Johan ee Puex 3
JOHAN EE DERR SNAX DNIUX PUEX
Juer dniuxlyw :ee, puex qiar hro soxx tniar ee Gaius, dyrr si guaw dirr jinliw soxx tniar :ee.
2 Soxx tniar ee hniadi ar, guaw guan liw banrsu e hingtongx iongxqnia, cincniu liw ee linghunn hingtongx jidngiu.
3 In'ui u hniadi laii qanjingr liw soxx jrunn ee jinliw, cincniu liw dirr jinliw decc qniaa, guaw dyrr jin' hnuahiw.
4 Guaw tniax qnir guaw ee qniaxzii dirr jinliw decc qniaa, guaw ee hnuahiw byy kacc dua dirr jitt xee.
5 Soxx tniar ee hniadi ar, qniwnarr liw soxx kuanxtai cutgua ee hniadi :ee, si diongsinr ee soxx qniaa.
6 Inx bad dirr qauwhue ee binrjingg qanjingr liw ee tniawtangr; liw narr hap dirr Siongrder qra inx songwhingg, dyrr si juer hyw su.
7 In'ui inx uirdiyhh Ix ee miaa cutgua, byy duiww guarvanglangg tec simxmih mic.
8 Soxiw hitt hy langg, lanw ingqaix jicjiab inx, hro lanw uirdiyhh jinliw juer dangjee diyhbuaa :ee.
9 Guaw ixqing’ u siaw damrvyc hro qauwhue; dogdok inx diongqanx air juer tauu ee Diotlefes byy jiaplap guanw.
10 Soxiw guaw narr laii, beh qir did ix soxx qniaa ee su, dyrr si ix ing pnaiw ue lamrsamw qongw guanw; qycc byy liac jitt xee juer qauwgiac, ix vunxsinx m jiaplap hniadi, u langg rair beh jiaplap, ix dyrr joxdongr, suar qig in cud qauwhue.
11 Soxx tniar ee hniadi ar, m tangx yc pnaiw, diyhh yc hyw. Qniaa hyw :ee si dui' Siongrder cud; qniaa pnaiw :ee m bad knuar qnir Siongrder.
12 Demetlius hro jiongww langg soxx qanjingr, jinliw iarr qaqi juer ix ee qanjingr; guanw iarr juer qanjingr; liw jaix guanw ee qanjingr si jinx.
13 Guaw u jerje hxang rair siaw hro liw, danrsi m air ing vitbak siaw hro liw;
14 Si ngwbang qinw qinw qnir liw, lanw jiacc beh dngbin qongw. Guan liw ving'anx. Jiaxee ving'iuw qra liw cingxanx. Cniaw liw sui' miaa qra hiaxee ving'iuw cingxanx.