Snakabok huan'ik
1994 nii 6 guec 25 zit
Derr zi vaiw Daiuann zinbinn jewhenr huergi tongquer
Lanw Daiuanlangg lairdew ee guanjurbinn, ixjaw juriuu jurjai dirr Daiuann snuaiaw dingxquann sing'uac; jairr gua ee qokk hanwgiw hxe jogqunn, uirdiyhh tuatlii vogjingr, jenwluan qapp sanwciah, duiqiuu kacc hyw ee sing'uac jiacc jingg au laii qaur Daiuann singjunn huatdenw.
Qinglik quer guarlaii jingwquann dngqii ee apvik tongxdi, Daiuann binjok ixqing' qakcniw ar. Gunw quatsimx beh ixx qaqi ee ligliong, uirr iho zinsingr ee jun'giamm, vyxui qokqax anjuann, kakvyw siarhue anlingg, sidhen siarhue qong'gi, vyxjiongx jitt jit dai ixqip dai dai qniaxsunx ee juriuu, binjuw, hingrhog qapp hyvingg, kixjy doglip jurjuw ee henrdai qokqax, juanqangx jewding vunw Daiuann Qiongrhyqog Henwhuad.
Derr Id Jniux Jongxqangx
Derr Id Diauu
Daiuann qiongrhyqog uirr duiqiuu zinsingr jun'giamm, juriuu binjuw, jogqunn vingdingw, siarhue qong'gi, sewqair hyvingg, juxquann doglip ee qokqax.
Derr Zi Diauu
Daiuann qiongrhyqog ee juxquann siog'ii juantew qokbinn.
Derr Snax Diauu
Huanrnarr kuriuw Daiuann qiongrhyqog
qokjik ee langg jniajyr Daiuann qiongrhyqog ee qokbinn.
Derr Sir Diauu
Daiuann ee niaxtow vauquad Daiuann vunxdyw, Pnioo qundyw, Qimmngg, Maxjow, huwsiok dyxsu qapp qokqax quanlik soxx dadqaur ee qitax derkux.
Niaxtow ee venwqingx diyh'air jiauww jurbinn jurquad guanjig.
Derr Go Diauu
Qokqii, qokhuix qapp qokquax ixx huatlut jewding.
Derr Zi Jniux Qokbinn ee quanli qapp girbu
Derr Lak Diauu
Vunw jniux ledquw ee qivunw quanli kusog libhuad, suhuad qapp hingjingr, acc jniajyr didjiab iuxhau ee qokbinn quanli, narr byy qingquer huatlut jingwdongx tingsu, berdangr qra cimhuan. Narr siurr huihuad cimhuan ee sii, qokbinn u dixkongwquann.
Qokbinn ee qywzinn zinqeh qapp jun'giamm juadduir bedangr cimhuan. Jundiong ham' iho qywzinn zinqeh qapp jun'giamm si qokqax qiquanx ee girbu.
Derr Cid Diauu
Qokbinn dirr huatlut siong itlut vingdingw, berdangr in'ui singwvet, jingxjok, huectongw, gixgenn, jongqaur, jitgiap, dongxpair, qadingg, derhik, qauwiok dringw acc sriu kisi iacc si hiongxiuw digquann.
Derr Veh Diauu
Qokbinn u qxuann hiongxiuw sniwmia, juriuu qapp zinsinx anjuann.
Derr Qauw Diauu
Zinrinx juriuu diyh'air vyxjiongx. Druu henrhinghuan ee dairvow iu' huatlut lingrgua jewding ixgua, narr byy qingqer suhuad iacc qingwcad qiquanx xix huatding tingsu cruw did sosig piyr iacc kupiyr, berdangr simxmng cuxhuat; narr byy xix huatding tingsu ee sosig, dairvow, kuqimr, simxmng, cuxhuat erdangr qra qurjuat.
Dairvow kuqimr qiquanx dirr diaurjax iacc simxmng huanrjue hiamgii langg jingwjingg, diyh'air sui' qra qywdix vyxcii qikdiam qapp cingxqiuu uixtog ludsux ee quanli; narr byy, virhiamgizinn ee jurvik byy hau, hitt hxang jurvik berdangr jyr dingrjue ee jingwqur. Hro virr dairvow kuqimr ee langg iauqiuu ludsux hiabjo ee sii, dairvow kuqimr qiquanx diyh'air sui' tingjiw jingsinr iacc simxmng.
Qokbinn rinx huanrjue hiamrgii hro langg dairvow kuqimr, hiaxee dairvow kuqimr qiquanx diyh'air sui' qra dairvow kuqimr ee guaninx, ixx subinn qywdix vunxlangg iacc vunxlangg jixding ee cin'iuw; vingrr siongrr ban dirr 24 diamxjingx lai isangr qaix-quanw ee huat'ngi simxmng. Vunxlangg iacc si qitalangg marr erdangr qra qaix-quanw huat'ngi sniabingg cingxqiuu, iacc huat'ngi diyh'air xix jitquann dirr 24 diamxjingx lai hiongr dairvow ee qiquanx tesimw.
Huat'ngi duiww jingg hxang snia'cingw berdangr qurjuat, vingrr berdangr singx bingrling dairvow kuqimr ee qiquanx jahok. Dairvow kuqimr ee qiquanx, duiww huat'ngi ee tesimw, berdangr qurjuat iacc encenn.
Qokbinn jysiu zimrhyy qiquanx huihuad dairvow kuqimr ee sii, ix vunxlangg iacc qitalangg erdangr hiongr huat'ngi snia'cingw duiqiur, huat'ngi berdangr qurjuat, vingrr diyh'air dirr 24 diamxjingx lai hiongr dairvow kuqimr ee qiquanx duiqiur, xix hxuad cuxliw.
Derr Jap Diauu
Hingsu anwqnia ee virqyr, dirr iaxx be virr pnuawquad u jue ixjingg, diyh'air knuawjyr byy jue.
Hingsu anwqnia ee virqyr iacc dairlixzinn u iauqiuu qongkaix qongvingg simxpnuar, vingrr uixtog ludsux venrho ee quanli.
Qokbinn berdangr qiongg qax zimrhyy hingqiuu, iarr berdangr dirr hingsu anwqnia diongqanx virr vig jyr hro qaqi vutli ee dinsut; iacc si rinx siurr kydnaw, voglik, uihiap, vuthuad en'dngg dairvow, iacc si rinx kijar ee honghuad suacc virr vig jurvik; narr jniajyr hro qaqi vutli ee uirid jingwqur, hiaxee jurvik berdangr caixiong jyr dingrjue ee jingwqur, iarr berdangr anww hiaxee jurvik qra cuxhuat.
Hingsu anwqnia ee virqyr, erdangr qurjuad jniajyr vutli qaqi ee jingwzinn iacc jingwqur; erdangr iauqiuu qapp duiww qaqi vutli ee jingwzinn duiwjid.
Zimrhyy langg narr dirr ix hinguii huatsingx ee sii habhuad, iacc si ixqing' suanqyr byy jue, byy hurjig hingsu siong ee jikzim. Qangg jit huanrjue iarr berdangr hro ix qycc hurjig hingsu siong ee jikzim. Cuxhuat berdangr kacc dang quer hinguii sii ee huatlut quiding.
Derr Jap-id Diauu
Jursow berdangr cimhuan. Sosig jursow rair u huatqnuax qurmiaa ee sosig piyr vingrr dinsut lixiuu.
Derr Jap-zi Diauu
Qokbinn u cingxguan, sowguan qapp sowsiong ji' qxuann.
Druu henriah qunzinn huan diyc qapp qunsu iuxquanx anwqnia ixgua, zimrhylangg bedangr siurr qunsu simxpnuar.
Derr Jap-snax Diauu
Qokbinn ee qokjik berdangr qra vakduat. Qokjik ee songsid diyh'air anww huatlut, narr uihuanw dongsurzinn ee iwsur, diyh'air hanrjer bedangr hro ix anxnex venwjyr byy qokjik.
Qokbinn berdangr virr ku'dak cutqingw.
Qokbinn berdangr virr inxdo qaur qokgua.
Derr Jap-sir Diauu
Qokbinn u dirr qoklai iacc qokgua vnuasuaw ee juriuu.
Qokbinn huee qog zibqingr berdangr ixx zimrhyy lixiuu qra hanrjer iacc vakduat.
Derr Jap-go Diauu
Qokbinn u xix hxuad ingwkyw, hogbu qongjid ji' qxuann.
Derr Jap-lak Diauu
Qokbinn ee susing'uac, qadingg, jurtec, tongsinr berdangr suigven qansiap.
Qokbinn ee bing'u qapp ing'u berdangr qra qongqig. Qokbinn u qxuann hiongxsiu huatlut vyxho, ixx benw siurr jitt kuanw qansip iacc qongqig.
Qokbinn u unxsuquann, berdangr qra cimhuan.
Derr Jap-cid Diauu
Hun'inx quanhe ixx angaxbow hiongxiuw qangdingw quanli jniajyr qivunw guanjig. Quanhe suanxdik puewngow, jairanxquann, qewsingg, suanxding jursow, lihunx, qamwho juxluw qapp qitax quanhe hun'inx qapp cinsiok surhang ee huatlut, diyh'air ixx qywzinn ee jun'giamm qapp liongxsingr vingdingw ee guanjig qra jewding.
Derr Jap-veh Diauu
Qokbinn u susiongw, liongrsimx, jongqaur cam' sinwiongw ee juriuu. Jitt hxang quanli vauquad dandog iacc jibtew sidhingg qauwgi uahdong ee juriuu.
Derr Jap-qauw Diauu
Qokbinn u genlun, cutvanw, jibhue, qetsia qapp qitax iwjir viauxhen ee juriuu. Su jingg qiamxjax iacc puejunw diyh'air qimwjiw.
Derr Zi-jap Diauu
Hagsut juriuu diyh'air vyxjiongx.
Sulip haghau ee setlip diyh'air qoxle.
Qonglip dairhak diyh'air siog'ii huatzinn.
Dairhak ee qauwsiu dri hrau qapp hagsingx jurdi, diyh'air libhuad qra vyxjiongx.
Derr Zi-jap-id Diauu
Qokbinn u jaix ee quanli qapp jiapsiu qongqiong jusinr, ixqib suxiong dairjiongr tuanvyr muiqair ee juriuu.
Jingwhuw, jingwdongw berdangr liongxdng dairjiongr tuanvyr muiqair.
Dairjiongr tuanvyr muiqair berdangr iu' qunsu qiquanx daujux iacc qingingg.
Derr Zi-jap-zi Diauu
Dyguann singr ee bunhuar qapp dygiw jingwcig diyh'air sriu vyxjiongx. berdangr qiongjer tuihingg dan'id tongiong gixgenn iacc kisi qitax gixgenn. Qauwiok diyh'air ixx dygixgenn jingwcig jyr guanjig. Vingrr ixx huatlut jewding.
Derr Zi-jap-snax Diauu
Qokqax diyh'air jinrlik dirr qauwiok, bunhuar, texiok ji' tuihingg, jiongxle kyqix ee congwjy qapp huatbingg, vyxho ligsuw qapp gersut bunrbut.
Derr Zi-jap-sir Diauu
Qokbinn u sriu qauwiok ee quanli.
Verbuw qapp qitax huatding qamwhorzinn u hro birsinglenn juxluw jiapsiu qonghuir huatding qauwiok ee girbu.
Sinsimx jongwgai ee langg u sriu qonghuir digsu huatdingw qauwiok qapp jiurgiap huxdy ee quanli.
Qokqax diyh'air jewding jiongxjo vanrhuad, hiabjo qokbinn jiapsiu qydingw qauwiok.
Derr Zi-jap-go Diauu
Singjunquann diyh'air vyxjiongx.
Nilau, Ni'iur, duawsinlangg qapp iogngeaw buxcinx, sinliw iacc simliw jongwgai ee langg, qapp qitax ziogser qokbinn, diyh'air xix zindy guanjig hro inx sikdongx vyxho.
Qokqax duiww sanxde soxjai, jiyxso jogqunn diyh'air hro qauwiok, bunhuar, siarhue hokli, uersingx, iliauu, qautongx, juixli qapp qitax sing'uac song ee digvet jiauwqor.
Qokqax diyh'air sidhingg juanbinn qenrkongx, niqimx, jitgiap jaihai, sitgiap vyxhiamw dxingw siarhue hokli qapp siarhue anjuann jewdo.
Duiww hurluw, zidongg, laurlangg, siongjann, bylat sing'uac qapp sriu huisiongg jaihai ee langg, jingwhuw diyh'air qra sikdongx ee hurjo qapp qiuwjer.
Siarhue hokli qapp siarhue vyxhiamw ursngr ji' dew han, diyh'air ixx huatlut jewding.
Qokqax diyh'air libhuad vyxjiongx vnirlangg ee quanrig.
Derr Zi-jap-lak Diauu
Qangjokquann diyh'air vyxjiongx.
Qokbinn diyh'air hro cam'uw qingjer lydong, cruw did sing'uac vitsux juguann ee qihue.
Huanrarr rinx vnirziok, siongjann iacc qitax jingwsiongg lixiuu byy tangx hro inx sikdongx lydong qihuer ee langg, duiww inx sing'uac rair jyr vitiaur ee jiauwqor. Duiww u iwguan qangjog ee siongjann ee langg, qokqax diyh'air jikqig hiabjo inx jidlingg hunwlen, jiurgiap, vingrr vangjo qaixsen qangjog kuanqingw, iacc si hiabjo cruw did erdangr vangjan kangker ee digsux qangku tangx hro cam'uw qingjer uahdong.
Iuxquanx qokbinn lydong ee qangjux, qangsii, hiusid qapp qitax lydong diauqnia ee viaujunw, diyh'air huxhap qenrkongx sing'uac ee suiaur, vingrr ixx huatlut jewding.
Derr Zi-jap-cid Diauu
Qokk jiongw lydongrjiaw hiongxiuw tuanqetquann, tuantew hiabsiongquann, lydong jing'girquann, cam'uw quatdingrquann qapp qitax tuantew hingdongrquann.
Zimrhyy hanrjer iacc vakduat lydongrjiaw jensut quanli iacc u jiaxee iwdoo ee cywsix, diyh'air siog'ii uihuad.
Lyrdongrjiaw jensut quanli dirr zimrhyy jinghongw ha, narr byy lyhongx dong'ir iacc huat'ngi caiquad, longxx berdangr ixx iho qongqiong lirig, siarhue didsu uirr lixiuu, laii qra qionger hanrjer iacc si vakduat.
Derr Zi-jap-veh Diauu
Kuanqingxquann diyh'air vyxjiongx.
Qokbinn qapp jingwhuw u girbu iho singtair qapp kuanqingw, ixx kakvyw ingxuanw sithap juantew qokbinn ee qiju qapp singjunn.
Qokqax jingwcig qapp kaihuad hinguii berdangr honghai singtair qapp kuanqingw ee ingxsiok iho.
Qokbinn hiongxiuw qenrkongx, anjnuann sing'uac kuanqingw ee quanli. Sing'uac qapp qangjog kuanqingw ee pinxjid viaujunw, diyh'air ixx huatlut jewding.
Kuanqingw qapp juguann ee qingingg suxiong, qokbinn u qxuann cam'uw quatding qapp qamwdog.
Derr Zi-jap-qauw Diauu
Jaisanxquann diyh'air vyxjiongx, lueriongg qapp hanrjer ixx huatlut qra jewding.
Jaisanw ee suxiong diyh'air hurdamx siarhue jikzim; jaisanw ee hunpuer, bexbe, liriong diyh'air qor siarhue qongig; ixx hongjiw dauqix liongxdng guihai siarhue qongig.
Suzinn jaisanw ji' jingsiux diyh'air uirr qongig, vingrr ixx huatlut tingsu jyr habliw ee voxsiongw.
Hingsuranr ee virqyr, qapp ix huanrjue sursit byquanx ee tanwjiac qangjog juqeh qapp jaisanw, berdangr virr vakduat iacc bogsiux.
Derr Snax-jap Diauu
Suanxdik jitgiap ee juriuu qapp qingingg juriuu, diyh'air siurr vyxho.
Qokqax diyh'air jewding jingwcig, habliw vyxho vingrr jiongxle longg hii giap, ixx ciokjinr sanxgiap ee vingqunx huatdenw.
Derr Snax-jap-id Diauu
Huanrnarr Qokbinn ee qitax juriuu qapp quanli, byy honghai qongqiong hokjiw :ee, longxx siurr henwhuad ee vyxjiongx.
Derr Snax-jap-zi Diauu
Ixsiong ledquw ee juriuu qapp quanli, druu uirr qongqiong hokjiw soxx vitiaur :ee ixgua, bedangr ixx huatlut qra hanrjer.
Jingg hxang huatlut hanrjer, diyh'air bingsi ix soxx hanrjer ee qivunw quanli ham' iuxquanx diaubunn.
Derr Snax-jap-snax Diauu
Qokbinn ee qivunw quanli jysiu cimhai ee sii, u qxuann cingqiuu qokqax huatdingg iacc zinquann qiquanx hro u hau ee voxqiur.
Derr Snax-jap-sir Diauu
Qongbu ziguann cimhai qokbinn ee juriuu iacc quanli :ee, druu xix hxuad sriu dingqair ixgua, diyh'air hurjig binsu qapp hingsu jikzim. Virhairzinn vingrr erdangr jiurr soxx sriu sunxhai, xix hxuad hiongr qokqax cingxqiuu vuersiongw.
Derr Snax-jap-go Diauu
Qokbinn u xix hxuad labsuer, hogbu ving'iah ee girbu.
DerrSnax-jap-lak Diauu
Guaqoklangg druu huatlut lingrgua quiding ixgua, qapp qokbinn hiongxiuw qangdingw ee juriuu qapp quanli.
Derr Snax Jniux Qongbinquann
Derr Snax-jap-cid Diauu
Qokbinn buanw jap-veh huer, u xix hxuad hingsuw suanxquw, varbenw, congwjer, hogquad qapp qitax hongsig camcab iacc quatding qokqax surbu ee qongbinquann.
Derr Snax-jap-veh Diauu
Hingsuw qongbinquann ee daupiyr, diyh'air ixx poxtongx, juriuu, vingdingw didjiab qapp viwbit ee hongsig decc jyr.
Derr Sna-jap-qauw Diauu
Qongbinquann ji' hingsuw, iu' diongiongx, dox, quanrci iacc qangqib derhngx jurdi tuantew qapp hiongdinr cirkux iacc qangqib derhngx jurdi tuantew ee qongbinquann uixguanhue, hurjik qui'ue, jiphingg qapp qamwdog.
Qokk qxib qongbinquann uixguanhue uixguann, iu' qokk qxib hingjingr qiquanx siuxdniuw temiaa, qokk qxib binir qiquanx dongir ixau zimrbing.
Qongbu zinguann qapp qokk qxib binir dairviauw bedangr qiamzim qongbinquann uixguanhue uixguann, qangg jit qongbinquann uixguanhue qangg jit jingwdongw dongxguann bedangr ciauquer snax hunx ji' id. Qokk qxib qongbinquann uixguanhue ee jojid ixx huatlut jewding.
Derr Sir-jap Diauu
Qokk qxib qongbinquann uixguanhue, diyh'air ciaucud dongxpair qapp qywzinn lirig ji' gua, xix hxuad doglip hingsuw jitquann.
Derr Sir-jap-id Diauu
Jingwhuw duiww qongbinquann ee hingsuw diyh'air xix hxuad sidsix qonghuir voxjo, vingrr iho qongvingg suxiong tuanvyr muitew qapp qongqiong setsix ee quanli.
Derr Sir Jniux Jingwdongw
Derr Sir-jap-zi Diauu
Qokbinn erdangr juriuu jojid jingwdongw, camcab jingwdongw uahdong.
Derr Sir-jap-snax Diauu
Jingwdongw ee jojid qapp uahdong, diyh'air junsiuw binjuw guanjig.
Derr Sir-jap-sir Diauu
Jingwdongw bedangr dirr qongbu qiquanx setlip dongxvo. Narr dirr qokk qxib binir qiquanx.
Derr Sir-jap-go Diauu
Jingwdongw diyh'air qongvingg qingwjingx, vingrr berdangr dogjiamr, liongxdng iacc iusenx suxiong qokqax juguann.
Druu huathingg qiquanx kanbut ixgua, jingwdongw bedangr daujux iacc qingingg zimrhyy ingli surgiap.
Derr Sir-jap-lak Diauu
Jingwhuw diyh'air xix qokk jingwdongw suanxqiw ditpiywsor voxjo qinghuir, jiaxee vanrhuat ixx huatlut jewding.
Qongjid haursuanxzinn qapp jingwdongw, inx jingwdi juqimx ee quanxliw qapp qongkaix, diyh'air ixx huatlut jewding.
Derr Go Jniux Jongxtongw
Derr Sir-jap cid Diauu
Jongxtongw jniajyr qokqax guansiuw, duiww gua dairvaiuw qokqax.
Derr Sir-jap-veh Diauu
Hingjingwquann siog'ii jongxtongw.
Diongiongx qokk vorhue ee jojid qapp jitquann, iu' huatlut jewding.
Derr Sir-jap-qauw Diauu
Jongxtongw juxcii qokbu huergi.
Qokbu huergi ee dongzenn singguann dyrr si qokk vorhue siuxdniuw.
Derr Go-jap Diauu
Jongxtongw si juanqog lioghaixkongx samqunx ee juewqyx tongxsuer.
Derr Go-jap-id Diauu
Jongxtongw diwqed diau'iog, diyh'air qingquer qokhue girguann nng hunx ji' id ixsiong ee dongir, jiacc erdangr singhau.
Derr Go-jap-zi Diauu
Jongxtongw diyh'air qingquer qokhue girguann snax hunx ji' zi ixsiong ee dongir, jiacc erdangr duiww gua suanjenr.
Derr Go-jap-snax Diauu
Jongxtongw xix hxuad u hingsuw duarsiar, digsiar, qiamxhingg qapp hogquann ji' qxuann.
Derr Go-jap-sir Diauu
Jongxtongw erdangr xix qinxqib bingrling hxuad suanvor qaiwgiamm.
Qokhue dirr suanvor qaiwgiamm ixau, diyh'air jurdong jibhue, narr qingquer qokhue girguann snax hunx ji' zi ixsiong dongir qaixgiamm, erdangr rii cniaw jongxtongw qaixgiamm.
Derr Go-jap-go Diauu
Jongxtongw zimrbing qokk vorhue siuxdniuw, vingrr xix hxuad zimrbenw bunbuw qnuaguann.
Qokhongg vordniuw rair iu' bunzinn danzim.
Henriac qunzinn bedangr juanxzim bunqnuax.
Derr Go-jap-lak Diauu
Jongxtongw xix hxuad siuruw ingdenw.
Derr Go-jap-cid Diauu
Jongxtongw diyh'air hiongr qokhue tee cud nido qokjingg jubunn.
Qokhue erdangr ixx nng hunx ji' id ixsiong ee dongir, iaucniaw jongxtongw jiurr diongrdai bunrdee qaur qokhue tee cud vywqyr.
Derr Go-jap-veh Diauu
Qokbinn buanw sir-jap huer, dirr Daiuann cutsir, iacc dirr Daiuann setjip jap-go nii ixsiong ee langg, erdangr virr suanw jyr jongxtongw, huwjongxtongw.
Henriac qunzinn, jitgiap qunzinn tewiac byy buanw lak nii berdangr hro langg' suanw jyr jongxtongw, huwjongxtongw.
Jongxtongw, huwjongxtongw iu' juanqog qongbinn didjiab suanxqiw sanxsingx, zimrqii sir nii, lensuanw erdangr lenzim jit vaiw.
Derr Go-jap-qauw Diauu
Jongxtongw diyh'air dirr jiurjid ee si suanser, sewsuu si qongw,
"Guaw qensimx ixx kensingg hiongr juanqog qokbinn suanser, guaw itding junsiuw vunw henwhuad, jinrdiongx jitbu, jingjinr qokbinn hokli, vyxui qokqax, byy qohu qokbinn ee uixtog. Qensimx libser."
Derr Lak-jap Diauu
Jongxtongw, huwjongxtongw ee suanxqiw, ixx iuxhau piywsor quer vnuar sxor ee langg dongwsuanw. Narr derr id vaiw daupiyr byy langg did iuxhau daupiywsor ee quer vnaur sxor, dyrr dirr derr id vaiw suanxqixzit au ee derr zi xee lexvaiw-lak qixhingg derr zi vaiw daupiyr.
Derr zi vaiw daupiyr qandna' iu' derr id vaiw did piyr kacc quann ee nng xee haursuanxzinn camqax, derr zi vaiw daupiyr ixx kacc quann piyr ee langg dongwsuanw.
Sinzim jongxtongw, huwjongxtongw ee suanxqiw, diyh'air dirr guanzim jongxtongw zimrjid buanxqii jingg lak-jap zit ixlai qixhingg.
Derr Lak-jap-id Diauu
Jongxtongw erdangr jiurr qokqax diongdai surhang, xix hxuad teqaux qongbinn daupiyr.
Derr Lak-jap-zi Diauu
Jongxtongw kuat'ui ee sii, iu' huwjongxtongw jiapzim jongxtongw zimrqii qaur guanzim buanw qrii narnia.
Jongxtongw, huwjongxtongw longxx kuat'ui ee sii, iu' qokhue girdniuw dairter hingsuw jitquann, vingrr dirr lak-jap zit ixlai qaixsuanw, zimrqii ixx voxjiog guanzim jongxtongw ee zimrqii qaur buanw qrii nania.
Jongxtongw u dairjir bedangr hingsuw jitquann ee sii, iu' huwjongxtongw dairter hingsuw.
Jongxtongw, huwjongxtongw longxx berdangr hingsuw jitquann ee sii, iu' qokhue girdniuw dairter hingsuw. Qokhue girdniuw dairter hingsuw jongxtongw jitquann qihan berdangr ciauquer snax guehzit.
Jongxtongw, huwjongxtongw kuat'ui iacc u dairjir berdangr hingsuw jitquann acc bedangr xix jingg hxang quiding dairter hingsuw jitquann ee sii, ix jitquann ee dairter sunrsu, lingrgua ixx huatlut jewdingg.
Danzim jongxtongw byy ciauquer nng nii ee langg, byy siurr vunw henwhaud derr go-jap-veh diauu derr snax hxang lenzim jit vaiw ee hanrjer.
Derr Lak-jap-snax Diauu
Jongxtongw druu luerluan guarhuan jue, iacc si qingquer danhig qaixjid ixgua, byy siurr hingsu siong ee duiqiur.
Derr Lak Jniux Qokhue
Derr Lak-jap-sir Diauu
Qokhue is qokqax juewqyx libhuad qiquanx.
Derr Lak-jap-go Diauu
Libhuatquann druu vunw henwhuad u lingrgua quiding, iu' qokhue hingsuw.
Derr Lak-jap-lak Diauu
Qokhue u girquad huatlud'anr, ursngwanr, quatsngwanr, duarsiawanr, suanjenwanr, qowhyanr, diauiok'anr, qaiwgiamanr, qapp danhik'anr ji' qxuann. Qokhue ee girquad, druu vunw henwhuad u lingrgua quiding, ixx huatding zinsor ji' quewvnuar sxor jniajyr tongquer.
Qokhue duiww jongxtongw zimrbing erdew qnuaguann u dong'iwquann.
1. Dairsair.
2. Jingvyr, diranx siuxdniuw.
3. Camboo jongxdniuw.
Qokhue dong'iwquann ee hingsuw, ixx huatding cutsik zinsor ee quewvnuar sxor jniajyr tongquer. Jongxtongw zimrbing qokk vorhue siuxdniuw jingwjingg diyh'air hiongr qokhue camsiongg.
Derr lak-jap-cid Diauu
Qokhue girguann jongxgiac nng-vah-jap xee langg, iu' juanqok qongbinn didjiab suanxqiw sanxsingx, jiaxee suanxqiw vanrhuad ixx huatlut jewding.
Derr Lak-jap-veh Diauu
Qokhue girguann zimrqii sir nii, muixx nng nii qaixsuanw nng hunx ji' id, lensuanw erdangr lenzim.
Qokhue girguann ee suanxqiw, diyh'air dirr muixx qair buanxqii jingg snax guehzit lai uansingg.
Derr Lak-jap-qauw Diauu
Qokhue sed girdniuw jit xee, iu' qokhue girguann diongqanx horsuanw. Sed huwgirdniuw nng xee, huwgirdniuw iu' qokhue sidcur jiamr derr id qapp derr zi je ee jingwdongw, qokk tuisuanw jit xee langg danzim.
Derr Cid-jap Diauu
Qokhue erdangr sed qokk jiongw uixguanhue, qokk jiongw uixguanhue erdangr sed siyxjox. Qokk jiongw uixguanhue qapp siyxjox erdangr iaucniaw jingwhuw zinguann qapp iuxquanx zinsu qaur hue camqax tniajingr.
Derr Cid-jap-id Diauu
Qokhue erdangr singlip juan'anr uixguanhue hingsuw diaujaquann, qycc qixhingg tniajingwhue.
Derr Cid-jap-zi Diauu
Qokhue duiww jongxtongw, huwjongxtongw, qokk vorhue siuxdniuw, henwhuad huatqnuax, dairsair, jiongwqib qunqnuax ee uihuat iacc sitjid ee dairjir, erdangr tee cud danhik'anr.
Qokhue duiww jongxtongw, huwjongxtongw ee danhik'anr, diyh'air qingquer qokhue girguann snax hunx ji' zi ixsiong tegi, sir hunx ji' snax ixsiong cutsik, qapp nng hunx ji' id ixsiong tongquer, vingrr qingquer henwhuad huat'ngi go hunx ji' sir ixsiong henwhuad huatqnuax cutsik, qapp go hunx ji' snax ixsiong tongquer, jiacc erdangr singlip.
Qokhue duiww qokk vorhue siuxdniuw, henwhuad huatqnuax, dairsair, jiongwqib qunqnuax ee danhik'anr, diyh'air qokhue girguann vnuawsor ixsiong cutsik, go hunx ji' snax ixsiong tongquer, jiacc erdangr singlip.
Derr Cid-jap-snax Diauu
Qokhue huerqii, muixx nii nng vaiw, qaqi jyr jibhue.
Derr id vaiw an' Zirguec ceid qaur Lagguec drew.
Derr zi vaiw an' Qauxguec ceid quar Jabzirguec drew.
Derr Cid-jap-sir Diauu
Qokhue duw diyc erdew jinghingg ji' id ee sii, erdangr kuix limsihue.
1. Jongxtongw ee jucniaw.
2. Qokhue girguann sir hunx ji' id ixsiong ee cingxqiuu.
Derr Cid-jap-go Diauu
Huatlud'anr qapp ursngwanr qingquer qokhue tongquer au rii sangr jongxtongw, jongxtongw diyh'air dirr siux diyc ixau jap zit lai qongvor.
Jongxtongw narr byy dongir qokhue tongquer ee huatlud'anr qapp ursngwanr, erdangr dirr siux diyc hex huatlud'anr qapp ursngwanr jap zit lai, rii sangr qokhue hog'gi. Hog'gi ee sii, narr qingquer qokhue girguann snax hunx ji' zi icii guann quatgi, hex huatlud'anr qapp ursngwanr sui' erdangr singlip.
Derr Cid-jap-lak Diauu
Qokqax siujix ji' quatsngr, iu' simxqer vxo xix hxuad doglip simxhik.
Simxqewdniuw diyh'air dirr jongxtongw tee cud quatsngr vywqyr jit quehzit lai uansingg simxhik, hiongr qokhue tee cud simxhik vywqyr.
Simxqewdniuw iu' qokhue girdniuw temiaa, qingquer qokhue dongir ixau zimrbing.
Simxqer vxo ee jojid qapp quanhan, ixx huatlut jewding.
Derr Cid-jap-cid Diauu
Qokhue girguann bedangr qiamzim qnuaguann.
Derr Cid-jap-veh Diauu
Qokhue girguann dirr qokhue lai soxx jyr ee genlun qapp viauxquad, duiww gua byy hu jikzim.
Derr Cid-jap-qauw Diauu
Qokhue girguann druu henrhinghuan ixgua, narr byy qokhue hixkyw, berdangr dairvow iacc kuqimr.
Derr Veh-jap Diauu
Qokhue ee jojid qapp girguann ee sinjux qiphur, ixx huatlut jewding.
Derr Cid Jniux Suhuad
Derr Veh-jap-id Diauu
Suhuatquann iu' henwhuad huat'ngi qapp juewqyx huat'ngi cam' soxx sriok qokk qxib huat'ngi hingsuw.
Derr Veh-jap-zi Diauu
Henwhuad huat'ngi jiangxliw erdew surhang:
1. Huatlut qapp bingrling ee uihenr simxjax.
2. Diongiongx qiquanx diongqanx ee quanhan jing'gi.
3. Diongiongx qapp derhngx diongqanx ee quanhan jing'gi.
4. Qitax henwhuad iacc huatlut quiding ee surhang.
Derr Veh-jap-snax Diauu
Henwhuad huat'ngi sed henwhuad huatqnuax qauw xee, iu' jongxtongw temiaa, qingquer qokhue dongir, qra zimrbing, zimrqii lak nii, erdangr lenzim nng vaiw.
Derr Veh-jap-sir Diauu
Juewqyx huat'ngi cam' soxx sriok qokk qxib huat'ngi simxliw erdew surhang:
1. Binsursowsiong.
2. Hingsursowsiong.
3. Hingjingwsowsiong.
4. Qitax huatlut quiding ee surhang.
Derr Veh-jap-go Diauu
Suhuat ursngr, iu' henwhuad huat'ngi qapp juewqyx huat'ngi qiongdongg hiongr qokhue tee cud laii.
Juewqyx huat'ngi jiurr huat'ngi ee jojid qapp iuxquanx suhuad ee huatlut, erdangr hiongr qokhue tee cud huatlud'anr.
Derr Veh-jap-lak Diauu
Huatqnuax diyh'air xix hxuad doglip simxpnuar.
Huatqnuax berdangr camqax jingwdongw qapp camcab jingwdongw uahdong.
Huatqnuax duiww ix simxliw ee anwqnia knuawjyr qokqax qiquanx cimhuan zinquann iacc qongbinquann ee sii, erdangr jyr uihenr simxjax; sik'iong huatlut narr junw u henwhuad gi'gi ee sii, diyh'air tingjiw simxpnuar, hiongr henwhuad huat'ngi snia'cingw uihenr simxjax.
Derr Veh-jap-cid Diauu
Huatqnuax narr byy siurr hingsu u jue kakding pnuawquad, danhik iacc siurr qimwdirsanw ee suanqyr, berdangr menxjid; narr byy xix huatlut, berdangr tingjid, juanxzim, qiamw sinhong iacc qiongjer tewhiux.
Derr Veh-jap-veh Diauu
Hingsu anwqnia ee id-simw qapp zi-simw erdangr caixiong snax-simw-jer.
Snax-simw-jer ixx huatlut jewding.
Derr Veh-jap-qauw Diauu
Henwhuad huat'ngi, juewqyx huat'ngi qapp ix soxx sriok qokk qxib huat'ngi ee jojid, diyh'air jiauww huatqnuax jurdi ee jingsinn ixx huatlut jewdingg.
Derr Veh Jniux Derhngx-jurdi
Derr Qauw-jap Diauu
Dox, quan, ci, hiongx, dinr, cirkux jniajyr derhngx-jurdi tuantew.
Qokhue erdangr ixx huatlut setding qapp dox, quanrci iacc hiongdinr cirkux qangg qxib ee derhngx-jurdi tuantew.
Derr Qauw-jap-id Diauu
Druu juanx sriok diongiongx jingwhuw quanhan ee surhang qapp singwjid siong diyh'air quisiok diongiongx jingwhuw cuxliw ee surhang ixgua, derhngx-jurdi tuantew u qxuann cuxliw hadkux lai ee zinsu, jaijingr, qauwiok, qingwjingr, juxqer qapp soxx u qitax surbu.
Derr Qauw-jap-zi Diauu
Derhngx-jurdi tuantew setlip hingjingr qiquanx qapp girhue, hunvet jiangxliw hingjingr surbu qapp libhuad surbu.
Derhngx-jurdi tuantew ee hingjingr siuxdniuw qapp girhue girguann, iu' qokk kuhik ee qongbinn didjiab suanxqiw.
Derr Qauw-jap-snax Diauu
Derhngx-jurdi tuantew ee qongbinn duiww derhngx-jurdi tuantew qxuann lai ee surbu, erdangr xix huatlut iacc quijniux, hingsuw congwjer, hogquad, qapp qitax didjiab binquann.
Derr Qauw-jap-sir Diauu
Derhngx-jurdi tuantew qapp diongiongx jingwhuw diongqanx ee jaijingr siujix uehhunx, diyh'air xix derhangx-jurdi ee jongjiw, ixx huatlut jewding.
Diongiongx jingwhuw qapp derhngx-jurdi tuantew diongqanx ee jaijingr jingcax, qapp derhngx-jurdi tuantew diongqanx ee jaijingr jingcax diyh'air ixx huatlut qra diaujingw.
Diongiongx jingwhuw duiww qingjer, qauwiok, bunhuar huatdenw kacc kunwlann qapp u digsusingr huatdenw ee derhngx-jurdi tuantew, diyh'air qra sikdongx ee voxjo.
Diongiongx jingwhuw uixtog derhngx-jurdi tuantew vanrliw siog'ii diongiongx jingwhuw quanhan ee surbu ee sii, diyh'air vuacqaux soxx suiaur ee qinghuir.
Derr Qauw-jap-go Diauu
Qokhue simxgi qapp derhngx jewdo iacc derhngx-jurdi surhang iuxquanx ee huat'anr ee sii, diyh'air sunrmng iuxquanx derhngx-jurdi tuantew ee iwqenr.
Derr Qauw-jap-lak Diauu
Qokhue simxgi qapp derhngx jewdo iacc derhngx-jurdi surhang iuxquanx ee huatlut ee sii, qokk qangg qxib derhngx-jurdi qiquanx, erdangr dirr huatlut tongquer ixau snax-jap zit lai, xix erdew ee quiding, cingxqiuu qaux hro juanqog qongbinn daupiyr viauxquad.
1. Snax hunx ji' zi ixsiong dox, quan, ci qapp qangg qxib derhngx-jurdi tuantew girhue ee dongir, iacc sir hunx ji' snax ixsiong ee dox, quan, ci qapp qangg qxib derhngx-jurdi tuantew hingjingr siuxdniuw ee tegi.
2. Nng hunx ji' id ixsiong hiongx, dinr, ci, kux qapp qangg qxib derhngx-jurdi tuantew girhue ee dongir, iacc snax hunx ji' zi ixsiong hiongx, dinr, ci, kux qapp qangg qxib derhngx-jurdi tuantew hingjingr siuxdniuw ee tegi.
Qokhue jewding sik'iong dirr digding derhngx-jurdi tuantew ee huatlut, diyh'air qingquer hiax derhngx-jurde tuantew ee qongbinn daupiyr dongir, jiacc sngr u hau.
Derr Qauw-jap-cid Diauu
Derhngx-jurdi tuantew erdangr xix huatlut ee quiding, jiurr derhangx jewdo iacc derhangx-jurdi ee surhang tee cud huat'anr, cingxqiuu qokhue simxgi.
Derr Qauw-jap-veh Diauu
Derhngx-jurde tuantew ee jojid quanhan qapp unrjog iuxquanx ee surhang, diyh'air xix derhngx-jurdi ee jongjiw, ixx huatlut jewding.
Derr Qauw-jap-qauw Diaww
Diongiongx jingwhuw qapp derhngx-jurdi tuantew, dirr jurdi quanhan ee huanruii iacc hingsuw u jing'gi, iacc huatling quijniux uihuanw vunw jniux ee quiding u gi'gi ee sii, erdangr hiongr henwhuad huat'ngi cingxqiuu qaixsig.
Derr Qauw Jniux Jogqunn
Derr Jit-vah Diauu
Daiuann henrcuxsii jurbinn vauhamm guanjurbinn, sinjurbinn hagqax, holyw sir dua jogqunn, longxx cinghox jyr Daiuanlangg.
Qokk jok u qaqi hy miaa ee quanli.
Derr Jit-vah-kxongr-jit Diauu
Qokbinn xix hxuad u suanxdik jogqunn zinrdongg ee quanli, vingrr dirr muixx vaiw zinkauw poxjax ee sii kakzin.
Derr Jit-vah-kxongr-zi
Qokk jogqunn ee gixgenn bunhuar qapp siyxsor jogqunn ee qangjokquann diyh'air qra vyxjiongx.
Qokbinn girbu qauwiok, druu qywzinn buxgiw ixgua, siongrr jiyw rair yc jit jiongw qitax jogqunn gixgenn.
Derr Jit-vah-kxongr-snax Diauu
Diongiongx jingwhuw diyh'air setdir ciaudongxpair jogqunn uixguanhue, iu' qokk jogqunn xix hxuad tuipair qangg miagiac uixguann josingg, cuxliw jogqunn surbu, ciokjinr jogqunn vingdingw hyhaii.
Derr Jit-vah-kxongr-sir Diauu
Qokk jogqunn xix hxuad tuipair qangg miagiac qokhue girguann josingg jogqunn uixguanhue. Iuxquanx jogqunn ee huatlud'anr diyh'air singx tee qaux hro jogqunn uixguanhue simxgi.
Derr Jap Jniux Guanjurbinjok
Derr Jit-vah-kxongr-go Diauu
Daiuann guanjurbinjok vauquad Vinvojok, Sau, Saisiai, Jou, Iami, Puma, Lukai, Toloko, Bunun, Paiuan, Taial, Amis dxingw jok.
Derr Jit-vah-kxongr-lak Diauu
Guanjurbinjok hiangxiuw jurdirquann.
Quanjurbinjok iuxquann quatding jurdi tuantew hadkux lai jingwdi, toxde, qingjer, qauwiok, bunhuar qapp siongquanx ee jingwcig qapp jingwbu.
Derr Jit-vah-kxongr-cid Diauu
Diongiongx jingwhuw diyh'air setlip jiangxliw guanjurbinjok surbu ee juanjig qiqor, jiax siuxdniuw iu' guarjurbinjok danzim.
Guanjurbinjok jurdi surgiap huatdenw soxx suiaur qinghuir, iu' diongiongx jingwhuw venlet ursngr vuachur.
Guanjurbinjok xix juanqog qokk jogqunn hunvo setlip jurdi tuantew, qokk guanjurbinjok jurdi tuantew tuisag dairviauw, jojid juanqog guanjurbinjok huergi, girquad iuxquanx juantew guanjurbinjok jurdi surhang.
Guanjurbinjok jurdi tuantew ee jojid qapp hadkux, qapp guanjurbinjok huergi ee jojid iu' huatlut jewding.
Derr Jit-vah-kxongr-veh Diauu
Ixx henrcuxsii derr jit-vah-kxongr-lak diauu jogqunn ee sowbok, guanjurbinjok dirr qokhue jueww jiyw diyh'air jit jok u jit xee binjok girguann josingg guanjurbinjok uixguanhue.
Qokhue tongquer iuxquanx guanjurbinjok ee huatlud'anr, diyh'air singx tee qaux hro guanjurbinjok uixguanhue simxgi.
Derr Jap-id Jniux Henwhuad ee Siuqaiw
Derr Jit-vah-kxongr-qauw Diauu
Huatlut qapp henwhuad dexciog :ee byy hau, bingrling qapp henwhuad iacc huatlut dexciog :ee byy hau.
Derr Jit-vah-jap Diauu
Henwhuad ee siuqaiw diyh'air xix erdew tingsu ji' id, tee qaux hro qongbinn daupiyr:
1. Qokhue girguann go hunx ji' id ixsiong tegi, snax hunx ji' zi ixsiong dongir.
2. Qongbinn zi-jap-bxan langg ixsiong lensuw, vingrr tee cud uanjingw ee siuhenr diaubunn.
Jingg hxang ee qongbinn daupiyr diyh'air u qongbinn quewvnuar sxor ee daupiyr, iuxhau piyr quewvnuar sxor ee dongir jiacc erdangr tongquer.
Derr Jit-vah-jap-id Diauu
Iuxquanx derr jap jniux guanjurbinjok diaukuanw ee jewding qapp siujingr, rair singx qingquer guanjurbinjok ee quatgi tongquer.
Derr Jit-vah-jap-zi Diauu
Henwhuad siujingwanr xix jingg diauu tongquer ixau, iu' jongxtongw qongvor si'hingg.
Derr Jap-zi Jniux Huwjig
Derr Jit-vah-jap-snax Diauu
Vunw henwhuad qingquer qongbinn quewvnuar sxor daupiyr, iuxhau piyr quewvnuar sxor ee dongir tongquer ixau lak guehzit si'hingg.