Jimgenn

1 Islael Ongg David ee qniaw Solomon ee jimgenn

2 Beh hro langg e hiauxdid diwhui qapp qawsi,

Bingvik tongdat ee ue;

3 Hro langg sriu qawsi, e ing diwhui vran dairjir,

Ing qonggi, pnuawduanr, jingwdit;

4 Hro gongrdit ee langg u lingkiaur,

Hro siauwlenlangg u diwsig qapp qewik,

5 Hro diwhui ee langg tniax .qnir, qetnix hagbun;

Hro cangmiaa ee langg did diyc jinx ee qenwsig;

6 Hro langg bingvik jimgenn qapp soxx cud ee caix.

7 Qingwuir Jehovah si diwsig ee qinvunw;

Gugong ee langg biauxsi diwhui qapp qawsi.

8 Guaw ee qniaw, diyhh tniax liw ee laurve ee qauwdog;

M tangx kiwsag liw ee laurbuw ee qawsi.

9 In'ui jex beh juer liw taukag dingw ee suiw by,

Liw ee amrqunw ee qimlen.

10 Guaw ee qniaw, pnaiw langg narr inxiuw liw,

Liw m tangx tranr ix.

11 Inx narr qongw: Liw qapp guanw kir,

Byy indnuax dngdanw byy jue ee langg,

12 Lanw cincniu imhuw qra inx uac uac tunx .lyc .kir

Inx cincniu ham lyc knix ee langg, hro lanw juer jit xe tunx .lyc .kir;

13 Lanw beh did diyc dagg ngiu ee vyxmic,

Ing soxx cniuw :ee, dunw muaw lanw ee cur;

14 Liw laii zip guanw ee dongw,

Dairqex u qongqiong ee ginde.

15 Guaw ee qniaw, byc did qapp inx drangg qniaa,

Ioksog liw ee kax byc did dac inx ee lo.

16 In'ui inx ee kax jauw kir qniaa pnaiw,

Inx qnuaxqinw beh hro langg lrauu huih.

17 Sed lybang hro jiauw-aw knuar .qnir,

Jex si kangx kangx.

18 Jiax ee langg bih lehh si lrauu inx qaqi ee huih,

Dngdanw si hai qaqi ee sniwmia.

19 Qniwnarr tamx jaili :ee, inx ee lo si anxnix,

Dyrr si cniuxtec qaqi ee sniwmia.

20 Diwhui dirr quelo dua sniax qiyr,

Dirr kuikuah ee soxjai cud ix ee sniax.

21 Dirr laurzet ee quelortauu, dua sniax qiyr,

Dirr sniamngkauw, dirr sniaa-lai, qongw cud ix ee ue;

22 Qongw: Gongrdit ee langg air gongrdit,

Buxban ee langg air buxban,

Gugong ee langg uanwhun diwsig, beh qaur simxmih sii ar?

23 Guaw jikvi linw, linw diyhh uat dngw;

Knuar ar, guaw beh ing guaw ee sinn qangr lyc hro linw,

Ing guaw ee ue jixsi linw.

24 In'ui guaw bad qiyr, linw m tniax;

Guaw bad crunx ciuw, byy langg diwir;

25 Linw huanxdngw knuawkinx guaw itcer ee kuanwqair,

M kingw sriu guaw ee jikvi.

26 Soxiw linw duw diyc huanrlan, guaw beh cinwciyr,

Linw duw diyc qniahniaa, guaw beh langgin.

27 Linw ee qniahniaa, cincniu qongg hongx cuex .laii,

Linw ee jaihy cincniu qngxlehongx saur .laii,

Huanrlan tongwkow limqaur linw sinjniu.

28 Hitt sii inx beh qriuu guaw, guaw m tniax,

Cetced cue guaw, cue be diyc.

29 In'ui inx uanwhun diwsig,

Byy hnuahiw qingwuir Jehovah.

30 M tniax guaw ee kuanwqair,

Biauxsi guaw ee jikvi.

31 Soxiw inx beh jiac qaqi qniajuer ee quexjiw,

Hro inx did diyc soxx qewboo qaur vaxiar.

32 Gongrdit ee langg ee vuerbiu beh hro ix drir qaur siw,

Gugong ee langg an'et, beh hro ix drir qaur bedbyy.

33 Dogdok tniatanr guaw :ee beh anzenn kiarkiw;

Beh hiongxsiu anjing, byy qniax duw diyc jaieh.

2 Guaw ee qniaw, liw narr singsiu guaw ee ue,

Jrunn guaw ee bingrling dirr simlai;

2 Hro liw ngar hnirkangx tniax diwhui,

Juansimx qriuu cangmiaa;

3 Qriuu did diyc bingliw,

Dua sniax qriuu cangmiaa;

4 Narr cue ix cincniu cue ginn,

Ciaucue ix cincniu ciaucue kngwbat ee vyxvuer;

5 Liw dyrr bingvik qingwuir Jehovah ee su,

Cue diyc vad Siongrder ee lriw.

6 In'ui Jehovah sniuxsur diwhui,

Jaibad qapp cangmiaa longxx dui' Ix ee cuir cud.

7 Ix qra jingwdit ee langg jikju jinx ee diwhui,

Qra qniajuer duanjniar ee langg juer dinvaii.

8 Tangx vyxsiuw qongvingg ee lo,

Vyxho singwdoo ee lo.

9 Liw dyrr bingvik qonggi pnuawduanr,

Jingwdit qapp itcer ee hyw lo.

10 In'ui diwhui beh zip liw ee simx,

Diwsig juer liw ee sinhunn soxx hnuahiw :ee.

11 Qewik beh vyxho liw,

Cangmiaa beh vyxsiuw liw.

12 Beh hro liw siamxvi pnaiw lo,

Tuatli qongw hinggik ee langg.

13 Hitt hy langg vangwsag jingwdit ee lo,

Qniaa oamr ee lo.

14 Inx hnuahiw juer pnaiw,

Iwair pnaiw langg ee hinggik.

15 In ee lo uankiaux,

Inx ee soxx qniaa hinggik.

16 Beh hro liw siamxvi imhu,

Dyrr si qongw tiamxmi ee ue ee qirluw.

17 Ix kiwsag siauwlenn ee sii ee pitpuer,

Be qir did ix ee Siongrder ee iog.

18 In'ui ix ee cur ngr dirr sixbyy,

Ix ee lo taur imhuw.

19 Qniwnarr qaur ix hiax :ee, byy jit xee dywdngw,

Iarr be e zip uahmia ee lo.

20 Diwhui beh hro liw qniaa hyw langg ee lo,

Siuw girlangg ee lo.

21 In'ui jingwdit ee lang beh kiarkiw derbin,

Uanjuann ee langg iarr beh lauu dirr hiax.

22 Dogdok pnaiw langg beh dui' derjniu jenxduu,

Qanjar ee langg beh dui' hiax vuic cud.

3 Guaw ee qniaw, m tangx be qir did guaw ee qawsi;

Liw ee simx diyhh jipsiuw guaw ee qaiwbing.

2 In'ui hiaxee beh jiong' quxdngg ee zidjiw, dngg ee huewsiu,

Qapp ving'anx, qetnix hro liw.

3 M tangx hro ju'air singsit lirkuix liw;

Diyhh vak dirr liw ee amrqunw,

Kig dirr liw ee simvix.

4 Anxnix liw beh dirr Siongrder qapp langg ee binrjingg,

Did diyc undenw qapp hyw miasniax.

5 Liw diyhh juansimx uaxkyr Jehovah,

M tangx uaxkyr liw qaqi ee gauu.

6 Dirr liw itcer soxx qniaa ee su longxx diyhh zin Ix,

Ix beh jixdiamw liw ee lo.

7 M tangx qaqi knuar juer diwhui,

Diyhh qingwuir Jehovah, lirkuix pnaiw su.

8 Jex e hro liw ee sintew iongxqnia,

Zunrdik liw ee qinqud.

9 Diyhh ing liw ee jaibut,

Qapp liw itcer kixtauu sik ee toxsanw, junqingr Jehovah.

10 Anxnix liw ee cikcngx beh dni muaw muaw,

Liw ee jiuxkud beh u sinx jiuw muaw .cud .laii.

11 Guaw ee qniaw, m tangx knuawkinx Jehovah ee qingxqair,

Iarr m tangx iamwjen Ix ee jikvi.

12 In'ui Jehovah jikvi Ix soxx tniar :ee,

Cincniu laurve jikvi ix soxx hnuahiw ee qniaw.

13 Did diyc diwhui :ee, did diyc cangmiaa,

Jitt hy langg u hokkir.

14 In'ui did diyc jex ngiaa quer did diyc ginn,

Ix ee dikli kacc ngiaa hyw qimx.

15 Viw angg vyxjiyc kacc quiwkir;

Liw soxx himbo :ee, byy jit hxang e viw did ix.

16 Ix ee jniar ciuw u dngg huewsiu,

Ix ee dyr ciuw u hyxgiac qapp junquir.

17 Ix ee lo si kuaiwlok ee lo;

Ix ee lorqingr longxx si ving'anx.

18 Duiwdirr cisiuw ix ee langg, si juer uahmia ee ciu,

Knii diauu ix :ee, dagg xee u hokkir.

19 Jehovah ing diwhui qenwlip de,

Ing cangmiaa andir tnix.

20 Ing Ix ee diwsig hro cim'enx lic kuix,

Qiongcongx lyc lorjuiw.

21 Guaw ee qniaw, diyhh jipsiuw jinx ee diwhui qapp qewik;

M tangx hro inx lirkuix liw ee bagjiux.

22 Anxnix inx beh dirr liw ee linghunn juer uahmia;

Dirr liw ee amrqunw juer suiw ee jngtna.

23 Liw dyrr beh anzenn qniaa liw ee lo;

Liw ee kax iarr byy diyhdag.

24 Liw dyw lehh, dikkag byy qniax;

Liw dyw lehh, beh jin' hyw kunr.

25 Hutzenn laii ee qniahniaa, liw mrbenw qniax;

Pnaiw langg soxx duw .diyc ee vairhuai; liw iarr mrbenw qniax.

26 In'ui Jehovah beh juer liw soxx uaxkyr :ee;

Ix beh vyxsiuw liw ee kax byy ham lyc lybang.

27 Liw ee ciuw narr u qniaa hyw ee kuiwlat, m tangx tesii,

Dyrr diyhh tec hro hitt xee ingqaix did .diyc ee langg.

28 Liw narr u ven, m tangx duiww liw ee cuwvnix qongw: Cniaw kir,

Binaxzit qycc laii, guaw beh hro liw.

29 Liw ee cuwvnix dirr liw ee hurqin anzenn kiarkiw;

Liw m tangx sed qewboo hai ix.

30 Langg m bad hamrhai liw;

Liw m tangx byy indnuax qapp ix uanqex.

31 M tangx himsuan qiongvy ee langg;

Iarr m tangx qingw ix soxx qniaa ee lo.

32 In'ui hinggik ee langg si Jehovah soxx imwngor;

Jingwdit ee langg Ix qapp ix cinbit.

33 Jehovah ee jiuwjow qaur dirr pnaiw langg ee qrex;

Narr si hyw langg ee cur Ix sniuxsur hokkir hro ix.

34 Buxban langg :ee, Ix buxban ix;

Six xunx hro kiamvix ee langg.

35 Diwhui ee langg beh singjiab ingqngx;

Gugong ee langg singquann iarr jniaa juer qenwsiaur.

4 Linw jiaxee qniaw ar, diyhh tniax laurve ee qawsi;

Diyhh juwir laii did diyc bingliw.

2 In'ui guaw ing hyw ee dyrliw hro linw;

M tangx kiwsag guaw ee huatdo.

3 Guaw si laurve ee qniaw;

Dirr laurbuw ee binrjingg juer ix derr id tniar ee iuwsiur qniaw.

4 Laurve qawsi guaw, qra guaw qongw:

Liw ee simx diyhh qir diauu guaw ee ue,

Junsiuw guaw ee bingrling, dyrr did diyc uac.

5 Dyrr did diyc diwhui, dyrr did diyc cangmiaa,

M tangx be qir .did, m tangx lirkuix guaw soxx qongw ee ue.

6 M tangx kiwsag diwhui, ix beh vyxho liw;

Diyhh tniar ix, ix beh jiauwqor liw.

7 Diwhui si qinvunw, diyhh did diyc diwhui;

Dirr liw itcer soxx did .diyc ee diongqanx, diyhh did diyc cangmiaa.

8 Liw narr jundiong ix, ix beh hro liw singquann;

Liw narr luanbo ix, ix dyrr hro liw ingqngx.

9 Ix beh ing suiw ee by dir dirr liw ee taukag;

Jiong' ingqngx ee benxliuu hro liw.

10 Guaw ee qniaw, diyhh tniax laii jiaplap guaw ee ue,

Dyrr beh jiac dngg huewsiu.

11 Guaw ixqing’ jixsi liw diwhui ee lo,

Inxcua liw qniaa jingwdit ee lorqingr.

12 Liw qniaa ee sii, byy drir qaur joxgai;

Liw jauw, iarr byy drir qaur diyhdag.

13 Diyhh jipsiuw qawsi, m tangx vangwsangx;

Diyhh qinxsin siuw ix, in'ui ix si liw ee uahmia.

14 Hiong'og ee langg ee lo byc did zip;

Pnaiw langg ee lo byc did qniaa.

15 Diyhh siamxvi ix, m tangx dui' hiax quer;

Diyhh uat jauw lirkuix ix, jinwjingg kir.

16 In'ui ix narr byy hai langg, dyrr be kunr .did;

Narr byy hro langg vuahdyw, dyrr kunr be lyc binn.

17 In'ui inx dui' hiong'og did diyc jiac vniaw;

Dui' qiongvy did diyc limx jiuw.

18 Dogdok girlangg ee lo, cincniu tauwjaw ee qngx,

Naxx jiyr naxx qngx, qaur ziddiongdaur.

19 Pnaiw langg ee lo, cincniu oamr;

Inx diyhdag m jaix simxmih enqor.

20 Guaw ee qniaw diyhh juwir tniax guaw ee ue,

Ngar hnirkangx tniax guaw soxx qongw :ee.

21 M tangx hro ix lirkuix liw ee bagjiux,

Diyhh qir diauu dirr liw ee simlai.

22 In'ui cue diyc ix ee langg, dyrr did diyc uahmia.

Qycc tong' sinkux did diyc iongxqnia.

23 Liw diyhh jinrlat vyxsiuw liw ee simx,

In'ui ix si uahmia ee qin'guann.

24 Liw ee cuir diyhh druu kir siapiah;

Liw ee cuiwdunn diyhh lirkuix hinggik.

25 Liw ee bagjiux diyhh knuar dit dit;

Liw ee bagjiux diyhh knuar taujingg.

26 Diyhh sriux vnii liw ee kax ee lo;

Diyhh qenqor liw longxjongw ee lordoo.

27 M tangx penx jyw penx iu;

Diyhh hro liw ee kax lirkuix pnaiw.

5 Guaw ee qniaw, diyhh liusimx dirr guaw ee diwhui;

Ngar hnirkangx tniax guaw ee cangmiaa ee ue.

2 Uirdiyhh beh hro liw jipsiuw qewik,

Cuiwdunn vyxjunn jaibad.

3 In'ui imhu ee cuiwdunn dih lyc dnix bit;

Ix ee cuir viw iuu kacc qut.

4 Qaur buew dyrr kow cincniu indinn;

Lrai cincniu siangbin ee qiamr.

5 Ix ee kax lyc qaur sixde;

Ix ee kavo dac diyc imhuw.

6 Drir qaur uahmia vnitnaw ee lo ix cue be diyc;

Ix ee lo byy dniardiyc, ix iarr m jaix.

7 Guaw jiaxee qniaw ar, dnaxx diyhh tniatanr guaw;

M tangx lirkuix guaw soxx qongw ee ue.

8 Liw ee lo diyhh lirkuix ix hng hng;

M tangx qniaa qin ix ee mngkauw.

9 Qniax liw jiong' qaqi ee ingqngx hro vadd langg;

Jiong' liw ee huewsiu hro janzimw ee langg.

10 Qniax guarlangg e did diyc liw ee jnijaii muaw muaw;

Liw diyhbuaa did .diyc .ee qruix dirr guarlangg ee qrex.

11 Qaur buew liw ee ziogtew suevai;

Liw dyrr vi'aix toxkuir.

12 Dyrr qongw: Hairar, guaw jnaixngiu uanwhun qawsi;

Simlai biauxsi jikvi;

13 Iarr byy tniatanr guaw ee sensnix ee ue;

Qycc byy ngar hnirkangx tniax hiaxee qawsi guaw ee langg;

14 Guaw dirr huerjingr qapp dairhue diongx,

Hiamw hiamw ham lyc dirr dagg hy ee pnaiw.

15 Liw diyhh limx qaqi juixdii lai ee juiw;

Limx qaqi jnew-lai soxx cud ee juiw;

16 Liw ee juixjnuaa qamxx tangx muaw cud guarbin?

Liw ee kejuiw qamxx tangx lrauu dirr quelo?

17 Dogdok qruix liw jit langg;

M tangx qapp vadd langg snaqab ing.

18 Diyhh hro liw ee juixjnuaa did diyc hokkir;

Diyhh hnuahiw liw siauwlenn ee sii soxx crua ee bow.

19 Ix cincniu tangx tniar ee logbuw, tangx hnuahiw ee logbuw;

Ix ee hxingx-jingg hro liw sisii dijiog;

Ix ee aiwjingg hro liw siongsiongg luanbo.

20 Guaw ee qniaw, liw sniaw su luanbo imhu?

Sniaw su py qirluw ee hxingx-jingg?

21 In'ui langg soxx qniaa ee lo longxx dirr Jehovah ee bagjiux jingg;

Ix iarr sriux vnii langg itcer ee lo.

22 Pnaiw langg beh hro qaqi ee juerquar knii .diyc;

Ix beh hro ix juerog ee syh vak lehh.

23 Ix in'ui kiamwkueh qawsi beh drir qaur sixbyy;

Qycc in'ui gugong qaur qik, beh qniaa calo.

6 Guaw ee qniaw, liw narr uirdiyhh cuwvnix juer diongvyw,

Ter guarlangg dac'ingr;

2 Liw dyrr hro cuir-lai ee ue dauh .diyc,

Hro cuir-lai ee ue knii .diyc.

3 Guaw ee qniaw, liw qiwzenn lyc dirr cuwvnix ee ciuw-diongx,

Dnaxx diyhh anxnix qniaa, laii qiur qaqi.

Liw diyhh kiamvix kir kunxqiuu liw ee cuwvnix.

4 M tangx hro liw ee bagjiux kunr .kir,

M tangx hro liw ee bagjiupuee vangr kreh.

5 Diyhh qiur qaqi, cincniu lok tuatli paclac ee langg ee ciuw;

Cincniu jiauw tuatli liac jiauw-aw ee langg ee ciuw.

6 Vinrdnua ee langg ar, liw diyhh kir knuar qauxhia,

Sniu ix ee qniajuer, tangx did diyc diwhui.

7 Ix byy taubak,

Byy qamdog, byy sirdua,

8 Iauxquxx dirr hartnix virvan ix ee jiahmic,

Dirr siuquah ee sii jikju ix ee bixniuu.

9 Vinrdnua ee langg ar, liw beh kunr qaur dirsii ar?

Liw simxmih sii kunr cnew kiw .laii ar?

10 Qycc kunr diap aw quw, qycc binn diap aw quw,

Sog ciuw trex diap aw quw;

11 Liw ee songwhiongx beh cincniu cat laii;

Liw ee kiamwkueh cincniu cing jenwqah :ee laii.

12 Byy herlyc ee pnaiw langg,

Qniajuer dyrr ing quairbiu ee cuir,

13 Nih bak huerir, ing kax viw iwsur,

Ing jngxtauu-aw jixdiamw.

14 Simlai quairpiah, siongsiongg qewboo pnaiw su;

Siwqer sylong uanqex.

15 Soxiw ix ee jaieh hutzenn limqaur;

Ix beh hutzenn vairhuai, byy hxuad tangx idi.

16 U lak hxang si Jehovah soxx uanwhun,

Lenrr ix ee simx soxx iamwngor :ee, u cid hxang;

17 Dyrr si qiau'ngo ee bagjiux, qongw vehcat ee jic,

Ciuw taii byy jue ee langg;

18 Simx dyboo pnaiw su,

Kax qinw qinw qniaa hamrhai:

19 Qongw vehcat ee qew qanjingr,

Dirr hniadi diongx sylong uanqex ee langg.

20 Guaw ee qniaw, diyhh jipsiuw liw ee laurve ee bingrling,

M tangx kiwsag liw ee laurbuw ee qawsi.

21 Diyhh siongsiongg qir diauu dirr liw ee simx,

Qruar dirr liw ee amrqunw.

22 Liw qnialo ee sii dyrr inxcua liw;

Liw kunr ee sii dyrr vyxsiuw liw;

Liw kunr cnew dyrr qapp liw damlun.

23 In'ui bingrling si dingx, qawsi si qngx;

Jiauwhuad ee jikvi si uahmia ee lo;

24 E vyxsiuw liw byy cincniu pnaiw ee hurzinlangg,

Byy tniax qirluw tiamxmi ee ue.

25 Liw ee simlai m tangx luanbo ix ee suixsig;

Iarr m tangx hro ix ee bagjiupuee inxiuw.

26 In'ui qirluw e hro langg jixu cunx jit der vniaw;

Imhu e cniuxduat langg vyxquir ee uahmia.

27 Langg qamxx e py huew dirr hxingx-jingg,

Liw ee snxax iarr byy dyc .kir mah?

28 Langg qamxx e dac dirr zet ee huextnuar.

Liw ee kax iarr byy siyx dyc mah?

29 Cinqin cuwvnix ee bow :ee, iarr si anxnix;

Qniwnarr bongx ix :ee, be benw did siurjue.

30 Cat in'ui iaux, tautec mic laii jixqix,

Langg byy knuawkinx ix.

31 Setsuw hro langg liac .diyc, diyhh vuee cid vxue;

Diyhh jiong' qrex-lai soxu :ee, longxx hro langg'.

32 Qapp langg ee bow qniaa imm :ee, dyrr si byy diwsig;

Qniaa jitt xee su :ee, beh sunxhai qaqi ee sniwmia.

33 Ix beh siurr sionghai qapp lingziok,

Ix ee qenwsiaur be e sexduu.

34 In'ui dowki dyrr si langg ee dua siurkir;

Vywsiuu ee sii dikkag byy kuan'iongg.

35 Ing ginn siogjue, ix iarr m dic;

Liw suizenn sangr jerje lexmic, ix iarr m vangr liw suah.

7 Guaw ee qniaw, liw diyhh vyxsiuw guaw ee ue,

Simlai kngr guaw ee bingrling.

2 Vyxsiuw guaw ee bingrling dyrr did diyc uac;

Vyxsiuw guaw ee qawsi, cincniu vyxsiuw bagjiuzinn.

3 Vak dirr liw ee jngxtauu-aw,

Kig dirr liw ee simvix.

4 Diyhh duiww diwhui qongw: Liw si guaw ee jixbe,

Diyhh qiyr cangmiaa juer liw ee cinlangg.

5 Ix e vyxho liw siamxvi imhu,

Siamxvi qongw tiamxmi ue ee qirluw.

6 Guaw bad kia dirr guaw ee cur ee txangx-aw,

Dui' guaw ee tang'axjiw knuar .cud .kir.

7 Knuar qnir gugong ee langg ee lairbin, haursniqex ee diongqanx,

Bingg bingg knuar qnir u jit xee budix ee siauwlenlangg,

8 Dui' quelo qingquer, qin imhu ee cuwqag,

Qniaa hitt diauu taur qaur ix ee cur ee lo;

9 Dirr honghunx, dirr ehngx,

Dirr mii .sii ee oamr.

10 Knuar ar, u jit xee hurzinlangg duw diyc ix,

Si qirluw ee dnaxvan, u qauxquair ee simsux.

11 Jitt xee hurzinlangg gauu ziongw, byy siurr ioksog;

Ix ee kax byy druar cur.

12 Ursii dirr quelo nirr, ursii dirr kuikuah ee soxjai;

Ursii dirr dagg xee hangrkauw decc dngdanw.

13 Knii hitt xee siauwlenlangg, qapp ix jimx cuir;

Byy qenwsiaur ee binrsig, duiww ix qongw:

14 Guaw jiax u ving'anjer;

Qinaxzit u sria guaw ee guan.

15 Soxiw guaw cud laii gniajih liw,

Kunxced cuerqnir liw ee bin, duxhyw duw diyc liw.

16 Guaw ixqing’ ing siur huex ee tanxaw,

Qapp Egipt ee snuax soxx jrid u huejua ee vor, crux dirr guaw ee bincngg.

17 Guaw qycc ing bud'iyc, dimhniux, ziogquir,

Hiur guaw ee cngg.

18 Laii ar, lanw tangx hiongxsiu aiwjingg qaur muaxir, didqaur tnix qngx,

Lanw tangx snaqab luan'air kuaiwlok.

19 In'ui davolangg byy dirr cur nirr,

Cud kir qniaa hng lo.

20 Ix ciuw duar ginde;

Qaur guec ngii jiacc dngw .laii.

21 Imhu ing jerje qikiauw ee ue inxiuw ix,

Ing tiamxmi ee cuir vig ix snaqab kir.

22 Ix liamvnix duer ix kir,

Cincniu guu kanx kir taii;

Qycc cincniu gong langg duar syxlen, kir siurr hinghuad.

23 Qaur jnxir sria zip ix ee qnuax,

Cincniu jiauw-aw qinw qinw zip lybang,

Iarr m jaix jex si quanhe ix ee sniwmia.

24 Jiaxee qniaw ar, dnaxx diyhh tniatanr guaw.

Liusimx tniax guaw soxx qongw ee ue.

25 Liw ee simx m tangx iwhiongr ix ee lo,

M tangx siurr bee dirr ix ee lo.

26 In'ui ix hro jerje langg siursiongx dyw .lyc .kir;

Qycc jin' je langg hro ix taii siw.

27 Ix ee cur si juer imhuw ee lo,

Cua qaur sixbyy ee cuwtec.

8 Diwhui qamxx byy decc qiyr?

Cangmiaa qamxx byy cud sniax?

2 Ix dirr lo-vnix quann de ee dingxbin,

Dirr sibzirlo kauw decc kia.

3 Dirr sniamngg vnix, dirr sniamngg kauw,

Dirr sniaa cutzip ee soxjai, dua sniax qiyr qongxx,

4 Jingwlangg ar, guaw qiyr linw,

Guaw ngr sewqanlangg cud sniax.

5 Qongw: Gongrdit ee langg ar, linw diyhh e hiauxdid tongdat ee lriw;

Gugong ee langg ar, linw simlai diyhh bingvik.

6 Linw diyhh tniax, in'ui guaw beh qongw qik hyw ee su;

Guaw beh kuix cuir lun jingwdit ee su.

7 Guaw ee cuir beh qongw cud jinsit;

Guaw ee cuiwdunn uanwhun pnaiw dai.

8 Guaw soxx qongw ee ue, longxx si qonggi;

Qidiongx byy uankiaux quairbiu.

9 Jex e bingliw ee langg longxx e hiauxdid,

Did diyc diwsig ee langg longxx liac juer jingwdit.

10 Linw diyhh singsiu guaw ee qawsi, kacc hyw did diyc vehginn;

Did diyc diwsig, kacc hyw did diyc ngqimx.

11 In'ui diwhui viw angg vyxjiyc kacc hyw;

Itcer soxx himbo :ee, longxx be qapp ix viw .did.

12 Guaw diwhui ing tongdat juer kiarkiw ee soxjai;

Qycc cue diyc diwsig qapp qewik.

13 Qingwuir Jehovah jairdirr uanwhun pnaiw dai;

Hitt hy qiaugno, lamrsamw, qapp pnaiw lo,

Ixqip quairbiu ee cuir, longxx si guaw soxx uanwhun.

14 Guaw u qewik, qapp jinx ee diwsig;

Guaw dyrr si cangmiaa, guaw u linglik.

15 Dewongg dui' guaw laii jerui;

Zinqunx dui' guaw dniardiyc qongvingg ee hxuad.

16 Ongcinx qapp quiwjok, sewjniu itcer ee simxpnuawsix,

Longxx si dui' guaw laii jiangxquann.

17 Tniar guaw :ee, guaw iarr tniar ix;

Kunxced cue guaw :ee, beh cue .diyc.

18 Hyxgiac junquir jairdirr guaw,

Quxdngg ee vuwu qapp qonggi iarr jairdirr guaw.

19 Guaw ee quexjiw kacc hyw ngqimx, ngiaa quer hyw qimx;

Guaw ee cutsig ngiaa quer bunginn.

20 Guaw qniaa dirr qonggi ee lo;

Qniaa dirr qongvingg jiaxee lo-diongx.

21 Hro tniar guaw ee langg singsiu huewjaii;

Iarr ciongmuaw inx ee huxkor.

22 Dirr Jehovah jyrhuar ee kixtauu,

Dirr qik kixtauu congwjy ee dairsingx, guaw si Ix soxx u.

23 Dui' ingxuanw, dui' qik kixtauu,

Bue u sewqair ee dairsingx, guaw ixqing’ siurr setlip.

24 Bue u cim'enx, bue u jerje juiw ee juixjnuaa,

Ixqing’ snix guaw.

25 Dua snuax bue dniardiyc, siyw snuax bue u ee dairsingx,

Ixqing’ snix guaw.

26 Jehovah iauxx bue congwjy duarde qapp can'iaw,

Ixqip derjniu tohunw ee guanjid.

27 Ix qenwlip jiaxee tnix;

Sed ngii kuann dirr cim'enx ee dingxbin;

28 Dingxbin andir qiongcongx;

Qenqor cim'enx ee juixjnuaa;

29 Qra haiw dniardiyc qaiwhan;

Hro juiw byy vnuaa quer Ix ee bingrling;

Dniardiyc duarde ee qinqix, guaw qapp Ix dilehh.

30 Hitt sii guaw dirr hiax juer saihurtauu;

Zidzit hro ix hnuahiw,

Siongsiongg dirr Ix ee binrjingg kuaiwlok;

31 Dirr tangx kiarkiw ee de kuaiwlok;

Iarr qapp sewqanlangg snaqab hnuahiw.

32 Linw jiaxee qniaw, dnaxx diyhh tniatanr guaw;

In'ui jipsiuw guaw ee dyrlo :ee, dyrr u hokkir.

33 Diyhh tniax qawsi, dyrr did diyc diwhui,

M tangx kiwjuat ix.

34 Tniatanr guaw, zidzit dirr guaw ee mngkauw decc danw,

Dirr guaw ee mngkia vnix tingwhau :ee,

Hitt hy langg u hokkir.

35 In'ui cue diyc guaw :ee, dyrr cue diyc uahmia;

Iarr beh dui' Jehovah did diyc unhui.

36 Dikjue guaw :ee, si hai qaqi ee sniwmia;

Uanwhun guaw :ee, longxx si qaqi cruw siw.

9 Diwhui u kiw ix ee cur,

U pah ix cid qix tiau.

2 U taii ix ee jingsnix, u diauhyy ix ee jiuw,

U vran ix ee endyh.

3 Crex ix ee luxvi cud .kir,

Qaqi dirr sniaa-lai qik quann ee soxjai decc qiyr.

4 Qongw: Qniwnarr gongrdit ee langg, diyhh uat laii jiax;

Qycc qra budix ee langg qongw:

5 Linw laii, jiac guaw ee vniaw,

Limx guaw diuahyy ee jiuw.

6 Linw kiwsag gugong, dyrr did diyc uac,

Iarr diyhh qniaa qngbinn ee lo.

7 Quijingr buxban ee langg, qaqi jiyx lingziok,

Jikvi pnaiw langg :ee, qaqi cruw qenwsiaur.

8 M tangx jikvi buxban ee langg, qniax ix uanwhun liw;

Diyhh jikvi diwhui ee langg, ix beh tniar liw.

9 Qawsi diwhui ee langg, ix dyrr ithuad u diwhui,

Jixsi girlangg, ix dyrr qetnix hagbun.

10 Qingwuir Jehovah si diwhui ee qinvunw,

Bad hitt xui Sxingr :ee, dyrr si cangmiaa.

11 In'ui dui' guaw, liw ee zidjiw beh kacc je,

Liw ee nihuer iarr naxx beh qetnix.

12 Liw narr juer diwhui, dyrr si uirdiyhh vunxsinx juer diwhui;

Liw narr buxban, dyrr beh qaqi damdngx.

13 Gugong ee hurzinlangg gauu ziongw;

Ix si gongrdit, m bad vnuar hxang.

14 Ix jre dirr ix qaqi ee mngkauw,

Jre dirr sniaa-lai quann de ee jyrui.

15 Air qiyr quewlo ee langg,

Dyrr si diddit qniaa inx ee lo ee langg,

16 Qongw: Qniwnarr gongrdit ee langg diyhh uad laii jiax;

Qycc qra budix ee langg qongw:

17 Taux ngiuw .laii ee juiw si dnix :ee;

Taux jiac ee vniaw si u jubi :ee.

18 Jongwsirr hitt hy langg m jaix dirr ix hiax :ee si imhunn;

Ix ee langkeh dirr imhuw cimx ee soxjai.

10 Solomon ee jimgenn.

Diwhui ee qniaw hro laurve hnuahiw;

Gugong ee qniaw hro laurve inbun.

2 Vutgi ee jnii longxx byy lirig;

Jixu qonggi e qiur langg tuatli sixbyy.

3 Jehovah byy hro girlangg duw diyc iaugy;

Pnaiw langg soxx himbo :ee, Ix byy hro ix jniaa.

4 Ciuw vinrdnua :ee, beh duw diyc songwhiongx;

Ciuw qutlat :ee, beh did diyc hyxgiac.

5 Hartnix jikju :ee, si diwhui ee qniaw;

Siuquah ee sii air kunr :ee, si siawvai ee qniaw.

6 Hokkir limqaur girlangg ee taukag;

Qiongvy zia'iamw pnaiw langg ee cuir.

7 Girlangg ee qiwliam siurr ylyw;

Pnaiw langg ee miaa dikkag caur.

8 Simlai diwhui :ee, beh tniasiu bingrling,

Cuir qongw gong ue :ee, beh sitvai.

9 Qniaa jingwdit ee lo :ee, qniadac an'unw;

Tranr uankiaux ee lo :ee, beh lorhen.

10 Nih bak huerir :ee, hro langg iubun;

Cuir qongw gong ue :ee, beh sitvai.

11 Girlangg ee cuir si uahmia ee juixjnuaa;

Qiongvy zia'iamw pnaiw langg ee cuir.

12 Uanwhun e ziaw kiw sna' jnex;

Zin'air e ziakamr longxjongw ee quewsid.

13 Dirr bingliw ee langg ee cuir-lai cue diyc diwhui;

Budix ee langg ee qajiah u qnuaiw-aw ven ven.

14 Diwhui ee langg jikju qenwsig;

Gong langg ee cuir beh kuair kuair sitvai.

15 Hyxgiahlangg ee jaibut si ix qenqor ee sniaa;

Songwhionglangg ee kiamwkueh si ix sitvai ee indnuax.

16 Girlangg ee diyhbuaa drir qaur uac;

Pnaiw langg soxx tranr :ee, drir qaur u jue.

17 Tniasiu kuanwqair :ee, si qniaa dirr uahmia ee lo;

Kiwsag jikvi :ee, dyrr si qniaa belo.

18 Kngwbat ix ee uanwhun :ee, cuir qongw vehcat;

Huixvongr langg :ee, si gong langg.

19 Qau ue ee langg be benw u quewsid;

Ioksog cuiwjic :ee, si u diwhui.

20 Girlangg ee jic, cincniu bunginn;

Pnaiw langg ee simx byy simxmih qewdat.

21 Girlangg ee cuir vue'iongw jerje langg;

Gong langg in'ui budix laii siw.

22 Jehovah ee suwhog, hro langg hyxgiac;

Iarr byy camx inbun dirr lairbin.

23 Gugong ee langg liac qniaa pnaiw juer qunxciyr;

Bingliw ee langg liac diwhui juer hnuahiw.

24 Pnaiw langg soxx qniax :ee, beh limqaur ix;

Girlangg soxx air :ee, beh did diyc unxjunw.

25 Qongg hongx jid'err quer, pnaiw langg qruix dirr byy;

Girlangg si ingxuanw ee derqix.

26 Langg crex vinrdnua ee langg,

Si cincniu cuiwkiw duw diyc cor, bagjiux duw diyc huexhunx.

27 Qingwuir Jehovah, dyrr qetnix zidjiw;

Jongwsirr pnaiw langg ee nihuer beh qiamxjiyw.

28 Girlangg ee ngwbang si hnuahiw;

Pnaiw langg ee himbo si kangx kangx.

29 Jehovah ee lo duiwdirr jingwdit ee langg juer uersow;

Duiwdirr qniaa pnaiw ee langg juer huixbet.

30 Girlangg ingxuanw byy isuaw;

Pnaiw langg beh did diyc kiarkiw dirr derjniu.

31 Girlangg ee cuir snix cud diwhui;

Quairbiu ee jic beh siurr quah dng.

32 Girlangg ee cuiwdunn jaix tangx hro langg hnuahiw;

Pnaiw langg ee cuir qongw quairbiu ee ue.

11 Kuixjar ee tenvingg si Jehovah soxx iamwngor;

Qongvingg ee dyjiw si Ix soxx hnuahiw.

2 Qiaugno laii, qenwsiaur iarr laii;

Diwhui si qapp kiamvix ee langg snaqab dilehh.

3 Jingwdit ee langg, ix ee jinsit beh inxcua ix;

Qanjar ee langg, ix ee quairpiah beh vairhuai ix.

4 Dua siurkir ee zit, jnijaii byy lirig;

Jixu qonggi e qiur langg tuatli sixbyy.

5 Uanjuann ee langg ee gi beh pox vnii ix ee lo;

Dogdok pnaiw langg beh in'ui ix ee pnaiw vuahdyw.

6 Jingwdit ee langg ee gi beh jinxqiur ix;

Qanjar ee langg beh hro inx ee pnaiw liac .diyc.

7 Pniaw langg jid'err siw, ix ee ngwbang beh byy .kir;

Juerzinn soxx himbo :ee, iarr byy .kir.

8 Girlangg did diyc tuatli huanrlan;

U pnaiw langg juer ix ee tewsinx.

9 Byy qingwkenn ee langg ing cuir hai cuwvnix;

Dogdok girlangg dui' jaibad did diyc qiur.

10 Girlangg hingtongx, tong' sniaa hnuahiw;

Pnaiw langg bedbyy, langg longxx cud hnuahiw ee sniax.

11 Sniaa in'ui jingwdit ee langg ee jiokhog dyrr hingx kiw;

Jongwsirr in'ui pnaiw langg ee cuir dyrr ciax dyw.

12 Biauxsi cuwvnix :ee, si budix ee langg;

Bingliw ee langg jing jing byy juer sniax.

13 Siwqer qniaa, qongw langg ee dngdew, laursed viwbit ee su;

Simx singsit ee langg kngwbat dairjir.

14 Byy diwhui ee jixdy, vecsnir dyrr sitvai;

Bosu je, dyrr did diyc an'unw.

15 Qra snihunrlangg juer vyxzin, beh dua siurr kikkuix;

M air qra langg dac'ingr :ee, dyrr did diyc an'unw.

16 Hyw dikhing ee hurzinlangg did diyc miasniax;

Qiongbingw ee davolangg did diyc jnijaii.

17 Zinjuu ee langg lirig qaqi ee sniwmia;

Janzimw ee langg hai qaqi ee sinkux.

18 Pnaiw langg qing'ingg, did diyc huqew ee qangjnii;

Ia gi ee jingxjiw :ee, did diyc sidjai ee haurqyw.

19 Dngdngg qniaa gi :ee, beh did diyc uac;

Duizip pnaiw dai :ee, beh drir qaur siw;

20 Simlai quairpiah :ee, si Jehovah soxx iamwngor;

Qniaa dairjir uanjuann :ee, si Ix soxx hnuahiw.

21 Pnaiw langg ciuw kanx ciuw, dikkag be benw siurr hinghuat;

Girlangg ee horer beh did diyc jinxqiur.

22 Hurzinalngg suiw, iarr byy bingliw,

Cincniu qimkuann qruar dirr dix ee pni.

23 Girlangg soxx iwair :ee, longxx si hyw;

Pnaiw langg soxx ngwbang :ee, qetqiok si siurkir.

24 U langg naxx tec cud, dyrr naxx qetnix;

U langg qenlin, dyrr huanxdngw songwhiongx.

25 Air siaxsir :ee, beh did diyc hongsing;

Zunrdik langg :ee, beh did diyc zunrdik.

26 Dunw gnoxqog m tiyr :ee, vecsnir beh jiuwjow ix;

Qamguan tiyr cud :ee, beh did diyc jiokhog.

27 Cud lat juer hyw :ee, beh did diyc unhui;

Juanbu hai langg :ee, hai beh qaur ix ee sinkux.

28 Uaxkyr qaqi ee jnijaii :ee, beh vuahdyw;

Girlangg hing'ong, cincniu cnicuir ee ciurhiyc.

29 Qiauxziauw qaqi ee qrex :ee, soxx jiapsiu :ee si hongx;

Gugong ee langg beh juer simlai diwhui ee langg ee lovok.

30 Girlangg soxx qed ee quexjiw si uahmia ee ciu;

Diwhui ee langg did diyc langg ee linghunn.

31 Knuar ar, girlangg dirr sewqanx sriu vywingr;

Hyhongr pnaiw langg qapp u jue ee langg ar?

12 Hnuahiw siurr qauwdog :ee, dyrr si hnuahiw jaibad;

Uanwhun jikvi :ee, dyrr si jingsnix.

2 Hyw langg beh did diyc Jehovah ee unhui;

Sed kuixqer ee langg, Ix beh dring ix ee jue.

3 Langg be e dui' pnaiw langg laii qenwlip;

Girlangg ee qinvunw ingxx be iydang.

4 Jaidig ee hurzinlangg si diongrhux ee benxliuu;

Siawvai ee hurzinlangg hro diongrhux cincniu qud hiuxnua.

5 Girlangg ee liamrtauu si qongvingg;

Pnaiw langg ee qewboo si kuixjar.

6 Pnaiw langg ee ue si dngdanw beh hai langg;

Jingwdit ee langg ee cuir, beh qiur ix.

7 Pnaiw langg dyxhuai qruix dirr byy;

Girlangg ee qrex beh kia jai.

8 Langg beh jiauww ix ee diwhui did diyc ylyw;

Simlai quairbiu :ee, beh siurr biauxsi.

9 Siurr langg knuawkinx :ee, iauxquxx u lovok :ee,

Kacc ngiaa qaqi jundua, iarr kiamwkueh bixniuu :ee.

10 Girlangg quansimx ix ee jingsnix ee uahmia;

Pnaiw langg ee linbinw iarr si janzimw.

11 Jingwjyh ix ee canhngg :ee, beh u bixniuu qraur gxiac,

Qauvuee byy herlyc ee langg si budix.

12 Pnaiw langg himbo vutgi ee langg ee lybang;

Girlangg ee qintauu snix cud quexjiw.

13 Cuiwdunn ee quewsid si pnaiw ee lybang;

Dogdok girlangg beh tuatli huanrlan.

14 Langg in'ui cuir soxx qed ee quexjiw beh did diyc hokkir muaw muaw;

Langg jiauww ix ee ciuw soxx juer :ee, beh did diyc vywingr.

15 Gong langg knuar qaqi ee lo juer jingwdit;

Dogdok diwhui ee langg tniax langg koxkngr.

16 Gong langg ee m guan liamvnix henxcud;

Tongdat ee langg kngwbat qenwsiaur.

17 Qongw sid'ue :ee, henxbingg qonggi;

Lamrsamw qanjingr :ee, henxcud kuixked.

18 Qongxue sywsingr :ee, cincniu dyx ee cak langg;

Diwhui ee langg ee jic e rix hyw langg.

19 Singsit ee cuir ingxuanw qenqor;

Vehcat ee jic vutqyr diap aw quw.

20 Doboo pnaiw dai :ee, simx jrunn kuixjar;

Kngr langg hyhyw :ee, beh did diyc hnuahiw.

21 Girlangg byy duw diyc jaihai;.

Pnaiw langg duw diyc jaihy muaw muaw.

22 Vehcat ee cuiwdunn si Jehovah soxx iamwngor;

Qniaa dairjir singsit :ee, si Ix soxx hnuahiw.

23 Tongdat ee langg unxkngr jaibad;

Gong langg ee simx henxcud gugong.

24 Unkunn ee langg ix ee ciuw beh jiangxquann;

Vinrdnua ee langg beh juer langg ee koxqangx.

25 Langg ee simx kuawlu, hro ix luexjir;

Jit qxur hyw ue, hro ix hnuahiw.

26 Girlangg inxcua ix ee cuwvnix;

Pnaiw langg ee lo hro lnagg sitbee.

27 Vinrdnua ee langg byy vig paclac soxx did .diyc .ee;

Unkunn ee langg did diyc langg vyxquir ee jaibut.

28 Dirr qonggi ee lo u uahmia;

Ix ee lorqingr vingrr byy sixbyy.

13 Diwhui ee qniaw tniax laurve ee qauwdog;

Buxban ee langg m tniax jikvi.

2 Langg in'ui cuir soxx qed ee quexjiw beh hiongxsiu hokkir;

Qanjar ee langg beh duw diyc qiongvy.

3 Ioksog cuiwjic :ee, vyxjuann ix ee uahmia;

Suiven kuix cuir :ee, drir qaur vairbyy.

4 Vinrdnua langg ee simx himbo, iarr byy soxx did .diyc;

Unkunn ee langg beh did diyc simx muaw ir jiog.

5 Girlangg iamwjen vehcad'ue;

Pnaiw langg u caur miaa qycc qenwsiaur.

6 Qonggi vyxho qniaa jingwdit :ee;

Sia'og vairhuai huanrjue ee langg.

7 U langg qaqi jrngx juer hyxgiac, iarr byy vnuar hxang;

U langg qaqi jrngx juer songwhiongx, sidjai u jerje jaibut.

8 Langg ee jnijaii tangx sioghuee ix ee uahmia;

Songwhionglangg byy tniax langg ee hangxhuah.

9 Girlangg ee qngx beh bingliang;

Pnaiw langg ee dingx beh srid.

10 Qiaugno qandna' kiw sna' jnex;

Snaqab camsiongg :ee, dyrr u diwhui.

11 M si dui' diyhbuaa laii did .diyc ee jnii e siaubyy;

Lrauu qnua laii jikju :ee, beh naxx qetnix.

12 Soxx ngwbang :ee encenn quw, dyrr drir qaur simx tangwtniar;

Soxx iwair :ee jid'err qaur, dyrr si uahmia ee ciu.

13 Biauxsi dyrliw :ee, qaqi cruw bedbyy;

Qingwuir qaiwbing :ee beh did diyc vywsniuw.

14 Diwhui ee langg ee huatdo si uahmia ee juixjnuaa,

E hro langg lirkuix sixbyy ee lybang.

15 Senrliongg ee cangmiaa hro langg did diyc undenw;

Qanjar ee langg ee lo si kamxket.

16 Tongdat ee langg longxx ing diwhui qniaa dairjir;

Dogdok gong langg vywiongg gong su.

17 Pnaiw ee suwjiaw ham lyc dirr jaieh;

Diongsinr ee kimcex e hro langg kongqen.

18 Kiwjuat qauwdog :ee, beh duw diyc songwhiongx qapp lingziok;

Guan sriu jikvi :ee, beh did diyc ingqngx.

19 Soxx air :ee did diyc jniaa, simx dyrr hnuahiw;

Lirkuix pnaiw dai si gong langg soxx iamwngor.

20 Qapp diwhui ee langg snaqab qniaa e jniaa juer diwhui;

Qapp gugong ee langg juer pnua e sriu sunxsiongx.

21 Jaieh beh duizip pnaiw langg;

Narr si gi ee langg beh did diyc vywsniuw.

22 Hyw langg lauu sanxgiap hro qniaxsunx;

Pnaiw langg soxx jikju ee jnijaii qruix dirr girlangg.

23 Songwhionglangg jingwjyh did diyc jerje bixniuu;

Iarr u in'ui vutgi laii duw diyc bedbyy :ee.

24 M qramx ing cuee :ee si uanwhun ix ee qniaw;

Narr si tniar ix :ee, dyrr jiauww sii jikdog ix.

25 Girlangg did diyc jiac, hro ix ee simx muaxjiog;

Pnaiw langg ee vakdow dikkag iaux.

14 Diwhui ee hurzinlangg dagg xee qenwlip ix ee qrex;

Gong ee hurzinlangg cinciuw huiw ix.

2 Jiauww jingwdit laii qniaa ee langg qingwuir Jehovah;

Dogdok qniaa dairjir hinggik :ee si biauxsi Ix.

3 Gong langg ee cuir-lai u qiaugno ee qnuaiw;

Dogdok diwhui ee langg ee cuiwdunn beh vyxsiyh vunxsinx.

4 Qrex narr byy guu, guu-diauu dyrr kangx kangx;

Toxsanw jerje si dui' guu ee lat.

5 Jinsit ee qanjingr byy qongw vehcat;

Qew ee qanjingr qongw vehcad'ue.

6 Buxban ee langg cue diwhui; iarr cue be diyc;

Congbingg ee langg kuair kuair did diyc jaibad.

7 Qniaa qaur gong langg ee binrjingg,

Dyrr e knuar qnir ix ee cuiwdunn byy diwsig.

8 Tongdat ee langg ee diwhui jairdirr bingvik ix ee lo;

Gong langg ee gong dyrr si kuixjar.

9 Gong langg liac huanrjue juer qunxciyr;

Jingwdit ee langg ee diongqanx u hyvingg.

10 Simx e jaix qaqi ee qankow;

Guarlangg byy hxun dirr ix ee hnuahiw;

11 Pnaiw langg ee cur beh dyxhuai;

Jingwdit ee langg ee vowvnii beh hing'ong.

12 U jit diauu lo, langg knuar juer jingwdit;

Qaur buew jniaa juer sixbyy ee lo.

13 Langg decc ciyr ee sii, simx iarr u iubun;

Kuaiwlok ee qetqiok vnir juer visiongx.

14 Simx vuergik ee langg beh dui' ix vunxsinx laii muaxjiog.

Hyw langg iarr beh dui' ix vunxsinx laii muaxjiog.

15 Gongrdit ee langg byy jit qxur ue m sinr;

Tongdat ee langg dagg vo qinxsin.

16 Diwhui ee langg qniahniaa, qycc lirkuix pnaiw dai;

Gong ee langg hongwsur, qaqi uaxkyr.

17 Kuair siurkir :ee, qniaa dairjir gugong;

Qewboo pnaiw :ee, beh duw diyc uanwhun.

18 Gongrdit ee langg singjiab gugong juer giap;

Tongdat ee langg did diyc jaibad juer benxliuu.

19 Pnaiw langg pag dirr hyw langg ee binrjingg;

Juerzinn pag dirr girlangg ee mngkauw.

20 Songwhionglangg lenrr cuwvnix iarr uanwhun ix;

Hyxgiahlangg ving'iuw jin' je.

21 Knuawkinx cuwvnix :ee, jitt hy langg u jue;

Linbinw songwhiongx :ee, hitt hy langg u hokkir.

22 Qewboo pnaiw :ee, qamxx byy zip belo mah?

Qewboo hyw :ee, beh did diyc linbinw qapp singsit.

23 Vacvnuax ee diyhbuaa longxx u lirig;

Cuiwdunn qongw jerje ue dyrr drir qaur songwhiongx.

24 Diwhui ee langg ee jnijaii juer inx ee benxliuu;

Gong langg ee gong qaur buew si gong.

25 Jinsit ee qanjingr qiur langg ee sniwmia;

Qongw vehcat :ee, si kuixjar.

26 Qingwuir Jehovah u qenqor ee uaxkyr;

Ix ee qniaxzii u dysiamw ee soxjai.

27 Qingwuir Jehovah dyrr si uahmia ee juixjnuaa,

E hro langg lirkuix sixbyy ee lybang.

28 Qok'ongg ee ingqngx jairdirr vecsnir ee je;

Zinqunx suevai jairdirr vecsnir ee jiyw.

29 Byy kuair kuair siurkir :ee, dua dua u cangmiaa;

Sywsingr :ee dua henxcud gugong.

30 Simlai anjing si ziogtew ee uahmia;

Uanwdor si qud-lai ee hiuxnua.

31 Kikvok songwhiongx :ee, si setdok congwjy ix ee Jruw;

Linbinw kiamwkueh :ee, si junqingr Jruw.

32 Pnaiw langg dirr ix soxx qniaa ee pnaiw beh duw diyc ciax dyw;

Girlangg qaur siw u ngwbang.

33 Diwhui anzenn diamr dirr cangmiaa ee langg ee simx;

Gong langg ee vxag-lai beh lorhen.

34 Qonggi hro vangqog singquann;

Qniww u juerog ee vecsnir sriu lingziok.

35 Ing diwhui qniaa dairjir ee ce'ing did diyc ongg ee unhui;

Dogdok siawvai :ee e duw diyc ix siurkir.

15 Unhyy ee inwdab e hro siurkir suah;

Qongxue sywvy e qig kiw siurkir.

2 Diwhui ee langg ee jic gauu qongw jaibad;

Gongrlangg ee cuir tror cud gugong.

3 Jehovah ee bagjiux dagg soxjai dilehh;

Hyxpnaiw longxx decc qamwcad.

4 Sunliongg ee jic si uahmia ee ciu;

Narr u quairbiu :ee, dyrr e sunxsiongx simsinn.

5 Gong langg knuawkinx laurve ee qauwdog;

Guan siurr jikvi :ee did diyc qenwsig.

6 Girlangg ee cur-lai u jerje jaivyw;

Pnaiw langg soxx tranr :ee, si juer ix ee hamrhai.

7 Diwhui ee langg ee cuiwdunn vywiongg jaibad;

Gong langg ee simx longxx byy anxnix.

8 Pnaiw langg henwjer si Jehovah soxx iamwngor;

Jingwdit ee langg qidyw si Ix soxx hnuahiw.

9 Pnaiw langg ee lo si Jehovah soxx iamwngor;

Dogdok duizip qonggi :ee dyrr did Ix tniar.

10 Vangwsag jniar lo :ee beh sriu dang dang ee jikhuat;

Uanwhun jikvi :ee beh drir qaur sixbyy.

11 Imhuw qapp bedbyy longxx dirr Jehovah ee bagjiux jingg;

Hyhongr sewqanlangg ee simx ar?

12 Buxban ee langg m air siurr jikvi,

Iarr byy beh jiurqin diwhui ee langg.

13 Kuaiwlok ee simx e hro bin ciyr ciyr;

Simx narr iubun, e sunxsiongx simsinr.

14 Cangmiaa ee langg ee simx cue jaibad;

Gong langg ee cuir itbi hnor gugong.

15 Kunwkow ee langg ee zidjiw longxx u jaieh;

Simx kuaiwlok ee langg ensiac byy dng.

16 Hyxgiac iarr u kuawlu;

M dat diyc songwhiongx laii qingwuir Jehovah.

17 Jiac caiwsex, dairqex sna' tniar,

Ngiaa quer jiac vuii ee guu-aw, dairqex sna' uanwhun.

18 Pnaiw singwde ee langg ziaw kiw uanqex;

Byy kuair kuair siurkir ee langg e hro sna' jnex suah.

19 Vinrdnua ee langg ee lo si cincniu ciwper ee livax;

Jingwdit ee langg ee lo jniaa juer duarlo.

20 Diwhui ee qniaw hro laurve hnuahiw;

Gong langg knuawkinx ix ee laurbuw.

21 Budix ee langg liac gugong juer hnuahiw;

Bingliw ee langg jiauww jingwdit laii qniaa.

22 Byy snaqab camsiongg, soxx qewboo e sitvai;

Bosu jerje, soxx qewboo e jniaa.

23 Langg ee cuir inwdab habgii, dyrr e hnuahiw;

Habsii ee ue hyw qaur jnaixngiu!

24 Diwhui ee langg u uahmia ee lo laii jnriu .kir,

Did diyc lirkuix dirr erdew ee imhuw.

25 Jehovah beh tiachuiw qiaugno ee langg ee cur,

Beh andnia qnuaxhu ee derqair.

26 Pnaiw ee qewboo si Jehovah soxx iamwngor;

Narr si hyw ee ue si cingqed.

27 Tamx jaii :ee, hamrhai qaqi ee qrex,

Uanwhun vowlo :ee, did diyc uac.

28 Girlangg ee simx sniu liauw jiacc rinr;

Pnaiw langg ee cuir tror cud pnaiw dai.

29 Jehovah lirkuix pnaiw langg hng hng;

Jongwsirr Ix tniax girlangg ee qidyw.

30 Bagjiux ee qngbingg hro simx hnuahiw;

Hyw siausid e zunrdik qud.

31 Tniatanr uahmia ee jikvi :ee,

Beh kiarkiw dirr diwhui ee langg ee diongqanx.

32 M tniax qingxqair :ee, si knuawkinx qaqi;

Tniatanr jikvi :ee, dyrr did diyc qenwsig.

33 Qingwuir Jehovah si diwhui ee qawsi;

Kiamvix dyrr si ingqngx ee dairsingx.

16 Simx ee qewboo jairdirr langg,

Jic ee inwdab si dui' Jehovah.

2 Langg itcer ee soxx qniaa qaqi knuar juer cingkir,

Dogdok Jehovah cikdok langg ee simx.

3 Liw soxx juer :ee longxx diyhh qaudog Jehovah;

Liw soxx qewboo :ee dyrr e unxdangr.

4 Jehovah soxx jy :ee longxx hap ix ee loring;

Lenrr pnaiw langg iarr hap dirr jaieh ee zit.

5 Qniwnarr simx qiaugno :ee si Jehovah soxx iamwngor,

Suizenn ciuw kanx ciuw iarr be benw siurr hinghuat.

6 Dui' linbinw qapp singsit, juerquar did diyc sioghuee;

Dui' qingwuir Jehovah dyrr lirkuix pnaiw dai.

7 Langg ee soxx qniaa narr hro Jehovah hnuahiw,

Lenrr ix ee duiwdik, Jehovah iarr hro inx qapp ix hxyy.

8 Jerje jnii iarr vutgi,

M dat diyc jiyw jiyw jnii qycc u qonggi.

9 Langg ee simx qewik ix ee lo,

Dogdok Jehovah dniardiyc ix ee kavo.

10 Ongg ee cuir-lai u sinn ee ue,

Simxpnuar ee sii ix ee cuir dyrr byy cacog.

11 Qongdy ee tenpingg qapp cinr, longxx sriok Jehovah,

Deaw lai itcer ee dyjiw longxx si Ix soxx dniardiyc.

12 Juer pnaiw si ongg soxx iamwngor,

In'ui jyrui si dui' qonggi laii qenqor.

13 Qonggi ee cuiwdunn si ongg soxx hnuahiw,

Qongxue jingwdit :ee si ongg soxx tniar.

14 Ongg ee dua siurkir cincniu hro langg siw ee suwjiaw,

Dogdok diwhui ee langg e hro ix suah.

15 Ongg ee binrsig ee qngx hro langg u uahmia,

Ongg ee undenw cincniu cunho ee hunn.

16 Did diyc diwhui viw did diyc qimx qex zuarr hyw;

Qingw diyc cangmiaa viw did diyc ginn iauxx kacc hyw.

17 Jingwdit ee langg ee duarlo si lirkuix pnaiw;

Qinxsin siuw ix ee lo :ee, si vyxjuann ix ee sniwmia.

18 Qiaugno si sitvai ee dairsingx;

Jurqyx ee simx dyrr si vuahdyw ee dairsingx.

19 Simx kiamvix qapp songwhionglangg snaqab druar,

Ngiaa quer qapp qiaugno ee langg snaqab vunx soxx cniuw ee mic.

20 Diwir dirr dyrliw :ee beh did diyc lirig,

Uaxkyr Jehovah :ee u hokkir.

21 Simx diwhui :ee cxingx juer tongdat;

Hyw kauxjaii e qetnix langg ee hagbun.

22 Langg u bingliw dyrr u uahmia ee juixjnuaa;

Gong langg ee jikhuat dyrr si ix ee gong.

23 Diwhui ee langg ee simx qawsi ix ee cuir;

Qycc qra ix ee cuiwdunn qetnix hagbun.

24 Uanxjuanw ee ue cincniu bidvoo;

Simx jaix dnix hro qud songxkuair.

25 U jit diauu lo langg knuar juer jingwdit;

Qaur buew jniaa juer sixbyy ee lo.

26 Vakdow iaux si benxle juewqangx ee langg juewqangx;

In'ui ix ee koxhog vig ix.

27 Byy loring ee langg doboo sunxhai;

Ix ee cuiwdunn cincniu u huew decc siyx.

28 Quairpiah ee langg siwqer kiw sna' jnex,

Yc ue ee langg hro cinbit ee ving'iuw lingxdam.

29 Qiongvo ee langg inxiuw cuwvnix,

Cua ix qniaa m hyw ee lo.

30 Bagjiux vangr kreh decc doboo quairpiah,

Cuiwdunn hap uaw .laii jniaa hitt xee pnaiw su.

31 Vec taumngg si suiw ee benxliuu,

Dirr gi ee lo e cue .diyc.

32 Byy kuair kuair siurkir ngiaa quer iongxsu,

Quanxhad qaqi ee simx :ee ngiaa quer cruw diyc sniaa :ee.

33 Liamx kaux jairdirr langg,

Dniardiyc dairjir longxx dui' Jehovah.

17 Ensiac muaw cur iarr u sna' jnex,

M dat diyc jit der aw vniaxqnuax qycc u anjing.

2 Lovok gauu vran dairjir beh quanxhad siawvai ee qniaw;

Qycc dirr hniadi ee diongqanx snaqab vunx qehuew.

3 Ke'aw si beh tuanwlen ginn, loo si beh tuanwlen qimx;

Dogdok Jehovah tuanwlen langg ee simx.

4 Qniaa pnaiw :ee liusimx tniax qanjar ee ue;

Qongw vehcat :ee juwir tniax sia'og ee gengiw.

5 Tixciyr songwhionglangg :ee si lingziok congwjy ix ee Jruw;

Hnuahiw langg duw diyc jaieh :ee, be benw did siurr hinghuat.

6 Qniaxsunx si laurlangg ee benxliuu,

Laurve si qniaxzii ee ingqngx.

7 Gong langg qongw duarue si byy hap,

Hyhongr u dyrdig ee langg qongw vahcat ar.

8 Vowlo ee mic dirr sriu .diyc ee langg knuar juer vyxjiyc,

Bylun ngr dyclyc jit hongbin longxx hingtongx.

9 Zia'iamw langg ee quewsid :ee si rid diyc zin'air,

Dairjir dauc dauc liam :ee, hro cinbit ee ving'iuw lingxdam.

10 Bingliw ee langg jid'err siurr jikvi dyrr zip ix ee simx,

Ngiaa quer pah gong langg jit vah xe.

11 Pnaiw langg juanbu huanxvuan,

Soxiw beh crex janzimw ee suwjiaw kir qongqig ix.

12 Lingkow duw diyc sitlyc qniaw ee himbuw,

M tangx duw diyc gong langg ee guduu og.

13 Ing pnaiw vyr hyw :ee,

Jaieh byy lirkuix ix ee qrex.

14 Sna' jnex ee kixtauu cincniu juiw puawkiah;

Soxiw dirr qauwnau ee dairsingx diyhh hro uanqex suah.

15 Gixdnia pnaiw langg juer gi, dring girlangg juer u jue :ee,

Jitt nng hxang longxx si Jehovah soxx iamwngor.

16 Gong langg qiwzenn byy bingliw,

Sniaw su u jnii tec dirr ciuw nirr brew diwhui?

17 Ving'iuw sisiongg sna' cin'air,

Hniadi ee cutsir uirdiyhh qiur huanrlan.

18 Dirr cuwvnix ee binrjingg dac'ingr juer vyxzinn,

Hitt hy langg dyrr si gong langg.

19 Air sna' jnex ee langg si air huanrjue;

Mngho congr quann ee langg si qaqi cruw vairhuai.

20 Simx quairpiah :ee byy tangx cue diyc hokkir;

Jic vingw laii vingw kir :ee ham lyc dirr huanrlan.

21 Snix gong qniaw si qaqi ee iubun,

Gong langg ee ve longxx byy tangx hnuahiw.

22 Hnuahiw ee simx si hyw iyc,

Iusiongx ee simsinn hro qud qodaa.

23 Pnaiw langg amwjni sriu vowlo,

Beh hro anwqnia vingw linr dngw.

24 Diwhui si dirr bingliw ee langg ee binrjingg,

Gong langg ee bagjiux knuar dirr de ee qigtauu.

25 Gugong ee qniaw hro laurve huanlyw.

Hro laurbuw iukow.

26 Hinghuat gi ee langg si m hyw,

Pah vingxqongx ee qnuahuw iarr si anxnix.

27 Gengiw jiyw :ee u diwsig,

Singwjingg hairjai :ee u cangmiaa.

28 Gong ee langg narr jing jing iarr sngr juer diwhui;

Cuir bat :ee iarr sngr juer cangmiaa.

18 Qaqi hunvet :ee si qriuu ix soxx iwair,

Qycc tongwhun itcer jinx ee diwhui.

2 Gong langg byy hnuahiw bingliw,

Dogdok air henxbingg ix ee sim'ir.

3 Pnaiw langg laii, biauxsi iarr duer ix laii;

Qenwsiaur qaur, lingziok qapp ix qaur.

4 Langg cuir-lai ee ue cincniu cimx ee juiw,

Diwhui ee juixjnuaa cincniu decc lrauu ee kejuiw.

5 Textiab pnaiw langg ee jingben,

Pnuawduanr laii uan'ongw girlangg, longxx si m hyw.

6 Gong langg kuix cuir dyrr kiw uanqex,

Ix ee cuir si qiyr langg pah.

7 Gong langg ee cuir si ix ee vairbyy,

Ix ee cuiwdunn si ix ee linghunn ee lybang.

8 Yc ue ee langg ee gengiw cincniu hyw jiac ee mic,

Cimzip langg ee vaklai.

9 Juewqangx sngwhing :ee,

Qapp janhai :ee juer hniadi.

10 Jehovah ee miaa si qenqor ee daii,

Gi ee langg jauw .zip .kir, dyrr did diyc an'unw.

11 Hyxgiahlangg ee jaibut si ix qenqor ee sniaa,

Jiauww ix pacsngr si cincniu quann ee cniuu.

12 Vairhuai ee dairsingx, langg ee simx si qiaugno,

Junquir ee taujingg si kiamvix.

13 Be tniax ee dairsingx dyrr rinr,

Dyrr si ix ee gong qapp lingziok.

14 Langg ee simsinn e zimxsiu ix ee vnirtniar;

Simsinn siursiongx, jirjui e drngx did kiw ar?

15 Congbingg ee langg ee simx did diyc jaibad,

Diwhui ee langg ee hnirkangx qriuu jaibad.

16 Lexmic si ter langg kuix lo,

Cua ix qaur dairzinn ee binrjingg.

17 Dairsingx venrlun :ee cincniu u girliw,

Dogdok cuwvnix laii dyrr jacad ix.

18 Tiux ciamx e hro uanqex suah,

Iarr e vaiqaiw dirr u sewlik ee langg ee diongqanx.

19 Siurr kikkuix ee hniadi beh did diyc ix qycc hxyy,

Viw cruw qenqor ee sniaa kacc yh;

Jitt hy ee sna' jnex cincniu ngiaje ee mngqongg.

20 Langg qongxue ee haurqyw e hro ix ee vakdow ciongmuaw,

Ix ee cuiwdunn soxx cud :ee, beh hro ix vaxjiog.

21 Snisiw ee qxuann jairdirr cuiwjic;

Tniar ix :ee beh jiac ix ee quexjiw.

22 Did diyc bow :ee dyrr si did diyc hokkir,

Iarr si did diyc Jehovah ee unhui.

23 Songwhionglangg kunxced laii qriuu,

Hyxgiahlangg pnaiw sniasaur laii rinr.

24 Jerje ving'iuw :ee, qaqi cruw vairbyy,

U jit xee diqiw :ee viw hniadi kacc cinx.

19 Songwhiongx laii qniaa jingwdit :ee,

Naiaa quer qongw quairbiu qycc gugong :ee.

2 Simx byy jaibad si m hyw;

Kax qinw jauw :ee, be benw did huanrjue.

3 Langg in'ui gugong laii vairhuai ix ee lo,

Ix ee simx dyrr kiwhiamm Siongrder.

4 Hyxgiac dyrr qetnix jerje ving'iuw,

Songwhiongx dyrr ving'iuw qapp ix lirvet.

5 Lamrsamw qanjingr ee langg be benw did siurr hinghuat;

Qongw vehcat be e dytuad hinghuat.

6 Duarliong ee langg jerje langg duiww ix qriuu xunx;

Sangr mic :ee, langlangg juer ix ee ving'iuw.

7 Songwhionglangg ix ee hniadi longxx uanwhun ix,

Hyhongr ix ee ving'iuw qyckacc lirkuix ix;

Zib beh qapp inx qongxue, inx ixqing’ byy dilehh.

8 Did diyc diwhui :ee, tniawsiyh ix ee linghunn,

Vyxsiuw bingliw :ee, beh did diyc hokkir.

9 Lamrsamw qanjingr :ee, be benw did siurr hinghuat;

Qongw vehcat :ee, beh duw diyc bedbyy.

10 Gong langg hiongxsiu enwlok, si byy habgii;

Hyhongr lovok quanxhad quiwjok ar?

11 Langg u qenwsig dyrr byy kuair kuair siurkir;

Siawbenw langg ee quewsid dyrr si ix ee ingqngx.

12 Ongg ee dua siurkir cincniu sraix hmrhm hauw;

Ix ee undenw cincniu cauw-dingw ee lorjuiw.

13 Gong ee qniaw si laurve ee jaieh;

Bow ee cauxnau cincniu horjuiw cauhcauc dih.

14 Cuwtec jaisanw si joxqongx soxx lauu :ee,

Dogdok gauu ee bow si Jehovah soxx sur :ee.

15 Lanxdy hro langg kunr dang binn,

Vinrdnua ee langg beh duw diyc iaugy.

16 Siuw qaiwbing :ee, si siuw linghunn,

Byy sewzi ix ee soxx qniaa :ee, beh drir qaur sixbyy.

17 Linbinn songwhionglangg :ee, dyrr si jiyh hro Jehovah;

Ix beh jiauww ix soxx qniaa ee hyw su laii hingg ix.

18 Tanr iauxx u ngwbang, diyhh qauwdog liw ee qniaw,

Liw m tangx u iwsur beh hro ix siw.

19 Dua siurkir ee langg dikkag diyhh siurr hinghuat,

Liw narr qiur ix diyhh qycc qex jit vaiw.

20 Liw diyhh tniax koxkngr sriu qawsi,

Hro liw qaur buew u diwhui.

21 Langg simlai u jerje qewboo,

Dogdok Jehovah ee jixir jiacc e unxdangr.

22 Langg soxx iwair si ix zinjuu ee liong,

Songwhionglangg viw qongw vehcat kacc hyw.

23 Qingwuir Jehovah dyrr e did diyc uahmia;

Ix beh anqux vaxjiog byy duw diyc jaieh.

24 Vinrdnua ee langg crunx ciuw dirr vnuaa nirr,

Iarr m kingw tec qaur cuir.

25 Pah buxban ee langg, gongrdit :ee beh cnexgno;

Jikvi bingliw ee langg, ix dyrr kacc jaibad.

26 Pnaiw kuanxtai laurve, qikdiok laurbuw :ee,

Si siawvai drir qaur lingziok ee qniaw.

27 Guaw ee qniaw ar, langg narr qawsi liw kiwsag diwsig ee ue,

Liw quatduanr m tangx tniax.

28 Juer byy ngiaxjiah ee qanjingr hiwlang qongvingg,

Pnaiw langg tunx lyc juerog.

29 Hinghuat si uirdiyhh buxban ee langg sed;

Vnipah iarr si uirdiyhh gong langg ee qajiah.

20 Jiuw si drir qaur buxban :ee, qau jiuw drir qaur suanhuax,

Qniwnarr in'ui ix laii cywgo :ee, si byy diwhui.

2 Ongg ee uihongx cincniu sraix hmrhm hauw,

Ziaw ix siurkir :ee, si hai qaqi ee sniwmia.

3 Lirkuix sna' jnex hitt hy langg u ingqngx,

Dogdok gong langg air uanqex.

4 Vinrdnua ee langg dirr dangtnix ee sii byy beh jingwjyh,

Qaur siuquah ee sii ix qiukid, iarr be did .diyc.

5 Langg simlai ee qewboo si cincniu cimx ee juiw,

Dogdok bingliw ee langg jiacc e qra ix criuu .cud .laii.

6 Qongw kiw qaqi ee zinjuu :ee jin' je;

Narr si diongsinr ee langg jin' yh did .diyc.

7 Jiauww jingwdit laii qniaa ee girlangg,

Ix ee horer u hokkir.

8 Ongg jre dirr simxpnuar ee xui,

Ing ix ee bagjiux qnuaw snruar longxjongw ee pnaiw.

9 Jirjui e qongw: Guaw ixqing’ cingkir guaw ee simx,

Guaw ee jue ixqing’ sew druu?

10 Dyjiw byy drangg, jinx, dauw byy drangg,

Longxx si Jehovah soxx iamgwngor.

11 Lenrr ginxaw dirr soxx juer :ee, iarr henxbingg ix ee vunxsingr;

Ix soxx qniaa :ee higsi singwqed iacc jingwdit.

12 E tniax ee hnirkangx, e knuar ee bagjiux,

Nng hxang longxx si Jehovah soxx juer :ee.

13 Byc did tamx binn, benw drir qaur songwhiongx;

Tiw kuix liw ee bagjiux, jiacc u qraur gxiac ee bixniuu.

14 Brew mic :ee, qongw: M hyw, m hyw;

Qaur brew .kir liauxau, qaqi kuakauw.

15 U qimx iarr u vyxjiyc jerje,

U jaibad ee cuiwdunn, dyrr jniaa juer quiwkir ee dinvyw.

16 Uirdiyhh snihunrlangg damvyw, diyhh tec hitt langg ee snxax.

Ter guarlangg juer vyxzinn, hitt xee langg diyhh damdngx jiksingg.

17 Ing muapenr laii did diyc jiahmic, langg liac juer jubi,

Jongwsirr au .laii ix ee cuir muaw muaw si suax.

18 Dui' camsiongg, dagg hxang ee qewik did diyc jniaa;

Liw beh qaujenr, diyhh ing hyw ee qewcig.

19 Siwqer qniaa, qongw langg ee dngdew, laursed viwbit ee su;

Qau ue :ee, m tangx qapp ix qetqaux.

20 Jiuwjow laurve iacc laurbuw :ee,

Ix ee dingx beh huax dirr qik oamr ee diongqanx.

21 Kixtauu qinw qinw did .diyc ee sanxgiap,

Lorbuew m si juer ix ee hokkir.

22 Liw byc did qongw: Guaw beh vywingr pnaiw,

Diyhh tingwhau Jehovah, Ix beh qiur liw.

23 Dyjiw byy sna' drangg si Jehovah soxx iamwngor,

Qew ee tenpingg iarr si m hyw.

24 Langg ee kavo si dui' Jehovah dniardiyc;

Langg qamxx e jaix ix ee lo mah?

25 Langg suiven qongw: Jex si sxingr mic;

He guan liauw, jiacc camng, jex si juer ix ee lybang.

26 Diwhui ee ongg vuah snruar pnaiw langg,

Hro cialunn lrunw ix.

27 Langg ee simsinn si Jehovah ee dingx,

Qamwcad langg ee simvag.

28 Zinjuu qapp jinsit vyxjuann qok'ongg;

Ix ee jyrui iarr in'ui zinjuu laii qenqor.

29 Iongxqnia si siauwlenlangg ee ingqngx;

Vec taumngg dyrr si laurlangg ee texben.

30 Ing vnxix pah siongx druu kir langg ee juerog;

Pah e zip langg ee simvag.

21 Ongg ee simx dirr Jehovah ee ciuw-diongx;

Cincniu juixqaux, jiauww Ix ee soxx air puar hro ix lrauu.

2 Langg ee soxx qniaa qaqi knuar juer jingwdit,

Dogdok Jehovah cikdok langg ee simx.

3 Qniagi vingxqongx,

Si viw henwjer qyckacc did diyc Jehovah jiaplap.

4 Bak quann simx qiaux,

Ixqip pnaiw langg ee dingx longxx si jue.

5 Unkunn qewik :ee did diyc ciongsing;

Dogdok sywsingr :ee e drir qaur kiamwkueh.

6 Ing kuixjar ee jic laii did diyc jnii :ee,

Si cincniu cuex laii cuex kir ee puhunn, qaqi cruw siw.

7 Pnaiw langg ee qiongvy beh sauwduu qaqi;

In'ui inx m kingw qniaa qongvingg.

8 Dimlik dirr juerog :ee, ix ee lo si jin' uan'uad;

Jongwsirr cingqed ee langg, ix ee soxx qniaa si jingwdit.

9 Lingkow diamr dirr cur-dingw ee qaktauu,

Byc did qapp cauxnau ee hurzinlangg snaqab druar dirr kuankuah ee cur.

10 Pnaiw langg ee simx rair langg pnaiw;

Ix ee bagjiux vingrr byy kyxlinn ix ee cuwvnix.

11 Buxban ee langg siurr hinghuat, gongrdit ee langg dyrr did diyc diwhui;

Diwhui ee langg siurr qawsi, dyrr did diyc jaibad.

12 Girlangg cunxdok pnaiw langg ee qrex,

Jaix paniw langg e ciax dyw qaur bedbyy.

13 Trad bat hnirkangx m tniax songwhionglangg aiqiuu :ee,

Ix jionglaii qiuqiyr iarr byy did diyc tniax.

14 Amwjni sangr mic atjiw siurkir;

Hxingx-jingg ee lexmic e suah dua siurkir.

15 Vingxqongx qniagi, duiww hyw langg juer hnuahiw;

Duiwdirr pnaiw langg juer vairhuai.

16 Lirkuix bingliw ee lo :ee,

Hitt xee langg diamr dirr imhunn ee hue-diongx.

17 Air ciarciw :ee beh drir qaur songwhiongx;

Hnor jiuw qapp iuu :ee be e hyxgiac.

18 Pnaiw langg juer girlangg sioghuee ee qewjnii;

Qanjar ee langg juer jingwdit ee langg ee tewsinx.

19 Lingkow diamr dirr kongwiaw,

M tangx qapp cauxnau qaurkuee ee hurzinlangg snaqab druar.

20 Diwhui ee langg cur-lai u quiwkir ee vyxmic qapp iuu;

Gong langg dyrr srngw liauw liauw.

21 Duicue qonggi qapp zinjuu :ee,

Dyrr cue diyc uahmia qapp qonggi qapp inghenw.

22 Diwhui ee langg vreh jnriu iongxsu ee sniaa,

Vairhuai ix soxx uaxkyr ee sewlik.

23 Vyxsiuw ix ee cuir qapp jic :ee,

Dyrr vyxsiuw ix ee sinhunn benw siurr jaihai.

24 Qiaugno jurqyx ee langg miaa qiyr buxban,

Ix ing qaiugno ciongqongg juer dairjir.

25 Vinrdnua ee langg beh dui' tamx iok laii siw;

In'ui ix ee ciuw m kingw juewqangx.

26 U langg tong' zit tamx iok vutdijiog;

Narr si gi ee langg siaxsir, longxx byy qenlin.

27 Pnaiw langg ee jewhenr si kyxngor :ee;

Hyhongr ix jrunn pnaiw iwsur laii henr ar?

28 Lamrsamw qanjingr ee langg beh bedbyy;

Dogdok cinhni tniax laii qongw :ee, byy langg e vren dyw ix.

29 Pnaiw langg binrpuee qau;

Narr si jingwdit ee langg qinxsin ix ee soxx qniaa.

30 Byy hitt hy diwhui cangmiaa qewik,

Tangx dixdik Jehovah.

31 Bew si uirdiyhh qaujenr ee zit laii virvan :ee;

Jongwsirr diksingr si dui' Jehovah.

22 Hyw miasniax kacc ngiaa quer dua huatjaii;

Unhui kacc hyw qimginn.

2 Hyxgiac songwhiongx sna' ongxlaii;

Longxx si Jehovah soxx congwjy.

3 Tongdat ee langg knuawkinx jaieh dyrr siamxbih;

Gongrdit ee langg jinwjingg kir siurr jaihai.

4 Kiamvix qingwuir Jehovah ee vywsniuw,

Dyrr si hyxgiac, junquir, uahmia.

5 Quairpiah ee langg ee lo, u ciwper qapp lybang;

Vyxsiuw ix ee linghunn :ee, dyrr lirkuix ix hng hng.

6 Qauwiongw ginxaw diyhh ing habgii ee hxuad,

Dyrr ix qaur lau iarr byy uaicuac.

7 Hyxgiac :ee quanxhad songwhionglangg;

Kiamwjer :ee juer jewjuw ee ce'ing.

8 Jaijingr juerog :ee, beh sriu jaieh;

Ix siurkir ee qnuaiw beh huewduu.

9 Hyw simx ee langg beh did diyc hokkir.

In'ui ix jiong' ix ee bixniuu vunx hro songwhionglangg.

10 Qnuaw cud buxban ee langg dyrr byy sna' jnex;

Uanqex qapp lingziok iarr beh suah.

11 Air cingkir simqnuax ee langg,

In'ui ix qongw undenw ee ue, ongg beh juer ix ee ving'iuw.

12 Jehovah ee bagjiux knuawqor cangmiaa ee langg;

Jongwsirr Ix vairhuai qongw qanjar ee langg ee gengiw.

13 Vinrdnua ee langg qongw: U sraix dirr guarbin,

Guaw dirr quelo nirr beh siurr hai siw.

14 Imhu ee cuir si cimx knix;

Jehovah soxx iamwngor :ee beh vuac lyc dirr hitt lairbin.

15 Gugong vagdnii dirr ginxaw ee simlai;

Narr si qauwdog ee qnuaiw-aw qnuaw ix lirkuix hng hng.

16 Kihu songwhionglangg, laii lirig qaqi,

Qycc sangr lexmic hro hyxgiahlangg :ee, longxx drir qaur kiamwkueh.

17 Liw diyhh ngar hnirkangx tniax diwhui ee langg ee ue;

Juansimx dirr guaw ee jaibad.

18 Narr jrunn dirr liw ee simx, diaur dirr liw ee cuiwdunn,

Jex dyrr si hyw.

19 Guaw qinaxzit diaudii ing jex jixsi liw,

Uirdiyhh beh hro liw uaxkyr Jehovah.

20 Qewik qapp jaibad ee hyw su,

Guaw qamxx byy siaw hro liw mah?

21 Hro liw jaix jinliw ee ue ee kaksit;

Hro liw tangx ing jinx ee ue huehog crex liw :ee.

22 M tangx cniuxqiab songwhionglangg ee mic, in'ui ix songwhiongx;

Iarr m tangx dirr sniamngkauw kihu kunwkow ee langg.

23 In'ui Jehovah beh ter ix sin'uanx;

Cniuxduat inx :ee, Jehovah beh cniuxduat hiaxee langg ee sniwmia.

24 Kuair siurkir ee langg, m tangx qapp ix qauvuee;

Dua siurkir ee langg, byc did qapp ix ongxlaii.

25 Qniax liw yc ix ee soxx qniaa,

Qaqi ham lyc dirr lybang.

26 Liw m tangx juer hitt hy qra langg dac'ingr :ee,

Iacc si qra kiamr jnii :ee juer vyxzin.

27 Liw narr byy tangx hingg,

Qniax langg e laii giaa liw decc kunr ee bincngg.

28 Jaxsii liw ee joxqongx soxx lip ee derqair,

Liw m tangx censuaw.

29 Liw u knuar qnir langg unkunn vran dairjir .ee .byy?

Ix beh kia dirr ongg ee binrjingg,

Byy beh kia dirr harjen ee langg ee binrjingg.

23 Liw narr qapp qnuadniuw jerdyh,

Diyhh juwir hitt xee dirr liw binrjingg :ee;

2 Liw narr si tamx jiac ee langg,

Dyrr diyhh ing dyx he dirr naauu.

3 M tangx tamx ix ee hyw jiahmic;

In'ui si penr langg ee jiahmic.

4 M tangx tuabuaa laii qriuu hyxgiac.

M tangx uaxkyr qaqi ee cangmiaa.

5 Liw qamxx beh juwbak dirr hitt xee kanghux :ee mah?

In'ui jnijaii qaqi beh huad sxit, cincniu ingjiauw vuex jnriu tnix.

6 M tangx jiac qenlin ee langg ee vng,

Iarr m tangx tamx ix ee hyw jubi.

7 In'ui ix ee simx anxnix sniu, ix juer langg iarr anxnix;

Ix suizenn duiww liw qongw: Cniaw jiac, cniaw limx,

Danrsi ix ee simx byy iwhiongr liw.

8 Dyrr liw soxx jiac hitt diamw aw beh tror .cud .laii;

Soxx qongw :ee hyw ue qruix dirr kangx kangx.

9 M tangx qongxue hro gong langg tniax,

In'ui beh knuawkinx liw diwhui ee ue.

10 M tangx isuaw jaxsii soxx lip ee derqair,

Iarr m tangx cimzip byy ve ee qniaw ee cande.

11 In'ui sioghuee inx :ee, u dua quanlingg,

Ix beh dui' liw laii srinx inx ee ruanx.

12 Diyhh juann simx ngr dirr qawsi,

Ngar hnirkangx dirr diwhui ee ue.

13 Ginxaw m tangx byy qauwdog;

Liw ing cuee pah ix be drir qaur siw.

14 Liw ing cuee pah ix,

Dyrr tangx qiur ix ee linghunn benw lyc imhuw.

15 Guaw ee qniaw, liw ee simx narr u diwhui,

Guaw ee simx dikkag jin' hnuahiw.

16 Liw ee cuir narr qongw jingwdit,

Guaw ee simdngg iarr beh kuaiwlok.

17 Liw m tangx himsuan pnaiw langg,

Dogdok diyhh tong' zit qingwuir Jehovah.

18 In'ui iauxx u jionglaii ee vywingr,

Liw ee ngwbang iarr be e duanrjuat.

19 Guaw ee qniaw, liw diyhh tniax, diyhh u diwhui;

Qycc inxcua liw ee simx dirr jingwdit ee lo.

20 Hnor limx jiuw :ee, tamx jiac bah :ee,

Liw m tangx qapp ix ongxlaii, qetqaux iacc juewdin.

21 In'ui hnor jiuw tamx jiac :ee, beh drir qaur songwhiongx;

Air kunr :ee beh drir qaur cing puar snxax.

22 Liw diyhh tniatanr snix liw ee laurve;

Liw ee laurbuw lau ee sii, iarr m tangx knuawkinx ix.

23 Diyhh brew jinliw, m tangx bre cud;

Diwhui, qawsi, qapp bingliw, iarr diyhh anxnix.

24 Girlangg ee laurve beh dua kuaiwlok;

Langg snix diyc diwhui ee qniaw beh in'ui ix laii hnuahiw.

25 Liw diyhh hro liw ee verbuw hnuahiw,

Hro snix liw ee buw kuaiwlok.

26 Guaw ee qniaw, diyhh jiong' liw ee simx henr hro guaw,

Liw ee bagjiux iarr diyhh hnuahiw guaw hiaxee lo.

27 In'ui ciongqix si cimx knix,

Imhu si ec ee jnew.

28 Ix decc dngdanw cincniu cat,

Dirr langg ee diongqanx qetnix kuixjar ee langg.

29 Jirjui u jaieh? Jirjui u iubun? Jirjui u sna' jnex?

Jirjui u toxkuir? Jirjui byy enqor siursiongx?

Jirjui bagjiux angbu?

30 Dyrr si hitt hy limx jiuw m jaix suah,

Siwqer cue diauhyy ee jiuw hitt hy langg.

31 Jiuw jniaa juer angg,

Dirr vxuex-lai jniaa juer sikjuiw;

Limx liauw qud'auu, liw m tangx knuar ix.

32 Qaur buew cincniu juaa decc qa liw,

Cincniu dok juaa decc criyh liw.

33 Liw ee bagjiux beh knuar qi'ngi ee su,

Liw ee simx beh huad cud quairbiu.

34 Liw beh cincniu dyw dirr haiw-diongx,

Iacc si cincniu kunr dirr jun'uii dingw ee langg.

35 Liw beh qongw: Langg pah guaw, guaw byy siursiongx,

Langg qongw guaw, guaw m jaix;

Guaw dirsii jingsinn? Guaw qycc kir cue jiuw.

24 Byc did himsuan pnaiw langg,

Iarr m tangx air qapp inx juer jit dxuix.

2 In'ui inx ee simx doboo qiongvo,

Inx ee cuir damlun janhai.

3 Cur dui' diwhui laii kixjy,

Qycc dui' cangmiaa laii qenwlip.

4 Qycc dui' diwsig jiu hiaxee vangqingx,

U dagg hxang vyxvuer qapp suiw ee jaibut muaw muaw.

5 Diwhui ee langg u dua linglik,

U diwsig ee langg qetnix kuiwlat.

6 Liw beh qaujenr diyhh ing hyw ee qewcig,

Bosu je, dyrr e diksingr.

7 Diwhui jin' quann, gong langg be e qaur;

Dirr sniamngg ix byy kuix cuir.

8 Sed qewboo juer pnaiw :ee,

Langg beh cxingx ix juer ziaw jaieh :ee.

9 Gong langg ee simsniu si juerog,

Buxban :ee si langg soxx iamwngor.

10 Liw dirr huanrlan ee zit narr tewsiog,

Liw ee kuiwlat dyrr jiyw.

11 Langg siurr tuax qaur sixde, liw diyhh qiur ix;

Langg beh siurr taii, liw m tangx byy qiur ix.

12 Liw narr qongw: Knuar ar, jitt xee su guanw m jaix,

Hitt xee qamwcad langg ee simx :ee, qamxx be cunxdok mah?

Vyxjuann liw ee sniwmia :ee qamxx m jaix?

Ix qamxx byy jiauww dagg langg soxx qniaa :ee vywingr dagg langg mah?

13 Guaw ee qniaw, liw diyhh jiac bit, in'ui si hyw;

Jiac bidvoo soxx dih ee bit dyrr jaix dnix.

14 Diyhh jaix diwhui dirr liw ee simx iarr si anxnix;

Liw narr cue .diyc, jionglaii beh u hyw vyr;

Liw ee ngwbang iarr byy drir qaur duanrjuat.

15 Pnaiw langg ar, m tangx bih decc qongqig girlangg ee qrex;

M tangx vairhuai ix anhiyh ee soxjai.

16 In'ui girlangg vuahdyw cid vaiw e qycc kiw .laii;

Pnaiw langg siurr jailan dyrr dyxhuai.

17 Liw ee duiwdik vuahdyw, liw byc did hnuahiw;

Ix dyxhuai, liw ee simx byc did kuaiwlok.

18 Qniax Jehovah knuar .qnir, dyrr byy hnuahiw,

Dyrr hro ix ee siurkir lirkuix hitt xee langg.

19 M tangx uirdiyhh juer pnaiw ee langg laii be kad .did,

Iarr byc did himsen pnaiw langg.

20 In'ui pnaiw langg byy hyw buexqingw,

Pnaiw langg ee dingx beh huax .kir.

21 Guaw ee qniaw ar, liw diyhh qingwuir Jehovah qapp qun'ongg,

Byc did qapp huanxhog ee langg qetqaux.

22 In'ui inx ee jaihai hutzenn kiw,

Inx ee nihuer ee juat, jirjui e jaix?

23 Erbin soxx qir :ee iarr si diwhuirlangg ee ue.

Simxpnuar ee sii knuar langg ee jingben si m hyw.

24 Duiww pnaiw langg qongw: Liw si qonggi,

Jitt xee langg banrvecsnir beh jiuwjow ix, ledvang beh iamwngor ix.

25 Jikvi pnaiw langg :ee beh did diyc hnuahiw,

Hyw ue ee jiokhog iarr beh limqaur ix.

26 Ing habgii ee ue inwdab :ee,

Cincniu ing cuir qra langg jimx.

27 Liw diyhh dairsingx virvan guartauu ee su,

Canhngg liaurliw cingcyw,

Jiacc tangx kiw cur.

28 M tangx byy enqor juer qanjingr laii qongqig cuwvnix;

Liw qamxx beh ing cuiwdunn laii kipenr langg?

29 M tangx qongw ix jnaixngiu kuanxtai guaw, guaw iarr anxnix kuanxtai ix;

Guaw beh jiauww hitt langg soxx qniaa :ee laii vyr ix.

30 Guaw qingquer vinrdnua ee langg ee cann,

Budix ee langg ee pudyhngg,

31 Knuar qnir ciwper venwvenr huad,

Cauxcir ziakamr derbin;

Jiyhcniuu iarr dyw .lyc .kir.

32 Guaw knuar liauw dyrr liusimx sniu,

Guaw knuar liauw dyrr sriu qawsi.

33 Qycc kunr diap aw quw, qycc binn diap aw quw,

Sog ciuw tex diap aw quw;

34 Liw ee songwhiongx beh cincniu cat laii,

Liw ee kiamwkueh cincniu cing jenwqah :ee laii.

25 Ixha iarr si Solomon ee jimgenn, si Judah Ongg Hezekiah ee langg soxx caux :ee.

2 Jiong' dairjir viwbat, si Siongrder ee ingqngx;

Jiong' dairjir cabingg, si qun'ongg ee ingqngx.

3 Tnix ee quann, de ee qau,

Qun'ongg ee simx iarr craa be cud.

4 Druu kir ginn ee jedaiw,

Jiacc u kiwqu tangx hro tuanwlen ee langg ing;

5 Druu kir ongg ee binrjingg ee pnaiw langg,

Ix ee qok'ui si dui' qonggi laii qenqor.

6 Dirr ongg ee binrjingg m tangx qaqi jundua,

Iarr m tangx kia dirr dairzinn ee xui.

7 Kacc hyw si u langg duiww liw qongw: Cniaw liw jnriu laii jiax,

M tangx dirr liw soxx qnir ongcinx ee binrjingg,

Qiyr liw lyc .kir.

8 M tangx qinw qinw cud kir qapp langg uanqex,

Benw did qaur buew siurr liw ee cuwvnix lingziok ee sii,

Liw m jaix beh jnaixngiu juer.

9 Liw qapp cuwvnix qewqaur, diyhh qapp ix vunxsinx hunx hxe;

M tangx lorcud vadd langg viwbit ee su;

10 Qniax tniax .qnir ee langg e me liw,

Liw ee caur miaa dyrr yh did tuatli.

11 Qongxue habgii,

Cincniu qimx ee vinqyw he dirr ginn ee naa-aw.

12 Diwhui ee langg ee jikvi, dirr sunrtanr ee langg ee hnirkangx,

Cincniu qimx ee hnirqaux qapp hyw qimx ee siuxsig.

13 Diongsinr ee suwjiaw duiwdirr crex ix :ee,

Cincniu siuquah ee sii u sngseh ee lianglingw;

In'ui ix hro juxlangg ee simx knuawuac.

14 Byngiaw sangr mic suacc laii kuakauw :ee,

Si cincniu u hongx u hunn iarr byy lyc ho.

15 Dngdngg tunlunw, dyrr qnuadniuw iarr siurr ix koxkngr;

Unziuu ee cuiwjic e ad jric quttauu.

16 Liw u did diyc bit .byy? Jiac qraur gxiac dyrr hyw;

Qniax liw jiac quer gxiac dyrr tror .cud .laii.

17 Liw ee kax m tangx jiap jiap kir cuwvnix ee qrex,

Qniax ix iamwjen liw, ginrsinn liw.

18 Lamrsamw qanjingr hamrhai cuwvnix ee langg,

Dyrr si cincniu tuii qapp dyx qapp lrai jnxir.

19 Huanrlan ee sii, uaxkyr byy diongsinr ee langg,

Cincniu pnaiw ee cuiwkiw, tudlunn ee kax.

20 Duiww siongsimx ee langg cniuwquax,

Cincniu dangtnix ee sii trngr snxax,

Qycc cincniu vniar cor dirr qnix ee dingxbin.

21 Liw ee duiwdik narr iaux, diyhh ing bixniuu hro ix jiac;

Cuiwdax, diyhh ing juiw hro ix limx;

22 In'ui liw si ing zet zet ee huextnuar tiap dirr ix ee taukag dingw;

Jehovah iarr beh vywsniuw liw.

23 Vakhongx e drir qaur lyc ho;

Huixvongr langg ee jic e drir qaur langg vniwbin.

24 Lingkow diamr dirr cur-dingw ee qaktauu,

Byc did qapp cauxnau ee hurzinlangg snaqab druar dirr kuankuah ee cur.

25 U hyw siausid dui' hng hng laii,

Cincniu ing lingw juiw hro cuiwdax ee langg limx.

26 Girlangg dirr pnaiw langg ee binrjingg tewniu,

Cincniu dahlyy ee juixjnuaa, pah lasamm ee jnew.

27 Jiac bit jerje si m hyw;

Langg qriuu qaqi ee ingqngx be sngr did ingqngx.

28 Langg byy ioksog qaqi ee simx,

Si cincniu huixhuai ee sniaa byy cniuu.

26 Hartnix lyc seh, siuquah ee sii lyc ho, longxx byy habgii;

Gugong ee langg did diyc ingqngx iarr si anxnix.

2 Cikjiauw-aw ongxlaii, ngir-aw vuex laii vuex kir;

Anxnix byy enqor ee jiuwjow iarr be ingwgiam.

3 Vnxix si uirdiyhh bew, qarqniux si uirdiyhh luu;

Qnuaiw-aw si uirdiyhh gong langg ee qajiah.

4 M tangx jiauww gong langg ee gong laii rinr ix.

Qniax liw qapp ix jidngiu.

5 Diyhh jiauww gong langg ee gong laii rinr ix,

Qniax ix qaqi knuar juer diwsig.

6 Tog gong langg vyr siausid :ee,

Si cyr dng qaqi ee kax, qaqi jiahkuix.

7 Jimgenn dirr gong langg ee cuir,

Cincniu vaixkax ee kax kangx kangx decc hnir.

8 Jiong' ingqngx hro gugong ee langg,

Cincniu ing jit vowde-aw vyxjiyc kngr dirr jiyhduix ee lairbin.

9 Jimgenn dirr gong langg ee cuir,

Cincniu cxir cak zip juiwhanr ee ciuw.

10 Cniar gong langg iacc si cniar quewlorlangg laii juewqangx :ee,

Cincniu sria jnxir :ee sria cud jnxir, siongx diyc jingwlangg.

11 Gong langg qycjaiww dirr ix ee gong,

Cincniu qxauw dywdngw jiac ix soxx tror :ee.

12 Liw u knuar qnir qaqi liac juer diwsig ee langg .byy?

Gong langg viw ix iauxx kacc u tangx ngwbang.

13 Vinrdnua ee langg qongw: Dirr lo nirr u bingw ee sraix,

Dirr quelo nirr u iongw ee sraix.

14 Mngg dirr mngku decc dngw,

Vinrdnua ee langg dirr bincngg nirr iarr si anxnix.

15 Vinrdnua ee langg crunx ciuw dirr vnuaa nirr,

Tec dywdngw qaur cuir iarr hiamm diyhbuaa.

16 Vinrdnua ee langg knuar qaqi u diwhui,

Ngiaa quer cid xee inwdab ee langg.

17 Quewlorlangg kir cab qapp ix byy qansiap :ee ee sna' jnex,

Si cincniu langg kiuw diyc qxauw ee hni.

18 Langg kipenr ix ee cuwvnix,

19 Laii qongw: Guaw qamxx m si qunxciyr mah?

Si cincniu denqongg ee langg hed huexvew,

Ixqip lrai jnxir qapp taii langg ee qesix.

20 Huew kiamr caa dyrr e huax,

Byy langg yc ue, sna' jnex dyrr suah .kir.

21 Air sna' jnex ee langg e qikdong sna' jnex,

Cincniu tnrix tnuar dirr dyc ee tnuar, tnrix caa dirr huew nirr.

22 Yc ue ee langg ee gengiw cincniu hyw jiac ee mic;

Cimzip langg ee vaklai.

23 Cuir cinzet, simx qan'og;

Cincniu huikir anx ginn ee jedaiw.

24 Uanwhun langg :ee qongw povaii ee ue,

Danrsi simlai kngr kuixjar.

25 Ix qongw hyw tniax ee ue, liw m tangx sinr ix,

In'ui ix ee simlai u cid hxang ee kyxngor.

26 Ix suizenn ing kuixjar zia'iamw qaqi ee uanwhun,

Ix ee pnaiw beh lorhen dirr huerjiongr ee binrjingg.

27 Qrut hamrknix ee langg qaqi beh vuac dirr hitt lairbin;

Qy jiyhtauu ee langg, jiyhtauu beh dywdngw laii qy diyc ix.

28 Vehcat ee jic, uanwhun ix soxx decsiongx ee langg;

Tiamxmi ee cuir e vairhuai langg.

27 M tangx uirr binaxzit laii qaqi kuakauw,

In'ui liw m jaix jit zit beh snix cud simxmih su.

2 Diyhh hro vadd langg ylyw liw, m tangx ing liw qaqi ee cuir;

Hro guarlangg ylyw liw, m tangx ing qaqi ee cuiwdunn.

3 Jiyhtauu dang, suax iarr si anxnix;

Gong langg ee siurkir viw jitt nng hxang kacc dang.

4 Dua siurkir si janzimw, siurkir si huanwlam ee juiw;

Dogdok dirr dowki ee taujingg jirjui kia e diauu?

5 Henxzenn ee jikvi,

Ngiaa quer unxbat ee aiwjingg.

6 Ving'iuw ee pacsiongx cud dirr diongsinr;

Dogdok duiwdik ee jimx cuir si quer qxiac je.

7 Langg jiac vaw, iamwki bidvoo ee bit;

Vakdow iaugy, itcer kow ee mic longxx liac juer dnix.

8 Langg lirkuix vunxsoxjai kir piauliuu,

Si cincniu jiauw-aw lirkuix ix ee siu siwqer vuex.

9 Qyiuu qapp hniuliau hro langg ee simx hnuahiw;

Ving'iuw sidsimx ee koxkngr, ix ee dnix iarr si anxnix.

10 Liw ee ving'iuw, qapp laurve ee ving'iuw, liw longxx m tangx kiwsag;

Liw duw diyc huanrlan ee zit m tangx kir hniadi ee qrex;

Hurqin ee cuwvnix ngiaa quer hng hng ee hniadi.

11 Guaw ee qniaw ar, liw diyhh u diwhui, hro guaw ee simx hnuahiw;

Hro guaw tangx inwdab hitt xee qicir guaw ee langg.

12 Tongdat ee langg knuar qnir jaieh dyrr siamxbih;

Gongrdit ee langg jinwjingg kir, dyrr siurhai.

13 Uirdiyhh snihunrlangg damvyw, diyhh tec hitt langg ee snxax;

Uirdiyhh qirluw juer vyxzin, hitt xee langg diyhh damdngx jiksingg.

14 Cingcaw kiw .laii, dua sniax qra ving'iuw jiokhog,

Jitt xee su sngr ix juer jiuwjow.

15 Dua ho ee zit, juiw dih byy suah,

Cauxnau ee hurzinlangg iarr anxnix.

16 Rair joxdongr ix :ee, dyrr si joxdongr hongx;

Ix ee jniar ciuw cincniu lrak diyc iuu.

17 Tih buaa tih hro ix lrai,

Ving'iuw sna' qikle iarr si anxnix.

18 Qowsiuw buhuaqyxciu :ee, beh jiac ix ee quexjiw;

Qor ix ee juxlangg :ee, beh did diyc ingqngx.

19 Cincniu jiyr dirr juiw nirr, bin qapp bin sna' duir;

Langg ee simx qapp langg sna' duir iarr si anxnix.

20 Imhuw qapp bedbyy longxx vutdijiog;

Langg ee bagjiux vutdijiog iarr si anxnix.

21 Ke'aw si beh tuanwlen ginn, loo si beh tuanwlen qimx;

Dui' ylyw iarr tangx ciwgiam langg.

22 Liw suizenn ing kurtuii,

Jiong' gong langg qapp paccuir ee bec snaqab jringx dirr ku-lai,

Ix ee gong iarr be e lirkuix ix.

23 Liw diyhh siongser jaix liw ee ngiuu-qrunn ee qingxhongw,

Liusimx liaurliw liw ee guu-qrunn;

24 In'ui jnijaii be e ingxingw dilehh;

Benxliuu qamxx e jrunn qaur dairdai mah?

25 Dax cauw ixqing’ siux, cauxngiu qycc huad .kiw .laii;

Snuax-dingw ee caiwsex iarr ixqing’ siusip.

26 Ngiuu ee xmngg si tangx hro liw juer snxax,

Snuangiuu juer canhngg ee qewjnii.

27 Iarr u snuangiuu ee nix hro liw qapp liw ee qequanr jiac;

Iarr tangx ngiuxci liw ee luxvi.

28 Byy langg duizip ee sii, pnaiw langg iarr decc jauw;

Dogdok girlangg hyxdnaw cincniu sraix.

2 In'ui derhngx u juerquar, zinqunx dyrr jerje;

U bingliw qapp jaibad ee langg, qog dyrr e dngdngg dilehh.

3 Ciah langg kihu songwhionglangg,

Cincniu juer duarjuiw ee ho sauwbyy gnoxqog.

4 Vangwsag ludhuad :ee ylyw pnaiw langg;

Jongwsirr jipsiuw ludhuad :ee qapp pnaiw langg sna' jnex.

5 Pnaiw langg byy bingvik qonggi,

Narr si cuerqiuu Jehovah :ee byy m bingvik.

6 Songwhiongx laii qniaa jingwdit,

Ngiaa quer qniaa dairjir quairpiah ee hyxgiahlangg.

7 Qinxsin siuw ludhuad :ee, si diwhui ee qniaw;

Qapp tamx jiac :ee juer pnua, si lingziok diyc laurve.

8 Vangr dang lrai laii huatjaii :ee,

Si qra hitt xee linbinw songwhionglangg :ee jikju.

9 Hnirkangx uadjauw m tniax ludhuad :ee,

Lenrr ix ee qidyw iarr si kyxngor.

10 Behik jingwdit ee langg qniaa pnaiw lo :ee,

Beh vuac lyc dirr qaqi ee hamrknix.

Dogdok uanjuann ee langg beh singjiab hyw ee giap.

11 Hyxgiahlangg qaqi knuar juer diwhui,

Dogdok cangmiaa ee songwhionglangg knuar ix taur taur.

12 Girlangg dikjir u dua ingqngx;

Pnaiw langg hingx kiw, langg dyrr jauw kir bih.

13 Zia'iamw qaqi ee juerog :ee, be hingtongx.

Dogdok zin jue laii qexvnir :ee, beh did diyc linbinw.

14 Siongsiongg jrunn qnia'uir :ee, u hokkir;

Gnirsimx ee langg beh ham lyc dirr ix ee jaieh.

15 Vyrgiok ee zinqunx quanxhat songwhiongx ee vecsnir,

Si cincniu hmrhm hauw ee sraix, qapp cue jiac ee himm.

16 Budix ee zinqunx jerje qniaa vyrgiok;

Uanwhun tamx jiac :ee beh jiac dngg huewsiu.

17 Damdngx taii langg ee jue :ee,

Beh jauw zip cimx knix, langg m tangx joxdongr ix.

18 Qniaa dairjir jingwdit :ee, beh did diyc jinxqiur;

Qniaa dairjir uankiaux :ee, beh libkig vuahdyw.

19 Jingwjyh ix ee canhngg :ee, beh u bixniuu qraur gxiac;

Qauvuee byy herlyc ee langg, beh qik songwhiongx.

20 Sinwsit ee langg beh did diyc jerje hokkir;

Sniu beh qinw huatjaii :ee, be benw did siurr hinghuat.

21 Knuar jingben :ee, si m hyw;

In'ui jit der aw vniaw laii huanrhuad :ee, iarr si m hyw.

22 Langg pnaiw bak sniu beh qinw huatjaii :ee;

M jaix songwhiongx beh limqaur ix.

23 Jikdog langg :ee, au .laii did diyc langg hnuahiw;

Kacc je hitt xee ing jic tiamxmi langg :ee.

24 Tautec laurve iacc laurbuw ee mic, qycc qongw: Jex m si jue,

Jitt hy langg si qapp janhai ee langg siangg lui.

25 Tamsimx ee langg kiw sna' jnex;

Narr si uaxkyr Jehovah :ee, beh did diyc hongsing.

26 Uaxkyr qaqi ee simsux :ee, si gong ee langg;

Jiauww diwhui laii qniaa :ee, beh did diyc jinxqiur.

27 Jinxjer songwhiongx :ee, byy drir qaur kiamwkueh;

Dnir juer byy knuar .qnir .ee, beh jerje sriu jiuwjow.

28 Pnaiw langg hingx kiw, langg dyrr siamxbih;

Inx narr vairbyy, girlangg dyrr qetnix jerje.

29 Langg dauc dauc siurr jikhuat, iuguann gni ix ee amrqunw,

Ix beh hutzenqanx vairhuai, longxx byy huatdo tangx idi.

2 Girlangg qetnix jerje ee sii, vecsnir dyrr kuaiwlok;

Pnaiw langg jiangxquann ee sii, vecsnir dyrr toxkuir.

3 Himbo diwhui :ee, hro ix ee laurve kuaiwlok;

Qapp qirluw qetqaux :ee, huahuir ix ee jnijaii.

4 Ongg jiauww qongvingg hro qog qenqor;

Air siurr vowlo dyrr ciax dyw ix.

5 Tiamxmi ix ee cuwvnix :ee,

Dyrr si sed lybang dnii ix ee kax.

6 Dirr pnaiw langg ee jue-diongx u lybang;

Dogdok girlangg cniuwquax hnuahiw.

7 Girlangg cajaix songwhionglangg ee anwqnia;

Pnaiw langg byy bingliw dyrr m jaix.

8 Buxban ee langg qiauxziauw sniaa, cincniu vangr huew siyx;

Dogdok diwsig ee langg hro siurkir longxx suah.

9 Diwhui ee langg qapp gong langg sna' jnex,

Higsi siurkir iacc si ciyr, longxx be e anjing.

10 Air taii langg :ee uanwhun uanjuann ee langg;

Dogdok jingwdit ee langg beh dic ix ee sniwmia.

11 Gugong ee langg u siurkir dyrr longxx henxcud;

Narr si diwsig ee langg dyrr ioksog hro ix suah.

12 Jiangxquann :ee narr tniatanr vehcad'ue,

Ix ee zinsinn dyrr longxx pnaiw.

13 Songwhiongx ee langg, qapp vyrgiok ee langg, sna' duw .diyc;

Jehovah jiyr qngx inx nng dringw hy langg ee bagjiux.

14 Ongg jiauww singsit pnuawduanr songwhionglangg,

Ix ee jyrui beh ingxuanw qenqor.

15 Qnuaiw-aw qapp jikvi e qetnix diwhui;

Vangr cutjai ix ee ginxaw, e hro ix ee laurbuw qenwsiaur.

16 Pnaiw langg qetnix ee sii, juerquar iarr qetnix;

Girlangg beh knuar qnir inx sitvai.

17 Qauwdog liw ee qniaw, ix dyrr beh hro liw ansimx;

Ix iarr beh hro liw ee simx hnuahiw.

18 Narr byy bigsi ngirsiong, vecsnir dyrr hongwciongr;

Dogdok jipsiuw ludhuad :ee, dyrr u hokkir.

19 Qandna' ing ue, lovok m kingw siurr qauwdog;

Ix suizenn bingvik, iarr byy diwir.

20 Liw knuar qnir qnuaxqinw qongxue ee langg bor?

Gong langg viw ix kacc u tangx ngwbang.

21 Langg u lovok dui' sewhanr kuanxtai ix quewtauu;

Jitt xee lovok qaur lorbuew beh venr juer ix ee qniaw.

22 Air siurkir ee langg kiw sna' jnex,

Dua siurkir ee langg jerje huanrjue.

23 Langg ee qiaungo beh hro ix qangwqe;

Simx kiamvix ee langg beh hro ix did diyc ingqngx.

24 Qapp cat vunjngx ee langg, si uanwhun qaqi ee sniwmia;

Ix tniax qnir jiuwjua ee ue, iarr byy qongw cud.

25 Qnia'uir langg :ee, dyrr si sed lybang;

Dogdok langg qriuu jiangxquann :ee ee undenw;

26 Jerje langg qriuu jiangxquann :ee ee undenw;

Dogdok langg ee siurr pnuawduanr si dui' Jehovah.

27 Byy qongdy ee langg, si girlangg soxx iamwngor;

Qniaa jingwdit ee langg, si pnaiw langg soxx iamwngor.

30 Jakeh ee qniaw Agur ee ue, dyrr si bigsi. Jitt xee langg duiww Itiel qongw, dyrr si duiww Itiel qapp Ukal qongw:

2 Guaw viw jingwlangg kacc cunxvun,

Iarr byy langg ee cangmiaa.

3 Guaw byy hagsip diwhui,

Iarr m bad jiww sxingr ee jaibad.

4 Jirjui jnriu tnix qycc lyc .laii?

Jirjui jurjip hongx dirr ciuxdiongsimx?

Jirjui vaux juiw dirr snxax-aw lai?

Jirjui dniardiyc de ee siwqik?

Ix ee miaa qiyr simxmih, Ix ee qniaw miaa qiyr simxmih, liw jaix mah?

5 Siongrder ee ue, dagg qxur longxx si quer tuanwlen :ee,

Qniwnarr uaxkyr Ix :ee, Ix dyrr juer inx ee dinvaii.

6 Ix ee ue, liw m tangx qetnix;

Qniax Ix jikvi liw, liw dyrr henxbingg si qongw vehcat :ee.

7 Guaw qriuu Liw nng qnia su;

Dirr guaw bue siw ee dairsingx, m tangx byy hro guaw.

8 Qriuu Liw hro huqew qapp vehcat lirkuix guaw hng hng;

Hro guaw byy songwhiongx iarr byy hyxgiac;

Ing soxx diyhh ing ee bixniuu hro guaw jiac;

9 Qniax guaw vaxjiog dyrr m zin Liw, qongw Jehovah si jirjui?

Qycc qniax guaw songwhiongx dyrr tautec;

Drir qaur setdok guaw ee Siongrder ee miaa.

10 M tangx duiww juxlangg laii qongw ix ee lovok ee pnaiw ue,

Qniax ix jiuwjow liw, liw dyrr sngr juer u jue,

11 U jit pair ee langg jiuwjow ix ee laurve,

Iarr byy qra ix ee laurbuw jiokhog.

12 U jit pair ee langg, qaqi knuar juer cingkir;

Jongwsirr byy sexduu ix ee uwuer.

13 U jit pair ee langg bagjiutauu jinrjai quann;

Bagjiupuee iarr tiw quann quann.

14 U jit pair ee langg ix ee gee cincniu qiamr, kxiw cincniu dyx;

Beh tunbet derbinrjniu kunwkow ee langg, qapp sewqanx ee songwhionglangg.

15 Gokii u nng xee jaboxqniaw, siongsiongg qongw: Hro guaw, hro guaw.

U snax hxang byy dijiog :ee;

Lenn hitt hy byy qongw qraur gxiac :ee u sir hxang;

16 Dyrr si imhuw, qapp be huai'in ee jiyhtaix;

Byy qraur gxiac juiw ee de, qapp byy qongw qraur gxiac ee huew.

17 Hiwlang laurve,

Knuawkinx m tniatanr laurbuw ee ue,

Hitt hy langg ee bagjiux beh hro snuaqog diongx ee oax dog .cud .laii.

Hro ing'axqniaw soxx jiac.

18 Guaw soxx sniu be cud ee qibiau, u snax hxang;

Lenn guaw soxx m jaix :ee u sir hxang.

19 Dyrr si ingjiauw dirr kongdiongx ee lo;

Juaa dirr jiyhvnuaa dingw ee lo;

Junn dirr haiw-diongx ee lo;

Lxamm qapp luw qauhap ee lo.

20 Imhu ee lo iarr si anxnix,

Ix jiac liauw crid ix ee cuir;

Dyrr qongw: Guaw byy qniaa pnaiw.

21 Uirdiyhh snax hxang, de iycuah,

Lenn damdngx be kiw :ee u sir hxang.

22 Dyrr si lovok juer ongg.

Gong langg jiac qraurgxiac;

23 Byy lang'enn ee luxjuw cutqer;

Luxvi suawjiab juxbuw.

24 Derbinrjniu u sir hxang biser ee mic,

Jongwsirr qik diwsig.

25 Qauxhia si byy lat ee jingxlui,

Jongwsirr dirr hartnix ee sii virvan bixniuu.

26 Sahuanx si luanziok ee jingxlui,

Jongwsirr dirr jiyhvnuaa diongx kiw cur.

27 Cauxmeh byy qun'ongg,

Jongwsirr longxx e hunx dui cud .kir.

28 Senrtangg ing ciuw knii,

Jongwsirr diamr dirr ongqiongx.

29 Vorqniaa uihongx :ee u snax hxang,

Lenn qniadac uihongx :ee u sir hxang.

30 Sraix, dyrr si iaxsiur diongx derr id bingw :ee,

Byy uirdiyhh vadd mic laii siamxvi.

31 Lahqauw, qapp qangx ee snua'ngiuu;

Ixqip byy langg dixdik ee qun'ongg.

32 Liw narr jurqyx gong gong juer,

Iacc si jrunn pnaiw liamrtauu;

Diyhh ing ciuw ngx cuir.

33 Pah gulingx e jniaa ni'iuu,

Pah diyc pni e cud huih;

Cincniu anxnix qig siurkir e kiw sna' jnex.

31 Masa Ongg Lemuel ee ue, dyrr si ix ee laurbuw soxx qawsi :ee.

2 Guaw ee qniaw ar, diyhh jnaixngiu? Guaw cinsnix ee qniaw ar, diyhh jnaixngiu?

Guaw he guan did diyc ee qniaw ar, diyhh jnaixngiu ar?

3 M tangx jiong' liw ee jinglik hro hurzinlangg,

Liw ee soxx qniaa m tangx tranr hiaxee vairhuai ongg :ee.

4 Lemuel ar, limx jiuw m si ongg soxx habgii, m si ongg soxx habgii;

Ongcinx qongw: Qau jiuw dirr dyclyc? Iarr si byy habgii.

5 Qniax inx limx .lyc .kir dyrr be qir did ludhuad;

Penduanr itcer siurkow ee langg ee anwqnia.

6 Qau jiuw diyhh hro beh siw ee langg,

Jiuw diyhh hro koxsimx ee langg;

7 Hro ix limx liauw be qir did ix ee songwhiongx;

Byy qycc qir did ix ee qankow.

8 Liw diyhh uirdiyhh exqauw :ee laii kuix cuir;

Uirdiyhh itcer byy i'uaw :ee, laii srinx inx ee ruanx.

9 Liw diyhh kuix cuir jiauww qonggi pnuawduanr;

Uirdiyhh kunwkow qapp songwhiongx :ee sin'uanx.

10 U jaidig ee hurzinalngg jirjui e cue .diyc ar?

Ix ee qewdat dua dua ngiaa quer vyxjiyc.

11 Ix ee diongrhux ee simx uaxkyr ix.

Longxx byy kiamwkueh jaili.

12 Ix jit siwlangg ee zit,

Hro diongrhux u lirig byy sunxhai.

13 Ix cue mi'ngiuu ee xmngg qapp iuwmuaa,

Qamsimx ing ciuw juewqangx.

14 Ix cincniu singlixjunn,

Dui' hng hng un ix ee bixniuu laii.

15 Tnix bue qngx, ix dyrr kiw .laii,

Ing jiahmic vunx hro qrex-lai ee langg;

Jiong' ingqaix juer ee qangx hunpair luxvi.

16 Ix jimjiog knuar canhngg, dyrr brew ix;

Ing ix ee ciuw soxx tanr :ee, laii jaijingr pudyhngg.

17 Ix ing kuiwlat haa iyx,

Hro ciuxqud giamxgni.

18 Ix jaix soxx qing'ingg :ee u lirig;

Ix ee dingx tong' mii byy huax.

19 Ix ee ciuw tec ak'aw.

Ix ee ciuxsimx hnua pangxciax.

20 Ix cud ciuw jinxjer qankoxlangg;

Crunx ciuw vangjan songwhionglangg.

21 Ix byy in'ui lyc seh, uirr qrex-lai ee langg kuawlu;

In'ui juann qrex longxx cing ju'angg ee ihok.

22 Ix uirr qaqi juer suiw ee tanxaw;

Ix soxx cing :ee dyrr si iuwduervor qapp jxiw sig ee vor.

23 Ix ee diongrhux dirr sniamngg kauw langlangg bad ix;

In'ui ix qapp vunxde ee diongxlyw snaqab jre.

24 Ix juer iuwduervor ee ijniuu kir bre;

Qycc jiong' iyduar bre hro singlixlangg.

25 Kuiwlat qapp uigii si ix ee ihok;

Ix sniu diyc jionglaii ee qingxhongw, dyrr hnuahiw ciyr.

26 Ix kuix cuir dyrr qongw diwsig ee ue;

Ix ee jic u zinjuu ee qawsi.

27 Ix jimjiog knuar qrex-lai ee su,

Byy jiac ingvng.

28 Ix ee qniaxzii kiw laii cxingx ix u hokkir;

Ix ee diongrhux iarr ylyw ix,

29 Qongw: Jaboxqniaw hyw dikhing :ee jerje,

Dogdok liw qaiww derr id :ee.

30 Hyw zinjaii si huqew :ee, suiw iarr si kangx kangx;

Dogdok qingwuir Jehovah ee hurzinlangg beh did diyc ylyw.

31 Ix ee ciuw soxx juer :ee haurqyw qruix ix;

Ix ee qangx dirr sniamngg beh ylyw ix.

huedngw tauu iac