myth_4

THE POWER OF MYTH -4

Bunchhai huan'ik

HISINGX QAPP HIXLOK

Liw narr duer diyc liw luersimx didqag ee hixlok qniaa, liw si qra jurqiw he dirr jit diauu jaw dyrr danxtai liw ee quixdy-siong, liw jitt sii jitt kig ee sing'uac e ham' liw qaix quer ee sing'uac itdir, srinx jairr zimrhyy soxjai --- jiauww luersimx didqag hixlok ee snuawsyh, dyrr e hiangxsiu .diyc, itdit dirr liw simlai songxkuair cingcaiw ee dairjir.

B: dng' guaw tak diyc liw siaw :ee, iuxquanx kuanqingw duiww qongw qowsu ee ciongqig sii, hro guaw inwsiong cimkig ee si, jiaxee dirr dua cauxvox ee langg/ lahho/ druar dirr ciurnaa :ee/ jingwjycjiaw ... dringw, inx si cam'uw dirr jingxqyy kuanqingw/ si sewqair ee jit vorhun, inx sewqair ee muixx jit xee digsig dy' si sinsingr :ee.

J: jiong' dongde qingxdir sinsingwhuar si sinue jit xee qivunw qonglingg. Jitt diamw dirr NAVAHO (Vakbiw sevo ee INDIANS) srinx-siong, erdangr knuar qaxx jin' cingcyw. Inx zinrdongg vakhongx/ lamhongx/ danghongx/ sehongx/ diong'iongx ee snuax, inx ee too-caa-cur, mngg ingxuanw hiongr dangx, dionghngx he huexloo, siongrdingx uxdiu diongsimx, enx uiww cuwdingw ee kangx singxquann sii, juxjiac ee pangbi duer lecc jauxzip kir sinn ee pnirkangx. Druar ee soxjai/ vowdir puewhap qui' xee dua kuanxqingw jniajyr jit vxag singwsiong.

NAVAHO ee suax-rue, jongxsi e u jit xee uii kiw laii ee dua ngiko'aw/ kyxlingg dairviauw jap-snax tnix gua / iacc si king ... dringw, itding u jit bin hiongr dangx packuix hro sinx sinlingg zip laii. Vut jre dirr podeciu-kax, bin si hiongr dangx --- zidtauu vreh kiw laii ee honghiongr.

B: guaw derr id vaiw kir KENYA sii, jit xee langg kir qaur qoxguansiw ingkux ee oo-hnua uiziah, itdit dirr hiax qaur tnix amr, qamxsiu jurqiw binrduir soxu congwjyrbut --- iarkongx-ha, qongxdua ee tenxde, cincniu guaw sriok moxjiongw qoxdai ee surbut, moxjiongw iuguann junuac ee mic.

LIW QNIAA ZIP JIT JXY QUANDUA EE CIURJANGG SII...

J: e qir did CICERO qongw .quer, dng' liw qniaa zip jit jxy quandua ciurjangg sii, e qamxsiu diyc sinn ee junjai. Sinsingr ee ciu siwqer dy' u. sewhanr sii, ciangjai jit xee langg qniaa zip ciurnaa-lai/ e qir did bad jongvair jit jangg ciu, jin' dua ee laurciu, simlai sniu “ tnix ar! Liw itding jaix jerje, qinglik quer jerje.” guaw sniu jitt jiongw duiww congwjyrbut junjai ee qamxsiu si langg qivunw lixdir ee simjniaa. Henrdai sniaci, siwqer jixsirr zinjy :ee. Narr si dirr ciurnaa ham' huexciw/ amwqongjiauw ... jywhuew sii, hex si jit jiongw uanjuann byy qang ee singdiongw sewqair. Soxu jiaxee surbut suisii cuthen dirr liw srinx-vnix, dairviauw snewmiarlat/ sinqii amwlik/ byy sriok liw :ee, kiokk si snewmia ee muixx jit vorhun, dongsii duiww liw kaihongr/ liw e huathen dirr liw simdiongx dngxsec, in'ui liw dyrr si jurzenn. SIOUX ee langg jiac hrunx sii, derr id cuir duiww tnix, si beh hro zidtauu siux diyc vunn cud derr id cuir ee hrunx. Zenau hunvet hiongr siwbin vunn. Dirr hitt jiongw simlingg qetqor, liw narr erdangr jiong' jurqiw hiongr tenjewsnuar, hiongr liw soxx kia ee sewqair, anne dyrr erdangr dirr sewqair jiamr jit xui. Hex si byy qang ee sing'uac hongsid.

B: liw dirr<Sinue ee Iwsiong> qongw diyc juanxhuar diongsimx ee qaiwliam, liw zinruii sinsingr ee soxjai, siqanx kyxlingg e siau'ngiuu, henxlo cud sewqair ee viwbit. Iongxiuw jit xee sinsingr ee xui, si sniaw iwsur?

J: jex duiww zimrhylangg juadduir si vit'iaur :ee, liw diyh'air u jit xee vangqingx, iacc si dagg zit ciauu cud jit diamxjingx, dirr hiax, liw m jaix qin'axzit vywjuaw-dingw ee siausid/ m jaix si'angw si liw ee ving'iuw/ m jaix liw kiamr langg' sniaw, iacc si vadd langg kiamr liw sniaw. Jex si jit xee kyxiw dansunn laii texgiam jurqiw ee soxjai, qikhuad cud kyxlingg ee amwlat, si congwjy amwlat cangwbih ee soxjai. Kixtauu liw vingrr be huathen u sniaw dairjir huatsingx. Zuqyw liw u jit xee sinsingr ee soxjai, qycc hyw hyw liriong, juewau jongw e u mic cuthen.

LIW DIRR DYHH?

B: jitt xee sinsingr ee soxjai, duiww liw ee jok'iong, cniurr dua cauxvox duiww lahho ee jok'iong qang.

J: duiww paclac :ee laii qongw, jingxqyy sewqair dy' si sinsingr ee soxjai. Henrdairlangg ee sing'uac kinghiongr, ixqingx taiww qingjewhuar/ sidjewhuar, suacc duer diyc liw singdiongw duarhanr, jiuuii kuanqingw duiww liw ee iauqiuu si jiacc dimdang, liw cavutdyx m jaix jurqiw dirr dyhh/ iacc si sniaxmic si liw beh air :ee. Jongxsi jyr quaw vadd langg iauqiuu liw ee dairjir. Dyhh si luersimx didqag hixlok tingkax ee xui? Liw rair iwdoo cue cud, dyrr sngr si cue diyc :ee si, jit vxag hro liw kiw ciyx ee doo/ vangr jit der jin' songg ee imgak marr hyw. Iacc si cue cud jit vunw liw sniu beh knuar ee ceh. Dirr liw jurqiw sinn-sxingr ee soxjai, liw kyxiw did diyc jit jiongw “sinn-singr” ee qamxqag, uirr jurqiw uac ee sewqair huwcud/ iuxsow did .diyc ee qamxqag.

B: lanw dramm quer qingxdir duiww langg ee ingxhiongw/ ciongqig. Langg duiww qingxquanx ee ingxhiongw neh?

J: langg ixx congwjy sinsingr soxjai ee hongsid iongxiuw toxde. Qra dongrbut/ cauxbok kox zip sinue ee quewdingg, hro toxde jingsinlat. Toxde venwsingg cniurr biyrdngg qangrngiu iong laii bingngiu ee soxjai. NAVAHO dirr sinsingwhuar dongrbut hongbin, u jin' quann singjiu/ inx ee suax-rue, erdangr knuar diyc qokk jiongw qewdat ee siyw dongrbut/ m si ixx jurzenn ee hingtair rue cud/ si qra hingsithuar/ soxx dairviauw si dongrbut jingsinn ee digjid/ vutjiww si sinliw-siong :ee. Kyxvixqongxx, qniaa dirr suabok, u sii u jit jiah horsinn vuex laii hiyh dirr liw ee qingqah, NAVAHO ee sinue qongxx si dua horsinn, marr hyrjyr hongsi'aw (LITTLE WIND)/ e kinx sniax qra hiaxee ginxaw qongw, vaxvah soxu kyxcir bunrdee ee dab. Dua horsinn si singwlingg henxlo diwhui ee sniax.

B: bogdig si sniaw?

J: iongxiuw toxde. Qra inx druar ee toxde juanxjyr u jingsinn iwhamm ee soxjai.

B: MOSES dirr hibang ji' de (THE PROMISED LAND) bidced juwir :ee, suanqyr iongxiuw hitt der toxde. Jex ham' qitnax jingsinn lingxsiur uirr inx jogqunn soxx jyr :ee siy' qang ee.

J: byy cyr! Liw e qir did JACOB bang ee qowsu! JACOB jingsinn sii, hiax venwsingg BETHLEHEM singwde, siongrder druar ee soxjai. JACOB suanvor hex si iongxiuw moxjiongw jingsinn iwgi ee xui/ si siongrder ia jiw jingwjyh sanxsingx lingliong ee soxjai.

B: jiaxee sinsingr soxjai dirr jitmaw Bixjiux dairliok, iuguann junjai?

J: MEXICO janqingx si singwde, dirr SPANISH pywhai jingg, si juanqiuu siongrr uixdai ee sniaci ji' id. SPANISH derr id crur knuar diyc ee MEXICO ci, iacc hyrjyr TENOCHTITLAN, viw dongsii Aujiux zimrhyy cniaci dy' kacc uixdai/ iongxiuw jerje biyrdngg ee singwde. Jitmaw ee Tenjuxqauwdngg duxhyw dirr guanvunw Taiwiongg-Sinbiy ee soxjai. Hex si qidokdoo suanvor jiamwiuw toxde ee lerjingr ji' id. Liw knuar, inx dirr qitnax jongqaur biyrdngg guanvunw soxjai kixjy jurqiw ee qauwdngg ee hongsid, qra qang jit xee qingxdir venwsingg jurqiw :ee.

Vixzu, qaur sinx dairliok laii ee sinhu, qinqir Singwqingx ee miacingx uirr inx soxx qaur ee xui hyrmiaa. Dirr NEW YORK u ODYSSEY/ LLIAD, incuw jit xee jriab jit xee qoxdenw ee miazi, cniurr ITHACA/ UTICA ... itdit cuthen.

B: jiurr moxjiongw iwgi, langg duiww hro inx jyr uaxkyr, u lingliong ee soxjai, u jit jiongw iuxqix ee quanhe.

J: si ar! Danrsi dirr dua dohue cuthen au, dyrr siaubyy ar.

B: jitmaw dirr NEW YORK, qingrjingdiamw si si'angw erdangr kiw siongrr quann ee qenwdiogbut.

DNAXX SINGWDE DIRR DYHH?

J: jex si qenwdiok-siong ee qiaugno, suecbingg jitt xee sniaci si jit xee qim'iongg diongsimx, viauxhen cud zinlui erdangr jyr qaur ee qighan. Si bixsut qamwding digqix viauxenw.

B: dnaxx singwde dirr jyhh?

J: inx byy qycc junjai ar. Jixu jiyw sxor ligsuw qoxjig kyxlingg hro langg diamrjing sniu .jit .xe, bad u diongriaur surqnia dirr hiax huatsingx .quer.

Lanw ersaih vaiwhongw singwde/ si lanw jongqaur ee huatguande. Muixx jit der toxde dy' qaix si singwde. Lanw erdangr dirr qingxdir vunxsinx, cue diyc snewmia lingliong ee siongrdingx. Jex si soxu jaxqii bunhuar tuantongw soxx jyr ee dairjir/ sinsingwhuar soxx druar soxjai ee qingxquanx.

Vixzu, dirr veh ~ qauw sewqiw, jaxqii ICELAND ibinn soxx jyr ee qangjog, ixx 432,000 roma-ciyh ee qirlii jyr jit dan'ui, vailet qenwjy. (432,000 si jerje tuantongw diongriaur ee sinue sowzi) ICELAND jingxqyy qingxquanx jojid, si jiauww jitt xee uxdiu quanhe kixjy, bylun liw qniaa qaur dyc'ui (zuqyw liw jaix jurqiw sinue), si ham' uxdiu hyhaii :ee. Qangrkuanw ee sinue dirr EGYPT marr u, danrsi EGYPT siongrdingx hingtair si dngg hxingg ee, m si ngii :ee. Inx tnidingw luxsinn si sinsingr ee gubuw, nng qix kax dirr lamm/ lingrgua nng qix dirr vag, inx si suwhonghingg ee qaiwliam. Mrqyxx lanw bunbingg-diongx ee jingsinn siongrdingx, qivunw-siong ixqingx byy ar. Uirsniaxmic kir qaur FRANCE siyw dinr CHARTRES, si hiacc suiw ee dairjir? Hiaxee juxiaur qenwdiok iuguann si qauwdngg, dirr hiax liw erdangr ui' jaxkiw qaur amwmee, tniax diyx jxingx sniax, si hiacc bixhyw!

Guaw qra CHARTRES dongwjyr guaw ee qauwkux, ciangjai kir hiax, dng' guaw iauxx qycc si hagsingx dirr PARIS sii, vaiwlak qui' zit dirr qauwdngg-lai, genxqiur hiax miuxx jit xee huezi/ sidjai dirr haix taiww quw lehh, u jit zit qauwdngg quanxlixguann mng qongw “ qamxx beh ham' guaw jywhuew kir qongr jxingx?” “dongzenn beh lor!” guaw jin' hnuahiw dab. Gunw vee qaur jingtah ee dua dangjingx jingg, hiax u jit der naxx kongrkiauwvangx ee vnedaii, gunw qokk langg kia jit vingg, dionghngx u cakox, guaw crunx ciuw erdangr kiuw lehh, ix cud lat sag .jit .xe, vreh quer kir, guaw duer lecc vreh, gunw kia dirr quann ~ qauwdngg-dingw, hongx cue .quer gunw taumox, jxingx sniax marr kaisiw tuann lyc kir, “ diangx ~ ~ “, jex si guaw itsingx siongrr tiongwlok ee morhiamw ji' id. Jxingx diangx liauw, gunw qniaa lyc laii, quanlixguann qongw “guaw cua liw laii guaw ee vangqingx”.

Dirr qauwdngg-lai, diong'iongx vorhun si vunxdngg, nng vingg u guarsit, dangx vingg tudcud vnuawngii kongqanx, cniuwsivanx ee mnglii jiauww vnuawngii sec. Ix cua guaw tongquer mnglii dionghngx jit xee siyw mngg, dirr hiax u jit dingw siyw cngg, dingxbin u jit xee siyw dingx. Guaw ui' mnglii hiongr gua knuar, hiax si osig singwbuw ee txangx, duxx si ix draur ee soxjai, hitt xee langg si m si vutduan dirr jingrsu bingngiu-diongx sing'uac, hex si huisiongg bixle qamxdong langg ee dairjir. Jitt vaiw au, guaw kir quer hiax bysor vaiw.

B: dirr hiax, liw huathen liauw sniaw?

DNGW KIR QAUR SEWHANR EE SEWQAIR

J: cua guaw dngw kir ixx jiaxee jingsinn guanjig quanwjur siarhue uahlat ee sidai. Liw kyxiw ui' dongde siongrr quann ee qenwdiogbut, liauxqaiw diyc jitt xee siarhue si iong sniaw jyr uahlat ee. Qniaa qin diongqow sewqiw ee cuansia, qauwdngg si dongde siongrr quann ee qenwdiok. Narr qniaa zip jap-veh sewqiw ee sniadinr, jingwdi qiongden si siongrr quann :ee. Jinr zip henrdai sniaci, siongrr quann ee qenwdiogbut si qingjer sing'uac diongsimx ee vanrqongx duarlauu.

Zuqyw liw kir SALT LAKE CITY, qui' xee sniaci denxhen dirr liw binrjingg , dairsingx si biyrdngg kiw dirr sniaci diongsimx/ Jex si jit xee sikhap ee jojid hongsid --- jingsinn diongsimx, soxu ee surbut ui' jiax kixtauu. Zenau si jingwhuw qenwdiok, jiux jingwhuw soxjairde dirr biyrdngg vnix, quann quer biyrdngg. Jitmaw siongrr quann ee qenwdiogbut si quanxliw biyrdngg/ jingwhuw qenwdiok surbu ee vanrqongx duarlauu, hex dyrr si sehongx bunbingsuw. Ui' GOTHE sid qenwdiok, qingquer jap-lak/ jap-cid/ jap-veh sewqiw qunongg siqii, itdit qaur jitmaw ee qingjer sewqair.

B: dng' liw kir CHARTRES sii ---

J: guaw cniurr dngw kir qaur diongqow sewqiw/ dngw kir qaur sewhanr sii hitt xee sewqair, si ROMA Tenjuxqaur jingsinn iwsiong ee sewqair, jinjniar uixdai!

B: liw m si hitt jiongw dngqii jimr dirr qurjingg ee langg. Dng' liw dirr hiax sii, vutjixsirr quewkir qamxdong liw, driyc hnor?

J: m si, si jitmaw qamxdong guaw, qauwdngg qra guaw qongw, iuxquanx sewqair jingsinn juanxhuar/ si dimsux bingngiu ee soxjai, dirr hurqin qniaa ~ jre ~ lehh, knuar suiw ee surbut.

B: liw jiacc air CHARTRES, marr viauxdat liauw langg ham' uxdiu ee quanhe, qamxx driyc?

J: si ar! Qauwdngg diong'iongx u jit xee sibzirqer jyrhingg ee jewdnuaa, hex si siongrdingsingr ee qetqor. Jitmaw jerje qauwdngg kiw qaxx naxx hiwhngg, diongrsi hniaxbak, ho'ngg knaur e diyc/ qisit qauwdngg duiww jex jit diamw aw dyrr byy cuwbi. Dirr qauwdngg jinwhingg ee dairvorhun jetbok, dy' e quewkir, diongriaur :ee si siongrdingx, vutjixsirr knuar viauxenw. Muixx jit xee langg dy' jin' cingcyw viauxenw si jnuaxngiu jit huesu. Liw ui' lak huer dyrr kaisiw knuar ar.

B: anne, uirsniaxmic itdit beh kir qauwhue neh?

J: hex si sinue ee juanvo. Lanw uirsniaxmic sniu beh jaiww dramm jiaxee su neh? In'ui erdangr qra lanw kngr dngw kir, ham' lanw jingsinn snewmia ee qivunw guanhingg jiapciog. Jit zit qycc jit zit qinglik ee gisid, hro vyxcii dirr jingwsiongg ee quixdy-siong.

B: mrqyxx lanw jitmaw byy qycc anne jyr ar.

LANW IXQINGX HAM' HITT JIONGW QUANHUAII SITKIR LENHE

J: lanw ixqingx ham' hitt jiongw quanhuaii sitkir lenhe. Jaxqii sing'uac ee bogviaux, si itdit vyxcii duiww jingsinn guanjig ee qakcniw jongrtair. Dirr ASSYRIA ee qiongden, erdangr knuar diyc jit xee langg-tauu/ sraix-srinx/ ingjiauw-sxit/ guu-kax hoghabtew, dyrr si ngdy jap-zi qiongx he jywhuew ee sir xee diaurtauu, virr iong laii dongwjyr siuxmngsinn.

EZEKIEL (Iutair sendix) irgenn siongquanx sir xee caixdiau, vnewjniaa Qidokqaur tuantongw sir xee tuanvyr hok'imjiaw. Liw e qir did anne ee qidyxsuu “ Meteo/ Marko/ Luka/ Joan, jiokhog guaw kunr ee hitt dingw bincngg.” dirr jitt dnxua qidyw, liw dirr dionghngx/ dyrr si Qidog ee soxjai, uii dirr liw siwqakhingg sir xee diamw, si liw cngg ee sir xee katiau.

Jitt xee MANDALA dairviauw Qidog ui' ciauuat si'kongx ee derdair cuthen. Jex sir xee iauxsiur dairviauw siqanx/ kongqanx ee binrsex, ziakamr diyc ingxuanw. Diongqanx ee Iasox si tudpuar/ jaiwsingx, ui' siqanx/ kongqanx ee uxdiu luxsinn ee juxqiongx, laii qaur jitt xee sewqair ee jruw.

B: liw qongw luirsu CHARTRES qauwdngg, siongrdingx liauw duiww jit xee ciauuat quilut huatjig iwgi ee liauxqaiw. M na iong jin' dua der jiyhtauu ee qenwdiok hingsid cuthen, dongsii marr jiauww jitt xee hingsid siwjiuuii sec, iongzip (rngiuu zip) qidiongx uixdai diamrjing.

J: soxu jiongqik ee jingsinn dy' si jixhiongr ciauuat snia'imx ee diamrjing. Bacsinx singjiu liauw dy, si derr id sniax, ciauuat sniax :ee si, birdix :ee/ vutdix ee ciauuat, kyxiw si uixdai ee diamrdiam/ kanghix/ ciauuat ee juadduir laii viauxdat.

B: dng' liw qongw diyc sinue zuhyy qar lanw ham' sinsingr ee soxjai lenqed kiw laii, qingxquanx zuhyy qra guansiw zinlui ham' uxdiu lenqed sii, guaw kaisiw sniu, jitt xee ciaujurzenn, jiwjiyw liw soxx liauxqaiw, jinjniar jixsirr jurzenn ziiw.

J: qra moxjiongw viw jurzenn kacc quann ee junjai hyrjyr ciaujurzenn quanliam, si diwmia ee quanliam. Diongqow sewqiw jitt xee quanliam, juewau qra sewqair venwsingg itpenr luirsu hngvode. Langg quer diyc hiqew sing'uac, jurlaii byy jyr quer jit hxang si jurqiw sniu beh jyr ee dairjir, in'ui sinjid zinguann kongwjer ciaujurzenn ludhuad, e iauqiuu jnuaxngiu quer zidjiw. Dirr hngde, langg uansingg ee bogdig m si jurqiw :ee, si virr berdangr dypiah ee ludhuad, qiongg qax dirr srinx-siong. Jex jniawqangw si satzinn hiongciuw. Jap-zi sewqiw qiongdingg aiwjingg six, dyrr si ixx jitt jiongw ciaujurzenn jinliw ee miagi, hablixhuar duiww zinlui hixlok ee cimhuan. TRISTAN ee tuansuad, singwvuex qowsu siongrr uixdai ee vanxvunw ji' id WOLFRAM VON ESCHENBACH ee qowsu, dy' si anne. Simlingg jiacc si jinjniar ee vanrdyh, laijurr snewmia, m si moxjiongw virr kipzip snewmia ee mic, si buxsingr luxsinn jongqaur tuantongw siongrr dua ee qongwhenr, jingxqyy sewqair dy' si luxsinn ee sinkux, vunxsinx dyrr si sinsingr :ee, singwlingg m si tongxdi jit xee duirlyc ee jurzenn, iacc si tongxdi viw duirlyc jurzenn kacc quann :ee. Diongqow sewqiw ee CULT OF THE VIRGIN si jitt jiongw jingsinn, jap-snax sewqiw FRANCE kiw jerje jin' suiw ee qauwdngg marr si laijurr jitt xee guan'inx.

Mrqyxx lanw EDEN Hngg duirlyc ee qowsu qra jurzenn knuar jyr huxvai :ee; hitt xee sinue qra lanw jingxqyy sewqair huxhuar driau. Jurzenn virr zinrding vairhai :ee, muixx jit xee byy quer sniu ee hingdong dy' si duar diyc guanjue, byy tewlo. Qinqir liw ee sinue , si m si qra jurzenn knuawjyr duirlyc? Iacc si qra jurzenn ham' simlingg vunxsinx knuawjyr sinsingr ee denxhen? Dyrr e u jit jiongw uanjuann byy qang ee bunbingg/ sing'uac hongsid.

B: dnaxx u si'angw uirr lanw qaixsueh jurzenn luerhamm ee sinsingr? Si'angw si lanw ee dangqix? Si'angw uirr lanw qaixsueh knuar byy ee surbut?

DNAXX GERSUDQAX SI HAM' SINUE QAULIUU EE LANGG

J: si gersudqax uirr lanw teqiongx jitt xee qonglingg/ dnaxx si ham' sinue jicjiab ee langg. Mrqyxx inx rair liauxqaiw sinue ham' zinsingr ee gersudqax, m si qandna' hro liw jit tyr qewue ee siarhuerhagqax.

B: qitnax hiaxee poxtonglangg, hiaxee m si gersudqax/ sizinn, hiaxee byy qinggiam quer ciauuat jingsinn qiglok ee langg, inx jnuaxngiu vran? Lanw jnuaxngiu jaix jiaxee dairjir?

J: guaw qra liw qongw jit jiongw huisiongg hyw ee honghuad, jre dirr vangqingx tagceh, tagceh, qycc tagceh. Zircniaw rair tak driyc ceh/ tak driyc ee langg siaw ee ceh, liw ee simx dyrr e virr cua qaur mow jit xee jancur/ dyrr e itdit iongxiuw jjit jiongw bixle/ unhyy/ ban ~ siyx .kiw .laii ee hixqongg, duiww snewmia jniajyr liw sing'uac-diongx jingwsiongg jongrtair ee lixqaiw. Dng' liw huathen jit xee jinjniar liac diyc liw simx ee jokjiaw, dyrr rair qra ix soxu ee jokpinw tak uann. Mair qongw “ guaw sniu beh jaix mow langg siaw ee mic”, marr mair uirr cniuxci ee vaimiaa kunwziauw.

Jixiaur tak jitt xui jokjiaw soxx beh qra liw qongw :ee, zenau kyxiw kaisiw tak jokjiaw tak .quer ee ceh. Jitt sii sewqair dyrr ixx moxjiongw itdir ee quandiamw, dirr liw ganxjingg qaixhongr/ kuikuah. Dng' liw ui' jit xee jokjiaw qaur lingrgua jit xee jokjiaw, ersaih qra gunw qongw, dycc jit xui jokjiaw/ dirsii siaw liauw ee six, mrqyxx jit diamw aw dyrr byy liauxqaiw jokjiaw decc qongw sniaw.

B: soxiw dangqix duiww jaxqii siarhue ee qonglingg, dyrr cniurr qin'axzit ee qersudqax qang. Inx ee qaksig huisiongg diongriaur, vutjixsirr ---

J: inx vnuaenw liauw tuantongw sinjid zinguann dirr lanw siarhue vnuaenw ee qaksig.

B: dangqix si sinjid zinguann?

J: dirr guaw knuar .laii, sinjid zinguann si moxjiongw siarhuersingr qonglingg ee qaksig, jitt xee siarhue ixx moxjiongw hongsid jongvair mow quaw sinbingg, sinjid singuann virr zimrbing jiphingg hitt xee jongqaur gisid. Inx soxx hongwhenr ee sinn, si jaxjingg dyrr junjai :ee. Mrqyxx dangqix ee lat/ derui, dy' si ui' ix qywzinn qinggiam sigsai ee sinn, ixx siongrdingx henxhen, ix ee kuan'uix laijurr simliw qinggiam, m si siarhue zimrbing.

B: dangqix qinggiam diyc moxjiongw guaw m bad qinglik ee texhue, qycc qra jitt xee qinggiam qaixsueh hro guaw jaix.

J: BLACK ELK ee le, dangqix kyxlingg qra ix knuar diyc ee iwsiong, juanxjyr moxjiongw hokbu inx dongvaux ee gisid, qra luerjai qinggiam inxcua lanw guarjai sing'uac.

B: jex qamxx si jongqaur ee kixguann?

J: jiurr qywzinn laii qongw, guaw sniu si, mrqyxx jixsirr iycsniu ziiw/ vingrr byy jinjniar jaix.

B: u jit xee langg cniurr Iasox, qniaa zip birdix lingxhik, qinggiam diyc simliw juanxhuar, dngw laii qra lanw qongw, “jiauww guaw ee lo qniaa”. Jitt jiongw jinghingg qamxx huatsingx dirr jiaxee guansiw bunrhuar?

J: hex si lanw iongxiuw ee jingwqir. Dirr soxu lahho bunhuar, dy' erdangr huathen dangqix ee sikcaiw.

B: uirsniaxmic digvet dirr lahho bunhuar?

J: in'ui hex si kuriuw qywzinn kinghiongr ee. Jiurr mow hongbin laii qongw, paclac :ee qywzinn kinghiongr si jyccann :ee m bad u ee. Dirr cann nirr jingwjyh, danxtai jurzenn qra inx qongw dangsii qaix jyr sniaw, si jit jiongw qinggiam; cutgua paclac, dagg vaiw ham' jingg vaiw byy qang, lahho soxx sriu ee hunwlen dy' si su'iaur digvet tenhun/ qywzinn ee jailingg qi'kiauw.

B: dirr zinlui ee enxhuar, dangqix jnuaxngiu venwhuar?

J: dng' langg sing'uac diongsimx jiamrr juanxii qaur qowding druar ee cuansia sii, dangqix sitkir guanlaii ee kuanlik. Sursit-siong, u jit jxox quanhe NAVAHO/ APACHE ... dringw, jiaxee Bixqog selamvo INDIANS ee qowsu/ sinue. Inx guanvunw sriok lahho bunhuar, censuaw qaur jingwjyh bunhuar, ixqingx huatdenw singsik ee derkux, juewau juxiaur uaxkyr longgiap sing'uac. Dirr inx congwser ee qowsu, dy' u biyue dangqix lyc daii, sinjid zinguann jnriu daii ee jinghongw, anne qongw “dangqix qongw m driyc ue, cimhuan diyc zidtauqongx, taiwiongg suacc siausid”, qewsiok qongw “guaw erdangr qra zidtauu cua dngw laii.” kaisiw jyr qokk jiongw huatsut.

Dirr qowsu-diongx, jiaxee sewjed dy' si ixx uanwhun/ jitdor/ giyhciyr ee kaukir qongw cud. Danrsi inx ee huatsut vingrr byy cua taiwiongg dngw laii, dangqix qangwqeh jyr siyxtiuw-aw, inx u digvet lat ee mohuad, jitmaw inx ee kuanlik huwsiok dirr kacc dua ee siarhue.

B: lanw dramm diyc dua cauxvox tyxliac duiww sinue ee ingxhiongw, anne ee kongqanx henxzenn virr jit xee ngidingw tenkongx ee ngihingg tenjewsnuar qnivnuar. Danrsi druar dirr snuanaa ee langg, inx ee jinghongw si jnuaxngiu? Hiax byy ngidingw ee tnix, byy dervingrsnuar, byy jerje honghiongr ee qamxqag, soxu :ee, jixsirr ciu-aw, ciu, ciurnaaa.

J: COLLIN TURNBUL qongw .quer jit xee, jurlaii m bad qniaa cud ciurnaa ee exlangg, virr cua quar snuax buexliux ee qowsu, hionghiongg ui' ciurnaa qaur snualun, ganxjingg itpenr kuidenw ee dua cauxvox. Kyxlenn ee exlangg henxzenn virr hecqniax .diyc, byy vanrhuad hunx cud honghiongr/ qirlii. Ix zinruii hng ~ decc jiac cauw ee dongrbut si hiacc ser, itding si qauxhia or. Ix uanjuann luan kir ar, qinw dngw kir ciurnaa.

B: derliw sokjy lanw bunhuar/ jongqaur quanliam, u jin' diongriaur hunrliong. Suabok ji' sinn byy kyxlilngg si dua cauxvox ee sinn ---

J: --- marr m si ciurnaa ee sinn/ ciurnaa ee jiongww sinn. Liw dirr suabok, jixu jit xee tnix, jit xee sewqair, liw kyxiw jixu jit xee sinn, ciurnavoo byy tenjewsuar, liw soxx knuar diyc :ee, kyxlingg byy ciauquer jap-zi bxew hng ee mic, dyrr e u byy qang ee qaiwliam ar.

B: qra sinn ee qaiwliam dausia qaur jitt xee sewqair ee jinghongw si anne?

J: dongzenn si anne.

B: derliw kuanqingw sokjy inx sinsingr iwsiong, zenau inx jaiww qra jitt xee iwsiong dausia cud laii, qongw si siongrder.

J: si ar, sinn ee qaiwliam jongxsi sriu diyc bunhuar jewiok, ingxuanw si anne. Dng' tuanqauwsu duar laii ix zinruii ee siongrder/ ix ee sinn, hitt xee sinn marr e jiauww dongderlangg duiww sinsingr soxx liauxqaiw ee tingdo venwhingg.

U jit xee quanhe HAWAII simsig ee dairjir. PELE luxsinn ee luxsingr sinjid zinguann, jiurr moxjiongw iwgi, si PELE ee huawsinx, laii vaiwhongw jit xui Inggog tuanqauwsu, qongw “guaw qra siongrder ee sinwsid duar laii hro liw”, jitt xui luxsinjid zinguann rinr “or! Hex si liw ee sinn, PELE jiacc si guaw ee sinn.” sidjer-siong tuanqauwsu si ham' jit xui luxsinn qaudamm.

B: “liw berdangr dirr guaw binrjingg jongvair qitnax ee sinn” jitt xee quanliam qamxx sunznenn si HEBREW ee sniuhuad?

J: guaw byy dirr vadd xui huathen anne ee quanliam.

B: uirsniaxmic jixu jit xee sinn?

J: jex si guaw byy liauxqaiw :ee. Guaw soxx jaix :ee, suabok derkux ee langg vitzenn hro dongde siarhuersingr sinbingg kacc quann ee iwgi. Liw jingxqyy sinwliam/ singlok dy' jairr vyxho liw ee siarhue. Siarhue ingxuanw si laurve ee kuanlik, jurzenn ingxuanw si kinghiongr buxsingr.

B: liw ziuruii luxsinn jongqaur ee cuthen, qamxx si jiaxee jaxqii siarhue jingwjyh/ siusingg ee uahdang, luxsingr vnuaenw juxiaur qaksig?

J: jex si byy gibun :ee. Ui' sinqii lat ee qakdo laii knuar, dirr hitt kig luxsingr venwsingg siarhue siongrr diongriaur ee singguann.

B: paclac :ee itdit si lamsingr ---

J: si ar, jitmaw niurdo qaur luxsingr srinx-siong, sinqii ee soxjai dirr sneiok/ ju'iongw snewmia, jex tnewdiauu dairde ee sinqii, cniurr dairde hro lanw uaxkyr. Jaxqii tuantongw, luxsingr si derr id xee jingwjyh :ee, itdit qaur aurlaii, qydingw bunhuar hertongw huatbingg lecann/ ditauu au, lamsingr jiacc qycc dirr longgiap vnuaenw lingxdy qaksig. Dirr dairde lecann jingwjyh virr vixzu jyr lamluw habhunx, qowsingg juxiaur sinue dosiong.

B: jiaxee byy qang sinue viauxdat hongsid, qamxx si liw soxui “dongrbut snewmia ji' dy”, “jingwjyh ji' dy”, “tniqngx ji' dy”,”langg ji' dy”?

J: jex ham' zinlui siongrdingx huhy hertongw iuxquanx. Zinlui tauwquer itding ee siongrdingx huhy hertongw, qra dongsii jingwsiongg zinlui jongrhongw siongrdinghuar/ jojithuar, teqiongx liauxqaiw ee diwsig.

B: u sniaw qewdat?

J: qewdat si dirr mow quaw kongwjer snewmia ee diauqnia-ha sanxsingx ee qetqyw. Lahho jongxsi hiongr gua duiqiuu dongrbut/ snewmia iuaw dirr junjai dongrbut ee quanhe/ sinue si guarlaii ee/ dongrbut kexhuad liauw sinue, dng' jit xee langg sniu beh jiangxag kuanli/ diwsig, dyrr e kir ciurnaa-lai jaiqair/ tyxliac, hro dongrbut laii qauwdy ix.

Mrqyxx longgiap sinue, ham' cauxbok jingwjyh/ jingxjiw ee sixbongg/ sinx sidbut singdiongw iuxquanx. Cauxbok sewqair si ix ee dyrsux, ham' zinlui snewmia quewdingg itdir :ee, jex junjai jit xee luerhiongr ee quanhe.

SNEWMIA UI' HUXNUA SNEX CUD

B: zinlui ui' tyxliac jauxsiur qaur jingwjyh, sinue ee siongxsiong u sniaw venwhuar?

J: hex si jit xee hiwqioghuar ee juantew juanxhuar, m na sinue, marr vauquad simlingg jursinx, guaw sniu. Liw jaix, dongrbut si uanjingw ee qywtew, uac dirr mopuee-lai, dng' liw sad liauw hitt jiah dongrbut, ix dyrr siw ar/ si ix snewmia ee jiongqed. Dirr sidbut ee sewqair, m si anne oor! Jamw driau jit jangg ciu, ix ee gee e qycc vuh .cud .laii, qrax/ jenw si vangjo sidbut singdiongw. Jingxqyy sidbudqair si jit xee vutduan junjairtew. Lingrgua jit xee ham' zeddai ciurnaa iuxquanx ee quanliam si, snewmia ui' huxnua-diongx jaiww cutsir. Guaw bad knuar quer quiw jap nii jingg virr jamw ee dua ciu/ ui' qiwdng ee soxjai snex cud jin' suiw ee angciurnaa/ inx si ui' sionghunn vuh cud laii ee kiauw qniaxzii, qisit si qang jit jangg ciu. Zuqyw liw qra sidbut ee vnix-qix jenw driau, marr qangrkuanw e qycc vuh ngiw. Mrqyxx dongrbut ee kax/ ciuw dog driau, si be qycc snex cud laii ee, qandna' moxjiongw digvet ee siwkajuaa, jiacc u jaiww snex ee linglik.

Soxiw ciurnaa ham' jingwjyh bunhuar, vingrr byy qra siw dongwjyr siw ee qamqag, siw si sinx snewmia soxx rair :ee. Iasox qongw, “guaw si putydinn, linw si hunqix.” dyrr si iong jitt xee iwsiong. Putyhngg ee iwsiong ham' dongrbut ee doglip si uanjuann byy qang :ee. U liauw jingwjyh bunhuar, dyrr u ixx jingwjyh jyr juxiaur jiahmic ee jinghingg.

B: jiaxee jingwjyh qinggiam kexhuad liauw sniaw qowsu?

J: liw ee jiahmic si ui' jamw siw/ draii lyc too ee sinbingg, si joxsenx jaiww huad cud :ee. Jitt lui sinue juxdee dirr sewqair qokk de dy' u, digvet huatsingx dirr Taiwvingg Xngiuu bunhuar.

Sidjer-siong, jiaxee sidbut qowsu marr camlam itvnuax zinruii sriok paclac bunhuar ee Bixjiux dairliok. Vakbixjiux bunhuar si lahho/ jingwjyh hordong denxhingg ee amwle. INDIANS juxiaur si paclac :ee, inx marr jingr huanbec. U jit xee ALGONQUIN iuxquanx huanbec kixguann ee qowsu, kansiap diyc jit xee javox ginxaw knaur .diyc ee iwsiong/ knuar diyc jit xee tauu dir ligsig jiauxmngg ee siauwlenlangg qniaa hiongr ix, iaucniaw ham' ix vixsair sutqag/ siauwlenn :ee ngiaa liauw jaiww dngw laii, qetqyw qycc ngiaa, dyrr anne itdit suar lyc kir. U jit zit, qra javox ginxaw qongw, xe huee itding rair qra taii siw, draii lyc too, rair qycc jiauwqor draii :ee hitt der toxde, javox ginxaw jiauww anne jyr, quer jit dnxua siqanx, javox ginxaw dngw laii knuar hitt der toxde/ hitt der virr jingr lyc too ee soxjai, ixqingx huad cud huanbec ar.

Javox ginxaw itdit quansimx jurqiw nilau ee lahho vaxvah/ sniu qongxx, druu liauw paclac ixgua, si m si iauxx u qitnax cruw diyc jiahmic ee honghuad. Jitt xee iwsiong dyrr si ui' jitt xee iwliam sanxsingx ee. Dirr qowsu qetbuew, javoginxaw duiww vaxvah qongw “jitmaw lanw byy su'iaur cud kir paclac ar.” jiaxee langg itding dirr jitt kig u moxjiongw qakcniw.

JINGWJYH BUNHUAR EE SINUE

B: quanqenr si ligsig jiauxmngg siauwlenlangg rair singx siw, draii lyc too , narr byy, sidbut byy kyxlingg ui' ix ee sixtew vuh cud laii. Jitt jiongw qowsu si m si ciangjai cuthen dirr jingwjyh bunhuar ee sinue?

J: si ar, POLYNESIA u anne ee qowsu: jit xee jaboxginxaw qac'ir dirr mow jit xee juixdii sew sinkux, u jit buew xmuaa marr ciangjai dirr juixdii hurqin sngw, dagg vaiw jaboxginxaw sew sinkux sii, xmuaa dyrr bongx ix ee duartuiw. U jit zit xmuaa venwsingg jit xee siauwlenlangg, marr bad si ix ee aiwzinn, likuix qycc dngw laii, jauw kir qycc huee laii. U jit vaiw dngw laii sii, cniurr ALGONQUIN qowsu ee ligsig jiauxmngg siauwlenn :ee qongw ee qangrkuanw, “xe huee guaw qycc laii knuar liw ee sii, liw diyh'air qra guaw taii siw, tauu dog .lyc .laii, draii lyc too.” jaboxginxaw jiauww jyr, tauu draii lyc ee soxjai, huad cud jit jangg iajixciu. Dng' tec iajiw sii, ham' hitt liap draii lyc kir ee tauu cavutdyx vnee duarliap. Guaw simrjiww erdangr knuar diyc bagjiux/ cniurr tauu qangrngiu ee siyw qad. Zuqyw lanw siongsinr duardysor Bixjiux zinluirhagqax soxx qongw, anne Taiwvingg Xngiuu bunhuar ham' lanw jingwjyh sinue laiguann ee Diongbixjiux bunhuar, si byy quanlenn ee.

B: byy qang bunhuar e sanxsingx siyqang qowsu. Jex u sniaw iwgi?

J: jex si sinue siongrr suxx langg diyhqniax ee soxjai ji' id. Guaw itsingx dy' ham' jiaxee sinue qauongw, duiww dinghok cuthen ee jingwkaksingr henrsiong, iuguann jin' qniax. Cniurr qang jit xee qowsu, qang jit xee surqnia, huanxsia dirr lingrgua jit xee muiqair, jiax m si huanbec, si iajiw.

B: ui' jingwjyh bunhuar qowsu, hro guaw qniax jit diyy :ee si, derr id crur u langg ui' dairde ee juxqiongx snex cud laii. Dirr jerje luirsu qowsu, dairde ee juxqiongx itjaiww dinghok cuthen.

J: jex dirr Bixqog selamvo ee tuansuad digvet binghenw. Hiax si ui' toxde sanxsingx derr id xee langg ee soxjai. Inx cuthen ee dongrkauw, dyrr jniajyr singwde, sewqair ee diongsimdiamw, ham' mow jxy snuax iuxquanx.

Qowsu si qongw derha siongrr cimx ee qerjann u mow quaw langg, inx m si jinjniar ee langg/ simrjiww m jaix jurqiw si langg. Qidiongx u jit xee pacpuar byy langg jaix ee qimwqi, duarjuiw rimx zip laii, inx rair hiongr quann vee, kanx syh vreh quer sewqair tenvongg ee dongrkauw cud laii, laii qaur lingrgua jit xee sewqair. Lingrgua jit xee qowsu si qongw dangqix ee susiongw venr qaxx jin' cimliogsingr, buxziok diyc zidtauu/ guehniuu, inx nng xee suacc siausid, sewqair amr mimox.

Dangqix inx qongw, inx u huatdo qra taiwiongg congr dngw laii. Inx qra ciu tunx lyc vxag, ui' dorjaii tror cud laii. Qra jurqiw draii lyc too, qandna' cunx nng luiw bagjiux. Inx venr jin sinqii ee mohuad, mrqyxx jiaxee huatsut dy' byy loriong. Zidtauqongx byy dngw laii. Sinjid zinguann qongw, jitmaw hro vecsner cir knuar mai lehh! Langg jurjib jywhuew, josingg soxu ee dongrbut, dongrbut/ langg uii jyr ngiko'aw, tiauwbuw qycc tiauwbuw/ jiaxee langg qra bruw duar laii siyw snualun, aurlaii venwjyr duarsnuax, jaiww jinr jit vo jniajyr sewqair jongqyx ee diongsimx. Zinlui marr ui' jiax sanxsingx.

Qycc laii cuwbi ee dairjir huatsingx ar. Cniurr Quriog ee qowsu, soxu :ee dy' si iuxquanx mow xee digding ee jogqunn, vixzu, NAVAHO cud laii sii, PUEBLO ixqingx dirr hiax. Jex dyrr cniurr EDEN ee qniaw beh kir dyhh cue kanciuw ee bunrdee. Jex si jiaxee langg congwsnex ee qowsu, sewqair qitnax ee langg kyr lingrgua jit xee iwgua jiacc erdangr sanxsingx.

B: jex si siongrder suanxbinn ee qaiwliam?

J: dongzenn si, muixx jit xee binjok dirr jurqiw simbak-diongx, dy' si siongrder suanxbinn. Hyxciyr :ee si, inx qra jurqiw binjok hyrmiaa tongsiongg si zinlui ee iwsur, qra qitnax binjok hy :ee, huisiongg qiquair, cniurr siauxcitbin/ uaipni ... dringw.

B: laijurr Bixjiux dangvag ciurnaa ee INDIANS, u jit xee qowsu, iuxquanx jit xui ui' tnidingw lag lyc laii, qycc snex jit duir siangsnex ee luxzinn. Selamvo ee INDIANS u jit xee jairsikluw snex jit duir siangsnex ee qowsu.

DAIRDE LUXZINN SI UI' JAIJINGR(JINGWJYH) LAII EE

J: si lar! Ui' tnidingw laii ee luxzinn, siongrr jaw si iu' paclac bunhuar ee qicow sanxsingx, dairde luxzinn si jingwjyh bunhuar laii ee. Siangsnex dairviauw nng xee siongduir guanjig, danrsi ham' Singwqingx CAIN/ ABEL soxx dairviauw :ee dua byy qang. Dirr IROQUOIS INDIANS ee qowsu, siangsnex ee jit xee hyrjy SPROUT iacc si qiyr PLANT BOY, lingrgua jit xee si FLINT, FLINT jit cutsir, maxmah dyrr lansanw quewsinx.

FLINT/ PLANT BOY dairviauw nng xee tuantongw. Huexdyjiyc (FLINT) si iong laii taii dongrbut ee lairdyx, FLINT dairviauw lahho tuantongw. PLANT BOY dairviauw :ee dongzenn si jaijingr tuantongw.

Dirr Singwqingx tuantongw, PLANT BOY siongduir CAIN, FLINT siongduir diyc ABEL. ABEL qisit si knuar ngiuu :ee, m si lahho, soxiw dirr Singwqingx bogjiaw/ jaijingr :ee horsiong duiwlip, zicniaw jaijingr :ee si virr ginrsinn ee. Jex si iubok binjok (paclac :ee) jinwzip jaijingr bunhuar au, piwsniur inx soxx jinghok duiwsiong ee sinue.

B: tniax kiw laii cniurr tuantongw sehongx dua quiboo ee jenwjingx.

J: si ar, dirr Singwqingx tuantongw, derr zi xee qniaw ingxuanw si singwlirjiaw/ si hyw :ee/ sinx laii :ee/ si HEBREW. Duarqniaw si jaxjingg druar dirr hiax ee CANAAN/ CAIN soxx dairviauw ee libdniuu si ixx longgiap jyr qicow ee sniaci.

B: jiaxee qowsu siongdongx tingdo qaixsueh dongdai ee ciongtut, qamxx m si?

J: si ar, kaksit si anne. Vixqaur cimhuan jaijingr siarhue, paclac binjok (iubok) ham' jaijingwjiaw ee ciongtut/ ionghap, si jin' cuwbi :ee. Derqiuu-siong qangrkuanw jitt jiongw jinghingg, nng xee hertongw ciongtut au jaiww ionghap.

B: liw qonqw hitt xee ui' tnidingw lag lyc laii ee luxzinn ixqingx huai'in, dirr derbin snex siangsnex ee luxzinn marr ursinx. Jerje bunhuar dy' u jairsikluw snex cud inghiongg, sixbongg/ qyc'uac ee tuansuad, liw zinruii jex u sniaw iwgi?

J: qiuwsewjuw anne ee zinbut sixbongg/ qyc'uac si soxu jiaxee tuansuad ee juxdee.

Vixzu, dirr huanbec kixguann qowsu, u jit xee jusen ee langg cuthen dirr javoginxaw ee iwsiong-diongx, hro ix huanbec qycc siw .kir. Sidbut ui' ix ee sinkux snex cud laii. U langg diyh'air singx siw, snewmia jiacc erdangr qycc cuthen. Guaw kaisiw iwsig diyc sixbongg cua cud snewmia, snewmia duar laii sixbongg jitt xee qibiau mosid. Dingw jit dai ee langg rair siw .kir, xe jit sewdai ee langg jiacc e cutsir.

B: liw siaw quer “dirr duirlyc ee ciurbok/ hiyc-diongx, cingsinx ee ngiw vuh cud laii, jex qra lanw qongw, sixbongg snex cud snewmia, siw nirr cangr diyc sinx snewmia, did diyc jankog qetlun si, qasog snewmia dyrr si qasog sixbongg. Jitt xee derqiuu zeddair ee digsig, virr zinrding si siauxluan ee hisingx --- sidbut/ dongrbut/ zinlui ee hisingx.”

J: jit xee ham' NEW GUINEA lamsingr siarhue iuxquanx ee gisid, sidjer-siong si kurtexhuar jaijingr siarhue ee sixbongg/ qyc'uac/ donglui siy' jiac ee sinue. Gisid dirr jit xee singwde qixhingg, singx kiw qow, suar laii liam quax, zenau jiamrr tingg lyc laii, anne jinwhingg liauw sir ~ go zit, qewsiok vutduan, liw jaix gisid si jin' buliauu ee, e qra liw lik .siw, qycc laii jiacc e tudpuar jinwzip sinx ligdingg.

Siongrbuew uixdai sikig laii qaur. Jit dniuu kingwjiog pacpuar soxu quijig, jinwhingg singr logtiongr. Camqax singzinlew gisid ee siauwlenn javoginxaw, dngbecc jinwhingg inx derr id crur singr qinggiam. Dirr jit jxy u nng qix tiau tner diauu, qasiong jerje ngii cakox tuh lehh ee dua vnxee-ha. Jrngx jyr sinbingg ee jit xee siauwlenn luxsingr qniaa .zip .laii, dyw dirr jitt xee dua cuwdingw-ha, iokk lak xee javox :ee dirr qow sniax/ liamrcniur-diongx, jit xee jriab jit xee ham' jitt xee jabow jinwhingg singr quanhe. Dng' juewau jit xee javox ham' jabow duxhyw drat qaur siongrr tiongr sii, tner ee tiau virr tetlii, ngii cakox lag lyc laii, deh siw inx nng langg. Dirr jit kig lamluw jaiww dxo hap jywhuew, cniurr guancox liongxsingr byy hunlii hitt ngiu. Jex si snex/ siw hab'id, snex/ siw qang jit hxang su.

Suar laii, jitt duir lamluw virr giuw cud laii/ hangx .quer, hitt mee virr jiac driau. Jitt xee gisid si sad driau qiuwsewjuw qycc dongwjyr jiahmic, si guansiw hing'uii ee dinghok. Dirr MASS hisingx gisid, liw virr vyr, limx lyc qiuwsewjuw ee sinkux/ hueh. Liw juanxhiongr luerjai, qiuwsewjuw dirr liw luersimx sanxsingx jok'iong.

JYCSIT BUNHUAR HISINGX EE SI LANGG VUNXSINX

B: jiaxee gisid soxx jixcud ee dyrliw si sniaw?

J: snewmia vunxjid rair dirr snewmia ee hingdong liauxqaiw. Paclac bunhuar ee hisingx hyxcincniu hongwhenr hro iaucniaw laii uirr zinlui jyr dairjir/ iacc si hro mow mic sinn ee jit xee lexbut/ iacc si qongw bexsiux. Dirr jingwjyh bunhuar soxx hisingx ee langg, dyrr si sinn vunxsinx, sixjiaw virr draii, zenau jniajyr jiahmic. Qidog virr dingr siw dirr sibzirqer, jingsinn bixniuu laijurr ix sinkux.

Qidog ee qowsu, si jit jiongw jurr guanvunw huisiongg qowding, cauxbok iwsiong ee singhuaa. Iasox dingr dirr sinsingr sibzirqer --- ciu-dingw, ix jurqiw dyrr si ciurjiw/ ingxuanw snewmia ee quexjiw/ EDEN Hngg derr zi jangg qimwciu. Langg jiac derr id jangg ee ciurjiw, jaihiauw sxen-og, virr qnuaw cud hitt xee byy lamluw/ senrog/ siongrder/ zinlui hunvet ee id-cuwguann EDEN Hngg, jiac liauw sxen-og zirguann ee quexjiw, diyh'air likuix. Dngw kir EDEN Hngg ee ciu si be hiuxnua ee snewmia-ciu, dirr hiax liw liauxqaiw guaw ham' tnive ittew.

Huee qaur EDEN Hngg si jerje jongqaur ee bogviaux. Dng' Iahyhuaa qra langg danr cud sii, dongsii he nng xui tensair dirr mngkauw, dionghngx u jit qix decc siyx ee qiamr.

Vudqaur biyrsi, duliauw jre dirr ingxuanw poteciu-kax ee Vuddyy ixgua, liw e huathen duarmngkauw u nng xee horue posad --- si nng xee qor mngg tensair, liw rair qniaa quer inx, jiacc erdangr drat qaur ingxuanw ee ciu. Dirr Qidokqaur tuantongw, sibzirqer-dingw ee Iasox si dirr ingxuanw snewmiarciu-dingw/ ix vunxsinx dyrr si ciurjiw. Sibzirqer-dingw ee Iasox/ poteciu-kax ee Vuddyy, inx si qangrkuanw ee zinbut. Dirr mngkauw ee nng xee tensair si'angg? Dirr Vudsi e knuar diyc qidiongx jit xee cuir kuix ~, lingrgua jit xee hap cuir, inx dairviauw qniahniaa/ iogbang ee duiwlip.

Zuqyw qniaa zip luirsu ee mngdniaa, jitt nng xee zinbut duiww liw iuguann si jinsit qycc kiongxvor, viauxsi liw duiww snewmia iauxx si qniahniaa, sidjer-siong liw si dirr dniaa-gua; narr liw byy qycc jipquad dirr jurgnow iwsig ee junjai, qycc qra jurgnow ee junjai dongwjyr lingrgua jit xee kacc dua/ ingxuanw juantew ee qonglingg, zinrdongg juantew ngiaa quer jurqiw, anne liw dyrr be qniax hitt nng xee qaksig, dyrr sngr quer quanx ar.

Lanw soxiw virr qirjuat, lauu dirr EDEN Hngg mngg-gua, si lanw qniax sitkir snewmia-diongx bixhyw dairjir, jiamwiuw ee iogbang qiongg quer itcer soxx drir.

B: si m si soxu ee langg dy' qamxqag, inx virr qirjuat, lauu dirr jiongqik jinsit/ hixlok/ hnuahiw/ uanbiw qapp siongrder mngg gua?

J: si ar, danrsi liw marr u drat qaur bygnow qingxqair ee sii. Zidsiongg sing'uac ham' bygnow qingxqair ee cavet, naxx cniurr dirr EDEN Hngg gua/ lai ee hunvet. Liw ersaih si ciauuat qniahniaa/ iogbang, ciauuat jitt nng jiongw duiwlip.

B: jinwzip hyhaii?

J: si jinwzip ciauuat qingxqair. Jex si soxu sinviwjuxgi soxx lixqaiw ee qivunw qinggiam. Bacsinx sixbongg, simlingg kiokk cutsir. Liw ham' iwsig/ snewmia zinrdongg, sinkux jixvutqyr si qangku ziiw/ qangku siw .kir, dirr iwsig-diongx liw ham' hitt xee qangku soxx jicjair ee surbut hab'id. Hex dyrr si siongrder.

Ui' sidbut tuantongw did .diyc ee qaiwliam si, zi-cuwguann henrsiong viauxbin ee aurviah si id-cuwguann/ soxu jiaxee henxhen surbut vuerau, jixu jit xee jiywqngx itcer ee qnghuix. Gersut ee qonglingg si tauwquer congwjy ee kectew henxlo jitt xee qngngiaw. Dng' liw knaur diyc jit xee hyxzirun johabtew ee bixle gersudpinw, qandna' e vutdix-vutqag qiyr cud “ar!” jiurr mow hongbin laii qongw, jitt sniax janwtanr cud, liw jurqiw snewmia ee dedsu, inxcua liw kir liauxqaiw jongqaur iwdoo beh tuandat ee sinwsid.

B: siw si snex, snex dyrr si siw, horsiong hyhaii itdir.

J: lanw diyh'air dirr snex-siw jiqanx did diyc vnevang, si qangrkuanw jit huesu ee nng bin: junjai qapp snejniaa.

B: juanvo ee qowsu dyrr si decc qongw jex?

J: si ar, juanvo dyrr si anne. Guaw m jaix u qirjuat sixbongg ee qowsu. Qoxlyw ee hisingx quanliam uanjuann m si lanw soxx siongxsiong e diyc :ee. MAYA INDIANS u jit jiongw naqiuu iuhir, ngiaa hitt dui ee duirdniuw rair kia dirr qiudniuu, tauu virr jamw driau, uirr sux ee duirdniuw hisingx. Dirr zinsingx singwli hitt kig, sunqiuu hisingx, si jaxqii hisingx quanliam ee jingsinn.

B: jitt jiongw hisingx ee quanliam, iuqii si singwlirjiaw ee hisingx, duiww lanw jin' cnehun. Jitmaw ee quijig si ngiaa :ee did diyc juanvo.

J: jitt xee MAYA gisid ee iuhir, iwgi si venwsingg cniurr sinn qangrkuanw daddid hisingx.

B: liw zinruii hisingx snewmia :ee did diyc snewmia, qamxx jinjniar anne?

J: hex si Iasox qongw ee.

B: liw qamxx siongsinr?

J: guaw siongsinr, zuqyw liw uirr mow dairjir laii hisingx. Jap-cid sewqiw CANADA Iasohue tuanqauwsu ee vywdy, u jit xee siauwlenn IROQUOIS iongxsu, virr duiwdik uahliac, rair virr lingdi qaur siw. Dangvag INDIANS duiwtai uahliac lamsingr digzinn ee hongsiok, u hertongw lingdi hro tongkow byy kiapdnaw, si lamjuxhanr juewau ciwlen. Jitt xee siauwlenn iongxsu singsiu jitt xee kiongxvor ee koxhingg, Iasohue qauwsu diyhqniax :ee si, ix hyxcincniu decc kingwjiog jurqiw ee hunlew, jngtna jurqiw qycc dua sniax gimcniur, liac ix ee langg duiwtai ix cniurr huangingg juxlangg, ix jurqiw cniurr quiwkeh hitt ngiu. Bingjaix jiongbuew qetqiok, iuguann ham' inx jinwhingg jitt dniuu iuhir.

Biyue jitt xee jingqingw ee FRANCE sinjid zinguann, uanjuann virr hecqniax .diyc. Inx bujingg ee giyhciyr, qongxx kimliahjiaw si jit qrunn iaxsiur/ danrsi m si anne! Jiaxee langg si juxcii jitt xee siauwlenn iongxsu ee sinjid zinguann. Zuqyw jex si jewdnuaa ee hisingx, anne jitt xee javoginxaw si cniurr Iasox ee qaksig. FRANCE sinjid zinguann dagg zit decc kingwjiog MASS, kiokk m jaix MASS duxx si hogjer sibzirqer iaxbann ee hisingx laii :ee.

Dirr guirjy Qidokqaur suxdoo genhingduan, u jit dnxua bijyue luirsu Iasox jnriu sibzirqer jingg Joan ee hing'uii ee jingqingw. Jex si Qidokqaur bunhenr siongrr qamxdong ee jit dnxua. Dirr Meteo/ Marko/ Luka/ Joan hok'imx, jixsirr kinx ~ siaw .quer, dirr juewau amwdngr dicbecc jiongbuew sii, Iasox ham' ix ee juxde dirr ix ee sibzirqer jingg, cniur jit siuw janwbixsix. Suxdoo genhingduan qra jit siuw six jiauww zri suecbingg, amwdngr qetsog beh qniaa cud huehngg sii, Iasox duiww srinx-vnix ee mngdoo qongw “lanw laii tiauwbuw!” inx ciuw kanx ciuw uii jyr jit xee ngii, Iasox virr uii dirr koxaw-lai, anne cniur “ ingiau qruix liw, tnive!”

“a'men” mngdoo rinr cniur.

“ingiau qruix liw, tnive!”

”a'men”

“ ingiau qruix liw, tnive!”

”a'men”

”guaw e qycc cutsir, e qycc cutsir!”

”a'men”

”guaw e jiac, marr e virr jiac!”

”a'men”

”tiauwbuw ee liw, knuar guaw jyr liauw sniaw? Liw u lamjuxhanr ee zedjingg, guaw duxdecc uirr jex siurkow!”

”a'men”

”guaw e dyjauw, marr e lauu .lyc .laii!”

”a'men”

”guaw e virr tongxhap, marr e tongxhap langg'!”

“a'men”

”guaw jiong' beh qniaa hiongr qnuaw guaw hiongr jingg qniaa ee mngg ... guaw jiong' beh qniaa hiongr zinsingx ee lordoo ” tiauwbuw au, ix qniaa zip mngdniaa virr liac, zenau dingr siw dirr sibzirqer-siong.

Liw narr ixx sinn ee hongsid siw, ui' sinue ee iwgi-siong qongw, liw si qniaa hiongr liw ingxuanw ee snewmia, anne dyrr byy sniaw tangx hyw viaix ee? Hro lanw qiongg qycc u lat binrduir siw, henwcud siw ee guanmau. Hro lanw kingwjiog sixbongg.

B: sixsinn dyrr si buxsinn.

J: sixsinn/ singr-sinn qang jit huesu.

B: liw ee iwsur si?

J: suxx langg diyhqniax :ee, dirr jit xee jriab jit xee ee qowsu, liw e huathen jiaxee dairviauw sixbongg ee sinn, u sii qycc si snetnuar ji' sinn. HAITI VODOU tuantongw ee sixsinn GHEDE dongsii marr si singr-sinn, EGYPT OSIRIS si huatqnuax/ si sixsinn/ marr si snewmia jaiww snex ji' sinn. Sixbongg e jaiww snex si juxdee, rair sixbongg, jiacc e u snewmia.

Jex si dirr danglam'a, digvet si INDONESIA, tyxliac tauu ee kixguann/ jex si sinsingr ee hing'uii, sinsingr ee satsingx. Jit xee siauwlenlangg unxjunw qethunx, jniajyr laurve jinwjingg, rair kia cud laii viauxenw satsingx, u sixbongg jiacc e u snewmia. Jitt xee iwgi dirr dingw jit dai :ee rair siw .kir, xe jit dai jiacc erdangr cutsir. Itdanr liw ee qniaxzii cutsir, liw dyrr ixqingx siw ar. Ginxaw si sinx snewmia, liw jixvutqyr si vyxho sinx snewmia :ee ziiw.

B: liw ee siqanx qaur ar.

J: jex si uirsniaxmic snetnuar/ sixbongg jiqanx, u jiacc cimkig ee quanqenr.

B: liw duxx qongw :ee, ham' verbuw guanrir uirr qniaxzii hisingx snewmia ee sursit, qamxx u jit diamw quanlenn?

J: SCHOPENHAUER siaw jit pnix uixdai ee bunn, ix mng, uirsniaxmic langg e byy qingquer sukyw sui' kir cam'uw tnazinn ee kunwlann/ tongwkow, vingrr uirr tnazinn hisingx jurqiw ee snewmia? Lanw tongsiongg zinruii jurgnow singjunn si jurzenn derr id huatjig, uirsniaxmic e virr pacpuar?

Sir ~ go nii jingg, dirr HAWAII jit xee huisiongg ee surqnia kyxiw dairviauw jitt xee bunrdee. Jit xee hyrjyr PALI ee soxjai, vakhongx cuex tangr quer dua snualingg. Langg jin' qac'ir vreh kiw kir cuex hongx, iacc si ui' hitt dingw tiaur lyc laii jursad, dyrr cniurr ui' Qimmngg Duarqiyy tiaur lyc laii qang ngiu.

U jit zit, nng xee qingxcad sraiw ciax jnriu PALI sii, knuar diyc lanqanx vnix u jit daii ciax beh linr lyc kir, ciax-dingw u jit xee siauwlenlangg junxvi tiaur lyc kir, qingxciax sui' tingg lyc laii, jniawvingg jerui ee qingxcad ciongx cud kir, liac diyc hitt xee langg sii, duxhyw si siauwlenlangg beh tiaur cud kir, qingxcad cax jit sud aw dyrr virr tuax lyc kir, hyxun derr zi xee qingxcad qnuaw qaur, jiacc qra inx nng langg giuw diauu.

Liw qamxx erdangr liauxqaiw hitt xee qingxcad uirsniaxmic erdangr hionghiongg uirr jit xee m bad qnir quer bin ee siauwlenlangg hisingx snewmia? Ix qra snewmia qitnax soxu :ee --- duiww qadingg/ qangjog/ jurqiw snewmia ee jikzim --- soxu duiww snewmia ee qitai/ guanrbang dy' siausid, ix beh kir hur siw.

Aurlaii jit xee qiwjiaw mng ix “liw uirsniaxmic byy vangr ciuw? Liw kyxlingg anne siw kir.” ix rinr “guaw berdangr hongwkir, narr guaw vangwdiau hitt xee javox ee ciuw, guaw byy vanrhuad jaiww qex uac jit zit.” uirsniaxmic?

SCHOPENHAUER ee dab si, jitt jiongw simliw guiqix, dairviauw tudpuar ciaubudjid ee lixqaiw. Arr dyrr si liauxqaiw diyc ham' tnazinn si ittew, linw si jit xee snewmia ee nng bin, jitt sii ee hunqeh, jixvutqyr si si'kongx diauqnia-ha, qinggiam hingtew ee hongsid qetqyw ziiw. Lanw jinsit dirr ham' soxu snewmia qethap itdir. Jitt xee ciaubudjid ee jinliw, erdangr dirr guiqix-ha sui' texzin diyc. Jiauww SCHOPENHAUER soxx qongw, si liw snewmia ee jinliw.

Inghiongg si uirr liauw sidjenr jinliw ee mow jit xee binrhiongr, hisingx jurqiw snewmia ee langg. Air liw ee cuwvnix jitt xee quanliam, si hro liw kir jiapciog jitt xee sursit. Bylun liw si m si air linw cuwvnix, dng' liw lixqaiw diyc jit diamw, dyrr e suisii junxvi hisingx jurqiw snewmia. Hitt xee HAWAII qingxcad ham' hitt xee siauwlenlngg vingrr byy siy' bad, marr m jaix ix si uirr si'angw hisingx. SCHOPENHUAER qongw, dirr jerje siyw soxjai liw erdangr knuar diyc jitt lui sursit dagg zit dy' decc huatsingx. Langg ciangjai qaixqiur tnazinn, horsiong jywcud busux ee hing'uii.

JYCSIT BUNHUAR HISINGX EE SI LANGG VUNXSINX

B: jiaxee gisid soxx jixcud ee dyrliw si sniaw?

J: snewmia vunxjid rair dirr snewmia ee hingdong liauxqaiw. Paclac bunhuar ee hisingx hyxcincniu hongwhenr hro iaucniaw laii uirr zinlui jyr dairjir/ iacc si hro mow mic sinn ee jit xee lexbut/ iacc si qongw bexsiux. Dirr jingwjyh bunhuar soxx hisingx ee langg, dyrr si sinn vunxsinx, sixjiaw virr draii, zenau jniajyr jiahmic. Qidog virr dingr siw dirr sibzirqer, jingsinn bixniuu laijurr ix sinkux.

Qidog ee qowsu, si jit jiongw jurr guanvunw huisiongg qowding, cauxbok iwsiong ee singhuaa. Iasox dingr dirr sinsingr sibzirqer --- ciu-dingw, ix jurqiw dyrr si ciurjiw/ ingxuanw snewmia ee quexjiw/ EDEN Hngg derr zi jangg qimwciu. Langg jiac derr id jangg ee ciurjiw, jaihiauw sxen-og, virr qnuaw cud hitt xee byy lamluw/ senrog/ siongrder/ zinlui hunvet ee id-cuwguann EDEN Hngg, jiac liauw sxen-og zirguann ee quexjiw, diyh'air likuix. Dngw kir EDEN Hngg ee ciu si be hiuxnua ee snewmia-ciu, dirr hiax liw liauxqaiw guaw ham' tnive ittew.

Huee qaur EDEN Hngg si jerje jongqaur ee bogviaux. Dng' Iahyhuaa qra langg danr cud sii, dongsii he nng xui tensair dirr mngkauw, dionghngx u jit qix decc siyx ee qiamr.

Vudqaur biyrsi, duliauw jre dirr ingxuanw poteciu-kax ee Vuddyy ixgua, liw e huathen duarmngkauw u nng xee horue posad --- si nng xee qor mngg tensair, liw rair qniaa quer inx, jiacc erdangr drat qaur ingxuanw ee ciu. Dirr Qidokqaur tuantongw, sibzirqer-dingw ee Iasox si dirr ingxuanw snewmiarciu-dingw/ ix vunxsinx dyrr si ciurjiw. Sibzirqer-dingw ee Iasox/ poteciu-kax ee Vuddyy, inx si qangrkuanw ee zinbut. Dirr mngkauw ee nng xee tensair si'angg? Dirr Vudsi e knuar diyc qidiongx jit xee cuir kuix ~, lingrgua jit xee hap cuir, inx dairviauw qniahniaa/ iogbang ee duiwlip.

Zuqyw qniaa zip luirsu ee mngdniaa, jitt nng xee zinbut duiww liw iuguann si jinsit qycc kiongxvor, viauxsi liw duiww snewmia iauxx si qniahniaa, sidjer-siong liw si dirr dniaa-gua; narr liw byy qycc jipquad dirr jurgnow iwsig ee junjai, qycc qra jurgnow ee junjai dongwjyr lingrgua jit xee kacc dua/ ingxuanw juantew ee qonglingg, zinrdongg juantew ngiaa quer jurqiw, anne liw dyrr be qniax hitt nng xee qaksig, dyrr sngr quer quanx ar.

Lanw soxiw virr qirjuat, lauu dirr EDEN Hngg mngg-gua, si lanw qniax sitkir snewmia-diongx bixhyw dairjir, jiamwiuw ee iogbang qiongg quer itcer soxx drir.

B: si m si soxu ee langg dy' qamxqag, inx virr qirjuat, lauu dirr jiongqik jinsit/ hixlok/ hnuahiw/ uanbiw qapp siongrder mngg gua?

J: si ar, danrsi liw marr u drat qaur bygnow qingxqair ee sii. Zidsiongg sing'uac ham' bygnow qingxqair ee cavet, naxx cniurr dirr EDEN Hngg gua/ lai ee hunvet. Liw ersaih si ciauuat qniahniaa/ iogbang, ciauuat jitt nng jiongw duiwlip.

B: jinwzip hyhaii?

J: si jinwzip ciauuat qingxqair. Jex si soxu sinviwjuxgi soxx lixqaiw ee qivunw qinggiam. Bacsinx sixbongg, simlingg kiokk cutsir. Liw ham' iwsig/ snewmia zinrdongg, sinkux jixvutqyr si qangku ziiw/ qangku siw .kir, dirr iwsig-diongx liw ham' hitt xee qangku soxx jicjair ee surbut hab'id. Hex dyrr si siongrder.

Ui' sidbut tuantongw did .diyc ee qaiwliam si, zi-cuwguann henrsiong viauxbin ee aurviah si id-cuwguann/ soxu jiaxee henxhen surbut vuerau, jixu jit xee jiywqngx itcer ee qnghuix. Gersut ee qonglingg si tauwquer congwjy ee kectew henxlo jitt xee qngngiaw. Dng' liw knaur diyc jit xee hyxzirun johabtew ee bixle gersudpinw, qandna' e vutdix-vutqag qiyr cud “ar!” jiurr mow hongbin laii qongw, jitt sniax janwtanr cud, liw jurqiw snewmia ee dedsu, inxcua liw kir liauxqaiw jongqaur iwdoo beh tuandat ee sinwsid.

B: siw si snex, snex dyrr si siw, horsiong hyhaii itdir.

J: lanw diyh'air dirr snex-siw jiqanx did diyc vnevang, si qangrkuanw jit huesu ee nng bin: junjai qapp snejniaa.

B: juanvo ee qowsu dyrr si decc qongw jex?

J: si ar, juanvo dyrr si anne. Guaw m jaix u qirjuat sixbongg ee qowsu. Qoxlyw ee hisingx quanliam uanjuann m si lanw soxx siongxsiong e diyc :ee. MAYA INDIANS u jit jiongw naqiuu iuhir, ngiaa hitt dui ee duirdniuw rair kia dirr qiudniuu, tauu virr jamw driau, uirr sux ee duirdniuw hisingx. Dirr zinsingx singwli hitt kig, sunqiuu hisingx, si jaxqii hisingx quanliam ee jingsinn.

B: jitt jiongw hisingx ee quanliam, iuqii si singwlirjiaw ee hisingx, duiww lanw jin' cnehun. Jitmaw ee quijig si ngiaa :ee did diyc juanvo.

J: jitt xee MAYA gisid ee iuhir, iwgi si venwsingg cniurr sinn qangrkuanw daddid hisingx.

B: liw zinruii hisingx snewmia :ee did diyc snewmia, qamxx jinjniar anne?

J: hex si Iasox qongw ee.

B: liw qamxx siongsinr?

J: guaw siongsinr, zuqyw liw uirr mow dairjir laii hisingx. Jap-cid sewqiw CANADA Iasohue tuanqauwsu ee vywdy, u jit xee siauwlenn IROQUOIS iongxsu, virr duiwdik uahliac, rair virr lingdi qaur siw. Dangvag INDIANS duiwtai uahliac lamsingr digzinn ee hongsiok, u hertongw lingdi hro tongkow byy kiapdnaw, si lamjuxhanr juewau ciwlen. Jitt xee siauwlenn iongxsu singsiu jitt xee kiongxvor ee koxhingg, Iasohue qauwsu diyhqniax :ee si, ix hyxcincniu decc kingwjiog jurqiw ee hunlew, jngtna jurqiw qycc dua sniax gimcniur, liac ix ee langg duiwtai ix cniurr huangingg juxlangg, ix jurqiw cniurr quiwkeh hitt ngiu. Bingjaix jiongbuew qetqiok, iuguann ham' inx jinwhingg jitt dniuu iuhir.

Biyue jitt xee jingqingw ee FRANCE sinjid zinguann, uanjuann virr hecqniax .diyc. Inx bujingg ee giyhciyr, qongxx kimliahjiaw si jit qrunn iaxsiur/ danrsi m si anne! Jiaxee langg si juxcii jitt xee siauwlenn iongxsu ee sinjid zinguann. Zuqyw jex si jewdnuaa ee hisingx, anne jitt xee javoginxaw si cniurr Iasox ee qaksig. FRANCE sinjid zinguann dagg zit decc kingwjiog MASS, kiokk m jaix MASS duxx si hogjer sibzirqer iaxbann ee hisingx laii :ee.

Dirr guirjy Qidokqaur suxdoo genhingduan, u jit dnxua bijyue luirsu Iasox jnriu sibzirqer jingg Joan ee hing'uii ee jingqingw. Jex si Qidokqaur bunhenr siongrr qamxdong ee jit dnxua. Dirr Meteo/ Marko/ Luka/ Joan hok'imx, jixsirr kinx ~ siaw .quer, dirr juewau amwdngr dicbecc jiongbuew sii, Iasox ham' ix ee juxde dirr ix ee sibzirqer jingg, cniur jit siuw janwbixsix. Suxdoo genhingduan qra jit siuw six jiauww zri suecbingg, amwdngr qetsog beh qniaa cud huehngg sii, Iasox duiww srinx-vnix ee mngdoo qongw “lanw laii tiauwbuw!” inx ciuw kanx ciuw uii jyr jit xee ngii, Iasox virr uii dirr koxaw-lai, anne cniur “ ingiau qruix liw, tnive!”

"a'men” mngdoo rinr cniur.

“ingiau qruix liw, tnive!”

”a'men”

“ ingiau qruix liw, tnive!”

”a'men”

”guaw e qycc cutsir, e qycc cutsir!”

”a'men”

”guaw e jiac, marr e virr jiac!”

”a'men”

”tiauwbuw ee liw, knuar guaw jyr liauw sniaw? Liw u lamjuxhanr ee zedjingg, guaw duxdecc uirr jex siurkow!”

”a'men”

”guaw e dyjauw, marr e lauu .lyc .laii!”

”a'men”

”guaw e virr tongxhap, marr e tongxhap langg'!”

“a'men”

”guaw jiong' beh qniaa hiongr qnuaw guaw hiongr jingg qniaa ee mngg ... guaw jiong' beh qniaa hiongr zinsingx ee lordoo ” tiauwbuw au, ix qniaa zip mngdniaa virr liac, zenau dingr siw dirr sibzirqer-siong.

Liw narr ixx sinn ee hongsid siw, ui' sinue ee iwgi-siong qongw, liw si qniaa hiongr liw ingxuanw ee snewmia, anne dyrr byy sniaw tangx hyw viaix ee? Hro lanw qiongg qycc u lat binrduir siw, henwcud siw ee guanmau. Hro lanw kingwjiog sixbongg.

B: sixsinn dyrr si buxsinn.

J: sixsinn/ singr-sinn qang jit huesu.

B: liw ee iwsur si?

J: suxx langg diyhqniax :ee, dirr jit xee jriab jit xee ee qowsu, liw e huathen jiaxee dairviauw sixbongg ee sinn, u sii qycc si snetnuar ji' sinn. HAITI VODOU tuantongw ee sixsinn GHEDE dongsii marr si singr-sinn, EGYPT OSIRIS si huatqnuax/ si sixsinn/ marr si snewmia jaiww snex ji' sinn. Sixbongg e jaiww snex si juxdee, rair sixbongg, jiacc e u snewmia.

Jex si dirr danglam'a, digvet si INDONESIA, tyxliac tauu ee kixguann/ jex si sinsingr ee hing'uii, sinsingr ee satsingx. Jit xee siauwlenlangg unxjunw qethunx, jniajyr laurve jinwjingg, rair kia cud laii viauxenw satsingx, u sixbongg jiacc e u snewmia. Jitt xee iwgi dirr dingw jit dai :ee rair siw .kir, xe jit dai jiacc erdangr cutsir. Itdanr liw ee qniaxzii cutsir, liw dyrr ixqingx siw ar. Ginxaw si sinx snewmia, liw jixvutqyr si vyxho sinx snewmia :ee ziiw.

B: liw ee siqanx qaur ar.

J: jex si uirsniaxmic snetnuar/ sixbongg jiqanx, u jiacc cimkig ee quanqenr.

B: liw duxx qongw :ee, ham' verbuw guanrir uirr qniaxzii hisingx snewmia ee sursit, qamxx u jit diamw quanlenn?

J: SCHOPENHAUER siaw jit pnix uixdai ee bunn, ix mng, uirsniaxmic langg e byy qingquer sukyw sui' kir cam'uw tnazinn ee kunwlann/ tongwkow, vingrr uirr tnazinn hisingx jurqiw ee snewmia? Lanw tongsiongg zinruii jurgnow singjunn si jurzenn derr id huatjig, uirsniaxmic e virr pacpuar?

Sir ~ go nii jingg, dirr HAWAII jit xee huisiongg ee surqnia kyxiw dairviauw jitt xee bunrdee. Jit xee hyrjyr PALI ee soxjai, vakhongx cuex tangr quer dua snualingg. Langg jin' qac'ir vreh kiw kir cuex hongx, iacc si ui' hitt dingw tiaur lyc laii jursad, dyrr cniurr ui' Qimmngg Duarqiyy tiaur lyc laii qang ngiu.

U jit zit, nng xee qingxcad sraiw ciax jnriu PALI sii, knuar diyc lanqanx vnix u jit daii ciax beh linr lyc kir, ciax-dingw u jit xee siauwlenlangg junxvi tiaur lyc kir, qingxciax sui' tingg lyc laii, jniawvingg jerui ee qingxcad ciongx cud kir, liac diyc hitt xee langg sii, duxhyw si siauwlenlangg beh tiaur cud kir, qingxcad cax jit sud aw dyrr virr tuax lyc kir, hyxun derr zi xee qingxcad qnuaw qaur, jiacc qra inx nng langg giuw diauu.

Liw qamxx erdangr liauxqaiw hitt xee qingxcad uirsniaxmic erdangr hionghiongg uirr jit xee m bad qnir quer bin ee siauwlenlangg hisingx snewmia? Ix qra snewmia qitnax soxu :ee --- duiww qadingg/ qangjog/ jurqiw snewmia ee jikzim --- soxu duiww snewmia ee qitai/ guanrbang dy' siausid, ix beh kir hur siw.

Aurlaii jit xee qiwjiaw mng ix “liw uirsniaxmic byy vangr ciuw? Liw kyxlingg anne siw kir.” ix rinr “guaw berdangr hongwkir, narr guaw vangwdiau hitt xee javox ee ciuw, guaw byy vanrhuad jaiww qex uac jit zit.” uirsniaxmic?

SCHOPENHAUER ee dab si, jitt jiongw simliw guiqix, dairviauw tudpuar ciaubudjid ee lixqaiw. Arr dyrr si liauxqaiw diyc ham' tnazinn si ittew, linw si jit xee snewmia ee nng bin, jitt sii ee hunqeh, jixvutqyr si si'kongx diauqnia-ha, qinggiam hingtew ee hongsid qetqyw ziiw. Lanw jinsit dirr ham' soxu snewmia qethap itdir. Jitt xee ciaubudjid ee jinliw, erdangr dirr guiqix-ha sui' texzin diyc. Jiauww SCHOPENHAUER soxx qongw, si liw snewmia ee jinliw.

Inghiongg si uirr liauw sidjenr jinliw ee mow jit xee binrhiongr, hisingx jurqiw snewmia ee langg. Air liw ee cuwvnix jitt xee quanliam, si hro liw kir jiapciog jitt xee sursit. Bylun liw si m si air linw cuwvnix, dng' liw lixqaiw diyc jit diamw, dyrr e suisii junxvi hisingx jurqiw snewmia. Hitt xee HAWAII qingxcad ham' hitt xee siauwlenlngg vingrr byy siy' bad, marr m jaix ix si uirr si'angw hisingx. SCHOPENHUAER qongw, dirr jerje siyw soxjai liw erdangr knuar diyc jitt lui sursit dagg zit dy' decc huatsingx. Langg ciangjai qaixqiur tnazinn, horsiong jywcud busux ee hing'uii.

SNEWMIA SI TONGWKOW EE, JUVIX HRO SNEWMIA QEWSIOK

B: Iasox qongw “ air liw ee cuwvnix, cniurr air jurqiw qangrkuanw.” sidjer si anne ”air liw ee cuwvnix, in'ui ix si liw jurqiw.”

J: danghongx tuantongw u jit xee uixdai ee zinbut --- posad. Ix ee vunxjid si buhan juvix, tniax qongw, ui' ix ee jingxtau'aw e dih lyc senzinn jiahmic, hro dirr siongrr cimx dergak ee jiongwsingx jiac.

B: jitt xee iwgi si sniaw?

J: dirr <Sinn Kxig (DIVINE COMEDY)> ee juewau, DANTE liauxqaiw siongrder ee air, ju'iongw juann uxdiu, vauquad dergak siongrr cimx ee soxjia. Jitt nng xee si huisiongg luirsu ee iwsiong. Posad dairviauw juvix, u inx ee vangjan, snewmia jiacc u kyxlingg junjai. Snewmia si tongwkow ee, juvix si snewmia kyxlingg qewsiok ee guan'inx. Posad si ixqingx liauxgno bugnow qingwqair ee langg, kiokk jiwguan jaiww dngw laii cam'uw jitt xee tongwkow ee sewqair. Jurguan cam'uw/ jaiww cutsir dirr jitt xee siogser, si huisiongg liauxvutkiw :ee. Jex duxhyw si PAUL hro PHILLIPPIANS puesinr ee juxdee. Iasox byy zinruii siongrder erdangr virr tewdai, ixx lovok ee hingsid cuthen dirr derqiuu, simrjiww siw dirr sibzirqer-dingw, hex si duiww puawcuir snewmia ee jurguan cam'uw.

B: soxiw liw dong'ir jap-zi sewqiw ABELARD qongw, Iasox siw dirr sibzirqer, m si hingg siogjuerqimx ee hongsid/ m si dinghuat, si jingxqyy zinlui ee qiuwsiok.

KOXLAN QIG CUD ZINLUI EE ZINSINGR

J: jex si uirhyy Qidog rair virr dingr siw, iacc si jnuaxngiu virr suanw .diyc, siongrr singsik qaixsueh. Jaxqii anne qongw, ADAM dirr EDEN Hngg ee jue, zinlui cutbe jurqiw hro moquiw, siongrder rair qra zinlui ui' dngwdiamr siongzinn --- xmoo hiax brew dngw laii, iong jurqiw ee cinsnex qniaw Iasox jyr siogpinw. POPE GREGORY tecud jitt xee qar Iasox dongwjyr zxi, inxiuw moquiw laii jiac zxi, hex si jergiac ee quanliam. Lingrgua jit xee vanxvunw, zinlui dirr DEDN Hngg gnoxban butiw ee qenwsiauwdai huan diyc siongrder/ dua siurkir, qra langg qnuaw cud ix juvix ee huanruii gua. Ui'id erdangr hingg siongrder ee hongsid, si ham' guanjue qangrkuanw diongriaur ee hisingx. Byy langg jyr anne ee hisingx, siongrder ee qniaw suacc venwjyr langg laii hingg jitt xee jewbu.

ABELARD ee qaiwliam si, Qidog virr dingr sibzirqer, qikhuad zinlui duiww snewmia koxlan ee juvix, dudiau duiww budjid sewqair ee jipquad. Jixu dirr Qidog juvix-lai, lanw jiacc juanxhiongr Qidog, ixx siursiongjiaw jyr lanw ee qiuwjuw.

Jex erdangr ui' diongsewqiw siursiongx ee qok'ongg, arr dyrr si singwvuex qok'ongg ee qaiwliam huanxngiar cud laii/ sriu diyc byy hxuad dirliauu ee kow/ siursiongjiaw jaiww crur jniajyr qiuwjuw/ koxlan qig cud zinlui simdiongx ee zinsingr.

B: soxiw liw dong'ir ABELARD soxx qongw, zinlui snackuir siongrder, siongrder qitai zinlui, dirr sibzirqer ee juvix horsiong qauliuu.

J: si ar, jixiaur u siqanx junjai, dyrr u kow. u quewkir jiacc kyxlingg u jionglaii. Zuqyw liw air diyc jitmaw, bylun hex si sniaw, jiong' e jniajyr quewkir. Srid .kir, sixbongg, srid .kir, sixbongg ..., anne lunn. Bingngiu sibzirqer dyrr si cimsux zinsingx ywvir ee siongrdingx.

B: hex si uirsniaxmic jinjniar ee jongqaur juanxhuar/ qaixvenr sinwgiongw, ciangjai duar diyc jin' dua ee tongwkow. Jin' lann qra jurqiw hongwha.

J: Siniog qar lanw air hro jurgnow siw .kir, jinsit singsiu jitt xee sewqair/ ix ee qewdat soxx duar laii :ee, sixbongg ee tongwkow, sinviwlunrjiaw anne qongw. Jursad marr si jit jiongw siongrdingx hing'uii/ beh qra dongsii ee simliw jongrtair danwdiau, hro jurqiw kacc qenrjuann. Liw qra jitt sii ee sing'uac hniwsag, jiacc kyxlingg u lingrgua jit jiongw sing'uac. Cniurr JUNG soxx qongw, liw siongrhyw mair virr siongrdingx ee jingqingw kee .diyc, byy su'iaur bactew siw kir, jinjniar :ee, si liw jixiaur dirr jingsinn siw .kir, ixx qyckacc kuikuah ee sing'uac dingsinx kixjy.

B: jex duiww henrdai siarhue naxjunxx jin' cnehun, jongqaur sniu' qanxdanx ar! Ham' ix ee quanhe, cniurr cing jit niaw guarsnax knuar denrngiaw.

J: si ar, dairvorhun ee qauwdngg teqiongx siarqaux jibhue ee hyw soxjai, liw qac'ir hiax ee langg, inx si daddid qingwdiong ee lau ving'iuw, jurqiw/ qazinn ham' inx siy' bad je nii.

B: jitt xee jurgnow hisingx, qiuwsewjuw ee sinvir quanliam, dirr lanw jitmaw ee bunhuar jnuaxngiu venwhuar?

J: dirr Uadjenr qiqanx, guaw e qir did dirr denrsi knuar diyc jit qrunn siauwlenlangg, mo diyc qik dua ee huihiamw, ciongx cud didsingqix, qiuwcud inx ee dangpnua, inx byy itdingr rair qiuwcud hamrzip huihiamw ee langg ar! Qycc knuar diyc qangrkuanw ee dairjir dirr jiax jok'iong, SCHOPENHAUER soxx qongw, guanrir uirr tnazinn hisingx jurqiw snewmia. U sii zinlui tanxvec singzin hnuahiw jenwjingx, in'ui jenwjingx hro langg qamxqag jinjniar uac lehh. Narr si dagg zit kir vanrqongsig ee sing'uac, si byy jitt jiongw qamxqag ee, danrsi jenwjingx, liw tudzenn virr ciongqig dngw qaur jinjniar uac lehh ee jongrtair. Snewmia si koxlan/ kiongxvor, mrqyxx siongrder hro lanw uac lehh. Dirr Uadjenr hiaxee siauwlenlangg iongxqamw qiur inx ee dangpnua sii, inx ee snewmia jinjniar junjai lehh.

ZIDSIONGG SING'UAC EE INGHIONGG HING'UII

B: u langg kia dirr denrciax guehdaii je nii au, qra guaw qongw, guaw dagg zit dirr hiax siw kir jit diamw aw, guaw jaix si uirr qadingg jiacc anne.” zidsiongg sing'uac marr u quaw siyw quiboo ee inghiongg hing'uii, jurzenn huatsingx, benw qex qongw byy loriong ee ue. Vixzu, maxmah uirr qadingg zimxsiu qodok.

J: buxcinx ee qaksig si jit jiongw hisingx. Dirr gunw HAWAII cur ee ding'axkax, jiauw e laii dog mic jiac, muixx jit dxangx dy' e u jit ~ nng jiah buw :ee, ciangjai knuar diyc sir~ go jiah jiauxqniaw, simrjiww u quiw jiah viw maxmah kacc duarjangg ar, et diyc sidqow, dirr maxmah sinkux-dingw jauw laii jauw kir, uirdiyc siy' jnex cniuw jiah, sidjai jin' gauu jautad maxmah. “Jex dyrr si buxsingr ee siongrdingx, qra jurqiw/ muixx jit hxang mic hro aurdai.” marr si uirsniaw buxcinx e jniajyr dairde ji' buw ee siongrdingx. Ix snex lanw/ iyci lanw/ si lanw tyxjiac ee duiwsiong.

B: liw qongw jiaxee sii, guaw sniu diyc dirr <Dongrbut Snewmiarlat> nirr, u jit xee hro guaw qamxqag cniurr Qidog ee zinbut. Liw qamxx e qir did ____ INDIANS congwser tuansuad ee qiuwjuw zinbut?

J: e qir did, hex si jit xee jin' u qauwiok iwgi ee qowsu, ix si cua cud zinlui snewmia denxhingg qiuwjuw zinbut, zinlui aurlaii qra ix liah jyr cuiwpnir. Qoxjaw ganrgiw “qiur langg snewmia, kiokk uirr snewmia jewjy duiwdik.”

B: dng' sewqair virr congwjy cud laii sii, ix ui' derdiongsimx vuh cud laii, aurlaii qycc qra inx jogzinn ui' derha inxcua cud laii, jogzinn suacc juanxhiongr huanxduir ix, vutjiw taii ix jit vaiw, si taii quixarr vaiw!

J: simrjiww liah cruir ix.

B: ix jongxsi qycc dngw laii jitt xee sewqair. Juewau ix qniaa zip snuax-lai, snualo uanuad lann vren, byy langg duer e diyc/ ix jniajyr jit xee luirsu Qidog ee qaksig, qamxx m si?

J: si ar, jiax henxhen cud jit xee beqiongx ee juxdee. Snualo ser diauu byy hyw hunven, zuqyw liw jaix beqiongx ee viwbit, dyrr erdangr kir vaiwhongw druar dirr hiax ee langg.

B: zuqyw liw u sinwgiongw, liw erdangr duisuii Iasox.

J: liw ersaih tihh. Jyr jit xee viwbit jongqaur ee singguann, yc diyc :ee, ciangjai si beqiongx jitt hxang, joxdongr liw/ dongsii qycc si tonghiongr ingxsingx ee lo. Jex si sinue juewau ee viwbit, qar lanw zuhyy cngx quer zinsingx beqiongx, viauxhen cud jingsinn ee qewdat.

Hex marr si DANTE < Sinn Kxig (DIVINE COMEDY))> ee bunrdee. Guigix kaisiw dirr “lanw snewmia ee diongdoo”. Dng' sintew kaisiw sueziok, lingrgua jit tyr sinue johap, kaisiw jinwzip liw bang-diongx sewqair. DANTE qongw, dirr ix dionglenn siqii, ix besid dirr huihiamw ee ciurnaa-lai. Ix dirr hiax virr siongrdingx qiaugno/ iogbang/ qniahniaa ee snax jiongw dongrbut kiongxhad. Aurlaii ROMA sizinn VIRGIL cuthen, siongrdingx tetdew bingvik ee dongrqenr, inxdy ix tongquer iogbang/ qniasimx jipquad henxhen cud kurtew dergak beqiongx, si joxdongr ix qniaa ongw ingxuanw ee jiongwgai. DANTE juewau virr inxcua qaur siongrder hixlok iwsiong-diongx. Dirr _____ INDIANS qowsu u siy' qang ee sinue juxdee, jixsirr quiboo kacc ser ziiw. _____ si Vakbiw siongrr qanxdanx ee INDIANS bunhuar ji' id. Inx marr ixx jurqiw ee hongsid, suxiong liauw cniurr DANTE qangrkuanw iuwlo ee iwsiong.

B: liw bad qongw quer, “ sibzirqer ee huhy rair virr knuawjyr, duiww quewkir/ jionglaii ingxuanw kingxding ee huhy. M na siongrdingx sibzirqunx jinghok ee ligsuxsingr sikig, marr siongrdingx siongrder dirr soxu si'kongx henwsinx/ cam'uw soxu snewmia koxlan ee sinvir.”

QAKCNIW EE JUVISIMX

J: diongqow sidai sinue ee uixdai si'kig, si juvix simx qakcnew, ui' zedjingg juanxhuar qaur juvix ee sihau. Duiww siursiongx qok'ongg juvix si jingxqyy singwvuex qowsu ee hudsimx. Ui' hiax liw marr did diyc ABELARD soxx teqiongx duiww sibzirqer ee qaixsueh. Siongrder ee qniaw laii qaur sewqanx dingr siw dirr sibzirqer, si uirr hro lanw ee simx qakcnew/ venr juvix/ qycc qra duiww sewsiok sing'uac ee liuluann, juanxii qaur zinlui hunhiongw koxlan-diongx dig'iuw ee jurgnow huwcud qewdat.

Jiurr jitt diamw, singwvuex tuansuad ee puawsniur qok'ongg, si ham' Qidog qang dingw zinbut/ si beh qikhuad juvix, qycc uirr siw .kir ee itpenr hngvox quanwjur snewmia. Hex gamm diyc sewqanx koxlan soxx sanxsingx jingsinn qonglingg ee sinvir qaiwliam. Cniurr Qidog si sirkoxjiaw/ laii qaur lanw binrjingg, qikhuad lanw ui' tyxliac iaxsiur, venwsingg jinjniar ee zinlui.

Ix soxx qikhuad cud ee si juvix. Jex si JOYCE dirr <ULYSSES> damlun ee juxjiw. Inghiongg STEPHEN DEDALUS tauwquer ham' LEOPOLD BLOOM qiongrhiongw juvix, jinjniar duiww zinsingr qakcnew/ si air ee qakcnew/ diongdy ee kuidenw.

JOYCE xe jit vxo ceh <FINNEGANS WAKE>, 1132 jitt xee sinvir hyrbew itdit cuthen, ixx zidqii/ derjiw, sex 11 qrex 32 hy. Muixx jniux/ siyw jred, 1132 dy' e ixx moxjiongw hingsid cuthen. Dng' guaw siaw <A SKELETON KEY FINNEGANS WAKE> sii, iong guaw soxx jaix ee muixx jit jiongw hongsid iycsniu : “jitt xee sowzi 1132 ee xmoo si sniaw?” huesiongw dirr <ULYSSES> , BLOOM dirr DUBLIN sec qrex sii, u jit liap qiuu ui' tah-dingw lag .lyc .laii, viauxsi diongdaur, ix qycc anne sniu, “budliw lyhtew dingrlut, muixx biyxjingx 32 ingciyh.” 32, itding si lyhtew sowzi, 11 kyxlingg si 10 ee dingsinx qewsngr, 1,2,3,4,5,6,7,8,9,10, zenau dyrr dingsinx kaisiw, guaw sniu. <ULYSSES> qycc u jerje qitnax snuawsyh hro guaw sniu: “jitt xee sowzi dairkair si lyhtew sowzi 32, ham' qiuwsiok 11, dairviauw guanjue/ kuanliong, sixbongg/ jaiwsingx (jaiww snex).” <FINNEGANS WAKE> ham' huatsingx dirr DUBLIN juxiaur qonghngg ji' id ee hongrhonghngg surqnia iuxquanx.

Hongrhongg si siydyc jurqiw zenau dingsnex ee jiauw. Hongrhonghngg in'cuw venwjniaa kaisiw duirlyc ee EDEN Hngg, ixqibb he dirr ADEN tauu-dingw sibzirqer ee soxjai; Or! Hongrhongg juerjiaw! (O FELIX CULPA) JOYCE qongw. U liauw sixbongg/ qiuwsiok. Jex knuar kiw laii si siongdongx hyw ee dab, si guaw dirr <A SKELETON KEY FINNEGANS WAKE> soxx teqiongx ee dab.

Aurlaii, mow jit zit amr, guaw uirr vixqaur sinue ee kxyr jyr junxvi sii, tak diyc PAUL hro ROMANS ee puesinr, duw diyc qiquair ee uerqur, naxjunxx erdangr henxhen JOYCE dirr <FINNEGANS WAKE> simlai ee iwliam. PAUL anne qongw “siongrder ixqingx jixpair soxu ee langg huanxvuan, jiacc erdangr qra Ix ee juvix hro soxu ee langg.” liw berdangr huanxvuan qaur hro siongrder juvix dac be qaur ee dervo, rair hro Ix jit xee qihue. Cniurr LUTHERAN soxx qongw “iongxqamw viauxhen liw ee guanjue.” jiyr jex knuar erdangr diauwhuanr zuarr je siongrder ee juvix. Uixdai ee juerzinn duiww juvix qakcnew. Jitt xee qaiwliam si quanhe dyrdig/ snewmia qewdat ee maudunw-diongx, siongrr diongriaur ee jit hxang.

Guaw duiww jurqiw qongw, “mr! Jex si JOYCE soxx qongw jinjniar iwsur.” qra siaw dirr guaw JOYCE ee vitqiwpo: “ROMANS, 11 jniux, 32 jred.” liw qamxx e siongxsiong .diyc, guaw diyhqniax ee tingdo? Qycc si qangrkuanw ee sowzi, 1132. JOYCE bad qra qidokdoo sinwgiongw ee maudunw, dongwjyr ix uixdai duwjog ee iauwjiw, qidiongx ix jit diamw aw dy' byy siyh zinjingg, biysut jingxqyy zinlui juerog ligsuw, qongx-sxux quaiwgii hing'uii ee qokk jancur, juanvo ixx air qangxsueh.

B: sehonglangg qamxx erdangr vaxag diauu, mair qongw sinhak ee sinvir qinggiam? Zuqyy liw siurjer bunhuar siongrder iwsiong, kyr kyhak quatding liw duiww jinsit ee knuawhuad, zuhyy qinggiam diyc dangqix soxx qongw :ee jitt xee jiongqik qicow?

J: langg kaksit qinggiam .diyc. Diongqow sewqiw hiaxee qinggiam quer ee langg, tongsiongg dy' ixx irduanx (ngirduanx) siasuad ji' miaa virr siyx siw, sehongx siongrr dua ee irduanx siasuad ji' id, si qidog suanqyr ee siasuad.

Ix qongw “ guaw ham' tnive si ittew :ee.” in'ui jitt qxur, virr dingr siw dirr sibzirqer. Iasox au qauw-vah nii ee diongsewqiw, u jit xui ISLAM uixdai ee SUFISM zinsu qongw “ guaw ham' qingwair ee siongrder si ittew :ee.”qetqyw marr si virr dingr siw. Dng' ix qniaa hiongr sibzirqer sii, qidyw qongw “or! Guaw ee jruw, liw soxx qar guaw ee dyrliw, narr bad qauwdy jiaxee langg, inx dyrr be anne duiwtai guaw. Zuqyw liw byy anne qar guaw, jex marr be huatsingx dirr guaw srinx-siong. Hro guaw janwbiw jruw/ ix ee jok'uii.” lingrgua jit xui qongw “jniawtongw siarqunn ee qonglingg si decc teqiongx sinvir qinggiamrjiaw soxx snackuir :ee, tongquer koxsiux/ sixbongg ham' siongrder hab'id.”

B: dnaxx si sniaw jyrsingg jitt jiongw qinggiam ee siausid?

J: binjuw ee digjid. Jitt xee dysor huatjig m na virr zinruii dirr jingwdi iuxhau, dongsii dirr sukyw-diongx marr u hau. Dirr sukyw-diongx, dongzenn dysor si cyr ee.

B: dysor jongxsi cywgno :ee?

J: jitt lui ee surbu-siong, dysor si cywgno ee. Dirr simlingg lingxhik, dysor duiww limx-jiac/ qowding druar ee soxjai/ singwiok/ jaihur qinggiam ee langg, inx ee qonglingg rair juwsinn tniax jiyxsor u ciauuat qingxqair ee langg, qycc rair hro jurqiw hiongr hitt jiongw qinggiam kaihongr.

Liw qamxx bad tak quer SINCLAIR LEWIS ee BABBITT?

B: jin' quw byy tak ar.

JITT XEE LANGG M BAD JIAUWW HIXLOK UAC

J: qamxx e qir did juewau jit qxur? “guaw itsingx jurlaii m bad jyr quer guaw sniu beh jyr ee dairjir.” jitt xee langg m bad jiauww ix luersimx didqag ee hixlok uac. Guaw dirr SARAH LAWRENCE hagngi qar ceh sii, jinjniar cinhni tniax quer jitt qxur ue. Dirr qethunx jingg, guaw quanwsir kir cantniax jiac diongdaur/ amwdngr. Vaiwsir mee si BRONXVILLE luxiong (juxvng :ee) hiyckunwamr, jerje qadingg dy' guarcud jiahvng. U jit amr, guaw dirr siongrr qac'ir ee cantniax, qecviah dyh jre :ee si vaxvah/ maxmah/ jit xee iokk jap-zi huer, sanw vivax ee javoxginxaw, vaxvah cut sniax qongw, “limx liw ee qamaxbit jiab.”

”guaw byy air.” ginxaw rinr.

Vaxvah dua sniax huah “ limx liw ee qamaxbit jiab”

Maxmah vangbangg qongw “mair benxqiongw ix jyr ix byy air jyr ee dairjir.”

Vaxvah siongr maxmah knuar, “ix berdangr itsingx qandna' jyr ix beh jyr :ee, ix narr anne, dyrr byy hxuad singjunn. Liw knuar, guaw itsingx byy jyr quer jit qnia jurqiw sniu beh jyr ee dairjir.”

Hitt sii guaw sniu “tniqongveh ar! ix si BABBITT laii juanxser cutsir ee!” jurlaii m bad junsunn ix luersimx didqag hixlok uac ee langg/ kyxlingg ersaih sing'uac qaxx singqongx, mrqyxx sniu knuar mai lehh, hex si sniaxngiu ee sing'uac? U sniaw hyw neh? Liw itsingx m bad jyr jit hxang liw jurqiw sniu beh jyr :ee? Guaw jongxsi qra hagsingx qongw, hiongr liw sinkux/ linghunn beh liw kir ee soxjai/ vyxiuw ix ee junjai/ m tangx hro zimrhyy langg ingxhiongw liw.

B: zuqyw liw junjiaur luersimx didqag ee hixlok qniaa, e anxjnuaw neh?

J: e did diyc hixlok, dirr diongqow sewqiw jerje soxjai dy' cuthen jit xee cuwbi iwsiong, hex si jit xee jaihur ee lenw-aw/ diongsimx qapp siwjiuuii erdangr dngxsec ee lenwkox. Zuqyw liw jipquad jiauww lenxkox, liw m si ui' dingw qaur xe, dyrr si ui' drew jiamrr sringx quann, duer decc sec. Narr si dirr diongsimx, liw ingxuanw dy' dirr qang jit xee xui. Jex dyrr si qethunx suanser ee iwgi --- bylun liw si qenrkongx/ puawvne/ u jnii/ sanwciah ..., guaw dy' beh air liw. Guaw qra liw dongwjyr guaw ee diongsimx, liw si guaw ee hixlok, m si in'ui liw e hro guaw liw ee jaihur/ siarhue digkuann, si liw vunxsinx. Jex jiacc si junjiaur liw luersimx didqag ee hixlok.

B: liw e anxjnuaw qauwdy mow langg qra ingxsingx juixjnuaa/ jitt sikig ee hixlok tauxvangr cud laii?

J: guaw itsingx e u jerje qinggiam, ursii/ u jit quaw hro lanw duiww jex liauxqaiw, teqiongx jit quaw luersimx didqag hixlok ee snuawsyh. Hitt sii, rair liac diauu lehh, byy langg erdangr qra liw qongw hex e si sniaw, liw diyh'air yc zinrbad jurqiw ee cimdo.

B: liw si sniaw sii texhue diyc liw ee hixlok?

J: oor! ginxaw sii, guaw jurlaii m hro langg' qanziauw guaw ee honghiongr. Cur-lai ee langg jongxsi vangjan guaw, jixiaur jyr guaw jinjniar hnuahiw jyr ee dairjir/ simrjiww m jaix hex e u sniaw bunrdee.

B: lanw jyr verbuw :ee, qaix zuhyy jo qniaw zinrbad inx ee hixlok?

J: liw rair liauxqaiw liw ee ginxaw, juwsinn inx, liw itding ersaih dauwsnaqang ee. Dng' guaw dirr SARAH LAWRENCE qar ceh sii, jiwjiyw nng lexvair e ham' hagsingx dandok huerdamm, dagg vaiw iokk vnuar diamxjingx. Zuqyw liw damlun iuxquanx hagsingx rair tak ee mow juxdee, tudzenn dag diyc inx soxx qamxingr ee vorhun, liw erdangr knuar diyc hagsing bagjiux tiw qaxx dua dua luiw, viauxjingg marr venr ar. Snewmia ee kyxlingsingr dyrr ui' jiax denxkuix. Liw jixsirr duiww jurqiw qongw “ guaw hibang jitt xee ginxaw erdangr qra liac diauu.” kyxlingg jyr e qaur/ marr kyxlingg jyr be qaur, inx narr erdangr jinjniar jyr, dyrr e dirr hiax cue diyc snewmia.

B: byy su'iaur jniajyr sizinn, dyrr erdangr jyr qaur jitt diamw.

J: sizinn jixsirr qra jiapciog inx soxx hixlok ee surbut, venwsingg jit jiongw jitgiap/ sing'uac hingsiong ee langg. Dairvorhun langg soxx quansimx :ee, si qitnax dairjir. Lanw qra jurqiw dauzip qingjer/ jingwdi uahdang, virr pair kir pah jit dniuu byy cuwbi ee jenwjingx. Dirr jitt jiongw jinghongw-ha, kyxlingg jin' lann jiangxag diyc jex diongriaur ee jangxtauu. Jex si muixx jit xee langg diyh'air jurqiw sniu vanrhuad bualen cud laii ee qikiauw.

LIW BEH JNIJAII? IAUXX SI HIXLOK?

Danrsi duardysowlangg dy' uac dirr jitt jiongw, kyxlingg erdangr qongw si “cuwiaur quanhuaii” ee lingxhik-lai. Inx marr u amwlik qakcnew, hiongr jingg jinwzip lingrgua jit xee sinx lingxhik. Guaw jaix si byy bunrdee ee, knuar .quer huatsingx dirr hagsingx srinx-siong.

Ixjingg guaw dirr jit qingx lamjuw irvirkyx haghau qar, ciangjai ham' hiaxee ginxaw dramm inx birlaii jitgiap kyxlingg ee quatding. Inx mng guaw, “liw zinruii guaw erdangr jyr jitt xee? Qamxx si hitt xee kacc hyw? Guaw qamxx u linglik jniajyr jokqax?”

”oor! Guaw m jaix, liw qamxx erdangr zimxsiu jap dxangx byy sriu langg diwdang ee sitbang? Liw qamxx zinruii jurqiw e jniajyr itliuu jokqax, siaw cud siongrr hyw bre ee ceh? Zuqyw liw u iongxkir qencii liw jinjniar beh air :ee, m quanw huatsingx sniaw, liw dyrr kir jyr ! ” guaw rinr.

Zenau, laurve qansiap qongw “m hyw, liw qaix yc huatlut, liw jaix hex erdangr qex tanr jit quaw jnii.” anne dyrr si lenxkox, m si lenxsimx/ m si jiauww liw luersimx didqag ee hixlok. Liw sniu beh air jaihur? iacc si hixlok?

1929 nii guaw ui' Aujiux dngw laii Bixqog, duxhyw si WALL STREET vangvnuaa ee jingg quiw lexvair, soxiw dirr go nii lai, e byy qangjog/ jit xee qangjog qihue dy' byy. Duiww guaw jinjniar si jit dnxua bixbiau zidziw.

B: bixhyw qongcaiw? Qingjer dua vangvnuaa? Hex u sniaw hyw :ee?

J: guaw byy qamxqag sanr, si byy jnii. Hitt sii langg ~ horsiong jin' iuxsen. Vixzu, guaw huathen FROBENIUS/ ix hionghiongg kip'inw guaw, hro guaw qamxqag rair tak ix ee muixx jit vunw duwjog/ siaw puex hro NEW YORK cutvanxqongsix/ inx qra ceh qiar laii, qycc qongw dirr guaw cue diyc qangjog jingg --- hex si sir nii au ar, benw hrur jnii.

U jit xee lau hyw langg druar dirr NEW YORK jiux, WOODSTOCK siyw dinr, jit der siyw toxde, jit dxangx zi-jap kox joqimx, beh hro ix zinruii dirr gersut hongbin u amwlat ee siauwlenlangg. Hiax byy jurlaijuiw/ qandna' u jnew, kib juiw :ee, qongw ix berhiauw jrngx jurlaijuiw, byy qac'ir byy jurlaijuiw byy hxuad sing'uac ee langg. Hiax si guaw tak ceh/ siaxjog ee soxjai. Hitt dnxua siqanx jinjniar suiw, guaw junsunn luersimx didqag ee hixlok.

Guaw e u jitt xee luersimx hixlok ee quanliam, si dirr SANSKRIT jitt xee sewqair siongrr jingsinsingr ee gixgenn, u snax xee dairviauw vnix vnix aw/ tiaur zip ciauuat qingxqair duarhaiw ee soxjai : SAT viauxsi junjai/ CHIT viausi iwsig/ ANANDA si hixlok, hionghiw ee iwsur. Guaw sniu, “m jaix guaw ee iwsig si m si qenrjuann, m jaix jurgnow junjai ee lixqaiw si m si sikdongx, danrsi guaw jaix guaw ee dua hixlok dirr dyhh. Hro guaw gim diauu jitt xee hixlok/ e cua cud guaw ee iwsig qapp junjai.” guaw sniu jitt xee vanrhuad u hau.

B: lanw qamxx bad jinliw? Zuhyy cue cud?

J: muixx jit xee langg dyrr kyxiw iongxiuw jurqiw ee cimdo/ qinggiam, ixqibb duiww junjai/ jurqiw ee SAT- CHIT-ANANDA iuxsow kingxding, dyrr si iongxiuw jurqiw tauwquer iwsig/ hixlok ee junjai. Jongqauwqax qra lanw qongw, duhuix danw qaur siw, jnriu tendongg, narr byy, byy kyxlingg qinggiam diyc hixlok. Mrqyxx guaw siongsinr uac lehh ee sii, dyrr erdangr iongxiuw jitt jiongw qinggiam jerje.

B: hixlok dyrr dirr jitt sii/ jitt kig.

INGXUANW SNEWMIA EE JNUAJUIW DIRR JIAX

J: dirr tendongg, liw knuar diyc siongrder, hiax ee bixbiau, liw byy u jit diamw aw jurqiw ee qinggiam. Hex m si iongxiuw qinggiam ee soxjai, jiax jiacc si.

B: guaw samvutgorsii e qamxqag diyc u jit siangx knuar be diyc ee ciuw, decc jo lanw. Liw dirr junsunn luersimx didqag ee hixlok sii, si m si marr u luirsu ee qinggiam?

J: itdit anne. Sidjai taiww suiw lehh! Guaw simrjiww besinr, in'ui knuar be diyc ee ciuw itdit vangjan guaw, dyrr si qongw, guaw siongsinr, zuqyw liw jinjniar duer diyc luersimx didqag ee hixlok qniaa, dyrr e qra jurqiw he dirr jit diauu jaw ixqingx decc danxtai ee lo-siong, zircniaw jitt sii jitt kig ee sing'uac ham' liw qaix quer ee sing'uac itdir/ liw narr u knaur diyc jitt renn, dyrr kaisiw duw diyc liw sniu beh duw diyc ee langg, inx qycc e uirr liw kuix simmngg. Qycc qongw jit venr, jiauww liw luersimx ee hixlok, byy qniahniaa, anne mngg dyrr uirr liw pah kuix, suibongw byy hxuad jaix, e cua liw qaur dyhh kir.

B: liw si m si e dongjingg, hiaxee knuar byy diyc hitt siangx ciuw vangbangg ee langg?

J: si'angw byy qamxqag diyc hitt siangx knuar be diyc ee ciuw, e laii dauwsnaqang neh? Si ar, inx daddid dongjingg, kyxlenn ee langg! Snewmia juixjnuaa dyrr dirr jiax, jnuaxngiu qycc dirr hiax kogkok sec neh? Suxx langg ter liw kyxsiyh!

B: ingxuanw snewmia ee jnuajuiw dirr jiax? Hiax?

J: bylun liw dirr dyhh, jixiaur liw jiauww luersimx didqag, dyrr e hiangxsiu diyc hitt jiongw hixlok/ cingsinx, itdit siyly liw luersimx cimjann ee snewmia.

huedngw tauu iac