qycc uac

Giaa Qee

Koxceh ee simjingg

cniaqeh

zid'ia siy' vangwpnua

zi-sir diamxjingx byy tangx camsiongg

sngx, qiamm, hiamx

qeqiamw

kacc ngiaa

vec vng jit nguaw

cringx cringx

Siongvix ee qiwdii

vuexcue

cangr dirr 2001 jinwjingg

duewau :ee

si amr qodnuax

si txanr hibii

siukngr uirr hyinx

pnaiw dangg naxx jniawsinx

pnaiw tih junw horlingg

Unsiyx ee bagsaiw

qig .quaw

qnawbuw iuguann ven ven

cingcunx ee simx cingcniw

berdid qunxqaulingg

erdid siautiongr

haixkax pynng jit ingw

2005.8

Tngwkag

Qig lat

qongxx e dngxjniaa

Si'angw tangx vyxqed

dacba ee sincing

trngr hetqak

Sinkux kinsngw

e qniaa

e jauw

e tiaur

Qihux iuwnngw

uwhy sen' trngr be liauxli

qiwzin junxsngr

2005.8

Pass-Huanhy

Hy juer simjniaa

dongxanr ee miaa

jinsniax jit-vah KB

zidjiw rah 2003 Veh-guec cesir

Crur-boglok jap mega

dorliong qauwgiac

qiamm sngx kow siab

jongw tangx iaucniaw

D jxyy kixqex

C jxyy vunx ex

jit giga ee qehuew

qiawkngr dirr qimkor

beh kuix uaxvng pass-huanhy

v-i-w-b-i-t

tak-siaw zidqir hanrdnia lak zri

q-u-a-w-d-i-a-u-r

jing'air lortauu siausiamw be li

p-u-e-p-n-u-a-r

qowsu kixjy

linghunn ee jyrjiw

Jiangwsii oimx

zi-jap-veh dxo cid

ciuxjingxtauu gniauc gniauc drang

an' dyhh kixdingg

cutjai simjingg hyrling

2005.8

Romeo qapp Juliet

Unrmia cuivaii?

zedjingg vneduxquer

Miardew dingdair?

byy sux siangx

cijingg sna' vixping

Kir dirr giamlyde

jingg qniaa au duer

byy siy' ioksog

kiamr jit sniax jaiwhue

Nuajah lux vnee

kuiwlat qintauu cud dirr bunai

be jniaa

iong sniwmia qauvuee

duiwtauu sixuanx qaur jiax cew

Pacsngw bagsaiw quiw jua

jap-lak sewqiw qaur dnaxx

jitt diauu sngwdair si'angw

jikjue Uilliam qo' xee

2005.8

Afrika

Zidtauu

dirr tenjewsnuar pudimm

kongkir

saiqangx ee bi muaxjinrsi

ciu-kax

saibuw quawqui dua-srinx-dua-mia

vne'ngiuu

sai'axqniaw cid~veh jiah

byy sii dikdnia

Qinbah dingrsinx

cocann ee simqnuax draur kansingg

Cutcauw

kir dirr kangwvox hitt vingg tauu

puar qiqud vnir jniaa vuii

duiwdik vaczit liauxau

Afrika

dairdai snitnuar

oket ee toxde

siy' taii byy suah

2005.8

Simsniax

Kauwauu

bagsaiw suijai lrauu

benw vunw ee qoxjnixjuiw

koxtanr ar

lanw jitt kax

vuahtangw sen' lrui be qaur

Siy' sangr jnxir tauu din

cuxkir

jaiwhue byy erzit

Jirjui jaix tniawtangr

qojiauw dongrhnir qniax qodnuax

qimcuir qramx kuix

kixqniaa tenxan jit zit vnuar

Doxqiongg

qiubang diamxsniax liongrsiong

U tniax .diyc .byy

qojniaa ee sniax

hanxhuah

qiuwmia

qiuwmia

qiuwmia

2005.8

Daiuann ji' Luann

Hyxdnaw ingwsingg

sniwmia junw dngwtauu

cud qnua lap lairjnii

huicjuiw qau'ik dirr oci

Hyxpnaiw un sniaw langg qongduanr

aiwzinn-aw jit xee hxingg byy vadd kuanw

Jingwgi

Qongbingg

Lenhuex huawsinx

Suixbaiw byy vixjiw

enhun jur dniardiyc

tingwhau lauwhunn tnix cringx

2005.9

Hongtaix Qingxvyr

Bingqii jaix

vngsiho

e jyr duarjuiw

Bingqii jaix

cniqonghongx

beh kiw luiduix

Satsimx

quewkir liabjig vangr juiw lrauu

Doxqiongg

bixbyw su'ngiaa jyr jit dxauw

Tniqongx hyxsimx jyr diaurtauu

horvec-aw punr punr

qipqinghongx be kamx did danxhau

2005.9

Hiwcud

Duarjuiw ciangg cinagg

Kristmas au ee Indonesia

U-lxingg-u-sniar

Jerusalem paur-sniax hiangxliang

Dair AIDS ee ginxaxhniax

cutser dirr Afrika

siongrder quxdngg byy kir qniadac

Jaieh

jiyxmuaxkueh

Aicanx

sinbunn vywjuaw duarbuw siwqer

Dangjuaa-ticqauw sux hunsiaur

haixiyx duiwhnua

qesitauu qui' let

Tniawtangr gunw ee simx

ciywkuex-vaiiux cut'enw

2005.9

Cix

Mngcauw

taux taux aw vec

byy jairsimx

duarkuir trow an' cuir

Sowguan

dauc dauc aw lanxsinx

mii pah zit

danxtai be dixdik gigtai

Sinqingsnuar

diam diam aw pacqad

sit iacc hix

sniu e cunciax be quanwcuanr

Quxnii ee aiwluann

u qiamw u qex

sake vodka siy' ter

siyxjiuw jit vxuex hiamm je

2005.9

Inspirasion

Jyrjniaa siqur

jit xee bagsig biccih

Vniwjniaa qowsu

jit qxur ue liamm dicduh

Vangr juaxvid hiyckunr

sinkusinx sna' duxgu

qiwdii dongr quw

Lewdauw

siqur jngtna duiww zri qiksngr

Cutsinn

qowsu povaii jiauww qenwvunw

Jrap luiwcuir

qiwdii ee kuanxsniur

jiap liu

quanxtax ix qnuaa zuac cxunx cxiux

2005.9

Buxcud

Cingwqix saur hetdiux

dyqiamr cniaw jit vnix

sinhingg ee qesix siqniaa qingjnir

Qanghux dingg jaiww yc kiw

amrqunw snix liuu

dongsingx vnuaenw buxqiyh

byy zi vo cid

Qu jenwqah iuguann hahsux

lag liuw-aw voxtni

pacdah junw viauxqir

taii sux pah ngiaa mrjiw jit vid

Vnevnee duarhaiw pudimm

snesiw byy lun

hihee juixjud jit pnir simx

su'ngiaa jiauww lunn

2005.9

Venwvnir

Kicqag

jabgormii ee guec

vnuawlau'aw-dingw cud qongqingw

Sixdit

qniaa qaur jinrvong

kutbuexhang-drew cud tnide

Duxdng

byy jiauww ioksog

siviyw jiac lau u cud diaurtauu

Satsimx

jingxtauu-aw hniar kuix

e kanbanw ee ciuw

juriuu siy' suii

2005.9

Wuebsait (WEBSITE)

Qixjnaiw tniaqniaa

taukag huah kiw huah dyw m bad cud sniax

Kax mew ciuw mew

kok ~ nng xe

qongqingw qaixuii dirr bagjiux jingg

benw nng biyxjingx

Snuawlo pacqad?

bangriac qangxx banrcenx

guaw ee jueww air sen' cuthen

Deja vu kixinx?

quawhy quaww vyxjingr

sensnix byy tangx lingxtingw

ganxkyx ham' nauxsinqingx

Kongwgi lar kongwgi

sniax sniax qiyr qimqow

nauxqinx

denrnauw

bagjiuzinn

2005.9

Dingtauu Snix

Simx hnuahiw

hiwqiyh Dniux Snax bxow Sir

Dann Limm Ongg Cuar

kacc ngiaa Liw

Simx qamdnix

ham' jing'air byy dirdai

cam' lirhai byy qangai

qauwgiac qauwvong

siongdix

tauwsiwlangg jit vaiw

Simx cing'ingg

jingwjux dirr dorjer

cutpiah dirr go huer

cunx :ee

puhunn tnidingw vuex

2005.9

Sryw

Jah dirr sinvnix syxsii jit qnrua

jit qix sitlyc simqnuax cnecuah

juvix-uihuaii

jiuwjow cadcnix qaix vai

Cangr dirr taukag ee sowbexzi

snezit kuix denrnauw

I.D. kuix vyxhiamxqui

jai viacviah

jurr cutsir byy qaixii

Benw giac syxsii

byy setding sowzi

cir bai

simliam hnua dnia

simhuex dua kuix

2005.9

Graviti

Duirlyc

graviti siongjo

qasokdo

hiongr dergak ee lo

Tamx .zri jongw langw

uirr miali

uirr jing'iok

jit qxur tywdit qongw

Cnimii :ee simx cringx

cauwhni kacc diaudit

suiw huex kuix dirr suaboo

2005.9

Jingwjyh

Dnaxjah simde jit penr

syx cauw

ag juiw

ingr vuii

diu-aw vaxsui

huex kuix cingpangx

qniugee suanwcangx gauu duarjangg

Byy-uanr-byy-creh

hongtaix ngidnii

Jin' jaix siychun

hyw qrer baiw qrer

Qiubang diongxjinr

qanghux qycc dryy venrnarr kiamwkueh

Cunx-nriuu vowsix

cikcngx benw dni

jiac mi jiac biw snax nii jit zxun

qamxunx

hunxjniux zip cuir qamdnix

2005.9

Cut'eh

Narr jaix

u hyw buexsaux

qiamxcaiw hiangwsii

bagsaiw be lrauu

Liac kyxgiam jyr jiawsuu

kaur-sniax cuartauu

ciyr-sniax duewau

tniqongx jicjuh

congwdi langg hyw vunxsu

Huansimx

jipiyr kangkag

buanxan zidkax byy lun

snax-vryw-lak-zin qaizenn

jirjui vinjunw

2005.9

Xmoo-Imx

Cuahdiau ee Guad'iarciuu

i.-irnguai-ng.

jit qix samhenn dirr jaixsii cingwciux

Hauwluw cnicamw kaur

jnia' diamxjingx ee vunxdingw

uaxlua maiku tuann qaur zinqedaux

Viacdow singx dyw

buerjingg jyrjog

hanwcauw copyh

qongwtuii-aw denxuix kok kok kok

Vnuar qniaa jauw

tingg kax dongwdiam

Simx qending

banrjiah he qamxjingg

Puawqeh

nauw jit xee cud siangx lring

2005.9

Tettyr

Vyxdyw junw jenwdniuu

duiwdik venr jenwiuw

huidnuaa naxx ho jnua

hanjii

quer amqaux snitnuar

Cutsiwmia berdid jauxsiamw

byy qniax byy qniax

cingban langg qangg junjiah

siw dyriuw simqnuax tniar

siw vindy brang cnimiaa

2005.9

Vakdow V.S. Vudjow

Qongxx si hyxgiac-sanr vnevang

jit zit zi-sir diamxjingx siyqang

Uirdiyhh jit dxngr covaw

vecsniwlangg jauw papax

Sriok dirr dingxbin :ee

banrcniaw si

Banrvutdik'iw

denxuan in'iuu

juanx niaw jit zri

Banrsiwdairnii ee dairqor

id-sii-id-kig m jniaa taulo

Byy-ngiaw-byy-jiah

poxliok aw

tniax diyc amwciyr ee sniax

2005.9

Jenwquax

Jiap vuahbew

m qniax

jiap dngwlapje

be tniar

dangsinx-ticqud

qanghux snax dxangx m nia

Qesix lrai qiamwqiamr

simqnuax jyr aurviacsnuax

juvix

qunlun

qinxsin

Ciavniar uirdiyhh soxx tniar :ee

sirdua

sirser

qui' siwlangg ee aiwzinn

Baiw baiw aw Susiangqix

sxor jap dxangx

dyxsu taubuew jauxciangr

Kauwdiau'aw benw laii dakdnii

qniaa jinwjingg ee kik'inw

hixlok buanxqnii

2005.9

Ingwsniax

U qamxdong .byy?

damrvyc aw marr hyw

Byy qaax?

Vyh qnaxx

siaw :ee vid dun

huanrser

tak :ee simx cunxvun

Jit qxur ue snesiw pnuar

miardoo huanxdiau jit siqanx

qiycsiaur vah vah kuanw

Jit dih bagsaiw dang cenqinx

kutbuexvid jauxtiaur

ciywkuex kow hxir cud vutjin

Nih nih danw jit duir hni

ue qongw tauwqix

kacc ngiaa diamrdi

2005.9

Vnuawjam

Sxiab-qauw dng qniaxdir

giamxgni ee luxzinn

zedhuew byy srid

Bagtauu kiycqingw

jit jua jit srunn qeww si qxow

puu puu dimm dimm

Ox zri vec juaw puw puw bu bu

sewjingg knuar tangr .quer

jit qxur ue duw

Qngx ngiawngiar

amwyc-aw ee dinghuew

hagsingx vnuaxlyxlau

qongw tauu jaix buew

2005.10

Liongxlann

Dingrjnix ee ciuxqoxtauu

vaxdni ee ladcauw

iamw hongx kamr ho quntaupuer nuajah

qodnuax ee hing'ngiaw singsiangx

sanxhniux ee sindew lamw diauu diauu

dua kuir be hur cuanw

q.-qnepnua-p. yh did cuiciauu

Qitai caur linhenr jaw jit zit trer

vaxjuiw ee lingvoo

luann luann vutsiar

Ngwbang hucah ee ciuw dirr sinvnix

yc qniaa ee ngex-aw

dirsii dngxjniaa

Hiauhing

jaboxlangg ham' iuwqniaw

sewsiok qiycsiaur qruix dirr nngxjniaw

2005.10

Sowguan

Qamxx u hitt jit zit

juaxpiyr dirr kax-drew dua vo huac .quer

qniax amjamx ee ciuxqud guanguann qngsnex

taukag kenr kenr

Qamxx u hitt jit zit

qniar-lai ee hing'ngiaw suiw-baiw cinwcaiw

qiauqingx, toxkuir ee sihau quewongw

snix enn simx hairjai

Qamxx u hitt jit zit

benxliuu kacc hniaxbak naxx cnimilangg

pog'aw-sniax kacc hiangw naxx cauwhnirkangx

vyxvuer ninix

qu sxiah pnaiw dangg

2005.10

Jabcuir

Zit quawdiaur

xia binbang

hyxpnaiw jiauww lunn

juriuu-iwjir vuh ngiw kuix huex

simqnuax jatjunw

Kacc dua hxun hxun hro lixdir

taubak jaix drang

Vuah quaw qoxdux hro un'uanr

qniavangr duarvan

Liongrsiong :ee vunx gersut

cuanw jit xee kuir

cue kangx cue pang

Binbang

d.-dngdew-d.

simsux

d.-dabdih-d.

siqanx

l.-lansanx-s.

2005.10

Bagqniar

Dorsor hryy u duiwjinn

bagqniawkingx suiir

knuar langg vutjai suiw-baiw

si-hxuix kiokdit

j.-jilii-l.

Tauwqngx m si ox zinn

qniar-gua ee sewqair

sikjuiw byy jauxjingx

M jaix amkamr

qniar-lai :ee

qamguan bingg duw bingg

2005.10

Canhngg

Dirdangsii aw

cinjingg hunwdua

byy-di.-byy-dang

aiwjingg ee canhngg kicqag

Bec-aw

huansew

bixcig

dang vee cimx lee

Jniaw ngiarngia

linglik cuiwkangx iongw sinmia

Hongwha

hongwha

kuatham snesingg

uanbuanw m jniaa zinsingx

2005.10

Qex-venr

Dngrr entunn

quw quw aw jit vaiw

iudniaw sneuex tanr diyc hiyckunr

Qiamw jit bi

byy-siyc.-byy-liyc

amwdngr pongpair kueckiamr zinkir

Sinhunn jauw papax

kyxlendai

taucuir jerje byy-i.-byy-uaw

Siauwliam amr amr aw pah kiw

qinw dngw .laii

sigsai ee qingxdir

sigsai ee kuiwsix

2005.10

Lensiogqiok

U quiw hunx siy' siangg

ginbo jing'au ee qiycsiaur

hiwbunn suijai langg siaw

zinsingx qongxx

siongrr byy snax hunx si juwdnia

Duawqacud hranw did u

aur hxir guanjai bongxx knuar

zit .sii ciavuac

tanr amwtauu jnia' diamxjingx ee dikdnia

kaciuw

bagjiux

sinkingsnuar

Jiyxmuaxkueh

tiauwkamw jit amr

qui' srinx m si srer

Vnuar dxangx sror jap guec

an' tauu jiww buew

qui' siwlangg ee texge

2005.10

Ing'iax

Qau ducduh jit renn

tohunw jerdew

purpu ingx

quewlorkeh qnuaxqongg

lauu lyc kahunn hongr hongr

Qangsu kacc dua tnix

cringx qaur li

snax~nng vnuar zit iarr tangx

diwsimx-diwmia

snax dxangx go dxangx

Quxdngg kamr dirr binrdingw

qnialangg m si snesingg

jit siangx ciuxqud m uir lasamm

muaxsimx huangingg

sauwsex

luxaw

dikcingw

2005.10

Laurlangg Ginxaw

M jnia' hyw

siqanx pauxjauw vunx siangx tauu

ginxaw guanjai gauu dua

sirduarlangg benw lau

M jnia' hyw

huewsiu crig quaw hro lyxzinqax

diwsig qanngg isuaw hro iuwqniaw

cuir qongw

jiauww simguan

jniaa

Snitnuar

hixlok ee guanjnuaa

cauhuann byy suah

2005.10

Iuwhuii

Puawqeh

srinx-lramw-mia-cer

Sniawked

siyh-jxingg :ee byy su giaa qee

Sinkusinx jah qesix

pah kicqag ee iuwhuii

Jimjiog

juwir

dniudii

dinglingg jaiwsnax

diyhsiongx banrvutzi

kangcuir qinjuahban e qenpiw

Liongrsiong byy jiyxkueh

jit qxur danqanw

siy' kiamr jxer

2005.10

Undenw

Horjuiw sngseh

tnidingw qangwlyc m bad tyxhuee

u liong

undenw muaw muaw m qniax kiamwkueh

Qamxunx

qui' qxinx cinr

siongrr byy sir niuw hingg

Tniawsimx vutsamsii buanxqnii

susimx dngrr vnuar sxix

dihongg jaiww dihongg

jit qxur qongw hyw-cuir-hyw-jic

Koxngua juixeh samsii-iuxjun

cxiux-dxangx-buew

quisimx tingwhau cxunx

2005.10

Nngxtew

Vehsig jurdew

ciyr cniw ee W dongrhnir

kuix .kuix juann juann simjingg

qui' jua

qui' iac

qui' pnix

Diamwtauu byy jyr singliw

siongwpnir qaqangx banrvah hxang qesix

Hahunn paccatsiaux

jit uec

Jnghuex-tnarhunw

iuwlo kangkuer

Dionglangg kiangwkax

kavo ciuxlo siukngr jinrjai

Berdid amwkamr

jit sniax cuanxkuir jit sniax aix

byy nng hyw siy' vaii

Hy juer cittyy-aw

sewqanx jit jua haixhaiw

2005.10

Siongx

M qarqinx

qiamxcaiw

quah jit dyx quewtauu cimx

kauwkow

jirjui liongrjingg

Cnesiongx qoo iyc dniardiyc

kangcuir siupiw jaxban

narsaiw nairsingr dngdanw

Qetlanx kamx buaa

jit jruw quer jit jruw

jingcaiw m sngr si

lrauu quaw bagsaiw

lauu quaw qiwdii

2005.10

Dingrquix

Jit-vah-veh-jap dxo

snaqakhingg lairqag longxjongw

jiamx :ee

vniw :ee

dit :ee

ciaa :ee

byy der camsiongg

Zi-sir siyxsii vunpnex

dingxvox

quewdaur

amwtauu

u dngg u dew

Qor vakdow

vair vudjow

kiuw kiuw lak lak

simqnuax siangx xee

Huanxvixle

habqiong dniardiyc

sngwvnuaa cuanww diak iong qex

2005.10

Tywsiok

Sniuxguec benw qingw sii

dniudanw zidcud benw qingw xui

qamxjingg jit dnxua mrsaiw tauwlauu

iarr tangx

denrngiaw jit cud taubuew lauwqaux

U huer

quanxtax ix snax-jap-cid sir-jap-veh

Qenww langg suiw

ovec

sanxvuii

quanqe

Bagsaiw lrauu

qex tanr

diyc ciywvii

hranw hranw

cuir rinr hyw

dimwtauu vaixter

2005.10

Quewjingr

Iauxx u qniakir

sangsoh dirr pnirkangx dingw

Jin' jaix tniar

qihux sinqingx uac linglingx

Damlunr ee bagqnii vutsii

koxsiongvix

jit xee simx m siw

Qiauxdoo

m si qiycsiaur

qiog'iyc banrcniaw

Be quewsimx

bagjiux qimx qimx

jit qxur tuax jeckuir

Tenqix laursed hab'ingqaix

iongrsimx qewqaur

tnix cuivaii suijai

2005.10

BLOG

Ngiarngia vuex

bangrlo dingw ee simsu

Siangvingg ngiaa

dairsuwqix tak-siaw

Bxan bxan iac

simsig

akjag

qacbak jairr langg

Hyw-baiw suijai

dngg-dew cinwcaiw

vec zri kangx juaw berdid qaudair

Junw duxhyw

ingwsniax u byy

u ingg laii jre

cuwqingx cinciuw kixjy

2005.10

Hxyy

Kikdiau jniawciuw jinwhingg

dywciuw pacliauu jingwqingx

siy' qing

gag'imx kansingg

Puewqag juxqiyh kngr jit vnix

cut'enw vangr jinrvong

diamxsor simqnuadew cuiciauu

jiangxsniax pongrlongrsongx

Habhyy

yh did siaw

jinwter kixdyr cunlunx

siuhing jatjunw

2005.11

Dywvingw Sniu

Binrkangw laii laii kir kir bagjiux jingg

hun'angx i'ut vnuawlamxqnua dirr tnidingw

Qihqicqahqac

ngi'ngixngahngac

dngrr ngiaxjiah

keqaux dngg lrauu dngg  juiw byy da'uaa

Tnide oamr

cnemee kacc ngiaa bak qimx

huanrser

Exqauw cutsir

tauwsiwlangg m jaix hnaicanx

qamxx e

Byy enn

dua simhing duiwtauu cing'ingg

2005.11

Imgak Go-Sir-Snax

Pacgyy byy diam

CD jit der dnuadiah

Vanxliauu dauwdah

qiamxcaiw

kiwmec puewcah

dikdnia

simqnuax qanngg iap

Hnua qoxvanw

ciuw giac quann quann

kiklo dingr jingwlangg ir

duarser sniax

qinxban tingwhyw juxquad

Go diauu hensnuar

kueckiamr ee imdiau junw suah

Tiongwlok quakig berdid jniaa

liongrjingg ai'uanr-sniax

gitar dnuaa kiw

janwtanr hahtniax pacsngr qangg mia

2005.11

Suacqow

Danwhetdiux

buew un hyw-baiw

Penhy knuawpuar

byy der qingxsuanw

vunxmiaa bunai

Toxkuir junw dxngr

jit zit snax vaiw

Viceh byy liauw sii

zinrhun hab'ingqaix

Tranr ngiu

kuanwsewquax hyw cniur

qniwjindniux

u-byy tingwhau snuawdniuu

2005.11