derr sxamx-lak jniux
DERR 36 JNIUX
LUN SINQINGX-VNI
Lun sinqingx-vni kiokk si jin’ je, dirr jiax soxx qongw :ee si kacc siongg duw .diyc :ee, jiurr si:
Nauw cud huih (腦出血, Cerebral haemorrhage).
Nauxmoc-iam (腦膜炎, Meningitis).
Nauw jingxiongg (腦腫瘍, Cerebral tumour).
Ngiuhinn (癲癇, Epilepsy).
Nauw vinhed (腦貧血, Cerebral anaemia).
Sinqingx sueziok (神經衰弱, Neurasthenia).
Hysteria.
Nauw cud huih: Guaninx: Nihuer: Langg naxx lau naxx kuair duw diyc jitt hy vni. Langg narr kacc vuii, amrqunw dew kacc kuair duw .diyc. Sinrjong-vni. Simx kokdiongx. Davolangg kacc je. Dongrmec-vni, jiurr si dongrmec venr ding acc si venr nua. Dongrmec-vni ee guaninx jiurr si jiac jiuw, quewimw, quewlyy, muidok; jiaxee iuguann si nauw cud huih ee guaninx.
Jingwjong: Kacc siongg hutzenn duw .diyc. Ursii jiac vaw, ursii cud dua lat, vuahdyw, m jaix langg. Hokib ban qycc dua sniax. Dongkongw sanwdai. Cud huih dirr nauw ee soxjai e quanhe laii vnir juann srinx bavir, acc si vuanwsinx bavir, acc si qiogvo bvir.
Dirliauu: Guaninx liauhuad, cincniu muidok.
Anjing liauhuad. Dairsiauxven diyhh juwir. Diyhh dihongg ziogsiongx, ingqaix diyhh kunr cilingziok-aw. Sew bagjiux; ing liudongrsingr ee sidbut. In’ui cud huih laii deh diyc nauw, soxiw dirr hiax soxx quanw ee vorui e bavir (venwsui). Ursii hitt ui soxx deh ee soxjai e nua .kir, qaur buew kipsiux, vnir jit xee sionghunn (瘢痕, scar). Diyhh jaix jitt hy si guihiamw ee vni.
Nauxmoc-iam: Dingrgi: Dirr nauxmoc huat’iam, lenlui diyc nauw ee jxingr.
Guaninx: U jit kuanw dniardiyc sewkunw e tuanziamw. Tuanziamw diyc jitt kuanw ee sewkunw ee dairvorhun, si ginxaw, qapp siauwlenlangg. Jitt xee qiyr juer liuhingsingr (流行性, epidemic) nauxjikcuexmoh’iam. Hiwiamrkunw, qethudkunw, lensyxjongrqiukunw qapp pudyjongrqiukunw. Tuanziamxvni cincniu siyxdngzet, sidhudiklixax, dionghiriam, juanganxqiu’iam, guarsiongx. Dingxbin soxx qir :ee longxx e juer nauxmoh’iam ee guaninx.
Jingwjong: Qiamx guninx vni ee jingwjong laii jniaa. Piwlun langg narr u dionghi-iam, narr hutzenqanx kiw zet, auxtor, taukag tniar, qingluann, amrqunw ee qinbah venr gni, ngr aurviah .kir, jiurr tangx jaix u kiw nauxmoc-iam. Ursii jikjuiqud iarr venr gni, narr hro ix dinxdang jaix tniar, iarr be tangx jiauww iwsur. Ciuw kax acc si qinbah, e kiw qingluann, bagjiux uaix. Dairven venwvir; dairsiauxven sitqimr. Air dniardnia kunr.
Dirliauu: Guaninx liahuad. Ursii isingx dui’ iyjuiqutkangx acc si nauxsig, ing tywqngxjiamx tiux nauxjiccuexmoh’ik. Diyhh anjing, vnirsig diyhh amr, qycc u kongkir. Taukag diyhh ur vingx, ursii diyhh jingrmec cetkuix sut (derr 430 bin). Lingxjuixik. Dihongg ziogsiongx. Ing suaxkauw iyhjuiw sew cuir. Ing annauxjex hro ix jiac. Qi’uu jiauww isingx ing duiwjingr liauhuad (對症療法, symptomatic treatment).
Nauw jingxiongg: Guaninx: Muidok, tauquawqud snix jingxiongg, nauw ee jojid snix jingxiongg.
Jingwjong: Jiamrjiam kiw. Taukag tniar, auxtor, sirsinqingx-lingtauu-iam, drir qaur bagjiux bu. Qaur buew dui’ dirr snix jingxiongg ee nauw soxx quanxhad ee vorui bavir. Ursii ngiuhinn.
Dirliauu: Guaninx liauhuad. Guarkyx liauhuad (外科療法, surgical treatment).
Ngiuhinn: Dingrgi: Jiurr si sinqingx ee vni. Ix ee kuanxsid si jiabjiap huatjyh, juann srinx qingluann, qiamx vutsingw-zinsu ee vni.
Guaninx: Nihuer: Kacc je kiw vni ee si, si iauxx bue zi-jap huer ee dairsingx. Ursii qaur lau jiacc huad jitt hy ngiuhinn. Lamluw byy simxmic jingcax.
Uituann: Guaninx jueww iauwqinw :ee si uituann. Dirr jitt hy vni jit-vah langg ee diongqanx 35 jiww 40 langg ee ngiuhinn, si uituann ee guaninx. Verbuw dua jiac jiuw. Muidok, tuanziamxvni, guarsiongx, jingsinn dua qamxdong.
Huanxsiarsingr ngiuhinn (Epilepsy due to reflex causes): Cincniu bagjiux byy uanjuann, hnirkangx, pnirkangx ee vni, huad cuiwkiw, dngg qiawsingtangg, nauw-lai snix sionghunn.
Jingwjong: jiaxee jingwjong si jin’ je, dirr jiax be benw did diyhh qanxsingw qongw. Ursii vnirlangg dairsingx jaix dur longxx be diauu, jiurr jaix si beh qingluann. Ursii ciuw qingluann, ursii bagjiux be knuar qnir, ursii qaqi jaix u hitt hy jin’ qiquair ee kiwbi, acc si knuar qnir qiquair ee hingsiong.
Qycc jit kuanw si hrun .kir longxx m jaix langg, qinbah e qiux .kiw .laii, hutzenn cud sniax qiyr singkux bah jiurr dngw cnix, iarr longxx qiux uaw .laii; cincniu anxnix iokliok jit hunjingx quw. Qingluann ee sii, cuir nii lrauu nxua, ursii qaqi vro ix ee jic. Bagjiux diaur diaur.
Huatjyh ee qingquer liauxau, byy dniardiyc zuarr quw, jiurr e jiamrjiam jingsinn. Jongw .si jingsinn liauxau iuguann jin’ iawsenx, longxx byy lat.
Jitt hy ngiuhinn qingluann laii siw ee duarvnuar, m si in’ui qingluann laii siw; si in’ui hitt diap hun .kir longxx m jaix langg ee sijun, uree in’ui vuahdyw siangr liauw dimdang laii siw .kir, uree in’ui vuac dirr juiw nirr, acc si huew nirr, anxnix drir qaur sitlyc sniwmia.
Dirliauu: Guaninx liauhuad. Narr huanxsiarsingr ngiuhinn, diyhh druu kir vni ee guaninx, cincniu qiawsingtangg diyhh kuduu. Diyhh jiac kacc kuair siauhuar ee sidbut, m tangx jiac jiuw, hrunx. Juwir dairven. Decc huatjyh ee sii, diyhh ing jit diauu ciuxqinx, acc si jit derr caa, acc si ciurlingx, qra ix sreh hitt cuiwkiw-diongx, jiaxx be hro ix qaqi qa diyc jic. Diyhh siyxsimx vyxho ix, hroix be vuahdyw.
Iyc ee liauhuad: Derr id iauwqinw :ee si bromidum, chloral hydras, calcii lactas.
Nauw vinhed hunx juer qipsingr, banrsingr.
Guaninx: Langg lramw; byy qauwgiac huih tangx vueiongw taunauw; qycjaiww simx kiamr lat, soxiw langg kia kacc quw ee sii, huih dui lyhqe. Jimr siyxjuixik sniu’ quw.
Jingwjong: Oamr hinn, kia be diauu; bagjiux oamr; bagjiux-jingg knuar cincniu ox diamw acc si qngx qngx; hnirkangx hauw; hokib qinw; lrauu qnua; dongkongw sanwdai; ursii auxtor; hutzenqanx dyw .lyc .kir.
Banrsingr nauw-vinhed, kacc je si dui’ banrsingr ee vni, acc si sidbut vutjig, ing’iongw vutliongg, drir qaur huih kacc jiyw, qycc vyc.
Jingwjong: Langg be kamx did ing taunauw, vutsii e hinn; hni hauw. Langg narr ngar .lyc .kir e oamr hinn, narr giac .kiw .laii cud huexqimcnix.
Dirliauu: Guaninx liauhuad. Ju’iongw liauhuad, qiongjongwjex cincniu tih :ee, ferrum qapp arsenicum ee iycjuiw.
Hysteria: Dingrgi: Jitt xee vni si duarnauw puejid quanlingg ee puawvni, jiurr si jingsinn ee sinqingx-vni, jiurr si qamxqag (感覺, sensation), qamxjingg (感情, emotion), qapp singkux unrdong qapp hunvir ee jok’iong (運動分泌作用, motor and secretory functions), sriu diyc joxgai.
Guaninx: Uituann, siauwlenn, qycc hiziok ee hurzinlangg; davolangg iarr u, mrquxx byy hiacnirr je.
Jitt xee vni ee jingwjong je qycc jrap, be did tangx jiauu qongw kiw. Derr id iauwqinw :ee hunx juer snax xee:
1. Qamxqag joxgai: Jitt xee jiurr si qaqi jaix dirr singkux ursii tniar, acc si bavir, mrquxx isingx laii qangxqiur, knuar byy vni dilehh.
2. Unrdong joxgai: Ursii qingluann, mrquxx kacc je si air did diyc vadd langg ee textiab, acc si air hro vadd langg knuar vunxsinx ee qankow; ursii si cincniu venwsui.
3. Vnirlangg kuair qamxqag gua laii ee ciwqig, hauw, lrauu bagsaiw, hnuahiw, siurkir, aisiongx, byy jiauwsiongg.
Dirliauu: Diyhh ing duxhyw ee qauwiok qra ix qar. Siamxvi jingsinn quewlyy. Juwir singkux ee huat’iok. Lingxjuixik, anwmoo, denrkir ju’iongw sidbut, qapp qiongjongwjex. Isingx ixqip kanwho ee langg ee langg diyhh an’uir vnirlangg jueww iauwqinw, tangx hro ix dua sinwiong, si jueww u qonghau.
Sinqingx sueziok: Guaninx: 1. Sentensingr uituann. Verbuw ee nauxlat narr vutjiog, acc si lamsamw qniajuer, vongsu quewdyx (房事過多, sexual excess), quewlyy, jiac jiuw, huanlyw quewtauu, jitt hy langg qniaw ee nauxlat e vutjiog.
2. Hortensingr. Guaninx qapp dingxbin siysiang. Langg narr jipjiangw ing nauxlat jin’ je ee jitgiap, cincniu tagceclangg, jiurr drir qaur u jitt hy vni.
Jingwjong u jin’ je kuanw. Kunr be lyc binn, air bang, juer dairjir kuair iar, in’ui siyxkuaw ee su laii kuawsimx, acc si siurkir; duw diyc dairjir jin’ qniax, simqnuax pok pok cingw. Be ioksog ix ee qongxue. Vutsii sniu ix u jin’ je kuanw ee vni, ursii bagjiux bu, kax ciuw sngnngw, byy lat. Dairjir be qir .did.
Dirliauu: Guaninx liauhuad. Jiamrsii tingjiw ix ee jitgiap laii hiyckunr. Narr u simxmic m driyc ee su diyhh quew(?). Jiac jui’iongw ee sidbut, qapp qiongjongwjex, cincniu tih qapp arsenicum ee lui.
Vnirlangg narr u sinqingx-vni, isingx sisiongg qiamxgiam cikqaiwqen huanxingr. Erbin ee doo (derr 472a doo) u viauxbingg jit xee ciwgiamrhuad (iarr knuar derr 128 bin).