Levi Qir

1 Jehovah qiyr Moses, dui' huerbo lai qra ix qongw,

2 "Liw diyhh huanhur Islaellangg qra inx qongxx, inx diongqanx narr u langg henr lexmic hro Jehovah, diyhh dui' guu-qrunn ngiuu-qrunn diongx henr jingsnix juer lexmic.

3 Ix ee lexmic narr dui' guu-qrunn cruw juer siyjer, dyrr diyhh henr jit jiah byy hacuu ee guqangw. Diyhh dirr huerbo mngkauw henr ix, tangx dirr Jehovah ee binrjingg did diyc jiaplap.

4 Ix diyhh hnuarciuw dirr siyjer ee jingsnix ee taukag dingw, dyrr uirdiyhh ix siurr jiaplap, ter ix siogjue.

5 Ix diyhh dirr Jehovah ee binrjingg taii guqangw-aw. Aalon ee qniaxsunx juer jewsix :ee, diyhh henr hitt xee huih, jiong' huih hiur dirr huerbo mngkauw, dnxuaa ee siwjiuuii.

6 Ix diyhh vrag siyjer ee jingsnix ee puee, ced ix ee bah jit der jit der.

7 Jewsix Aalon ee qniaxsunx diyhh ing huew he dirr dnxuaa-dingw, ing caa vaii dirr huew ee dingxbin.

8 Aalon ee qniaxsunx juer jewsix :ee, diyhh jiong' bacder qapp tauu qapp iuu, vaii dirr dnxuaa-dingw huew nirr ee caa.

9 Dogdok siyjer ee jongrhuw qapp tuiw, ix diyhh ing juiw qra sew. Jewsix dyrr diyhh jiong' itcer longxx siyx dirr dnxuaa-dingw juer siyjer, henr hro Jehovah juer pangx pangx ee huexjer.

10 Ix ee lexmic, narr dui' ngiuu-qrunn diongx laii juer siyjer, higsi mi'ngiuu, higsi snua'ngiuu, diyhh ing byy hacuu ee qangx :ee laii henr.

11 Diyhh dirr dnxuaa-vnix ee vaksir, dirr Jehovah ee binrjingg qra taii. Aalon ee qniaxsunx juer jewsix :ee, diyhh ing ix ee huih hiur dirr dnxuaa ee siwjiuuii.

12 Diyhh qra ix ced jit der jit der, lenrr tauu qapp iuu marr diyhh; jewsix diyhh qra vaii dirr dnxuaa-dingw huew nirr ee caa.

13 Dogdok jongrhuw qapp tuiw, diyhh ing juiw qra sew; jewsix diyhh jiong' itcer longxx henr, siyx dirr dnxuaa-dingw; jex si henr hro Jehovah juer pangx pangx ee huexjer.

14 Ix henr hro Jehovah ee lexmic, narr ing jiauxjiah juer siyjer, dyrr diyhh henr qajuix iacc si jnixaxqniaw juer lexmic.

15 Jewsix diyhh duar jiauw-aw qaur dnxuaa-jingg, jun dng ix ee tauu, dirr dnxuaa-dingw siyx; ix ee huih diyhh lrik dirr dnxuaa-vnix.

16 Qycc diyhh jiong' jiauw ee quix qapp ix ee xmngg druu .kir, hed dirr dnxuaa-vnix ee dangsir, huexhux ee soxjai.

17 Diyhh kiuw jiauw ee nng sxit, jiong' ix tiah kuix, danrsi m tangx puar hro ix dng; jewsix diyhh siyx ix dirr dnxuaa-dingw huew nirr ee caa; jex si siyjer, henr hro Jehovah juer pangx pangx ee huexjer.

2 Narr u langg henr sowjer juer lexmic hro Jehovah, diyhh ing iur ee mirhunw juer ix ee lexmic; diyhh tinn iuu dirr hitt dingxbin, he zuxhniux dirr hitt dingxbin.

2 Duar qaur Aalon ee qniaxsunx juer jewsix :ee hiax; ix dyrr dui' iur ee mirhunw diongx cruw cud jit vew laii, qapp damrvyc iuu, ixqip longxjongw ee zuxhniux. Jewsix dyrr siyx ix dirr dnxuaa-dingw juer qiwliam; jex si henr hro Jehovah juer pangx pangx ee huexjer.

3 Sowjer soxx cunx :ee, diyhh qruix hro Aalon qapp ix ee qniaxsunx; jex si henr hro Jehovah huexjer diongx juer jiww sxingr :ee.

4 Liw narr duar huexloo soxx vig ee lexmic juer sowjer, diyhh ing iur mirhunw ee byy-qnar-vniaw, ing iuu diauhyy :ee, iacc si byy qnar ee vyc vniaw ing iuu buah :ee.

5 Narr ing jenvnuaa jenx ee lexmic juer sowjer, dyrr diyhh ing diauhy'iuu, byy qnar ee iur mirhunw.

6 Diyhh vig qui' der, tinn iuu dirr dingxbin; jex si sowjer.

7 Narr ing dniaw-aw juw ee lexmic juer sowjer, dyrr diyhh ing iuu qapp iur mirhunw juer.

8 Diyhh jiong' jiaxee mic juer sowjer, duar qaur Jehovah ee binrjingg, qaudair jewsix, hro ix duar qaur dnxuaa-jingg.

9 Jewsix diyhh dui' sowjer diongx tec cud juer qiwliam :ee, siyx dirr dnxuaa-dingw; jex si henr hro Jehovah juer pangx pangx ee huexjer.

10 Sowjer soxx cunx :ee diyhh qruix hro Aalon qapp ix ee qniaxsunx; jex si henr hro Jehovah ee huexjer diongx juer jiww sxingr :ee.

11 Qniwnarr linw henr hro Jehovah ee sowjer, longxx m tangx ing qnar juer ix, in'ui qnar qapp bit linw longxx m tangx siyx ix, laii juer huexjer henr hro Jehovah.

12 Jiaxee mic linw diyhh henr hro Jehovah, juer kixtauu sik ee lexmic, danrsi m tangx jnriu dnxuaa-dingw juer pangbi.

13 Qniwnarr henr juer sowjer ee lexmic, longxx diyhh ing iamm diauhyy. Dirr liw sowjer ee dingxbin m tangx kiamwkueh linw ee Siongrder lip iog ee iamm. Liw itcer ee lexmic, longxx diyhh puer iamm laii henr.

14 Narr ing kixtauu singsik ee mic juer sowjer, henr hro Jehovah juer lexmic, diyhh ing sinx ee sui, dyrr si quer lunr, quer hangx ee hyw gnoxqog, henr ix juer linw kixtauu singsik ee sowjer.

15 Iarr diyhh tinn iuu dirr hitt dingxbin, he zuxhniux dirr hitt dingxbin; jex si sowjer.

16 Jewsix diyhh jiong' hitt diongqanx, juer qiwliam :ee, dyrr si quer lunw ee sui jit hxun, qapp iuu jit hxun, ixqip itcer ee zuxhniux, longxx siyx ix; jex si henr hro Jehovah ee huexjer.

3 Ix ee lexmic narr si siarunx ee jrer, narr dui' guu-qrunn diongx henr, bylun si qangx :ee, si buw :ee, diyhh ing byy hacuu :ee henr dirr Jehovah ee binrjingg.

2 Ix diyhh hnuarciuw dirr lexmic ee taukag dingw, taii ix dirr huerbo ee mngkauw. Aalon ee qniaxsunx juer jewsix :ee, diyhh ing huih hiur dirr dnxuaa ee jiuuii.

3 Dui' siarunjer ee diongqanx, diyhh jiong' huexjer henr hro Jehovah; ing kamr jongrhuw ee iuu, qapp jongrhuw soxu ee iuu,

4 Ixqip nng liap iyjiw, qapp inx soxu ee iuu, dyrr si uaw qin iyx siangvingg ee iuu, qapp qnuax nirr ee bangrsex, qapp iyjiw, itkair tec .kiw .laii.

5 Aalon ee qniaxsunx diyhh siyx ix dirr dnxuaa nirr siyjer ee dingxbin, dyrr si dirr huew nirr ee caa; jex si henr hro Jehovah juer pangx pangx ee huexjer.

6 Ix ee lexmic juer siarunx ee jrer henr hro Jehovah :ee, narr si dui' ngiuu-qrunn diongx, higsi qangx :ee, higsi buw :ee, diyhh ing byy hacuu :ee.

7 Narr henr jit jiah ngiu'axqniaw juer lexmic, diyhh dirr Jehovah ee binrjingg henr.

8 Iarr diyhh hnuarciuw dirr ix ee lexmic ee taukag dingw, dirr huerbo jingg laii taii. Aalon ee qniaxsunx diyhh jiong' ix ee huih hiur dirr dnxuaa ee jiuuii.

9 Dui' siarunjer ee diongqanx, diyhh jiong' huexjer henr hro Jehovah. Hitt diongqanx ee iuu, qapp ix qa'nng qix, vuii ee ngiuu-buew, dui' uaw qin jitqud ee soxjai tec .kiw .laii,

10 Ixqip kamr jongrhuw ee iuu, qapp jongrhuw soxu ee iuu, ixqip nng liap iyjiw, qapp inx soxu ee iuu, dyrr si uaw qin iyx siangvingg ee iuu, qapp qnuax nirr ee bangrsex, qapp iyjiw, itkair tec .kiw .laii.

11 Jewsix diyhh siyx ix dirr dnxuaa-dingw; jex si henr hro Jehovah juer huexjer ee jiahmic.

12 Ix ee lexmic narr si snua'ngiuu, diyhh dirr Jehovah ee binrjingg henr.

13 Diyhh hnuarciuw dirr ix ee taukag, dirr huerbo jingg taii ix. Aalon ee qniaxsunx diyhh jiong' huih hiur dirr dnxuaa ee jiuuii.

14 Ix diyhh dui' jrer henr ix ee lexmic juer huexjer hro Jehovah.

15 Ing kamr jongrhuw ee iuu, qapp jongrhuw soxu ee iuu, ixqip nng liap iyjiw, qapp inx soxu ee iuu, dyrr si uaw qin iyx siangvingg ee iuu, qapp qnuax-dingw ee bangrsex, qapp iyjiw itkair tec .kiw .laii.

16 Jewsix diyhh dirr dnxuaa-dingw siyx ix, juer huexjer ee jiahmic, cruw ix ee pangx pangx :ee; iuu longxx si Jehovah ee.

17 Dirr linw itcer kiarkiw ee soxjai, iuu qapp huih longxx m tangx jiac; jex beh juer linw dagg sewdai ingxuanw dniardiyc ee le."

4 Jehovah huanhur Moses qongxx,

2 "Liw diyhh huanhur Islaellangg qongxx, narr u langg huanrjue, cywgo huan diyc Jehovah soxx bingrling m tangx qniaa ee jit hxang, dyrr diyhh anxnix juer.

3 Narr siurr buah iuu ee jewsix huanrjue, lenlui vecsnir dirr jue, dyrr diyhh in'ui ix soxx huan ee jue, ing byy hacuu ee guqangw-aw henr hro Jehovah juer siogjuerjer.

4 Ix diyhh kanx guqangw-aw qaur huerbo mngkauw, dirr Jehovah ee binrjingg, hnuarciuw dirr guqangw-aw ee taukag dingw, taii guqangw-aw dirr Jehovah ee binrjingg.

5 Siurr buah iuu ee jewsix diyhh cruw damrvyc guqangw ee huih, duar qaur huerbo.

6 Jewsix diyhh ing jngxtauu-aw unr huih, dirr Jehovah ee binrjingg, dui' sxingr sow ee dniuwlii jingg, hiur huih cid vaiw.

7 Jewsix qycc diyhh ing damrvyc huih buah dirr huerbo lai, dirr Jehovah ee binrjingg, hniudnuaa hiaxee qag hiax. Ix iarr diyhh ing guqangw-aw ee huih longxx vniar dirr huerbo mngkauw siyjer ee dnxuaa-kax.

8 Ix diyhh qra siogjuerjer ee guqangw-aw soxu ee iuu longxx tec .kiw .laii, ing kamr jongrhuw ee iuu, qapp jongrhuw soxu ee iuu,

9 Ixqip nng liap iyjiw, qapp inx soxu ee iuu, dyrr si uaw qin iyx siangvingg ee iuu, qapp qnuax nirr ee bangrsex, qapp iyjiw, itkair tec .kiw .laii,

10 Qapp dui' siarunjer ee guqangw-aw soxx tec .kiw .laii .ee jidngiu; jewsix diyhh siyx hiaxee dirr siyjer ee dnxuaa-dingw.

11 Guqangw-aw ee puee qapp soxu ee bah, qapp ix ee tauu, ix ee tuiw, ix ee jongrhuw, ix ee vunr,

12 Dyrr si qa'nng jiah guqangw-aw diyhh duar cud ngiaa-gua qaur cingkir ee de, vniar huexhux ee soxjai; ing huew dirr caa-dingw siyx, dirr vniar huexhux ee soxjai qra siyx.

13 Narr si Islael juann hue qniaa cyr, qniaa Jehovah soxx bingrling m tangx qniaa ee jit hxang su, drir qaur u jue, danrsi dairjir iauxquxx unxbat, huerjiongr iauxx knuar byy diyc.

14 Qaur soxx huan ee jue jid'err hro langg jaix, huerjiongr dyrr diyhh henr jit jiah guqangxaxqniaw juer siogjuerjer, qra kanx qaur huerbo jingg.

15 Hue-diongx ee dniuxlyw dyrr diyhh dirr Jehovah ee binrjingg hnuarciuw dirr guqangw-aw ee taukag dingw, guqangw-aw diyhh dirr Jehovah ee binrjingg taii.

16 Siurr buah iuu ee jewsix diyhh cruw damrvyc guqangw-aw ee huih, duar qaur huerbo;

17 Jewsix diyhh ing jngxtauu-aw unr huih dirr Jehovah ee binrjingg, dirr dniuwlii ee taujingg hiur cid vaiw.

18 Qycc diyhh ing damrvyc huih buah dirr huerbo lai, dirr Jehovah ee binrjingg ee dnxuaa hiaxee qag. Ix iarr diyhh ing soxu ee huih, longxx vniar dirr huerbo ee mngkauw, siyjer ee dnxuaa-kax.

19 Diyhh jiong' soxu ee iuu longxx tec .kiw .laii, siyx dirr dnxuaa-dingw.

20 Qniaa dirr jitt jiah guqangw-aw :ee diyhh cincniu soxx qniaa dirr siogjuerjer ee guqangw-aw, diyhh jiauww anxnix qniaa. Jewsix anxnix ter inx siogjue, inx dyrr beh did diyc siawbenw.

21 Ix diyhh jiong' guqangw-aw duar cud ngiaa-gua qra siyx, cincniu siyx tauu jit jiah guqangw-aw jidngiu; jex si huerjiongr ee siogjuerjer.

22 Qnuadniuw narr u huanrjue, qniaa Jehovah, ix ee Siongrder, soxx bingrling m tangx qniaa ee jit hxang su, drir qaur u jue;

23 Soxx huan ee jue qaur ix qaqi jaix, dyrr diyhh kanx jit jiah byy hacuu ee snua'ngiuqangw juer ix ee lexmic.

24 Diyhh hnua ix ee ciuw dirr snua'ngiuu ee taukag dingw, dirr Jehovah ee binrjingg qra taii, dirr taii siyjer ee jingsnix ee soxjai; jex si siogjuerjer.

25 Jewsix diyhh ing jngxtauu-aw tec damrvyc siogjuerjer ee huih, buah dirr siyjer ee dnxuaa hiaxee qag, jiong' huih vniar dirr siyjer ee dnxuaa-kax.

26 Soxu ee iuu, ix longxx diyhh siyx dirr dnxuaa-dingw, cincniu siarunjer ee iuu jidngiu. Lun qaur ix ee jue, jewsix anxnix qra ix siogjue, ix dyrr beh did diyc siawbenw.

27 Vecsnir diongx narr u langg cywgo huanrjue, qniaa Jehovah soxx bingrling m tangx qniaa ee jit hxang su, drir qaur u jue,

28 Soxx huan ee jue qaur ix qaqi jaix, ix in'ui soxx huan ee jue, dyrr diyhh kanx jit jiah byy hacuu ee snua'ngiubuw, juer ix ee lexmic.

29 Diyhh hnua ix ee ciuw dirr siogjue jingsnix ee taukag dingw, dirr siyjer ee soxjai, taii siogjuerjer ee jingsnix.

30 Jewsix diyhh ing jngxtauu-aw tec damrvyc ngiuhuih, buah dirr siyjer ee dnxuaa hiaxee qag; soxu ee huih longxx diyhh vniar dirr dnxuaa-kax nirr.

31 Diyhh jiong' ix soxu ee iuu longxx tec .kiw .laii, cincniu tec siarunjer ee iuu jidngiu; jewsix diyhh dirr dnxuaa-dingw qra siyx, dirr Jehovah ee binrjingg juer pangbi. Jewsix diyhh uirr ix siogjue, ix dyrr beh did diyc siawbenw.

32 Ix narr kanx jit jiah mi'ngiuu-aw juer siogjuerjer ee lexmic, dyrr diyhh kanx jit jiah byy hacuu ee ngiubuw.

33 Diyhh hnua ix ee ciuw dirr siogjue jingsnix ee taukag dingw; dirr taii siyjer ee soxjai, taii siogjuerjer ee jingsnix.

34 Jewsix diyhh ing jngxtauu-aw tec damrvyc siogjuerjer jingsnix ee huih, buah dirr siyjer ee dnxuaa hiaxee qag, soxu ee huih longxx diyhh vniar dirr dnxuaa-kax nirr.

35 Diyhh jiong' ix soxu ee iuu longxx tec .kiw .laii, cincniu siarunjer tec kir ngiuu-aw ee iuu jidngiu; jewsix diyhh dirr dnxuaa-dingw qra siyx, cincniu henr hro Jehovah ee huexjer. Lun qaur ix soxx huan .diyc ee jue, jewsix diyhh anxnix qra ix siogjue, ix dyrr beh did diyc siawbenw.

5 Narr u langg huanrjue, dyrr si tniax qnir jiuwjua ee sniax, iarr ix vunw diyhh juer qanjingr. Danrsi soxx knuar .qnir, iacc si soxx jaix :ee, ix m qongw, ix diyhh damdngx ix ee jue.

2 Narr u langg bongx diyc byy cingkir ee mic, higsi byy cingkir ee sriur ee sinsix, higsi byy cingkir ee jingsnix ee sinsix, higsi byy cingkir ee tangtua ee sinsix, ix dyrr byy cingkir, qaur ix jaix, ix dyrr u jue.

3 Iacc si ix bongx diyc vadd langg ee byy cingkir, bylun bag diyc simxmih byy cingkir laii byy cingkir, danrsi ix m jaix; qaur jid'err jaix, dyrr u jue.

4 Iacc si u langg suiven jiuwjua, cuir qongw beh juer pnaiw, beh juer hyw; bylun langg dirr simxmih su suiven jiuwjua, qaur jid'err jaix, dyrr dirr jiaxee hxang ee jit hxang, ix sngr juer u jue.

5 Ix dirr jiaxee hxang ee jit hxang u jue, dyrr diyhh singzin ix soxx huan ee jue.

6 Iarr diyhh in'ui soxx huan ee jue, duar vow quewsid ee jrer, qaur Jehovah ee binrjingg, dyrr si ngiuu-qrunn diongx ee buw :ee, higsi mi'ngiuu-aw, higsi snua'ngiuu juer siogjue ee jrer. Lun qaur ix ee jue, jewsix diyhh anxnix qra ix siogjue.

7 Ix ee kuiwlat narr byy qauwgiac tangx henr jit jiah ngiuu-aw, dyrr diyhh in'ui ix soxx huan ee jue, ing nng jiah qajuix, iacc si nng jiah jnixaxqniaw, duar qaur Jehovah ee binrjingg juer vow quewsid ee jrer; jit jiah juer siogjuerjer, jit jiah juer siyjer.

8 Ix diyhh jiong' jiaxee duar qaur jewsix hiax; jewsix dyrr diyhh dairsingx henr hitt jiah juer siogjuerjer :ee; dui' amrqunw jun ix ee tauu, danrsi m tangx qra ix puawquix.

9 Ix iarr diyhh ing jitt xee siogjuerjer ee huih, hiur dirr dnxuaa-vnix; soxx cunx ee huih diyhh lrik dirr dnxuaa-kax; jex si siogjuerjer.

10 Ix diyhh jiauww le henr derr zi jiah juer siyjer. Lun qaur ix soxx huan ee jue, jewsix jiauww anxnix qra ix siogjue, dyrr beh did diyc siawbenw.

11 Ix ee kuiwlat narr byy qauwgiac tangx henr nng jiah qajuix, iacc si nng jiah jnixaxqniaw, dyrr diyhh in'ui ix soxx huan ee jue, duar ix ee lexmic laii, dyrr si iur ee mirhunw efah ee jap hxun jit, juer siogjuerjer, m tangx lyc iuu, iarr m tangx camx zuxhniux; in'ui si siogjuerjer.

12 Ix diyhh jiong' lexmic duar qaur jewsix hiax; jewsix diyhh lrak jit lrak, laii juer ix ee qiwliam, siyx dirr dnxuaa-dingw, jiauww henr hro Jehovah ee huexjer; jex si siogjuerjer.

13 Lun qaur ix dirr jitt quiw hxang su ee diongqanx soxx huan ee jit hxang, jewsix anxnix qra ix siogjue, ix dyrr beh did diyc siawbenw; soxx cunx :ee longxx qruix hro jewsix, qapp sowjer jidngiu."

14 Jehovah huanhur Moses qongxx,

15 "Langg narr dirr Jehovah ee singwmic cywgo huanrjue, drir qaur u quewsid, dyrr diyhh ing vow quewsid ee jrer laii henr hro Jehovah, jiauww liw soxx qrow sekel ee ginn, dyrr si jiauww sxingr sow ee sekel, dui' ngiuu-qrunn diongx ing byy hacuu ee mi'ngiuqangw, juer vow quewsid ee jrer.

16 Qycc inx in'ui dirr singwmic ee cywgo diyhh vuee, lingrgua diyhh qex go hxun ee jit hxun qaux hro jewsix; jewsix ing vow quewsid ee jrer ee mi'ngiuqangw, ter ix sioghuee, ix dyrr beh did diyc siawbenw.

17 Narr u langg huanrjue qniaa Jehovah soxx bingrling m tangx qniaa ee jit hxang su, ix suizenn m jaix, iarr si u jue, dyrr diyhh damdngx ix ee jue.

18 Ix diyhh jiauww liw soxx qrow :ee, dui' ngiuu-qrunn diongx kanx jit jiah byy hacuu ee mi'ngiuqangw, laii qaux hro jewsix juer vow quewsid ee jrer, in'ui ix cywgo huan .diyc, ix iarr m jaix, jewsix ter ix siogjue, ix dyrr beh did diyc siawbenw.

19 Jex si vow quewsid ee jrer, in'ui ix dirr Jehovah ee binrjingg sidjai u quewsid."

6 Jehovah huanhur Moses qongxx,

2 "Narr u langg huanrjue qanhuan Jehovah, duiww ix ee cuwvnix qniaa kuixjar, higsi soxx qaudair ix mihqnia, higsi qauquanx bexbe, higsi cniuw langg' ee jaibut,

3 Higsi ki'ab cuwvnix, higsi kiyh diyc sitlyc ee mic, qniaa kuixjar, vehcat laii jiuwjua; dirr soxx qniaa itcer ee su ee diongqanx narr huan diyc jit hxang, dyrr u jue.

4 Ix narr huan .diyc, drir qaur u quewsid, dyrr diyhh hingg soxx cniuw :ee; iacc si in'ui ki'ab soxx did .diyc .ee, iacc si soxx qaudair ix ee mic, iacc si langg' sitlyc hro ix soxx kiyh .diyc ee mic,

5 Iacc si ix in'ui simxmih mic vehcat jiuwjua, dyrr diyhh jiauww siauwgiac laii hingg; dirr craa cud ix u quewsid ee zit, diyhh lingrgua qex go hxun ee jit hxun hingg vunxjuw.

6 Iarr diyhh jiauww liw soxx qrow :ee, ing ix vow quewsid ee jrer, dyrr si ngiuu-qrunn diongx jit jiah byy hacuu ee mi'ngiuqangw kanx qaur Jehovah ee binrjingg, qaux hro jewsix juer vow quewsid ee jrer.

7 Jewsix diyhh dirr Jehovah ee binrjingg, ter ix siogjue, ix bylun qniaa simxmih su hro ix u jue :ee, longxx beh did diyc siawbenw."

8 Jehovah huanhur Moses qongxx,

9 "Liw diyhh bingrling Aalon qapp ix ee qniaxsunx qongxx, siyjer ee le si anxnix. Siyjer diyhh he dirr dnxuaa ee caa-dingw, jit mii qaur qngx, dnxuaa-dingw ee huew diyhh siongsiongg dyc.

10 Jewsix diyhh cing iuwduervor ee ihok, ersinx iarr diyhh cing iuwduervor ee kor, jiong' dnxuaa-dingw ee huew soxx siyx juer siyjer ee hux siux .kiw .laii, vniar dirr dnxuaa-vnix.

11 Zen'au diyhh trngr kir jitt xee ihok, cing vadd hy ee ihok, jiong' huexhux duar cud ngiaa-gua qaur cingkir ee soxjai.

12 Dnxuaa-dingw ee huew diyhh dirr dingxbin siongsiongg dyc, m tangx huax. Jewsix diyhh dagg jaxkiw dirr hitt dingxbin siyx caa, qycc jiong' siyjer vaii dirr dnxuaa-dingw, dirr hitt dingxbin siyx siarunx ee iuu.

13 Dirr dnxuaa-dingw ee huew diyhh siongsiongg dyc, m tangx huax.

14 Sowjer ee le si anxnix. Aalon ee qniaxsunx diyhh dirr dnxuaa-jingg, jiong' jex henr dirr Jehovah ee binrjingg.

15 Ix diyhh dui' hitt diongqanx, tec cud sowjer ee mirhunw jit vew, qapp iuu, qapp sowjer diongx soxu ee zuxhniux, siyx dirr dnxuaa-dingw juer qiwliam, henr hro Jehovah juer pangbi.

16 Soxx cunx :ee, Aalon qapp ix ee qniaxsunx diyhh qra jiac; diyhh dirr sxingr ee soxjai, m tangx camx qnar, laii jiac; diyhh dirr huerbo ee ngi-lai jiac.

17 M tangx camx qnar laii vig ix. Jex si Guaw dui' Guaw ee huexjer diongx, sniuxsur inx ee hunrgiac; si jiww sxingr :ee, qapp siogjuerjer, ixqip vow quewsid ee jrer jidngiu.

18 Qniwnarr Aalon qniaxsunx diongx davox :ee, longxx diyhh jiac ix, dui' Jehovah ee huexjer diongx, juer ingxuanw ee hunrgiac, didqaur linw ee banrdai; bongx jiaxee jewmic :ee, longxx beh jniaa juer sxingr."

19 Jehovah huanhur Moses qongxx,

20 "Aalon qapp ix ee qniaxsunx dirr ix siurr buah iuu ee zit, soxx diyhh henr hro Jehovah ee lexmic, dyrr si iur ee mirhunw efah jap hxun ee jit hxun, juer siongsiongg henr ee sowjer; jaxkiw-sii jidvnuar, ehngx-sii jidvnuar.

21 Diyhh dirr jenvnuaa ing iuu laii juer; diauhyy liauw, liw dyrr diyhh tec .zip .laii; vig hyw jit der jit der, juer sowjer, henr hro Jehovah juer pangbi.

22 Ix ee qniaxsunx diongx suawjiab ix siurr buah iuu juer jewsix, diyhh henr ix, diyhh itjin siyx hro Jehovah; jex si ingxuanw ee le.

23 Jewsix ee sowjer diyhh itjin siyx, m tangx jiac."

24 Jehovah huanhur Moses qongxx,

25 "Liw diyhh huanhur Aalon qapp ix ee qniaxsunx qongxx, siogjuerjer ee le, dyrr si anxnix. Diyhh dirr Jehovah ee binrjingg, dirr taii siyjer ee jingsnix ee soxjai, laii taii siogjuerjer ee jingsnix; jex si jiww sxingr ee mic.

26 Uirr siogjue henr hitt xee jrer ee jewsix diyhh jiac ix; diyhh dirr sxingr ee soxjai, dyrr si dirr huerbo ee ngi-lai jiac ix.

27 Qniwnarr bongx ix ee bah :ee, beh jniaa juer sxingr; ix ee huih narr hiur dirr simxmih ihok ee dingxbin, soxx hiur .diyc hitt niaw, liw diyhh dirr sxingr ee soxjai sew.

28 Narr juw dirr huii ee kiwqu, diyhh qra ix qongr puar; narr juw dirr dangg ee kiwqu, jitt xee kiwqu diyhh quer buaa, jiacc ing juiw sew.

29 Qniwnarr jewsix diongx ee davodingx, longxx diyhh jiac ix; jex si jiww sxingr ee mic.

30 Qniwnarr siogjuerjer, ix ee huih narr duar zip huerbo dirr sxingr sow siogjue, longxx m tangx jiac ix; diyhh ing huew qra siyx.

7 Vow quewsid ee jrer ee quile si anxnix; jitt xee si jiww sxingr :ee.

2 Dirr taii siyjer ee soxjai, iarr diyhh dirr hiax taii vow quewsid ee jrer; ix ee huih diyhh hiur dirr dnxuaa nirr ee siwuii.

3 Ix ee iuu diyhh longxx henr. Hitt xee vuii ee buew, qapp kamr jongrhuw ee iuu,

4 Nng liap iyjiw, qapp inx soxu ee iuu, dyrr si uaw qin iyx siangvingg ee iuu, qapp qnuax nirr ee bangrsex, qapp iyjiw itkair tec .kiw .laii.

5 Jewsix diyhh dirr dnxuaa-dingw siyx ix, juer henr hro Jehovah ee huexjer; jex si vow quewsid ee jrer.

6 Jewsix diongx ee davodingx longxx diyhh jiac ix, dirr sxingr ee soxjai jiac; jex si jiww sxingr :ee.

7 Siogjuerjer simxmih kuanw, vow quewsid ee jrer iarr si anxnix; inx ee quile si jidngiu; ing hitt xee laii siogjue ee jewsix, dyrr did diyc jitt xee mic.

8 Jewsix qra langg henr siyjer, dyrr ix soxx henr siyjer ee jingsnix ee puee, qruix dirr jewsix vunxsinx.

9 Qniwnarr dirr huexloo vig ee sowjer, qapp dirr dniaw-aw, dirr jenvnuaa virvan :ee, longxx diyhh qruix dirr henr hitt xee jrer ee jewsix.

10 Qniwnarr sowjer, bylun si camx iuu :ee, iacc si dax :ee, longxx diyhh qruix Aalon ee qniaxsunx, dairqex vnivunx.

11 Langg henr siarunjer hro Jehovah, hitt xee quile dyrr si anxnix.

12 Ix narr uirdiyhh qamxsia laii henr, dyrr diyhh ing diauhyy iuu ee byy-qnar-vniaw, qapp buah iuu byy qnar ee vyc vniaw, ixqip ciaux hro ix jiauu ee mirhunw, ing iuu diauhyy juer ee vniaw, qapp qamxsia ee jrer snaqab laii henr.

13 Diyhh ing u qnar ee vniaw, qapp uirdiyhh qamxsia laii henr ee siarunjer, qapp ix ee lexmic snaqab laii henr.

14 Diyhh dui' dagg hxang lexmic ee diongqanx, tec jit hxang henr hro Jehovah juer quxjer; jex diyhh qruix dirr hiur siarunjer ee huih ee jewsix.

15 Uirdiyhh qamxsia laii henr ee siarunjer ee bah, diyhh dirr henr lexmic ee zit jiac ix, jit diamw aw dy' m tangx lauu qaur tnix qngx.

16 Narr ix soxx henr ee lexmic, si uirdiyhh siarguan, iacc si qamsimx henr :ee, diyhh dirr ix henwjer ee zit jiac ix; soxx cunx :ee binaxzit tangx jiac ix.

17 Dogdok soxx cunx ee jewbah, qaur derr snax zit diyhh ing huew siyx.

18 Qaur derr snax zit narr jiac siarunjer ee bah, jitt xee jrer byy did diyc jiaplap, iarr byy qra henr :ee sngr gxiac; huanxdngw si juer tangx iamwngor :ee; jiac ix ee langg dyrr diyhh damdngx ix ee ue.

19 Jewbah narr kap diyc byy cingkir ee mic, dyrr m tangx jiac, diyhh ing huew siyx. Lun qaur jrer ee bah, qniwnarr cingkir ee langg longxx tangx jiac ix;

20 Dogdok sriok dirr Jehovah siarunjer ee bah, langg narr sinkux bag diyc byy cingkir laii jiac ix, jitt xee langg diyhh dui' ix ee vecsnir diongx jenxduu .kir.

21 U langg bongx diyh simxmih byy cingkir ee mic, higsi langg ee byy cingkir, higsi byy cingkir ee jingsnix, higsi byy cingkir kyxngor ee mic, laii jiac diyc sriok dirr Jehovah siarunjer ee bah, jitt xee langg diyhh dui' ix ee vecsnir diongx jenxduu .kir."

22 Jehovah huanhur Moses qongxx,

23 "Liw diyhh huanhur Islaellangg qongxx, bylun si guu, iacc si mi'ngiuu, iacc si snua'ngiuu ee iuu, linw longxx m tangx jiac ix.

24 Qaqi siw :ee ee iuu, qapp hro iaxsiur tiah :ee ee iuu, tangx juer vadd mic ee loring; dogdok linw cenban m tangx jiac.

25 E tangx henr hro Jehovah juer huexjer ee jingsnix ee iuu, qniwnarr jiac ix ee langg, hitt xee langg diyhh dui' ix ee vecsnir diongx jenxduu .kir.

26 Dirr linw itcer soxx kiarkiw ee soxjai, bylun si jiauw iacc si iaxsiur ee huih, linw longxx m tangx jiac ix.

27 Bylun simxmih langg jiac simxmih huih, hitt langg diyhh dui' ix ee vecsnir diongx jenxduu .kir."

28 Jehovah huanhur Moses qongxx,

29 "Liw diyhh huanhur Islaellangg qongxx, qniwnarr henr siarunjer hro Jehovah :ee, diyhh dui' ix ee siarunjer diongx, duar ix ee lexmic laii hro Jehovah.

30 Ix diyhh cinciuw duar henr hro Jehovah ee huexjer laii, dyrr si duar iuu qapp hxingx laii, tangx ing hxingx dirr Jehovah ee binrjingg juer iyjer laii iyy ix.

31 Jewsix diyhh jiong' iuu siyx dirr dnxuaa-dingw; dogdok hxingx diyhh qruix dirr Aalon qapp ix ee qniaxsunx.

32 Linw diyhh dui' linw siarunjer, jiong' jniar tuiw juer quxjer, qruix hro jewsix.

33 Aalon ee qniaxsunx diongx, henr siarunjer ee huih qapp iuu :ee, diyhh did diyc hitt xee jniar tuiw juer inx ee hunrgiac.

34 In'ui guaw dui' Islaellangg siarunjer ee diongqanx cruw jitt xee iyy ee hxingx, qapp quxkiw ee tuiw, hro jewsix Aalon qapp ix ee qniaxsunx, juer inx dui' Islaellangg soxx ingxuanw did .diyc ee hunrgiac."

35 Jex si dui' Jehovah huexjer diongx, tec cud juer Aalon siurr buah iuu ee hunrgiac, qapp ix ee qniaxsunx siurr buah iuu ee hunrgiac, dirr ix cua inx laii drngx jewsix ee jitbu hogsai Jehovah ee zit.

36 Dyrr si ix qra inx buah iuu ee zit, Jehovah huanhur Islaellangg qiongqib inx :ee, juer inx dagg sewdai ingxuanw did .diyc ee hunrgiac.

37 Jex si siyjer, sowjer, siogjuerjer, vow quewsid ee jrer, setlip singwjid ee jrer, qapp siarunjer ee quile.

38 Longxx si Jehovah dirr Sinai Snuax soxx bingrling Moses :ee, dyrr si ix dirr Sinai Snuax ee kongwiaw bingrling Islaellangg henr lexmic hro Jehovah ee zit.

8 Jehovah huanhur Moses qongxx,

2 "Liw diyhh jiong' Aalon qapp ix ee qniaw, ixqip ihok, buah inx ee iuu, qapp siogjuerjer ee jit jiah guqangw, nng jiah mi'ngiuqangw, jit kingx byy-qnar-vniaw, longxx duar .laii.

3 Qycc jiyjip huerjiongr qaur huerbo mngkauw."

4 Moses jiauww Jehovah soxx bingrling ix :ee laii qniaa; dui' anxnix huerjiongr dyrr jurjip dirr huerbo mngkauw.

5 Moses qra huerjiongr qongw, "Jex dyrr si Jehovah soxx bingrling diyhh qniaa ee su."

6 Moses duar Aalon qapp ix ee qniaw laii, ing juiw qra inx sew.

7 Qra ix cing lairsnax, haa duar, cing guarpaur, tac efod, ing qikaw ee qangx soxx jrid efod ee duar qra ix haa, ing anxnix laii vak dirr ix ee sinkux.

8 Qycc qra ix diyr voxquar, ing Ulim qapp Tummim, he dirr voxquar lai.

9 Ing by dir dirr ix ee taukag; dirr by taujingg ee dingxbin diyr qimvaii, dyrr si sxingr ee benxliuu. Jiaxx longxx si jiauww Jehovah soxx bingrling Moses :ee.

10 Moses ing buah inx ee iuu buah huerbo, qapp qidiongx soxu ee mic, hunvet ix juer sxingr.

11 Qycc ing hitt xee iuu hiur dnxuaa-dingw cid vaiw, iarr buah dnxuaa qapp ix itcer ee kiwqu qapp sexdng ee punn, qapp ix ee jxy, hunvet ix juer sxingr.

12 Qycc ing buah ee iuu dyr dirr Aalon ee taukag dingw, laii buah ix, hunvet ix juer sxingr.

13 Moses duar Aalon ee qniaw laii, qra inx cing lairsnax, haa duar, vaux taukag ee qin'aw. Jiaxee longxx si jiauww Jehovah soxx bingrling Moses :ee.

14 Ix kanx siogjuerjer ee guqangw-aw laii. Aalon qapp ix ee qniaw hnuarciuw dirr siogjuerjer guqangw-aw ee taukag; dyrr taii ix.

15 Moses tec huih, ing jngxtauu-aw buah dirr dnxuaa-dingw siwjiuuii hiaxee qag, hro dnxuaa cingkir; jiong' huih dryr dirr dnxuaa-kax hiax, hunvet ix juer sxingr, qra ix siogjue.

16 Qycc tec jongrhuw soxu ee iuu, qapp qnuax nirr ee bangrsex, ixqip nng liap iyjiw, qapp inx soxu ee iuu, Moses longxx dirr dnxuaa-dingw qra siyx.

17 Narr si guqangw-aw, ix ee puee, ix ee bah, ix ee vunr, ing huew siyx dirr ngiaa-gua. Jiaxee si jiauww Jehovah soxx bingrling Moses :ee.

18 Ix kanx siyjer ee mi'ngiuqangw laii. Aalon qapp ix ee qniaw hnuarciuw dirr ngiuqangw ee taukag; dyrr taii ix.

19 Moses ing huih hiur dirr dnxuaa-dingw ee jiuuii.

20 Jiong' ngiuu ced jit der jit der. Moses qra tauu, bacder, ixqip iuu longxx siyx;

21 Ing juiw sew jongrhuw qapp tuiw. Moses dyrr jiong' qa'nng jiah ee ngiuu siyx dirr dnxuaa-dingw, juer pangx pangx ee siyjer, juer huexjer henr hro Jehovah; longxx si jiauww Jehovah soxx bingrling Moses :ee.

22 Ix qycc kanx derr zi jiah mi'ngiuqangw, dyrr si setlip singwjid ee lew ee ngiuu. Aalon qapp ix ee qniaw hnuarciuw dirr ngiuu ee taukag; dyrr taii ix.

23 Moses tec damrvyc huih buah dirr Aalon ee jniar vingg ee hni'axsuii, qapp jniar ciuw ee duarvorbuw, qapp jniar kax ee duarvorbuw.

24 Qycc duar Aalon ee qniaw laii, Moses ing damrvyc huih buah dirr inx jniar vingg ee hni'axsuii, qapp jniar ciuw ee duarvorbuw, qapp jniar kax ee duarvorvbuw. Moses qycc ing huih hiur dirr dnxuaa-dingw ee jiuuii.

25 Qycc cruw iuu, qapp vuii ee buew, ixqip jongrhuw itcer ee iuu, qapp qnuax nirr ee bangrsex, nng liap iyjiw qapp inx ee iuu, qapp jniar tuiw.

26 Qycc dui' Jehovah ee binrjingg, drew byy-qnar-vniaw ee kingx, tec cud jit der byy-qnar-vniaw, jit der iuvniaw, jit der vyc vniaw, longxx he dirr iuu qapp jniar tuiw dingw.

27 Jiong' jex itcer he dirr Aalon ee ciuw, qapp ix ee qniaw ee ciuw, juer iyjer, dirr Jehovah ee binrjingg iyy ix.

28 Moses dui' inx ee ciuw tec .lyc .laii, siyx dirr dnxuaa nirr siyjer ee dingxbin, longxx si setlip singwjid ee lew, juer pangx pangx; si juer henr hro Jehovah ee huexjer.

29 Moses tec ngiuu ee hxingx juer iyjer, dirr Jehovah ee binrjingg iyy ix; si dirr setlip singwjid ee lew ee ngiuu, Moses soxx did .diyc ee hunrgiac. Jiaxee longxx si jiauww Jehovah soxx bingrling Moses :ee.

30 Moses tec buah ee iuu, qapp dnxuaa-dingw ee huih, hiur dirr Aalon qapp ix ee snxax, ixqip ix ee qniaw, qapp ix ee qniaw ee snxax, hro Aalon qapp ix ee snxax, ixqip ix ee qniaw, qapp ix ee qniaw ee snxax, snaqab juer sxingr.

31 Moses duiww Aalon qapp ix ee qniaw qongw, "Jiong' bah dirr huerbo ee mngkauw juw, dirr hiax jiac, iarr jiac setlip singwjid ee lew, kingx-aw lai ee vniaw, jiauww guaw soxx bingrling :ee, qongw, 'Jex si Aalon qapp ix ee qniaw diyhh jiac :ee.'

32 Soxx cunx ee bah qapp vniaw, linw diyhh ing huew siyx .kir.

33 Linw cid zit quw m tangx cud huerbo ee mngg, qaur linw siurr setlip ee lew ee zit muaw; in'ui cid zit quw Ix beh qra linw qniaa setlip ee lew.

34 Cincniu qinaxzit soxx qniaa :ee, Jehovah huanhur diyhh anxnix qniaa, uirdiyhh linw siogjue.

35 Cid zit quw linw diyhh mizit diamr dirr huerbo mngkauw, siuw Jehovah soxx bingrling ee jithun, benw did linw siw; in'ui guaw soxx sriu ee bingrling si anxnix."

36 Aalon qapp ix ee qniaw dyrr qniaa Jehovah tog Moses soxx bingrling itcer ee su.

9 Qaur derr veh zit, Moses driaur Aalon qapp ix ee qniaw, ixqip Islael hiaxee dniuxlyw laii, duiww Aalon qongw,

2 "Liw diyhh cruw jit jiah ser jiah guqangw-aw, juer siogjuerjer, jit jiah mi'ngiuqangw juer siyjer, diyhh byy hacuu :ee, henr dirr Jehovah ee binrjingg.

3 Liw iarr diyhh huanhur Islaellangg qongxx, 'Linw diyhh cruw jit jiah snua'ngiuqangw juer siogjuerjer; qycc cruw jit jiah gu'axqniaw, qapp jit jiah mi'ngiuu-aw, longxx diyhh bue muaw nii, qycc diyhh byy hacuu :ee, juer siyjer.

4 Qycc cruw jit jiah guqangw, jit jiah mi'ngiuqangw, juer siarunjer, henr dirr Jehovah ee binrjingg, qapp cruw diauhyy ee iuu ee sowjer, in'ui qinaxzit Jehovah beh henxhen hro linw knuar.'"

5 Inx dyrr jiauww Moses soxx bingrling :ee duar qaur huerbo jingg; huerjiongr longxx qinruaw laii kia dirr Jehovah ee binrjingg.

6 Moses qongw, "Jex si Jehovah bingrling linw soxx diyhh qniaa :ee; Jehovah ee ingqngx dyrr beh henxhen hro linw knuar."

7 Moses duiww Aalon qongw, "Liw diyhh qaur dnxuaa-jingg, henr liw ee siogjuerjer, qapp liw ee siyjer, uirr vunxsinx qapp vecsnir siogjue; qycc henr vecsnir ee lexmic, ter inx siogjue, longxx jiauww Jehovah soxx bingrling :ee."

8 Aalon dyrr qaur dnxuaa-jingg, taii hitt jiah gu'axqniaw, uirr vunxsinx juer siogjuerje :ee.

9 Aalon jiaxee qniaw pangg hitt xee huih hro ix; ix dyrr ing jngxtauu-aw unr huih, buah dirr dnxuaa-dingw hiaxee qag; qycc ing huih dryr dirr dnxuaa-kax nirr.

10 Dogdok siogjuerjer ee iuu qapp iyjiw, qapp qnuax nirr ee bangrsex, ix longxx siyx dirr dnxuaa-dingw; jiauww Jehovah soxx bingrling Moses :ee.

11 Ix qycc ing huew jiong' bah qapp puee siyx dirr ngiaa-gua.

12 Dyrr taii siyjer ee jingsnix. Aalon jiaxee qniaw pangg huih hro ix, ix dyrr hiur dirr dnxuaa-dingw ee jiuuii.

13 Inx qycc ing siyjer ee bah, jit der jit der lenrr tauu tec hro ix; ix longxx siyx dirr dnxuaa-dingw.

14 Ix qycc sew jongrhuw qapp tuiw, siyx dirr dnxuaa-dingw siyjer ee dingxbin.

15 Ix duar vecsnir ee lexmic, taii hitt jiah juer vecsnir siogjuerjer ee snua'ngiuqangw, uirdiyhh jue laii henr, qapp kixtauu :ee qangg jit ngiu.

16 Iarr duar siyjer jiauww le laii henr.

17 Ix qycc duar sowjer, dui' hitt diongqanx mix jit vew; jex si dirr jaxkiw-sii ee siyjer ixgua qycc henr :ee.

18 Qycc taii guqangw qapp mi'ngiuqangw juer vecsnir ee siarunjer. Aalon jiaxee qniaw pangg huih hro ix, ix dyrr hiur dirr dnxuaa-dingw ee jiuiuu.

19 Qycc tec guqangw ee iuu, qapp mi'ngiuqangw vuii ee buew, ixqip kamr jongrhuw ee iuu, qapp iyjiw, qapp qnuax nirr ee bangrsex.

20 Inx jiong' jiaxee iuu he dirr hiaxee hxingx ee dingxbin, ix dyrr jiong' iuu siyx dirr dnxuaa-dingw.

21 Jiaxee hxingx qapp jniar tuiw, Aalon ing ix juer iyjer, dirr Jehovah ee binrjingg iyy ix; longxx si jiauww Moses soxx bingrling :ee.

22 Aalon ngr vecsnir giac kiw ciuw, qra inx jiokhog; ix ixqing’ henr siogjuerjer, siyjer, qapp siarunjer, dyrr lyc .laii.

23 Moses qapp Aalon jinwzip huerbo, qycc cud laii qra vecsnir jiokhog; Jehovah ee ingqngx dyrr henxhen hro jiongww vecsnir knuar .qnir.

24 U huew dui' Jehovah ee binrjingg cud .laii, siyx dnxuaa-dingw ee siyjer qapp iuu. Jiongww vecsnir knuar .qnir, dyrr cud dua hnuahiw ee sniax, pag dirr de nirr.

10 Aalon ee qniaw Nadab, Abihu, dagg xee tec qaqi ee hniuloo, drew huew, qapp hniux, dirr Jehovah ee binrjingg henr vadd hy ee huew; jex si Ix soxx byy bingrling inx :ee.

2 Dyrr u huew dui' Jehovah ee binrjingg huad cud, laii siyx inx; inx dyrr siw dirr Jehovah ee binrjingg.

3 Moses duiww Aalon qongw, "Jex si Jehovah soxx qongw :ee, qongw, 'Guaw beh dirr cinqin Guaw ee langg, henxbingg juer sxingr; dirr jiongww vecsnir ee binrjingg, Guaw beh did diyc ingqngx.'" Aalon jing jing.

4 Moses qiyr Aalon ee jig Uziel ee qniaw, Misael qapp Elzafan laii, qra inx qongw, "Jinwjingg laii. Jiong' linw ee cinlangg dui' sxingr sow ee binrjingg qrngx qaur ngiaa-gua."

5 Inx nng langg jinwjingg laii. Inx soxx cing ee snxax qrngx cud ngiaa-gua, si jiauww Moses soxx bingrling :ee.

6 Moses duiww Aalon qapp ix ee qniaw Eleazar qapp Itamar qongw, "M tangx pacsnuar taumngg, iarr m tangx tiah lic snxax; benw did linw siw, qycc benw did Jehovah siurkir huerjiongr. Dogdok linw ee hniadi Islael juann qrex, uirdiyhh Jehovah soxx huad cud ee huew laii aikaur.

7 Linw iarr m tangx cud huerbormngg, qniax linw e siw; in'ui Jehovah ee iuu buah dirr linw ee sinkux." Inx dyrr jiauww Moses ee ue laii qniaa.

8 Jehovah huanhur Aalon qongxx,

9 "Liw qapp liw ee qniaw zip huerbo ee sii, vyc jiuw qau jiuw, longxx m tangx limx, benw did linw siw. Jex beh juer linw dagg sewdai ingxuanw ee le,

10 Hro linw tangx hunvet sxingr qapp byy sxingr :ee;

11 Qycc hro linw tangx jiong' Jehovah tokdiong Moses huanhur Islaellangg itcer ee ludle qawsi inx."

12 Moses duiww Aalon qapp ix soxx cunx ee qniaw Eleazar qapp Itamar qongw, "Linw tec Jehovah huexjer soxx cunx ee sowjer, diyhh dirr dnxuaa-vnix jiac ix, m tangx camx qnar; in'ui si jiww sxingr :ee.

13 Linw diyhh dirr sxingr ee soxjai jiac ix, in'ui dirr henr hro Jehovah ee huexjer diongx, jex si liw ee hunrgiac, qapp liw ee qniaw ee hunrgiac; soxx bingrling guaw :ee dyrr si anxnix.

14 Soxx iyy ee hxingx, soxx quxkiw ee tuiw, linw diyhh dirr cingkir ee soxjai jiac ix; liw qapp liw ee qniaw, liw ee jaboxqniaw, longxx diyhh snaqab jiac, in'ui jiaxee si dui' Islaellangg siarunjer diongx hro liw, juer liw ee hunrgiac, qapp liw ee qniaw ee hunrgiac.

15 Soxx quxkiw ee tuiw, soxx iyy ee hxingx, inx diyhh qapp huexjer ee iuu snaqab duar .laii, juer iyjer dirr Jehovah ee binrjingg iyy ix; jex diyhh qruix liw qapp liw ee qniaw, juer ingxuanw did .diyc ee hunrgiac. Jiaxee longxx si jiauww Jehovah soxx bingrling :ee."

16 Hitt sii Moses diwir cue juer siogjuerjer ee snua'ngiuqangw. Knuar ar, ixqing’ siyx .kir. Ix dyrr siurkir Aalon soxx cunx ee qniaw Eleazar qapp Itamar, qongw,

17 "Jitt xee siogjuerjer ixqing’ si jiww sxingr :ee, Ix qycc ing hitt xee qruix hro linw, laii damdngx huerjiongr ee juerquar, dirr Jehovah ee binrjingg qra inx siok. Linw sniaw su byy dirr sxingr ee soxjai jiac ix ar?

18 Knuar ar, hitt ee huih byy duar zip sxingr sow lai; linw vunw diyhh jiac ix dirr sxingr sow; jiauww guaw soxx bingrling :ee."

19 Aalon duiww Moses qongw, "Knuar ar, qinaxzit inx dirr Jehovah ee binrjingg henr inx ee siogjuerjer, qapp inx ee siyjer, guaw qycc duw diyc cincniu anxnix. Guaw narr qinaxzit jiac siogjuerjer, Jehovah qamxx e knuar juer hyw mah?"

20 Moses tniax .qnir, dyrr liac jitt xee ue juer hyw.

11 Jehovah hunahur Moses qapp Aalon, duiww inx qongw,

2 "Linw diyhh huanhur Islaellangg qongxx, dirr derjniu itcer jauxsiur diongx tangx jiac ee uahmic, dyrr si jiaxee.

3 Qniwnarr vundee tiaccex, huancauw ee jingsnix, linw longxx tangx jiac ix.

4 Dogdok huancauw, iacc si vundee ee diongqanx m tangx jiac :ee, u logdyy, in'ui huancauw, byy vundee, duiwdirr linw si byy cingkir;

5 Sahuanx, in'ui u huancauw byy vundee, duiwdirr linw si byy cingkir;

6 Tor-aw, in'ui u huancauw, byy vundee, duiwdirr linw si byy cingkir;

7 Dix, in'ui u vundee tiaccex, danrsi byy huancauw, duiwdirr linw si byy cingkir.

8 Hiaxee bah linw longxx m tangx jiac, siw :ee linw longxx m tangx bongx; duiwdirr linw si byy cingkir.

9 Juiw-diongx linw soxx tangx jiac :ee, dyrr si jiaxee. Qniwnarr dirr juiw nirr, haiw nirr, hyy nirr, u sxit u lrann :ee, longxx tangx jiac.

10 Qniwnarr dirr haiw nirr, hyy nirr, juiw-lai itcer ee dongrbut, dyrr si juiw-lai itcer ee uahmic, qniwnarr byy sxit byy lrann :ee, linw longxx diyhh liac juer kyxngor.

11 Hiaxee duiwdirr linw si kyxngor :ee, linw m tangx jiac ix ee bah; siw :ee iarr diyhh liac juer kyxngor.

12 Qniwnarr juiw-lai byy sxit byy lrann :ee, linw longxx diyhh liac juer kyxngor.

13 Jiauxjiah ee diongqanx linw diyhh liac juer kyxngor :ee, dyrr si erdew jiaxee. In'ui si kyxngor :ee, linw m tangx jiac :ee, dyrr si ringx, hiaux, diaux, xenx,

14 Siyxingx qapp ix ee lui,

15 Oax qapp ix ee lui,

16 Dyjiauw, qangx ee dyjiauw, hiingx, ciok'ingx qapp ix ee lui,

17 Amwqongjiauw, lojii, qo'ngg, niautau'ingx, teoo,

18 Cauwtau'ingx, hyc, vehlingrsix qapp ix ee lui,

19 Diwqewjiauw, qapp venxhog.

20 Qniwnarr u sxit ee tangg, ing sir kax qniaa :ee, linw longxx diyhh liac juer kyxngor.

21 Dogdok u sxit ee tangg, ing sir kax qniaa :ee, qidiongx u kax u tuiw, ing laii tiaur dirr de nirr :ee, linw iarr tangx jiac ix.

22 Qidiongx u hongtiongg, maxjar, siksud, qapp ix ee lui, jawbing qapp ix ee lui, jiaxee linw longxx tangx jiac.

23 Dogdok qniww u sxit u sir kax decc vee ee mic, linw longxx diyhh liac juer kyxngor.

24 Dui' erbin jiaxee longxx e hro linw byy cingkir. Qniwnarr bongx diyh hitt ee siw :ee, dikkag byy cingkir qaur ehngx-sii.

25 Qniwnarr tec diyc sixsix ee jit der aw, diyhh sew ix ee ihok, qycc dikkag byy cingkir qaur ehngx-sii.

26 Qniwnarr jingsnix u vundee byy tiaccex, iarr byy huancauw :ee, duiwdirr linw si byy cingkir; qniwnarr bongx :ee iarr byy cingkir.

27 Qniwnarr sir kax ee sriur, qidiongx ing kajniuw qniaa :ee, duiwdirr linw si byy cingkir; bongx ix ee sixsix :ee dikkag byy cingkir qaur dirr ehngx-sii.

28 Tec ix ee sixsix :ee, diyhh sew ix ee ihok, qycc dikkag byy cingkir qaur ehngx-sii; jiaxee duiwdirr linw si byy cingkir.

29 Derjniu decc vee ee mic, duiwdirr linw byy cingkir :ee, dyrr si erdew jiaxee. Iucuw, sigcuw, sig'ik, qapp ix ee lui,

30 Viachow, liongjuw, siuxqiongx, sia'ix, enxdingg.

31 Decc vee ee mic ee diongqanx, jiaxee duiwdirr linw si byy cingkir :ee; inx ixqing’ siw, qniwnarr bongx ix :ee, dikkag byy cingkir qaur ehngx-sii.

32 Qidiongx u siw :ee qalauc dirr simxmih mic, hitt xee mic dyrr byy cingkir; bylun si caa ee kiwqu, iacc si ihok, iacc si puee, iacc si vowde, bylun si juer simxmih loring ee kiwqu, diyhh he dirr juiw nirr, qycc dikkag byy cingkir qaur ehngx, hitt sii jiacc cingkir.

33 Narr inx u jit jiah vuac dirr huikir lai, hitt lairbin bylun u simxmih, dyrr bag byy cingkir; linw diyhh jiong' jitt xee huikir pacpuar.

34 Hitt lairbin itcer e jiac .did ee jiahmic, bag diyc juiw :ee, dyrr byy cingkir; qycc hitt hy kiwqu lai e limx .did .ee, iarr si byy cingkir.

35 Hiaxee sixsix, narr u jit der qalauc dirr simxmih mihqnia, hitt xee mihqnia dyrr byy cingkir; bylun si hongloo, iacc si jaur, dyrr diyhh pacpuar, longxx byy cingkir, iarr duiwdirr linw si byy cingkir.

36 Danrsi juixjnuaa iacc si jurjip juiw ee dii iuguann si cingkir; narr kap diyc hitt xee sixsix :ee, dyrr byy cingkir.

37 Narr dirr sixsix u jit der qalauc dirr beh jingr ee jingxjiw, jingxjiw iuguann cingkir.

38 Narr juiw ixqing’ qra ix pah damm, hitt xee sixsix u jit der qalauc dirr ix ee dingxbin, hitt xee jingxjiw duiwdirr linw si byy cingkir.

39 Linw soxx tangx jiac ee jingsnix, ix narr qaqi siw; u langg bongx diyc ix ee sixsix, ix dikkag byy cingkir qaur ehngx-sii.

40 U langg jiac hitt xee siw ee jingsnix, diyhh sew ix ee ihok, qycc dikkag byy cingkir qaur ehngx-sii; tec siw ee jingsnix :ee iarr diyhh sew ix ee ihok, qycc dikkag byy cingkir qaur ehngx-sii.

41 Qniwnarr dirr derjniu decc vee ee mic si kyxngor :ee, longxx m tangx jiac.

42 Qniwnarr ing vakdow qniaa :ee, qapp ing sir kax qniaa :ee, iacc si u jerje kax :ee, dyrr si itcer dirr derjniu vee :ee, linw longxx m tangx jiac, in'ui si kyxngor ee mic.

43 Linw m tangx in'ui simxmih decc vee ee mic, hro qaqi jniaa juer kyxngor, iarr m tangx in'ui jiaxee hro qaqi byy cingkir, drir qaur linw bag lasamm.

44 In'ui Guaw si Jehovah, linw ee Siongrder. Linw diyhh qaqi sxingr laii jniaa sxingr, in'ui Guaw si sxingr. Linw iarr m tangx ing dirr derjniu decc vee ee mic laii pah lasamm qaqi.

45 In'ui Guaw si cua linw cud Egipt-de ee Jehovah, beh juer linw ee Siongrder; soxiw linw diyhh sxingr, in'ui Guaw si sxingr.

46 Jex si jauxsiur, vuejiauw, qapp juiw-diongx e dinxdang ee uahmic, ixqip e vuee dirr derjniu ee mic ee quile.

47 Diyhh hunvet byy cingkir :ee qapp cingkir :ee, e jiac .did ee uahmic qapp be jiac .did ee uahmic."

12 Jehovah hunahur Moses qongxx,

2 "Liw diyhh huanhur Islaellangg qongxx, narr u hurzinlangg huaiin snix davoqniaw, ix dyrr byy cingkir cid zit, cincniu dirr qingqii lai, lasamm ee zit byy cingkir jidngiu.

3 Qaur derr veh zit hitt xee ngex-aw diyhh sriu qatlew.

4 Hurzinlangg iauxx decc lrauu huih, diyhh diamr dirr ix ee cur snax-jap-snax zit; cingkir ee zit iauxx bue muaw, m tangx bongx sxingr ee mic, iarr m tangx zip sxingr ee soxjai.

5 Ix narr snix jaboxqniaw, dyrr byy cingkir nng xee cid zit, cincniu dirr qingqii ee sii jidngiu. Narr iauxx decc lrauu huih, diyhh diamr dirr ix ee cur lak-jap-lak zit, jiacc cingkir.

6 Dirr ix cingkir ee zit muaw, bylun si uirr davoqniaw, iacc si jaboxqniaw, ix diyhh ing bue muaw nii ee ngiuu-aw juer siyjer, jit jiah jnixaxqniaw, iacc si jit jiah qajuix, juer siogjuerjer, duar qaur huerbo mngkauw, qaudair jewsix.

7 Jewsix diyhh henr dirr Jehovah ee binrjingg, uirr ix siogjue; ix ee huicguann dyrr cingkir; jex dyrr si hurzinlangg snix davoqniaw iacc si snix jaboxqniaw ee quile.

8 Ix ee kuiwlat narr byy qraur gxiac tangx henr jit jiah ngiuu-aw, ix dyrr diyhh ing nng jiah qajuix, iacc si nng jiah jnixaxqniaw, jit jiah juer siyjer, jit jiah juer siogjuerjer. Jewsix diyhh ter ix siogjue; ix dyrr cingkir."

13 Jehovah huanhur Moses qapp Aalon qongxx,

2 "Langg ee puehux narr jingw, kiamxcaiw snix senw, iacc si snix huexvanx, dirr ix ee puehux vnir jniaa taixqyx ee jingwtauu, diyhh cua ix qaur jewsix Aalon, iacc si qaur ix ee qniaxsunx jit xee jewsix ee binrjingg.

3 Jewsix diyhh giam puehux ee jingwtauu. Narr si jingwtauu ee soxjai hitt xee xmngg ixqing’ venr vec, jingwtauu ee kuanxsid cimx zip kir dirr puehux lai, jex dyrr si taixqyx ee jingwtauu. Jewsix diyhh giam ix, duanr ix juer byy cingkir.

4 Narr huexvanx dirr ix ee puehux si vec :ee, kuanxsid byy cimx zip dirr puehux lai, ix ee xmngg iarr byy venr vec, jewsix dyrr diyhh jiong' u jingwtauu ee langg qnuaiqimr cid zit.

5 Qaur derr cid zit, jewsix diyhh giam ix. Narr knuar qnir jingwtauu ixqing’ tingjiw, ix ee jingwtauu byy tnuar zip puehux, jewsix diyhh qycc qra ix qnuaiqimr cid zit quw.

6 Qaur derr cid zit jewsix diyhh qycc giam ix. Narr jingwtauu kacc huax, qycc jingwtauu byy tnuar zip puehux, jewsix diyhh duanr ix juer cingkir, si senw nardnia. Hitt langg dyrr diyhh sew snakor, did diyc juer cingkir.

7 Jongwsirr ix uirdiyhh cingkir, jiong' sinkux hro jewsix giam liauw, senw narr tnuar dirr puehux, ix diyhh qycc kir hro jewsix giam.

8 Jewsix diyhh giam ix. Senw narr tnuar dirr puehux, jewsix diyhh duanr ix juer byy cingkir, si taixqyx.

9 Langg ixqing’ u taixqyx ee jingwtauu, dyrr diyhh cua ix qnir jewsix.

10 Jewsix diyhh giam ix. Puehux narr u soxjai jingw vec vec, drir qaur ix ee xmngg venr vec, dirr jingw ee soxjai qnir ciacbah, jex si puebah qu ee taixqyx.

11 Jewsix diyhh duanr ix juer byy cingkir, mrbenw qycc qnuaiqimr ix, in'ui ix si byy cingkir.

12 Taixqyx narr snitnuar dirr puehux ee siwuii, dirr huan jingwtauu ee langg ee puehux kiw qaur muaw muaw, jiauww jewsix giam ix, dui' tauu qaur kax byy jit soxjai byy; jewsix dyrr diyhh giam ix.

13 Taixqyx narr ixqing’ kiw dirr juann srinx, dyrr diyhh duanr hitt xee huan diyc jingwtauu :ee juer cingkir; tong' sinkux longxx venr vec, ix si cingkir.

14 Danrsi ix ee sinkux simxmih sii qnir ciacbah, hitt sii dyrr byy cingkir.

15 Jewsix diyhh giam hitt xee ciacbah, dyrr duanr ix si byy cingkir; ciacbah vunw si byy cingkir, si taixqyx.

16 Ciacbah narr hogguann, qycc venr vec, ix diyhh laii qnir jewsix; jewsix diyhh giam ix.

17 Jingwtauu narr venr vec, jewsix dyrr diyhh duar hitt xee huan jingwtauu :ee juer cingkir; ix dyrr cingkir.

18 Langg narr dirr puehux snix liab'aw, iarr u rix hyw,

19 Dirr snix liab'aw ee soxjai qycc jingw vec vec, iacc si hunxangg sig ee huexvanx, dyrr diyhh hro jewsix giam.

20 Jewsix diyhh giam ix. Narr kuanxsid taur zip puehux lai, ix ee xmngg iarr venr vec, jewsix diyhh duanr ix juer byy cingkir, si taixqyx ee jingwtauu, huad dirr liab'aw lai.

21 Jewsix narr giam qongxx hitt dingxbin byy u vec ee xmngg, iarr byy taur zip dirr puehux lai, qycc u kacc huax, jewsix dyrr diyhh qra ix qnuaiqimr cid zit.

22 Narr snitnuar dirr puehux, jewsix dyrr diyhh duanr ix juer byy cingkir, si huan diyc jingwtauu.

23 Huexvanx narr dirr guann soxjai tingjiw, byy snitnuar, dyrr si liab'aw ee hunziah; jewsix dyrr diyhh duanr ix juer cingkir.

24 Langg ee puebah narr hro huew siyx .diyc, siyx .diyc ee soxjai qnir ciacbah, jniaa juer huexvanx, iacc si hunxangg, iacc si longxjongw vec;

25 Jewsix dyrr diyhh giam ix. Huexvanx diongx ee xmngg narr venr vec, kuanxsid qycc cimzip dirr puehux lai, si taixqyx dirr huexsiyx ee diongqanx huad .kiw .laii; jewsix dyrr diyhh duanr ix juer byy cingkir, si taixqyx ee jingwtauu.

26 Danrsi jewsix giam liauw, knuar hex huexziah byy u vec xmngg, iarr byy taur zip puehux lai, qycc u kacc huax, jewsix dyrr diyhh qra ix qnuaiqimr cid zit.

27 Qaur derr cid zit jewsix diyhh giam ix; narr tnuar dirr puehux, jewsix dyrr diyhh duanr ix juer byy cingkir; si taixqyx ee jingwtauu.

28 Huexvanx narr dirr guann soxjai tingjiw, byy snitnuar dirr puehux, qycc u kacc huax, si dui' huew siyx .diyc laii jingw; jewsix diyhh duanr ix juer cingkir; vutqyr si huew siyx .diyc ee hunziah.

29 Bylun lamluw, narr dirr taukag iacc si cuiwciux u drir jingwtauu, jewsix diyhh giam hitt xee jingwtauu.

30 Hex kuanxsid narr cimzip dirr puehux lai, hitt diongqanx u iur iur ngg ee xmngg, jewsix dyrr diyhh duanr ix juer byy cingkir; jex si cngx, dyrr si taukag iacc si cuiwciux nirr ee taixqyx.

31 Jewsix giam hitt xee cngx ee jingwtauu. Hex kuanxsid narr byy cimzip puehux lai, hitt diongqanx iarr byy ox ee xmngg, jewsix dyrr diyhh jiong' huan diyc cngx ee jingwtauu :ee, qnuaiqimr cid zit quw.

32 Qaur derr cid zit, jewsix diyhh giam hitt ee jingwtauu. Hex cngx narr byy tnuar, hitt diongqanx iarr byy ngg ee xmngg, cngx ee kuanxsid iarr byy cimzip puehux lai,

33 Hitt langg diyhh tir ix ee xmngg, danrsi cngx m tangx tir; jewsix diyhh qycc qnuaiqimr hitt xee snix cngx :ee cid zit quw.

34 Qaur derr cid zit jewsix diyhh giam hitt xee cngx. Hex cngx narr byy tnuar dirr puehux, kuanxsid iarr byy cimzip dirr puhux lai, jewsix dyrr diyhh duanr ix juer cingkir; ix diyhh sew snakor, dyrr jniaa juer cingkir.

35 Danrsi ix cingkir ixau cngx narr tnuar dirr puehux,

36 Jewsix mrbenw qycc cue ngg ee xmngg; ix si byy cingkir.

37 Narr jiauww ix knuar, cngx ixqing’ tingjiw, hitt diongqanx narr huad ox ee xmngg, cngx qiwzenn hyw, hitt langg si cingkir; jewsix dyrr diyhh duanr ix juer cingkir.

38 Bylun lamluw, puebah narr kiw huexvanx, dyrr si vec sig ee huexvanx; jewsix diyhh giam ix.

39 Inx ee puebah ee huexvanx, narr si huexhusig, jex si puehux soxx huad ee vehpa, hitt langg si cingkir.

40 Langg narr lud taumngg, ix ee taukag si qngx kyrky, iauxx si cingkir.

41 Ix ee taukag jingg ee taumngg narr lud, ix si liuwhiac :ee; iauxquxx si cingkir.

42 Taukag qngx kyrky ee soxjai, narr u hunxangg sig ee jingwtauu, jex si taixqyx huad dirr tauu qngx kyrky ee soxjai, iacc si liuwhiac ee soxjai.

43 Jewsix diyhh giam ix. Ix ee jingwtauu narr dirr taukag qngx kyrky ee soxjai, iacc si liuwhiac ee soxjai, u hunxangg sig jingw .kiw .laii, cincniu puebah taixqyx ee kuanxsid,

44 Hitt langg dyrr si kiw taixqyx, byy cingkir :ee, jewsix dikkag diyhh duanr ix juer byy cingkir; ix ee jingwtauu si dirr taukag.

45 U taixqyx ee jingwtauu :ee, ix ee snakor diyhh tiah lic, ix ee taumngg diyhh pacsnuar, ngx ix ee cuir ee dingw dunn, qiyr qongxx, 'Byy cingkir, byy cingkir.'

46 Jingwtauu dirr ix ee sinkux ee zit, ix dyrr byy cingkir. Ix qiwzenn si byy cingkir, ix diyhh qaqi diamr; ix ee soxjai dirr ngiaa-gua.

47 Ziamw diyc taixqyjingr ee snakor, bylun si ngiu'mngg :ee, iacc si duervor,

48 Venrnarr si qnrix, si hui, si duervor :ee, si ngiu'mngg :ee, si puee :ee, iacc si puee juer ee mic,

49 Hitt xee jingwtauu narr si cnix iacc si angg ee sig, dirr snakor, dirr puee, dirr qnrix, dirr hui, iacc si dirr puee juer ee mic, longxx si taixqyx ee jingwtauu, diyhh hro jewsix giam.

50 Jewsix diyhh giam hitt xee jingwtauu, jiong' ziamw diyc jingwtauu ee mic, qnuaiqimr cid zit.

51 Qaur derr cid zit, ix diyhh giam hitt xee jingwtauu. Jingwtauu narr tnuar dirr snakor, dirr qnrix, dirr hui, dirr puee, jitt xee puee bylun juer simxmih loring, hitt xee jingwtauu si og ee taixqyx, longxx si byy cingkir.

52 Hitt xee ziamw diyc jingwtauu ee snakor, higsi qnrix, si hui, si ngiu'mngg, si duervor, iacc si puee juer ee mic, ix longxx diyhh qra siyx .kir, in'ui jex si og ee taixqyx, dikkag dirr huew-diongx qra siyx .kir.

53 Jewsix giam ix; knuar jingwtauu narr byy tnuar dirr snxax nirr, dirr qnrix, dirr hui, iacc si puee juer ee mic,

54 Jewsix diyhh huanhur inx sew hitt xee ziamw diyc jingwtauu ee mic, qycc qnuaiqimr cid zit.

55 Jingwtauu sew liauxau, jewsix diyhh giam ix; knuar jingwtauu narr byy venr sig, jingwtauu narr byy qycc tnuar, hitt xee dyrr byy cingkir; si okdok ee jingwtauu; bylun bin pnaiw, lxiw pnaiw, longxx diyhh ing huew siyx.

56 Sew liauxau, jewsix giam ix; narr hitt xee jingwtauu kacc huax, ix dyrr diyhh dui' snxax, iacc si puee, iacc si qnrix, iacc si hui, qra ix tiah .kiw .laii.

57 Narr si iauxquxx huathen dirr snxax nirr, iacc si qnrix, iacc si hui, iacc si puee juer ee mic, jex si jingwtauu decc huad, diyhh ing huew siyx hitt xee ziamw diyc jingwtauu ee mic.

58 Liw soxx sew ee snxax, higsi qnrix, higsi hui, higsi puee juer ee mic, narr jingwtauu ixqing’ lirkuix, diyhh qycjaiww sew, anxnix dyrr cingkir."

59 Jex dyrr si taixqyx jingwtauu ee quile, bylun si dirr ngiu'mngsnax, duervowsnax, dirr qnrix, dirr hui, qapp puee juer ee mic, tangx duanr juer cingkir, iacc si duanr juer byy cingkir.

14 Jehovah huanhur Moses qongxx,

2 "Taixqyx :ee did diyc cingkir ee zit, ix ee quile dyrr si diyhh cua ix kir qnir jewsix.

3 Jewsix diyhh cud ngiaa-gua giam ix. Taixqyx :ee narr ix ee taixqyjingr ixqing’ hyw,

4 Jewsix diyhh huanhur langg uirdiyhh hitt xee beh did diyc cingkir :ee, cruw nng jiah cingkir uac uac ee jiauw, qapp vikhniucaa, ju'angg sig ee liau, qapp giucikcauw.

5 Jewsix diyhh huanhur langg taii hitt nng jiah jiauw ee jit jiah dirr uahjuiw ee dingxbin, dirr huikir lai.

6 Lun qaur hitt jiah uac jiauw, ix diyhh liac ix, ing vikhniucaa, ju'angg sig ee liau, qapp giucikcauw, qapp uac jiauw, longxx unr dirr hitt jiah taii dirr uahjuiw dingw ee jiauw ee huih.

7 Diyhh hiur hitt xee taixqyx beh did diyc cingkir ee langg cid vaiw, anxnix dyrr duanr ix juer cingkir, qycc vangr hitt jiah uac jiauw kir snuax nirr.

8 Beh did diyc cingkir ee langg diyhh sew ix ee ijniuu, itjin tir ix ee xmngg, ing juiw sew sinkux dyrr cingkir; zen'au tangx zip ngiaa, dogdok diyhh dirr qaqi ee vowvnii gua kiarkiw cid zit.

9 Qaur derr cid zit diyhh itjin tir ix ee taumngg, qapp cuiwciux bagbaii, dyrr si tir ix longxjongw ee xmngg, qycc diyhh sew ix ee snakor, ing juiw sew sinkux dyrr cingkir.

10 Qaur derr veh zit, ix diyhh cruw nng jiah byy hacuu ee ngiuqangw-aw, qapp jit jiah bue muaw nii byy hacuu ee ngiujingw-aw, qycc diyhh ing diauhyy iuu ee mirhunw efah jap hxun snax juer sowjer, qapp iuu jit log.

11 Qniaa cingkir ee le ee jewsix, diyhh jiong' hitt xee rair did diyc cingkir ee langg, qapp hiaxee mic, andir dirr huerbo mngkauw, Jehovah ee binrjingg.

12 Jewsix diyhh cruw ngiuqangw-aw ee jit jiah, henr juer vow quewsid ee jrer, qapp iuu jit log, longxx iyy dirr Jehovah ee binrjingg juer iyjer.

13 Qycc diyhh taii ngiuqangw-aw dirr sxingr sow ee de, dyrr si taii siogjuerjer qapp siyjer ee soxjai. Vow quewsid ee jrer diyhh qruix hro jewsix, cincniu siogjuerjer jidvnua'ngiu; si jiww sxingr :ee.

14 Jewsix diyhh tec damrvyc vow quewsid ee jrer ee huih, buah dirr rair did diyc cingkir ee langg jniar vingg ee hni'axsuii, qapp jniar ciuw ee duarvorbuw, qapp jniar kax ee duarvorbuw.

15 Jewsix diyhh dui' hitt jit log iuu ee diongqanx tec damrvyc, dryr dirr qaqi dyr ciuw ee ciuxdiongsimx.

16 Jewsix diyhh ing jniar ciuw ee jit qix jngxtauu-aw unr dyr ciuw ciuxdiongsimx ee iuu, dirr Jehovah ee binrjingg, ing jngxtauu-aw hiur iuu cid vaiw.

17 Jewsix jiong' ciuw-diongx soxx cunx ee iuu, buah dirr hitt xee rair did diyc cingkir ee langg jniar vingg ee hni'axsuii, qapp jniar ciuw ee duarvorbuw, qapp jniar kax ee duarvorbuw, dyrr si buah tac dirr vow quewsid ee jrer ee huih-dingw.

18 Jewsix ciuw-diongx soxx cunx ee iuu, diyhh vniar dirr hitt xee rair did diyc cingkir ee langg ee taukag dingw; jewsix dirr Jehovah ee binrjingg qra ix siogjue.

19 Jewsix diyhh henr siogjuerjer, qra hitt xee rair did diyc cingkir ee langg, uirdiyhh ix ee byy cingkir siogjue; zen'au taii hitt xee siyjer ee jingsnix.

20 Jewsix diyhh dirr dnxuaa-dingw henr siyjer qapp sowjer. Jewsix diyhh uirr ix siogjue; ix dyrr cingkir.

21 Ix narr songwhiongx berdangr virvan qaur hiacc je, dyrr diyhh cruw jit jiah ngiuqangw-aw juer vow quewsid ee jrer, tangx iyy ix, uirr ix siogjue; iarr diyhh duar diauhyy iuu ee iur mirhunw efah jap hxun jit, juer sowjer, qapp iuu jit log.

22 Qycc jiauww ix ee kuiwlat cruw nng jiah qajuix, iacc si nng jiah jnixaxqniaw, jit jiah juer siogjuerjer, jit jiah juer siyjer.

23 Qaur derr veh zit uirdiyhh ix did diyc cingkir, jiong' jiaxee duar qaur huerbo mngkauw, Jehovah ee binrjingg, qaudair jewsix.

24 Jewsix diyhh cruw vow quewsid ee ngiuu-aw, qapp iuu jit log; jewsix diyhh iyy ix dirr Jehovah ee binrjingg juer iyjer.

25 Ix diyhh taii vow quewsid ee jrer ee ngiuu-aw, cruw damrvyc vow quewsid ee jrer ee huih, buah dirr hitt xee rair did diyc cingkir ee langg jniar vingg ee hni'axsuii, qapp jniar ciuw ee duarvorbuw qapp jniar kax ee duarvorbuw.

26 Jewsix diyhh jiong' damrvyc iuu dryr dirr qaqi dyr ciuw ee ciuxdiongsimx.

27 Jewsix ing dyr ciuw nirr ee iuu, dirr Jehovah ee binrjingg, ing jniar ciuw ee jit qix jngxtauu-aw hiur iuu cid vaiw.

28 Jewsix qycc ing ciuw-diongx ee iuu buah damrvyc dirr hitt xee rair did diyc cingkir ee langg jniar vingg ee hni'axsuii, qapp jniar ciuw ee duarvorbuw, jniar kax ee duarvorbuw, dyrr si buah dirr vow quewsid ee jrer ee huih ee guan'ui.

29 Jewsix ciuw-diongx soxx cunx ee iuu, diyhh buah dirr hitt xee rair did diyc cingkir ee langg ee taukag, dirr Jehovah ee binrjingg uirdiyhh ix siogjue.

30 Ix diyhh jiauww ix ee kuiwlat henr hiaxee qajuix ee jit jiah, iacc si jnixaxqniaw ee jit jiah,

31 Dyrr si jiauww ix soxx e :ee, jit jiah juer siogjuerjer, jit jiah juer siyjer, qapp sowjer snaqab henr. Jewsix diyhh dirr Jehovah ee binrjingg, qra hitt xee rair did diyc cingkir ee langg siogjue.

32 Langg huan diyc taixqyx ee jingwtauu, iarr byy lat tangx virvan did diyc cingkir ee lexmic, hitt xee quile dyrr si anxnix."

33 Jehovah huanhur Moses qapp Aalon qongxx,

34 "Linw qaur Guaw sniuxsur linw juer giap ee Kanaan-de ee sii, Guaw ing taixqyjingr ziamw diyc jit qingx cur, dyrr si dirr linw soxx did diyc juer giap ee de.

35 Cuwjuw diyhh kir tongdix jewsix, qra ix qongw, 'Jiauww guaw knuar, cur-lai cincniu u jingwtauu.'

36 Jewsix iauxx bue zip kir giam jingwtauu ee dairsingx, jewsix dyrr diyhh huanhur langg, jiong' cur vniar kangx, benw did cur-lai soxu :ee bag diyc byy cingkir; kacc au, jewsix diyhh zip kir giam hitt qingx cur.

37 Ix diyhh giam hitt xee jingwtauu. Hex jingwtauu narr dirr cur ee viah u henxcud cnix iacc si angg ee nachunn, kuanxsid cimzip cniuviah,

38 Jewsix diyhh cud hitt qingx cur, qaur cur ee mngkauw, hrongx hitt qingx cur cid zit.

39 Qaur derr cid zit, jewsix diyhh qycc kir giam. Hex jingwtauu narr tnuar dirr cur ee cniuviah,

40 Jewsix dyrr diyhh huanhur langg jiong' hiaxee ziamw diyc jingwtauu ee jiyc iah .kiw .laii, hed dirr sniaa-gua byy cingkir ee soxjai.

41 Iarr diyhh qiyr langg kaux cur-lai ee siwuii; soxx kaux .kiw .laii ee hetoo, diyhh vniar dirr sniaa-gua byy cingkir ee soxjai.

42 Qycc diyhh ing vadd der jiyc; ter hiaxee jiyc, qycc ing hetoo buah hitt qingx cur.

43 Ix iah jiyc, kaux cur, buah hxex liauxau, jingwtauu narr qycc qaur, qycc dirr hitt qingx cur huathen,

44 Jewsix diyhh qycc zip kir giam. Hex jingwtauu narr tnuar dirr hitt qingx cur, hitt qingx cur si ziamw diyc og ee taixqyx, si byy cingkir.

45 Ix dyrr diyhh tiah hitt qingx cur; jiyc, caa, qapp ix itcer ee hetoo, longxx vnuax cud sniaa-gua, qaur byy cingkir ee soxjai.

46 Hitt qingx cur hongbat ee siqanx, langg narr zip .kir dyrr byy cingkir qaur ehngx.

47 Dirr hitt qingx cur kunr :ee, diyhh sew ix ee ihok; dirr hitt qingx cur jiac :ee, iarr diyhh sew ix ee ihok.

48 Hitt qingx cur buah hxex liauxau, jewsix zip kir giam. Narr jingwtauu byy tnuar dirr cur-lai, jewsix dyrr diyhh duanr hitt qingx cur juer cingkir, in'ui jingwtauu ixqing’ siaubyy.

49 Uirdiyhh cingkir hitt qingx cur, diyhh cruw nng jiah jiauw, qapp vikhniucaa, ju'angg sig rr liau, qapp giucikcauw.

50 Diyhh taii hitt nng jiah jiauw ee jit jiah, dirr uahjuiw dingw huikir ee lairbin.

51 Ix diyhh tec hitt xee vikhniucaa, giucikcauw, ju'angg sig ee liau, qapp hitt jiah uac jiauw, longxx unr dirr hitt jiah siurr taii ee jiauw ee huih, qapp uahjuiw, laii hiur hitt qingx cur cid vaiw.

52 Ix diyhh ing hitt jiah jiauw ee huih, uahjuiw, uac jiauw, vikhniucaa, giucikcauw, qapp ju'angg sig ee liau, cingkir hitt qingx cur.

53 Danrsi diyhh qra hitt jiah uac jiauw vangr dirr sniaa-gua ee snuax nirr. Anxnix qra hitt qingx cur siogjue, hitt qingx cur dyrr cingkir."

54 Jex si uirdiyhh dagg ngiu taixqyx ee jingwtauu, qycc u cngx,

55 Qapp ihok, cur ee taixqyx,

56 Ixqip jingw, senw, huexvanx soxx lip ee quile,

57 Jixbingg simxmih sii si byy cingkir, simxmih sii si cingkir. Jex si taixqyx ee quile.

15 Jehovah huanhur Moses qapp Aalon qongxx,

2 "Liw diyhh huanhur Islaellangg, qra inx qongw, langg narr huan diyc harsiaux ee jxingr, ix in'ui jitt xee harsiaux ee jxingr dyrr byy cingkir.

3 Ix in'ui harsiaux ee byy cingkir si jitt kuanw; bylun si duirjingx, iacc si siglimm, longxx si byy cingkir.

4 Qniwnarr huan diyc harsiaux :ee, ix soxx dyw ee cngg, longxx si byy cingkir; ix soxx jre ee mic, iarr si byy cingkir.

5 Qniwnarr bongx diyc ix ee cngg :ee, diyhh sew ix ee snxax, qaqi dirr juiw nirr sew, byy cingkir qaur ehngx.

6 Hitt xee jre diyc harsiaux ee langg soxx bad jre ee mic :ee, diyhh sew ix ee snxax, qaqi dirr juiw nirr sew, byy cingkir qaur ehngx.

7 Hitt xee bongx diyc harsiaux ee langg ee sinkux :ee, diyhh sew ix ee snxax, qaqi dirr juiw nirr sew, byy cingkir qaur ehngx.

8 Narr harsiaux ee langg pruir nxua dirr cingkir ee langg ee sinkux, hitt langg diyhh sew ix ee snxax, qaqi dirr juiw nirr sew, byy cingkir qaur ehngx.

9 Harsiaux ee langg soxx kiaa ee bexnguax iarr si byy cingkir.

10 Ix srinx-xe soxx uaw .diyc ee mic, qniwnarr bongx diyc ix, dikkag byy cingkir qaur ehngx; tec diyc hitt xee mic :ee diyhh sew ix ee snxax, qaqi dirr juiw nirr sew, byy cingkir qaur ehngx.

11 Harsiaux ee langg iauxx bue ing juiw sew ciuw, ix soxx bongx .diyc ee langg diyhh sew ix ee snxax, qaqi dirr juiw nirr sew, byy cingkir qaur ehngx.

12 Harsiaux ee langg soxx bongx diyc huii ee kiwqu diyhh qongr puar; caa ee kiwqu diyhh ing juiw sew.

13 Harsiaux ee langg, ix ee harsiaux ixqing’ hyw, uirdiyhh beh cingkir qaqi, diyhh sngr cid zit; iarr diyhh sew ix ee snxax, ing uahjuiw sew sinkux, dyrr did diyc cingkir.

14 Qaur derr veh zit, ix diyhh uirdiyhh qaqi cruw nng jiah qajuix, iacc si nng jiah jnixaxqniaw, qaur huerbo mngkauw, Jehovah ee binrjingg, qaudair jewsix.

15 Jewsix diyhh henr ix, jit jiah juer siogjuerjer, jit jiah juer siyjer. Jewsix diyhh in'ui ix ee harsiaux ee jxingr dirr Jehovah ee binrjingg qra ix siogjue.

16 Langg narr bongruii, diyhh ing juiw sew sinkux, dikkag byy cingkir qaur ehngx.

17 Bylun snaaxkor iacc si puee bag diyc jingx, diyhh ing juiw sew, dikkag byy cingkir qaur ehngx.

18 Narr lamluw qauhap, nng langg diyhh ing juiw sew, dikkag byy cingkir qaur ehngx.

19 Hurzinlangg qniaqingx lrauu huih, dikkag uwuer qaur cid zit quw. Qniwnarr bongx diyc ix :ee, dikkag byy cingkir qaur ehngx.

20 Dirr ix uwuer ee siqanx, qniwnarr ix soxx dyw ee mic longxx si byy cingkir; qniwnarr ix soxx jre ee mic, iarr si byy cingkir.

21 Qniwnarr bongx diyc ix ee bincngg :ee, diyhh sew ix ee snxax, qaqi dirr juiw nirr sew, byy cingkir qaur ehngx.

23 Qniwnarr bongx diyc ix soxx jre ee mic :ee, diyhh sew ix ee snxax, qaqi sew juiw nirr sew, byy cingkir qaur ehngx. Hitt xee mic narr si dirr cngg nirr iacc si dirr hurzinlangg soxx jre ee mic, bongx diyc ix :ee, dikkag byy cingkir qaur ehngx.

24 Davolangg narr qapp hitt xee hurzinlangg dangvangg, hro ix ee lasamm bag .diyc, diyhh cid zit quw byy cingkir; qniwnarr ix soxx dyw ee cngg iarr byy cingkir.

25 Hurzinlangg narr dirr qingqii ixgua huan diyc jerje zit ee hetlau, ix dyrr in'ui jitt xee hetlau byy cingkir ee zit qapp ix qingqii ee zit jidngiu; ix si byy cingkir.

26 Dirr ix hetlau itcer ee zit, qniwnarr ix soxx dyw ee cngg, ix diyhh knuar cincniu qingqii ee cngg jidngiu; iarr qniwnarr ix soxx jre ee mic dikkag byy cingkir, qapp ix qingqii ee sii byy cingkir jidngiu.

27 Qniwnarr bongx diyc hiaxee mic :ee dyrr byy cingkir; diyhh sew ix ee snxax, qaqi dirr juiw nirr sew, byy cingkir qaur ehngx.

28 Hurzinlangg hetlau narr ixqing’ hyw, diyhh uirr qaqi sngr cid zit, zen'au jiacc cingkir.

29 Qaur derr veh zit, ix diyhh uirr qaqi juw nng jiah qajuix iacc si nng jiah jnixaxqniaw, duar qaur huerbo mngkauw, qaudair jewsix.

30 Jewsix diyhh henr jit jiah juer siogjuerjer, jit jiah juer siyjer; jewsix in'ui hitt langg hetlau byy cingkir diyhh dirr Jehovah ee binrjingg uirdiyhh ix siogjue.

31 Linw diyhh anxnix hro Islaellangg qapp inx ee byy cingkir qecdng, benw did inx pah lasamm dirr inx diongqanx, Guaw ee huerbo, drir qaur siw dirr inx ee byy cingkir."

32 Jex si huan diyc harsiaujingr qapp bongruii drir qaur ix byy cingkir :ee, qapp hitt xee u qingqii ee vni ee hurzinlangg, qapp huan diyc harsiaux :ee, bylun lamluw, ixqip langg qapp byy cingkir ee hurzinlangg dangvangg ee quile.

16 Aalon nng xee qniaw qinruaw Jehovah ee binrjingg laii siw. Inx siw liauw Jehovah huanhur Moses, duiww Moses qongw,

2 "Diyhh qra liw ee hniax Aalon qongw, m tang suivenrii zip sxingr sow ee dniuwlii lai, qaur iokqui dingw six xunx sow ee binrjingg, benw did siw; in'ui Guaw beh dirr hunn-diongx henxhen dirr six xunx sow ee dingxbin.

3 Aalon beh zip sxingr sow diyhh duar jit jiah guqangxaxqniaw juer siogjuerjer, jit jiah mi'ngiuqangw juer siyjer.

4 Ix diyhh cing iuwduervor sxingr ee lairsnax, iarr diyhh cing iuwduervor ee kor dirr sinkux, iyx haa iuwduervor ee duar, tauu dir iuwduervor ee by; jex longxx si sxingr ee ihok. Ix diyhh ing juiw sew sinkux, zen'au cing ix.

5 Ix diyhh dui' Islaellangg ee hue-diongx cruw nng jiah snua'ngiuqangw, juer siogjuerjer, jit jiah mi'ngiuqangw juer siyjer.

6 Aalon diyhh henr uirr vunxsinx juer siogjuerjer ee guqangw, uirdiyhh vunxsinx qapp ix ee qrex siogjue.

7 Iarr diyhh ing hitt nng jiah snua'ngiuqangw andir dirr huerbo mngkauw, Jehovah ee binrjingg.

8 Aalon diyhh uirdiyhh hitt nng jiah snua'ngiuu liamx kaux, liamx jit jiah qruix Jehovah, liamx jit jiah qruix Azazel.

9 Aalon diyhh ing hitt jiah liamx kaux qruix Jehovah ee snua'ngiuu, henr juer siogjuerjer.

10 Narr si hitt jiah liamx kaux qruix Azazel ee snua'ngiuu, diyhh uac uac andir dirr Jehovah ee binrjingg, ter ix siogjue, vangr ix kir kongwiaw, qruix dirr Azazel.

11 Aalon diyhh kanx uirr qaqi juer siogjuerjer ee guqangw-aw, uirdiyhh qaqi qapp ix ee qrex siogjue, qycc diyhh taii uirr qaqi juer siogjuerjer ee guqangw-aw.

12 Ix iarr diyhh tec hniuloo, dui' Jehovah ee binrjingg, dnxuaa-dingw drew dyc ee huextnuar muaw muaw; iarr diyhh ing pangx ee hniubuac jit pongw duar zip dniuwlii lai;

13 Iarr diyhh dirr Jehovah ee binrjingg, jiong' hniux he dirr huew nirr, hro hniu'enx zia'iamw iokqui dingw ee six xunx sow, benw did ix siw.

14 Iarr diyhh tec damrvyc guqangw-aw ee huih, ing jngxtauu-aw hiur dirr six xunx sow ee dangsir; qycc ing jngxtauu-aw dirr six xunx sow ee binrjingg hiur huih cid vaiw.

15 Qycc diyhh taii hitt jiah uirdiyhh vecsnir juer siogjuerjer ee snua'ngiuqangw, duar ix ee huih zip dniuwlii lai, ing ix ee huih hiur dirr six xunx sow qapp six xunx sow ee binrjingg, cincniu hiur guqangw-aw ee huih jidngiu.

16 Qycc diyhh in'ui Islaellangg ee uwuer, quewsid, qapp inx itcer ee juerog ter sxingr sow siogjue; iarr diyhh uirdiyhh dirr inx uwuer ee diongqanx snaqab druar ee huerbo jiauww anxnix qniaa.

17 Aalon zip sxingr sow siogjue ee sii, huerbo lai m tangx u langg dilehh, itdit tingwhau qaur ix uirdiyhh vunxsinx, ix ee qrex, qapp Islael ee huerjiongr ixqing’ siogjue cud .laii.

18 Ix diyhh cud laii qaur Jehovah binrjingg ee dnxuaa hiax, ter ix siogjue; iarr diyhh tec damrvyc guqangw-aw ee huih qapp snua'ngiuqangw ee huih, buah dirr dnxuaa-dingw hiaxee qag ee siwuii.

19 Iarr diyhh ing ix ee jngxtauu-aw hiur huih dirr dnxuaa nirr cid vaiw, hro ix cingkir, lirkuix Islaellangg ee byy cingkir, hunvet ix juer sxingr.

20 Ix uirdiyhh sxingr sow, huerbo, jewdnuaa siogjue bingvik, diyhh kanx hitt jiah uac ee snua'ngiuqangw laii.

21 Aalon diyhh ing nng ciuw hnua dirr uac ee snua'ngiuu ee taukag, dirr ix ee dingxbin zin Islaellangg itcer ee pnaiw, inx itcer ee quewsid, qapp inx itcer ee juerquar; longxx qruix dirr snua'ngiuu ee taukag, qaudair soxx pair ee langg, sangr kir kongwiaw.

22 Hitt jiah snua'ngiuu beh damdngx inx itcer ee pnaiw qaur byy langg druar ee soxjai; ix dyrr vangr snua'ngiuu dirr kongwiaw.

23 Aalon diyhh zip huerbo, trngr ix zip sxingr sow ee sii soxx cing iuwdue ee ihok, lauu dirr hiax;

24 Qycc diyhh dirr sxingr ee soxjai ing juiw sew sinkux, cing ix ee snxax cud .laii, henr ix ee siyjer qapp vecsnir ee siyjer, uirdiyhh vunxsinx qapp vecsnir siogjue.

25 Siogjuerjer ee iuu diyhh dirr dnxuaa-dingw siyx.

26 Hitt xee vangr snua'ngiuu qruix dirr Azazel ee langg, diyhh sew ix ee snxax, ing juiw sew sinkux, zen'au tangx zip ngiaa-lai.

27 Juer siogjuerjer ee guqangw, qapp siogjuerjer ee snua'ngiuu, inx ee huih ixqing’ duar zip sxingr sow siogjue, inx ee sintew diyhh duar cud ngiaa-gua, ing huew siyx inx ee puee, inx ee bah, inx ee vunr.

28 Siyx inx ee langg diyhh sew ix ee snxax, ing juiw sew sinkux, zen'au tangx zip ngiaa-lai.

29 Dagg vaiw duw diyc Cid-guec cejap, linw diyhh kikkow linw ee simx, bylun si vunxderlangg, iacc si qiawkax dirr linw diongqanx ee guarlangg, longxx m tangx juer simxmih qangx; jex beh juer linw ingxuanw ee le.

30 In'ui dirr jitt zit beh qra linw siogjue, hro linw cingkir, linw beh dirr Jehovah ee binrjingg did diyc cingkir, tuatli itcer ee juerquar.

31 Jitt zit linw diyhh siuw jueww dua ee Anhiyczit; linw diyhh kikkow linw ee simx; jex si juer ingxuanw ee le.

32 Hitt xee siurr buah iuu laii setlip ix drngx singwjid ee jewsix, dyrr si singjiab ix ee laurve juer jewsix :ee, diyhh qniaa siogjue ee lew, diyhh cing iuwduervor ee snxax, dyrr si sxingr snxax.

33 Ix diyhh uirdiyhh sxingr ee sxingr sow siogjue, iarr uirdiyhh huerbo qapp jewdnuaa siogjue; qycc uirdiyhh jiongww jewsix qapp juann hue ee vecsnir siogjue.

34 Jex diyhh juer linw ingxuanw ee le, dyrr si in'ui Islaellangg itcer ee jue, diyhh jit nii jit vaiw uirdiyhh inx siogjue." Aalon dyrr jiauww Jehovah soxx bingrling Moses :ee laii qniaa.

17 Jehovah huanhur Moses qongxx,

2 "Liw diyhh huanhur Aalon qapp ix hiaxee qniaw, qapp Islael ee jingwlangg qongxx, Jehovah soxx bingrling :ee si qongxx,

3 Qniwnarr sriok Islael-qrex ee langg, taii guqangw, iacc si mi'ngiuu-aw, iacc si snua'ngiuu, bylun dirr ngiaa-lai iacc si dirr ngiaa-gua taii,

4 Narr byy dairsingx kanx qaur huerbo mngkauw, laii Jehovah ee huerbo jingg henr hro Jehovah juer lexmic, ciachuih ee jue beh qruix dirr hitt langg. Hitt langg u ciachuih, qycc ix beh dui' ix ee vecsnir diongx jenxduu;

5 Jex si uirdiyhh Islaellangg, jiong' inx dirr can'iaw soxx henr ee jrer, duar qaur huerbo mngkauw, Jehovah ee binrjingg, qaux hro jewsix, henr hro Jehovah juer siarunx ee jrer.

6 Jewsix diyhh jiong' huih hiur dirr huerbo mngkauw, Jehovah ee dnxuaa-dingw, jiong' iuu siyx juer pangx pangx ee bi, henr hro Jehovah.

7 Inx m tangx qycc henwjer dirr inx qniaa sia'imm soxx tranr ee quixquair; jex beh juer inx dagg sewdai ingxuanw ee le.

8 Liw diyhh duiww inx qongw, qniwnarr sriok Islael-qrex ee langg, iacc si qiawkax dirr inx diongqanx ee guarlangg, henr siyjer iacc si jewmic,

9 Narr byy duar qaur huerbo mngkauw, henr hro Jehovah, hitt langg diyhh dui' ix ee vecsnir diongx siurr jenxduu.

10 Qniwnarr sriok Islael-qrex ee langg, iacc si qiawkax dirr inx diongqanx ee guarlangg, narr jiac simxmih huih, Guaw beh duiww hitt xee jiac huih ee langg vniwbin, dui' ix ee vecsnir diongx jenxduu ix.

11 In'ui bah ee uahmia jairdirr huih. Guaw ing ix sniuxsur linw, tangx dirr dnxuaa-dingw uirr linw ee uahmia siogjue; in'ui huih-lai u uahmia, soxiw e siogjue.

12 Soxiw Guaw duiww Islaellangg qongw, linw longxx m tangx jiac huih; qiawkax dirr linw diongqanx ee guarlangg iarr m tangx jiac huih.

13 Qniwnarr Islaellangg, iacc si qiawkax dirr inx diongqanx ee guarlangg, narr paclac did diyc e jiac .did ee kimsiur, diyhh criah ix ee huih cud .laii, ing too kamr ix.

14 Lun qaur itcer u ziogsinx ee uahmia, ix ee huih dyrr si ix ee uahmia; soxiw Guaw duiww Islaellangg qongw, bylun simxmih ziogsinx ee huih, linw longxx m tangx jiac; in'ui itcer ziogsinx ee uahmia dyrr si ix ee huih; qniwnarr jiac ix ee langg dikkag siurr jenxduu.

15 Qniwnarr jiac qaqi siw ee mic, iacc si hro iaxsiur tiah lic :ee, bylun si vunxderlangg, iacc si guarlangg, dikkag byy cingkir qaur ehngx; longxx diyhh sew ix ee snxax, ing juiw sew sinkux, qaur ehngx jiacc cingkir.

16 Danrsi ix narr byy sew snxax, sew sinkux, dyrr diyhh damdngx ix ee juerquar."

18 Jehovah huanhur Moses qongxx,

2 "Liw diyhh huanhur Islaellangg, qra inx qongw, Guaw si Jehovah, linw ee Siongrder.

3 Linw jingg soxx diamr ee Egipt-de, hitt soxjai ee langg soxx qniaa :ee, linw m tangx tranr inx laii qniaa. Guaw beh cua linw qaur Kanaan-de, hitt soxjai ee langg soxx qniaa :ee, linw iarr m tangx tranr inx laii qniaa, iarr m tangx jiauww inx ee quile laii qniaa.

4 Linw diyhh tranr Guaw ee huatdo, siuw Guaw ee ludle, jiauww jitt xee laii qniaa. Guaw si Jehovah, linw ee Siongrder.

5 Soxiw linw diyhh siuw Guaw ee ludle huatdo. Langg narr qniaa jiaxee dyrr beh dui' jiaxee laii uac; Guaw si Jehovah.

6 Linw longxx m tangx cinqin qutziok ee cinx, laii lorhen ix ee ertew. Guaw si Jehovah.

7 M tangx lorhen liw ee laurbuw ee ertew, laii lingziok liw ee laurve. Ix si liw ee laurbuw, m tangx lorhen ix ee ertew.

8 Liw laurve ee aurbow ee ertew, liw m tangx lorhen; ix si liw ee laurve ee ertew.

9 Liw ee jixbe, bylun si qangg ve :ee iacc si qangg buw :ee, cutsir dirr qrex-lai, iacc si cutsir dirr qrex-gua, longxx m tangx lorhen inx ee ertew.

10 Liw ee haursnix ee jaboxqniaw, iacc si liw ee jaboxqniaw ee jaboxqniaw, m tangx lorhen inx ee ertew; in'ui si liw vunxsinx ee ertew.

11 Liw laurve ee aurbow ee jaboxqniaw, dui' liw ee laurve snix :ee, si liw ee siyxbe, m tangx lorhen ix ee ertew.

12 M tangx lorhen liw ee qox ee ertew; ix si liw ee laurve qutziok ee cinx.

13 M tangx lorhen liw ee ibuw ee ertew; ix si liw ee laurbuw qutziok ee cinx.

14 Liw m tangx lingziok liw ee jikveh, lorhen ix ee bow ee ertew; ix si liw ee mw, liw ee jimw.

15 Liw m tangx lorhen liw ee simvu ee ertew, ix si liw ee qniaw ee bow. M tangx lorhen ix ee ertew.

16 M tangx lorhen liw ee hniadi ee bow ee ertew; ix si liw ee hniadi ee ertew.

17 Hurzinlangg qapp ix ee jaboxqniaw ee ertew m tangx longxx lorhen; m tangx jiong' ix ee qniaw ee jaboxqniaw iacc si ix ee jaboxqniaw ee jaboxqniaw ee ertew laii lorhen; inx si qutziok ee cinx, jex si jin' pnaiw.

18 Bow iauxx dilehh, liw m tangx lingrgua qycc crua ix ee jixbe, lorhen ix ee ertew, laii juer ix ee duiwtauu.

19 Hurzinlangg qingqii qaur, byy cingkir ee sii, liw m tangx qinruaw ix laii lorhen ix ee ertew.

20 Liw m tangx qapp cuwvnix ee bow qnia'imm laii pah lasamm qaqi.

21 M tangx hro liw ee qniaxzii dui' huew-diongx quer .kir, qruix hro Molec; iarr m tangx setdok liw ee Siongrder ee miaa. Guaw dyrr si Jehovah.

22 M tangx qapp davolangg qauhap, cincniu qapp hurzinlangg jidngiu; jex si jin' kyxngor ee dai.

23 Vutlun simxmih sriur, m tangx qapp ix qauhap, laii pah lasamm qaqi; hurzinlangg iarr m tangx kia dirr sriur ee taujingg qapp ix qauhap; jex si gigsingr ee dai.

24 Dirr jiaxee itcer ee su linw longxx m tangx pah lasamm qaqi; in'ui Guaw dirr linw ee binrjingg soxx qnuaw cud ee ledvangx dirr jiaxee itcer u pah lasamm qaqi;

25 De iarr pah lasamm, soxiw Guaw vran ix ee jue; hitt xee de iarr tror cud ix kiarkiw ee vecsnir.

26 Soxiw linw diyhh siuw Guaw ee ludle, Guaw ee huatdo; jiaxee itcer kyxngor ee su, bylun si vunxderlangg iacc si qiawkax, dirr linw diongqanx ee guarlangg longxx m tangx qniaa,

27 (In'ui dirr linw ixjingg kiarkiw hitt xee de ee langg qniaa jiaxee itcer kyxngor ee su, de dyrr pah lasamm);

28 Benw did linw pah lasamm hitt xee de ee sii, de dyrr jiong' linw tror cud, cincniu tror cud dirr linw ixjingg ee vecsnir jidvnua'ngiu.

29 In'ui qniwnarr qniaa jiaxee itcer kyxngor ee su ee jit hxang, qniaa ix ee langg beh dui' ix ee vecsnir diongx jenxduu ix.

30 Soxiw linw diyhh siuw Guaw soxx qaudair :ee, benw did linw tranr hiaxee kyxngor ee hongsiok, dyrr si dirr linw ixjingg ee langg soxx siongsiongg qniaa :ee, drir qaur linw dui' hiaxee laii pah lasamm qaqi. Guaw dyrr si Jehovah, linw ee Siongrder."

19 Jehovah huanhur Moses qongxx,

2 "Liw diyhh huanhur Islael juann hue qongxx, linw diyhh juer sxingr; in'ui Guaw Jehovah, linw ee Siongrder, si sxingr.

3 Linw dagg langg longxx diyhh hauwqingr ix ee laurbuw, ix ee laurve; iarr diyhh siuw Guaw hiaxee anhiyh. Guaw si Jehovah, linw ee Siongrdr.

4 Linw m tangx pen'ngr gnoxsiong, iarr m tangx uirr qaqi juwjy siongrder. Guaw si Jehovah, linw ee Siongrder.

5 Linw henr siarunjer hro Jehovah ee sii diyhh henr tangx did diyc jiaplap :ee.

6 Dirr henr ee zit iacc si quer zit jiac ix; narr u cunx qaur derr snax zit :ee, diyhh ing huew qra siyx.

7 Derr snax zit narr qycc jiac .diyc, jex si tangx iamwngor :ee, be did diyc jiaplap.

8 Huanrnarr jiac ix ee langg, dikkag diyhh damdngx ix ee juerquar, in'ui ix setdok Jehovah ee singwmic, hitt langg dikkag dui' ix ee vecsnir diongx siurr jenxduu.

9 Linw siuquah cann ee gnoxqog, cann ee qaktauu m tangx quah qaur jin, qalauc :ee iarr m tangx kiyh.

10 Pudyhngg quexjiw m tangx banw liauw liauw, iarr m tangx kiyh pudyy soxx lag ee quexjiw; diyhh lauu hro songwhionglangg qapp cutgua :ee. Guaw si Jehovah, linw ee Siongrder.

11 Linw m tangx tautec, m tangx vehcat.

12 Linw m tangx qiw Guaw ee miaa lamrsamw jiuwjua, laii setdok liw ee Siongrder ee miaa; Guaw dyrr si Jehovah.

13 M tangx kihu liw ee cuwvnix, iarr m tangx cniuxtec ix ee mic; juewqanglangg ee qangjnii m tangx lauu dirr liw hiax qui' mii qaur tnix qngx.

14 M tangx me cauwhnirlangg, iarr m tangx he tatgai ee mic dirr cnimilangg ee binrjingg. Diyhh qingwuir liw ee Siongrder. Guaw dyrr si Jehovah.

15 Linw simxpnuar m tangx byy qongdy, m tangx pentanw songwhionglangg, iarr m tangx knuawdang u sewlik ee langg, diyhh jiauww qongdy simxpnuar liw ee cuwvnix.

16 M tangx dirr liw ee vecsnir ee diongqanx siwqer huixvongr langg', iarr m tangx juer qanjingr rair hai siw liw ee cuwvnix. Guaw dyrr si Jehovah.

17 Liw m tangx simlai uanwhun liw ee hniadi; dikkag diyhh jikvi liw ee cuwvnix, benw did uirdiyhh ix damdngx jue.

18 M tangx vywsiuu, iarr m tangx bai'uanr liw vunxqog ee vecsnir, diyhh tniar cuwvnix cincniu qaqi. Guaw dyrr si Jehovah.

19 Linw diyhh siuw Guaw ee ludle. M tangx hro linw ee jingsnix qapp byy drangg lui :ee qauhap. M tangx ing nng ngiu ee jingxjiw camcab ia dirr liw ee hngde; m tangx ing nng ngiu ee liau camcab juer snxax, cing dirr liw ee sinkux.

20 Luxvi ixqing’ juewlangg dniardiyc, iauxx bue siurr siok, iauxx bue did diyc tauxvangr, narr qapp ix qnia'imm, nng langg diyhh siurr hinghuat. Danrsi m tangx hro ix siw, in'ui luxvi iauxx bue did diyc juriuu.

21 Hitt xee davolangg diyhh ing vow quewsid ee jrer, dyrr si jit jiah mi'ngiuqangw, kanx qaur huerbo mngkauw, Jehovah ee binrjingg, juer vow quewsid ee jrer.

22 Jewsix diyhh ing vow quewsid ee jrer ee ngiuqangw, dirr Jehovah ee binrjingg siok ix soxx huan ee jue. Anxnix, ix soxx huan ee jue dyrr did diyc siawbenw.

23 Linw qaur Kanaan-de ee sii, jaijingr dagg ngiu e jiac .did ee quexjixciu, snax nii quw, linw diyhh knuar hiaxee cincniu bue sriu qatlew :ee jidngiu, m tangx jiac inx.

24 Qaur derr sir nii soxx qed ee quexjiw longxx diyhh juer sxingr, ing ix laii ylyw Jehovah.

25 Qaur derr go nii linw diyhh jiac ix ee quexjiw, tangx hro ix qra linw qed kacc je quexjiw. Guaw si Jehovah, linw ee Siongrder.

26 Linw m tangx jiac qnaa huih ee mic; m tangx ing huatsut, iarr m tangx jiamvog.

27 Taukag ee jiuuii, tangx tir, cuiwciux ee jiuuii iarr m tangx kunx.

28 Linw m tangx uirr sixlangg quah qaqi ee bah, iarr m tangx criah qiwhy dirr sinkux. Guaw si Jehovah.

29 M tangx lingziok liw ee jaboxqniaw, hro ix juer ciongqix, qniax derjniu juanjuanx ngr imluan, derjniu muaw muaw dua pnaiw.

30 Linw diyhh siuw Guaw hiaxee anhiyh, qingr Guaw ee sxingr sow. Guaw si Jehovah.

31 M tangx pen'ngr hiaxee qxuiw jnriu srinx :ee, qapp qniaa siasut :ee, iarr m tangx kir mng inx, drir qaur hro inx pah lasamm. Guaw si Jehovah, linw ee Siongrder.

32 Dirr vec taumngg ee langg ee binrjingg, liw diyhh kiw laii kia; iarr diyhh junqingr laurlangg ee bin; qycc diyhh qingwuir liw ee Siongrder; Guaw si Jehovah.

33 Narr u cutguarlangg qiawkax dirr linw ee derhngx, qapp linw kiarkiw, dyrr m tangx kihu inx.

34 Qapp linw kiarkiw ee cutguarlangg, linw diyhh knuar inx cincniu vunxderlangg jidngiu; iarr diyhh tniar inx cincniu vunxsinx, in'ui linw iarr bad dirr Egipt-de juer cutguarlangg. Guaw si Jehovah, linw ee Siongrder.

35 Linw simxpnuar m tangx byy qongdy; dirr ciyh, dirr cinr, dirr dauw, longxx diyhh qongdy.

36 Diyhh ing qongdy ee cinr-aw, qongdy ee dyjiw, qongdy ee efah, qongdy ee hin. Guaw si Jehovah, linw ee Siongrder, bad cua linw cud Egipt-de :ee.

37 Linw diyhh siuw Guaw itcer ee ludle, qapp Guaw itcer ee huatdo laii qniaa. Guaw si Jehovah."

20 Jehovah huanhur Moses qongxx,

2 "Linw Islaellangg, iacc si dirr Islael diongx qiawkax ee guarlangg, u ing qaqi ee qniaxzii henr hro Molec :ee, dikkag diyhh hro ix siw; hitt derhngx ee langg diyhh ing jiyhtauu dimr siw ix.

3 Guaw iarr beh duiww hitt langg vniwbin, duiww ix ee vecsnir diongx jenxduu ix, in'ui ix ing qniaxzii henr hro Molec, bag lasamm Guaw ee sxingr sow, setdok Guaw ee sxingr miaa.

4 Hitt langg ing qniaxzii henr hro Molec, hitt soxjai ee langg narr dnir juer byy knuar .qnir, iarr byy hro ix siw,

5 Guaw beh duiww hitt langg qapp ix ee qrex vniwbin, jiong' ix qapp itcer duer ix qniaa sia'imm :ee, dyrr si qapp Molec qniaa sia'imm :ee, longxx dui' ix ee vecsnir diongx jenxduu ix.

6 Langg pen'ngr hro qxuiw jnriu srinx :ee, qapp qniaa siasut :ee, duer inx qniaa sia'imm, Guaw beh duiww hitt langg vniwbin, dui' ix ee vecsnir diongx jenxduu ix.

7 Soxiw linw diyhh qaqi sxingr, laii jniaa sxingr; in'ui Guaw si Jehovah, linw ee Siongrder.

8 Linw diyhh siuw Guaw ee ludle laii qniaa ix; Guaw si hro linw jniaa sxingr ee Jehovah.

9 Qniwnarr jiuwjow laurve iacc si laurbuw :ee dikkag diyhh hro ix siw; ix jiuwjow laurve iacc si laurbuw, ix ee jue diyhh qruix dirr ix ee sinjniu.

10 Qapp vadd langg ee bow qnia'imm, dyrr si qapp ix cuwvnix ee bow qnia'imm :ee, qanhux imhu dikkag diyhh hro inx siw.

11 Langg qapp aurbuw sutongx :ee dyrr si lingziok ix ee laurve, inx nng langg dikkag diyhh hro inx siw, qycc inx ee jue qruix dirr inx.

12 Langg qapp simvu sutongx :ee, dikkag diyhh hro inx nng langg longxx siw. Inx qniaa giglunn ee su, inx ee jue qruix dirr inx.

13 Langg narr qapp davolangg qauhap, cincniu qapp hurzinlangg jidngiu, inx nng langg qniaa kyxngor ee su, dikkag diyhh hro inx siw; inx ee jue qruix dirr inx.

14 Langg narr cuarbow, suar crua bow ee laurbuw, si qik pnaiw; langg diyhh ing huew siyx jitt snax langg, benw did linw diongqanx u jitt hy pnaiw.

15 Langg qapp sriur qauhap, ix dikkag diyhh siw; hitt jiah sriur iarr diyhh taii siw.

16 Hurzinlangg cinqin sriur qapp ix qauhap, liw diyhh taii siw hitt xee hurzinlangg qapp sriur, dikkag diyhh hro inx siw; inx ee jue qruix dirr inx.

17 Langg narr kanx ix ee jixbe, bylun qangg ve iacc si qangg buw :ee, inx knuar duiwhongx ee ertew, jex si qenwsiaur ee su; inx diyhh dirr ix ee vecsnir ee bagjiux jingg siurr jenxduu. Ix u lorhen ix ee jixbe ee ertew, diyhh damdngx ix ee jue.

18 Hurzinlangg qingqii qaur, langg qapp ix drangg vangg, lorhen ix ee ertew, anxnix, ix u lorhen hurzinlangg ee huicguann, hurzinlangg iarr u lorhen ix ee huicguann; inx nng xee diyhh dui' inx ee vecsnir diongx siurr jenxduu.

19 Laurbuw ee jixbe iacc si laurve ee jixbe, m tangx lorhen inx ee ertew, dyrr si lingziok qutziok ee cinx; inx diyhh damdngx inx ee jue.

20 Langg narr sutongx ix ee jimw, mw, dyrr si lingziok ix ee jig, vxeh; inx beh damdngx inx ee jue, jit siwlangg byy qniaw.

21 Langg crua hniadi ee bow, jex si lasamm ee su; ix u lingziok ix ee hniadi; inx dikkag byy qniaw.

22 Soxiw linw diyhh siuw Guaw itcer ee ludle qapp Guaw itcer ee huatdo laii qniaa, benw did Guaw soxx cua linw kir diamr ee de jiong' linw tror cud.

23 Guaw dirr linw ee binrjingg soxx qnuaw cud ee vecsnir, linw m tangx tranr inx ee hongsiok; in'ui inx qniaa jiaxee itcer ee su, soxiw Guaw iamwngor inx.

24 Danrsi Guaw bad duiww linw qongw, linw beh singjiab inx ee de, Guaw beh ing hitt xee sniuxsur linw juer giap, dyrr si lrauu linx qapp bit ee de. Guaw si Jehovah, linw ee Siongrder, dui' banrvecsnir ee diongqanx hunvet linw.

25 Soxiw linw diyhh hunvet cingkir qapp byy cingkir ee sriur, byy cingkir qapp cingkir ee jiauxjiah; higsi sriur, higsi kimjiauw, higsi vee dirr de nirr longxjongw ee uahmic, Guaw soxx qra linw hunvet juer byy cingkir :ee, linw m tangx uirdiyhh inx drir qaur qaqi juer tangx iamwngor :ee.

26 Linw diyhh qruix dirr Guaw, laii juer sxingr; in'ui Guaw Jehovah si sxingr, dui' banrvecsnir diongqanx hunvet linw, laii qruix dirr Guaw.

27 Bylun lamluw u qxuiw jnriu srinx, iacc si qniaa siasut :ee, dikkag diyhh hro ix siw; langg diyhh ing jiyhtauu qra inx dimr siw; inx ee jue qruix dirr inx."

21 Jehovah duiww Moses qongw, "Liw diyhh huanhur Aalon ee qniaxsunx juer jewsix :ee qongxx: Jok-diongx u langg siw, m tangx uirdiyhh ix laii pah lasamm qaqi.

2 Dogdok uirdiyhh ix qutziok ee cinx, dyrr si uirdiyhh ix ee laurbuw, uirdiyhh ix ee laurve, uirdiyhh ix ee qniaw, uirdiyhh ix ee jaboxqniaw, uirdiyhh ix ee hniadi,

3 Ixqip qapp ix jiwcinx jairsikluw ee jixbe, uirdiyhh ix tangx pah lasamm qaqi.

4 Ix ixqing’ dirr vecsnir diongx juer tauu, dyrr m tangx jiongsiok laii pah lasamm qaqi.

5 Taukag m tangx tir qngx qngx; cuiwciux ee jiuuii m tangx kunx; iarr m tangx qaqi quah bah.

6 Diyhh qruix inx ee Siongrder laii jniaa sxingr, m tangx setdok inx ee Siongrder ee miaa, in'ui Jehovah ee huexjer si inx ee Siongrder ee jiahmic, si inx soxx henr :ee, soxiw inx diyhh jniaa juer sxingr.

7 Inx m tangx crua qirluw juer bow, iacc si siurr pah lasamm ee hurzinlangg juer bow; iarr m tangx crua hro diongrhux lii cud ee hurzinlangg juer bow, in'ui inx si qruix inx ee Siongrder juer sxingr.

8 Soxiw liw diyhh hunvet ix juer sxingr, in'ui ix henr liw ee Siongrder ee jiahmic, liw diyhh knuar ix juer sxingr; in'ui Guaw, hro linw jniaa sxingr ee Jehovah, dyrr si sxingr :ee.

9 Jewsix ee jaboxqniaw narr qnia'imm, lingziok qaqi, dyrr si lingziok ix ee laurve, diyhh ing huew siyx ix.

10 Dirr hniadi diongx juer jewsitauu, ing buah ee iuu tinn dirr ix ee taukag, qycc setlip damdngx singwjid, cing sxingr snxax :ee, m tangx pacsnuar taumngg, iarr m tangx tiah lic snxax.

11 M tangx uaw qin sixsix; iarr m tangx uirdiyhh ix ee laurve, iacc si ix ee laurbuw, pah lasamm qaqi.

12 M tangx cud sxingr sow, iarr m tangx setdok ix ee Siongrder ee sxingr sow, in'ui ix ee Siongrder buah iuu ee benxliuu dirr ix ee taukag. Guaw si Jehovah.

13 Ix diyhh crua jairsikluw juer bow.

14 Qnuaxhu, iacc si siurr lii ee hurzinlangg, iacc si siurr pah lasamm :ee, iacc si ciongqix jiaxee, longxx m tangx crua; dogdok tangx crua vunxjok ee jairsikluw juer bow.

15 Dirr ix ee vecsnir diongx m tangx lingziok ix ee horer; in'ui Guaw si hro ix jniaa sxingr ee Jehovah."

16 Jehovah huanhur Moses qongxx,

17 "Liw diyhh qra Aalon qongxx: Liw dagg sewdai ee horer qniww u puawsniur :ee, longxx m tangx qinrjingg laii henr ix ee Siongrder ee jiahmic.

18 In'ui qniww u puawsniur ee langg, bylun si cnimii :ee, vaixkax :ee, nacpni :ee, jitew u qex :ee,

19 Jihkax jihciuw :ee,

20 Unxqux :ee, exser :ee, bagjiux u mauving :ee, snix senw :ee, snix cngx :ee, iacc si sunxhuai guarsinx :ee, longxx m tangx qinrjingg laii.

21 Jewsix Aalon ee horer, huanrr u puawsniur :ee, longxx m tangx qinrjingg laii henr ix ee Siongrder ee jiahmic.

22 Siongrder ee jiahmic, bylun si jiww sxingr :ee, si sxingr :ee, ix longxx tangx jiac.

23 Danrsi m tangx laii qaur dniuwlii, iarr m tangx qin dnxuaa-jingg, in'ui ix u puawsniur, benw did setdok Guaw hiaxee sxingr sow; in'ui Guaw si hro inx jniaa sxingr ee Jehovah."

24 Dui' anxnix Moses huanhur Aalon qapp ix hiaxee qniaw qapp Islael jingwlangg anxnix qongw.

22 Jehovah huanhur Moses qongxx,

2 "Liw diyhh qra Aalon qapp ix hiaxee qniaw qongw: Diyhh lirkuix Islaellangg soxx hunvet juer sxingr qruix hro Guaw ee sxingr mic, benw did setdok Guaw ee sxingr miaa. Guaw si Jehovah.

3 Diyhh qra inx qongw: Linw dairdai ee horer, qniwnarr sinkux u uwuer, laii cinqin Islaellangg soxx hunvet juer sxingr, qruix hro Jehovah juer sxingr mic :ee, hitt langg diyhh dirr Guaw ee binrjingg jenxduu; Guaw si Jehovah.

4 Aalon ee horer, qniwnarr u taixqyx :ee, iacc si harsiaux :ee, m tangx jiac sxingr mic, diyhh tingwhau ix cingkir; bylun simxmih langg bongx diyc hitt xee dui' sixsix bag diyc lasamm ee mic, iacc si duirjingx ee langg;

5 Iacc si bongx diyc simxmih byy cingkir, e vee ee mic, iacc si bongx diyc hiaxee hro ix byy cingkir ee langg, vutquanw hitt langg u simxmih byy cingkir,

6 Bongx diyc hiaxee langg, dikkag byy cingkir qaur ehngx; narr byy ing juiw sew sinkux, dyrr m tangx jiac sxingr ee mic.

7 Zit lyc ee sii, ix dyrr cingkir; zen'au tangx jiac sxingr mic, in'ui jex si ix ee jiahmic.

8 Qaqi siw :ee, iacc si hro iaxsiur tiah lic :ee, ix m tangx jiac, in'ui jitt xee e pah lasamm qaqi. Guaw si Jehovah.

9 Soxiw inx diyhh siuw Guaw soxx qaudair :ee, benw did inx setdok ix, dui' anxnix damdngx jue laii siw. Guaw si hro inx jniaa sxingr ee Jehovah.

10 Itcer ee guarlangg m tangx jiac sxingr mic; hiyh dirr jewsix ee qrex :ee, iacc si juewqanglangg, longxx m tangx jiac sxingr mic.

11 Setsuw jewsix brew langg, si ix ing ginn brew :ee, hitt langg tangx jiac ix; cutsir dirr ix ee qrex :ee iarr tangx jiac ix ee bixniuu.

12 Jewsix ee jaboxqniaw narr qer cutguarlangg, dyrr m tangx jiac soxx quxkiw ee sxingr mic.

13 Danrsi jewsix ee jaboxqniaw narr si qnuaxhu, iacc si siurr lii .cud .ee, byy qniaxzii, qycc dyr laii laurve ee qrex, qapp ix siauwlenn ee sii jidngiu, dyrr tangx jiac ix ee laurve ee jiahmic; dogdok guarlangg m tangx jiac.

14 Narr u langg byy dniudii jiac sxingr mic, diyhh jiauww hiaxee sxingr mic qex go hxun jit qaux hro jewsix.

15 M tangx setdok Islaellangg soxx henr hro Jehovah ee sxingr mic,

16 Benw did inx dirr jiac sxingr mic ee sii, damdngx quewsid ee juerquar; in'ui Guaw si hro inx jniaa sxingr ee Jehovah."

17 Jehovah huanhur Moses qongxx,

18 "Liw diyhh huanhur Aalon qapp ix hiaxee qniaw, qapp Islael ee jingwlangg, duiww inx qongw: Islael-qrex ee langg, iacc si dirr Islael diongx qiawkax :ee, inx qniwnarr henr lexmic, bylun si soxx he ee guan, iacc si qamsimx henr :ee, dyrr si henr hro Jehovah juer siyjer :ee,

19 Dyrr diyhh henr guu, iacc si mi'ngiuu, iacc snua'ngiuu, longxx diyhh ing byy hacuu :ee, jiacc e did diyc hnuahiw jiaplap.

20 Qniwnarr u hacuu :ee, linw m tangx henr; in'ui byy beh qra linw jiaplap.

21 Qniwnarr dui' guu-qrunn, iacc si ngiuu-qrunn diongx, jiong' siarunjer henr hro Jehovah, uirdiyhh beh sria digvet he ee guan, iacc si juer qamsimx henr :ee, soxx henr :ee diyhh sunjuann, byy hacuu, jiacc e did diyc jiaplap.

22 Cnimii :ee, diyhsiongx :ee, puawsniur :ee, snix liuu :ee, snix cngx :ee, snix senw :ee, jiaxee longxx m tangx henr hro Jehovah; iarr m tangx dirr dnxuaa-dingw henr hro Jehovah juer huexjer.

23 Bylun si guqangw iacc si ngiuu-aw, narr si jitew u qex iacc si qiamw :ee, hitt hy tangx juer qamsimjer laii henr; danrsi ing ix laii siarguan dyrr be did diyc jiaplap.

24 Guarsinx sunxsiongx :ee, iacc si deccuir :ee, iacc si puawlic :ee, iacc si iamx :ee, m tangx henr hro Jehovah; dirr linw ee toxde iarr m tangx anxnix qniaa.

25 Jitt hy ee mic linw iarr m tangx dui' guarqoklangg ee ciuw jiapsiu henr juer linw Siongrder ee jiahmic; in'ui jitt hy mic longxx u huixhuai, u hacuu :ee, be tangx qra linw jiaplap."

26 Jehovah huanhur Moses qongxx,

27 "Guu, iacc si mi'ngiuu, iacc si snua'ngiuu ixqing’ snix, cid zit duer ix ee buw, dui' derr veh zit ixau, tangx juer Jehovah huexjer ee lexmic, did diyc jiaplap.

28 Bylun gubuw iacc si ngiubuw, liw m tangx siangg zit taii buw qapp qniaw.

29 Linw henr siarunjer hro Jehovah, diyhh henr tangx did diyc jiaplap :ee.

30 Diyhh jiu hitt zit jiac ix, m tangx lauu jidiamxaw qaur quer jaxkiw; Guaw si Jehovah.

31 Soxiw linw diyhh siuw Guaw jiaxee qaiwbing laii qniaa ix; Guaw si Jehovah.

32 Linw m tangx setdok Guaw ee sxingr miaa; in'ui Guaw dirr Islaellangg ee diongqanx, beh siurr jrunx laii juer sxingr;

33 Guaw si hro linw jniaa sxingr ee Jehovah, cua linw cud Egipt-de, juer linw ee Siongrder :ee; Guaw si Jehovah."

23 Jehovah huanhur Moses qongxx,

2 "Liw diyhh huanhur Islaellangg qongxx: Jehovah ee jecqii, linw soxx diyhh suanvor juer sxingr hue :ee, erdew jiaxee dyrr si Guaw ee jecqii.

3 Lak zit diyhh juer qangx, derr cid zit si dua ee Anhiyczit, diyhh juer sxingr hue, linw itcer ee qangx longxx m tangx juer, dirr linw itcer kiarkiw ee soxjai. Jex si juer Jehovah ee sxingr zit.

4 Jehovah jiaxee jecqii, dyrr si sxingr hue, linw qauwqii soxx diyhh suanvor :ee, dyrr si jiaxee.

5 Jniax-guec jap-sir honghunx ee sii, si Jehovah ee Zu'uadjeh.

6 Jitt guec ee jap-go si Jehovah ee Duqnawjeh; linw diyhh jiac byy-qnar-vniaw cid zit quw.

7 Tauu jit zit diyhh u sxingr hue, longxx m tangx juer simxmih koxqangx.

8 Cid zit quw diyhh henr huexjer hro Jehovah; derr cid zit si sxingr hue, longxx m tangx juer simxmih koxqangx."

9 Jehovah huanhur Moses qongxx,

10 "Liw diyhh huanhur Islaellangg qongxx, linw qaur Guaw sniuxsur linw ee de, siuquah gnoxqog ee sii, diyhh jiong' kixtauu sik ee gnoxqog jit kunw, duar laii hro jewsix.

11 Ix diyhh ing jitt kunw iyy dirr Jehovah ee binrjingg, hro linw did diyc jiaplap; jewsix diyhh dirr Anhiyczit ee qeh zit iyy ix.

12 Iyy jitt kunw ee zit, linw diyhh jiong' jit jiah bue muaw nii, byy hacuu ee mi'ngiuqangw-aw, henr hro Jehovah juer siyjer.

13 Snasuar henr ee sowjer, dyrr si diauhyy iuu ee iur mirhunw efah jap hxun ee nng hxun, juer pangx pangx ee huexjer henr hro Jehovah; snasuar henr ee quanwden, diyhh ing jiuw jit hin ee sir hxun jit.

14 Bylun si vniaw, iacc si hangx ee gnoxqog, iacc si sinx ee sui, linw longxx m tangx jiac, qaur linw duar lexmic henr hro linw ee Siongrder hitt zit jiacc tangx. Jex dirr linw itcer kiarkiw ee soxjai, juer linw dairdai ingxuanw ee le.

15 Linw diyhh dui' Anhiyczit ee qeh zit, henr diurkunw juer iyjer; hitt zit uirr qaqi sngr kiw, muaw cid xee Anhiyczit,

16 Qaur derr cid xee Anhiyczit ee qeh zit, linw diyhh sngr go-jap zit, qycc diyhh jiong' sinx ee sowjer henr hro Jehovah.

17 Diyhh dui' linw kiarkiw ee soxjai tec cud iur ee mirhunw efah jap hxun zi, camx qnar, vig nng der iyjer ee vniaw, juer kixtauu sik ee mic, henr hro Jehovah.

18 Qycc diyhh ing bue muaw nii byy hacuu ee ngiuu-aw cid jiah, guqangw-aw jit jiah, mi'ngiuqangw nng jiah, qapp hiaxee vniaw snaqab henr juer siyjer hro Jehovah, qapp inx ee sowjer, inx ee quanwden, juer pangx pangx ee huexjer, henr hro Jehovah.

19 Linw diyhh henr jit jiah snua'ngiuqangw juer siogjuerjer, nng jiah bue muaw nii ee mi'ngiuu-aw juer siarunjer.

20 Jewsix diyhh iyy inx, qapp kixtauu sik ee bec ee vniaw, juer iyjer dirr Jehovah ee binrjingg, qapp hitt nng jiah ngiuu-aw; diyhh hunvet inx juer sxingr, henr hro Jehovah, laii qruix hro jewsix.

21 Siangg hitt zit linw diyhh suanvor juer linw ee sxingr hue; longxx m tangx juer simxmih koxqangx; jex dirr linw itcer kiarkiw ee soxjai, juer dagg sewdai ingxuanw ee le.

22 Linw siuquah cann ee gnoxqog, cann ee qaktauu m tangx quah qaur jin, qalauc :ee iarr m tangx kiyh, diyhh lauu hro songwhionglangg qapp cutgua :ee kiyh. Guaw si Jehovah."

23 Jehovah hunahur Moses qongxx,

24 "Liw diyhh huanhur Islaellangg qongxx: Cid-guec ceid, linw diyhh siuw jueww sxingr ee Anhiyczit, diyhh vunn hyrtauu juer qiwliam, diyhh juer sxingr hue.

25 Longxx m tangx juer simxmih koxqangx; diyhh jiong' huexjer henr hro Jehovah."

26 Jehovah huanhur Moses qongxx,

27 "Cid-guec cejap si siogjue ee zit. Linw diyhh siuw jueww sxingr hue, diyhh kikkow qaqi ee simx; iarr diyhh jiong' huexjer henr hro Jehovah.

28 Siangg jitt zit longxx m tangx juer simxmih qangx, in'ui si siogjue ee zit; dirr Jehovah, linw ee Siongrder ee binrjingg qra linw siogjue.

29 Siangg jitt zit, qniwnarr byy kikkow ix ee simx :ee, beh dui' vecsnir diongx siurr jenxduu.

30 Qniwnarr dirr jitt zit juer simxmih qangx :ee, Guaw beh dui' vecsnir diongx dubet ix.

31 Linw longxx m tangx juer simxmih qangx. Jex dirr linw itcer kiarkiw ee soxjai, juer linw dagg sewdai ingxuanw ee le.

32 Linw diyhh siuw jitt zit juer dua ee Anhiyczit; dirr jitt guec ee ceqauw ehngx, diyhh siuw linw ee Anhiyczit."

33 Jehovah huanhur Moses qongxx,

34 "Liw diyhh qra Islaellangg qongw: Jitt xee Cid-guec jap-go si Dacliau'axjeh, diyhh cid zit quw qra Jehovah siuw ix.

35 Tauu jit zit diyhh u sxingr hue, m tangx juer simxmih koxqangx.

36 Linw cid zit quw diyhh jiong' huexjer henr hro Jehovah, derr veh zit diyhh siuw sxingr hue, diyhh jiong' huexjer henr hro Jehovah. Jex si giamsiokhue, longxx m tangx juer simxmih koxqangx.

37 Jex si Jehovah jiaxee jeh. Linw diyhh suanvor juer sxingr hue :ee, diyhh jiong' huexjer, siyjer, sowjer, jewmic, qapp quanwden henr hro Jehovah, qokk jiauww ix ee zidqii.

38 Jex si dirr Jehovah qniww Anhiyczit ixgua, qycc dirr linw ee lexmic ixgua, qapp linw soxx he ee guan ixgua, qapp qamsimx henr :ee ixgua, dyrr si linw soxx henr hro Jehovah :ee.

39 Qycc dirr Cid-guac jap-go, linw ixqing’ siux toxsanw ee sii, diyhh siuw Jehovah ee jeh cid zit quw.

40 Tauu jit zit juer sxingr ee anhiyh, derr veh zit iarr juer sxingr ee anhiyh. Tauu jit zit diyhh banw hyw ciu ee quexjiw, qapp jyxciu ee qix, qapp amrciu ee nguai, qapp hyy-vnix ee lriuw, dirr Jehovah, linw Siongrder ee binrjingg hnuahiw cid zit quw.

41 Dagg nii Cid-guec qranx, linw diyhh cid zit quw qra Jehovah siuw jitt xee jeh. Jex si linw dagg sewdai ingxuanw ee le.

42 Linw diyhh diamr dirr cauxliauu-aw lai cid zit quw; qniwnarr Islael vunxderlangg longxx diyhh diamr dirr cauxliauu-aw lai.

43 Tangx hro linw dagg dai jaix Guaw cua Islaellangg cud Egipt-de ee sii, Guaw hro inx diamr dirr cauxliauu-aw lai; Guaw si Jehovah, linw ee Siongrder."

44 Moses dyrr jiong' Jehovah ee jecqii tuann hro Islaellangg.

24 Jehovah huanhur Moses qongxx,

2 "Diyhh bingrling Islaellangg, ing qnanaw keh jniaa cringx ee iuu, tec laii hro liw, tangx diamw dingx hro ix siongsiongg qngx.

3 Dirr huerbo lai huatqui ee dniuwlii gua, Aalon diyhh liaurliw ix, dui' ehngx qaur jaxkiw, siongsiongg dirr Jehovah ee binrjingg; jex si juer linw dairdai ingxuanw ee le.

4 Ix diyhh dirr Jehovah ee binrjingg siongsiongg liaurliw jiaxee dingx dirr cingkir ee dingdaii dingw.

5 Liw diyhh tec iur ee mirhunw, vig jap-zi der vniaw, muixx der ing efah jap hxun nng.

6 Diyhh jiong' vniaw vaii juer nng jua, muixx jua lak der dirr Jehovah ee binrjingg singwqed ee dyh-dingw.

7 Qycc diyhh ing cingkir ee zuxhniux he dirr dagg jua, qra vniaw juer qiwhy, dyrr si juer huexjer henr hro Jehovah.

8 Dagg xee Anhiyczit, ix diyhh siongsiongg vaii dirr Jehovah ee binrjingg; jex si uirdiyhh Islaellangg juer ingxuanw ee iog.

9 Jiaxee vniaw diyhh qruix hro Aalon qapp ix ee qniaxsunx, inx diyhh dirr sxingr ee soxjai jiac ix; in'ui dirr Jehovah ee huexjer diongx, jitt xee si jiww sxingr qruix dirr ix, juer ingxuanw ee le."

10 U jit langg, ix ee laurbuw si Islaellangg, ix ee laurve si Egiptlangg, cud laii qniaa dirr Islaellangg ee diongqanx.

11 Jitt xee Islael hurzinlangg ee qniaw, qapp jit xee Islaellangg dirr ngiavnuaa lai uanqex. Jitt xee Islael hurzinlangg ee qniaw setdok sxingr miaa, qycc jiuwjow. Dyrr u langg jiong' ix duar qaur Moses hiax. Ix ee laurbuw miaa qiyr Selomit, si Dan ee jipair, Dibli ee jaboxqniaw.

12 Inx qra ix qnuaix dirr kuliusow, beh tingwhau Jehovah jixsi.

13 Jehovah huanhur Moses qongxx,

14 "Diyhh jiong' hitt xee jiuwjow ee langg duar qaur ngiaa-gua, hro tniax .qnir ee langg hnuarciuw dirr ix ee taukag dingw; juann hue jingwlangg diyhh ing jiyhtauu dimr siw ix.

15 Liw diyhh huanhur Islaellangg qongxx: Qniwnarr jiuwjow ix ee Siongrder :ee, diyhh damdngx ix ee jue.

16 Langg setdok Jehovah ee miaa, diyhh hro ix siw; juann hue ee jingwlangg diyhh ing jiyhtauu dimr siw ix; vutquanw si cutguarlangg, iacc si vunxderlangg, ix setdok Jehovah ee miaa ee sii, diyhh hro ix siw.

17 Qniwnarr pah siw langg :ee, dikkag diyhh hro ix siw.

18 Pah siw jingsnix :ee, diyhh vuee ix, ing mia vuee mia.

19 Langg narr hro ix ee cuwvnix siurr sunxsiongx, ix anxnix qniaa, iarr diyhh anxnix kuanxtai ix.

20 Ing siongx vuee siongx, ing bagjiux vuee bagjiux, ing cuiwkiw vuee cuiwkiw, ix sunxsiongx langg' jnaixngiu, iarr diyhh anxnix vran ix.

21 Pah siw jingsnix :ee, diyhh vuee ix; pah siw langg :ee, dikkag diyhh hro ix siw.

22 Vutquanw si cutguarlangg, iacc si vunxderlangg, qangg jit ngiu ee huatlut; in'ui Guaw Jehovah si linw ee Siongrder."

23 Moses dyrr qra Islaellangg qongw. Inx dyrr jiong' hitt xee jiuwjow ee langg duar qaur ngiaa-gua, ing jiyhtauu qra dimr siw. Islaellangg dyrr jiauww Jehovah soxx bingrling Moses :ee laii qniaa.

25 Jehovah dirr Sinai Snuax huanhur Moses qongxx,

2 "Liw diyhh huanhur Islaellangg qongxx, linw qaur Guaw sniuxsur linw hitt xee de ee sii, de dyrr diyhh qra Jehovah siuw anhiyh.

3 Lak nii diyhh jingwjyh liw ee canhngg, lak nii quw diyhh sanquah liw ee pudyhngg, siux de ee cutsanw.

4 Qaur derr cid nii de diyhh siuw dua ee anhiyh, dyrr si qra Jehovah siuw ee anhiyh, m tangx jingwjyh liw ee canhngg, iarr m tangx sanx pudyhngg.

5 Qaqi huad ee gorqag, m tangx siuquah; byy quer sanquah ee pudyciu, iarr m tangx banw pudyy; jitt nii si de ee anhiycnii.

6 De dirr anhiycnii soxx cud :ee, beh hro linw juer jiahmic; ix ee cutsanw longxx beh hro liw qapp liw ee lovok, liw ee luxvi, liw ee cniawqanglangg, ixqip qiawkax dirr liw hiax ee guarlangg,

7 Qapp liw ee jingsnix, ixqip dirr liw ee de ee jauxsiur juer jiahmic.

8 Liw diyhh uirr qaqi sngr anhiycnii cid xee, dyrr si cid vaiw ee cid nii. Jitt cid vaiw ee anhiycnii, duiwdirr liw si sir-jap-qauw nii.

9 Hitt nii Cid-guec cejap, liw diyhh siwqer vunn dua sniax ee sauwqag; dirr siogjue ee zit diyhh juann de vunn sauwqag.

10 Linw diyhh ing derr go-jap nii juer sxingr, dirr venww de qra itcer kiarkiw ee vecsnir suanvor juriuu; jitt nii beh juer linw ee hilenn. Linw dagg langg diyhh qruix qaqi ee sanxgiap, dagg langg diyhh dyr kir ix ee vunxqex.

11 Derr go-jap nii beh juer linw ee hilenn, m tangx jingwjyh; de qaqi huad :ee, m tangx siuquah; byy sanx ee pudyciu iarr m tangx banw ix.

12 In'ui jex si hilenn, linw diyhh liac ix juer sxingr; linw tangx jiac de nirr qaqi cud ee toxsanw.

13 Jitt xee hilenn, linw dagg langg diyhh dyr kir qaqi ee sanxgiap.

14 Linw bre mic hor cuwvnix, iacc si duiww cuwvnix brew mic, linw m tangx sna' kikkuix.

15 Liw diyhh jiauww hilenn au ee nihan, duiww cuwvnix brew, ix iarr diyhh jiauww siusingg ee nihan bre hro linw.

16 Jiauww nihan ee je, liw diyhh qetnix ix ee qewjnii; jiauww nihan ee jiyw, liw diyhh qiamxjiyw ix ee qewjnii, in'ui ix jiauww siusingg ee siauwgiac laii bre hro linw.

17 Linw iarr m tangx sna' kikkuix, dogdok diyhh qingwuir linw ee Siongrder; in'ui Guaw si Jehovah, linw ee Siongrder.

18 Soxiw linw diyhh qniaa Guaw ee ludle, siuw Guaw ee huatdo laii qniaa ix, dyrr tangx dirr hitt xee de anzenn kiarkiw.

19 De iarr beh cud ix ee toxsanw, linw dyrr beh jiahvaw, dirr hitt xee de anzenn kiarkiw.

20 Linw narr qongw, 'Knuar ar, jitt xee derr cid nii guanw byy jingwjyh, iarr byy siusingg toxsanw, beh jiac simxmih ar?'

21 Guaw beh dirr derr lak nii bingrling Guaw ee hokkir hro linw, de dyrr snix snax nii ee toxsanw.

22 Derr veh nii linw diyhh jingwjyh, iarr diyhh jiac de ee cutsnaw, dyrr si qu ee bixniuu; tingwhau qaur derr qauw nii, hitt nii ee cutsanw siux .laii ee sii, linw iauxquxx decc jiac qu ee bixniuu.

23 De m tangx ingxuanw bre dng, in'ui de si Guaw ee. Linw dirr Guaw ee binrjingg si cutguarlangg, si qiawkax :ee.

24 Linw soxx did diyc juer giap ee juann de, diyhh jrunw langg' sioghuee.

25 Liw ee hniadi narr vnir juer songwhiongx, bre ix ee giap quixnarr hxun, ix ee jiwcinx diyhh laii, sioghuee ix ee hniadi soxx bre :ee.

26 Narr byy langg tangx qra ix sioghuee, ix vunxsinx qycc jniaa juer hyxgiac, qraur gxiac e sioghuee,

27 Ix dyrr diyhh sngr bre cud de ee nihan, jiong' soxx cunx :ee hingg hitt xee bexjuw, vunxsinx dyrr tangx hogdyr ix ee sanxgiap.

28 Hitt xee langg narr be e uirr qaqi sioghuee, dyrr soxx bre :ee iuguann jrunn dirr bexjuw ee ciuw, didqaur hilenn. Hilenn ixqing’ qaur, sanxgiap diyhh qaux cud; hitt langg dyrr hogdyr ix ee giap.

29 Langg narr bre sniaa-lai ee cur, bre liauxau jit nii tangx sioghuee; jit nii qa'nngg iarr u sioghuee ee qxuann.

30 Narr jit nii ixqing’ muaw byy sioghuee jitt xee sniaa-lai ee cur, dyrr dniardiyc ingxuanw qruix bexjuw qaur dagg dai; dirr hilenn iarr berdid qaux cud.

31 Dogdok cur dirr byy sniacniuu ee hniucngx, diyhh knuar ix cincniu jngkax ee cann jidngiu, tangx sioghuee; qaur hilenn, longxx diyhh qaux cud.

32 Danrsi Levilangg ee sniaa, dyrr si inx soxx did diyc juer giap ee sniaa hitt diongqanx ee cur, Levilangg tangx vutquanxsii laii sioghuee.

33 Narr u langg dui' Levirlangg sioghuee cuwtec, soxx bre ee cur dirr soxx did diyc juer giap ee sniaa, qaur hilenn dyrr diyhh qaux cud; in'ui Levilangg sniaa-lai ee cur, si inx dirr Islaellangg diongx ee sanxgiap.

34 Danrsi inx ee sniaa-gua qau'iaw ee de, m tangx bre, in'ui si inx ingxuanw ee sanxgiap.

35 Liw ee hniadi vnir juer songwhiongx sueter dirr liw hiax, liw diyhh voxjo ix, hro ix qapp liw snaqab druar, cincniu guarlangg qapp qiawkax :ee jidngiu.

36 M tangx tec ix ee lirsig, iarr m tangx tec ix kacc qex; dogdok diyhh qingwuir liw ee Siongrder, hro liw ee hniadi qapp liw druar.

37 Liw jiyh ix jnii m tangx qra ix tec lirsig, liw jiyh ix bixniuu iarr m tangx qra ix tec kacc qex.

38 Guaw si Jehovah, linw ee Siongrder, bad cua linw cud Egipt-de, uirdiyhh beh sniuxsur linw Kanaan-de, iarr beh juer linw ee Siongrder.

39 Liw ee hniadi narr vnir songwhiongx dirr liw hiax, jiong' vunxsinx bre hro liw, m tangx hro ix cincniu lovok hogsai liw.

40 Ix diyhh dirr liw hiax cincniu juewqanglangg, qapp qiawkax :ee jidngiu; diyhh hogsai liw didqaur hilenn.

41 Hitt sii ix beh lirkuix liw cud .kir, qapp ix ee qniaxzii snaqab dyr kir ix ee vunxqex, hogdyr ix joxqongx ee giap.

42 In'ui inx si Guaw ee lovok, si Guaw soxx cua cud Egipt-de :ee, m tangx bre juer lovok.

43 M tangx giamgiamm quanxhad ix, dogdok diyhh qingwuir liw ee Siongrder.

44 Lun qaur liw soxx beh u ee lovok luxvi, tangx dui' siwuii ee qog-diongx brew laii juer lovok luxvi.

45 Qycc hiaxee qiawkax dirr linw diongqanx ee guarlangg ee qniaxzii, ixqip inx qapp linw diamr hiaxee qequanr, dirr linw ee derhngx soxx snix :ee, linw iarr tangx dui' inx diongqanx brew langg; inx beh juer linw ee qegiap.

46 Linw beh cruw inx juer giap, lauu hro qniaxsunx juer qegiap; linw beh ingxuanw dui' inx diongqanx cruw ix juer lovok; dogdok linw ee hniadi Islaellangg, linw m tangx giamgiamm sna' quanxhad.

47 Diamr dirr linw hiax ee guarlangg, iacc si qiawkax :ee, narr vnir juer hyxgiac, liw ee hniadi dirr inx hiax vnir juer songwhiongx, jiong' qaqi bre hro linw diongqanx ee guarlangg, iacc si qiawkax :ee, iacc si guarlangg ee qejok.

48 Bre liauxau tangx sioghuee ix, ix ee hniadi ee jit xee tangx sioghuee ix;

49 Vecjig, iacc si vecjig ee qniaw tangx sioghuee ix, iacc si vunxqex ee cinlangg, iarr tangx sioghuee ix. Ix vunxsinx narr jniaa juer hyxgiac iarr tangx qaqi sioghuee.

50 Ix diyhh qapp bexjuw sngwsiaur, dui' bre qaqi hitt nii kiw, sngr qaur hilenn, soxx bre ee qewjnii jiauww nihan ee jerjiyw, diyhh jiauww juewqanglangg ee nihan qapp ix sngr.

51 Narr soxx cunx ee nii iauxquxx je, dyrr diyhh jiauww hitt xee nihan, dui' brew ix ee qewjnii, ix diyhh hingg ix sioghuee ee qewjnii.

52 Narr qaur hilenn cunx byy quiw nii, diyhh qapp ix sngr; jiauww hitt xee nihan diyhh hingg ix sioghuee ee qewjnii.

53 Ix diyhh qapp ix druar, cincniu ninii qowcniar ee juewqanglangg; bexjuw m tangx giamgiamm quanxhad ix.

54 Narr byy dirr jiaxee siurr sioghuee, qaur hilenn, ix qapp ix ee qniaxzii longxx tangx cud kir juriuu.

55 In'ui Islaellangg si Guaw ee lovok, si Guaw cua cud Egipt-de :ee. Guaw si Jehovah, linw ee Siongrder.

26 Linw m tangx uirr vunxsinx juer simxmih sinvut, iarr m tangx cai diaukig ee gnoxsiong, iacc si tiaursiong; iarr m tangx dirr linw ee derqair andir simxmih kiksiong ee jiyc, quirvair ix; in'ui Guaw si Jehovah, linw ee Siongrder.

2 Linw diyhh siuw Guaw jiaxee anhiyh, qingr Guaw ee sxingr sow; Guaw si Jehovah.

3 Linw narr juntanr Guaw ee ludle, siuw Guaw ee qaiwbing laii qniaa,

4 Guaw dyrr qra linw lyc qibsii ee ho, de cud toxsanw, can'iaw ee ciurbak qed quexjiw.

5 Linw pah gnoxqog beh pah qaur banw pudyy ee sii, banw pudyy beh banw qaur ia jxingw ee sii; qycc linw beh jiac linw ee bixniuu qaur vaw, dirr linw ee toxde anzenn kiarkiw.

6 Guaw beh sniuxsur ving'anx dirr linw ee de; linw dyw lecc kunr, byy langg pacqniax linw. Guaw beh dirr linw ee de druu kir oksiur, dyqiamr iarr byy qingquer linw ee de.

7 Linw beh qnuaw cud duiwdik, inx beh dirr linw ee binrjingg dyw dirr dyx-xe.

8 Linw go langg beh qnuaxjauw jit-vah langg, linw jit-vah langg beh qnuaxjauw jit-bxan langg, duiwdik beh dirr linw ee binrjingg dyw dirr dyx-xe.

9 Guaw beh knuawqor linw, hro linw sing'iongw jin' je, iarr beh qapp linw qenwlip Guaw ee iog.

10 Linw beh jiac kngr quw quw ee qu gnoxqog, qycc uirdiyhh sinx :ee, vnuax cud qu :ee.

11 Guaw beh dirr linw diongqanx lip Guaw ee huerbo, Guaw ee simx iarr byy iamwngor linw.

12 Guaw beh qniaa dirr linw diongqanx, Guaw beh juer linw ee Siongrder, linw beh juer Guaw ee vecsnir.

13 Guaw si Jehovah, linw ee Siongrder, bad cua linw cud Egipt-de, benw did linw juer inx ee lovok. Guaw bad jam dng linw ee dnax ee syh, hro linw tingxsinx laii qniaa.

14 Linw narr m tniatanr Guaw, m siuw Guaw longxjongw ee qaiwbing, linw narr kiwsag Guaw ee ludle,

15 Simlai iamwngor Guaw ee huatdo, drir qaur byy qniaa Guaw itcer qaiwbing, vue Guaw ee iog,

16 Guaw dyrr beh anxnix kuanxtai linw. Guaw dniardiyc beh hro linw qniahniaa, siausanw, drir zedvni, bagjiux pacpnaiw, simx iusiongx. Linw beh kangx kangx ia jxingw, in'ui linw ee duiwdik beh jiac ix.

17 Guaw beh duiww linw vniwbin, linw beh vairdin dirr duiwdik ee binrjingg. Uanwhun linw :ee beh quanxhad linw; byy langg duiqnuaw, linw iarr beh dyjauw.

18 Linw in'ui jiaxee dairjir narr iauxquxx m tniatanr Guaw, Guaw dyrr beh uirdiyhh linw ee jue qetnix cid vxue jikhuat linw.

19 Guaw beh duanrjuat linw u sewlik ee qiaugno; qycc beh hro linw ee tnix cincniu tih, linw ee de cincniu dangg.

20 Linw cud lat diyhbuaa beh kangx kangx, in'ui linw ee de byy cud toxsanw, de ee ciurbak iarr byy qed quexjiw.

21 Linw qniaa dairjir narr qapp Guaw huanxduir, m kingw tniatanr Guaw, Guaw dyrr beh jiauww linw ee jue qetnix cid vxue, qangr jaieh hro linw.

22 Guaw beh crex iaxsiur qaur linw ee diongqanx, qarjiac linw ee qniaxzii, tunbet linw ee jingsnix, hro linw ee langgiac qiamxjiyw, linw ee lo pahngx.

23 Linw in'ui jiaxee iauxquxx byy siurr jikdog laii qui'ngr Guaw, qniaa dairjir huanxduir Guaw,

24 Guaw iarr beh qniaa dairjir laii huanxduir linw. Guaw vunxsinx beh in'ui linw ee jue, pah linw cid vxue dang.

25 Guaw qycc beh hro dyqiamr limqaur linw, vywingr linw vueriog ee jue; linw beh siurr uikunr dirr sniaa-lai; Guaw beh qangr un'ik dirr linw diongqanx, iarr beh qra linw qaux dirr duiwdik ee ciuw.

26 Guaw duanrjuat linw soxx uaxkyr e bixniuu. Hitt sii beh u jap xee hurzinlangg dirr jit xee loo qra linw vig vniaw, cinr linw ee gxiac ee jiahmic hro linw, linw beh jiac, iarr jiac be vaw.

27 Linw in'ui jex itcer ee su, narr iauxquxx m tniatanr Guaw, iarr qniaa dairjir huanxduir Guaw,

28 Guaw dyrr beh huad cud dua siurkir, qniaa dairjir huanxduir linw. Guaw vunxsinx in'ui linw ee jue, jikhuat linw cid vxue ee dang.

29 Qycc linw beh jiac linw ee qniaw ee bah; linw ee jaboxqniaw ee bah linw iarr beh jiac.

30 Guaw iarr beh huixhuai linw ee snuataudnuaa, cyr linw ee zidsiong, jiong' linw ee sinsix hed dirr linw ee gnoxsiong ee sinjniu; Guaw ee simx iarr beh iamwngor linw.

31 Guaw beh hro linw ee sniaa pahngx, hro linw jiaxee sxingr sow honghuer; Guaw iarr byy beh pni linw ee hniuliau ee pangbi.

32 Guaw beh hro de honghuer; linw ee duiwdik kia dirr hiax :ee, beh in'ui anxnix laii gonggniac.

33 Guaw beh siwsnuar linw dirr ledvangx diongx. Guaw iarr beh vuic dyx duiqnuaw linw; linw ee de beh honghuer, linw ee sniaa beh pahngx.

34 Linw dirr duiwdik ee de kiarkiw ee sii, linw ee de pahngx, beh hiongxsiu ix ee anhiyh. Dirr hitt sii, de beh hiyckunr, hiongxsiu ix ee anhiyh.

35 De pahngx zuarr quw, dyrr beh did diyc anhiyh hiacc quw; in'ui linw diamr dirr hiax ee zit, linw jiaxee anhiyh ee qrii, ix byy did diyc anhiyh.

36 Lun qaur linw soxx cunx ee langg, Guaw beh hro inx dirr duiwdik ee de, simx qniax qaur hrun .kir; ciurhiyc hro hongx cuex dinxdang ee sniax duiqnuaw inx, inx beh dysiamw, naxx cincniu dysiamw dyqiamr :ee; byy langg duiqnuaw ix, iarr beh vuahdyw.

37 Byy langg duiqnuaw ee sii, inx beh dairqex sna' keh vuahdyw, cincniu dirr dyqiamr ee taujingg; linw dirr duiwdik ee binrjingg iarr kia be diauu.

38 Linw beh bedbyy dirr ledvangx diongx, duiwdik ee de beh tunjiac linw.

39 Linw soxx cunx ee langg beh dirr duiwdik ee de, in'ui qaqi ee jue laii siaubyy; iarr in'ui joxqongx ee jue qapp inx vnivnii siaubyy.

40 Inx beh zin qaqi ee jue, qapp inx joxqongx ee jue, dyrr si inx soxx qanhuan Guaw ee jue, qycc zin qaqi qniaa dairjir huanxduir Guaw;

41 Soxiw Guaw qniaa dairjir huanxduir inx, duar inx qaur duiwdik ee de. Hitt sii inx byy sriu qatlew ee simx narr u kiamvix, qamguan sriu jue ee hinghuat,

42 Guaw beh qiwliam Guaw qapp Jakob soxx lip ee iog, Guaw beh qiwliam Guaw qapp Isaac soxx lip ee iog, qapp Ablaham soxx lip ee iog; Guaw iarr beh qiwliam jitt xee de.

43 Inx lirkuix hitt xee de, dirr ix pahngx, inx byy dilehh ee sii, hro ix did diyc hiongxsiu ix ee anhiyh; qycc inx qamguan sriu jue ee hinghuat, in'ui inx kiwsag Guaw ee huatdo, simlai iamwngor Guaw ee ludle.

44 Suizenn anxnix, inx dirr duiwdik ee de ee sii, Guaw iauxquxx byy kiwsag inx, iarr byy iamwngor inx, laii itjin bet inx, drir qaur vue Guaw qapp inx soxx lip ee iog; in'ui Guaw si Jehovah, inx ee Siongrder.

45 Guaw iarr beh uirdiyhh inx ee enqor, qiwliam Guaw qapp inx ee joxqongx soxx lip ee iog, dyrr si Guaw dirr ngirvangx diongx ee binrjingg cua inx cud Egipt-de :ee, beh juer inx ee Siongrder :ee; Guaw si Jehovah."

46 Jiaxee ludle, huatdo, qawsi, dyrr si Jehovah dirr Ix vunxsinx qapp Islaellangg ee diongqanx, dirr Sinai Snuax, tog Moses soxx lip :ee.

27 Jehovah huanhur Moses qongxx,

2 "Liw diyhh huanhur Islaellangg qongxx: Langg he digvet ee guan, diyhh jiauww liw soxx qrow ee sinqer qruix hro Jehovah.

3 Liw soxx qrow ee qrer, davolangg dui' zi-jap huer qaur lak-jap huer, diyhh qrow ix ee qewginn go-jap sekel, jiauww sxingr sow ee sekel.

4 Narr si jaboxlangg, liw diyhh qrow ix ee qrer snax-jap sekel.

5 Narr si dui' go huer qaur zi-jap huer, davox :ee liw diyhh qrow ix ee qrer zi-jap sekel; jaboxlangg qrow jap sekel.

6 Narr si dui' muaxguec qaur go huer, davox :ee liw diyhh qrow qewginn go sekel, jabow :ee diyhh qrow qewginn snax sekel.

7 Narr si dui' lak-jap huer ixsiong, davolangg liw diyhh qrow qewginn jap-go sekel, jaboxlangg jap sekel.

8 Hitt langg narr songwhiongx, be e jiauww liw soxx qrow ee qrer, dyrr diyhh hro ix kia dirr jewsix ee binrjingg, jewsix diyhh qrow ix; jiauww he guan ee langg ee kuiwlat, jewsix diyhh qrow ix.

9 Narr si jingsnix, dyrr si langg henr hro Jehovah juer lexmic :ee, longxx diyhh hunvet ix juer sxingr.

10 Langg m tangx qexngua, iarr m tangx duiwngua, higsi ing hyw :ee ngua pnaiw :ee, iacc si ing pnaiw :ee ngua hyw :ee; narr ing jingsnix duiwngua jingsnix, soxx he :ee qapp soxx ngua :ee longxx diyhh hunvet ix juer sxingr.

11 Narr byy cingkir ee jingsnix, langg soxx m tangx henr hro Jehovah juer lexmic :ee, dyrr diyhh hro jingsnix kia dirr jewsix ee binrjingg;

12 Jewsix dyrr diyhh qrow ix ee qrer; jingsnix si hyw si pnaiw, liw jewsix soxx qrow :ee anxnix dyrr si.

13 Ix narr itding beh sioghuee, dyrr diyhh dirr liw soxx qrow ee qewjnii ixgua, qetnix go hxun ee jit hxun.

14 Langg ing cur hunvet juer sxingr, qruix hro Jehovah. Jewsix dyrr diyhh qrow ix ee qrer, knuar cur si hyw si pnaiw; jewsix soxx qrow ee qrer, jiauww anxnix dniardiyc.

15 Hunvet ix ee cur juer sxingr :ee, narr beh sioghuee, dyrr diyhh dirr liw soxx qrow ee qewginn ixgua, qetnix go hxun ee jit hxun; cur jiauwqu qruix ix.

16 Langg narr dui' ix ee giap ee de hunvet jit hxun juer sxingr qruix hro Jehovah, liw diyhh jiauww ix ia jxingw ee jerjiyw qrow ix ee qrer. Narr ia duarbec jit homer, qewginn diyhh go-jap sekel.

17 Ix narr dui' hilenn kiw, jiong' de hunvet juer sxingr, dyrr diyhh jiauww liw soxx qrow ee qewjnii laii dniardiyc.

18 Setsuw ix dirr hilenn ixau jiong' de hunvet juer sxingr, jewsix dyrr diyhh dui' hitt diap qaur hilenn soxx cunx ee nigiac, sngr ix ee qewjnii; iarr diyhh dui' liw soxx qrow :ee, laii qiamxjiyw ix.

19 Hunvet ix ee de juer sxingr :ee, narr itding beh sioghuee, ix dyrr diyhh dirr liw soxx qrow ee qewjnii ixgua, qetnix go hxun ee jit hxun, de dyrr dniardiyc qruix ix.

20 Ix narr m sioghuee hitt xee de, iacc si jiong' de bre hro vadd langg, dyrr be e qycc sioghuee .did.

21 Hitt xee de qaur hilenn ee sii ixqing’ qaux cud, diyhh juer sxingr qruix hro Jehovah, cincniu ingxuanw henr ee de jidngiu, diyhh qruix hro jewsix juer giap.

22 Ix narr jiong' soxx brew ee jit der de, m si ix sanxgiap ee de, hunvet juer sxingr qruix hro Jehovah,

23 Jewsix dyrr diyhh ing liw soxx qrow ee qewjnii qra ix cuisngr qaur hilenn. Hitt zit ix diyhh tec cud liw soxx qrow ee qewjnii juer sxingr, qruix hro Jehovah.

24 Hilenn ixqing’ qaur, hitt xee de diyhh qruix berjuw, dyrr si hitt xee singjiab giap ee guanjuw.

25 Qniwnarr liw soxx qrow ee qewginn, longxx diyhh jiauww sxingr sow ee sekel; zi-jap gelah juer jit sekel.

26 Dogdok jingsnix ee diongqanx taujuiw snix :ee, bylun si guu si ngiuu, ixqing’ qruix Jehovah juer taujuiw snix :ee, langg m tangx qycc hunvet ix juer sxingr, in'ui jex vunw si Jehovah ee.

27 Narr si byy cingkir ee jingsnix soxx snix :ee, dyrr diyhh jiauww liw soxx qrow ee qrer, qex go hxun jit laii sioghuee ix; narr m sioghuee, dyrr diyhh jiauww liw soxx qrow ee qrer laii bre.

28 Dogdok itcer ingxuanw henr :ee, dyrr si langg dui' ix soxu :ee ingxuanw henr hro Jehovah, bylun si langg, si jingsnix, iacc si ix sanxgiap ee de, longxx m tangx bre, iarr m tangx sioghuee. Ix ingxuanw henr :ee si jiww sxingr; qruix hro Jehovah.

29 Qniwnarr ingxuanw henr :ee dyrr si dui' langg ee diongqanx ingxuanw henr, longxx m tangx sioghuee; ix dikkag diyhh sriu siw.

30 Qniwnarr derjniu soxu :ee, bylun si toxsanw, iacc si ciu-dingw ee quexjiw, jap hxun ee jit hxun si Jehovah ee, juer sxingr qruix hro Jehovah.

31 Langg narr beh sioghuee jitt xee jap hxun jit ee simxmih mic, dyrr diyhh qex go hxun ee jit hxun.

32 Qniwnarr guu-qrunn, ngiuu-qrunn ee jap hxun jit, qingquer qnuaiw-aw xe :ee, muixx derr jap jiah diyhh juer sxingr qruix hro Jehovah.

33 Vutquanw ix si hyxpnaiw, m tangx duiwngua; narr beh duiwngua, dyrr soxx duiwngua :ee qapp vunxzenn ee jingsnix, longxx diyhh juer sxingr, be sioghuee .did."

34 Jex dyrr si Jehovah dirr Sinai Snuax uirdiyhh Islaellangg soxx bingrling Moses jiaxee bingrling.

huedngw tauu iac