ciauuatiii

ciauuat simlingg derdoo -3

Bunchhai huan'ik

DERR SNAX PNIX SEWSIOK EE LINGRGUA JIT VINGG

Derr cid jniux SIONGRDER EE "KYHAK"

Itcer ee itcer, juewau longxx jriw hiongr siongrder...

jaxjingg guaw qongw .quer, jitt vunw ceh si qinqir dua huadqnuax JUSTICE OLIVER WENDELL HOLMES, JR. qongw ee jit dnxua ue inxcua laii :ee, ix anne qongw "guaw jit diamw aw dyrr byy quawir hogjap sewsiok nirr ee dansunn, mrqycc e uirr lingrgua jit vingg ee dansunn, hongwkir sniwmia."

Beh kir hogjap sewsiok ee lingrgua jit vingg, lanw diyh'air dirr sukyw-siong jyr huisiongg ee qaixvenr, beh ciauuat zimrhyy qanxliok ee liauxqaiw, jiacc erdangr texhue giamqeh kyhagqax soxui ee siongrder lixlun. Jinwzip lingrgua jit vingg, si jinwzip byy hxingg ee lingxhik. Lanw su'iaur sewzi vyxcii "kiamsun ee liauxqaiw", jiacc erdangr huathen siongrder ee jinliw, siw dingdingx ee kakding jingwqir si byy huatdo :ee.

Cniurr sniwmia, hogjap sewsiok ee lingrgau jit vingg m si dit laii dit ongw/ m si jingrtair ee; cniurr sniwmia , si jit jiongw quewdingg, quewdingg ee hudsimx si sinvir, vauhamm qaixvenr/ iliauu/ did diyc diwhui. Jinr zip lingrgua jit vingg ee luxiuu, lanw e texgiam diyc jit jiongw dongrcad, denrqongx huexjiyc ji' qranx, jerje knuar naxx hogjap ee surbut longxx venr qaxx cingbingg ar, simlingg jniajyr lanw ee bagjiux, quancad itcer surbut, byy qycc ui' iuxhan ee budjid juxgi quandiamw qaixsueh sniwmia.

Simlingg ji' ganw soxx duar laii juanxvenr, beh liauxqaiw hogjap sewsiok ee lingrgua jit vingg si kunwlann / simrjiww hunwluan :ee. Lanw e jygu diyc maudunw/ simliw texgiam ee kow/ digvet si hongwkir qu quanliam/ byy sidgiamrsig ee kakding jingwqir. Lanw duiww soxx jaix ee itcer qamxqag jin' susongw siglo/jursinr buanw buanw sii, moxjiongw byy kakding ee cuthen, hro lanw simx qniahniaa. Dirr jit jua luxiuu-diongx, vyxcii kaihongr ee simhingx/ iongxkir, rair jingxhap soxu ee juguann --- qamxjingg /lixdir/ simlingg :ee --- laii zimxsiu songwsid ee qamxqag, vangwdiau jurgnow qaiwsnuar, jiaplap maudunw ee hongsid/ jniawdit ee sukyw.

Maudunw ji' id si, lingrgua jit vingg ee dansunn byy itding knuar kiw laii qanxdanx. Kyxviw qongxx, siongrder cincniu huisiongg hogjap ee junjai. Jyr jit xee qidokdoo, ciangjai qamxqag, siongrder ingwqaix si tuantongw ee snax xui: singwve/ singwjuw/ singwlingg, dongsii guaw huaipy maudunw, jaix siongrder si cimdimm ittew :ee. Dng' guaw qongw, jiongbuew itcer jriw hiongr siongrder, guaw soxx qongw :ee si sniaw? U sniaw jingwqir? Lanw laii tamwtyw " siongrder lixlun" ham' jit quaw kyhagsingr ee jingwqir (dysor m si didjiab :ee), jiaxee jingwqir naxjunxx longxx jriw hiongr siongrder.

KYHAK QAPP SIONGRDER

Kyhak dauwdew dirr siongrder ee qewue vnuarenw sniaw qaksig? Kyhagqair ee tenjaii, cniurr JUNG/ EINSTEIN ALBERT, inx lauu hro sewqair vyxquir ee jusanw, tuisag zinlui duiww sniwmia uxdiu ee liauxqaiw, inx nng xui longxx viauxsi, kyhak genxqiur hro inx siongsinr siongrder vitzenn si jinsit :ee. M quanw jiaxee siongrr hyw ee kyhak simlingg duiww singwlingg ee vyxjingr, lanw iuguann byy hxuad tecud zimrhyy digding ee jingwqir laii jicii siongrder ee junjai.

Zimrhyy jicii siongrder junjai ee sniabingg longxx e jysiu huaigii, vunxlaii dyrr qaix anne, si byy hxuad ixx tuantongw ee kyhak honghuad jingwbingg :ee. Sursut-siong, lixsingr sidai, kyhak vunxsinx dy' jniajyr jit jiongw sinbingg. Bunrdee si, siongrder byy hxuad hro lanw cikliongg/ hanrjer. Beh cikliongg ee surbut, rair dirr hanrding ee kongqanx, jinwhingg junxkag ee quancad/ texgiam . Kyhak cikliongg honghuad ee singqongx, hro lanw jinr jit vo duiww budjid uxdiu ee liauxqaiw, jniajyr kyhagsingr ee jongvair duiwsiong. Qetqyw hro jerje kyhagqax sanxsingx jit jiongw taiwdo, duiww byy hxuad cikliongg ee surbut, m na huaigii/ qycc didjiap hiyxding. "byy hxuad cikliongg :ee dyrr berdangr liauxqaiw; byy liauxqaiw ee surbut, byy su'iar ciauhuann; incuw, byy hxuad virr cikliongg :ee, si byy diongriaur :ee/ byy daddid quancad." inx naxjunxx anne qongw. Jitt jiongw taiwdo, jerje kyhagqax byy kir kylu zimrhyy byy hxingg / byy dangliong ee surbut, dongzenn siongrder dyrr virr vauquah dirr jitt lairbin.

Lanw byy huatdo liac diyc/ cikliiongg siongrder, qngx/ dangrlik/ crur guanjuxliap, marr byy huatdo hro lanw uanjuann cikliongg diyc/ liac diauu , sursit inx henxzenn longxx junjai. Dirr tamwtyw qngx/ dangrlik/ denrjulik/ QUANTUM... jiaxee henrsiong, qingquer jit sewqiw, budliw kyhak ixqingx jin' singsik erdangr singzim henrsit mow quaw janbin si huisiongg maudunw :ee. "simlingg derdoo" soxx inxiong ROBERT OPPENHEIMER (1904-1967, guanjuxdnuaa ji' hu) ee jit dnxua ue :

duiww jit knuar jin' qanxdanx ee bunrdee, lanw ongxongw byy air didjiab/ qanxdanx ee hue'inr, kiokk diauqangx iong kiaukix hikangx ee qauwgi qaixsueh iacc si byy be huedab. Qongw jit xee le, zuqyw mng, denrjuw ee uirdir si m si vyxcii byy venr? diyhh huee "m si"; zuqyw mng "denrjuw ee uirdir si m si duer siqanx qaixvenr? diyhh qongw "m si"; zuqyw mng "denrjuw si m si jingrdiam ee? Lanw iaxx si diyhh qongw "m si "; zuqyw mng "denrjuw si m si decc unrdong? Dap'anr iuguann "m si". Dng' Huddyy virr mng diyc langg siw au ee jongrtair sii, ix ee huedab marr si jitt jiongw hongsid; dirr jap-cid ~ veh sewqiw ee kyhak tuantongw, jitt jiongw huedab ee hongsid jin' hranw tihh.

Zinlui ee simlingg hinguii u qauwgiac ee snuawsyh erdangr qowsingg moxjiongw kyhak, marr u jerje surqnia diyh'air suxiong "siongrder lixlun" jiacc erdangr qaixsueh. Sursit-siong, jerje kyhak-siong virr lanw knuawjyr uixdai jinliw :ee, dysor kyhagqax simx-diongx iuguann jixsi lixlun. Pixzuu, soxui uxdiu kixguann ee "dua vogjar lixlun", jixsi jit xee lixlun. Soxiw itcer jriw hiongr siongrder, jixsi mow quaw langg ee sniurhuad. Siongrder byy hxuad virr cikliongg, jerje langg byy siongsinr Ix ee junjai. Budjid juxgirjiaw/ kacc sewsiok ee langg longxx su'iaur knuar e diyc ee jingwqir. Qivunw-siong, budjid juxgirjiaw ee diongsimx sinwgiongw si, jixu gnoxquanx erdangr qamxsiu diyc ee jiacc sngr si henrsit. Ngua jit qxur ue qongw, inx ee sinwdiauu kyxlingg si "knuar diyc ee jiacc si itcer".

Sewsiok juxgi si kacc hogjap ee henrsiong, kylingg siongrr qanxdanx biyue hongsid si ham' ix ee dywvingbin jyr vixqaur. Sinhagqax MICHAEL NOVAK jin' cingcyw jyr qaur jit diamw, ix hunvet cud soxui "sinsingr iwsig" "sewsiok iwsig". Sewsiok iwsig ee langg, siongsinr ix si uxdiu diongsimx. Jitt jiongw langg jin' kiauw, jin' cingcyw jurqiw jixvutqyr si lak-jap ig zinkauw ee jit xee, kiwdoo beh dirr jit xee diongdingw duarser ee hingsingx-dingw lauu lyc hunziah, jit xee hingsingx jixsi taiwionghe lai, siyw siyw ee jit vorhun, taiwionghe si ginhyhe ee jit ser vorhun, uxdiu-diongx qycc u sngr be uann ee qitnax ginhyy. Muixx jit xee langg longxx zinruii jurqiw si uxdiu diongsimx. Suibongw kiauw /jurgnow diongsimx, sewsiok iwsig ee langg binrduir jitt jiongw dua bongg bongg ee kongqanx, lanbenw qamxqag sitlyc, texgiam diyc byy iwgi ee hikangx.

U sinsingr iwsig ee langg be zinruii jurqiw si uxdiu diongsimx, uxdiu diongsimx dirr vadd xui, dirr siongrder sinsingr ji' diongx. Suibongw kiamr liauw jurgnow diongsimx, sursit vixqaur kacc byy iong'i qamxqag jurqiw byy diongriaur/ byy iwgi, ix jaix jurqiw ham' lingrgua jit xee sinsingr diongsimx siy' kanlenn, ui' jitt jiongw quanhe, did diyc liauw iwgi/ diongriauwsingr.

U sii, langg e jit kax dac dirr sinsingr iwsig, lingrgua jit kax dirr sewsiok iwsig nirr. Sewsiok/ jongqaur qycc u jerje luirhingg. Soxiw quanhe siongrder ee "kyhak", m na su'iaur kyxlu u quaw surbut duiww budjid juxgirjiaw si byy hxuad qaixsueh ee, marr rair singzin muixx jit xee langg ham' siongrder ee quanhe byy qang. U vit'iaur dirr jiax qanxdew qaixsueh singwlingg/ jonggaur ji' qranx ee byy qang.

JONGQAUR SINGWLINGG

Dng' guaw iauxx qycc siwqer enxqangw sii, ciangjai huathen tniajiongr e qra singwlingg/ jongqaur lamrluan. Guaw jiamrr qra jongqaur hanrding jyr : jit jiongw qingguer jojid ee sinwgiongw, u digding ee sinwdiauu/ singguann juqeh hanrjer. Singwlingg ee dingrgi kacc kuacbin, inxiong WILLIAM JAMES duiww jongqaur ee dingrgi. JAMES ee qingdenw duwjog "jongqaur qinggiam ee dyngiursingr (THE VARIETIES OF RELIGIOUS EXPERIENCE)", anne biyue jongqaur "iwdoo qra dairjir ham' knuar be diyc ee sunrsi dadsingg hyhaii". Duiww guaw laii qongw, jex vauhamm liauw itcer ee singwlingg henrsiong. Jyr jit xee duiww jurgnow vutjiw u qitai ee qidokdoo, m na siongsinr knuar e diyc surbut ee sunrsi ji' au, u jit jiongw "kacc quann ee lat", marr siongsinr jitt xee lat, e juxdong hibang lanw erdangr ham' ix dadsingg hyhaii, m si diongsingr :ee.

Henxzenn, jerje sinwgiongw jongqaur kiokk kiamr singwlingg. Guaw knuar quer siongrr sewsiok :ee ji' id, si jit xee tenjuxqaur ee siuluw, dirliauu ix u nii gua ee siqanx. Ix dirr jit xee siudyrngi zi-jap-go dxangx, duliauw siuluw qowding rair jyr ee qangjog --- camwhuew qywvec/ uirr siarhue hogbu ixgua, sniaw longxx byy sniu beh jyr. Ix ee zidsiongg sing'uac cavutdyx be kir sniu diyc siongrder.

Marr u jerje langg singwlingg jabhunx, mrqycc byy jongqaur singwgiongw; u langg nng hxang qiamqor, cniurr guaw. Guaw si qidokdoo, jamxzenn kuacbin ee qidokqaur(ECUMENICAL), si dirr jit xee huisiongg sewsiok ee kuanqingw duarhanr, singwlingg ee huatdenw qingquer sxer-siong soxu uixdai jongqaur ee qauwhuar jaivuee, itdit qaur sir-jap-snax huer jiacc sexlew, jniajyr jit xee byy hunx qauwpair ee qidokdoo. Duliaw jiyxsor qauwdiauu lergua, guaw juansimx siongsinr qidokqaur ee qauwgi. Lingrgua jit hongbin, marr unriong qitnax uixdai jongqaur ee qawsi. "luxiuu ee lexmic (GIFTS FOR THE JOURNEY)" si guaw ui'id siaw quer iuxquanx qidokqaur ee ceh; qitnax :ee longxx si quanhe singwlingg, m si jongqaur.

Duiww cimx cimx quriuw singwlingg/ jongqaur iwsig :ee, ham' kiamr jitt hongbin iwsig ee langg, guaw siongsinr nng xee ee cavet tongsiongg m si tensingx :ee, si hiyrtenx jyrsingg :ee. Langg dirr sniwmia-diongx e qaixvenr, duiww jursinx singwlingg vunxjid ee knuawhuad, gauw huathen jitt jiongw qaixvenr jongxsi e junsunn jit jiongw sunrsi /qaidnua.

LANW LONGXX SI ISRAEL

Guaw duiww singwlingg singdiongw qaidnua ee lixlun, siongrr dairsingx cuthen dirr "simlingg derdoo" nirr, hitt sii guaw vingrr byy cniurr jitmaw jiacc cingcyw. Tamwtyw jitt xee juxdee siongrr u miaa ee , si EMORY UNIVERSITY sinhak genxqiuwngi ee JAMES FOWLER qauwsiu, ix si ceh miaa "sinwgiongw qaidnua (STAGES OF FAITH)" ee jokjiaw. Qinqir FOWLER ee duwjog ham' guaw jurqiw simliw dirliauu ee qinggiam, huathen singwlingg huatdenw qeqiamw u hunx qaidnua. FOWLER tecud lak xee qaidnua, guaw longsog jyr sir xee, dirr "byy qang ee qoxsniax" u siongser suecbingg, "simling duiwue" marr u qongw damrvyc. Erbin si qanxliok ee biyue :

Derr id qaidnua, guaw qongw si bongbu, huanxsiarhue. Siongrr guansiw ee qaidnua, naxx cniu u jongquar sinwgiongw/ sewsioghuar, m quanw zuhyy, inx ee "sinwgiongw hertongw" qik cenw, qivunw-siong byy sniaw guanjig. Jitt xee qaidnua ersaih sngr si byy-hxuad-byy-tnix ee qaidnua.

Derr zi qaidnua, guaw biyue jyr hingsid/ jojithuar, bunzi huatquix ee qaidnua, dirr jiax erdangr cue diyc jongqaur ee "qivunw qauwgirpair", dyrr si sinwgiongw zedqongg hunrjuw.

Derr snax qaidnua si huaigii, qywzinhuar. Dirr jiax u siongrr je ee sewsiok juxgirjiaw, tongsiongg si kyhak jiwsiong/ u lixsingr dyrdig/ ciongbuanw zinsingr. Inx knuar kiw laii diwdang budjid, m na huaigii singwlingg, dongsii duiww itcer byy hxuad jingwbingg ee surbut, longxx byy cuwbi.

Derr sir qaidnua, si sinvir/ qau'iongg, si jongqaur huatdenw ee singsik qaidnua, erdangr cue diyc simlingg huatquix/ u lixsingr/ be liac ann lixsingr m vangr / kaisiw qiamxsi jurqiw ee huaigii/ qamxqag jurqiw ham' "knuar be diyc ee surbu sunrsi" bidced siongquanx, suibongw berdangr kaksit suecbingg jitt jiongw sunrsi. Inx duiww sinvir jabhunx jurjai.

Guaw diyhh singx tecud qingxqyr, m hyw qanxdanx tyr iong jiaxee qaidnua, jerje langg viauxbin knuar kiw laii jin' jinwvo, qisit m si. Pixzuu, u berjiyw "sinx sidai (NEW AGER)" juxgirjiaw, ham' kyhagqax qisit si "qivunw qauwgirpair", u quaw "tuanhok'imx :ee" kiokk si derr sir qaidnua ee sinvir juxgirjiaw. M na muixx qaidnua u jiamrjinr ee jancur, qaidnua ji' qranx marr u quewdorqii. U quaw langg decc singdiongw huatdenw, u quaw langg suacc virr kud dirr mow xee qaidnua. M quanw zuhyy, jiaxee qaidnua longxx si ersaih huatdenw ee, jex viauxsi, derr snax qaidnua ee sewsiok juxgirjiaw, sursit-siong viw dysor jongqaur zinsu kacc jinwhuar. Jerje derr zi qaidnua ee langg e qionglet puepnuar derr snax qaidnua ee "sewsiok zindy juxgirjiaw", mrqycc inx siongrr hyw qaix singx qaqiongg jurqiw ee zindy jingsinn kacc driyc.

U quaw langg damsimx ixx sinwlingg huatdenw laii hunx zinlui, e duar laii hunlec ee haurqyw, uercud byy qang luirhingg ee sinwgiongxjiaw, e duiww siarhue tuantew (digvet si "sinwgiongw tuantew") duar laii pywhai. Guaw liauxqaiw jitt jiongw duiww juanjer/ digkuann ee quanced, mrqycc qamxqag jex si byy vit'iaur :ee. Soxui "sinwgiongw tuantew" dirr ligsuw-siong ongxongw si vaitig langg', dnaxjingw/ bosad huaigii :ee, okmiaa tong' langg jaix. Guaw qywzinn ee qinggiam vutduan qra guaw qongw, duiww singwlingg huatdenw qaidnua ee liauxqaiw tongsiongg vangjan jinrjingg tuantew ee hingsingg. Vutqyr lanw marr diyhh e qir .did, iauxx byy huatdenw ee singwlingg marr erdangr qasog huatdenw, hingsingg jinrjingg qiongrdongtew, drat qaur siongrr quann qingxqair ee singwlingg, iuquann e vyxiuw jingg jit xee qaidnua ee hunziah. EDWARD SANFORD MARTIN dirr ix ee six "guaw ee miaa si jiongwzinn (MY NAME IS LEGION)" soxx biysut ee :

dirr guaw huanrqanx, jiongwlangg ee denrdongg ;

jit xee kiamsun, jit xee qiaugno,

jit xee uirr juerog simx cruir

jit xee m jaix huexqaiw, jre dirr hiax tauciyr;

jit xee tniawsiyh langg'

jit xee beh air miali

guaw beh vakduah jiongxjiongw suxx langg duirlyc ee penjib ,

jixiaur guaw erdangr quatding guaw si sniaw langg.

Singwlingg ee singdiongw luxiuu nirr, zyqyw e jaix "ISRAEL" jitt zri ee guansiw iwgi, duiww lanw u dua vangjan, "qu iog" jit kaisiw, si JACOB ee qowsu, ix henxzenn si derr id qaidnua ee zinbut/ jit xee penwjuw/ cat-aw/ taux qewsingg a'hniax jaisanw ee imbojiaw. Sinue jit kaisiw, JACOB dyrr ziaw dairjir, cniurr denxhingg ee derr id qaidnua , ui' a'hniax hiax dyjauw, dirr suaboo-diongx liulong, u jit amr, snaqnix vnuawmee, duw diyc jit kox coiongw :ee, nng langg pah kiw laii, jitt dniuu quatdaur lensuar quixarr diamxjingx, itdit qaur tnix dicbecc qngx jinwjingg, JACOB qamxqag ix kaisiw kia quann bin, saixcud juanlat beh qra duiwhongx pacdyw, jitt xee byy lew ee cnehun langg, byy-enn-byy-qor cimhuan ix.

Jitt sii, huatsingx qnialangg ee dairjir, cnehun langg crunx ciuw kinx kinx bongx JACOB ee duartuiw, suacc hro JACOB tut ku, JACOB vaiw kax, liac diauu jitt xee cnehun :ee, qongw ix byy sniu beh qewsiok pah, henxzenn si sux ar. JACOB jaix ix binrduir liauw sinsingr ee surbut. Dirr tnix duxx qngx kiw laii hitt sii, JACOB kunxqiuu duiwciuw ee jiokhog, jiacc beh likuix. Duiwhongx dong'ir, m na jiokhog, qycc qongw "cuxau, liw hyrjyr ISRAEL, iwsur si : ham' siongrder quatdaur ee langg."

Dnaxx "ISRAEL" jitt xee zri, u snax ee iwgi, derr id si derqiuu-siong kywqin Derdionghaiw (MEDITERRANEAN SEA) danghnua ee kuhik, jit xee ligsuw byy dngg qycc qanlann ee siyw qokqax.

Derr zi si iutair binjok, juann sewqair dagg xui dyrr u ISRAEL langg, ligsuw quxdngg /e kamx did jiac kow. Mrqycc siongrr qivunw ee iwgi, si jriw jit xee ham' siongrder pokdor ee langg. Vauquad soxu derr id qaidnua ee langg, inx jiacc kaisiw jitt dniuu jingdaur, iauxx m jaix sriu diyc si'angw ee qongqig, iuguann ham dirr oamr nirr, danxtai puxqngx, derr id vaiw virr atkiaux au , jiapsiu jiokhog. ISRAEL marr vauquad hiaxee qingquer atjic/ jiokhog ee langg, inx si derr zi qaidnua ee qivunw qauwgirpair, m quanw Inwdorqaur/ Hueqaur/ Iutaiwqaur/ qidokqaur/ Vudqaur. Nng vaiw jiokhog :ee, u bysinlunrjiaw/ agnostik / huaigilunjiaw, jiaxee langg byy quanw si dirr Solenn/ Ingqog/ ARGENTINA/ Bixqog, inx itdit huaigii, qewsiok jitt dniuu uixdai ee jnedaur. Juewau ISRAEL marr vauquad liauw snax vaiw ee aujic, snax vaiw sriu jiokhog ee sinvir juxgirjiaw, ix laii jurr sxer-siong itcer bunhuar, simrjiww sniu beh sunqiuu kacc jinr jit vo ee aujic/ jiokhog, inx jaix vitzenn e huatsingx. ISRAEL vauhamm liauw lanw jingxqyy duxx vuh ngiw ee zinsingr enxhuar, unrhamm sewqanx soxu kyxlingg ee tuantew ionghap. Lanw longxx si ISRAEL.

TIAP JXNGX-AW

Lanw ciangjai knuar be cingx zinsingr singwlingg huatdenw qaidnua ee jongrhongw, vorhun guan'inx si lanw pnai diyc singwlingg vauhok, duw diyc iuxquanx jongqaur/ singwlingg kywdee sii, byy hxuad caqag jiaxee vauhok zuhyy sokjy lanw jurqiw ee quandiamw, ingxhiongw lanw sniwmia duiww siongrder ee diqag. Jitt jiongw singwlingg ee vauhok sisiongg kiamr qenwsetsingr/ byy vit'iaur. Jongqaur/ kyhak ji' qranx ee quanhe, guanvunw si horsiong ionghap :ee, jingwsid u jit xee miaa hyrjyr "dethak". Jaxqii ee dethagqax PLATO/ ARISTOTELES, ITALY ee AQUINQS longxx si u kyhak taukag ee langg. Inx diwdang jingwqir, jitgii qaxsed diauqnia, mrqycc inx marr uanjuann siongsinr siongrder si henrsit ee junjai.

Jap-lak sewqiw, kyhak/ jongqaur ee quanhe kaisiw lyc qia, qaur 1633 nii qniaa laii qaur kneqog drew, dongnii GALILEO jysiu jongqaur simxpnuar. Qetqyw huisiongg vicamw, virr vig tethuee duiww N.COPERNICUS lixlun ee sinwgiongw --- dyrr si hingsingx sec taiwiongg ee lixlun --- virr qimr dirr cur lai. Jex duiww qauwdingg ee ingxhiongw marr jin' dua, quar dnaxx qauwdingg longxx diyhh binrduir jitt xee cywgo.

Uirr beh ingwhur jitt jiongw qiongdua ee aplik, dirr jap-cid sewqiw buew/ jap-veh sewqiw coqii, sanxsingx liauw byy singbunn ee siarhue kewiog, cingcyw uervunx jingwdi/ kyhak/ jongqaur ji' qranx ee lingxhik. Jex m si kik'ir huatdenw cud laii :ee, si dongsii jinghongw su'iaur ee jurzenn sanxbut. Cuxau, quatding liauw kyhak/ jongqaur ee vunxjid.

Jap-veh sewqiw jaxqii, NEWTON si LONDON hongqax jurzenn diwsig hiabhue ee juxsik. Qinqir byy singbunn ee kewiog, uercud jurzenn/ ciaujurzenn diwsig ee qaiwsnuar. "Jurzenn diwsig" si kyhak ee huanruii, "ciaujurzenn diwsig" si jongqaur sinhak lingxhik, jitt nng jiongw ingxuanw bersaih jiapciog, jex si quiding. Jitt jiongw hunlec soxx jyrsingg ee qetqyw ji' id, si dethak qandna' erdangr kiyh jitt nng vingg kangpang ee cuiwsab-aw, byy dervnuaa/ byy lueriongg.

Dirr mow quaw hongbin, jitt jiongw byy singbunn ee siarhue kewiog, kyxlingg marr ersaih knuawjyr zinlui jit hxang uixdai diwsingr singjiu, duar laii qokk jiongw hyxcur, kyxviw qongw, jongqaur huatdingg qinxsog siausid. Jongqaur siauxqongg :ee byy qycc siysiw ang'ii/ qauwhue quankuanw sniux jnii buanw buanw/ byy lole jewdo/ qenwlip binjuw jewdo; lingrgua jit bin, kyxlingg kyhak hanrjer dirr jurzenn henrsiong, huatdenw cud ee kyqix qikbing, singqyw ciauuat itvnuax langg ee siongxsiong, simrjiww ingxhiongw juanqiusingr bunhuar.

Bunrdee si jitt xee byy singbunn ee siarhue kewiog byy hac iong ar, dnaxx knuar kiw laii huisiongg siaog, "siaog (DISBOLIC)" ee HELLENIC zri DISBALLEIN, iwsur si hunlec/ hunlii/ hunhuar; dywvingg suu si SYMBALLEIN, ionghap/ jingxhap ee iwsur. Dirr Ingbunn si "hiongrdingx (SYMBOLIC)".

Bogjingg jitt xee byy singbunn ee kewiog dngdecc vangqaiw lanw ee siarhue.

Pixzyy, qauwiok-siong ee jongqaur hunlii jingwcig, lanw berdangr dirr qonglip haghau qauwdy dyrdig qewdat, byy guanrir dramm jongqaur, mrqycc duliauw jit quaw qivunw qauwgirpair ee zinsu kyxlingg byy dong'ir jinwhuawlun ixgua, byy langg e huanxduir kyhak qongkyr. Jongqaur/ singwlingg ee kywdee kiokk virr knuawjyr qimwqi, byy langg u dnaw qnaw setqer jit tyr habliw/ qivunw ee kywdingg. Haghau sidjai byy zimrhyy lixiuu byy qar jongqaur; jongqaur marr uanjuann ersaih iong kyhak ee kecquanx hongsid kia dirr qang jit diauu qaiwsuar. Dyrdig qewdat ee quanliam juewau vitzenn e dag diyc qivunw ee jongqaur lixlun,caixiong qangrkuanw hongsid, byy qiongdiau zimrhyy dandok ee quanliam, laii tamwtyw jingxtew ee lixlun.

Henrsit sing'uac-diongx, lanw narr m qar ginxaw quanhe singwlingg ee quanliam, dingxii qandna' qar budjid juxgi, jex qamxx m si decc qra au jit dai qongw dyrdig qewdat qinvunw byy diongriaur. Huanxduir qar dyrdig qewdat ee langg byy bingvik, lanw ixqingx qra jit jiongw qivunw ee hikangx qewdat quanwjur dirr haghau kywdingg nirr. Hikangx qewdadquanx zinruii surbut byy amwhok ee sunrsi, zimrhyy su longxx kyxiw huatsingx, sniwmia jit sud aw longxx byy iwgi. Dyrdig qewdat ee qauwdy zinruii surbut u iwgi. Mrqycc beh qauwdy sniaw ngiu ee qewdadquanx? Jex si siongrr dua ee landee. Lanw bersaih qandna' qiongdiau zimrhyy dandok ee qewdadquanx, diyhh teqiong hagsingx uanjingw ee dua honghiongr, qauwgiac ee iongxkir, hro hagsingx jurqiw kir suanw.

Guaw iauxx beh jriw cud, hitt jiongw byy singbunn ee siarhue kewiog, m na siamwtaur zip laii Bixqog bunhuar, marr digvet ingxhiongw guaw simliw dirliauu juangiap lingxhik. Simliw dirliauu dingrdiau si kyhak, uanjuann hiyxding singwlingg. Jit xee simliw isux jiapsiu hunwlen sii, itding e cimzip liauxqaiw huatdenw qaidnua lixlun : FREUD ee singr simliw/ PIAGET (1896-1980) ee zinrdix/ ERIK ERIKSON (1902-1994) ee singsik huatdenw qaidnua. Jiurr guaw soxx jaix ee, simliw isux ee hunwlen diongsimx juadduir byy zimrhyy singwlingg huatdenw qaidnua. Jex si simliw isux ee hunwlen qewue qinvunw byy qra singwlingg knuawjyr su'iaur yc ee hangbok.

Lanw m na pnai liauw jitt jiongw jibtew ee ligsuw vauhok, marr dnax diyc qywzinn ee hurdamx, hex si dng' lanw jiamrsii sanxsingx huaigii, texgiam diyc ham' zinlui/ siongrder ee qecli sii, qauwhue duiww lanw ee taiwdo. Suibongw jongqaur huatdingg ixqingx byy ar, dnaxx jongqaur penqik taiwdo iuguann hro dysowlangg tingg dirr derr snax qaidnua ee sewsiok juxgi. Soxu jongqaur qivunw qauwgi zedqongg hunrjuw soxx qencii ee qauwdiauu juxgi, byy iong'unw zimrhyy huaigii/ byy kakding. Jerje langg huisiongg hunwno inx ee qauwhue, jixiaur u damrvyc gignaiw, dyrr jysiu qauhue kulii, soxx jyrsingg ee sionghai, quixarr nii ixau marr be siauter. Virr ku'ter ee jiaxee langg ixau tniax diyc zimrhyy iuxquanx singwlingg ee surbut, sui' dyrr "oor! Byy air, mair qycc jitt tyr!" ee huanxingr. Uirr erdangr qewsiok singdiongw, byy be kud diauu lehh, inx su'iaur yc guanliong jurqiw ee sinwgiongw, liauxqaiw hex si derr zi qaidnua ee penqenr/ gne siw ee kingx.

Iauxx u jit jiongw suncuir ee simliw vauhok, hro jerje langg ee singwlingg huatdenw jxig diauu be dinxdang. Gauw bad damzim jit qingx siudyrngi ee jusiongx qowbun, duiww jiwguan sinjid ee langg jinwhingg vingqow, tongx quer guaw jitt quanx jiacc erdangr zip mngg. U jit xee sir-jap-go huer ee luxsingr, ix ee zip mng huxdyrguann/ jongqaur jixdyrguann longxx qongw ix si "uanbiw ee irvi sinjid zinguann", ui'id hro langg gisimx :ee, si qitnax ee sincingxjiaw byy qac'ir ix, qycc qongw be cud sniaw guan'inx, jixsi byy huatdo ham' ix zedjingg qauongw.

Ix hro guaw ee derr id inwsiong si narr veh huer ee gong ginxaw, m si sir-jap-go huer ee luxsingr. Qongw ix ee jongqaur sing'uac sii, byy zimrhyy sriok jurqiw ee gensuu. Cniurr jit xee quaix ginxaw, jaix beh anxjuanw qongw hyw tniax ue hro langg tniax, huisiongg buanxir jurqiw dirr juxzidyc ee mng-dab lenrsip.

Guaw qamxqag u vit'iaur uew cud jongqaur sing'uac ixgua ee qinggiam. Dng' guaw mng ix serhanr sii, hueqongw "huisiongg kuaiwlok". Guaw hni-aw sui' kia quann quann, mng qyckacc je ix ee "kuaiwlok donglenn", lanw ee donglenn jerjiyw qamm diyc kow. Ix qra guaw qongw, veh huer huatsingx ee jit hxang dairjir, ix ham' qauw huer ee a'jew jyrhuew sew sinkux, jexjew qunw sngxciyr qongw " sewzi, OGY laii ar!" OGY si inx qiongrdongg siongwsiong ee pnua, jit xee iuxsen ee jinglingg. Ix sui' bih zip juiw lai. Jitt sii maxmah pah ix.

Pah liw? Uirsniaw? Guaw mng.

Guaw qra taumox congr damm kir.

Dirr gunw ee huerdamm-diongx, huesiongw qitnax diongriaur sniwmia surqnia, jiamrr puu cud, henxzenn, jitt xee luxsingr "huisiongg kuaiwlok" ee donglenn, jixvutqyr si jit qxur ue ziiw. Ix jap-zi huer sii, maxmah diyc diyc dyenn gnerhuar jxingr, sitkir hingdong linglik, cid nii au quewsinx. Jitmaw guaw jin' cingcyw jaix, jitt xee luxsingr cniurr ginxaw ee hing'uii, si ix ee qamxjingg iuguann tingg dirr cingcunqii jingg.

Zidongg zinqeh huatdenw ee amwhok qrii ham' singwlingg huatdenw derr zi qaidnua u jerje hongbin luirsu. Go huer qaur jap-zi huer ee siqii hyrjyr "amwhogqii", jitt xee siqii ee ginxaw longxx jin' "amwbih", dyrr si be ziaw dairjir. Kyxlingg u sii jin' get, kiokk jin' iong'i siongsinr verbuw soxx qongw ee itcer. Qaur cingcunqii, mahuann dyrr kaisiw ar, jurzenn e huaigii/ huanxkongr itcer. Zuqyw liw u jit xee qandna' taumox damm dyrr pah liw ee maxmah, dng' liw jinwzip cingcunqii si, kiokk diyc diyc juadjingr, liw ee cingcunqii huanxkongr qaidnua jiauww lriw qaix uansingg sii, maxmah kiokk likuix sewqanx, anne liw si beh anxjnuaw texgiam cingcunqii ee vuanrgik ? Jitt xee luxsingr berdangr qinggiam cingcunqii ee huanxkongr, bingvik huanxngiar dirr ix singwlingg singdiongw. Ix zidongg digjid/ duiww qauwhue kuan'uix ee sunrjiongg, guan'inx dyrr jin' binghenw ar.

Singwlingg huatdenw qaidnua/ simliw isux soxx sigsai ee singr simliw huatdenw qaidnua si qang diau/ byy qang kxig ; derr id qaidnua si zinsingx tauu go nii, derr zi si amwhogqii ( go ~ jap-zi huer), derr snax si cingcunqrii qaur singlenn qii, derr sir si qenrkongx zinsingr huatdenw ee aurvnuawsingx. Singwlingg / simliw huatdenw qaidnua qangrkuanw, jingg-au ee sunrsi, berdangr qanxliok/ tiaur quer. Narr byy, dyrr e cniurr simliw huatdenw qangrkuanw ee henrsiong, jxig lecc be tongtauw, jerje langg dirr singwlingg huatdenw marr e kac diauu dirr mow xee qaidnua. U sii ham' simliw qaidnua dongr diauu ee gaun'inx qang.

Guaw diyhh jaiww crur qiongdiau, bersaih cinwcaiw/ viauxbin "jinxduan" jit xee langg ee singwlingg huatdenw. Jit xee kyhagqax kyxlingg knuar kiw laii cniurr derr snax qaidnua, qisit singwlingg-siong kyxlingg tingg dirr derr zi qaidnua. Jit xee air qongw dua sniax ue ee sinvir juxgirjiaw, kyxlingg jaix suxiong derr sir qaidnua ee gengiw, qisit si tingg dirr derr id qaidnau ee penwjuw. Iauxx u jiyw sxor langg kyxlingg byy huatdo quilui dirr zimrhyy qaidnua, jiaxee langg virr hyrjyr "nguaxdunn zinqeh", inx ee jit qix kax dac dirr derr id qaidnua, lingrgua hitt qix kia dirr derr zi qaidnua, jit qix ciuw crunx dirr derr snax qaidnua, lingrgua jit qix bongx dirr derr sir qaidnua. Inx si nguaxdunn vnix :ee, siwqer longxx cue e diyc inx.

Duliauu derr sir qaidnua :ee (jiaxee langg knuar jurqiw si luxiuu-diongx ee diausingwjiaw), qitnax qaidnua siongrr dua ee bunrdee si, inx longxx zinruii jurqiw ixqingx drat qaur jiongdiamw. Derr zi qaidnua ee qivunw qauwgirpair zinsu, e qamxqag jurqiw ixqingx bingvik itcer, siongrder kia dirr ix jitt vingg; jit xee siw dingdingx ee sewsiok juxgirjiaw, e qamxqag jurqiw qnir quer sewbin, byy zimrhyy soxjai tangx kir ar.

U quaw langg su'iaur singdiongw likuix jongqaur, cniurr guaw dirr "simlingg derdoo" soxx biyue ee KESIR, ix si jit xee dansunn ee derr zi qaidnua tenjuxqauwdoo, ilai jongqaur hingsid ngiaa quer sidjid ee jingsinn. U langg su'iaur singdiongw jinwzip jongqaur, cniurr qang jit vunw ceh soxx siaw ee, qigtauu sewsiok juxgirjiaw a'dig, ix dairviauw lingrgau jit jiongw simlingg vauhok, narr byy qingquer simliw dirliauu, dyrr e joxgai singwlingg ee singdiongw quewdingg.

MAUDUNW, JNIAWDIT

Hueqor zinlui ee ligsuw, lanw erdangr huathen sinwgiongw sidai soxx unwhamm ee lat/ hanrjer. Itdit qaur juewqin, dirr kuntew siarhue ee jojid, kaisiw knuar diyc lixsingr sidai ee hanrjer. Zyqyw lanw iuguann dirr sinwgiongw sidai, guaw sniu guaw e jniajyr "kexbongg unrdong" ee singguann, qongqig byy qenwqaiw/ byy bogviaux ee sinwgiongw. Qaur dnaxx guaw suibongw teciongr lixsingr, mrqycc huanxduir kiamr siongxsiongrlat / ec ser ee lixsingr. Dng' guaw zinruii jurqiw qaix jaix itcer surbut ee "ui'id" dyrliw, kiokk jit diamw aw byy qamxqag buxduanr/ jurdai sii, lanw dyrr jniajyr dyguann sukyw ee siurhairjiaw. Ec ser ee sukyw hongsid hro lanw siongsinr qauwiok zuqyw m si sriok sewsiok :ee, dyrr si sriok jongqaur :ee; vogdong zuqyw m si in'ui qadingg qewdat ee vangqaiw, dyrr si sriu apvig ee jingxjok qisi ; jit xee langg zuqyw m si binjuxdongw, dyrr si qiongrhydongw ; m si vyxsiuxpair, dyrr si juriupair...

Sursit-siong, sinwgiongw/ lixsingr u siy' tangr ee kongqanx. Jixu dng' lanw erdangr qra sinwgiongw/ lixsingr ee digjid jingxhap qaur sniwmia-lai, jiacc erdangr kacc jiapqin soxui ee jniawdit. M jaix si'angw singx tecud, u quiw xee sinhagqax (guaw jairlai) tuiqongw "sinsingr lenjiab" ee quanliam. Lanw rair hongwkir "m si/ dyrr si" ee simtair, diyhh caixcuw " nng xee longxx si" ee sukyw hongsid. M si beh vaitig lixsingr, si beh tuiqongw "kokdua ee lixsingr", lixsingr ham' sinvir/ lixsingr ham' qamxjingg/ lixsingr ham' didqag/ lixsingr ham' dongrcad/ lixsingr ham' diwhui/ lixsingr ham' air.

Lanw kia kacc quann xui kuanr jitt xee sinx sewqair, dirr hiax junsiuw dyrdig ee singsit singliw marr e tanr jnii. Jingwhuw ciokjinr jingwdi ee didsu (sunrsi)/ siarhue ee qonggi, ihak si kyqix ee haurlut/ zinsingr ee jingqamw qiamqor, ginxaw ersaih yc kyhak/ jongqaur, lanw ee guanrbang si jit jiongw jingxhap, m si qra nng ~ snax jiongw surbut jnrix jyr byy-sig-byy-bi ee touann. Jingxhap kyhak/ jongqaur, m si beh huehok guansiw sinwgiongw ee sidai, knuar kyhak byy junjai; m si beh qra iuxhan ee kyhak jyr gnoxsiong jongvair, si beh qra jongqaur venwjniaa lexvaiwzit jit diamxjingx dirr qauwhue, si sinsingr ee lenjiab.

Guaw ciangjai e sniu, lixsingr sidai ji' au si sniaw? Guaw m jaix, mrqycc hibang si jingxhap ee sidai. Dirr hitt xee sidai, kyhak/ jongqaur kanciuw dauwdin qniaa, hro nng xee longxx jniajyr kacc cimyr/ hogjap ; dirr lanw drat qaur jingxhap sidai jingg, lanw jurqiw ee susiongw diyhh singx venr qaxx kacc cimx/ dyngiu, lanw diyh'air hagsip zuhyy maudunw sukyw, dng' lixsingr /sinsingr huatsingx jingxhap sii, lanw vitzenn e jygu maudunw.

Quiw nii jingg, guaw u qihue duiww qauwiogqiok tecud jap hxang qenwgi, inx jip liauw juann jiux ee qauwiok qiogdniuw laii tyxlun jit xee landee : zuhyy dirr qonglip haghau qauwdy dyrdig qewdadquanx. Guaw ee qenwgi si, siyxhak go nii qaix kaisiw hagsip senjongx susiongw. M si guaw diauqangx qongw qnialangg ee uergiw, senn si siongrr lixsiongw maudunw hunwlen. Gauw narr m si dirr senjongx susiongw dngxsec zi-jap dxangx, byy kyxlingg e jiapsiu qidokqaur hudsimx qauwgi nirr, soxu hiacc je hro langg qniasimx ee siongrder maudunw hingsiong. Ginxaw dirr iokk jap huer sii, derr id vaiw jiapciog diyc maudunw sukyw, jex si quanwjur diongriaur susiongw ee quanqenr sikig. Guaw huaigii u zuarr je qauwiok qiogdniuw zinrjinx knuawtai jitt hxang qenwgi.

Dirr jitt xee lixsingr ee sidai, beh yc maudunw sukyw si jin' byy qanxdanx :ee. Dirr HELLENIC zirqinx, PARADOX (maudunw) ciangjai virr huanx jyr "lixsingr ee dywvingbin". Qisit maudunw m si byy hxuad lixqaiw :ee. Lanw e knuar maudunw byy hxuad lixqaiw, si lanw quanwsi iong gixgenn sukyw, digvet si bingsuu. "niaux" si jit jiongw iur xmngg xmngg, u cuiwciux, qniaa dirr liogsiong dongrbut, "hii" si u lxann / juiw nirr singbut. Niaux hunlui ee dongrbut , byy kyxlingg si hii :ee, CATFISH sriok hii ee hunlui. "sniwmia" "sixbongg" si dywvingg ee hunlui, simrjiww dongrsuu longxx ersaih hunlui, "cue" si "sitkir" sionghuanw. Anne, zuqyw jit xee langg qauwdy qongw " huanrnarr jingxqiur jurqiw sniwmia ee langg itding sitkir sniwmai, narr si sitkir sniwmia :ee vutzenn did diyc sniwmia.", lanw beh anxjnuaw?

SIN'UNX, QIENN

M quanw anxjnuaw vniawmia, zinlui ingxuanw byy hxuad ixx iwjir laii sidhen qijig. Jitt jiongw kiamr kongwjer ee sursit, si itvnuax langg tongsiongg duiww sniwmia-diongx ee qijig dongwjyr byy knuar diyc ee guan'inx ji' id. Inx knuar be diyc sin'unx, marr knuar byy jingwqir, knuar be diyc siongrder ee air.

Dirr guaw kyhagqax ee sinhun, su'iaur jingwqir, marr air jingwqir. Duiqiuu logic/ sinvir, jongw hibang u tongxqewhak ee jingwqir laii suechok quanhe surbut ee junjai, gauw zi~ snax-jap huer ee singsik qaidnua, kaisiw zuxx laii zuxx virr tongxqer soxx byy kyxlingg ee surqnia diyhqniax/ kuthok, kaisiw knuar diyc siongrder ee hunziah. Ui' jurqiw/ vnerlangg ee sniwmia-diongx, qinqir jitt jiongw byy kyxlingg ee huatsinglut (jerje siaw dirr "simlingg derdoo" /qitnax ee ceh nirr), guaw jaix jinjniar u sin'unx junjai, iong "qienn(SERENDIPITY`)" viauxdat sin'unx, u jit jiongw mosid, cavutdyx si jniawbin ee qetqyw.

WEBSTER zirdenw duiww qienn ee dingrgi si : "iwgua duw diyc dinquir surbut ee lexmic (GIFT)". Jitt xee dingrgi u quiw xee cuwbi ee soxjai. Derr id, qra qienn dongwjyr jit jiongw jingrsangr (GIFT), viauxsi u langg u/ u langg byy, u langg hyw zirun/ u langg byy hyw un. Duiww guaw laii qongw, "iwgua did diyc/ dinquir surbut" ee sin'unx si kaihongr hro soxu langg :ee. U langg erdangr vaxag/ u langg byy huatdo.

U langg byy juwir, in'ui lanw byy uanjuann caqag ix ee junjai. Lanw byy duw diyc iwgua /vyxquir ee surbut, si lanw byy texzin diyc jitt hxang sangwlew ee qewdat. Ngua jit qxur ue, qienn huatsingx dirr soxu langg ee srinx-siong, mrqycc lanw ciangjai byy huatdo zinrcud ix qibiau ee vunxjid; lanw qamxqag dairjir vinghuann byy bi, dyrr byy hxuad jiangxag diyc qienn.

Guaw soxx biyue ee sin'unx/ qienn naxjunxx u qauw digdingx:

@ u ju'iongw ee qonglingg, e jicii/ vyxho/ qaqiongg zinlui sing'uac / singwlingg ee singdiongw.

@ Ix ee guanliw narr m si amwbih lanqaiw (cniurr bang), dyrr uanjuann bogbingg-qibiau (cniurr ciaujurzenn henrsiong), jex si qinqir ganxjingg kyhak sukyw ee jurzenn huatjig soxx quatding :ee.

@ Huatsingx qaxx jin' vinghuann, cavutdyx si quanwle , sriok zinlui sewqair qiongrdongg ee qinggiam.

@ Suibongw e sriu zinlui iwsig ee ingxhiongw, mrqycc qinguann laii jurr iwsig ji' gua, ciauuat iwsig quatding ee quewdingg.

Ngua jit qxur ue, guaw siongsinr qienn ee qiongrtongsingr henxsi hex dairviauw liauw jit jiongw henrsiong "u jit jiongw zinlui iwsig ji' gua ee uixdai ligliong, e ju'iongw zinlui singwlingg ee singdiongw. Lanw gauu huaigii ee kyhak simdir kyxlingg e hiyxding jitt jiongw lat, bongx byy/ cikliongg be cud. Ix si junjai, jinjniar ee junjai.

Jaiww jit crur, lanw bulingg cuxliw maudunw, jiacc e duiww sin'unx ee liauxqaiw iuxhan. Sin'unx ee maudunw si, jit hongbin, lanw diyhh vniawmia jingcuw. Gauw bad qongw quer jit quaw lixiuu, sin'unx si jit jiongw suanxdik. Lingrgua jit bin, dyrr sngr lanw iong jin itcer loxlik, kyxlingg iauxx did be diyc sin'unx. Qongw kacc bingg lehh, lanw byy huatdo cue sin'unx, si sin'unx cue lanw. Lanw qiwzenn suanw sin'unx, dongsii sin'unx marr suanxdik lanw, jitt xee maudunw si qienn henrsiong ee hudsimx, marr si "iwgua did diyc ee lexmic". Dng' Huddyy tingjiw duiqiuu jinliw sii, ix jiacc liauxgno --- Huddyy hro jinliw laii cue Ix. Si'angw e hiyxzin, jinliw laii cue Ix? Ix hongwhenr siongrjiyw jap-lak dxangx jauxcue jinliw, jap-lak dxangx ee junxvi? Ix diyhh suncue jinliw, dongsii marr byy duicue jinliw.

Ciangjai u langg e mng guaw, dirr guaw siaw liauw "simlingg derdoo" ee zi-jap dxangx au, qamxx u zimrhyy sin'unx ee qinggiam? Hex si je qaxx sngr be uann. Jitt xee le digvet binghenw, iokk veh dxangx jingg, guaw jre huiqix beh kir MINNESOTA enxqangw. Dirr huiqix-dingw ee siqanx duiww guaw huisiongg ee vyxquir, guaw qandna' hitt sii jiacc u siqanx siaxjog, itding e duar jit vunw ngsig ee vitqiwpo. Guaw qniax cnehun, be ham' qecviah :ee qongxue, iuqii si limx jiuw :ee. Dyrr sngr guaw byy decc siaw, marr e viauxbingg byy air langg qiauxcaw ee taiwdo.

Hitt zit jaiw, guaw dirr HERTFORD qidniuu jnriu huiqix, qecviah si jit xui jiamxzenn cingcniw ee lamsingr, iokk sir-jap-gua. Guaw iong quanwsir ee viauxjingg viauxdat byy sniu beh qaudamm, jin' hnuahiw knuar diyc duiwhongx qangrkuanw qionglet viauxjingg ee hueingr. Gunw diam diam jre jywhuew, guaw siaw guaw ee vitqir, ix knuar siyxsuad, qingquer jit diamxjingx, vuex qaur BUFFALO, gunw qanrkuanw diam diam jywhue qniaa lyc huiqix. Dirr haurqisig nirr danw jit diamxjingx au, beh juanw vadd daii huiqix. Aurlaii gunw byy qongxue qycc jnriu huiqix, itdit qaur sir-jap-go hunjingx au, jitt xui lamsingr jiacc giaa tauu qongw, "jin' sitle, liw qamxx jaix SERENDIPITY (qienn) jitt zri ee iwsur?"

Guaw huedab, jiurr guaw soxx jaix, kyxlingg si guaw ui'id siaw quer jit vunw ceh tamwtyw jitt xee juxdee ee langg. Kyxlingg si "qienn" hro ix dirr jitt sii sniu beh jaix jitt xee zri ee iwgi. Duxhyw jre dirr jit xee juanqax ee vnix :a (sniu knuar mai lehh, jitt jiongw qilut ee byy kyxlingsingr! Marr diyh'air e qir did, guaw qra sin'unx dingrgi, m na dirr tongxqer-siong byy kyxlingg, dongsii u jniawbin ee ingxhiongw).

Dng' jitt jiongw dairjir huatsingx sii, guaw marr rair qra vitqiwpo kngr jit vnix, gunw nng xee kaisiw qongxue. Ix mng guaw si sniaxmic ceh ham' qienn u quanhe? Guaw qongw, hex si jit vunw jingxhap simlixhak/ jongqaur ee ceh. "oor! Guaw duiww jongqaur jin' cnesox ar." ix anne huee guaw. Zenau qra guaw qongw, ix cutsir /duarhanr longxx dirr OHIO, jurr sewhanr dyrr jiapsiu METHODIST CHURCH ee vue'iongw. Kyxlingg ix knuar guaw si erdangr qaudamm ee duiwsiong, jionglaii marr be qycc duw bin, ix qewsiok qongw "guaw byy siongsinr singwbuw ursinx ee jit tyr qongxhuad, lauxsit qongw, guaw duiww qidog qycc uac marr u gibun. Guaw qamxqag jin' byy hyxser, kyxlingg e likuix qauwhue ar."

Uirr beh huedab ix soxx mng ee, guaw kaisiw qongw kiw qenrkongx ee huaigii/ gignaiw. Guaw qra qongw, dirr "simlingg derdoo" soxx siaw :ee, "qniaa hiongr sinsingr ee lo, si jitqii itcer." jriab lyc laii qaixsueh, huanrnarr sniu beh tuatli jniwah-aw sid ee jongqaur, jinwvo qaur kacc singsik/ qywzinsingr ee jongqaur, dyrr su'iaur anne ee jitqii. Gunw dirr MINNEAPOLIS hunciuw sii, "guaw jit diamw aw dyrr byy liauxqai liw qongw ee itcer, mrqycc kyxlingg guaw byy su'iaur likuix qauwhue ar." ix anne qongw.

SINGWLINGG TENKEW

Guaw siongsinr sin'unx duiww lanw u jin' qiongg ee liauhau, m na tauwquer vutkyxsugi / byy kyxlingg ee jinghongw, marr tauwquer tenkew. Dng' dairjir ciauquer kaxhap ee tingdo, dyrr jin' kyxlingg si siongrder ee ciuw decc unrjog. Siongrder jinjniar e ham' lanw qongxue? Henxlingg hro lanw knuar? Dap'anr si kingxding ee.

Siongrr iong'i knuar diyc ee hongsid, si tauwquer jit jiongw "diam jing / siyw ser ee sniax". Liw ingwqaix e qir did guaw qongw .quer, quanhe guaw jit xui vingiuw ee qowsu, ix si snax-jap-gua huer ee luxsingr, u jit zit jaixkiw beh siongrvanx jingg, kir unrdong. Guanlaii ix byy dnaxsngr anne jyr, mrqycc ix byy huatdo vaituad jit jiongw amwjing/siyw ser ee sniax, cuix ix anne jyr. Ix junsunn jitt xee sniax ee inxcua, qetqyw texgiam diyc huisiongg u inghau ee jit dnxua quewdingg, quiw zit au, ix jin' dik'ir qra guaw qongw jitt jann ee qingquer, " juann uxdiu ee jyrbudjuw guanrir vruee guaw unrdong!"

Guaw juewqin jit vaiw, marr sngr si siongrr cingbingg ee jit vaiw, texgiam diyc siongrder diam jing siyw ser ee sniax, si dirr 1995 nii ciutnix, hitt sii guaw duxx uansingg siyxsuad "tendongg huanqanx" ee coqyw, ixqingx u cutvanxsiongx zinrkyw ar, guaw su'iaur kaisiw jinwhingg qaixsiaw, mrqycc duw diyc bunrdee, coqyw ixx "guaw" jyr juxqag, gauw siongsinr jex su'iaur qaiw, diyhh tiaur cud jurqiw, jiacc erdangr qaixsiaw jitt xee qaksig ee huatdenw. Mrqycc guaw ithiongr hamban jyr dersnajiaw quanjiaur jurqiw, ceh nirr lueriongg jingjed ee anvaii, juxqag huisiongg cniurr guaw --- jit xee sriu quer simliw dirliauu hunwlen ee diwsig hunrjuw/ jitgiap gua ee sinhagqax, jitt xee bunrdee gauw m jaix beh anxjnuaw qaixquad.

U jit zit ervox, dngdecc cuxliw vadd ee dairjir, guaw tniax diyc jitt xee siyw ser ee sniax qongw : "kir tak (DANIEL)", guaw kinx kinx iyy tauu. Guaw jaix, 'DANIEL' si dirr "qu iog" nirr, dyrr cniurr soxu tak quer singwqingw ee ginxaw, guaw jaix DANIEL si jit xee sendix, m jaix sniaw guan'inx virr danr zip sraix het, aurlaii siongrder inxjunw jiacc did qiur. Druu jiax ixgua, guaw itbuu-soxdix. Guaw jurlaii byy tak quer "DANIEL" marr byy anwsngr beh kir tak, jit diamw aw dyrr m bad jitt jiongw sniax uirsniaxmic beh guaw kir tak. Guaw iyy tuauu, qewsiok siaw puex.

Derr zi zit ervox, dirr kanciuw ee cecvangg nirr cue jit quaw bunqnia sii, snia'imx qycc qongw "kir tak DANIEL", jitt vaiw guaw byy iyy tauu. Guaw duiww singwlingg ee qencii, u quaw qinggiam, erdangr qamxqag cud siongrder naxjunxx beh guaw jyr quaw sniaw dairjir, guaw sidjai m jaix rair jyr sniaw su, vutqyr guaw iuguann kinsangx jyr guaw air jyr ee, byy digvet cab jitt xee sniax.

Qycc quer jit zit, ervox guaw jiauww quanwsir kir sanwvo, snia'imx qycc laii ar, simrjiww qyckacc qencii "SCOTT, liw sniaw sii jiacc beh kir tak "DANIEL? " danw guaw qniaa lo dngw .laii, byy sniaw qib ee dairjir diyhh jyr, dyrr tecud "singwqingx" kaisiw tak "DANIEL". Guaw did diyc siongrr u iong/ hiwgiogsingr ee liauxgo. DANIEL viw guaw iongxqamw/ sinwsimx qending/ qyquir/ u jamrjad, henxzenn si diwsig hunjuw/ qaixbang juanqax/ marr sngr si moxjiongw simliw isux, aurlaii jniajyr sinhagqax. Hex si guaw sniwmia enxhuar quewdingg neh! Jin' qinw dyrr huatqag gauw ixqingx cue diyc bunrdee ee dap'anr : siyxsuad juxqag qaix qiyr jyr DANIEL, m si SCOTT. Gunw ji' qranx ee luirsu/ byy qang hro guaw erdangr tiaur cud jurqiw ee iuxhan, ixx jiongxjiongw siyw sewjad hro qaksig qyckacc hro langg' sinwhok.

Siongder quanjiaur guaw jitt xee le jin' u iwgi, m na guaw vutqyr si jit xee byy sniaw singjiu ee hagjiaw, marr si singwqingx ee pnaiw hagsingx. Duiww "sinx iog", ithiongr byy huatdo jiapsiu "kexsirliok" ee biysut, duiww zirbin ee iwgi, u jin' dua ee gibun. "qu iok" qinvunw dyrr byy tak zuarr je, duiww "DANIEL" longxx byy cuwbi. Jitt xee henrsiong dauwdew si sniaw guan'inx? Jerje quanhe congwjyrlat ee lunrsut, tee kiw jerje le, dng' lanw simsinn diam jing, landee ee qaixdab ongxongw hionghiongg puu cud. Jitt sii e sui' zinrcud dap'anr, huisiongg suxx langg hnuahiw ee qaixdab. itvnuax be dongwjyr guarlaii ligliong/ siongrder. Mrqycc dirr guaw ee jinghongw ha, si did diyc jit diauu inxcua ee dyrlo, siongrbuew jiacc si qaixdab. Inxcua vunxsinx duiww guaw byy iwgi; guaw m jaix inxcua ham' guaw ee bunrdee u zimrhyy quanhe. Vingsii guaw be junsunn jitt jiongw jixinw. Guaw marr be hixqongg. Tauu jit xee huanxingr si byy air jitt jiongw inxdy, guaw ee jurgnow duiww jex qamxqag cnisox.

Guaw ee bunrdee byy sngr dua, qamxx qongw siongrder e digvet jo guaw qaixquad jiacc ser ee bunrdee? Si ar, jex si guaw ee iwsur. Uirsniaxmic siongrder jiacc quansimx guaw? Guaw sidjai m jaix. U jnriu vah-bxan ee langg bad biyue quer luirsu ee qinggiam. Jiaxee sin'unx/ tenkew ee qinggiam m na jingwbingg siongrder ee junjai, marr suecbingg liauw Ix duiww lanw ee quanjur ingxuanw byy hiyckunr.

Tniax diyc "diam jing siyw se ee sniax" si jit jiongw quaiwqii ee qinggiam. Uanjuann m si laii jurr tnidingw vaxdni qngngia lamsingr ee snia'imx. Narr cniu "singwgingx" soxx qongw :ee, si "anjing" qycc "siyw ser", cavutdyx byy sngr si snia'imx. Cniurr ui' luersimx huad cud, ham' lanw ee simsux lann hunven, jixvutqyr si jurqiw ee simliam ziiw.

Bogquair jerje langg duiww zuhyy hunven tenkew qamxqag gignaiw. Jitt xee "sniax" ham' vingsii simliam ji' qranx ee luirsu, su'iaur qinxsin duiwtai. Zuqyw u langg siwqer tuanvor siongrder ee jixir, qisit jixsi ix jurqiw ee simsux, anne jin' byy sikhap, jin' qinw dyrr e diwsuw siauxqongg. Tenkew ee hunven u quaw junxjig. Dairsingx, diyhh kaix siqanx "qiamxcad henrsit" (qinxqib jinghongw lergua), dauwdew si singwlingg? Si jurqiw simsinn? E u siqanx hro liw sniu siongser. Zuqyw liw byy be cab jitt xee sniax, cavutdyx e jaiww crur tecniw liw, cniurr guaw ee jinghingg qangrkuanw. Qycc laii, jitt xee singwlingg ee sniax jongxsi u qenwsetsingr :ee, m si pywhai :ee, kyxlingg e qiyr liw jyr quaw byy qang ee dairjir, kyxlingg e qamxqag damrvyc morhiamw, m si dua langrhiamw :ee. Narr qongw liw tniax diyc ee sniax si qiyr liw jursad/ taux tec mic/ kaix liw jidsiwlangg tanr ee jnii brew junn, liw siongrhyw kir cue simliw isux.

Lingrgua jit bin, jitt xee sniax tniax kiw laii u damrvyc "siauxqongg", jex si hunven ham' jurqiw simsinn ee jit xee honghuad. U jit jiongw cnehun ee jitde, naxjunxx ui' guarbin laii :ee (sursit marr si anne). Jex si byy hxuad piacbenw ee qamxqag. Singwlingg byy su'iaur qongw, lanw ixqingx jaix :ee/ tuidong lanw kir jyr erhiauw :ee. Ix sinqii/ iwgua laii, uirr beh kexsi lanw, diyhh cuanwtaur qu hanrjer/ qaiwsnuar. Lanw jiacc e duiww singwlingg ee sniax, iyy tauu byy air ee huanxingr.

Siongrder duiww lanw qongxue ee lingrgua jit jiongw hongsid si taur quer bang, iuqii si JUNG soxui ee "dua bang". Dng' guaw si simliw isux sii, u quaw vnerlangg jaix bang nirr erdangr cue diyc inx bunrdee ee qaixdab, dyrr diauqangx/ qihaisid iwdoo uew cud qidiongx ee dap'anr, loxlilk qiwliok bangrqingw soxu ee sewjed. Simliw dirliauu-diongx, ongxongw byy qauwgiac siqanx laii hunsig dairvorhun ee bang; gauw marr qamxqag dairliong ee bang-diongx juliau e gai diyc kacc u haurqyw ee hunsig quewdingg. Duiww jitt jiongw vnerlangg, guaw diyhh qra inx qongw tingjiw ciaucue inx ee bang, hro bang laii cue inx, hro inx ee amwiwsig suanw sniaw kuanw ee bang ersaih jinwzip iwsig. Jex jamxzenn kunwlann, su'iaur vnerlangg hongwkir vorhun ee kongwjer, duiww jurqiw ee simdir caixcuw kacc virdong ee ngiursniur. Itdanr vnerlangg yc erhiauw tingjiw u iwsig ee liac bang, inx soxx e qir did ee bang juliau qiamxjiyw, jid binghenw tee quann, vnerlangg ee bang e jniajyr amwiwsig ee lexmic, jin' iugnaw jo vnerlangg huehok qenrkongx.

Guaw marr u quaw vnerlangg, uanjuann byy liauxqaiw bang duiww inx soxx quriuw ee tenkew, inx e ui' iwsig-diongx danr driau soxu bang ee juliau, knuawjyr byy qewdat/ byy diongriaur. Jiaxee vnerlangg diyhh hagsip e qir did inx ee bang, yc anxjnuaw himsiongw luerjai ee vyxvuer, beh iuxhau suxiong bang, lanw diyhh caqag ix ee qewdat, dng' ix laii cue lanw ee sii, dyrr hyw hyw liriong. Lanw marr rair loxlik kir cue bang/ qitai bang, hro bang jniajyr jinjniar ee jingrsangwpinw, jex si JUNG soxui ee "dua bang", cavutdyx e duiww lanw huachiux "e qir did guaw!"

Uirjnuaxngiu jerje langg e srid qakcad sin'unx/ tenkew ee jingwqir, jit quaw diam jing siyw ser ee sniax/ bang? Guaw siongsinr u nng xee guan'inx. Id si qniax qaixvenr, dysowlangg ee simdir zuqyw m si qivunw qauwgirpair, dyrr si sewsiok juxgi cuxhiongr, inx byy sniaw u kyxlingg jiapsiu jiaxee jingwqir, qycc jin jit vo jitgii inx jurqiw ee simdir. Zi si dng' jit xee langg jinjniar singzin siongrder sii, si huisiongg qniahniaa ee qinggiam. Diyhh vingw driau jurgnow ee ong'ui, hro siongrder laii cuarniaw lanw ee sniwmia, vit'iaur hongwkir jerje kongwjer (cniurr guaw soxx qongw quer ee "dua bang", siongrder ter guaw sraiw ciax).

Duiww jerje sewsiok juxgirjiaw, qirjuat zimrhyy quanhe siongrder ee jingwqir vingrr m si jurzenn/ virdong henrsiong. Dnaxx duiww genr dok ee vnerhuan/ qitnax giamdiong bunrdee, kiokk duiww jingwqir u knuar be diyc ee langg, lanw quanwsir qongw inx decc "hiyxzin". Jitt jiongw hiyxzin si jit jiongw qionglet ee simliw uahdang. Lanw ersaih anne qongw, mow quaw langg driongr liauw "sewsiok juxgi" ee dok/ driongr liauw "qivunw qauwgirpair" ee dok. M quanw jingwqir jit diauu jit diauu bingvik cingcyw, inx marr be qaixvenr sim'ir. Jex m si qongw inx ham' langg' byy qangg, byy tonghiongr siongrder ee dyrlo ; si inx suanxdik dypiah/ hiyxding jitt diauu lo.

HINGSIONG? LINGHUNN?

Dirr jerje hongbin, jiapsiu zimrhyy quanhe siongrder ee jingwqir, longxx su'iaur jurgnow/ linghun ee qaujenr. Jaxjingg gauw qra linghunn dingrgi jyr " siongrder soxx congwjy / dog'id-buzi/ e singdiongw/ ingxsingx be siw ee zinlui jingsinn." jitt xee dingrgi ee muixx jit xee hing'iongsuu longxx jin' diongriaur, digvet si "linghunn si siongrder ju'iongw ee". Siongrder m na dirr lanw siurin (jertaix) sii, congwjy liauw lanw, qycc tauwquer sin'unx, qewsiok aiwqor lanw jidsiwlangg. Guaw siongsinr Ix anne jyr, itding duiww lanw u qitai : hibang lanw ee linghunn singdiongw. Linghunn/ jurgnow ee cavet qycc si dirr diyhh?

Guaw biyue .quer, jurgnow jiangxquanw zinqeh. Jurgnow huatdenw/ iwsig huatdenw ji' qranx u bidced quanlenn. Dng' lanw dramm diyc moxlangg ee "jurgnow" sii, tongsiongg jriw hitt xee langg ee hingsiong/ caqag/ iwjir. Jex m na vauquad zinqeh ee digdingx (vixqaur kacc huwbin/ hongui :ee), marr vauhamm duiww sniwmia ee sukyw/ qewdat. Dyrr cniurr linghunn, lanw jurgnow erdangr singdiongw/ qaixvenr/ huatdngw; mrqycc jex byy viauxsi e jurdong anne jyr.

Jurgnow/ linghunn siongrr dua ee cavet ji' id, si jurgnow kacc jiapqin viauxbin/ qaqi zinruii ee hingsiong, linghunn kacc cimzip, uaxqin junjai hudsimx, zip kir qaur lanw kyxlingg byy qakcad .diyc ee luerjann. Dongcox guaw quatding likuix tak liauw nng nii vnuar ee EXETER dionghak sii, dyrr si jitt jiongw jinghongw. Dirr jingg quiw jiux u qongw quer jitt xee qowsu, qitnax dniuhap marr sisiongg e qongw kiw, in'ui jitt xee qowsu dairviauw liauw guaw ham' jurqiw linghunn jiapciog ee kaisiw.

Muixx jit xee langg longxx u "guaw" ee qamxqag/ "guaw" ee sidtew. Jitt xee "guaw" u sii virr dongwjyr jurgnow (EGO)/ jurqiw ee vunxgnow (SELF). Guaw ee jurgnow sniu beh hro verbuw hnuahiw, benxqiongw jurqiw duer diyc a'hniax ee aurvo, tak qang qingx haghau, sniu beh dirr hitt qingx u miaa ee haghau singqongx laii uansingg kywgiap, dongzenn byy air vnuawlo hongwkir. Dauwdew si sniaw beh anne jyr, vnuawlo likuix ? Zip kir ixau, jiamrr huathen jurqiw byy huatdo/ byy guanrir jyr ixjingg sniu :ee, suibongw hitt sii iauxx byy jin' cingcyw, henxzenn luersimx u moxjiongw mic, m air guaw cingqauwdoo vuerqingw soxx vue'iongw cud laii :ee.

Dysor simliw isux e qongw guaw jurgnow sanxsingx ciongdut. U quaw langg e kacc bingkag qongw, guaw jurgnow/ jinsit vunxgnow(TRUE SELF) ee ciongdut, anne qongw, vunxgnow naxjunxx viw jurgnow kacc cimyr qongxdai. Jitt xee qaixsueh guaw erdangr jiapsiu, mrqycc diyhh tecud jit xee gibun "jinsit vunxgnow" si sniaw? Uirsniaw byy virr qaiwding? Qamxx si linghunn? didjiap qongw linghunn, qamxx m hyw? Linghunn ee dingrgi qycc si sniaw?

Sewsiok juxgi ee simliw isux e qongw, jinsit vunxgnow si soxu simliw vorhun ee jongxhyy : guansiw ee guaw (ID)/ jurgnow (EGO)/ ciaujurgnow (SUPEREGO), iwsig/ amwiwsig, sentenx singwjingg/ aurtenx hagsip :ee. Bogquair guaw e sanxsingx ciongdut, u jiacc je byy qang ee vorhun! Jiaxee vorhun, jinjniar junjai/ marr jinjniar e ciongdut. Jitt jiongw "jongxhyy" ee lixlun, erdangr drat qaur iuxhau ee simliw dirliauu. Bunrdee si, guaw byy qamxqag jurqiw si "jongxhyy". Dng' guaw zuxx laii zuxx je huer, zuxx laii zuxx erdangr venrzin jiaxee byy qang vorhun, jin' qiquair, guaw marr zuxx laii zuxx qamxqag jurqiw m si jongxhyy. Qamxqag u kacc cimjann ee surbut junjai, huisiongg diongriaur ee surbut, hro guaw viw guaw jurqiw kacc dua, guaw kaisiw caqag jurqiw u jit xee linghunn.

Lanw diyhh e qir .did, linghunn/ jurgnow si byy qang ee henrsiong, jurzenn si dirr byy qang ee jancur unrjog. Suibongw guaw siongsinr linghunn/ jurgnow ee kuvet si jinsit/ diongriaur :ee, jex m si viauxsi nng xee byy qauhap. Guaw qencii siongsinr linghunn ee qaixvenr/ singdiongw erdangr qiklet qaixvenr jurgnow unrjog, venr kacc hyw. Qangrkuanw guaw marr siongsinr jurgnow hagsip e ciwqig linghunn ee singdiongw. Mrqycc linghunn/ jurgnow zuhyy horsiong jok'iong, iuguann si jit xee bee.

Dysor sewsiok juxgirjiaw singzin langg ee dog'iuxsingr, kiokk qamxqag byy vit'iaur qiongdiau linghunn/ jurgnow ee sinvir hunvet. Inx kyxlingg e qongw, " muixx jit xee langg u ix digvet ee qi'inx qowsingg/ dog'iuw ee sing'uac qinggiam, incuw muixx jit xee langg ee jurgnow vitzenn byy qang." guaw qamxqag langg ee jurgnow u jerje luirsu, linghunn dog'id-buzi . Guaw erdangr qra liw qongw jerje quanhe jurgnow ee dairjir, duiww linghunn kiokk jaix jin' jiyw. Suibongw lanw e iong itvnuax/ simrjiww vinghuann ee bunzi laii biyue jurgnow, muixx jit xee langg ee digvet linghunn kiokk byy hxuad junxkag iong bunzi viauxdat. Linghunn si jit xee langg jinjniar ee jingsinn, dyrr cniurr siongrder, huisiongg lann liac .diyc.

Dng' jit xee langg zinrjinx suanw simlingg singdiongw jyr itsingx bogviaux sii, linghunn ee dog'iuw dyrr kaisiw denxhen. Jurgnow ee simliw vnerjingr naxx tomuaii, jiamrr quewlu jercingx au, cimdimm ee linghunn dyrr e siamxsih kiw laii, ix ee qng'ngiaw dirr sxer-siong dog'id-buzi. Guaw kakding siongrder congwjy muixx jit xee langg ee linghunn/ qokk langg dog'iuw/ sinvir pnaiw liauxqaiw. Byy langg berdangr hiyxzin qywtew ee digvedsingr, simlixhag/ sinlixhag byy hxuad qaiwsueh.

Sewsiok juxgirjiaw qaqi qongw, qaqi driyc, inx hiyxding linghunn, byy zin langg ee simlingg, anne qongw " siongrder byy junjai, gua

w beh hiyxding zimrhyy amwsi siongrder junjai ee jingwqir." Jex si inx ee logic. Dng driau jurqiw linghunn ee lenjiab quanhe au, hiyxding zinsimx dyrr byy iwgua ar. Jingqamw/ sukyw kiamr jingxhap, dyrr si duiww qamxjingg byy sinwzim, qetqyw hiyxding jurqiw ee simlingg.

"Simlingg derdoo" ee a'dig si jit xee le. Dirr ix ee simliw dirliauu nirr, guaw mng ix si m si tniax quer JONATHAN LIVINGSTON ee imgak. Hex si jin' lingsingr :ee, guaw hibang erdangr hro a'dig hiongr singwlingg huatdenw. Ix dyrr si dongr be diauu hitt jiongw imgak, qongw si lamrjingg/ e tror. Guaw siongsinr jitt dnxua ue tauwlo ix vuervuan jurqiw ee simlingg.

Guaw liauxqaiw m si muixx jit xee langg duiww imgak ee qamxqag, e ham' guaw qanrkuanw. Mrqycc jit xee langg zuqyw jiapciog diyc jurqiw ee simx, jiwjiyw ingwqaix erdangr jiaplap siongsimx ee qamxjingg, anne jiacc erdangr quanhuaii surbut. Duiww zimrhyy duiqiuu singwlingg singdiongw ee langg, sintew/ simliw/ simlingg longxx si jingxtew ee jit vorhun. Inx be "nngw simqnuax" qamxqag qenwsiaur; inx siongrr damsimx si su'iaur inx qra simqnuax qig gne kiw laii.

Guaw bad qongw .quer, jitt jiongw nauw/ simx, lixdir/ qamxjingg ee hunlii, dirr zi-jap sewqiw dohue lamluw-diongx, sngr si jamxzenn poxpenr ee simliw jongrtair. Qniwquer jerje langg, simlai si qidokdoo/ dongsii marr si lixdir-siong ee bysinlunrjiaw ; u sii jinghongw duxx dywvingw. Jex sidjai kyxsiyh. Luersimx zinruii jurqiw si qidokdoo :ee, jerje langg si jin' kongkair/ unhyy/ singsit/ jinwjingg :ee, marr ciongbuanw juadbang/ sniwmia byy iwgi/ hiyxding simx-diongx kuaiwlok/ tniax byy anuir ee sniax; inx qra simlai ee sniax knuawjyr siongsimx/ byy sidjer/ iuwdir. Duiww jurgnow kiamr sinwsimx, inx ee tongwkow si byy vit'iaur :ee.

Siongrr cimx ee dirliauu m si huatsingx dirr simliw-siong, si linghunn ee hudsimx. Zuqyw si ticjiyc simdngg, dyrr byy zimrhyy gengiw erdangr jngwtangr. Narr qongw jit xee langg qinglik quer "qu iog" Iutair qongxhuad "simlingg quaclew (qetlew)", dyrr e huathen junjai dirr lanw sniwmia-diongx siongrder dirliauu vunxjid.

SRIU LAN

Dirr "simlingg derdoo" guaw qongw singdiongw ee bogviaux si beh jniajyr kacc u iwsig, qyckacc jinwhuar, jitt jiongw zinlui ee jinwhuar siongrbuew longxx jriw hiongr siongrder. Siongrder beh lanw dirr jitt itsingx hagsip/ singdiongw, guaw siongsinr Ix jo lanw anne jyr. Dng' guaw jinr jit vo qongw, siongrder jiongbuew beh lanw jinwhuar jniajyr siongrder, jitt dnxua ue suacc qig kiw sinhak jniwue. Naxjunxx jex si sriok moquiw ee genlun. Qamxx qongw SATAN byy zinruii jurqiw e jniajyr siongrder? Cniurr siongrder hiacc lirhai?

Gauw ingwqaix jin jit vo suecbingg jitt dnxua ue soxx vauhamm ee maudunw, anne ersaih piacbenw jerje siy' jner. Qidiongx ee maudunw si, lanw diyhh singx qinglik simx kangx ee kiamsun, hiyxding jurqiw. Sinhak u jit xee diongriaur ee zirganw hingiongg jitt dnxua quewdingg --- "siurlan (KENOSIS)", jex si jurgnow rair qra qaqi vniar kangx ee quewdingg, dirr zinlui ee ligsuw-diongx, soxu uixdai ee jingsinn dyrsux, pixzuu Huddy/ qidog, soxx tuansut ee sinwsid si jit jiongw dyrliw. Lanw su'iaur qra jurqiw vrag qngx. "huanrnarr uirr guaw sitkir sniwmia :ee, itding did diyc sniwmia" jitt qxur maudunw ee ue marr ersaih qongxjyr " huanrnarr guanrir sitkir jurgnow sniwmia ee, itding cue diyc linghunn."

Dirr qidokqaur nirr, uirr biysut siurlan quewdingg siongrbuew ee bogviaux, inx iong "kangx quanr-aw" jyr vixzu. Lanw su'iaur vyxcii qauwgiac ee jurgnow, jongxquanw zinqeh vorhun ee sinhun, jiacc erdangr jniajyr u loriong ee kiwqu. Duliauw jitt xee loriong ixgua, simlingg singdiongw ee iwgi si vaituad jurgnow, jniajyr kangx simx, laii ionglap siongrder ee singwlingg, ham' lanw jinsit ee linghunn ionghap. Singr Vyxlyy soxx qongw ee, " jitmaw guaw uac :ee m si qaqi ee sniwmia, si Iasox qidog ee sniwmia ham' guaw qiongrjunn."

Lanw jaiww crur binrduir diongriaur ee kiamsun. Sniwmia-diongx ee quaclii/ dingsinx hagsip ee quanqenr, zuqyw lanw sniu beh singdiongw, jniajyr qenrjuann ee qywtew, diyhh qinglik jitt xee quewdingg. Quacli ee qamxqag cniurr sixbongg. Ixjaw, siusu/ siuluw ciangjai e jinwhingg qimr iok ee koxhingg (MORTIFICATION). Jitt zri si laii jurr LATIN ee sixbongg (MORTIS). Iwsur si "dagg zit qniaa zip sixbongg ee tuanwlen". Kyxlingg qaqi but qaqi/ cing ciwpuer, u kacc quewhun, anne jyr si u dyrliw ee. Tauwquer koxhingg, inx iwdoo jinwzip siurlan ee quewdingg.

M na qywzinn e qinglik jurgnow vniar kangx ee siurlan quewdingg erdangr did diyc qenrkongx, tuantew marr anne. Dirr jinrjingg qiongrdongtew ee qenwlip quewdingg, u jit xee diongriaur ee qaidnua, gunw qra qongxjyr "vniar kangx", jitmaw guaw beh biysut tuantew dirr huatdenw jinrjingg qiongrdongtew sii, e jygu diyc qokk jiongw singdiongw qaidnua.

HIGUI TUANTEW

Tuantew junxvi qenwlip jinrjingg qiongrdongtew sii, uirr beh piacbenw quaclii/ qaixvenr ee tniar, inx e singx qexsenx ixqingx si jinrjingg qiongrdongtew ar. Qivunw ee guirjongx si, soxu ee singguann longxx jin' itdir, jitt jiongw qew si uiww jit jiongw tong' langg jaix, byy singbunn ee quiqiw soxx jicii ee: keckir ee taiwdo. Dirr jitt xee qaidnua, tuantew singguann horsiong huisiongg keckir, piacbenw zimrhyy byy itdir ee sniax, laii hiyxzin qywvet ee caqi. Sursit si, muixx jit xee langg longxx u dog'iuw ee jurgnow/ linghunn, qokk byy qang. Gunw qra jitt jiongw higui ee jongrtair qongxjyr higui tuantew.

LRIAUU .LYC .KIR

Itdanr qywtew dirr jinrjingg qiongrdongtew ee quewdingg did diyc qoxle, iong'unw cavet junjai, tuantew sniu beh siauduu jiaxee cavet, soxx caixiong ee juxiaur honghuad si "idi" "jingxsiux" "juanxhuar". U langg byy hnuahiw virr dri/ virr jingxsiux, jin' qinw dyrr e juanw quer laii iwdoo idi ix ee isux, qaixvenr sniu beh juanxhuar ix ee tuantew. Jex si qonghuix canwlan ee hunrluan qaidnua, caxnau/ jinggi/ byy haurlut ee qaidnua.

ITBUU-SOXIUW

Qandna' u snax jiongw hongsid tuatlii hunrluan. Derr id, si trer dngw kir kacc giamdiong ee higui tuantew. Derr zi si, congwjy cud uixguanhue/ crur uixguanhue ee jojid; derr snax jiongw si, "jinwzip/ qinglik vniar kangx". Zuqyw tuantew u jiokgiac ee singguann tniax gunw ee qenwgi, dyrr e kaisiw jit dnxua huisiongg kow/ ban ee quewdingg, tiackuix duiww jinrjingg qiongrsig ee livax, vauquad qitai/ singqenr/ penqenr/ gnerding ee iwsig hingtair/ qu sinhak quanliam, duiww idi/qui'id/ siujingw/ qaixtuad ee qiawbang. Tuantew jinwzip vniar kangx qaidnua, dyrr si hagsip siongrr diongriaur ee qaidnua, knuar kiw laii cniurr uanjuann besid honghiongr, qamxqag cniurr sixbongg, jex si siurlan ee siqii. Jixiaur tuantew u qraur tuanqed jywhuew, hro langg diyhqniax :ee si, jixiaur u jingwkag ee cuarniaw, cavutdyx longxx anne, jiongbuew dro quer siurlan/ sixbongg ee quewdingg, qycc uac dyrr cuthen ar.

JRE QANG JIAH JUNN

Jit xee tuantew qinglik sixbongg ee quewdingg, jniajyr kaihongr/ hikangx au, dyrr jinwzip jinrjingg qiongrdongtew. Dirr jitt xee juewau qaidnua, jit jiongw kinx ziuu diam jing qangwlimm, "anjing" huatsingx dirr dairliong ee qywtew qinggiam/ simjniaa viauxdat ji' qranx, vnueduer diyc viaix/ kuaiwlok ee bagsaiw. Jitt sii, qniax langg ee idi/ qaixvenr kaisiw huatsingx, si dirr byy langg sniu beh kir idi/ qaixvenr ee sikig. Ui' jitt sii kaisiw, jinrjingg qiongrdongtew cutsir ar.

M si soxx u ee jinrjingg qiongrdongtew longxx jiauww jitt jiongw mosid denxkuix. Kyxviw qongxx, binrlimm guiqix jiamrsii soxx jxox ee jinrjingg qiongrdongtew, kyxlingg e tiaur quer jit quaw qaidnua. Suibongw guaw huisiongg qoxbuw tuatduu qautongx ee livax au ee jinrjingg qiongrdongtew jongrtair, m si viauxsi cuxau ingw jing hongx sun. itdanr drat qaur jinrjingg qiongrdongtew au, qinqir tuantew ee bogviaux/ zimrbu, e vutduan duw diyc tiaujenr. Vniar kangx ee texgiam lauu lyc ingxuanw ee qiwhy/ hunziah, naxx inr-aw dngr .quer, soxx qikhuad ee simjniaa tongsiongg si kuaiwlok/ air.

SINWLIAM

Muixx jit xee langg longxx e qidyw, siongrr qowjib ee sewsiok juxgirjiaw dirr tongwkow/ kuaiwlok ee sii, marr e qidyw. Kyxlingg inx byy caqag, dirr singr siongrr qydiauu sii, e huah cud "oor! Tnix ar!" "oor! Siongrder ar!"; diyc hongsiaa, dyw dirr bincngg, qui' sinkux sngtniar sii, marr e hnaix "oor! Tnix ar!"; binrduir qniahniaa, simjniaa jurzenn juanxhiongr siongrder, jitt xee henrsiong dyrr cniurr siogqiw "holii dong lai byy businlunrjiaw" sewsiok juxgirjiaw ham' jongqaur singwlingjiaw ji' qranx ee cavet dirr, jongqaur singwlingjiaw dirr tongwkow/ kuaiwlok ji' gua ee vah hunx ji' qauw-jap-qauw ee siqanx, samvutgorsii e sniu diyc siongrder.

Qidyw qycc si sniaw?guaw diyhh jaiww crur jriw cud, sniwmia-diongx u jerje surbut, cniurr iwsig/ tuantew/ air/ linghunn, longxx ham' siongrder u quanhe, byy hxuad cue diyc dan'id/ sikhap ee dingrgi. Langg qidyw u quixarr cingx nii ar, kyxlingg e sniu qongxx sinhagqax ingwqaix duiww qidyw u uanjingw sikdongx ee dingrgi, mrqycc byy.

Dysowlangg zinruii qidyw jixsi "duiww siongrder qongxue". Jitt xee dingrgi byy baiw, jixiaur lanw erdangr liauxqaiw, u busor jiongw byy qang hongsid erdangr duiww siongrder qongxue. Qidyw erdangrr virr kuhunx jerje hingsid : tuantew/ qywzinn qidyw, jingwsid/ huijingwsid qidyw, ylyw qamxsia/ camwhuew guanliong qidyw, uirr jurqiw/ tnazinn kunxqiuu qidyw...dringw. Guaw marr qra bing'ngiu quilui jyr qidyw, bing'ngiu u jerje jiongw, m si soxu ee bing'ngiu longxx ersaih sngr si jurgnow vniar kangx, guaw siongsinr siongrr hyw ee bing'ngiu si lanw kik'ir diam jing qra qaqi cringx hro kangx kangx, junxvi hyxser beh tniax siongrder ee sniax. Jex byy viauxsi siongrder e hue'ingr. Singwlingg ee qinggiam tongsiongg be huatsingx dirr qidyw sii, jerje langg e qamxqag .diyc, jit xee jikqig qidyw ee langg, huathen/ texgiam sniwmia-diongx singwlingg ee qihue dyrr e jingqax.

Qycc laii beh dramm sukyw/ qidyw ji' qranx ee quanhe. Uansen sukyw e jniajyr jit jiongw qidyw. Guaw siongrr air si MATTHEW FOX soxx sniu cud laii "duiww sniwmia-diongx ee sinvir, qikjinr ee hue'ingr." (byy jin' hah'iong) simrjiww byy tee kiw siongrder. Dirr guaw qidyw sii, dysor siqanx m si duiww siongrder qongxue/ m si tniax siongrder qongxue; si guaw jurqiw huaipy siongrder laii sukyw,. Dirr jigqig hue'ingr sniwmia sinvir jingg, guaw diyhh singx cimdimm sniu, dongsii sukyw guaw jurqiw sniwmia/ soxu kyxlingg ee hue'ingr suanxdik. "siongrder... m jaix liw qamxqag zuhyy... liw ee knuawhuad si sniaw?" guaw diam jing sniu. Jitt jiongw qidyw ciangjai virr biysut jyr bing'ngiu ee qidyw, byy gengiw. Gauw qac'ir FOX ee dingrgi, si henxsi liauw qidyw jiongbuew diyhh juanxngua jyr hingdiong. Guaw hauthen narr byy singx hyw hyw sniu .quer, dyrr byy hxuad hyw hyw hingdong.

Quilut ee qidyw u jin' dua hyxcur. Suibongw guaw si qidokdoo, siongsinr soxu uixdai jongqaur longxx qamm diyc mow quaw kacc jiujuann ee jinliw si qidokqaur soxx kiamr :ee. Tak quer jit quaw hueqaur qauwgi, naxjunxx jin' jriab iong "huesiongw" jitt xee zri , hueqauwdoo kixjy quann tah, dagg zit go vaiw diongsit suanqyr sinwdoo qidyw, jitt jiongw henrsiong m si byy lixiuu ee. Jiyh qidyw, inx huesiongw siongrder, jit xee poxtongx hueqauwdoo dagg zit rair jyr ee qidyw, jixu qydo bing'ngiu ee qidokqaur siusu/ suluw jiacc jyr e qaur ee.

Suibongw qongqiong/ jingwsid ee qidyw u jerje hyxcur, guaw penair qywzinn amwbih ee qidyw. M quanw si driyc/ m driyc, guaw zinruii qidyw zuxx qywzinhuar, siongrder zuxx air. Mrqycc qidyw si sianghiongr :ee, beh jniajyr qywzinhuar (druu liauw tongwkow/ qydiauu ixgua), lanw jiwjiyw rair siongsinr lingrgua jit vingg u jit xee "langg", ix suisii junxvi jimjiog tniax/ hue'ingr. Anne dyrr binrduir sinwgiongw bunrdee, sinwgiongw/qidyw quanhe. Uirsniaxmic lingrgua jit vingg rair u jit xee "langg"? Tak dairhak sii, guaw siongrr air VOLTAIRE (1694-1778) soxx qongw :ee si, "siongrder ixx jurqiw ee hingsiong jy langg, langg marr iong qangrkuanw ee honghuad." VOLTAIRE jriw ee si, lanw quanwsir qra siongrder zinqechuar, hro Ix lamsingr/ luxsingr ee sintew digdingx. Guaw qamxqag siongrder viw lanw soxx erdangr siongxsiong ee qyckacc jerje byy qang. Dairhak cutgiap au, marr kaisiw bingvik, siongrr erdangr cimzip liauxqaiw siongrder ee hongsid, si qra lanw jurqiw siongrr hyw ee zinsingr dausia dirr Ix ee srinx-siong. Ngua jit qxur ue, siongrder dirr jerje hongbin, si sriok zinsingr :ee.

Tak dairhak ixau, guaw marr yc diyc jerje dairjir. Dongsii guaw zinruii sinwgiongw dairsingx qidyw, jixu sinwgiongw huisiongg qending ee langg jiacc e ciangjai qidyw. Quiw nii au, guaw huathen liauw jit xee qoxlyw ee qidokqaur juqur, si iong HELLENIC bunn siaw :ee "LEX ORANDI, LEX CREDENDI" iwsur si " qidyw ee quiqiw dairsingx sinwgiongw ee quiqiw" . Dyrr si qongxx, guaw qra dairjir hud dendyr, qidiongx kacc cimx ee dyrliw si, qidyw u qraur je, sinwgiongw jiacc e duarhanr.

Uirsniaw diyh'air u sinwgiongw? Guaw siauwlenn sii marr qra jitt xee dyrliw congr dendyr. Guaw sniu qongxx jixiaur liauxqaiw sewqair, marr e duiww siongrder kacc u sinwgiongw, guaw huathen jit xui singwdoo ee ue "mair sunqiuu duiww sinwgiongw ee liauxqaiw, diyhh sinwgiongw liw jiongbuew e liauxqaiw."

Duiww jitt hxang "kyhak" jiamrr liauxqaiw, hro guaw erdangr jo jit xui luxsingr "ANNE", ix vunxlaii si jit xee sewsiok juxgirjiaw, langg langg hyw, quewdo iubun laii cue guaw. Guaw huathen ix ee bunrdee jiwjiyw u jit xee qinguann : kiamr duiww siongrder ee sinwgiongw. Guaw ban ban qar ix qidyw. Qingquer sxor nii byy dingrqii ee huerbin, u jit zit laii cue guaw, jid 'err zip mngg qongw "PECK isux, guaw iauxx si cuxliw byy hyxser, m jaix beh anxjnuaw qidyw. Tongsiongg guaw ee qidyxbunn si 'jruw ar, guaw siongsinr; cniaw jo guaw huaigii.' jex naxjunxx si 'singwqingx' ee mow jit dnxua ue, jinjniar viaix."

"ANNE, Jex duxhyw si siongrr cimyr ee jit dnxua qidyxsuu." guaw dab.

Jitt xui luxsingr dirr sinwgiongw ee singdiongw jin' ban (denxhingg derr snax qaidnua juanxhingg derr sir qaidnua), mrqycc sinwgiongw ee jinwdenw u sii huisiongg qinw, naxjunxx hionghiongg tiw kuix bagjiux lehh. Jitt jiongw qinggiam si jin' qniax langg :ee, quewkir guaw soxx enxqangw ee tniajiongr tongsiongg si derr snax juanxhingg derr sir qaidnua :ee, iacc si ixqingx cimzip derr sir qaidnua :ee. Guaw ciangjai e mng "linw qamxx u langg jinwdenw sniu' qinw, huaigii jurqiw si m si kixsiauw ?" jerje langg u liauxqaiw guaw ee ue, qiac ciuw hue'ingr. Guaw voxciongx qongw "jex si singwlingg jixdyrjiaw jnriu dniuu ee sii; inx e qra liw qongw, dauwdew liw u kixsiauw byy?" u sii, "hiongvok" ee sinwgiongw kyxlingg jinjniar si simliw jxingr ee qetqyw, jitt sii, lanw su'iaur u diwhui ee andah(jerje sewsiok juxgi ee simliw hagqax byy hxuad teqiong).

Guaw dramm quer sinwgiongw ee jinwdenw, anne sinwgiongw qamxx e songwsid ? Jex si huisiongg jinsit ee henrsiong, ciangjai huatsingx dirr derr zi qaidnua juanxhingg jinwzip derr snax qaidnua ee langg. Jex marr si hro langg qniasimx :ee, juewqin u jit xee jojid singlip, hyrjyr "qexmiaa qivunw qauwgirjiaw hiabhue" (tyr iong qexmiaa qaixjiuw hiabhue 'AA' mosid), dng' langg kaisiw tuatlii sixvanw gnerhuar ee sinwgiongw qauwdiauu sii, vitzenn e sanxsingx qik dua ee jiausimx, jitt xee jurjo jojid dyrr si beh vangjo ingwhur jitt jiongw aplik. Duiww u jingwsid/ jitgiap jongqaur vuerqingw ee langg, sinwgiongw ee songwsid, e digvet tongwkow. Jerje qauwhue ee jipsu dirr derr zi qaidnua jinwzip qauwhue, mrqycc jinwzip derr snax qaidnua au, huathen jurqiw diyh'air dagg lexvaiwzit qniaa jnriu qangxdaii, suan'iongg jit xee ix ixqingx byy kakding siongsinr ee siongrder. Anne ee langg marr su'iaur diwhui ee andah. Jixu liauxqaiw sinwgiongw huatdenw sir qaidnua ee langg jiacc erdangr teqiong.

Lanw marr su'iaur qiamxsi jit xee virr qongw si "sinwgiongw kyxgiam" ee henrsiong, zimrhyy jongqaur sinwgiongw binrlimm guiqix sii, longxx u kyxlingg duw diyc jitt xee henrsiong. Zuqyw dro quer guihiamw, sinwgiongw marr erdangr vyxjunn lyc laii. Mrqycc lingrgua jit jiongw kyxgiam kacc iong'i huatsingx dirr qydo singwlingg jinwhuar, derr sir qaidnua ee langg srinx-siong. Duiww jitt xee henrsiong, jap-lak sewqiw ee Singr Iokhan qr a biyue jyr "linghunn ee oamwbin".

Linghunn ee oamwbin, siongrder naxjunxx uanjuann byy junjai, u jit dnxua jin' dngg ee siqanx ar. Duiww hamrzip qidiongx ee langg, siongrder diam jing siyw ser ee sniax ixqingx byy qycc junjai. Bad duar laii tenkew ee bang dax .kir ar. Jex m si guiqix, simrjiww byy jit sud aw tongwkow, jixvutqyr cingcyw qamxqag .diyc, bad dirr sniwmia huisiongg uah'ingw ee siongrder hiuqar ar, cue byy siongrder, kyxlingg ingxuanw be qycc cuthen.

Qamxx qongxx siongrder diauqangx bih kiw laii? Jin' u kyxlingg. Singsik ee sinwgiongw diyhh sriu kyxgiam. Dirr "zuhyy huevyr?" ee ceh nirr, guaw qongw jit xee iokk nng huer ee ginxaw, ham' maxmir jywhuew sii, jit diamw aw dyrr byy huaigii maxmir ee junjai/ aiwho, narr byy knuar diyc maxmir sii, dyrr diyhqniax, zinruii maxmir ixqingx byy junjai ar. Duiww maxmir ee ilai qingquer quixarr nii ee kyxgiam au, ban ban bingvik maxmah u qitnax ee dairjir rair jyr, jaix maxmah kyxlingg dirr vangqingx jingxliw bincngg, vingrr byy siausid/ m si byy air ix, iuguann huisiongg quansimx aiwho ix, jixsi ham' ix guanlaii qitai ee hongsid byy qang ziiw.

Dng' sinwgiongw qending ee langg jinwzip linghunn ee oamwbin sii, inx dysor iuguann vyxcii sinwgiongw, qewsiok qidyw ylyw naxjunxx kuatsik ee siongrder, cniurr "singwgingx" nirr ee JOB. Iasox dirr sibzirqer-dingw soxx huad cud ee koxjingg " siongrder ar, guaw ee siongrder, liw jnuaxngiu vangwsag guaw?" Iasox iuguann hiongr siongrder qidyw kunxqiuu. Be jiyw langg hingrun laursiw dirr bincngg-dingw, byy diongxjir hisingx ee singwdoo, inx dirr sxer-siong juewau ee sizit, kiokk dirr linghunn oamr-diongx dro .quer.

DNGDECC JINWVO

M quanw si sewsiok juxgirjiaw/ singwlingg duiqiujiaw, dng' lanw knuar diyc sewqair-siong u hiacc je tongwkow/ jinjniar ee siaog, longxx e jitgii siongrder si m si junjai? Ngua jit qxur ue, uirsniaxmic sewsu byy sibjuann-sibbiw? Narr huee qongxx "siongrder ixx ywvir ee hongsid jyr" si byy qraur :ee, guaw marr byy kakding ee dap'anr, erdangr jyr ee, si duiww qoxlyw/ tuantongw, qycc u damrvyc byy hac iong ee "siongrder lixlun", teqiong kacc henrdai ee voxciongx.

Tuantongw/ guansiw ee siongrder lixlun teqiong liauw jit xee juanlingg-juandix ee siongrder. Mrqycc jiacc qanxdanx ee qaiwding siongrder, byy hxuad qaixsueh siaog ee junjai/ byy huedab jerje "singwqingx" / itvnuax siongsig ee bunrdee. Taiwqow kaisiw, siongrder kyxlingg congwjy itcer (jex kyxlingg daddid lanw huaigii), qaur liauw "congwsewqiw" derr snax jniux, dyrr u jerje bunrdee junjai. Siongrder qra ADAM/EVA qnuaw cud uanbiw ee EDEN huehngg, qycc qongw inx birlaii diyhh sriu kow. Uirsniaxmic? Siongrder jiacc pnaiw simx?

Guaw zinruii, siongrder marr diyhh jiauww quiqiw jyr dairjir, qaxsuw jiaxee quiqiw si siongrder jurqiw sed :ee, marr qangrkuanw diyhh jiauww vo laii. Soxui siongrder "ixx jurqiw ee hingsiong congwjy lanw", guaw siongsinr soxx jriw ee si siongrder hro lanw juriuu iwjir. Liw berdangr hro langg' juriuu iwjir, qycc giac cingr duw ix ee kajiacpniax. Juriuu iwjir viauxsi lanw si juriuu :ee, juriuu suanw liongsen/ siaog. Siongrder sur lanw juriuu iwjir ee dongsii, zinlui ee siaog/ liongsen kaisiw cuthen dirr sewqanx. Itdanr hro lanw juriuu iwjir au, siongrder dyrr byy qycc si juandix-juanlingg ar, Ix hanrjer jurqiw, m quanw jex kyxlingg e hro Ix zuarr siongsimx, Ix diyhh iong'unw lanw juriuu huatdenw.

"congwsewqiw" derr snax jniux viauxsi, jitt jiongw iong'unw lanw juriuu huatdenw ee quatding, marr iong'unw liauw sixbongg / vnertniar /nilau/ bactew hilamw ee junjai. Jiaxee "jxiur" duar hro lanw zuarr dua ee tongwkow! Guaw jurqiw u sii marr e jiuwcamr! mrqycc dirr guaw kacc lixsingr sii, e qra knuawjyr dairjurzenn ee jit vorhun, qycc qongw sintew ee sixbongg vingrr byy dairviauw linghunn ee sixbongg, anne jiaxee dyrr byy sngr si jxiur ar! Siongrder jurqiw soxx qenwlip ee sunrsi, Ix marr diyh'air junsiuw jurqiw ee quihuan, vauquad zinlui ee siaog, simrjiww cniurr dosad Iutaiwlangg ji' lui ee juerhingg.

Qongw siongrder juandix-juanlingg, si berdangr jiacc qanxdanx dyrr junw .quer. Ix diyhh dirr hanrjer lai unrjog, si guansiw siongrder lixlun kacc henrdairhuar ee voxciongx ji' id. Iauxx u jit hxang diongriaur ee voxciongx si, quewkir go-jap nii laii jiamrr hingsingg :ee, hyrjyr "quewdingg sinhak", tiaujenr jingrtair siongrder / ingxuanw be venr ee tuantongw quanliam. Quewdingg sinhak zinruii siongrder naxx cniu soxu singbut, si jit jiongw "quewdingg"; ham' lanw jywhuew sing'uac/ sriu kow/ singdiongw, jixsi Ix qniaa dirr lanw taujingg jit ~ nng vo. Jitt jiongw quewdingg sinhak ee quanliam rair sngr si ALFRED NORTH WHITEHEAD (1861-1947-Ingqog dethagqax) ee qongwhenr, mrqycc sidjer-siong dirr jit sewqiw jingg, dyrr erdangr dirr MORMONISM ee qauwgi cue .diyc, qauwdoo itdit anne qongw, "langg si ixjingg ee siongrder, siongrder si birlaii ee langg."

Dirr guaw ee siyxsuad "tendongg huanqanx", tecud jit jiongw sngr si quewdingg sinhak ee voxciongx, qenwgi tenderqanx ee congwjy, vauquad linghunn/ zinlui/ qitnax itcer :ee, longxx kyxlingg si jit jiongw qewsiogsingr ee sidgiam. Siongrder si jyrbudjuw, uirsniaw Ix berdangr cniurr zinlui kyhagqax qangrkuanw u sidgiamrsingr? kyxlingg kacc u siongxsiongrlat, kacc u diwhui/ gersudsingr? Lanw zinlui kyhagqax jin' quanwsir knuar diyc jerje sidgiam "sitvai", si quewdingg ee hunziah, viauxsi u qaixsen ee kongqanx. Qamxx qongw lanw vut'ingwqaix qra byy uanbiw ee linghunn/ simrjiww siaog ee linghunn, knuawjyr "sitvai ee sidgiam"? Lanw ui' sitvai ee sidgiam soxx yc diyc ee, ngiaa quer singqongx :ee. Sitvai ee sidgiam hro lanw dingsinx qui'ue jingxliw, duiww siongrder kyxlingg marr si anne. Jixiaur lanw byy qycc qra siongrder sniu jyr juandix-juanlingg, ingxuanw be venr ; kaisiw qra Ix sniu jyr jit jiongw quewdingg ee singbut, quewdingg ee sinhak henxzenn jin' u dyrliw.

Dirr "jinrjingg qiongrsig" nirr, guaw biysut liauw guaw zuhyy huathen quewdingg sinhak ee quanliam, hex si jap-go nii jingg, guaw dirdecc jinxliauu jit xee snax-jap-go huer ee vnerlangg, ix qutqeh suiw/ jin' belangg, kyxlingg qandna' ciauquer viaujunw texdang iokk veh vong. Jingg jit amr dirr cantniax jin' kuaiwlok ee kiwhunx, vng au diamw jit hxun ICE CREAM, jiac qaxx qngx qngx. Jitmaw ix kaisiw ywlyr, "guaw jnuaxngiu jiacc gong? Jiacc lak zit guaw ee imxsit qewue dyrr sitvai ar! Jitmaw diyhh qycc ui' tauu kaisiw. Guaw jin' hin qaqi byy junxjad. Jit hxun ICE CREAM, oor! Tenx ar! Hiacc qau ee baxdah, hiacc dua uann, hiacc quann ee calorie ! Jongw u jit zit guaw e..."

Ix qongw be suah, guaw huathen u damrvyc hunsimx, sniu qongxx cniurr ix jitt jiongw luxsingr qycc si be jiyw, inx ee guarviauw jamxzenn snriaa langg, kiokk liauw jin' je jingsinn ciauhuann jurqiw ee texdang, jit diamw venwhuar dyrr dua qniax siyw quair. Dauwdew inx si decc sniu sniaw? Dngdecc sniu ee sii, guaw hionghiongg qongw cud "qamxx qongw liw byy zinrui siongrder marr su'iaur kiamrcuir?" pah dng ix ee ue.

Ix bagjiux siongr guaw, naxx guaw si siauw:ee. "liw jnuaxngiu anne qongw", ix mng.

Guaw iyy tauu qongw, "guaw m jaix". Mrqycc guaw diyh'air hyw hyw sniu uirsniaxmic qongw jitt qxur ue, ar! guaw gno .diyc. Guaw ee vnerlangg u jit jiongw huanwsiongw, qamxqag jixiaur ix kiamrcuir qaur moxjiongw tingdo/ iacc si cue diyc jingwkag ee jiahmic qewue/ iacc si jiapsiu qauwgiac ee simliw dirliauu, dyrr e drat qaur jit jiongw qingxqair, sniu beh jiac sniaw dyrr jiac, marr be jingqax texdang, dyrr sngr texdang jingqax ar, marr erdangr benw liauw kuiwlat qra qiamw driau. Jex si jit xee quaiwqii ee huanwsiongw. "kyxlingg siongrder jingqax go vong, diyh'air qiamxvuii, mrqycc ix be diyhqniax/ be quaiwjue langg, in'ui Ix si siongrder." guaw qaixsueh.

Guaw ee vnerlangg soxx jipbee ee huanwsiongw si jit jiongw sixvanw ee uanbiw qaiwliam, jex jin' poxpenr/ u pywhairsingr, zinrding uanbiw si qowding be venr ee jongrtair. U poxpenwsingr si jitt jiongw huisiongg hac logic qaiwliam. Zuqyw uanbiw ee surbut huatsingx venwhuar, dyrr e venwsingg lingrgua jit jiongw surbut, anne logic dyrr byy uanbiw. Narr qongw jit hxang surbut si juadduir uanbiw, qinqir dingrgi, dyrr byy kyxlingg venwjniaa byy uanbiw, uanbiw si be huatsingx qaixvenr :ee, lanw e anne sniu "siongrder ingxuanw juadduir be qaixvenr."

Mrqycc guaw ixqingx byy anne sniu ar, "singwqingx" soxx biysut ee marr m si anne. Sinhagqax marr jiamrr kaisiw byy anne sniu. Qamxsia siongrder! Sniwmia narr u digdingx, dyrr hxuix sriok venwhuar vutkyw. Singbut/ huisingbut siongrr dua ee cavet, si singbut e "sriu diyc ciwqig". Langg narr qra liw dux jit xee, liw dyrr e suaw dinxdang, be diam diam ho'ngg dux. Singbut si uac :ee, siwqer suaw, e singdiongw/ sixbongg/ cauwnua/ qycc uac, singbut e venwhuar, soxu ee sniwmia longxx qang jitt jiongw quewdingg. Guaw suanw jit xee uac lingwlingr ee siongrder, siongsinr guaw ee siongrder marr si jitt jiongw quewdingg, Ix e hagsip/ singdiongw, simrjiww kyxlingg e hnuahiw/ tiauwbuw.

Jitt jiongw quewdingg sinhak ee sinx quanliam huisiongg diongriaur, duiww sewqair uirsniaxmic u byy uanbiw/ simrjiww siaog ee gibun, jitt xee quanliam tecud liauw vorhun ee qaixdab, viauxsi venwhuar duiww langg si hyw :ee, qangrkuanw dyrliw marr ersaih ingwiong dirr lanw ee jojid / siarhue. Lanw zuxx qenrkongx, zuxx si dirr jit jiongw "quewdingg" nirr ; lanw zuxx uahtiaur dyrr zuxx e qaixvenr; zuxx jiapqin uanbiw, qaixvenr dyrr zuxx kuaiwsog. Dng' lanw qaixvenr sii, jurgnow/ soxx sriok ee jojid/ simrjiww lanw ee siarhue, vitzenn e ham zip dangriyy hunwluan . Lanw marr e ui' luersimx qamxqag, zuqyw hro siongrder jinwzip lanw simlai, e huatsingx qyckacc je ee iydang. Jit xee ham' siongrder qenwlip liauw jinrjingg quanhe ee qywtew, kyxlingg dirr ixau ee venwdong sniwmia-diongx longxx e qinglik tongwkow qunxliongr, jitt jiongw quanhe e qewsiok huatdenw.

Dng lanw jurqiw/ jojid drat qaur jit jiongw susongw/ buanxjiog/ digvet unxding ee jongtair sii, lanw dyrr e jaix, si jit jiongw suevai ee jongrtair, jit sud aw dyrr benw huaigii. Zuqyw lanw knuawqnir jurqiw/ jojid dirr tongwkow nirr qunxqaw, jauxcue sinx ee qaixdab, vutduan qaixjingr/ huanxcniw (qakcniw) , lanw dyrr m na rair siongsinr jurqiw/ jojid, dongsii diyhh sukyw si m si duw diyc moxjiong sinsingr ee qingxqair.

Dngw laii guanlaii ee bunrdee, uirsniaxmic surbut e byy uanbiw? In'ui byy uanbiw, lenrr lixsiongxqog dyrr byy unxding/ m si jingrtair, si e singdiongw/ jinwhuar. Lixsiongxqog m si jit jiongw diyhh dadsingg ee jongrtair, lanw itdanr drat qaur, rair qewsiok hiongr jingg. Lixsiongxqog m si byy tongwkow/ byy aplik ee qingxqair. Jixiaur e singdiongw jinwhuar, vitzenn e u tongwkow/ aplik.

Ham' itvnuax langg ee sniurhuad dendyr, lixsiongxqog m si dnibit qongbingg ee sewqair. Si ciongbuanw uahlat ee jinwvo siarhue. Ngua jit qxur ue, jixiaur siongrder iauxx u crunx kaciuw ee kongqanx, erdangr viauxhen sin'unx, lixsiongxqog m si byy kyxlingg dadsingg. Mrqycc lanw qewsiok liac diauu tuantongw ee uanbiw sinwliam m vangr, ixx iuxhan ee liauxqaiw qra uanbiw qaixsueh jyr jingrtair, lixsiongxqog dyrr si byy kyxlingg :ee. Lixsiongw ingxuanw junjai dirr birlaii, hex m si drat qaur ee bogviaux, si qewsiok hiongr jingg ee quewdingg. Qongw sit :ee, dirr kacc logquanx ee zidjiw nirr, lanw erdangr siongxsiong lixsiongxqog ixqingx kaisiw huatsingx ar, m quanw iauxx jin' ser vo decc suaw dinxdang ziiw.

INGIAU

Dirr siongrbuew ee jiongqed, itcer jriw hiongr siongrder.

Quanhe jex itcer, guaw erdangr qongw be uann, mrqycc qamxqag jurqiw dyrr cniurr Singr Iokhanr decc siaw "Iokhanr hok'imx" juewau jit jniux sii ee simqingw, ix anne siaw Iasox:

Iasox iauxx u jyr qitnax jin' je dairjir. Setsuw narr beh jiong' hiaxee dairjir jit hxang jit hxang longxx siaw cud laii, guaw sniu, juann sewqair iaxx byy soxjai tangx ionglap hiaxee qiwliok ee ceh.

Guaw marr ersaih damlun qitnax qokk jiongw vutkyxsugi ee dairjir, byy su'iaur tee kiw siongrder. Duiww cniurr Iasox anne ee digvet, m quanw si'angw marr byy huatdo venjy cud laii. Narr u langg bad sriu quer jongqaur gigtai, duiww Iasox kyxlingg e sanxsingx huanxqamw. Lanw erdangr tee cud lingrgua jit xui vutkyxsugi ee zinbut --- LINCOLN ABRAHAM (1809-1865, Bixqog derr jap-lak zim jongxtongw), liw vinglun ix, qamxx erdangr mair kansiap diyc siongrder laii?

Guaw marr ersaih dramm sinvir ee qinggiam, diqag hionghiongg qaixvenr, dirr byy iyhbut/ vnerjingr ee ingxhiongw ha, lanw u sii naxjunxx e cutzip qitnax uxdiu-diongx; guaw ersaih dramm moquiw/ tensair; gauw marr ersaih jongvair dairjurzenn ee siongrder --- qysnuax kelauu/ zidtauu/ ciurnaa hongho/ imgak suanlut/ aiwjingg/ singr ee siongrder, Ix hro lanw damrvyc damx diyc Ix ee jubi/ Ix ee lat, suibongw hnuaw hnuaw je quer qionglet, qangrkuanw qamm diyc guihiamw. Dng' jit xee tuantew drat qaur jinrjingg qiongrdongtew ee qingxqair/ tenjuxqaur kux siaa gisid sunrli uansingg sii, guanvunw vehjniaw byqii ee vangqingx, naxjunxx siongrder jid'err jinwzip, lairbin ee langg qandna' erdangr lrauu lyc qamxunx/ hixlok ee bagsaiw.

Siongrder sidjai kuah bongg bongg, byy hxuad virr hanrjer dirr zimrhyy ceh nirr, simrjiww "singwqingx" lai. Dirr lanw zinlui qinggiam-diongx, lanw narr hyw zirun, kinx kinx bongx diyc siongrder, kyxlingg si iwgua/ kik'ir cam'uw, longxx si lanw ee ingiau.

Lanw si zuarr qiawbang jitt jiongw qinggiam! Uirr duiqiuu ingiau, ciangjai ciongdong naxx cnimee :ee, qra qew :ee knuawjyr jinjniar :ee, jyrsingg pywhai, naxjunxx ingiau ji' gua vadd hxang longxx byy junjai. Bak jit nih ee kuaiwlok/ simrjiww singr qydiauu, longxx byy hxuad ham' Ix vixping tihh. Byy quanw jitt jiongw duiqiuu u jerje bunrdee, jex si quanhe siongrder si m si junjai ee jerje byy didjiap "jingwbingg" ji' id. Cniurr LEWIS " ingiau ee dimdang" jitt pnix suandyrbunn soxx jriw cud, siongrder unhyy singwjingg hro Ix be dirr langg ee srinx-siong congwjy cud byy huhap sidjer ee qiawbang. Lanw e iaux, u jiahmic jixqix (diriaux); cuir dax, u juiw limx; zuqyw m si u singr ee buanxjiog, lanw marr be ciongbuanw singwiok. Ingiau marr si anne. Lanw si jiacc qitai ingiau, si in'ui siongrder cuix lanw ham' ix ionghap.

Mrqycc cenban m hyw congr m driyc, jinjniar ee ingiau qandna' sriok siongrder juan'iuw. Ingiau si lanw soxu qiawbang-diongx siongrr sidjid :ee, jitt jiongw qitai marr siongrr iong'i sriu diyc kiokqaiw, lanw u qra hy jit xee miaa : gnoxsiong jongvair (IDOLATRY)--- jongvair hiqew/ cosiok ee siongrder tewdairpinw. Cniurr moquiw soxx qongw :ee, jiongxjiongw ee gnoxsiong jongvair longxx si ix ee "dua qunx(LEGION)" : qimjnii/ singr/ hihuax/ jingwdirlat/ anjuann vyxjiongr/ jaisanw jiamwiuw ...dringw, juann longxx si qew siongrder. Jixu lanw sunrhok jinjniar ee siongrder, jiacc e u jinjniar ee ingiau. Jniawqangw ee siongrder dauwdew si sniaw langg? Snix jyr sniaw mongiu? Dirr dyhh?

QIONGRDONGG CONGRJY

Dirr ceh "si'angw laii herciuw? (DENIAL OF THE SOUL)" nirr, guaw qinqir liauw jerje viaujunw, jriw cud jursad (vauquad anlogsiw), tongsiongg m si u iongxkir ee hing'uii, si huisiongg daddid huaigii ee gnorban jurdai, e anne jiacc giamkog ee vingduan, si lanw ee sniwmia m si jurqiw congwjy :ee, dyrr byy kuanli jurqiw huixbet sniwmia.

Zinlui byy lat kongwjer zidtauu vreh kiw vreh lyc ; lanw u huatdo ircig tnikir, byy hxuad quatding venwhuar. Guaw m jaix zuhyy congwjy jit luiw huex, qandna' e jingr huex, zinlui vunxsinx marr si anne. Langg viw huex hogjap jerje, guaw qinvunw dyrr byy hxuad siongxsiong zuhyy congwjy jurqiw. Mrqycc dirr mow tingdo, erdangr suanw hyw hyw ju'iongw/ sohud jurqiw. Ngua jit qxur ue, guaw suibongw byy hxuad congwjyr qaqi, erdangr vnuerenw jit xee qiongrdongg congwjyrjiaw.

Qin nii laii, "qiongrdongg congwjy" ee quanliam/ jikzim, dirr sinhak jiamxzenn sriu huangingg. Guaw iauxx byy knuar diyc jitt jiongw jikzim, huathuix qaur siongrr quann diamw. Zinlui u juriuu suanw qaqi siongrder ee hingsiong, dirr lanw qywzinn sing'uac/ siarhue jikzim nirr, jex si siongrr diongriaur ee jit hxang suanxdik. Dirr jiax, lanw vrong diyc maudunw-diongx ee maudunw. Jit bin, byy gii siongrder si lanw ee congwjyrjiaw. Lingrgua jit bin, dirr suanxdik siongrder ee hingsiong sii, lanw marr congwjy siongrder; m na uirr lanw jurqiw, marr uirr qitnax ee langg, siongrder ee hingsiong huanxngiar dirr lanw sinwgiongw/ hingdong/ jingsinn nirr.

Diyhh e qir .did, lanw byy hxuad ixx tuantongw kyhak hongsid laii liauxqaiw siongrder. E.FROMM(1900-1980) soxx qongw :ee, jit xee Iutaiwqaur qowsu erdangr suecbingg jitt xee dyrliw : u jit xee jin' hyw ee Iutaiwlangg qiyr Monica, u jit zit anne qidyw "siongrder, hro guaw jaix liw jinjniar ee miaa, cniurr tensair qangrkuanw." siongrder tniax diyc Monica ee qidyw, dyrr unxjunw ix. Quer jit xee aw quw, Monica qiubih dirr Diyhh e qir .did, lanw byy hxuad ixx tuantongw kyhak hongsid laii liauxqaiw siongrder. E.FROMM(1900-1980) soxx qongw :ee, jit xee Iutaiwqaur qowsu erdangr suecbingg jitt xee dyrliw : u jit xee jin' hyw ee Iutaiwlangg qiyr Monica, u jit zit anne qidyw "siongrder, hro guaw jaix liw jinjniar ee miaa, cniurr tensair qangrkuanw." siongrder tniax diyc Monica ee qidyw, dyrr unxjunw ix. Quer jit xee aw quw, Monica qiubih dirr bincngg-kax, diyhqniax huah "siongrder ar, hro guaw be qir did liw ee miaa! " siongrder sui' dap'ingr jitt xee iauqiuu. Qangrkuanw ee dyrliw, suxdoo Vyxlyy marr anne viauxsi "lag dirr siongrder ciuw lai, si jit qnia zuarr kiongvor ee dairjir." mrqycc ...

Dirr juewau ee jiongqed, itcer jriw hiongr siongrder...

Jitmaw hro guaw likuix kacc tiusiong/ byqiok ee siongrder kyhak, ixx six jitt jiongw huisiongg qywzinn ee sniax, laii biyue qongw be cud hingjong/ huerir be diyc ee ui'id, qetsog jitt jua sukyw ee luxiuu.

Derr veh jniux SIONGRDER EE SIX

Juair ee siongrder,

cinair ee jruw :

liw qamxx e qir did hitt xui qiwjiaw ?

qexsenx kansingg sinr jruw,

dng' guaw lensuar quixarr zit itdit decc qongw liw,

ix ee qetlun si,

"jin' binghenw , SCOTT,

liw jurlaii byy jinjniar

ham' liw ee verbuw qaungua iwqenr

liw itding jin' qodnuax

guaw m jaix,

jex si m si ham' liw sinr jriuw u quanhe?"

Hitt sii,

guaw jaix lanw sitvai ar.

"liw si qongw

siongrder si guaw siongxsiong ee cittyy pnua?"

gunw iong zri sngw ?

"sursit, guaw zinruii

byy qodnuax."

qewsiok qongw,

"soxu ee ginxaw longxx jin' qodnuax.

u verbuw ee quansimx,

jywhuew dramm dua ser hxang dairjir.

vingiuw be jiyw,

viw langg' kacc je quaw,

zuxx lau zuxx je."

"siongrder qamxx si siongxsiong ee pnua?

oor! Si or!

guaw itdit sniu beh qra liw qongw,

jex jixsi cingx bxan sinwgiongw

ji' id."

Jex byy quanhe

Sursit jiacc si jinsiongr

Liw vruee dirr guaw sinvnix.

Jitt dniuu ee siongxsiong-diongx...

be qir did u zuarr quw

lanw ee luxiuu sidjai janw,

qamxx m si? jruw oor!

Jitmaw guaw lau ar,

byy huatdo kakding

lanw si m si jiapqin jiongdiamw

iauxx si qandna' junxvi

jit vuex jnriu tnix?

Kakding :

liw suisii dirr guaw sinvnix,

e qir did guaw ee ue.

congwjy guaw jingkag suxiong gixgenn,

m si qongw,

itdit qamxqag liw ee junjai,

qongw vec :ee,

qinvunw byy siqanx sniu liw.

Liw duiww guaw jin' hyw

Or! kacc jaw byy qamxqag liw hyw

siyxhak sir nii suaw kir jit qingx sinx haghau

cuxau ee nng nii,

jap huer sii, m jaix

uirsniaxmic dongyc, hionghiongg

naxx digzinn,

jnuaxngiu erdangr liauxqaiw,

liw congwjy guaw, jniajyr jit xee lingxsiur,

vutdix-vutqag, uihiap diyc langg'?

qycc quer jap-snax nii

guaw jiacc liauxqaiw

guaw si lingxsiur jraii

hex qandna' si

jap-snax nii ee qidiongx nng nii

qitnax :ee huisiongg qibiau.

Iauxx erdangr qongw sniaw?

hiyczuac gunw druar :ee aurbin

u jit qingx vingkor

u jit xee quexjixhngg, qecviah cri ngiuu-aw

qauw-guec,

hunn siwqer sngw

guaw jaix verbuw jin' tniar guaw.

Marr jaix,

dirr jex itcer liauxau,

liw cniurr hitt qingx vingkor...iuguann cimyr qoxlyw

harquir ee vingliangg,

ju'iongw...

hex si jit jiongw maudunw.

qamxunx jai simx, dongsii

qycc lixsow-dongzenn, cniurr vingkor,

liw dirr hiax.

Jap-snax huer qiawyc,

hex si byy air ee soxjai, itcer

longxx m driyc ngiu

inx qongw si hyw soxjai

snax-jap qywguec quer kir,

jiacc sniu diyc

diyhh kir cue guaw ee air,

dicbecc dngw duarlangg ar

bongx diyc jurqiw ee linghunn

sriok liw :ee, ingxuanw

byy beh duer langg qniaa

Aa! hitt dnxua qanlann ee suewguat

siongrr kow :ee.

dairsingx sniu diyc liw

naxjunxx e qir did

ham' vingiuw sna' jner

jner liw qamxx u junjai?

oor! guaw sniu diyc liw, sniu liw...

Nngr quer gutauu-bexbin ee jap-go huer,

auwqow..visiongx...

qajair m si qui' nii ee okun

u sii, naxjunxx prangw .kir

qamxx si liw vangwdangx?

Guaw jin' yh siongxsiong

si jyr liauw sniaw ?

daddid liw sur guaw jiacc dua ee

undenw

si m si dirr guaw go huer

jap huer iaxx si jap-go huer sii

derr id crur quatding

kinx kinx qongw jit qxur vehcat dyrr junw e quer sii

guaw iuguann sit ue sit qongw?

be qir did ar!

qaur dairhak

jin' iwair sidue

kiokk u langg qongw guaw congvong

inx m jaix

amwkamr sursit

e hro air venr kow

Cir mair penr jurqiw

lenrr jit diamw diamw aw dyrr bersaih tihh

narr u damrvyc singqongx

u jit xee viwhngx, guaw sniu

si liw hro guaw :ee

snah diyc jinliw ee jingair

kipenr jurqiw ee henrsit

qeclii liauw liw qapp guaw

si guaw siongrr byy air ee

Liw qamxx e qir did

hitt vunw "didqag" ?

qongxx qiyr guaw siaw vinglun

"didqag" lai uanjuann byy liw

liongrqaiw ix?

byy hunvet cud

didqag ? Tenkew?

anne beh ylyw sniaw?

byy sniu diyc liw

ix driyc? si guaw m driyc

liw kyxlingg jinjniar byy junjai

hro guaw jre lyc laii jing jit xe

guaw qamxx u qongvnee?

Zuarr qitai liw dirr guaw ee kangkuer-diongx

he qodur

qamxx bersaih hiyxding liw?

juansimx juriuu

sniu liw ee byy junjai

Jit kaisiw,

qihngx, dua juiw, huexsiyvox, huixbet ;

sanwciah, amtamx, jenwjingx, lingdi ;

sxiuu, penr, jewhan ;

simliw jringr, sinliw tniar

itcer byy qongvingg :ee

byy hau

berdangr qra siaog quijue hor liw.

su'iaur liw ee junjai, jiacc erdangr qaixsueh siaog

kyxlingg liw e hauw

juadduir berdangr quaiwjue liw.

Qycc laii, zinlui ee senrliongg

guaw erdangr iyh

simdiongx soxui iuxli tnaxzinn juxgi

si be uac lyc kir ee vunxlingg

guaw sigsai siarhuerhak ...

henrdai quanliam

ui' jiaxee surhang nirr

knuar cud liw ee hunziah

marr erdangr suanxdik

mair anne jyr.

jiacc suiw ee sewqanx

Ciu-aw/ hueluiw, kneqog/ qysnuax

kex, hyy, oo, haixngiuu

qokk jiongw qokk ngiu/ kiwhau venwhuar

liw jaiwsnax tecniw

si liw ee congwjy

narr u vit'iaur, qra hni-aw amx kiw laii

byy zimrhyy surbut qiongvig gunw

zidtauu cud laii qycc lyx snaux

tnicnix, guehqngx

itcer ligsig ee surbut

jauxcue liw ee junjai

qibiau vutkyxsugi

guaw byy hxuad qenquad siongsinr liw ee qewue

byy lann siongxsiong

jex si jit dniuu vutkyxsugi ee iwgua

oor! Byy lor! Guaw erdangr ingwhur jiaxee dua dairjir

si hiaxee ser dairjir

kyxviw qongxx tenkew

guaw byy hxuad ingwhur

Bangrqingw

ciauquer guaw linglik jerje

hiacc iuwzi

hex diam jing ee sniax

ciangjai gnorzin si hionghiongg jingsinn ee simx

jin' jiyw huatsingx, jongxsi hro guaw

ciauquer siongxsiong ee diwhui

qycc u hiaxee kaxhap

kyxlingg jin' cuwbi

zuqyw qra dongwjyr kaxhap

Guaw byy hxuad qaixsueh jiaxee "siyw" dairjir

qidiongx

liw henx cud jurqiw

berhiauw qongw

jaix liw air guaw...

jaix liw air gunw soxu ee langg

Jex itcer byy dirr guaw ee ciuxsimx lai

byy puewhap guaw ee qewue

or! guaw ee jiwair

beh ham' liw qongxue

si guaw ee cittypnua

naxx cniurr sniu :ee

liw jinjniar si sniu :ee ?

cniaw hogjiongg guaw ee siongxsiong

duer diyc siqanx, venwngua hingsiong

puewhap guaw ee iogbang

mrqycc m si anne neh!

qamxx si? diyh'air hogjiongg puewhap :ee

si guaw.

m driyc, si guaw ee cittypnua jiacc driyc.

jairr liw hnuahiw

suisii ixx qokk jiongw hingsid

cuthen dirr guaw binrjingg

uanjuann sniu be qaur ee sii

Tniax qongw, Inwdorqaur

u jit jiongw quanliam, hyrjyr

"kangbyy ee siongrder"

zuqyw inx soxx qongw :ee

dng' guaw su'iaur liw ee sniax, liw diam jniwjnir

dng' guaw su'iaur dirr guaw sinvnix, liw kiamwsik

liw jin' pnaiw liau diyc

qongw be cud liw ee hingjong

suisii decc venr, ciauquer guaw ee siongxsiong

sniu beh jaix

in ee iwsur?

Liw m si kangbyy,

dng' guaw kangx kangx sii

liw kacc e laii cue guaw ---

dng' gunw kangx kangx sii

liw qniaa zip laii ---

liw m si byy hxingg ee kangbyy.

liw cniurr gunw ---

simrjiww viw gunw qyckacc erdangr ---

hro jurqiw jniajyr kangbyy.

hongwkir jurqiw,

uirr liauw air.

liw m si kangbyy,

guaw ingwqaix cinghox liw

hongsingr (pongpair) ee siongrder.

Guaw iaxx be junxvi hyw

jaix liw ee miaa,

iauxx be junxvi hyw

ham' liw bin duir bin

liw hiacc sinvir

liw m si viwbit

guaw jaix jerje

hnuahiw vyr langg jaix

bad liw

siongrr diongriaur :ee

liw si jit xee langg

Uirsniaw gunw byy hxuad jiapsiu

jongw sniu beh qra liw siah qiamw

qongw liw si tiusiong ee "lat"?

guaw marr anne jyr. sniu beh

u diwhui. sniu beh kakding

langg' jaix liw m si

siongxsiong ee cittypnua,

qamxx si qionglet jurgnow ee dausia?

u miaa ee kiauw laurhuer-aw,

dngg dngg ee vec cuiwciux

jerje nii qingquer

jiacc viauxdat cud simsniax,

qongkaix singzin

liw langg ee singwqeh?

Guaw sidjai gong qaxx u cunx.

Liw byy dngg dngg ee vec cuiwciux.

simrjiw byy sinkux,

byy gunw soxx lixqaiw ee sintew,

mrqycc u zinsingr,

ciauuat gunw ee zinsingr,

ciauuat gunw ee siongxsiong

jnuaxngiu kyxlingg

zuqyw liw m si jit xee langg?

Soxiw guaw qongw :ee si liw ee zinsingr,

hro langg sax byy ee jingsinn.

guaw qongw :ee sriok qamxjingg :ee ---

m si sniaxmic qiinx/ cuiwciux/ sewvaux guansingjid,

suibongw u sii qamxqag liw si

siongrr guansiw hitt xee guansingjid.

Liw henxzenn si

jit xee juair ee siongrder,

sniu beh dirr guaw ee ceh nirr

hongsinn u kyhak qauwiongw, guaw vaixtuad

air ee simjingg ...

soxu jurkix ee kyxlingg.

"Jiahmic ee bi dirr jic"

a'qongx bad qongw quer

"knuar diyc sniaw dyrr si sniaw"

Guaw qencii

air ee dingrgi

vunxir byy baiw,

kiokk ziakamr sursit :

lanw sniu beh air jiacc u air

"sniu beh" vuerau kamwbih diyc

simjniaa ---

siongrr byy dansunn, iauqiuu siongrr quann :ee

simjniaa.

Jinjniar ee air iauqiuu

jiapsiu tongwkow, iong'unw

paccuir guaw ee simx, jit vaiw qycc jit vaiw,

qewsiok pah

qewsiok juansimx kir air,

simx dyrr zuxx laii zuxx kuikuah.

DIETRICH BONHOEFFER

jitt xui qidokdoo,

uirr air, ix qewue mosad

HITLER, virr cuxquad ee jingg jit mee,

"jixu jit xee siurkow ee siongrder jiacc e junjai"

cinair ee siongrder, liw iauxx be driaur gauw,

qiyr guaw kir binrduir hiacc kow ee kunwqingw,

dng' guaw diyhh cab

vadd langg ee sniwmia sii,

liw hro guaw damx .jit .xe jubi,

sniu knuar mai lehh,

liw

vutduan ixx diwhui pnuawduan

jinwzip guaw ee sniwmia,

qamxqag diyc qingwuir

jaix liw ee jiauwqor

zedlet singkunw

hro guaw berdangr

qandna' anne sniu

liw sriu jin koxcow:

itdit byy kakding jurqiw si m si u qraur singsik,

itdit qaur guaw kaisiw

uirr liw viaix.

mrqycc liw ---

benw qongw ---

si jit xee maudunw ee siongrder,

liw sriu ee kow byy tingg quer,

hro guaw kacc qniax :ee,

liw itdit vyxcii kinsangx

oor! air sngw ee siongrder,

Air ciywkuex ee siongrder!

henxzenn

liw jin' air lang guaw

dagg vaiw,

guaw duxx liauxqaiw liw ee congwjy sii,

sui' mng guaw,

" SCOTT, jex qycc u sniaw?"

jitt jiongw kyxgiam

ciangjai duw diyc

qiogvutqiok jywcud qetlun,

itdit congwjy be sen.

Binrduir

sewqanx soxu ee aisiongx,

u sii guaw juadbang,

jex si guaw qamxqag siongrr quaiwqii :ee,

qamxqag liw decc sriu kow,

byy qamxqag diyc liw ee juadbang

jit sud aw dy' byy.

liw ingxuanw hixlok

liw jin' si jit xee kuaiwlok ee siongrder,

guaw qidyw u jit zit yc erhiauw

liw ee vitbit.

Liw si jit xee

qamxsingr ee siongrder.

kutqiongg, unziuu

huee qamx liulenn.

liw jin' gauu vniwqaulang,

bee langg ee singr

iong'unw zinlui cam'uw qidiongx

liw sniuxsur ee ingiau,

qongw be cud ee hixlok

liw jingsangr gunw ee

damx .jit .xe liw ee bi

liw ee ciagqauu

enxqangw sii

ciangjai qongw diyc jitt diamw

u langg lrauu bagsaiw

u langg jauw likuix

or! dongr be diauu liw ee cinbit.

Liw si jit xee

u jamrjad ee siongrder.

jiauww liw ee hingsiong hro gunw

juriuu iwjir, byy juanjer

byy uihiap, byy cuxhuad

liw ee lat, qamxx u qaiwhan?

si m si qandna' u congwjyrlat?

Ingxuanw hongwkir

huixbet linglik?

Liw hro gunw "kongqanx",

jit diam aw dy' byy benxqiongw,

liw m bad kiaukow guaw.

liw si siongrr unhyy ee singbut.

Liw air dyngiu,

venwngua, ciongbuanw hixlok

zuac .langg ervox sii

guaw jre dirr cauxvox

knuar diyc

vah jiongw sidbut

sxor jap jiongw e vuex ee tangtua

too nirr

sxingg qrunn ee bisingbut

juann sewqair ee sewkunw

horsiong qau'iongg

Siongrr cimkig :ee

zinlui ee dyngiu

muixx jit xee langg

dog'iuw ee jewhan,

dogdig ee tenhur.

jidsiwlangg dirr

zinjer quanhe bxang

guanliong guaw, jruw ar,

ciangjai byy jyr hyxser

crig diyc jerje langg

Qamxsia liw

guaw u jerje ving'iuw

siongrr hyw ee ving'iuw

snax-jap-cid nii jingg

LILY ham' guaw siy' gu

guaw m bad ix,

ix m bad guaw,

gunw byy liauxqaiw qaqi,

uanjuann byy liauxqaiw hun'inx

ciongbuanw koxcow ee hagsid

narr byy qingquer jit dnxua

sniaxmic dy' byy

gunw qniaa quer laii

byy vyx qaqi .jit .xe

damrvyc qongw be quer.

hitt sii sniaw longxx m jaix

budix qycc jin' hongsinn

nacc e jaix

ham' guaw cax hiacc je ee LILY

si guaw ee kanciuw!

si m si liw iamxsinx dirr guaw ee sinvnix?

Inxcua

juanzenn byy caqag. jitmaw

gauw diyhh yc gnaxqok,huah qongw

"dongzenn siongrder dirr jiax,

guaw kiokk jit diamw aw dyrr m jaix."

juewau ee jiongqed

itcer jriw hiongr liw.

Gunw lau ar,

cimxtauu, gunw quer qaxx jin' tongwkow,

hex si danxtai ee sikig,

jinrliong

jiauwqor gunw sngtniar ee sinkux

ngiajih liw

uirr gunw

soxx junxvi juewau hingdingg

Cniurr itvnuax laurlangg

gunw uadtauu qycc knuar

quewkir ee sitvai/ singqongx.

gunw jaix sitvai ee guan'inx. singqongx neh?

naxjunxx kacc sinvir. jaiww crur

gunw ylyw qaqi .jit .xe, jaiww jit crur

jaix liw jo gunw

dadsingg itcer singjiu.

Hueqor si quacli. dysor siqanx

gunw hiongr jingg knuar.

jin' qac'ir jitt xee sewqair

ingxuanw qamxqag jurqiw u vorhun

ee cnesox, naxjunxx guaw byy uanjuann

sriok jiax. Jap nii jingg

u jit xui cutqioh ee zinbut JAME

ix inxdy gunw camqax go zit jit qrii ee juhue,

huerau ix duiww guaw qongw,

"SCOTT, guaw jit diam aw dyrr m jaix

lanw laii jurr dyhh,

naxjunxx qang jit xee cniqiuu."

jit nii au, ix qra guaw qongw jitt qxur ue ee hitt zit,

dirr Huatqog qniaa lo sii,

ciax ui' aurbin longr siw JAME.

snax hunx ji' id ee viaix, snax hunx ji' zi

ee himsen.

Jitt dnxua siqanx, guaw decc knuar

kyhak huanwsiongw siyxsuad,

qongxx si jit qrunn

guarcnix langg guijongx jyr zinlui,

inx sidbinn derqiuu. Dirr digding ee siqanx

inx u qihue suanw

dngw kir guanlaii ee cniqiuu?

guaw qra jit vunw ceh

he dirr cngvnix

duiww liw naxx hauw naxx qongw,

"jruw ar, guaw beh dngw .kir,

cniaw liw cua guaw dngw .kir."

Jap dxangx au,

guaw byy hiacc cniqniax,

zuxx laii zuxx cingcyw,

benw qycc zuarr quw

guaw ee quanrbang dyrr e sidhen,

Jruw ar! gauw beh dngw .kir ar!

Guaw jit diamw ar byy

kinsi jitt xee sewqair

uac zuxx lau, zuxx erdangr bingliauu

jitt xee sewqair duiww liw si zuarr vyxquir!

liw qra sewqair he dirr gunw binrjingg

uirr moxjiongw bogdig. Liw qra sewqair

cniurr jit ap PUZZLE siwsnuar kuix

ap-aw prangw .kir ar

muixx jit der sikcaiw iamrhniaw

gunw jiaxee ginxaw zimw be diauu

jit der jit der kiyh kiw laii draur

jit der jit der cue inx ee hniadi-jixmue

Jitt dniux doo taiww dua lehh

siongrbuew gunw jiacc sniu diyc

gunw ingxuanw byy siqanx

qra uansingg. jtti sii

kyxlingg e qamxqag byy hibang

sniu beh hongwkir liw

liw sidjai jongwdai

narr qongxx gunw u qraur qingxqag

diyhh yc jit xee qawsi. sursit

doo si jiacc dua, jit der jriab quer jit der

vutkyxsugi uanjuann drow unrkir

gunw ee ciuw/ bagjiux naxx cniu

u langg decc inxcua, si didqag?

ciangjai huatsingx

Si'angw byy jitt jiongw qinggiam? Quiw der-aw

qycc draur e kiw laii

gunw u qihue tausiamx .jit .xe

kyxlingg ee mongiu

oor! jin' suiw... snriaa langg ee setqer. juewau

gunw huathen

sinvir ee sinwsid. u jit vaiw guaw draur cud

jit xee quaiwqii ee hyrtauu

si Huatbunn

"AIMEZ-VOUS LES UNS LES AUTRES"

(air jiaxee langg/ hiaxee langg)

Jairr liw sniu

kyr liw ee sin'unx, guaw suanxdik

zinrding si ap-aw vunwlaii ee hingmoo, narr si

kacc cimx damrvyc ee ywvir

si qniax-qniax-quec-quec ee hagsingx

giac jit qix uervid

Qamxsia liw hro guaw jaix

liw si jitt dniuu

siongrbuew ee bogviaux.

(suah)

huedngw tauu iac