inghiongglo_5
inghiongg lo -5
Bunchhai huan'ik
UNSUR
Dan'id sinue ee viaujunw mosid, su'iaur inghiongg jah diyc ix soxx did diyc sinvir huhy ee diwhui, kyxlingg si qimx ngiumngg/ iacc si kunr .kir ee qongjuw qycc dngw laii zinlui ee qoktow ..., iong jiaxee unsur hro siarkux/ ix ee binjok/ derqiuu/ uxdiu did diyc sinx uahlik.
--- J. Campbell, The Hero with a Thousand Faces ---
1943 nii, CAMPBELL dirr ving'iuw qiamx dyrsux H. ZIMMER ee tuijenr-ha, BOLLINGEN qiqimhue iaucniaw JOSEPH uirr inx ee derr id vunw cutvanxpinw --- M. OAKES siaw ee Banrlingg Sryw <WHERE THE TWO CAME TO THEIR FATHER: A NAVAHO WAR CEREMONIAL > --- jyr venjib/ juwqaiw ee qangjog. CAMPBELL jixcud jitt hxang qangjog hro ix “sec liauw jit dua lenr, jaiww dngw laii Snuaguu BILL jiax.” derr zi nii, derr id vunw duwjog cutvanw, si ham' H.M.ROBINSON habjog ee <Banrlingg Sryw (A SKELETON KEY TO FINNEGANS WAKE)>, lingrgua marr siaw liauw <THE COMPLETE GRIMM'S FAIRY TALES > ee pinglun.
ZIMMER dirr 1943 nii hiwiam quewsinx au, CAMPBELL dnax kiw ZIMMER dirr Bixqog soxx qangxhak .quer ee lueriongg, venx jyr ceh ee dua qangdingg. Jitt hxang qangsu CAMPBELL iong liauw jap-zi nii , uansingg sir dua vxo iuxquanx Inwdo bunhuar qapp sinue ee jokpinw. Jitt qiqanx, CAMPBELL marr juanrsiaw <Cingx Bin Inghiongg> --- zid'au, jitt vunw ceh hro ix did diyc jerje gersudqax ee pog'aw sniax, marr hro jerje hagngi pair knuar byy bagde, si BOLLINGEN cutvanwpinw-diongx, siauberliong jiamrr derr zi xui. ( bre siongrr je ee si R.WILHELM (1873-1930, tuanqauwsu) huansiaw ee iahqingx.
1950 ~1960 nidai, CAMPBELL dirr S.LAWRENCE qawceh/ huatviauw dairliong hagsudsingr lunrbunn/ jerje ceh ee pinglun ixgua, qycc uirr “Sinue qapp Langg” ee juxdee venjib <Jit Cingx Kxongr Jit Xia qanxbingvanw (THE PORTABLE ARABIAN NIGHT)>, uirr BOLLINGEN qiqimhue venjib JUNG ee huergi lunrbunn lak vxo bunjib. Dongsii qycc si Congwjy Denrngiaw Qiqimhue ee juxsik.
PACKUIX <FINNEGANS WAKE>
Brown：Qamxx ersaih dramm .quaw liw jaxqii siaxjog sing'uac?
Campbell : Guaw ui' ceh-lai yc diyc jerje mic, marr texgaim jerje. Narr si siaxjog, suibongw dirr irvirkyx sii ixqingx u decc siaw, mrqyxx byy py sniaw iwjir, juadduardysor siqanx jixsirr knuar ceh, knuar ceh, ... ziiw.
<FINNEGANS WAKE> si 1939 nii dirr Bixqog cutvanw, danrsi guaw jaw dyrr dirr PARIS knuar .quer lor! Jaxqii vanxvunw bad ixx “congwjy-diongx jokpinw” jyr viaudee, dirr E.JOLAS juxvenx ee <TRANSITION> jabjir lenjair. Hitt sii jin' kib guaw, jongxsi qamxqag hex dag .diyc guaw simlai sniaw mic. Qui' vunw ceh uanjingw cutvanw sii, siu' bre dngw laii knuar, jit lexvair-lai ui' tauu qaur bew tak jit vxenr. Dirr liw ixqingx simliw u junxvi ee jinghongw-ha tak jitt vunw ceh, uaa! Hex si jin' janw jin' janw ee qinggiam.
Dirr COLUMBIA tagceh sii, bad diyc H.M.ROBINSON siauwlenn qauwsiu, suwsiongg dirr unrdongrdniaa-vnix tad qiuu. Qingjer dua vairci sii, guaw unxdun dirr WOODSTOCK tagceh, RONDO( langg' dy' anne cinghox ix) hitt sii byy qangjog, u qadingg rair cri, sing'uac jin' jiahlat. Juewau, jongxsi cue diyc jit xee tudpuar diamw, jit hxun dirr READER'S DIGEST ee qangjog, dagg qywguac ter langg' siaw snax~ sir pnix bunn, qongw diyc siaxjog, ix jiacc si lairhangg :ee.
U jit zit, qapp inx kanciuw laii WOODSTOCK, ham' JEAN/ guaw jyrhuew jiac amwdngr. Naxx jiac naxx qongw “ <FINNEGANS WAKE> liw genxqiur liauw sniaw kuanw? “
“Be baiw ar.”guaw huee.
”Qaix u langg laii qaixtok jitt vunw ceh lor! Liw knuar, lanw laii jyr, zuhyy?” ix qongw.
”Suah ~ kir.”
”Mair anne lar! Lanw laii jyr.” ix qoxbuw guaw.
Juewau, guaw dong'ir. Gunw jyr hyw hunrqang anvaii au, qycc quatding siaw jit pnix dahuertauu, guaw jamxzenn ar u jingsinn, qra qui' vunw <FINNEGANS WAKE> jit dnxua jit dnxua tiackuix, siongser hunsig, jit kauxkuir siaw liauw sir-bxan zri. Dng' guaw qra siaw hyw ee mic hro ix knaur ee sii, ix qongw “Tnisqongveh :a! Liw liahjyr lanw beh cud :ee si <Dairing Vackyx Juansux (THE ENCYCLOPAEDIA BRITANNICA)> ?”
QUILUI GUAW SI “TONGTYR” JOKQAX
Zyqyw liw pacsngr beh ham' mow langg habjog siaw ceh, liw hurjig :ee si dycc vorhun, duiwhongx rair hurjig :ee qycc si snaiw, jit kaisiw diyh'air qongw hro itcingx-zircyw. Narr qra jitt diauu hunqaiwsnuar rue u qraur bingliauw, linw e habjog zukair, zuqyw byy jiarr, kiongxqniax e jin' pnaiw knuar bin lor.
Guaw ham' ROBINSON dyrr u jyr qaur jitt diamw. Ix si jin' cutsig ee JOYCE genxqiuwjiaw, danrsi, vennarr duiww JOYCE mow dnxua ue qaix jnuaxngiu qaixsueh, gunw iwqenr byy qang sii, driyc :ee jongxsi guaw; duw diyc siaxjog bunrdee sii, driyc :ee si ix.
Ix knuar quer guaw siaw hyw ee derr id pruex qyw au, qongw, “JOE, liw hro guaw qamxqag jin' cuwbi, liw siaw :ee juanvo jingg-au longxx dendywvingw, qaix siaw dirr jingg :ee, kiokk he dirr siongrr aurbin, cavutdyx liw siaw :ee muixx jit dnxua/ simrjiww muixx jit qxur dy' u jitt xee bunrdee.”
Amr dngw laii cur au, guaw qra ix ee ue qycc sniu jit vxenr, jnuaxngiu e u jitt jiongw movne. Siongrbuew sniu diyc lixiuu ar: ithiongr guaw jiapsiu :ee, si hagjiaw ee hunwlen, setding siaxjog duiwsiong si hagjiaw, hex inx u jit jiongw digsig, air qongw dangx/ inxiong saix, jitt xee langg qongw .quer/ hitt xee langg qycc jnuaxngiu qaixsueh, vutqyr, virr inxiong .quer ee iwqenr, qanxdanx jit ~nng qxur qycc qra hiyxding driau. Juewau suacc qongw, sniu beh did diyc qetlun si zuarr lann lehh. Qetqyw, liw knuar uann qui' vunw ceh, huathen jokjiaw jinjniar qongw :ee, jit sud aw ziiw.
RONDO qycc qongw, “tniax hro hyw, zuqyw liw siaw :ee si beh hro bunbinglangg knuar, liw dyrr si kuan'uix. Jit kaisiw diyh'air qra inx qongw, liw si jnuaxngiu sniu :ee, suar laii jiacc qaixsuad sniurhuad. Anne inx jiacc e u honghiongr, be tauu hinn sec jauxjingx .kir.”
Jitt dnxua ue jin' u kexhuatsingr, cuxau, si guaw siaxjog ee hongjiamx. Jixvutqyr, anne jyr hro guaw ee hagngirpair qongcaiw sitsig .kir, langg' qongw guaw si “tongtyr (tongsiok)” jokqax.
<Banrlingg Sryw> gunw jongxqiong siaw liauw iokk go dxangx, uansingg au qinvunw byy langg sniu beh cutvanw. Gunw bad qra qiar hro JOYCE jokpinw ee cutvanxsiongx HARCOUT BRACE, inx qra qyw trer dngw laii.
Zenau, jauw cud THORTON WILDER <Lanw Cuiwkiw ee Puehux(THE SKIN OF OUR TEETH)> jitt cud hxir. Jit xee vaiwlak mee, ham' JEAN jywhuew knuar jitt cud, jre dirr laudingw derr id vaii. Knuar lehh knuar lehh, guaw dua diyhqniax, huatqag tniax diyc inx ee duiwue, jerje laijurr <FINNEGANS WAKE>. Jitt vunw ceh guaw taiww sigsai lehh, juadduir be tniax dingdnaa .kir. Mng JEAN, “Liw qamxx u envid?”cutmngg JEAN jongw si (jongxsi) e jah jit xee luxiong dre, lairdew sniaw dyrr u. guaw qra tniax diyc :ee, narr si laijurr <FINNEGANS WAKE> ee muixx jit qxur duiwue, qnuaxqinw siaw dirr jetbogdnuax dingxbin, qaur dnaxx, jitt dniux juaw iauxx lauu diauu lehh.
Derr zi zit jaiw, ui' WOODSTOCK kar denrue hro ROBINSON. “her! RONDO, guaw sniu lanw rair siaw puex hro <NEW YORK Sivyr>, liw qamxx jaix <Lanw cuiwkiw ee Puehux> jitt cud hxir zuarr quewhun! Lueriongg uanjuann caux <FINNEGANS WAKE>.” “guaw vaiwid hiuqaw, qauwsii lanw jiacc qycc dramm!”
Vaiwid gunw qniwbin, ix tniax uann jaix jnuaxngiu jit huesu au, kar denrue kir <Vaiwlak Pinglun (THE SATURDAY REVIEW)> hro NORMAN COUSINS. Gunw jitt zit dyrr jre lyc laii siaw bunjiux, honghunx sii, qra siaw hyw ee bunn sangr kir hro COUSINS, ix mng gunw “linw jitt pnix beh iong sniaw jyr viaudee?”
”Iong <Si'angw Cuiwkiw ee Puehux? > qamxx hyw?” bunn dyrr huatviauw lor! Vutqyr, dongsii Jinjux Qangw Surqnia ixqingx voghuad, Bixqog qazip jenwjingx, WILDER jywvingx .kir .ar. Siongrr jaw ix si siangruir, byy zuarr quw sringx jyr siauxhau, qycc quer byy zuarr quw, qysingx qyckacc quann ee qunqaix. Bunjiux dingx cud laii hitt amr, jit dua qrunn sangr vywjuaw :ee naxx cud zimrbu ee hongjawqix, ui' qokk qaktauu cniurr pxangx hiacc je, jnrix zip laii vywsia, inx beh jaix si dycc nng xee mrjniaqauu bulua inx ee jenwjingx inghiongg. “hitt nng xee si IRELAND ee sniaxmic? Gunw siyjenr m si beh air jitt jiongw ee bunbingg.”
Jaix jitt hxang su au, guaw qra ROBINSON qongw “lanw jiamrcniaw anwha .jit .xe, jongxsi u jit zit ix e cud ceh, qauwsii jiacc qycc qra siuliw marr be ban.”
Qiogvunw jiongbuew cud jyr ceh ar, guaw iong jit qix iur ~ ~ ee kixbinw ui' tauu qaur buew binw .quer, siongrr jiyw u sir-vah qxur si caux <FINNEGANS WAKE>, muixx jitt xee qaksig dy' si ui' <FINNEGANS WAKE> qniaa .cud .laii, soxx tamwtyw :ee, marr si <FINNEGANS WAKE> ceh nirr soxx beh mng ee bunrdee. U jit qxur simrjiww caux liauw sir jua, murxx jit zir jit sud aw dyrr byy dingdnaa .kir. Gunw singx siaw <Si'angw Cuiwkiw ee Puehux, derr id vxo>, suar lyc laii qycc siaw liauw derr zi vxo.
<CINGBIN INGHIONGG> HRO NNG QINGX CUTVANXSIONGX QIRJUAT .QUER
Campbell : siaw uann <Bangrlingg Sryw> au, guaw qiar jit hxun huwvunw hro E. MEYER luxsu, ix qycc qiar jit hxun huwvunw hro T. MANN, MANN u huee puex hro MEYER, aurlaii jitt dniux puex u siux zip <T. MANN ee Puesinwjip>. Brew jitt vunw ceh dngw laii au, dirr sik'inw cue diyc guaw ee miaa, hex viauxsi, MANN dirr jit dniux puesinr-lai u qongw diyc guaw --- si qamxsia MAYER luxsu qiar <Banrlingg Sryw> hro ix.
Jaxjingg bad qnir quer T.MANN, guaw sniu ix marr qaix jaix J.CAMPBELL si'angw. Puex anne siaw “dysia liw qiar laii J.CAMPBELL ee ceh. Guaw huisiongg himsiongw jitt vunw ceh, byy jitt vunw, guaw byy kyxlingg knuar bad <FINNEGANS WAKE>. Tak .quer < FINNEGANS WAKE>, gauw qamxqag jingwsit liauw quixarr nii jingg ee caisniu: JOYCE si zi-jap sewqiw siongrr uixdai ee siyxsuatqax.
---------------------------------
Bylun lanw u damrvyc cuwbi tniax mow xee angg bagjiux CONGO dangqix naxx jyr bang hitt ngiu liam jxiur, iacc si ixx jin' u sowiongw ee hixqongg tak sinvir ee Lyw Juw sibunn ee huan'ik;
Bylun si iwdoo beh bad AQUINAS gnersiab ee lunrjingr, iacc si tudzenn lixqaiw ESKIMO quaiwqii ginxaw qxow jingcaiw iwhamm;
lanw soxx knuar diyc :ee, jongw si hitt xee hingsid cenvenwbanrhuar, lueriongg kiokk qangrkuanw. Hro lanw cimsu :ee, si jitt xee qowsu amwsi jerje byy langg jaix ee mic, su'iaur lanw kir texgiam.
------------- Campbell, <Cingbin Inghiongg>
Brown : Liw jnuaxngiu e sniu beh siaw <Cingbin Inghiongg>? Jiurr guaw soxx jaix, liw jingwsid kaisiw siaw ee sii, si kir S. LAWRENCE qar ceh ixau, mrqyxx liw jaw dyrr u honganr ar.
Campbell : dongsii ROBINSON ixqingx cud quer ceh ar, cutvanxsia si SIMON & SCHUSTER. Ix ciangjai dirr inx binrjingg qongw diyc guaw ee miaa, inx mng “ jitt xee CAMPBELL si sniaxmic kuanw ee langg?”
“Ix si siongrr janw :ee.” ROBINSON rinr.
“Gunw qamxx ersaih cue ix siaw iuxquanx sinue ee ceh?” inx mng.
ROBINSON kar denrue hro guaw, “ JOSEPH ar! SIMON & SCHUSTER cutvanxsia sniu beh cue liw siaw jit vunw iuxquanx sinuerhak ee ceh, liw juser m hyw sniu' quann, dairjir narr bruw baiw .kir, ixau guaw si be ham' liw qongxue oor!” ix anvaii guaw ham' cutvanxsia ee langg jiac diongdauwdngr.
”Gunw sniu beh cud jit vunw iuxquanx sinue ee ceh.”
”Linw hibang si jnuaxngiu ee lueriongg?”
”Jit vunw henrdairvanw cniurr <BULLFINCH> jilui.”
”Byy jit qix jap ingciyh dngg ee cuee-aw, guaw si kanx byy lorlaii. ”
”Liw sniu beh siaw sniaw?”
”Guaw sniu beh siaw qar langg jnuaxngiu tak sinue ee ceh?”
”Liw si qongw luirsu jurjo ciuxceh jilui?”
”driyc.”
”singx siaw dairqongx hro guanw knuar jiacc qycc qongw.”
Dngw laii cur ixau, guaw tauwmee qra dairqongx siaw hyw (hitt sii JEAN kir luxhingg), sangr qaur cutvanxsia kir. Dairjir dyrr anne quatding. Guaw did diyc jit hxun vutjiww iutai ee habiok: cid-vah go-jap kox Bixqimx hxun snax vaiw niaw, ciamiog au singx tec nng-vah go-jap kox, siaw hyw jidvnuar sii niaw snax hxun ji id, aurciuw ceh cud laii sii sngr cringx.
Dyrr anne, uirr jitt vunw ceh siaw liauw sir ~ go dxangx.
----------------------------------
<Cingbin Inghiongg> si guaw jurqiw doglik uansingg ee derr id vunw, <Banrlingg Sryw> qetsog liauw jiacc kaiwsiw siaw.
Dirr jitt vunw ceh nirr, guaw jixsirr sniu beh siongser qaixsuad guaw ui' JOYCE hiax did diyc ee quanlilam: dan'id sinue (MONO-MYTH). Beh qongxbingg :ee, si sewqair-siong soxu sinue dy' si qang jit xee sinue/ sunkuann ee texhen. Jitt xee quanliam, laijurr JOYCE/ T. MANN/ OVID qapp SPENGLER, si dydingg ingxhiongw ee qetjnix. Suibongw anne, siongrr juxiaur iaxx si ui' JOYCE hiax.
------------ Campbell
Guaw quewkir ee tiaujenr si <Cingbin Inghiongg>; jitmaw rair binrduiw :ee si S.LAWRANCE ee derr id jed kxyr. Juanrsiaw <Cingbin Inghiongg> dahuertauu sii, muixx siaw jit dnxua, dy' e liam hro JEAN tniax. Jingxqyy siaw uann, ix qongw “ liw jitt xee dahuertauu u qraur dngg ee.” qra ciuxqyw dingsinx jingxliw quer jit pxenr, vingrr byy sanx driau zimrhymic, jixsirr qra guanlaii :ee tiackuix, vunx jyr quixarr jniux. Anne dyrr u vnuar vunw ar.
Go nii au, qiar hro SIMON & SCHUSTER cutvanxsia. Quer quixarr qywguec bysniax-bysueh, kar denrue mng, duiwhongx qongw “gunw cutvanxsia qaixjox ar, jitmaw byy cuwbi cutvanw liw ee ceh, zuqyw liw qencii, gunw iaxx si e cud, jixsirr kiongxqniax e ingxhiongw venjib pinxjid.”
”Guaw langg quer kir ham' linw dramm jiacc qycc qongw, zuqyw qongw be hyxser, guaw e qra qyw siux dngw laii.”qetqyw, qra qyw tec dngw laii.
Kar denrue hro ROBINSION, qongw jitt hxang su, “qiwzenn ixqingx qra qyw tec dngw laii, guaw pacsngr beh qra jnii hingg inx.”
”Liw narr qnaw qra jnii hingg inx, guaw dyrr liac liw kir dingr sibzirqer. Liw jitt xee langg .... inx hro liw jyr go dxangx, jitmaw jit kax qra liw tad driaiu. Jit qxunn qu'axqniaw.”
Aurlaii, lingrgua jit qingx cutvanxsiongx --- KURT WOLFF ee PANTHEON --- qongw sniu beh knuar guaw ee qyw, knuar liauw ee huanxingr si “si'angw e knuar jitt jiongw ceh?” mrqyxx quiw nii au, ix qongw jit qnia hro guaw qamxqag jin' u binrjuiw ee dairjir! “Je nii jingg guaw bad trer quer O.SPENGLER ee <THE DECLINE OF THE WEST>”.
Aurlaii, guaw qra ciuxqyw qnia hro BOLLINGEN Qiqimhue, huee puex qongw “liw ee inghiongg si tngbit.” <Cingbin Inghiongg> dirr jiax laii cutsir lor! Ui' 1949 nii cutvanw, itdit qaur qurnii (1984 nii), qycc jaiww vanw, bre driau jit-bxan vunw. Jiurr jit vunw bad hro nng qingx cutvanxsiongx qirjuat ee ceh laii qongw, erdangr u jitt xee singjig, sngr si siongdongx qiaugno lor!
QRA LIW EE JINGHONGW HAM' SINUE SNA' VIXVAN
Tniajiongr mng : Qamxx ersaih cniaw liw dramm .quaw, zinsingx lo-siong lanw kyxlingg e duw diyc dycc jiongw ciwtamr? hex jongw si vutsii byy cniaw qaqi laii, zuqyw erdangr singx jaix u sniaw mosid, sngr si jit jann hyxsu.
Campbell : <Job> nirr u jin' hyw ee jit xee viyw, zuqyw liw sniu beh air :ee si qaur dnaxx siongrr hyw ee jokpinw, anne liw qaix kir knuar J.CAMPBELL siaw ee <Cingbin Inghiongg>. [ciyr] hitt lairbin u jit xee viyw. Gauw ersaih qra liw qongw, dng' hitt xee dairjir dirr liw srinx-siong huatsingx sii (sursit dagg zit dy' e huatsingx), liw rair iong sinue ee quandiamw knuawtai, anne dyrr e jaix qaix jnuaxngiu duiwingr jiacc hyw. Qra liw jurqiw ee jinghingg ham' sinue sna' vixjiaur, dyrr e jaix jurqiw dirr sniaxngiu ee cuxqingw-diongx. Mair dongwjyr si guarjai :ee, qra qaixtok jyr luerjai :ee . Anne dyrr si qra sinue ee jailiau juanxii jyr lingsingr ee niucauw.
-------------------------------------
Dirr BOLLINGEN Qiqimhue virr hunpair xe jit xee zimrbu si venjib qangjog (guanlaii :ee cutqog .kir), hurjig :ee dyrr si CAMPBELL ee <Cingbin Inghiongg>, dongsii ee jinwdo ixqingx qauwduir qaidnua. qauwdiuwqyw guaw tak qaxx jin' zet, lenrr jre dirr denrciax-lai dy' e tec cud laii knuar. Ham' simliw hunsig sna' duxtauu, jaw guaw dyrr knuar cud, muixx jit xee iwsiong vuerau dy' u jit xee iwgi. [mrqyxx laii BOLLINGEN jinwjingg, qandna' jaix FREUD, m bad JUNG, qyckacc benw qongw P. MELLON si'angw]. Dng' guaw ham' CAMPBELL qeh jit dniux MOORE-sid qavix jxy tyxlun guaw jyr ee sik'inw sii, huathen ix si jitt xee siongrr iong'i hro hnuahiw ee langg. Suibongw guaw derr id vaiw jyr, qycc jyr qaxx jin' byy viaujunw, ix jit sud aw dyrr byy quawir. Jingg jit zim venjib qra CAMPBELL vaitig dirr venjib surbu gua, juewau jyr byy uann jyww(?jueww) ix jauw, CAMPBELL huangingg zimrhyy jit xee u bunhak siu'iongw/ qangjog jikqik ee tewdairjiaw. Guaw ee zedsingg qamxziamw .diyc ix. Dng' guaw ham' ix qongw iuxquanx sinue ee siongrdingx, si ham' qywzinn bangrqingw u duiwingwsingr ee juxdniux sii, ix hnuahiw qaxx huah qongw “ driyc! Jinjniar si anne, inx juanvo dy' hap jywhuew ar.”
------ W. McGUIRE, BOLLINGEN
PAH TANGR KUER M DRIYC VINGG EE CNIUU
Cousineau：Liw si dirsii derr id vaiw sigsai H.ZIMMER?
Campbell : ZIMMER ee vaxvah si u dimiado ee CELTI hagqax, ix vunxlangg si u miaa ee Inwdo hagqax. Dirr HITLER jnriu daii au, dongr be diauu NAZI hitt tyr, jiacc likuix Dikqog, juann qex laii Bixqog. Kiokk cue byy qangjog. Dongsii Bixqog dairhak byy qui' qingx u sed danghongx kyhe, hyhongw ixqingx dirr jiaxee kyhe jiamr jit xui ee langg, marr byy sniu beh inxjinr e uihiap inx ee qingrjingjiaw. Siongrbuew, JUNG Qiqimhue vangjan ix dirr COLOMBIA dairhak dosuquanw ee dingxlauu cue diyc jit qingx vangqingx, hro ix qangxkyr.
Guaw kir tniax ix derr id jad kxyr sii, jongxqiong jixu sir xee langg. Vutqyr, ix ee jingsinn naxx dirr jit qingx dua lexdngg lehh. Ix si jit xee jingcaiw byy langg ngiaa e quer ee qangxenxjiaw. E qir .did ix duiww guaw qongw “jin' hnuahiw liw duiww jiaxee mic u cuwbi.” lingrgua jit xee si dosuquanw ee quanxlixguann, ix si JUNG qiqimhue ee singguann, ZIMMER erdangr u jitt xee vangqingx, si ix anvaii ee. Derr snax xee si POLAND ee luxdiaukikqax, jit qniaa zip laii qauwsig, qui' sinkux qau ~ ~ ee pangjuiw bi, qau qaxx erdangr qra jiongww sinn/ Vud juann sangr kir qaur sehongx jingrtow.
---------------------------------------------
Lenrqimsut ee iwsiong si jit xee jin' janw ee iwsiong. Qimx vunxsinx si virr qivunw butjid --- soxui ee guanjid (PRIMA-MATERIA) --- vaucangr dirr lairdew, qingquer lenrqimx quewdingg, qimx dyrr e ui' guanjid-lai kingg .cud .laii. dnaxx lanw marr erdangr qra lingsingr snewmia knuawjyr qimx, sneliw iogbang dongwjyr ziakamr lingsingr snewmia ee guanjid. Tauwquer sinvir bingngiu quewdingg, qra lingsingr qimx tiux cud laii. Liw rair ban ~ jinwzip jitt jiongw quewdingg-diongx, jex si rair bualen ee soxjai. Lenrdanx si hro snemia jiamrr did diyc dingcingx/ jingrhuar ee quewdingg.
---- Campbell
Ham' ZIMMER si anne sigsai ee.
In'ui siurr diyc huangingg, derr zi hagqii ZIMMER ngua diyc jit qingx kacc dua ee qauwsig, derr snax hagqii ee qauwsig qyckacc dua qingx. Diyc diyc qamxhongx juanxjniaa hiwiam suacc hionghiongg quewsinx .kir. Byy jit xee isux jinxcad cud vnerjingr, sidjai kyxciyr. Dyrr anne tudzenn laii likuix, guaw ui' ix hiax did diyc :ee, je qaxx pnaiw qoxqer. Inx kanx :ee qra ui' Zidvunw jah dngw laii ee Vudsiong sangr guaw, qycc vaiwtog guaw qra ix dirr Bixqog qangxkyr ee lueriongg jingxliw jyr ceh cutvanw. Qetqyw, guaw iong liauw jap-zi dxangx, ix soxu ee vitqir jniajyr sir dua vxo ceh.
Zimmer qewsiok vutduan hiongr MARY uirr BOLLINGEN Qiqimhue tuijenr jit quaw u amwlik ee zinjaii. Qidiongx ji' id dyrr si J.CAMPBELL. “jit xee kiauw qycc u didqaklik ee IRISH, qui' sinkux longxx si jingsinn, taukag cingcyw, ciongbuanw snewmiarlat, duiww Inwdo ee mic huisiongg u genxqiur.”
--- W.McGUIRE, BOLLINGEN
Campbell : Jingxliw venjip ZIMMER ee mic, hro guaw ham' BOLLINGEN Qiqimhue ee quanhe venr qaxx jin' bidced, hiax si jit xee tetdew ee JUNG sewqair. Aurlaii, <Cingbin Inghiongg> hro nng qingx cutvanxsia qirjuat au, si kyr qiqimhue ee sniuxsur jiacc cutvanw. Zuqyw byy inx, guaw sniu jairjy byy langg tniax quer J.CAMPBELL ee miazi. dirr ZIMMER ee ceh jingxliw quewdingg-diongx, inx itdit teqiongx guaw voxjorqimx, hro guaw ee qangjog qewsiok bydng. Hitt dnxua siqanx duiww jiaxee jailiau u hingwtauu ee langg unxding jingqax, qaur dnaxx soxu ee langg longxx u cuwbi lor.
Linw qamxx jaix? Erdangr benw qangjog, jauxcue jurqiw sniu beh qniaa :ee, si jit qnia zuarr bixle ee dairjir. Gauw cue diyc ee mic, si qitnalangg dirr cue byy lo sii jniajyr inx ee loriong, guaw jit xee ving'iuw qongw quer jit qxur ue,”zuqyw jit xee langg kixtauu byy qniaa jurqiw sniu beh qniaa ee lo, qaur dionglenn ixau e u jnuaxngiu ee qamxqag? Liw vreh kiw kir lautuix ee siongrr dingxquann sii jiacc huathen tuix kuer m driyc viacbin ar!”
Guaw sniu, liw narr duw diyc jitt xee cuxqingw sii, siongrr su'iaur :ee si qra cniuu pah tangr quer.
HUIHIAMW CNGG
Campbell : ZIMMER qongw diyc GAWAIN (ARTHUR tuanqii ee inghiongg zinbut) morhiamw qowsu-diongx hitt dniux “ huihiamw ee cngg (PERILOUS BED)” sii, tecud jit xee bunrdee : anne ee honghiamw iwgi si sniaw?
Ix beh mng :ee si, dng' lamsingr zinruii jurqiw byy dyrliw siurr luxsingr iuxquaiw sii, qaix jnuaxngiu cuxliw qaqi? ZIMMER tecud ee dab si: junxjad! Junxjad! Jaiww junxjad! Zuqyw liw erdangr qencii qaur juewau, hex luxsingr itcer ee jiokhog longxx si liw :ee!
Byy sniu .diyc, guaw qingwzenn duw quer iong jitt xee qingxqair ee dniuhap.
Dng' guaw decc siaw jit vunw iuxquanx Inwdo gersut ee ceh, ixx ZIMMER <Inwdo Ajiux ee Gersut> jyr qicow. Guaw jaix dirr Inwdo gersudsuxqax A.K.COOMARASWAMY --- ix ixqingx quewsinx nng ~ snax nii --- ee dongwanr siujongg, kyxlingg cue e diyc.
Kar denrue hro inx bow: guaw u su'iaur quiw dniux dopnir, qamxx ersaih kir linw daux cue Poksu lauu lyc laii ee bunqnia?
”laii ar!” guaw dyrr jit xee langg kir BOSTON, hitt sii tnikir jin' zuac. COOMARASWAMY siukngr dopnir ee sowliong huisiongg je, suibongw anne, guaw zinruii benw vnuar diamxjingx dyrr erdangr qra guaw beh air ee sir dniux doo cue cud.
---------------------------------
Zimrhyy jimjiok tniax MUSE sniax ee langg dy' jaix, siaxjog sii, ersaih kyr jurqiw, marr erdangr kyr lingqamw. Jinjniar u lingqamw jitt huesu, e ui' liw lairbin puu .cud .laii, duiww liw qongxue. Hiaxee jinjniar iongrsimx tniax jiongww sinn ee unrlut/ siquax/ uerqiw ee langg, qra jiaxee sinn ee mic dinghok jit vxenr sii, hitt jiongw iubiw lenrr jiongww sinn dyrr hro kip'inw laii.
--- Campbell, 1983
Guaw jre lyc laii, kaisiw jit iac jit iac henx dopnir, quer liauw vnuar diamxjingx, COOMARASWAMY taiwtair qniaa .zip .laii, qongw “qin'axzit u qraur zuac. Liw qamxx u sniu beh limx liuxdingjiab? Iacc si qitnax sniaw hnor?”
”Hyw ar!”
Ix qra liuxdingjiab tec zip laii au, dyrr jre lyc laii ham' guaw kaiqangw iokk diamxvnuawjingx. Danw ix likuix au, guaw qewsiok qangjog, vutqyr, quer jit xe quw, qycc zip laii qongw “guaw sniu jitmaw qaix jiac amwdngr ar.”
”Hyw ar.” guaw rinr.
Jiac quer amwdngr ixqingx honghunx amr, guaw qewsiok jyr guaw :ee. “guaw knuar, ing'amr liw kunr dirr jiax hyw ar! Kunr dirr gunw daux byy iauwqinw lar! liw kunr dirr hitt dingw pongwiw hyw ar!” guaw anne dirr hiax snax zit.
Jitt snax zit, guaw dy' qingxqyr jurqiw qongw “jiax si “huihiamw cngg”, jixiaur guaw jit ham zip, dyrr kir liauw ~ ! sniaw longxx benw qongw lor! Likuix ee sii, duarlauu siuxue sniu qongxx huatsingx liauw sniaw tyhueun lehh! Ix jnuaxngiu sniu guaw longxx byy iauwqinw, siongrr diongriaur :ee, guaw beh ee doo longxx cue .diyc ar.
Sinue ee sinwsid duiww sidjer zinsingx cuxqingw zuarr u qewdat! Jex jixsirr jit xee siyw le.
SEWQAIR-SIONG JIXU JIT XEE SINUE
Brown : qamxx ersaih cniaw liw dramm liw siaw jiaxee jokpinw ee hitt dnxua siqanx, si jnuaxngiu quer sing'uac?
Campbell : siaxjog ee dongsii, qycc rair qar ceh. S. LARWANCE ee qauwhak qangjog si qui' zit :ee, vingrr m si jixiaur siongrkyr jit jed/ nng jed uann dyrr ersaih likuix. Guaw jit lexvair u sir zit buanw ~ ee kxyr.
Kaisiw siaxjog au, jurqiw dring liauw jit xee qangjokviyw: jit lexvair sir zit qar ceh, snax zit siaxjog. Anne guaw dyrr nng xee longxx qiamqor. Dongzenn suxqaw guaw ersaih qanxdna' siaxjog, qitnax longxx byy quanw. Ui' 1944 nii cutvanw <Banrlingg Sryw> qaur tewhiux (1972) jitt dnxua qiqanx, jongxqiong cud liauw jap-go dua vunw, jitt hxang qiwlok guaw jin' qiaugno. Zuqyw liw erdangr qewsiok vutduan, qra siaxjog dongwjyr gulok, m si qangjog, dyrr erdangr siaw cud jerje mic.
Guaw ee siaxjog qewue sna' lensuar. Duliauw rair jingxliw ZIMMER ee dongwanr ixgua, qycc dap'ingr ving'iuw NIKHILANANDA, gunw habjog qra <THE GOSPEL OF SRI RAMAKRISHNA> ui' BENGALI huan'ik jyr Ingbunn. Jex si jit vunw qau ceh, guaw ee qangjog byy mee byy zit.
U sii, e dongsii siaw snax vunw ceh, jaiw-aw jit vunw, ervox siaw lingrgua jit vunw, honghunx amr sii kaisiw derr snax vunw.
--------------------------------------------
ZIMMER qenwgi <WHERE THE TWO CAME TO THEIR FATHER> venjib qangjog , si M.OAKES ee snua'ue/ vitlok, J.KING kauxsut NAVAHO INDIANS “jenwjingx” gisid ixgua, qycc qex jit pnix sinue hunsig, si ZIMMER ee hagsingx J.CAMPBELL iong vixqaur sinuerhak quandiamw siaw :ee, u hagsudsingr qycc huisiongg cuwbi. ... ... ... “CAMPBELL” juwdnia rair ham' BOLLINGEN Qiqimhue sna' duw ee.
----- W. McGUIRE, BOLLINGEN
BOLLINGEN Qiqimhue derr id vunw cutvanw ee ceh si duiww NAVAHO INDIANS jenwjingx gisid ee genxqiur. ZIMMER siaurqair guaw hro qiqimhue, uirr jitt vunw ceh jyr venjib/ juansiaw dyrlun/ juwqaiw. Anne guaw qycc u lingrgua jit hxun qangjog. Hex si guaw siaxjog ee duarguec sii, jyr qaxx u qraur songw, soxx binrduir ee jailiau marr huisiongg jingcaiw.
M quanw si <FINNEGANS WAKE>, iacc si NAVAHO INDIANS ee mic, m quanw si Inwdorlangg iacc si ZIMMER ee mic, inx juann si qang jit hxang. Byy langg erdangr qongw cud inx jiqanx u sniaw byy qang. Jex dyrr si guaw dongsii soxx texhue diyc ee : sewqair jixu jit xee sinue. Suibongw jitt xee sinue e in'ui ligsuw/ siarhue kuanqingw byy qang, soxx henxhen cud byy qang ee venwhingg, duiziog qaur drew, dy' si qang jit xee sinue.
SINBINGG SI LANGG LUERJAI GIZINHUER EE SIONGRDINGX
Campbell : Ligsuxhagqax/ binjoghagqax u cuwbi :ee si, sewqair byy qang sinue qapp jongqaur hertongw ee cavedsingr, genxqiur jiaxee sinue/ jongqaur hertongw sii, marr kaksit erdangr qra diongrdiamw he dirr inx ee jingjuac-siong, danrsi lingrgua jit bin, A.Bastian soxx tecud ee qicow quanliam, marr si berdangr srid qagcad ee. Uirsniaxmic inx e busow-vutjai neh? Jex si jit xee simlixhak singwjid ee bunrdee, jiurr jitt xee bunrdee, hro lanw jyr vixqaur genxqiur sii, u lixliuu byy qra diongrdiamw he dirr jingcax-siong.
Jurr ARISTOTLE au, sehongx bunhuar kaisiw duiww sinue jiamrr qongqig, ersaih qongw, sehongx ee puepnuar jingsinn soxx jinrlik :ee, si qra jurqiw ui' qicow quanliam hunli cud laii. Danrsi lingrgua jit bin, sexhongx susiongw qycc itdit u jit diauu lrauu be tingg ee amwlauu. GNOSTICISM/ lenrqimsut qapp qitnax luirsu/ sriu vaitig ee susiongw, dy' si jitt qrow amwlauu jit vorhun, inx qiongrdongg ee iwgi kyxiw iong “ingxuanw, itjair qycc henr (PERENNIAL)” laii viauxsi.
Jiax soxx qongw ee “ingxuanw”, si ui' ingxuanw dethak (PERENNIAL PHILOSOPHY) ee quandiamw laii lixqaiw, si A.K.COOMARASWAMY tetauu, aurlaii A.HUXLEY qewsingg, 1940 nidai siaw quer jit vunw ceh hyrjyr <THE PERENNIAL PHILOSOPHY>. Guaw zinruii jitt jiongw susiongw si qra lanw dirr sinue iwsiong hiaxee luirsursingr kokdua qaur soxu bunzi ee lunrsut, suecbingg liauw uirsniaxmic mow quaw quanliam e poxpenr junjai dirr juann sewqair ee sinviwjuxgi dethak, si beh qra lanw dirr sinue soxx knuar diyc ee juanqiusingr, cua zip dethak-diongx. Jitt jiongw qicow quanliam si : sinbingg si lanw luerjai lingliong ee siongrdingx vixping jyr langg (SYMBOLIC PERSONIFICATION), si liw ee lingliong marr si uxdiu ee lingliong. Incuw sinn si guarjai :ee, marr si luerjai :ee. Tenqog dirr liw lairbin, dongsii qycc busow-vutjai.
Ingxuanw dethak soxx lixqaiw ee sinbingg, ham' lanw itvnuax soxx qongw :ee, si dua byy qang. Sinbingg si duiww lingliong --- jit jiongw e qra snewmia tner kiw laii :ee --- qra vixping jyr langg (gixzinhuar). Dongzenn, jit xee bunhuar e iong sniaw hongsid qra lingliong gixzinhuar, si sriu ix digvet ligsuw jingqingw hanrjer ee. Gixzinhuar si binsiok :ee (FOLK), lingliong si juann zinlui :ee (HUMAN). Sinbingg ersaih qongw huatguann jurr lingliong, siurr lingliong cesaiw, si lingliong ee qangqu.
<CHANDOGYA UPANISHAD> u jit dnxua jin' bixbiau ee ue “vair jitt xee sinn, vair hitt xee sinn, vair muixx jit xee sinn --- huanrnarr anne jyr ee langg, dy' si iauxx byy drat qaur jinjniar zinrbad.” jitt xee lixiuu si, soxu sinn ee laiguann dy' si liw ee simx. Duisuii kahy qniaa qaur diongsimx, liw dyrr e huathen, liw si jiongww sinn ee cutsnede.
Bang/ dongrcad (knuar tangr)/ sinn, jiaxee juann si sna' tongx :ee. Soxui ee sinn/ tendongg qapp dergak, si bang ee uxdiu binrhiongr (COSMIC ASPECT), bang si sinue ee qywzinn binrhiongr (PERSONAL ASPECT). Bang/ sinue si qang let ee mic. Liw/ liw ee sinn si qang jit xee. Liw ee sinn vingrr m si guaw ee sinn, mair gne sag liw ee sinn hro guaw. Muixx jit xee langg dy' u inx jurqiw ee sinn/ iwsig.
------------------------------------
Bingngiu MANDALA e hro liw luerjai sanxsingx hyhaii. Jongqaur siongrdingx dy' si kuriuw jitt jiongw hyhaii ee lat. Inx e jo langg drat qaur hyhaii. Sinue jingxqyy iwgi si dirr jiax : vangjan liw ee qywzinn/ siarhue sing'uac hyhaii hab'id.
----- Campbell -----
INGXUANW DETHAK EE DIWHUI
Jex si ingxuanw dethak soxx beh qangxsuad ee dyrliw.
Sinue/ bang laijurr qang jit xee lingxhik, guaw qra hyrjyr diwhuirsinx(WISDOM BODY). Kunwbinn-diongx jinwzip bangrqingw sii, si sinkux beh duiww liw qongxue sii. Cesaiw sinkux :ee, si jit quaw byy hxuad kongwjer ee lingliong, sinkux siurr inx kongwjer, inx si uixdai ee singbut qicow : guansingjid (PROTOPLASM), si lingliong/ marr si iwsig budjid. Vutqyr lanw sinkux iauxx u lingrgua jit hxang mic, dirr lanw sinkux siongrr quann ee soxjai --- nauw, u ix jurqiw sukyw hertongw, jingxqyy iwsig ngiursid laijurr jitt xee nauw, soxx kuriuw ee diwsig, ham' sinkux dua byy qang.
Sewhanr ginxaw jit cutsir, dyrr jaix qaix ham' maxmah sinkux jnuaxngiu dongrjog, Ix ixqingx uirr dauzip ee kuanqingw jyr liauw junxvi. Hex byy su'iaur langg qar, jex dyrr si diwhuirsinx ee jok'iong. Jitt xee ser hxang mic e dirr maxmah srinx-siong huatdenw jyr pueboo, kyr :ee marr si jitt jiongw diwhui. Iu' lanw tew-lai luerjai lingliong sokjy jniaa hxingg, lanw si jitt xee diwhui ee bacsinx.
Incuw, bang ee diwhui/ dongrcatlik, si ingxuanw dethak ee derhui.
Guaw jitmaw iuguann juann siqanx decc siaxjog, vutdikvud rair qiamxjiyw knuar ceh, jinjniar si uiham, guaw qycc u jerje mic rair hagsip.
Brown : Dirr liw quxdngg hagsut sing'uac, dycc hongbin ee viauxhen si liw siongrr buanxir :ee?
Campbell : Duiww sinue ee genxqiur, siongrr hro guaw hnuahiw simrjiww qamxdong :ee, si knuar diyc jit quaw mic si hiacc kuriuw juanqiusingr. Digvet hro langg dua dinxdang :ee si dirr jit quaw jin' qanxdanx ee bunhuar jiqanx --- vixzu CONGO ee PYGMIES/ TIERRA DEL GUEGO ee YAGAN qapp ONO --- huathen qangrkuanw ee sinue juxdee. Zuqyw genxqiur qyqib bunhuar, knuar diyc luirsursingr vingrr byy quaiwqii, in'ui ciangjai e u borik/ qitnax ee jiapciog, diwsuw bunhuar qauliuu.
Mrqyxx guansiw siarhue ee jinghongw byy qang, inx ee bunhuar qinvunw byy qauliuu ee kyxlingsingr. Incuw jin' lann byy qaxsed, jiaxee sinue juxdee si ui' taiwqow sidai itdit liutuann lyc laii. Sursit-siong, marr jinjniar e dirr jit quaw taiwqow sinue huathen diyc qangrkuanw ee juxdee.
Guaw huathen qidiongx itjair cuthen ee sinue juxdee, si lamsingr viwbit huersia/ gisid. Jiaxee gisid tongsiongg e iong mow jiongw luirsu BULL-ROARER, mow jiongw e huatsniax ee kiwku iacc si guqag jilui ee mic. Inx qra jitt jiongw mic cangr dirr ciurnaa, zinrding luxsingr duiww jex longxx m jaix. Dagg vaiw lamsingr qixhingg gisid sii, dyrr e tec cud laii, iauqiuu luxsingr likuix/ bih kiw laii. Zuqyw dycc jit xee luxsingr byy sewji knuar diyc inx ee guqag, u sii e siurr siongdongx janzimw ee duiwtai. Jitt jiongw henrsiong dirr CONGO ee PYGMIES/ BRAZIL ee zeddair ciurnaa / TIERRA DEL GUEGO, longxx knuar e diyc.
Uirsniaxmic e u jitt jiongw henrsiong? Guaw juewqin ui' dirr BRAZIL zeddair jyr genxqiur :ee did diyc jit xee qaixsueh. Inx jixcud, dongderlangg zinruii, lamsingr ee guqag kxir qamm u mohuad, kixtauu si luxsingr :ee. <ODYSSEY> marr u jitt xee quanliam: luxsinn CIRCE iongxiuw molat, lamsingr u :ee jixsirr sinkux ee kuiwlat. Qinqir genxqiuwjiaw ui' zeddair ciurnaa snax ~ sir xee soxjai soxx caixjip siyw tuansuad henxsi: lamsingr jitmaw soxx u ee mohuad diwsig, si ui' luxsingr hiax taux laii :ee, jiacc rair qra cangr kiw laii, byy air hro jabow :ee knuar diyc. M jaix luxsingr si jnuaxngiu knuawtai? Zinlui hagqax dysor si lamsingr, jin' jiyw qihue cimzip luxsingr sniurhuad. U jit xee ham' inx angsair jywhuew genxqiur BARASANA ee luxzinluirhagqax, jiamduir hiax ee luxsingr jyr quer genxqiur. Ix ee qongxhuad si, sursit-siong, luxsingr e dirr lamsingr qixvan gisid sii bih kiw laii, si uirr vyxho inx jurqiw ee mohuad, piacvi sriu lamsingr mohuad uziamw. Luxsingr marr si u mohuad, si laijurr inx ee sinkux, kacc junxkag qongw, si inx sinkux vunxsinx. Lamsingr byy anne ee sinkux, qandna' kyr qitnax honghuad did .diyc.
Luxsingr molik ee henrsiong ji' id si guehsinr, qinglik guehsinr sii e hro jurzenn/ singbut lat soxx sriap. Lamsingr e dirr singlenlew sriu diyc qik jankok ee duiwtai, sursit-siong marr si beh hro inx hiongr jitt xee lat kaihongr, soxx suxiong ee guqag ham' luxsingr guehsinr si duiwdingw :ee. Dyrr si qongw erdangr hro moxjiongw ciauuat qywzinn ee lat jinwzip dongsurzinn srinx-siong.
SEWQAIR CIONGBUANW BYY VINGDINGW
Kennard : Liw si jnuaxngiu qaixsueh jerje byy qang bunhuar cuthen luirsu iwsiong/ qisid? Jitt jiongw siy' cincniu si m si viauxbingg, zinlui qetqiok si ittew :ee?
Highwater : sewqair ciongbuanw singbudsingr ee byy vingdingw, guaw byy zinruii jex e gai diyc zinlui lingsingr ee ittexsingr. Danrsi, ittew ee quanliam jitmaw u damrvyc quewdo qiongdiau, suacc jiamrr qra vingdingw/ qiongviksingr je'tauu lam jywhuew. Jex si kyxpnar ee cywgo, si sehongx dewqokjuxgi ee lingrgua jit jiongw hingsid. Guaw jin' zinrdongg CAMPBELL soxx qongw, lanw bactew si hro “jingsinlat (ORENDA)” qiar :ee, luerjai ee huew longxx siy' qang. Hro guaw qamxqag simsig :ee, jitt xee iamrhuew si jnuaxngiu taur quer byy qang ee iwsiong viauxhen.
Guillemen : Jiurr guaw soxx jaix, nauw ee qowsingg u.-uanuad-u., qivunw lenjiab si siangkuanw. M quanw si HOTTENTOT/ MELANESIAN iacc si CAUCASIAN, marr m quanw druar dirr dyhh, nauw ee qivunw qetqor juadduir uanjuann itdir.
Highwater : Ywjiux suxjingg sidai ee viac'ue ham' ALTAMIRA viac'ue jiqanx jit sud aw dyrr byy qiongrtongx diamw, jex si benw huaigii. Mrqyxx inx ee byy qang jixsirr viauxbin, m si cimjann :ee. Lanw knuar jaxqii gersut sii, dy' qandna' knuar diyc viauxbin. Guaw sniu jex si bunhuar jiqanx ee hunhuar, si ui' huisiongg jaxqii dyrr ixqingx kaisiw.
Campbell : u mow quaw qivunw singbudsingr quewdingg, si byy quanw si'angw diyh'air qinglik ee. Qixle qongw, dairvorhun ee bunhuar kuanqingw, nge'aw cutsir sii, qinggiam diyc derr id xee kectew ham' derr id xee juxtew dyrr si maxmah ee sinkux. Juann sewqair quanhe luxsingr sinkux ee sinue cinwcaiw cue dyrr u.
Vutqyr, suibongw si jitt xee qangrkuanw ee juxdee, iuguann e bunhuar byy qang, denxhen cud byy qang ee mongiu. Vixzu, guanvunw si paclac/ caixjip binjok, aurlaii kyxlingg e venwjniaa jingwjyh :ee, jitt sii e qaixvenr luxsingr ee singsanw qaksig, quanhe luxsingr sinue soxx suxiong ee iwsiong duer lecc qaiw. Suibongw anne, qindew ee mic si be venr ee.
Lamsingr singlenlew marr si anne. Singlenlew ee juxiaur bogdig, si qra javox ee simlingg lingliong (LIBIDO) ui' maxmah ee sinkux hunkuix cud laii. Byy qang bunhuar ee singlenlew e suxiong byy qang ciuxdnua, bogdig si qang :ee, zinlui snewmia siongrr dairsingx ee jap-zi dxangx, m quanw javox/ jabow, dy' si kia ilai ee uirdir, jitt xee qaidnua, jingxqyy simliw dy' si jundiong kuan'uix/ uaxkyr duarlangg. Singlenn gisid si taii driau ingziqii jurgnow ee qonglingg, dirr jiax, jaiww jit crur duw diyc sixbongg/ qyc'uac jitt xee juxdee. Jixu tongx quer singlenlew, jaxjingg hitt xee javox jiacc e ngua driau qu :ee, jniajyr singlenlangg, rair uirr jurqiw hu jikzim ee duarlangg.
Lingrgua, sintew laurhuar sokdo sui' langg byy qang, m quanw qinw/ ban, langg jongw si e venr lau si be venr ee sursit. Ngua jit qxur, u jit zit liw e lau .kir tuatli siarhue. Jex si muixx jit xee langg diyh'air binrduir ee cuxqingw, jex si be venr ee. Mrqyxx byy qang siarhue bunhuar soxx henxhen jiaxee sinue iwsiong, si jin' byy qang. Jex marr si A. BASTIAN soxx qongw :ee, qicow quanliam (juanqiusingr ee juxdee iacc si hingsid) ham' derhngsingr ee denxhen (LOCAL MANIFESTATION) jiqanx ee cavet.
Kuhigsingr ee jauxcuac kyxiw jin' dua, vixzu, Vakqik/ ciurnaa langg jiqanx, jit xee qanxdanx caixjip vorlok/ PERSIAN dewqog jiqanx, suxiong ee iwsiong si tnix cax kir de lor.
IX CNIURR JIT JIAH LOK? IX SI JIT JIAH LOK!
Tniajiongr : Guaw itdit jin' hnowhenn liw siaw ee ceh <MYTH TO LIVE BY>. Dnaxx u sniaw sinue kyxiw hro lanw ee sing'uac jyr uaxkyr neh? u dycc jit xee zidsiongg sing'uac jancur, iong e diyc sinue? Sinue si anxjnuaw caukongr liw/ lanw ee sing'uac?
Campbell : jnuaxngiu taur quer sinue kongwjer langg', vingrr m si guaw u cuwbi ee kywdee.
Jiurr qinrdai knuar, siongrr gauu liriong sinue laii diyr qalew :ee si HITLER, ix marr jaix zuhyy liriong gisid. Guaw u quiw xee ving'iuw dirr jibdiongngiaa druar .quer. U jit vaiw, HITLER qaur inx ngiakux hurqin huatviauw enxqangw, inx ho'ngg cua kir huerdniuu, kia dit tniax ix qongxue. Qidiongx jit xee qra guaw qongw, decc tniax qangxenw ee quewdingg, huathen jurqiw qingwzenn je vaiw vutdix-vutqag qra jniawciuw giac quann qycc huah “ HEIL”.
Jitt lui qingquer kiauwbiau setqer ee gisid, e hro langg' sitkir duiww jurqiw kongwjer, hex si jin' kiongxvor ee lat, si lanw uanjuann berdangr liauxqaiw hitt jiongw unrjog hongsid ee lat. Mrqycc HITLER kiokk jin' tenjaii jiyh laii iong, jitt jiongw lat e duar laii sniaw hiyrqyw, jitmaw dyrr jin' cingcyw lor!
Guaw siaw :ee <MYTH TO LIVE BY>, lueriongg qivunw -siong si ui' guaw dirr NEW YORK ee <COOPER UNION FORUM> lunrdnuaa zi-jap-go nii qranx (1958-1971) huatviauw liauw iokk zi-jap-go pnix qangxenw soxx qowsingg. Cuxliw ee juxdee dy' si JOHNSON FAIRCHILD soxx qenwgi :ee, ix si jitt herlet ee qewigjiaw. Jiaxee juxdee juanvo ham' dongsii ee sing'uac u jin' bidced siongquansingr. Li jitmaw ixqingx jin' quw ar, guaw simrjiww be qir did ceh ee lueriongg. Vutqyr iauxx e qir .did, cuxliw liauw sinue qapp aiwjingg/ jenwjingx/ cingcunqii juanxhuar ee quanhe. Qidiongx inxiong diyc huisiongg honghur ee sinue jailiau.
Guaw zinruii, lanw jitmaw kia dirr sinue ligsuw ee jiongbuew siqii. Bunbingg soxx uaxkyr qenwlip ee sinue, dnaxx ixqingx byy qycc u lat huathuix jok'iong, dirr lanw siwjiuuii :ee, jixsirr cniurr jit quaw puar hiarper.
Henrdai langg sniu beh u uahtiaur siongxsiong ee snewmiarlat --- jit jiongw ui' luersimx rig laii ee snewmia, m si qandna' uirr hue'ingr guarjai iauqiuu --- dyrr qaix ui' dosuquanw hiaxee sngr be uann ee bibiau bunhak jokpinw cue diyc ciwqig, jitt xee sewqair jaiww crur ciongbuanw jitt lui kiauxbiau ee jokpinw ar.
Soxiw byy quijig hro lanw jiauww qniaa, rair kyr jurqiw cue cud lo, cue diyc jitt xee e hro simx tiaur kiw laii ee lat.
Tniajiongr : iwsur si, lanw qaix duisuii lanw luerjai rig cud ee sisingr/ lingsingr qamxsiu?
Campbell : guaw sniu, bunhak/ gersut ee sewqair, si lanw erdangr cue diyc jiaxee mic ee soxjai. Lanw huisiongg su'iaur jitt jiongw mic.
Qongw diyc jongqaur, lanw jitmaw quanwsir jit lexvair kir qauwhue jit vaiw, muixx vaiw iokk jit diamxjingx. Lanw zinruii, jixiaur muixx lexvair qra jurqiw kngr dirr jongqaur ee kuanqingw jit diamxjingx, lingsingr snewmia dyrr e dingsinx virr qiyr cnew, anne ee jongqaur sing'uac si berdangr hro langg ham' lingsingr diongsimx vyxcii jiapciog :ee. Zuqyw liw ee jongqaur berdangr hro liw ham' liw ee lingsingr diongsimx sna' lenjiab, hex dyrr m si liw jinjniar ee jongqaur, si vadd langg :ee. Liw virr cetdng lor. Jex si lanw dongdai bunhuar ee landee ji' id.
-----------------------------------------
Guaw duiww jitt vunw ceh soxx qitai :ee ... ... si SCHENERAZADE (Jit-cingx Kxongr Jit Xia SULTAN sinniuu ee miaa) ... ... erdangr kokdua lanw duiww sewqair ee qinggiam, hro lanw packuix sinx siriaw knuar jurqiw, hro lanw qidiongx jit vorhun langg dingsinx jniajyr zinlui ee singguann. Sursit-siong, tak uann juanvo jit-cingx kxongr jit xia ee qowsu, si lanw sixbongg ee sii : vogqunx siw, jit xee jinjniar ee langg uac kiw laii.
--- Campbell, uirr <Jit-cingx Kxongr Jit Xia, qanxbingvanw> ee dahuertauu
Brown : Juewqin liw uirr <THE WAY OF ANIMAL POWER> jitt vunw ceh jinwhingg sunhuee suantuann uahdang sii, naxjunxx qinglik liauw jit dniuu bualen.
Campbell : Liw si qongw hitt xee iuxquanx unxqamm ee qowsu?
Brown : Driyc!
Campbell : Guaw qac'ir qra langg qongw jitt xee qowsu. Qurnii, guaw dirr sinue duiww sing'uac qonglingg/ quancetsingr ee bunrdee, u siyw ~ ee hiauxgno.
Dng' <THE WAY OF ANIMAL POWER> cutvanw au, cutvanxsia iauqiuu sinx ceh suantuann uahdang, jex si siongrr baiw ee luxiuu, guaw rair ham' jit quaw qinvunw byy liauxqaiw jitt vunw ceh si siaw sniaw ee langg qongxue, inx tongsiongg e mng ee derr id xee bunrdee si : sinue si sniaw?
Anne ee bunrdee duw quer jerje vaiw au, jiongbuew guaw sniu cud hue'ingr ee honghuad, zinruii erdangr hro inx buanxir ee dingrgi. Suibongw jaix inx qinvunw tniax byy, danrsi jiwjiyw hex tniax kiw laii cniurr jit xee dingrgi.
Hitt jua suantuann dicbecc qetsog sii, guaw jnriu jit xee qongxvyr jetbok, jiapsiu hongxmng, siqanx si diamxvnuawjingx, henrdniuu vyr cud. Dirr dycc jit xee sniaci ee denrdaii/ jetbok juxcizinn si'angw, guaw dyrr byy qongw lor. Dng' guaw qniaa zip vywimsig ee sii, angdingx iauxx bue qngx, ham' juxcizinn kaiqangw jit xe quw. Ix si jit xee siauwlenn ginxaw, ham' guaw qeh jit liauu dyh duiwbin jre. “guaw si jin' pnaiw lixlak :ee, mair sniu beh ham' guaw syx ngii-aw, guaw e duiziok qaur drew ee, quewkir guaw si tak huatlut ee.” ix qongw.
Guaw simlai sniu, jin' hyw! Jitt diamw duiww guaw byy bunrdee. Zenau, angdingx qngx .kiw .laii, ix derr id xee bunrdee, dyrr si hitt xee siongrr je langg mng quer :ee “sinue si vehcat, jit xee sinue si jit xee vehcat, driyc hnor!”
”M si anne, damsuad sinue, diyh'ar singx knuar diyc jingxqyy sinue texhe, jit qrunn langg soxx sing'uac dirr qidiongx ee sinue texhe. Jit xee sinue si iu' jit quaw viauxdat cud ee siongrdingsingr/ iwsiong soxx josiongg :ee, si iong unxqamm ee hongsid, biyue cud mow siqanx/ siarhue kyxlingg texgiam diyc, iacc si sidhen zinlui qinggiam.” guaw dab.
Tniax qaur jiax, hitt xee juxcizinn jin' jurzenn gang .kir.
”Sinue si vehcat.”
”Sinue si jit jiongw amwhamm ee vixzu.”
”Si vehcat”
Iokk quewkir go hunjingx au, guaw iwsig diyc jitt xee siaulenn :ee qinvunw m jaix sniaw hyrjyr amwsi vixzu. Jitt sii guaw sniu .diyc, guaw qangrkuanw si jin' qydnii :ee, quatding beh dang ~ cud ciuw, hro ix vreh be kiw laii.
”Guaw si qongw sinue si vixzu, liw hro guaw jit xee le.” guaw qongw.
”Liw singx hro guaw jit xee le ”
Guaw qar ceh ixqingx snax-jap-veh nii, dongzenn byy sinr jitt tyr, “bersaih, jitt xee iauqiuu si guaw singx tecud ee, cniaw liw hro guaw jit xee le,”
Aa! ix cicamw lor! Guaw u damrvyc paixser, vutqaix duiww langg jiacc byy zindy.
E qir .did NIETZSCHE bad dirr <THUS SPOKE ZARATHUSTRA> iacc si <THE WILL TO POWER> qongw .quer, jit jiongw hyrjyr “cnex sunxsunw ee juerhuan (PALE CRIMINAL)” ee langg, jitt jiongw langg suibongw u iongxkir giac dyx, kiokk m qnaw knuar hueh lrauu cud laii. Guaw huathen guaw si anne: guaw crann ~ hro ix dirr qongjiongr jingg lauwkuir (iong ix ee miazi jyr jetbok ee miaa), kiokk byy iongxkir binrduir ix sitlyc ee ganxsinn.
”Liw hro guaw jit hunjingx sniu .jit .xe.” (hitt sii jetbok cunx jit ~ nng hunjingx) qongw uann dyrr ui' iw-aw kia kiw laii.
”Moxmic langg jauw jin' qinw, dag'ee dy' qongw ix cniurr jit jiah lok”, quer jit xe quw, ix anne qongw.
”Hex m si amwviw.” guaw qongw, siqanx dih dih dah dah quer, juewau, guaw qongvor dap'anr: “amwqamm ee vixzu anne qongw, moxmic langg si jit jiah lok.”
Langg qongw inx siongsinr siongrder. Siongrder si jit xee amwviw, jixhiongr jit xee ciauuat soxu zinlui susiongw huanrdiuu ee ywvir, ix qamxx erdangr duiww liw kiw jok'iong, uanjuann knuar liw si m si guanrir anne knuawtai ix, ix qamxx u hro liw dag diyc hitt xee liw jun'iuw qinvunw qicow ee ywvir. Zuqyw ix jyr be qaur jitt diamw, hex dyrr si vehcat.
Sewqair jidvnuar u jongqaur sinwgiongw ee langg zinruii inx jongqaur ee amwviw dy' si sursit, jiaxee langg lanw hyrjyr “u sinn lun :ee”. Lingrgua jidvnuar :ee zinrding jiaxee unxhamm m si sursit, jixsirr vehcat, jiaxee langg lanw qongw si “byy sinn lun :ee”.
LIW SI LIW SOXX JAUXCUE EE JIWSINGWJIAW
Campbell : Guaw bad ham' M.BUBER u quer jit vaiw jin' cuwbi ee jiapciog, dongsii ix dirr NEW YORK Ci, dagg lexvaiwsnax amr dy' e duiww jit qrunn cavutdyx ham' lanw jitmaw jiacc je ee tniajiongr huatviauw qangxenw. Derr id vaiw qongw ee juxdee si siongrder. Ix kauxjaii jin' hyw, danrsi guaw tniax qaxx huex qyqyy, qinvunw m jaix ix decc qongw sniaw. Qamxx qongxx ix decc qongw :ee, si jit quaw viw jiongww ginhyy qyckacc dua, viw crur-guanjuxliap qyckacc ser ee ywvir? Iacc si Iahyhuaa quanliam dirr <Quriog> mow jit qaidnua ee huatdenw? Iaxx si ix beh qra gunw qongw, ix dirr tenqog bad ham' mow langg u quer jit dnxua suzinn dam'ue?
Dng' ix qongw qaur jit qaidnua sii tingg lyc laii, anne qongw “beh qiyr guaw iong dersnajiaw dairbingsuu cinghox siongrder, hro guaw qamxqag jin' qankow.” (aurlaii guaw qra jitt hxang su qongw hro G.SCHOLEM tniax, “jitt xee langg jongxsi u sii qongw qaxx duiww snax-vah lixlo kir.” anne huee guaw.)
Juewau, guaw dongr be diauu, giac ciuw. BUBER jin' keckir mng “ cniaw mng liw u sniaw bunrdee?”
”Liw iong ee jit zri guaw vingrr byy liauxqaiw hitt xee iwgi.” guaw qongw.
”Dycc jit zri?”
“Siongrder” gauw dab.
”Liw byy bingvik 'siongrder' jitt xee zri ee iwsur?”
”Guaw byy liauxqaiw liw qongw ee siongrder si sniaw iwsur, duxx aw liw qongw, siongrder si cangwbih ix ee bin, danrsi guaw jiacc ui' Inwdo dngw laii, inx hiax ee langg qongw, inx suisii dy' qinggiam diyc siongrder ee bin.”
Guaw qamxqag jurqiw tec jng'axqag qra krenx .quer .kir.
“Liw si sniu beh jyr vixqaur?” jit hur itsinlun ee taiwser, lanw dog'iuw :ee. Qitnax sinwgiongw be u jitt jiongw tairdo.
Qaur liauw xe lexvaiwsnax amr, ix dramm diyc PHOENICIANS taii siw diongxjuw henr hro MOLOCH ee sewsiok, qongqig qaxx jin' lirhai; jap-go hunjingx au, itdit ylyw ABRAHAM qra inx ee dogsneqniaw ISSAC henrjer siongrder, qongw hex si jurr qxow qaur dnaxx byy langg viw e quer ee kensingg. Viauxhen cud ABRAHAM si zuarr liauxvutkiw lehh.
Jitt vaiw, guaw qycc si zimxvutju, jaiww qiac ciuw, mng qongw “ BUBER poksu, lanw beh jnuaxngiu hunvet sinsingr/ siaog ee diauwhuanr?”
”Liw qongw jitt xee ue si sniaw iwsur?”
”Jap-go hunjingx jingg guaw jiacc tniax liw jikjue PHOENICIANS qra duarhanwqniaw jrer sinbingg; ABRAHAM jyr liauw qangrkuanw ee dairjir kiokk hro liw ylyw qaxx e dag jic, sewqanx byy derr zi langg cniurr ix hiacc janw.”
Liw qamxx jaix ix jnuaxngiu dab?
”In'ui lanw siongsinr, ABRAHAM anne jyr, si siongrder cincuir huanhur :ee.” jex si ix ee dab. Itsinlun ee jongqaur siarqunn dirr cuxliw sinue sii ee movne: byy qra sinue knuawjyr sinue, qra dongwjyr sursit. Danrsi narr qra sinue sursidhuar au ee dongsii, ix luerhamm ee sinwsid dyrr lrauu byy .kir, cunx :ee jixsirr jit xee siongrdingx ee kangkag!
Dyrr si in'ui qra sinue jyr sursit, jingwqauwtuann jiacc e vutjunw zimrhylangg qongw “ guaw si ham' ve hab'id :ee” anne ee ue, itding beh qra langg liac kir pnuar sixhingg. Siysiw ISLAM sinviwjuxgirjiaw HALLAJ, ix qandna' qongw liauw jitt qxur ue “guaw ham' guaw ee aiwzinn (jriw jinjuw ALLAH) si hab'id :ee” guaw e qir .did, hyxciucniuu si HALLAJ anne qongw .quer : jingwqaur kuan'uix ee qonglingg si buanxjiog sinviwjuxgirjiaw ee snacsimx. Jex si in'ui, dng' liw qra sinviwjuxgirjiaw cuxquad hro siw, dongsii kiokk buanxjiog liauw ix ham' siongrder lenqed ee qitai.
Jitt xee kiongxvor ee qowsu, bad qik quansniadiau hiangxliang .quer jerje sewqiw, jerje langg virr uac ~ siysiw.
Vutqyr, liw narr quer liauw SUEZ Unrhyy, kir qaur danghongx, dyrr e huathen, hiax jongqaur bogdig, si uirr hro langg texzin .diyc, liw jurqiw si liw soxx jauxcue ee jiwsingwjiaw. Ngua jit qxur qongw, jitt xee sewqair u nng jiongw jongqaur, jit jiongw si hab'id singr jongqaur (RELIGIONS OF IDENTIFICATION), liw ham' jiwsingr :ee si qang jit xee; jit jiongw si quanhersingr jongqaur (RELIGIONS OF RELATIONSHIP), liw ham' jiwsingwjiaw si siongduir :ee, si junjai mow jiongw quanhe.
GUARTAIWKONGX EE LUERJAI TAIWKONGX
Campbell : Derr zi zit u jit xee bunhagqair siongdongx u derui ee langg laii cue guaw, ix jin' kiauw, marr si jit xee AGNOSTICISM (juxdniux siongrder uanjuann ciaucud zinlui zinrdix ixgua), mng guaw, “Liw qamxx u kyxlingg si AGNOSTICISM?”
”Guaw jaix :ee je qaxx hro guaw bersaih jyr AGNOSTICISM.” gauw rinr.
Guaw soxx jaix :ee, si soxu jiaxee iwsiong dy' si unxqamm ee vixzu. Muixx jit xee dy' u ix unxhamm ee iwgi, sinue amwviw soxx cangwbih ee iwgi si ham' langg luerjai lingsingr ligliong iuxquanx. Zuqyw jit xee tuandyrjiaw byy qra unxqamm ee amwsi iwgi suecbingg, anne ix soxx tuann :ee, si qew ligsuw/ qew siarhuerhak. Ersaih qongw, jitt xee sewqair jin' jiyw jinjniar jongqaur.
Mrqyxx, guaw qycc erdangr jyr sniaw? Ui'id si lingrgua siaw jit vunw ceh. Guaw jixhyw qra dongsii dngdecc jinwhingg ee dua qewik --- <Sewqair Sinue ee Ligsuw Derdoo (HISTORICAL ATLAS OF WORLD MYTHOLOGY)> --- jiamrsii anwha, kir siaw lingrgua jit vunw, hibang erdangr qinw ~ qra uansingg.
Brown：Jex qamxx si liw siaw <THE INNER REACHES OF OUTER SPACE> ee iulaii?
Campbell : Guaw siaw jitt vunw ee sii, lueriongg jin' jurzenn ui' guaw hingkamw lrauu cud laii, ceh siaw uann sii, guaw be qir did siaw liauw sniaw. Incuw, m qnaw vyxjingr guaw erdangr ham' liw dramm sniaw. Vutqyr, guaw sniu jit xe, zuqyw byy qir m driyc, jitt vunw ceh ee bogdig si uirr biyue unxqamm si jnuaxngiu virr unriong, e sniu beh siaw ee liamrtauu, si guaw huathen jit vxag NAVAHO sua'ue cuthen siongrdingx ee hertongw, qinvunw dyrr ham' Inwdo jualik YOGA ee huhy texhe uanjuann qangrkuanw naxx laujurr qang jit xee ciahunn.
Jex hro langg qniax jit diyy, jitt nng xee bunhuar naxx tnix-de lamm-vag, byy kyxlingg u quer zimrhyy bunhuar-siong jiapciog. Inx iong ee siongrdingx gixgenn, qra lanw suecbingg zinlui simlingg siongrdingx hertongw, NAVAHO INDIANS bingvik jitt xee henrsiong ee iwgi, inx ee sua'ue dyrr si qar lanw jnuaxngiu cam'uw qidiongx, jiaxee siongrdingx e jnuaxngiu duiww lanw kiw jok'iong.
-----------------------------------------------------
Lanw siongrr quann ee sinbingg (HIGHEST GOD), si lanw siongrr dua jongwgai, dairviauw lanw ee susiongw/ qamxjingg erdangr drat qaur ee qighan. Liw rair ciauuat quer. ECKHART soxx qongw “jiongqik qaix likui :ee si Siongrder, qaix cruw diyc :ee, si binsiok ee sinn --- qivunw guansiw ee quanliam.”
---- Campbell ---
Jitt vunw ceh ee derr id jniux jin' dngg, cuxliw :ee si guartaiwkongx ee luerjai taiwkongx. Jiyh jniurliok guehqiuu jyr cetzibdiamw. Lanw jitmaw ixqingx u jit vxag qapp quewkir uanjuann byy qang ee uxdiu qewigdoo, dirr jitt xee doo-lai, uxdiu si vah-bxan ginhyy josingg, muixx jit xee ginhyy, juadduir byy viw lanw jitt xee ginhyy kacc ser. Narr si anne, lanw zuhyy binrduir Iasox singtenx, MARIA jairsikluw huaiin ee qowsu? M si qra dongwjyr vehcat danr driau, dyrr si qra knuawjyr siongrdingx. Guaw zinruii inx si duiww lanw luertaiwkongx (INNER SPACE) tamwhiamw ee siongrdingx. Sinue ee iwsiong qra lanw ee luertaiwkongx viauxhen jyr guarjai, kiokk ersaih cimzip qaur ix ee lairbin, itdit qaur snewmia ee guantauu/ jun'iuw ee qinvun qide.
Jitt vunw ceh ee dahuertauu “sinue qapp sinkux”, jitt kaisiw jixcud, guaw qivunw zinrding, sinue si langg singbudsingr ee jit xee hamsor, sinue sursit-siong si tuisag hitt xee sehsec liam ee iwsig lingliong. Lingliong ee honghiongr, juann si iu' sinkux kiwquanx quatding, byy qang kiwquanx ee iwhiongr vingrr m si uanjuann qang, jiacc e u mocad/ byy dauwdah ee sii. Sinue ee qong'iong si hro lanw ee iwsig erdangr ham' lanw jun'iuw ee qindew hyhaii itdir, ham' jurzenn --- lanw ee sinkux --- hydangg siyqing. Jitt xee sinkux, vunxsinx dyrr si ywvir ee denxhen.
Jex si jit xee dua juxdee. Dng' liw juanxhiongr ix, dag diyc ix zimrhyy jit bin sii, ix dyrr e packuix, hiongr liw denxsi jit quaw sinx ywvir. Vutqyr jendee si, liw diyh'air duisuii ix unxqamm iwgi, m si jiauww zirbin iwsur (DENOTATION). Zirbin iwsur si be kiw jok'iong, ix jixsirr ix jurqiw ziiw. Guaw iycsniu, jerje sinjid zinsu qencii iauqiuu sinwdoo rair byy quanw itcer siongsinr inx qongw ee hitt tyr, si jaix zirbin iwgi si byy lat ee, kiokk byy liauxqaiw qaixtok sinue iwsiong ee unxqamm iwgi.
Kyxlingg si duiww amwviw iuxsow liauxqaiw, guaw jiacc erdangr ham' Tenjuxqaur --- jurr sewhanr dyrr dirr qidiongx jauxsec ee jongqaur --- huatdenw cud sinx :ee, u uahlat ee quanhe. <Singwqingx> soxx qongw ee itcer, dy' si huatsingx dirr nng-cingx nii jingg qitnax soxjai ee qitnalangg srinx-siong. Duhuix liw erdangr qra dongwjyr siongrdingx laii tak, narr byy, inx ham' liw si byy quanhe ee. Vixzu, zuqyw liw berdangr qra Iasox sixbongg/ qyc'uac ee juxdee knuawjyr liw jurgnow ee sixbongg, sinsingr qyc'uac ee siongrdingx, inx duiww liw si byy zimrhyy iwgi.
Siongrbuew jit jniux --- guaw zinruii si siongrr jingcaiw :ee --- si kanciuw ee jit qxur ue kaninw cud ee. U jit zit, gunw dramm diyc jitt hongbin ee uerdee sii, ix qongw “sinviwjuxgirjiaw ee dy ham' gersudqax ee dy huisiongg luirsu, ui'id ee hunvet jixsirr sinviwjuxgirjiaw byy cniurr gersudqax hitt ngiu, su'iaur jiangxag qige.” Guaw zinruii, qige duxx si sinviwjuxgirjiaw ham' gersudqax ee vundyrcuir. Gersudqax li be kuix qige/ li be kuix sewqair; sinviwjuxgirjiaw dirr dngxsec-diongx sitkir diongrsimx, siangkax suacc li de .kir. Soxiw qongw, gersut qingxqair jancur viw sinviwjuxgi kacc quann. JEAN jit qxur ue dy' qongw diyc diongrdiamw.
--------------------------------------
Sinue si siongrdingsingr ee iwsiong qapp biysuad soxx qowsingg ee jit xee texhe, iong unxhamm ee hongsid, viauxdat cud mow xee digding siqanx/ bunhuar soxx kuriuw ee kyxlingsingr qapp henrsidsingr. Sinue si jit xee amwviw, siongrder/ tensair/ lenrgik jiaxee longxx si amwqamm vixzu.
--- Campbell, <NEW YORK Sivyr> juanhongw, 1985 zi-guec