jex si ix ixqingx qra jurqiw hongrhenr hro sewqair ee viauxsi, jiax ixqingx byy langg kyxiw virr quihuan, mair qycc qongw hiaxee u :ee/ byy :ee ar.”

jitt sii siarhue ji' sinn jre dirr cnxiu kajiah, hiongr Vuddyy quirvair diwqingr, jingxqyy qongqig ee duirgnow sui' cniurr bang hitt ngiu siaubyy .kir. Hitt amr, Vuddyy singjiu jingwqag, lauu dirr sewqanx go-jap dxangx, qauwdy lanw zuhyy siauduu jurgnow diongsimx ee sokvak.

IOGBANG/ QNIASIMX SI KONGWJER SEWQAIR SOXU SNEWMIA EE NNG JIONGW SIMJNIAA

Iogbang/ qniahniaa jitt nng xee iuxquaiw, si TITIAN dirr qauw-jap-sir huer rue ee “tendongg”, si ADAM/ EVA sriu iogbang/ qniax beluan ee qinggiam/ jitt vxag doo jitmaw dirr PRADO. Dongzenn, ciu naxx sinue sewqair ee ciax simx, dirr jitt xee diongsimx siqanx/ ingxuanw, unrdong/ hiyckunr habjyr ittew, soxu ee dairjir dy' duer decc sec dinxdang. Dirr jiax, ciu jixsirr viauxhen siqanx ee iwgi, jit jiongw iuxquanx sxen-og/ did-srid/ iogbang/ qniahniaa ... diwsig ee ciu, jniawciuxvingg ee EVA knuar diyc ee inxiuw ixx ginxaw ee hingtair cuthen, hro ix jit liap linwgo, anne EVA ee iogbang dyrr virr ingxhiongw lor.

EDAM ui' lingrgua jit vingg, knuar diyc jit buew juaa kunn jiamr dirr ciurjangg, qniax ee qamxqag. Iogbang/ qniasimx si kongwjer sewqair soxu snewmia ee nng jiongw simjniaa, iogbang si zxi, sixbongg si diywqaux.

EDAM/ EVA uirr inxiuw jauxjongg, duar laii snewmia/ dongsii virr siongrder jxiur; Vuddyy byy drang diyc simx, qycc qar lanw anxjnuaw ui' snewmia ee cnecuah-diongx qaixhongr cud laii.

B: hitt xee ginxaw --- u liauw snewmia, dyrr e u huihiamw/ qniax/ kow, qamxx m si?

J: jitmaw guaw ixqingx veh-jap-gua huer ar, duxx decc siaw quiw vunw ceh. Guaw huisiongg hibang erdangr uac qaur uansingg jiaxee qangjog. Guaw beh hitt xee ginxaw, soxiw e hro guaw qniax sixbongg. Qaxsuw byy sniu itding rair uansingg jitt vunw ceh, siw .kir marr byy quanhe. Vuddyy/ Iasox tauxvangr sixbongg, ui' hngvox dngw laii suanw beh qar lanw, zenau inx derjuw qra jiaxee hok'imx jaiww tuann hro juann sewqair.

Uixdai ee qauwsux, cniurr MOSES/ Vuddyy/ Qiqog/ MOHAMMED ... dringw ee jongqaur sinwsid cavet jin' dua, mrqyxx inx ee simlo quewdingg kiokk dairliok luirsu. MOHAMMED si m bad zri ee logdyy luxkeh siongzinn, virr suanxding au, dagg zit e likuix inx MECCA ee cur, qaur snuax-dingw dongrhet jingrjy (jingrje) bingngiu. U jit zit u jit xee sniax qiyr ix “ siaw lyc laii”, ix jiauww jyr, uansingg jitmaw lanw knuar ee THE KORAN. Jex si jit xee jin' lau jin' lau ee qowsu.

B: dirr muixx jit xee le, jiapsiu unhui :ee dy' e duiww jiaxee inghiongg sinwsid, jyr quaw qiquair ee qaixsueh.

J: marr u quaw qauwsux quatding mair qar zimrhyy su, in'ui siarhue e jiauww ix soxx huathen ee dyrliw qniaa.

B: narr si inghiongg ui' tongwkow buatuax dngw laii, langg' kiokk byy air ix jah dngw laii ee dyrliw, e jnuaxngiu neh?

J: hex dongzenn si jingwsiongg ee qinggiam. Qisit ciangjai m si langg' byy air sendix ee lexbut, si siarhue m jaix anxjnuaw jiapsiu/ qra jewdorhuar.

B: ixqibb zuhyy vyxjunn? zuhyy congwsinx?

J: si ar, zuhyy hro qewsiok suar lyc kir.

B: guaw itdit jin' qac'ir jit xee qra snewmia biyue jyr ui' qodax quttauu/ sionghunn/ puar qiqud qyc'uac ee iwsiong.

J: derr zi qxib inghiongg e qra tuantongw hro qyc'uac kiw laii/ dingsinx qaixsueh, venwsingg huhap henrsii iuxhau ee sing'uac qinggiam, m si itjair liu quewkir ee cauwsng'ue. Jex si soxu tuantongw rair jyr ee qangjog.

JERJE JONGQAUR IXX JURQIW EE INGHIONGG QOWSU KAISIW

B: jerje jongqauwsux ixx inx jurqiw ee inghiongg qowsu kaisiw. Jingxqyy Dang'ax in'ui Vuddyy duar laii ee ludhuad qauwgi did diy diwimr, sehongx sriu diyc MOSES ui' SINAI Snuax jah lyc laii ee ludhuad viwiu. Vorlok/ derhngx inghiongg uirr dan'id binjok, viauxhen inghiongg hing'uii, sewqaiwsingr ee inghiongg cniurr Iasox/ Vuddyy/ MOHAMIMED, ui' hng ~ soxjai jah dngw laii sinwsid. Jiaxee jongqaur inghiongg duar laii :ee, si siongrder ee sinqii, m si siongrder ee nadoo (qewue/ vorsor).

J: liw dirr Quriog erdangr huathen jit dua dxuix ludhuad.

B: hex si jongqaur juanxqaur sinn ee quewdo. Jongqaur kixguann qniaqii/ qingwuir, iwdoo qra lanw qongw qowsu, hro lanw ham' siongrder qethap, anne jniajyr jit tyr sinhak jokpinw, muixx jit hxang surqnia, virr qanxhuar jyr quijig/ sinwliam.

J: hex si qra sinue qanxhuar jyr sinhak. Sinue liudongrsingr jin' dua/ dairvorhun sinue dy' si jurgnow maudunw/ simrjiww dirr jit xee digding bunhuar, cue diyc qang jit xee sinvir henrsiong, sir ~ go jiongw qaixsueh ee vanxvunw. Aurlaii sinhak ee cuthen hro dairjir itding rair ui' qowding qakdo qaixsueh. Sinue juann si six/ huisiongg u cunqiusingr.

Jongqaur qra six venwjyr snuawbunn/ zinrding siongrder jinsit junjai/ dyrr qaix anne ee hongsid viauxhen, jiacc erdangr ham' hitt xee sinn vycii sikdongx quanhe.

B: liw byy su'iaur siongsinr ARTHUR Ongg jitt xee zinbut, iuguann erdangr did diyc jiaxee qowsu ee kexsi. Qidokdoo qongw lanw rair siongsinr u jit xee Qidog, narr byy sinziah dyrr be huatsingx.

J: jex ham' HEBREW sendix ELIJAH henxhen ee qijig si qang :ee. U jit qrunn qiquair :ee, cniurr ser liap ser laip mic puu dirr vnuawkongdiongx, u mow jiongw siuhing qingxqair ee langg laii qaur jiax, jiaxee mic dyrr duer jitt xee langg jurjip dirr ix ee siwjiuuii. Jiaxee qijig qowsu, jixsirr hro lanw jaix, jitt xee quaiwzinn soxx tuansiu ee jingsinn ludjig, m na si budliw-siong ee dingrlut, ix jiacc kyxiw viauxenw jingsinn-siong ee mosut.

Jex byy viauxsi jitt xee langg jinjniar jyr liauw jiaxee viauxenw, dongzenn kyxlingsingr si junjai ee. Lanw m jaix kyxlingg ee qaiwhan dirr dyhh. Tuansuad ee qijig byy itding kaksit huatsingx quer ee dairjir. Vuddyy qniaa dirr juixbin, Iasox marr si. Vuddyy jnriu tnix qycc dngw laii.

B: guaw e qir did liw bad dirr enxqangw-diongx rue jit xee ngiko'aw, qongw “hex si langg ee linghunn.”

INGZII MUIXX JIT XEE IWLIAM DY' LAIJURR IX SIYW SER EE SINKUX SUQIUU

J: hex jixsirr qauwhak iong ee qesix ziiw. PLATO qongw, linghunn si jit xee ngii. Guaw qra jitt xee qaiwliam iong dirr ovangx-dingw, rue jit xee ngii viauxsi linghunn. Zenau ui' dionghngx rue cud jit diauu tanxvnesnuar, dairviauw iwsig/ amwiwsig ee hunqair. Ngii diongxsimx ee odiamw viauxsi lanw snewmia lingliong laiguann ee diongsimx, si dirr tanxvnesnuar erbin ee uirdir. Ingzii muixx jit xee iwliam laijurr ix hex ser ser sinkux ee suqiuu/ si snewmia kaisiw ee hongsid. Iokliok qongw, ingzii si snewmia ee ciongtut, zenau simx cuthen, sniu beh jaix jex si jnuaxngiu jit huesu? Guaw beh air sniaw? Guaw jnuaxngiu did e diyc? Dirr tanxvnesnuar dingxbin si jurgnow, guaw iong siwqakhingg viauxsi, hex si lanw zinrjyr diongsimx ee vorhun. Danrsi liw jaix, hex si li diongsimx jin' hng ee/ lanw zinruii si enxcud ee dongrlik, sidjer m si.

B: sniaw si enxcud ee dongrlik?

J: enxcud ee dongrlik si ui' qik cimx ee erdew rig kiw laii ee. Langg kaisiw liauxqaiw jurqiw m si enxcud dongrlik ee siqii, m si cingcunqii. Cingcunqii hitt sii jingxqyy sintew kaisiw sanxsingx juann sinx ee jit tyr su'iaur hertongw/ javox :ee uanjuann m jaix zuhyy cuxliw jitt xee jinghongw, qandna' iycsniu si sniaw decc sag ix, sag dinxdang jabow :ee ee lat qyckacc sinvir lor.

B: jin' binhenw :ee si, lanw ixx ingzii ee sinkux laii qaur jitt xee sewqair, ixqingx jah u jit jiongw qiwig-ap dirr srinx-siong.

J: suxx langg qniasimx :ee, si u zuarr je qiwig cangr dirr hiax? Dng' lingtauu uaxqin ingzii sii, ix jaix beh jyr sniaw. Hex u jit tyr uanjingw setqer hyw ee hingdong, dng' lanw dirr dongrbut srinx-siong knuar .diyc sii, lanw qongw hex hyrjyr vunxlingg/ si singbut ee qicow, danrsi mow quaw dairjir bersaih huatsingx, mow quaw dairjir vutditvud jyr, hro lanw qamxqag iawsen/ kunwlann/ qniax, simrjiww u juerokqamw. Jex kaisiw hro lanw kunwziauw, simliw bunrdee anne laii huatsingx.

Dirr jiaxee dairjir, sinue juxiaur vnuaenw qivunw qauwhuar qaksig. Dnaxx lanw ee siarhue vingrr byy hro lanw jitt lui sikdongx sinue jixdy, incuw siauwlenlangg qamxqag, jingxhap inx ee hing'uii kunwlann. Guaw u jit xee lixlun, qaxsuw liw kyxiw cue cud mow langg u joxgai :ee, qaix erdangr dirr sinue cue diyc ham' jitt xee bunrdee siy' duiwingr :ee.

B: lanw ciangjai tniax langg qongw “ham' liw jurqiw jiapciog.” liw zinruii jex u sniaw iwgi?

J: lanw taiww sriu vadd langg ee lixsiongw/ iwjir ingxhiongw, huisiongg u kyxlingg liw jurqiw uanjuann m jaix, liw jinjniar beh air :ee/ liw kyxlingg air venwjyr sniaw ngiu. Guaw zinruii ui' jit xee qigtauu giamqeh/ uikuann siarhue jingqingw duarhanr ee langg, si byy sniaw kyxlingg liauxqaiw jurqiw ee.

B: in'ui liw jongxsi virr vywjaix rair jyr sniaw.

J: liw muixx hunjingx/ muixx biyxjingx virr tongdix rair jyr sniaw/ sidjer si dirr qundui-diongx, jex si lanw jitmaw soxx jyr :ee. Jit xee dirr haghau ee ginxaw, jongxsi jyr ix virr iauqiuu ee dairjir/ jiacc e sngr zidjiw danxtai qawzit/ in'ui hex si erdagnr jyr jurqiw ee sihau.

B: sinue duiww zuhyy ham' lingrgua jit xee jurqiw/ jinjniar ee jurqiw jiapciog, teqiongx lanw sniaw sinwsid?

J: sinue qar lanw derr id hxang, si junsunn sinue vunxsinx ee amwsi, qycc laii si liw ee jongqaur dyrsux/ laursux ee jixinw, inx qaix jaix sinue ee amwsi. Jex cniurr unrdongrguann cue qauwlen/ qauwlen qar zuhyy qra lingliong iong dirr vixsair sii. Jit xee hyw qauwlen vingrr be qra saiwpauw (vixsair jauw) :ee qongw, ciuxqud zuhyy tec quann/ iacc si luirsu ee dairjir. Qauwlen e knuar hagsingx jauw, vangjan qra siujingr jyr ix vunxsinx jurzenn ee mosid. Jit xee hyw laursux si knauwho siauwlenlangg/ venrzin ix ee kyxlingsingr/ hro qenwgi/ m si bingrling. Bingrling ee hingsid si “ jex si liw qaix jyr ee hongsid, liw rair anne jyr.” mow quaw gersudqax si ixx jitt jiongw hongsid qauwdy inx ee hagsingx. Danrsi dirr zimrhyy jinghongw-ha, qauwsux qaix hyw hyw ham' hagsingx dramm, hro inx jit quaw snuawsyh. Qaxsuw byy langg uirr liw anne jyr, liw rair jurqiw sniu jin vanrhuad, cniurr dingsinx qaixjy lenw-aw qangrkuanw.

U jit xee hyw honghuad si, kir cue jit vunw cniurr decc cuxliw liw henrsii binrlimm bunrdee ee ceh/ hex itding e hro liw mow quaw snuawsyh. Guaw jurqiw ui' tak THOMAS MANN/ JOYCE ee ceh did diyc jixsi, inx nng langg dy' si qra qivunw ee sinue juxdee, ingwiong laii qaixsueh dongdai singdiongw-diongx cinglenn ee bunrdee/ gibun/ liauxqaiw/ quansimx-siong. Liw ersaih tauwquer liauxqaiw jiaxee siyxsuatqax ee jokpinw, cue diyc liw jurqiw ee jixdy sinue juxdee.

DIRR LANW EE SIDAI, DENRNGIAW QAMXX SI CONGWJY LIAUW INGHIONGG SINUE?

B: hex si hro guaw qamxqag cuwbi ee soxjai. Narr qongw lanw hyxzirun, qaxsuw sinn qapp MUSE duiww lanw bunxbunw ciyr, muixx jit dai dy' e u mow langg cuthen, laii kexhuad lanw siongxsiongrlat, hro lanw dac jnriu ganxjingg luxdingg. Dirr liw ee nidai si JOYCE/ THOMAS-MANN. Dirr gunw ee sidai, qnaxsi denrngiaw! Denrngiaw qamxx si congwjy inghiongg sinue? Liw zinruii “STAR WARS” hitt ngiu ee denrngiaw, si m si buanxjiog liauw vorhun inghiongg denxhuan ee su'iaur?

J: guaw bad tniax quer siauwlenlangg suxiong G. LUCAS ee mow quaw iongrgiw, cniurr “guanlat (THE FORCE)”, “oamwbin (THE DARK SIDE)”... dringw. Soxiw u itding ee ingxhiongxlat. Guaw e qongw, hex si jin' hyw ee qauwiok.

B: guaw sniu, jitt vorhun qaixsueh liauw “STAR WARS” ee singqongx, vutjixsirr jewjy ee qewdat, si in'ui sag cud ee siqandiamw, duxhyw si lanw su'iaur venrzin sxen-og qaujenr ee iwsiong, jiacc jniajyr daddid knuar ee hyw denrngiaw. Lanw su'iaur lixsiongxjuxgi, knuar cud byy sugnow/ huijursux ee longrban.

J: siaog berdangr tauwquer zimrhyy sewsiok qaiwliam zinrbad ee sursit, iwbi diyc hex si tiusiong ee lat, dairviauw jit jiongw guanjig, m si digding ee ligsuw jingqingw. Jitt xee qowsu si ham' guanjig ee unrjog/ sidjenr iuxquanx, m si jitt xee qokqax pah hitt xee qog. “STAR WARS” enxguann dir ee iaxsiur binrdar, dairviauw dongdai sewqair jinjniar ee iaxsiur sewlat. Dng' DARTH VADER ee binrdar virr tehdiau, knuar diyc :ee, si jit xee birjnia'ngiu ee langg/ iauxx bue huatdenw cud jniajyr zinlui qywtew ee langg. Liw soxx knuar diyc :ee, si jit xee jit xee qiquair/ kyxlenn/ birhunhuar ee bin.

B: jitt xee si sniaw iwgi?

J: VADER iauxx bue huatdenw ix jurqiw ee zinsingr. Ix si qihailangg/ jit xee qnualiauu, m si uirr jurqiw uac/ si uirr jit tyr guarjai hertongw junjai ee langg. Jex si duiww lanw sing'uac ee kiongxhad/ si lanw qiongrdongg binrduir ee kywdee.

Qamxx si jitt xee hertongw pacvai liw, hiyxding liw ee sinsingr? Qamxx qongw liw erdangr unriong jitt xee hertongw laii drat qaur zinsingwhuar ee bogdig? Liw beh ham' jitt xee hertongw vyxcii sniaw quanhe, jiacc be siurr vig/ virr kanjer? Iwdoo qaixvenr hro huhap liw ee sniurhuad si byy loriong :ee. Hertongw vuerau ee ligsuw dongrlat taiww qiongg lehh, ui' hertongw hingdong-diongx snex cud u iwgi venwhuar ee qihue si jin' bongbiauw ee. Liw rair jyr :ee, si dirr liw ee ligsuw siqii, hagsip jniajyr jit xee jinjniar ee langg uac/ jex si jyr e qaur ee dairjir.

B: anxjnuaw jyr?

J: qencii jurqiw ee lixsiongw, cniurr tnikonglangg LUKE, girjuat guarjai hertongw qiongg ab dirr srinx-siong ee huizinsingr iauqiuu.

B: guaw cua gunw nng xee qniaw kir knuar “STAR WARS”, dirr juewau qongqig siongrr qinxdniux sikig, dng' BEN KENOBI ee sniax duiww LUKE qongw “ qnuaix driau denrnauw/ qikir, jurqiw jyr/ junjiaur liw ee qamxqag/ siongsinr liw ee qamxqag” sii, inx nng langg ham' soxu quanjiongr dangjee jyr lor, dng' LUKE anne jyr au/ singqongx ar, soxu ee quanjiongr dua sniax pah pok-aw.

GUAN GUANLIK QAPP LIW DONGJAI

J: liw knuar! denrngiaw si ersaih qautongx ee. Ixx hitt jiongw gixgenn laii qapp siauwlenlangg qaudamm jin' diongriaur. Jitt vxo denrngiaw beh mng :ee si, “liw qamxx beh jyr jit xee u liongsimx/ u zinsingr ee langg? (in'ui hex si snewmia ee soxjai, ui' simx laii :ee) iacc si jiauww soxui ee iwjiwlat (INTENTIONAL POWER) soxx iauqiuu :ee kir jyr? Dng' KENOBI qongw : hibang “guanlat” qapp liw dongjai sii, ix soxx qongw ee si, snewmia ee lat/ lingguann, m si qinggqer setqer ee jingwdi iwjir.

B: guaw hnowhenn guanlik ee dingrgi. KENOBI qongw, guanlik si soxu snewmia sanxsingx ee lingliongrdniuu/ dirr lanw ee siwjiuuii sec/ cngtauw lanw/ qra uxdiu tenhyy qethap jywhuew.” guaw dirr <Cingbin Inghiongg> marr tak diyc sewqair ee dorjaii/ sinsingr derdai/ congwser jit bak nih lat ee luirsu biysiaw.

J: si ar. Dongzenn guanlik ui' luerjai dinxdang; danrsi ”derqog” ee lat, si kixjy dirr jinghok/ kongwjer ee iwjir qicow. STAR WARS m si qanxdanx ee dyrdig hiwcud, si ham' snewmia qokk jiongw lat iuxquanx. Tauwquer langg ee hingdong, virr uansingg/ pacpuar/ apjer.

B: guaw derr id vaiw knuar STAR WARS sii, guaw sniu, “jex si jit vxo jin' lau ee qowsu, mrqyxx cing huisiongg sinx ee hiwhok enxcud.” siauwlenlangg virr driaur morhiamw, inghiongg guarcud binrduir ciwgiam/ siurbuaa, ngiaa au duar dngw laii unhui hro siarhue ... dringw qowsu ---

J: dongzenn LUCAS soxx iong viaujunw ee sinue zinbut. Teqiongx camsiongg iwqenr ee laurlangg, hro guaw sniu diyc Zidvunw ee qiamwdy saihu/ KENOBI u jit quaw inx ee digjid, si guaw soxx zinrbad diyc ee.

B: qiamwdy saihu jyr sniaw?

J: si jinjniar buxsu juanqax. Danghongx buxsut siuhing, ciauuat soxu guaw dirr Bixqog texiogquanw soxx qnir quer ee uahdang hangbok, Inx dirr hunwlen ee dongsii qethap liauw sneliw/ simliw qisut. Jitt jiongw digjid dirr STAR WARS u siangdongx juixjunw ee viauxhen.

B: qamm u sinue ee jidsor (guansor). Jit xee cnehunrlangg cuthen hro inghiongg moxjiongw qangqu, jo ix ---

J: m na si budjid qangqu, dongsii marr hro simliw-siong ee sinwliam/ diongsimx, ciauuat iwjir hertongw. Liw ham' surqnia jniajyr ittew.

B: guaw siongrr qac'ir ee jit dniuu hxir, dng' inx dirr vunwsyr apsokkir-lai sii, nng bin viah vutduan uaxqin, guaw sniu “hex dyrr si tunx lyc JONAH ee haixangdow”.

J: hex dyrr si inx dirr haixangx ee vakdow-lai.

B: vakdow, sinue ee iwgi si sniaw?

J: dow si siauhuar/ sanxsingx sinx lingliong ee oamr soxjai. JONAH dirr haixangx vakdow ee qowsu, sidjer-siong si poxpenr sinue juxdee ee le. Inghiongg jinwzip hii vxag-lai, juewau qycc cud laii, ixqingx juanxhuar ar.

B: uirsniaxmic inghiongg itding beh anne jyr?

J: hex si ha qangr qaur oamr-diongx. Jiurr simliw iwgi, haixangx dairviauw amwiwsig ee snewmiarlat. Ui' unxbih ee quandiamw qongw, juiw si amwiwsig, juiw-diongx ee singbut si amwiwsig ee snewmia/ lingliong. Amwiwsig ee lat qiongg quer iwsig ee zinqeh, diyh'air virr siauduu/ kikhok/ kongwjer.

Dirr jitt jiongw morhiamw ee derr id qaidnua, inghiongg e likuix ix sigsai/ u moxjiongw kongwjewlat ee lingxhik, binrduir jit xee mngding lanquanx, vixzu oo-vnix/ haiw-diongx, dirr hiax cangr jit jiah quaiwsiur decc danw ix. Anne, u nng jiongw kyxlingsingr.

JONAH hitt lui qowsu, inghiongg virr tunx lyc vxag, danxtai sikhap siqanx qyc'uac. Jitt xee si siw au qyc'uac juxdee ee venwhuawhingg. Iwsig zinqeh jitmaw ixqingx byy hxuad ingwhur amwiwsig ee jiapciog, diyh'air singsiu jit xee dirr duarhaiw kiongxvor amwmee ee kyxgiam/ kexsi, hagsip zuhyy ham' jitt xee oamr lat jywhuew. Siongrbuew puu cud juann sinx ee sing'uac hongsid.

Lingrgua jit xee kyxlingg si, inghiongg dirr duw diyc oamr lat au, kikhok qycc taii driau, cniurr SIEGFRIED/ ST. GEORGE qra lringg sad driau. SIEGFRIED hagsip diyc :ee, diyh'air limx lringg hueh, jiacc erdangr qra lat labzip jurqiw luerjai, hueh limx lyc au, ix tniax diyc jurzenn ji' quax/ ixqingx ciauuat ix ee langg-singr, dingsinx ham' jurzenlat lenjiab. Arr dyrr si ham' snewmiarlat, unrjog simx ee lat jriab kiw laii.

Liw knuar, iwsig zinruii ix si jinjniar ee juxlangg/ qycc si jingxqyy zinlui cuwiaur kiwquanx, vutqaix juxdy itcer. Iwsig rair kuthok sinkux ee zinsingr, uirr sinkux hogbu. Zuqyw iwsig jinjniar juxkongr itcer sii, liw dyrr jniajyr STAR WARS ee DARTH VADAR, kia dirr iwsig/ iwjir hitt vingg ee langg.

B: oamr ee qaksig.

J: si, jex dyrr si GROTHE <FAUST> okmoo dairviauw ee qaksig.

B: guaw sniu, u langg e qongw “ hex jixsirr G. LUCAS ee gamrsniu/ J. CAMPBELL ee hagsut u loriong, ham' guaw sing'uac byy dirdai.”

J: qaxsuw liw byy zinrbad ix/ kyxlingg e qra liw venwjyr VADAR, jex si siongrr hyw :ee. Narr qongw mow langg qencii digding ee jiahpiah, byy be tniax ix jurqiw luersimx suqiuu, e jniajyr jingsinn hunlec ee huihiamxqunn. Anne ee langg ixqingx hro jurqiw jiamrr penli diongsimx/ qra jurqiw uerzip jit jiongw sing'uac hongdingsid, duiww sinkux jit diamw aw dyrr byy qamxsiu/ byy cuwbi. Jitt xee sewqair u jerje langg dy' bad tingg lyc laii, jimjiog tniax jurqiw/ iacc si vadd langg, yc erhiauw sniaw si qaix kir jyr/ qaix zuhyy viauxhen/ sniaw si sing'uac qewdat.

B: jiurr liw duiww zinlui ee liauxqaiw, si m si kyxlingg u junjai jit jiongw ciauuat jinliw/ hihuanr ciongtut, hro lanw sing'uac dingsinx huehok uanjingw ee diwhui ? Lanw qamxx erdangr huatdenw cud sinx mosid?

J: ixqingx dirr qokk jongqaur ar. Duiww inx ee sidai laii qongw, soxu ee jongqaur dy' si jinjniar :ee. Qaxsuw liw erdangr zinrbad diyc inx jinliw ingxqiuw ee jidbin, qycc ham' henrser ee ingwiong hunkuix, liw dyrr cue diyc ar.

Lanw bad tyxlun .quer. Jingsinn-siong jicii sintew :ee, si hising sinkux ee sneliw iogbang/ qniasimx; si m si dirr siqanx lingxhik-diongx, sinkux rair hagsip liauxqaiw/ viauxdat jurqiw siongrr cimx ee snewmia? Lanw rair jin juanvo kuiwlat, iong moxjiongw hongsid cue cud, sniaw jiacc si dongdai sing'uac-diongx, cnia'iongw lanw zinsingr hueluiw siongrr hyw ee mic, vingrr qra jurqiw hongrhen hro ix.

JIXU QIK JIYW LANGG ERDANGR BINRDUIR JINLIW EE TIAUJENR

B: m si derr id guan'inx, si kacc quann ee insor?

J: guaw e qongw, si kacc luerjai ee guan'inx. “kacc quann” jixsirr dirr dingxbin mow jit xee soxjai, qinvunw byy “ dingxbin mow soxjai”. Lanw jaix jitt diamw, dirr dingxbin ee laurlangg ixqingx duer hongx vuex byy kir ar. Liw rair cue cud luerjai ee “guanlik”. Jex si uirsniaxmic danghongx jongqaur dyrsux, dnaxx hro siauwlenlangg hiacc sinwhok. Inx qongw “dirr liw lairbin, kir cue ix.”

B: qamxx m si jixu qik jiyw ee langg u huatdo binrduir jinliw ee tiaujenr, qycc dirr sing'uac-siong jiauww qauwliw hongrhingg?

J: uanjuann m si anne. Kyxlingg jixu jiyw sxor langg erdangr jniajyr qauwsux/ lingxsiur, mrqyxx jex si muixx jit xee langg dy' kyxiw hue'ingr :ee, cniurr muixx jit xee langg dy' u amwlat jauw kir qiur jit xee ginxaw. Muixx jit xee dirr ix sing'uac-diongx, dy' qaix liauxqaiw qewdat m si qandna' hanrjer dirr uicii sintew/ quansimx dongzit ee qingjer binsingx.

B: dng' guaw ginxaw sidai tak diyc “ngidyh buxsu” sii, sinue hro lanw jurzin ersaih jniajyr jit xee inghiongg/ guaw beh cud kir ham' lringg jenwdaur/ beh kir ociurnaa jamxsad siaog. Sinue hro guaw --- OKIAHOMA jycsitlangg ee qniaw, qra jurqiw sniu jyr si inghiongg, jitt diamw liw u sniaw knuawhuad?

SINUE HRO LIW JAIX JURQIW EE UANBIW

J: sinue kexhuad liw ee lixqaiw/ hro liw jaix jurqiw ee uanbiw/ ligliong ee ciongbuanw/ u kyxlingg qra zidtauu cua zip sewqair. Jamxsad quaiwsiur si jamw driau oamr ee mic/ sinue erdangr liac diyc liw luersimx mow jit diamw. Liw si ginxaw sii, qandna' e ui' mow jit xee qakdo lixqaiw, dyrr cniurr guaw tak INIDANS ee qowsu. Aurlaii, sinue e qra liw qongw kacc je .quaw, qyckacc je ixau, iuguann e qra liw qongw zuxx je. Guaw sniu, zimrhyy bad zinrjinx genxqiur jongqaur/ sinue qaiwliam ee langg, e qra lanw qongw, ginxaw sidai si dirr mow jancur liauxqaiw inx, aurlaii e denxhenr cud jerje jancur, sinue ee kexsi si buhanr :ee.

B: guaw jnuaxngiu kyxiw jamxsad guaw luerjai ee lringg? Sniaxngiu ee luxdingg si lanw muixx jit xee diyh'air qinglik :ee? Qamxx si liw soxui ee “linghunn morhiamw”?

J: guaw hro hagsingx ee jongw guanjig si “junjiaur liw luersimx didqag ee hixlok”, cue diyc jitt xee, zircniaw m tangx qniax, rair jiauww jyr.

B: hex qamxx si guaw ee qangjog? guaw ee zinsingx?

J: qaxsuw liw qac'ir liw ee qangjog, anne dyrr si ar. Mrqyxx narr qongxx liw sniu “oor! Bersaih tihh! Guaw berdangr anne jyr!” hex si liw simlai ee lringg decc sryw liw. “bersaih tihh, besaih! Guaw berdangr jniajyr jokqax.” “byy air, byy air! Guaw kyxlingg jyr moxmic langg jyr ee dairjir.”

B: jiurr jitt diamw qongw, ham' PROMETHEUS/ Iasox ... dringw inghiongg byy qang :ee si, lanw m si dirr qaixqiur sewqair ee lo-siong, si qiur jurqiw.

J: danrsi anne jyr ee dongsii, liw qiur liauw sewqair. Jit xee u uahkuir ee langg, ix ee ingxhiongw marr byy gibun si ciongbuanw uahlat. Byy simlingg ee sewqair si itpenr hngvox. Langg jongxsi zinruii, qaixvenr dairjir/ quijig, ilai siongrder ... dringw hongsid, jiacc erdangr qaixqiur sewqair. Oor! Jex m driyc lor! Zimrhyy uac lingr ~ :ee, dyrr si jit xee sewqair! Liw beh jyr ee dairjir si qra snewmia cua zip kir. Ui'id jyr e qaur ee hongsid, si dirr liw jurqiw, cue cud snewmia soxjai, qycc u jurqiw e uahlik.

B: dng' guaw qniaa jnriu luxdingg, jamxsad hiaxee lringg sii, si m si diyh'air dandok jit langg?

J: qaxsuw u langg dauwsnaqang marr ersaih. Danrsi jiongbuew liw rair kyr jurqiw uansingg jiacc ersaih tihh. Jiurr simliw iwgi, si jurqiw duiww jurgnow ee jit jiongw jip'id. Lanw virr siuqimr dirr jurqiw ee linghet-lai. Simliw isux ee qangjog si qaixpuar hitt jiah lringg, huntiah lringg, hro liw erdangr kokdenw qaur jit xee kacc qongxdai ee quanhe lingxhik. Jiongbuew, lringg dirr liw simlai/ si liw jurgnow iwsig qra liw sokvak.

B: jurgnow si sniaw?

J: liw sniu beh :ee/ liw guanrir siongsinr :ee/ liw qamxqag hurdamx e kiw :ee/ liw quatding beh kir air :ee/ liw zinruii liw qaix jipquad :ee. Kyxlingg hex jit diamw aw dyrr byy hniaxbak/ kiokk erdangr qra iw dingr diauu ~. Qaxsuw liw jixsirr jiauww vadd langg soxx qongw :ee kir jyr, liw itding virr langg' dingr diauu ar, hitt xee vadd langg si liw simliw huanxngiar cud ee lringg.

Diongqog ee lringg dairviauw lamwde ee snewmiarlat, si laii pacvai vakdow/ hir, “hah, hah, hah!” hex si qoxjuix ee lringg, e duar laii kelauu ee unsur/ uixdai/ bixhyw ee lexmic. Danrsi lanw sehongx qowsu ee lringg dairviauw amtamx, sethuad siujip/ vyxiuw muixx jit hxang mic, dirr lringg viwbit ee dongrhet-diongx, vyxho jit dua dxuix ngqimx/ virr liac laii ee jairsikluw.

Sehongx lringg m jaix beh anxjnuaw cuwliw ngqimx/ jairsikluw, jixsirr vyxho/ vyxjunn. Sewsiong cniurr anne ee langg, lanw hyrjyr “ho'ngg tyxiar :ee”, byy snewmia/ berhiauw vowsix, qandna' qra langg' liamm siw siw/ qyqyy dnii, iwdoo beh qra liw ham' inx ee snewmia jnuar qaxx dax ~ ~.

JUNG u jit xee vnerlangg, qamxqag dirr sewqanx si qodok ee, si dirr giamjiyc ee sewqair, rue jit dniux doo qaux hro JUNG, si ix kia dirr jit xee kyxpnar ee haixhnua, iyx ixha kunr dirr jiyhgiamm-lai. Hongx cuex laii, taumox cuex dinxdang, soxu ee ngqimx/ snewmia ee hixlok, longxx draii dirr jiyhgiamm-drew, li ix hng ~~. Mrqyxx xe jit huee rue ee doo, kiokk cuthen mow quaw JUNG qra qongw ee mic.

Jit dy sicnar pah diyc jiyhgiamm-dingw, itpenr ngqimx ee pxed-aw dnuatiaur cud laii, giamjiyc-lai ee ngqimx longxx cud laii ar/ jiyc-dingw dy' si ngqimx cuiwsab-aw. Qycc laii, jiaxee cuiwsab virr zin cud laii, si ix ee ving'iuw/ ix byy qodnuax. Ix qra jurqiw sryw dirr ec ser ee vangqingx-lail/ sing'uac-diongx, qycc u ving'iuw. Ix jiaxee texzin jixu dirr taii driau ix ee lringg au jiacc cuthen.

B: guaw qac'ir liw qongw diyc iuxquanx THESEUX/ ARIADNE ee lau sinue sii, soxx qongw ee ue.THESEUX duiww ARIADNE qongw “qaxsuw liw erdangr jixinw guaw jit diauu cud beqiongx ee lo, guaw jiong' ingxuanw air liw.” ARIADNE tec jit liap qimx snuar dnii ee qiuu, si THESEUX jinwzip beqiongx sii packuix :ee/ juewau, ix jiauww snuawqiuu cue diyc cutlo. Liw qongw “ARIADNE soxu :ee, jixsirr qimx snuar. Jex si liw su'iaur ee juanvo.”

J: hex si liw su'iaur ee juanvo --- ARIADNE ee qimx snuar.

B: u sii lanw e cue jerje jaihur/ uixdai ee lat / iacc si uixdai ee quanliam, laii qiur lanw, qisit lanw su'iaur :ee, jixsirr hitt diauu qimx snuar.

J: hex vingrr byy qanxdanx cue e diyc or! U langg hro liw snuawsyh, si jin' suiw ee dairjir. Hex si laursux ee qangjog/ jo liw cue diyc liw ee ARIADNE snuar.

B: Cniurr soxu ee inghiongg qang, Vuddyy vingrr byy qra liw qongw jinliw vunxsinx, ix qongw :ee si tonghiongr jinliw ee lo.

J: danrsi hex rair si liw jurqiw ee lo, m si vadd langg :ee. Vixzu, Vuddyy sethuad qra liw qongw zuhyy kir dudiau liw digding ee qniasimx. Byy qang ee laursux e u byy qang ee qenwgi, kyxlingg duiww liw byy hau. Laursu erdangr jyr :ee, jixsirr qenwgi, cniurr jit jxy dingtah qongw “ hiax u giamjiyc, likuix ix.”

Siauwlenlangg ee sing'uac diongrdiamw si kir iongxiuw byy qang kyxlingsingr ee mosid. NIETZSCHE qongw, “langg si vnertair dongrbut”. Langg si m jaix jnuaxngiu cuxliw jurqiw ee dongrbut. Simx u jerje kyxlingsingr, mrqyxx lanw jixu itsingx. Qaix jnuaxngiu duiwtai jurqiw? Jit xee tecud dongdai mosid ee sing'uac sinue.

B: dnaxx lanw u bujin kyxlingg ee mosid. Jerje langg juewau suanw jerje jiongw mosid, kiokk m jaix jurqiw si'angw?

J: liw suanw liw ee jitgiap, sidjer si suanxdik jit xee mosid, erdangr ham' liw hab'id jit dnxua siqanx. Vixzu, dionglenn ixau, liw erdangr jin' iong'i hunven cud jit xee langg si sniaw jitgiap. Bylun guaw qniaa qaur dyhh, vadd langg dy' jaix guaw si qauwsiu. Guaw m jaix guaw jyr liauw sniaw, iacc si knuar kiw laii si sniaw hxingg, danrsi guaw ersaih hunx cud qauwsiu/ qangdingsux/ siongzinn. sing'uac sokjy liw digiuw ee mohingg.

B: “ARTHUR Ongg” ee qowsu u jit xee jin' janw ee iwsiong. Dng' ngidyh buxsu dng' beh jinwzip ociurnaa suncue singwvuex, qongw qowsu ee langg qongw “inx zinruii jywhuew zip kir si pnaixmiaa ee dairjir.” soxiw muixx jit xee langg dy' hunvet anwjiaur jurqiw suanxdik ee derdiamw jinr zip ciurnaa. Liw qra hex qiongdiau jyr sehongx qywzinn sing'uac dog'iuw henrsiong, marr si qywzinn binrduir oamr ee tiaujenr.

J: dng' guaw tak jap-snax sewqiw ee <ST. GRAAL ee jauxcue (QUESTE DEL SAINT GRAAL)> sii, hro guaw iuxsow kexhuad :ee si, qongw cud sehongx digvet ee jingsinn bogviaux/ lixsiongw, dyrr si jixu liw jiacc kyxlingg qra liw luerjai ee amwlat viauxhen dirr sing'uac-diongx, kyr vadd langg ter liw jyr si byy kyxlingg :ee. Guaw siongsinr jex si uixdai ee sehongx jinliw.

Muixx jit xee langg dy' si dog'iuw ee snewmia, qaxsuw liw erdangr hro jitt xee sewqair zimrhyy lexmic, itding si ui' jurqiw qinggiam/ jurgnow amwlat huathuix cud laii, byy qitnax ee lo.

Lingrgua jit bin, tuantongw danghongx/ zimrhyy ixx tuantongw jyr qicow ee siarhue, qywzinn cniurr vniaw-boo inr cud laii. Qywzinn ee jikzim si ixx juadduir/ jingkag ee hangbok qax jairr srinx-siong, byy kyxlingg pacpuar. Liw kir cue jongqaur dyrsux, sunqiuu jingsinn jixinw, ix qandna' jaix qinqir tuantongw ee lo, jit sii dirr dyhh, xe jit vo qaix kir dyhh, qaix jnuaxngiu jyr jiacc erdangr kir qaur hiax ... dringw, hro liw ix ee dosiong, soxiw liw erdangr ham' ix qangrkuanw. Jex m si sehongx zinruii sikdongr ee qauwhak hongsid. Lanw rair dirr hagsingx huatdenw jurqiw dosiong ee qicow-siong, hro inx jixdy. Jit xee langg snewmia diyh'air jauxcue :ee, juadduir m si jit der toxde/ haixngiuu, si rair ui' ix jurqiw dog'iuw ee gingqiam amwlik soxx sanxsingx :ee, si hex jurlaii m bad/ byy kyxlingg virr langg qinggiam quer :ee.

B: hex si HAMLET ee bunrdee “liw qamxx u beh binrduir liw ee unrmia?”

JINGHOK SIXBONGG EE QNIAHNIAA, DYRR SI SNEWMIA HIXLOK EE KAIDUANX

J: HAMLET ee bunrdee si, ix binrduir ee miarun taiww dua lehh, hro ix byy hxuad singdamx, suacc virr pah qaxx cruir qoqoo. Jex marr u kyxlingg huatsingx.

B:dycc jiongw sinue qowsu erdangr jo lanw liauxqaiw sixbongg?

J: liw berdangr liauxqaiw sixbongg, si hagsip dirr sixbongg-diongx zinrmia. Guaw e qongw Qidog ixx lovok ee hingsid cuthen, simrjiww siw dirr sibzirqer-dingw, si lanw jiapsiu sixbongg ee juxiaur hagsip duiwsiong. OEDIPUS/ SPHINX ee qowsu, duiww jitt diamw iuxsow suecbingg. OEDIPUS ee SPHINEX (m si EGYPT ee SPHINX), u jiauw sxit, quaiwsiur srinx, langg amrqunw/ langg lingboo/ langg bin ee luxsingr, soxx dairviauw :ee si, soxu zinsingx ee miarun. Ix cua cud jit dniuu sewqair un'ik, qycc qra qaixduu, inghiongg diyh'air huedab ix tecud ee bxi “sniaxmic snex sii sir qix kax/ duarhanr nng qix kax/ lau sii snax qix kax qniaa lo?” dab si “zinlui”. Ingzii ciuw-kax dirr toxkax vee/ duarhanr nng qix kax/ lau sii qex jit qix qnuaiw-aw.

SPHINEX ee iycbee si snewmia vunxsinx ingxuanw ee iwsiong --- ginxaw sidai/ singsik/ laurhuar/ sixbongg. Dng' liw byy qniahniaa binrduir/ qycc jiapsiu SPHINEX ee bircaix, sixbongg byy qycc kongwjer liw, SPHINEX ee jxiur dyrr siausid lor. Jinghok qniahniaa sixbongg, huehok snewmia ee hixlok.

Jixu dng' jit xee langg erdangr byy qra sixbongg dongwjyr snewmia ee jidbin laii jiapsiu/ m si duiwlip, jiacc erdangr qinggiam diyc duiww snewmia byy diauqnia kingxding. Snewmia ee singjniaa venwhuar itdit dirr sixbongdiamw/ sixbongg-diongx. Kikhok qniahniaa, snewmia ee iongxkir dyrr jurzenn snetnuar. Byy qniasimx si muixx jit xee inghiongg morhiamw ligdingg juxiaur kaiduanx.

E qir did sewhanr sii, tak quer INDIANS iongxsu, dirr ciongx hiongr CUSTER jiongqunx dinrngiaa, hiongqongg sauwsia-diongx, huad cud ee hanxhuah sniax “ar! Qin'axzit si zuarr hyw ee siw zit!” jiax byy duiww snewmia ee jipquad. Jex si sinue siongrr uixdai ee sinwsid ji' id. Jiurr guaw soxx jaix, guaw m si guaw snewmia junjai ee juewau hingsid. Lanw ixqingx hingsingg ee jurgnow rair vutduan siw .kir.

B: qamxx ersaih cniaw liw iong jit xee qowsu suecbingg?

GAWAIN EE QOWSU

J: SIR GAWAIN ham' GRIMM buxsu ee Ingqog lau qowsu, si u miaa ee le. U jit zit, jit xee ligsig duarhanwlangg kiaa dua jiah ligsig bew, laii qaur ARTHUR Ongg vngrtniax. “ guaw tiaujenr dirr jiax soxu ee langg. Iong guaw jah laii :ee, jitt vner dua voxtauu, jamw driau guaw ee tauu, menii jitt sii guaw e dirr GRIMM qauwdngg ham' ix qycc huerbin, guaw beh dirr hiax jamw driau ix ee tauu. ”

Ui'id u iongxkir jiapsiu jitt xee quaiwqii iaucniaw ee buxsu, si GAWAIN, ui' dyh-vnix kia kiw laii, GRIMM buxsu ui' bew-dingw lyc laii, qra voxtauu tec hro ix, qycc qra tauu crunx dngg ~, GAWAIN jit dyx dyrr qra tauu dog lyc laii. GRIMM buxsu kia dirr hiax, tec jurqiw ee tauu, siuhuee voxtauu, kiaa jnriu bew likuix, qycc huee sniax duiww huisiongg diyhqniax ee GAWAIN huac “jit nii au qycc sna' qnir.”

Hitt nii, dag'ee duiww GAWAIN jin' hyw. Decbecc qaur iokding zit jingg, GAWAIN kiaa bew cud kir cue GRIMM qauwdngg, beh kir hur duarhanwlangg ee ioksog. Duer diyc siqanx jiapqin, iokk snax zit jingg, GAWAIN laii qaur jit qingx lahho cur, mng ongxhiongr GRIMM qauwdngg ee lo, kuix mngg :ee si jit xee kuaiwlok/ cinced ee paclac :ee, rinr qongw “qauwdngg dyrr dirr jitt diauu lo lyc kir quiw vah bxew ee soxjai, gunw jin' huangingg liw, liw ersaih ham' gunw druar snax zit, qauwsii, liw ee ligsig ving'iuw dyrr e cuthen, qamxx hyw?

GAWAIN dong'ir. Hitt amr hitt xee paclac :ee qra qongw, bin'axjaiw tauwjaw guaw e cud kir tyxliac, amr dyrr e dngw laii, qauwsii lanw qaungua soxx did diyc :ee, guaw juanvo :ee, e hro liw, liw marr rair hro guaw liw ee mic.” nng langg dua sniax ciyr, GAWAIN dong'ir anne jyr, inx dyrr kir kunr ar.

Tauwjaiw, GAWAIN iauxx decc kunr, juxlangg dyrr kiaa bew cud mng, jitt sii inx suiw bow qniaa zip GAWAIN vangqingx, bongx ix ee erhaii qycc qra qiyr cnew, zedjingg beh ham' ix sionghyw. GAWAIN si ARTHUR Ongg qiongden ee buxsu, vuervuan juxlangg si buxsu siongrr lann zimxsiu :ee, ix qiglik qirjuat, mrqyxx jabow :ee jin' qencii, vorsor jin denw, siongrbuew qongw “siongrr jiyw liw rair hro guaw jimx jit xe!” sui' qra GAWAIN lanw ann ~ , sangr ix jit xee siauhunn ee zedjingg. Dairjir jiacc qetsog.

Hitt amr, paclac :ee jah jit dua dxuix dua ser qokk ngiu ee mic dngw laii, danr dirr tokax, GAWAIN qra jimx jit xee. Nng xee dua sniax ciyr, dairjir jiamrr qyr jit dnxua.

Derr zi zit jaiw, juxlangg ee bow qycc laii cue GAWAIN, viw jahngjaiw qyckacc zedlet, siongrr buew nng xee jimx qetsog. tniamr paclac :ee dngw laii, mihqnia jixu jahngx ee jit vnuar, GAWAIN qra jimx nng xee.

Derr snax zit jaiw, GAWAIN junxvi beh kir hrur siw, vyxdiauu siauwlenn buxsu ee bing'i, hitt xee suiw bow qra jimx snax xee, qycc iauqiuu rair jiapsiu jit diauu qonglyduar jyr air ee viauxsi, “jitt diauu jin' suiw, marr ersaih jo liw dorquer huihiamw.” anne qongw. GAWAIN qra siux lyc laii. Paclac :ee qandna' jah jit jiah holii, danr dirr tokax, GAWAIN qra jimx snax xee, byy qonglyduar.

Lanw qamxx u knuar cud duiww siauwlenn buxsu GAWAIN ee ciwgiam si sniaw? Jingg nng hxang ham' Vuddyy si qang :ee, jit xee si iogbang/ tamx, lingrgua jit xee si duiww siw ee qniax. GAWAIN jingwsit ix u qauwgiac ee iongxkir vyxcii jitt hongbin ee sinwliam. Mrqyxx qonglyduar si lingrgua jit jiongw inxquaiw, pnai hex sidjai taiww quewhun lor.

Dng' GAWAIN jiapqin GRIMM qauwdngg sii, ix tniax diyc GRIMM buxsu dirr hiax, buaa dua voxtauu --- hiuh, hiuh, hiuh ee sniax. GAWAIN qaur sii, GRIMM duarhanwlangg qandna' duiww ix qongw, “qra liw ee amrqunw crunx cud laii.” GAWAIN jiauww jyr, buxsu qra voxtauu giac quann, kiokk tingg lyc laii byy dinxdang. “qycc crunx kacc dngg .quaw” GAWAIN jiauww jyr. Duarhanwlangg qycc qra voxtauu giac quann. “qycc kacc dngg .quaw.” qycc qongw jit vaiw.

GAWAIN jinrliong crunx dngg amrqunw, hiuh jit sniax, voxtauu qandna' dirr GAWAIN ee amrqunw hruee jit xee siyw siongkauw. Sidjer si hitt xee paclac :ee venr ee GRIMM buxsu qaixsueh qongw “jit dyx si uirr qonglyduar.”

Tniax qongw, Ingqog buxsu siongrr quann vojiangw ee qonglyduar, en'iuu si anne laii :ee.

B: jitt xee qowsu ee dyrdig qauwhunr si snaiw?

INGHIONGG HING'UII EE IAUQIUU ---DRIONGX/ JETJER/ IONGXKIR

J: guaw sniu, dyrdig ee qauwhunr si, inghiongg hing'uii derr id iauwqnia si jinrdiongx/ jetjer/ iongxkir snax jiongw buxsu bixdig. Jitt xee le, u nng xee jancur/ iacc si qongw nng xee haurdiongx duiwsiong : derr id si duiww qiwding morhiamw ligdingg/ buxsu lixsiongw tauhamm ee driongx. Derr zi haurdiongx :ee, naxjunxx qra GAWAIN, he dirr ham' Vuddyy duiwlip ee uirdir, dng' Vuddyy virr siarhue jikzim ji' sinn iauqiuu duiww soxx sriok ee siarhue qaiqib jin digding girbu sii, jixsirr vutquanw jitt xee bingrling, hitt mee singjiu jingwqag, ui' lunhuee jaiwsingx qaixhongr cud laii. GAWAIN si Aujiulangg, cniurr ODYSSEY duiww zinqanx iuguann jinsingg, ui' Taiwiongdyw dngw laii qaur kanciuw PENELOPE srinx-vnix, jiapsiu ix snewmia ee singlok, jin driongx jitt xee sewqair ee sing'uac qewdat, m si dypiah. Bylun Vuddyy/ GAWAIN soxx qniaa ee diongdy, uansingg suxbing ee dyrlo si dirr iogbang/ qniasimx soxx duar laii ee kyxgiam-diongx.

Derr snax libdniuu, ham' GAWAIN kacc jiapqin, ham' Vuddyy kacc byy qang, si duiww henrser qewdat iuguann diongsingg ee si (THUS SPOKE ZARATHUSTRA) NIETZSCHE. Dirr jit xee gurgenn qowsu, NIETZSCHE biysiaw ix soxui snax jiongw simlingg juanxhuar. Derr id jiongw si logdyy, qui lyc laii qongw “qra hingliw he dirr guaw srinx-siong.” jex si hogjiongg, jiapsiu jixsi/ siarhue iauqiuu, qaix jaix sinwsid ee qaidnua, dyrr si ginxaw/ cinglenn sidai ee juanxhuar, hro erdangr u hu jikzim ee sing'uac.

Logdyy buanxjair au, qanlann qniaa hiongr suabok, dirr hiax juanxhuar jyr jit jiah sraix, jair zuxx dang, venwsingg sraix dyrr zuxx qiongg.

Sraix ee jikzim si kir taii lringg, lringg ee miahy si “liw ingwqaix”, dirr jitt jiah dongrbut srinx-siong muixx jit vorhun kig diyc “liw ingwqaix” ee viauhy. Jitt sii, logdyy/ ginxaw ixqingx niurdo hro “liw ingwqaix”, sraix qapp cinglenn ee zimrbu si qra hurdamx danr driau, laii sanxsingx jurqiw ee liauxqaiw.

Dng' jitt jiah lringg uanjuann siw .kir, soxu ee “liw ingwqaix” virr kikhok au, sraix juanxhuar jyr jit xee ui' vunxsingr sanxsingx ee ginxaw, dyrr cniurr ui' cialenxsimx lenr cud laii ee lenw-aw, byy qycc zimrhyy su'iaur hogjiongg ee quijig. Byy uirr ligsuw su'iaur/ mow jit xee siarhue zimrbu soxx enxsingx cud laii ee quijig, jixu cniurr dirr hueluiw hitt ngiu ee snewmia jurzenn sing'uac dinxdang ziiw.

B: soxiw lanw dngw kir EDEN Hngg?

J: dngw kir qaur duirlyc jingg ee EDEN Hngg.

B: su'iaur vrag driau ee “liw ingwqaix(THOU SHALTS, si dyrdiklut) ”u sniaw?

J: apjer jurgnow uansingg ee muixx jit xee jiongwgai. Duiww logdyy laii qongw, “liw ingwqaix” si jit jiongw vit'iaur bunbinghuar ee lat/ qra dongrbudsingr ee zinlui, juanxhuar jyr bunbingg ee dongrbut. Cinglenqii si ui' jurgnow huathen juanxhingg qaur sraix ee qaidnua. Jitt sii ee quijig si duiww snewmia ee iwjir, m si kuthok dirr qiongvig ee “liw vutqaix”.

Jitt lui ee dairjir si muixx jit xee zinrjinx yc gersut ee langg, diyh'air zinrbad/ binrduir cuxliw :ee. Qaxsuw liw kir qnir jit xee saihu, hagsip qikiauw, liw jin' kinkuair pacvniar junjiaur ix muixx jit hxang jixsi, mrqyxx qaur mow siqii, liw rair erdangr iong liw jurqiw ee hongsid laii unriong jiaxee quijig, m si virr hanrjer. Jex si sraix hingdong ee sihau. Liw ersaih uanjuann be qir jiaxee quijig, in'ui uanjuann luerhuar ar. Liw si jit xui gersudqax, liw ee sunjinx ixqingx jniajyr gersudqax, juwzip dirr liw jokpinw-lai. Liw ham' uanjuann byy sigsai gersut ee langg soxx viauxhen ee hing'uii, uanjuann byy qang.

B: liw qongw siqanx qaur ar. Jit xee ginxaw jnuaxngiu e jaix ix ee siqanx qaur ar? Qoxdai siarhue javox ginxaw e qingquer mow jiongw gisid, hro ix jaix ix ee siqanx qaur ar, ix jurqiw jaix byy qycc si ginxaw, rair kiwsag vadd langg duiww ix ee ingxhiongw, qaix u jurqiw ee juxqenr. Lanw siarhue byy jiacc cingcyw ee jitt xee sikig/ iacc si binghenw ee gisid, laii qra gniaw qongw, “liw si jit xee javox ar”. Dnaxx siarhue ee qaixquad honghuad dirr dyhh?

QAR LANW DIRSII QAIX HONGWHA

J: guaw byy dap'anr. Guaw sniu, liw rair qra jitt xee bunrdee lauu hro ginxaw, iu' inx jurqiw kir liauxqaiw sniaw sii iongxiuw hitt hxun ligliong. Gunw daux u jiac jaixkiw ee soxjai, hurqin u nng ~ snax ee jiauxsiu, quixarr xee jiauw-aw qadingg dirr hiax. Inx be huan cyr, e itdit dirr ciurqix-dingw, qaur inx erhiauw vuex uijiw, inx jaix sniaw sii erdangr vuex likuix. Guaw sniu, langg luersimx jongxsi e jaix jiacc driyc.

Guaw ersaih ui' guaw soxx jaix ee gersut qangjoksig hagsingx, qongw quiw xee le hro liw tniax. Qaur mow jit xee qaidnua inx e bingvik, gersudqax u linglik qar inx sniaw. U quaw gersudqax unxjunw hagsingx kir jyr, qitai inx jurqiw vuex kiw laii. U quaw m si anne, hagsingx e huathen inx rair duiww laursux kacc okjid lehh, qongw laursux ee pnaixue, jiacc erdangr u qihue jurqiw doglip vuex.

Jex si laursux m driyc/ qaix jaix sniaw sii vangr hagsingx vuex ar. Guaw soxx zinrbad ee hagsingx, venrnarr jinjniar zinrjinx :ee, dy' jaix sniaw sii qaix qex cud quaw kuiwlat hro jurqiw doglip jurjuw.

B: qoxlyw ee qidyxsuu “jruw ar, qra guaw qongw dirsii qaix hongwha.” lanw muixx jit xee langg dy' qaix jaix jitt diamw, qamxx m si?

J: hex si henrdai ee dua bunrdee. Verbuw si guaw jaix zinsingx qaksig iauqiuu siongrr je ee jit jiongw. Dng' guaw sniu diyc guaw ee verbuw uirr singjiu qadingg, soxx jyr ee hisingx, guaw jinjniar qamxqig.

Vaxvah si singlixlangg, dongzenn jin' hnuahiw qniaxzii ham' ix jywhuew jyr singliw, qewsingg ix ee surgiap. Sursit-siong, guaw kaksit u quixarr gywguec, bad ham' vaxvah jyr singliw .quer. Zenau, guaw sniu, “uaa! Guaw berdangr jyr jitt jiongw qangjog.” vaxvah dyrr jairr guaw ar. Snewmia e u jit xee siqanx, liw qaix jurqiw tamwcig diyc jurqiw doglip kiw vuex ee sii.

B: sinue guanvunw u qra lanw qongw dangsii qaix hongwha.

J: sinue qra dairjir venwsingg mow jit xee mosid qra liw qongw. Vixzu, diyh'air dirr sniaw sii venwjyr duarlangg. Hitt xee nihuer kyxlingg si venr duarlangg ee hyw siqanx, sidjer-siong, muixx jit xee cavet qik dua. Mow quaw langg kuix huex qed qryw kacc ban, rair qaur siongdongx nguar jiacc e drat qaur mow qaidnua. Liw diyh'air duiww jurqiw soxx kia ee qaidnua u qamxqag. Lanw jixu itsingx, byy su'iaur uirr tnazinn uac. Rair juwsinn uirr juwqiw uac cud snewmia ee hueluiw!

JUNJIAUR LIW LUERSIMX EE HIXLOK

B: hingrhog kuaiwlok neh? Qaxsuw guaw si siauwlenlangg, sniu beh hingrhog kuaiwlok, sinue erdangr qar guaw sniaw?

J: beh cue diyc liw ee hingrhog, rair qra liw jurqiw ee simx he dirr liw qamxqag siongrr kuaiwlok ee sikig-siong. Jitt jiongw kuaiwlok m si tiongr/ qniacuah, si jin' cimx ee iwair. Jex su'iaur damrvyc jurgnow huntiah. Si sniaw hro liw cingcaiw? Liw rair vyxiuw diauu, m quanw vadd langg duiww liw qongw sniaw. Jex si guaw soxui ee “junsunn liw luersimx didqag ee hixlok.”

B: danrsi sinue zuhyy qra liw qongw, si sniaw hro liw hnuahiw neh?

J: sinue be qongw sniaxmic hro liw hnuahiw, mrqyxx e qra liw qongw, dng' liw kaisiw jiauww liw ee hnuahiw sii, e jnuaxngiu/ ixau e duw diyc sniaw joxgai.

Vixzu, Bixjiux INDIANS qowsu u jit xee juxdee, guaw qra hyrjyr “qirjuat qiuhunx :ee” jit xee siauwlenn jaboxginxaw, suiw qycc kip'inw langg, jerje siauwlenn :ee qra qiuhunx quer. “ byair, byair, byair” “guaw srinx-vnix ee javox byy qraur hyw!” soxiw jit jiah juaa, iacc si qongw, ham' jitt xee jaboxginxaw byy zimrrhyy qetqyw ee javox laii ar, anne dua hyy ee luxjuaongg dyrr e cuthen. Itdanr qirjuat qiuhunjiaw, ixqingx qra jurqiw tequann qaur ciaucud sigsai ee huanruii, qra jurqiw he dirr jit xee lingliong kacc quann/ huihiamw kacc dua ee lingxhik. Bunrdee si, liw qamxx u jaidiau cuxliw?

Lingrgua jit xee INDIANS juxdee, kansiap diyc jit xee maxmah/ nng xee javoginxaw. Maxmah qongw, “ linw ersaih dirr hurqin sngw, vakvingg bersaih kir.” inx kiokk ongw vag kir, morhiamw dyrr anne kaisiw.

B: jitt xee si sniaw dyrliw?

J: qirjuat qiuhunx, qirjuat dirr hanrding ee qaiwhan-lai, morhiamw dyrr kaisiw, jinwzip jit xee byy vyxho ee juansinx lingxhik. Duhuix liw be qir .did hiaxee sokvak/ qowding liw ee soxu guanjig, narr m si, liw byy kyxlingg e u congwjyrsingr.

U jit xee IROQUOIS ee qowsu, erdangr suadbingg qirjuat qiuhunjiaw ee sinue juxdee. Jit xee suiw jaboxginxaw ham' maxmah druar dirr cuansia kacc penpiah soxjai ee jit xee uanjuihingg siyw cur. Ix jin' suiw, mrqyxx qik jurhu, byy jiapsiu zimrhyy javoginxaw. Maxmah duiww ix vutjiw kunwziauw.

U jit zit, inx cutgua li cur jin' hng ee soxjai kiyh caa. Dng' inx dirr guarbin sii, oamr qangwlimm (m si amwmee o'ia), dng' liw duw diyc jitt jiongw oamr sii, viauxsi u mow xee mohuanwsux dirr vuerau jokquiw. Maxmah qongw “lanw siujip quaw ciurpuee, kamr jit qingx siyw cur, cue quaw caa hniaa huew, lanw ing'amr druar jiax.”

Inx dirr jiax quer mee, qycc u cuann amwdngr, aurlaii maxmah kunr kir ar. Hionghiongg jitt xee jaboxginxaw qiac tauu jid'err knuar, jit xee huisiongg iongxqnia/ qruar lekag jngtna/ cah osig jiauxmngg ee endauu siauwlenlangg, kia dirr ix binrjingg, qongw “guaw laii hiongr liw qiuhunx ee, guaw e danw liw ee huedab.” ”guaw rair mng maxmah ee iwqenr.” ix anne rinr.

Maxmah u jiapsiu jitt xee siauwlenlangg, qra lekag jngtna hro maxmah, viauxsi qiuhunjiaw taiwdo zinrjinx. “ing'amr guaw hibang liw laii guaw ee ngiade” hiongr jaboxginxaw qongw. Jaboxginxaw duer ix kir. Zinlui duiww jitt xee siauwlenn jaboxginxaw byy qraur hyw, ix jitmaw soxu :ee, si jin' digvet ee mic.

B: qaxsuw byy duiww derr id :ee jiauww tuantongw lexgii laii qiuhunx:ee qongw byy air ---

J: dyrr byy jitmaw jitt xee morhiamw. Jex si quaiwqii/ qniahniaa ee morhiamw. Vruee jitt xee javox qaur inx jngtauu, qycc jinwzip ix druar ee soxjai, inx dirr hiax nng mee nng zit, qaur derr snax zit, qra qongw “guaw qin'axzit beh cud kir paclac.” sui' likuix, qycc qra mngg qnuaix kiw laii. Jaboxginxaw dirr lairdew u tniax diyc guarkauw qiquair sniax. Zidsii jurqiw dirr cur-lai, tni'amr jaiww tniax diyc hitt xee quair sniax. Tudzenn, zip mngkauw virr ciongkuix, jit jiah dua juaa naxx trow jic naxx qut zip laii.

Qra ix ee tauu kyr dirr jaboxginxaw ee katau'ux, qongw “vrangx guaw cue tauu-dingw ee qiawsnetangg“, cue cud jerje qokk ngiu kyxpnar ee mic/ qycc qra taii siw. Juaa jiacc qra tauu siux dngw kir/ qut .cut .kir. Byy zuarr quw, mngg qycc pah kuix, zip laii :ee, si ix siauwlenn endauu ee javolangg, mng qongw “ liw qamxx u qniax guaw duxjiah hitt ee ngiu?”

”guaw jit diamw aw dyrr byy qniax” jabow rinr.

Soxiw derr zi zit, javox iuguann cud kir tyxliac, jabow cud kir kiyh caa. Jaboxginxaw dairsingx knuar diyc jit jiah dirr giamjiyc-dingw pak zit ee dua juaa, qycc jit jiah, lingrgua qycc u jit jiah. Ix kaisiw qamxqag quaiwqii/ sniu maxmah/ sitjir, zenau tauu ngar ~zip laii qycc likuix, venwjyr jit xee javox qniaa zip laii. Derr snax zit, dng' javox cud kir sii, jaboxginxaw quatding beh likuix jitt xee soxjai. Qniaa cud mngkauw, dandok jinwzip ciurnaa, kia dirr hiax sniu dairjair.

Tniax diyc jit xee snaix, uat tauu knuar, si jit xee ew laurlangg, duiww ix qongw “cinair :ee, liw u mahuann ar, liw qethunx ee duiwsiong si cid xee hniadi qidiongx ee jit xee. Inx longxx si venr mosut jin' lirhai :ee, cniurr jerje jitt lui ee langg, inx ee simx byy dirr inx ee sinkux.” jex si sewqair viaujunw ee dangqix sinue juxdee. In'ui simx byy dirr sinkux, soxiw erdangr qra venr mosut :ee sad driau. Liw rair cue diyc simx, qycc taii siw simx jiacc ersaih tihh.

Ix dngw laii druar ee soxjai, cue diyc drew jerje simx ee dre-aw, qnrua lehh, liahqongg vniawmia jauw, aurbin u sniax qiyr ix “tingg lyc laii! tingg lyc laii!” dongzenn, si mosudsux ee sniax. Ix m qnaw tingkax. Aurbin qycc u sniax qongw “liw kyxlingg zinruii erdangr vaixtuad guaw, mrqyxx liw jyr be qaur.”

Dng' jaboxginxaw jauw qaxx hilamw pag lyc kir sii, qycc tniax diyc ew laurlangg ee sniax “guaw e vangjan liw”, hro ix qyckacc diyhqniax ee si, laurlangg duxx qra ix ui' juiw-lai giuw kiw laii, jaboxginxaw m jaix jurqiw dirr juiw-diongx. Ngua jit qxur qongw, ix in'ui qethunx, ixqingx ui' lixsingr/ iwsig ee lingxhik, jinwzip qiongjer ee amwiwsig lingxhik. Jitt jiongw morhiamw jongxsi ixx juixbin-xe ee iwsiong laii viauxsi. Singwqeh digjid ixqingx ui' kongwjer hingdong qut zip ciauqywzinn ee qiongjer surqnia.

Jitt xee qowsu suar lyc laii, dng' laurlangg qra ix ui' juiw-diongx kiuw cud laii au, ix huathen ham' ix jywhuew kia dirr hnua-vnix ee jit qrunn laurlangg, muixx jit xee snex jyr ham' qiur ix :ee itmoo-itngiu. Inx si luisinn, tnikongx ee lat. Dyrr si qongw, dirr ix qirjuat qiuhunx au, iuguann dirr ciauuat qingxqair, jixu sriu kow; qnuaw jauw hurbin ee lat, jiacc jinjniar iongxiuw jniawbin ee lat.

Jitt xee qowsu iauxx jin' dngg, si biysiaw jitt xee luxsingr, m na dirr kacc quann ligliong ee hiabjo-ha, qra cimknex hurbin lat huixbet, marr qongw diyc ixau, zuhyy dirr cneqongg hongho-diongx virr inxcua dngw laii qaur maxmah druar ee soxjai.

B: liw qamxx e ixx jitt xee qowsu laii duiww hagsingx suecbingg, zuqyw jiauww liw luersimx didqag ee hixlok, qaxsuw liw guanrir vaxag snewmia ee qihue, kyxviw qongxx kir jyr linw sniu beh jyr :ee, anne ee morhiamw si duiww linw ee huevyr?

J: morhiamw vunxsinx dyrr si huevyr --- itding si huihiamw :ee, dongsii iongxiuw jniar-hu nng bin ee kyxlingsingr, jiaxee si berdangr kongwjer :ee. Lanw si junsunn jurqiw ee lo, m si verbuw ee lo, dirr byy vyxho, ciauuat lanw soxx bad, jit xee qyckacc quann ee ligliong lingxhik.

Langg rair duiww jitt xee lingxhik kyxlingg u ee ciongtut, u damrvyc liauxqaiw, cniurr anne ee guanhingg, jo lanw liauxqaiw kyxlingg duw .diyc ee dairjir. Qaxsuw lanw taiwdo cinwcaiw, duiww lanw qitai ee qaksig qycc uanjuann dnax be kiw, hex si jit xee jin' camw/ luan caucaux ee hun'inx. Suibongw qaur jitt xee dervo, iuguann e u sna' qiur ee sniax cud laii, ersaih qra morhiamw venwsingg ciauuat siongxsiong ee bixhyw qetqiok.

LIW NARR BYY KIR SINGDAMX QAIX U EE MORHIAMW, SNEWMIA DYRR VENR QODAX

B: bih dirr cur-lai, lauu dirr maxmah ee vakdow-lai, viw cud kir morhiamw kacc qanxdanx.

J: si ar, danrsi snewmia in'ui liw byy kir singsiu jurqiw qaix u ee honghiamw, suacc qodax kir. Lingrgua jit bin, guaw bad duw quer mow langg, ix dirr siauwlenn sidai ui' tauu qaur buew jingxqyy virr tnazinn kongwjer/ jixdy, hro guaw qniax jit diyy. Guaw ee ving'iuw si TIBET ee Lama, virr zinruii si jurr jap-cid sewqiw dautaix juanxser, si jit qingx sirbiy jurcii ee huawsinx/ sir huer virr cua qaur sirbiy, ui' hitt sii kiw, m bad virr mng quer sniu beh jyr sniaw, si uanjuann jiauww suhu ee jixsi jyr dairjir.

Ix jingxqyy zinsingx ixqingx qinqir TIBET Vudqaur sirbiy sing'uac ee hongsid anvaii hyxser ar, jingsinn huatdenw muixx jit xee qaidnua, e u kingwjiog gisid, qywzinn ee sing'uac juanxhuar jyr guanhingg ee luxdingg. Suibongw viauxbin-siong knuar .laii, berdangr hiangxsiu zimrhyy qywzinn sing'uac, sidjer-siong, kiokk si dirr jit jiongw qik quann ee jingsinn jancur, quer diyc naxx senzinn guanhingg ee sing'uac.

1959 nii, anne ee jingsinn sing'uac qetsog ar. Diongqog jingwhuw dirr LHASA qunsu qide hongjar Dalai Lama zuac .langg ee qiongden, sna' lensuar ee satliok dyrr anne denxkuix, LHASA hurqin lak-cingx-gua qingx ee sirbiy sriu sngxdng, biy-lai ee Lama/ jurcii virr taii/ uahliac. Jerje langg qapp sxor-vah-cingx ee qitnax lanrbinn, cngtangr quer hiacc qanlann vreh ee HIMALAYAS, dyy qaur Inwdo. Hex si jin' kyxpnar ee qowsu, dairvorhun guarkauw langg m jaix.

Juewau jex itcer hro ixqingx dyy qaur Inwdo ee TIBETANS dua diyhqniax, inx cavutdyx byy hxuad jiauwqor jurqiw ee jogzinn, jiaxee lanrbinn vauquad Dalai Lama jurqiw, ham' qitnax ixqingx virr huixbet sirbiy ee jurcii/ qnuaguann.

Inx dong'ir TIBET Vutqaur ixqingx siw lor! Guaw ee ving'iuw/ qitnax jauw cud laii ee siauwlenn Lama, virr koxkngr qra quewkir jiuwjua ee qaiwling danr driau, dingsinx juriuu suanxdik, kyxlu qewsiok jyr Lama? Huansiok? Dingsinx an' henrdai sing'uac viaujunw, sokjy inx ee zinsingx.

Guaw ee ving'iuw suanw huansiok, dongzenn ix vingrr byy liauxqaiw, jiong' e duar laii zuarr dakkap/ sanwciah/ koxlan. Ix qingquer jit dnxua huisiongg kunwkow ee siqii, naxx singwzinn ee iwjir/ dimdiok (cimdimm), kikhok soxu ee qanlann.

Byy dairjir erdangr qra pacvai. Guaw sigsai ix/ jywhuew qangjog ciauquer jap dxangx. Dirr jitt dnxua qiqanx, guaw m bad tniax quer ix duiww Diongqog ee jixkongr, iacc is uanwceh dirr sehongx sewqair sriu diyc ee tairgu. Marr m bad tniax quer Dalai Lama jit qxur ee iamwhin/ kenxjig ee ue. Jiaxee langg ham' inx soxu ee ving'iuw, si jit dniuu kyxpnar dongrluan/ voglik ee siurhairjiaw, inx byy hin. Guaw ui' inx ee srinx-siong yc diyc sniaw si jongqaur. Jex jiacc si jitmaw siarhue jinjniar uac lingr lingr ee jongqaur.

AIR LIW EE DUIWDIK, IN'UI INX SI LIW MIARUN UAXKYR EE LAT

B: air liw ee duiwdik?

J: air liw ee digzinn, in'ui inx si liw miarun uaxkyr ee lat.

B: siongrder dirr jin' dew ee siqanx, lensuar cniuxduat mow xee qadingg ee nng xee qniaw, suar laii jit xee jriab jit xee ee tongwkow, sinue duiww jitt xee le qra lanw qongw sniaw? Guaw e qir did Vuddyy dirr siauwlenn sii, knuar diyc hiuxlau (auwlau) ee laurlangg qongw “kyxlenn ee snewmia, muixx jit xee langg snex lyc laii, dy' e lau .kir.” sinue duiww koxlan qongw liauw sniaw?

J: qiwzenn qongw diyc Vuddyy, hro guaw dramm jitt xee le. Vuddyy sewhanr sii ee qowsu si anne: ix cutsir si jit xee ongjuw, sendix qra inx vaxvah qongw, jitt xee ginxaw duarhanr m si jniajyr sewqair ee tongxdirjiaw, dyrr si laursux. Jitt xee qokongg duiww jurqiw ee ong'ui jin' cuwbi, siongrr byy guanrir :ee, si qniaw jyr laursux, m quanw dycc jit jiongw laursux.

Soxiw anvaii qniaw dirr jit xee jin' digvet bixle ee qiongden duarhanr, hro ix byy kyxlingg qinggiam diyc zimrhyy baiw :ee/ byy songxkuair ee dairjir, anne qniaw dyrr be kir sukyw bunrdee ar. Bixle ee qiongluw dnuaa kimm cniur quax, jiauwqor ginxaw. Hiax u huehngg/ lenhuex dii/ itcer ee itcer, beh air sniaw dy' u sniaw.

Danrsi u jit zit, jitt xee siauwlennlangg duiww ix siongrr cinqin ee bexciahux qongw “guaw sniu beh kir sniaa-lai knaur inx ee sing'uac si sniaxngiu.” qokongg tniax diyc au, dyrr sethuad bixhuar itcer, hro qniaw knuar be diyc zimrhyy sewqair-siong ee kow-vrix. Jiongww sinn knuar cud, qokongg ee qewue jiongbuew e sitvai.

Jinrdiongx ee bexciahux ongw sniaa-lai kir, hiax dy' virr saur qaxx cingkir damdamx, soxu baiw :ee dy' virr cangr kiw laii. U jit xee sinn huawsinx auwlau ee laurlangg diauqangx kia dirr hiax beh hro knuar, siaulenn ongjuw mng ciahux, “hex si sniaw?”

“jit xee laurlangg, laurhuar ee langg.” ciahux rinr.

”muixx xee langg dy' e venr lau hnor?”

”si ar, ongjuw”

”anne snewmia jin' kyxlenn!” sriu sionghai ee ongjuw qongw. Simjniaa dimdang, iauqiuu beh dngw kir.

Derr zi vaiw cutiuu sii, ix knuar diyc jit xee puawvne :ee, sanw/ ziok qniaa lo tamrte. Sniu jimjiog soxx knuar diyc jitt jiongw qingsiong ee iwgi au, jaiww crur qamxqag siongsimx, iauqiuu ciahux qnuaxqinw huee ongqiongx.

Derr snax vaiw ongjuw knuar diyc songqex vnuaduer jit ku sinsix. “hex si sixbongg” ciahux qongw.

Ongjuw qongw “dngw laili kir, guaw beh cue cud jiaxee huixbet snewmiarjiaw --- lau-vne-siw --- ee qaixtuad ji' dy.”

qycc jit vaiw luxdingg, ix knuar diyc :ee si cutqelangg. “ix si sniaxmic langg?”

”si jit xui singwjiaw” ciahux dab “hongwkir sewqanx butjid, byy qniahniaa uac lehh ee langg.” dirr dngw kir ongqiongx ee lo-siong, ongjuw quatsimx likuix qokongg ee qex, beh kir jauxcue qaixtuad sewqanx tongwkow ee lo.

SNEWMIA SI HAM' KOXLAN QIONGRJUNN

B: si m si dysor sinue qongw, koxlan si snewmia luerjai ee jit vorhun, vingrr byy qaixtuad ji' dy.

J: guaw sniu be cud u zimrhyy jongqaur e qongw, qaxsuw liw beh uac lehh, liw be sriu kow. Sinue qongw lanw zuhyy binrduir/ singdamx/ qaixsuad koxlan.

Dng' Vuddyy suanqyr ix ui' liappuann-diongx qaixtuad liauw tongwkow, ix vingrr m si qra liappuann dongwjyr cniurr tendongg ee soxjai, si jit jiongw kyxiw qaixduu iogbang/ qniahniaa ee simliw jongrtair.

B: anne, liw ee snewmia jniajyr ---

J: hyhaii/ u diongrsimx/ jikqik kingxding.

B: binrduir koxlan marr qangrkuanw.

J: dyrr si anne. Vudqauwdoo u posad ee qaiwliam, liauxgno busingx-huatsiong, iuguann jurguan jinwzip puawcuir siqanx ee lingxhik, juxdong/ hixlok cam'uw sewqair ee koxlan. Jex m na viauxsi kir qinggiam jurqiw ee kow, qycc juvix cam'uw tnazinn ee koxlan. Juvix si simx ui' dongrbudsingr ee jurgnow diongsimx, juanxhuar jyr zinsingr ee qakcnew. “juvix” iwbi diyc “ham' tnazinn jywhuew siurkow.”

B: liw qamxx byy zinruii juvix siawbenw koxlan?

J: dongzenn juvix siawbenw koxlan, in'ui texzin diyc koxlan dyrr si snewmia.

B: snewmia si ham' koxlan qiongrjunn?

J: ham' koxlan qiongrjunn, danrsi liw byy kyxlingg hniwsag driau. Sniaw sihau/ sniaw langg bad qra jitt xee sewqanx dudiau koxlan? Guaw bad jit xee dair u giamdiong sinkux vnertniar je nii ee luxzinn srinx-siong, did diyc jit xee bingvik au sui' qakqno ee qinggiam. Ix ee vnertniar laijurr dynii ee cuiwkangx vne. ix si dirr sinwgiongw Qidokqaur kuanqingw duarhanr, zinruii itding si siongrder duiww ix mow sihau jyr ee dairjir/ kyxlingg si qaix jyr kiokk byy jyr ee cuxhuat. Ix ee kow m na sneliw-siong, dongsii marr si jingsinn-siong. Guaw qra qongw, zuqyw beh did diyc qaixtuad, ingwqaix kingxding liw ee kow dyrr si liw ee snewmia, m si itdit hiyxding. Tauwquer anne ee juanxvenr, jitmaw ix ixqingx si jit xee suxx langg qingwdiong ee langg. Dng' guaw decc qongw jiaxee dairjir sii, decc sniu, “guaw si sniaxmic langg? Jnuaxngiu ersaih duiww jit xee jinjniar siurkow ee langg anne qongxue, guaw qigqex vutqyr si cuiwkiw tniar ziiw.” danrsi dirr gunw duiwue-diongx, ix qra jurqiw ee koxlan kingxding jyr, qauwiok ix snewmia ee ligliong sii, sui' qinggiam diyc juanxvenr. Guaw ui' hitt sii kiw, itdit ham' ix vyxcii lenhe, hex ixqingx si jerje nii jingg ee dairjir ar. Ix jinjniar jniajyr jit xee byy qangrkuanw ee langg lor.

B: u bingqag ee hitt kig?

J: dyrr dirr hiax, guaw knuar diyc anne huatsingx.

B: liw qamxx si qongw hitt jiongw sinue ee mic?

J: si ar, suibongw u damrvyc kunwlann qaixsuad. Guaw hro ix siongsinr, ix jurqiw jiacc si ix siurkow ee guan'inx, si ix dirr moxjiongw jinghingg-ha, qra tongwkow ham' ix qab jywhuew. NIETZSCHE u jit xee jin' diongriaur ee quanliam AMOR FATI, iwsur si “liw ee miarun”, sidjer-siong jex dyrr si liw ee snewmia/ qaxsuw liw duiww snewmia-diongx mow hxang su qongw “byy air”, liw dyrr qra jingxqyy dairjir hen kuix ar. Zuqyw liw erdangr kingxding/ donghuar zuxx u tiaujenwsingr/ uihiabsingr ee jinghongw, liw soxx singjiu ee zinqeh qingxqair dyrr zuxx uixdai. Liw tunx lyc xmoo hro liw ee lat, zuxx dua ee zinsingx tongwkow, e did diyc zuxx dua ee zinsingx huevyr.

Guaw ee ving'iuw bad sniu quer “siongrder duiww guaw anne” guaw qra qongw “m si, si liw anne duiwtai jurqiw, siongrder dirr liw simx-diongx, liw jurqiw si liw ee congwjyrjiaw. Zuqyw liw luersimx cue diyc sanxsingx jitt qnia su ee guan'inx, liw dyrr erdangr ham' jit hxang su qiongrjunn/ kingxding, simrjiww kyxiw cniurr hiangxsiu snewmia qangrkuanw hiangxsiu jitt hxang su.”

B: ui'id ee lingrgua jit jiongw suanxdik si mair uac lyc kir.

J: Vuddyy qongw “soxu ee snewmia si kow :ee” JOYCE u jit qxur “snewmia qamxx daddid kuatsik?”

B: zuqyw siauwlenlangg qongw “guaw byy suanxdik cutsir, si guaw verbuw uirr guaw jyr ee suanxdik.” liw qamxqag anxjnuaw?

J: FREUD qra lanw qongw, jixjig verbuw hro lanw soxu ee kiamwdiamw, MARX qiyr lanw jikjue siarhue dingxjann qaiqib. Mrqyxx ui'id erdangr jerjue :ee, jixu lanw jurqiw. Hex si Inwdo KARMA quanliam u loriong ee soxjai. Liw ee snewmia si liw jurqiw hing'uii ee qetqyw. Liw berdangr quair vadd langg, qandna' rair quair jurqiw.

B: qihue neh? liw dirr lo-vnix, jiuxjuir :ee sraiw ciax laii longr, hex m si liw ee m driyc, liw vingrr byy anne duiwtai jurqiw ar!

J: liw ui' dycc jit xee qakdo knuar, snewmia-diongx huatsingx ee dycc hxang su m si qihue jyrsingg ? Jex si erdangr/ byy air jiapsiu qihue ee bunrdee. Snewmia jiongbuew ee qitiau si qihue, vixzu, linw verbuw siy' duw ee qihue. Qihue/ iacc si knaur kiw laii cniurr qihue, si snewmia sidhen jurqiw ee qangqu. Bunrdee m si kir quaiwjue/ qaixsueh, si kir binrduir cuxliw singdiongw ee snewmia. Mow soxjai huatsingx jenwjingx, liw virr dingdiaur kir qundui, dirr hiax go-lak dxangx, kir qinggiam jit tyr juansinx ee surqnia. Siongrhyw ee qenwgi si juanvnuaa jiapsiu, cniurr cud jurr liw jurqiw ee iwguan. In'ui anne, liw e qikhuad liw ee iwjir kir cam'uw.

VUDQAUWDOO QONGW LIAPPNUAA IASOX QONGW HYVINGG

B: dirr soxu jiaxee sinue ee luxdingg-diongx, u jit xee soxjai si muixx jit xee langg sniu beh jaix :ee. Vudqauwdoo qongw liappnuaa, Iasox qongw si hyvingg. Hiax qamxx si denxhingg ee inghiongg luxdingg? Kaksit u jitt xee soxjai e virr huathen?

J: e dirr liw ee simlai cue diyc! Guaw dirr unrdong-diongx yc diyc jit quaw dyrliw. Jairr quann snuax buexliux jongrtair ee iusiur unrdongrguann, luersimx dy' u jit xee huisiongg vingjing ee soxjai, dirr jitt xee diamjing ee xui, jiacc u hingdongrlat. Qaxsuw itdit dirr vutduan dinxdang ee jongrhongw-ha, byy kyxlingg u hyw ee viauxhen. Gunw kanciuw si tiauwbuw :ee, dirr buxdy-diongx marr anne. Luerjai u jit xee diamrjing diongsimx, lanw rair kir liauxqaiw/ qycc jiangxag diauu. Narr sitkir hitt xee diongsimx, dyrr e dirr qinxdniux jongrtair kaisiw hunlec.

Vudqaur ee liappnuaa si jitt jiongw vingjing ee diongsimx/ si simliw ee jongqaur. Ui' tongwkow ee simliw bunrdee kaisiw : snewmia si kow; qaixtuad kow ji' dy: qaixtuad ee qingxqair si liappnuaa. Hex si simliw/ iwsig jongrtair, dirr zinsingx hunwluan-diongx, m si cniurr tendongg hitt ngiu ee soxjai. Dng' liw byy qycc virr byy jurjai ee iogbang/ qniahniaa/ siarhue singlok soxx saixlang, dyrr huathen juriuu ee diongsimx, zircniaw kyxiw jurjai hingdong, hex dyrr si liappnuaa. Ui' jitt xee diongsimx cuthuad ee jurjuw hingdong, si posad hing'uii, dirr koxlan ee sewqair, hnuahiw cam'uw, byy qycc virr sog ann, in'ui liw ixqingx qra jurqiw ui' qniahniaa/ iogbang/ jikzim-diongx qaixhongr cud laii. Jiaxee langg dyrr si sewqair ee tongxdirjiaw.

TIBET Vudqaur u jit xee qauwhak iong ee doo, si soxui jaiwsingx-lenw. Dirr sirbiy, be cuthen dirr siuhing sxig-lai, si dirr guarbin ee viah-dingw. Rue-diongx viauxhen ee si, dng' liw iauxx kud dirr qniahniaa sixsinn jiangxag sii, simx duiww sewqair ee iwsiong. Liok dy jiongwsingx virr zinruii si sec byy tingg ee lenw-aw, jit xee si jingsnex-dy/ zindy/ tenqair jiongww sinn, derr sir si siurr huat ee dergak-dy jiongwsingx/ derr go si genr jenr ee ASURA jiongwsingx/ derr lak iauquiw-dy, inx jipquad/ qitai tnazinn ee air, lenw zip iauquiw-dy, u ingxuanw jiac be vaw ee vakdow, jixu cniurr jiamx hiacc iur ee cuir. Muixx jit dy dy' u jit xee Vut, siongrdingx qaixtuad/ bingqag ee kyxlingg.

Lenw diongsimx, u snax xee siongrdingx dongrbut --- dix/ qxex/ juaa, si sag dinxdang dngxsec ee lat --- bubingg/ iogbong/ hin; lenxdunn dairviauw muixx jit langg iwsig ee qaiwhan, siurr diongsimx snax jiongw lat tuidong, virr kud dirr sixbongg ee qniahniaa-lai. Uii dirr diongsimx ee mic, si soxui “snax dok”: harqangr qaur oamr ee sinsig, ixqibb qitnax sringx quann qaur bingqag ee sinlingg.

SOXU SURBUT DY' U JIT DY INGXUANW EE QNGX

B: sniaw si bingqag?

J: bingqag si texzin diyc soxu ee surbut dy' u jit dy ingxuanw ee qngx, suibongw jiaxee surbut dirr siqanx lingxhik virr pnuawduan jyr hyw iacc baiw. Beh drat qaur jitt diamw, diyh'air qra jurqiw ui' snackuir sewqair budjid/ qniax songwsid qaixtuad cud laii. Lanw dirr Iasox hiax tak diyc “mair pnuar liw berdangr duanr :ee” W. BLAKE (1757-1827) anne siaw “ qaxsuw saur cingkir zinrbad guarqair jok'iong ee mngg, dyrr erdangr ixx vunxlaii binrbak knuawtai soxu surbut, hex dyrr si ingxuanw buhan.”

B: hex si qanlann ee luxdingg.

J: cniurr tendongg hitt ngiu ee luxdingg.

B: qamxx jixsirr sriok singwzinn/ siudyrjiaw?

J: m si, guaw sniu marr vauquad gersudqax. Jinjniar ee gersudqax si texgiam e diyc/ qycc e lixqaiw JOYCE soxui itcer surbut ee “zidciux”, jywuii jinliw ee henxhen/ viauxdat.

B: mrqyxx jex m si qra gunw jiaxee crunx ee vinghuann hiuxnua langg, lauu dirr hnua-vnix?

J: guaw byy siongsinr u vinghuann jitt huesu. Zimrhyy langg dirr sing'uac ee qinggiam-diongx, dy' u inx jurqiw jingsinn-siong hixqongg ee kyxlingsingr, rair jyr :ee, jixsirr kir zinrbad/ siulen, qycc ham' hex dongjai. tniax langg qongw vinghuann hiuxnua, jongxsi hro guaw byy songxkuair, in'ui guaw m bad qnir quer jit xee vinghuann ee langg/ luxsingr/ ginxaw.

B: gersut qamxx si ui'id drat qaur bingqag ee hongsid?

J: gersut/ jongqaur si nng diauu daddid tuijenr ee hongsid. Guaw byy siongsinr ui' sunn-hagsut ee dethak drat e qaur/ kiokk e uanjuann virr qaiwliam sokvak diauu lehh. Danrsi qandna' packuix jurqiw duiww tnazinn ee juvisimx sing'uac, si duiww soxu surbut kaihongr ee jit jiongw hongsid.

B: soxiw bingqag ee qinggiam si dag'ee dy' u ee, vutjixsirr singwzinn/ qersudqax. Narr qongw si amwcangr dirr lanw muixx jit xee srinx-siong, dirr cimx ~ iauxx bue packuix ee qiwdii-ap, qaix zuhyy laii packuix?

SINUE SI SIX, M SI VEHCAT

J: jiyh langg' ee lat laii packuix. Liw u hyw ving'iuw/ laursu hnor? Erdangr ui' jit xee langg/ iacc si cniurr iwgua ee ciaeh/ jit vunw u kexhuatsingr ee ceh did diyc. Dirr guaw ee zinsingx-diongx, dairvorhun laijurr ceh, suibongw guaw bad u jit dnxua jin' dngg ee siqanx ham' uixdai ee laursux jywhuew.

B: dng' guaw tak liw ee ceh sii, anne sniu ”Sinue duiww liw soxx jyr :ee, dyrr si qra liw he dirr jit jangg qxow ciu ee ciurqix-dingw. Liw si henrdai/ quewkir siarhue ee jit vorhun. Inx dirr liw jinwjingg jaw ixqingx junjai, zircniaw liw siw au, inx iuguann junjai. Ix ju'iongw liw/ vyxho liw, liw rair ju'iongw/ vyxho ix jywuii huevyr.

J: Guaw ersaih qra liw qongw, hex si duiww snewmia bixhyw ee jicii, jitt jiongw juguann jinwzip guaw snewmia kiw jok'iong, si huisiongg uixdai :ee.

B: danrsi langg' mng, sinue qamxx m si vehcat?

J: oor! M si, sinue m si vehcat, sinue si six/ si amwbih :ee. U jit jiongw qongxhuad jin' hyw, sinue si decbecc jiongqik jinsit (THE PENULTIMATE TRUTH), in'ui jiongqik jinsit berdangr huawjyr gixgenn, si ciauuat gixgenn/ iwsiong, ciauuat vudqauwdoo jaiwsingx-lenw soxx hanrding ee vniqair. Sinue qra simx dauhiongr hitt xee lenw-aw ji' gua ee sewqair, dauhiongr hitt xee erdangr jaix/ qongw be cud ee sewqair, si qiongbecc jiongqik jinsit.

Ixx sinue ywvir ham' liw jurqiw ywvir ee qinggiam/ diwsig, laii sing'uac, si jin' diongriaur :ee. Jex hro sing'uac jit dy sinx gngngiaw/ hyhaii/ qonghuix. Iong sinue gixgenn sukyw, jo liw ham' jitt xee huanqanx hiabdiau itdir. Hiaxee knuar laii si liw sing'uac huwbin ee si'dnua/ binrsiong, hro liw kir texzin inx jniawbin qewdat. Diongriaur ee bunrdee si, liw qamxx e kingxding liw soxx duw diyc ee morhiamw.

B: inghiongg ee morhiamw?

J: si ar, inghiongg ee morhiamw, hro jurqiw jinjniar uac lehh ee morhiamw.

huedngw tauu iac