derr sxamx-go jniux
DERR 35 JNIUX
LUN SINRJONG-VNI
Dirr jitt jniux ee lairbin si beh iokliok qongw kiw sinrjong-vni kacc iauwqinw :ee jiurr si:
Qipsingr sinrjong-iam (急性腎臟炎, Acute nephritis).
Banrsingr sinrjong-iam (慢性腎臟炎, Chronic nephritis).
Tngziyrvni (糖尿病, Diabetes mellitus).
Ziyrdok-jxingr (尿毒症, Uraemia).
Sinrqetjiyc (腎結石, Renal calculus).
Qipsingr sinrjong-iam: Dingrgi: Qipsingr sinrjong-iam jiurr si sinrjong qinxqib ee huat’iam; sinrjong soxx vaii cud ee ziy kacc jiyw; dirr ziy-lai kacc siongg u nngrvehjid.
Guan’inx: 1. Siauwlenlangg kacc je.
2. Qamxmo, lingw .diyc, ag damm, huexsiong.
3. Tuanziamxvni, singhongzet, sidhudiklixax, siyxdngzet, muajinw, qethudjingr.
4. Iyc, canthardies, turpentine, acid carbolic.
5. Sinin.
Jingwjong: Dirr soxx qongw ee tuanziamxvni ee qingquer, kiw zet, huad diy, zet 101 dxo jiww 103 dxo F. (38.3∘-- 39.4∘C.), iyx tniar, bin quirjuiw (juixjingw), aurlaii kax qapp singkux quirjuiw; auxtor, taukag tniar, m jaix langg. Narr u jitt kuanw ee jingwjong jiurr tangx jaix u huad qipsingr sinrjong-iam. Ix ee ziy si jiyw, vixdang kacc qnnuaii (1,025), sig oangg, lyy, u nngrvehjid. Narr ing henxbiqniar laii knuar ix ee dimdenrbut, u sinrjong ee mngser ziyrqngw ee sewvaux dilehh. Narr ginxaw dui’ jitt hy singhongzet laii kiw qipsingr sinrjong-iam, si guihiamw. Suizenn e hyw, iarr si u cunx banrsingr sinrjong-iam.
Dirliauu: Diyhh dyw dirr bincngg, m tangx dua dinxdang, m tangx qnuaa .diyc. Snaaxkor diyhh cing hro siyx. Diyhh cing buec.
Sidbut: Diyhh ing liudong ee sidbut, cincniu gulingx qapp qunxjuuiw, behgejuiw. Jiaxee e hro ziy kacc je, iarr e sew cingkir sinrjong-lai, iarr be ciwqig sinrjong. Huanrnarr e ciwqig sinrjong ee mic, jiurr si luac, bah, cair, tngx hitt hy lui, jiurr m tangx jiac.
Soxx ing ee iyc, jiurr si lirziyrjex (利尿劑) cincniu digitalis, magnesii sulphas, potassii citras. Diyhh hro ix dairven e tongx. Iarr ing pilocarpine ee juwsiarhuad.
Diyhh ing huatqnua liauhuad, hro byy loring ee mic, dui’ puehux vaii .cud .laii. Diyhh ing unsipvor vauhuad, acc si ing zedkiwik hro vnirlangg lrauu qnua.
Narr juixjingw siongdiong, ing dingxbin ee dirliauhuad byy qonghau, ursii isingx ing siaudok puehux cngciwqngw (Southey’s tube) dirr puee-xe, laii vangr juiw hro cud.
Banrsingr sinrjong-iam ee guaninx si jiauww erbin: Qipsingr sinrjong-iam. Jiac juiw quewtauu, muidok, tuanziamxvni ee qingquer. Langg dirr 40 gua huer, dua jiac, dua limx jiuw, quewlyy.
Jingwjong: Jitt hy ee jingwjong si jiamrjiam laii kiw, e taukag tniar, byy sniu jiac, jiac be siauhuar, autor, simx kokdiongx, dongrmec venwdua. Jitt hy vni e hro langg ee nauw cud huih. Ziy-lai u nngrvehjid, ziy dairsingx qiamxjiyw, aurlaii kacc je. Bagjiux bu; narr cud lat, air hokib kunwlann. Juixjingw ursii u, ursii byy.
Dirliauu: Qapp qipsingr sinrjong-iam sna’ drangg.
Tngziyrvni: Dingrgi: Tngziyrvni si kacc kiamr ju’iongw; huih-lai u tngg sniu’ je, ziy-lai u tngg, ziy iarr kacc je.
Guaninx: Uituann ee vni, davolangg, duarlangg. Duarnauw acc si encuew diyhsiongx. Juirjong u vni.
Tngziyrvni ee jingwjong si jiamrjiam kiw :ee. Duxaxx kiw ee sii, langg dairsingx jin’ air limx kacc je juiw, jiap siauxven, ursii dirr 24 diamxjingx ee diongqanx siauxven 3,000 c.c. jiww 22,000 c.c.; sikdi ngg, vixdang 1,025—1,045. Ziy-lai u tngg. Sintew siausanw, qycc luanxziok; jit zit jit zit, naxx cuiwdax. Jic dngw angg, cincniu cnix bah ee sig. Cuir nirr qaqi jaix u dnix ee kiwbi. Cuiwdax, puehux dax. Jitt hy vni ee qetqiok kacc siong u hunsui, m jaix langg tuax qaur siw. Duw diy jitt hy jxingr :ee kacc kuair ziamw diyc hiwvni, qapp snix xingx-aw, pangsiu-xingx hitt hy. Jitt hy vni narr si siauwlenlangg e kacc qinw qingquer, laurlangg jiurr kacc ban qingquer.
Dirlaiu: M tangx juer qangx quewtauu, m tangx huanlyw; diyhh siyxkuaw unrdong.
Sidbut: Diyhh unn unn aw qiamxjiyc hamjuixtnuar hanjuu qapp itkair tngg ee lui. Soxx tangx jiac ee mic vailet dirr erdew: Kacc vyc ee tngx, qypidee, dee, hii, yy, qebah, gubah (damrvyc); (qnua ee lui m tangx jiac), enbah, quaker oats, qenng, ac’nng, qamaxbit, caiwquex, velingcair. Jongw .si ziy-lai ee tngg narr kacc siongdiong, diyhh kacc kniu cuir.
Soxx jiac ee iyc jiurr si apenr ee lui, mrquxx byy iyc tangx dnaxdiap, si e kacc knuawuac nardnia, be dngrqinx.
Ziyrdok-jxingr: Dingrgi: Jitt xee vni jiurr si simxmic dok zip dirr huih nirr. Soxx ziamw .diyc ee vnirlangg u sinrjong-iam. Hitt xee dok si duxduxx simxmic kuanw, iauxx bue dniardiyc jaix.
Jingwjong: Lun jitt xee vni ee huatjyh si jiamrjiam kiw, acc si hutzenn kiw. Taukag tniar, auxtor, harli, hokib kunwlann, ursii huatqongg acc si m jaix langg. Siauxven si cincniu u sinrjong-iam ee vni :ee.
Dirliauu: Qapp idi sinjong-iam sna’ drangg. Diyhh jaix jitt xee si guihiamw ee jingwtauu.
Sinrjiyc: Dingrgi: Jitt xee vni jiurr si dirr sinrjong, acc si dirr sinrmngg (腎門), ziy-lai ee iam-lui u qed ding vniwjniaa qui’ liap jiyc.
Guaninx: Bylun siauwlenn acc si lau, longxx u .Uituann ee vni. Juiw-lai narr kacc je iam-lui kacc e drir qaur sinrjiyc.
Jingwjong: Iyx tniar, ziy nirr qnaa huih, acc si lxangg. Jitt xee jiyc narr qingquer suziyrqngw (輸尿管), si jin’ tniar; hitt xee tniar si dirr duartuiw ee lairvingg, qiyr juer sinrjiyc sanwtniar (腎石疝痛). Vnirlangg e lrauu qnua, bin e dngw vec, auxtor, ursii qnuazet qaur e diy. Tniar liauxau siauxven kacc je.
Dirliauu: Diyhh limx juiw kacc je. Jitt liap jiyc isingx diyhh cetduu .kiw .laii. Beh jixtniar ee huatdo, diyhh ing unsipvor, iarr diyhh hro anjing hiyckunr. Sew siyxjuixik. Ursii isingx diyhh congr chloroform hro ix pnri, acc si ing morphia ee juwsiarhuad.
Vongqongx ee vni u quixnarr kuanw, jiax beh qongw kiw nng hxang nardnia, jiurr si vongqongx-ia, iarr qiyr vongqongx qadapzii (膀胱加答兒), qapp vongqongx-lai qetjiyc.
Vongqongx-iam, u hunx juer qipsingr qapp banrsingr iam.
Guaninx: Qnuaa .diyc, dok ee iyc; ciuxsut ee sii hro bisingbut zip .kir; dyrziyrsut ee sii qesix byy cingkir; limvni (痲病, gonorrhoea, jiurr si siabjingx); ursii in’ui hurzinlangg qongbunn ee qnialangg bag diyc ziyrdy. Jiaxee longxx e vniwjniaa qipsingr vongqongx-iam. Banrsinge ee guaninx, jiurr si vongqongx-lai qetjiyc; snix jingxiongg; ziyrdy hiabjig (尿道狹窄); sinqingx-vni; qethut-jxingr.
Jingwjong: Tniar, air jiabjiap siauxven, ursii huatzet. Ziy ursii qnaa huih, lyy lyy, pnaiw bi, u lxangg dilehh.
Dirliauu: Anjing liauhuad; ursii diyhh dyw dirr bincngg; jiac gulingx. Diyhh druu kir guaninx (jiyc, hiabjig); sew siyjuixik. Unx vavor. Dagg zit ing siyx ee lotio acidi borici sew vongqongx. Soxx jiac ee iyc si urotropin, salol, potassii citras, cubebs, copaiba. Ursii diyhh ciuxsut.
Vongqongx qetjiyc ee guaninx, si cincniu sinrjong qetjiyc.
Jingwjong: Tniar, air jiabjiap siauxven, ziy nirr u qnaa huih.
Dirliauu: Diyhh ciuxsut, jiong’ hitt liap jiyc tec .kiw .laii (derr 414 bin).
Ursii vnirlangg siauxsuiw byy lirven, ha be did cud .laii, kanwho diyhh ter ix sethuad. Siauxven ee sii hro ix singkux pag lehh (vnirlangg narr be tangx kiw .laii, m tangx hro ix pag lehh), acc si ing xmii ee deaw hangx hro ix siyx, acc si unx sipvor, he dirr vnirlangg vongqongx ee soxjai, acc si ing siyx juiw he dirr siurziyrkir-lai, iarr tangx vangjan ix siauxven; jongw .si ing jitt xee lorbuew qir ee huatdo byy simxmic tywdongr, in’ui bad tngr diyc vnirlangg, quer quixnarr lexvair quw be hyw.