Obadiah
Obadiah soxx did .diyc ee bigsi.
1 Jruw Jehovah lun qaur Edom, qongw: Guanw dui' Jehovah hiax tniax qnir siausid, iarr u suwjiaw hrong crex kir ledqog, qongw: Kiw .laii ar, lanw diyh kiw laii qapp ix qaujenr.
2 Knuar ar, Guaw hro liw dirr ledqog diongx juer biser, hro langg dua dua knuawkinx.
3 Diamr dirr jiyhdong lai, kiarkiw quann ee soxjai :ee ar, liw ee simx ee qiaugno penr liw, simlai qongw: Jirjui e qra guaw qangr lyc de ar?
4 Liw suizenn singquann cincniu ingjiauw, jyh siu dirr cnxix ee diongqanx, Guaw beh dui' hiax qra liw qangr lyc; jex si Jehovah qongw :ee.
5 Cat narr laii liw hiax, iacc si qiongdy mii .sii laii, qamxx m si taux qaur muaxir nardnia? Banw pudyy :ee narr laii qaur liw hiax banw, qamxx byy iauxx lauu quiw liap mah? Liw duw diyc jenxduu qaur jnaixngiu ar!
6 Esau jnaixngiu siurr ciaucue ar! Ix soxx kngr ee vyxmic jnaixngiu siurr craa cud ar!
7 Qapp liw qed iog :ee longxx duar liw qaur venqair; qapp liw hyhyw :ee kipenr liw, kacc ngiaa liw; jiac liw ee bixniuu :ee sed uahdauh dirr liw ee erbin; ix ee simx longxx byy diwsig.
8 Jehovah qongw: Qaur hitt zit Guaw qamxx byy dui' Edom dubet diwhui ee langg, dui' Esau ee snuax dubet cangmiaa ee langg?
9 Teman ar, liw ee iongxsu beh qniahniaa, drir qaur diamr Esau ee snuax, dagg langg siurr taii siw jenxduu.
10 In'ui liw vyrgiok liw ee hniadi Jakob, liw beh duw diyc dua dua qenwsiaur; liw iarr beh ingxuanw siurr jenxduu.
11 Dng' liw kia dirr vnitauu ee zit, guarlangg cniuw ix ee jaibut, ngirvanglangg zip ix ee sniamngg, uirr Jelusalem liamx kaux, hitt zit liw cincniu inx diongqanx ee jit xee.
12 Dng' liw ee hniadi ee zit, dyrr si ix duw diyc huanrlan ee zit, liw m ingqaix kia lecc knuar; Judahlangg siurr bet ee zit, liw m ingqaix uirdiyhh anxnix laii hnuahiw; inx dux diyc jailan ee zit, liw m ingqaix qongw duarue.
13 Guaw ee vecsnir duw diyc jaieh ee zit, liw m ingqaix zip ix ee mngg; inx duw diyc jaieh ee zit, liw m ingqaix knuar inx decc siurkow; inx duw diyc jaieh ee zit, liw m ingqaix bongx diyc inx ee jaibut.
14 Liw m ingqaix kia dirr siangcelo, jac inx diongqanx dyjauw ee langg; inx duw diyc jailan ee zit, liw m ingqaix jiong' inx cunx ee langg qauhur duiwdik.
15 In'ui Jehovah vanrliw banrqog ee zit qin lar; jiauww liw soxx qniaa :ee, iarr beh anxnix qniaa dirr liw; liw soxx juer :ee, beh qruix dirr liw; liw soxx juer :ee, beh qruix dirr liw ee taukag.
16 In'ui cincniu linw dirr Guaw ee sxingr snuax bad limx, banrqog iarr beh cincniu anxnix dngdngg limx, iarr limx iarr tunx .lyc .kir, inx dyrr beh qruix dirr byy.
17 Dirr Zion Snuax beh u dytuad ee langg, iarr beh jniaa juer sxingr; Jakob-qrex beh did diyc ix vunw u ee giap.
18 Jakob-qrex beh jniaa juer huew, Josef-qrex beh jniaa juer huexiam, Esau ee qrex beh juer diurqyw, huew beh siyx laii bet ix; Esau ee qrex beh byy lauu jit xee; in'ui Jehovah u qongw ix.
19 Lamhngx ee langg beh did diyc Esau ee snuax, vningiuu ee langg beh did diyc Filist, iarr beh did diyc Eflaim ee cann, qapp Samalia ee cann, Benjaminlangg beh did diyc Gilead.
20 Islael ee qundui jiaxee siurr liac :ee beh did diyc sriok Kanna ee de, didqaur Zalefat; diamr dirr Sefalad siurr laic ee Jelusalemlangg beh did diyc lamhngx ee sniaa.
21 Beh u jiaxee jinxqiur :ee jnriu Zion Snuax, laii simxpnuar Esau ee snaux; qokdo dyrr qruix Jehovah.