James
JAMES EE PUEX
1 James, dyrr si Siongrder qapp Jruw Jesus Krist ee lovok, cingxanx jap-zi jipair siwsnuar kiarkiw :ee.
2 Guaw ee hniadi ar, linw ham lyc dirr jerje ngiu ee ciwlen, longxx diyhh liac juer hnuahiw,
3 In'ui jaix linw sinr ee qinggiam e snix cud tunlunw.
4 Dogdok tunlunw diyhh hro ix qaur singqongx, hro linw uanjuann jiauvi, byy soxx kiamwkueh.
5 Linw diongqanx narr u langg kiamwkueh diwhui, diyhh duiww hitt xee vehvec hro jiongww langg iarr byy hiamm langg ee Siongrder qiqiuu, Ix dyrr beh hro ix.
6 Dogdok diyhh ing sinr laii qriuu, longxx byy giaugii; in'ui giaugii ee langg piwzu cincniu haixingw hro hongx pah, laii kixlyc.
7 Hitt hy langg benw pacsngr dui' Jruw u tangx did diyc simxmih;
8 Nng ngiu simx ee langg, dirr soxx qniaa itcer ee lo byy dingrjunw.
9 Vibii ee hniadi did diyc qysingx, diyhh dui' jex laii kuakauw;
10 Hyxgiac :ee vibii iarr diyhh anxnix; in'ui ix beh quer .kir, cincniu cauw ee huex.
11 In'ui zit cud qapp siyx ee hongx, hro hitt xee cauw dax, huex sria, ix ee suiw dyrr byy .kir; hyxgiahlangg dirr ix ee soxx qniaa iarr beh anxnxi sueter.
12 Duw diyc cir laii zimxsiu ee langg u hokkir, in'ui qiwzenn qingquer ciwgiam, beh did diyc uahmia ee benxliuu, dyrr si Jruw soxx ingwunw hro tniar Ix ee langg :ee.
13 Duw diyc cir ee langg byc did qongw, "Guaw si hro Siongrder soxx cir"; in'ui Siongrder byy hro pnaiw soxx cir, Ix qaqi iarr byy cir langg.
14 Dogdok dagg langg duw diyc cir, longxx si hro qaqi su'iok soxx bee, soxx diyr.
15 Su'iok ixqing’ huai'in, dyrr snix juerog, juerog ixqing’ diongxsingg, dyrr snix cud sixbyy.
16 Guaw soxx tniar ee hniadi ar, byc did cywgo.
17 Qniwnarr hyw ee sniuxsur, qapp uanjuann ee unsur, longxx si dui' dingxbin, dui' jiongww hxang qngx ee Ve lyc .laii; Ix byy venwngua, iarr byy dngxsec ee ngiaw.
18 Ix jiauww qaqi ee iwsur bad ing jinliw ee dy snix lanw, beh hro lanw dirr Ix soxx jy :ee ee diongqanx, juer cincniu taujuiw ee quexjiw.
19 Guaw soxx tniar ee hniadi ar, jex si linw soxx jaix :ee. Danrsi dagg langg lun qaur tniax, diyhh qinw, qongw, diyhh ban; siurkir iarr diyhh ban.
20 In'ui langg ee siurkir byy jniaa Siongrder ee gi.
21 Soxiw linw druu kir longxjongw ee amjamx, qapp quewgiac ee okdok, diyhh ing unziuu laii jiaplap soxx jingr dirr lairbin ee dyrliw, dyrr si e qiur linw ee linghunn :ee.
22 Linw diyhh juer qniaa dyrliw :ee, m si qandna' tniax :ee, laii qaqi penr qaqi.
23 In'ui tniax dyrliw, narr byy qniaa :ee, piwzu cincniu langg dirr qniar nirr siongser knuar ix vunxzenn ee bin;
24 Knuar quer liauw dyrr jueww ix kir, liamvnix be qir did ix snix juer simxmih kuanw.
25 Narr si langg juwsinn dirr hitt xee jiaujngg ee ludhuad, dyrr si hro langg juriuu :ee, qycc iarr dngdngg druar dirr hitt xee, m si tniax liauw be qir .did .ee, si sidjai decc ing qangx :ee, jitt hy langg dirr ix ee soxx juer beh u hokkir.
26 Narr u langg liac qaqi juer qingwkenn, iarr byy ioksog ix ee jic, dyrr si penr ix qaqi ee simx, jitt hy langg ee qingwkenn si kangx kangx.
27 Dogdok quanwqor qozii qnuaxhu dirr inx ee huanrlan diongx, qycc qaqi siuw, byy hro sewsiok bag .diyc, jex dirr Ve Siongrder ee binrjingg dyrr si juer cingkir byy lasamm ee qingwkenn.
2 Guaw ee hniadi ar, linw siuw lanw ee Jruw Jesus Krist, ingqngx ee Jruw ee sinr, m tangx ing guarmau cruw langg.
2 Narr u langg qruar qimciuxjiw, cing suiw snxax, zip linw ee huerdngg, iarr u songwhionglangg cing puawnua ee snxax vnivnii zip,
3 Linw dyrr knuar cing suiw snxax :ee, qra ix qongw, "Liw jre jitt xee dingxui"; qra songwhiongx :ee qongw, "Liw kia hitt xui," iacc si, "Jre dirr guaw ee kadah'iw,"
4 Jex qamxx m si simlai u jingjuac, ing pnaiw liamrtauu laii hunvet mah?
5 Guaw soxx tniar ee hniadi, diyhh tniax ar; Siongrder qamxx m si qingw sewqanx songwhiongx :ee hro inx dirr sinr juer hyxgiac, laii singjiab Ix soxx ingwunw beh hro tniar Ix ee langg ee qog mah?
6 Danrsi linw lingziok songwhionglangg. Vur langg qamxx m si hiabjer linw, qra linw tuax qaur simxpnuawtniax?
7 Qamxx m si vongwdok linw soxx hro langg qiyr junquir ee miaa mah?
8 Jiauww Singwqingx soxx qiwjair, "Diyhh tniar cuwvnix cincniu qaqi." Linw narr siuw jitt xee jiww hyw ee hxuad qaur jin, jiacc si hyw.
9 Dogdok linw narr ing guarmau cruw langg, dyrr huanrjue, hro ludhuad dring juer juer huanrhuad :ee.
10 In'ui qniwnarr juann siuw ludhuad, qandna' dui' jit diauu vuac dyw, dyrr si huan diyc jiongww diauu.
11 In'ui qongw byc did qan'imm :ee iarr qongw byc did taii langg. Narr liw byy qan'imm, u taii langg, iarr si juer huan diyc ludhuad ee langg.
12 Linw qiwzenn beh jiauww hro langg juriuu ee ludhuad siurr simxpnuar, dyrr diyhh jiauww anxnix qongw anxnix qniaa.
13 In'ui byy linbinw langg :ee, dng' simxpnuar ee sii, iarr byy did diyc linbinw; linbinw ngiaa quer simxpnuar laii kuakauw.
14 Guaw ee hniadi ar, narr u langg qongw ix u sinr, kiokk byy kir qniaa, u simxmih lirig? Jitt hy sinr e qiur ix mah?
15 Narr u hniadi iacc si jixbe byy tangx cing, byy tangx jiac,
16 Linw diongqanx u langg qra inx qongw, "Tangx anzenn kir, guan linw cing siyx, jiac vaw," suacc qingwzenn byy ing inx sinkux soxx kiamwing :ee hro inx, anxnix u simxmih lirig?
17 Anxnix, sinr narr byy qniaa, dyrr si siw :ee.
18 Beh u langg qongw, "Liw u sinr, guaw u qniaa; liw ing byy qniaa hro guaw knuar liw ee sinr, guaw dyrr dui' guaw ee qniaa hro liw knuar guaw ee sinr."
19 Liw sinr Siongrder jixu jit xee, jex si hyw; hiaxee qxuiw iarr sinr, inx gniauhgniauc cuah.
20 Honghamr ee langg ar, byy qniaa ee sinr dyrr si kangx kangx, liw air jaix mah?
21 Lanw ee jow Ablaham henr ix ee qniaw Isaac dirr dnxuaa-dingw, qamxx m si dui' soxx qniaa laii did diyc cxingx juer gi mah?
22 Kyxqenr sinr qapp ix ee qniaa vnivnii jinwhingg, qycc sinr dui' qniaa laii did diyc uanjuann.
23 Jex dyrr ingwgiam Singwqingx soxx qongw, "Ablaham sinr Siongrder, dyrr qra ix sngr juer gi." Ix qycc did diyc cxingx juer Siongrder ee ving'iuw.
24 Dui' anxnix knuar, langg did diyc cxingx juer gi si dui' soxx qniaa, m si qandna' dui' sinr.
25 Ciongqix Rlahab jiaplap suwjiaw, hro inx dui' vadd diauu lo cud, qamxx m si iuguann dui' soxx qniaa laii did diyc cxingx juer gi?
26 In'ui cincniu sinkux, narr byy sinn, dyrr si siw, u sinr byy qniaa, iarr si siw.
3 Guaw ee hniadi ar, m tangx jerje langg juer sensnix, in'ui linw jaix lanw beh siurr kacc dang ee simxpnuar.
2 In'ui lanw jiongww langg dirr jerje hxang u vuac dyw. Dirr qongxue byy vuac dyw :ee, dyrr si juer uanjuann ee langg, iarr e ioksog ix tong' sinkux.
3 Lanw he bexqarqniux dirr bew ee cuir, hro inx sunrtanr lanw, dyrr quanxhad inx tong' sinkux.
4 Qycc, knuar ar, hiaxee junn, suizenn hiacc dua jiah, hro dua hongx qra saur, iuguann si ing ser ser ee drua hro ix dngxuad, jiauww dairqongx ee iwsur soxx air.
5 Anxnix jic si ser ser ee tew, iauxquxx qongw duarue. Knuar ar! Siyxkuaw ee huew siyx ciurbak zuarr je ar!
6 Jic dyrr si huew, dirr lanw vactew diongx juer vutgi ee sewqair, pah lasamm tong' sinkux, itsingx ee hingdong dui' ix huad huew; ix qaqi ee huew si dui' dergig huad.
7 In'ui dagg lui ee jauxsiur, vuejiauw, tangtua, juixjok, longxx siurr jewab, iarr ixqing’ hro zinlui jewab.
8 Dogdok jic byy langg e jewab, si byy tinghiyh ee pnaiw mic, u siw ee dok muaw muaw.
9 Lanw ing ix ylyw Jruw, dyrr si Ve, qycc ing ix jiuwjow byy jiauww Siongrder ee kuanxsid laii congwjy :ee.
10 Ylyw qapp jiuwjow siang jit xee cuir cud. Guaw ee hniadi ar, jex si m ingqaix.
11 Juixjnuaa qamxx e dui' siang jit kangx lrauu cud dnix :ee qapp kow :ee mah?
12 Guaw ee hniadi ar, buhuaqyxciu e snix qnanaw mah? Iacc si pudyciu e snix buhuaqyw mah? Anxnix, dyrr iarr be e dui' qiamm :ee lrauu cud jniaw :ee.
13 Linw diongqanx jirjui u diwhui qenwsig :ee ar? Dyrr diyhh ing diwhui ee unziuu, dui' hyw ee pinxhing, laii henxbingg ix ee soxx qniaa.
14 Linw simlai narr kngr okdok ee uanwdor qapp sna' jnex, dyrr byc did kuakauw, byc did vehcat laii gik jinliw.
15 Jitt hy diwhui m si dui' dingxbin laii :ee, si sriok dirr jue, sriok dirr hetkir, sirok qxuiw ee kuanw.
16 In'ui dirr simxmih soxjai u uanwdor qapp sna' jnex, dyrr dirr hiax u ziauxluan qapp itcer ee pnaiw su.
17 Dogdok dui' dingxbin ee diwhui, derr id si cingqed, ixau :ee si hyvingg, unziuu, hyw siongliongg, u linbinw qapp hyw ee quexjiw muaw muaw, byy pentanw, byy qew hyw.
18 Qycc gi ee quexjiw si jairdirr hyvingg, si qniaa hyvingg ee langg laii jingr :ee.
4 Linw diongqanx jiaxee jingjenr dui' daxlyc laii? Jiaxee sna' jnex dui' daxlyc laii? Qamxx m si dui' qaujenr dirr linw vactew diongx ee enwlok laii :ee mah?
2 Linw tamluann, iarr byy soxx u; linw taii langg, uanwdor, iarr be did .diyc; linw sna' jnex, jingjenr; linw byy soxx u, in'ui linw byy qriuu.
3 Linw qriuu iarr byy did .diyc, in'ui lamrsamw qriuu, si beh kai'ing ix dirr linw ee enwlok.
4 Linw jiaxee imhu ar, qamxx m jaix qapp sewqanx juer ving'iuw si qapp Siongrder juer duiwdik mah? Soxiw qniwnarr rair juer sewqanx ee ving'iuw :ee, dyrr si juer Siongrder ee duiwdik.
5 Iacc si linw pacsngr Singwqingx si kangx kangx qongw mah? Ix soxx sniuxsur lanw ee sinn, qamxx luanbo qaur dirr uanwdor mah?
6 Danrsi Ix sniuxsur kacc dua ee xunx. Soxiw Singwqingx qongw, "Siongrder dixdik qiaugno :ee, sniuxsur xunx hro kiamvix :ee."
7 Soxiw linw diyhh dixdik moquiw, ix dyrr jauxsiamw linw.
8 Cinqin Siongrder, Ix dyrr cinqin linw. Linw huanrjue :ee, diyhh sew linw ee ciuw; nng ngiu simx ee langg, diyhh cingkir linw ee simx.
9 Diyhh iukow, aisiongx, tikaur; linw ee ciyr diyhh ngua juer aisiongx, linw ee hnuahiw diyhh ngua juer iubun.
10 Diyhh qaqi kiamvix dirr Jruw ee binrjingg, Ix dyrr beh qysingx linw.
11 Hniadi ar, byc did sna' huixvongr; huixvongr hniadi, iacc si puepingg ix ee hniadi :ee, dyrr si huixvongr ludhuad, puepingg ludhuad. Liw narr puepingg ludhuad, dyrr m si qniaa ludhuad :ee, dyrr si juer puepingg :ee.
12 Lip hxuad :ee qapp puepingg :ee jixu jit xee, Ix e qiur, iarr e bet; liw si simxmih langg, qingwzenn decc puepingg cuwvnix ar?
13 Dnaxx, linw decc qongw, "Qinaxzit iacc si binaxzit, guanw beh kir bxow xee sniaa, druar dirr hiax jit nii quw, juer singliw tanr jnii."
14 Danrsi binaxzit ee su linw iauxx m jaix. Linw ee uahmia si jnaixngiu? Linw si hunbu jiamrsii cuthen, au .laii dyrr byy knuar .qnir.
15 Linw kacc hyw diyhh anxnix qongw, "Jruw narr guan, guanw dyrr e uac, iarr beh juer jitt hxang hitt hxnag."
16 Dnaxx linw ing jiaxee pinxpongw ee su decc kuakauw; huanrnarr jitt hy ee kuakauw, longxx si pnaiw.
17 Soxiw jaix u hyw diyhh qniaa, m qniaa :ee, dyrr si ix ee jue.
5 Dnaxx linw vur langg, diyhh uirdiyhh beh qaur dirr linw ee koxlan laii tikaur auqiyr.
2 Linw ee jnijaii ixqing’ vairhuai, linw ee ijniuu diyhh jiuwtangg.
3 Linw ee qimginn snix sxenx, hitt xee sxenx beh juer qanjingr laii qongqig linw, iarr beh jiac linw ee bah cincniu huew siyx. Linw dirr jiaxee lorbuew zit jikju jaivyw.
4 Siuquah linw ee hngg :ee ee qangjnii, linw m hro inx, suacc laii kikkuix langg, u sniax decc auqiyr; qycc siuquah ee langg jiaxee ai'uanr ee sniax taur zip banrqunx ee Jruw ee hnirkangx.
5 Linw dirr derjniu bad enwlok ciaciw, iongxci linw ee simx dirr satliok ee zit.
6 Hitt xee girlangg linw bad dring ix ee jue laii taii siw ix; ix iarr byy dixdik linw.
7 Hniadi ar, soxiw linw diyhh siongsiongg tunlunw, qaur dirr Jruw ee qangwlyc. Knuar ar, jycsitlangg tingwhau derjniu vyxvuer ee toxsanw, siongsiongg tunlunw decc tingwhau Ix, qaur did diyc ciulimm cunho.
8 Linw iarr diyhh siongsiongg tunlunw, qenqor linw ee simx, in'ui Jruw ee qangwlimm qin lar.
9 Hniadi ar, byc did sna' uanwdor, benw did linw siurr simxpnuar. Knuar ar, simxpnuawsix ixqing’ kia dirr mngkauw.
10 Hniadi ar, hiaxee tog Jruw ee miaa laii qongw ee sendix, linw diyhh cruw inx juer siurr huanrlan tunlunw ee bongiu.
11 Hiaxee bad tunlunw ee langg, lanw qongw inx u hokkir. Linw bad tniax qnir Job ee tunlunw, qycc knuar Jruw qaur buew hro ix jnaixngiu, dyrr jaix Jruw muaxvag ee juvix qapp linbinw.
12 Dogdok, guaw ee hniadi ar, derr id iauwqinw, byc did jiuwjua; byc did qiw tnix, iacc si de, iacc si vadd hxang mic, laii jiuwjua. Linw ee "Si" diyhh juer "Si", "M si" juer "M si", benw did linw duw diyc griw jue.
13 Linw diongqanx u langg siurkow mah? Ix diyhh qidyw. U langg hnuahiw .byy? Ix diyhh gimm six.
14 U langg puawvni .byy? Ix diyhh qiyr qauwhue ee dniuxlyw, dirr Jruw ee miaa ing iuu buah ix, qunruaw ix laii qidyw.
15 U sinr ee qidyw beh qiur puawvni ee langg, Jruw beh hro ix kiw .laii; ix narr u jue, beh siawbenw ix.
16 Linw diyhh snaduir zin jue, snater qidyw, tangx did diyc rix hyw. Girlangg ee qidyw, ix ee ligliong u dua qonghau.
17 Elijah si qapp lanw qangg singwjingg ee langg; ix cetced qriuu byc did lyc ho, dyrr byy lyc ho dirr de nirr ligquer snax nii qycc lak guehzit.
18 Ix qycc qidyw, tnix dyrr lyc ho, de dyrr cud toxsanw.
19 Guaw ee hniadi ar, linw diongqanx narr u sitbee jinliw :ee, u langg hro ix uaddngw,
20 Tangx jaix hro jit xee juerzinn dui' belo dywdngw :ee, e qiur ix ee linghunn cud siw, qycc e ziakamr jerje juerquar.