lenrqimsut

Jung qapp lenrqimsut

Bunchhai huan'ik

Inxlun

22 huer ee sii, guaw qinglik jit vaiw lingsingr ee qakcniw. Jit qxow lingsingr ee juixlauu qniaa quer guaw ee linghunn, driaur gauw kir texgiam ixjingg soxx byy hxuad siongxsiong junjai ee surbut. Hitt sii gauw nikinx budix, qinvunw m bad tniax quer JUNG(1875-1961) iacc si lenrqimsut, duiww jurqiw qinglik .quer ee dairjir qinvunw byy liauxqaiw luerhamm, m jaix rair qenwlip qaiwliam. Mrqycc guaw berdangr byy liauxqaiw jiaxee su.

Kaisiw jauxcue kyxlingg jo guaw liauxqaiw ee laursux iacc si tuantongw, mrqycc cue byy. itdit qaur aurlaii, jiacc huathen JUNG ee duwjog qapp lunrsut. Ix ee quanliam/ lixlun longxx jin' hogjap, dongsii guaw bruw be cingcyw; mrqycc simlai jaix guaw jurqiw cue diyc qanglui :ee. Guaw byy huatdo lixqaiw, kiokk qamxqag ix teqiongx jit xee qetqor, hro guaw erdangr tak qaqi qinglik .quer ee qingxsiong.

Genxqiur JUNG, guaw jicjiab diyc jaxnii ee jit quaw qu tuantongw, dag diyc guaw simlingg ee qinx. Jiaxee tuantongw nirr, siongrr diongriaur ee si lenrqimsut. Duiww guaw laii qongww, lenrqimsut dyrr si dairliong ee iwhiongr/ siongrdingx, lamrjap diyc lixsingr/ quaiwjniax, cinced/ qniax langg; hudsimx si iwsiong qibiau ee tetzinjiyc (PHILOSOPHER'S STONE). Jitt xee qibiau ee mic erdangr qaixvenr qimsiok, dirliauu vnerjingr, henkuix simlingg ee ywvir, hro u hokkir ee congwjyrjiaw ingxuanw ee hyw miasniax. Dyrr si jitt xee "tetzinjiyc" ee iwsiong, huanwkiw guaw ee siongxsiongrlat, hro guaw kaisiw genxqiur lenrqimsut --- jitt xee genxqiur, dnaxx ixqingx zi-jap gua nii ar.

Jit kaisiw, guaw vingrr byy pacsngr an' diwsig-siong lixqaiw lenrqimsut ee kixguann, marr m bad sniu beh jinwzip qoxjaw lenrqimsux ee simlingg, iycsniu inx duwjog nirr sniu beh viauxdat ee lueriongg. Gauw qamxqag, zuqyw erdangr liauxqaiw hiaxee siongrdingx ee iwsur, guaw dyrr erdangr hiauxgno qinggiam ee iwgi, lingxhue guaw ee huxdyw qywanr ham' guaw hunhiongw ee qinggiam.

Guaw sniu, guaw si jit xee sinviwjiaw. Guaw duiww u jojid hingtair ee jongqaur (ORGANIZED RELIGION) jurlaii dyrr qamxqag jin' byy jurjai, vutditvud suncue jurqiw ee lorqingr, qaqi qaixtak jinsiongr. Narr qongxx byy JUNG, lenrqimsut, guaw ee loxlik itding uanjuann sitvai.

Guaw tamwcue langg ee luerjai ixqingx snax-jap gua nii, iuquann qamxqag lenrqimsut siongrdingx guxgenn jerje jo lanw lixqaiw langg ee luersimx, siaw jitt vunw ceh, guaw ee bogdig si beh ham' langg hunhiongw guaw soxx lixqaiw ee lenrqimsut ee quanqenr, qaixpuar luerjai sewqair ee viwbit.

Guaw m qnaw qongw jiaxee quandiamw jingwkak bygo, marr byy lunrvenr guaw ee lixqaiw si ui'id kyxlingg ee qaiwdab, mrqycc guaw siongsinr, jurqiw :ee, qasiong je nii laii hunsig tnazinn ee qinggiam, jongxhap kiw laii ixqingx duiww lenrqimsut ee lingsingr kongqanx congwjy liauw jit jiongw digvet ee quandiamw, beh dywdngw laii jiyr qngx "qywtexhuar(INDIVIDUATION)" jitt diauu lo.

Guaw iong JUNG ee boo jyr kixdiamw. Byy ix ee mohingg, beh liauxqaiw guaw duiww lenrqimsut ee quandiamw dyrr byy kyxlingg. Tyxlun diyc "jursingr (THE SELF)" "juxdong siongxsiong(ACTIVE IMAGINATION)" "bang ee huntiah" "ciauuat qonglingg (TRANSCENDENT FUNCTION)" …dringw JUNG lixlun ee qivunw quanliam sii, guaw m si jyr jit xee lixlunrqax laii qenwlip ix ee lixlun qaiwliam qetqor, si zinrding ix dyrr si lenrqimsux, si quxuanw ixlaii "lingsingr dyrsux" ee tuansingg-diongx siongrr qinrdai ee jit xee. Incuw, jiurr jitt vunw ceh laii qongw, si ix ee duxjog nirr iong laii kuitiah cingcyw lenrqimx siongrdingx lingsingr iwgi ee vorhun. Ngua jit qxur ue qongw, guaw si uirr beh liauxqaiw langg luerjai qinggiam laii genxqiur lenrqimx iwsiong; uirr liauxqaiw lenrqimx iwsiong jiacc laii genxqiur JUNG. Jitt xee quewdingg dendyr qongw marr driyc: liauxqaiw luerjai qinggiam ee iwgi jan guaw liauxqaiw lenrqimx iwsiong, liauxqaiw lenrqimx iwsiong jo guaw liauxqaiw JUNG.

Marr kyxlingg u langg huanxduir guaw anne knuar JUNG, inx e jitgii JUNG jyr lingsingr dyrsux iacc si luerjai lenrqimsux ee qaksig. Guaw zinruii JUNG siongrr dua ee hongrhenr m si sidbu simlixhagqax (PRACTICAL PSYCHOLOGIST), si jyr lanw ee dyrsux, si qra jerje qu tuansingg ee diwhui dingsinx inxjinr henrdai sehongx sewqair. Ix kaksit m si jinjniar decc lenrqimx ee lenrqimsux, ix si singzin qycc inghenw lenrqimx iwsiong --- hex si jerje lenrqimsux sing'uac/ qangjog nirr ee siongxsiong sewqair.

Dirr lenrqimx iwsiong nirr, jitt xee sewqair erdangr qaixliongg, vne erdangr siaubyy, budjid erdangr venwhuawjyr jingsinn, jingsinn marr ersaih juanxnguarjyr budjid. Dirr siongxsiong ee uxdiu-diongx, guanvunw nng xee duiwlip ee surbut horsiong qethap, congwjy qibiau ee dersnajiaw, ciauuat itvnualangg ee iwsig. An' qinvunw laii qongw, JUNG juanlat he dirr juanxhuar(TRANSFORMATION) quewdingg, jinrlat congwjy sinx simlingg diongsimx(PSYCHIC CENTER) – ix qongw ee "jursingr"--- vitzenn hro ix kiarvaii dirr siongxsiong ee lenrqimx sewqair.

Dnaxx jerje hagsip JUNG simlixhak lunrsut ee langg, longxx qirjuat lingsingr vorhun, huanxvog qongw ix si mow jiongw " sendix ", jiaxee langg m si juanzenn m driyc. Qra JUNG tuisag qaur ciauhuann ee qingwqair, qra ix ee hagsueh dongwjyr henrdai singwdenw, longxx m driyc. JUNG narr jaix, e hro ix jauw qaxx bih byy lo kir! mrqycc ix kaksit si jit xui uixdai ee dyrsux, sewzinn jiamduir lingsingr ee tamwsyh ham' juanxhuar soxx tecud ee bohingg nirr, did diyc jin' dua ee jusanw. Juewqin, JUNG-hagqair hongwkir jerje ix ee duwjog nirr lingsingr ee vorhun, qra quandiamw jibdiongx dirr ec bicbih ee limcngg ham' zinqeh simlixhak vorhun, sidjai sngxsid qik dua.

Jerje langg jurzin ixqingx ciauuat JUNG, zinruii JUNG ixqingx quewsii, byy hac sidai; sursit-siong, JUNG duwsut ee cimdo, iauxx si danw lanw ueh kacc cimx lehh. guaw siongsinr, sehongx sewqair dng' decc uirr langg ee luerjai huatdenw ham' lingsingr qakcniw suncue sinx van sii, hibang jurqiw dirr tamwtyw, kuidenw JUNG lingsingr hingboo, u damrvyc jorlat. Lanw narr iong "lingsingr dyrsux" knuawdai, JUNG qisit ixqingx teqiongx henrdairlangg kexbongg ee dyrlo ar.

Guaw siongrr hyxun ee si, ixqingx quewsinx ee MARIE-LOUISE VON FRANZ(1915-1998) si guaw dirr ZURICH hagsip sii ee laursux. JUNG duiww lingsingwhak ee qongwhenr, guaw ee lixqaiw dairvorhun laii jurr ix. Guaw e dirr ceh nirr tamwtyw jitt hxun jusanw, qycc jitt hxun jusanw qapp henrdai sewqair ee quanhe, jiyh jitt hxun jusanw tauwsi lenrqimx siongrdingx ee ywvir/ ix ee iongrdoo. Mrqycc guaw beh singx tyxlun lenrqimsut ee vunxjid/ ligsuw.

LINRQIMSUT EE KIXTAUU

Lenrqimsut ee kixguann/ ligsuw huatdewn, dnaxx iauxx u jin' dua ee jinglun. Lenrqimsut qokk susiongw paiwvet / horsiong ee quanhe, u jin' je bunrdee iauxx byy qaixdab, mrqycc huanxingr qokk hagjiaw knuawhuad itdir ee vorhun, iokliok damsueh lenrqimhak, si u kyxlingg ee.

ALCHEMY jitt xee zri u nng xee zirqinx, jit xee si AL, jit xee si CHEMERIA. AL si ARABIA zri, iwsur si THE; CHEMERIA ee iwsur byy cingcyw. CHEMERIA dirr HELLENIC u nng jiongw siaxhuad, jit xee si CHEMEIA, ---tuix cud jiab ee quewdingg, lingrgua si CHYMIA, --- vitzenn ham' an' kongwjiyc len cud qimsiok iuxquanx. Jitt nng xee iwsur longxx si dirr jitvenr (TRANSMULATION) quewdingg-diongx u jit xee qiongrdongg guansor--- qra jit jiongw budjid juanxvenwjyr qydingw budjid, anne lanw erdangr qongw, lenrqimsut si jit hxang "jitvenr" ee gersut.

Lanw jiamrsii erdangr qra lenrqimsut ee ligsuw vunx jyr snax xee siqii, HELLENISTIC ALCHEMY/ ARABIC ALCHEMY / LATIN ALCHEMY.

HELLENISTIC lenrqimsut iokk seguann jingg 200-600 nii,

ARABIA :ee iokk qaur seguann jit-cingx nii uijiw,

LATIN :ee iokk ui' seguann 1100-1700.

Lanw soxx zinrdix ee lenrqimsux, siongrr jaw :ee si BOLOS OF MENDES. Ix si jokqax, qitnax ee byy cingcyw, mrqycc henxzenn si sing'uac dirr HELLENISTIC bunbingg ee EGYPT, kaksit ee nidai byy cingcyw.

JACK LINDSAY tamwtyw coqii lenrqimsut ee duwjog, dnaxx byy langg erdangr ngiaa quer ix ee singjiu. Ix siongsinr BOLOS vensiaw ee duwsut, qra coqii lenrqimsut ee quiw diauu juxsnuar, venjipjyr sxor sewqir ixlaii lenrqimsut junjai ee hingsid. Jerje langg siongsinr, lenrqimsut qinguann laijurr qoxjaw EGYPT tuantongw. EGYPT lenrqimx sidhongw jniajyr BOLOS unriong ee dosiong/quanliam ee qivunw juliau. BOLOS qycc dairsingx qra siongxsiong iauwsor inxjinr lenrqimx sewqair— in'ui ix si duw diyc sinqii ee su nirr, huathen lenrqimx jixdyw guanjig ee.

Ix anne qongw, duer saihu OSTANES yc lenrqimx, vuthing saihu iauxx bue ow diyc lenrqimsut soxu ee ywvir dyrr laii quewsinx. BOLOS qewsiok loxlik, singqyw iuxhan kiokk byy hongwkir, jywhuad diauwcniaw saihu ee bonghunn, OSTANES ee imqongx laii ar, mrqycc sinvnix ee sirue m junw ix qongxue; jixhyw benqiongw qongw jit qxur "ceh dirr dxen nirr". BOLOS kaisiw cue ceh, kiokk itdit cue byy ceh.

u jit zit, BOLOS camqax OSTANES qniaw vran ee enwhue, cur lai jit qix tiau hionghiongg lec kuix. OSTANES ee qniaw qongw, vaxvah ee ceh longxx cangr dirr jitt qix tiau lairbin. Mrqycc BOLOS cue laii cue kir, cue byy ceh, kiokk cue diyc jit xee qongsid, anne qongw " jit jiongw jid (NATURE) potnaw lingrgua jit jiongw jid, jit jiongw jid krig lingrgua jit jiongw jid, jit jiongw jid juxjnaiw lingrgua jit jiongw jid." Knuar diyc jitt qxur ue, BOLOS niaxhue diyc lenrqimsut ee ywvir.

Jap-cid sewqir sii, jitt xe "sxamx id qongsid" si lenrqimsux junsunn ee qongsid, jitt xee kexsi kiokk si laijurr qapp bonglingg ee duiwue. LINDSAY qongw, huathen jitt xee qongsid ee jingqingw qapp kexsirsingr, hro langg sniu kiw lisewqox ee lunrsut, kyxviw qongxx BOOK OF POIMANDRES.

LINDSAY qongw qaxx jin' jingwkag, dirr BOLOS biysiaw(biausiaw) nirr, ixx huanwsiong surqnia (VISIONARY EVENT) jyr kixtauu, m na viauxsi sewzinn zinruii lenrqimsut si jit jiongw huanwsut (MAGICAL ART), marr henwcud siongxsiong qinggiam dui' jit kaisiw si lenrqimsut vitiuw ee jidvorhun.

Suibongw HELLENE lenrqimsut byy uanjuann sriok siongxsiong singwjid, jerje lunrsueh longxx qongw diyc huanwsut sidjer ee jidbin, dniaxloo (BATHE OF MARIE, jex si quiw sewqiw ixlaii zinrjinx ee lenrqimsux soxx suxiong :ee) ee setqer, kixjy, mrqycc siongxsiong insor iauxx si pnaiw hiyxding ee.

HELLENE siongrr u miaa ee lenrqimsux ZOSIMOS bad rue snalensuar siongxsiong ee doo, tuandat lenrqimsut ee jit quaw qinvunw ywvir. Dirr jiax guaw byy hxuad siongser tyxlun jiaxee doo, jiaxee lensiok ee siongxsiong viauxdat ee si naxx bang ee kixsi, ZOSIMOS jiyh jiaxee kexsi, zinrbad sinn ee juixik (juixhik, DIVINE WATERS) ee singwjid. Ix knuar diyc quiw xee langg—dairviauw huanxhuar amiab ee budjid, naxx ham' ix duiwue, naxx jiapsiu hueh saisaix jankog bactew ee taii /liyy/ quah. Jiaxee naxx qongxue naxx sriu qaixtew ee langg, henxcud ee si lenrqim (qangjog, jokpinw) ee qokk janbin.HELLENE lenrqimsux qethap lenrqimsut sidjer/ siongxsiong ee nng bin, mrqycc siongxsiong naxjunxx hro inx qyckacc dua ee ligliong.

ARABIA ee langg jenwngiaa BYZANTIUM dewqog dangvo qokk singw, qongjiamr ee dyrr si lenrqimsut siongrr liuhingg ee soxjai. Inx dirr EGYPT, SYRIA huathen lenrqimx duwjog, jin' qinw dyrr jiapsiu "jitvenwhak STUDY OF TRANSMUTATION" qapp iuxquanx uahdang. ARABIA ee lenrqimsut u quixarr pair, uree jyr sidtew lenrqimx(PHYSICAL ALCHEMY), uree jyr lingsingr lenrqimx(SPIRITUAL ALCHEMY).

Kiwdoo qethap lenrqimx lingsingr vorhun/sidtew vorhun ee JABIR IBN HAYYAN (721-815), si ARABIA lenrqimsux siongrr u miaa :ee. ix kyxlingg dirr seguann veh-vah nii quewsinx. Ham' jin' je jaxqii lenrqimsux siysiang, jitt sewlangg ciongbuanw jinggi, simrjiww iauxx u langg jitgii si m si jinjniar u jitt xee langg; iacc si hiacc je soxui ee duwjog, dauwdew si m si ix jit xee langg siaw ee? ix ee lixlun hogjap lann liauxqaiw, u sii qinvunw dyrr hnuaxhuar amiab vutbingg.

Mrqycc ix ee duwjog lueriongg juadduir byy liqingx, hex si laijurr sinx PLATO susiongw ee hogjap dethak. Ix qirjuat soxui ee "sidgiamrsingr genxqiur (EMPIRICAL STUDY)" jitt jiongw sniurhuad, zinruii qandna' ingxuanw ee jinliw dyrr u qraur qowsingg kyhak ee qicow. Ix ee texhe qethap sowzi/ zirbyw ywvir ham' lenrqimx jitvenr quewdingg. Jiurr ix laii qongw, beh jewjy detzinjiyc mojiyc, ywvir dirdecc zinrcingx surbut luerjai jingcuew ee vunxjid, ui' jiax cruw diyc sikdongx ee vnevang.

Ix ee texhe henxzenn huisiongg hogjap, suibongw m si qongzenn ee siongxsiong, kiokk ham' puewhap sowzi/ zirbyw ee qibiau iuxquanx. Dongsii, ix ee texhe qenwlip dirr simlingg(MIND) lat ee qicow dingw, jiyh jitt qrow ligliong knuawtaur surbut ee jingcuew.

Diyhh liauxqaiw, jex si su'iaur digsuu qisut ee ciuxge—m si, jex si siongrr uixdai ee ciuxlo, jitt jiongw qanghu kansiap diyc qandna' junjai dirr simlingg nirr ee lixsiongw sidtew.

Iuxquanx JABIR, qycc qitnax ARABIA lenrqimsux, lanw rair yc ee dairjir iauxx jin' je, vauhamm ISLAN sinviwqaur SUFISM ham' lenrqimsut ee quanhe.

SUFISM bidtuann dirr jiax u siongrr quann ee diongriauwsingr, inx tuansingg iongxiuw jingbit ee "siongxsiong" lixlun. SUFISM ee lenrqimx quandiamw, qethap siongxsiong lixlun/ congwjy biaursinx (SUBTLE BODIES), tauwknuar uxdiu hudsimx …dringw bogviaux. Jiurr SUFISM qauwdoo laii qongw, lenrqimsut juxiaur si qinqur siongxsiong jongrtair/ texgiam jinwhingg ee lingsingr caulen. Kyxviw qongxx lingtew (SPIRITUAL BODIES)/ budtew (MATERIAL BODIES) zuhyy horsiong qauho jokiong, u jit xee langg anne siaw, narr qongw lenrqimsut qandna' dirr budtew-siong caujog, e jin' pnaiw liauxqaiw ix ee iwgi si snaiw; mrqycc narr si zinrbad diyc lenrqimsut si decc len lingtew, dyrr erdangr lixqaiw qui' xee qangjog ee jinwhingg.

SUFISM lenrqimsux liauxqaiw, inx caujog ee budjid byy uanjuann si sidtew ee mic, si sriok loghngg (PARADISE) sewqair :ee. Suibongw dirr qokk siqii ee lenrqimsut nirr longxx u "sidtew/ lingsingr qethap" jitt xee juxtee, mrqycc jitt hongbin ee qangjog, SUFISM qauwdoo viauxhen .cud .laii ee laisewsingr (OTHERWORLDLY NATURE) siongrr binghenw. Tew itdanr verwjyr lxingg, lxingg jniajyr srinx, lanw dyrr jinwzip jit xee sinx ee qinggiam niaxhik --- guaw qongw jyr "lui simlingg (PSYCHOID)". Guaw e dirr sikdongx ee qetqor-ha tyxlun simlingg qinggiam, daddid juwir ee si, SUFISM qauwdoo dirr quiw sewqir jingg dyrr ixqingx huatdenw cud jitt xee qaiwliam.

Lenrqimsut iokk dirr jap-snax sewqiw sii tuann qaur seaux, dirr jiax dua liuhingg quiw vah nii. Lenrqimsut dirr seaux itdit si derha unrdong, m bad did diyc qnuahongx ee zinrkyw, kiokk dirr qokk hanggiap nirr liuhingg. Ongqongx quiwjok/ qauwhongg/ juxqaur longxx bad duiww lenrqimsut u hingwcur. Jap-snax ~ jap-veh sewqiw cutvanw jerje lunrjog, uree jin' u qenwqaiw/ juxdniux, uree caw lingrvng ziiw, jongxqiongx quiw vah vunw.

Uree lenrqimsux siongsinr sidtexsingr, juanlik jyr sidgiamrsig qangjog, jiamrr huatdenw cud aurlaii ee kyhak sidgiam; marr u jerje langg ui' lingsingr/ siongxsiong janbin ee lunrjog, qyckacc je langg sniu beh qra jitt nng diauu snuar zuee jywhuew. dnaxx knuar e diyc ee laii qongw, siongrr jaw si tnix beh qngx (THE RISING DAWN, AURORA CONSURGENS). Jitt vunw ceh idvnuax zinruii si THOMAS AQUINAS siaw ee. MARIE-LOUISE VON FRANZ(1915-1998) bad duiww jitt vunw duwjog jyr quer jin' u qenwqaiw ee hunsig, siongser suecbingg qiglok (ECSTATIC). Sursit-siong, ix siongsinr jokjiaw cuansiaw jitt vunw ceh sii, dairvorhun siqanx si cutsinn/ hionghiw jongrtair, soxx viauxdat ee ziqur ciongbuanw zedlet, naxx si siaw hro sriok luxsingr ee "diwhui (WISDOM)" ee jingsix. Jokjiaw inxiong singwqingx ee gixqur, bingvik jixcud lenrqimx sunrsi horsiong quajid viauxdat, suanvor tenqog crua "diwhui", congwjy detzinjiyc ee langg beh qangwlimm derbin.

Jongqaur iwsiong ham' lenrqimx sunrsi hunwhap, dirr seaux lenrqimsut nirr si suwsiongg knuar e diyc ee. jerje langg qra detzinjiyc vixping jyr qidog, qongw diyc congwsewqiw/ singwqingx nirr iuxquanx diwhui ee bunn. Duiww diongqow sewqiw/ bunge hoghingx siqii ee lunrjiaw laii qongw, lenrqimx qangjog henxzenn u jit jiongw jongqaur iwbi. Detzinjiyc ee congwjy sidjai si qijig. Dirr jitt xee siqii, lenrqimsut iauxx u jit xee jin' digvet ee siongxsiong/ kexsi iauwsor, lanw huathen inx qingsiongg qongw diyc bang, iycsiongw, lanw marr ciangjai knuar diyc lenrqimsux ham' MERCURY/ SULFUR/ NATURE… dringw lenrqimx sinlingg ee duiwue qiwlok. Jitt lui ee duiwue, uree si qauwdy singwjid, uree kaksit huanxingr luerjai qinggiam.

Lingrgua, iauxx u quaw siongxsiongrsingr juliau qisit jurlaii m bad cutvanw. Kyxviw qongxx jap-cid sewqir ee lenrqimsux GEORGE STARKEY siaw puex hro ix ee piwhorzinn, qongw diyc ix jyr jit xee bang. Bang-diongx, ix dirr sidgiamrsig nirr qangjog, jit xee sinlingg hionghiongg henrsinx, hro ix qniax jit diyy. Danw ix huehok dinwjing, kakding jitt xee sinlingg m si moquiw au, ix dyrr mng sinlingg jit xee lenrqim guanliau (ALCHAHEST) hongbin ee bunrdee, sinlingg huedab ix ee bunrdee, suibongw ix tniax m bad, mrqycc jaix hex si jinjniar ee. an' kexsi did diyc jewjy sinqii budjid ee hngtauu (qapiyc), si lenrqimsut lunrjog nirr ciangjai qnir diyc ee juxdee. Lenrqimsux sisiongg tecniw langg : jixu did diyc siongrder ee kexsi, lenrqimx jiacc kyxlingg singqongx.

Lenrqimsut snax xee huatdenw siqii iycsiongw jongrtair qapp lenrqimx jiqanx ee quanhe, guaw iauxx erdangr qongw cud qyckacc je sidle jingwbingg, mrqycc taujingg qongw .quer ee jitt xee le, u qraur viauxdat dui' jit kaisiw dyrr ham' jitt xee dua qonggiap(GREAT WORK) u quanlenn ee iycsiongw (siongxsiong) tuantongw-diongx mow jiongw honghur ee mic.

Sewzinn duiww lenrqimsut ee hnowhenn qaur dnaxx byy qiamw, tongsingg vunjyr "luerjai lenrqimx " "sidtew lenrqimx" nng hunqix. Sidtew diwdang ee si sidgiamrsig ee qangjog, hibang jewjy qokk jiongw diwvne hngtauu/ qokk jiongw "jitvenr" budjid; luerjai lenrqimx, soxx quanjiaur ee si luerjai qinggiam, bogviaux dirdecc juanxvenr zinqeh, cioksingg langg duiww singwsinn jinliw ee texgiam. "luerjai lenrqimx" qapp "sidtew lenrqimx", quiw vah nii jingg huatsingx dua hunlet, dirr jex jingg, nng xee lenrqimsuw dairvorhun si hab'id ee. diongqow sewqiw ee lenrqimsux vingrr byy soxui lenrqimsut ee jongqaur singwjid, sidjer ingriong ee kuvet. Jerje langg duiww lenrqimsut hunlic jyr "luerjai lenrqimx "qapp "sidtew lenrqimx" huaipau uiham, zinruii jinjniar ee lenrqimsut e siauziok .kir, mrqycc, suar lyc laii ee xe jit-cingx nii, jitt jiongw hunlet kiokk jin' kyxlingg si lenrqimsut jinwhuar ee jidvorhun.

Lenrqimxut qethap budjid qapp jingsinn ee guansiw iwgi, kaksit ixqingx siauser, mrqycc jex vingrr m si viauxsi byy kyxlingg dingsinx qethap. Dnaxx lenrqimsut tuantongw iuguann dirr qokk hongbin ensiok, lenrqimsut ligsuw iauxx bue uansingg, bunhak puepingg/ simlixhak/ sidjer lenrqimsux, iauxx itdit decc duicue jitt xee sinvir ee zinsu, iuguann decc lunrsut lenrqimsut, hro iwsiong jurzenn jiamrr diongxsingg, qyckqcc diongriaur ee si, jaxjingg cioksingg lenrqimsut congwjy/ huatdenw ee kexsi/ iycsniu, dnaxx iauxx jerje langg sriu diyc jitt jiongw kexsi; m na u anne iycsniu, jo lanw lixqaiw jiaxee kexsi/ iycsniu ee iongrsuu, iuguann qapp jaxjingg lenrqimsux iong ee qongxhuad siyqang.

Lenrqimsut ligsuw ee luerhamm iuquw dyvenr, lanw taujingg tyxlun ee lenrqimsut, snax xee siqii ee lenrqimsux kyxlingg horsiong byy zinrdongg, mrqycc qangkuanw ee qongxhuad kiokk jin' je. Duiqiuu :ee siysiangg--- iong qeqib qimsiok jewjy ngqimx si lenrqimsuw itquanr bogviaux. Kaksit, dnaxx qokk lunrjiaw iuguann jingven lenrqimsux sniu beh jewjy ee ngqimx dauwdew sriok dycc jiongw singwjid, uree naxjunxx decc sniu :ee si jinjniar ee ngqimx, uree beh air :ee kiokk si lanw simlai ee "ngqimx". Bylun dycc jit jiongw, jitt xee "dua qonggiap" juewau longxx si iong "ngqimx" jyr iwsiong.

PARACELSUS (1493-1541) au, jerje lenrqimsux longxx si isingx, inx lenrqimx bogviaux m si ngqimx, si dirvne iyhhngx, hibang iong jurqiw len .cud .laii ee dirvne budjid laii qiamxkinx langg ee vnertniar, uree simrjiww hibang erdangr cue diyc ingxuanw be siw ee viwhng.

Bylun si jewjy ngqimx, iacc si dirvne iyc/ be siw ee viwhng, lenrqimsux longxx zinruii diyhh singx congwjy tetzinjiyc (PHILOSOPHER'S STONE). Narr u tetzinjiyc dyrr u congwjy "jitvenr" qapp dirvne ee linglik. Mrqycc tetzinjiyc lingrgua jit jiongw lat, si hro iongxiuxjiaw jiapqin singwsinn ee ywvir. Jewjy tetzinjiyc ee quewdingg, suibongw e sanxsingx jiongw jiongw ingwhau, juxiaur ee bogviaux iauxx si jewjy tetzinjiyc. Jixiaur u tetzinjiyc, qitnax bogviaux longxx byy lann dadsingg; narr byy tetzinjiyc, qitnax itcer longxx byy kyxlingg. Qongvnee qongw, lenrqimsux cir qokk jiongw honghuad/ byy qangg ee sunrsi, siongrbuew ee iwdoo si jewjy tetzinjiyc.

Dirr lenrqimsuw-dingw, lenrqimsux uirr beh dadsingg jitt xee zimrbu ee sunrsi m bad qaixvenr .quer. Dairsingx, diyhh cue diyc guanliau. Jitt jiongw lenrqimx guanliau ee singwjid, itdit si lenrqimsut siongrr dua ee viwvit, qaur dnaxx byy henkuix .quer, guaninx kyxlingg si byy langg mng byy langg dab. Jitt jiongw guanliau(PRIMA MATERIA) ee amiab budjid, dauwdew si sniaw? Qokk jiongw qenwgi/ diamxduh/ amwsi jerje.

Lenrqimsux tongsiongg e sniu vanrhuad cue diyc jit jiongw jurqiw zinruii hamiuw PRIMA MATERIA ee budjid, zenau jinwhingg qokk jiongw caujog --- bogviaux si beh pywhai guanlaii ee hingsid, hro dywdngw kir byy hingtair (PRE-FORMED STATE), dyrr si PRIMA MATERIA. Ngua jit qxur ue qongw, budjid hingsingg jinwjingg, si PRIMA MATERIA, lenrqimsux qra hyrjyr dur hunrluan (CHAOS) …dringw. Lenrqimsux siongsinr, qra budjid huawjyr hohun jongrtair au, si ixqingx "taisiw" guanlaii ee budjid, sitkir vunxlaii ee hingsid, venwjyr hohun jongrtair ee quewdingg, hyrjyr MORTIFICATION iacc si NIGREDO. Lenrqimsux qongw jitt xee quewdingg cud laii ee mic ox qycc caur.

Lenrqimsux ongxongw qongw jitt jiongw qryx qryx ee lrauu, jniuqoo jongrtair, si juixginn (MERCURY). Inx zinruii lenrqimx juixginn dyrr si inx ee PRIMA MATERIA; vutqyr inx sui' dyrr qycc suecbingg inx iong ee m si lanw itvnuax ee juixginn. Juixginn u liuhongg (SULFUR) singhunx, dudiau liuhongg, qycc hro juixginn/ liuhongg diongsinx qethap, e jewjy cud lingrgua jitt jiongw mic. Juixginn/ liuhongg qauho jok'iong, horsiong duiwkongr, dingsinx qethap, budjid dirr jitt jiongw quewdingg-diongx vutduan ee venwhuar…dingsinx qethap ee juixginn ham' liuhongg zuqyw dat qaur vnevang jongrtair, tetzinjiyc dyrr anne sanxsingx.

Lenrqimx hiwcud, juxdee u jiongw jiongw venwjaur, qivunw lueriongg dyrr si siaubet guann budjid, qanxhuawjyr guansiw jongrtair; jriab lyc kir, lenrqimsux qra jitt jiongw PRIMA MATERIA hunli jnaijyr juixginn/ liuhongg nng vorhun. Juixginn/ liuhongg dingsinx qethap au, jewjy cud jit jiongw sinx budjid, hyrjyr tetzinjiyc. Lenrqimx ixx hunx/ hap (SOLVE ET COAGULE) ee sunrsi jinwhingg, jitt xee quewdingg dionghok jerje vaiw.

Beh qaixvenr qimsiok jongrtair, lenrqimsux u je jiongw sunrsi honghuad, lenrqimx ceh nirr tongsiongg u go jiongw. NIGREDO ee iwsur si "qra budjid qanxhuar jniajyr guanliau jongrtair ee quewdingg", iarr dyrr si jiyh diyc jitt go jiongw qidiongx ee jit jiongw sanxsingx jok'iong. NIGREDO kyxlingg dirr qui' xee quewdingg-diongx jit kaisiw dyrr huatsingx, sidjer-siong lenrqimsux dirr pywhai budjid, beh hro juanxhuar sii, suisii kyxlingg huatsingx NIGREDO.

Qokk jiongw quewdingg ee jinwhingg vingrr byy itding ee sunrsi, qokk sunrsi jiqanx ee quanhe, lenrqimsux horsiong marr byy itdir ee qenwqaiw. SOLUTIO si rngiuu/ ighuar--- qra qowtew juanxvenwjyr igtew. Budjid an' qowtew rngiuu jyr igtew, ongxongw viauxsi guaniuw hingsid ixqingx pywhai, dywdngw hohun jongrtair. Lingrgua ighuar marr si qongxx budjid qanxhuar jniajyr juixginn. SEPARATIO si hunqaiw PRIMA MATERIA singhun ee honghuad, CONIUNCTIO si hysingg. Dirr jingxqyy qangjog quewdingg-diongx, hunx/ hap kyxlingg diongrhok quixarr vaiw.

Dirr lenrqimx gixsuu nirr, "huew" si jin' diongriaur ee siongrdingx. CALCINATIO si siyx jit xee but hro jniajyr hux: jitt xee dingsu si jingrhuar(PURIFICATION). Siyx marr si hro budjid hunqaiw, hro tew/ jingsinn hunlii, jitt sii jingsinn jingrhuar jniajyr krir(VAPOR), cringr kiw laii dirr siyqanx ee cuiwkauw. Lenrqimsux narr si hniasiyx budjig, diauqangx beh jewjy "krir", anne jitt xee dingsu hyrjyr singhuaa (SUBLIMATIO).

Narr si beh hro jingsinn ham' tew qycc qethap, anne lenrqimsux diyhh jinwhingg COAGULATIO, hro igtew dngw laii qowtew, iacc si hro hux diongsinx ham' krir qethap.

Soxu itcer ee sunrsi, bogdig longxx si jewjy qaqi sniu beh air ee PRIMA MATERIA, jiacc qycc iong qokk jiongw honghuad juanxhuar, siongrbuew si beh hro juanxhuawjyr tetzinjiyc. Mrqycc jitt sii lenrqimsux iauxx bue beh tingg! Ix e iong MULTIPLICATIO jitt xee dingsu, qionghuar tetzinjiyc ee jid/ liong. Lixlun-siong, erdangr quanr zip tetzinjiyc ee lat si byhan ee, MULTIPLICATIO jitt xee dingsu erdangr jerje vaiw diongrhok jingwhingg.

Lenrqimsux qongw, budjid lensuar juanxhuar-diongx, sikdi ee qaixvenr jixsi qidiongx ee jit jad. NIGREDO jitt xee dingsu au sanxsingx ee si osig; qycc qingquer je vaiw dingsu au, budjid jiamrr hehok sniwmia. Lenrqimsux dirr jitt xee an' siw qaur sinx snex ee quewdingg-diongx, jongw si huathen ligsig. Hehok sniwmia ee quewdingg qycc ham' je jiongw sig u quanhe, jitt xee qaidnua hyrjyr CAUDIS PAVONIS --- " kongxciokbuew (PEACOCK'S TAIL)".

Budjid qewsiok singdiongw/ qaixvenr, juewau laii qaur covo ee anding (REST-PLACE) --- cojiyc (FIRST STONE), itdanr dat qaur jitt xee qaidnua, budjid covo dingsinx qurvi hingsid, erdangr ui' qimsiok jewjy ginn. Jitt xee qaidnua qapp "vec" iuxquanx, hyrjyr ALBEDO.

Uree lenrqimsux zinruii ALBEDO amwsi jitt jiongw jin' qiongg ee jiyhtauu ixqingx hingsingg, dyrr e tingg dirr jitt xee qaidnua. Mrqycc dairvorhun ee lenrqimsux e sniu beh jyr zirjiyc (SECOND STONE), in'ui zirjiyc erdangr qra qimsiok qaixvenwjyr ngqimx, qra ixqingx venwjyr vehsig ee budjid qycjaiww pywhai, qycc sixbongg jit vaiw, jniajyr osig, jixiaur jit vaiw qycc hehok sniwmia, dyrr e dat qaur juansinx junjai ee jancur-- angsig. Jitt sii budjid juanxjyr qimsig iacc si angsig, jinwzip juewau jongrtair ---RUBEDO. Dairvorhun lenrqimsux qongw, jitt sii budjid ee sig an' osig juanw veh qycc juann angg; jidvorhun :ee e qongw ui' osig juanw vec juanw ngg qycjaiww juanw angsig.

Lenrqimsut huisiongg diwdiong sikjuiw ee siongrdingx, lenrqimsux qinxsin juwbingg sig ee venwhuar. JACK LINDSAY jixcud, " singwjid ee venwhuar dyrr si luerjai jojid ee venwhuar; jitt xee singwjid ee venwhuar qapp sig ee venwhuar u kanlenn, simrjiww si ittew ee." duiww lenrqimsux laii qongw, budjid ee sikdi itdanr sanxsingx venwhuar, luerjai singwjid marr kiw venwhuar, siongrdingx budjid ee venwhuar qapp budjid junjai jancur ee qaixvenr.

Ixsiong, jixsi jiurr lenrqimsut juxiaur dingsu/ qaidnua qanxdanx ee qongxhuad. Jitt hongbin ee lunrsut qisit jin' je, togjiaw zuqyw u cuwbi, sniu beh liauxqaiw lenrqimsut ee jiongw jiongw quewdingg qapp qidiongx amwhamm ee simliw iwgi, tangx kir tak EDWARD EDINGER tyxlun/ huntiah lenrqimsut ee duwjog "simlingg ee qaixpuar (ANATOMY OF THE PSYCHE) iacc si MARIE-LOUISE VON FRANZ ee "lenrqimsut (ALCHEMY)".

Dnaxx lenrqimsut u nng-cingx nii ee ligsuw, jap- veh sewqiw ixlaii, suibongw qingquer jerje venwhuar, iuguann vyxiuw jamxzenn qiongg ee jurjiblat ham' ensiok lyc ee ligliong, zimrhyy siqii ee lenrqimsux narr beh ham' ixjax ee lenrqimsux diwsig-siong ee duiwue, jongxsi byy sniaw kunwlann. Lenrqimsut qethap iycsiongw jongrtair/ qinggiam/ cuwliw sidtew budjid ee qangjog, sidjai hiqii. Jitt vunw ceh tyxlun juxdee jibdiongx dirr iycsiongw. Lenrqimsut teqiongx jingxliw qaixjingr luerjai qinggiam ee bohingg/ derdoo, marr uirr luerjai qinggiam ee viauxdat tecud huhy hertongw.

Lanw erdangr dirr lenrqimx qoxceh nirr cue diyc jerje "derdoo". lanw beh iong ee si jap-lak sewqiw GERALD DORN ee lunrsut soxx viauxdat ee derdoo. Guaw e dirr aurbin siongser tyxlun jitt xee langg/ ix ee duwjog --- ix soxx biausut ee lenrqimx qangjog (OPUS) digvet qiongdiau snax xui "qyguann", digsig si qyguann dirdecc congwjy jit jiongw "qethap", sanxsingx uanbiw tingdo byy qangg ee jiyhtauu; siongrr diongriaur ee si, jitt snax xui ee qyguann muixx jit xui longxx ham' simliw qinggiam iuxquanx.

JUNG dirr ix ee diongriaur duwjog "sinvir habtew (MYSTERIUM CONIUNCTIONIS)" nirr, tyxlun jingg nng jiongw sanxsingx tetzinjiyc ee "qethap", mrqycc derr snax jiongw qandna' kinx kinx qongw .quer, guaw tegi lanw erdangr siongser laii tyxlun jitt jiongw. Diyhh singx tecud nng xee quanliam --- nng xee iauxx u jinggi ee quanliam --- jit xee si "lui-simlingg sewqair (PSYCHOID WORLD)", jit xee si lui-simlingg sewqair diongsimx, iarr dyrr si hitt xee sewqair ee diongsimx (THE CENTER OF PSYCHOID WORLD ), gauw qra hyrjyr lui-simlingqair ee jursingr.

DORN ee qongxsueh, muixx jitt xee jancur ee qethap longxx ersaih lixqaiw jyr simlingg sewqair sinx diongsimx ee hingsingg --- jitt xee diongsimx, JUNG qongw si jursingr(SELF). Derr id qaidnua iwsig/ amwiwsig qethap, derr zi qaidnua beh hro jitt xee qethap ingxuanw qewsiok uicii diauu. derr snax, ixqingx congwjy cud ee jursingr qapp ciauuat zinlui simlingg ee diongsimx qethap --- jitt xee ciauuat zinlui simlingg ee diongsimx, lanw kyxlingg ersaih qra hyrjyr singwsinn (DIVINE). Lenrqimsut siongrdingx qapp dingsu ee lixqaiw, guaw tegi ixx DORN ee derdoo, qapp muixx jit xee qaidnua soxx congwjy ee diongsimx digjid jyr quandiamw. Jingg nng xee diongsimx si simlingg diongsimx, derr snax si lui-simlingg diongsimx (PSYCHOIDAL) ---iwsur si jitt xee diongsimx u jidvorhun si criaux-simlingg :ee (TRANSPSYCHIC).

Ixx gauw soxx jaix, dnaxx lenrqimsuw iauxx byy langg siongser tyxlun derr snax qaidnua, guaw tecud ee quandiamw iuguann u jinggi. Gauw ee quandiamw duiww lenrqimx iwsiong /luerjai qinggiam ee lixqaiw u siongser juwqaiw, jinr jit vo henxcud luerjai qinggiam ee sinx iwsur/ kexhuatsingr. Jitt vunx ceh dyrr si simlingg qapp derr snax renn qethap qinggiam ee vunxjid jyr juxdee.

Lingrgua, guaw dongsii marr cuxiong anne ee quandiamw : lenrqimx iwsiong iong siongrdingx biyue simliw jongrtair/ qinggiam. Jerje langg zinruii jitt lui iwsiong qandna' si zidsiongg sing'uac surqnia/ hunsig qinggiam (ANALYTICAL EXPERIENCES) ee amwsi, jex si cywgno :ee. sing'uac surqnia/ hunsig qinggiam kaksit u amwsi, duliauw amwsi, jitt lui iwsiong iauxx si iwsig jongrtair qapp qamxingr qingxsiong (FELT VISIONS) ee siongrdingx viauxdat; qamxingr vunxsinx dy' si dog'id byy zi ee.

Qongw lenrqimsut si jitt jiongw amwsi byy snaiw m driyc, zinruii lenrqimsut si sidjer jitvenr qinggiam ee jixdy guanjig marr byy sniaw m driyc. Dirr sidjer jitvenr qinggiam-diongx, ngqimx si iwsig kexbongg (puawvid) au jewjy cud :ee --- guaw caixiong jitt xee quandiamw, laii tyxlun lenrqimsut soxx biyue :ee, cioksingg ee iwsig qinggiam, qapp ciauuadsingr qinggiam. Anne ee tyxlun quandiamw erdangr singlip, diyhh si JUNG, ui' ix ee lunrjog-diongx, cutqiyh ee lingsingr bohingg, jiyh jitt xee boo qaixtak lenrqimsut.

JUNG AS A SPIRITUAL TRADITION

1972 nii, guaw kir ZURICH JUNG ee genxqiuwsow (JUNG INSTITUTE) jyr genxqiur. Dirr hiax tak quer jerje kywdingg, jinjniar sriu diyc hunwlen ee si jit xee hunsiksux tuantew (KUSNACHT MAFIA) --- si jit quaw sriu MARIE-LOUISE VON FRANZ ingxhiongw ee zinsu josingg :ee. VON FRANZ si Dr.JUNG ee hagsingx/ dongsu/ ving'iuw, duiww gunw jiaxee langg laii qongw, ix naxjunxx jiongxag diyc cimzip liauxqaiw JUNG lixlun ee syxsii. Gunw ciangjai dramm diyc bunzi qir :ee/ kauxsut qiwlok ee JUNG simlixhak, "juanjip (COLLECTED WORKS)" nirr ee JUNG, qapp VON FRANZ henxcud ee JUNG u jin' duar ee cavet. Ix qongw :ee JUNG si jit xee lingsingr dyrsux, huisiongg bingvik luerjai qangjog qik diongrdua ee iwgi, quansimx qinggiam ciauquer lixlun je je je, dirr amwiwsig lingxhik ee morhiamw qowsu qik qamxdong langg, qycc u kexhuatsingr.

Dirr ZURICH jyr genxqiur si kuaiwlok ee, hitt sii iauxx jin' je "laurlaursux" longxx jin' uahtiaur, gunw jiaxee hagsingx texgiam diyc ee si derr id ciuw ee jursingr jinsiongr, marr jin' cutlat kir jiapsiu anne ee jinsiongr. Laursux qar gunw qra jitt xee jniasit ee jursingr knuawdairjyr luerjai ee jit xee langg, u ix ee sniax, didjiab dirr bang-diongx juxdong siongxsiong, simrjiww dirr sing'uac qinggiam-diongx tniax .diyc. Iauxx e qir tihh DR.VON FRANZ qongw .quer, ursii qandna' sniu beh mng jurqiw "si m si rair qapp moxmic langg jywhuew jiac diongdauwvng?" jiacc qanxdanx ee bunrdee, ix longxx e ham' jit xee jursingr "jiaptongx". Ix ee qra catqag ee linglik jibdiongx dirr jursingr-dingw, danxtai dap'anr.

JURSINGR

"Jursingr " dirr JUNG cutvanw ee duwjog nirr, u sii byy iong'i lixqaiw, ongxongw byy tuandat ham' "jursingr" didjiap jiapciog ee jniasit jongrhongw. Kyxviw qongxx, ix qongw, jursingr jyr diongsimx, vitzenn si langg zidsiongg sing'uac ee tongxdir linghunn (SPIRITUS RECTOR). "jursingr" qinggiam sidjer-siong ham' vingsiongg tniax qongw ee "siongrder" qinggiam byy huatdo hunven. Ui' jurgnow (EGO) ee quandiamw knuar jursingr, jursingr qinggiam dyrr si singwsinn qinggiam, qra jurgnow itdit decc dypiah ee bunrdee henxcud hro jurgnow knuar. Dirr JUNG uirr itvnuax togjiaw venrjip ee MAN AND HIS SYMBOLES nirr, VON FRANZ henwcud C.G.GUNG "qapp jursingr jiapciog"" ee qivunw quanliam, ix anne qongw, dairvorhun langg itsingx jiwjiyw longxx u jit vaiw luerjai huatsingx cimkig ee jursingr qinggiam. Ui' simlixhak ee quandiamw knuar, jinjniar ee jongqaur taiwdo si loxlik ueh cud jiaxee qinggiam, jiamrr jiaptongx… anne, jursingr e jniajyr lanw luerjai ee pnua, lanw ee jit zit viw jit zit qyckacc quanjiaur ix.

Dirr jitt dnxua, VON FRANZ qra jursingr ham' tetzinjiyc knuawjyr siysiangg :ee, JUNG vunxlangg marr tec cud duiwdingw (EQUATION) ee qongxhuad.

Tetzinjiyc si jursingr ee siongrdingx---jin' je insor ingxhiongw JUNG lyc jitt xee qetlun. Ix zinruii jursingr si qethap simlingg/ simlingg ee duiwlibbin (OPPOSITIES) ee diongsimx. Tetzinjiyc si duiwlip sianghongx ee qethap, lanw ciangjai qongw si "diongsimx". Erdangr qra jursingr zinqechuar, qongxjyr luerjai zinbut, tetzinjiyc marr si anne, jursingr si diwhui ee vyxkor, tetzinjiyc iarr si. Jursingr si itcer simlingg sing'uac ee bogviaux. Qywtexhuar quewdingg ee juewau jongwtair; tetzinjiyc si itcer lenrqimsut ee bogviaux, itcer lenrqimsut dingsu juewau ee jongwtair. Simrjiww, JUNG zinruii jursingr e congwjy jit quaw siongrdingx viauxdat jurqiw ee taiwdo, tetzinjiyc dyrr si qidiongx hongsid ji' id.

JUNG qaxsed, soxu quanhe tetzinjiyc ee biysut, duiww jursingr laii qongw, longxx si jniasit ee; in'ui jursingr dirr tetzinjiyc-dingw cue diyc viauxdat jurqiw ee honghuad. JUNG si qinqir jitt xee qaxsed caujog, qra tetzinjiyc viww jyr jursingr, hro JUNG ee bohingg ham' lenrqimsut ee pacboo hab'id. Lingrgua ix iarr tamwcue quewkir lenqimsux ee lingsingr quanliam, jiaxee ham' ix jurqiw ee jongqaur quanliam marr u quanhe.

"jongqaur taiwdo", JUNG qongw si " qinxsin ee quancad, m si sui'ir hinguii inxhuad ee dongrtair junjai iacc si ingwhau." Jursingr qiwzenn si jitt jiongw ingwhau ee habsingg :ee, guaw dyrr ersaih qongw jongqaur taiwdo si quanjur jursingr, iacc si qongw hro ix jniajyr luerjai dangpnua. Jurgnow qinxsin ee quancad jursingr ee henwhen, qycc jiapsiu ix, jex dyrr si guaw dirr ZURICH singjiab ee tuantongw, marr si guaw snax-jap dxangx laii duisuii ee tuantongw.

JUNG iong anne qanxdanx ee biysut, tuandat ix lingsingr bohingg ee hudsimx / linghunn. Dnaxx narr qongw ix si "lingsingr dyrsux", jerje langg hoxding ix dirr jitt hongbin ee iwgi; mrqycc duiww gunw jiaxee dirr ZURICH duer VON FRANZ/ ARNOLD MINDELL hagsip ee langg laii qongw, JUNG jyr :ee, dyrr si lingsingr quewdingg, jit sud aw dyrr byy gibun. Amwiwsig hongbin ee qangjog, gunw be jurhan dirr "hunsig liaudingg", gunw si beh hro iongzip sing'uac nirr.

JUNG quansimx ee si ix ee simlixhak beh anxjnuaw iongzip seaux tuantongw-diongx. Ix dirr lenrqimsut qapp GNOSTICISM huathen jiapqin ix ee simlingg quandiamw. Dnaxx ix ee ligsuxsingr derui iauxx u jinglun, mrqycc hagsip "bidqaur lingsingr (ESOTERTIC SPIRITUALITY)" ee zinsu longxx zinruii ix kaksit sriok hitt xee tuantongw. Jiax qongw ee bidqaur vauhamm JOCOB BOEHME / PARACELSUS…dringw dyrsux, soxu ee lenrqimsux, muiquirsibzirhue (ROSICRUCIAN MOVEMENT). GERHARD WEHR dirr lun bidqaur ee lunrbunn nirr qongw, JUNG si bidqaur ee jidvorhun (anne qongw kyxlingg u quaw bunrdee), ix sikhap jitt xee tuantongw qetqor u nng xee lixiuu, derr id, ix itquanr qongw kiw iarr si inxiong qxow jongqaur tuantongw laii inwjingr amwiwsig hongbin ee genxqiur quandiamw, derr zi xee lixiuu viw derr id :ee qyckacc u dyrliw, WEHR qongw, "cimdo simliw qinggiam, dag'ee longxx diyhh qingquer qywtexhuar quewdingg, vunxsinx dyrr si bidqaur surqnia. Qra langg diaujingw qaur cimdo ixlai, kokdenw iwsig, hro langg cuhiongr uanjingw langg ee singsikdo." JUNG ee boo sokjy .cud .laii ee luerjai qinggiam vunxjid, hro JUNG ee boo ham' qxow bidqaur sanxsingx siongrr dua ee kanlenn.

Si m si beh qra JUNG ankngr dirr ligsuw mohmec(mehlok)-diongx kyxlingg byy diongriaur, dnaxx yc JUNG lixlun ee langg, ixx juadduir huix-lingsingr quandiamw qaiwding JUNG hagsueh/ quanliam :ee zuxx laii zuxx je, jex hro JUNG hagsuad ee cimdimm iwgi sitbyy .kir, qapp jingxqyy sokhingg ee JUNG tuantongw sitlenn; jex jiacc si kacc camw :ee. Bylun hunsiksux/ dirliausux suanw JUNG susiongw ee dycc vorhun ingwiong dirr limcngg dirliauu-siong, JUNG hagsuad ee iwjir ingxuanw si jit xee cioksingg cimdimm juanxhuar ee texhe. Qywanr ee hunsig qangjog zuqyw byy dat qaur juanxhuar qinggiam, qandna' erdangr benxqiongw qongw si iong JUNG honghuad "dirliauu" ziiw.

Dirr JUNG lingsingr bohingg nirr, jiapsiu jursingr, qapp jursingr dongjai iauxx si quanqenr ee sidjer jywhuad. Mrqycc jursingr si sniaw? Qapp luerjai zinbut duiwue si JUNG honghuad ee jingsinn --- jursingr ciangjai si dirr jitt jiongw jongrtair-ha texgiam.diyc. Jursingr itdanr zinqechuar jniajyr luerjai zinbut, dyrr si qywzinn vunxsingr (ESSENTIAL NATURE) ee qurtew (kurtew) viauxhen.

Dauwdew sniaw si jursingr? Ui' qinggiam-siong laii qongw, jursingr si luerjai juxquanx ee zinbut/ diongsimx, qamxqag kiw laii si qiongdua ee, sinvir ee, ix ee vunxsinx si uanjingw ee. Narr si qenwqaur jyr lixlun, jursingr u je jiongw singwjid. Dairsingx, ix si jingxqyy zinqeh diongsimx, ham' JUNG qongw ee "jurgnow (EGO)" --- iwsig ee diongsimx--- iuxquanx. Sursit-siong, beh liauxqaiw jursingr, diyhh liauxqaiw jurgnow ee mow quaw mic, liauxqaiw JUNG qowsiongw-ha ee simlingg qetqor.

Jurgnow jin' qanxdanx texqiam, byy iong'i qaiwding. Ui' qinggiam-siong laii qongw, jurgnow dyrr si lanw ciangjai qongw ee "guaw". Jit xee langg qongw "guaw iaux ar." "guaw siurkir" "guaw si javox ee", jiaxee "guaw" si jurgnow. Jurgnow duar u zinqeh ee "gnorsingr (I-NESS)", lanw ciangjai iong jitt xee "guaw" qaiwdingw jingxqyy simlingg, qisit si jin' bydix ee; lanw m jaix, simlingg iauxx u qitnax janbin si berdangr iong "guaw" laii qaiwding ee.

Dirr JUNG qenwlip ee qaiwliam nirr, jurgnow si iwsig ee diongsimx, si hro lanw diwqag qinggiam ee qangqu. Jurgnow narr ham' mow simlingg luerhamm jiapciog, hitt xee luerhamm dyrr erdangr iwsig.diyc, narr byy, hitt xee luerhamm si amwiwsig. Jurgnow ee juwiwlat hro luerhamm jniajyr iwsig, m na anne, iauxx erdangr huatdong hro luerhamm kiw "venwhuar". Qywtexhuar jitt xee quewdingg, u jidvorhun si jurgnow hro qinggiam jniajyr iwsig, simlingg qaixvenr ee quewdingg.

Simlingg lai ham' jurgnow byy quanhe ee quiw xee vorhun, qowsingg amwiwsig --- vauhamm qywzinn amwiwsig, jiptew amwiwsig. Qywzinn amwiwsig nirr u jiongw jiongw jingqed (COMPLEXES), qapp sriok qywzinn sing'uac qinggiam ee qokk jiongw jailiau. Jitt jiongw jailiau uirr qokk jiongw guan'inx, m si sriok dirr jurgnow, kiokk erdangr ham' jurgnow qenwlip quanhe --- iwsig e dirr jitt xee quewding-diongx qionghuar, kuikueh.kiw .laii. siangduir qywzinn amwiwsig, jibtew amwiwsig nirr u qokk jiongw guanhingg (ARCHETYPES) qapp uxdiu iwsiong --- jiaxee longxx m si sriok qywzinn, si sriok zinlui juantew. Guanhingg qetqor, mosid, iwsiong sokjyr langg ee sing'uac, ithiongr si anne. Jitt jiongw jailiau m si sriok iwsig, narr qongxx ham' jurgnow qenwlip quanhe, jurgnow diyhh zinrdongg iacc si qra donghuar jyr jursinx qetqor lai, dongzenn, anne jyr u sii e hro jurgnow pongwdua (INFLATION) simrjiww drir jingsinvne (PSYCHOSIS). Jursingr kiokk diyhh ham' guanhingg qenwlip quanhe, erdangr ham' jitt xee jibtew jailiau jyr jingwkag ee hordong, in'ui jursingr si simlingg ee diongsimx.

Qanxdanx qongw, simlingg vauhamm iwsig ee jurgnow, amwiwsig ee jingqed / guanhingg. Iwsig ee diongsimx si jurgnow, juann zinqeh ee diongsimx si jursingr; jursingr si juann zinqeh ee diongsimx, si juann zinqecqamw. "juann" qongw ee si zinqeh nirr iwsig/ amwiwsig ee tongxhap, digvet si jurgnow qapp amwiwsig ee tongxhap. Lanw kyxlingg e zinruii jitt xee tongxhap duiwlip sianghongx ee quewdingg, si dirr jursingr bohingg ee iho-ha, jiauww boo huatsingx ee. JUNG qaixsueh jitt diamw qongw :

Ui' simlixhak qongw, jursingr si iwsig (lamsingr) qapp amwiwsig (luxsingr) qethap, dairviauw simlingg jingxtew. Narr si anne qongw, jursingr si simliw qaiwliam; mrqycc narr si an' qinggiam qongw, jursingr kiokk qaqi cuthen dirr mow quaw siongrdingx ee sokjyr nirr, ix ee jingxtexsingr si dirr MANDALA, qapp bysor luirsu MANDALA nirr siongrr bingvik knuar .diyc.

Mrbenw danw qaur qywtexhuar quewdingg kaisiw, jursingr dyrr ixqingx si zinqeh ee diongsimx. Soxuir ee jingxtexsingr, qisit jixsi siongrdingsingr ee qongxhuad, iwsig/ amwiwsig ee tongxhap si jidsiwlangg :ee. Tongxhap huatsingx jingg ee jursingr, guaw qongw si "amwjursingr (LATENT SELF)". Simlingg jitt nng vorhun itdanr kaisiw tongxhap, jursingr dyrr e zuxx laii zuxx binghenw, guaw qra hyrjyr "binghenw jursingr (MANIFEST SELF)". Jursingr ui' "amr" juanxhuawjyr "bingg", jex si JUNG lingsingr bohingg ee jiaudiamw.

Lanw diyhh singx jingxtew bingvik JUNG qongw ee " sinlingg (SPIRIT)" qapp "lingsingr (SPIRITUAL)" ee iwqi; jitt diamw jin' diongriaur, jixu tetdew lixqaiw, lanw jiacc erdangr jiongxag(jiangxag) "iwsig qapp amwiwsig tongxhap" jitt xee quewdingg si anxjnuaw kuidenw ee. JUNG dirr "senzinn qowsu sinlingg ee henrsiongrhak (PHENOMENOLOGY OF THE SPIRIT IN FAIRYTALES)" jitt pnix lunrbunn zinrjinx tamwtyw sinlingg ee iwgi, did.diyc ee qetlun si : sinlingg u snax jiongw singwjid:

derr id, jurhuatsingr unrdong qapp uahdang.

Derr zi, erdang sui'ir congwjy qingxsiong (IMAGES).

Derr snax, uanjuann jurjuw caukongr jiaxee qingxsiong.

Derr id --- quwjai sinlingg juriuu jyrjog, iacc si congwjy, byy sriu jurgnow --- zinqeh-diongx sriok iwsig ee vorhun --- ee kongwjer. Jurgnow erdangr texgiam diyc lxingg ee junjai, mrqycc berdangr jixhuix lxingg jyr jitt xee, hitt xee. Ui' qinggiam laii qongw, muixx jit xee langg longxx e dirr jurqiw ee bang-diongx duw diyc lxingg, bang nirr ee qingxsiong longxx si laijurr lxingg ee kuidenw. Duliauw qingxsiong ixgua, bang soxx jyr ee itcer longxx si lxingg ee huanxingr. Dirr anne ee iwgi-ha, bang m si laijurr jurgnow, si jurgnow dirr "lxingg" jurhuatsingr ee henxhen-ha, texgiam diyc lxingg ee junjai. JUNG qamxqag "lxingg" jitt xee guanhingg, dirr bang nirr si ixx "diwhui laurlangg" ee qingxsiong cuthen.

Ix iauxx siongsinr amwiwsig --- vauhamm jingqed qapp guanhingg --- erdangr caujongr jurqiw huawjyr qingxsiong. Lanw erdangr siongxsiong simlingg si jit xee hunrluan ee soxjai, dirr jit xee xui, muixx jit xee vorhun longxx erdangr jewjy jurqiw ee qingxsiong, luerjai sewqair ee muixx jit xee vorhun longxx erdangr zinqechuar, venwjyr qingxsiong, qetqyw dyrr si jit uann zuu qaxqaw ee dua habcniur, qokk langg cniur qokk langg :ee, m quanw vadd langg. Giamdiong jingsinn vnerlangg dyrr erdangr knuar diyc jitt jiongw henrsiong, inx byy hxuad vyxho jurqiw byy sriu luerjai lxingg soxu byy hyhaii snia'imx (CACOPHONY) ee ingxhiongw.

Vnehingg jitt jiongw sitdiauu, dyrr si jursingr ee viauxdat. Jursingr si jit jiongw sunrsi qapp hiabhyy guanliw. Jingg lanw qongw .quer, jursingr qapp jingxtew iuxquanx, juantew amwzinqeh iuxquanx, mrqycc ui' zinqechuar qingxsiong quandiamw knuar, jursingr jniajyr jit xee juantew, qycc vanhamm ui' amwiwsig kanx cud soxu ee qingxsiong/ snia'imx. Druu jiax ixqua, jursingr qycc si simlingg ee diongsimx, simlingg ee qitnax vorhun longxx si qinqur jitt xee diongsimx dring cud jurqiw ee honghiongr. Jursingr uirr simlingg cua laii sunrsi, hro simlingg ee qokk vorhun hiabhyy dauwdah, congwjy cud bixbiau ee qauhiongxkig. Ui' jitt xee quandiamw knuar, jursingr si linghunn ee diongsimx, soxu ee guanhingg qinqur jitt xee diongsimx qokk jiauww jurqiw ee sunrsi hunjox. MANDALA zuqyw anne unrjog, dyrr si jursingr siongrdingx. Qongw diyc MANDALA, JUNG qongw :

Qivunw dongrqix si laijurr zinqeh diongsimx ee diaurtauu (PREMONITION) : zinqeh diongsimx si simlingg diongsimdiamw, itcer surbut longxx ham' jitt xee diongsimdiamw iuxquanx, uaxkyr jitt xee diongsimx anvaii. Ix vunxsinx marr si lingliong ee guantauu. Jitt xee diongsimx ee lingliong, henxhen cud :ee cavutdyx si byy hxuad dexkongr/ qirjuat ee ciongdong (COMPULSION), qionglat qnuaw be jauw (URGE) au, dyrr jniajyr mow jit xee langg qowsingg ee insor --- jitt xee si siongrr luerjai diongsimdiamw, ix ee siwvnix vauhamm sriok jursingr ee itcer --- jitt xee juantew singx u iwsig, qycc laii u qywzinn amwiwsig, siongrbuew si jit xee m jaix u zuarnirr dua ee jibtew amwiwsig, jitt xee jibtew amwiwsig vauhamm qokk jiongw guanhingg, sikiong zinlui juantew.

MANADALA ee diongrdiamw si dirdecc vnehingg sunrsi qapp hiabhyy, JUNG qongw anne ee MANADALA si zinqeh diongsimx, iacc si jursingr ee dindiaur. Qongw si zinqeh diongsimx/ jursingr dindiaur, si in'ui jursingr suibongw si uicii jingxqyy simlingg sunrsi ee diongsimx, mrqycc m si duer langg ee cutsir dyrr junjai. Jursingr ee sanxsingx, diyhh qingquer jiongw jiongw simliw qinggiam. Zuqyw beh duiww qywtexhuar jingg-au ee jursingr jyr hunven, guaw e qongw jit xee si "amr" jursingr, jit xee si "binghenw" jursingr. Amwjursingr si byy lat ee diongsimx, jojid simlingg sniwmia ee lat jin' ser; dirr jiax, jingqed qapp guanhingg e ham' amwjursingr jingvniar kongwjer simlingg ee kuanlat, simlingg luervo jongrhongw dyrr e jin' hunwluan, mahuann; jitt sii qywtew suibongw be texgiam drir diyc jingsinvne hitt jiongw huex qyqyy, mrqycc jursingwqamw (SENSE OF SELF) kiokk jin' hiziok.

Dirr jitt xee jinghingg-ha, jurgnow kyxlingg zinruii jurqiw jin' qiongg, si kia quann kongwjer itcer ee derui, jingqed suisii kyxlingg jauw .cud .laii, pywhai jurgnow qionglik uicii ee dedsu. Singqongx ee kiwgiabqax dirr qangjog sii kyxlingg "jiangxag itcer", dngw kir qaur cur nirr, kyxlingg lenrr jurqiw ee hunwno dyrr ab be lyc. Qangjog ee luxsingr m jaix sniaw lixliuu duarsniax kaur. Jurgnow uicii si jit jiongw gne qig cud ee ciywjiong ziiw, qexsiong suisii longxx kyxlingg hro jingqed duhpuar. Qywtew itdanr virr guanhingg ee lat jiongxkongr, jurgnow soxx uiho cer/ ziok ee tongxhabqamw (SENSE OF DIENTITY) jin' qanxdanx dyrr e hro guanhingg sauwduu. Uree langg vingsii knuar .kiw .laii jin' jingwsiongg/ qenrjuann, narr sriu diyc vorbinn(MOB) ee simjingg qamxziamw, uanjuann venr ngiu; jingwhuw ixx aiwqoklun jyr sowqiuu, marr e qra jit quaw langg juanxvenwjyr tailangg qikir – jex longxx si jin' binghenw ee le.

Ui' lingsingr ee quandiamw knuar, qyckacc e u sionghairlat ee si qra luerjai vadd xee dongwjyr jursingr ee sniax. Uree langg jin' zinrjinx tniax luerjai lxingg ee snia'imx, sniu beh ham' luerjai lxingg congwjy ee qingxsiong qenwlip quanhe, jin' kyxlingg qisit jixsi ham' mow xee doglip jurjuw ee jingqed iacc si guanhingg jicjiab/ vnuanuaw ziiw, qinvunw m si jursingr. Juanw hiongr luerjai suncue amwjni biziok ee sniax, ongxongw tauxvangr cud jit dxuix huex qyqyy ee qingxsiong. Jitt jiongw qingxsiong qapp qywtexhuar quewdingg uanjuann byy quanhe, qapp jit quaw guanhingg/ jingqed iuxquanx. Jiaxee guanhingg/ jingqed longxx iauxx bue jniajyr JUNG soxx biysut ee MANDALA ee jidvorhun.

Jitt jiongw dairjir ciangjai huatsingx, duiww lingsingr texgiam soxx jyr ee genxqiur marr ongxongw jingwsit jitt diamw. kyxviw qongxx qidog jongqaur jaxqii, u quaw sinhu qongw kir suaboo duisunn siongrder kiokk duw diyc iaumoo, qisit jiaxee iaumoo jin' kyxlingg si jiauww sunrsi vaii .lyc .laii ee jingqed iacc si guanhingg.

JUNG suecbingg jursingr zuhyy kox dirr guaw qongw ee "binghenw jursingr" siwjiuuii qowjy simlingg --- vauhamm jibtew amwiwsig. Qywtexhuar ee qetqyw, hro jursingr dirr simlingg lai cruw diyc "iuser lxingg lat" ee derui, jitt sii ee qingxsiong jit cuthen, dyrr si jursingr ee cuthen, suibongw berdangr kongwjer, be anwsngr tihh, kiokk erdangr sinwzim.

JUNG jixcud, jursingr ee lat qapp lingliong itdanr henxhen .cud .laii, dyrr hingsingg jit qrow cavutdyx hro lanw jin' pnaiw dexkongr qirjuat, qycc qnuaw be jauw ee lat, qionglik be jyr qaqi. Jursingr tuisag langg texgiam/viauxhen jurqiw ee ui'id-byzi digsingr. Uirr beh drat qaur jitt xee bogdik, jursingr diyhh jingxhap guanhingg sewqair. Guanhingg longxx si jibtew ligliong, soxx sanxsingx ee qingxsiong si poxser sikiong :ee, qywtew kyxlingg duisuii jitt jiongw qingxsiong dyrr e u sinvir texgiam, mrqycc qywtew jurlaii byy hxuad congwjy binghenw jursingr --- jex si qywzinn :ee, dogg jit xee. JUNG ee bohingg diongsimx sinwdiauu dyrr si " langg diyhh jniajyr jurqiw ee jursingr".

JUNG jairlaii m bad iong qycc laii guaw beh qongw ee jitt xee qaiwliam biausueh jit xee quewdingg, jitt xee si guaw siongxsiong :ee, hex dyrr si : jitt xee quewdingg si "tauwquer jursingr ee hingdong, jingxhap simlingg hunrluan jongrtair". Jursingr siujingw soxu ee guanhingg, horsiong hiabhyy, hingsingg MANADALA qetqor hitt jiongw dingrhingg dedsu (PATTERNED ORDER), qidiongx muixx jit xee guanhingg longxx ham' jingxtew qowsingg horvow ee quanhe, guanhingg dirr jitt xee quewdingg-diongx, poxser sikiong qapp jibtew singwjid byy .kir, sidjer-siong cioksingg jursingr ee dog'iuxsingr.

Qanxdanx bingliauu qongw, JUNG soxx qongw ee jongqaur taiwdo --- quanjiyr jursingr, qra jursingr dongwjyr luerjai ee dongsu jywhuew sing'uac. Sriok jursingr ee lxingg si dirr bang-diongx, huanwsiong, juxdong siongxsiong-diongx henxhenr ee, lanw diyhh "huatdong" jitt jiongw qingxsiong, ihe ham' jursingr ee quanhe. Vutqyr jursingr vingsii amwcangr ee jongrtair, qapp iarr si henxhenr jniajyr qingxsiong ee jingqed/ guanhingg si horsiong siyvniar :ee, soxiw jongqaur taiwdo dyrr vutjiw quanjiyr jursingr ziiw, qycc rair habjog, hro jursingr dirr simlingg-diongx jniajyr qiongdua, jiamr iuser. Jex si siongrr quann qingwqair ee lingsingr qangjog --- qra jursingr ui' amwcangr jongrtair juanxhuawjyr binghenw jongrtair. Jursingr itdanr an' amr :ee juanxhuar jniajyr bingg :ee, suar.lyc.laii dyrr si juanxjyr lanw ee zinqeh --- vauhamm jurgnow qapp amwiwsig.

Binghenw jursingr qaqi beh puu cud laii ee qihue byy je, rair congwjy jiacc u. jex ham' "juanxhuar jursingr" ee su'iaur iuxquanx, JUNG ciangjai qongw "qiuwsiok (REDEMPTION)". Juanxhuar qapp qiuwsiok ee vit'iaur, si bidqaur lingrgua jit xee diongriaur ee lueriongg. dirr GNOSTICISM qaur, lenrqimsut…dringw jerje jiongw bidquar nirr, qywzinn qandna' " uaxkyr" qiuwsiok (SALVATION) si byy qraur :ee. beh qiur jurqiw, rair qutlat siulen, narr byy, ingwuanw byy kyxlingg. Lenrqimsut "ui' qerqib qimsiok lenrjer tetzinjiyc" jitt xee iwsiong viauxdat jitt xee sursit, lenrqimx jingxqyy qangjog si an' qerqib qimsiok len kiw. Lanw ersaih qra PRIMA MATERIA dongwjyr "amwjursingr" knuawdai, "binghenw jursingr" si ui' jiax congwjyr cud :ee. simrjiww, simlingg ee hunrluan jongrtair marr ersaih knuawjyr jingxqyy qangjog kaisiw jingg ee PRIMA MATERIA. Lanw m hyw be qir .did, PRIMA MATERIA qycc hyrjyr hunrjap.

Doo id-id (p.55) ---BARNET COENDERS VAN HELPEN, ESCALIER DES SAGES, 1689

Viauxsi lenrqimsux siongxsiong-diongx jingxqyy qangjog kaisiw jingg ee hunrjap jongrtair. Itcer longxx byy dedsu, qokk guansor jiqanx byy sniaw quanlenn, byy hxingg, byy sig, horsiong byy hunbingg.

Doo id-zi(p.56) ---AMPHITHEATRUM SAPIENTIAE, 1609

Viauxsi lenrqimsux uansingg liauw jingxqyy duarqonggiap au, congwjy cud ee dedsu. Doo id/ zi qingxsiong ee cavet, suecbingg juanxhuar quewdingg duiww simlingg sanxsingx ee haurqyw.

Muixx jit xee langg longxx u jit xee diongsimx, vauhamm jit xee langg dog'iuw ee junjairsingr. Jitt xee diongsimx e jin' loxlik jurgnow viauxdat, mrqycc jingqed/ guanhingg, simrjiww jurgnow ee snia'imx e qapp jitt xee diongsimx jingvniar, ongxongw jursingr ee sniax e hro amkamr(amwkamr) kir. jiyh diyc mow quaw dingsu, lanw erdangr qaqiongg jitt xee diongsimx ee lat, jinr jit vo siaubet hiaxee duiwkongr ee sniax, qra diongsimx siwjiux ee luerjai sewqair jojid .kiw .laii. jursingr ee hingsingg (FORMATION) ingxuanw be uansingg, in'ui ingxuanw u jailiau beh jingxhap zip laii diongsimx (iacc si qongw qapp diongsimx cruw diyc hiabhyy ), mrqycc jursingr ee lat zuxx laii zuxx qiongg, ix ee sniax/ jojitlat itding e kia dirr iuser ee uirdir. Jitt sii, jurgnow dyrr e vangr sangx .lyc .laii, kaisiw sinwzim jursingr, zedlet denxkuix qapp jursingr qiongrdongg jongqauwsingr ee sing'uac. Mrqycc beh drat qaur jitt xee kamxjam, jurgnow rair denxkuix siongrr qanlann ee qangjog --- juanxhuar luerjai simlingg jongrtair, qionghuar jursingr. Byy qaur jitt xee dervo, jurgnow dyrr be kinsangx, byy sinwzim. Jurgnow diyhh hagsip jojid jursingr, sethuad qra jursingr su'iaur ee lingliong, lat dauzip qidiongx. JUNG simlixhak ee lingsiux, qinvunw ee jidvorhun si unriong qokk jiongw honghuad juanxhuar jursingr. Qongw diyc jiax. Lanw beh kaisiw tamwtyw jiaxee honghuad qidiongx ee quiw xee.

CIAUUAT QONGLINGG

JUNG dirr ix lun ciauuat qonglingg (TRANSCENDENT FUNCTION) ee lunrbunn-diongx, tee cud jit xee huanrle, suecbingg " amwjursingr" juanxhuawjyr "binghenw jursingr" ee quewdingg. Jitt xee juanxhuar quewdingg si ixx duiwlip sianghongx ee qethap jinwhingg ee. kaksit, jursingr ee digjid ji'id, dyrr si u linglik jiaplap duiwlip ee nng vingg : hyw/baiw, lxamm/ luw, luerjai/guarjai, lingsingr/ budjid vauiongg qiamsiux. Jitt xee qethap si ciauuat lixsingr :ee, vnee/dit ee biysueh byy hxuad jingwbingg duiwlip sianghongx horsiong qethap ee jinghingg. MANADALA si jitt jiongw qethap ee iwsiong ji'id --- u jit xee diongsimdiamw, itcer surbut longxx uii dirr jitt xee diongsimx jojid, jitt xee diongsimdiamw dyrr si jursingr, siwjiuuii si itcer itcer duiwlip ee sianghongx; jex itcer ee siangduir, dnaxx ixqingx cue diyc jurqiw qapp diongsimx, horsiong jiqanx siongrr sikdongx quanhe ee uirdir. JUNG bad jixcud, MANDALA jniajyr jit xee jingxtew, sursit-siong marr henwcud jursingr ee vunxsinx, qisit, jursingr vunxsinx dyrr vauhamm itcer duiwlip sianghongx. M na diongsimdiamw dyrr si jursingr, siwkouii ee hiaxee ngikoaw…dringw marr longxx si jursingr.

Jursingr si jiongw jiongw duiwlip sianghongx ee qethap hingtair, lanw texgiam .diyc ee dyrr u qokk jiongw ngiu/ hingtair; zuqyw si binghenw jursingr, dirr lanw ee linghunn nirr dyrr si uac ee, lanw binrduir qokk jiongw jongrhongw huanxingr longxx e jin' duiwdangg, su'iaur zinjuu sii, dyrr e jin' zinjuu, rair giamqeh sii, lanw dyrr e jin' giamqeh. M qniax jurqiw ee oamwbin, byy sriu saixlong, erdangr iong jin' hyxser ee hongsid viauxhen.cud .laii. lanw knuar e diyc budjid sewqair ee congwjy jingsinn, hiangxsiu budjid ee cuwbi. Qanxdanx qongw, lanw m qniax viauxhen qaqi zinqeh ee muixx jit bin, byy ab jurqiw zinqeh ee zimrhyy jit bin. Lanw si sniaw, dyrr jyr juanvo ee jurqiw, jiaplap lanw jurqiw ee muixx jit xee vorhun. Lanw zinruii jitt jiongw duiwlip sianghongx ee qethap si sna' lensuar ee, taukixsingx si zinqeh ee mow jidvorhun, suar .lyc .laii si lingrgua jidvorhun.

Mrqycc jitt jiongw qethap ee lingrgua jit jiongw texgiam kiokk m si lenjiab ee, si dongsii ee. jit diamw kacc byy iong'i suecbingg. Jursingr qra jiongw jiongw sianghongx duiwlip qethap au, jurqiw vingrr m si qidiongx zimrhyy jit xee, suanw cruw jex itcer ixgua ee uirdir. Jitt sii ham' jursingr u quanlenn ee iwsig jongrtair, iuguann iauxx ham' jingg soxx qongw ee ixx sna' lensuar hongsid caujog, kiokk ixqingx berdangr qycc iong "duiwlip sianghongx" qaiwding. Jurgnow jyr binghenw jursingr ee jidvorhun, texgiam jurqiw m si lamsingr iacc si luxsingr, sxen/og, dirr jex itcer singwjid ixgua venrvet jurqiw ee sinhun. Jursingr jitt jiongw junjai jongrtair m si gengiw erdangr hing'iongg, benxqiongw qongw ix si byy huhap itvnuax huanrui qaiwhan-ha ee dingrgi. Narr qongxx jit jiongw qinggiam, jitt sii ee jursingr qamxqag .kiw .laii si juadduir ee digvet, uanjingw. Anne ee jursingr, jurqiw qaiwding jurqiw, qandna' erdangr dongwjyr " dogg id" laii lixqaiw. Qongw jursingr qaqi qaiwding qaqi, vingrr m si viauxsi jursingr ham' vadd langg, guarjai sewqair byy quanhe. Dirr sniwmia qinggiam-diongx, quanhe si berdangr kiamr ee, duiwlip sianghongx horsiong qethap au, jin' binghenw viauxhen.cud .laii, guarjai sewqair si jex itcer ee jidvorhun. Huanxdngxlaii qongw, jursingr kiokk m si ixx quanhe iacc si guarjai sewqair laii qaiwding, si ixx jurqiw ee junjai, iwsig laii qaiwding. Dig'iuw jursingr ee hingsingg u itding ee simliw dingsu, qidiongx siongrr diongriaur ee si ciauuat qonglingg (TRANSCENDENT FUNCTION).

"Ciauuat qonglingg" jitt jiongw simliw qijer, qra duiwlip sianghong qethap .kiw .laii, jo jursingr henxbingg. Simlingg si jit xee jingxtew, vauhamm iwsig (jurgnow jyr diongsimx), amwiwsig. Beh hro duiwlip :ee qethap, amwiwsig diyhh ham' jurgnow huerhap, congwjy dersnajiaw uirdir. Ciauuat qonglingg si "ui' iwsig, amwiwsig luerhamm horsiang qethap sanxsingx", soxiw e congwjy dersnajiaw ee xui. Anne lanw beh mng : jurgnow dirr jitt xee jnuaxhuar quewdingg damzim sniaxmic qaksig?

Jurgnow dongzenn binrduir iwsig jiacc e siongrr jurjai, marr diyhh qiamxsi jurqiw ee kinghiongr, singzin jitt xee kinghiongr kyxlingg byy uanjingw, kyxlingg m si juadduir jingwkag. Jurgnow rair jiapsiu jit xee quanliam, hex dyrr si : duliauw iwsig quandiamw, iauxx u lingrgua qitnax quandiamw. Siongrr diongriaur ee si, jurgnow rair singzin amwiwsig ee junjai, singzin amwiwsig soxx jiamr ee derui daddid tamwtyw. Jex si itding rair u ee diauqnia. Itvnuax langg ee knuawhuad, m na m singzin amwiwsig ee junjai, zircniaw jurgnow marr itdit jin' damsimx byy hxuad kongwjer jurqiw simlingg sing'uac, simrjiww jurgnow dyrr sngr singzin diyhh qra amwiwsig kyxlu jairlai, kiokk qycc sisiongg ixx huanwsiongw (FANTACY) tewdai, in'ui jixu huanwsiongw jiacc erdangr jo jurgnow kakvyw derui.

Jurgnow ongxongw dirr hunsig iacc si dirliauu(THERAPY) ee vuerqingw mehlok-ha, jiacc singzin amwiwsig ee derui. Hunsiksux iong qokk jiongw honghuad inxdy qywanr juwir bang tuandat ee sinwsid, zinrding sinwsid duar laii itding ee hunrliong, iong anne laii kuipuar qywanr ee ciauuat qonglingg. Hunsiksux iong amwiwsig erdangr cue.diyc ee qewdat qauwiok qywanr, ixx anne ee hongsid qoxle qywanr kaisiw quanjiaur luerjai ee sniax. Dongsii denxkuix "tamwsyw amwiwsig" jit hxang guihiamw qangjog ee sii, iauxx rair qycc teqiongx qywanr anjuanqamw, vyxho qywanr, jit hxang qangjog kaisiw sii, ongxongw su'iaur guarlaii ee hiabjo, dyrr si huaipy siongrr liongsingr ee iwdoo, jerje langg qaur siongrbuew kiokk e huathen jurqiw byy hxuad doglat uansingg jitt xee su.

JUXDONG SIONGXSIONG

Ciauuat qonglingg dingsu ee derr id vo, jurgnow rair ixx kaihongr, jiapsiu ee taiwdo jiapciog amwiwsig. Jurgnow kurvi jitt xee taiwdo au, qycc laii rair hro amwiwsig e cud sniax, anne jiacc erdangr did diyc ix ee libdniuu, jaix ix ee juliau. Jingg lanw bad pnuawding amwiwsig lingsingwbin ee congwjy qapp caujiongr qingxsiong ee linglik. Guanhingg/ jingqed henxhen cud iwsiong, JUNG qra hyrjyr "zinqechuar (PERSONIFICATION)". Bang si jitt xee dingsu ee sidle. Mrqycc JUNG tecniw lanw, bang duiww cioksingg ciauuat qonglingg byy vangjan, binbang sii, iwsig si decc kunr ee, berdangr qapp amwiwsig duiwdingw hordong. Ciauuat qonglingg beh cionghun unrjog, singx rair duiwlip ee sianghongx hunbingg iuxvet, siy' qing ee lat u qraur jiacc ersaih ; jurgnow rair uanjuann cingcniw, uanjuann qakcad, qapp amwiwsig iwsiong jiapciog sii erdangr jiangxag jurqiw ee libdniuu. Jurgnow qapp amwiwsig congwjy cud iwsiong hordong, nng xee dirr jitt xee hordong-diongx jewjy u qauwqiac ee qinxdniulat, laii qiywcniw ciauuat qonglingg. Anne ee qiogjingg, tongsiongg huatsingx dirr JUNG soxui "juxdong siongxsiong (ACTIVE IMAGINATION)" jitt jiongw qinggiam nirr.

Jurgnow dirr juxdong siongxsiong ee sii, uanjuann cingcniw, unrjog jingwsiongg-ha texgiam amwiwsig ee luerhamm iacc si sanxbut --- ixx iwsiong/ sniax/ jingqed simrjiww sintew qamxqag ee hingsid viauxdat. Jurgnow juansimx juwir amwiwsig sii, diyhh hongwkir jurqiw ee puepnuawsingr sniurhuad, jiapsiu amwiwsig henrcud ee zimrhyy mic, rair dirr jitt jiongw" kaihongr (RECEPTIVITY)" jongrtair danxtai amwiwsig henxhen. Itdanr knuar.diyc, tniax.diyc, qamxqag diyc sniaw mic, jurgnow rair hunven cingcyw hex si sniaw mic, zenau jinrliong uanjingw viauxdat .cud .laii. kyxviw qongxx, kyxlingg jurgnow knuar.diyc ee si siamw .jit .xe dyrr quer ee "juixciangg" iwsiong, suar .lyc .laii kyxlingg ix ersaih qra "knuar .diyc" ee juixciangg rue .cud .laii, marr erdangr jinr jit vo siongxsiong jurqiw decc tniax juixciangg ee sniax, simrjiww kir cue jinjniar ee juixciangg, dirr hiax quer jit vo. Bylun anxjuanw jyr, diyhh qionghuar jitt vaiw ee qinggiam.

Qra jitt vaiw qinggiam huatdenw qaur uanjingw jongrtair au, qycc laii jurgnow dyrr beh pnuawduan jitt vaiw qinggiam ee iwgi. Jitt diamw qik diongriaur, zuqyw byy liauxqaiw amwiwsig henxhuar .cud .laii ee iwgi, jurgnow dyrr byy vanrhuad cue diyc amwiwsig soxx jiamr ee uirdir. Qandna' kir tniax juixsniax iacc si ylyw mow jit vxag doo si byy qraur :ee ; bogjenn liuhingg ee lixlun suibongw qongw anne dyrr ersaih tihh, sursit-siong qandna' jiapsiu iwsiong si byy qraur :ee, jurgnow diyhh ui' texgiam nirr cue cud iwgi.

Beh liauxqaiw iwgi, byy itding rair iong lixsingr. "juixciangg" jyr le, binrduir jitt xee iwsiong, liw ersaih kir tamwtyw sin'ue, senzinn qowsu nirr ee juixciangg siongrdingx ee iwgi, marr erdangr kir caknuar JUNG… dringw lun diyc jitt xee iwsiong ee juliau. Druu jiaxee ixgua, iauxx qycc u kacc texgiamrsingr ee honghuad : cue jit xee juixciangg, qniaa hiongr ix. M quanw liw jre dirr juixciangg lai iacc si gua, longxx e hro lanw ee simliw sanxsingx jit jiongw ingxuanw ee bixqamw, marr e hionghiongg hro lanw lingxgo .diyc, sing'uac byy ingwqaix qandna' si qangjog, singjiu, ingwqaix iauxx vauhamm sunzenn ee junjai, juwsinn tniax, diam diam jre dirr hiax qitnax itcer longxx anwha --- jitt diamw lanw jaix, kiokk jin' yh jyr qaur.

Diam jre dirr juixciangg vnix, lanw dudzenn huathen jurqiw jurlaii byy quansimx sing'uac ee lingrgua jit bin. Jitt sii, "juixciangg" ee "iwgi" si " rair ban .lyc .laii", juwir qaqi sinvnix suiw ee mic, iong simx tniax lanw ithiongr sohud sniwmia ee sniax. Jitt xee iwgi m si ui' liwsingr laii qraiw ee, si texgiam sanxsingx ee. texgiamrsingr ee iwgi, qycc qex lixqaiw ee janbin, "juixciangg" siongrdingx " lingliong ee juanxngua", lanw bingvik, guanlaii sing'uac vordiau ban .quaw, tniax dairjuwzenn ee kongkir/ hongx/ jiauxjiah/ tangtua…, cinsinx ee qamxsiu, lixsingr ee janwjo, si ow cud sniwmia iwgi siongrr qiongdua ee qangqu.

Qaur jiax, jingxqyy dingsu iauxx bue qetsog, jurgnow ixqingx congwjy kongqanx hro amwiwsig henxhen, marr huatdenw cud cionghunx ee juwiwlat, venrzin cud henxhen cud.cud .laii ee amwiwsig iwgi, jitmaw beh jyr ee, si hueingr amwiwsig sangr cud ee sinwsid. Diongriaur ee si jitt jiongw hueingr diyhh jinsit ee, junxkag jiyr cud jurgnow lixqaiw qapp qamxsiu. Ciauuat qonglingg beh erdangr unrjog sunrliuu, duiwlip sianghongx zimrhyy jit vingg longxx besaih jipuer iacc si siaubet duiwhongx. Jingxqyy dingsu bue kaisiw jinwjingg, vacbinrvah si jurgnow ab amwiwsig ee sniax, itdanr jitt jiongw apjer qaixduu, jurgnow diyhh tehongg amwiwsig huanxdngw laii ab ix. Jurgnow zuqyw dauhangg amwiwsig, ciauuat qonglingg dyrr ingxuanw be kexdang. Jitt sii ee jurgnow iuguann qapp jaxjingg siyqang, si pencax ee, mrqycc jitt vaiw, ix pencuac hiongr lingrgua hitt vingg kir. jitt sii ee jurgnow byy qycc cniurr ixjaw uirr sing'uac jabjyy byingg, si jre dirr juixciangg jingg jersenn, qriuu hiauxgno ; siongrbuew ix e qamxqag jurqiw qui' zit byy jyr dairjir, byy singsanw. Amwiwsig ee sinwsid nirr byy qibiau ee dap'anr, ciauuat qonglingg jiacc u.

Jinwhingg juxdong siongxsiong ee sii, jurgnow kyxlingg jygu jit quaw guihiamw. M tangx qra amwiwsig ee lat qrow qe .kir, jurgnow narr siuw be diauu jurqiw ee libdniuu, dyrr e hro amwiwsig rimx byy .kir, sanxsingx jingsinn vnerjingr. Zuqyw jurgnow hongwkir jurqiw ee quandiamw, quewdo jiapsiu amwiwsig, jitt jiongw penjib, e jyrsingg pongwdiongr (INFLATION).

Jurgnow diyhh liauxqaiw jurqiw, binrduir luerjai ligliong qiongdua ee apvig, rair erdangr siuxunw jurgnow hingsiong qapp quandiamw. Jurgnow damdngx ee zimrbu byy iong'i, jidbin rair vyxcii jurqiw ee uanjingw, lingrgua jidbin kiokk bersaih siw dingdingx, qycc qauwdiauu. Jurgnow rair kia jin' jai, juanxhiongr luerjai, kuidong amwiwsig diwhui --- qapp guihiamw --- ee mngg. E crunx qycc e qiux ee taiwdo, jiacc erdangr singsiu kexdong ciauuat qonglingg soxx su'iaur ee qinxdniulat.

"juixciangg" iwsiong huatdenw qaur uanjingw, marr texqiam .diyc iwgi au, "guaw" diyhh duiww jurqiw jiapsiu .diyc ee sinwsid jyr hueingr. Jit kaisiw, "guaw" ee hueingr ongxongw si huwbin ee, "guaw" rair anne, piacbenw hro jurqiw lab .zip .kir byy jinsit ee libdniuu. "guaw" kyxlingg zinrding : juixciangg be baiw, mrqycc jiauw kir knuar / tniax , guaw iauxx u kacc hyw ee dairjir beh jyr. Zuqyw "guaw" jyr anne ee hueingr, dyrr rair dngw kir amwiwsig, tniax amwiwsig ee "dapven". Amwiwsig jyr quer dapven au, qycc laii ngua "guaw" jyr hueingr. Dyrr anne nng vingg jiqanx ee lunrven, jurgnow berdangr qandna' qapp amwiwsig jyr disingr ee duiwue, horsiong tyxlun jingqamw rair jinsit. Anne laii-huee unrdong, sanxsingx ee lingliong, jiacc e u lat laii hingsingg ciauuat qonglingg :

Lunrven qapp jingqamw ee qauliuu, dairviauw ee si duiwlip sianghongx ee ciauuat qonglingg. Nng vingg ee duiwlip, sanxsingx ciongbuanw lingliong ee qinxdniulat, congwjy u sniwmai ee dersnajiaw --- m si binghak (LOGIC) ee "quixaxtaix", si an' nng vingg qokk kngr jit vnix byy anding jongrtair sanxsingx ee unrdong. Sinx snex cud ee uahtew dyxhiongr sinx jit kxamw ee junjai, sinx ee jongrtair. Ciauuat qonglingg henxsi jyr jit jiongw duiwlip sianghongx horsiong qethap au ee singwjid.

Duiwlip sianghongx horsiong qethap venwjyr jursingr, marr jniajyr simlingg ee diongsimx. Jitt xee diongsimx tauwquer jurgnow qapp amwiwsig ee qethap, dirr jurqiw jiuuii jojid guanhingg ee lat, jitt xee lat qycc e vutduan singdiongw; duiwlip sianghongx ee ciauuat qonglingg ixx jitt xee jyr ciuxdnua horsiong qethap, dirr jitt xee dingsu-diongx, amwjursingr venwjyr binghenw jursingr. Jurgnow muixx jit vaiw jiapciog diyc amwiwsig ee iwsiong, jinwhingg u iwgi ee duiwue, dyrr e kexdong ciauuat qonglingg. Dagg vaiw anne jyr ee sii, bylun kansiap diyc ee bunrdee je/ jiyw, longxx e qionghuar jursingr, juanxhuar jursingr. Jurgnow qapp amwiwsig duiwlip sianghongx jewjy ee qinxdniulat, quandiamw qapp quandiamw jiqanx ee qauliuu, congwjy cud sinx ee dersnajiaw ee ciauuat quandiamw.

Ciauuat qonglingg congwjy cud derr snax quandiamw au, jitt xee quandiamw erdangr dirr nng jiongw qinggiam-diongx qamxqag .cud .laii. derr id jiongw, jidbin jurgnow ham' zidsiongg sing'uac surbu jin' u quanhe, in'ui ix liauxqaiw jiaxee dairjir huisiongg diongriaur; lingrgua jidbin amwiwsig kiokk iauqiuu jit quaw kinsangxx ee sijun, beh liw hyw hyw tniax luerjai ee sniax. Jiauww qycc laii ee mosid, derr snax hongx iongunw jurgnow duarvorhun siqanx qewsiok zidsiongg qangjog byy ingg, kiokk marr e iauqiuu jurgnow kaisiw jiapqin dairjurzenn, iacc si jingrjy / jre senn. Qangjog u sii, diamrjing sukyw marr rair u sii. Jitt sii ee jurgnow ixqingx qapp amwiwsig qethap, dyrr u huatdo pnuawduan jurqiw ingwqaix jyr anxjnuanw ee hueingr. Jurqiw qangjog sniu' lryy, liauxqaiw "hiyckunr" ee qewdat, hro jurqiw hyw hyw cingingg jre jit diamxjingx, qamxqag jinsinn huehok ar, jiacc qycc kir jyh sxid.

Derr zi jiongw si "dongsii". Jurgnow qaix jyr dyrr jyr, qaix hiyh dyrr hiyh, mrqycc jitt sii qangjog qapp hiyckunr qauter ee hongsid ixqingx uanjuann byy qangg; ix decc qangjog sii erdangr iwsig .diyc luerjai biser ee sniax, juadduir be in'ui juansimx qangjog qra luersimx sewqair vangr be qir .did, jurgnow decc qangjog sii, iauxx e knuawqor luerjai jursingr ee qamxqag; zuqyw jauw kir juixciangg vnix hiyckunr, marr e qir did jurqiw ee qangjog. Hiyckunr sii, kyxlingg e lingxgo .diyc qangjog ee dairjir, jurgnow qangjog sii ee linglik qapp qiwlut, juanxvenwjyr ham' amwiwsig dongsii junjai, qycc horsiong ving'anx byy dairjir ee jongrtair. Hiyckunr, dirr jurgnow ee texgiam m si juanxzip amwiwsig, qra jingwsiongg sing'uac be qir .did ee qihue, si jidbin vyxcii jurqiw cingcyw ee guarjai sinhun, jidbin quanjiaur luerjai quanliam ee qihue.

Tongquer ciauuat qonglingg congwjy cud dersnahongx au, jit jiongw sinx ee iwsig jongrtair duer decc sanxsingx. Jurgnow ee "jurgnoxqamw (SENSE OF ITSELF)" jitt sii ixqingx qaixvenr, iwsig jitmaw anjur ee soxjai si jit xee sinx puu cud ee jursingr, jitt xee jursingr ixqingx erdangr dongsii texgiam qangjog qapp hiyckunr nng jiongw qinggiam. Nng xee guanvunw li qik hng ee qurlii, dnaxx dua sog qin, jursingr qapp qinggiam nng xee qiamquanw.

U langg qongw, JUNG naxjunxx bad qongw, langg jixu qapp amwiwsig sanxsingx ciongdut ee sii, jiacc e sanxsingx ciauuat qonglingg. Qisit m si anne, ix soxx qongw ee laii-huee duiwue, kyxlingg caixcuw "duiwlip" ixgua ee hingsid, kyxlingg si qiongrdongg tamwtyw mow xee juxdee, iacc si viauxdat qniahniaa, iacc si horsiong anuir, iacc si iauqiuu jinr jit vo ee juliau; jiongw jiongw kyxlingsingr si byhan ee, mrqycc sianghongx hordong ee vunxjid qiuwjinx (qingjinx) si jinsit ee, sianghongx jit jiapciog, dyrr e sanxsingx jit qrow simlingg qinxdniulat. JUNG soxx siaw ee simlingg bohingg, huisiongg qiongdiau jursingr ee jiongqik qewdat qapp diongriauwsingr, marr diamxduh cud jit quaw qra jursingr juanxhuar jniajyr qiongdua sniwmia diongsimx ee honghuad, jiaxee honghuad, qidiongx ji'id dyrr si juxdong siongxsiong --- jex si didjiab jinwhingg ciauuat qonglingg ee siongrr hyw honghuad.

Juxdong siongxsiong dongzenn vutjiw si jit jiongw ciuxlo, qyckacc ersaih si jit jiongw sing'uac hongsid. Qywtexhuar dingsu itdanr jinwzip cimjann qaidnua, simlingg ee sir jiongw qonglingg dyrr uanjuann vnevang. VON FRANZ qongw diyc jitt xee qaidnua sii qongw,

Juxdong siongxsiong dirr jitt xee qaidnua kaisiw jiangxag jingser, liw qapp iwsig ee luerjai hudsimx jywhuew lauu dirr diongsimx… anne qongw, liw druar dirr jurqiw ee juxdong siongxsiong-diongx, qamxqag dirr jiax jiacc si sniwmia quewdingg jinwhingg ee soxjai… liw ee iwsig jibdiongx dirr huatsingx jitt xee diongsimx ee surqnia-dingw, jibdiongx dirr liw juxdong siongxsiong-diongx huatdenw ee surqnia-dingw.

Qywtexhuar dingsu zuxx qiongg, jursingr dyrr zuxx qiongg. Jursingr jit iongxiuw ligliong, jurgnow dyrr rair quanjur dirr jursingr-dingw, qra catqaklat jibdiongx dirr jursingr henxhen ee diongsimx uirdir kacc qanxdanx. Jurgnow zuxx iwsig diyc jursingr, dyrr zuxx uac dirr juxdong siongxsiong ee sewqair. Juxdong siongxsiong, jit kaisiw jixsi ciuxlo, aurlaii kiokk jniajyr jit jiongw junjai jongrtair. Jitt jiongw sinx ee iwsig jongrtair, qaiwding liauw jurgnow dirr binghenw jursingr nirr soxx vnuaenw ee qaksig; mrqycc dirr qywtexhuar ee jingg qaidnua, juxdong siongxsiong kiokk jixsi jit jiongw ciuxlo, beh jiyh jitt xee ciuxlo did diyc sniaw singqyw, diyhh kinkow hagsip qapp lenrsip.

Uac dirr juxdong siongxsiong ee sewqair, m si qongw lanw itdit lauu dirr iwsig huisiongg jongrtair (ALTERED STATE OF CONSCIOUSNESS. huanigjiaw juwqaiw ---kunwbinn, jyr bang, jre senn cud sinn… dringw qapp zidsiongg byqang ee iwsig jongrtair. ), zit/ xia longxx u huanwsiong, si qongw lanw ee catqaklat byy li simlingg diongsimx, suisii ersaih kinsangx jinwzip qidiongx. Zicniaw juxdong siongxsiong ee sewqair si u sniwmia ee, ciongbuanw qibiau ee kyxlingsingr qapp ywvir ee vuerqingw, byy qaiww su'iaur sniu' je kuiwlat, dyrr erdangr kexdong. Langg dirr jitt jiongw jongrtair sii, longxx si uac dirr hitt dongsii, jin' cingcyw cab diyc muixx jit xee jongrhongw, amwiwsig ee sewqair marr dongsii junjai, suisii e u siongxsiong ee jyqu cuthen dirr bagjiux jingg.

Juxdong siongxsiong u jerje hingsid. Uree langg si qra qaqi knuar .diyc ee iwsiong rue .cud .laii iacc si kig .cud .laii. u langg iong tiauwbuw viauxhen, u langg siaw jyr imgak. Mrqycc ixx guaw ee knuawhuad, qamxqag jurgnow qapp luerjai zinbut ee duiwue iacc si qauliuu si siongrr lixsiongw ee hongsid. Luerjai zinbut si lanw kiwdoo kuikew ee amwiwsig lueriongg ee zinqechuar, "ix" zinqechuar jyr jit jiongw hingsid, hro hongven qapp jurgnow qaudamm, jikqik qaungua juliau. Beh qapp luerjai zinbut jyr gengiw ee duiwue su'iaur jit quaw lenrsip, mrqycc itdanr jyr qaur ar, dyrr si qaungua juliau, congwjy qonglingg soxx su'iaur ee qinxdniulat siongrr hyw ee honghuad.

Gauw qongw .quer, juxdong siongxsiong ee honghuad jerje, "qapp luerjai sniax duiwue" jitt jiongw honghuad m si langg langg jyr e qraur ee, mrqycc jixiaur je vaiw qnaw cir, longxx erdangr jyr qaur mow xee tingdo ee gixgenn qautongx. Zuqyw erdangr qra tniax diyc luerjai zinbut ee linglik, qapp knuar .diyc, qamxqag .diyc ee luerjai zinbut ee linglik qethap, lanw soxx jiamwiuw ee hingser dyrr iuxli jinwhingg qik cimx ee juxdong siongxsiong. Jitt diamw byy iong'i, su'iaur lenrsip, naxx decc lenr qngwkimm, beh lenr qraur jniajyr qngwkimqax qangkuanw. Lenr zuxx kinkuair, dyrr zuxx quanwsik.

Jingg lanw qongw .quer, luerjai zinbut si amwiwsig luerhamm ee zinqechuar, narr qapp luerjai zinbut qauongw, dyrr si qapp amwiwsig luerhamm qautongx. Kyxviw qongxx, langg be bang diyc luann-ve jingqed, kyxlingg bang .diyc e si jit xee javolangg cing snax niaw jit tyr ee sejongx, knuar .kiw .laii qaiww singg jurqiw ee lauxvanw. Dirr juxdong siongxsiong-diongx, langg m si didjiab diwqag luerjai luerhamm , si diwqag zinqechuar iwsiong, dongsii, hitt xee luerjai zinbut iauxx si uanjuann doglip jurjuw ee, dyrr si qongw, " ix" byy sriu jurgnow ee kongwjer. Luerjai zinbut ee junjai (REALITY) qapp jurjuw si jit xee jin' pnaiw bongx/ liac ee qaiwliam, u langg dexkongr qirjuat "juxdong siongxsiong", juxiaur ee guan'inx si zinruii jurgnow ixqingx "qurvi itcer". Mrqycc dairjir juadduir m si anne, amwiwsig ee jurjuxsingr tongsiongg jin' qiongg, qiongg qaur erdangr huanxkongr didjiab laijurr jurgnow ee kongwjer. Jurgnow duiww luerjai zinbut erdangr qaixsueh cywgo, erdangr venrzin, erdangr huanwsiongw, mrqycc narr beh ciaujongr "ix" dyrr jin' byy qanxdanx; juxdong siongxsiong narr si jinwhingg u qraur hyxser, luerjai zinbut jurqiw e iong qaqi ee gixgenn qongxue.

JUNG soxx qongw ee luerjai zinbut lingrgua jit xee digsingr, ix damlun .diyc qiongdua ee guanhingg iwsiong (ARCHETYPAL IMAGES) sii, bad qongw "m si jiaxee zinbut ui' simlingg jongrhongw snetnuar .cud .laii ee, simlingg jongrhongw si ui' jiaxee zinbut snetnuar laii ee. guaw iycsniu ix jitt qxur ue ee iwsu si, guanhingg ixx anne ee hongsid quatding " jibtew iwsig: jitt jiongw simlingg qinggiam, dongsii, qywvet simlingg iauxx si erdangr catqag diyc jitt jiongw ingxhiongw. Luerjai zinbut jurjuw ui' amwsiwsig puu cud, hingsingg qiongg qycc u lat ee ingxhiongw, hro qywzinn jiyh texqiam inx (luerjai zinbut) ee simlingg jongrhongw. Jerje langg jaix, bang erdangr ingxhiongw jit xee langg ee simqingw iacc si guarviauw, suibongw bang ee iwgi iauxx be qingquer qaixsueh marr qang iwsur. Juxdong siongxsiong duiww jit xee langg ee simqingw qapp anjuanqamw (SENSE OF WELL BEING) ee ingxhiongw marr jin' dua. JUNG ee ue u nng xee diongrdua ee ham'ir diyhh sukyw, jit xee si luerjai zinbut dirr jurgnow ee simliw jongrtai ji'gua, jit xee si luerjai zinbut erdangr didjiab ingxhiongw jitt xee jongrtair.

Qanxdanx jit xee le, qaxsed mow langg u luann-ve jingqed, jiapqin kuan'uix zinsu sii, e qamxqag qniahniaa qapp jiausimx, ix narr erdangr jinwhingg juxdong siongxsiong, dyrr erdangr qra quewkir bad jo quer ix ee luerjai zinbut longxx qiyr.quer.laii. in'ui jitt xee luerjai zinbut byy sriu quer jurgnow simlingg jongrtair ee uwziamw, soxiw dyrr byy sriu luann-ve jingqed ee ingxhiongw. Jitt xee luerjai zinbut zuqyw u qraur qiongg, dyrr erdangr qra jurgnow ui' luann-ve jingqed nirr giuw .cud .laii, qaixvenr ix ee diwqag qapp jurgnoxqamw. Anne jurgnow dyrr e laii qaur sinx ee uirdir, binrduir guarjai sewqaiw ee tiaujenr, byy sriu luann-ve jingqed ee tualui.

Langg dirr juxdong siongxsiong-diongx jiapciog diyc jitt xee luerjai zinbut si doglip jurjuw ee, erdangr viauxdat qaqi, byy sriu jurgnow ee saixlong, qycc erdangr ingxhiongw jurgnow qapp ix ee simliw jongrtair. Qinqur JUNG ee qaiwding, sinlingg si erdangr jurqiw congwjy qapp caujongr iwsiong ee lat. Muixx jit vaiw ee juxdong siongxsiong, longxx si didjiab texgiam simlingg ee lingsingr ligliong. Jitt jiongw lat dongzenn u m hyw ee jidbin, qar guanhingg zingechuar ee luerjai zinbut, marr kyxlingg duiww jurgnow ee jongrtair u pywhairsingr ee ingxhiongw. Jurgnow diyhh huatdenw jit quaw ciuxdnua laii vyxho jurqiw, benw sriu ix huwbin ee ingxhiongw, itdit qaur jursingr ixqingx qiongdua qraur u hxuad diauhap jiaxee huatsia.cud .laii ee guanhingg, jiacc tingg lyc laii.

SIMLINGG QAPPLUI-SIMLINGG

Kyxlingg u langg e hnowhenn, JUNG ee jursingr lixlun qapp juxdong siongxsiong lixlun si zuhyy qenwlip ee? ix qaqi qra gunw qongw, ix si ui' quancad qywanr ee bang qapp juxdong siongxsiong qinggiam qenwlip ee. narr ui' ix ee duwjog MEMORIES, DREAMS, REFLECTIONS knuar .laii, ix juxdong siongxsiong qinggiam marr si quatding lixlun ee diongrdua insor. JUNG qra ix jerje quanliam ee kixguann, qruix dirr ix jurqiw luerjai dyrsux PHILEMON, ix qongw " guaw ee duwjog, congwjy uahdong, juanvo laijurr jiaxee tausingx ee huanwsiongw qapp bang." U jiax ee quanliam, qycc kir quancad vadd langg, sukyw tuanxtongw luerhamm qriuu diyc giamrjingr; ix ixx luerjai texgiam qethap guarjai genxqiur, uirr tamwqiur luersimx sewqair teqiongx jit xee qik cimzip ee honghuad.

Guaw dirr jurqiw ee genxqiur qangjog-diongx, marr itdit sunjiaur ix ee honghuad. Bidced juwir jurqiw luerjai qinggiam, marr juwir vingiuw qapp qywanr ee luerjai qinggiam, jiyh jiaxee qaqiongg jurqiw duiww huanwsiong qapp surqnia ee lixqaiw; lingrgua, guaw iauxx genxqiur quixarr pair siongxsiong tuantongw, kacc cimzip lixqaiw vadd langg ee quanliam. Guaw ui' jurqiw qapp jerje tnazinn ee qinggiam-diongx, setding liauw guaw soxui "lui-simlingg sewqair" ee junjai.

Lanw erdangr ui' jerje hongbin texgaim diyc luerjai zinbut ee junjai, juxdong siongxsiong jinr jit vo hro lanw qra jurqiw qapp qaqi ee luerjai zinbut lenjiab .kiw .laii. jitt xee luerjai zinbut suibongw jin' qiongg, henxzenn si siongxsiong cud laii ee, laijurr simlingg. "Qamxqag" kiw laii, "ix" naxx cniurr si dui' liw ee lairbin cud laii ee. tongsiongg jixiaur qra bagjiux kreh .kiw .laii, juwir luerjai, dyrr e qamxqag diyc "ix". Jex dyrr si qra amwiwsig zinqechuar ee simlingg zinbut. Myqycc lanw ursii qycc e qamxqag diyc lingrgua jit jiongw uanjuann byy qangg ee zinbut, jit jiongw langg qamxqag .kiw .laii, naxjunww laijurr guarjai, "ix" naxx cniurr guanvunw dyrr junjai dirr guarjai --- viwzu qongxx liw ee vangqingx lai …dringw. Liw vingrr byy qra bagjiux kreh .kiw .laii, liw ee qamxqag si : liw qamxsiu .diyc ee langg m si laijurr luerjai, jitt sii jurgnow ee juwiwlat jibdiongx dirr guarjai, m si luerjai. Beh qongw jitt lui qinggiam sii, guaw dyrr iong " lui-simlingg (PSYCHOID)" jitt xee zri.

Criaux-simlingg qinggiam iauxx u qitnax singwjid, dairsingx, jitt jiongw qinggiam sisiongg qapp qangvo (SYNCHRONISTIC) qinggiam jywhuew huatsingx ; lingrgua, ingwhau vutjiw dirr simliw-siong sanxsingx, marr e dirr sintew-siong. Jitt jiongw qinggiam kacc sriok dirr " jinsit" singwjid, kacc byy sriok dirr "siongxsiong" singwjid --- jixsi jitt xee "jinsit" m si itvnuax ee henrsit sewqair.

Guaw qongw jit xee qywzinn ee sidle laii suecbingg. U jit amr, vnuawmee jingsinn, kanciuw dyrr kunr dirr vnix:a, itcer longxx jin' jingwsiongg, mrqycc guaw hionghiongg huathen jurqiw dirr snuadingw, cavutdyx si siongrr quann ee dingxbin. Snuax quann qycc qia, qniax qaxx lag lyc dirr tokax, siangciuw qra derbin mex qaxx ann ~ ~, qniax qycc lag .lyc .kir…mrqycc dirr jitt sii, guaw qycc jin' cingcyw qaqi si dyw dirr bincngg-dingw. Guaw dongsii zinrdix nng xee sursit, kiokk byy qamxqag qiquair; guaw uanjuann cingcniw, snuaqingw marr jin' jinsit, guaw erdangr qamxqag diyc derbin ee lingxliangg, iauxx u too ee kiwbi, guaw ee qniahniaa cingcyw qycc qionglet.

Dirr guaw dyw dirr snuatauu sii, jit xee langg muax tauqinx cuthen dirr guaw binrjingg, qra guaw qongw " dyrr hro liw cuthen dirr jiax, liw iauxx byy sinwzim guaw?" ix ee ue hro guaw jin' dua ee qoxbuw, guaw kia kiw laii, diddit qra siongr --- ingwqaix qongw diddit qapp ix duiwknuar. Tauqinx erdew si jit xee sixlangg taukakqud, bagjiux si angsig ee, jin' qngx, guaw byy qniax, qamxqag qik cimx ee air qapp virr air. Ix crunx cniuw bongx .jit. xe guaw ee hingkamw, hionghiongg, guaw likuix snuatauu, dngw laii qaur bincngg. Qamxsiu .diyc jit jiongw qiglok, jitt jiongw jongrtair iokk u go~lak diamxjingx.

Anne ee qinggiam, guaw dyrr kaisiw setsiongw huanwsiong qinggiam ingwqaix u qokk jiongw jancur jiacc driyc, qandna' qongw jitt lui qinggiam dy' si simlingg qinggiam iacc si amwiwsig qinggiam, iauxx byy qraur cingcyw hunvet. Jaw dirr JUNG jingg veh-vah nii, uixdai ee SOFISM sinviwqax IBN 'ARABI ixqingx qauwdy siongxsiong jongrtair ee singwjid, quixarr vaiw qongw diyc luerjai zinbut jiapciog ee surqnia. Ix dirr " diwhui honginr (FUSUS AL-HIKAM/ THE SEALS OF WISDOM)" jitt vunw ceh, tyxlun diyc quiw jiongw siongxsiong qinggiam. Ix hunven itvnuax langg ee siongxsiong qilingg qapp GNOSTICISM qauwdoo ee siongxsiong qilingg, zinruii jixu GNOSITICISM qauwdoo ee siongxsiong qilingg, jiacc erdangr sanxsingx doglip junjai dirr siongxsiong qilingg jigua ee jinsit qinggiam qapp juniuw. Itvnuax langg siongxsiong congwjy cud ee iwsiong, dairdysor dirr qywzinn ee siongxsiong-diongx jiacc quriuw jinsidsingr, ngua jit qxur ue qongw, dirr itvnuax ee juxdong siongxsiong-diongx, jitt jiongw qinggiam si simlingg qinggiam; mrqycc dirr lui-simlingg qinggiam-diongx ee iwsiong qapp surqnia ee jinsidsingr kiokk si ciauuat simlingg ee. IBN 'ARABI zinruii, siongrder marr u jniajyr jursingr siongrder qapp tnazinn ee siongrder ee kuvet. Dirr ix ee biysut nirr, tnazinn :ee huatsingx dirr qidyw sii, mrqycc qidyxjiaw rair erdangr jinjniar knuar .diyc/ tniax .diyc siongrder jiacc ersaih.

Soxiw luerjai zinbut u nng jiongw : derr id jiongw laijurr luerjai ee, amwiwsig ee sewqair, dyrr si zinqechuar ee guanhingg qapp jingqed , si jursingr qapp jursingr ligliong / diwhui ee huawsinx ; derr zi jiongw laijurr lui-simligg siongxsiong sewqair, jitt xee sewqair jixu duiww jurqiw si jinsit ee, ciauuat langg ee simlingg jigua. Lui-simlingg sewqair ee zinbut marr u kyxlingg ui' langg ee simlingg sewqair juanxsnix laii ee.

IBN 'ARABI tamwtyw jitt lui zinbut ee sii qongw, hingsid qapp jitt jiongw lingsingr juniuw ee quanhe, qaxnaxx dingx jiyr cuwqag ee qngx qapp dingx ee quanhe… hingsid byy qitnax, dyrr si lingsingr juniuw vunxsinx. Hingsid naxx cniurr si lingsingr juniuw, dryy si dirr cingx xee byy qangg ee soxjai huathen ee hingsid, dirr muixx jit xee soxjai huathen ee hingsid longxx byy qangg, iauxx si qangngiu. Ngua jit qxur ue qongw, lui-simlingg juniuw dirr simlingg lai cruw .diyc ee hingsid, soxx henxsi cud laii luerjai zinbut, dyrr si jitt lui simlingg sidtew. Lingsingr juniuw ee vunxsinx, qapp lanw ixx texgaim "ix" ee siongxsiong hingsid byy nng ngiu.. incuw, ixx jitt jiongw zinbut jinwhingg juxdong siongxsiong, hro lanw qapp simlingg ixgua ee sewqair, sinn ee soxjai ee lingsingr lingxhik, qapp sewqair qenwlip quanlenn. Lanw kyxlingg ingxuanw byy kyxlingg texgiam diyc hitt xee sewqair, kiokk ersaih texgiam hitt xee sewqair viauxhen ee hingsid. Qiwzenn ix ee hingsid qapp ix jursinx byy cavet, qapp jitt xee hingsid siongxsiong-diongx ee jiapciog, dyrr si qapp guantauu ee sinn ee jiabciog.

Guaw dirr jiax tecud "lui-simlingg" jitt xee juxdee, bogdig si beh jionghenw "juxdong siongxsiong" aurdur ee diongriauwsingr. Jitt xee diongriaur m na si jursingr ee hingsingg, qycc kansiap diyc si m si erdangr texgaim diyc jingwsiongg huanruii gua ee sewqair. Simrjiw duiww juxdong siongxsiong-diongx ee mow quaw qinggiam, zuqyw erdangr liauxqaiw ix lui-simlingg ee vunxjid, marr erdangr jo lanw liauxqaiw mow quaw lenrqimx siongrjingx, qapp lenrqimsux anxjnuaw knuawdai siongxsiong , qapp duiww lenrqimsut qangjog ee ingxhiongw.

DR.JUNG qongw " qinggiam vunxsinx huisiongg diongriaur, soxui diongriaur, m si dirr hunlui iacc si henxhen diqaixsingr lueriongg --- jiaxee mic dysor dirr tonghiongr guansiw qinggiam ee lo trad .diyc ee sii jiacc u iwgi, jiacc u vangjan." Guaw ee suecbingg qapp lui-simlingg qinggiam ee vunxjid si duiwvan ee, zicniaw iauxx beh kixjy qniaa hiongr jitt xee qinggiam ee lo, hro hiaxee lo ixqingx trad diauu ee zinsu tingwhyw qniaa. Lingrgua jit xee bogtig si beh suecbingg lenrqimx qangjog ee surliw. Lenrqimx qangjog vunxsinx dyrr u diongrdua ee hyxcur, marr ersaih qaixtak jyr congwjy jursingr qapp lui-simlingg ligliong ee juanxsnix iuxquanx.

JUXDONG SIONGXSIONG EE SIDJER JINGHINGG

Beh kexdong ciauuat qonglingg, hro sanxsingx jok'iong, juxdong siongxsiong si jit xee juxiaur ee honghuad. Juxdong siongxsiong iauxx ersaih kuikew qitnax siongxsiong sewqair ee tangmngg. Juxdong siongxsiong qycc si iu' sniawmic qowsingg ee? texgiam si anxjnuaw? Uirr suecbingg hongven, guaw qra qui' xee juxdong siongxsiong dingsu vunx jyr cid xee qaidnua, anne ee hunquah u quaw buxduan, kiokk erdangr uanjingw huanxingr "juxdong siongxsiong" qinggiam ee vunxjid.

Derr id qaidnua, si simsinn jinwzip siongxsiong ee kongqanx, jitt sii ee iwsig rair anjing, jibdiongx, jurgnow jiacc u qihue jiapsiu diyc amwiwsig tuandat ee sinwsid. Vingsiongg sanwban jabliam diyhh siux kiw laii, jurgnow rair jinwzip jit jiongw diamrjing jongrtair. Jit jiongw jongrtair erdangr ui' YOGA …dringw sintew ee unrdong, sngr hokib, juanjur jit diamw…dringw jingrjy laii dadsingg. Sidjer ee honghuad si sniaw longxx byy diongriaur, dongsurjiaw qamxqag susongw si siongrr vit'iaur ee, ui'id ee iauqiuu si simx rair jing, luerjai rair jinwzip jairngow /cimdimm ee jongrtair.

Drat qraur jitt xee jongrtair au, jurgnow dyrr kaisiw iaucniaw amwiwsig laii jyr qautongx. Dynii laii guaw huathen, siongrr hyw ee honghuad si jurgnow simliw rair juniuw jit xee iwsiong, jiwjiyw rair junxvi jit xee bunrdee laii mng. Qandna' hiongr amwiwsig kaihongr, dyrr e jauw cud qokk jiongw jabluan ee iwsiong, horsiong ciongdut, suxx langg kunwziauw be suah. Zuqyw jurgnow erdangr junxvi jit xee sniu beh jiapciog ee zinbut iacc si sniu dngw kir bang quer :ee, surqnia, jitt xee iwdoo dyrr e hro ix kakding bygii ee jibdiongx dirr amwiwsig, jitt sii byy kir juwir qapp jitt xee byy quanhe ee iwsiong si byy iauwqinw ee. jitt xee qaidnua, guaw qongxx si diauwhuanr (EVOCATION) iacc si iwdoo (INTENTION).

Simx anjing .lyc .laii au, qycc laii si derr zi qaidnua : jurgnow simliw cingcyw, huaipy iwdoo diam diam danxtai, u langg kinsangx dyrr erdangr knuawqnir luerjai zinbut, jitt sii ix beh jyr ee dyrr si knuar, iong "simganw" knuar "ix", hrau "ix" juxdong dongrjog, iacc si hingdong. Byy iong'i knuar diyc luerjai zinbut ee langg, jixiaur simliw cingcyw, huaipy iwdoo, tingwhau sniaw dairjir huatsingx dryy hyw.

Jitt xee qaidnua u quiw xee quijig rair junsiuw, dairsingx, m quanw sniaw sihau, jixiaur kyxlingg, jitt xee luerjai zinbut longxx vutqaix si jinsit ee langg--- bylun siw/ uac. Jitt xee zinqechuar hingsid qaix si an' amwiwsig puu cud :ee, duiww jinwhingg juxdong siongxsiong ee langg laii qongw qaix si dogdik ee langg. Ixx jinsit zinbut jinwhingg juxdong siongxsiong, duiww jiaxee langg si byy qongvnee ee, inx kyxlingg sriu diyc qamxziamw, jurqiw kiokk m jaix. Langg erdangr dirr siongxsiong ee lingxhik jinwhingg simlingg qongqig qapp cimliok, huatdong jitt lui qongqig ee honghuad ji' id dyrr si jinwhingg juxdong siongxsiong. Jitt jiongw dairjir byy je, kaksit huatsingx .quer. soxiw dirr siongxsiong ee jiapciog surqnia-diongx, siongrr hyw mair iong jinsit ee zinbut, piacbenw byiwdiongx huatdong qongqig.

Siongrr hyw marr mair ingwiong ixqingx siw .kir ee langg ee iwsiong, anne siongrbuew suacc venwsingg ilai sixjiaw. (guaw knuar .quer anne ee anwle: qywanr sitkir jinggi cimqau ee iuxzinn, dyrr liriong juxdong siongxsiong sniu beh qra liac diauu lehh ---qywanr ingwqaix si aisiongx sixjiaw, hro ix likuix jiacc driyc.) narr beh qapp sixjiaw jinwhingg juxdong siongxsiong, ui'id sikhap ee jongrhongw si qapp sixjiaw ji' qanx iauxx u dairjir byy qaixquad. Kyxviw qongxx, duiww siw.kir ee vebuw u hunwno iacc si sionghai byy qaixquad, simlingg ee singdiongw e sriu diyc joxgai, jitt sii dyrr rair cuxliw jitt xee bunrdee, hro hunwno/ sionghai siaubyy, beh qaixqaud quewongw ee sionghai ham' tongwkow, juxdong siongxsiong si jit xee hyw honghuad.

Derr snax qaidnua si kaisiw dirr amwiwsig nirr ixx mow jiongw hongsid uac .kiw .laii, jitt xee qaidnua hyrjyr " amwiwsig uahhuar (UNCONSCIOUS ACTIVATION)". Jitt sii, liw kyxlingg e qamxqag .diyc jit qxow jingqamw, jit jiongw sintew ee qamxqag, jit xee sniax, iacc si jit xee qiquair ee sniurhuad. Ixx guaw jitmaw iong ee bohingg, jitt sii e cuthen jit xee luerjai zinbut. Bylun amwiwsig ixx dyhh jiongw hongsid cuthen, jurgnow longxx diyhh hueingr. Dui' jitt xee hueingr kaisiw, juxdong siongxsiong dyrr jinwzip " hordong (INTERECTION) " qaidnua --- jex si JUNG qongw ee laii-huee cud-zip byy tingg. Narr ixx uahhuar qaidnua ee luerjai zinbut jyr le, "ix" cuthen au, e ham' dongsurzinn ee jurgnow pah jiyho, zenau e mng jurgnow sniu beh sniaxmic iacc si "ix" qaix anxjnuaw jyr? Jitt sii jurgnow diyhh huedab. Jurgnow ersaih qongxcud hibang jitt xee luerjai zinbut jyr sniaw, iacc si qongw su'iaur "ix" dramm ee liwiuu. Dirr jitt xee hordong qaidnua, luerjai zinbut qapp jurgnow ee duiwue narr si jurzenn ee hiongr mow honghiongr huatdenw, bylun hex si sniaw honghiongr, longxx diyhh junsunn.

Jitt xee hordong qaidnua, u kyxlingg jin' quw, quiw lexvair, simrjiww quiw qywguec, byy itding. Mrqycc jitt xee qaidnua rair qacpuer juxdong siongxsiong ixgua ee qangjog, guaw hyrhyr "huanxdngw sniu (REFLECTION)". Qongw ee si jurgnow rair hyw hyw sukyw jurqiw ee texgiam. Jingg qongw .quer, jurgnow besaih hongwkir jurqiw ee libdniuu, beh vaxag jurqiw ee libdniuu, qamxsiu ee quandiamw, marr rair hyw hyw sukyw luerjai zinbut qra ix qnogw ee sinwsid.

Dirr jitt xee huanxdngw sniu nirr, lixqaixlat (THE INTELLECT) rair vnuaenw jin' diongriaur ee qaksig, jurgnow diyhh zinrjinx sukyw jurqiw ee texgiam, ixx "qamxsiu (FEELING)" ee quandiamw cimzip qamxqag jurqiw ee qinggiam. Luerjai zinbut qongw ee ue qamxqag si hyw :ee? habliw? rair sniu dywdngw .laii, jurgnow jiacc erdangr vyxho jurqiw, be hamrzip amwiwsig ee libdniuu, marr be sunzenn jiapsiu luerjai zinbut soxx viauxdat sinwsid ee viauxbin qewdat. Jitt xee qaidnua, jurgnow diyhh ham' hunsiksux, dirliausux iacc si jurqiw ee hyxiuw hunhiongw jurqiw ee texgiam, jiacc e did diyc kecquanx ee iwqenr. Jurgnow itdanr did diyc qetlun, dyrr e qycc dngw kir qapp luerjai zinbut qamxtongx, jaiww denxkuix juxdong siongxsiong.

"hordong" qapp " huanxdngw sniu" nng qaidnua kyxlingg e qewsiok jit dnxua siqanx, mrqycc juxdong siongxsiong jaxban dy' rair ui' jiax jinwzip guaw soxx qongw ee "qaixdab (RESOLUTION)" qrii --- qui' xee juxdong siongxsiong dingsu ixx denxkuix ee guansiw iwdoo iacc si bunrdee, dirr jiax did diyc qaixdab. Viwzuu, qaxsed guaw jit kaisiw hibang liauxqaiw zuhyy vue'iongw jurqiw ee luxsingr digjid, iauqiuu "diwhui ji' luw" anne ee jit xee luerjai zinbut cuthen, qauwdy guaw kuihuad guaw jursingr-diongx ee jit xee vorhun. Ix cuthen ar, qar guaw jingqamw, quanhe…dringw dairjir, guaw dexkongr/qirjuat /siy' ked, marr tecud bunrdee. Lanw jit xee jriab jit xee cuxliw bunrdee, guaw jiamrr kaisiw dirr lixqaiw-siong bingvik soxui "luxsingr" knuar .kiw .laii si jnuaxngiu ee. jitt xee "lixqaiw" –siong bingvik, sidjer-siong guaw iauxx bue "iongxiuw" luxsingr digjid.

Zenau, u jit zit, duxx decc jyr juxdong siongxsiong ee sii, guaw hionghiongg dirr guaw qui' xee langg, qui' singkux nirr qamxqag diyc soxui "quanhe" si jnuaxngiu jit huee su, guaw lingxhue diyc ix ee jinsidqamw. Dui' hitt xee sihau kiw, jiacc jniajyr guaw qui' xee catqaklat ee jit vorhun. U "qaixdab", ciauuat qonglingg ixqingx uansingg, qycc congwjy jit jiongw sinx jongrtair ee binghenw jursingr. Dirr hordong qrii, guaw e texgiam qokk jiongw byy qang tingdo ee qinxdniulat qapp byy sikingr, in'ui jitt sii guaw ee libdniuu qapp luerjai zinbut ee libdniuu si hap jywhuew. Ursii ham' luerjai zinbut hordong sii texgiam diyc ee qinxdniux, kyxlingg e hro guaw qamxqag auwnauw sitjir, binghenw sii simrjiww iauxx e u sintew-siong ee qamxqag. Jitt jiongw qinxdniux narr drat qaur mow jiongw qiongdo, uree langg e qamxqag jin' lann qycc qewsiok jyr juxdong siongxsiong. Mrqycc mair cab hitt jiongw byy songxkuair, qewsiok lyc kir kiokk si jin' diongriaur, hitt jiongw qinxdniux narr si huawqaiw byy hyxser, ciauuat qonglingg dyrr be kexdong; narr si jurzenn did diyc qaixdab, lingxgno ee dongsii, qinxdniux marr huawqaiw ar.

Siongrbuew si "jingxhap (INTERGRATION)" qrii, jex si juxdong siongxsiong ee juewau qaidnua. Jurgnow dirr jitt xee qaidnua ixqingx u lingxgno, ix diyhh jin juanlat qra jurqiw lingxgno jingxhap qaur guarjai sing'uac jiacc sngr uansingg. Vixlun qongxx, qaxsed guaw ixqingx dirr jitt xee qaidnua cimx cimx liauxqaiw "quanhe" ee vunxjid, anne jitt sii guaw qaix jyr ee, dyrr si qra guaw soxx liauxqaiw ee cua qaur guaw qapp vingiuw, jiwaiwjiaw ee quanhe nirr. Narr si guaw byy hxuad dirr guarjai sewqair sidjenr sinx lingxgno did .diyc ee diwhui, anne guaw ee juxdong siongxsiong dyrr sitvai ar. Jixu qra jurqiw luerjai sewqair yc .diyc ee ingwiong dirr zidsiongg sing'uac-diongx, jiacc sngr uansingg juxdong siongxsiong dingsu.

U langg damsimx jinwhingg juxdong siongxsiong iacc si congwjy jursingr, e hro langg penli sing'uac qapp quanhe, jitt jiongw damsimx byy qinqur ee. luerjai sewqair qapp guarjai sewqaiw diyhh horsiong quanlenn, dirr jurgnow ee loxlik-ha lenhap .kiw .laii, jitt sii jurgnow si jit kax dac dirr luerjai sewqair, jit kax huac cud dirr guarjai sewqair; jidbin erdangr juanxhiongr luerjai sewqair, texgiam luerjai zinbut cimdimm auwbiau ee diwhui, jidbin ersaih suaxhiongr guarjai, sidjen diwhui. jurgnow qurvi hro jitt nng vingg qauliuu ee linglik, qycc jinr jit vo huathen jursingr, texgiam jingxtew-diongx byhan dyguann venwhuar.

Jiauww JUNG ee qaiwding, "sinlingg ee" dyrr si jurjuw ee congwjy iwsiong, ciaujongr iwsiong. Sinlingg juniuw dyrr quriuw jitt jiongw linglik. Iwsiong zuqyw si laijurr simlingg, dyrr si guanhingg zinbut iacc si sidtew; narr si laijurr simlingg ji' gua, dyrr si lui-simlingg sidtew. Lanw jiyh juxdong siongxsiong cue diyc luerjai zinbut, marr hro luerjai zinbut jiyh iwsiong viauxdat ix jursinx, soxiw juxdong siongxsiong si qauwqik ee lingsingr quewdingg. Jiyh diyc juxdong siongxsiong, jiacc erdangr huatdong ciauuat qonglingg; jiyh diyc ciauuat qonglingg, jursingr jiacc ersaih ui' amwcangr jongrtair, juanxhuar jyr jikqik, binghenw, sing'uac ee jongrtair.

Guaw ee knuawhuad ham' JUNG qangrngiu, zinruii jitt snax xee luerjai huatdenw jancur, dyrr si lenrqimsut ee qinvunw qicow. Lenrqimsut quanhe jursingr qapp congwjy jursing, siongrdingx soxx biyue ee, dyrr si juxdong siongxsiong qinggiam qapp ciauuat qonglingg qinggiam.

Jit kaisiw, JUNG vingrr byy liauxqaiw lenrqimsut dirr qywtexhuar quewdingg ee qewdat, qingquer jit dnxua sizit ix jiacc liauxqaiw lenrqimsut quriuw qik dua ee linglik, ersaih jiyh jitt xee liauxqaiw langg ee jurgnow huatdenw (SELF-DEVELOPMENT). Ix bad brew jit vunw lenrqimsut qoxceh, samvutgorsii henx knuar .jit .xe, coqii, hiaxee doo dirr ix knuar laii, jit diam aw dyrr byy iwgi.

Guaw qra hitt vunw ceh danr dirr hiax beh uaw nng dxangx, ursii knuar quaw do'pnir, simlai sniu qongxx " or! Rue jex si sniaw? Jitt jiongw mic si'angg knuar bad!" mrqycc do'pnir iauxx si jin' kip'inw guaw, aurlaii guaw quatdingg beh siongser tak .jit .xe… byy zuarr quw… guaw dyrr huathen hiaxee mic qisit suxx langg sniu be suah, jin' ciwqig… juewau guaw jiacc bingliauw, guanlaii lenrqimsux longxx si iong siongrdingx decc qongxue.

JUNG aurlaii liauxqaiw lenrqimsux si iong siongrdingx laii qautongx, jiyh diyc suecbingg jiaxee siongrdingx, qaixkuix lenrqimx siongxsiong doo ee viwbit. Tamwtyw qaur jiax, lanw jitmaw dyrr beh kaisiw qiamxsi hitt xee siongxsiong ee sewqair, duisunn jitt xee sewqair nirr erdangr qauwdy lanw, jo lanw liauxqaiw jursingr, qionghuar jursingr ee sinwsid.

LENRQIMX SIONGXSIONG

Luerjai sewqair ee liauxqaiw, dingw jit xee sewqiw siongrr juxiaur ee huatdenw, si dingjair huathen "siongxsiong" ; dirr jitt vorhun ee jinwhuar-siong, hongrhenr siongrr dua ee si C.G.JUNG. ix diwdang juxdong siongxsiong, kuikew liauw sinx ee genxqiur lingxhik, qidiongx vauhamm luerjai zinbut ee venrzin, siongxsiong sewqair ee tamwsyw …dringw.

Lenrqimx "siongxsiong" ee ligsuw dnguanw ixjingg, jingwlangg jaix dirr sewzinn duiww "lingsingr singdiongw", iuqii si huatsut qapp lenrqimsut …dringw bidqaur soxx qenwlip ee quanliam-diongx, "siongxsiong" marr vnuaenw juxiaur ee qaksig. Suibongw m si soxu lenrqimsux longxx jiapsiu "siongxsiong" jitt xee qaiwliam, mrqycc jerje lenrqimsux ee lunrjog-diongx, jinjniar erdangr cue diyc jerje siongxsiong lixlun; inx ee "siongxsiong" sewqaiwquanx, erdangr hro lanw liauxqaiw jerje "juxdong siongxsiong" ee lixlun qapp sidbu, ixqip "juxdong siongxsiong" dirr qywtexhuar dingsu-diongx vnuaenw ee qaksig. Bogjingg, "siongxsiong" hongbin ee genxqiur iauxx si dirr ginxaxngix ee siqii, jerje jitt hongbin ee tuantongw lunrsut longxx diyhh dingsinx qiamxsi. Lenrqimx lunrsut iuxquanx "siongxsiong" ee juliau taiww je lehh, sidjai byy hxuad dirr jiax jit xee jit xee tyxlun.

Beh liauxqaiw tuantongw ee "siongxsiong" quanx, diongriaur ee si rair singx kiwduu henrdairlangg ee penqenr. Duiww henrdairlangg laii qongw, siongxsiong (IMAGINATION) qapp huanwsiongw (FANTASY) m si nng ngiu, longxx byy "jinsit" ; qongw mow xee mic si "siongxsiong :ee". dingxii virr piwsniur si " byy singlip (INVALID)". Qinnii laii, CORBIN, HILMAN…dringw cir beh hehok "siongxsiong" qaiwliam, mrqycc iauxx bue erdangr giuxdngw sewzinn duiww "siongxsiong" jibtew zinrdix.

"siongxsiong sewqair" ee vunxjid, guaw dirr juewqin jit vaiw tyxlun-diongx, bad tecud "tetzinjiyc kyxlingg erdangr lixqaiw jyr siongxsiong ee sanxbut". Jairdniuu ee zinsu duiww guaw qongw tetzinjiyc "uanjuann" si siongxsiong ee sanxbut jin' hunwkair. Dongzenn, hitt sii guaw ee iwsur jinjniar si " tetzinjiyc m si jinjniar :ee", mrqycc inx m jaix, jit hxang surbut ersaih si siongxsiong :ee, kiokk qycc si jinsit :ee.

Duiww lenrqimsux, huatsux, SUFI bidsiurjiaw, JUNG laii qongw, siongxsiong juadduir si jinsit :ee. inx zinruii siongxsiongrsingr surqnia suibongw huatsingx, si ham' lanw zidsiongg sewqair uanjuann byy qangg ee sewqair, mrqycc si jinsit :ee, jex si singlip ee; siongxsiong duiww simlingg, duiww sidtew longxx ersaih sanxsingx jinsit ee ingwhau, iauxx erdangr jo lanw congwjy didjiab ee singwsinn qinggiam. Lenrqimsux siongsinr siongxsiong si huisiongg jinsit ee, si lenrqimx qangjog berdangr kiamr ee jit vorhun. JUNG zinruii siongxsiong dirr lenrqimx sewqaiwquanx-diongx huisiongg diongriaur. Soxiw ix jiacc e siaw anne ee zirqur : "beh liauxqaiw jitt jiongw qangjog (OPUS), siongxsiong (IMAGINATIO) kyxlingg si diongriaur ee quanqenr." Qiwzenn anne, beh genxqiur lenrqimsut, iauxx u sniaw viw "siongxsiong" qyckacc hac jyr kixdiamw?

HUANWSIONGW QAPP SIONGXSIONG

Lenrqimsux ham' dongdai genxqiur luerjai sewqair ee langg qangkuanw, longxx jin' diwdang "siongxsiong" qapp "huanwsiongw" ee kuvet. Inx jaix, jinjniar ee siongxsiong, u jitt jiongw huanwsiongw soxx byy ee lat ham' cimdo. U quiw xee langg bad tecniw lanw qinxsin hongjiw huanwsiongw ee hihuanr, JACOB BOEHME (1575-1624) si qidiongx ji' id. BOEHME suibongw sidjer-siong byy lenrqimx, mrqycc jitt xee bidsiurjiaw kiokk iong lenrqimsut ee gixsuu ham' siongrdingx, viauxdat ix lanqaiw ee sinvir huanwsiong. BOEHME cutsir 1575 nii A.C., si LUTHERAN qauwhue qauwdoo, itsingx longxx dirr huixdiau Dikqog ee jongqaur jenwjingx-diongx dro .quer. Ix bagjiux soxx knuar .diyc ee janvok qapp siuhun, mow jiongw tingdo lai hro ix cimcimx qamxqag diyc huanwbet, ix aurlaii jin' qiongdiau langg diyhh jauxcue "qiuwsiok", texgiam qyjann lai ee jinliw, dirr ix ee sinvir hertongw-diongx, "siongxsiong" si quanqenr ee qaiwliam.

Siongxsiong m na erdangr iong dirr duisunn linghunn ee qiuwsiok, marr si siongrder congwser ee ciuxdnua. Sindir (DIVINE WISDOM) --- kyxlingg si SUFI, iacc si siongrder ee congwjyrlat --- dirr ix ee hertongw-diongx vnuaenw qik diongriaur ee qaksig. BOEHME zinruii, SUFI si "sinn ee siongxsiong (DIVINE IMAGINATION)". Ix ee siongxsiong lixlun si jitt xee huisiongg hogjap ee sinvir sinhak texhe ee jit vorhun, guaw byy hxuad siongser tyxlun, mrqycc BOEHME kaksit bingkag kuhunx liauw soxui "hyw ee siongxsiong" ham' "baiw ee siongxsiong".

Huanwsiongw (PHANTASIA) si baiw ee siongxsiong, moquiw (THE DEVIL) dyrr si baiw ee siongxsiong jiacc duirlyc. Dirr langg srinx-siong, baiw ee siongxsiong jewjy liauw bongrsiongw qapp hiqew ee iogbang, hro langg likuix siongrder. Linghunn narr si air huanwsiongw, kiwjuat jinsit ee siongxsiong, dyrr e besid dirr bongrliam-diongx, likuix siongrder ee soxjai hng hng. Qongw dyxdngw laii, jinsit ee siongxsiong kiokk si linghunn-diongx sindir ee texhen, inxhiongr qiuwsiok, qapp siongrder qethap.

THEOPHRASTUS BOMBASTUS VON HOHENHEIM, itvnuax langg qongw ee PARACELSUS, ix ee nidai iokk viw BOEHME jaw veh-jap nii, kyxlingg si sanxsing siongrr dua ingxhiongw ee lenrqimsux ji' id, " iamm ee qewdat ham' liuhongg, juixginn siongdingw", jitt xee quandiamw si ix qenwlip ee. siongrr juxiaur ee, ix si isingx, zinruii lenrqimsut si duiwkongr vnerjingr u lat ee qangqu. Duiww congwjy tetzinjiyc iacc si juanxhuar qimsiok byy sniaw cuwbi, kiokk jin' quansimx dirvne ee iyhjuiw, iuqyx ee sanxjer. Ix jitt xee langg pikir baiw qau singwde, gnorban, vongwhongx, byy iong'i qaux vingiuw, jin' iong'i jyr duiwtauu, mrqycc ix ee qangjog kiokk u qik quann ee lirig qapp qewdat, vauhamm ix knuawdai "siongxsiong" ee hongsid, longxx u jin' dua ee ingxhiongxlat. Ix ingxhiongw liauw BOEHME. Inx longxx siongsinr "siongxsiong" ee lat, longxx zinruii huanwsiongw jin' guihiamw.

Uree isingx byy siongxsiongrlat, byy sinwgiongw, jitt jiongw langg hyrjyr gamrsniu. Huanwsiongw m si siongxsiong, si hodoo-bydix ee guan'in, ixx huanwsiongw jongsu ee qangjog dyrr sngr u sniaw qetqyw, iuguann bue- siujniaa jingwqyw. sintew nirr jixu huanwsiongw, byy u uanbiw ee jingsinn, byy hxuad huathen dairjurzenn ligliong. Dirr siongxsiong-diongx uac ee langg, e huathen dairjurzenn amwcangr ee lat; Siongxsiong junjai dirr uanbiw jingsinn-diongx, u linglik siongxsiong ee langg, erdangr qra iyhcauw guanvunw amwbih ee singwjid ueh cud laii. jitt nng xee si byy qangkuanw ee.

BOEHME qapp PARACELSUS longxx duiww "siongxsiong" ham' "huanwsiongw" jywliauw jin' bingkag ee hunvet. Nng langg longxx qra siongxsiong quisiok dirr lingsingr, zinruii qidiongx iongxiuw lingsingr qonglingg, duar laii juriuu qapp dirliauu ee ligliong ; huanwsiongw si sidtew sewqair, qapp kacc cimx ee jinsiongr byy quanhe. Huanwsiongw jewjy siauwsniu qapp gong-hodoo.

PARACELSUS giamqeh hunvet huanwsiongw qapp siongxsiong sii, m na qra siongxsiong quisiok dirr lingsingr, iauxx zinruii ham' dairjurzenn u quanlenn. Qra siongxsiong ham' dairjurzenn qethap, m si PARACELSUS dogqax ji' lun, lingrgua jit xee lenrqimsux, marr qra jurzenqair soxx jyr ee qangx, quisiok "siongrder ee iwsiong ham' dairjurzenn ee siongxsiong". Inx longxx zinruii, jurqiw ee qangjog diyhh junsunn jurzenn ji' dy, jiacc u jaidiau sxingg su; dairjurzenn si uixdai ee dyxsux, iarr si amwcangr dirr dua linglik cunkngr ee soxjai. Jiauww PARACELSUS ee knuawhuad, langg narr si sniu beh kuiueh dairjurzenn ee ywvir, qaixhongr amwcangr ee lat, juxiaur ee honghuad dyrr si "siongxsiong"--- tangr quer viauxbin, knuar zip kir dairjurzenn ee cimuanw, huathen diyc qra lingsingr kyxlu jairlai, jiacc u hxuad liauxqaiw sidtew. Huanwsiongw duiww jurzenqair soxx diwqag ee qandna' si guarjai sidtew.

Byquanw snaiw langg, jixiaur bad loxlik tauwquer juxdong siongxsiong texgiam luerjai sewqair, jaxban longxx e duw diyc "huanwsiongw ham' bongrsiongw" jitt xee pnaixvan ee bunrdee, zuqyw liw narr si decc qar iacc si genxqiur lixlun, jyr hunsig, qyckacc si anne. Siongxsiong kuikew liauw cimyr jursingr qinggiam ee mngg, hro jursingr jniahingg, huanwsiongw kiokk qandna' e jyrsiongg pongwdiongr, samxsniu, be tongtauw. M quanw dirr jurqiw iacc si tnazinn srinx-siong, jitt jiongw cavet kyxlingg m si jin' iong'i dyrr knuar cud, mrqycc PARACELSUS qapp BOEHME inx cimuanw ee qenwqaiw dirr jitt hongbin erdangr teqiongx quiw xee jixdy guanjig.

BOEHME siongxsiong ee si SUFI, SUFI si siongrder ee diwhui. Jit qxow luxsingr ee lat, dirr lenrqimsut marr vnuaenw liauw jin' diongriaur ee qaksig. DR. VON FRANZ dirr ix hunsig jap-snax sewqiw coqii lenrqimx "tnix puw qngx (AURORA CONSURGENS)" jitt vunw duwjog , damlun diyc SUFI ee vunxjid. Ix ee qetlun si : SUFI siongrdingx criaux-zinqeh ee ligliong, qra guansiw ee ciongdong hro u bysor hingsid-ha itcer ee juniuw, itcer soxdix. Dongsii, ix qycc si "sunrsi guanliw", inxcua lenrqimsux, jixsi lenrqimx vorsor.

Doo 2-1 (p.92) si MICHAEL MAIRE rue ee gurir doo, biyue ee si luxsingr dyxsux --- marr ersaih qongxx si dairjurzenn (NATURE) iacc si diwhui (WISDOM) --- uirr lenrqimsux cuarlo, lenrqimsux loxlik qinsuii ix. Jitt vxag doo, jiongxag diyc " lenrqimsux diyhh jin lat junsunn jurzenn ji' dy iacc si diwhui ee inxcua" jitt xee quanliam. bylun junsunn jurzenn ji' dy iacc si tniajiongg diwhui ee inxcua, lenrqimsux longxx diyhh "siongxsiong" jiacc erdangr huathen hitt diauu amwbih ee lo.

SUFI si jit jiongw criaux-zinqeh ligliong, vutduan congwjy qycc jixbingg tongx hiongr qauwqik bogviaux ee dyrlo. VON FRANZ ixx simliw quandiamw qaixsueh jitt xee siongrdingx --- jurzenqair qapp jibtew amwiwsig-diongx, jiwjiyw si amwcangr ee, junjai jit jiongw kecquanx ee iwsig iacc si simsig. Qywzinn ee jurgnow iwsig, si ui' jiax snitnuar cud laii, viw guanlaii ee iwsig qe jit kamw, tauwquer jitt xee iwsig jiyh kexbingg (ILLUMINATION) laii kokdenw. SUFI si luerjai ee "simx (MIND)", sriok amwiwsig, byy sriok jurgnow ee diwhui, ursii e uirr jurgnow kexbingg. Qinqur BOEHME ee qongxsueh, "siongxsiong" dyrr si jitt xee luerjai ee simx, luerjai diwhui ee hudsimx. Jitt xee lingsingr qonglingg dyrr si "siongxsiong", marr sriok dirr zimrhyy lingsingr ee muiqair.

Guanhingg u jiyh iwsiong henxhen ee ligliong, VON FRANZ jiacc qra diwhui (SUFI) quisiok dirr jibtew amwiwsig. Jitt jiongw luerjai ee "jaix (KNOWING)" suibongw qruix dirr jibtew amwiwsig, mrqycc siongrr suncuir ee viauxhen kiokk dirr jursingr. Sursit-siong, VON FRANZ juewau ee qetlun si : " diwhui" dyrr si luxsinx siongrder. Dirr "tnix puw qngx" siongrbuew qiglok ee jingqingw-diongx, " diwhui" ham' aiwzinn siy' crua qethap, henxsi cud tongtaur bingqngx ee siongrder. Jitt jiongw henxhen, siongrdingx ee si binghenw jursingr ee puu cud, si SUFI jixdy-ha huatsingx ee.

Jursingr ee siongxsiongrlat dyrr si diwhui, jursingr inxcua jurgnow congwjy binghenw jursingr. Jinjniar ee siongxsiong si ciauuat jurgnow ee, soxx congwjy ee qinggiam erdangr hro jurgnow jiapciog luerjai sewqair; siongxsiong ee quewdingg marr si duisunn juanxhuar ee lo, jiapciog jursingr ee kuilo jenhongjiaw. Qycc ui' kacc sinvir ee quandiamw laii knuar, siongxsiong qycc si linghunn jiyh laii texgiam siongrder, hunhiongw singwsinn congwjyrsingr viauxhen ee ciuxdnua.

Huanxdngw laii qongw, huanwsiongw jurlaii m bad ciauuat jurgnow. Siongxsiong qamm u simlingg qitnax vorhun ee juliau, iauxx e henxhen xe jit vo qaix qniaa dycc jit diauu lo, huanwsiongw ee luerhamm kiokk si jurgnow ee suqiuu, iogbang, duiqiuu hunwdua. Langg narr si dirr huanwsiongw ee simqingw nirr, dyrr e dimbee dirr jniajyr cutmiaa :ee, jiongwlangg himsen jongvair ee sniurbang nirr; kyxlingg ix u singr-huanwsiongw, jex si sriu jurgnow qimwjiw ee; kyxlingg e huanwsiongw jurqiw jiangxab jingwdi ee kuanlat, hiongxiuw kuanui miali… bylun dycc jiongw jinghingg, huanwsiongw --- suibongw huanxngiaw liauw jingqed qapp guanhingg --- longxx si horsiong lenqed dirr jurgnow-dingw, m si sniaxmic ciauuadsingr ee surbut-siong. Huanwsiongw nirr texgiam be diyc jinjniar ee luerjai diwhui, jixvutqyr jit xee iwsiong jriab jit xee iwsiong lunhuanx enxcud, qunxciyr, hyxsngw iacc si qnialangg ziiw. Soxu huanwsiongw, vauhamm baiw :ee jairlai, longxx si jurgnow jyr kiw laii ee.

Narr qongxx mow jit xee langg ee jursingr, viauxhen cud u enxjaur imgak ee suqiuu, jitt sii, dirr juxdong siongxsiong-diongx, jurgnow duw diyc jit xee "imgagqax" luerjai zinbut, jitt xee "imgagqax" cuiciog ix huatdenw jurqiw zingeh-diongx sriok dirr imgak ee jidbin, mrqycc ix kiokk byy be jiapsiu luerjai zinbut ee cuiciog, in'ui jex si dua dairjir, ix byy hiax je siqanx, qycc jex duiww ix byy sniaw hyxcur, mrqycc luerjai zinbut hueingr qongw, ix byy su'iaur drat qaur enxjauwqax ee tingdo, jixiaur erdangr dnuajaur dyrr hyw; siongrhyw ix erdangr bingvik, enxjaur imgak si cuwbi, jingqamw ee viauxdat, byy su'iaur qraur jingtongx ee dervo. Anne ix dyrr kaisiw kir yc qngwkimm, dagg zit lenrsip, jex dyrr si "siongxsiong" ee sidle ; luerjai zinbut puu cud laii, dui' luerjai sewqair duar laii bingkag ee sinwsid, zenau jurgnow singsit hueingr jitt xee sinwsid.

Mrqycc itcer narr si huanwsiongw, "sniu beh enxjaur imgak" jitt xee suqiuu, dyrr e jyrsingg jurgnow huanwsiongw jurqiw dirr u miaa ee imgagtniax enxjaur, iacc si siaw cud uixdai ee hiabjauwkig, jitt sii ui' amwiwsig tuann laii ee, dyrr m si luerjai sewqair ee sinwsid iacc si jursingr henxhuar ee sinwsid, si jurgnow pongwdiongr. Dirr anne hingsingg ee bongrsiongw-ha, ix kyxlingg marr e kir yc qngwkimm, itdanr huathen jurqiw byy sniaw tenhun sii, sui' dyrr hongwkir.

Dongzenn, muixx jit xee langg longxx e huanwsiongw, marr kyxlingg u loriong, ursii marr u vangjan. Viwzuu, huanwsiongw kyxiw jo lanw ee jurgnow jinrliong pongwdiongr. Jurgnow huanwsiongw ee luerhamm, sisiongg tauwlo cud huatdenw qangjog qaix ui' dyhh kixtauu. Mrqycc narr si qra huanwsiongw dongwjyr siongxsiong, qra jurgnow ee caujiongr gorqaiw si juxdong siongxsiong, m na u sionghairsingr, ursii marr jin' guihiamw. Berhiauw kuhunx juxdong siongxsiong ham' huanwsiongw, hro lanw berdangr ham' jursingr qenwlip jinsit ee quanhe, kiokk hro jurgnow itdit liac jyr "guaw vunxsinx qurvi qewdat" jitt jiongw bongrsiongw.

Duiww PARACELSUS laii qongw, siongxsiong sriok lingsingr, huanwsiongw qruix dirr sintew. Siongxsiong erdangr ueh cud dairjurzenn cangwbih ee ligliong, hro iyhcauw huathuix luerhamm ee lat. Siongxsiong ham' lingsingr hingngiaw vutli, "lingsingr" ee dingrgi dyrr si "congwjy iwsiong ee linglik". Siongxsiong erdangr ueh cud jurzenlat, in'ui --- PARACELSUS qapp BOEHME longxx siongsinr --- siongxsiong erdangr knuawjyr diwhui. " siongxsiong" jitt jiongw diwhui, qauwdy lanw linghunn ham' guarjai sewqair ee ywvir. Lenrqimsux jixiaur unriong siongxsiongrlat, dyrr erdangr knuawqnir iyhcauw iacc si qimjiyc sidtew vuerau ee siongrdingx iwgi, ix erdangr jiyh jex tamwqiur, liauxqaiw vunxjid qapp iongrdoo. Dirr bunge hoghingx sii, jex si itvnualangg poxpenr u ee quanliam : huannarr budtew, dirr sidtew viauxbin-ha, itding amwcangr diyc mow jiongw iwgi. Lanw jixiaur liauxqaiw ix ee ywvir iwgi, dyrr erdangr qra sidjid ingwiong dirr huatsut, lenrqimsut, iliauu-siong. PARACELSUS dirr "lun jurzenbut ee qiwhy (CONCERNING THE SIGNATURE OF THINGS)" jit pnix lunrbunn qongw .diyc, jit xee langg guarjai viauxsiong e tauwlo ix ee jinsit vunxsingr. Viwzuu, " javolangg zuqyw bagjiux dua luiw, iuqii si qycc trow cud laii, viauxsi jitt xee langg tamjaii, hingr hunxbi :ee.

Ix ee jiongw jiongw knuawhuad, dirr jitmaw laii knuar, jerje si hamwqow, besinr ee, anne ee uerdu, dyrr jric diyc qidiongx ee iauwdiamw, soxui "jurzenbut ee qiwhy", jinjniar ee iwsur si : sewqair-siong ee muixx jit jiongw surbut, longxx ersaih dongsii ui' sidtew qapp siongxsiong nng xee janbin liauxqaiw. Ix dirr jurzenqair knuar diyc jit xee ywvir, qidiongx amwcangr diyc siongrdingx ham' huhy qowsingg ee sewqair. Jinjniar ee lenrqimsux rair erdangr knuawqnir viauxdingx vuerau ee iwgi. Dirr jitt hongbin, huanwsiongw soxx jyr ee si diqaiw ee sukyw, ix ee simx syxding dirr viauxdingx, knuar be tangr amwcangr dirr viauxdingx xe ee iwgi. Huanxdngw laii qongw, siongxsiong si jurzenn ee qngx, " jiywqngx" liauw jurzenqair soxu ee ywvir, hro isingx erdangr suanw sikiong ee budjid dirliauu vnerjingr. Dnaxx lanw ee kyhak, i'iyc, dirr PARACELSUS knuar .laii, kiongxqniax longxx si jit quaw "huanwsiongw", sniu.kiw .laii qamxqag jin' qenwsiaur!

PARACELSUS …dringw huatdenw cud laii ee "siongxsiong" lixlun, dyrr si JUNG "sniwmia si u iwgi ee" quandiamw ee jenhongx. JUNG dirr binbang, juxdong siongxsiong …dringw amwiwsig ee didjiab viauxhen-diongx cue diyc iwgi. Lingrgua, ix jaix luirsu " qangvo (SYNCHRONICITIES)"…dringw guarjai sewqair surqnia qangkuanw marr u iwgi. Vutjiw anne, qxow-lenrqimsux iauxx qongw, guarjai sneuac ee itcer longxx si u iwgi ee. surbut ee sidtew viauxsiong xe, amwcangr siongxsiong ee vorhun, knuar e diyc, marr iong e diyc.

PARACELSUS zinruii, huanwsiongw dyrr si "siongsinr" surbut ee sidtew viauxhen, henrdai bunhuar siongsinr :ee jniawsi sidtew viauxsiong. Viwzuu, qongw diyc dirliauu gamm, lanw sniu diyc ee si cue cud diwgamm qi'inx, suncue sinx ee dirliauu iyhbut, iacc si qaixvenr imxsit quanwsir, juadduir be kir sniu gamm dirr hitt xee sihau duiww hitt xee huanrjiaw u sniaw iwgi? U quaw sinx sidai zinsu (NEW AGERS) ham' duiww lingrlui dirliauhuad u cuwbi ee langg jniawqangw e tamwsyh langg puawvne ee guan'inx, mrqycc tongsiongg qandna' tamr qaur "langg jyr m driyc sniaxmic su jiacc puawvne" jitt xee dervo narnia, lanw iauxx m jaix hudsimx.

Lanw erdangr qongw, huannarr guarjai "sewqanx" ee jongrhongw, longxx si snuawsyh, longxx ersaih jiyh laii liauxqaiw mow jiongw surbut ee iwgi. Jerje guarjai jongrhongw jixhiongr ee luerjai iwsiong, longxx erdangr dui' juxdong siongxsiong-diongx didjiab texgiam. Uirr duisunn sing'uac surqnia ee iwgi, jurgnow e ui' hihuanr ee huanwsiongw sewqair dyjauw, in'ui huanwsiongw sewqair soxx qnir ee, jixsi qurtew sewqair qapp viauxsiong. Ham' kanciuw uanqex, huatsingx ciahy, tauu tniar, tiongxair ee dongrbut puawvne… soxu jex itcer surqnia, longxx erdangr iong "siongxsiong" ji' ganw kir diqag. Anne ee quandiamw, m na hro lanw be sanxsingx "ham dirr mow jiongw jongrhongw-diongx" ee qamxqag, iauxx erdangr hro lanw jinr jit vo duisunn siangquanx iwgi. Cue cud iwgi, dyrr e uah cud ixjaw amwbih, kunwlann knuawqnir ee kyxlingsingr. Lanw erdangr qra guarjai ee surbut, jongrhongw knuawjyr binbang, bangrqingw ee iwgi erdangr simxcad qaixsueh, kyxiw lixqaiw, lanw benw sunzenn jixsi ham' bang hap jyr ittew.

Viwzuu, guaw bad cuxliw quer jit xee qywanr, ix itdit qamxqag inx siyxqox decc amwsngr ix, m quanw ix jyr sniaw su, inx jitt xee siyxqox jongw si utauw ix ee iwdoo ham' dongrqix, juanxue hro cur nirr ee langg , jiongw si qongw qaxx jin' pnaiw tniax. Qywanr qamxqag jurqiw si siurhairjiaw, qycc byy hxuad lingwkuix jitt xee kunwqingw.

Duiww jitt xee qywanr, lanw ersaih qra jiaudiamw ui' guarjai ee jongrhongw juanw qaur ix ee cuwqingw soxx vauhamm ee siongrdingx. Inx siyxqox erdangr knuawjyr "okqud ee byy qang ve (buw) jixmuai" jitt xee guanhingg, ingxuanw uanwdor luxjuxqag, sniu zimrhyy kangpang jewjy bunrdee. Qiwzenn knuar cud jitt xee guanhingg, qywanr dyrr duiww jitt xee okqud ee "byy qang ve (buw) jixmuai" zinbut jinwhingg juxdong siongxsiong. Ix ham' jitt xee langg qingquer jit dnxua jingven au, huathen jurqiw ee dairvorhun zinsingx longxx ham dirr jit xee mosid --- ui' sewhanr ix dyrr itdit virr langg gorqaiw, cywqaiw. "okqud byy qang ve (buw) jixmuai" duiww ix diamxduh cud jitt jiongw jongrtair ee guan'inx.

Aurlaii inx siyxqox sidjer-siong iauxx si byy qaixvenr taiwdo, mrqycc ix kiokk ixqingx bingvik siyxqox si mow xee mosid ee texhen. Ix kaisiw qamxqag, bylun inx siyxqox qycc qongw sniaw, jyr sniaw, jurqiw ixqingx erdangr punxjauw jitt xee mosid. Ix berdangr qaixvenr inx siyxqox, kiokk erdangr jiangxab jurqiw huanxingr ee hongsid. Vaixtuad dngquw laii itdit jiangxquanw ix ee guanhingg, tauwquer "siongxsiong ji' ganw", ix venrzin cud kongwjer ix sing'uac ee amwbih mosid, jinr jit vo vaixtuad jitt xee mosid. Cniurr anne, lanw erdangr qra guarjai ee sing'uac jongrhongw knuawjyr amwbih ligliong dirr siongxsiong-diongx ee viauxhen, qycc tauwquer jinr jit vo ee siongxsiong dingsu, cue cud jingwkag ee dirliauu hngtauu.

Siongxsiong m na erdangr kuikew guarjai sewqair cangwbih ee kongqanx, zircniaw, jiauww PARACELSUS ee qiwsut, iauxx ersaih huatdong iyhcauw ee ligliong, lanw erdangr anne qongw, lingxhue jit luerhamm iacc si guarjai jongrhongw amwbih ee iwgi, dyrr kuikew liauw hitt xee jongrhongw vauhamm ee moxjiongw lat. PARACELSUS soxx tee kiw ee si iyhcauw ee liauhau (HEALING EFFICACY), isingx narr liauxqaiw iyhcauw ee jinsit iwgi, dyrr erdangr qra iyhcauw ee ingwhau unriong qaur siongrr quann, jex kyxlingg si ixx "siongxsiong" ee "ganxlik" kir knuar guarjai ee jongrhongw, inxtua jit jiongw juanxhuar qapp dirliauu ee dingsu, huee dngw laii didjiap ingxhiongw jongrhongw vunxsinx.

Siongxsiong m na congwjy "knuar tongtaur", marr congwjy juanxhuar. Guaw ee qywanr diqag diyc inx siyxqox siongrdingx jit xee guanhingg mosid, qunxtuad jitt xee mosid, marr liongwcud hitt xee langg (siyxqox) ee caujongr. Ui' jitt xee mosid tuatlii, kuikew liauw ix jurgnow viauxdat ee sinx hongsid, hex si ham' ix ee luerjai tensingr kacc uaxqin ee hongsid. Knuar cingcyw huanwsiongw jewjy ee bangrsiongw, kuidong liauw jurgnow viauxdat qapp juanxhuar ee dingsu, hro siongxsiongrlat kuikew sinx ee "junjai (BEING)" hongsid.

Jiongw ee laii qongw, huanwsiongw cuxliw jurgnow ee suqiuu qapp iogbang, siongxsiong ciauuat jurgnow, tongcad jursingr. Siongxsiong si sriok jursingr ee diwhui, qoxle qycc inxdy jurqiw henxhuar. Jurgnow narr qongxx tniajiongg siongxsiong qinggiam tecud ee tongtauw qenwqaiw, dyrr ham' jursingr cruw diyc hiabdiau jongwtair, qniaa zip jurgnow quisiok ee lo ; jurgnow narr si camcab huanwsiongw, dyrr ham' jurgnow vunkuix, besid dirr hibong sewqair. Huanwsiongw e jewjy anne ee knuawhuad – sidtew sewqair si ui'id :ee. U jitt jiongw bongrsiongw, dyrr sitkir knuar cringx jongrhongw ji' lai ee hudsimx ham' iwgi ee linglik, byy hxuad did diyc liauxqaiw qapp qaixvenr jongrhongw ee diwhui.

Beh jinwhingg juxdong siongxsiong, iacc si beh inxdy vadd langg jinwhingg juxdong siongxsiong, diyhh erdangr hunven huanwsiongw ham' jinsit ee siongxsiong qinggiam. Beh mng ee si, jitt xee qinggiam si m si ciauuat jurgnow ee suqiuu, jixhiongr jurgnow suqiuu ixsiong ee moxjiongw surbut? Bylun lanw qiamxsi ee si sniaw jongrhongw, siongxsiong qinggiam longxx qaix teqiongx hitt xee jongrhongw ee sinx juliau, kuikew "iwgi" ji' mngg. hyw ee juxdong siongxsiong, erdangr duar laii liaursiongw be qaur ee tongtauxlat ham' juann sinx ee quandiamw, huanwsiongw duxhyw dywvingw, itdit si qangkuanw ee mic diongrhok, quansimx ee si jurgnow. Jurgnow qamxqag qacc si belangg, kiokk jin' sanr, berdangr teqiongx lanw sinx juliau iacc si tongtaur lixqaiw. Ixsiong quiw xee quanliam hyw hyw qir diauu, dyrr erdangr denxkuix guihiamw qycc cuwbi ee tamwhiamw, kaisiw texgiam dyvenr ee siongxsiong sewqair.

LENRQIMSUT QAPP SIONGXSIONG

Lenrqimsux zinruii siongxsiong si kexsi ee sryw, lenrqimx beh singqongx, siongxsiong si berdangr kiamr ee honghuad. Lenrqimsux narr byy saihu ee jixdy iacc si qapp lingqair (SPIRIT WORLD) didjiap qautongx, dyrr byy hxuad cue diyc guanliau (PRIMA MATERIA). CALID(? -704CE) qongw "lanw duiww jitt xee ywvir jiyc ee sigkiauw qapp ingqngx singwbu (OFFICE) si sriok ywvir siongrder ee ywvir."

U jaidiau sigkiauw caujog jit liap ywvir jiyc, vunxsinx dyrr sriok siongrder siongrr dua ee ywvir, jixu siongrder u linglik henkuix, qycc qandna' duiww hiaxee ixqingx viauxhen cud daddid henxsi ee langg, siongrder jiacc e henxhen jitt xee ywvir. Byy ingwqaix lauwqaux :ee si, lenrqimsut si qenwlip dirr tuansingg qapp didjiap kexsi ee iusewsingr jongqaur (MASTERY RELIGION), iauqiuu lenrqimsux dnax kiw diongrdua ee jikzim, jingwbingg jurqiw duiqiuu ee diwsig si vit'iaur ee, in'ui hiaxee diwsig si ingxuanw ee ingqngx, sindir ee ywvir soxjai. Kexsi si ham' siongxsiong u didjiap ee quanlenn, si vit'iaur ee.

Lenrqimsux uirr beh jingwbingg jurqiw ham' singwsinn lingqamw pitpuer e kiw, u jerje honghuad, vauhamm u bixdig ee sing'uac, uirr langg' hingrhog hongrhenr, suibongw kiwdoo jewjy ngqimx, kiokk byy siurr iuxbee… inx juadduir m si uirr jaihur duiqiuu jaihur, si uirr jyr hyxdai jikdig qriuu jaihur. Mrqycc hyw dikhing/ u dyrdig ee sing'uac, vingrr byy vyxjingr did e diyc diwhui ee kexsi, jitt diamw ham' GNOSIS soxu jongpair ee knuawhuad siy' qang. Lenrqimsux diyhh uirr kexsi pacvniar, vauhamm qidyw, jingrjy, diam diam sniu …dringw, jex itcer uahdang ham' jinwhingg juxdong siongxsiong longxx u didjiap quanhe.

Bad u jit xee lenrqimsux qongw, muixx jit xee jyr quer lenrqimsut ee langg longxx jaix herguan si zuarr u qamxingr ee, "ix dngquw duisunn kiokk cue byy ee mic, e hionghiongg did diyc tuansiu, naxx ui' tauu-dingw juwzip, iacc si tnidingw pair laii mow jit xee siongrr sxen ee " tenjaii (GENIUS)". Qycc qongw, jixu did diyc kexsi, jiacc e liauxqaiw qingbunn ee iwgi. jitt xee "dua bxi (THE RIDDLE)" itdanr kuihiauw, liw dyrr erdangr liauxqaiw itcer uixdai surbut ee ywvir, ixqip qidyw duiww duiqiuu lingsingr qapp dnguanw ingxqiuw si zuarr u loriong.

Qidyw si lenrqimsux vit'iaur ee lydong, ix diyhh duiqiuu vit'iaur ee diwsig, qangjog jiacc e u singqyw, druu jex ixgua, tauwquer qiqiuu, ix iauxx erdangr diauwhuanr lingqair, mow quaw liongsen ee tenjaii jiacc e qra vit'iaur ee juliau tuansiu hro ix, iacc si qra sindir quanwjur hro ix. Lenrqimsux diyhh ham' sinlingg habjog, narr byy, si byy hauringr ee. PARACELSUS bad dramm .quer, Ix qongw : langg dirr luerjai jinwhingg siongxsiong sii, ix ee "siongxsiong ham' tnix (HEAVEN ) hab'id, tnix tauwquer ix caujog soxx did .diyc .ee, viw ix suniong langg ee honghuad did.diyc.ee ngiaa quer jerje." Tnidingw ee qokk jiongw lat ham' lxingg qapp ix habjog, congwjy ee mic viw ix jurqiw congwjy :ee kacc je. Lenrqimsux dyrr si ixx herguan ee honghuad, diauwhuanr sinlingg ham' ix qiongrdongg pacvniar congwjy tetzinjiyc.

Jerje lenrqimsux longxx jiyh bingngiu ee lat ueh cud jurqiw qangjog ee ywvir, PARACELSUS bingg qongw, siongxsiong si bingngiu ee jit vorhun. Lenrqimsux tauwquer siongxsiong, texgiam qokk jiongw --- iong PARACELSUS ee ue qongw --- ciauuat "suncuir langg ee honghuad" ee "jaix (KNOWING)". PARACELSUS ee sai'aw RULAND duiww juxdong siongxsiong ham' jiongw jiongw jaix ee quanhe soxx lyc ee dingrgi-diongx qongw qaxx jin' cingcyw. RULAND soxx siaw ee jit vxo lenrqimsut sudenw (LEXICON) qongw "bingngiu (MEDITATION)" si :

Langg qapp lingrgua jit xee knuar be diyc ee langg ee "luerjai damue (INTERNAL TALK)", viwzuu diauwhuanr dairsinn (THE DEITY) iacc ham' jurqiw ee jursingr qauliuu qamxingr, ham' jurqiw ee siongrr sxen tnisair qauqamw.

JUNG duiww jit dnxua ue qamxqag cuwbi. Ix zinruii jitt dnxua ue jingwbingg lenrqimsux soxx qongw ee "bingngiu --- henxzenn si luerjai ee damue, iarr si qongw lanw srinx-siong lingrgua jit xee ingwdapsniax ee jinsit quanhe…". Bingngiu jiwjiyw u jit vorhun si duiwuersingr ee juxdong siongxsiong, qaxnaxx jerje qongw diyc EUGENIUS iacc si liongsen tenjaii ee bunhenr henxsi ee --- lenrqimsux siongxsiong jurqiw dirdecc ham' hysen sinlingg iacc si liongsen tnisair duiwue. Jiaxee lingsingr juniuw, e hiongr inx kuisi dua qonggiap(THE OPUS) ee ywvir.

Lenrqimsux uirr beh tongcad jitt hxang qangjog ee vunxjid, e lriauu zip inx soxui ee juxdong siongxsiong qinggiam-diongx. Inx kyxlingg u jerje jiongw huanwsiong qinggiam, viwzuu qongw, knuawqnir qokk jiongw sinlingg, iwsiong. RAYMOND LULLY qongw "liw erdangr knuar diyc jit quaw sinlingg jurjip dirr kongdiongx, tinghenr jyr qokk jiongw quaiwbut, iaxsiur, langg…dringw, cniurr hunn siwqer jauw laii jauw kir." SENDIVOGIUS si aurqii ingxhiongxlat siongrr dua ee lenrqimsux ji' id, ix tee kiw lenrqimx qangjog qapp lenrqimx texgiam sii anne siaw "itvnualangg ee bagjiux knuar be diyc inx, qandna' lixqaiw ji' ganw, siongxsiong ji' ganw jiacc erdangr diqag diyc inx jinsit qycc si siongrr jinsit ee iwsiong." Ixx siongxsiong jyr ciuxdnua, lenrqimsux erdangr texgiam diyc qydingw diwhui --- congwjy tetzinjiyc soxx su'iaur ee diwhui. Inx dirr huanwsiong jongrtair --- iuqii si dirr dnaxx lanw qongw ee juxdong siongxsiong --- texgiam "siongxsiong".

Lenrqimsux dirr "kexsi" hongbin soxx qauwdy lanw ee, zuqyw ingwiong dirr henrdai ee lenrqimx qangjog (OPUS), lanw erdangr qongw, qandna' kyr uadtok iacc si diqaixsingr genxqiur, byy hxuad did diyc texgiam qapp henxhuar jursingr ee ciuxdnua. Sursit-siong, lenrqimx qangjog beh u singjiu, vitding su'iaur "kexsi", iarr dyrr si qongw, su'iaur luerjai ee sinlingg qauwdy qywzinn zuhyy kaisiw. Byy jitt lui siongxsiongrlat ee habjog, lanw byy der did diyc jursingr. Jitt xee qaiwliam ursii byy iong'i jiongxag, in'ui tongsiongg jit xee lenrqimsux jixiaur iwdoo si hyw ee, guanrir hagsip, hyw hyw cuxliw guarjai sing'uac jongrhongw, naxjunxx ixqingx u qraur ar, sursit m si. Ham' luerjai zinbut jiapciog au, ongxongw duer laii "venrsig" texgiam, narr byy jitt jiongw texgiam, jursingr iauxx si bongbiauw byy der cue, byy hxuad jiongxag jurgnow. "Qywtexhuar" zuqyw qaiwding jyr "binghenw jursingr ee sanxbut", anne dyrr ham' lenrqimsux cir beh jewjy tetzinjiyc luirsu, narr byy luerjai zinbut ee kexsi, qangkuanw berdangr singsu.

"Kexsi" ee digsingr, lenrqimsux bad tee kiw ee u snax xee, derr id si vniawmia qapp huisiongg jiap ee qidyw, derr zi si " siongrr sxen tenjaii"…dringw luerjai zinbut qamxingr qautongx, snax si tnidingw quanwjur lyc laii ee diwsig. PARACELSUS jixcud, dersnajiaw si dirr siongxsiong ham' siongrtenx qethap au huatsingx ee, jitt snax jiongw jongrhongw, longxx hamm u lenrqimsux qapp ham' ix habjog ji' sinn ee quanhe, vit'iaur ee diwhui dyrr si ui' jitt enn quanhe puhenr cud ee. lenrqimsux --- iarr dyrr si jurgnow --- diyhh pacvniar liauxqaiw jurqiw rair jyr sniaw jiacc e singdiongw. Jurgnow narr m si vutduan ee loxlik, sinlingg dyrr be tinghen vit'iaur ee qinggiam hro ix. Duliauw loxlik, jurgnow iauxx diyhh qidyw iacc si krox sinlingg. Juewau, siongxsiong iauxx diyhh qapp siongrtenx qethap, iarr dyrr si qongw, beh jinjniar ham' luerjai zinbut jiapciog.

Bad u jit xee qywanr, si jit xui luxsu, ix qamxqag jurqiw diyhh huatdenw luerjai ee lat, jiacc erdangr binrduir guarjai sewqair ee tiaujenr. Ix beh hagsip sinwzim jurqiw luerjai ee diwhui, huatdenw luerjai ee lat, sinwzim jurqiw ee sniurhuad, jyr zimrhyy su erdangr isunn jurqiw tongtaur ee qenwqaiw, jurqiw jyr jruw. Ix jaix jurqiw diyhh uansingg jitt qnia qangjog, kiokk m jaix zyhyy kixtauu, dyrr kir cue hunsiksux. Jitt xee hunsiksux jaix jerje qihuad, marr hro ix jerje qenwgi, mrqycc duiww ix byy sniaw vangjan. Jit dnxua siqanx au, inx nng langg longxx vutditvud singzin jurqiw sidjai byy hxuad congwjy jitt qxow luerjai ee lat. Jitt xee qangjog ix diyhh sunqiuu jursingr ee hiabjo, jiacc erdangr uansingg.

Ix qewsiok pacvniar, jinrlat siongsinr qaqi, iauxx si cue byy. Qycc laii ix kaisiw qidyw, hibang jiyh binbang diauwhuanr jursingr, narr byy, dyrr jyr juxdong siongxsiong, iauqiuu dyrsux laii inxdy ix ee lo. Qingquer qik dua ee pacvniar, jin' byy qanxdanx cuthen jit xee "lat" huawjyr luerjai zinbut --- henwsinx jyr buxsu, cua ix denxkuix duiqiuu, hro ix ham' quaiwbut vniawmia, horui jinliw qaur siw. Qingquer je vaiw ee juxdong siongxsiong, ix liahbongx diyc soxui luerjai ee qamxqag, ix qra jitt jiongw qamxqag jingxhap zip laii, kexdong ciauuat qonglingg. Jitt sii, ix ixqingx qra "buxsu" jidbin jingxhap dirr jurqiw srinx-siong, congwjy liauw jurqiw erdangr doglip jenwdaur ee qamxqag, pacvai jurqiw luerjai "huaigii jurqiw" qapp "qniahniaa" jitt nng xee quaiwbut.

Bylun dirsii kaisiw duiqiuu juanxhuar, muixx jit xee langg jaxban longxx vutditvud singzin jurgnow ee diwsig si byy qraur ee. jixu ham' amwiwsig habjog, jiacc erdangr congwjy vit'iaur ee diauqnia, hro jongrhongw jinjniar qaixvenr. Jinwhingg hunsig sii, hunsikjiaw ingwqaix sinwzim qywanr luerjai ee kexsi, m si hunsig ee qihuad diwsig. Jurgnow ham' amwiwsig dirr siongxsiong-diongx siygu, teqiongx nng jiongw vit'iaur diwsig, jit xee si jixbingg xe jit qaidnua ee qangjog, jixcud jurgnow diyhh isunn ee lo; derr zi si hro jurgnow dirr qinggiam-siong ham' luerjai zinbut siy' duxtauu, jurgnow soxx duiqiuu ee qaixvenr, sidjer-siong si jitt xee luerjai zinbut congwjyr ee. Dnaxx jixu iwsig ham' siongxsiong habjog, tuisag vit'iaur ee dingsu ham' qinggiam, jiacc erdangr congwjy jursingr --- jex ham' quiw vah nii jingg lenrqimsux beh congwjy tetzinjiyc qangkuanw.

Siongxsiong si cruw diyc luerjai diwsig ee ciuxdnua, langg jixu dirr siongxsiong-diongx jiapciog diyc luerjai zinbut, jiacc e did diyc "diwsig (GNOSIS)". Lenrqimsux longxx jaix siongxsiong qapp diwhui ee sryw. Mrqycc siongxsiong vnuaenw ee qaksig m na anne, iauxx si juanxhuar sintew qapp simlingg lat vit'iaur ee qin'guann.

Lenrqimsux siongsinr, siongxsiong iongxiuw jit jiongw lat --- ciauuat lanw soxx sniu beh qnir ee zimrhyy surbut. Jitt xee lat m na erdangr juanxvenr sidtew budjid ee singwjid, iauxx ersaih dirliauu sintew ee vnerjingr, simrjiww quatding jit xee iauxx bue cutsir ingzii ee miarun. Siongxsiong erdangr ingxhiongw jit xee langg ee sing'uac qinggiam, cavutdyx byy sniaw dairjir si siongxsiong jyr be qaur ee. jerje lenrqimsux longxx siongsinr, beh congwjy tetzinjiyc, byy "siongxsiong" si bersaih ee, tetzinjiyc ham' siongxsiong u jin' biddaur ee quanhe. Inx duiww "siongxsiong" qapp "siongxsiong ham' tetzinjiyc jiqanx ee quanhe" soxx kia ee quandiamw, qamm u honghur ee " qywtexhuar" hamgi, marr qamm diyc jursingr qapp siongxsiong jiqanx quanlenn ee hamgi

Jaw dirr huatsut qapp lenrqimsuw ee coqii, ixqingx u langg qongxx : langsinx u jit jiongw lat, kyxiw ingxhiongw guarjai henrsit. DR. JUNG tyxlun diyc "qangvo henrsiong" sii, inxiong ALBERTUS MAGNUS ee jitt dnxua ue :

Guaw dirr AVICENNA ee LIVER SEXTUS NATURIALIUM lairbin, huathen liauw jit dnxua jin' u loriong ee (huatsut) qongxue, qongxx langg ee linghunn lai druar diyc jit jiongw lat, ersaih qaixvenr surbut, hro surbut sriok ix ji' xe ; iuqii dng' ix qik air, qik hun ee sii qyckacc si anne.

Lenrqimsux qra jitt "jit jiongw lat" ham' siongxsiong lenn jywhuew. PARACELSUS iong ix ithiongr toxdit ee kauxkir anne qongw "siongxsiong" :

Liw qaix jaix qionglik ee siongxsiong soxx kuriuw ee jinsit qonglingg. Siongxsiong si itcer huatsut ee guanliw … lanw soxu ee kow, soxu ee og, longxx si siongxsiong snix.cud .laii .ee … jitt xee siongxsiong e sringx quann, cngwtangr qaur tnix, dirr uxdiu siwqer cittyy. siongxsiong singx kikhok tnix, vingrr junxjad … qiongdua ee siongxsiong, si sxen qapp pnaixun ee guan'inx.

Iauxx u langg anne siaw :

"langg jre dirr itcer jyrbut ee juxui, ix siongxsiong ee lat, sewqair banrbut longxx rair hogjiongg ix --- narr "zinlui duirlok (THE FALL) jingg."

SENDIVOGIUS anne siaw : linghunn si "siongxsiong" ee cur, "kuriuw doglip qycc juadduir ee lat, jyr sintew jyr be qaur ee su. Zuqyw ix sniu beh air, ix duiww sintew marr kuriuw siongrr dua ee lat. Narr m si anne, lanw ee tethak dyrr qex liauxqangx narnia.

Juewau si HENRY CORNELIUS AGRIPPA siaw ee : tethagqax --- iuqii si ARABIA ee tethagqax --- qongw, langg ee simx, dng' qik sniu beh qangjog ee sii, tauwquer zedsingg qapp pacvniar, e ham' tnidingw cnxix ee simx, diwsig ee simx qethap. Anne ee qethap, mow jiongw qibiau ee dikhing dyrr e juwzip lanw ee qangjog ham' surbut jidiongx. Jitt lairbin u jit jiongw lingxhue, iauxx u banrbut ee lat, banrbut jin' jurzenn dyrr e sunjiongg jitt xee bixdig. Jixiaur qionglet sniu beh air, vitzenn e sanxsingx ingwhau.

Siongxsiong ee lat hamm diyc qaixvenr sintew qapp huawhak huanxingr, quatding jursinx miarun, ui' uxdiu tnicnix kongwjer jursinx miarun, sidjer bingrling/ kongwjer soxu sniwmia ee qokk jiongw linglik. Siongxsiong ham' langg kia dirr jyrbut sunrsi ee digsuu derui u quanlenn. Beh liauxqaiw uirjnuaxngiu lenrqimsux longxx siongsinr "siongxsiong" kuriuw qiongdua ee lat, dyrr rair singx jaix inx jnuaxngiu qaiwding "siongxsiong". "siongxsiong" viauxdat siongrr cingcyw ee si RULAND. Ix qongw "siongxsiong" si "langg luerjai ee tnicnix, uxdiu, criaux- uxdiu." JUNG qamxqag jitt xee dingrgi siongrr qibiau, bad cir ueh cud qidiongx ee hamgi :

Jitt xee qniax langg ee dingrgi, uirr ham' "dua qonggiap" u quanlenn ee huanwsiongw quewdingg inxcua laii digvet ee kexsi. Lanw berdangr qra jitt jiongw quewdingg sniu jyr si lanw jaw ixqingx zinrding sriok dirr huanwsiongw jingqingw ee hitt jiongw huix-budjid bonghunn, rair sniu jyr si sidtew ee surbut, si jit jiongw vunxjid-siong vnuar lingsingr ee "biaurtew (SUBTLE BODY)"… incuw, IMAGINATION, iacc si qongxx "siongxsiong" dongrjog, si sidtew ee uahdong, erdangr jinwzip budjid venwhuar ee sunkuann jidiongx. Budjid ee venwhuar jyrsingg jitt jiongw uahdong, jitt jiongw uahdong marr jyrsingg budjid ee venwhuar. Lenrqimsux dyrr si tauwquer siongxsiong ee lat ham' amwiwsig lenjiab, marr didjiab ham' ix iwdoo beh qaixvenr ee budjid lenjiab. Dnuasor suu ASTRUM si PARACELSUS ee iongrgiw, dirr jitt xee qetqor-ha, qongw ee si "jingx /cuew (QUINTESSENCE)" jitt lui surbut. Siongxsiong si sidtew qapp simlingg nng hongbin jiongw jiongw sniwmiarlat ee longsiog jinghuaa.

Siongxsiong si langg luerjai ee tnicnix iacc "sniwmia ee jingx/cuiw", m na erdangr qaixvenr amwiwsig jitt xee luerjai sewqair, marr erdangr qaixvenr sidtew guarjai sewqair. Rair juwir ee si, dirr dingw bunn, JUNG suibongw iong ee si huanwsiongw (FANTASY), ix qongw ee qisit si " siongxsiong", m si lanw jingg tyxlun .quer ee hitt jiongw m hyw ee huanwsiongw. Ix ee qaixsueh jamxzenn cimyr, hro ix ee "siongxsiong" quandiamw damrvyc kacc hyw liauxqaiw .quaw. JUNG dirr jitt hongbin vunxlaii qongw :ee dyrr byy je, jiax soxx inxiong si ix lun "siongxsiong" siongrr dat did lanw jauxcue tamwsunn ee qongxhuad.

"Siongxsiong" jitt xee janbin si ciauuat simlingg luerjai sewqair :ee, erdangr ingxhiongw guarjai sewqair --- jiwjiyw lenrqimsux ee knuawhuad si anne. RULAND ham' JUNG longxx qra siongxsiong quisiok dirr biaurtew lingxhik, knuawjyr biaurtew, inx ee iwsur dyrr si siongxsiong vutjiw simlingg ziiw, iauxx kuriuw sidtew iacc budjid jancur.

U jitt xee sidtew / budjid , dyrr kyxiw qaixsueh uirhyy" siongxsiong" erdangr ingxhiongw guarjai sewqair, m qycc jex marr inxhuad nng xee bunrdee, jit xee si "siongxsiong" ee vunxjid si sniaw? Lingrgua si jursingr ee vunxjid qycc si sniaw?

Duiwgnow (sianghongx) tongxhap hingsingg sinx ee iwsig jongrtair au, jursingr henxhen .cud .laii. jitt xee sinx hingsingg ee diongsimx, si ui' duiwgnow tongxhap laii ee. jursingr qiwzenn vanhamm jairlai. Guarjai jancur sewqair jurzenn ciauuat sidtew qapp simlingg nng xee sewqair jisiong, uac dirr nng xee ixsiong ee sewqair --- jitt xee sewqair jurzenn marr vanhamm sidtew ham' simlingg nng sewqair. Zuqyw lanw iauxx e qir .did dingw jiux tyxlun ee quiw jiongw mohingg, anne lanw dyrr ersaih qongw, duiwgnow qewsiok tongxhap soxx congwjy ee jursingr, dirr jingg jit sii iauxx si simlingg :ee, qaur xe jitt sii dyrr henxhuar jniajyr sidtew. Narr si ui' "dongsii tongxhap (SIMULTANCOUS UNION)" ee quandiamw laii knuar, jursingr byy sriok dirr simlingg sewqair, marr byy quisiok sidtexqair, si sriok dirr tongxhap ee dersnaqair. Jiurr jitt xee iwgi laii qongw, binghenw jursingr byy uanjuann junjai dirr guarjai sewqair, marr byy uanjuann junjai dirr simlingqair, si junjai dirr biaurtew sewqair --- dirr jitt xee sewqair, sidtew ham' simlingg si tongxhap jyr ittew ee. RULAND qra "siongxsiong' qaiwding jyr "biaurtew", "siongxsiong" soxx sriok ee jursingr marr si biaurtew.

VON FRANZ bad qongxsueh, ixqingx uanjuann qywtexhuar ee langg si uac dirr juxdong siongxsiong ee sewqair, jurgnow byy zinrdongg guarjai sewqair, marr byy zinrdongg luerjai sewqair, si zinrdongg siongxsiong ee sewqair --- vauhamm jingg nng xee ee sewqair. Iwsig ee jurgnow qapp binghenw jursingr tongxhap au, si ui' qenwqix dirr siongxsiong sewqair ee diongsimx uirdir texgiam sing'uac, byy zinrdongg guarjai sing'uac surqnia, marr byy zinrdongg luerjai guanhingg jongrtair. Jurgnow qapp jursingr ee tongxhap m na viauxhen jyr jit jiongw diqag jongrtair, marr viauxhen jyr jit jiongw vutduan congwjy qapp siongxsiong ee qinggiam. Jurgnow iwsig e virr siongxsiong ee iwsig cuxdai, jitt xee siongxsiong iwsig, tauwquer siongxsiong ji' ganw knuar sewqair, knuar taur zidsiongg sewqair qenqor ee viauxsiong, ueh cud amwbih dirr viauxsiong au ee iwgi ; knuar cud simlingg ee lat dirr zidsiongg sing'uac soxx kiw ee jokiong, qycc iongxiuw jit jiongw "diqag" siongrdingx tuann cud ee juriuu.

Siongxsiong jyr jursingr ee jit jiongw lingsingr henxhuar, kuriuw ingxhiongw sidtew qapp simlingg sewqair ee lat, jursingr ciauuat jitt nng xee sewqair qycc vauhamm jitt nng xee sewqair. Lenrqimsux soxx qongw ee "siongxsiong ee lat", m quanw si amx, iauxx si cangwbih dirr jursingr-diongx, binghenw jursingr itdanr puhenr, jitt qxow baihok ee lat sui' dyrr venwjniajyr jinsit :ee.

Jursingr lai jibhap liauw jit qrow lat --- siongxsiong ee lat. Jursingr ui' amr ee jongrtair puhenr, jniajyr u iwsig ee jongrtair au, siongxsiong lat dyrr vutduan jingqax, dingvue jingqax. Siongxsiong si jursingr jit qrow lingsingr lat, si jursingr ui' amwbih jongrtair juanxii jyr binghenw jongrtair su'iaur ee lat. Jursingr ee juanxhuar, berdangr byy jitt qrow lat ; jursingr jiyh diyc jitt qrow lat, jokiong dirr luerjai qapp guarjai sewqair, ciokjinr vunxsinx ee huatdenw. U jit diamw jin' diongriaur, rair qir hro diauu ~ ~, : si lanw jitmaw tyxlun ee jitt jiongw lat, m si sriok dirr jurgnow. Lenrqimsut ee bogdig m si beh jiyh diyc qapp jitt xee siongxsiongrlat ee qethap laii jurgnow pongwdua, si beh viauxdat jursingr dirr congwjy-siong ee siongxsiongrlat. Jurgnow dirr jitt xee quewdingg qacc si berdangr kiamr ee vorhun, mrqycc juadduir m si kia dirr caujiongr jex itcer dua linglik ee derui. Zuqyw jurgnow jinjniar beh caujiongr, anne siongxsiong qinggiam dyrr e tewhuar jniajyr sunzenn ee huanwsiongw, ix soxx duiqiuu ee ligliong marr e duer lecc siausid byy .kir.

SIONGXSIONG QAPP LUI-SIMLINGG

Guaw dirr dingw jit jiux bad qongw .quer, u quaw luerjai qinggiam ee vunxjid, diyhh cingcyw hunven si sriok simliw ee luerjai zinbut, iacc si guaw soxui ee "lui-simlingg". "Lui-simlingg" qinggiam ee digjid, vauhamm "sinsimx sriu diyc diongrdua ee ciongqig" ixqip "jit xee zinbut qisit si laijurr simlingg ji' gua " ee hitt jiongw qamxqag. Lanw zuqyw erdangr cniurr lenrqimsux hitt ngiu lixqaiw "siongxsiong", jiacc qycc kir knuar simlingg qinggiam, dyrr e qamxqag kacc habliw. siongxsiong, jniajyr jit jiongw biaurtew, si sidtew qapp simlingg ee tongxhap ; jyr jursingr ee jit vorhun, qycc erdangr congwjy sidtew qinggiam qapp simlingg qinggiam, iacc si tongxhap nng xee ee qinggiam.

JUNG kiokk jingwbingg siongxsiong m na sriok dirr jursingr, marr quisiok guanhingg. Lui-simlingg zinbut kyxlingg marr si vinjiyh siongxsiongrlat viauxhen .cud .laii, henwjyr iwsiong iacc zinbut hingsiong. Cioksingg jitt jiongw zinbut qapp qinggiam sanxsingx ee sidtew, kyxlingg ham' binghenw jursingr qang, longxx sriok dirr "biaurtew" lingxhik. Jiurr jitt jinghingg laii qongw, jitt jiongw sidtew suibongw m si sriok dirr langg ee simlingg, kiokk tongxhap liauw sidtew qapp simlingg digsingr; jixu jitt nng xee ji' gua ee dersnax jiongw jongrtair, lanw jiacc qongw si "lui-simlingg".

Texhen lui-simlingg sidtew ee luerjai zinbut, laijurr ee jancur si simlingg ham' sidtew jit xee duiwgnow ixqingx tongxhap :ee , soxiw inx ee lat kacc qiongg, jyrsingg ee ciongqig marr kacc dua, qycc erdangr qaixvenr sidtew. Lixlun-siong lui-simlingg sewqair ham' biaurtew sewqair si qamxtongx ee, inx soxx congwjy qiongdua qinggiam, longxx si ui' inx ee siongxsiongrlat snituar laii ee, soxiw siongxsiong soxx vauhamm ee qinggiam u sunn-simlingg, marr u lui-simlingg.

Lanw narr qongxx qycc kir cajingr SUFISM qxaur ee lixlun, dyrr e huathen jitt jiongw quanliam kaksit u. qinqur IBN 'ARABI qongw ee, simlingg dyrr si tauwquer siongxsiongrlat ee texhen. Inx caixiong sidtew sewqair ee digjid qra jurqiw viauxhen .cud .laii. viwzuu lingsingr jun'iuw kyxlingg ixx "bixle u sxit singbut" cuthen dirr langg ee siongxsiong-diongx, jitt xee "sxit" dyrr si jiyh jurr sidtew sewqair, amwjiw vuex qapp juriuu, viauxsi jitt xee zinbut ee lingsingr digjid. Guaw u jit xee qywanr, bang qnir jit jiah moniaux, bang-diongx jitt jiah niaux qongw ix m si niaux, jixsi jiyh "niaux" jitt xee iwsiong henwsinx ee lingsingr jun'iuw. Ui' biaurtew lingxhik puhenr .cud .laii ee lui-simlingg jun'iuw, longxx iongwiuw siongxsiongrlat. Inx jiyh jitt jiongw lat henwsinx langhingg iacc qitnax sniwmia ee sidtexbut, anne jiacc erdangr ham' langg qautongx.

Qangkuanw jin' u iwsur ee, lanw huathen lenrqimsux duiqiuu "ingxuanw ee sniwmia (IMMORTALITY)" ee sii, ongxongw marr si ixx "biaurtew" jyr hingtair. Biaurtew lingxhik tongxhap liauw sidtew qapp simlingg, qycc ciauuat jitt nng xee; jursingr vutduan tauwquer juxdong siongxsiong tongxhap sidtew qapp simlingg sii, marr dyrr vutduan jniajyr biaurtew lingxhik ee jit vorhun. Amwcangr dirr jursingr jit dngw jyr binghenw, dyrr e qamxqag diyc jit jiongw jinwzip biaurtew lingxhik ee unrdong, hex dyrr si jit jiongw liahbongx diyc, beh jniajyr ingxuanw sniwmia ee qamxqag. Soxiw, lenrqimsux duiqiuu ee "ingxuanw sniwmia ji' srinx (IMMORTAL BODY)", dyrr ham' siongxsiong u bidced quanhe.

Lanw qanxdanx qycc qongxsueh jit vaiw : RULAND ee dingrgi, qra "siongxsiong" he dirr biaurtew lingxhik iacc qongxx si lui-simlingg lingxhik, iacc jiwjiyw si amx dirr jitt xee lingxhik. Siongxsiong, jyr zinlui simlingg ee tnicnix, qapp jursingr si qamxtongx ee, iacc qongxx si jursingr linglat (SPIRITUAL POWER) ee viauxhen. Jitt xee linglat m si sunn-sidtew, m si sunn-simlingg, si jitt nng xee tongxhap, congwjy jit jiongw jin' pnaiw hyrmiaa ee derr snax jongrtair. Jursingr tauwquer siongxsiong, tongxhap jitt duiwgnow au, did diyc ligliong, venr qaxx jin' qenqor. Jit vnix si anne, lingrgua jit vnix siongxsiongrlat qyckacc singdiongw, jiongbuew sanxsingx ciongqiklat qapp qyckacc qiongg ee sinx qinggiam, dngjuanw quer laii qyckacc qionghuar jursingr.

Jursingr zuxx singdiongw, siongxsiongrlat zuxx jo ix singdiongw, jitt sii jurgnow ixqingx ham' binghenw jursingr tongxhap, kaisiw uac dirr siongxsiong ee sewqair --- jitt xee juxdong siongxsiong ee sewqair qik jinsit, si ciauuat zidsiongg sidqair ee, iuqycc vauhamm zidsiongg henrsidqair. Jurgnow byy kuriuw kongwjer siongxsiong ee linglik, siongxsiong ee qinggiam si ixx viauwdat jursingr jyr bogviaux. Dirr congwjy binghenw jursingr ee coqii, ixqip hro jursingr viauxhen .cud .laii ee aurqii, siongxsiongrlat longxx si berdangr kiamr ee.

LENRQIMSUT QAPP JUXDONG SIONGXSIONG

ALBERTUS MAGNUS jixcud, langg --- digvet si dirr qik hinghunr jongrtair sii --- erdangr ingxhiongw guarjai surqnia, budjid. Lenrqimsux zinruii, narr beh qaixvenr qimsiok, jitt jiongw linglik berdangr byy .ee. inx siongsinr, narr si qethap siongxsiong ham' uxdiu ee lat, jitt jiongw ligliong dyrr e puhenr. Soxui uxdiu, siongrdingsingr ee doo biyue cud ee si tendingg ham' dirr uerbin dionghngx ee cnisinn. Qra simx qapp cnisinn ee lat tongxhap jywhuew, dyrr erdangr qra uxdiu ee lat huejip, jinwzip jewjy-diongx ee tetzinjiyc lai, hro tetzinjiyc jimwziamw huatlik ; marr erdangr jibdiongx dirr moxjiongw iongik iacc hogcuxhngx, hro huatsingx qibiau ee juanxhuar.

Cir sniu jit jiongw jingqingw : lenrqimsux jre dirr ix ee sidgiamrsig, dyh-dingw u jit quanr iongik duxdecc siyjuw. Ix ee bogviaux si beh qra iongik-diongx ee budjid juanxngua jyr jit jiongw sinx ee budjid, iarr dyrr si u lxingg lat huejip, jinwzip qidiongx ee budjid. Zuqyw ix erdangr uansingg jitt xee zimrbu, jewsingg ee sinx budjid erdangr ingxhiongw qitnax budjid, hro guanlaii ee jongrtair juanxvenwjyr ngqimx iacc si ersaih dirliauu vne ee sendanx (MAGICAL ELIXIR). Bylun si jewjy ngqimx iacc sendanx, qidiongx longxx diyhh ham'iuw cnisinn ee lat, rair qra cnisinn ee lat huejip zip iongik-diongx. Beh jyr qaur jit diamw, soxx vinjiyh ee ciuxdnua dyrr si "siongxsiong",

Jex itcer si anxjuanw huatsingx ee? lenrqimsux beh dadsingg jitt xee zimrbu ee honghuad jerje, qidiongx u jit xee ham' "juxdong siongxsiong" si siangtongx ee. RULAND qra "bingngiu" qaiwding jyr "lenrqimsux qapp jit xee knuar be diyc ee sidtew ee duiwue". Lenrqimsux zuqyw sniu beh qra cnisinn ee lat huawhenr dirr budjid lai, ix diyhh qapp hitt xee cnisinn duiwue, mrqycc jitt sii cnisinn rair singx langhinghuar jyr moxjiongw zinbut jiacc ersaih. Jitt xee cnisinn kyxlingg si lingsingr ee jun'iuw, kyxlingg si guanhingg ee lat, "ix" rair henwjyr iwsiong, qapp lenrqimsux jinwhingg duiwue. Lenrqimsux ersaih dirr jitt jiongw qamxtongx-diongx, iauqiuu "ix" qar zuhyy venwhuar budjid, iacc si iauqiuu "ix" henxhuar jyr budjid, qra jurqiw ee lat quanwjur qidiongx. Ham' jitt lui sinlingg jinwhingg siongxsiongrsingr ee hordong, si jewjy sinqii budjid ee honghuad.

JUNG qauxsueh jitt xee quewdingg, qongw "qapp sinn (GOD) duiwue, hro tetzinjiyc juwzip kacc honghur ee lingsingr. Jex dyrr si qongxx, tetzinjiyc incuw qyckacc lingsingr, kacc huihuatsingr qyckacc singquann ee viauxhen." Jixiaur lxingg-cuew (SPIRITUAL ESSENCE) juanxzip tetzinjiyc lai, anne jaxjingg ee duiwue byy itding si ham' siongrder, ham' zimrhyy cnisinn longxx ersaih.

Jitt jiongw siongxsiong jokgiap, jyr luerjai lenrqimx quewdingg ee jit vorhun, huisiongg diongriaur. Tetzinjiyc ham' jursingr guanlaii si qamxtongx ee, mrqycc jursingr dirr jitt xee qaidnua, cavutdyx si iauxx bue huatdenw ee jongrtair; luerjai lenrqimx ee lenrqimsux sniu beh hro ix u lat, jo ix singdiongw, dyrr rair huejip mow xee cnisinn ee lat, ui' siongrdingx laii qongw, jitt xee soxui ee "cnisinn" si guanhingg, ham' JUNG dirr "sinvir habtew (MYSTERIUM CONIUNCTIONIS)" siongser tyxlun ee huexcnix (SCINTILLAE) jitt xee juxdee u quanhe. Ix zinruii dirr jerje huanwsiong-diongx soxx qnir, lenrqimx siongrdingx --- viwzuu jingqed iacc guanhingg --- marr sisiongg biysut "huexcnix tiauwsia cud laii" ee jitt jiongw siongrdingx, dirr jerje lingsingr tuansingg-diongx longxx erdangr knuar .diyc, tongsiongg ham' "qiuwsiok (REDEMPTION)" jitt jiongw qauwgi u quanlenn. Qinqir jit jiongw sinwgiongw, siongrder huawsingg huexcnix, penwvor qui' xee uxdiu, bidsiujiaw diyhh qra jiaxee huexcnix jit xee jit xee cue .cud .laii, tongxhap jniajyr jingxtew, hogguann siongrder, hro huehok guanlaii uanjingw ee jongrtair. Dairsingx qokk xee dairviauw jingqed ham' guanhingg ee siyw huexcnix, tongxhap jyr ittew. U ceh biysut qongw, jitt xee qinglik juewau e congwjy cud jit qix tiau --- zet huhux ee iamrhuew, jiyh diyc guanlaii siyw huexcnix ee lat singdiongw. "jit tiau iamrhuew" anne ee iwsiong, dairviauw ee, dyrr si simlingg ee jit jad jit jad tongxhap jyr jit xee jingxtew, sna' ionghap dirr jit xee diongsimdiamw au, congwjy .cud .laii ee jursingr.

Luerjai lenrqimsux cir beh ham' jit xee guanhingg hordong, tauwquer jit jiongw hordong, inxdy lat zip .kir, cangr dirr jursingr, inxhuad juanxhuar, sanxsingx binghenw jursingr. Inx erdangr tauwquer juxdong siongxsiong laii jinwhingg, dirr qidiongx texgiam henwjyr luerjai zinbut ee guanhingg, ham' ix hordong. Ix ee bogviaux si cimzip liauxqaiw jitt xee luerjai zinbut, anne jiacc erdangr u qraur lat kexdang ciauuat qonglingg. Ciauuat qonglingg itdanr kaisiw jokiong, luerjai zinbut dyrr juanxhuar jyr jursingr ee jit vorhun. Anne, lenrqimsux tongxhap siongxsiong qapp cnisinn lat ee ligdingg, texgiam .diyc ee dyrr si juxdong siongxsiong ham' guanhingg tongxhap.

U jit vaiw, guaw bang qnir jurqiw kia dirr jit xee juixdii vnix, jitt xee juixdii si modii, erdangr huanxngiar langg ee jinsit vunxsingr. ngar tauu .jit .knuar, knuar diyc jenwsinn (MARS) qniaa .quer .kir. hex bingbingg si jit xee 20 ingciyh quann ee qirlangg, guaw jaix ix si jenwsinn, iauxx jaix guaw beh liac ix, liac ix knuar juixbin. Zuqyw guaw narr jyr qraur, ix dyrr e kuanr diyc jurqiw ee jinsit vunxsingr, liauxqaiw jurqiw sriok dirr jit xee dua ee jingxtew ; anne ix dyrr be air jyr sniaw dyrr jyr sniaw, inxhuad byy vit'iaur ee jenwjingx, jai'eh. Mrqycc dirr bang-diongx, jenwsinn qingxcad diyc zuqyw ix knuar liauw juixbin, dyrr e sitkir juriuu, byy beh jiapsiu qirjuat. Bangqingw ee juewau si guaw sniu beh kir liac ix ee duarvyrbuw (kajnaiw), qiongvig ix knuar jurqiw juixbin ee huanxngiaw.

Jyr liauw jitt xee bang ixau, guaw denxkuix dngg qrii ee genxqiur qangjog, tak jerje jenwjingx ee ligsuw ham' sinue, qingsiongg qapp jenwsinn duiwue. Guaw jaix, jixiaur guaw dirr ix ee srinx-siong jyr ee qongkyr u qraur je, guaw dyrr erdangr juanxhuar ix, ix ee hunwno dyrr be dirr guaw luersimx jurqiw unrjuanw, dendyww e jniajyr jursingr ee jit vorhun. Jenwsinn jerje vaiw henwsinx jyr qirdua ee luerjai zinbut, mrqycc ix ban ban aw, ix kaisiw liauxqaiw guaw. Tauwquer duiwue, guaw cir beh suechok ix, sunzenn ee cimliogsingr duiww ix iacc si guaw longxx byy hyw ; ix siongduir e sniu beh iong "jenwjingx qapp ciongdut ee lat ixqip kyxiw juanxhuar surbut" anne ee quandiamw laii suechok guaw. Juewau ciauuat qonglingg kaisiw kexdang, jenwdaur qapp qongqig ee linglik marr dirr sikdongx siqix jniajyr guaw jursingr ee jit vorhun.

Soxui ee ciauuat qonglingg, m na si iwsig ee juanxvenr, marr si lingliong ee juanxngua. Jit xee duiwgnow ee nng xee duiwlibbut jingg si horsiong hunlii ee, dnaxx dirr ciauuat qonglingg ee tongxhap-ha, qokk xee soxx sriok ee simlingg lingliong huatsingx juanxhuar, qidiongx u jit vorhun venwjyr sui' sii erdangr hro jursingr iong. Jursingr did .diyc ee jit qrow simlingg lingliong, hro langg erdangr juriuu viauxhen jurqiw, marr si hro simlingg kacc qiongg, kacc unxding ee lat. Lenrqimsux duiqiuu ee, vutjiww si juxdong siongxsiong au iwsig ee qaixsen, iauxx u simlingg luerjai zinbut lingliong jongrtair ee juanxngua.

Lenrqimsux ham' cnisinn ee qethap, siongrdingx ee si liauxqaiw virr juanxhuar guanhingg ee juxdong siongxsiong qinggiam. Guanhingg ee lat dirr jiax juanxhuar jyr jursingr. Guanhingg guan'iuw ee lat suibongw qiamxjiyw, mrqycc guanhingg iauxx si junjai byy duirlyc, jixsi jitt sii ixqingx u diauliw(條理) duer jursingr junjai ziiw. Lenrqimsux soxx biysiaw ee siongxsiongrlat, qisit dyrr si kuidang ciauuat qonglingg ee lat, juanxhuar amwiwsig jongrtair ee lat.

PARACELSUS bad qongw diyc lingrgua jit jiongw siongxsiongrlat. Ix anne siaw "siongxsiong kuriuw tongx qaur tnix ee lat, qiongdua qaxx u qraur iusec cnisinn jiqanx, kikhok tendingg, jetjer tendingg" . jitt jiongw qongxhuad, jidbin si guaw duxx tyxlun .quer ee hitt jiongw ligdingg, "jauxiuu cnisinn jiqanx jetjer tendingg ee lat" dyrr si cuxliw guanhingg, rah lyc guanhingg, hro ix ee lat diaulixdig ankia dirr jursingr lai . mrqycc lingrgua jidbin, PARACELSUS kiokk zinruii jitt xee ligdingg ham' miarun u quanlenn. Ix qongw, qiongdua ee siongxsiong dyrr si langg miarun ---bylun hyw baiw --- guantauu.

Lenrqimsux qongw diyc cnisinn sii, byy jauxsiamw longxx e qongw cnisiongrhak (ASTROLOGY). Inx siongsinr uxdiu soxu ee cnxix longxx e ingxhiongw derqiuu diongsimx qimsiok ee hingsingg, marr ingxhiongw langg ee miarun. Siongxsiong si hro langg liongwkuix miarun jnaixjer, quatding jursinx miarun ee honghuad.

JUNG qra jitt xee juxdee ham' "quansingx tniqair (ASCENT THROUGH THE PLANETARY SHPERES)" jitt jiongw siongxsiong luxiuu he jywhuew tyxlun, lenrqimx denxjik marr qingsiongg cuthen jitt jiongw siongxsiong luxiuu. JUNG tyxlun cnisiongrhak dirr diongqow sewqiw ee qaksig, jiyh jex qaixsueh "quansingx tniqair". Dirr diongqow sewqiw, hingsingx si u piacsingr ee, cnisiongrdoo ee uirdir, quatding liauw langg ee singwqeh. Quansingx tniqair "viauxsi [kiwduu jiamcnidoo soxx jixcingx ee singwqeh] jitt lui ee dairjir, iarr si dywqniaa hongsid ee liongwkuix [(qxow ATHENS) jipjingwqnuax] inr lyc ee singwqeh." JUNG qra jitt diamw, vixduir GNOSTIC qauwsux siuhingg ee bogdig, dyrr si liongwtuad itcer hihuanr ee ingxhiongxlat, cue dngw kir jinsit siongrder ee lo.

Dirr jiax, lenrqimsux soxx viauxdat ee qaiwliam si : langg ersaih tauwquer moxjiongw qinggiam qapp ligdingg liongwtuad miarun, tuatkuix jaxjingg ee miardingrlun qinggiam. Langg m na ersaih m si "kuanqingw iacc soxx snix sidai ee sanxbut", iauxx erdangr kiwsag jitt xee kuanqingw ham' sidai ee ingxhiongw, cue diyc jurqiw ee junjai jinsiongr. Jursingr henxhenr, jurqiw dyrr erdangr jyr jruw, quatding itcer dairjir. Soxui "quansingx" jit xee lenrqimx dongrqix (MOTIF), dyrr si jixhiongr jursingr kiwsag soxu byy vit'iaur ee ingxhiongw, huathen jursinx jinsingr ee lat. Langg narr erdangr uac dirr byy sriu guarjai kuanqingw ee kongwjer, marr byy jiapsiu guanhingg ee qiongvig, dyrr ersaih uac dirr jurqiw ee diongsimx, hiongr guarqair viauxdat jitt diongsimx jinsit ee surbut.

PARACELSUS bad qongw cud jit xee digvet ee lunrdiamw, ix zinruii, quansingx tniqair ham' "siongxsiong" u quanhe, qycc qongw langg erdangr tauwquer siongxsiong qinggiam, liongwkuix guanvunw dirr ix ee vunxsingr vingrr m si jinsit ee jibtew ingxhiongxlat qapp guanhingg ingxhiongxlat. Qywtew ersaih tauwquer "juxdong siongxsiong" jitt xee ligdingg, venrzin virr iwsig diyc ix guanvunw m jaix decc ingxhiongw ix ee insor. Ix ee jursingr juewau e qionghuar qraur hro ix jingxvenx soxu jitt lui insor, hro jiaxee insor vangjan --- m si joxgai --- zinqeh ee huatdenw, jiongbuew singjiu jit xee langg ee jursingr. Hro jursingr jniajyr langg sniwmia ee diongsimx --- jitt jiongw juriuu, kyxlingg si "siongxsiong" soxx iongxiuw siongrr diongriaur ee lat. "siongxsiong" iauxx u jit xee siogsingr danw lanw tamwtyw, hex dyrr si dirliauu sintew vnerjingr ee linglik.

CONGWJY JURSINGR

Lenrqimsux viauxdat siongxsiong ee honghuad jerje jiongw, qidiongx ji' id dyrr si congwjy lenrqimx dosiong iacc bagtauu viauxhy. Jitt jiongw piautaudoo qanxiaur qycc u lat dinghen cud lenrqimx ee ywvir, hyw hyw genxqiur jitt jiongw piautaudoo, dyrr e qik cimzip liauxqaiw lenrqimsut ee vunxjid. "bagtauu (EMBLEM)" jitt xee suu qiongdiau lenrqimx qangjog ee siongrdingx iwgi. lenrqimsut jit kaisiw cavutdyx dyrr viauxhen cud gersut ee jidbin, qui' xee lenrqimsut ui' tauu qaur buew, lenrqimsux itdit unriong piautauu, doqaiw, uerdoo suecbingg itcer denxjik bunzi lueriongg.

Jiurr bagtauu jitt hxang laii qongw, ix ee jewjy si kaisiw dirr bunge hoghingx siqii, hitt sii qxow-EGYPT bunbut ham' gixgenn duxx decc liuhingg. Hitt sii ee aujiulangg, siongsinr qxow-EGYPT qapp jongqaur viauxhen qoxsingr-senhenn bingvik jixcud ee lingsingr jinliw si siongrr suncuir ee. inx knuar m bad qxow-EGYPT ee siongrhingg bunzi, kiokk zinruii hex si biysut hitt jiongw lingsingr jinliw ee huhy hertongw. Dirr bagtauu nirr kngr zip siongrhingg bunzi iacc si luirsu siongrhingg bunzi, hro gersudqax ham' jokqax jerje lingqamw, zinruii hiax ee huhy, bunzi erdangr tuandat kacc cimyr ee jinliw, anne ee sniurhuad dirr dongsii jin' poxpenr.

"HORAPOLLO ee siongrhingg bunzirjip (HIEROGLYPHICS OF HORAPOLLO)", jitt vunw ceh uansingg dirr qoxdai (ANTIQUITY) buexqii, Jap-go sewqiw coqii,ui' tokax ow cud laii, qycc huanik jyr henrdai EGYPT bunzi, narr si beh qongxx juxiaur decc qaixsueh EGYPT siongrhingg bunzi ee iwgi, iauxx vutzuu qongxx si jit vunw huhy juanceh --- suibongw qidiongx dinghen ee siongrhingg bunzi vingrr byy junxkag. HORAPOLLO siongsinr, siongrhingg bunzi si beh tuandat jiongw jiongw EGYPT ee quanliam ham' ywvir ee huhy. Kyxviw qongxx, zidtauu, guehniuu viauxsi "ingxuanw ee sniwmia", juaa qa qaqi ee buexliu viauxsi uxdiu, duiww lenrqimsux sanxsingx diongrdua ee ciongqig, dirr jewjy piautauu sii unriong jiaxee huhy. Jiaxee siongrhingg dosiong, henxsi liauw bunzi byy hxuad biysut ee viwbit juliau, lenrqimsux qinqir jitt tyr jabhunx qoxlyw ee huhy hertongw, ixx iwsiong didjiab henxlo jiongw jiongw ywvir.

GEROGE BOAS dirr ix huanik jitt vunw ceh ee "dac uertauu" qongw, bagtauu piauhy ee tuantongw juxiaur si ui' PLOTINUS ee duwjog kixtauu. Qinqir PLOTINUS ee knuawhuad, dirr bongx e diyc ee sewqair-diongx, jiongww sinn si dirr bixle ee iwsiong nirr knuar sidjai sewqair ; iwsiong viauxdat jinliw, viw bunzi ee viauxdat qyckacc hyw ; ix marr siongsinr, EGYPT singwzinn iong doue viauxdat jursinx ee iwsig qenwqaiw, "muixx jit vxag doue longxx si jit jiongw lixqaiw, diwhui, budjid jaiww jit vaiw ee viauxhen…". Jiongww sinn tauwquer siongxsiong diqag sidjairqair, naxcniurr EGYPT huatsux iong huhy dinghen diwsig. Qyjann sidjairqair jixu tauwquer siongxsiong jiacc erdangr lixqaiw.

Lenrqimsux dongzenn qamxqag jurqiw dngdecc singjiab jitt xee tuantongw ee qangjog, inx setqer hyrtauu, bogdig marr si beh didjiab qycc cimzip viauxdat sidjairqair cniurr EGYPT langg qangkuanw. Lenrqimx doue m si qandna' bunzi ee doqaiw, si kiwdoo ixx bunzi ji' gua qycc lingrgua tuandat jinsiongr. Dirr moxjiongw jinghongw-ha, piautauu biyue ee si bunzi soxx qaixsueh ee ywvir, druu jex ji' gua, nng xee tongsiongg horsiong doglip ; mow quaw jinghongw-ha, piautauu iwsiong ee suiw ham' je qycc hogjap, piautauu-dingw ee bunzi henxzenn si jabhunx ee vingdamx bybi. Mrqycc bylun si sniaw jinghongw, bagktauu longxx cimkig ee viauxdat cud lenrqimx siongxsiong.

JUNG itdit duiww siongrdingx jin' u cuwbi, duiww siongrdingx ee hingsingg ligdingg marr jin' u hingwtauu. Jiauww ix ee lixlun, jinjniar ee siongrdingx juadduir m si jurgnow soxx jy, si ui' amwiwsig-diongx puhenr ee ; ngua jit qxur ue qongw, dyrr si ui' siongxsiong-diongx puhenr, qycc si siongxsiongrbut ee viauxdat, soxiw ham' juxdong siongxsiong-diongx cuthen ee luerjai zinbut u bidcer quanhe. Viauxdat siongxsiong ee huhy, si ixx dosiong tuandat sinlingg ee diwhui. Lenrqimsux soxx zinrding "siongrhingg bunzi ee vunxjid" ee lixlun, sikiong dirr soxu siongxsiong ee siongrdingsingr viauxdat, muixx jit xee siongrdingx / siongrhingg bunzi, longxx si luerjai jinsiongr ee siongrr hyw viauxdat. Cniurr luerjai zinbut qra langg ham' SUFI lenn jywhuew; jursingr ee siongxsiongrsingr diwhui qar langg ham' SUFI lenn jywhuew ; jinjniar ee siongrdingx marr e qra langg ham' SUFI lenn dauwdin.

Bagtauu jyr siongxsiong ee sanxbut, viauxdat cud diwhui si sriok bidtuann ee jit jiongw, kiokk erdangr qra langg ham' lenrqimx qangjog soxx su'iaur ee lat lenn jywhuew. Cniurr lenrqimsux ee qidyw / duiwue qra lat quanwjur qaur tetzinjiyc lai, siongrdingx marr e jo lenrqimsux qra lat dyxhiongr ix ee qangjog. "iwsiong erdangr qra jurqiw biyue ee lat juanxsnix .cud .laii", jit xee quanliam si qoxlyw qycc hivyw (sinqii ) ee qaiwliam, dongzenn marr si lenrqimsux sigsai jaingiaw ee qaiwliam. Bunge hoghing sidai uixdai ee huatsux HENRY CORNELIUS AGRIPPA anne siaw "ixx sikdongx ee mic, jingwkag honghuad jyr sxingg ee iwsiong, vuah hro mow jit xee tnisair suxiong au, dy' e sui' ui' hitt xee tnisair did diyc sidhenr (ANIMATED)". RULAND dirr ix ee "lenrqimsut sudenw" anne siaw, "IMAGINES si lac iacc si qimsiok jyr ee sxiong, lairbin u tniqair ee diksingr decc unrjok". Ngua jit qxur ue qongw, iwsiong narr jewjy liauw u sikdongx, dyrr erdangr kurtew denxhenr jursinx soxx dairviauw ee sinlat iacc si tnilat. Lanw erdangr habliw lyc qetlun qongxx, bagtauu ee jokiong m na si decc tuandy diwhui, marr decc texhenr lenrqimsux soxx su'iaur ee lingliong. Bing'ngiu jitt xee bagtauu, erdangr hro lenrqimsux siongxsiong ee diwhui / lat jiaphamm, iacc si ham' qui' xee lenrqimx qangjog ee mow jit vorhun jiaphamm.

Henxzenn, lanw berdangr qandna' ui' diqaiw quandiamw genxqiur lenrqimx hyrtauu, lanw diyhh bing'ngiu jitt lui piautauu, jiacc erdangr qrut cud amwcangr dirr qidiongx ee iwgi. siongrdingx ee viauxdat u je jiongw siongser juwqaiw, mrqycc dirr jinjniar jiapciog hordong sii, lanw ingwqaix jinrliong qiucuw sriok jurqiw ee iwgi. bingngiu lenrqimx ee huhy, m na hro lanw cimzip lenrqimx tuantongw, qycc hro lanw u qihue dirr simlingg-diongx qycjaiww jer lenrqimsux soxx biysut ee qinggiam.

huedngw tauu iac