snuax-diongx simsig dai
QAUXHUN'AXSNUAX
duardysnax-aw cing ox ox
kax cing cauxee duardykor
jit din qanglangg juann javox
uirdiyc snax dxngr byy huatdo
zip kangx laii qra ngqimx ow
avunw tec tec kir hauwqox
ngqimx jair dngw inx Qniadox
duiww lanw Daiuann byy voxsow
tauwjaw jyr qaxx zidtauu ox
jit qangx nng sxenw iarr diyhh dro
avunw kokhingg iong vorsor
sunrsuar qycc sed qiluxho
SNUADIX
snuadix laii lux todaurhngg
jit pxenr todau lux qngx qngx
qui' qrex huecqnua longxx byy ngr
jre dirr ciu-kax simx jnia' sngx
dniardnia gunw dy' u laii srunn
zit .sii m bad laii siy' drng
amwsii m knur cud laii punw
todaurhngg jyr didiaux runx
HUEW SIYX SNUAX
huew siyx snualunn pihpok dnua
duarlangg ginxaw jauw laii knuar
ciu-aw siyx qaxx venr huextnuar
hangx bah pangbi qui' liap snuax
snuax-dingw siwqer jiauxaxvax
dua jiah ser jiah dyr tokax
jit din qxauw-aw lrauu cuiwnua
dagg jiah jiac qxx jiokk covaw
snuax-lai ee langg qra huew pah
siyx qaxx qui' pxenr cauwhuexdax
qajair huathen iauxx jin' jaw
narr byy langg marr venr langvax
HUEXLANGX
dangbuew sitnix ho naxx laii
huexlangx kngr lecc mipue lai
jit amr hyw kunr iauxx m jaix
kaqud tngr .diyc jiacc jaix hai
mipue siyx qaxx cniurr bixtaix
JUIXGUU
dangbuew sitnix dah bongbu
guu-aw qnuaa qaxx ciu-kax qux
beh danw juxlangg kanx dngw cur
jit diauu gusyh kanx juixguu
TROR JUIXPYX
saivakho-aw itdit lyc
senrhii candew lecc tittyy
diurcauw tauu-aw linlongx gryy
cuir-lai vutsii tror juixpyx
CIAVUNWDAUW
qnuatnix qaur dnax diurcauw
diurdniaa tauu ciavunwdauw
diurdniaa buew siy' kap tauu
amaw huah qecuee qaur
ginxaxhniax kiw kax jauw
TNUAQKANG'ANGX
ixjingg qethunx jyr muelangg
iarr byy sigsai dyrr qer angx
iugiahhuew-aw giac zip vangg
jiacc jaix angsair jyr tnuawkangx
cunsiaux sikig jin' qinw quer
qnrua diongdauwvng qaur qangde
zip kir qangliauu qra angx cue
cauxliauu lairbin langg jnia' je
dag'ee bin-aw longxx huex huex
m jaix angsair dycc jit xee
sniu diyc sidjai jnia' pnaixser
SER SNXAX
zmwsii siyw kex decc sew snxax
juixbin puu cud guehniu'ngiaw
ciuw narr hor juiw guec dyrr qniaa
jit pxenr hnuahiw ee ciyr-sniax
guehniuu duer juiw kogkok ngiax
jit pax dinghuew diaur vnuar viah
dagg amr sew snxax guec pnua ngiaw
kuu qax kax sngx qycc be kia
KNUAR GUEC
dniaw-drew mohe sac angg angg
siangx ciuw sni'uex qinw lecc pangg
jit din ginxaw diurdniaa danw
mohe hyw jiac bi qycc pangx
snuahongx bii bii(?) ixdiauu jre
cuir jng mohe naxx knuar guec
knuar diyc jiauxjiah vnuawtnix quer
qui' din longxx duiww ciurnaa vuex
JIAC HANJII
qniatnix lingw qiqix
qor xiyy vuu hanjii
qxauw-aw knuar guaw jiac
cuirnua cabcap dih
qnaxx si vakdow iaux
berhiauw tyw beh dnic
hanjii vreh vreh dirr orhiyc
naxx decc cringr enx iauxx jniaa siyx
jitt jiah toxqauw guaw jnia' siyh
krox diyc buexliux itdit iyy
qniaa dingw qniaa re duer u diyc
qapp guaw qangrdin qor tnuawiyy
TYXHAIW
haixingw quann duw tnix
danghongx lingw qiqix
jnriu junn beh cuthaiw
dnax tauu laii qriuu tnix
cur-lai iarr diyhh biw
cud mngg longxx diyhh jnii
simqnuax liac tanxhnuii
dnaxx diyhh rair kyr liw
BANW TYY
bak knuar tyhuax kuix angg angg
ixjaw jywhuew vreh tyjangg
qaur dnaxx jit langg quer jit kuanw
ixqingx quer liauw jap gua dangx
tyy-aw kuix huex jairr tyqix
lanw ee jinghun tngbiddnix
jiac diyc tyy-aw dyrr sniu liw
ninii sniu liw jairr cuxsii
SAUWCIUW
sauwciuw kngr dirr mngsnir au
tuwjaw tauwamr tec laii saur
dingxqingx erqingx saur taur taur
iarr diyh'air saur diurdniaa tauu
cur-lai saur qaxx dng hunhee
cinvingg hyxiuw narr laii jre
jiacc be hro langg qeqongxue
miasniax kacc pangx gioglanhuex
LIAC HII
beh kir liac hii tauwdiongdaur
vunwqix tec lecc en' lo jauw
junxaxqaujuiw jin' cuaclauu
keqyx qui' qrunn vaii dinrtauu
duardorhii-aw juixbin piaux
cauxhee juixqaux putpud tiaur
vehmuaa qauxqamx siy' kap tauu
itdit liac qaur honghunx au
ENX
tnidingw huiqix vangr dngg snuar
rue lringg rue hong jin' hyw knuar
bak nih giac tauu byy knuar ngiaw
jit jun dua hongx vuex siwsnuar
QNUAW SNUALO
hionghiongg qnuaxlo m jaix sii
snuatauu jit knix que rjit knix
u knuar endangg huexhunx kiw
guehniuu diamr dirr diknaa vnix
BIYRKAUW
Maxjoxqingx kauw langg jin' je
iarr u qingwsinn qapp sangwdee
eex-dinrdin siy' ekeh
qang jngx ee langg dauwjywhuew
siongrqaiww laurzet si jniax-guec
ingg ingg byy langg jyr kangkuer
paur dee ex henn vunn qoxcuex
laurzet si qaur siongrguanmee
ACBII JIAC DORQUNW
kamwkax tobah u vuihunx
ciuw giaa ditauu qrut dorqunw
qenww vaiw longxx qrut quixarr qrunx
jit din acbii ciangciangg qunw
vec sig puarlen qruar amrqunw
knuar diyc dorqunw tauu dyrr crunx
jiac qaxx amrqunw qunxluxjun
jiac vaw ciu-kax decc hiyckunr
QECUEE
diurdniaa qecuee kngr nng qix
jit qix beh pah ginxaxngix
lingrgua hitt qix pah jingsnix
duarser m qnaw laii cixdi
QOR TNUAWIYY
tnuawiyy kiw dirr vnuar snuapniaa
mizit iyhuew itdit hniaa
jit diauu vec enx pnua snuaniaw
snuax-kax Siwsniaa qang Gorsniaa
cakox kngr lecc cagiac dingw
dingxtauu diyhh giaa lyc ervingg
dikpuex puar puar tnuawiyy jingg
qinw jyr tnuawlangw tangx hyw ing