zi-jap-sir haur sinx quax
Diknaa venx quax byy ser zri
quwdau e kiyh qapp e vnii
quasuu hyxbaiw benw siy' jnir(jner)
togjiaw hibang dat langg jnii
Guaw dnaxx beh liam zi-sir haur
quwqur dy' diyhh iong juaw vaux
ving'iuw jixmue m tangx jauw
diyhh yc iuxhaur jiacc u gauu
Zi-sir hauw quax jin' je hxang
hauwjuw jnriu jrux zi-sir langg
vuthaur tniax diyc dyrr kixdang
tniax qongx vuthaur qrer(?) hnirkangx
In'ui beh laii krngr langg hyw
venx quax kngwser u qonglyy
tniax diyc tong' langg dy' ylyw
kngr linw dag'ee zinrjinx yc
Derr id iuxhaurr Iyy Diarsun
iong cniu qingdenn hyw nisunn
crua diyc aurniuu byy uanwhun
koxdok mia hiamw qnir Giamqunx
Sunrder iong cniu decc qingdenn
iuxhaur nng zri qamxdong tenx
au .laii e jre qimluanden
hauwjuw cuttauu habqaizenn
Aurniuu koxdok ix be siw
iarr si tnide siy' hucii
langg diyhh iuxhaur sun tenliw
jywlangg diyhh yc dairsun zii
Derr zi hinghaur Hanwbunde
ve siw jriw cunx buw jit xee
taiwhiy Vyc .Sxi u vnirtew
Bunde cinsinx pangg tngdee
Lauu Hingg ruii der(?) jin' iuxhaur
hrong buw jiww haur hyw buexsaux
qniax liauw inx buw hro langg taux
u iyc ix singx limx jyr tauu
Vutlun vinjen huwquir zii
diyhh yc Hanwdiauu Bunder ix
iongxiok dua unx rair e qir
gnoxgik verbuw byy hyw snix
Derr snax hinghaur Jiux Jingjuw
Sner Janx miaa Cmax zri Juxguu
qanx vinn(?) sanwciah byy biw juw
kiyh caa diah biw ngua hanjuu
Qaqi u snxax m qramx cing
tec hro inx buw cing lairvingg
vacvnuax iuxhaur jiongg buxling
lauu hro sewqanx langg tuanbingg
Hongrkngr sewlangg siyw sniu mai
diyhh sniu lanw srinx dui' dyhh laii
verbuw unjingg cimx zuu(?) haiw
qingwhaur siangcinx jiacc ingqaix
Derr sir hinghaur ????
oqnuaa tuax ciax jiacc u qrii
aurniuu koxdok m qniax siw
hiuu pox qnuabangx dyrr si ix
Inx diax jai'ngiaw bow beh lii
Juxcenx(?) qui lyc qaixkngr ix
hrobuw qaixqer pnaiw singkir
siyxdi byy langg tangx cniadii
Hongrkngr lamm dua qangrr luw iur
siangcinx uanjuann lann did qriuu
pnaiw pnaiw aurniuu bongxx singjiu
hauwjuw nng zri hyw buexciux
Derr go hinghaur si Juxlo
byy hiamm cenliw ee lordoo
qrax vinn(?) lyhvyc jin' qankow
Cuxqog kir cue inx a'qox
Kir qangrr a'qox singx jiyh biw
laii hro verbuw tangx jixqix
m qniax lo hng quiw cingx lriw
sewqanx hinghaur dyrr si ix
Langg qongw qranx vinn cud hauwjuw
vinn langg jiacc diyhh kacc zinjuu
hongrtai verbuw jiauww sunrcur
berhiauw iuxhaur naxx jingsnix(?)
Derr lak ?? hingg hauwsingr
vrbuw bagjiux longxx sitbingg
buw sniu lok-lingx jiongg buxling
srinx cing logpuee qew loghingg
Iuxhaur qew lok sur lok-lingx
srinx pnai dikkongw kir taux srinn
lahhux knuar diyc ix jit bin
ylyw hauwjuw hro cutsinx
Derr cid hauwjuw si Dangw Ingw
bre srinx jongr hu cud jinjingg
snax nii ruii loo ho'ngg ceing
Taiwvec vyxjaur jnriu tendingg
Iuxhaur derr id u loring
liutuann sewqanx langg bunbingg
vutlun vanjen iacc qydingw
diyhh yc hauwjuw cud langg jingg
Derr veh Qangx ?? dua iuxhaur
huanxluan tenha luan caucaux
qamguan tuamia pnai buw jauw
cadlangg kiw vxingx siwbin vaux
Qangx ? qui lyc qra qiujingg
tniax qongx hauwjuw jiacc tewvingx
jap niuw qimginn jing ix ing
hauwjuw lenrr cat dy' dongjingg
Iuxhaur vebuw be ho'ngg ciyr
sewhanr qniax ?? kunr be siyx
vutsii qra lanw lrak saixziy
duarhanr iuxhaur ingqaidiyc
Derr qauw iuxhaur ???
su cinx jiww haur jin' zinjuu
qingr cinx m qnaw cutgua kur
qniax inx laurbuw simx ee sux
?? jywlangg jin' iuxhaur
m qnaw vnuar vo kir langg daux
inx buw vutsii kow qniaw lau
ix venr ginxaw huanx dywtauu
Derr jap hinghaur si Cuar Sun
Ongg Bongw cuanr Hanr pnaiw nisunn
qihngx inx bunx simx iubun
jit singx vehbiw snax niuxgunn
Cuar Sun virr cat liac kir mng
uirr buw jiww haur kir caiw sngx(?)
snax dauw vehbiw sniuw ix dngw
sur ix lingrqii huee vunxjngx
Liw jiong' lingrqii cah mngkauw
jiongww cat m qnaw kir linw daux
jingwlangg qamxhok ix iuxhaur
u knuar mihqnia giuw diauu diauu
A'maw tniar sunx si sit su
Queh Buw simqnuax jin' juvix
snax dxngr kiam biw hro sunx juw
laurlangg qaqi jiac hanjuu
Queh Qu sniu diyc lrauu bagsaiw
amwjni taux sueh inx bow jaix
qniaw jin' air jiac inx maw cair
camsiongg iuwqniaw liac kir draii
Jinrhaur draii qniaw si Queh Qu
hrong buw jiww haur jiong' qniaw druu
did diyc ngqimx tnix soxx sur
zi-jap-sir haur qra jnriu jrux
Jap-zi hinghaur si Ngiuu Hniux
suii ve pah how jin' inghiongg
hurcinx qniax how dua sniax ziongw
Ngiuu Hniux vniawmia jiacc iong qiongg
Kangx ciuw pah how qiur laurve
sniwmia hiamw hiamw koxcuir ee
jinsimx hinghaur m si qew
miasniax suan'iongg tuann banrser
Ngiuu Hniux pah how huer jap-sir
qiur hurcinx srinx mia m dic
bingw how hro ix laii pah siw
au .laii jingwlangg qamxhok ix
Jap-snax ?? hinghauwlangg
lak huer ginxaw quer qiuxqangx
Uann Sut caiw qamx laii siy' sangr
tec dngw hauwqingr sirduarlangg
?? qnir mih jin' hnuahiw
gunw buw jitt mic siongrr air dic
Uann Sut jaix ix hingg hauwgi
qycc banw nng liap sniuxsur ix
Lak huer ginxaw jaix iuxhaur
u mic m qnaw jiac jyr tauu
sniu diyc dianiuu ix nii lau
erhiauw hongrqingr langg jin' gauu
Jap-sir hinghaur Dngg Huzinn
Siokjingx qingwhaur dua zinrjinx
huqunx ?? langg qinxsinr
hauwjuw cud dirr luxzinsinx
Vyvyy byy kxiw limx be jinr
hauwhu snax dxngr iong cri linx
siyxzii byy jiac byy iauwqinw
qingwhong joxbyw krngr aurzinn
In'ui joxbyw byy cuiwkiw
hauwhu siyxqniaw cunn m dic
ginxaw snax dxngr iong vng cri
jiong' lingx hongrtai joxbyw ix
Jap-go Ngg Hniux jin' kyxlinn
qauw huer buw siw suii hurcinx
zuahtnix bincngg vnua ciucinr
hro inx hurcinx kir anbinn
Ngg Hniux qauw huer et sniwjimw
ginxaw iuxhaur cud jinsimx
qadiongx erhiauw hu jikzim
ix jyr mohuan lanw unzinn
Jap-lak ?? iarr hauwjuw
angbow nng langg jin' zunjuu
beh limx Qnagjuiw guaw guan kur
vnuawlo did diyc qimlixhuu
Inx buw derr id air hii cnix
beh brew sanwciah iurr byy jnii
sniu jiac cnihii langg did vni
hauwjuw qui lyc jiokqyr tnix
Inx buw sniu hii langg hiamw siw
sinsenx huar hii hro ???
qinw jrniu tendingg jraur giogjiw
Veh-guec ceqauw sangr linzii
Jap-cid ?? guaw suar qongw
inx buw jairsnix qniax luiqongx
knuar diyc tnix ox huah uan'ongw
hy jyr hauwjuw derr id tongx
Luii dann jidsii jin' dua sniax
?? hauwjuw dyrr kixqniaa
qui dirr bong-jingg kaur pnaiw mia
qiyx inx laurbuw mrbenw qniax
?? qui lyc kaur bongrvaii
tendingg Giogder suisii jaix
luii dyrr byy dann tnix cingcaiw
suisii hongx jiamr ho byy laii
Jap-veh hinghaur si Dingx Lann
kig bok uirr buw tuann sewqanx
sewqair jitt kuanw jin' hihanw
jidsii huanxhuew jin' uilann
Dingx Lann sewhanr juann byy sniu
au .laii kig bok hrong dianiuu
kig qaxx singjingg siy' cincniu
cutmngg vuahvuex qapp siyx hniux
Dingx Lann jidsii hingg hauwgi
knuar ngiuu snex qniaw jiacc jaiqix
sniu diyc laurbuw uirr ix siw
tiaur lyc vrix-lai cue sinsix
Jap-qauw hinghaur si Goo Bingw
nii duxx veh huer bue diongxsingg
byy cing snakor quww bangw dingr
cniaw inx laurbuw zip vangqingx
In'ui qrax vinn byy bangxdar
qniax dingr laurbuw ciuw qapp kax
singx kunr cri bangw hro jiac vaw
cniaw buw anbinn bangw be qa
Goo Bingw iuxhaur srinx cri bangw
jurqow hinghaur zi-sir langg
sniu diyc verbuw ungi dang
ix ee hauwjuw derr id pangx
Zi-jap hinghaur si Ongg siongg
aurniuu koxdok jin' kyxsiongx
cinsinx laurve iarr vniwsiongr
vutsii pacma byy tenliongg
Ongg Angx huanxsiongg qniaw m tniar
aurniuu qongxue dagg qxur tniax
qajair Ongg Siongg iuxhauwqniaw
cutsnix zibsiw ix dy' qniaa
Ongg Siongg jywlangg siongrr quiqiw
aurniuu puawvni air jiac hii
sngx qnuaa seh dangr lyc juiw kir
juann byy gnoxgik qnaw tesii
Ongg Siongg jiww haur kunr vingbin
tnide dy' ter ix kyxlinn
Taiwvec qimcnix qnuaw jin' qinw
huar jyr lixhii qin ix srinx
Zi-id hinghaur Jux Siurciongx
cid huer li buw jin' sunrjiongg
duarniuu jiamwquann jin' byy liong
snibuw Luu .Sxi qer tahiongx
Siurciongx cue buw qaur huengi
lirkuix buxcinx go-jap nii
buxqniaw nng langg did siy' qnir
qnruax qux itpinw cuttautnix
Zu-zi hinghaur si ??
qnruax jyr diquan jiacc dniardiyc
inx ve did vni puex laii qiyr
srii qnruax dngw kir pangg tng'iyc
?? laurve ???
mng rix qriuu iyc vni lysyx
narr si saiw kow vnie hyw
narr vangr saiw dnix mia dyrr byy
?? qnaw qra ve cir vunr
cir diyc dnix dnix srid sinhunn
dngtnix qui lyc qriuu jit kunr
ciksiu hro e dap cin'unx
Zi-snax hinghaur si Bingrjongx
inx buw diwvni huad zedqongg
dangtnix jin' qnuaa ue luan qongw
qongw beh jiac sunw byy decc jongg
Bingrjongx derr id hingg hauwsun
iuxhaur nng zir taur tnimngg
dangtnix kaur dik e snix sunw
tnix sur Bingrjongx dap buxunx
Bingrjongx iuxhaur jiauww tauu vaii
liutuann sewqanx jingwlangg jaix
iuxhaur tnide u qamxqair
henrsii dangsunw dui' hiax laii
Zi-sir hinghaur Ngg Tingqenx
hrong buw jiww hauw habqaizenn
jyr qnruax iarr byy hunx quiwjen
siu jic cid-jap jaicc singg senx
Tingqenx ruii qnruax siuw Jikqangx
m hro inx buw crex vadd langg
cinsinx qra buw vniar saixtangw
snax dxngr muevng cinciuw pangg
Venx qua xho'ngg liam sxer tuann sxer
Tingqenx laii draur zi-sir xee
langg qongw je qniaw gy si ve
snix diyc hyw qniaw benw je xee
Pnaiw qniaw snix je tyw pnaiw mia
vangr saiw lyc hac marr kacc ngiaa
guaw liam jitt quax si urngiaw
m sinr linw jiac cjimjiog tniax
Vuthaur je qniaw benw hnuahiw
gnoxgik ?? snix gnoxgigzii'
vunxsinx byy sniu hingg hauwgi
uanx uanx siy' vyr vuthaur ix
Jywlangg iuxhaur ruii qunvunw
m tangx vuthaur verbuw-unx
vuthaur sewqanx langg pinglun
jyr hyw e cud hyw qniaxsunx
Langg dirr sewqanx byy zuarr quw
itsingx m tangx sniu' bongxhux
krngr linw iuxhaur cenban qxur
berhaiwu iuxhaur dix-qxauw-guu
Vadd langg krngr guaw guaw krngr linw
vuthaur nng zri sen' m tangx
diyhh jaix verbuw ee kindang
sursu diyhh kacc jiauww kixqangx
Diyhh tniax verbuw ee qawsi
angg angg iur iur ix cniadii
duarhanr kanx qniaw narr qenwdir
m tangx bow cinx buw m dic
Sidjai jex quax si jin' hyw
hihuax gedsiauu dy' longxx byy
verbuw dua xunx jongw diyhh vyr
aurjinr jiacc e jiauww ngiu yc
Verbuw riyx qniaw qankoxdai
zinsingx guansuw dui' dyhh laii
lanw narr erhiauw qinw hongrtai
iuxhaur jiacc si hab'ingqaix