Sna' Rinr Vxo (Id)
Janwlew Sewjunx, Arahant, Juanzenn Qakgno :ee
Derr Id Ceh
Derr Id Jniux: Qapp Jiongww Tnisinn Sna' Rinr
(ID) Lodig
I. Dua Juiw
Guaw tniax .diyc .ee si anxnex. Hitt jun, Sewjunx dirr Shravasti Sniaa Jeta Ciurnaa ee Anathapindika Hngg kiarkiw.
Hitt sii, u jit xui tnisinn dirr lebingg vangr cud qik bibiau ee qngx venww jiyr qui'ee Jeta Hngg. Ix uaw kir Sewjunx hiax beh cingxmng. Uaw .kir ar, ix hiongr Sewjunx qnialew liauw dirr vnix:a kia. Dirr vnix:a kia ee sii, hitt xui tnisinn duiww Sewjunx qongw, "Sensnix, liw anxjnuaw dro quer dua juiw lehh?"
"Ving'iuw, guaw byy dongwdiam iarr byy jinwjingg laii dro quer dua juiw."
"Sensnix, liw anxjnuaw byy dongwdiam iarr byy jinwjingg laii dro quer dua juiw?"
"Ving'iuw, guaw dongwdiam dyrr e dimm .lyc, jinwjingg dyrr e lrauu .kir. Ving'iuw, guaw dyrr si anxnex byy dongwdiam iarr byy jinwjingg laii dro quer dua juiw."
"Byy dongwdiam qapp byy jinwjingg laii dro quer sewqanx ee jipdiok
drat qaur liappuann ee brahmin quw .laii tangx knuar .diyc."
Hitt xui tnisinn anxnex qongw. Ix soxx qongw :ee u did diyc dairsux ee ylyw qapp zinrkyw. Tnisinn jaix u did diyc dairsux ee zinrkyw, hiongr Sewjunx qnialew liauw dyrr kaux duiww jniawvingg cud .kir.
2. Qaixtuad
Hitt sii Sewjunx dirr Shravasti Sniaa.
Hitt sii, u jit xui tnisinn dirr lebingg vangr cud qik bibiau ee qngx venww jiyr qui'ee Jeta Hngg. Ix uaw kir Sewjunx hiax beh cingxmng. Uaw .kir ar, ix hiongr Sewjunx qnialew liauw dyrr dirr vnix:a kia. Dirr vnix:a kia hitt xui tnisinn duiww Sewjunx qongw,
"Sensnix, liw qamxx jaix jiongwsingx ee qaixtuad, qaixhuad ee honghuad, ixqip siar li?"
Sewjunx rinr qongxx, "Ving'iuw, guaw jaix jiongwsingx ee qaixtuad, qaixtuad ee honghuad, ixqip siar li."
"Sensnix, liw anxjnuaw jaix jiongwsingx ee qaixtuad, qaixtuad ee honghuad, ixqip siar li?"
"Hixlok u juann bet, iwsiongw qapp iwsig iarr si
Qamxsiu bedbyy itcer jigjing, ving'iuw, guaw u jitt hy kuanw
Jaix jiongwsingx ee qaixtuad
Qaixtuad ee honghuad ixqip siar li."
3. Inxdy
Kia dirr vnix:a ee tnisinn dirr Sewjunx binrjingg cniur jimgensix qongxx:
"Snix cua hiongr siw, siurmia dew cua hiongr lau, byy der jauxbih.
Knuar diyc sixbongg ee kiongxvor, diyhh jxig qongdig laii did kuaiwlok."
[Sewjunx:]
"Snix cua hiongr siw, siurmia dew cua hiongr lau, byy der jauxbih.
Knuar diyc sixbongg ee kiongxvor, qiubang jigjing :ee rair kiwsag iogbong."
4. Siqanx Vuex .Quer
Kia dirr vnix:a ee tnisinn dirr Sewjunx binrjingg cniur jimgensix qongxx:
"Sii quer zid'ia iik, cingcunx vangwsag lanw.
Knuar diyc sixbongg ee kiongxvor, diyhh jxig qongdig laii did kuaiwlok."
[Sewjunx:]
"Sii quer zid'ia iik, cingcunx vangwsag lanw.
Knuar diyc sixbongg ee kiongxvor, qiubang jigjing :ee rair kiwsag iogbong."
5. Dng Zuarr Je
Kia dirr vnix:a ee tnisinn dirr Sewjunx binrjingg cniur jimgensix qongxx:
"Diyhh dng zurr je, kiwsag zurr je, qycc diyhh siulen zuarr je,
Ciautuad zuarr je qattauu, tangx virr cringx juer dro quer dua juiw ee jingdoo?"
[Sewjunx:]
"Dng go hxang qapp kiwsig go hxang, qycc u siulen go hxang byy lrau,
Ciautuad go jiongw qatauu :ee, tangx virr cringx juer dro quer dua juiw ee jingdoo."
6. Cingcniw
Kia dirr vnix:a ee tnisinn dirr Sewjunx binrjingg cniur jimgensix qongxx:
"Cingcniw ee sii zuarr je decc kunr, kunr ee sii zuarr je cingcniw?
Dui' zuarr je ziamw diyc din'aix, uaxkyr zuarr je tangx did cingkir?"
[Sewjunx:]
"Cingcniw ee sii u go hxang decc kunr, kunr ee sii u go hxang cingcniw.
Dui' go hxang ziamw diyc dinx'aix, uaxkyr go hxang tangx did cingkir."
7. Jaix Byy Taur
Kia dirr vnix:a ee tnisinn dirr Sewjunx binrjingg cniur jimgensix qongxx:
"Duiww hxuad jaix byy taur :ee, e virr inxiuw ham zip ngirqaur.
Kunr longxx kunr be cnew :ee, dnaxx jingsinn jniawdngsii."
[Sewjunx:]
"Duiww hxuad jaix u taur :ee, be virr cua zip ngirqaur.
Hiaxee jniawjniar qakgno :ee u jinjaix, dirr byy vnijniar diongx qniaa vnijniar."
8. Beluan
Kia dirr vnix:a ee tnisinn dirr Sewjunx binrjingg cniur jimgensix qongxx:
"Duiww hxuad u beluan, diwsuw virr inxiu ham zip ngirqaur.
Kunr dang binn be cnew :ee, dnaxx jingsinn jniawdngsii."
[Sewjunx:]
"Duiww hxuad by beluan :ee, be virr cua zip ngirqaur.
Hiaxee jniawjniar qakgno :ee u jinjaix, dirr byy vnijniar diongx qniaa vnijniar."
9. Gnorban ee Iogbong
Kia dirr vnix:a ee tnisinn dirr Sewjunx binrjingg cniur jimgensix qongxx:
"Hingr gnorban :ee be unsunn, simx byy cingjing be jigjing.
Vangr hongr hongr dirr ciurnaa-lai dogqux :ee, vnuaa be quer sixmoo ee lingxde."
[Sewjunx:]
"Kiwduu gnorban simx jigjing, u diwhui itcer longxx tauxvangr.
Dogqux byy vangr hongr hongr :ee, tangx dro quer sixmoo ee lingxde."
10. Druar Ciurnaa-lai
Kia dirr vnix:a ee tnisinn dirr Sewjunx binrjingg cniur jimgensix qongxx:
"Druar dirr ciurnaa-lai :ee, jigjing, qniavangr cingjing.
Jit qangx dna' jiac jit dxngr, jnuaxngiu binrsig e jiacnirr anhann?"
[Sewjunx:]
"Be uirr quewkir ee daijir visiongx, duiww birlaii be u ngwbang.
Narr cisiuw dirr henrjai, binrsig dyrr e anhann.
Ngwbang birlaii, uirr quewkir ee su vi'aix,
Gong langg juer jitt kuanw, kyxviw lodig virr quah dng qodaa .kir."
(ZI) Hnuahiw Hngg
11. Hnuahiw Hngg
Guaw tniax .diyc .ee si anxnex. Hitt jun, Sewjunx dirr Shravasti Sniaa Jeta Ciurnaa ee Anathapindika Hngg kiarkiw. Dirr hiax, Sewjunx iong "Linw jiaxee bikiu!" qiyr jiongww bikiu.
"Sewjunx!" Hiaxee jiongww bikiu rinr Sewjunx.
Sewjunx anxnex suansuad:
"Jiongww bikiu! Sikzit u jit xui sriok Snax-jap-snax Tnix ee tnisinn, ix dirr Hnuahiw Hngg virr jit din tenluw suhau vau'uii, hro ix go jiongw iogbong longxx jiok'ir, dirr hitt sii cniur jitt siuw jimgensix:
'Snax-jap-snax Tnix,
U miasniax ee tnisinn ee kiarqex.
Narr byy qnir quer jitt xee hngg,
Dyrr m jaix jitt kuanw kuaiwlok.'
Jiongww bikiu! Jiaxee qongw liauw, u tnisinn iong jimgenn huedab hitt xee tnisinn qongxx:
'Liw jitt xee gongrduardaix,
M jaix Zulaii ee uergiw.
Jiongxjiongw jok'uii sidsit busiongg,
Jex vunw si snibedsingr.
U snix vitdnia u bet,
Jigjing jiacc si kuaiwlok.'"
12. Hnuahiw
Kia dirr vnix:a ee tnisinn dirr Sewjunx binrjingg cniur jimgensix qongxx:
"U qniaw :ee uirr qniaw laii hnuahiw,
U guu :ee uirr guu laii hnuahiw.
Langg hnuahiw in'ui u soxx knikip,
Byy soxx knikip dyrr be hnuahiw.
[Sewjunx:]
"U qniaw :ee e uirr qniaw laii visiongx,
U guu :ee e uirr guu laii visiongx.
Langg visiongx in'ui u soxx knikip,
Byy soxx knikip dyrr be visiongx."
13. Byy Sniaw Tangx Vixping Qniaw
Kia dirr vnix:a ee tnisinn dirr Sewjunx binrjingg cniur jimgensix qongxx:
"Byy sniaw viw qniaw kacc kyxair,
Byy sniaw viw guu kacc qewdat.
Byy sniaw viw zidtauu kacc qongbingg,
Haiw si siongrr dua ee juiw."
[Sewjunx:]
"Byy sniaw viw qaqi kacc kyxair,
Byy sniaw viw gnoxqog kacc qewdat.
Byy sniaw viw diwhui kacc qongbingg,
Ho si siongrr dua ee juiw."
14. Khattiya
[tnisinn:]
"Khattiya dirr nng kax dongrbut lairdew siongrr junquir,
Sir kax :ee si guu siongrr janw.
Bow si siauwluw derr id dringw,
Qniaw dyrr diongxjuw siongrqaiww hyw."
[Sewjunx:]
"Sidsit qakgno :ee dirr nng kax dongrbut lairdew siongrr junquir,
Liongg bew dirr sir kax dongrbut lairdew siongrr janw.
Unziuu sunrjiongg ee bow derr id dringw,
Iuxhaur ee qniaw siongrqaiww hyw."
15. Dua Nxaa Snauhsnuac Liam
[tnisinn:]
"Zidtauu dng' iam,
Jiauw tingg byy vuex.
Dua nxaa decc snauhsnuac liam,
Kiongxhongg laii cue guaw."
[Sewjunx:]
"Zidtauu dng' iam,
Jiauw tingg byy vuex.
Dua nxaa decc snauhsnauc liam,
Hixlok dirr guaw simlai cuthen."
16. Air Kunr qapp Vindnua
[tnisinn:]
Air kunr, vindnua, hachir, cununn,
Jiac vaw lranw lranw byy uahkir.
Jiongwsingx jerje jitt hy kuanw,
Singwdy be henxhen."
[Sewjunx:]
Air kunr, vindnua, hachir, cununn,
Jiac quewtauu byy uahkir,
Iong jingjinr laii qra kuduu,
Singwdy dyrr e bingcingx."
17. Yh Sidhingg
[tnisinn:]
"Byy diwhui :ee qniaa sabunn-hxuad,
Yh sidhingg qycc yh zimxsiu.
Gong langg duirlyc jiongwgai,
Dirr jiax ee langg siongrr je.
Narr byy qra simx jewhok,
Sabunn-hxuad tangx qniaa quiw zit?
Iwliam si qnaxlyy,
E jit vo jit vo dimbee .lyc .kir."
[Sewjunx:]
"Kyxviw qux iong qaqi ee kag,
Qra tauu, buew, ciuw, qapp kax cangr dirr hitt lairdew.
Bikiu cisiuw iwliam,
Be jib diauu diauu iarr be honghai tazinn,
Huanlyw siar srinx li,
Ix si'angw longxx be kir jikvi."
18. Qenwsiaur
[tnisinn:]
"Sniaw langg dirr jitt xee sewqanx,
U qenwsiauwsimx qycc jaix jriw og?
Kyxviw bexvnix duer liongg bew,
Ix u liauxgo rair qapp jikvi li hng hng."
[Sewjunx:]
"U qenwsiauwsimx jaix joxjiw og,
Qycc suwsiongg u jniawliam :ee jin' jiyw.
Ix qaur qaxx kow ee jinrvong,
Dirr byy vingdingw diongqanx vingdingw qniaa."
19. Lxiauu-aw
[tnisinn:]
"Liw qamxx byy lxiauu-aw?
Uirjnuaxngiu byy siu?
Uirjnuaxngiu byy aursuu?
Qamxx ixx tuatlii sokvak?"
[Sewjunx:]
"Guaw sidsit byyy lxiauu-aw,
Guaw sidsit byy siu,
Guaw sidsit byy aursuu,
Guaw sidsit ixx tuatlii sokvak."
[tnisinn:]
"Guaw soxx qongw 'liw ee lxiauu-aw' si sniaw?
Guaw soxx qongw 'liw ee siu' si sniaw?
Guaw soxx qongw 'liw ee aursuu' si sniaw?
Guaw soxx qongw ee 'sokvak' si sniaw liw qamxx jaix?"
[Sewjunx:]
Liw soxx qongw ee 'lxiauu-aw' si laurbuw,
Liw soxx qongw ee 'siu' si bow.
Liw soxx qongw ee 'aursuu" si qniaw,
Liw soxx qongw ee 'sokvak' si hixair."
[tnisinn:]
Jinjniar hyw ar liw byy lxiauu-aw,
Jinjniar hyw ar liw byy siu,
Jinjniar hyw ar liw byy aursuu,
Jinjniar hyw ar liw ixx tuatlii sokvak."
20. Samiddhi
Guaw tniax .diyc .ee si anxnex. Hitt xee sijun, Sewjunx druar dirr Rajagha Sniaa ee Unjnuaa Jingsiar.
Hitt xee sijun, Junjiaw Samiddhi tauwjaw dyrr kixcngg, laii qaur unjnuaa beh sexik. Hongjuiw sew sinkux liauw, ix kiw laii cing jit niaw snxax, kia lehh danw sinkux dax.
Hitt xee sijun, u tnisinn dirr cimx xia jen'ongw junjiaw ee soxjai beh vaiwhongw, sinkux huad ee qngx jiyr venww unjnuaa-naa. Qauwui, ix dirr kongdiongx kia lehh, iong jimgensix duiww Junjiaw Samaiddhi qongw:
[tnisinn:]
"Bikiu m hiangxlok, jingjinr laii huawenn.
Bikiu decc hiangxlok, beh hiangxlok mair huawenn.
Cingcunx jniawdongsii, mair uirr jex kangx ongxhuir."
[junjiaw:]
Guaw m jaix si sniaxmih sii, siqanx unxjongg byy henxbingg.
Uirdiyhh jitt xee enqor, huawenn m hiangxlok.
Siqanx an' guaw sinvnix jauw .kir, anxnex jiacc si kiongxvor."
Hitt xee sijun, tnisinn qangwlyc tokax kia lecc hiongr Junjiaw Samiddhi qongw:
"Bikiu! Liw iauxx siauwlenn, puehux suiw, taujangx ox, dirr zinsingx siongrr ciongsing ee sii tewsag iogbong ee kuaiwlog laii cutqex. Bikiu! Qaidongx hiongxsiu langg ee iogbong! M tangx kiwsag henrsit(ee kuaiwlok), m tangx kir ziog rair kaix siqanx ee mic."
"Ving'iuw! Guaw kiwsag henrsit ee kuaiwlok, byy kir ziog rair kaix siqanx :ee. Ving'iuw! Sniaxmih enqor? Sewjunx u anxnex suansuad, qongxx 'Iogbong ee kuaiwlok si rair kaix siqanx :ee, vut'anx qycc je qankow, dirr hiax u dua hyrduanx. Jitt xee hxuad si sidjai :ee, si libjig byy langr sii :ee, tangx kir cir knuar, erdangr virr inxcua (zip liappuann), u diwhui :ee ingdongx qaqi kir qinggiam dyrr jaix.'"
"Bikiu! Jnuaxngiu Sewjunx suansuad qongxx, iogbong ee kuaiwlok rair kaix siqanx, je qankow qycc vut'anx, dirr hiax u dua hyrduanx? Jnuaxngiu ix qycc qongw jtt xee hxuad si sidjai :ee, si libjig byy langr sii :ee, tangx kir cir knuar, erdangr virr inxcua (zip liappuann), u diwhui :ee ingdongx qaqi kir qinggiam dyrr jaix?"
"Ving'iuw! Guaw cutqex byy zuarr quw, si sin'yhsnuax cocox qazip :ee, byy jaidiau siongser suatbingg jitt xee hxuad qapp qaiwlut. Hitt xui Sewjunx, Arahant, Juanzenn Qakgno :ee, dnaxx druar dirr Unjnuaa Jingsiar. Tangx kir qra vaiwhongw suar hiongr jitt xui Sewjunx mng dyrliw. Cniaw liw jiauww Sewjunx soxx qongw :ee cisiuw."
"Bikiu! Hitt xui Sewjunx u dua uilik, virr jerje tnisinn uii lehh, guanw jiaxee jin' pnaiw jiapqin. Bikiu! LIw narr kir vaiwhongw Sewjunx mng jitt xee dyrliw, guanw jiaxee uirr beh tniax hxuad tangx duer lecc kir jiapqin."
Junjiaw Samiddhi rinr tnisinn qongxx, "Ving'iuw! Hyw." Dyrr jen'ongw Sewjunx druar ee soxjai vaiwhongw. Qaur der, lexqingr Sewjunx liauw dyrr dirr vnix:a jre.
Jre dirr vnix:a ee junjiaw Samiddhi qiongqingr hiongr Sewjunx qongw:
"Sewjunx! Guaw tauwjaw dyrr kixcngg, kir qaur unjnuaa beh sexik. Hongjuiw sew sinkux liauw, kiw laii cing jit niaw snxax, kia lehh danw sinkux dax. Sewjunx, hitt xee sijun, dirr cimx xia u jit xui tnisinn sinkux huad qngx jiyr venww unjnuaa-naa. Ix laii qauwui dirr kongdiongx kia lehh, iong jimgensix duiww guaw qongw:
'Bikiu m hiangxlok, jingjinr laii huawenn.
Bikiu decc hiangxlok, beh hiangxlok mair huawenn.
Cingcunx jniawdongsii, mair uirr jex kangx ongxhuir.'
Sewjunx! Jiaxee ue qongw liauw, guaw iong jimgensix rinr tnisinn qongxx:
'Guaw m jaix si sniaxmih sii, siqanx unxjongg byy henxbingg.
Uirdiyhh jitt xee enqor, huawenn m hiangxlok.
Siqanx an' guaw sinvnix jauw .kir, anxnex jiacc si kiongxvor.'
Sewjunx! Hitt xee sijun, tnisinn qangwlyc tokax kia lehh, iong jiaxee ue duiww guaw qongw:
'Bikiu! Liw iauxx siauwlenn, puehux suiw, taujangx ox, dirr zinsingx siongrr ciongsing ee sii tewsag iogbong ee kuaiwlog laii cutqex. Bikiu! Qaidongx hiongxsiu langg ee iogbong! M tangx kiwsag henrsit(ee kuaiwlok), m tangx kir ziog rair kaix siqanx ee mic.'
Sewjunx! Jiaxx ue qongw liauw, guaw si anxnex duiww tnisinn qongw:
'Ving'iuw! Guaw kiwsag henrsit ee kuaiwlok, byy kir ziog rair kaix siqanx :ee. Ving'iuw! Sniaxmih enqor? Sewjunx u anxnex suansuad, qongxx 'Iogbong ee kuaiwlok si rair kaix siqanx :ee, vut'anx qycc je qankow, dirr hiax u dua hyrduanx. Jitt xee hxuad si sidjai :ee, si libjig byy langr sii :ee, tangx kir cir knuar, erdangr virr inxcua (zip liappuann), u diwhui :ee ingdongx qaqi kir qinggiam dyrr jaix.'
Sewjunx! Jiaxee ue qongw liauw, tnisinn anxnex duiww guaw qongw:
'Bikiu! Jnuaxngiu Sewjunx suansuad qongxx, iogbong ee kuaiwlok rair kaix siqanx, je qankow qycc vut'anx, dirr hiax u dua hyrduanx? Jnuaxngiu ix qycc qongw jtt xee hxuad si sidjai :ee, si libjig byy langr sii :ee, tangx kir cir knuar, erdangr virr inxcua (zip liappuann), u diwhui :ee ingdongx qaqi kir qinggiam dyrr jaix?'
Sewjunx! Jiaxee ue qongw liauw, guaw duiww tnisinn qongw:
'Ving'iuw! Guaw cutqex byy zuarr quw, si sin'yhsnuax cocox qazip :ee, byy jaidiau siongser suatbingg jitt xee hxuad qapp qaiwlut. Hitt xui Sewjunx, Arahant, Juanzenn Qakgno :ee, dnaxx druar dirr Unjnuaa Jingsiar. Tangx kir qra vaiwhongw suar hiongr jitt xui Sewjunx mng dyrliw. Cniaw liw jiauww Sewjunx soxx qongw :ee cisiuw.'
Sewjunx! Jiaxee ue qongw liauw, tnisinn duiww guaw qongw:
'Bikiu! Hitt xui Sewjunx u dua uilik, virr jerje tnisinn uii lehh, guanw jiaxee jin' pnaiw jiapqin. Bikiu! LIw narr kir vaiwhongw Sewjunx mng jitt xee dyrliw, guanw jiaxee uirr beh tniax hxuad tangx duer lecc kir jiapqin.'
Sewjunx! Hitt xui tnisinn soxx qongw :ee narr si jinsit, hitt xui tnisinn qaidongx dirr byy zuarr hng ee soxjai."
Jiaxee ue qongw liauw, tnisinn duiww Junjiaw Samiddhi qongw, "Bikiu! Qra mng! Bikiu! Qra mng! Guaw laii ar!"
Hitt xee sijun, Sewjun iong jimgensinn duiww tnisinn qongw:
"Jaix bingcingx viauxbin :ee,
Dandanx jipdiok dirr henxbingg ee bingcingx.
M jaix bingcingx jinjniar ee ywgi,
E virr Sixsinn laii sokvak.
Bingcingx jinjniar ee ywgi u jaix liauxted,
Be kir sniu anxjnuaw viauxsi bingcingx.
Jitt xee langg byy jipdiok dirr bingcingx,
Jiauww jitt kuanw jitt xee langg dyrr byy junjai.
Zuqyw liw jitt xee tnisinn,
U liauxqaiw jitt xee dyrliw dyrr qongw jaix."
"M jaix! Sewjunx, guaw byy liauxqaiw liw coliok soxx qongw ee iwgi. Sewjunx, Sewjunx cokliok soxx qongw :ee narr erdangr qycc suecbingg hro guaw erdangr jaix qidiongx ee ywgi, anxnex dyrr jinjniar hyw!"
"'Guaw kacc gauu, qapp langg' vingdingw, iacc kacc cax',
Langg narr sniu jex dyrr e kiw siy' jner.
Duiww jitt snax jiongw kuvet,
Narr simx byy dinxdang :ee,
Jitt xee langg be kir hunx gauu iacc cax.
Zuqyw liw jitt xee tnisinn,
U liauxqaiw jitt xee dyrliw dyrr qongw jaix."
"M jaix! Sewjunx, guaw byy liauxqaiw liw coliok soxx qongw ee iwgi. Sewjunx, Sewjunx cokliok soxx qongw :ee narr erdangr qycc suecbingg hro guaw erdangr jaix qidiongx ee ywgi, anxnex dyrr jinjniar hyw!"
"Byy sniu bingcingx be qyban,
Duanrjuat duiww sewqanx soxu bingcingx qapp siksinx ee iogbong.
Simx byy dinxdang, sokvak ee qad ixx juaddng,
Byy iogbong ee langg,
Au sxer dirr tniqair.
Dirr soxu ee soxjai,
Dirr langg iacc tnix beh cue ix,
Iarr longxx cue be diyc.
Zuqyw liw jitt xee tnisinn,
U liauxqaiw jitt xee dyrliw dyrr qongw jaix."
"Sewjunx, anxnex guaw u liauxqaiw Sewjunx coliok qangxsuad ee iwgi:
Dirr soxu sewqair,
Bylun uergiw, simliam, iacc sintew,
Cenban m tangx jyrgiap.
Lirkuix Iogliam, simx u jniawliam,
Hex si byy lirig qycc tongwkow :ee,
Narr qapp jiaxee juewpnua."
(SNAX) Qiamr Pinw
21. Qiamr
Shravasti Sniaa ee inenn.
Kia dirr vnix:a ee tnisinn dirr Sewjunx taujingg gimcniur jitt siuw jimgensix:
[tnisinn:]
"Kyxviw virr qiamr kap .diyc,
Uanxzenn taumngg dngdecc virr huew siyx.
Beh kiwsag tamliam,
Bikiu diyhh ixx jniawliam laii cutqex."
[Sewjunx:]
"Kyxviw virr qiamr kap .diyc,
Uanxzenn taumngg dngdecc virr huew siyx.
Beh kiwsag vunxsinx soxx qnir,
Bikiu diyhh ixx jniawliam laii cutqex."
22. Bongkab
[tnisinn:]
"Byy decc bongkab :ee be bongkab .diyc,
U decc bongkab :ee jiacc e bongkab .diyc.
Mrjiacc byy uwuer :ee,
E virr u decc bongkab :ee bongkab .diyc."
[Sewjunx:]
"Cingjing byy uwuer :ee,
Virr lacsab pah lasamm.
Hitt xee uwuer e dywdngw kir gong langg,
Cincniu cnihongx ee sii,
Decc ia biser ee din'aix."
23. Kandnii
[tnisinn:]
"Lairgua longxx u kandnii,
Jit dai suar jit dai virr kandnii dnii lehh.
Cingxqaur Gotama,
Si'angw tangx qra jitt xee kandnii vangr li?"
[Sewjunx:]
"Cisiuw qaiwlut u diwhui ee langg,
Siusimx qapp siulen diwhui.
Zedsingg qycc qinxsin ee bikiu,
Inx tangx qra jitt xee kandnii vangr li.
Qapp tam'iog ixqip uanwhun li hng hng,
Simrjiww qapp bubingg li hng hng,
Huanlyw ixx jin ee arahant,
Inx tangx qaixtuad jitt xee kandnii.
Bingcingx qapp siksinx longxx siaubet,
Duiww siksinx bongrsiongw ee jiongwgai,
Jit sud sud aw dy' byy cunx,
Kandnii dyrr e dirr jiax cetdng."
24. Ioksog Simx
[tnisinn:]
"Simx u siurr ioksog :ee,
Simx be laii siurkow.
Narr simx longxjongw u siurr ioksog,
Simx tangx tuatlii itcer ee kow."
[Sewjunx:]
"Simx mrbenw longxjongw siurr ioksog,
Mrbenw ioksog qaqi ee simx.
Dirr og hingkiw ee soxjai,
Ingqaix dui' hiax ioksog jitt xee simx."
25. Arahant
[tnisinn:]
"Ingqaix juer :ee juer liauw ar,
Huanlyw liauxjin juewau srinx.
Arahant bikiu,
Qamxx iuguann e qongw kyxviw 'guaw qongw',
'Langg' qra guaw qongw',
Cincniu jitt kuanw ee ue?"
[Sewjunx:]
"Ingqaix juer :ee juer liauw ar,
Huanlyw liauxjin juewau srinx.
Arahant bikiu,
Iuguann e qongw kyxviw 'guaw qongw',
'Langg' qra guaw qongw' jiaxee ue.
Suizenn anxnex qongw,
Inx jin' jaix sewqanx ee cinghox si qikiauxdig :ee,
Qandna' jiauww quanwsiok decc cinghox narnia."
[tnisinn:]
"Ingqaix juer :ee juer liauw ar,
Huanlyw liauxjin juewau srinx.
Arahant bikiu,
Inx u hanghok jurgnow ee qyban,
Jiacc iuguann e qongw kyxviw 'guaw qongw',
'Langg' qra guaw qongw' jiaxee ue?"
[Sewjunx:]
"Jurgnow ee qyban siar liauw li,
Sokvak jinrqaix siauduu byy junjai.
Henzinn ixx ciauuat cabiu ee sniurhuad,
Iuguann e qongw 'guaw qongw',
'Langg' qra guaw qongw' jiaxee ue.
Inx jin' jaix sewqanx ee cinghox si qikiauxdig :ee,
Qandna' jiauww quanwsiok decc cinghox narnia."
26. Qongbingg
[tnisinn:]
"Sewsiong u zuarr je qngx,
Poxpenr jiyr jitt xee sewqanx?
Guanw jiaxee mng Sewjunx,
Zuhyy tangx jai'ngiaw?"
[Sewjunx:]
"Sewsiong u sir jiongw qngx,
Dirr jiax byy derr go jiongw qngx.
Dirr zit .sii u zidtauqngx,
Dirr amwsii u guec jiyr siwqer.
Huew dirr zit .sii qapp amwsii,
Jiyr jiax jiyr hiax jit siwqer venww jiyr.
Jniawsiong ee qakdix si derr id hyw ee huew,
Jitt xee si busiong ee qngx."
27. Kelauu
[tnisinn:]
"Kelauu dirr dyc'ui be qycc lrauu?
Lunjuanw dirr dyc'ui tingjiw?
Bingcingx qapp siksinx dirr dyhh bet .kir,
Byy qycc u cunx :ee lauu lehh?"
[Sewunx:]
"De, juiw, huew, qapp hongx,
Jitt sir dua hxang jiauu bedbyy ee soxjai,
An' jiax kelauu be qycc lrauu,
Lunjuanw dirr jiax be qycc sec.
Dirr jiax bingcingx qapp siksinx e bedbyy,
Byy qycc u cunx :ee lauu lehh."
28. Dua Vur
[tnisnn:]
"Dua hyxgiac qapp u dua qegiap :ee,
Ixqip dirliw qokqax ee katiia,
Inx duiww iogbong be buanxjiog,
Iong tamluann qapp jikdor horsiongx duiwtai.
Jiaxee u uanwdor ee vunxsingr :ee,
Duer laujuiw decc lrauu.
Inx jiaxee dycc jit xee dirr sewqanx byy jikdor?
Dycc jit xee ixx byy tamluann?"
[Sewjunx:]
"Siawsag qadingg laii cutqex,
Kiwsag qniaxzii qapp jingsnex,
Tamsimx qapp uanwhun siar liauw li,
Ixqip lirkuix bubingg :ee.
Huanlyw itjin ee arahant,
Inx jiaxee dirr jitt xee sewqanx jniaa juer byy jikdor :ee."
29. Sir Lenw
[tnisinn:]
"Sir xee lenw qapp qauw snir mngg,
Uwuer qycc tamiok muaw muaw.
Jex si byy cingjing ee vunxsingr.
Dua inghiongg rair anww dyhh jiacc si cutkauw?"
[Sewjunx:]
"Cetdng og, iog, qapp tamx,
Simrjiww qra syh qapp pueduar iarr cetdng.
Vuic driau tamluann ee qinx,
Diyhh anxnex jiacc u cutkauw."
30. Lok ee Kax
[tnisinn:]
"U kax naxx lok :ee,
Iur qiqud qycc ziusun.
Jiac jiyw byy tamx hyw bi,
Uanxzenn sraix ee kuanw,
U hing'uix qodok qniaa,
Byy dimbee dirr iogbong.
Guanw jiaxee beh cingxmng,
Jitt kuanw langg rair anxjnuaw laii tuatlii tongwkow?"
[Sewjunx:]
"Sewqanx u go jiongw iogbong,
Iwsig qongxx si derr lak jiongw.
Dirr jiax lirkuix iogbong,
Anxnex dyrr tangx qaixtuad tongwkow."
(SIR) Satullapa Jiongww Tnisinn
31. Qapp Senrzinn Dauwdin
Guaw tniax .diyc .ee si anxnex. Hitt jun, Sewjunx dirr Shravasti Sniaa Jeta Ciurnaa ee Anathapindika Hngg kiarkiw.
Hitt sii, Satullapa jiongww tnisinn, dirr lebingg vangr cud qik bibiau ee qngx venww jiyr qui'ee Jeta Hngg, uaw kir Sewjunx hiax beh cingxmng. Uaw .kir ar, inx hiongr Sewjunx qnialew liauw dirr vnix:a kia. Dirr vnix:a kia ee sii, qidiongx jit xui tnisinn dirr Sewjunx ee binrjingg cniur jit siuw jimgensix:
"Qandna' qapp senrzinn dauwdin,
Qandna' qapp senrzinn qauvuee.
Jin' jaix Jniawhuad(Dharmma) ee sxen,
Juer senrsu byy juer pnaiw dai."
Hitt xee sijun, lingrgua jit xui tnisinn dirr Sewjunx binrjingg, iarr cniur jit siuw jimgensix:
"Qandna' qapp senrzinn dauwdin,
Qandna' qapp senrzinn qauvuee.
Jin' jaix Jniawhuad ee sxen.
Beh did diyc diwhui,
Uaxkyr vadd hxang did be diyc."
Hitt xee sijun, lingrgua jit xui tnisinn dirr Sewjunx binrjingg, iarr cniur jit siuw jimgensix:
"Qandna' qapp senrzinn dauwdin,
Qandna' qapp senrzinn qauvuee.
Jin' jaix Jniawhuad ee sxen,
Dirr vi'aix diongx be vi'aix."
Hitt xee sijun, lingrgua jit xui tnisinn dirr Sewjunx binrjingg, iarr cniur jit siuw jimgensix:
"Qandna' qapp senrzinn dauwdin,
Qandna' qapp senrzinn qauvuee.
Jin' jaix Jniawhuad ee sxen,
Dirr cinjok-diongx qong'iau."
Hitt xee sijun, lingrgua jit xui tnisinn dirr Sewjunx binrjingg, iarr cniur jit siuw jimgensix:
"Qandna' qapp senrzinn dauwdin,
Qandna' qapp senrzinn qauvuee.
Jin' jaix Jniawhuad ee sxen,
Langlangg qniaa hiongr sxen."
Hitt xee sijun, lingrgua jit xui tnisinn dirr Sewjunx binrjingg, iarr cniur jit siuw jimgensix:
"Qandna' qapp senrzinn dauwdin,
Qandna' qapp senrzinn qauvuee.
Jin' jaix Jniawhuad ee sxen,
Langlangg u hingrhog."
Hitt xee sijun, lingrgua jit xui tnisinn hiongr Sewjunx mng qongxx, "Sewjunx! Si'angw qongw :ee jiacc driyc?"
[Sewjunx:]
"Linw qokk langg soxx qongw :ee longxx driyc. Mrqycc, iarr laii tniax guaw ee jimgensix:
'Qandna' qapp senrzinn dauwdin,
Qandna' qapp senrzinn qauvuee.
Jin' jaix Jniawhuad si sexn,
Tangx tuatlii itcer ee kow.'"
32. Qenlin
Hitt xee sijun, lingrgua jit xui tnisinn hiongr Sewjunx mng qongxx, "Sewjunx! Si'angw qongw :ee jiacc driyc?"
[Sewjunx:]
"Linw qokk langg soxx qongw :ee longxx driyc. Mrqycc, iarr laii tniax guaw ee hnuahiw jimgensix:
'Jiauww soxx sinr :ee vowsix,
Sriu jiongxjiongw ylyw.
Huatqur sisiar qyckacc ngiaa,
Dirr jinwjingg sxer,
Quewkir sxer ee senrzinn,
U diwhui ee jingwlangg,
Longxx qniaa qaur liappuann(Nibbana).'"
34. M si anxnex
Hitt jun, Sewjunx dirr Shravasti Sniaa Jeta Ciurnaa ee Anathapindika Hngg kiarkiw.
Hitt sii, Satullapa jiongww tnisinn, dirr lebingg vangr cud qik bibiau ee qngx venww jiyr qui'ee Jeta Hngg, uaw kir Sewjunx hiax beh cingxmng. Uaw .kir ar, inx hiongr Sewjunx qnialew liauw dirr vnix:a kia. Dirr vnix:a kia ee sii, qidiongx jit xui tnisinn dirr Sewjunx ee binrjingg cniur jitt siuw jimgensix:
"Langg ee tiongwlok,
M si siongsiongg dilehh.
Dirr jiax u tiongwlok,
Langlangg dyrr virr sokvak.
Dirr jiax laii hongwdong.
Jiacc byy dngw .laii.
Langg virr sixmoo lingxdy,
Anxnex jiacc byy dngw .laii.
Hyrduanx an' iogbong snix cud,
Koxnauw an' iogbong snix cud.
Iong qorr diauhok iogbong,
Anxnex hyrduanx dyrr diauhok.
Narr hyrduanx ixx diauhok,
Dyrr diauhok koxnauw.
Sewqanx jiongxjiongw ee bixle,
M si aiwiok.
Duiww tamx ee suliam,
Jex si air ee iogbong.
Duiww sewqanx jiongxjiongw bixle,
Iuguann jiauwqu lauu diamr lehh.
Duiww jiaxee henjiaw,
Dyrr diauhok iogbong.
Lirkuix hunwno qapp gnoxban,
Ciauuat itcer sokvak.
Byy jipdiok bingsig,
Jitt xee langg sniaw longxx byy.
Iarr byy ham zip kow,
Druu liamrtauu byy gnoxban.
Dirr jiax dngrjuat bingsig,
Simrjiww duiww air ee iogbong.
Dng liauw qad li huanlyw,
Simrjiww qaur byy iogbong ee simx.
Jitt xee langg jitt sxer au,
Dirr langg qapp tniqair,
Qapp itcer soxx druar ee soxjai,
Longxx cue byy inx ee kaziah."
(Mogharaja Junjiaw anxnex mng:)
"Jitt sxer qapp au sxer,
Narr tnix qapp langg qangrkuanw,
Byy qnir diyc qaixtuad ee langg.
Iong qiongqingr lexvair.
Qingwvair u juer busiong lirig :ee.
Diyhh ylyw hiaxee bor?"
(Sewjunx qiyr Mogharaja Junjiaw, laii qra huedab:)
"Bikiu narr lexvair,
Qingwvair hitt hy kuanw qaixtuad ee langg.
Iarr ingqaix sriu ylyw.
Narr jaix hxuad lirkuix gicaix.
Bikiu hiaxee dingxdingw,
Si ciauuat sokvak ee langg."
35. Kiakangx ee Tnisinn
Hitt jun, Sewjunx dirr Shravasti Sniaa Jeta Ciurnaa ee Anathapindika Hngg kiarkiw.
Hitt sii, jin' je kiakangx tnisinn dingxdingw, dirr lebingg vangr cud qik bibiau ee qngx venww jiyr qui'ee Jeta Hngg, uaw kir Sewjunx hiax beh cingxmng. Uaw .kir ar, dyrr dirr kongdiongx kia lehh. Dirr kongdiongx kia ee sii, qidiongx jit xui tnisinn dirr Sewjunx ee binrjingg cniur jitt siuw jimgensix:
"M si cincniu qaqi vunxiuw ee kuanw,
Iong byy qang kuanw laii denxsi langg.
Kyxviw vuahqiauw penwsut,
Hitt xee langg soxx sriu soxx ing,
Longxx kyr tautec.
U juer :ee jiacc tangx qongw,
Byy juer :ee m tangx qongw u juer.
Qandna' qongw suacc byy kir juer :ee,
Henjaiw jin' jaix jitt hy kuanw langg."
[Sewjunx:]
"Dandanx kyr qongw,
Iacc jixsirr iong tniax :ee.
Berdangr qniaa duiww jitt diauu dy.
Jitt diauu dy qenqor.
Henjiaw jiauww dy ee honghiongr,
Laii siuhing senrdnia,
Laii qaixtuad xmoo ee sokvak.
Henjiaw jaix sewqanx ee hxuad,
Cincniu byy qongw byy juer.
Henjiaw jiauww diwhui,
Tangx jinwzip liappuann,
Laii dro sewqanx ee jipdiok."
Hitt sii, hiaxee tnisinn lyc laii dirr tokax, hiongr Sewjunx ee kax kabtauu dingxlew, suar duiww Sewjunx qongw, "Sewjunx! Si guanw jiaxee ee jue, si guanw jiaxee ee cyr. Naxx cincniu gong langg, jipbee, byy sxen. Guanw jiaxee sniu qongxx, 'Tangx anxnex jikjue Sewjunx bor?' Guan Sewjunx ziausiar guanw jiaxee ee jue, tangx hro birlaii be qycc huan."
Hitt sii, Sewjunx biciyr. Hitt sijun, hiaxee tnisinn qyckacc sniurkir dyrr sringx kir kongdiongx. Jit xee tnisinn dirr Sewjunx binrjingg cniur jitt siuw jimgensix:
"Guanw jiaxee u siarjue ar,
Suacc byy did diyc ziausiar.
Lairdew cangr sniurkir qapp norkir jin' dang,
Hiaxee langg qed ee uanr qyckacc cimx."
[Sewjunx:]
"Narr byy juerqyr,
Tacc u jitt xee quewsid?
Uanwhun qapp siurkir narr byy vingjing,
Dirr jiax si'angw si sxen :ee?"
[tnisinn:]
"Si'angw byy juerqyr?
Si'angw byy quewsid?
Si'angw be jidsii srid jniawliam?
Si'angw si henjiaw vutsii u jniawliam?"
[Sewjunx:]
"Linbinw iuxjingg jiongwsingx,
Dirr Zulaii Qakgno :ee,
Byy jiaxee juerqyr,
Iarr be u quewsid.
Be duirlyc dirr hunwluan,
Hiaxee henjiaw u jniawliam.
Suizenn ixx siarjue,
Byy did diyc kuan'iongg,
Lairdew ee siurkir qapp norkir dang,
Jiaxee langg qed ee uanr qyckacc cimx.
Guaw byy air siurkir,
Dyrr jiaplap linw ee juerqyr."
36. Sinr
Hitt jun, Sewjunx dirr Shravasti Sniaa Jeta Ciurnaa ee Anathapindika Hngg kiarkiw.
Hitt sii, Satullapa jiongww tnisinn, dirr lebingg vangr cud qik bibiau ee qngx venww jiyr qui'ee Jeta Hngg, uaw kir Sewjunx hiax beh cingxmng. Uaw .kir ar, inx hiongr Sewjunx qnialew liauw dirr vnix:a kia. Dirr vnix:a kia ee sii, qidiongx jit xui tnisinn dirr Sewjunx ee binrjingg cniur jitt siuw jimgensix:
"Sinwgiongw si langg ee pnua,
Narr langg dy' berdangr byy sinwgiongw.
Dirr jitt xee sewqanx kiarkiw,
U hyw miasniax qapp cingjanr,
Siw au dirr tenqair cutsir."
[tnisinn:]
Siar gnoxban lirkuix hunwno qapp uanwhun,
Ciauuat itcer sokvak.
Byy jipdiok bingsig :ee,
Byy sniaxmih tangx qra sokvak.
Dunrjaii byy diwhui,
Inx langlangg dimbee dirr hongwdong.
Narr e siuxho :ee siongrr derr id hyxgiac,
Henjiaw jipsiuw byy hongwdong.
M tangx dimbee dirr hongwdong,
M tangx air tiongwlok.
Sensux byy hongwdong,
Laii drat qaur jiww sringr ee kuaiwlok."
37. Hue
Guaw tniax .diyc .ee si anxnex. Hitt sii, Sewjunx qapp jiongww arahant go-vah xui bikiu druar dirr Sakia Jok Kapilavatthu Sniaa ee dua ciurnaa. Jap sewqair ee dysor jiongww tnisinn iarr uirdiyhh beh vaiwqnir Sewjunx qapp jiongww bikiu laii huerjip.
Hitt sii, sir xui Cingjing Kiarkiw ee tnisinn anxnex decc sniu: "Sewjunx qapp jiongww arahant go-vah xui bikiu dauwdin druar dirr Sakia Jok Kapilavatthu Sniaa ee dua ciurnaa, jap sewqair ee dysor jiongww tnisinn uirdiyhh beh vaiwqnir Sewjunx qapp jiongww bikiu laii huerjip. Guanw jiaxee iarr diyhh jen'ongw Sewjunx hiax cingxmng. Cingxmng liauw, tangx dirr Sewjunx binrjingg qokk langg cniur jimgensix."
Dyrr anxnex hiaxee jiongww tnisinn, kyxviw u dua kuiwlat ee langg qra uankiaux ee ciuxaurdnix crunx dit, iacc qra crunx dit ee ciuxaurdnix uankiaux hiacc qinw, dirr Cingjing Kiarkiw Tnix siausid, henwsinx dirr Sewjunx ee soxjai.
Hitt sii, hiaxee jiongww tnisinn lexqingr Sewjunx liauw dyrr dirr vnix:a kia. Dirr vnix:a kia ee jit xee tnisinn dirr Sewjunx ee binrjingg cniur jimgensix:
"Ciurnaa-diongx dua jibhue,
Jiongww tnisinn jywhuew huerjip,
Qnir diyc budik ee jingdoo,
Guanw jiaxee iarr laii hur hue,
Jitt xee hxuad ee jibhue."
Hitt sii, lingrgua jit xee tnisinn dirr Sewjunx binrjingg cniur jitt siuw jimgensix:
"Dirr jiaxee bikiu,
Jursimx cingjing qycc jingwdit,
Kyxviw sraiw bexciax :ee ciuw tec bexsyh,
Henjiaw jipsiuw soxu ee qinkir."
Hitt sii, lingrgua jit xee tnisinn dirr Sewjunx binrjingg cniur jitt siuw jimgensix:
"Quah tiau paccuir mngcnuar,
Druu cecnuaa li tam'iok,
U bagjiux :ee cingjing,
Siwqer qniaa longxx byy lacsab iacc uwuer,
Iur qniaw virr sxen :ee diaujingw."
Hitt sii, lingrgua jit xee tnisinn cniur jitt siuw jimgensix:
"Si'angw qra mia qruix dirr Vut,
Dyrr be duirlyc kir og soxjai,
Jitt xee ixx siar srinx :ee,
Ingqaix e tnisinn ciongmuaw."
38. cruir jiyc-aw
Guaw tniax .diyc .ee si anxnex. Hitt jun, Sewjunx druar drir Rajagaha Sniaa Maddakucci ee Lok-aw Hngg. Hitt dongsii, Sewjunx ee kax hro cruir jiyc-aw quah .diyc. Sewjunx qamxqag jiokk tniar, sinkux ee qamxsiu huisiongg qionglet, simdiongx jamxzenn aw byy kuaiwir. Sewjunx iong qorr jniawsimx qapp jniawliam lunw lehh, byy uirdiyhh jex laii vecvag. Hitt jun, Sewjunx qra qasex jrih juer sir auw, u jniawsimx qapp jniawliam, nng qix kax siy' tac, jniawvingg dirr erkax dyw tanxkix jyr srxaix-aw-kunr ee hxingg.
Hitt sii, cid-vah xee Satullap Tnisinn dirr amwmii jenongw Sewjunx hiax beh vaiwqnir. Inx vangr cud qik bibiau ee qngx venww jiyr qui'ee Maddakucci. U vaiwqnir ar, inx hiongr Sewjunx qnialew liauxau dyrr dirr vnix:a kia. Dirr vnix:a kia ee qidiongx jit xui tnisinn dirr Sewjunx binrjingg sueh cud jitt dnxua hnuahiw ee ue, qongxx: "Sabunn Gotama kaksit si naga(lringg). Be hro soxx snix kiw ee qionglet koxtangr qapp sinkux soxx sriu byy kuaiwir ee kow laii vecvag. U jniawsimx qapp jniawliam jiacc lunw e diauu, jex si uaxkyr ix u naga(lringg) ee singr."
Hitt sii, lingrgua jit xui tnisinn dirr Sewjunx binrjingg sueh cud jitt dnxua hnuahiw ee ue, qongxx: "Sabunn Gotama kaksit si sraix. Be hro soxx snix kiw ee qionglet koxtangr qapp sinkux soxx sriu byy kuaiwir ee kow laii vecvag. U jniawsimx qapp jniawliam jiacc lunw e diauu, jex si uaxkyr ix u sraix ee singr."
Hitt sii, lingrgua jit xui tnisinn dirr Sewjunx binrjingg sueh cud jitt dnxua hnuahiw ee ue, qongxx: "Sabunn Gotama kaksit si vyxbew. Be hro soxx snix kiw ee qionglet koxtangr qapp sinkux soxx sriu byy kuaiwir ee kow laii vecvag. U jniawsimx qapp jniawliam jiacc lunw e diauu, jex si uaxkyr ix u vyxbew ee singr."
Hitt sii, lingrgua jit xui tnisinn dirr Sewjunx binrjingg sueh cud jitt dnxua hnuahiw ee ue, qongxx: "Sabunn Gotama kaksit si guqangw. Be hro soxx snix kiw ee qionglet koxtangr qapp sinkux soxx sriu byy kuaiwir ee kow laii vecvag. U jniawsimx qapp jniawliam jiacc lunw e diauu, jex si uaxkyr ix u guqangw ee singr."
Hitt sii, lingrgua jit xui tnisinn dirr Sewjunx binrjingg sueh cud jitt dnxua hnuahiw ee ue, qongxx: "Sabunn Gotama kaksit si e jicjair ee iongw guu. Be hro soxx snix kiw ee qionglet koxtangr qapp sinkux soxx sriu byy kuaiwir ee kow laii vecvag. U jniawsimx qapp jniawliam jiacc lunw e diauu, jex si uaxkyr ix u e jicjair ee iongw guu ee singr."
Hitt sii, lingrgua jit xui tnisinn dirr Sewjunx binrjingg sueh cud jitt dnxua hnuahiw ee ue, qongxx: "Sabunn Gotama kaksit si unsunn :ee. Be hro soxx snix kiw ee qionglet koxtangr qapp sinkux soxx sriu byy kuaiwir ee kow laii vecvag. U jniawsimx qapp jniawliam jiacc lunw e diauu, jex si uaxkyr ix u unsunn ee singr."
Hitt sii, lingrgua jit xui tnisinn dirr Sewjunx binrjingg sueh cud jitt dnxua hnuahiw ee ue, qongxx: "U hyw hyw siulen samadhi qycc simx ixx did diyc qaixtuad, be lingr quann iarr be dimm .lyc .kir, ix be virr iuxhingg ee joxgai qra apjer laii sanxsingx huanlyw. Jitt kuanw si javolangg lairdew ee lringg, javolangg lairdew ee sraix, javolangg lairdew ee vyxbew, javolangg lairdew ee guqangw, javolangg lairdew e jicjair ee iongw guu, javolangg lairdew unsunn :ee. Narr u si'angw sniu beh cimhuan jitt xee langg, hitt xee langg qamxx m si jin' byy diwhui?"
Brahmin siuhingrlangg,
Dirr vah huer diongqanx,
Dui' go xee Veda hagsip,
Jingjinr siulen koxhingg.
Inx hiaxee langg ee simhing,
Byy jinjniar qaixtuad,
Hiaxee langg ee singr baiw,
Be tangx qaur hitt hnua.
Virr iogbong siuqimr,
Siurr qaiwlut sokvak,
Qingquer vah nii,
Siulen koxhingg qionglet cohoo.
Hiaxee langg ee simhing,
Byy jinjniar qaixtuad.
Hiaxee langg ee singr baiw,
Be tangx qaur hitt hnua.
Qiaugno jurqyx,
Dirr jitt dah byy hanghok,
Byy hro simx cingjing :ee,
Berdangr u siamding ee diwhui.
Suizenn dandok druar dirr cimx snuax,
Qniavangr hongwdong,
Iauxx dirr sixmoo ee derhik,
Be tangx qaur hitt hnua.
Kiwsag qiaugno jurqyx ee qniagii,
Hro simx sxen qycc jigjing,
Soxu hing'uii longxx cingjing,
Dui' anxnex laii did diyc qaixtuad.
Dandok druar dirr cimx snuax,
Qniavangr byy hongwdong,
Dortuad sixmoo ee derhik,
Dyrr tangx qaur hitt hnua.
39. Huntnix ee Jaboxqniaw (I)
Guaw tniax .diyc .ee si anxnex. Hitt sijun, Sewjunx diamr dirr Vesali ee Dua Caa Vnuawlauu-aw Qangxdngg. Hitt sii, Huntnix ee jaboxqniaw Kokanada(Angg Lenhuex) Qongjuw vangr cud qig qibiau ee qngx venww jiyr dua ciurnaa, dirr lebingg ee sii jenongw Sewjunx hiax beh qingwvair. U qingwvair ar, ix hiongr Sewjunx qnialew liauw dyrr dirr vnix:a kia. Dirr vnix:a kia hitt xui Huntnix ee Kokanada Qongjuw dirr Sewjunx binrjingg cniur jitt siuw jimgensix, qongxx:
"Druar dirr Vesali ee ciurnaa,
Jiongwsingx ee siongrsiong,
Busiong Jniawqag Buddha,
Guaw Huntnix ee jaboxqniaw,
Kokanadå qra liw qiongqingr qnialew.
U bagjiux tangx juewjingr,
Jitt xee hxuad guaw ixjingg tniax .diyc,
Guaw jitmaw u knuar .diyc dyrr jaix,
Sxen Quewongw Muni soxx qawsi :ee.
Bylun zimrhyy langg,
Narr laii huixvongr jitt xee singwhuad,
Hongr hongr ee gong langg,
E duirlyc Roruva(Qiywhuah) Dergak,
Qingquer dngquw ee qiapsor sriu tongwkow.
Bylun zimrhyy langg,
Narr jigjing qapp zimxnai,
Cinqin jitt xee singwhuad :ee,
Qra sintew siar liauw li ee sii,
Ingqaix e tnisinn ciongmuaw."
40. Huntnix ee Jaboxqniaw (II)
Guaw tniax .diyc .ee si anxnex. Hitt sijun, Sewjunx diamr dirr Vesali ee Dua Caa Vnuawlauu-aw Qangxdngg. Hitt sii, Huntnix ee jaboxqniaw Culako Kanada(Siyw Angg Lenhuex) Qongjuw dirr lebingg vangr cud qig qibiau ee qngx venww jiyr dua ciurnaa. Ix jenongw Sewjunx hiax beh qingwvair. U qingwvair ar, ix hiongr Sewjunx qnialew liauw dyrr dirr vnix:a kia. Dirr vnix:a kia hitt xui Huntnix ee Siyw Angg Lenhuex Qongjuw dirr Sewjunx binrjingg cniur jitt siuw jimgensix, qongxx:
"Nawqngx hiacc cnixbak ee bixmau,
Guaw Huntnix ee jaboxqniaw,
Siyw Angg Lenhuex laii qaur jiax,
Lexqingr Vut qapp Hxuad,
Gimm u ywgi ee jimgensix.
Jitt hy kuanw ee singwhuad,
U jiongxjiongw ee huatmngg.
Suizenn hiacnirr je,
Beh it'id laii qongw kiw.
Qniwnarr guaw u yc .diyc qir did simtauu :ee,
Beh coliok laii qangxsuad inx ee iwgi.
Bylun sintew, cuir, iacc iwliam,
Dirr jitt xee sewqanx,
Itcer ee og longxx byy juer.
Qapp iogbong li hng hng,
U jniawsimx qapp jniawliam,
M tangx kir singsiu byy lirig soxx druar .laii,
Itcer ee koxnauw.
(GO) Decc Dyc
41. Dngdecc dyc
Guaw tniax .diyc .ee si anxnex. Hitt sijun, Sewjunx dirr Shravasti Sniaa Jeta Ciurnaa ee Anathapindika Hngg kiarkiw. Hitt sii, u tnisinn dirr lebingg vangr cud qik bibiau ee qngx venww jiyr qui'ee Jeta Hngg, uaw kir Sewjunx hiax beh cingxmng. U cingxmng ar, ix hiongr Sewjunx qnialew liauw dirr vnix:a kia. Dirr vnix:a kia hitt xui tnisinn dirr Sewjunx ee binrjingg cniur jitt siuw jimgensix, qongxx:
"Huew dyc siyx cur,
Qra soxu mihqnia vnuax .cud .kir.
Dogdok in'ui cur-lai ee mic,
U lirig m tangx siyx.
Anxnex dirr jitt xee sewqanx,
Lau, siw, huew dyc decc siyx.
Iong vowsix qra vnuax .cud .kir,
Soxx sisiar :ee virr vnuax .cud .kir.
Sisiar tangx did kuaiwlok ee quewjiw,
Byy sisiar byy jitt hy quexjiw.
Iong ciapdy iacc juer ongg laii cniuxduat,
Virr huew siyx jiauu byy .kir.
Jitt hy kuanw huwzu ee sintew,
Siw ee sii soxu iarr longxx diyhh vangwhe.
Henzinn jaix jitt hy dyrliw,
Hiangxsiu huwquir qycc gauu vowsix,
Hyw hyw liriong qycc u vowsix,
Ongxsingx tniqair be siurr jikjue."
42. Sisiar Sniaw
[tnisinn]
"Sisiar sniaw si sisiar kuiwlat?
Sisiar sniaw si sisniar bixmau?
Sisiar sniaw si sisiar anlok?
Sisiar sniaw si sisiar ganxsig?
Sisiar itcer :ee si si'angw?
Guaw soxx mng :ee cniaw kaiqaiw."
[Sewjunx]
"Sisiar sidbut diyrr si sisiar kuiwlat.
Sisiar ihok diyrr si sisiar bixmau.
Sisiar ciabew diyrr si sisiar anlok.
Sisiar denrhuew diyrr si sisiar ganxsig.
Sisiar kiarkiw ee cur :ee,
Diyrr si sisiar itcer.
Qangxqaur jniawhuad :ee,
Diyrr si sisiar be sixbyy."
43. Jiahsit
[tnisinn]
"Bylun tnisinn iacc langg,
Longxx qra jiac dongwjuer kuaiwlok.
E byy air jiac :ee,
Si sniaxmih kuanw Iasha(Iarcex)?"
[Sewjunx]
"U sinr qycc simx cingjing :ee,
Sisiar sidbut ee langg
Jitt sxer qapp au sxer,
Longxx tangx did diyc jiahsit.
Mrjiacc qongxx kiwduu qenlin,
Gauu sisiar tangx laii jenr ngiaa qau sxenx.
Qongdig si jingwlangg
Qniaa hiongr au sxer ee dorjuntauu."
44. Jit Diauu Qinx
[tnisinn]
"Jiax u jit diauu bubingg ee qinx,
Iaxqycc u nng xee juixqngxlee,
Iarr u snax jiongw uwuer,
Qycc u go xee derdniuu u go jiongw iogbong.
Duarhaiw u jap-zi xee qngxjng,
Singwhenn tangx ciauuat cimenx dergak."
45. Uanzinn
[tnisinn]
"Ix ee miasniax dngrr kuatham,
U qnir diyc ywgi.
Sisiar diwhui,
Byy jipdiok dirr iogbong ee siu.
Ixx jaiqiyh itcer ee henzinn,
Qniaa dirr singwhenn ee dyrlo,
Si dua singwzinn."
46. Senluw
[tnisinn]
"Senluw decc vauuii,
Inx bersux jit din suh huih ee qxuiw.
Jitt dah qiyr juer Gucix Nxaa,
Anwjnuaw tangx dytuad .cud .kir?"
[Sewjunx]
"Jitt diauu lo cxingx juer jingwdit,
Jitt xui qiyr juer byy qniahniaa,
Ciax hy juer byy kihkickogkok ee sniax,
U draur hxuad ee lenw-aw.
Qenwisuar juer kongwjewdaii,
Jniawliam si dniuwlii.
Guaw qra hxuad qiyr juer ciahux,
Jniawqenr si kuilo :ee.
Jre jitt kuanw ciax ee langg,
Si luw iacc si lxamm,
Uaxkyr jre jitt daii ciax,
Tangx qaur qaxx Nibbana."
47. Jyrlimm
[tnisinn]
"Smixmic langg ee qongdig,
Zid'ia dniardnia jingtiamx?
U siuw qaiwlut qycc anju dirr Hxuad(Dhamma) :ee,
Bylun si'angw iarr tangx ongsingx kir tenqair?"
[Sewjunx]
Jingr ciu, jyrlimm,
Jy qiyniuu :ee,
Qrut jnew, qiongqib tangx limx ee juiw,
Qenwjy jurqux :ee,
Jiaxee langg ee qongdig,
Zid'ia vitdnia jingtiamx.
Anju dirr Hxuad(Dhamma) qycc u siuw qaiwlut :ee,
Jitt hy langg tangx kir tenqair."
48. Jeta Ciurnaa
[tnisinn]
Jiax kaksit si Jeta Ciurnaa,
Sxingr ee jinglu dirr jiax kiarkiw,
Hxuad ee ongg dirr jiax druar,
Jit xui si hro guaw hnuahiw ee soxjai.
Senrhing, diwhui, ciqair,
sendnia, qapp jingwdit ee singwbing,
Langg tangx did cingjing narr u jiauww jitt kuanw.
Narr kyr miasner iacc jaihur,
Be did diyc cingjing.
Mrjiacc qongxx u diwhui ee henzinn,
Ixx qaqi ee lirig jyr sukyw,
Iarr diyhh suanxdik jniawhuad,
Dycc jit kuanw jiacc tangx did cingjing.
Uaxkyr ciqair qapp diwhui,
Tangx qaur qaxx jigjing,
Dyrr cincniu Sariputa.
Narr u bikiu tangx qaur hitt hnua,
Siongrdingxsiong ingdongx dyrr si anxnex."
49. Qenlin
[tnisinn]
"Jitt sxer qenlin :ee,
Qedjiw m sisiar,
Lexme qiuqid :ee.
Vadd langg decc sisiar,
Ix Iarr beh joxdongr.
Jitt kuanw langg quer jitt sxer liauxau,
Qetqyw e zuhyy?
Laiii jiax mng Sewjunx,
Guanw jiaxee ixx jex,
Ingdongx laii liauxqaiw sniaw?"
[Sewjunx]
"Jitt sxer qenlin :ee,
Qedjiw m sisiar,
Lexme qiuqid :ee.
Vadd langg decc sisiar.
Ix Iarr beh joxdongr.
Jitt kuanw langg ongxsingx,
E kir dergak, juer jingsnix,
Iacc kir Iarmoo(Iama) ee sewqair.
Narr junw laii zinqanx,
E cutsir dirr sanwjiah qadingg.
Dirr hiax yh did diyc
Ihok, jiahsit, iuguanw, qapp hiongxlok.
Gong langg soxx ngwbang :ee,
Puser ee kuaiwlok lann did .diyc.
Jitt sxer u jitt jiongw qryw,
Birlaii qycc e duirlyc og dy."
[tnisinn]
"Soxx qongw :ee guanw jiaxee u liauxqaiw ar.
Qycjaiww mng Gotama,
Jitt sxer did langsinx,
U cimdimm ee juvix qycc lii qenlin,
Hnuahiw sinr Sewjunx,
Cimx cimx qingwdiong hxuad qapp jinglu.
Jitt kuanw langg quer jitt sxer liauxau,
Qetqyw e zuhyy?
Dnaxx laii mng Sewjunx,
Guanw jiaxee ingdongx laii liauxqaiw sniaw?"
[Sewjunx]
"Jitt sxer did langsinx,
U cimdimm ee juvix qycc lii qenlin,
Hnuahiw sinr Sewjunx,
Cimx cimx qingwdiong hxuad qapp jinglu.
Jitt kuanw langg ongxsingx,
Inx ee qonghuix e jiyr venww tenqair.
Qaxsuw laii zinqanx,
E cutsir dirr huwquir qadingg.
Dirr hiax jin' iongngi did diyc
Ihok, jiahsit, iuguanw, qapp hiongxlok.
Vadd langg soxx liabjig,
Ix tangx juriuu kuaiwlok hiongxsiu.
Jitt sxer u jitt jiongw qryw,
Birlaii qycc e cutsir dirr tenqair."
50. Siyx Huii :ee
[Gatikara]
"Bikiu did qaixtuad u cid xee langg,
Ongxsingx kir qaur Aviha (Byy Huanlyw Tnix).
Iogbong qapp uanwhun itjin byy cunx,
Ixqingx dortuad duiww sewqanx iogbong ee jipdiok."
[Sewjunx]
"Ciautuad sixmoo ee lingxhik jin' lann,
Si'angw tangx tuatlii lamwde?
Jitt sxer qra jitt xee langsinx siar liauxau,
Tangx tuatlii tnix ee ioksog :ee si si'angw?"
[Gatikara]
"Upaka, Palaganda,
Qapp Pukkasati longxjongw jitt snax xee.
Bhaddiya, Bhaddadeva,
Bahudanti, qapp Pingiya,
Jiaxee langg siar langsinx,
Iarr si tangx tuatlii tnix ee ioksog :ee."
[Sewjunx]
"Dytuad xmoo Mara ee uahdauh,
Qongw qaxx jin' driyc.
Inx jiaxee jaix sniaw hxuad,
Laii dngrjuat sokvak?"
[Gatikara]
"Sewjunx ee hxuad ixgua byy vadd hxang,
Sewjunx qar :ee ixgua byy vadd jiongw.
Inx hiaxee jaix jitt xee hxuad,
Laii dngrjuat sokvak.
Soxu ee miaa qapp siksinx,
Itjin byy cunx.
Jitt sxer jaix jitt xee hxuad,
Inx dngrjuat soxu ee sokvak."
[Sewjunx]
"Yh jaix qycc yh gro,
Liw qongw cim'yr ee ue.
Liw jaix sniaw langg ee hxuad,
Laii qongw jiaxee ue?"
[Gatikara]
"Dirr quewkir sxer guaw Gatikara,
Dirr Vehalinga ee soxjai decc siyx huii,
Laii hongrtai laurve qapp laurbuw.
Kasaap Zulaii jitt sxer,
Juer upasaka(qusu),
Qapp iogbong li hng hng,
Byy iogbong u siuhing.
Guaw vunxdew si liw ee donghiongx,
Jingg sxer si liw ee ving'iuw.
Guaw jniarjniar si,
Did qaixtuad bikiu cid xee qidiongx jit xee.
Tamx qapp hun itjin byy cunx,
Jaix dortuad sewqanx ee iogbong :ee."
[Sewjunx]
"Bhaggava,
Liw soxx qongw :ee byy m driyc.
Liw ixjingg si siyx huii :ee,
Dirr Vehalinga ee soxjai decc siyx huii.
Qapp iogbong li hng hng,
Byy iogbong u siuhing.
Si guaw ee donghiongx,
Quewkir sxer kaksit si guaw ee ving'iuw.
Dirr jiax dauwdin siuhing,
Buexsinx u nng langg,
Duw diyc sikzit qowiuw,
Sursit dyrr si anxnex. "
(LAK) Lau
51. Lau
[tnisinn]
"Lau ee sii sniaw si sxen?
Sniaw si sxen narr kia jai ar?
Sniaw si langg dinsiyh ee vyw?
Sniaw ciapdy duat be kir?"
[Sewjunx]
"Lau ee sii ciqair jueww derr id sxen.
U sinwgiongw narr kia jai ar.
Diwhui si langg dinsiyh ee vyw.
Qongdig ciapdy duat be kir."
52. Bue Lau
[tnisinn]
"Bue lau sniaw si sxen?
Sniaw si sxen narr u qicow?
Sniaw si langg dinsiyh ee vyw?
Sniaw ciapdy vnuax be kir?"
[Sewjunx]
"Bue lau ciqair si sxen.
Sinwgiongw si sxen narr u qicow.
Diwhui si langg dinsiyh ee vyw.
Qongdig ciapdy vnuax be kir."
53. Ving'iuw
[tnisinn]
"Sniaw si luxhingg-sii ee ving'iuw?
Sniaw si cur nirr ee ving'iuw?
Sniaw si iauwqinw sii ee ving'iuw?
Sniaw si birlaii ee ving'iuw?"
[Sewjunx]
"Kecsiongx si luxhingg-sii ee ving'iuw.
Laurbuw si cur nirr ee ving'iuw.
Iauwqinw sii ee ving'iuw si,
Dagg vaiw Iauwqinw sii longxx laii juewpnua.
Juer qongdig :ee,
Si qaqi birlaii ee ving'iuw."
54. Jicii
[tnisinn]
"Sniaw si langg ee jicii?
Sniaw si jitt sxer siongrr hyw ee ving'iuw?
Singbut dirr toxde kiarkiw,
Rair kyr sniaw iongxiok?"
[Sewjunx]
"Qniaw si langg ee jicii.
Bow si siongrr hyw ee ving'iuw.
Singbut dirr toxde kiarkiw,
Rair kyr horjuiw iongxiok."
55. Snix ee Dingxinx (I)
[tnisinn]
"Sniaw snix cud langg?
Langg si sniaw decc punjauw?
Sniaw duirlyc lunhuee?
Langg siongrr qniax sniaw?"
[Sewjunx]
"Iogbong laii snix cud langg.
Langg ee simx decc punjauw.
Jiongwsingx duirlyc lunhuee.
Koxnauw langg siongrr qniax."
56. Snix ee Dingxinx (II)
[tnisinn]
"Sniaw snix cud langg?
Langg si sniaw decc punjauw?
Sniaw duirlyc lunhuee?
Uirr sniaw be qaixtuad?"
[Sewjunx]
"Iogbong laii snix cud langg.
Langg ee simx decc punjauw.
Jiongwsingx duirlyc lunhuee.
Uirr kow be qaixtuad."
57. Snix ee Dingxinx (III)
[tnisinn]
"Sniaw snix cud langg?
Langg si sniaw decc punjauw?
Sniaw duirlyc lunhuee?
Langg ijiauw sniaw lunhuee?"
[Sewjunx]
"Iogbong laii snix cud langg.
Langg ee simx decc punjauw.
Jiongwsingx duirlyc lunhuee.
Langg jjiauw kamma(giap) lunhuee."
58. Huidy
[tnisinn]
"Sniaw qiyr juer siady?
Sniaw zid'ia decc bet .kir?
Sniaw si siuhing ee lasamm?
Sniaw si benw juiw ee sexik?"
[Sewjunx]
"Iogbong si siady.
Cingcunx zid'ia decc bet .kir.
Jabow si siuhing ee lasamm,
Langg dirr jitt hxang e jipdiok.
Koxhingg qapp siuing,
Si benw juiw ee sexik."
59. Pnua
[tnisinn]
"Sniaw si langg ee pnua?
Qycc sniaw decc qar ix?
Ix hnuahiw air simxmic,
Tangx tuatlii jiongww koxnauw?"
[Sewjunx]
"Sinwgiongw si langg ee pnua.
Diwhui decc qar ix.
Hnuahiw air Nibbana(liappuann) :ee,
Tangx tuatlii jiongww koxnauw."
60. Six
[tnisinn]
"Janwbiw-six si sniaw decc qra tner lehh?
Ix ee viauqir si sniaw?
Janwbiw-six ixx sniaw jyr uaxping?
Sniaw si jimgensix soxx druar ee cur?"
[Sewjunx]
"Zirun qra janwbiw-six tner lehh.
Bunzi si ix ee viauqir.
Janwbiw-siw ixx miaa juer uaxping.
Sizinn si ix soxx druar ee cur."
(CID) Ngiaa .quer
61. Miaa
[tnisinn]
Sniaw ngiaa quer itcer,
Byy sniaw tangx ngiaa quer ix?
Si simxmic,
Itcer longxx sriok ix decc kongwjer?"
[Sewjunx]
"Miaa ngiaa quer itcer,
Byy sniaw tangx ngiaa quer ix.
Si miaa,
Itcer longxx sriok ix decc kongwjer."
62. simx
[tnisinn]
"Sewqanx siurr sniaw decc iuxcua,
Siurr sniaw decc tuavuic?
Si simxmic,
Itcer longxx sriok ix decc kongwjer?"
[Sewjunx]
"Sewqanx siurr simx decc iuxcua,
Siurr simx decc tuavuic.
Si simx,
Itcer longxx sriok ix decc kongwjer."
63. Iogbong
[tnisinn]
"Sewqanx siurr sniaw decc iuxcua,
Siurr sniaw decc tuavuic?
Si simxmic,
Itcer longxx sriok ix decc kongwjer?"
[Sewjunx]
"Sewqanx siurr iogbong decc iuxcua,
Siurr iogbong decc tuavuic.
Si iogbong,
Itcer longxx sriok ix decc kongwjer."
64. Qad
[tnisinn]
"Sewqanx siurr sniaw soxx vak?
Ixx sniaw vo laii qnia'iuu?
Diyhh quacsiar sniaw mihqnia,
Jiacc qiyr juer Nibbana(liappuann)?"
[Sewjunx]
"Sewqanx siurr hixlok soxx vak.
Ixx cuerqiuu ee vo laii qnia'iuu.
Quacsiar iogbong :ee,
Tangx qiyr juer Nibbana(liappuann)."
65. Sokvak
[tnisinn]
"Sewqanx siurr sniaw soxx vak?
Ixx sniaw vo laii qnia'iuu?
Diyhh quacsiar sniaw mihqnia,
Tangx dngrjuat itcer sokvak?"
[Sewjunx]
"Sewqanx siurr hixlok soxx vak.
Ixx cuerqiuu ee vo laii qnia'iuu.
Quacsiar iogbong :ee,
Tangx dngrjuat itcer sokvak."
66. Koxcow
[tnisinn]
"Sewqanx virr sniaw koxcow?
Virr sniaw laii uikunr?
Virr sniaxmih cniux duhsiongx?
Siongsiongg virr sniaw decc qra siyx?"
[Sewjunx]
"Sewqanx virr sixbongg koxcow.
Virr lau laii uikunr.
Virr iogbong ee cniux duhsiongx.
Siongsiongg virr iogbong decc qra siyx."
67. Tuatui
[tnisinn]
"Sewqanx virr sniaw laii tuatui,
Virr sniaw laii uikunr?
Sewqanx virr sniaw qnuiqimr,
Ixx sniaw laii qenwlip?"
[Sewjunx]
"Sewqanx virr iogbong laii tuatui,
Virr lau laii uikunr.
Virr sixbongg qnuiqimr,
Sewqanx ixx koxnauw laii qenwlip."
68. Qnuiqimr
[tnisinn]
"Sewqanx virr sniaw qnuiqimr,
Ixx sniaw laii qenwlip?
Sewqanx virr sniaw laii tuatui,
Virr sniaw laii uikunr?"
[Sewjunx]
"Sewqanx virr sixbongg qnuiqimr,
Sewqanx ixx koxnauw laii qenwlip.
Sewqanx virr iogbong laii tuatui,
Virr lau laii uikunr."
69. Iogbong
[tnisinn]
"Sewqanx siurr sniaw soxx vak?
Hanghok sniaw laii did qaixtuad?
Diyhh quacsiar sniaw mihqnia,
Tangx dngrjuat itcer sokvak?"
[Sewjunx]
"Sewqanx siurr iogbong soxx vak.
Hanghok iogbong tangx did qaixtuad.
Quacsiar iogbong :ee,
Tangx dngrjuat itcer sokvak."
70. Sewqanx
[tnisinn]
"Sniaw suxx sewqanx laii snix cud,
Sniaw hro inx hiabhyy?
Knii diauu dirr sniaxmic,
Sewqanx decc siurkow?"
[Sewjunx]
"U lak hxang laii suxx sewqanx snix cud,
U lak hxang hro inx hiabhyy.
Jipdiok dirr jitt lak hxang,
Sewqanx dirr jitt lak hxang siurkow."
(VEH) Dng
71. Taii
Kia dirr vnix:a ee jitt xuii tnisinn iong jimgensix hiongr Sewjunx qongw:
"Taii sniaw hnuahiw kunr?
Taii sniaw be visiongx?
Taii driau sniaw,
Gotama ylyw janw?"
[Sewjunx]
"Taii hunwlo hnuahiw kunr.
Taii hunwlo be visiongx.
Jiongww tnisinn qra qinx u dok,
Buextauu naxx bit ee hunwlo taii siw,
Singwzinn ylyw qra taii driau.
Taii liauw be visiongx."
72. Ciax
[tnisinn]
"Sniaw si ciax ee qiwhy?
Sniaw si huew ee qiwhy?
Sniaw si ongg ee qiwhy?
Sniaw si hurzinlangg ee qiwhy?"
[Sewjunx]
"Qii si ciax ee qiwhy.
Enx si huew ee qiwhy.
Ongg si qog ee qiwhy.
Angx si bow ee qiwhy."
73. Jaihur
[tnisinn]
"Langg dirr jitt sewqanx,
Sniaw si siongrr hyw ee jaihur?
Juer sniaw senrsu,
Tangx duar laii anlok?
Sniaxmic kuanw quexjiw,
Jubi siongrdingxsiong?
Sniaw kuanw ee sing'uac,
Uac qaxx siongrqaiww suwsi?"
[Sewjunx]
"Langg dirr jitt sewqanx,
Sinr si siongrr hyw ee jaihur.
Narr hyw hyw siuhing Hxuad(Dhamma),
Tangx duar laii anlok.
Jinsit si quexjiw,
Si siongrdingxsiong ee jubi.
Quer diwhui ee sing'uac,
Uac qaxx siongrqaiww suwsi."
74. Ho
[tnisinn 1]
"Sniaxmic hiongwsiong siongrr hyw?
Sniaxmic qangwlyc siongrr hyw?
Sniaxmic qniasuaw siongrr hyw?
Sniaw langg ee uergiw siongrr hyw?
[tnisinn 2]
"Jingxjiw hiongwsiong siongrr hyw.
Horjuiw qangwlyc siongrr hyw.
Guu decc qniasuaw siongrr hyw.
Ginxaw ee uergiw siongrr hyw."
[Sewjunx]
"Bingdix hiongwsiong siongrr hyw.
Bubingg qangwlyc siongrr hyw.
Jinglu(sangha) decc qniasuaw siongrr hyw.
Vuddyy ee uergiw siongrr hyw."
75. Kiongxhongg
[tnisinn]
"U jerje jiongw hxuad decc qar,
Jnuaxngiu jitt sewqanx kiongxhongg :ee qycc hiacc je?
U dua diwhui :ee,
Gotama guaw cingxmng:
Diyhh anwjnuaw kiarkiw,
Langg dirr jitt sewqanx be kiongxhongg?"
[Sewjunx]
"Jingwkag ee ue qapp ir,
Srinx byy juer og,
Narr dirr huwzu qadingg,
U sinr qycc ziusun,
Juer sxen qycc zinjuu.
Dirr jitt sir jiongw hxuad kiarkiw,
Dirr jitt sewqanx be kiongxhongg."
76. Be Suebii
[tnisinn]
"Sniaw e suebii, sniaw be suebii?
Sniaw qiyr juer siaa dy?
Sniaw si jniawhuad ee jiongwgai?
Sniaw mii lenn zit decc byy .kir?
Sniaw e cik'or siuhing?
Sniaw si benw juiw ee sexik?
Sewqanx u zuarr je kangkiah,
Simx dirr hiax kia be diauu?
Guanw jiaxee laii mng Vut,
Guanw jiaxee rair anwjnuaw laii lixqaiw?"
[Sewjunx]
Siksinx e suebii,
Langg ee sner be suebii.
Tamluann iogbong qiyr juer siaa dy.
Qenlin qapp tamsimx si jniawhuad ee jiongwgai.
Jaboxlangg e cik'or siuhing,
Langlangg jipdiok dirr jitt hxang.
Koxhingg qapp siuhing,
Si benw juiw ee sexik.
Sewqanx u lak xee kangkiah,
Simx dirr hiax kia be diauu:
Vinrdnua, hongr hongr,
Byy jingkunn, byy jetjer,
Air kunr, qapp senrtauu,
Diyhh qapp jiaxee itcer li hng hng."
77. Quanvingr
[tnisinn]
"Sniaw si sewqanx ee quanvingr?
Sniaw si siongrr hyw ee mic?
Sniaw si snix sxenx ee kiamr?
Sniaw si sewqanx ee dogliuu?
Si'angw qra mic tec .kir e qra jorjiw?
Si'angw qra mic tec .kir si hyw dai?
Si'angw jiap laii,
Henzinn e hnuahiw?"
[Sewjunx]
"Jurjuw si sewqanx ee quanvingr.
Luxzinn si siongrr hyw ee mic.
Hunwlo si snix sxenx ee qiamr.
Cat-aw si sewqanx ee dogliuu.
Cat-aw qra mic tec .kir e qra joxjiw.
Sabunn qra mic tec .kir si hyw dai.
Sabunn jiap laii,
Henzinn e hnuahiw."
78. Air
[tnisinn]
"Hingr air :ee,
Sniaw m tangx quacsiar .cud .kir?
Sniaw m vangwhed?
Ingqaix vangr cud ee sxen si sniaw?
Byy ingqaix vangr cud ee og si sniaw?"
[Sewjunx]
"Hingr air :ee,
Qaqi m tangx quacsiar .cud .kir.
Qaqi m tangx vangwhed.
Ingqaix vangr cud senrliongg ee gensuu,
M tangx vangr cud og ee ue."
79. Bixniuu
[tnisinn]
"Sniaw hro bixniuu unxdangr?
Sniaw si jaihur ee janwqingx?
Sniaw suxx langg tongwkow?
Sniaw sewqanlangg yh quacsiar?
Kyxviw jiauw virr dauh .diyc,
Huanzinn virr sniaw soxx vak?"
[Sewjunx]
"Sinwgiongw hro bixniuu unxdangr.
Qetsiongg si jaihur ee janwqingx.
Iogbong suxx langg tongwkow.
Iogbong sewqanlangg yh quacsiar.
Kyxviw jiauw virr dauh .diyc,
Huanzinn virr iogbong soxx vak."
80. Huatqngx
[tnisinn]
"Dirr sewqanx sniaw e huatqngx?
Dirr sewqanx sniaw be kunr .kir?
Sniaw dauwdin jycsid?
Sniaw si uigii ee lo?
Kyxviw laurbuw cri qniaw,
Sniaw ngiuxci dairban :ee,
Iarr ngiuxci jingjinr :ee?
Druar dirr toxde ee singbut,
Si kyr sniaw ngiuxci,
Jiacc tangx singjunn?"
[Sewjunx]
"Diwhui dirr sewqanx e huatqngx.
Jniawliam dirr sewqanx be kunr .kir.
Guu dauwdin jycsid.
Canhnua si uigii ee lo.
Kyxviw laurbuw cri qniaw,
Horjuiw ngiuxci dairban :ee,
Iarr ngiuxci jingjinr ee langg.
Druar dirr toxde ee singbut,
Si kyr horjuiw ngiuxci,
Jiacc tangx singjunn."
81. Be Siy' Jner
[tnisinn]
"Jitt sewqanx si'angw be siy' jner?
Si'angw uac lehh byy huhuir?
Si'angw jin' jaix iogbong,
Suwsiongg si juriuu ee langg?
Si'angw qenwlip qaqi ee dy,
Verbuw qapp hniadi qra lexqingr?
Cutsir suizenn vijen,
Khattiya Dewongg,
Soxx junqingr :ee si si'angw?"
[Sewjunx]
"Jitt sewqanx sabunn be siy' jner.
Sabunn uac lehh byy huhuir.
Sabunn jin' jaix iogbong,
Suwsiongg si juriuu ee langg.
Sabunn qenwlip qaqi ee dy,
Verbuw qapp hniadi qra lexqingr.
Cutsir suizenn vijen,
Khattiya Dewongg qra junqingr."