Nahum
1 Lun Nineveh ee bigsi, Elkoslangg Nahum soxx knuar .qnir ee ngirsiong, qir dirr ceh nirr.
2 Jehovah si zedsimx ee Siongrder, iarr qniaa vywsiuu; Jehovah vywsiuu qycc dua siurkir; Jehovah duiww Ix ee duiwdik vywsiuu, uirdiyhh Ix ee qiusiuu laii kngr siurkir.
3 Jehovah byy kuair siurkir, u dua linglik; quatduanr byy liac u jue :ee juer byy jue; Jehovah ee lo dirr qngxlehongx qapp qongg hongx ee diongqanx, hunn si Ix ee kax ee tohunw.
4 Ix jikvi haiw hro ix dax, iarr hro jiaxee hyy longxx byy juiw; Basan qapp Karmel suevai, Lebanon ee huebak iarr suevai.
5 Snuatauu in'ui Ix dinxdang, snuaniaw iarr longxx siau'ngiuu, duarde dirr Ix ee binrjingg pongr .kiw .laii, sewqair qapp diamr dirr hitt diongqanx :ee iarr si anxnix.
6 Ix jid'err tongwhun, jirjui e kia lehh? Ix dua siurkir, jirjui dngx e kiw? Ix ee siurkir cincniu huew vniar .cud, jiyhvnuaa in'ui Ix viaklic.
7 Jehovah si hyw, dirr huanrlan ee zit, Ix juer uersow; qycc bad hiaxee uaxkyr Ix ee langg.
8 Jongwsirr Ix beh ing huanrlan ee duarjuiw imbet ix ee de, qnuaw duiwdik zip oamr.
9 Linw sed simxmih qewboo duiwdik Jehovah? Ix beh juer qaur jinrtauu, benw qycc derr zi vaiw ee jaieh.
10 Inx ngidnii cincniu ciwper, cincniu limx jiuw qaur juir juir, iauxquxx inx beh siyx .kir, cincniu dax dax ee cauw.
11 U jit xee dui' liw hiax cud .laii, doboo qan'og, sed pnaiw qewboo, qongqig Jehovah.
12 Jehovah anxnix qongw: Inx suizenn sewlik ciongjiog, langgiac jerje, iarr beh siurr jenxduu, qruix dirr byy. Guaw suizenn bad hro liw siurkow, ixau byy qycc hro liw siurkow.
13 Danxx Guaw beh dui' liw ee amrqunw ad jric ix ee dnax, cuah dng vak liw ee syh.
14 Jehovah bad cud bingrling lun qaur liw, qongw: Sriok liw ee langg dikkag byy qycc tuann jxingw; Guaw beh dui' liw ee siongrder ee biy-lai dubet diaukig ee gnoxsiong, qapp juwjy ee sxiong; Guaw beh qra liw virvan hunbong, in'ui liw si vijen.
15 Knuar ar, u vyr hyw siausid tuann hyvingg ee langg, ix ee kax qniaa jnriu snuax-dingw. Judah ar, siuw liw ee jecqii, sria liw ee guan; in'ui pnaiw langg byy qycc dui' liw ee diongqanx qingquer; in'ui ix itjin bedbyy lar.
2 Pywhuai :ee jnriu qaur liw ee binrjingg; liw diyhh qowsiuw uersow, dihongg lortauu, iyx diyhh giamxgni, kuiwlat qik qenqor.
2 In'ui Jehovah hogdyr Jakob ee ingqngx, cincniu Islael ee ingqngx; in'ui cniuxqiab :ee ixqing’ cniuxqiab ix, qycc huixhuai inx ee pudyqix.
3 Ix ee iongxsu ee dinvaii si angg :ee, jenwsu longxx cing ju'angg snxax; dirr ix virvan qaujenr ee zit, jenwciax ee qngwtih iam iam sih, ix ee cniux bruw laii bruw kir.
4 Ciax dirr quelo luan luan jongg, dirr kuikuah ee soxjai e.-ekeh-k.; kuanxsid cincniu huexvew, qinw qinw jauw, cincniu sicnar.
5 Ix diamxsngr ix ee quiwjok, inx vorqniaa dendyw, qinw qinw qaur sniacniuu, virvan vyxho ee kiwqu.
6 Hiaxee hyjac longxx kuix, qiongden siaubet.
7 Ongho siurr lingziok, hro langg liac .kir; qiongluw duii hxingx, aihauw cincniu qab ee sniax.
8 Nineveh dui' jaw ixlaii, cincniu jurjip juiw ee dii; dnaxx inx longxx dyjauw, u langg qiyr qongxx: Tingg kax, tingg kax; jongwsirr byy langg uat tauu knuar.
9 Cniuw ix ee ginn, qiab ix ee qimx; soxx jikju :ee byy hanrliong, suiw ee qoxdongw qik hongsing.
10 Dnaxx kanghux lar, kangx kangx lar, pahngx lar; simx sitdnaw, katauu sna' kap, iyx longxx tangwtniar, bin longxx venwsig.
11 Sraix ee het qapp ser jiah sraix, jiahmic ee soxjai, dyrr si qangx ee sraix, buw ee sraix, ser jiah sriax, siwqer qniaa, byy diyhqniax ee soxjai, dnaxx dirr dyclyc ar?
12 Dua jiah sraix tiah lic mic, hro ser jiah sraix jiac qraur giac; uirdiyhh buw ee sraix qa siw uahmic, jiong' soxx tiah lic :ee dunw muaw ix ee het, jiong' soxx qa .diyc .ee, jxig muaw ix ee dong.
13 Banrqunx ee Jehovah qongw: Knuar ar, Guaw qongqig liw, qycc dirr huexhunx diongx siyx pnaiw ix ee bexciax, dyqiamr iarr beh tunbet liw ee ser jiah sraix; Guaw beh dui' derjniu dubet liw soxx cniuxliac :ee; liw ee suwjiaw ee sniax, byy qycc hro langg tniax .qnir.
3 U jaieh ar, hro langg lrauu huih ee sniaa, u kuixjar qiongvy muaw muaw, cniuxqiab byy suah.
2 U bexvnix ee sniax, u cialunn hurhu hauw ee sniax, bew putpud tiaur, ciax kongrkong hauw;
3 Bexvingx jinwjingg, dyqiamr qngx nawnar, ix ee cniux iam iam sih; siurr taii :ee vutjiw je, sinsix jniaa dua dxuix, sinsix be sngr .did, langg vuahdyw dirr sixlangg ee dingxbin.
4 In'ui suiw ee ciongqix u jerje imhing, quanwlen juer ang'ii, ing ix ee imhing behik ledqog, ing ix ee siasut behik jerje jok.
5 Banrqunx ee Jehovah qongw: Knuar ar, Guaw qongqig liw, Guaw beh henx liw ee qunn, kamr liw ee bin, hro ledqog knuar qnir liw ee ciacteh, hro ledvangx knuar qnir liw ee qenwsiaur.
6 Guaw beh jiong' kyxngor uwuer ee mic hed dirr liw ee sinjniu, lingziok liw, hro langg bagjiux knuar .qnir.
7 Dui' anxnix qniwnarr knuar qnir liw :ee, longxx beh dyjauw lirkuix liw, qongw: Nineveh pahngx lar, u simxmih langg uirr ix visiongx ar? Guaw beh dui' dyclyc cue diyc an'uir liw ee langg ar?
8 Liw qamxx u kacc ngiaa Tebes mah? Ix jre dirr jiaxee hyy ee diongqanx, jiuuii u juiw, haiw juer ix ee hyqaux, haiw juer ix ee sniacniuu.
9 Kus qapp Egipt juer ix byy hanrliong ee kuiwlat; Fut qapp Libia si vangjan liw :ee.
10 Jongwsirr ix siurr censuaw hro langg liac .kir; ix ee ngex-aw hro langg siag siw dirr quelortauu; langg uirdiyhh ix junquir ee langg liamx kaux; ix ee dua qnua'uann longxx hro ticlen vak.
11 Liw beh limx qaur juir, iarr beh siurr kngr bat; qycc in'ui siamxvi duiwdik laii cue uersow.
12 Liw itcer hiamxiaur ee soxjai, beh cincniu buhuaqyxciu; u kixtauu sik ee buhuaqyw, jid'err iyy ix, dyrr qalauc dirr jiaxee langg ee cuir.
13 Knuar ar, linw diongqanx ee vecsnir si cincniu hurzinlangg; liw qingxlai ee mngg, longxx kuix dirr duiwdik ee binrjingg; huew siyx liw ee mngqongg.
14 Liw diyhh cnriu juiw, virvan siurr uikunr; diyhh qenqor liw ee uersow; diyhh qaur tokud dac too, siuliw jng'iyy.
15 Dirr hiax huew beh siybet liw, dyx beh taii liw, tunbet liw cincniu dorqauu; cutjai liw qetnix jerje cincniu dorqauu, qetnix jerje cincniu cauxmeh.
16 Liw qetnix liw ee singlixlangg, kacc je tnidingw ee cnxix; dorqauu sunxhai liauw dyrr vuex .kir.
17 Liw ee quiwjok cincniu cauxmeh, liw ee dua qnua'uann cincniu qui' din ee cauxmeh, tnikir lingw ee sii dyrr hiyh dirr livax, zit cud dyrr vuex .kir, langg m jaix ix kir dyclyc.
18 Assylia Ongg ar, liw ee bogjiaw decc kunr; liw ee quiwjok dyw lehh; liw ee vecsnir siwsnuar dirr snuax nirr, byy langg jiyjip.
19 Liw ee siongx be rix .did; liw siurr pah jin' tiamw; qniwnarr tniax qnir liw ee siausid :ee, beh in'ui liw pah ciuw; liw soxx qniaa ee pnaiw, simxmih langg byy duw .diyc?