dehngg banw dee siy' vyx quax
Ving'iuw dag'ee jre kacc uaw
eh liam banw dee siy' vyx quax
Diknaa vunxsinx dyrr si guaw
vaiwtog jing jing tniax liamrquax
Vaiwtog led'iw diyhh laii tniax
u laii venx quax u cutmiaa
qua'aw juanx venx cid zri jniar
iuqycc dauwqaur qapp hyw tniax
Qokhu qenwqog dy' be baiw
muaw snuax jingr dee lenpenr jraix
jixsi Binqog ee sidai
jiacc u jex quax venx cud laii
In'ui banw dee iong jabow
lamluw hunrjap jyr hodoo
qinrlaii deqair jin' jinwvo
bylun iur dee iacc si cox
Beh banw cundee cingbingg au
diyhh cniar deqangx jnriu snuatauu
duxx si cingbingg ee jing'au
desnuax jabow luan caucaux
Snax-guec sijeh dy' be qnuaa
surgiap jyr ingg jnriu desnuax
kia tingg giaa tauu jid'err knuar
jin' je banw dee jaboxqnuax
Gunw niuu giaa tauu qra knuar mai
tniax ix liamrquax jiacc e jaix
jit srinx qig qaxx jiacc hyw pair
duiww lanw desnuax diddit laii
Knuar niuu banw dee dirr snuax-dingw
guaw si dirr jiax snuax xe vingg
m bad vecqia jnia' hiauhing
vreh kiw vuahdyw jnia' vutbingg
Linw si m bad qniaa snualo
anwsngr jit vo vreh qui' vox
tohunw punr qaxx qui' niaw kor
bycaiw qig qaxx hiacnirr sox
M bad vreh snuax jnia' cnicamw
vuac qaxx kor-drew suacc amjamx
langg gunw jit zit sniu qaxx amr
sniu beh qapp niuu pah ciauwdamm
Tniax liw decc qongw jitt qxur ue
juanqangx beh laii pah ciywkuex
m jaix si beh qongw sniaxhuer
diyhh qra gunw niuu jiauwsit huee
Banw dee jabow jiacc je langg
beh laii mng liw si diauqangx
knuar niuu jit srinx jiacc tiaulang
hyiong(?) qankow uaw dejangg
Gunw niuu sngr iauxx byy angsair
cur-lai qeqnuax jin' giamgai
sriu langg sokvak qankow dai
byy sueh qunx-aw liw m jaix
Gunw niuu si langg ee iongxliw
sriu diyc qeqnuax giamm qawsi
jnriu snuax banw dee byy siaxsir
pak qaxx muaw bin angg qiqix
Liw u kyxlenn guaw pnaiw mia
guaw dnaxx suar qongw hro liw tniax
m si langg ee cinsniqniaw
sursu beh qongw dy' be qniaa
Tniax liw qongw diyc jiacc pnaiw mia
sinvnix iuqycc byy cinhniax
sirdua qeqnuax iurr byy tniar
soxx qongw ee ue ix m tniax
Guaw dnaxx jiac qaur jap-veh~qauw
juanvo jycsid cud guartauu
diyrqauu siyxjig tak haghau
simqnuax uaix uaix pni qaux qaux
Tniax niuu liw sueh jin' kyxlinn
guaw eh qra liw mng kacc jinx
qeqnuax byy tniar byy iauwqinw
qiyr linw snibuw laii siogsinx
Gunw cur guarqex si jin' sanr
druar dirr jin' hng duarbuw langg
jitt su byy langg ter guaw vran
mizit huanlyw simx vut'anx
Liw narr us niu qer angsair
linw cur jurjiw vyr guaw jaix
guaw jiacc qra liw mng knuar mai
cue kacc siongdongx ee hadaii(?)
Liw beh qra guaw dauwsnaqang
a'qunx jinjniar e jywlangg
guaw u jit ue duiww liw qrangw
m jaix tangx qongw iacc m tangx
Liw u sniaw kuanw jyww liw qongw
qunjuw jicjiab kiokk buhongg
liw u sniaw kuanw ee hibong
higsi jnuaxngiu vutsiongdongx
Sniu beh qongw cud qniax pnaixser
air liw qra guaw draur banw dee
mrqycc jixmue jiacnirr je
iarr u guarlangg qapp tauqex
Liw beh jiyx guaw banw qangg jangg
qniax liauw tauqex qapp deqangx
guaw dnaxx qra liw sueh herhang
langg mng qra qongw niuu ee angx
Liw beh qew guaw ee angsair
rmuaa quer guarlangg jiacc m jaix
naxx mng lixiuu jitt diaudai
mng niuu diongrhux dyc'ui laii
Narr mng diongr ee surqnia
liw jiauww jitt ue qongw hro tniax
jingg guec inx jiacc laii sangwdnia
iauxx bue crua zip singx laii qniaa
Liw beh qewdir jnia' gauu ing
qnuaxqinw qapp niuu banw qangg vingg
m jaix qunx-aw sniaw simsingr
tniax qunx qongxue jiokk jingwqingx
Dnaxx guaw qra niuu banw jit vew
qiyr niuu crunx ciuw quer laii tec
knuar niuu jit srinx jnia' hyw tew
bagjiux dingrsunn binrbah vec
Crunx ciuw qra qunx tec dehiyc
knuar qunx hingtew jiacc e jaix
bagbuew qra qunx liw taux sraiw
snix jyr viauliang hyw zinjaii
Knuar niuu bagsinn hiacc uahdang
bagbuew taux quanx qunx jit langg
hai guaw sniu qaxx jiokk je hxang
benw qniax guaw e sniu sniaw kangx
Knuar qunx kia tingg suacc dnia dnia
guaw niuu kuix cuir qiyr jit sniax
laii banw qangg vingg kacc urngiaw
qapp qunx qongxue qniax langg tniax
Tniax niuu qiyr guaw banw qangg vingg
simtauu hitt quw jiacc jing'ingx
qimzit laii qaur linw snuax-dingw
knuar niuu jabhunx hyw qamxjingg
Knuar qunx iwair dirr simlai
jingcax m qnaw qongw cud laii
sniu beh qongw cud qenwsiaur dai
sngr si cohongg liw dy' jaix
Liw u sniaw ue niuu qinw qongw
mrbenw qniax liauw co' sionghongg
si u anxjnuaw m tywdongr
iacc si sniaw kuanw be siongdongx
Liw mng guaw qra qunx qongw kiw
jit qxur beh qra liw tongdix
qongw cud mrqycc jin' enwkir
air beh liw guaw laii dongqix
Tniax niuu liw qongw ee sewbin
air beh liw guaw laii qetcinx
qoxjaw ee ue rair diyhh sinr
lagg sueh longrqew suacc singjinx
Longrqew-singjinx byy quanhe
duxdng gunw niuu laii banw dee
qewangx cuarbow si duartew(?)
liw si kiwhiamm gunw jyr cex(?)
Qongw qaxx kiwhiamm dy' byy lriw
knuar diyc niubin jin' havii
dongqimx hen qongw knuar qac'ir
beh si qoxjaw vnirsniusix
Qapp liw qongw qaxx beh singsu
liw beh hro guaw jyr diongrhux
linw cur kanciuw dy' qnaxx u
iarr diyhh qra guaw sueh sidsuu
Langg' guaw iauxx bue crua kanciuw
jiacc u cud laii siwqer iuu
narr qaxx imenn beh singjiu
cuir qaxx qongw cud byy qycc siux
Qapp linw qongw qaxx jiacnirr singg
liw beh crua guaw dy' jingwqingx
m jaix longqunx sniaw zirsingr
iarr diyhh qra niuu sueh hunbingg
Miasingr horkauw u itding
mrbenw sueh qaxx hiacc hunbingg
narr beh kiw cur diyh'air ing
iarr diyhh tiap viah qapp qikqingx
Tniax qunx liw qongw u kamxjam
drr si hy jyr Jngx aw Samx
zirsingr lanw qycc byy siy' lam
im'enn m si pah ciauwdamm
Qniax liauw liw guaw laii qangg snir(?)
liw diyhh suar qra guaw tongdix
im'enn ingxquw ee dairjir
m tangx qanxdanx benw knuar sii
Tniax qunx qongxue dy' ben gong
jaix qunx vaklai jiokk lingtongx
jitt qxur viwbit qycc suar qongw
jitt hang mihqnia deh(?) diqongx
Qniax liauw liw qapp guaw lamrsamw
diauqangx sueh laii pah ciauwdamm
narr byy qapp guaw ovec tamr
guaw miaa qiyr jyr Ngiuu aw Qamx
Qunw liw snir Jngx niuu snir Ngiuu
zirsner dy' byy qangg snidniux
mng qunx simqnuax sniu jnuaxngiu
iarr diyhh sidjing huehok niuu
Liw dnaxx qiyr guaw huee gengiw
guaw dyrr qra liw sueh tauwqix
jitt vrangx guaw narr dngw hniuliw
e crew hmlangg singx tongdix
Jit sow banw liauw quer jit lunn
hnuahiw puer diyc bixlongqunx
si lanw jingser u enhun
naxx knuar qycc suacc naxx subunn
Qra niuu draur banw jit dua vew
danr lyc denaa mrbenw tec
im'enn dnaxx lanw qongw hyxser
crua liw suiw niuu byy quiw xee
Jit jangg banw liauw quer jit jangg
hnuahiw guaw niuu puer suiw angx
qra qunx liw sueh u jit hxang
narr dngw qinw kir qiyr hmlangg
Qapp niuu siy' srii beh huedngw
sniu diyc simqnuax jiokjnia' sngx
guaw qiyr hmlangg linw cur mng
liw dnaxx m tangx druar dehngg
Qapp qunx qniaa cud dehngg gua
hai gunw byy simx be liamrquax
m jaix dirsii jiacc beh crua
qniax qunx jywsu gauu tuasuax
Siangkax qniaa cud niuu dehngg
jit simx hnuahiw jit simx sngx
qimzit did diyc jit hxang mngc
kacc hyw jitluw qnir gunngg
Bue mng linw druar sniaw derhy
liw qycc qra guaw sueh herlyc
iarr diyhh qra qunx jiauwsit vyr
hmlangg jiacc be kir cue byy
Tniax qunx liw qongw u herhang
m qnaw tec liw jyr vadd langg
jurjiw vyr sit byy lamrsamw
liw diyhh urngiaw guaw cin'angx
Jurjiw u vyr be jauxsiamw
narr laii cue byy haiw bongx jiamx
Qingxbuew quer kir si Sindiamr
lauxsit byy langg qnaw huanrhiamm
Soxjai qra qunx vyr liauxau
liw diyhh qinxqir dirr simtauu
danxtai cundee naxx banw taur
guaw dyre e dngw kir gunw daux
Ioksog siqanx narr qauwui
dyrr beh crua niuu laii jywduix
qua'aw dnaxx byy cuir jrih cuir
xe qxur lamluw beh hunkuix
Diknaa quax venx inr jitt kuanw
jewdo hun'inxjuriuquann
qoxjaw lerquix byy sigquanr
qinrlaii qaixjingr banrdyduanx
Uirdiyhh hun'imx byy hah'ir
sniwmia jiacc qruix imsix
dagg nii jin' je luanjing siw
u knuar vywjuaw dyrr jaiqix
Dagg zit sinbunn dy' u kranx
luan'air muixx guec sxor jap jann
sianghongx qadniuw be duiwvan
cetsimx jursad qruix imqanx
Jywlangg sirdua sniu knuar mai
uisinx diwsig rair packaix
lamluw vingdingw ee sidai
huninx juriuu jiacc ingqaix
Huninx diyhh hro juriuquann
m tangx hro ix haixdexuanx
uree verbuw sniu' gauu quanw
aursuu qaur hiacc byy langg tuann
Qingwcniaw juui hyw ving'iuw
liamrquax e qaiw langg iuciuu
siauwlenn byy takx quax genxqiur
be sux cittyy siwqer iuu
Qaur jiax tingg vid beh hiyckunr
vaiwtog surluw jiongww juqunx
banrid u laii siyw derhun
cniaw laii hongrdee qapp cniaw hrunx