cionghunx huathuix ee amwsiwsig -4
-- Jung (Bunchhai huan'ik)
DERR SIR JNIUX JINGSINN IHAK
guaw ee vnerlangg hro guaw cimzip zinsingx ee henrsit,
qycc ui' inx ee srinx-siong bingliauu berdangr kiamr ee mic.
dui' vnerlangg/ qokk jiongw jingsinn henrsiong ee jiapjiog,
guaw m na did diyc diwsig,
qyckacc dongrcad liauw jurqiw vunxsingr ee linglik.
Dirr Burgholzli jingsinn vnerngi ee hitt quiw nii, si guaw sai'aw siqii, cuwbi :ee/ genxqiur qangjog si “jingsinvne huanrjiaw ee luersimx dauwdew huatsingx liauw sniaw su?” dongsii vingrr byy liauxqaiw ee bunrdee, marr byy qitnax dongsu quansimx. Jingsinn ihak ee laursux, duiww vnerlangg qongw ee ue byy cuwbi, zinruii zuhyy jinxduan/ biyue inx ee vnerjong/ did cud tongxqer sowzi si inx beh :ee. Duiww hitt sii liuhingg limcngg quandiamw laii knuar, vnerlangg ee zinqeh (qywsingr)/ vnerjingr, jit diamw aw dyrr byy kanlenn; sianghuanw :ee, si isux jah dah hyw ee jinxduan vnerlik/ siongser qiwlok ee qokk jiongw vnerjingr laii qnir vnerlangg. Vnerlangg gne ho'ngg hunlui/ jinxduanrsux-dingw dngr inr-aw, tongsiongg dairjir dirr jiax dyrr qaixquad ar. Jingsinn huanrjiaw ee simliw qinvunw byy zimrhyy derui.
Jitt diamw Fruad duiww guaw jin' diongriaur, digvet si ix duiww histeria (Hysteria)/ bang ee simlixhak qicow genxqiur. Ix ee quandiamw jriw cud jit diauu diaujax/ liauxqaiw qywvet vnerle ee dyrlo. Suibongw ix vunxlangg si sinqinghagqax (Neurologist), kiokk qra simlixhak inxzip liauw jingsinn ihak.
Dnaxx guaw iuguann jin' cingcyw, huesiongw dongsii inxkiw guaw jin' dua cuwbi ee jit xee vnerle. Jit xee siauwlenn luxsu dair giamdiong ee utjingr(Melancholia) zip ngi. Isux cniurr vingsii anne : mng ixongw ee vnersuw/ qokk jiongw qiamxgiam/ texqeh qiamxjax. Jinxduan qetqyw si jingsinn hunlec, dongsii ee iongrsuu si “jaxhuatsingr cidaix (Dementia Praecox)”, irqyr ixau ee huatdenw : vutliongg.
Jitt xui luxsu dirr guaw ee vorbunn nirr. Kaisiw sii, guaw iauxx siauwlenn/ duxdecc yc ziiw, m qnaw duiww jinxduan qetqyw iuxsow huaigii. Mrqycc qamxqag ix m si jingsinn hunlec, si sriok itvnuax ee utjingr (Depression), quatsimx iong jurqiw ee dirliauu honghuad. Hitt sii, guaw duxx byingg jinxduan lensiongw (Diagnostic Association) genxqiur, dyrr ham' vnerlangg jinwhingg liauw jit vaiw lensiongw sidgiam, qycc ham' ix tylxlun ix jyr .quer ee qokk jiongw bang. Jitt xee honghuad singqongx henkuix ix ee vnersuw soxx byy cingcyw ee quewkir. Guaw didjiap ui' amwiwsig did diyc sinwsid --- jit xee cicamw ee qowsu.
Jitt xui luxsu snex jyr suiw, qethunx jingg, bad jit xee u jnii ee qanggiabqax ee qniaw/ si hitt derkux ee qoniuu soxx iwsinn ee duiwsiong, itsimx zinruii jurqiw ngiaa .diyc ee qihue qik dua. Mrqycc viauxbin-siong knuar .laii, javox :ee naxx byy iwsur ee kuanw, ix dyrr qer vadd langg.
Go nii au, jit xui lau ving'iuw laii cue, qongw diyc ongxsu, “ liw qethunx ee sii, hitt xee u jnii langg' qniaw huisiongg diyhqniax!” cuxau, ix diyc utjingr, quiw lexvair au, viqiok huatsingx ar! Ix druar dirr jngkax, juixguann byy qraur uersingx, limx ee si jnuajuiw, sew sinkux/ sew snxax si kejuiw. Ix qra sir huer jaboxqniaw sew sinkux sii, knuar ginxaw decc suh haixmii, kiokk byy qra dongr, simrjiww kad jit vxuex hro nng huer ee haursnex limx. E anne jyr dongzenn si amwiwsig/ vnuawiwsig diyc, ix ixqingx sriu utjingr ee ingxhiongw.
Byy quw, ix jitt xee utjingr jiamrr huatdenw au, jaboxqniaw diyc dng'axzet quewsinx. Siyw qoniuu si ix ee jiangxsiong bingjux, qniaw byy sriu qamxziamw. Dyrr jitt xee sihau, utjingr jinwzip qipsingr qaidnua, ix virr sangr laii vnerngi.
Ui' jitt xee lensiongw ciwgiam, guaw knuar cud ix si bosathuan/ ix ee viwbit guaw jaix taiww je ar. Jinsiongr sui' henr .cud .laii, jex dyrr si ix utjingr ee diongriaur guan'inx. Ixx vunxjid laii qongw, jex si jit jiongw laijurr simliw jingsinn jongwgai (Psychogenic Disturbance), m si jingsinn hunlec.
Anne, qaix caixiong sniaw dirliauu honghuad neh? Jitt xui luxsu itdit virr jur basia duiwkongr sitbinjingr (Insomnia), rair u langg kanwsiuw, qniax ix jursad/ qenrkongx jongrtair iauxx sngr hyw.
Guaw rair binrduir jit xee bunrdee, dauwdew guaw qamxx rair qra ix suecbingg? Guaw qamxx qaix dnax kiw jitt xee jikzim? Jitgiap/ jikzim-siong ee maudunw ixjaw m bad cuthen, binrduir liongsimx bunrdee, qandna' jurqiw qaixquad. Narr iauqiuu dongsu dauwsnaqangx, inx dairkair e qingxqyr guaw “ vaiwtog knuar tniqongveh binrjuw .jit .xe, cenban m tangx qra qongw, jex qandna' e hro ix ee jinghongw qyckacc camw.” guaw kiokk zinruii dywvingw. Simlixhak cavutdyx byy bingkag ee huatjig, uanjuann cuxquad dirr lanw si m si beh qra amwiwsig ee qokk jiongw insor kyxlu jairlai. Dongzenn, guaw jin' cingcyw jurqiw soxx jyr ee honghiamw : narr si vnerjingg qadang, guaw jurqiw marr e ham zip kunwqingw-lai.
Suibongw si anne, guaw quatding cir. Qra guaw tauwquer lensiongw soxx liauxqaiw ee itcer, juann qra qongw. Anne ee kunwlann si liaursiongw e diyc ee, jiacc cingcyw jixjig satzinhuan m si siyxquaw dai, duiww diyhh tniax jitt jiongw jixjig/ jiapsiu ee vnerlangg marr si jin' dua diauu, mrqycc, nng lexvair au, ix suacc erdangr cud ngi, cuxau, byy qycc zip laii .quer.
Jitt xee vnerle, guaw duiww soxu ee dongsu longxx byy qongw kiw, damsimx inx e dua sniax tyxlun, inxkiw qywsor. Suibongw knuar byy duiww vnerlangg vutli ee jingwqir, mrqycc tyxlun duiww ix jin' kyxlingg si jailan. Miarun ixqingx qra cuxhuad u qraur dang ar! Ix qaix huedngw laii henrsit, dirr zidsiongg sing'uac siogjue, guaw qamxqag anne jiacc u iwgi. Cud ngi sii, ix si duar diyc dimdang ee hurdamx likuix ee. Ix vutditvud anne ar! Sitkir qniaw ixqingx u qraur vicamw ar! Siogjue hing'uii jaw dirr ix diyc utjingr/ dirr vnerngi virr qamwqimr dyrr kaisiw ar.
Dirr jingsinn ihak ee jinghongw-ha, vnerlangg laii knuar vne sii, longxx u jit quaw byy qongw cud :ee/ itvnuax langg m jaix ee qowsu. Guaw qamxqag jixu cue cud jiaxee dansunn sriok qywzinn ee qowsu au, duiww vnerlangg ee dirliauu jiacc sngr jinjniar kaisiw. Jiaxee qowsu si vnerlangg simx-diongx ee viwbit, si hro inx longr qaxx byy sinhunn ee jiyhgiamm. Narr erdangr jaix jiaxee suha soxx cangr ee qowsu, dingxii jiangxag dirliauu ee quanqenr, isux ee jikzim dyrr si vuew cringx jiaxee viwbit. Dirr dysor jinghongw-ha, qandna' tamwtyw iwsig ee jailiau si byy qraur ee, u sii, jinwhingg lensiongw cikgiam kyxlingg jingxliw cud jit diauu lo; duiww bangrqingw jinwhingg qaixsueh/ ham' vnerlangg dngqii, nairsingr ee jiapjiog marr qangrkuanw ee qonghau. Dirr dirliauu-siong, bunrdee dyxsor si ui' vnerlangg ee jingxtew/ m si ui' vnerjingr lyc ciuw, lanw diyhh cuxliw cimkig dag diyc jingxqyy zinqeh ee jiongxjiongw bunrdee.
DERR ID VAIW JINJNIAR EE DIRLIAUU TEXGIAM
1905 nii, guaw dirr Zurich dairhak damzim jingsinn ihak ee qangxsux, dongnii, singqeh jyr jingsinkyx vnerngi jucimx isux; 1909 nii guaw hongwkir jitt xee jit'ui, si qangjog qycc did diyc tiauwqib tevuat. Jitt quiw nii guaw suha qra jerje langg knuar vne, simrjiww lenrr zidsiongg qangjog dy' sriu ingxhiongw. Mrqycc iauxx vyxliuu qauwsiu jitbu, itdit qaur 1913 nii uijiw, guaw juxqangw jingsinn vnerlixhak (Psychopathology)/ marr u Freud ee jingsinn hunsig (Psychoanalysis) ee qicow kywdingg/ guansixlangg simlixhak/ tauu nng hagqii, juxiaur si cuibinhuad (Hypnosis) / marr u Janet , Flournoy ee lixlun. Aurlaii, Freud ee jingsinn hunsig ee bunrdee venwjniaa juxiaur lueriongg.
Qar cuibinsut qiqanx, guaw qac'ir siongser mng hiaxee jniajyr sirhuan qauwhak duiwsiong ee vnerlangg ee quewongw vnersuw. U jit xee vnerle, qaur dnaxx iuguann qir qaxx jin' cingcyw.
U jit zit, jit xee u qionglet jongqaur sinwgiongw ee dionglenn luxsu laii knuar vne/ go-jap-veh huer/ dywkax kuee .kir, qnuaiw-aw giac jap-cid dxangx ar, uirr jex sriu jerje kow/ suxiongrlangg duer dirr srinx-vnix. Guaw hro ix jre dirr suwsi ee iw-aw/ iauqiuu ix qongw vnersuw/ sui' kaisiw jin' siongser biysut, qongw qaxx dngg ~ ee qowsu/ guaw pah dng ix ee ue “or! Hyw lar! Lanw byy siqanx qycc qongw ar, jitmaw lanw kaisiw jyr cuibinn!”
Guaw jitt qxur ue bue qongw uann, ix bagjiux dyrr kreh .kiw .laii, jinwzip cimbinn jongrtair, mrqycc guaw iauxx bue jinwhingg cuibinn ar! Guaw sidjai qniax jit diyy, marr byy qiauxcaw ix ee kunwbinn. Ix qewsiok vutduan qongw .lyc .kir, qongw diyc ho'ngg qniahniaa ee bang/ amwiwsig cimkig texgiam ee qokk jiongw bang (quiw nii au guaw jiacc jaix jitt diamw). Guaw zinruii ix dirr jin' hinghunr ee jongrtair, jitt jiongw jingqingw hro guaw jin' byy songxkuair, dongsii u zi-jap-gua xee hagsingx jairdniuu, guaw guanvunw si junxvi duiww ix jinwhingg cuibinn ee!
Diamxvnuawjingx au, guaw sniu beh qra qiyr cnew, mrqycc ix dyrr m cnew, guaw dua diyhqniax, hionghiongg sniu .diyc, guaw kyxlingg quewdo iusimx cimzip ix amwhok ee jingsinvne (Psychosis) . Juewau dairiok quer liauw jap hunjingx jiacc qra qiyr cnew/ dongsii m qnaw hro hagsingx knuaw cud guaw qinxdniux. Dng' jitt xui luxsu cnew .quer .laii , qamxqag tauu hinn, tentyc. Guaw qra qongw “guaw si isux, itcer jingwsiongg.” tniax diyc jex, dua sniax huah “ guaw hyw ar!” benw qnuaiw-aw, lrong lehh dyrr qniaa. Guaw jin' pnaixser/ bin angg, iuguann qew dinwjing qra hagsingx qongw “ linw jitmaw qaix knuar cud cuibinn u zuarr dua haurqyw !” sidjer-siong, guaw qinvunw m jaix huatsingx sniaw su.
Jex si jit vaiw hro guaw hongwkir cuibinn ee texhue. Guaw byy bingvik huatsingx liauw sniaw su, mrqycc hitt xui luxsu kaksit hyw ar! Qycc jin' hnuahiw laii likuix. Guaw iauqiuu ix hro guaw jaix aurlaii ee jinghongw, in'ui qoxsngr siongrr ban zi-jap-sir siyxsii quer ix dyrr e qycc rair giac qnuaiw-aw. Mrqycc itdit benw giac; m quanw guaw simlai anxjnuaw huaigii, kiokk vutditvud jiapsiu ix ixqingx hyw ee sursit.
Derr zi nii zuac .langg, dirr guaw derr id vaiw qawkyr sii, ix qycc laii ar, uanwtanr kajiah jin' tniar, qongw si juewqin jiacc u :ee. Guaw mng qaqi, jex si m si ham' guaw dingsinx qangxkyr u quanhe? Kyxlingg si ix dirr vywjuaw knuar diyc guaw kaised jitt xee qangxjy ee qongxqyr! Guaw mng ix tniar si dangsii kaisiw? Si sniaw guan'inx jyrsingg? Ix sniu be kiw .laii, marr m qongw guan'inx. Juewau guaw did cud ee qetlun si, ix ee tniar duxhyw si huatsingx dirr ix ui' vywjuaw knuar .diyc jitt xee qongxqyr hitt xee sikig. Jex jingwsit liauw guaw ee iycsniu, mrqycc iuguann byy bingvik jaxjingg hitt vaiw naxx qijig dri hyw ee guan'inx. Guaw jaiww crur duiww ix jingwhingg cuibinn, iacc si qongw, ix jaiww crur jurdong jinwzip anbinn jongrtair --- kajiah tniar jurdong siausid ar.
Qangxkyr suah, qra lauu .lyc .laii, sniu beh jaix ix ee sing'uac. Qetqyw huathen, ix u jit xee qe diwlingg ee qniaw, duxhyw dirr guaw hogbu ee vormngg jiapsiu dirliauu/ jitt hxang su guaw m jaix/ si ix iong derr zi xee angx ee sner/ qniaw si derr id crur qethunx snex :ee, qoqniaw. Ix vunxlaii hibang u jit xee cutsig, surgiap singqongx ee qniaw/ nacc jaix ix jin' ser hanr sii, dair jingsinn vnerjingr/ jex duiww ix dongzenn si jit xee jin' kyxpnar ee dnaqig. Hitt sii, guaw iauxx si jit xee siauwlenn isux, dairviauw ix hibang ix ee qniaw iongxiuw itcer/ ix huisiongg qitai jniajyr jit xee inghiongg ee maxmah/ qra hibang juanw qaur guaw srinx-siong. Ix qra guaw dongwjyr ix ee kewqniaw, siwqer suantuann guaw naxx qijig dri hyw ix ee vne.
Guaw dirr dongde did diyc naxx dangqix ee miasniax/ sidjer ee guan'inx si jitt xui luxsu/ derr id pruex vnerlangg, marr si ix ee qonglyy/ simliw dirliauu ee kixtauu qingwzenn laijurr jitt xui maxmah/ ix qra guaw cuxdai jyr ix diyc jingsinvne qniaw ee derui! Lixsow-dongzenn, guaw hiongr ix siongser qaixsueh jingxqyy ee dairjir: ix jin' liongrqaiw laii jiapsiu, vne marr byy qycc huatjog.
Jex si guaw derr id vaiw jinjniar dirliauu ee texgiam/ derr id crur hunsig. Qaur dnaxx iuguann jin' cingcyw ham' jitt xui lau taiwtair ee damue. Ix si jit xee kiauw langg/ duiww guaw zinrjinx duiwtai ix, quansimx ix/ ix ee qniaw, viauxdat cimcimx ee qamxqig. Jex kaksit jo ix be jiyw.
Kaisiw suzinn jinxsow sii, guaw marr caixiong cuibinn, vutqyr jin' qinw dyrr hongwkir, guan'inx si, jitt xee honghuad naxx dirr oamr-diongx naxx bongx naxx qniaa/ byy kyxlingg jaix vnerjingg ee qaixsen/ haurqyw erdangr uicii zuarr quw; jitt jiongw byy vaxag ee qangjog hongsid, hro guaw qamxqag duiww jurqiw pnaixser/ byy hnuahiw jurqiw quatding vnerlangg qaix jyr sniaw, guaw qyckacc quansimx :ee, ui' vnerlangg hiax jaix ix tensingx ee kinghiongr/ rair qra inxcua hiongr dyhh kir. Uirr cue cud jitt diamw, duiww qokk jiongw bangrqingw siongser hunsig/ amwiwsig ee qitnax viauwhen jinwhingg genxqiur si vit'iaur ee.
1904~05 nii, guaw dirr jingsingkyx vnerngi kuix jit xee sidgiamrsingr ee jingsinn vnerliw sidgiamrsig. Cue quiw xee hagsingx jyrwhuew jinwhingg jingsinn huanxingr (lensiongw) ee diaujax genxqiur, Franz Riklin, Sr. si guaw ee dauwtauu. Ludwig Binswanger (1881-1966) dongsii duxdecc siaw jingsinn denrliauhuad ingwhau (Psychogalvanic Effect ) iuxquanx ee lensiongw sidgiam poksu lunrbunn, guaw si siaw “ lun ui' simlixhak qakdo duiww sursit ee jinxduan (On the Psychological Diagnosis of Facts)”. Iauxx u quiw xee Bixgoklangg, cniurr Frederick Peterson (1859-1938)/ Charles Ricksher, inx ee lunrbunn si dirr “Bixgog qikanx (American Journals)” huatviauw. Si jiaxee lensiongw genxqiur, hro guaw dirr 1909 nii jriab diyc Clark dairhak ee iaucniaw, jiurr guaw soxx genxqiur :ee qixvan hagsut qangxjy, dongsii, iaucniaw Freud. Gunw nng langg virr siuruw “bing'u huathak poksu” ee tauhamm.
Lensiongw/ jingsinn denrliauhuad sidgiam si hro guaw dirr Bixqog did diyc miasniax ee juxiaur guan'inx. Jin' qinw, jerje Bixqoklangg laii cue guaw dirliauu, derr id pruex vnerlangg u jit xee vnerle hro guaw inwsiong vutjiw cimx. Jex si jit xee Bixqog donghangg siaurqair :ee, jinxduan qetqyw si jiuxjingsingr sinqingx sueziok (Alcoholic Neurasthenia)/ aurciuw huatdenw kyxlingsingr, si byy hxuad dri hyw. Hitt xui donghangg :ee qniax guaw ee jinxduan sitvai, qenwgi vnerlangg qycc kir cue Berlin mow xui sinqingx kuan'uix. Aurlaii, guaw ham' vnerlangg dramm quer jit dnxua siqanx au, huathen jitt xee langg diyc ee si itvnuax jingsinquanlingjingr, duiww jingsinn kixinx jit zri dyrr m qongw. Gunw jyr liauw jit vaiw lensiongw cikgiam, huathen ix dng' jysiu kyxpnar ee “luanbuw jingqed (Mother Complex)” ee jetbuaa. Ix cutsinx u jnii/ u miaa ee qadingg, bow jin' qoxjuix/ sing'uac byy quawlu, jiwjiyw ui' guarviauw knuar si anne/ jixsirr limx jiuw sniu' je, si ix jurqiw beh air ee bavir jongrtair, siongrhyw qra aplik vangr be qir .did. Sniu e qaur :ee, jit diamw aw dyrr byy hau.
Ix ee maxmah u jit qingx dua qongsix, jitt xui diwlik byy vinghuann ee qniaw dirr qongsix damzim lingxdyrjiaw. Ix qisit jaw dyrr qaix vaixtuad huwsiok maxmah apvig ee kuanqingw, vutqyr byy iongxkir, vangr be lyc iuuat ee jit'ui. Sriu maxmah jiangxquanw/ qra anx dirr jiacc hyxser uirdir ee maxmah. Dagg vaiw ham' maxmah jywhuew, kuthok dirr maxmah duiww qangjog-siong ee qansiap, limx jiuw laii bavir jingqamw. Vorhun ee ix vingrr m si jinjniar beh likuix jitt xee unluanw ee qex, suibongw uivue ix ee vunxlingg, jaihur/ suwsir sing'uac kaksit marr hro ix jin' liuluann.
Dew siqanx dirliauu au, byy qycc limx jiuw, qamxqag jurqiw ixqingx hyw ar. Guaw qra qongw “ narr si qycc dngw kir ixjingg ee jingqingw, guaw m qnaw damvyw liw be qycc huad vne.” ix byy siongsinr guaw ee ue, hnuahiw dngw kir Bixgog.
Itdanr dngw kir maxmah ingxhiongw-ha ee kuanqingw, qycc kaisiw limx jiuw ar. Uirr jex, ix ee maxmah dirr Sweden sii, laii mng guaw dirliauu ee honghuad. Maxmah is taukag jingbingg ee luxsingr, marr si viaujunw ee “ air kuanlik”. Guaw bingvik ix ee qniaw vutditvud qingwjingx :ee si si'angw/ byy lat huanxkongr ee. Budjid-siong, qniaw m si maxmah ee duiwciuw. Guaw caixiong qiongvig ee dirliauu honghuad: byy qra qniaw qongw, dyrr kuix jit dniux jingwbingg hro maxmah, dairiog si qongw ix ee qniaw jiuw limx be suah ixqingx hro ix byy hxuad dadsingg qangjog ee iauqiuu, guaw qenwgi qra qaixpingr. Guaw ee qenwgi virr jiapsiu --- ix ee qniaw, dongzenn duiww guaw dua huad singwde.
Jiurr iliauqair ee ganxqongx knuar, guaw ee jywhuad si byy dyrdig :ee, vutqyr guaw jaix, uirr vnerlangg, guaw vutditvud anne jyr.
Ix aurlaii ee hautdenw jinghingg zuhyy neh? Tuatli maxmah au, ix did diyc huatdenw ee kongqanx, u jin' quann ee singjiu (kyxlingg guaw kuix cud ee hngtauu jin' qionglet), inx bow jin' qamxsia guaw, ix ee angx m na kikhok liauw limx jiuw ee movne, qycc kuix cud jurqiw ee dyrlo.
Suibongw anne, je nii laii, guaw itdit u jit jiongw juerokqamw, guaw kuix :ee hitt dniux jingwbing, siongsinr jixu anne jyr jiacc erdangr hro ix did diyc qaixtuad. Sursit marr si anne, ix ee jingsinn quanlingjingr siaubyy ar.
SIMXPNUAR JURQIW
Dirr guaw qruar vaii jyr isux sii, langg jingsinn duiww amwiwsig huanrjue ee huanxingr, vutduan dirr gauw simdiongx lauu lyc cimkig inwsiong. Cniurr hitt xui luxsu kixtauu vingrr byy iwsig diyc ix hairsiw jurqiw ee qniaw, mrqycc iuguann lag zip iwsig juerog jongrtair.
Iauxx u jit xee luirsu ee vnerle lauu dirr guaw simqnuadew. Jitt xui luxsu laii guaw ee jinxsow, qirjuat qongw cud jurqiw ee miaa/ qandna' sniu beh laii jitt jua. Jin' binghenw, laijurr dingxjann siarhue/ bad jyr quer isux. Ix anne qongw, iokk zi-jap nii jingg, in'ui uanwdor, dok siw siongrhyw ee ving'iuw, guan'inx si ix beh qer hro jitt xui ving'iuw ee angx. Guanvunw zinruii narr si byy ho'ngg huathen, dyrr be qamxqag vut'anx. Ix beh air ving'iuw ee angx, siongrr qanxdanx ee vanrhuad si dudiau ving'iuw. Zinruii jurqiw qinvunw byy quanw dyrdig bunrdee.
Sursit-siong, ix kaksit ham' jitt xui lamsu qethunx, mrqycc byy zuarr quw angx dyrr quewsinx ar, nihuer jamxzenn siauwlenn. Quiw nii au, qiquair ee dairjir huatsingx. Inx ee jaboxqniaw dua hanr dyrr sniu vanrhuad likuix ix/ jin' jiyw huer qethunx/ vnuax kir ix qnir be diyc ee soxjai/ zuxx vnuax zuxx hng/ jiongbuew sitkir itcer kyxlingg ee lenlok.
Jitt jui luxsu air kiaa bew, u quiw jiah jin' qac'ir ee bew. U jit zit, ix huathen, jiaxee bew dirr ix kiaa ee sii, venr qaxx jin' vut'anx, simrjiww lenrr ix siongrr air ee hitt jiah marr beh bickuix ix, sniu beh qra siag lyc laii. Juewau jixhyw hongwkir jitt xee hingwcur. Zenau, qra juwiwlik juanw duiww qxauw, cri jit jiah jin' suiw ee lahqauw, naxx mia-diongx juwdnia lehh, jitt jiah qxauw suacc vuanwsui. Ix qamxqag jurqiw qui' xee kir liauw liauw ar, ix itding rair hiongr langg tanxvec, anne, cue laii guaw jiax. Ix si jit xee satzinhuan, marr taii siw jurqiw ar. Bosad ee langg dingxii si huixbet jurqiw ee linghunn, satzinjiaw duiww jurqiw jywcud pnuawquad. Jit xee langg narr taii langg' virr liac, kingxding e sriu huatlut jewcaii, byy virr huathen, qycc byy iwsig diyc jurqiw huanrjue, cuxhuat jaxban e qangwlimm, cniurr jitt xui luxsu ee jinghingg. U sii, lenrr dongrbut/ cauxbok naxjunxx marr jaix jitt jiongw juerhingg.
Satzinn hro jitt xui luxsu lag .zip .kir byy hxuad zimxsiu ee qodok/ lenrr dongrbut marr souanw ix. Uirr vaixtuad qodok, ix hro guaw cam'uw ix ee viwbit/ diyh'air anne jyr, cue diyc mow xee kingxding jiapsiu ix singzin jurqiw juewhingg :ee/ jiacc erdangr jaiww crur cruw diyc ham' zinlui qenwlip lenhe ee moxjiongw quanxdy. Jitt xee luxsu ingwqaix si isux/ m si bogsux jiacc driyc/ ix duiww bogsux byy sinwsimx/ damsimx bogsux e in'ui jitbu, jiurr su lun su, ui' dyrdig laii pnuawduan ix ee hing'uii. Knuar diyc langg/ dongrbut souanw ix/ ixqingx sriu byy sniax ee pnuawquad/ ix jaiww byy hxuad zimxsiu zimrhyy kenxjig ar.
Guaw itdit byy cue cud ix si si'angw? Marr byy zimrhyy jingwqir erdangr jingwbingg ix soxx qongw :ee, si m si sursit. U sii, guaw lanbenw mng jurqiw, ix aurlaii jnuaxngiu? Ix e qra guaw tanxvec qongw cud, si m si ix zinsingx lordingg ee jiongdiamw! Kyxlingg ix e jursad ... guaw sidjai byy hxuad siongxsiong, dirr jitt jiongw uanjuann qodok ee jinghongw-ha, ix qamxx iauxx erdangr qewsiok sing'uac .lyc .kir?
Lilmcngg jinxduan ee diongriauwsingr, si erdangr trer isux teqiongx honghiongr, duiww vnerlangg kiokk byy sniaw vangjan. Diongriaur ee si vnerlangg soxx qongw ee ongxsu/ jixu jex, jiacc erdangr henkuix vnerlangg ee vuerqingw/ soxx sriu ee kow, marr jixu jitt ee sihau, isux ee dirliauu jiacc erdangr kaisiw huatsingx jok'iong. U jit xee vnerle jin' u lat jingwsit jitt diamw.
Jit xee luxsingr vnerlangg iokk cid-jap-go huer/ dyw dirr bincngg ixqingx sir-jap dxangx ar/ druar dirr vnerngi u go-jap nii. Vnerngi ee langg kiokk be qir .did ix si zuhyy druar .zip .laii .ee/ dongsii vnerngi ee qangjog zinguann longxx kir tnidingw ar. Jixu jit xee dirr jitt xee vnerngi qangjog snax-jap-go dxangx ee horsurdniuw, iauxx e qir did quaw dairjir. Jitt xee lau taiwtair ixqingx berhiauw qongxue, kyr liujid/ vnuawliujid jiahmic uicii sniwmia. Iong jngxtau'aw unr jiac mic, ban ban dih .zip .kir cuir lai, u sii, limx jit vxuex gulingx dyrr rair nng diamxjingx, byy jiac mic sii, ix iong siangciuw/ ciuxqud jywcud qoxquair/ u jetjaur ee dongrjog. Guaw byy bingvik jiaxee dongrjog ee iwgi. Guaw duiww jingsinvne soxx jyrsingg ee huixhuai ee tingdo u cimkig inwsiong, duiww jex kiokk cue byy zimrhyy habliw ee qaixsueh. Limcngg kyr ee sirhuan, ix ongxongw virr dongwjyr jaxhuatsingr cidaijingr ee jit jiongw gnerdit (cotatonic)vnerle, jex duiww guaw, u naxx byy lehh, jit diamw aw dyrr byy jo guaw liauxqaiw jiaxee qoxquair ciuxser ee kixinx/ iwgi.
Jitt xee vnerle lauu hro guaw ee inwsiong texhen liauw jitt xee siqii, guaw duiww jingsinn ihak ee huanxingr. Dng' guaw jorliw isux sii, jingsinn ihak dauwdew iwbi diyc sniaw? Guaw itbuu-soxdix. Dagg vaiw guaw kia dirr juxdi isux/ dongsu ee vnix :a sii, guaw qamxqag byy jurjai, inx hitt jiongw jai unw unw/ hongx siagsiak ee hxingg, guaw kiokk m jaix anxjuanw kacc hyw, dirr oamr-diongx bongx byy. Guaw zinruii, jingsinn ihak ee juxiaur zimrbu si liauxqaiw vnerlangg taukag-lai dauwdew dngdecc huatsingx sniaw, qaur dnaxx, iuguann m jaix. Guaw jyr jitt dxoo, jit diamw aw dyrr byy lairhangg!
U jit zit tnix beh amr ee sii, guaw knuar diyc hitt xui lau taiwtair iuguann jyr hitt xee sinvir ee dongrjog, mng jurqiw “ uirsniaxmic beh anne jyr ?” guaw qniaa kir cue lau horsurdniuw, mng ix jitt xui vnerlangg si m si ithiongr anne. “byy m driyc.” ix dab. “ixjingg ee langg qra guaw qongw, ix quewkir si jyr ree :ee.” guaw jaiww crur vingw cud ixqingx venr ngg ee vnerlik, dingxbin jit dnxua ue, iokliyc si qongw ix u jyr ree dongrjog ee quanwsir. Quewkir jyr ree saihu qra ree giab dirr nng xee katau'ux diongqanx, jingwkag qiuw cud cngx quer puee ee snuar (qaur jitmaw iuguann dirr jngkax erdangr knaur diyc ree-saihu anne ee dongrjog). Byy zuarr quw, jitt xui vnerlangg quewsinx, inx a'hniax laii camqax jongwsig. Guaw mng “ linw siyxmue si jnuaxngiu jingsinn sitsiongg?” ix vunxlaii ham' jit xee ree-saihu sionghyw, mrqycc aurlaii moxjiongw guan'inx byy beh crua ix, dngrjuat quanhe au, dyrr “cud dairjir” ar. A'hniax anne qongw. Jyr ree ee dongrjog viauxsi ix ham' aiwzinn ee kan'inw, itdit qaur quewsinx. Jitt xee vnerle hro guaw iuxquanx jingsinn hunlehjingr jingsinn kixguann ee derr id amwsi. Cuxau, gauw dyrr qra juanvo juwiwlat jibdiongx dirr jingsinvne duar u ham'ir ee jiongxjiongw kanlenn.
JINGSINVNE VUERAU EE JINGWSIONGG ZINQEH
Lingrgua jit xee vnerlangg ee ongxsu, “byy iwgi” ee bongrsiongw vuerqingw, uirr guaw henkuix jingsinvne ee simlixhak vuerqingw. Dui' jitt xee vnerle, guaw derr id vaiw bingvik jingsinn hunlec huanrjiaw ee gixgenn/ inx soxx qongw cud ee ue, qaur dnaxx iuguann virr zinruii si byy iwgi ee. Vnerlangg ee miaa qiyr Babette S. (qowsu guaw ixqingx dirr vadd xui huatviauw .quer). 1908 nii, guaw dirr Zurich ee cirjingwtniax jyr liauw jit dniuu iuxquanx ix vnerjingr ee enxqangw.
Ix cutsinx Zurich qu sniaa (Old Town), dirr ec/ ajax ee qelo, huisiongg sanwciah ee kuanqingw singdiongw. Jexjew si tanwjiac jabow/ vaxvah si jiuxquiw. Snax-jap-qauw huer hitt nii quewsinx, guan'inx si denxhingg honghamr (Characteristic Magalomania) digdingx ee jaxhuatsingr cidaix bongrsiongw-hxingg (Paranoid Form) vnerjingr. Guaw qnir diyc ix sii, ixqingx druar ngi zi-jap nii, virr dongwjyr qauwhagkyr ee sidle, quixarr vah xee ihagngi ee hagsingx knuar .quer. Dirr ix ee srinx-siong, knuar diyc jingsinn vangqaiw vutkyxsugi ee quewdingg. Ersaih qongw si jit xee denxhingg ee vnerle/ jingsinn uanjuann sitsiongg/ kacc qongw dyrr si byy iwgi/ qik huandenx ee ue. Guaw jin siongrr dua ee noxlik, iwdoo bingvik hiaxee ovec qongw ee ham'ir. kyxviw qongxx, ix e dirr isux inx sniu beh liauxqaiw ix ee vnerhongw sii, isux qongw,
“Jex iwbi diyc sniaw guaw m jaix.”
“Guaw dyrr si Die Lorelei” ix e anne qongw. (juwqaiw: Heine ee siquax Die Lorelei derr id jua)
Iacc si hauw qongw “guaw si Socrates”
Guaw huathen ix ee iwsur si “guaw cniurr Socrates hitt ngiu jysiu byy qongjniar ee jixjig.”
Iauxx e tudzenn voghuad cud ee hamwue, cniurr :
“Guaw si berdangr cuxdai siangdingg qangge haurdniuw ”
”Guaw si huanbec-mi erdew ee putyqnuax qenngrqyx”
”Guaw si German ham' Helvetia digvet dnix ee Butter”
”Naples ham' gauw diyhh uirr juann sewqair qiongqib mi” ... dringw, iwbi diyc ix duiww jurqiw qrow sniu' quann, laii vow ix ee jurvix.
Jiamduir Babette/ qitnax jitt lui vnerle ee genxqiur hro guaw siongsinr, duardysor virr zinruii byy iwgi ee ue, vingrr m si cniurr tudzenn tniax diyc hiacc huandenx. Guaw vutjiw jit vaiw knuar cud, dyrr si jitt jiongw vnerlangg, iuguann diyhh virr knuawjyr jingwsiongg ee jit jiongw zinqeh; ngua jit qxur, jitt xee zinqeh duxx kia dirr vnix:a knuar, byy air cud ciuw dauwsnaqangx. U sii, taur quer qokk jiongw sniaimx/ bang ee hongsid, jitt xee zinqeh marr ersaih jyr cud qokk jiongw ee pinglun/ huanxduir iwqen. Dirr sintew puawvne sii, simrjiww erdangr jaiww crur jinwzip jenqingw-diongx, hro vnerlangg knuar .kiw .laii naxx jingwsiongg :ee.
Guaw bad dri quer jit xee huan jingsinn hunlec ee lau taiwtair, ix ee vuerqingw huisiongg cingcyw henxhen ix “jingwsiongg” zinqeh. Anne ee vnerlangg qisit si byy hxuad rix ee, qandna' viauxsi quanhuaii. Dagg xee isux longxx e duw diyc ix byy hxuad qitai idi ee vnerlangg, qandna' erdangr uirr vnerlangg qra tonghiongr sixbongw ee lo pox kacc vnee .quaw. Babette tniax diyc qui' sinkux ee sniax, hingkamw diongx si “siongrder ee sniax”.
“Lanw diyh'air sinwlai hitt xee sniax.” guaw duiww ix qongw, ue jit cud, guaw marr duiww jurqiw ee iongxkir diyhqniax. Itvnuax qongw .laii, jitt xee sniax e qongw cud jin' u lixdir ee ue, jiar diyc jitt ee sniax, guaw dyrr ersaih hyxhyw cuxliw jitt xee vnerlangg. U jit vaiw hex sniax qongw “hro ix kyxgiam .jit .xe, liw duiww singwqingx ee sinwliam!” ix dyrr duar laii jit vunw jin' qu/ puawnua/ ixqingx vingw jiokk je vaiw ee singwqingx; guaw dagg vaiw srunn .quer, dyrr jixding qidiongx jit jniux hro ix tak/ lensuar iokk cid dxangx/ muixx nng lexvair ngua sinx ee jit jniux/ kixtauu guaw duiww vnuarenw anne ee qaksig jin' byy jurjai/ byy zuarr quw/ guaw texhue diyc pair hro ix jitt hxang jokgiap ee iwgi. Tauwquer anne ee hongsid, ix ee juwiwlik vyxcii uahtiaur, ix be jiamrr ham zip hro ix vangqaiw ee bangrqingw-diongx. Lak dxangx au, ixjingg junjai dirr sinkux-vnix siwjiuuii ee qokk jiongw sniax tewqiux qaur ix sinkux ee dywvnuawvingg/ jniawvingg ee sniax uanjuann siausid. Dywvingg jingqingw ham' quewkir qang, byy jingqax ee henrsiong. Incuw, qetlun qandna' erdangr qongw vnerlangg virr dri hyw --- jiwjiyw si jidvnuar. Jex si byy sniu .diyc ee singqongx, guaw qinvunw byy liau .diyc, jiaxee qiwdii lenrsip erdangr sanxsingx dirliauu jok'iong.
Tauwquer dirliauu, guaw zinrbad, bongrsiongxjingr vnerlangg ee susiongw/ huanwqag si u jit diamw aw iwgi ee. Dirr jingsinvne ee vuerau, qisit cangr jit jiongw zinqeh/ jit vxo sing'uahsuw/ jit jiongw hibang, iogbang ee hingsingg. Narr byy liauxqaiw inx, si lanw ee m driyc. Guaw jitt sii tudzenn bingvik/ zinqeh ee itvnuax simliw/ si amwbih dirr jingsinvne-lai/ simrjiww dyrr si dirr jiax/ lanw duw diyc quw quw ixjingg zinlui ee qokk jiongw maudunw/ ciongtut. Vnerlangg kyxlingg knuar .kiw .laii bavir/ koxkir/ uanjuann cniurr vehcix, mrqycc inx ee simlingg iuguann uahtiaur, qidiongx u iwgi ee mic viw jit knuar qyckacc je. Dui' vunxjid qongw, lanw byy dirr jingsinvne nirr huathen liauw sniaw sinx/ byy liauxqaiw ee mic; sionghuanw, lanw duw diyc :ee, si inx vunxsingr ee qicow.
Hro guaw diyhqniax :ee si, jingsinn ihak uirr liauxqaiw jingsinvne soxx vauhamm ee lueriongg, qingwzenn kaix jiacc dngg ee jit dnxua siqanx. Byy langg guanrir iong simsinn liauxqaiw huanwsiong ee ham'ir/ mng jit xe uirsniaw jitt xee vnerlangg u jitt jiongw huanwsiongw/ lingrgua jit xee vnerlangg ee huanwsiongw kiokk uanjuann byy qang, kyxviw qongxx, jit xee vnerlangg huanwsiongw jurqiw virr Iasohue huersu sionghai, lingrgua jit xee siongxsiong Iutaiwlangg sniu beh dok siw ix, derr snax xee kaksinr qingxcad dngbecc liac ix. Cniurr jitt jiongw jinghingg, dauwdew iwbi diyc sniaw? Dongsii ee isux uanjuann duiww jiaxee bunrdee byy cuwbi, jiaxee huanwsiongw jixsirr moxjiongw quilui “virr hai iwliam(Ideas of Persecution)”, virr sag jyr jit dxuix. Lingrgua jit qnia guaw knuar .laii marr jin' qiquair :ee, si guaw hitt sii ee diaujax genxqiur qaur dnaxx cavutdyx virr langg be .qir .kir. Dirr jitt xee sewqiw coqii, guaw ixqingx kaisiw iong simliw dirliauu(Psychotherapy) laii dri jingsinn hunlec, jitt xee honghuad m si duxx virr huathen :ee, kiokk qingguer jit dnxua jin' dngg ee siqanx, jiacc qra simlixhak inxzip jingsinn ihak.
Dng' guaw iauxx decc idi hiaxee jingsinn hunlec huanrjiaw sii, guaw vutditvud qinxsin, narr byy, e ho'ngg jixjig byy quansimx/ vangr hongr hongr. Jingsinn hunlec ithiongr virr zinruii si rix be hyw :ee, narr si u langg dirr dirliauu-siong iuxsow jinwdenw, dendyww e zinruii hitt xee langg m si jinjniar ee jingsinn hunlec huanrjiaw.
1909 nii Freud laii Zurich tamwhongw guaw sii, guaw hro ix knuar Babette. Aurlaii ix duiww guaw qongw “liw jaix, Jung, liw dirr jitt xee vnerlangg srinx-siong soxx huathen :ee, kingxding jin' u iwsur. Mrqycc jnuaxngiu liw guanrir duiww jitt xee jiacc baiw ee luxsingr kaix jiacc je siqanx neh?” guaw sniu, guaw itding hro ix jin' byy songxkuair ee ganxsinn. Guaw jurqiw jurlaii byy jitt jiongw sniurhuad, simrjiww zinruii Babette si suxx langg zukuair ee obasangw, ix qingwzenn u jiacc qoxjiux ee bongrsiongw/ qongw cud jiacc cuwbi ee dairjir. M quanw anxjuanw, dirr ix huandenx sii, zinsingr iuguann ui' qiquair qycngiu ee ovec ue tauwsia cud laii. Ui' dirliauu ee qakdo laii knuar, guaw dirr Babette srinx-siong vingrr byy ingwhau --- ix puawvne ee siqanx sidjai taiww dngg. Mrqycc guaw knuar quer qitnax vnerle, jitt jiongw cimzip vnerlangg ee zinqeh/ viauxsi quanhuaii ee jywhuad, kaksit erdangr sanxsingx quxdngg ee ingwhau.
DIWDANG VNERLANGG LUERSIMX TEXGIAM
Ui' guarviauw laii knuar, lanw dui' jingsinvnerlangg srinx-siong soxx knuar .diyc ee si vicamw ee huixbet, jingsinn au ee lingrgua hitt bin si cavutdyx lanw knuar byy ee. Guarviauw ongxongw si be kyr .did ee, dirr jit xee siauwlenn gnerdit-hxingg huanrjiaw srinx-siong, guaw jin' diyhqniax huathen jitt diamw, ix jap-veh huer/ cutsinx jit xee u qauwiongw ee qadingg/ jap-go huer sii, virr a'hniax qiongg .kir/ aurlaii qycc hro dongyc cauxdac/ jap-lak kiw, jurdong ham' langg' souanw, tewqiux dirr qodok-diongx --- piackuix itcer, byy air qnir langg, juewau, ui'id ee qamxjingg quanhe si cuwvnix jit jiah qxauw/ itdit beh qra qxauw jingcuw .quer .laii/ zuxx laii zuxx qoxquair/ jap-cid huer virr sangr .zip .laii jingsinn vnerngi, dirr hiax druar nivnuar/ e tniax diyc qokk jiongw sniax/ qirjuat jiac mic/ uanjuann byy beh qongxue. Guaw derr id vaiw knuar diyc ix sii, si denxhingg ee gnerdit jongrtair.
Qingguer jerje zidjiw, guaw jiacc ban ban suechok ix, hro ix qongxue. Kikhok jiongwgai au/ qra guaw qongw/ ix itdit druar dirr guehniuu/ kixtauu, qandna' knuar diyc lamsingr/ inx qra ix cua likuix/ sangr kir guehniuu erbin jit xee soxjai/ hiax druar ee si hiaxee lamsingr ee qniaw ham' bow. Guehniuu quann snuax-dingw druar jit xee suchuecquiw, juanbun qiapliac/ taii siw luxsingr, ginxaw/ guehniuu-dingw ee zinlui jysiu bedjuat ee uihiap/ guehniuu erbin druar :ee jiamr guehqiuu zinkauw vnuar sxor ee luxsingr.
Jitt xui vnerlangg quatsimx beh siaubet jitt xee suchuecquiw, uirr guehqiuu jyr quaw su. Qingquer dngg siqanx ee junxvi, ix danw suchuecquiw cuthen dirr ix digvet kixjy ee quann tah vnedaii. Jerje amr quer .kir, ix knuar .diyc suchuecquiw ui' hng hng vuex quer laii, cniurr jit jiah dua ojiauw hitt ngiu hiongr ix vuex laii. Ix tec cangr dirr dngsnax jit qix satsingx-henwjer iong ee dngdyx, danw suchuecquiw. Hionghiongg, kia dirr ix ee binrtaujingg, suchuecquiw u quixarr duir sxit, bin/ sinkux longxx hro sxit ziakamr, duliauw jiauxmngg ixgua, ix sniaw marr knuar byy, sidjai jin' diyhqniax, qycc jin' hnowhenn, sniu beh knuar qxuiw dauwdew si snex jyr sniaw kuanw. Ciuw tec dyx qniaa .quer .kir/ tudzenn sxit denw kuix/ jit xee cniurr tensinn hiacc endauu ee lamsu kia dirr binrjingg/ suchuecquiw iong duar sidqow ee ciuxqud cniurr ticknii qra giap qaxx ann ~ ~/ ix byy hxuad drang dyx/ virr suchuecquiw ee binrmau kip'inw/ qyckacc byy hxuad cud ciuw/ zenau, ix virr giap lehh vuex jauw ar.
Henkuix jitt jann au, ix byy sriu sokvak kaisiw qongxue, mrqycc huanxkongr marr duer lecc laii/ naxjunxx si guaw qimwjiw ix dngw kir guehqiuu/ berdangr dyli derqiuu. Ix qongw, jitt xee sewqair byy suiw/ guehniuu hiax jiacc u suiw/ hiax ee sing'uac jiacc u iwgi. Byy zuarr quw, ix gnerdit vnerjingr qycc giaa .kiw .laii, guaw jixhyw qra sangr kir jit qingx liauiongxngi. Jit dnxua siqanx, jongrhongw qyckacc giamdiong.
Iokk nng qywguec au, ix cud ngi, guaw erdangr ham' ix qycc qongxue ar. Ban ban ix bingvik : dirr derqiuu-siong sing'uac si siamw be kuix ee. Ix vniawmia ham' jitt xee qetlun/ hiyrqyw jnedaur/ qycc sangr zip kir liauiongxngi. Guaw kir vnervangg knuar ix, qra qongw “jex duiww liw byy sniaw hyxcur, liw juadduir byy kyxlingg jaiww dngw kir guehniuu hiax!” jitt vaiw ix diam diam byy cud sniax, jiapsiu ee kuanw, binrsinn vutjiw camxceh. Jitt vaiw, ix dirr hiax byy zuarr quw dyrr cud ngi, cuxau jin' zinrmia.
Ix dirr jit qingx liauiongxngi jyr horsu. U jit vaiw jit xui jorliw isux u kacc cocann quaw, jikvi ix quiw qxur, qetqyw ix tec dexcingr dnuaa jit cingr, hitt xui isux sngr hyxun, qandna' sriu kinsiongx. Byy lun qniaa qaur dyhh, sinkux-dingw suisii jah jit qix dexcingr; ixjingg, u langg knuar ix pnai jit qix zip hyw cingwjiw ee vorcingr. Dirr guaw juewau jit vaiw knuar diyc ix sii, ix qra cingr qaux hro guaw/ jin' diyhqniax mng ix junxvi vorcingr congr sniaw/ ix dab “ narr si liw penr guaw, guaw dyrr kuix cingr qra liw dnua .siw!”
Jitt crur surqnia quer au, ix dngw kir qahiongx, qethunx/ u snex qniaw, qingquer nng vaiw sewqair dairjenr, qu vne byy qycc giaa .quer.
Tauwquer qaixsueh jex jiongxjiongw huanwsiongw, lanw ersaih did cud sniaw qetlun neh? Jit jann dirr ix iauxx si cingsiauwlenn sii, huatsingx ee cywluan, hro ix dirr soxu langg binrjingg qamxqag tixziok, mrqycc dirr huanwsiongw ee ongqog ix si qysiongw :ee/ suanxdik jinwzip sinvir ee ongqog. Dui' tuantongw quanliam, luanrlunn si ongsig/ sinn jiacc iongxiuw ee digkuann. Qetqyw, ix ham' sewqair uanjuann souanw, dirr jingsinvne jongrtair-diongx, kiokk venwjniaa ciautuad huandinn, ham' langg' ee lenhe dng driau/ jraix zip cenban-lxiw, hng ~ ee sewqair, jinwzip guarjann kongqanx, dirr hiax duw diyc u sidqow ee moquiw. Cniurr jitt lui vnerjingr ciangjai u ee jongrhongw, dirr dirliauu qiqanx, ix qra moquiw ee hingsiong dausia dirr guaw srinx-siong, guaw dyrr e cniurr krngr ix dngw laii jingwsiongg sing'uac ee zimrhyy langg , sriu diyc virr sad ee uihiap. Ix qra ix ee qowsu qongw hro guaw tniax, dingxii si dirr moxjiongw iwgi-siong vuewvuan hitt xee moquiw, qycc qra jurqiw hxur dirr jit xee sewqanx langg srinx-siong. Anne , ix dyrr e dngw laii zinqanx, simrjiww qethunx.
In'ui jitt hxang su, guaw erdangr ixx lingrgua jit jiongw ganxqongx laii knuawtai jingsinn vnerhuan soxx sriu .diyc ee tongwkow, guaw dongrcad diyc inx luersimx texgiam ee honghur/ diongriauwsingr.
Guaw ciangjai duiww guaw ee simliw dirliauu/ hunsig dirliauu tecud gibun, kiokk qycc byy hxuad jywcud bingkag huedab: vnerle byy qang, dirliauu hongsid dyrr byy qang. Dng' u jit xee isux qra guaw qongw, ix qencii moxjiongw dirliauu honghuad sii, guaw vutditvud huaigii. U jit hxun juliau duiww vnerlangg ee dexjer huanxkongr dramm jin' je, guan'inx dyrr dirr hitt xee dirliauu honghuad hro langg qamxqag isux sniu jin vanrhuad beh qra mow quaw mic gne beh qax dirr vnerlangg srinx-siong, sidjer-siong, dirliauu honghuad vunxlaii si rair qinqir vnerlangg jinghongw jurzenn huatsingx jiacc driyc. Simliw dirliauu/ jingsinn hunsig si jairr langg ee, guaw hibang jin kyxlingg qywvet duiwtai muixx jit xee langg, qaixquad vanrhuad ithiongr qokk langg doglip, dyrr si u poxpenr ee huatjig, sik'iongrsingr marr iuxsow vyxliuu. Simlixhak erdangr jniajyr jinliw, si in'ui erdangr virr vingw lenwdngw ; duiww guaw laii qongw, uanjuann byy sik'iong ee qaixquat vanrhuad, kyxlingg duxhyw sikhap vadd langg.
Jyr jit xee isux, diyh'air sigsai soxui “honghuad (Methods)”/ rair qingxqag qinxsin hongjiw lag .zip .kir digding, gnersiw byy venwtongx ee honghuad-diongx. Jongxqongw jit qxur, jit xee langg rair sewzi lixlun ee qokk jiongw qaxsed, qin'axzit kyxlingg jingwkag, bin'axjair kiokk kyxlingg vnewjniaa qitnax qaxsed ee dywbin. Dirr guaw hunsig quewdingg-diongx, inx qinvunw byy u sniaw jok'iong, guaw iuxir byy quisiok zimrhyy texhe. Dirr guaw knuar .laii, ham' jit xee ixx qywzinn sinhun cuthen ee langg jicjiab, jixu liauxqaiw ix jiacc u loriong. Duiww muixx jit xee vnerlangg, lanw longxx su'iaur suxiong byy qang ee gixgenn, dirr jit vaiw jinwhingg hunsig sii, guaw kyxlingg iong Adlerian gixgenn, dirr lingrgua jit crur, kyxlingg iong Freudian gixgenn qongxue kacc sikdongx.
Jin' diongriaur ee jit diamw si, binrduir vnerlangg, guaw jongxsi ixx jit xee langg binrduir lingrgua jit xee langg ee taiwdo laii duiwtai. Jingsinn hunsig si jit jiongw rair u nng xee langg cam'uw jiacc erdangr jinwhingg ee duiwue, jingsinhunsiksux ham' vnerlangg jre bin duir bin sii, sir bak siy' siongr , isux u ue beh qongw, vnerlangg marr u ue beh qongw.
SIURSIONGX QUER JIACC ERHIAUW RIX
Qiwzenn simliw dirliauu ee vunxjid m si honghuad ee ingwiong/ qandna' jinwhingg jingsinn ihak ee huntiah henxzenn byy qraur. Guaw jurqiw si qangjog jin' quw ixau, jiacc jiangxag diyc simliw dirliauu honghuad jitt xee qangqu. Jaw dirr 1909 nii, guaw dyrr zinrbad diyc/ narr si byy cingcyw inx soxx siongrdingx ee ham'ir/ si byy hxuad dirliauu amwbih ee jingsingg vnerhuan ee. Marr si hitt sii, guaw kaisiw genxqiur sinhak.
Duiww u qauwiongw/ quann diwlik ee vnerlangg laii qongw, jingsinkyx isux su'iaur kuriuw viw juangiap diwsig kacc qongxkuah ee diwsig. Duliauw soxu ee lixlun qaxsed ixgua, iauxx qycc rair bingvik, vnerlangg huad vne ee jinjniar dongrlik si sniaw; narr byy, isux qandna' e inxkiw vnerlangg byy vit'iaur ee joxkongr. Jinjniar diongriaur ee, m si moxjiongw lixlun si m si did diyc jingwsit, si vnerlangg si m si niaxhue diyc jurqiw si jit xee qywzinn; narr byy camjiaur jibtew knuawhuad, jex si byy hxuad jyr qaur ee, isux marr qaix duiww jex iuxsow zinrdix jiacc ersaih tihh. Incuw, qandna' u iliauu hunwlen si byy qraur, langg ee jingsinbin soxx tuandat e qaur ee kongqanx si byhan ee, vingrr m si isux jinxliausig ee iuxhan huanruii.
Jingsinn henxzenn viw sinkux kacc hogjap/ byy iong'i jiapqin, dng' lanw iwsig .diyc ee sii, jiacc henwcud jidvnuar sewqair. Jingsinn si sewqaiwsingr bunrdee, jingsinkyx isux diyhh ham' jingxqyy sewqair qauvuee.
Qin'axzit lanw erdangr viw ixjingg zimrhyy sihau knuar kacc cingcyw, uihiap soxu langg ee jailan m si laijurr dairjurzenn, si laijurr zinlui/ qywzinn/ dairjiongr ee jingsinn. Langg ee jingsinn sitsiongg dyrr si jitt huihiamw ee soxjai, itcer cuxquat dirr lanw ee jingsinn si m si erdangr huathuix jok'iong. Dnaxx narr si mow quaw langg sitkir lixdir, kingdnuaa dyrr e vogjar.
Simliw dirliausux m na diyhh liauxqaiw vnerlangg, qycc rair liauxqaiw jurqiw. Incuw, jingsinn hunsiksux jiapsiu hunsig dyrr si “juadduir vit'iaur ee iauwqnia”, iarr dyrr si soxui ee hunwlen hunsig (Training Analysis), vnerlangg ee dirliauu ui' isux kaisiw, jixu jyr isux bad zuhyy cuxliw jurqiw/ jurqiw ee bunrdee au, jiacc u kyxlingg qauwdy vnerlangg anxjuanw jyr. Dirr hunwlen hunsig-diongx, isux diyhh yc erhiauw zinrbad jurqiw ee jingsinn/ qycc rair zinrjinx duiwtai/ narr si jitt diamw jyr be qaur/ vnerlangg dyrr byy hxuad yc/ dyrr e pah byy .kir jurqiw ee vorhun jingsinn/ cniurr isux sitkir ix byy yc erhiauw lixqaiw sriok jurqiw ee vorhun jingsinn qang. Incuw, duiww hunwlen hunsig laii qongw, jiangxag jit herlet qaiwliam si byy qraur ee, virr hunsikjiaw diyhh bingvik jitt jiongw hunsig ham' jurqiw iuxquanx, hunwlen hunsig si henrsit sing'uac ee jit siyw vorhun, m si sixqir gnervue dyrr yc erhiauw ee honghuad. Hagsibjiaw dirr vunxsinx ee hunwlen hunsig-diongx zuqyw byy bingvik jit diamw, birlaii ee sitvai dyrr rair huwcud diongrdua ee dairqer.
Suibongw u soxui “siyw quiboo simliw dirliauu (Minor Psychotherapy)”, mrqycc zimrhyy juanbin ee hunsig, vnerlangg/ isux nng langg jingwqyy zinqeh jiacc erdangr virr driaur/ dauzip dirliauu ee iuhir nirr. Jerje vnerle, isux narr byy qaiwzip, vnerlangg si byy hxuad dirliauu ee. Diongriaur quanqenr sii, isux narr m si qra jurqiw dongwjyr hiwcud ee jit vorhun, iauxx si qexsenx kuan'uix, qetqyw dy' e jin' byy qang. Dirr diongrdua huihiamw, uihiap sniwmia snex-siw junbongg ee sikig, dngxuanx-sehqag ee amwsi si byy sniaw loriong ee. Isux diyhh binrduir jitt xee tiaujenr.
Dirliausux dirr zimrhyy sihau diyhh bicced juwir jurqiw/ duiww vnerlangg ee huanxingr/ vutjiw duiww iwsig jywcud huanxingr/ kacc rair vutduan mng jurqiw, “lanw ee amwiwsig si zuhyy qinglik .quer jitt jiongw jingkingw?”/ cniurr qinxsin duiwtai vnerlangg hitt ngiu, quancad jurqiw ee bangrkingw/ duiww jurqiw dauzip siongrr bidced ee juwir, genxqiur. Narr m si anne, jingxqyy dirliauu dyrr e cuthen bunrdee. Guaw qongw jit xee le laii suecbingg.
Guaw u jit xee IQ jin' quann ee luxsingr vnerlangg, in'ui jiongxjiongw guan'inx, ix inxkiw guaw ee huaigii. Kaisiw sii, jingsinn hunsig jinwhingg jin' sunrli, mrqycc quer jit dnxua sijun au, duiww ix ee bangrqingw guaw byy hxuad jyr jingwkag ee qaixsueh, qamxqag gunw ee damue zuxx laii zuxx kanghix, incuw guaw quatding beh ham' ix dramm. Dirr junxvi beh ham' ix dramm ee jingg jit amr, guaw jyr liauw jitt xee bang:
Dirr ervox zidtauu qngjiaur-ha, guaw sunrli cngx quer snuaqog, hiongr qonglo qniaa, jniawvingg si jit jxy jin' qia ee snuax, snuax-dingw u jit jxy sniavyw, siongrr quann ee lautah-dingw u jit xee luxsingr jre dirr lanqanx-vnix. Uirr beh knuar kacc cingcyw, guaw qra tauu itding hniar au. Jingsinn .quer .laii,amrqunw aurbin suacc qiuwqinx. Dirr bang-diongx, guaw zinrcud hitt xui luxsingr dyrr si guaw jitt xui vnerlangg.
Liauwqaiw jitt xee bang au, guaw jiacc gno .diyc, dirr bang-diongx, guaw diyh'air tauu giaa quann ~ knuar ix, sursit-siong, jin' kyxlingg guaw si kia quanser duiwtai ix. Bangrqingw qisit si duiww iwsig ee mivow. Guaw qra jitt xee bang/ guaw duiww bang ee qaixsueh juanvo qra qongw. Jinghingg sui' huatsingx venwhuar, dirliauu qycc sunrli qewsiok.
Jyr jit xee isux, guaw ciangjai mng jurqiw, vnerlangg tuann hro guaw si sniaw sinwsid? Narr si longxx byy, guaw dyrr byy cetzibdiamw, duiww ix ee vne guaw dyrr byy hxuad ar. Isux jixu dirr jurqiw ee qamxjingg-siong sriu ingxhiongw sii, jiacc e huathuix jok'iong. “jixu sriu siongx .quer ee isux jiacc e dri siongx.” Isux ee qywsingr qiongg qaxx naxx jenwqah gne viangwviangr sii, ix si byy jok'iong ee. Guaw zinrjinx knuawtai guaw ee vnerlangg, kyxlingg marr e duw diyc cniurr inx gu diyc hiacc pnaiw liuxlak ee bunrdee. U sii, vnerlangg duxhyw si idi isux ziogdiamw ee iyhhngx, isux marr e duw diyc kunwlann ee jingqingw, kacc junxkag qongw, jitt jiongw jingqingw si juanbunn uirr isux sanxsingx ee.
Muixx jit see dirliausux longxx qaix iongxiuw virr moxjiongw dersnajiaw jipuer ee kongwjewlat, uirr beh hro jurqiw hnuahiw jiapsiu lingrgua quandiamw. Qauwjongx qamxx m si marr u camwhuexsux ? Guaw jongxsi e anne qenwgi jingsinn hunsiksux “ cue jit xee nihuer kacc je ee camxhuexsux, vutquanw lamluxsingr longxx byy iauwqinw!” duiww vnuarenw jitt jiongw qaksig, luxsingr si digvet u tenhun :ee/ ongxongw u qik hyw ee didqag/ jin' lrai ee puepnuar dongrcatlik/ knuawcud lamsingr cangwbih ee simsux/ simrjiww knuawtaur javox ee jiongxjiongw quixqer/ knuar .cud lamsingr knuar be diyc ee janbin. Byy jit xee luxsingr e siongsinr jurqiw ee angsair si ciauzinn, guan'inx dyrr dirr jaix!
AMWIWSIG LIAUXQAIW BYY JINGWSIONGG
Jit xee langg narr si dair diyc jingsinn quanlingjingr, dyrr qaix jaipsiu jingsinn hunsig; narr si jurzin jingwsiongg, dyrr byy vit'iaur qiongvig ix. Mrqycc guaw erdangr kingxding qra linw qongw, soxui “jingwsiongg”, guaw bad duw quer hro guaw qniax dua diyy ee texgiam. U jit vaiw, guaw duw diyc jit xee uanjuann “jingwsiongg” ee hagjiaw/ jit xee isux/ taur quer jaxjingg guaw ee lau dongsu siaurqair laii ee, jah laii dongsu vingqer jin' quann ee tuijenwpuex/ si guaw jit xui dongsu ee jorliw/ aurlaii jiapter ix ee qangjog. Jitmaw, ix iongxiuw quaw vnerlangg/ singjiu vutjiw quann/ u jit xee jingwsiongg ee bow, quiw xee jingwsiongg ee qniaw/ druar dirr jit xee jingwsiongg siyw dinr ee jingwsiongg siyw cur/ siuzip jingwsiongg/ jiahmic dairkair marr jingwsiongg. Ix sniu beh jyr jingsinn hunsiksux. Guaw qra qongw, “ liw qamxx jaix, hex si sniaw iwsur? Jex iwbi diyc liw diyhh singx yc bad jurqiw/ liw vunxlangg dyrr si qangqu. Liw narr m driyc/ jnuaxngiu kyxlingg qaixjingr vnerlangg neh? Narr si liw byy hxuad suechok jurqiw/ jnuaxngiu erdangr suechok vnerlangg? Liw vunxlangg dyrr si jinjniar ee jailiau. Narr m si, cniaw siongrder jo liw! Narr byy, liw e qra vnerlangg inxcua qniaa hiongr huncelo, soxiw, liw diyhh singx jiapsiu jingsinn hunsig.”
“Jin' hyw, mrqycc guaw byy bunrdee ham' liw qongw neh!” hitt xee langg qongw.
Qingxqywdingx qngx .kiw .laii, guaw qongw “jin' hyw, lanw laii qiamxgiam liw ee bang!”
“Guaw be jyr bang.”
“Liw jin' qinw dyrr e jyr bang.” guaw dab. Zimrhyy langg dirr hitt amr dairkair longxx e jyr bang, mrqycc ix kiokk byy hxuad huesiongw zimrhyy bangrqingw. Gunw dyrr anne jinwhingg iokk nng lexvair, guaw kaisiw duiww jitt qnia su qamxqag byy jurjai.
Juewau, jin' byy qanxdanx jyr liauw jit xee inwsiong cimkig ee bang. Guaw junxvi beh suecbingg jitt xee bang, in'ui jex viauxsi, dirr sidjer jingsinn ihak, liauxqaiw bang si zuarr diongriaur. Ix bang .diyc, jurqiw jre huexciax kir luxiuu, nng diamxjingx au, huexciax dirr mow ci ee ciajiam tingg jit xe, m jaix hiax si dyhh, sniu beh camquanx jit xe, qniaa hiongr cirdiongsimx. Dirr hiax, huathen jit jxy diongsewqiw ee qenwdiok, dairkair si cirjingwtniax! Ix qniaa .zip .kir, sun dngg ~ ee jauxlongg sui'ir qniasec, knuar diyc jin' suiw ee cur, sir pnir viah qruar qoxue, jingbiw ee viactanw, siwqer he jin' quiwkir ee qoxdongw. Hionghiongg, iwsig .diyc, tnix amr ar, zidtauu lyc snuax. Simlai sniu, itding diyh'air dngw kir huexciajam. Dirr jitt sii, ix huathen jurqiw qniaa prangw .kir .ar! Cue byy mngg/ qniax jit diyy/ qycc sniu .diyc, jitt jxy qenwdiogbut lenrr jit xee langngiaw dy' byy duw .diyc/ kaisiw qamxqag vut'anx/ qniaa kacc qinw .quaw/ hibang erdangr duw diyc langg/ kiokk itdit byy. Jitt sii, ix qniaa zip jit xui duarmngg, cuanw jit dua kauwkuir/ qajair, jiax dyrr si cutkauw/ packuix mngg, suacc huathen jurqiw longr zip kir jit qingx jiokk dua ee vangqingx/ itsimx sniu beh dirr lingrgua jit vingg cue diyc cutkauw. Jitt sii, dirr vangqingx ee jniar dionghngx, knuar diyc dervanw u vehsig ee mic/ qniaa qin .jit .knaur/ jiacc huathen si jit xee iokk nng huer ee cidaizii, ginxaw jre dirr ziy-dingw, qra toxkax hud qra longxx si saixziy. Jitt sii, ix qniax jit diyy, dua sniax huah jit sniax, langg cnew .quer .laii, jurqiw qniax qaxx simqnuax pogpok tiaur.
Jitmaw, guaw jaix ar --- jex si jit xee amwhok ee jingsinvne (Latent Psychoese) huanrjiaw! Guaw diyh'air singzin, dng' guaw jinrlik beh inxcud bangrqingw sii, jurqiw qui' sinkux cud lingxqnua, jixhyw qra qaixsueh bang byy sniaw m hyw, qiglik muakamr soxu iuxhai ee sewjad.
Jitt xee bang qisit si anne: jex si jit jua Zurich ee luxiuu, ix dirr hiax tingliuu jin' dew ee siqanx. Cur dionghngx hitt xee ginxaw si ix jurqiw nng huer ee bo'ngiu, qui' sinkux ziy, si damrvyc byy jingwsiongg ee hing'uii, ginxaw duiww jurqiw ee saixziy u cuwbi, in'ui u sig/ u qiquair ee kiwbi; jit xee dirr sniaci duarhanr/ virr giamqeh quanxqar ee ginxaw si jin' iong'ir huan jitt jiongw quewcyr ee.
Mrqycc, hitt xui isux ixqingx duarlangg ar. In'cuw, dirr vangqingx-diongx, bangrqingw ee iwsiong si jit jiongw kyxpnuar ee siongrdingx. Dng' ix qra guaw qongw jitt xee bang sii, guaw dyrr jaix, ix ee jingwsiongg qisit si jit jiongw mivow. Guaw dirr quanqenr sikig qiur ix, qandna' cax jit sud aw, jitt xui amwsingr ee jingsinn huanrjiaw dyrr e huatvne, jingsinn vnerjingr dyrr e henr .cud .laii. Jex si su'iaur irhongg ee. Juewau, ix qycc jyr qitnax bang ee vangjo-ha, guaw singqongx cue diyc jit xee qetsog jitt jiongw hunwlen hunsig, hro ix erdangr jiapsiu ee jiawkauw. Guaw byy qra jinxduan ee qetqyw qra qongw, vutqyr ix iwsig diyc jurqiw dirr qniahniaa ee venqair, ix qycc jyr jit xee bang, bang qnir jurqiw virr jit xee qnialangg ee siauw :ee ziog. Ix sui' dngw .kir, m qnaw qycc ham' amwiwsig ongxlaii. Ix hex henxzenn ee jingwsiongg huanwngiar liauw jit jiongw byy qycc u huatdenw, jixu dirr ham' amwiwsig duiwkongr virr paccuir ee zinqeh. Jiaxee amwhok jingsinn huanrjiaw ithiongr byy hro simliw dirliaujiaw huangingg, in'ui inx jurqiw jin' yh kakzin.
Ui' dingxbin jitt ee jinghingg, lanw laii dramm guarhanglangg jinwzip jingsinn hunsig ee girdee. Guaw janwdongg m si tak rix ee langg, laii genxqiur simliw dirliauu/ jyr simliw dirliauu, mrqycc duiww amwbih jingsinn vnerlangg, kiokk si m driyc ee honghiamw. Dirliauu cneciuw ersaih jiphingg jingsinn hunsiksux ee qangjog, mrqycc itding rair u jitqiap isux dirr vnix:a jixdy. Jixiaur caqag diyc jit sud aw byy driyc ngiu, dyrr qaix ham' jixdyrjiaw camsiongg. Dyrr si jitgiap isux, beh kakzin/ dirliauu jit xee amwbih jingsinn hunlec huanrjiaw marr jin' lann, cneciuw dyrr benw qongw ar. Guaw bad huathen, u quaw jiongsu simliw dirliauu je nii , duiww jurqiw jinwhingg hunsig ee dirliauu cneciuw longxx jin' jingx; cuxgua, marr byy qauwgiac isux erdangr jyr simliw dirliauu. Jitt jiongw qangjog diyh'air jiapsiu dngqii/ tetdew hunwlen, qycc rair qongxkuah ee diwsig, pen' pen' jitt jiongw diwsig jixu qik jiyxsor langg iongxiuw.
Dng' vnerlangg huatsing juanxii quanhe, isux/ vnerlangg jerjiyw sanxsingx amwiwsig ee zinrdongg sii, isux/ vnerlangg ee quanhe dyrr e diwsuw linghak henrsiong (Parapsychological Phenomena). Guaw duw quer jerje jitt jiongw jinghingg. Hro guaw inwsiong digvet cimkig ee si jit xui huanrjiaw, guaw jo ix tuatli simlixsingr utjingr (Psychogenic Depression). Aurlaii ix qethunx, guaw duiww inx kanciuw byy sniaw hyxqamw/ derr id vaiw knuar .diyc, dyrr u byy songxkuair ee qamxqag/ inx angx duiww guaw jin' qamxqig/ guaw knuar e cud, guaw suacc jniajyr ix ee bagjiux-cir/ guan'inx si guaw duiww inx angx ee ingxhiongxlat jin' dua. jitt jiongw jinghingg ongxongw cuthen dirr, m si hiacc jinsimx air jurqiw angsair ee luxsingr srinx-siong. Inx uanwdorsimx, itsimx qandna' sniu pywhai inx angx ham' vadd langg ee qamxjingg, beh angx uanjuann sriok inx, guan'inx si inx jurqiw byy sriok angx. Jex itcer soxx jyrsingg ee qattauu, si kiamr aiwjingg.
Jitt xui taiwtair ee taiwdo jyrsingg vnerlangg byy hxuad singsiu ee hiongdua hurdamx, dirr jitt jiongg aplik-ha, qethunx jiacc jit dxangx, qu vne dyrr giaa .kiw .laii, lag .zip .kir sinx ee iubun jongrtair. Jex si guaw jaw dyrr anwsngr .diyc .ee, sursenx dyrr jyr liauw anvaii, beh ix jit qamxqag jingsinn byy hyw, dyrr sui' ham' guaw jicjiab. Mrqycc kyxlingg kanciuw ee guan'inx (bow ciangjai tee ix jingsinn byy hyw qunw sngxciyr), hro ix be qir .did laii cue guaw, guaw duiww ix ee jinghongw longxx m jaix.
Hitt sii, guaw duxhyw u jit dniuu enxqangw, dngw laii qaur luxsia ixqingx uaw vnuewmee/ enxqangw qetsog au, ham' quiw xee ving'iuw kaiqangw/ dyrr dyw dirr bincngg beh kunr/ m jaix jnuaxngiu, quw quw kunr be kir, iokk nng diamw (guaw itding duxx kunr .kir), simlai jit diyhqniax, cnew .kiw .laii, qamxqag u langg qniaa .zip .laii/ guaw simrjiww iauxx u mngg virr diyhqib packuiwx ee inwsiong. Sui' kiw cngg qra denrhuew kuix dyc, sniaw marr byy huathen. Guaw sniu, kyxlingg u langg qniaa m driyc vangqingx, dyrr hiongr jauxlongg knuar .jit .xe, marr si byy langg. “ qiquair,” guaw sniu, “kaksit u langg qniaa zip laii ar!” guaw sethuad siongser huesiongw jit xe, dauwdew huatsingx sniaw su? Hionghiongg, guaw bingvik, guaw si virr jit xee byy qaiww tniar ee qamxqag, cnew .quer .laii ee, naxjunxx u mihqnia kar guaw ee hiahtauu, qycc kar aurnauw. Derr zi zit, jriab diyc jit xee denrvyr, hitt xui vnerlangg kuix cingr dnua siw jurqiw. Aurlaii guaw jaix, cingwjiw cngx quer ix ee jinghiac lauu dirr aurnauw nirr.
Jitt xee texgiam, si jit viaw jinjniar qangsii (Synchronistic) ee henrsiong/ ongxongw ersaih ham' jit jiongw diongrdua ee guanhingg (Archetypal) jingqingw (sixbongg) u lenjiab ee jinghongw-ha quancad .diyc. Tauwquer amwiwsig ee si'kongx siongquansingr, guaw erdangr caqag cud sidjer-siong duxx dirr vadd soxjai huatsingx ee dairjir. Jibtew amwiwsig si soxu ee langg qiongriuw ee, si qenwlip dirr qoxjaxlangg soxui “itcer surbut longxx u dongjingsimx” ee qicow-siong. Dingxbin jitt xee jinghongw, guaw ee amwiwsig jaix hitt xui vnerlangg ee jongrhongw. Sidjer-siong, hitt amr, guaw itdit bogbingg-qibiau qamxqag vut'anx, sinqingx qinxdniux, ham' vingsii duxhyw dendyr.
INXCUA EE LAT
Guaw jurlaii dy' byy sniu beh hro vnerlangg qaixvenr jongqaur sinwgiongw, marr byy beh qax aplik/ qiongvig inx. Guaw zinruii, siongrr diongriaur ee si, vnerlangg qaix u inx jurqiw duiww surbut ee knuawhuad. Dirr guaw ee dirliauu-ha, irqauwdoo iauxx si irqauwdoo, qidokdoo/ iutaiwqauwdoo longxx jiauww guanvunw, itcer sunhok miarun uirr ix soxx jyr ee anvaii.
Jit xee Iutair luxsingr ee vnerle qir qaxx jin' cingcyw, jitt xee sitkir jongqaur sinwgiongw ee vnerlangg. Kaisiw sii guaw jyr liauw jit xee bang:
Bang diyc jit xee guaw byy siy' bad ee siauwlenn qoniuu, venwjniaa laii cue guaw ee vnerlangg. Ix dairiog siaurqair ix ee vnerjingg, dirr ix qongxue sii, guaw simlai sniu, “gauw qinvunw dyrr byy liauxqaiw ix, marr m jaix jex itcer si jnuaxngiu jit huesu.” tudzenn qranx, guaw gno .diyc, ix itding dair digvet ee luann-ve jingqed (Father Complex).
Derr zi zit, guaw byingg jit xee iriog mngjinw, itdit qaur sir diamw. Jit xee siauwlenn luxsu cuthen/ Iutaiwzinn/ jit xee ginghangqax ee jaboxqniaw/ snex jyr jin' suiw/ cingrcah liuhingg/ IQ quann. Ixqingx jyr quer jit vaiw jingsinn hunsig, mrqycc hitt xui isux dirr ix srinx-siong sanxsingx juanxii quanhe, jixhyw vaiwtog ix mair qycc kir ar, byy, isux ee hun'inx kiongxqniax kakvyw be diauu.
Jitt xui siyxjiaw je nii laii itdit virr jit jiongw giamdiong ee jiausimx-hxingg jingsinn quanlingjingr (Anxiety Nuerosis) jetbuaa, qycc duw diyc juanxii quanhe ingxhiongw, vnerjingg jurzenn qadang. Guaw duiww ixongw vnersuw knuar, vingrr byy huathen digvet ee soxjai. Ix si jit xee sing'uac hongsid uanjuann sehuar ee Iutaiwlangg/ tetdew ee henrdairlangg. Jit kaisiw, guaw m jaix ix duw diyc sniaw mahuann, mrqycc guaw hionghiongg sniu kiw jyr .quer ee bang “ guanlaii ix si guaw bang-diongx hitt xui qoniuu.” mrqycc guaw byy hxuad dirr ix srinx-siong knuar cud luann-ve jingqed ee hunziah, dyrr mng ix iuxquanx a'qongx ee jinghongw, jex si guaw cuxliw jitt lui vnerlangg ee quanwsir. Jitt sii, ix bagjiux kreh .kiw .laii, guaw sui' iwsig diyc bunrdee ee quanqenr dirr jiax, guaw liauxqaiw inx a'qongx si Iutair qauwhue ee jewsix, jit qix sriok Iutaiwqaur ee siyw qauwpair.
“Liw qongw :ee qamxx si kenqingwpair (Chassidim)?” guaw mng.
Ix dab “driyc.”
Guaw qewsiok tecud bunrdee.
"Narr ix si jit xee jewsix, anne ix u qihue jniajyr singwdoo lor?”
"Si ar. Tniax qongw, ix si moxjiongw singwzinn, iongxiuw derr zi jiongw knuar ee linglik, vutqyr, jex juann si luan qongw, qinvunw byy jitt huesu!”
Tniax qaur jiax, guaw ui' ixongw vnersuw did diyc qetlun, marr bingvik ix ee jingsinn quanlingjingr vnersuw. Guaw qra qaixsueh “ jitmaw, guaw beh qongw quaw liw kyxlingg byy hxuad jiapsiu ee dairjir. Liw ee a'qongx si singwdoo, liw ee vaxvah kiokk venwjniaa Iutaiwqaur ee vuanrdoo/ vuervuan viwbit/ kiwsag siongrder/ dyrr anne liw dair diyc jingsinn quanlingjingr/ in'ui duiww siongrder ee qniahniaa ixqingx nngr zip liw ee simlai.” jitt qxur ue naxx luii qra kar .diyc lehh.
Derr zi amr, gauw qycc jyr jit xee bang:
Gauw dirr cur-lai qixhingg jiautaihue, jitt xui qoniuu qingwzenn jairdniuu! Ix qniaa laii guaw jiax mng “ liw qamxx u horsnuar? Guarkauw dngdecc lyc ho. Guaw cue diyc jit qix horsnuar, bongx dangx bongx saix sniu beh qra horsnuar pah kuix, beh hro ix ee sii, guaw suacc qui lyc laii, ix naxx tensinn lehh.
Guaw qra jitt xee bang qongw hro tniax, quer jit lexvair, ix ee jingsinn quanlingjingr hyw ar. Jitt xee bang qra guaw qongw, ix vingrr m si cenxqenr ee siyw qoniuu, dirr ix ee viauxbin-ha, qisit amwcangr diyc singwzinn ee sowjid. Ix byy sniaw sinhak quanliam, incuw tensingr siongrr qinvunw digjid byy hxuad cue diyc viauxhen jurqiw ee qngxdy (DannSiux, qngxlo), itcer soxx iwsig .diyc ee uahdang virr inxdy huathiauu/ jngtna/ singr, qitnax ix longxx m jaix ar. Ix qandna' jaix beh quer u iwgi ee sing'uac; sidjer-siong, ix si siongrder ee qniaw, miardiongx juwdnia rair uansingg Ix viwbit ee jixir. Guaw diyhh qiywcnew ix srinx-siong ee sinhak jongqaur iwsig, ix si sriok jingsinn uahdang berdangr kiamr ee hitt jiongw langg. Anne, ix ee sing'uac dyrr e u iwgi, jingsingg quanlingjingr jurzenn uanjuann siausid.
Dirr jitt xee vnerle, guaw byy ingwiong zimrhyy honghuad, jixsirr caqag diyc jit jiongw inxdyrlat (Presence of The Numen). Guaw anne qra qaixsueh, ix ee vne dyrr hyw ar. Honghuad dirr jiax vingrr byy diongriaur, diongriaur ee si “duiww siongrder ee qingwuir.”
Guaw knuar diyc u langg, buanxjiog duiww zinsingx bunrdee penwbin/ cywgo ee huedab, suacc jniajyr jingsinn quanlingjingr, ix sunqiuu derui/ qauqed sinhun kacc quann ee hun'inx duiwsiong/ miasniax/ guarviauw ee singqongx, qimjnii, marr did diyc soxx air ee itcer, kiokk iauxx byy hingrhog, qycc diyc jingsinn quanlingjingr. Jitt jiongw langg tongsiongg hanrjer dirr qik ec ee jingsinn sing'uac huanruii-lai, kiamr ciongsit ee sing'uac lueriongg/ iwgi. Zuqyw erdangr jniajyr ganxqair kacc qongxkuah ee langg, jingsinn quanlingjingr dyrr e siaubyy .kir. Incuw, huatdenw ee quanliam duiww guaw laii qongw huisiongg diongriaur.
Guaw ee vnerlangg dairvorhun si sitkir sinwgiongw ee langg, cue byy lo ee ngiuu-aw. Dnaxx jitt xee sidai, sinwdoo iuguann u qihue dirr qauwdngg cue diyc naxx “siongrdingx ee sing'uac”, quanhe jitt diamw, lanw jixiaur sniu jit xe, cniurr Mass/ sexlew/ yc Iasox/ jongqaur-siong qitnax hongbin ee texgiam, dyrr e bingvik. Mrqycc jendee si, beh texgiam/ sing'uac dirr jiaxee siongrdingx, sinwdoo diyh'air jikqik cam'uw, jex si lanw bogjingg siongrr kiamr :ee; jingsinn quanlingg huanrjiaw qyckacc si anne. Dirr jiaxee vnerle, lanw rair quancad amwiwsig si m si e jurhuad inxcud qokk jiongw siongrdingx, cuxdai soxx kueckiamr ee mic. Bunrdee si, jit xee dirr bang-diongx qnir diyc qokk jiongw siongrdingx/ u quer huanwsiongw ee langg si m si marr e lixqaiw inx ee iwgi, vingrr singdamx jiongxjiongw hiyrqyw.
Vixzuu, guaw bad dirr “jibtew amwiwsig ee qokk jiongw guanhingg (Archetypes of The Collective Unconscious)” biyue jit xui sinhagqax ee vnerle. Ix jyr quer mow xee bang, dinghok quixarr vaiw. Bang diyc jurqiw kia dirr jit xee snuapyx-dingw knuar lyc erbin, si jit xee ong ~ ciurnaa ee snuaqog, soxu ee bixqingw longxx dirr ganxjingg. Ix dirr bang-diongx jaix, ciurnaa ee dionghngx u jit xee oo; oo-lai u jit jiongw mic itdit joxdongr ix qniaa uaw hiax/ mrqycc jitt vaiw ix sniu jinjniar qniaa quer kir/ dng' ix qniaa uaw oo-vnix sii, kiwhunx venr qaxx jin' sinvir; hionghiongg jit jun hongx cue .quer, obin kiw cimsig ee juixingw, ix suacc qniax jit diyy huah sniax, cnew .kiw .laii.
Kixtauu, byy lixqaiw jitt xee bang. Mrqycc ix si jit xee sinhagqax, vunxlaii qaix jaix hongx cue .quer, kiw pylong ee “juixdii”, dyrr si vnerlangg sriu sew ee “The Pool of Bethesda”, tnisair lyc huandinn, duw jit xe juixbin, juixkud ee juiw dyrr erdangr dri vne. hitt jun hongx dyrr si erdangr sniu beh kir dyhh/ siwqer kir ee singwlingg (Holy Ghost)/ jit xee ho'ngg knuar byy ee siuxhorsinn, quer jurqiw ee sing'uac, jit henwsinx kiokk qra langg hnecqniax .diyc/ hro langg' cuah jit diyy. Jitt xui sinhagqax jin' pnaiw jiapsiu “ The Pool of Bethesda” ee lensiongw, in'ui jitt jiongw dairjir qandna' dirr “singwqingx” jiacc knuar e diyc, qik qex jixsirr dirr lexvaiwzit jaiw ee vowdy qongw .diyc, ham' simlixhak uanjuann byy quanhe. Dirr u quaw dniuhap qongw diyc singwlingg dongzenn si jin' hyw, mrqycc jex juadduir byy kyxlingg si texgiam .diyc ee henrsiong!
Guaw jaix, jitt xui sinhagqax singx kikhok jurqiw ee qniahniaa, ix aurlaii kaksit jyr qaur ar. Zuqyw vnerlangg byy guanrir qniaa hiongr uirr ix soxx jixbingg ee dyrlo/ singdamx hiyrqyw, guaw juadduir be qra qetqyw qiongqax hro inx/ guaw byy janwdongg vnerlangg qandna' uirr itvnuax ee joxdongr jiacc qirjuat jyr ee kingsinx qaxsed. Joxdongr, digvet si huisiongg jipid ee dexkongr, daddid juwir, hex si berdangr kinx kinx vangr quer ee qingxqyr. Dirliauu soxx iong ee honghuad ersaih si dogiyc/ kiokk m si muixx jit xee langg longxx ersaih jiac; kyxiw si jit xee ciuxsut, jit dniuu kyxlingg gu diyc qimwqir dyrr e tyxmia ee ciuxsut.
Dagg vaiw dag diyc siongrr cimx ee texgiam/ zinqeh ee hudsimx sii, dairdysowlangg longxx e virr hnecqniax .diyc, kacc je langg jauw qaxx byy ngiaxziah . Jitt xui sinhagqax ee jinghingg dyrr si anne. Guaw dongzenn jaix, sinhagqax viw qitnax ee langg, cuxqingw kacc mahuann. Inx jit bin jiapqin jongqaur, lingrgua jit bin, sriu qauwhue/ qauwquix ee sokvak qyckacc dua. Tamwqiur luersimx texgiam, jingsinn ee tamwhiamw duiww dysowlangg, hex si jin' pnaiw jiapsiu ee. Jitt jiongw texgiam kuriuw simlingg jinsidsingr ee kyxlingg, hro inx vutjiw iamwsen. Narr si kuriuw ciaujurzenn, jiwjiyw u jit jiongw liksuw ee qicow, itcer venr qaxx jin' sunrli. Mrqycc simlingg ee mic neh? Dng' vnerlangg binrduir jitt xee bunrdee ee sii, ongxongw e py diyc knuaw kinx ee taiwdo.
VNERLANGG HRO GUAW CIMZIP ZINSINGX EE HENRSIT
Dirr dongdai ee simliw dirliauu-diongx, isux/ simliw dirliausux ongxongw virr iauqiuu qaix “sun” vnerlangg / inx ee qamxjingg. Guaw byy janwdongg anne jyr ee juadduiwsingr. U sii, isux dendyww su'iaur jikqik qansiap.
U jit xui quir huzinn laii cue guaw, ix e pah suxiongrlangg/ simrjiww qruad quer isux/ Ix huan liauw qiongviksingr jingsinn quanlingjingr (Compulsiong Neurosis)/ itdit druar dirr jit qingx liauiongxngi jiapsiu dirliauu/ jin' jurzenn, ix marr senr quer juxdi isux. Dirr ix ee ganw-lai, isux jixvutqyr si ix ee ka'aw ziiw/ ixqingx hrur quer qangjux :ee ziiw. Jitt xui isux qra sangr kir lingrgua jit qingx vnerngi, siy' qang jingqingw jaiww huatsingx. Jitt xui huzinn henxzenn m si jinjniar kixsiauw, si su'iaur unhyy ee dirliauu honghuad, anne virr sangr laii guaw jiax.
Ix snex jyr qauciangg/ uigiamm/ jin' u vanrser ee luxsingr/ jiog lak ingciyh quann, guaw qnaw vyxjingr, pah langg' juadduir u qraur lat! Gunw dramm qaxx jin' ba, mrqyxx jongww duw .diyc guaw qongxue hro ix byy songxkuair ee sii ar. Ix krir qaxx tiaur .kiw .laii, ciuw giac quann ~ uihiap beh senr .guaw. Guaw marr tiaur .kiw .laii, “ anne jin' hyw, liw si huzinn! Liw singx dangrciuw --- jabow singx! Mrqyxx danw jit xe ngua guaw !” guaw si qongw jinx :ee. Ix sui' dngr lab jre, huexkir jit xe siaubyy .kir. “ixjingg si'angw marr m qnaw duiww guaw anne!” ix kongwgi. Ui' hitt sii kiw, guaw knuar diyc dirliauu e singqongx ee hibang.
Jitt xui vnerlangg su'iaur :ee, si jit jiongw lamjuxhanr ee huanxingr. Dirr jitt xee vnerle, narr si “sun” vnerlangg, si viw longxx byy huanxingr qyckacc camw. Ix e dair qiongvig jingsinn quanlingjingr/ si ix byy hxuad hro jurqiw dyrdig ioksoklat/ vadd langg diyh'air hro ix/ anne dyrr e sanxsingx huhap ix sniu beh ee qiongvikhingg siongrdingx.
Quixarr nii jingg, guaw bad tongxqer soxx dirliauu .quer ee vnerlangg qetqyw, siongser sowzi guaw byy hxuad jingwkag huesiongw, vyxsiuw qoxsngr/ kaksit dri hyw snax hunx ji' id/ snax hunx ji' id vnerjingr u be baiw ee jinwdenw/ cunx :ee snax hunx ji' id byy sniaw haurqyw/ jitt xee vorhun si siongrr lann pnuawduan :ee. Jerje surqnia si rair quixarr nii au, vnerlangg jiacc e bingvik/ iuxsow liwqaiw, marr diyh'air qaur hitt sii, dirliauu jiaxee dairjir jiacc e huatsingx jok'iong. Ixjingg ee vnerlangg ciangjai e siaw puex laii qra guaw qongw ” itdit qaur likuix liw hiax jap dxangx au, guaw jiacc bingvik, jex itcer dauwdew si jnuaxngiu jit huesu.”
Guaw jin' jiyw sangr vnerlangg kir vadd xui dirliauu/ u quiw xee juxdong likuix ee vnerlangg/ u langg aurlaii siaw puex hro guaw, qongw dirliauu jiongbuew u sanxsingx liauw ingwhau. Jex si uirsniaxmic jin' lann pnuawduan dirliauu si m si singqongx.
Dirr knuar vnerlangg ee sing'uac-diongx, jit xee isux juadduir e duw diyc duiww jurqiw sanxsingx diongrdua ingxhiongw ee jit quaw langg, jiaxee langg si hyw/ si baiw, be inxkiw qongjiongr ee hingwcur; mrqyxx jiaxee langg kyxlingg kuriuw digvet ee juguann/ mia-diongx juwdnia diyhh singsiu jingg soxx byy qinglik .quer ee huatdenw/ jaieh. U sii inx jaihuaa huihuann, hro lingrgua jit xee langg simrjiww guanrir uirr inx henwcud jurqiw ee snewmia; mrqyxx jiaxee u jailingg ee langg, kyxlingg tensingx u quaiwpiah/ byy sriu langg' qac'ir ee kiwjid, hro lanw hunx be cud si tensingx iacc huatdenw uaicuah .kir? cniurr jitt pnir toxde-siong, jin' lann vyxjingr itding dadsingg uanbuanw, hanxqnir ee jingsinn, u sii hro lanw jin' lann siongsinr, e dirr siarhue jit pxenr vnengiuu, kuix cud jiacc bixle ee hueluiw. Simliw dirliauu ee ingwhua diyh'air ilai bidced ee quanhe/ bidced qaur isux vutqaix duiww vnerlangg ee tongwkow dongwjyr byy knuar .diyc, junw .quer .kir; jitt jiongw quanhe dirr vutduan vixqaur/ horsiong lixqaiw-diongx, jniawbin knuawtai jitt nng jiongw duiwlip ee simlingg henrsit, qingquer venrlun jingwbingg. Narr si jiaxee horsiong inwsiong in'ui moxjiongw guan'inx be kamx did ciongdng, anne simliw dirliauu ee jingxqyy quewdingg dyrr e jit sud aw byy kiw jok'iong, vnerlangg ee jingwtauu guanjai byy qniakir, duihuix isux/ vnerlangg longxx jniajyr sianghongx ee bunrdee, narr byy si cue byy vo :ee.
Dirr henrdai soxui jingsinn quanlingjingr qywanr-diongx, jerje langg dirr vadd ee sidai si be jniajyr jitt xee vnerjingr ee; jiaxee langg e huan vne, si zinqeh huncex ee guan'inx. inx ee sing'uac narr si erdangr jiar sinue ham' inx joxsenx ee sewqair lenn .kiw .laii, jinjniar texgiam .diyc, m si qandna' ui' guarvo knuar diyc vunxjid siy' lenn ee sewqair ziiw, dyrr erdangr siauduu jursinx ee zinqeh kuicex. Guaw dirr jiax soxx jriw ee si byy hxuad zimxsiu sinue hiaxee sitlyc ee langg/ qycc u hiaxee byy hxuad cue diyc mairhiongr kyhak qakdo, laii knuar guarjai sewqair ee dyrlo, qycc byy buanxjiog ixx congbingg sngxlang bunzi, jurkix-kizinn ee langg.
Sidai jyrsingg ee jingsinn nng-hunhuad (Psychic Dichotomy) ee hisingjiaw, longxx si quaw huiqiongjewsingr jingsinn quanlingjingr (Optional Neurotic), jurgnow/ amwiwsig ji' qranx ee hunqair itdanr tnrix buanw, vnerjingr dyrr duer lecc siaubyy. U qamxqag jitt jiongw nng-hunhuad henrsiong ee isux, dyrr erdangr kacc cimzip lixqaiw amwiwsig ee jingsinn quewdingg, piacbenw simlixhagqax iong'i u jit sud aw singjiu dyrr viauxsi buanxjiog ee huihiamw. Isux zuqyw byy ui' jursinx ee texgiam-diongx liauxqaiw qokk jiongw guanhingg ee sinsingr, qandna' e did diyc siauqig ee haurqyw. qrow sniu' quann/ knuar sniu' qe, longxx si ui' lixdir quandiamw, m si qinggiam ee ciycdo knuawtai bunrdee/ huihiamw ee simliw sitsiongg (Perilous Aberration) laijurr jiax/ jex derr id viauxhen, iwdoo hro lixdir juxjnaiw itcer. Byiwdiongx jex qra isux/ vnerlangg guanhingg ee jok'iong qapp sidjer qinggiam qeh qaxx hng ~~; qycc u jit xee/ unxdangr si langg ee quanhe, nng-dxo quanliam sewqair cuxdai jingsinn henrsit ee derui, dirr anne ee sewqair, sing'uac ee jinsit virr soxui diauliw, cingcyw ee qokk jiongw quanliam uanjuann amkamr/ qinggiam ee vunxjid uanjuann virr vakduat/ iong miahy cuxdai/ miaa qycc cuxdai henrsit. Duiww jitt jiongw quanliam, si'angw marr byy vit'iaur singdamx dyrgi ee jikzim; jex dyrr si quanliam jiacc hro langg hnuahiw jiapsiu ee enqor --- vyxho liw benw sriu qinggiam cimhuan. Qinggiam byy druar dirr quanliam-lai, si bih srinx dirr hing'uii/ sursit-diongx, huagenn-kaxgiw byy loriong. Suibongw si anne, jitt jiongw byy daddid jyr :ee, iuguann itjairr dinghok, itdit qaur buhan hitt vingg .kir.
Incuw, dirr guaw ee qinggiam nirr, duliauw qongw vehcat ee piacsniur ixgua, siongrr bong'unx-vuergi/ pnaiw duiwhur ee vnerlangg dyrr si soxui ee diwsig hunrjuw/ inx iongxsingg “jurqiw ham' tnazinn qecli ee simliw (Compartment Psychology)”, jixiaur byy sriu qamxjingg ee kongwjer, lixdir dyrr erdangr qaixquad itcer; mrqycc qamxjingg itdanr byy qraur huatdat, diwsikqair zinsu iuguann jysiu jingsinn quanlingg ee buatuah.
Ui' guaw ham' vnerlangg ee jiapjiog-diongx/ guaw ham' qokk jiongw jingsinn henrsiong ee jiapjiog (jiaxee henrsiong ixx buhan ee hingsid denxhen dirr guaw ee binrjingg, hro guaw siusingg honghur), m na qandna' diwsig, siongrr diongriaur ee si dongrcad jurqiw vunxsingr ee linglik. Ui' cywgo/ sitvai-diongx, guaw yc be jiyw. Guaw ee qywanr dairdysor si luxsingr, jiaxee langg ongxongw ixx jin' digvet ee jurqag/ lixqaixlik/ congbingg jaidir laii cam'uw dirliauu. Qivunw laii qongw, si u inx, guaw jiacc erdangr dirr dirliauu-siong kuix cud jiongxjiongw sinx lo.
U quaw vnerlangg jniajyr guaw ee derjuw, qra guaw ee sniurhuad tuanvyr qaur juann sewqair, ham' jiaxee langg ee qaujingg, qinglik liauw quiw jap nii ee kyxgiam.
Guaw ee vnerlangg hro guaw cimzip zinsingx ee henrsit, qycc ui' inx srinx-siong bingliauw berdangr kiamr ee mic. Duiww guaw laii qongw, duw diyc simliw jongrtair cavet jiacc dua ee qokk jiongw langg, inx ee diongriauwsingr ngiaa quer ham' cutmialangg ee penwbin qaudamm jerje; guaw itsingx siongrr bixhyw/ u iwgi ee dam'ue, longxx si hiaxee byy cutmiaa ee langg sna' duw, qig cud laii ee.