DERR 28 JNIUX
GUARKYX EE QETHUDJINGR
Sowinx (素因, Predisposing causes):
1. Verbuw u jitt hy vni, ix ee qniaw ee sintew be iongw, soxiw kacc kuair ziamw diyc qethudjingr.
2. Langg ee hingkamw sniu’ vnii, e drir qaur qethudjingr.
3. Ginxaw, qapp siauwlenlangg, kacc e ziamw diyc.
4. Kongkir byy qraur, cur nirr akjag, din’aix qapp suax kacc je.
5. Quxdngg ee vni, cincniu quxdngg sraur, naauu dniardnia tniar; quanjad kap .diyc, qongr .diyc, iarr kacc kuair ziamw diyc jitt hy vni.
6. Sidbut vutjiog, dui’ anxnix sintew e kacc sueziok, e kacc kuair ziamw .diyc. Narr si guu ee lingvongg (乳房, udder) u qethudjingr, dui’ hiax sewkunw e zip gulingx; jiac hitt hy gulingx e ziamw diyc qethudjingr.
Guaninx: Jitt hy vni ee guaninx si qethudkunw. Jitt hy sewkunw, ursii zip dui’ hiwqngw qapp hiwjong, ursii dui’ siauhuawkir zip. Dirr bxow soxjai ingi ee juxjiac u hiwlyy vni, byy zuarr quw lak xee isingx iarr u ziamw .diyc jitt hy vni. Si dui’ juxjiac tamm-lai ee qethudkunw u bag diyc isingx ee sidbut, soxiw tuanziamw diyc qethudjingr. Dui’ u siongx ee puehux acc si liammoc, sewkunw e zip. Hitt xee sewkunw zip langg ee singkux liauxau, ursii langg narr iongxqnia, sewkunw e siw. Sewkunw laii qaur singkux-lai duw diyc vehhuicqiuu hro ix jiac, jiurr siw, jitt xee vehhuicqiuu ee miaa, qiyr juer jiahkunw sewvaux (食菌細胞, phagocyte). Jitt xee si dui’ singkux u kongwdok ee kuiwlat. Piwlun laii qongw, qethudkunw si qongqig ee duiwdik, jiahkunw sewvaux, jiurr si singkux dihongg ee qunvingx. Jitt nng vingg sna’ qaujenr. Singkux narr iongxqnia, e kacc ngiaa, iarr sewkunw e siw. Jongw .si singkux narr sueziok, acc si jiamrsii byy iongw, qniax liauw qethudkunw e ngiaa, liamvnix snitnuar.
Narr dirr limvajnuaa-lai, hiaxee sewkunw dairsingx e juer jit liap jit liap qiyr juer qethut, jiaxee aurlaii siy’ hap juer kacc dua liap, qiyr juer qethudqetjad (結核結節, nodule), naxx quw naxx dua qaur aurlaii dirr hitt liap-lai u vec vec ee mic, cincniu gulingvniaw. Narr iuguann qycc qniaa, byy zuarr quw e vniwjniaa lang’iongg, e qaur puehux-gua cud lxangg; narr anxnix jiurr yh did hyw.
Narr duxaxx tuanziamw, langg tranr hyw ee huatdo, hiaxee qethut ee liap e kacc dax, kacc ding, hitt liap ee siwuii e snix qetdewjid, jiurr si kacc ding ee jid, laii vauuii qethut. Jitt liap naxx quw naxx ding, liap-lai ee lxangg e hro huih ee jiahkunw sewvaux jiac .kir, acc si vniwjniaa ding jid cincniu jiyc ee kuanw, qiyr juer jiyhhex venwsingr, (石炭變性, calcification).
Dirliauhuad si vutjiw iauwqinw. Hiyckunr. Hyw ee kongkir, cincniu snuadingw acc si haiw-qnii. Narr siongsiongg dirr guarbin kacc hyw.
Hyw ee sidbut, iarr diyhh qauwgiac, cincniu gulingx, qenng, acnng, hiiuu, gubah, qebah, qapp vingsiongg u vow ee sidbut. Iuu ee sidbut. Langg ee singkux narr hoksiong kacc be ziamw diyc qethudjingr.
Qycc jit xee hxuad, jiurr si ing tuberculin laii juwsia.
Ursii diyhh ciuxsut.
Guarkyx digvet ee qethudjingr:
Qethudjingr u jin’ je kuanw, cincniu qethudjingr ee lang’iongg, limvajnuaa qethut, qud qethudjingr, jngxtauaw qethudjingr, quanjad qethudjingr, jikjuiqud qethudjingr, sinrjong qethudjingr, vakmoc qethudjingr.
Qethudjingr ee lang’iongg si banrsingr :ee. Kacc siongg dirr lang’iongg ee erdew si qud, quanjad, acc si limvajnuaa qethut. Cincniu iyjuiqud narr u qethudjingr, ursii e snix lang’iongg, iarr hitt hy lxangg dui’ hitt xee urvni jikjuiqud ee jingbin, qaur qutvnuaa taujingg ee soxjai, jiacc dui’ katuiw eejingbin jingw .kiw .laii. Hitt hy lang’iongg ee lxangg, si viw vingsiongg lxangg kacc qau, kacc vec, kacc cincniu caur gulingx ee kuanw (derr 241 a, 241 b doo).
Jitt hy lang’iongg, ursii qaqi e kipsiux sriaux .kir, acc si puawpuee, acc si zip dirr liammoc ee qngw-lai. Narr si anxnix e qapp vadd kuanw ee bisingbut siy’ camx, vnirlangg kacc kuair huad siauhnowzet (消耗熱) iarr kacc kuair siw .kir. Qra ix ciuxsut liauxau, ursii ehyw, kacc siongg ban ban.
Jingwjong: U jit liap, ban ban kiw, be simxmic tniar; narr tniar, si dui’ guanvunw ee vni, cincniu qud u vni. Jitt hy lang’iongg si kacc lingw, m si siyx, byy angg byy huatzet.
Dirliauu: Narr qra ix ciuxsut, diyhh jin’ cingkir. Qra ix taii acc si jiamx liauxau, diyhh tni hro bat, m tangx ing hro lxangg lrauu .cud .laii ee hxuad (inxlauhuad). Diyhh vutjiw siyxsimx, m tangx hro vadd kuanw ee bisingbut ziamw .diyc. Kongwqethudjingr ee dirliauhuad, jiurr si hyw ee sidbut ixqip kongkir hitt hy.
Limvajnuaa qethut (淋巴腺結核, tubercular glands) ee guaninx, si siauwlenlangg, sidbut qapp uersingx m hyw, jiuwkiw, vnixtyjnua’iam (扁桃腺炎, tonsikllitis).
Amrqunw ee limvajnuaa kacc je, qyc’erkangx, qapp qaixvnix :ee, kacc hranw .did, jongw .si iuguann u.
Limvajnuaa venr dua, siwuii ee jojid qapp limvajnuaa siy’ liamm, jnuaa-lai venwngua, cincniu gulingvniaw hitt hy, snix lang’iongg.
Dirliauu: Kongwqethudjingr (抗結核症, antitubercular) ee dirliauhuad. Ciuxsut, limvajnua diaccud (淋巴腺摘出, excision of glands), acc si lang’iongg quah kuix qycc kaux.
Qud qethut: Jitt hyw qud vni u quixnarr kuanw, kacc siongg duw diyc ee soxjai si dirr dngg qud ee buexliux, acc si dirr quanjad ee nngxqud ee erdew. Ursii dui’ jitt xee enqor qud e caur. Qutmoc iarr e ziamw diyc qethut, cincniu hiabqud, qapp jikjuiqud; qud-lai ee jojid e ziamw .diyc, kacc siongg si ciuxjnaixqud, ciuxnguaxqud, hurqud. Qud-lai snix lang’iongg.
Quanjad qethut: Jitt xee quanjad qethudjingr ee kixtauu, ursii si in’ui qongr .diyc, pah .diyc, dui’ anxnix byy jimjiog jiauwqor. Nihuer: Siauwlenlangg qapp laurlang. Siauwlenlangg e ziamw .diyc, si in’ui ix ee qud ee sewvaux iauxx decc snix. Laurlangg e ziamw .diyc, in’ui laurlangg kongwdok ee kuiwlat qiamxjiyw. Songwhiongx langg, in’ui m hyw ee sidbut, qapp byy uersingx, iarr jitt dringw ee langg narr duw diyc siyxkuaw ee sunxhai, byy jimjiog jiauwqor (derr 238 doo).
Jitt hy vni ee kin-dang, si quanhe dirr kacc qinw idi acc si kacc ban. Dairkixsingx kiw ee soxjai si qud-buew, acc si quanjad ee liammoc-lai. Narr byy idi, e vnir kacc siongdiong, cincniu zimrdair, acc si nngxqud, cam’ qud e pnaiw .kir. Quanjad-lai e snix qethut bacgee jojid; jitt xee bacgee jojid (肉芽組織,) iarr vniwjniaa lxangg, jniaa juer jit liap dua liap lang’iongg. Ursii quanjad-lai ee liammoh’ik e sniu’ je, iarr quanjad e jingw. Jitt hy bacgee jojid ursii byy huawlangg, mrquxx vniwjniaa qetdewjid, e jiong’ nng vingg ee vni qud, laii hro ix lenhap, laii ter :ee hitt xee quanjad. Narr anxnix jiurr qui’ siwlangg, hitt hy quanjad longxx be uahdang. Vni qud jiaplenn ee sii, byc did hro dinxdang.
Jingwjong: Tniar, ursii jitt xee tniar si dirr u
Vni ee soxjai, ursii dirr vadd xui e tniar; cincniu narr virku quanjad ee qethut, ursii cikquanjad e tniar. Jitt xee enqor; si in’ui langg ee tangwtniar, longxx si dui’ sinqingx jiacc e jaix. Virku quanjad hitt soxjai ee sinqingx u vuncex qaur cikquanjad, soxiw hitt xee vni suibongxx dirr virku quanjad,mrquxx langg jaix tniar ee soxjai, ursii si cikquanjad. Jitt xee qiyr juer huanxsiarsingr ee tniar (反射性, referred pain). Iarr tangx qongw virku quanjad ee tniar ciwqig qaur duarnauw, hitt xee duarnauw u huan’ik tniar si dui’ cikquanjad jiacc kiw.
Mii .sii ursii hutzenn cniw qiyr tniar; jitt xee si in’ui quanjad nng vingg u vni ee qud-buew sna’ buaa ee enqor. Zit .sii kacc be anxnix tniar, in’u vnirlangg jingsinn ee sii, quanw hitt quanjad ee qinbah e qiux .kiw .laii, anxnix quanjad jiurr e diamrjai.
Narr u jitt hy vni, ursii quanjad qiux dew, qycc decc dyw ee sii, ngr dui’ guarbin ped .cud .kir.
Dirliauu: 1. Kongwqethudjingr ee dirliahuad.
2. Hiyckun. Byc did hro quanjad dinxdang. Dyw dirr bincngg, quanjad longxx byy tniax liauxau diyhh jap-zi guehzit, jiww nng nii quw, jiacc tangx dinxdang. Narr byy anxnix, vni jiurr kuair kuair qycc kiw.
3. Quanjad ee venwhingg diyhh qruew. Ingqaix diyhh jiong’ hitt qix qud andir he juer u loring ee sewbin. Diyhh ing huwbok, pingduar, hitt hy mic. Narr si virku quanjad, cikquanjad, acc si jikjuiqud ee vni, beh crunx dit ee huatdo, diyhh jiamrjiam laii juer; jitt xee qiyr juer kaninxhuad, diyhh knuar derr 355 bin. Narr u virku quanjad, cikquanjad ee qethut, u digvet ee huwbok tangx ing, qiyr juer Dymaw .sri ee huwbok, si decc ing laii idi virku quanjad, acc si cikquanjad, banrsingr qethudjingr (derr 239 doo). Jitt hy virku quanjad ee huwbok, si ing jit vanw ee ticvanw, dngg, dui’ qingqacqud kiw qaur kadow uijiw. Siangtaubuew u nng xee ith juer ee kuann, dirr duartuiw-diongx iarr u jit xee. Hiaxee kuann decc hap uaw, si ing kusokqimx (拘束金, buckle) laii liuw hro diauu. Kuann ee lairbin u ing nngw puee ju lehh, hro ix kacc be ler diyc bah. Uaw vakdow ee soxjai, jiong’ pingduar dnii diauu, qapp duartuiw iarr si anxnix. Dingxbin ee kuann, ing diauwduar, diaur diauu dirr qingtauu-dingw. Air beh hro u vni ee kax lirpuu, soxiw diyhh ing jitt xee tickuann, dirr hyw ee kax laii quew kax hro qnuaii, jiurr u vni ee kax be dag diyc too, anxnix virku quanjad, jiurr be dinxdang, iarr be hro singkux ee dangrliong laii ab lehh. Narr beh qniaa, diyhh ing nng qix qnuaiw-aw laii duw dirr qyc’erkangx.
Dymaw .sri cikquanjad ee huwbok: Jitt xee huwbok u jit xee tih juer ee kuann, cincniu qenngrhingg, jiauww vnirlangg kax ee duarser, laii ing hitt xee kann; kuann u ing nngw puee vaux. Siangvingg u nng vanw ee ticvanw laii qah lehh, erdew u jit xee kuann qaur dirr tokax. Jiw (Jitt?) nng qix ticvanw, u ing puee ee duar, jiong’ kusokqimx laii liw hro ix diauu. Kacc hyw diyhh ing pingduar suar tnii hro ix diauu. Qenngrhingg ee kuann, diyhh ing diauwduar diaur dirr qingtauu-dingw hro ix diauu. Diyhh ing jit xee tickuann, dirr hyw ee kax qruew qnuaii, laii benw hro singkux ee dangrliong laii ab lehh dirr u vni kax ee cikquanjad. Duirr derr 240 doo tangx knuar, jiurr jaix singkux ee dangrliong, si ab lehh dui’ qutvnuaa qaur tickuann, byy quanhe dirr u vni ee cikquanjad.
Jikjuiqud ee qethudjingr (Potts Disease): Jitt hy vni ee kuanxsid, dairkair si cincniu duxaw qongw, qud qapp quanjad qethudjingr. Hitt hy ee sowinx qapp guaninx sna’ drangg. Vni ursii dirr jit der juiqud, acc si ursii quixnarr der u ziamw .diyc. Narr si langg ee juiqud u jit~nng der sunxhuai liauxau, jiurr langg qui’ singkux ee dang, tuann quer dirr juiqud, hro hitt xee u vni ee soxjai ee juiqud, dingxbin :ee laii deh diyc erbin :ee, drir qaur hro hitt xee u vni ee qud uankiog (derr 241 doo). Jitt xee vni miaa qiyr jikjuiqud uankiog jxingr. Kacc siongg duw diyc jiurr si dirr hingjuiqud qapp iyjuiqud.
Jingwjong: 1. Tniar: Dirr u vni ee soxjai jaix tniar, iarr dirr vadd xui jaix tniar, cincniu hiabqud, acc si vakdow. Ursii ginxaw qongw vakdow tniar, mrquxx vni ee soxjai si dirr juiqud. Jitt hy tniar qiyr juer huanxsiarsingr ee tniar.
2. Derr zi kuanw ee jingwjong, si jikjuiqud vniwngi. Vni duxaxx kiw ee sii, singkux ee qinbah qiux ann, hro hitt xee u vni ee juiqud be dinxdang, anxnix kacc be tniar. Aurlaii u vni ee juiqud e siy’ lenn vniwjniaa gni ee qud.
3. Unxqux: Qycc jit kuanw ee jingwjong si venwhingg, cincniu unxqux. Jex si in’ui juiqud ixqingx pnaiw .kiir uankiaux.
4. Lang’iongg: Ursii hitt hy lxangg, byy dirr u vni ee soxjai. Ursii dui’ hitt xee u vni jikjuiqud ee jingbin qaur qutvnuaa taujingg ee soxjai, jiacc dui’ katuiw ee jingbin lrauu .cud .laii, jitt xee qiyr juer liujuwlang’iongg (流住膿瘍; derr 241 a, b doo).
5. Venwsui: Jitt xee enqor si in’ui hitt hy qethut vnirjauu nua .kir ee vehjid (caseous material), acc si lang’iongg deh diyc sinqingx, acc si jikcuew; acc si in’ui jikcuew, acc si ix ee moc u ziamw diyc qethudjingr. Soxiw hitt xee jikcuew viw vingsiongg :ee laii knuar, si kacc ec, jiurr jiamrjiam huat’iam, hitt xee u vni ee soxjai ee erbin jiurr venwsui (derr 241 doo). Dairsingx ix ee kax u kacc sueziok iarr tniar, aurlaii naxx quw jiurr longxx be dinxdang. Jitt hy vni miaa qiyr vnuawsinx vutsui (半身不遂, paraplegia.) Ix ee dairsiauxven, iarr uirdiyhh venwsui ee enqor byy sun, ursii sitqimr (失禁).
Dirliauu: Kongwqethudjingr ee dirliauhuad. Qapp quanjad qethuxjingr ee dirliauhuad sna’ drangg. Diyhh dyw dirr bincngg qaur longxx be tniar. Aurlaii diyhh ing huatdo hro jikjuiqud be dinxdang jit nii quw. Anxnix diyhh ing digvet ee huwhok(huwbok?) laii qah hro hitt xee u vni ee soxjai, byy hro taukag, qapp dingxquar ee dang laii deh ix. Jitt kuanw ee huwbok, hingjong cincniu qac’aw. Ursii ing guu-puee, acc si jiyhqyx (plaster of Paris) laii juer. Iarr ursii ing cun’unn tiw kuix ee hxuad, hro hiaxee u vni ee juiqudm byy sna’ buaa (derr 453 doo).
Phelps .sri ee sniux-aw, si beh idi ginxaw u jikjuiqud qethudjingr (242, 243 doo). Ginxaw narr u jitt hy vni, diyhh ing jitt xee huatdo idi nng~snax dangx quw. Narr beh sew singkux, ngua vausiongliau, dairsiauxven si vutjiw lirven. Derr 243 doo, u ing pingduar dnii hyxser. Diyhh ing mihuex ju dirr dagg soxjai, hro kacc nngw be diamx diyc singkux. Jitt hy vnirlangg diyhh jin’ siyxsimx jiauwqor dihongg ziogsiongx. Iarr ursii vongqongx venwsui, diyhh qra ix tongx ziyrdy, anxnix diyhh jin’ cingkir, qniax liauw vongqongx e huat’iam.