Titus
SXINGR PAUL SIAW HRO TITUS EE PUEX
1 Siongrder ee lovok, Jesus Krist ee suwdoo Paul, uirdiyhh Siongrder qingxsuanw ee vecsnir ee sinr, qapp beh hro inx bad qingwkenn ee jinliw,
2 Dirr ingxuanw uac ee ngwbang, dyrr si byy vehcat ee Siongrder dirr ingxsewdai ee dairsingx soxx ingwunw :ee;
3 Qrii narr qaur dyrr henxbingg Ix ee dyrliw, dyrr si jiauww lanw ee Qiuwjuw Siongrder ee bingrling soxx qautog guaw tuann :ee.
4 Guaw siaw puex qiar hro Titus, dyrr si jiauww snaqab u ee sinr juer guaw jinx ee qniaw :ee: guan liw dui' Ve Siongrder qapp lanw ee Qiuwjuw Krist Jesus did diyc undenw ving'anx.
5 Guaw lauu liw dirr Klete ee enqor, dyrr si rair liw jiong' hiaxee vran be bingvik ee su longxx vran qaur jingxjee, qycc jiauww guaw soxx huanhur liw :ee, dirr dagg xee sniaa setlip dniuxlyw;
6 Narr u langg si byy tangx hiamm :ee, ix qandna' juer jit xee hurzinlangg ee diongrhux, qycc qniaxzii u sinr, byy langg qryr inx hongwdong vuthuad :ee, jiacc tangx.
7 In'ui qamdog diyhh byy tangx hiamm, cincniu Siongrder ee quanxqex, byy jursi, byy kuair siurkir, byy in'ui jiac jiuw laii kiw su, byy air pah langg, byy tamx vutgi ee jnii;
8 Diyhh hyw kuanxtai cutguarlangg, air hyw, siuxqiw, qonggi, singwqed, jetjer;
9 Qenqor siuw hitt xee jiauww jingwqaur jinsit ee dyrliw, hro ix e ing duanjniar ee qawsi laii kuanwbenw langg, qycc e venrdyw hiaxee vokmng ee langg.
10 In'ui u jerje m sunrhok ee langg, dyrr si qongw pupiyr ee ue, kipenr langg :ee; sriok qatlew ee langg qyckacc si anxnix.
11 Jitt hy langg ee cuir diyhh qra ix trad bat; inx uirdiyhh vutgi ee jaili qawsi soxx m ingqaix qawsi :ee, laii vairhuai langg ee juann qrex.
12 Inx diongqanx jit langg, dyrr si inx hitt jok ee sendix, u qongw, "Kletelangg siongsiongg qongw vehcat, juer pnaiw sriur, tamjiac, qycc vinrdnua."
13 Jitt xee qanjingr si jinsit. Soxiw liw diyhh giamgiamm jikvi inx, hro inx duiww sinr e sunjuann;
14 Byy air tniax Judealangg ee byngiaxue, qapp vuerbiu jinliw ee langg ee qaiwbing.
15 Jairr cingkir ee langg, banrmic longxx si cingkir; jairr hiaxee uwuer byy sinr ee langg, byy jit hxang mic cingkir, lenrr inx ee simjir qapp liongsimx iarr longxx uwuer.
16 Inx qaqi singzin juer bad Siongrder :ee, danrsi inx ee soxx qniaa si m zin Ix; inx si kyxngor :ee, vuergik :ee, dirr itcer ee hyw su juer vutdiongwiong :ee.
2 Hiaxee hap dirr duanjniar ee qawsi :ee, liw diyhh qongw ix,
2 Dyrr si laurlangg m tangx air jiac jiuw, diyhh duanjongx, siuxqiw, qycc dirr sinr, dirr zin'air, dirr tunlunw, byy byy sunjuann.
3 Lau hurzinlangg iarr diyhh anxnix, hingdong quxjiw diyhh hap dirr qingwkenn, byc did huixvongr, iarr byc did juer jiuw ee lojaii, diyhh ing hyw qawsi langg,
4 Jiacc tangx qautog siauwlenn ee hurzinlangg tniar inx ee diongrhux, tniar inx ee qniaxzii,
5 Siuxqiw, cingqed, liaurliw qesu, senrliongg, sunrhok qaqi ee diongrhux, benw did Siongrder ee dyrliw sriu diyc vongwdok.
6 Siauwlenn ee davolangg, liw iarr diyhh anxnix krngr inx siuxqiw.
7 Liw huanrsu diyhh qaqi juer hyw :ee soxx qniaa ee bongiu, dirr qawsi diyhh duanjniar,
8 Byy tangx hiamm, hro duiwdik qaqi qenwsiaur, byy der tangx qongw lanw ee pnaiw.
9 Krngr lovok diyhh sunrhok inx ee juxlangg, huanrsu hro inx hnuahiw, byy duxdag,
10 Byy tautec, dagg hxang diyhh henxbingg diongsinr, hro inx huanrsu ingqngx lanw ee Qiuwjuw Siongrder ee qxaur.
11 In'ui Siongrder qiur jiongww langg ee xunx ixqing’ henxbingg,
12 Qingwqair lanw diyhh kiwsag vutkenn qapp jitt sewqanx ee su'iok, ing siuxqiw, qonggi, qingwkenn laii quer zit dirr jitt sewdai;
13 Himbo hitt xee dua hokkir ee ngwbang, qapp lanw jiww dua ee Siongrder qapp Qiuwjuw Jesus Krist ingqngx ee henxhen.
14 Ix uirdiyhh lanw henr qaqi, beh siok lanw tuatli itcer ee vuthuad; qycc uirdiyhh sexcingx lanw, vunxsinx juer Ix qaqi ee vecsnir, dyrr si zedsimx dirr jiaxee hyw soxx qniaa :ee.
15 Jiaxee su liw diyhh qongw, diyhh koxkngr, ing longxjongw ee qxuann laii jikvi langg. M tangx hro langg biauxsi liw.
3 Diyhh hro langg qir did ingqaix hanghok vran jingwsu :ee, jiangxquann :ee, laii sunrtanr ix, siongsiongg ven ven laii qniaa dagg hxang ee hyw su,
2 Byy huixvongr, byy sna' jnex, diyhh unhyy, duiww jiongww langg henxbingg dagg ngiu ee unziuu.
3 In'ui lanw ixjingg iarr si budix, vuergik, siurr behik, hanghok dirr vacvnuax ee su'iok qapp kuaiwlok, uac dirr okdok, uanwdor ee diongqanx, si kyxngor :ee, qycc dairqex sna' uanwhun.
4 Narr lanw ee Qiuwjuw Siongrder ee zinjuu qapp Ix ee tniar .langg henxbingg ee sii,
5 Ix dyrr qiur lanw, m si duiwdirr lanw soxx qniaa ee gi, si jiauww Ix ee linbinw, dui' dingxtauu snix ee sew qapp Singwsinn ee nguarsinx.
6 Singwsinn dyrr si Ix dui' lanw ee Qiuwjuw Jesus Krist soxx dua dua qangr lyc dirr lanw :ee,
7 Hro lanw dui' Ix ee xunx laii cxingx juer gi :ee, tangx jiauww ingxuac ee ngwbang laii jniaa juer horsuu.
8 Jitt xee ue si jinsit. Qycc lun jiaxee su, guaw rair liw gni gni qanjingr, hro sinr Siongrder ee langg diwir juer jiaxee hyw ee surgiap. Jiaxee longxx si hyw, u lirig langg :ee.
9 Diyhh siamxvi gong gong ee venrvog, sewhe ee damlun, sna' jnex, qapp uirdiyhh ludhuad ee jingjenr; in'ui jiaxee si kangx kangx byy lirig :ee.
10 Qetdongw ee langg, ixqing’ qingxqair ix jit vaiw qycc jit vaiw, dyrr diyhh quwjai ix;
11 In'ui liw jaix jitt hy langg si vuerbiu :ee, ix qaqi griw ix ee jue, qycc iuguann decc huan.
12 Guaw crex Artemas iacc si Tyqikus kir cue liw ee sii, liw diyhh diwir kir qaur Nikopolis laii cue guaw; in'ui guaw ixqing’ dniardiyc beh dirr hiax quer dangtnix.
13 Huatludsu Zenas qapp Apollos, liw diyhh diwir qra inx songwhingg, hro inx byy kiamwkueh.
14 Qycc lanw jiaxee langg diyhh hagsip juer hyw ee surgiap, laii virvan hiaxee dikkag diyhh ee soxhuir, benw did byy qetsit.
15 Qapp guaw dilehh ee langg longxx cingxanx liw. Huanrnarr dirr sinr laii tniar guanw ee langg, liw diyhh cingxanx inx. Guan undenw qapp linw jiongww langg snaqab dilehh.