zi-jap vo sangr mue quax
Jit vo sangr mue qaur laudingw
aqunx dngr de qapp duii hxingx
jingg sxer byy jyr pnaiw simhing
cuanww qaux jabow jiacc juadjingg
Nng vo sangr mue taukag hinn
tniax qyx gengiw quah langg simx
iarr si verbuw vig laii qinw
jiacc diyhh qa'ngg hniax byy buexliux
Snax vo sangr mue lyc lautuix
aqunx sangr mue be jywduix
bingbingg hro mue liw lenlui
vehbiw juw vng jiac be vuii
Sir vo sangr mue jre dahciax
tauu hinn bak amr dy' be qniaa
jit dniux puesinr byy langg qiar
mizit susniu dirr qyx hiax
Go vo sangr mue huexciatauu
knuar qnir siqanx iauxx bue qaur
beh danw ving'iuw siyw tingwhau
vadd zit siy' jiyx laii mue daux
Lak vo sangr mue jnriu ciax-lai
sianglangg tikaur byy langg jaix
si lanw sianglangg siy' iwair
byy gii qniazit hunx dangsaix
Cid vo sangr mue qaur vakvo
sniu diyc siyxmue binbeh ox
brang beh qapp mue qed angbow
byy gii qniazit qaur vnuawdoo
Veh vo sangr mue Dikcamr(?) Sniaa
guaw qongw ee ue liw diyhh tniax
dngw kir linw cur diyhh hyw qniaw
narr qycc cittyy pnaiw miasniax
Qauw vo sangr mue vongrkangx-lai
sianglangg koxceh byy langg jaix
e laii qapp liw siy' iwair
brang beh drangg snix siw drangg vaii
Jap vo sangr mue Dailamm Huw
Dailamm qoxdox be sniu' sux
liw lanw jywhuew u jiacc quw
sniaw langg singx hiaux juat liogbuu
Jap-id sangr mue linw lairbin
quttauu tniawtangr be huanx srinx
narr byy uirdiyhh guaw niuu linw
qniaa qaur jitt hy michyinx
Jap-zi sangr mue liw dngxdyr
siuxqiw anhun banrsu hxyy
siyxkuaw singliw bongxx kir jyr
m tangx hihuax qycc cittyy
Jap-snax sangr qyx huee qahniux
dngw kir linw cur qor zibdniuu
cengenn-banrgiw m tangx sniu
huex kuix quewtauu lann did qriuu
Jap-sir sangr qyx qiongrbeh hauw
diyhh qycc sniu knuar e tauwlauu
dongsii si lanw sniu byy qaur
jiacc e hniamue hunx lortauu
Jap-go sangr qyx simtauu sngx
hro zit pak diyc bin cni'ngg
qniazit uirr liw laii jiacc hng
sniu diyc tauu tniax quah simdngg
Jap-lak sangr qyx huexciatauu
knuar qnir ciax kuix bagsaiw lrauu
jidsii kngr mue m tangx kaur
samsii-gorjun kir mue daux
Jap-cid cialenn hauw jit sniax
lxee-sniax hauw liauw cniax dyrr qniaa
ciax-lai ee langg jiauu jai'ngiaw
jai'ngiaw guaw mue lirvet hniax
Jap-veh qyx-mue lanw siongrr hyw
beh dngw m tangx sniu uaiqyx
kngr liw hueqax benw huanlyw
cuwvnix jimxmw laii cittyy
Jap-qauw jriab diyc qyx puesinr
knuar qnir bagsaiw dyrr beh dinx
jaiww did qnir diyc guaw qyx bin
be sux Samvig Ingdaii inx
Zi-jap siyxmue pah denrvyr
dyrr qongr aiwjingg kir hro qyx
qiyr qyx hipsiong puex hro syw
suisii beh knuar be byy
Quax si qaur jiax duxhyw jriw
liam uann suacc qra linw siy' srii
dag'ee tniax liauw u cuwbi
jriog linw tiamdingx dua tanr jnii