Ezekiel

1 Dng' snax-jap nii Sir-guec cego, guaw dirr Qebar ee hyy-vnix, siurr liac ee langg ee diongqanx; hitt sii tnix kuix, guaw knuar qnir Siongrder ee ngirsiong.

2 Dirr hitt guec ee cego, dyrr si Jehoiaqin Ongg siurr liac ee derr go nii,

3 Dirr Qaldealangg ee de, Qebar ee hyy-vnix, Jehovah ee ue diaudii limqaur Buzi ee qniaw, jewsix Ezekiel. Dirr hiax, Jehovah ee ciuw he dirr ix ee sinjniu.

4 Guaw knuar .qnir, liw knuar, u qongg hongx dui' vakhngx laii, u dua pxenr hunn, u iam iam sih ee huew, ix ee jiuuii u qngx, dui' hitt diongqanx ee huew-lai huad cud cincniu hoxpig ee sikdir.

5 Qycc dui' hitt diongqanx cuthen sir xee uahmic ee hingsiong. Inx ee kuanxsid si anxnix; u langg ee hingsiong.

6 Dagg xee u sir xee bin, dagg xee u sir qix sxit.

7 Inx ee kax si dit dit, kaziah drew cincniu guu-aw ee kadee; longxx canwlan cincniu buaa qngx ee dangg ee ciacbak.

8 Dirr inx siwbin ee sxit-xe qycc u langg ee ciuw, jitt xee sir xee uahmic ee bin qapp sxit dyrr si anxnix;

9 Inx ee sxit longxx sna' lenjiab; qniaa ee sii, sinkux mrbenw uat, longxx diddit jinwjingg kir.

10 Lun qaur inx ee bin ee hingsiong, inx u langg ee bin; inx sir xee dirr jniar vingg u sraix ee bin, inx sir xee dirr dyr vingg u guu ee bin; inx sir xee iarr u ingjiauw ee bin.

11 Inx ee bin si anxnix; inx ee sxit dui' dingxbin tiw kuix; jitt xee hitt xee nng xee sxit sna' lenn, qycc u nng xee sxit kamr sinkux.

12 Inx dagg xee diddit qniaa jinwjingg; sinn beh kir dyclyc, inx dyrr kir hiax; qniaa ee sii, sinkux mrbenw uat.

13 Lun qaur uahmic ee kuanxsid, inx ee hingsiong cincniu dyc ee huextnuar, qycc cincniu huexvew ee hingsiong, kiw kiw lyc lyc dirr uahmic ee diongqanx; huew jin' qngx, dui' huew-diongx huad cud sicnar.

14 Hiaxee uahmic jauw .kir jauw .laii, cincniu sicnar decc sih.

15 Guaw decc knuar uahmic ee sii, knuar ar, u cialunn dirr derjniu, dirr uahmic ee vnix:a, jiauww ix ee sir bin.

16 Cialunn qapp inx ee juewhuad ee kuanxsid cincniu ngg ee gik ee sikdir; sir xee lunn ee hingsiong siang jit kuanw; inx ee kuanxsid qapp juewhuad si cincniu lunn diongx u lunn.

17 Lunn qniaa ee sii, sir bin longxx e qniaa .did; qniaa ee sii mrbenw uat.

18 Lun qaur cialunn ee kuann si jin' quann tangx qniax; sir xee lunn ee kuann u bagjiux muaw muaw.

19 Uahmic qniaa ee sii, lunn iarr dirr inx ee sinvnix decc qniaa; uahmic quxkiw lirkuix de ee sii, lunn iarr quxkiw.

20 Sinn soxx beh kir ee soxjai, inx iarr kir; sinn narr kir dirr hiax, lunn iarr dirr inx ee sinvnix quxkiw; in'ui uahmic ee sinn dirr lunn ee lairbin.

21 Hiaxee narr qniaa, jiaxee iarr qniaa; hiaxee narr tingg, jiaxee iarr tingg; hiaxee narr quxkiw lirkuix de ee sii, lunn iarr dirr inx ee sinvnix quxkiw; in'ui uahmic ee sinn dirr lunn ee lairbin.

22 Uahmic ee taukag ee dingxbin u qiongcongx ee hingsiong, cincniu tangx qniax ee juixjnix ee sikdir, pox dirr inx ee taukag ee dingxbin.

23 Dirr qiongcongx ee erbin inx ee sxit tiw dit dit, dairqex sna' duir; qycc u nng qix sxit kamr ix ee sinkux ee jit vingg, iarr qycc u nng qix sxit kamr ix ee sinkux ee hitt vingg.

24 Inx qniaa ee sii, guaw tniax qnir inx ee sxit ee sniax, cincniu jerje juiw ee sniax, cincniu Juanlingg :ee ee sniax, u huarhua ziongw ee sniax, cincniu qundui ee sniax; inx tingg ee sii, sxit dyrr vangr .lyc .laii.

25 Dirr inx taukag dingw qiongcongx ee dingxbin u sniax; inx tingg ee sii, sxit dyrr vangr .lyc .laii.

26 Dirr inx taukag dingw qiongcongx ee dingxbin u vyxjy ee hingsiong, cincniu lamsig ee vyxjiyc; dirr vyxjy hingsiong ee dingxbin u hingsiong cincniu langg ee kuanxsig.

27 Guaw knuar qnir dui' ix ee iyx ee hingsiong ee dingxbin u hoxpig ee sikdir, dirr ix ee lairbin jiuuii u huew ee hingsiong; iarr knuar qnir dui' ix ee iyx ee hingsiong ee erbin u cincniu huew ee hingsiong, jiuuii jin' qngx.

28 Dirr lyc ho ee zit hunn-diongx king ee hingsiong jnaixngiu, jiuuii ee qngx ee hingsiong iarr si anxnix. Guaw jid'err knuar .qnir, dyrr pag dirr de nirr; qycc tniax qnir jit xui qongxue :ee ee sniax.

2 Ix duiww guaw qongw, "Zinjuw ar, liw kiw laii kia, Guaw beh qapp liw qongxue."

2 Ix duiww guaw qongxue ee sii, sinn dyrr zip guaw ee lairbin, hro guaw kia .kiw .laii; guaw dyrr tniax qnir hitt xui duiww guaw qongxue :ee ee sniax.

3 Ix duiww guaw qongw, "Zinjuw ar, Guaw crex liw kir qaur Islael-jok, qaur vuergik ee vangqog, inx si vuergik Guaw :ee; inx qapp inx ee ledjow uiqec Guaw, didqaur qinaxzit.

4 Jiaxee qniaw binrpuee qau, simx gni; Guaw crex liw kir inx hiax; liw diyhh duiww inx qongw: Jruw Jehovah anxnix qongw.

5 Inx qiamxcaiw tniax, qiamxcaiw m tniax, (in'ui inx si vuergik ee qrex), beh jaix dirr inx diongqanx dikkag bad u sendix.

6 Zinjuw ar, suizenn u cauxcir jidlee dirr liw hiax, qycc liw diamr dirr get'axtangg ee diongqanx, longxx byc did qniax inx, iarr byc did qniax inx ee ue; inx suizenn si vuergik ee qrex, iauxquxx byc did qniax inx ee ue, iarr byc did in'ui inx ee binrmau laii qniahniaa.

7 Inx qiamxcaiw tniax, qiamxcaiw m tniax, liw jueww liw jiong' Guaw ee ue qra inx qongw; in'ui inx si qigqii vuergik :ee.

8 Zinjuw ar, liw diyhh tniax guaw duiww liw soxx qongw ee ue; liw m tangx vuergik, cincniu hitt xee vuergik ee qrex; liw diyhh kuix cuir, jiac Guaw soxx hro liw :ee."

9 Hitt sii guaw knuar, knuar ar, u jit qix ciuw crunx ngr guaw jiax laii; knuar ar, ciuw-lai u jit qngw ceh;

10 Ix jiong' hitt vunw henx kuix dirr guaw ee binrjingg; lairgua longxx u siaw zri; hitt dingxbin soxx siaw :ee u aisiongx, toxkuir, jaieh ee ue.

3 Ix dyrr duiww guaw qongw, "Zinjuw ar, diyhh jiac liw soxx did .diyc .ee; diyhh jiac hitt qngw ceh, iarr diyhh kir duiww Islael-qrex qongxue."

2 Dui' anxnix guaw kuix cuir, Ix dyrr hro guaw jiac hitt qngw.

3 Qycc duiww guaw qongw, "Zinjuw ar, jiong' jitt qngw, Guaw soxx hro liw :ee, diyhh jiac zip liw ee vakdow, ciongmuaw liw ee drngg." Guaw dyrr jiac ix; cuir-lai jaix ix ee dnix cincniu bit.

4 Ix duiww guaw qongw, "Zinjuw ar, kiw laii jiurqin Islael ee qrex, iarr ing Guaw ee ue qra inx qongw.

5 In'ui liw hrong crex m si kir hitt xee qongxue cim'yr, gengiw yh did tniax ee vecsnir hiax, si kir Islael-qrex;

6 M si kir hiaxee qongxue cim'yr, gengiw yh did tniax ee jerje qog, inx ee ue liw be hiauxdid tniax.

7 Guaw narr crex liw kir inx hiax, inx dikkag tniax liw. Jongwsirr Islael-qrex m kingw tniax liw, in'ui ix m kingw tniax Guaw; in'ui Islael juann qrex si tauhiac ding, simx gni ee langg.

8 Knuar ar, Guaw hro liw ee bin gni, dixdik inx ee bin; hro liw ee tauhiac ding, dixdik inx ee tauhiac.

9 Guaw hro liw ee tauhiac cincniu suanrjiyc, viw huexjiyc kacc ding; inx suizenn si vuergik ee qrex, liw byc did qniax inx, iarr byc did in'ui inx ee binrmau laii qniahniaa."

10 Ix qycc duiww guaw qongw, "Zinjuw ar, Guaw duiww liw soxx qongw itcer ee ue, liw diyhh ing simx singsiu, ing hnirkangx tniax.

11 Liw diyhh kir jiurqin vunxqog siurr liac ee vecsnir hiax; inx qiamxcaiw tniax, qiamxcaiw m tniax; liw diyhh duiww inx qongxue, qra inx qongw, jex si Jruw Jehovah anxnix qongw."

12 Hitt sii sinn quxkiw guaw, guaw dyrr tniax qnir dirr guaw ee qajiah au u dua dinxdang hurhu hauw ee sniax, qongw, "Jehovah ee ingqngx dui' Ix ee soxjai henxcud, ingqaix did diyc ylyw."

13 Guaw iarr tniax qnir hiaxee uahmic ee sxit sna' kap .diyc ee sniax, qapp inx ee sinvnix lunn ee sniax, dyrr si dua dinxdang hurhu hauw ee sniax.

14 Dui' anxnix sinn quxkiw guaw, duar guaw kir. Guaw kir jin' qankow, simsinn qiklet; Jehovah ee ciuw dirr guaw ee sinjniu jin' u lat.

15 Guaw dyrr qaur Tel Abib, diamr dir Qebar Hyy-vnix siurr liac ee langg hitt xui, qaur inx soxx kiarkiw ee soxjai; dirr inx diongqanx jre cid zit quw, diamr hiax jin' gonggniac.

16 Quer cid zit, Jehovah ee ue limqaur guaw, qongw,

17 "Zinjuw ar, Guaw setlip liw juer Islael-qrex siuxbang ee langg; soxiw liw diyhh tniax Guaw ee cuir soxx qongw :ee, ter Guaw qingxqair inx. Guaw duiww pnaiw langg qongw:

18 Liw dikkag e siw. Narr liw byy qingxqair ix, byy ing ue qingxqair pnaiw langg hro ix lirkuix ix ee pnaiw lo, laii qiur ix ee sniwmia; dyrr hitt xee pnaiw langg beh siw dirr ix ee jue. Guaw beh dui' liw ee ciuw tyw ix ee sniwmia.

19 Setsuw liw qingxqair pnaiw langg, iarr ix byy uat dngw lirkuix ix ee pnaiw soxx qniaa qapp ix ee pnaiw lo, dyrr ix beh siw dirr ix ee jue; jongwsirr liw u qiur liw qaqi ee sniwmia.

20 Qycc setsuw u girlangg uat dngw lirkuix ix ee gi laii huanrjue, Guaw iarr he tatgai dirr ix ee binrjingg, dyrr ix beh siw; in'ui liw byy qingxqair ix, dyrr ix beh siw dirr ix ee jue, qycc ix soxu qniaa ee gi byy qycc did diyc qiwliam. Guaw beh dui' liw ee ciuw tyw ix ee sniwmia.

21 Liw narr qingxqair girlangg, hro girlangg byy huanrjue, ix narr jinjniar byy huanrjue, dyrr dikkag did diyc uac, in'ui ix u siurr qingxqair; liw iarr qiur qaqi ee sniwmia."

22 Jehovah ee ciuw dirr hiax he dirr guaw ee sinjniu; Ix duiww guaw qongw, "Liw kiw .laii, kir vningiuu, Guaw beh dirr hiax qapp liw qongxue."

23 Dui' anxnix, guaw kiw .laii, cud kir qaur vningiuu. Knuar ar, Jehovah ee ingqngx kia dirr hiax, cincniu guaw dirr Qebar Hyy-vnix soxx knuar .qnir ee ingqngx jidngiu; guaw dyrr pag dirr de nirr.

24 Sinn dyrr zip guaw ee lairbin, hro guaw kia .kiw .laii; Ix qapp guaw qongxue; duiww guaw qongw, "Kir ar, liw diyhh qaqi qnuaix dirr cur-lai.

25 Zinjuw ar, langg beh ing syh he dirr liw ee sinkux, qra liw kunxvak; drir qaur liw be cud .kir laii qniaa dirr inx diongqanx.

26 Guaw beh hro liw ee jic liamm dirr liw ee jniurqniux, drir qaur liw exqauw, be e juer jikvi inx ee langg; in'ui inx si vuergik ee qrex.

27 Dogdok qaur Guaw qapp liw qongxue ee sii, Guaw beh kuix liw ee cuir, liw dyrr duiw inx qongw, 'Jruw Jehovah anxnix qongw.' Air tniax :ee tniax, m tniax :ee quwjai ix m tniax; in'ui inx si vuergik ee qrex.

4 Zinjuw ar, liw diyhh tec jit der jxngx, he dirr liw ee binrjingg; rue Jelusalem Sniaa dirr hitt dingxbin.

2 Qycc uikunr qongqig ix, kiw toduix qongqig ix, dirr siwuii ansed dua tuii qongqig ix.

3 Qycc diyhh tec ticvanw, he dirr liw qapp sniaa ee diongqanx, junw juer ticcniuu; liw ee bin dniardnia ngr ix, dyrr sniaa siurr uikunr, liw beh uikunr ix. Jex tangx juer diaurtauu dirr Islael-qrex.

4 Liw diyhh kix dyr vingg dyw lehh, damdngx Islael-qrex ee jue; jiauww liw kix dyr vingg dyw lehh ee zit zuarr je, liw damdngx inx ee jue iarr si anxnix.

5 Guaw jiong' inx huanrjue ee nii hro liw ing zit ee siauwgiac laii diw ix, dyrr si sna' pah qauw-jap zit; liw jiauww anxnix damgdngx Islael-qrex ee juerquar.

6 Liw ixqing’ muaw jiaxee zit, diyhh qycc kix jniar vingg dyw lehh, damgdngx Judah-qrex ee juerquar.Guaw qra liw han sir-jap zit, jit zit diw jit nii.

7 Soxiw liw ee bin diyhh dniardnia ngr siurr uikunr ee Jelusalem, ciuxqud lik teh teh, suantuann laii qongqig ix.

8 Knuar ar, Guaw beh ing syh he dirr liw ee sinjniu; drir qaur liw be e huanx quer vingg, qaur liw uikunr sniaa ee zit muaw.

9 Liw diyhh tec siyxbec, duarbec, dau-aw, angdau, suexaw, qapp cobec, drew dirr jit xee kiwqu lai; uirdiyhh vunxsinx ing ix laii juer vniaw, jiauww liw dyw tanxkix ee zit ee siauwgiac, dyrr si snax-vah qauw-jap zit, liw diyhh jiac ix.

10 Liw soxx jiac ee sidbut, diyhh jiauww cinwdang, dagg zit jiac zi-jap sekel, jiauww sii laii jiac.

11 Liw limx juiw iarr diyhh jiauww nriuu, dagg zit jit hin ee lak hxun jit; jiauww sii laii limx.

12 Liw jiac jitt xee vniaw, cincniu jiac duarbehvniaw jidngiu; diyhh ing langg soxx vangr ee vunr, vig ix dirr jingwlangg ee bagjiux jingg."

13 Jehovah qongw, "Islaellangg dirr Guaw soxx qnuaw inx qaur ee ledqog diongx, iarr dikkag anxnix jiac byy cingkir ee vniaw."

14 Guaw qongw, "Ai'ar, Jruw Jehovah ar, guaw vingsor m bad bag diyc lasamm, dui' sewhanr qaur dnaxx, m bad jiac ix qaqi siw :ee, iacc si hro iaxsiur tiah lic :ee; hitt xee kyxngor ee bah, iarr m bad zip guaw ee cuir."

15 Dui' anxnix Ix duiww guaw qongw, "Knuar ar, Guaw hro liw ing gusaiw laii ter langg ee vunr; liw diyhh jiong' liw ee vniaw vig dirr hitt dingxbin."

16 Ix qycc duiww guaw qongw, "Zinjuw ar, knuar ar, Guaw beh dirr Jelusalem duanrjuat inx soxx uaxkyr ee bixniuu; inx jiac vniaw diyhh jiauww cinr, junxjad laii jiac; limx jiuw iarr diyhh jiauww nriuu, gonggniac laii limx.

17 Hro inx kiamwkueh vniaw qapp juiw, snaqab gonggniac, qycc dirr inx ee juerquar laii siaubet.

5 Zinjuw ar, liw diyhh giac jit qix lrai qiamr, juer liw ee tiwtaudyx, laii tir liw ee taumngg qapp liw ee cuiwciux; zen'au cinr ix ee dangrkinx, laii vunx ix.

2 Uikunr sniaa ee zit ixqing’ muaw, liw diyhh jiong' snax hxun ee jit hxun dirr sniaa-lai ing huew qra siyx; jiong' snax hxun ee jit hxun dirr ix ee siwuii ing dyx pah ix; jiong' snax hxun ee jit hxun ia snruar hro hongx cuex .kir; Guaw iarr beh vuic dyx duizib ix.

3 Liw diyhh dui' hitt diongqanx tec quixnarr qix, vak dirr liw ee snaaxqix.

4 Qycc dui' hitt diongqanx tec damrvyc aw, hed dirr huew-diongx, ing huew siyx ix; dui' hiax beh u huew cud, qaur dirr Islael juann qrex.

5 Jruw Jehovah anxnix qongw: Jex si Jelusalem; Guaw beh andir ix dirr ledvangx diongx, ledqog dirr ix ee siwuii.

6 Ix qniaa pnaiw uiqec Guaw ee huatdo, viw ledvangx kacc siongdiong; qanhuan Guaw ee ludle viw siwuii ee ledqog kacc camw; in'ui ix kiwsag Guaw ee huatdo, Guaw ee ludle inx iarr byy juntanr.

7 Soxiw Jruw Jehovah anxnix qongw: In'ui linw ziauxluan viw linw siwuii ee ledvangx kacc siongdiong, byy juntanr Guaw ee ludle, byy jipsiuw Guaw ee huatdo, iarr m tranr linw siwuii ledqog ee huatdo.

8 Soxiw Jruw Jehovah anxnix qongw: Knuar ar, Guaw beh qongqig liw, Guaw beh dirr linw diongqanx simxpnuar linw, hro ledqog cinbak knuar .qnir.

9 Qycc in'ui itcer kyxngor ee su, Guaw beh dirr liw diongqanx qniaa Guaw soxx m bad qniaa, ixau iarr byy qycc anxnix qniaa :ee.

10 In'ui anxnix, dirr liw ee diongqanx, laurve beh taii qniaw laii jiac, qniaw iarr beh taii laurve laii jiac; Guaw beh dirr linw diongqanx simxpnuar linw. Guaw beh jiong' liw soxx cunx ee jingwlangg, longxx siwsnuar inx dirr siwhngx.

11 In'ui anxnix, Jruw Jehovah qongw: Guaw qiw Guaw ee ingxuac laii jiuwjua, uirdiyhh liw ing itcer kyxngor ee mic, tangx iamwjen ee su, pah lasamm Guaw ee sxingr sow, Guaw iarr beh qiamxjiyw liw ee langgiac; Guaw ee bagjiux byy beh tniawsiyh liw, Guaw iarr byy beh linbinw liw.

12 Liw snax hxun ee jit hxun beh dui' un'ik laii siw, iarr dui' qihngx laii siaubet dirr linw diongqanx; snax hxun ee jit hxun beh dirr liw ee siwuii dyw dirr dyx-xe; snax hxun ee jit hxun Guaw beh vuic dyc duizib inx.

13 Cincniu anxnix, Guaw ee siurkir did diyc jniaa, Guaw dyrr siurr an'uir; qycc Guaw dua siurkir inx :ee ixqing’ jniaa, dyrr inx tangx jaix Guaw Jehovah si zedsimx laii qongw :ee.

14 Guaw beh hro liw juer lingxjing, juer lingziok, dirr liw siwuii ee ledvangx diongx; hro qingquer ee langg cinbak knuar .qnir.

15 Anxnix, Guaw beh ing siurkir, qapp dua siurkir, qapp giamgiamm ee jikvi, dirr liw ee diongqanx simxpnuar liw; hitt sii liw dyrr dirr siwuii ee ledvangx diongx, jniaa juer tangx lingziok, tangx qicir, tangx qamxqair, tangx gonggniac; jex si Guaw Jehovah soxxx qongw :ee.

16 Hitt sii Guaw ing qihngx, e jaubet langg ee pnaiw jnxir sria inx; dyrr si Guaw soxx sria laii jaubet linw :ee; Guaw iarr beh qetnix linw ee qihngx, duanrjuat linw soxx uaxkyr ee bixniuu.

17 Qycc beh u qihngx oksiur qaur linw hiax, inx beh hro linw ee qniaw siw liauw liauw; qycc un'ik qapp taii langg ee su iarr beh liuhingg dirr linw hiax; Guaw iarr beh hro dyqiamr limqaur linw; jex si Guaw Jehovah qongw :ee."

6 Jehovah ee ue limqaur guaw, qongw,

2 "Zinjuw ar, liw diyhh bin ngr Islael jiaxee snuax, laii duiww ix suantuann, qongw: Islael jiaxee snuax ar, diyhh tniax Jruw Jehovah ee ue.

3 Jruw Jehovah duiww dua snuax, siyw snuax, juixqaux, snuaqog, anxnix qongw: Knuar ar, Guaw, Guaw beh ing dyqiamr limqaur linw, iarr beh huixbet linw ee snuataudnuaa.

4 Linw ee jewdnuaa dikkag honghuer, linw ee zidtauu ee tiau beh duw diyc paccuir; Guaw beh hro linw siurr taii ee langg dyw dirr linw gnoxsiong ee binrjingg.

5 Guaw iarr beh jiong' Islael-jok ee sinsix he dirr inx ee gnoxsiong ee binrjingg; jiong' linw ee quttauu siwqer hed dirr linw ee dnxuaa ee siwuii.

6 Dirr linw itcer kiarkiw ee soxjai, sniaa beh pahngx, snuataudnuaa beh honghuer; hro linw ee jewdnuaa pahngx honghuer, linw ee gnoxsiong paccuir bedbyy, linw ee zidtauu ee tiau beh cyr lyc, linw ee soxx juer longxx huewbyy.

7 Siurr taii ee langg beh dyw dirr linw diongqanx; dyrr linw beh jaix Guaw si Jehovah.

8 Linw siwsnuar dirr ledqog ee sii, dirr ledvangx diongx soxx cunx ee langg, Guaw beh hro ix tuatli dyqiamr.

9 Linw diongqanx did diyc tautli ee langg, beh dirr inx siurr liac .kir ee ledqog diongx qiwliam Guaw; in'ui Guaw beh huixhuai inx imluan lirkuix Guaw ee simx, ixqip inx luan'air gnoxsiong ee bagjiux; inx beh uirdiyhh soxx qniaa ee pnaiw, kyxngor ee su, laii qaqi uanwhun.

10 Inx beh jaix Guaw si Jehovah; Guaw qongw beh qangr jaieh hro inx, m si kangx kangx ee ue.

11 Jruw Jehovah anxnix qongw: Liw diyhh pah ciuw dngr kax, qongw: Camw ar, Islael-qrex qniaa jex itcer kyxngor ee pnaiw dai; inx beh dui' dyqiamr, dui' qihngx, dui' un'ik laii siw.

12 Diamr dirr hng ee langg beh dui' un'ik laii siw; diamr dirr qin ee langg beh dui' dyqiamr laii siw; lauu lehh siurr uikunr ee langg beh dui' qihngx laii siw; anxnix Guaw beh itjin jniaa Guaw ee siurkir dirr inx.

13 Inx siurr taii ee langg dyw dirr inx jewdnuaa siwuii ee gnoxsiong diongx, dyrr si dagg xee quann snuax, dagg xee snuax-dingw, dagg xee cnicuir ee ciurkax, dagg xee ram ram ee siongrciu kax, dyrr si inx henr pangx pangx ee jewsu hro itcer gnoxsiong ee derhngx; hitt sii linw dyrr jaix Guaw si Jehovah.

14 Guaw beh crunx Guaw ee ciuw qongqig inx, hro inx kiarkiw ee soxjai pahngx lingxjing, dui' kongwiaw qaur Rliblah; inx dyrr jaix Guaw si Jehovah."

7 Jehovah ee ue qycc limqaur guaw, qongw,

2 "Zinjuw ar, Jruw Jehovah duiww Islael-de anxnix qongw: Qetqiok qaur lar! Jitt xee de ee siwqingw, qetqiok qaur lar.

3 Dnaxx liw ee qetqiok ixqing’ qaur lar, Guaw beh hro Guaw ee siurkir qaur dirr liw, iarr beh jiauww liw ee soxx qniaa simxpnuar liw; jiauww liw itcer kyxngor ee su vywingr liw;

4 Guaw ee bagjiux byy beh vyxsiyh liw, Guaw iarr byy beh kyxlinn liw; si beh jiauww liw ee soxx qniaa vywingr liw, liw kyxngor ee su beh qruix dirr liw diongqanx; linw dyrr jaix Guaw si Jehovah.

5 Jruw Jehovah anxnix qongw: U jaieh, huisiongg ee jaieh. Knuar ar, beh qaur lar.

6 Qetqiok qaur lar, qetqiok qaur lar, kiw laii qongqig liw; knuar ar, qaur lar.

7 Qingxlai kiarkiw ee vecsnir ar, soxx dniardiyc ee jaieh beh limqaur liw. Siqii qaur lar, zidjiw qin lar, dyrr si huarhua ziongw, m si snuax-dingw hnuahiw ee sniax ee zit.

8 Guaw beh qinw qinw vniar cud Guaw ee dua siurkir dirr liw; qycc itjin jniaa Guaw ee siurkir dirr liw, jiauww liw ee soxx qniaa simxpnuar liw, jiauww liw itcer kyxngor ee su vywingr liw.

9 Guaw ee bagjiux byy beh vyxsiyh liw, Guaw iarr byy beh kyxlinn liw, beh jiauww liw ee soxx qniaa vywingr liw, liw kyxngor ee su beh qruix dirr liw diongqanx; linw dyrr jaix pah linw :ee si Guaaw Jehovah.

10 Knuar ar, knuar ar, zidjiw ixqing’ qaur lar; soxx dniardiyc ee jaieh ixqing’ huad cud; qnuaiw-aw ixqing’ kuix huex, qiaugno ixqing’ vuh gee.

11 Qiongvy hingx kiw, jniaa juer hinghuat pnaiw ee qnuaiw-aw; inx byy .kir, inx jingwlangg iarr byy .kir, inx ee jaivyw iarr byy .kir; inx diongqanx byy langg did diyc junquir.

12 Siqii qaur lar, zidjiw qin lar; brew ee langg byc did huanlyw; in'ui dua siurkir ixqing’ qaur dirr inx jingwlangg.

13 Bre :ee suizenn iauxx uac lehh, iarr be dywdngw qaur ix soxx bre :ee; in'ui jitt xee ngirsiong quanhe inx jingwlangg, longxx be dywdngw .laii; iarr byy langg e dui' ix ee pnaiw soxx qniaa laii qenqor ix ee uahmia.

14 Inx ixqing’ vunn sauwqag, virvan jiauvi; jongwsirr byy langg cud kir qaujenr; in'ui Guaw ee dua siurkir limqaur inx jingwlangg.

15 Dirr guarbin u dyqiamr, dirr lairbin u un'ik, u qihngx; dirr can'iaw :ee beh dui' dyqiamr laii siw, dirr sniaa-lai :ee, qihngx qapp un'ik beh tunbet ix.

16 Qidiongx tuatli :ee beh tuatli; dagg langg in'ui ix ee juerquar, dirr snuax nirr cud vi'aix ee sniax, cincniu snuaqog diongx ee qajuix.

17 Ciuw longxx sngx, katauu nngw cincniu juiw.

18 Beh ing muavor haa iyx, qniahniaa beh ziakamr ix, dagg langg bin qenwsiaur, taukag byy vnuar qix xmngg.

19 Inx beh hed inx ee ginn dirr quelo, knuar qimx cincniu uwuer ee mic; dng' Jehovah siurkir ee zit, inx ee qimginn be e qiur inx, be e hro inx ee simx dijiog, iarr be e hro inx ee vakdow vaw; in'ui jex u vnuawdyw inx dirr juerog diongx.

20 Lun qaur ix jngtna ee suiw, si Ix hro ix did dicy uihongx; inx dyrr ing ix laii jrngx tangx uanwhun ee mic, tangx iamwjen ee gnoxsiong; soxiw Guaw hro inx knuar cincniu uwuer ee mic.

21 Guaw beh jiong' ix qaux dirr guarvanglangg ee ciuw, juer ix soxx cniuw ee mic; qauhur hro derjniu ee pnaiw langg juer cadjngx; inx iarr beh pah lasamm ix.

22 Guaw beh uat dngw Guaw ee bin byy knuar inx; inx beh pah lasamm Guaw qibit ee soxjai; qiongbingw ee cat iarr beh zip kir pah lasamm.

23 Diyhh jy ticlen, in'ui jitt soxjai muaw muaw lrauu huih ee jue, sniaa-lai ciongmuaw qiongvy ee su.

24 Guaw beh hro guarvangx derr id pnaiw :ee laii vawjiamr inx ee cuwtec; Guaw beh hro qiongvy ee langg ee qiaugno suah; inx ee sxingr sow pah lasamm.

25 Huixbet qin lar; inx beh qriuu ving'anx, iarr be did .diyc.

26 Beh u jaieh qetnix jaieh, hongsniax suawjiab hongsniax; inx beh duiww sendix qriuu ngirsiong; jongwsirr jewsix ee ludhuad, diongxlyw ee qewik, longxx beh duanrjuat.

27 Qok'ongg beh vi'aix, ongcinx beh lingxjing, vecsnir ee ciuw gniauhgniauc cuah. Guaw beh jiauww inx ee soxx qniaa kuanxtai inx, jiauww inx ingqaix sriu ee simxpnuar, laii simxpnuar inx; inx dyrr jaix Guaw si Jehovah."

8 Derr lak nii Lak-guec cego, guaw jre dirr guaw ee cur-lai, Judah jiaxee diongxlyw jre dirr guaw ee binrjingg; dirr hiax Jruw Jehovah ee ciuw qaur dirr guaw ee sinjniu.

2 Guaw quanknuar, knuar qnir u hingsiong cincniu huew ee kuanxsid; dui' ix ee iyx ixha u huew, dui' ix ee iyx ixjniu ee qngx, cincniu hoxpig ee sikdir.

3 Ix crunx cud cincniu jit qix ciuw ee kuanw, kiuw diauu guaw jit qow ee taumngg; sinn dyrr jiong' guaw quxkiw qaur tnix qapp de ee diongqanx, dirr Siongrder ee ngirsiong diongx duar guaw qaur Jelusalem, ngr vag lairngi ee mngkauw; dirr hiax u dowki ee gnoxsiong ee jyrui, dyrr si qikdong dowki :ee.

4 Knuar ar, dirr hiax u Islael Siongrder ee ingqngx, kuanxsid qapp guaw dirr vningiuu soxx knuar .qnir .ee jidngiu.

5 Ix duiww guaw qongw, "Zinjuw ar, liw giagbak ngr vakhngx ee lo quanknuar." Guaw dyrr giahbak ngr vakhngx ee lo quanknuar; knuar ar, dirr jewdnuaa ee mngg ee vaksir, dirr mngkauw u jit xee qikdong dowki ee gnoxsiong.

6 Ix qycc duiww guaw qongw, "Zinjuw ar, liw knuar qnir inx soxx juer :ee mah? Dyrr si Islael-qrex dirr jiax soxx qniaa dua kyxngor ee su, hro Guaw lirkuix Guaw ee sxingr sow hng hng? Liw beh qycc knuar, iauxx u qyckacc dua kyxngor ee su."

7 Ix cua guaw qaur ngi ee mngg; guaw quanknuar, knuar qnir cniuviah u jit kangx.

8 Ix duiww guaw qongw, "Zinjuw ar, liw diyhh iah cniuu." Guaw jid'err iah cniuu, knuar qnir u jit xee mngg.

9 Ix qra guaw qongw, "Liw zip .kir, knuar inx dirr jitt lairbin soxx qniaa kyxngor ee pnaiw dai."

10 Guaw dyrr zip kir knuar; knuar ar, dirr siwbin ee cniuviah, rue dagg hy e syy ee mic, qapp kyxngor ee jauxsiur, qapp Islael-qrex itcer ee gnoxsiong.

11 Dirr jiaxee sxiong ee binrjingg, u Islael-qrex cid-jap xee diongxlyw kia lehh, Safan ee qniaw Jaazaniah iarr kia dirr inx diongqanx; dagg langg ciuw tec hniuloo, hniu'enx ee pangbi cringr jnriu quann.

12 Ix duiww guaw qongw, "Zinjuw ar, Islael-qrex ee diongxlyw, dirr amwdiongx, dirr inx dagg langg uersiong ee vangg-aw lai soxx qniaa :ee, liw knuar .qnir .byy? Inx qongw, 'Jehovah byy knuar qnir guanw, Jehovah ixqing’ lirkuix jitt xee de.'"

13 Ix qycc duiww guaw qongw, "Liw beh qycc knuar qnir inx soxx qniaa, iauxx u qyckacc dua kyxngor ee su."

14 Ix cua guaw qaur Jehovah ee cur, ngr vag ee mngkauw. Knuar ar, dirr hiax u hurluw jre lehh; uirdiyhh Tammuz tikaur.

15 Ix duiww guaw qongw, "Zinjuw ar, liw knuar qnir .byy? Liw iauxx beh knuar qnir viw jex qyckacc kyxngor ee su."

16 Ix qycc cua guaw qaur Jehovah ee cur ee lairngi. Knuar ar, dirr Jehovah ee denrmngg, lingxlongg qapp jewdnuaa ee diongqanx, iokliok u zi-jap-go langg, qajiah ngr Jehovah ee dxen, bin ngr dangx; inx iarr ngr dangx vair zidtauu.

17 Ix duiww guaw qongw, "Zinjuw ar, liw u knuar .qnir .byy? Judah-qrex dirr jiax qniaa jitt xee kyxngor ee su, iauxx sngr juer siyxkuaw mah? Inx dirr jitt xee soxjai venww qniaa qiongvy, jaiwsnax qig Guaw ee siurkir. Knuar ar, inx giac ciurqix he dirr ix ee pni-jingg.

18 In'ui anxnix, Guaw iarr beh qniaa Guaw ee dua siurkir; Guaw ee bagjiux byy beh tniawsiyh inx, Guaw iarr byy beh kyxlinn inx; inx suizenn ngr Guaw ee hnirkangx diongx dua sniax qiuqiyr, Guaw iuguann m tniax."

9 Ix ngr guaw ee hnirkangx diongx, dua sniax qiyr qongxx, "Diyhh qiyr hiaxee quanw jitt xee sniaa ee langg laii, dagg langg ee ciuw diyhh giac bet sniwmia ee qesix."

2 Hutzenn u lak xee langg dui' ngr vag dingw ee mngg hitt diauu lo laii, dagg langg ciuw giac taii langg ee qesix; lairdiongx u jit langg cing iuwduersnax, iyx nirr qruar bag'oo. Inx zip .kir, kia dirr dangdnuaa ee vnitauu.

3 Islael Siongrder ee ingqngx, vunw dirr qilorvingx ee dingxbin; dnaxx dui' hiax jnriu .kir, suaw qaur dxen ee hording, Ix qiyr hitt xee cing iuwduersnax, iyx nirr qruar bag'oo ee langg laii.

4 Jehovah duiww ix qongw, "Venww qniaa dirr sniaa-lai, dyrr si venww qniaa dirr Jelusalem ee diongqanx; qniwnarr uirdiyhh sniaa-lai soxx qniaa itcer kyxngor ee su, laii toxkuir vunhnai ee langg, dyrr juer qiwhy dirr ix ee tauhiac."

5 Guaw ee hnirkangx diongx tniax qnir Ix duiww qi'uu ee langg qongw, "Diyhh duer ix venww qniaa tong' sniaa, laii taii siw langg; linw ee bagjiux byc did tniawsiyh, linw iarr byc did kyxlinn inx.

6 Diyhh itjin taii siw laurlangg, siauwlenlangg, jairsikluw, ngex-aw, hurzinlangg; iarr diyhh dui' Guaw ee sxingr sow taii kiw; dogdok qniwnarr u qiwhy :ee, byc did qinruaw ix." Dui' anxnix, inx dyrr dui' dxen-jingg ee diongxlyw taii kiw.

7 Ix duiww inx qongw, "Diyhh pah lasamm jitt qingx dxen, hro ngi-lai ciongmuaw siurr taii ee langg; linw diyhh cud .kir." Inx dyrr cud .kir, dirr sniaa-lai taii siw langg.

8 Inx kir taii langg ee sii, cunx guaw dirr hiax; guaw dyrr pag dirr de nirr, qiyr qongxx, "Hnairar, Jruw Jehovah ar, Liw jiong' dua siurkir vniar dirr Jelusalem, qamxx si beh jiong' Islaellangg itjin bedbyy mah?"

9 Ix dyrr duiww guaw qongw, "Islael-qrex qapp Judah-qrex ee juerquar qigqii dang; venww de u lrauu huih ee su, muaw sniaa u uan'ongw; in'ui inx qongw, 'Jehovah ixqing’ lirkuix jitt xee de, Jehovah byy decc knuar.'

10 Soxiw Guaw ee bagjiux byy beh tniawsiyh, Guaw iarr byy beh kyxlinn inx; beh jiauww inx soxx qniaa :ee, vywingr dirr inx ee taukag dingw."

11 Knuar ar, hitt xee cing iuwduersnax, iyx nirr qruar bag'oo ee langg, jiong' jitt xee su huehog qongxx, "Guaw ixqing’ jiauww Liw soxx huanhur :ee qniaa lar."

10 Guaw quanknuar, knuar qnir qilorvingx taukag dingw qiongcongx ee diongqanx, cincniu lamsig ee vyxjiyc, cincniu vyxjy ee hingsiong ee kuanxsid.

2 Ix duiww hitt xee cing iuwdersnax ee langg qongw, "Liw zip .kir, dirr dngxsec ee lunn ee diongqanx, qilorvingx ixha, dui' qilorvingx ee diongqanx tec dyc ee huextnuar, muaw nng ciuw, ia dirr sniaa-dingw." Guaw dyrr cinbak knuar qnir ix zip .kir.

3 Hitt langg zip .kir ee sii, qilorvingx kia dirr dxen ee jniar vingg, hunn ciongmuaw lairngi.

4 Jehovah ee ingqngx dui' qilorvingx hiax jnriu .kir, tingg dirr dxen ee hording ee dingxbin; dxen u hunn muaw muaw; hitt xee ngi iarr hro Jehovah ingqngx ee canwlan ciongmuaw.

5 Qilorvingx ee sxit ee sniax tuann qaur guarngi, cincniu juanlingg ee Siongrder qongxue ee sniax.

6 Ix huanhur hitt xee cing iuwduersnax ee langg qongxx, "Diyhh dui' dngxsec ee lunn ee diongqanx, qilorvingx ee diongqanx, cruw huew." Hitt sii ix dyrr zip .kir, kia dirr jit xee lunn ee vnitauu.

7 U jit xee qilorvingx dui' qilorvingx diongx crunx ix ee ciuw, qaur qilorvingx diongqanx ee huew, tec quaw kiw .laii, he dirr cing iuwduersnax ee langg ee nng qix ciuw; hitt langg qra ix tec .laii, dyrr cud .kir.

8 Dirr qilorvingx ee sxit-xe, u henxcud langg ee ciuw ee kuanw.

9 Guaw qycc quanknuar, knuar qnir qilorvingx ee vnitauu sir xee lunn; jitt xee qilorvingx ee vnitauu u jit xee lunn, hitt xee qilorvingx ee vnitauu iarr u jit xee lunn; lunn ee kuanxsid cincniu ngg ee gik ee sikdir.

10 Lun qaur inx ee kuanxsid, sir xee longxx siangg jit ngiu ee hingjong, cincniu lunn-diongx ee lunn.

11 Qniaa ee sii, siwbin longxx e qniaa .did, qniaa ee sii mrbenw uat, tauu ngr simxmih soxjai, inx dyrr duer ix qniaa; qniaa ee sii mrbenw uat.

12 Inx tong' sinkux, inx ee qajiah, inx ee ciuw, inx ee sxit, qapp lunn, siwuii u bagjiux muaw muaw; dyrr si inx sir xee soxu ee lunn.

13 Lun qaur jiaxee lunn, guaw hnirkangx diongx tniax qnir qongxx, "Dngxsec :ee."

14 Dagg xee u sir xee bin, tauu jit xee bin si qilorvingx ee bin, derr zi xee bin si langg ee bin, derr snax xee bin si sraix ee bin, derr sir xee bin si ringx ee bin.

15 Qilorvingx longxx jnriu .kir; jex si guaw dirr Qebar Hyy-vnix soxx bad knuar .qnir ee uahmic.

16 Qilorvingx qniaa, lunn iarr dirr vnitauu qniaa; qilorvingx tiw kuix sxit dui' de jniur .kir, lunn iarr byy uat dngw lirkuix inx ee sinvnix.

17 Hiaxee tingg, jiaxee tingg; hiaxee jnriu .kir, jiaxee iarr snaqab jnriu .kir; in'ui uahmic ee sinn dirr inx ee lairbin.

18 Jehovah ee ingqngx dui' dxen ee hording dingw cud .kir, tingg dirr qilorvingx ee dingxbin.

19 Qilorvingx cud .kir ee sii dyrr tiw kuix sxit, dirr guaw ee bagjiux jingg dui' de jnriu .kir, lunn iarr dirr inx ee sinvnix; tingg dirr Jehovah ee cur dangx mngg ee mngkauw, dirr inx ee dingxbin, u Islael Siongrder ee ingqngx.

20 Jex si guaw jingg dirr Qebar Hyy-vnix soxx knuar qnir Islael Siongrder ee erbin ee uahmic; guaw jaix inx si qilorvingx.

21 Dagg xee u sir bin, dagg xee u sir xee sxit; inx ee sxit-xe u langg ee ciuw ee hingsiong.

22 Lun qaur inx ee bin ee hingsiong, dyrr si guaw jingg dirr Qebar Hyy-vnix soxx knuar .qnir ee bin; inx ee kuanxsid, inx ee sintew, longxx anxnix; longxx dag'ee diddit qniaa .kir.

11 Sinn dyrr quxkiw guaw, duar guaw qaur Jehovah ee cur, ngr dangx ee dangx mngg. Knuar ar, dirr mngg ee mngkauw, u zi-jap-go langg; guaw knuar qnir inx diongqanx u vecsnir ee quiwjok, Azur ee qniaw Jaazaniah, qapp Benaiah ee qniaw Pelatiah.

2 Ix qra guaw qongw, "Zinjuw ar, jex dyrr si doboo juerog ee langg, teciongr pnaiw dai dirr jitt xee sniaa-lai.

3 Inx qongw, 'Kiw cur ee qrii iauxx bue qaur, jitt xee sniaa si dniaw, guanw si hitt lairbin ee bah.'

4 Zinjuw ar, in'ui anxnix, liw diyhh suantuann; diyhh suantuann laii qongqig inx."

5 Jehovah ee sinn limqaur guaw, duiww guaw qongw, "Liw diyhh qongw, Jehovah anxnix qongw: Islael-qrex ar, linw qongw anxnix, linw ee simx soxx sniu, Guaw jaix lar.

6 Linw dirr jitt xee sniaa-lai taii siw jerje langg, hro sinsix muaw quelo.

7 Soxiw Jruw Jehovah anxnix qongw: Linw soxx he dirr jitt xee sniaa-lai ee sixlangg dyrr si bah; jitt xee sniaa dyrr si dniaw; linw beh dui' hitt diongqanx siurr duar .cud .kir.

8 Linw qniax dyqiamr, Guaw beh hro dyqiamr limqaur linw; jex si Jruw Jehovah qongw :ee.

9 Guaw beh dui' hitt diongqanx cua linw cud .kir, qaux dirr guarvanglangg ee ciuw; qycc beh dirr linw diongqanx qniaa simxpnuar.

10 Linw beh dyw dirr dyx-xe, Guaw beh dirr Islael ee qauqair simpnuar linw; linw dyrr jaix Guaw si Jehovah.

11 Jitt xee sniaa byy beh juer linw ee dniaw, linw iarr byy beh juer hitt diongqanx ee bah; Guaw beh dirr Islael ee qauqair simpnuar linw.

12 Linw dyrr jaix Guaw si Jehovah, in'ui linw byy qniaa Guaw ee ludle, iarr byy sunrtanr Guaw ee huatdo; si tranr linw siwuii ledqog ee hautdo."

13 Guaw duxx decc suantuann ee sii, Benaiah ee qniaw Pelatiah siw .kir. Guaw dyrr pag dirr de nirr, dua sniax qiyr qongxx, "Hnairar! Jruw Jehovah ar, Liw beh jiong' Islael ee langg itjin jaubet mah?"

14 Jehovah ee ue limqaur guaw, qongw,

15 "Zinjuw ar, Jelusalem kiarkiw ee vecsnir, duiww liw ee hniadi, dyrr si liw ee hniadi, liw ee cinlangg, qapp Islael juann qrex, dyrr si duiww jingwlangg gongw, 'Linw diyhh lirkuix Jehovah, in'ui jitt xee de si hro guanw juer giap :ee.'

16 Soxiw liw diyhh qongw, 'Jruw Jehovah anxnix qongw: Guaw suizenn censuaw inx hng hng dirr ledvangx diongx, siwsnuar inx dirr ledqog diongx, Guaw iauxx beh dirr inx soxx qaur ee qog, jiamrsii juer inx ee sxingr sow.'

17 Soxiw liw diyhh qongw, 'Jruw Jehovah anxnix qongw: Guaw beh duiww jiaxee vecsnir diongx jiyjip linw, iarr beh dui' linw siwsnuar qaur ee ledqog diongx jurjip linw, qycc beh jiong' Islael-de sniuxsur linw.'

18 Inx beh qaur hiax, iarr beh dui' inx diongqanx druu kir itcer kyxngor tangx uanwhun ee mic.

19 Guaw beh hro inx juan'id ee simx, iarr beh jiong' sinx ee sinn he dirr linw ee lairbin; qycc beh dui' inx ee ziogtew diongx druu kir hitt hy cincniu jiyc ee simx, sniuxsur inx hitt hy cincniu bah ee simx.

20 Hro inx sunrtanr. Guaw ee ludle, junsiuw Guaw ee huatdo laii qniaa ix; inx juer Guaw ee vecsnir, Guaw iarr beh juer inx ee Siongrder.

21 Simx tranr kyxngor tangx iamwjen :ee ee simx hitt hy langg, Guaw beh jiauww inx soxx qniaa :ee vywingr dirr inx ee taukag dingw; jex si Jruw Jehovah qongw :ee."

22 Hitt sii qilorvingx tiw kuix inx ee sxit, hiaxee lunn iarr dirr inx ee vnitauu; dirr inx ee dingxbin u Islael Siongrder ee ingqngx.

23 Jehovah ee ingqngx dui' sniaa-diongx jnriu .kir, hiyh dirr sniaa-gua dangsir ee snuax.

24 Sinn quxkiw guaw, dirr ngirsiong diongx dui' Siongrder ee sinn duar qaur Qaldea siurr liac ee langg hiax; guaw soxx knuar .qnir ee ngirsiong dyrr lirkuix guaw jnriu .kir.

25 Guaw dyrr jiong' Jehovah soxx jixsi guaw itcer ee su, longxx qongw hro siurr liac ee langg tniax.

12 Jehovah ee ue qycc limqaur guaw, qongw,

2 "Zinjuw ar, liw kiarkiw dirr vuergik ee qrex-diongx; inx u bagjiux tangx knuar, iarr m knuar; u hnirkangx tangx tniax, iarr m tniax; in'ui inx si vuergik ee qrex.

3 Soxiw, zinjuw ar, liw diyhh uirr qaqi virvan siurr censuaw ingwiong ee mihqnia; dngtauu vehzit dirr inx ee bagjiux jingg laii censuaw; qycc diyhh dui' liw ee soxjai dng' inx ee bagjiux jingg censuaw qaur vadd xui; inx suibongw si vuergik ee qrex, qiamxcaiw dui' anxnix e sniu.

4 Liw diyhh dngtauu vehzit, dirr inx ee bagjiux jingg, duar liw ee mic cud .kir; cincniu duar siurr censuaw ingwiong ee mic jidngiu; qaur ehngx, liw diyhh dirr inx ee bagjiux jingg qaqi cud .kir, cincniu siurr liac ee langg cud .kir jidngiu.

5 Liw diyhh dirr inx ee binrjingg, duiww cniuviah iah kangx, dui' hitt kangx duar mic cud .kir.

6 Qaur zit amr, liw diyhh dirr inx ee bagjiux jingg, vue dirr qingtauu cud .kir; iarr diyhh dar liw ee bin, qaur byy knuar qnir de; in'ui Guaw ing liw juer Islael-qrex ee diaurtauu."

7 Guaw dyrr jiauww soxx huanhur :ee kir qniaa, dngtauu vehzit duar guaw ee mihqnia cud .kir, cincniu duar siurr censuaw ingwiong ee mihqnia; zit beh amr, guaw ing ciuw dui' cniuu iah kangx; zit ixqing’ amr, dyrr dng' inx ee bagjiux jingg vue mic dirr qingtauu duar cud .kir.

8 Quer jaxkiw, Jehovah ee ue limqaur guaw, qongw,

9 "Zinjuw ar, Islael-qrex, dyrr si vuergik ee qrex, qamxx m bad mng liw qongxx, 'Liw juer simxmih ar?'

10 Liw diyhh rinr inx qongxx, 'Jruw Jehovah anxnix qongw: Jitt xee kexsi, quanhe Jelusalem ee qun'ongg, ixqip inx diongqanx Islael ee juann qrex.'

11 Liw diyhh qongw, 'Guaw juer linw ee diaurtauu; guaw jnaixngiu qniaa, inx soxx duw .diyc .ee iarr beh anxnix, inx beh siurr liac siurr censuaw.'

12 Inx diongqanx ee qun'ongg iarr beh dirr zit amr ee sii, vue mic dirr qingtauu duar .cud .kir; inx beh duiww cniuu iah kangx, dui' hitt kangx duar mic cud .kir; ix beh kamr ix ee bin, in'ui bagjiux byy knuar qnir de.

13 Guaw beh dniux Guaw ee lybang dirr ix ee dingxbin, ix beh hro Guaw ee uahdauh dauh .diyc; Guaw beh duar ix qaur Babylon, Qaldealangg ee de; ix suizenn siw dirr hiax, iarr be knuar qnir hitt xee de.

14 Jiuuii itcer vyxho ix :ee, qapp ix soxu ee qundui, Guaw beh siwsnuar inx dirr siwhngx; iarr beh vuic dyx duizib inx.

15 Guaw hunsnuar inx dirr ledvangx, siwsnuar inx dirr ledqog ee sii, inx dyrr jaix Guaw si Jehovah.

16 Guaw beh lauu inx quixnarr langg, tuatli dyqiamr, qihngx, un'ik, hro inx dirr soxx qaur ee dagg qog diongx, qongw kiw inx kyxngor ee su, inx dyrr jaix Guaw si Jehovah."

17 Jehovah ee ue qycc limqaur guaw, qongw,

18 "Zinjuw ar, liw diyhh gniauhgniauc cuah laii jiac liw ee vniaw, diyhh qniahniaa junxjad laii limx liw ee juiw.

19 Liw diyhh duiww jitt xee derhngx ee vecsnir qongw: Jruw Jehovah lun Jelusalem, qapp Islael-de kiarkiw ee vecsnir, anxnix qongw, 'Inx jiac vniaw diyhh junxjad, limx juiw diyhh gongghiac, in'ui inx diongqanx kiarkiw ee jingwlangg soxx qniaa qiongvy ee su, jitt xee de beh honghuer sitlyc ix soxu :ee.'

20 U langg kiarkiw ee sniaa beh pahngx; de iarr beh honghuer; linw dyrr jaix Guaw si Jehovah."

21 Jehovah ee ue qycc limqaur guaw, qongw,

22 "Zinjuw ar, dirr linw Islael-de, jnaixngiu u jitt hy sioggiw qongxx, 'Sizit encenn, ngirsiong longxx byy ingwgiam' ar?

23 Soxiw liw diyhh qra inx qongw, 'Jruw Jehovah lun Jelusalem, qapp Islael-de kiarkiw ee vecsnir, anxnix qongw: Guaw beh hro jitt xee sioggiw suah, Islael diongx byy qycc ing jitt xee juer sioggiw.' Jongwsirr liw diyhh qra inx qongw, 'Sizit qin lar, dagg xee ngirsiong ee ingwgiam iarr si anxnix.'

24 Ixau dirr Islael-qrex ee diongqanx, dikkag byy qycc u huqew ee ngirsiong, sun zin'ir ee vokquar.

25 In'ui Guaw dyrr si Jehovah, Guaw beh qongw, qycc Guaw soxx qongw ee ue, beh ingwgiam, byy qycc encenn; linw jitt xee vuergik ee qrex ar, Guaw beh dirr linw uac lehh ee zit laii qongw, laii jniaa ix; jex si Jruw Jehovah qongw :ee."

26 Jehovah ee ue qycc limqaur guaw, qongw,

27 "Zinjuw ar, knuar ar, Islael-qrex ee langg qongw, 'Ix soxx knuar .qnir ee ngirsiong, si sriok dirr jerje zid'au ee su, soxx qongw ee camwgiw, si jiw qik hng ee siqii.'

28 Soxiw liw diyhh duiww inx qongw, 'Jruw Jehovah anxnix qongw: Guaw ee ue byy jit qxur u qycc encenn, Guaw soxx qongw ee ue, dikkag jniaa ix; jex si Jruw Jehovah qongw :ee.'"

13 Jehovah ee ue limqaur guaw, qongw,

2 "Zinjuw ar, liw diyhh suantuann laii qongqig Islael diongx hiaxee decc suantuann ee sendix, qra hiaxee jiauww ix qaqi ee sim'ir laii suantuann :ee qongxx, 'Linw diyhh tniax Jehovah ee ue.'"

3 Jruw Jehovah anxnix qongw, "Hiaxee gong ee sendix, inx u jaieh ar, inx tranr qaqi ee simsinn laii qniaa, vingrr byy knuar qnir jit hxang.

4 Islael ar, liw ee sendix cincniu pahngx ee soxjai ee holii.

5 Linw m bad jnriu qaur puawkiah ee soxjai, iarr m bad uirdiyhh Islael uii jit xee cniuu; tangx dirr Jehovah ee zit, dirr jenwdin kia e diauu.

6 Inx soxx knuar .qnir .ee si huqew, si vehcat ee jiamvog; inx qongw jex si Jehovah qongw :ee, qisit Jehovah byngiaw crex inx, inx iauxx decc ngwbang hitt xee ue e ingwgiam.

7 Linw qamxx m si knuar qnir huqew ee ngirsiong mah? Qamxx m si qongw vehcat ee jiamvog mah? Linw qongw, jex si Jehovah qongw :ee, qisit Guaw byy crex inx qongw."

8 Soxiw Jruw Jehovah anxnix qongw, "In'ui linw soxx qongw :ee si huqew, soxx knuar :ee si vehcat. Knuar ar, in'ui anxnix, Guaw qapp linw huanxduir; jex si Jruw Jehovah qongw :ee.

9 Guaw ee ciuw beh qongqig hiaxee knuar qnir huqew, ing vehcat jiamvog ee sendix; inx dikkag byy sriok dirr Guaw ee vecsnir ee hue-diongx, byy qir dirr Islael-qrex ee langmiapo; iarr be tangx jinwzip Islael-de; linw dyrr jaix Guaw si Jruw Jehovah.

10 In'ui inx iuxhik Guaw ee vecsnir, qongw, 'Ving'anx', qisit byy u ving'anx; si cincniu langg kiw cniuviah, inx qra ix cingw hejuiw.

11 Soxiw liw diyhh duiww hiaxee cingw hejuiw ee langg qongw, 'Cniuu beh dyxhuai, beh u diongwjuiw ee dua ho; dua pauc ar, linw diyhh lyc .laii; qycc beh u dua hongx cuex lic ix.'

12 Knuar ar, cniuu dyw liauxau, langg qamxx byy beh duiww linw qongw, 'Linw soxx cingw ee hejuiw, dnaxx dirr dyclyc?'"

13 Soxiw Jruw Jehovah anxnix qongw, "Guaw beh dirr Guaw ee dua siurkir, ing qongg hongx tiah lic ix, dirr Guaw ee siurkir beh u diongwjuiw ee dua ho, iarr dirr Guaw ee dua siurkir beh lyc dua pauc laii huixbet ix.

14 Guaw beh anxnix tiachuiw linw cingw hejuiw ee cniuu, tiah qaur vnide; drir qaur cniuqix lorhen, cniuu beh dyxhuai; linw iarr beh bedbyy dirr hitt diongqanx; linw dyrr jaix Guaw si Jehovah.

15 Guaw beh anxnix jniaa Guaw ee dua siurkir dirr hitt xee cniuu, qapp cingw hejuiw ee langg; iarr beh duiww linw qongw, 'Cniuu byy .kir lar, cingw hejuiw ee langg iarr byy .kir lar.'

16 Jex dyrr si Islael ee sendix, inx qiw Jelusalem laii suantuann; uirdiyhh ix knuar qnir ving'anx ee ngirsiong, qisit byy u ving'anx; jex si Jruw Jehovah qongw :ee.

17 Zinjuw ar, liw diyhh bin diddit ngr liw ee vecsnir ee hurluw, dyrr si jiauww ix ee sim'ir laii suantuann :ee;

18 Liw diyhh suantuann laii qongqig ix, qongw Jruw Jehovah anxnix qongw, 'Jiaxee hurluw u jaieh ar, inx qra jingwlangg ee ciuxkiaux vrangg kywdiam, qra dagg dringw hy sinjaii ee langg juer dar taukag ee per, laii cniuw langg ee sinhunn! Jongw byy linw beh cniuw Guaw ee vecsnir ee sinhunn, uirr lirig qaqi qiuwuac sinhunn mah?

19 Linw uirdiyhh quixnarr vew duarbec, quixnarr der vniaw, dirr Guaw ee vecsnir diongx setdok Guaw, duiww Guaw hiaxee air tniax vehcad'ue ee vecsnir, laii qongw vehcat, hai siw hiaxee m ingqaix siw ee sinhunn, iarr hro m ingqaix uac ee sinhunn uac.'"

20 Soxiw Jruw Jehovah anxnix qongw, "Knuar ar, Guaw huanxduir linw ee kywdiam, dyrr si linw soxx ing laii cniuw sinhunn, hro inx vuex .kir .ee; Guaw beh dui' linw ee ciuw tiah .kiw .laii; Guaw beh tauxvangr hiaxee sinhunn, dyrr si linw soxx cniuw ee sinhunn, laii hro inx vuex .kir .ee.

21 Guaw iarr beh tiah lic linw hiaxee per, qiur Guaw ee vecsnir tuatli linw ee ciuw, byy qycc siurr cniuw dirr linw ee ciuw-lai; linw dyrr jaix Guaw si Jehovah.

22 In'ui hitt hy girlangg, Guaw byy hro ix siongsimx, linw ing vehcad'ue hro ix siongsimx; qycc linw qenqor pnaiw langg ee ciuw, hro ix byy uat tauu lirkuix ix ee pnaiw lo, laii did diyc uac.

23 Soxiw linw be tangx qycc knuar qnir huqew, iarr be tangx qycc jiamvog. Guaw beh qiur Guaw ee vecsnir tuatli linw ee ciuw; linw dyrr jaix Guaw si Jehovah."

14 U quixnarr xee Islael ee diongxlyw laii guaw jiax, jre dirr guaw ee binrjingg.

2 Jehovah ee ue dyrr limqaur guaw, qongw,

3 "Zinjuw ar, jiaxee langg ixqing’ jiong' inx ee gnoxsiong jiaplap dirr inx ee simx, qycc he drir qaur huanrjue ee tatgai dirr qaqi ee binrjingg. Guaw qamxx beh hro ix mng mah?

4 Soxiw liw diyhh duiww inx qongw, 'Jruw Jehovah anxnix qongw: Islael-qrex ee diongqanx qniwnarr xee jiaplap ix ee gnoxsiong dirr ix ee simlai ee langg, qycc he drir qaur huanrjue tatgai dirr ix qaqi ee binrjingg, qycc laii jiurqin sendix :ee, Guaw Jehovah dirr ix soxx qriuu ee su, beh jiauww ix ee jerje gnoxsiong laii inwdab ix;

5 Drir qaur Guaw tangx hro Islael-qrex simlai qaqi jikvi, in'ui inx longxx uirdiyhh inx ee gnoxsiong qapp Guaw cnisox.'

6 Soxiw liw diyhh qra Islael-qrex qongw, 'Diyhh huetauu, uat dngw lirkuix linw ee gnoxsiong, uat dngw bin, byc did tranr linw itcer kyxngor ee su.'

7 In'ui Islael-qrex ee langg, iacc si dirr Islael diongx qiawkax ee cutguarlangg, qniwnarr qapp Guaw qeh dng, jiaplap ix ee gnoxsiong dirr ix ee simlai, qycc he drir qaur huanrjue ee tatgai dirr ix qaqi ee binrjingg, qycc laii jiurqin sendix, beh uirr qaqi ee su laii mng Guaw :ee, Guaw Jehovah beh vunxsinx inwdab ix.

8 Guaw beh ngr hitt hy langg vniwbin, hro ix juer langg ee qamxqair, juer uervnir, hro langg gonggniac; iarr beh dui' Guaw ee vecsnir diongx jenxduu ix; linw dyrr jaix Guaw si Jehovah.

9 Sendix narr behik laii qongw jit qxur ue, dyrr si Guaw si Jehovah behik hitt xee sendix; Guaw iarr beh crunx ciuw qongqig ix; jiong' ix dui' Guaw ee vecsnir Islael diongx dubet.

10 Inx beh damdngx qaqi ee juerquar, sendix ee juerquar, qapp qiumng ix ee langg ee juerquar, longxx si jidngiu.

11 Tangx hro Islael-qrex byy qycc qniaa belo lirkuix Guaw, byy qycc in'ui dagg ngiu ee juerquar pah lasamm qaqi; dogdok beh juer Guaw ee vecsnir, Guaw juer inx ee Siongrder; jex si Jruw Jehovah qongw :ee."

12 Jehovah ee ue limqaur guaw, qongw,

13 "Zinjuw ar, narr u qog dui' inx ee vuergik laii dikjue Guaw, Guaw iarr crunx ciuw qongqig ix, duanrjuat ix soxx uaxkyr ee bixniuu, hro qihngx limqaur ix, dui' inx diongqanx jenxduu langg qapp jingsnix,

14 Qidiongx suizenn u Noah, Danel, Job, jitt snax langg, inx jixu e in'ui inx ee gi laii qiur qaqi ee sniwmia nardnia; jex si Jruw Jehovah qongw :ee.

15 Guaw narr hro oksiur qingquer hitt xee de laii sunxhuai, hro hitt soxjai honghuer; in'ui jiaxee sriur ee enqor, e drir qaur byy langg dui' hiax qingquer,

16 Suizenn u jitt snax langg dirr inx diongqanx, Jruw Jehovah qongw: Guaw qiw Guaw ee ingxuac laii jiuwjua, inx be qiur inx ee qniaw jaboxqniaw, jixu inx vunxsinx did diyc qiur nardnia, derhngx iuguann honghuer.

17 Iacc si Guaw hro dyqiamr limqaur hitt xee derhngx, qongw: Dyqiamr ar, liw diyhh qingquer hitt xee derhngx, drir qaur Guaw dui' inx diongqanx jenxduu langg qapp jingsnix,

18 Suizenn u jitt snax langg dirr inx diongqanx, Jruw Jehovah qongw: Guaw qiw Guaw ee ingxuac laii jiuwjua, inx be qiur inx ee qniaw jaboxqniaw, jixu inx vunxsinx did diyc qiur nardnia.

19 Iacc si Guaw hro un'ik liuhingg dirr hitt xee derhngx, hro Guaw vniar cud bet mia ee dua siurkir dirr inx ee dingxbin, tangx dui' inx diongqanx jenxduu langg qapp jingsnix,

20 Suizenn u Noah, Danel, Job, dirr inx diongqanx, Jruw Jehovah qongw: Guaw qiw Guaw ee ingxuac laii jiuwjua, inx be qiur inx ee qniaw jaboxqniaw, jixu e in'ui inx ee gi laii qiur qaqi ee sniwmia nardnia.

21 Jruw Jehovah anxnix qongw: Hyhongr Guaw jiong' Guaw sir hxang ee dua jaieh, dyrr si dyqiamr, qihngx, oksiur, un'ik, qangr lyc dirr Jelusalem, dui' hitt diongqanx jenxduu langg qapp jingsnix, qamxx m si qyckacc be qiur .did mah?

22 Knuar ar, beh u soxx cunx ee langg lauu lehh, dyrr si siurr liac .cud .laii ee qniaw jaboxqniaw, knuar ar, inx beh cud laii qaur linw jiax, linw beh knuar inx ee soxx qniaa soxx juer, dyrr linw lun qaur Guaw soxx qangr lyc dirr Jelusalem ee jaieh, dyrr si Guaw itcer qangr lyc dirr inx dingxbin :ee, beh did diyc an'uir.

23 Linw knuar inx soxx qniaa soxx juer :ee, beh siurr an'uir; dyrr jaix Guaw dirr Jelusalem soxx qniaa :ee, m si byy enqor; jex si Jruw Jehovah qongw :ee."

15 Jehovah ee ue limqaur guaw, qongw,

2 "Zinjuw ar, pudyciu dyrr si ciurnaa lai ciurbak diongx ee jit qix, ix viw dagg hy ciu u simxmih kacc ngiaa?

3 Qamxx e tangx duiww ix cruw caliau juer simxmih loring? Iacc si tangx ing ix juer kid'aw laii diaur simxmih kiwqu mah?

4 Knuar ar, si hed dirr huew nirr juer huexcaa, siangtauu ixqing’ hro huew siyx liauw, diongngx iarr siurr siyx, iauxx u simxmih loring ar?

5 Knuar ar, hyw hyw ee sii, siongrcniaw m hap simxmih loring, hyhongr hro huew siyx, ixqing’ pnaiw .kir, iauxx e hap simxmih loring ar?"

6 Soxiw Jruw Jehovah anxnix qongw, "Cincniu ciurnaa lai jiaxee ciu-diongx ee pudyy, Guaw soxx qauhur dirr huew-diongx juer huexcaa :ee, Guaw iarr beh jiauww anxnix kuanxtai Jelusalem kiarkiw ee vecsnir.

7 Guaw beh duiww inx vniwbin ee sii, linw dyrr jaix Guaw si Jehovah.

8 Guaw beh hro jitt soxjai honghuer, in'ui inx qniaa dairjir honghuer; jex si Jruw Jehovah qongw :ee."

16 Jehovah ee ue qycc limqaur guaw, qongw,

2 "Zinjuw ar, liw diyhh hro Jelusalem jaix ix hiaxee kyxngor ee su, qongw,

3 Jruw Jehovah duiww Jelusalem anxnix qongw: Liw ee vunxguann, liw ee cutsir, si dirr Kanaan-de; Amolilangg si liw ee laurve, liw ee laurbuw si Hitlangg.

4 Lun qaur liw cutsir ee qingxhongw, dng' liw cutsir ee zit byy qra liw dngxjaii; iarr byy ing juiw qra liw sew hro cingkir; longxx byy qra liw samw iamm, iarr byy ing vor qra liw vaux.

5 Byy langg knuawqor liw, qra liw juer jiaxee su, linbinw liw; liw cutsir ee zit hed dirr can'iaw, si in'ui liw hro langg iamwngor.

6 Guaw dui' liw hiax quer, knuar qnir liw qy dirr liw ee huih-lai, dyrr duiww liw qongw: Liw suizenn dirr liw ee huih-diongx, iauxquxx tangx uac; Guaw sidjai duiww liw qongw: Liw suizenn dirr liw ee huih-diongx, iauxquxx tangx uac.

7 Guaw hro liw diongxsingg, cincniu cann nirr soxx huatsnix :ee, qycc liw jiamrjiam jniaa juer duarlangg, binrmau cingsiur, linx pongr, taumngg dngg; jongwsirr liw iuguann ciacsinx lortew.

8 Guaw dui' liw hiax quer, knuar qnir liw; knuar ar, hitt sii si liw hingx kiw aiwjingg ee sii; Guaw dyrr ing snaaxqix kamr liw, ziax liw ee trngr teh teh; qycc duiww liw jiuwjua, qapp liw qet'iog; liw dyrr sriok dirr Guaw; jex si Jruw Jehovah qongw :ee.

9 Hitt sii Guaw ing juiw sew liw, sew cingkir liw sintew ee huih, qycc ing iuu buah liw.

10 Guaw hro liw cing siur huex ee snxax, iarr hro liw cing haixqauxpuee ee ree, iarr ing iuwduervor hro liw haa iyx; qycc ing diuduan juer snxax hro liw muax.

11 Guaw ing jngtna ee mic jngtna liw; ing ciuxkuann qruar dirr liw ee ciuw, ing qimlen-aw qruar dirr liw ee amrqunw.

12 Guaw iarr ing kxuann qruar dirr liw ee hni-aw, ing suiw ee by dir dirr liw ee taukag.

13 Anxnix, liw dyrr u qimgunn ee jngtna; soxx cing :ee si iuwdervor, qapp diuduan, qapp siur huex ee snxax; soxx jiac :ee si iur iur ee mi, pangx ee bit, qapp iuu; liw iarr qigqii suiw, huatdat qaur ongho ee junquir.

14 Liw suiw ee miasniax tuann dirr ledqog diongx, si dui' liw ee suiw uanjuann, in'ui Guaw u ing Guaw ee ingqngx hro liw; jex si Jruw Jehovah qongw :ee.

15 Dogdok liw uaxkyr qaqi ee suiw, qycc in'ui liw ee miasniax, dyrr qniaa imluann; liw hongwciongr im'iok, hro quewlorlangg cutjai ix ee iwsur laii qniaa.

16 Qycc ing liw ee snxax, jngtna quann ee soxjai, gnoxsig longxx jiauvi; dirr hitt dingxbin qniaa imluan; jitt hy su byy beh laii, iarr byy qycc u.

17 Liw iarr cruw Guaw soxx hro liw qimginn suiw ee vyxkir; uirdiyhh qaqi juer langg ee sxiong, qapp ix qnia'imm.

18 Qycc ing liw siur huex ee snxax qra ix muax, iarr ing Guaw ee qyiuu, Guaw ee hniuliau, vaii dirr ix ee binrjingg.

19 Qycc Guaw soxx sniuxsur liw ee jiahmic, iur mi, qapp iuu qapp bit, Guaw soxx ing laii ngiuxci liw :ee, liw dyrr ing ix, vaii dirr inx ee binrjingg, laii juer pangbi, sidjai u anxnix; jex si Jruw Jehovah qongw :ee.

20 Qycc liw ing liw ee qniaw, liw ee jaboxqniaw, dyrr si liw soxx qra Guaw snix :ee, laii henr hro inx jiac; liw qniaa jiaxee imluan, qamxx si siyxkuaw su?

21 Liw qingxzenn qycc taii siw Guaw jiaxee qniaw laii qauhur ix, hro inx qingquer huew laii qruix dirr ix?

22 Liw qniaa jiaxee itcer kyxngor qapp imluan ee su longxx byy sniu diyc liw sewhanr ciacsinx lortew, qy dirr liw huih-diongx ee zit.

23 Jruw Jehovah qongw: Liw u jaieh ar, u jaieh ar;

24 Liw qniaa jex itcer pnaiw dai ixau, qycc uirr qaqi kiw huelauu, dirr dagg diauu quelo kiw quann daii.

25 Liw dirr itcer quelorkauw kiw quann daii, hro liw ee suiw venr juer kyxngor :ee; qycc qapp itcer quewlo :ee jerje qniaa imluann.

26 Liw iarr qapp liw qecviah qog, hongwciongr jing'iok ee Egiptlangg qnia'imm, qetnix liw ee imluan, ziaw Guaw siurkir.

27 Knuar ar, Guaw crunx cud Guaw ee ciuw qongqig liw; qiamxjiyw liw ingwiong ee mic; qycc jiong' liw qaux hro uanwhun liw ee Filist hiaxee jaboxginxaw, hro inx cutjai iwsur kuanxtai liw; inx knuar qnir liw qniaa pnaiw, laii qenwsiaur.

28 Liw in'ui hnowsig vutdijiog, qycc qapp Assylialangg qnia'imm; qapp inx qnia'imm liauxau, iuguann byy muaxir.

29 Liw qycc dirr Kanaan-de qaur Qaldea qniaa jerje imluan, iauxquxx byy muaxir. Jruw Jehovah qongw:

30 Liw qniaa jex itcer ee su, si vawsingr imhu ee soxx qniaa, kyxqenr liw ee simx si zuarr luanxziok.

31 In'ui liw dirr itcer quelorkauw kiw huelauu, dirr dagg diauu quelo kiw quann daii; in'ui liw byy cincniu vadd xee ciongqix, m dnic jnii.

32 Liw jitt xee qnia'imm ee bow ar, beh dnic vadd langg laii ter diongrhux!

33 Langg si ing mic sangr ciongqix, liw huanxdngw ing mic sangr liw sionghyw ee langg, cniaw inx dui' siwuii laii qapp liw qnia'imm.

34 Liw ee qnia'imm qapp vadd xee hurzinlangg duiwhuanw; in'ui m si langg cue liw qnia'imm, si liw ing mic sangr langg m si langg sangr liw; soxiw liw qapp vadd xee hurzinlangg duiwhuanw.

35 In'ui anxnix, liw jitt xee ciongqix ar, diyhh tniax Jehovah ee ue;

36 Jruw Jehovah anxnix qongw: In'ui liw vniar cud liw ee uwuer; liw qapp liw soxx sionghyw :ee trngr teh teh qnia'imm; qycc in'ui liw soxx vair itcer kyxngor ee gnoxsiong, qycc uirdiyhh soxx lrauu liw jiaxee qniaw ee huih, dyrr si liw soxx henr hro inx :ee.

37 Knuar ar, in'ui anxnix, Guaw beh jurjip liw itcer sionghyw :ee, dyrr si liw bad qapp ix enwlok :ee, dyrr si liw soxx henr hro inx :ee, qapp liw itcer soxx tniar :ee, liw itcer soxx uanwhun :ee, Guaw beh dui' siwuii jurjip laii qongqig liw, iarr beh duiww inx lorcud liw ee tngwteh, hro inx knuar liw ee tngwteh.

38 Guaw iarr beh simxpnuar liw, cincniu simxpnuar qnia'imm qapp taii langg ee hurzinlangg jidngiu; Guaw beh ing dua siurkir dowki, hro liw lrauu huih.

39 Guaw qycc beh jiong' liw qaux dirr inx ee ciuw, inx beh tiachuiw liw ee huelauu, huixhuai liw ee quann daii, trngr liw ee snxax, cniuw liw suiw ee vyxkir; lauu liw ciacsinx lortew.

40 Inx iarr beh cua jerje langg kiw laii qongqig liw, ing jiyhtauu dimr siw liw, ing dyqiamr cak taur liw.

41 Ing huew siyx liw ee cuwtec, dirr jerje hurzinlangg ee binrjingg simxpnuar liw; Guaw dikkag hro liw byy qycc qnia'imm, iarr byy qycc sangr langg mic.

42 Anxnix, Guaw ngr liw ee dua siurkir beh suah, Guaw ee dowki iarr beh lirkuix liw; Guaw beh anjing byy qycc siurkir.

43 In'ui liw be qir did liw sewhanr ee zit, dirr jex itcer ee su laii qig Guaw; soxiw Guaw beh jiauww liw soxx qniaa :ee vywingr dirr liw ee taukag dingw; hro liw byy qycc qnia'imm, qetnix dirr liw itcer kyxngor ee su; jex si Jruw Jehovah qongw :ee.

44 Knuar ar, qniwnarr qongw sioggiw :ee, beh ing sioggiw tuextag liw, qongw, 'Laurbuw anxnix, jaboxqniaw iarr si anxnix.'

45 Liw jinjniar si linw laurbuw ee jaboxqiaw, iamwjen ix ee diongrhux qapp qniaxzii; liw jinjniar si linw jixbe ee jixbe, iamwjen inx ee diongrhux qapp qniaxzii; linw laurbuw si Hitlangg, linw laurve si Amolilangg.

46 Liw ee duarjiw si Samalia, ix qapp ix ee jiongww jaboxqniaw diamr dirr liw ee dyr vingg; liw ee siyxbe Sodom, ix qapp ix ee jiongww jaboxqniaw diamr dirr liw ee jniar vingg.

47 Liw byy yc inx ee soxx qniaa, iarr byy jiauww inx kyxngor ee su kir juer, liw liac juer siyxkuaw su, liw itcer soxx qniaa :ee, viw inx kacc caur.

48 Jruw Jehovah qongw: Guaw qiw Guaw ee ingxuac laii jiuwjua; liw ee siyxbe Sodom, qapp ix jiongww jaboxqniaw, be u qniaa liw qapp liw jiongww jaboxqniaw soxx qniaa ee su.

49 Knuar ar, liw ee siyxbe Sodom ee jue si jitt kuanw; ix qapp ix ee jiongww jaboxqniaw simjir qiaugno, bixniuu vaxjiog, hiongxsiu an'et; longxx byy hujo kunwkow qapp songwhionglangg ee ciuw.

50 Inx jurqyx, dirr Guaw ee binrjingg qniaa kyxngor ee su, Guaw knuar liauw dyrr jiong' inx druu .kir.

51 Samalia soxx huan ee jue byy liw ee jidvnuar; liw qetnix kyxngor ee su viw inx kacc je, qycc dui' liw soxx qniaa itcer kyxngor ee su, hro liw ee jixbe henxbingg si gi.

52 Liw qiwzenn duanwding liw ee jixbe juer gi, dyrr diyhh damdngx liw qaqi ee lingziok; in'ui liw soxx huan ee jue viw inx kacc kyxngor, inx dyrr viw liw kacc gi; liw ixqing’ hro liw ee jixbe henxbingg si gi, liw dyrr diyhh qenwsiaur, damdngx qaqi ee lingziok.

53 Guaw beh hro inx siurr liac :ee dywdngw .laii; dyrr si hro Sodom qapp ix ee jiongww jaboxqniaw siurr liac :ee, Samalia qapp ix ee jiongww jaboxqniaw siurr liac :ee, ixqip inx diongqanx siurr liac :ee, longxx dywdngw .laii.

54 Tangx hro liw damdngx qaqi ee lingziok, qycc dui' liw itcer soxx qniaa hro inx did diyc an'uir :ee, laii qenwsiaur.

55 Liw ee jixbe Sodom, qapp ix ee jiongww jaboxqniaw, beh dyr laii guan'ui; liw qapp liw ee jiongww jaboxqniaw, iarr beh dyr laii guan'ui.

56 Dng' liw qiaugno ee zit, liw ee cuir byy qongw kiw liw ee siyxbe Sodom,

57 Hitt sii liw ee pnaiw iauxx bue huathen, Alam jiaxee jaboxqniaw, lenrr ix siwuii ee langg, iauxx bue lingziok liw; Filist jiaxee jaboxqniaw vingsor dirr siwuii biauxsi liw :ee, ix iarr bue u lingziok liw.

58 Jehovah qongw: Liw hnor imm qapp kyxngor ee su, liw ixqing’ damdngx lar.

59 In'ui Jruw Jehovah anxnix qongw: Liw vueriog knuawkinx jiuwjua, Guaw beh jiauww liw soxx qniaa laii kuanxtai liw.

60 Jongwsirr Guaw beh duiliam Guaw dirr liw siauwlenn ee sii, qapp liw soxx lip ee iog; iarr beh qapp liw setlip ingxuanw ee iog.

61 Dng' liw jiaplap liw ee jixbe, dyrr si liw ee duarjiw qapp liw ee siyxbe ee sii, liw beh qir did liw soxx qniaa :ee laii qenwsiaur; Guaw iarr beh jiong' inx hro liw juer jaboxqniaw, dogdok m si dui' liw ee iog.

62 Guaw beh qapp liw setlip Guaw ee iog, liw dyrr jaix Guaw si Jehovah;

63 Qaur Guaw siawbenw liw itcer soxx juer ee sii, liw qir .did dyrr qenwsiaur; qycc in'ui liw ee lingziok, dyrr byy qycc kuix cuir; jex si Jruw Jehovah qongw :ee."

17 Jehovah ee ue limqaur guaw, qongw,

2 "Zinjuw ar, liw diyhh dui' Islael-qrex cud caix, sed piwzu;

3 Qongw Jruw Jehovah anxnix qongw: U jit jiah dua ringx, sidqow dua, sxit-buew dngg, mngcauw jat, u gnoxcaixsig, vuex qaur Lebanon, cruw vikhniuciu diongqix ee qix-buew.

4 Ad jric ix jin buexliux jniw ee qix, qnaa qaur singlixdniuu, he dirr bexbe ee langg ee sniaa.

5 Qycc cruw hitt soxjai ee jxingw, jraix dirr vuii de, cah dirr jerje juiw ee vnitauu, cincniu jraix liuxciu.

6 Dyrr jiamrjiam duarjangg, jniaa juer pax dinn qe qe ee pudyciu; ix ee qix juanw ngr hitt jiah ringx, qinx dirr ix ee erbin; dui' anxnix jniaa juer pudyciu, snix qix huad dinn.

7 Qycc u jit jiah dua ringx, sxit dua, xmngg jat, knuar ar, jitt xee pudyciu dui' jaijingr ee soxjai uanx ix ee qinx ngr ix, huad ix ee qix ngr ix, ngwbang ix quanwag.

8 Ix jraix dirr vuii de, jerje juiw ee vnitauu, tangx huad qix qed quexjiw, jniaa juer hyw ee pudyciu.

9 Liw diyhh qongw Jruw Jehovah anxnix qongw: Jitt xee pudyciu qamxx e huad ram? Ringx qamxx be vuic ix ee qinx, druu ix ee quexjiw, hro ix qodaa mah? Hro ix iur ee hiyc longxx qodaa, iarr mrbenw ing dua lat qapp jerje langg vuic cud ix ee qinx.

10 Ix ixqing’ jaijingr, qamxx e huad ram mah? Danghongx jid'err cuex ix, qamxx be longxx qodaa mah? Beh dirr ix huatsnix ee soxjai qodaa."

11 Jehovah ee ue qycc limqaur guaw, qongw,

12 "Liw diyhh qra hitt xee vuergik ee qrex qongw: Linw qamxx m jaix jiaxee si simxmih iwsur mah? Liw diyhh qra inx qongw, Babylon Ongg qaur Jelusalem, liac ix ee qun'ongg qapp quiwjok, duar qaur ix Babylon hiax.

13 Dui' ongcinx ee diongqanx, qingw jit langg, qapp ix lip iog, qiyr ix jiuwjua;

14 Qycc liac qog-lai u sewlik ee langg; beh hro qog vibii be e jurqiongg, dogdok siuw bing'iog, dyrr did diyc vyxjunn.

15 Danrsi ix vuervuan; crex suwjiaw kir Egipt, rair inx hro ix bew qapp jerje vxingx; ix qamxx e hingtongx mah? Qniaa jitt hy su ee langg, qamxx e dytuad mah? Qamxx u vue iog, iauxx jauw e li mah?

16 Jruw Jehovah qongw: Guaw qiw qaqi ee ingxuac laii jiuwjua, Babylon Ongg setlip ix juer ongg, ix qingwzenn biauxsi jiuwjua ee ue, vue soxx lip ee iog; in'ui anxnix, ix dikkag siw dirr Babylon Ongg soxx diamr ee soxjai.

17 Dng' inx kiw toduix, jy daii, beh bedbyy jerje langg ee sii, Falaoh cua dua dxuix vxingx, qapp jerje langg laii; iarr be dirr qaujenr diongx vangjan ix.

18 Ix vue iog laii biauxsi jiuwjua, knuar ar, ix ixqing’ dauhangg, iauxquxx juer cud jiaxee itcer ee su, ix dikkag be e dytuad.

19 Soxiw Jruw Jehovah anxnix qongw: Guaw qiw Guaw ee ingxuac laii jiuwjua, ix ixqing’ knuawkinx qiw Guaw soxx jxiur ee jxua, vuerbiu qiw Guaw soxx lip ee iog; Guaw beh jiong' jitt xee jue qruix dirr ix ee taukag.

20 Guaw beh ing Guaw ee bxang pax dirr ix ee sinjniu, ix beh hro Guaw ee uahdauh dauh .diyc; Guaw beh duar ix qaur Babylon, iarr beh dirr hiax simxmng ix qanhuan Guaw ee jue.

21 Ix ee qundui diongx dyjauw :ee, longxx beh dyw dirr dyx-xe; soxx cunx :ee, iarr beh siwsnuar dirr siwhngx; linw dyrr jaix qongw jitt xee ue :ee, si Guaw Jehovah."

22 Jruw Jehovah anxnix qongw, "Guaw iarr beh cruw vikhniuciu diongqix quann ee buexliux, laii jraix ix; iarr beh dui' ix jniw ee qix ee buexliux, ad jric ix nngw ee qix; jraix dirr quann quann ee snuax.

23 Guaw beh jraix ix dirr Islael quann de ee snuax, ix dyrr kuiqix qetjiw, jniaa juer hyw ee vikhniuciu; qokk ngiu ee vuejiauw beh hiyh dirr ix ee erbin, hiyh dirr ix ee qix ee imwngw xe.

24 Can'iaw ee ciurbak longxx beh jaix Guaw Jehovah hro quann ee ciu qangwqe, qe ee ciu singquann, cnicuir ee ciu qodaa, qodaa ee ciu borsing; Guaw Jehovah anxnix qongw ix, iarr jniaa ix."

18 Jehovah ee ue qycc limqaur guaw, qongw,

2 "Linw dirr Islael-de sniaw su ing jitt xee sioggiw qongxx, 'Laurve jiac sngx ee pudyy, qniaw ee cuiwkiw sngnngw'?"

3 Jruw Jehovah qongw, "Guaw qiw Guaw ee ingxuac jiuwjua qongxx, linw dirr Islael diongx byy in'iuu tangx qycc ing jitt xee sioggiw.

4 Knuar ar, longxjongw ee sinhunn si sriok dirr Guaw; cincniu laurve ee sinhunn sriok dirr Guaw, qniaw ee sinhunn iarr si anxnix; huanrjue ee sinhunn, ix beh siw.

5 Langg narr qonggi, qniaa qongvingg qapp girliw,

6 M bad jnriu snuax-dingw jiac jewmic, m bad giongxbong Islael-qrex ee gnoxsiong, m bad pah lasamm cuwvnix ee bow, m bad cinqin qingqii lai ee hurzinlangg;

7 M bad kuihu langg, si jiong' kiamwjer ee langg ee dngwtauu hingg ix, m bad qiongg cniuw langg ee mic, si ing jiahmic hro iaux ee langg jiac, ing ijniuu hro tngwteh ee langg cing,

8 M bad qra jiyh jnii ee langg tyw lirsig, iarr byy tec lairjnii, qiux ciuw byy juer pnaiw, dirr liongxvingg ee langg ee diongqanx jiauww qongdy pnuawquad,

9 Sunrtanr Guaw ee ludle, jipsiuw Guaw ee huatdo, jiauww singsit qniaa dairjir, jex si girlangg, dikkag did diyc uac; jex si Jruw Jehovah qongw :ee.

10 Setsuw ix snix jit xee qniaw, juer qiongdy, juer taii langg :ee, iacc si qniaa hiaxee pnaiw ee jit hxang, byy qniaa dingxbin soxx qongw ee hyw,

11 Huanxdngw jnriu snuax-dingw jiac jewmic, qycc pah lasamm cuwvnix ee bow,

12 Kuihu kunwkow qapp songwhiongx ee langg, qiongg cniuw langg ee mic, m bad ing dngwtauu hingg langg, giongxbong gnoxsiong, qniaa kyxngor ee su,

13 Qra jiyh jnii ee langg tyw lirsig, tec lairjnii; jitt xee langg qamxx e uac mah? Ix dikkag be uac; ix qniaa hiaxee itcer kyxngor ee su dikkag diyhh siw; ix ee jue beh qruix dirr ix.

14 Knuar ar, setsuw ix snix jit xee qniaw, knuar qnir laurve soxx qniaa itcer ee jue, dyrr qniahniaa, byy anxnix kir qniaa;

15 M bad jnriu snuax jiac jewmic, m bad giongxbong Islael-qrex ee gnoxsiong, m bad pah lasamm cuwvnix ee bow;

16 M bad kuihu langg, m bad tec langg ee dngwtauu, m bad qiongg cniuw langg ee mic, si ing jiahmic hro iaux ee langg jiac, ing ijniuu hro tngwteh ee langg cing,

17 Qiux ciuw byy hai songwhionglangg, byy tyw lairjnii, byy tec lirsig, ix sunrtanr Guaw ee hautdo, jipsiuw Guaw ee ludle, ix dyrr byy in'ui laurve ee juerquar laii sixbyy, dikkag e uac.

18 Lun qaur ix ee laurve, in'ui ix kihu langg jin' siongdiong, qiongg cniuw hniadi, dirr vunxjok diongx qniaa m hyw; knuar ar, ix beh in'ui qaqi ee jue laii siw.

19 Linw iauxx decc qongw, 'Qniaw jnaixngiu byy damdngx laurve ee jue?' Qniaw narr qniaa jingwdit, qapp habliw ee su, siuw Guaw itcer ee ludle laii qniaa ix; ix dikkag e uac.

20 Huanrjue ee sinhunn, ix beh siw; qniaw dikkag byy damdngx laurve ee jue, laurve iarr byy damdngx qniaw ee jue; girlangg ee gi beh qruix dirr ix qaqi; pnaiw langg ee pnaiw, iarr beh qruix dirr ix qaqi.

21 Pnaiw langg narr huetauu lirkuix soxx juer itcer ee juerog, jipsiuw Guaw itcer ee ludle, qniaa jingwdit qapp hapliw ee su, ix dikkag e uac, be siw.

22 Ix soxx huan itcer ee juerquar byy qycc qra ix qir .did; dirr soxx qniaa ee gi, ix beh uac.

23 Jruw Jehovah qongw, 'Pnaiw langg sixbyy, qamxx si Guaw soxx hnuahiw mah? Guaw qamxx m si hnuahiw ix huetauu, lirkuix ix soxx qniaa ee lo, laii did diyc uac mah?

24 Girlangg narr uat tauu, lirkuix ix ee gi, laii huanrjue, jiauww pnaiw langg soxx qniaa itcer kyxngor ee su laii qniaa; ix qamxx e uac mah? Ix soxx qniaa itcer ee gi, longxx byy qycc siurr qiwliam, ix beh dirr soxx huan ee jue, soxx qniaa ee pnaiw, siw dirr hitt diongqanx.'

25 Linw iauxx decc qongw, 'Jruw ee lo byy qongvingg.' Islael-qrex ar, linw diyhh tniax. Guaw ee lo qamxx byy qongvingg mah? Qamxx m si linw ee lo byy qongvingg mah?"

26 Girlangg uat tauu lirkuix ix ee gi, laii qniaa juerog, drir qaur uirdiyhh anxnix laii siw; ix dyrr in'ui soxx qniaa ee juerog laii siw.

27 Qycc pnaiw langg narr huetauu, lirkuix ix soxx qniaa ee pnaiw, laii qniaa jingwdit qapp hapliw ee su; ix beh hro ix ee sinhunn did diyc uac.

28 In'ui ix u sniu, huetauu lirkuix ix soxx huan itcer ee juerquar; ix dikkag uac, byy si.

29 Islael-qrex iauxx decc qongw, 'Jruw ee lo byy qongvingg.' Islael-qrex ar, Guaw ee lo qamxx byy qongvingg mah? Qamxx m si linw ee lo byy qongvingg mah?

30 Soxiw Jruw Jehovah qongw, "Islael-qrex ar, Guaw beh jiauww linw dagg langg soxx qniaa :ee simxpnaur linw; linw diyhh huetauu, lirkuix soxx huan itcer ee juerquar; anxnix, juerquar be e hro linw vairbyy.

31 Linw diyhh jiong' soxx huan itcer ee juerquar hetqag lirkuix linw; uirr qaqi jniaa jit xee sinx ee simx, qapp sinx ee sinn; Islael-qrex ar, linw mihsaiw diyhh siw?

32 Jruw Jehovah qongw: Langg ee siw, Guaw byy hnuahiw ix ee siw; soxiw linw diyhh huetauu, laii did diyc uac."

19 Liw diyhh uirr Islael ee ongcinx juer aiqyx, qongw:

2 Linw laurbuw si simxmih? Si buw ee sraix, pag dirr jiaxee sraix ee diongqanx; dirr ser jiah sraix ee diongqanx, ngiuxci ix ee qniaw.

3 Dirr ix ee qniaw ee diongqanx, cri jit jiah qaur dua, hagsip qa mic laii jiac langg.

4 Ledqog tniax .qnir, dyrr dirr inx ee hamrknix liac .diyc, ing lren tuax ix qaur Egipt-de.

5 Buw ee sraix knuar vunxsinx tingwhau qaur sitbang; dyrr dui' ix ser jiah sraix ee diongqanx qycc cruw jit jiah, ngiuxci qaur dua.

6 Ix dirr jiaxee sraix ee diongqanx jauw laii jauw kir, jniaa juer iongw ee sraix, hagsip qa mic laii jiac langg.

7 Ix jaix inx ee qiongden, qycc hro inx ee sniaa vnir juer pahngx, in'ui ix hmrhm hauw ee sniax, venww de qapp qidiongx soxu :ee dyrr honghuer.

8 Dui' anxnix siwuii ee vangqog dui' dagg singw laii qongqig ix, ing bxang pax dirr ix ee dingxbin; ix siurr liac dirr inx ee hamrknix.

9 Inx qra ix lren dirr duu nirr, duar qaur Babylon Ongg hiax; qra ix qnuaix dirr qenqor ee soxjai; hro ix ee sniax dirr Islael snuax byy qycc tniax .qnir.

10 Linw laurbuw jingg cincniu pudyciu, qigqii borsing, jraix dirr juiw-vnix, in'ui juiw je, dyrr qed jerje quexjiw, huad jerje qix.

11 Snix cud giamxgni ee qi'nguai, tangx juer jiangw qxuann :ee ee qnuaiw; ix dirr ram ram ee qi'nguai diongx juer qik quann :ee; in'ui quann, dyrr ix ee nguai ee diongqix tingxkiw hro langg knuar .qnir.

12 Jongwsirr jitt jangg pudyciu, in'ui dua siurkir, duw diyc vuic .kiw .laii, hed dirr de nirr; danghongx cuex dax ix ee quexjiw, giamxgni ee qi'nguai ad jric qodaa, hro huew siyliyx .kir.

13 Dnaxx jriax dirr kongwiaw dasyr byy juiw ee de.

14 Qycc dui' ix qi'nguai ee quann, u huew huad cud, siyx ix ee quexjiw; drir qaur ix byy giamxgni ee qi'nguai, tangx juer jiangw qxuann :ee ee quann; jex si tangx aisiongx :ee, tangx juer aiqyx.

20 Derr cid nii Go-guec cejap, u Islael ee diongxlyw quixnarr langg, laii beh mng Jehovah, jre dirr guaw ee binrjingg.

2 Jehovah ee ue limqaur guaw, qongw,

3 "Zinjuw ar, liw diyhh duiww Islael ee diongxly qongw, qongxx Jruw Jehovah anxnix qongw: Linw laii si beh mng Guaw mah? Jruw Jehovah qongw: Guaw qiw Guaw ee ingxuac laii jiuwjua, Guaw m hro liw mng.

4 Zinjuw ar, liw beh simxmng inx, simxmng inx mah? Liw diyhh hro inx jaix inx ee ledjow hiaxee kyxngor ee su;

5 Duiww inx qongw, Jruw Jehovah anxnix qongw: Dng' Guaw qingw Islael ee zit, ngr Jakob-qrex ee horer, giac kiw Guaw ee ciuw, dirr Egipt-de hro inx bad Guaw, duiww inx giac kiw Guaw ee ciuw, qongw: Guaw si Jehovah, linw ee Siongrder.

6 Hitt zit Guaw duiww inx giac kiw ciuw, beh cua inx cud Egipt-de, qaur Guaw uirdiyhh inx soxx qongw, lrauu nix qapp bit ee de; hitt xee de dirr banrqog diongx si kacc u ingqngx :ee.

7 Guaw duiww inx qongw, linw dagg langg diyhh kiwsag bagjiux soxx hnuahiw hiaxee kyxngor ee dai; m tangx in'ui Egipt ee gnoxsiong pah lasamm qaqi; Guaw si Jehovah, linw ee Siongrder.

8 Jongwsirr inx vuergik Guaw, m kingw tniax Guaw, m vangwsag inx dagg langg bagjiux soxx hnuahiw hiaxee kyxngor ee dai, m lirkuix Egipt ee gnoxsiong; Guaw dyrr qongw: Guaw beh jiong' Guaw ee dua siurkir vniar dirr inx ee dingxbin, dirr Egipt-de duiww inx itjin jniaa Guaw ee siurkir.

9 Dogdok Guaw in'ui Guaw ee miaa ee enqor qniaa dairjir, benw did Guaw ee miaa dirr inx soxx kiarkiw ledvangx diongx ee binrjingg siurr setdok; Guaw cua inx cud Egipt-de, dirr ledvangx diongx ee bagjiux jingg hro inx bad Guaw.

10 Anxnix, Guaw dyrr hro inx cud Egipt-de, cua inx qaur kongwiaw.

11 Jiong' Guaw ee ludle sniuxsur inx, jiong' Guaw ee huatdo jixsi inx; dyrr si langg narr qniaa ix, beh dui' ix laii did diyc uac :ee.

12 Qycc Guaw ing Guaw ee Anhiyczit sniuxsur inx, tangx dirr Guaw qapp inx ee diongqanx juer jingwqir; hro inx jaix Guaw Jehovah si hro inx jniaa juer sxingr :ee.

13 Jongwsirr Islael-qrex dirr kongwiaw vuergik Guaw, byy sunrtanr Guaw ee ludle, kiwsag Guaw ee huatdo, (dyrr si langg narr qniaa ix, beh dui' ix laii did diyc uac :ee), dua dua huan diyc Guaw ee Anhiyczit. Guaw dyrr qongw, beh dirr kongwiaw jiong' dingxbin bedbyy inx.

14 Dogdok Guaw in'ui Guaw ee miaa ee enqor qniaa dairjir, benw did Guaw ee miaa siurr setdok dirr ledvanglangg ee bagjiux jingg, dyrr si hiaxee knuar qnir Guaw cua inx cud Egipt ee ledvangx.

15 Qycc Guaw dirr kongwiaw duiww inx giac kiw Guaw ee ciuw, qongw Guaw byy beh cua inx zip Guaw soxx sniuxsur inx lrauu nix qapp bit ee de, hitt xee de dirr banrqog diongx kacc u ingqngx :ee.

16 In'ui inx iamwjen Guaw ee huatdo, byy sunrtanr Guaw ee ludle, huan diyc Guaw ee Anhiyczit, inx ee simx iwhiongr inx ee gnoxsiong.

17 Suizenn anxnix, Guaw ee bagjiux iauxquxx si siyh inx, byy huixbet inx, byy dirr kongwiaw qra inx bet liauw liauw.

18 Guaw dirr kongwiaw duiww inx ee qniaxzii qongw: Byc did tranr linw laurve ee ludle, byc did siuw inx ee huatdo, iarr byc did in'ui inx ee gnoxsiong pah lasamm qaqi.

19 Guaw si Jehovah, linw ee Siongrder, linw diyhh sunrtanr Guaw ee ludle,

20 Siuw Guaw ee huatdo laii qniaa ix. Qycc ing Guaw jiaxee Anhiyczit juer sxingr; jiaxee zit dirr Guaw qapp linw ee diongqanx juer jingwqir, hro linw jaix Guaw si Jehovah, linw ee Siongrder.

21 Dogdok inx ee qniaxzii vuergik Guaw, byy sunrtanr Guaw ee ludle, iarr byy siuw Guaw ee huatdo laii qniaa ix, (dyrr si langg narr qniaa ix, beh dui' ix laii did diyc uac :ee); inx huan diyc Guaw ee Anhiyczit; Guaw dyrr qongw, Guaw beh jiong' Guaw ee dua siurkir vniar dirr inx ee dingxbin, dirr kongwiaw itjin jniaa Guaw ee siurkir qongqig ix.

22 Suizenn anxnix, Guaw iauxquxx qiux Guaw ee ciuw, uirdiyhh Guaw ee miaa ee enqor qniaa dairjir, benw did Guaw ee miaa siurr setdok dirr ledvanglangg ee bagjiux jingg, dyrr si hiaxee knuar qnir Guaw cua inx cud Egipt ee ledvangx.

23 Qycc Guaw dirr kongwiaw, duiww inx giac kiw Guaw ee ciuw, qongw beh hunsnuar inx dirr ledqog, siwsnuar inx dirr ledvangx.

24 In'ui inx byy tranr Guaw ee huatdo, iamwjen Guaw ee ludle, huan diyc Guaw ee Anhiyczit, bagjiux iwhiongr inx laurve ee gnoxsiong.

25 Qycc Guaw ing m hyw ee ludle, qapp be e dui' ix laii did diyc uac ee huatdo, hro inx.

26 Inx ing itcer ee taujniu qniaw qingquer huew; Guaw dyrr dirr inx ee jewsu qra inx pah lasamm, hro inx honghuer; hro inx jaix Guaw si Jehovah.

27 Zinjuw ar, liw diyhh duiww Islael-qrex qongxue, qra inx qongw, Jruw Jehovah anxnix qongw: Linw ee ledjow dikjue Guaw, ing anxnix setdok Guaw.

28 In'ui Guaw cua inx qaur Guaw giac kiw ciuw beh sniuxsur inx ee de; inx knuar qnir dagg xee quann snuax, dagg jangg ram ee ciu; dyrr dirr hiax henr inx hiaxee jewsu, henr qig Guaw siurkir ee lexmic, iarr dirr hiax siyx pangx pangx ee singlew, qapp quanwden.

29 Guaw dyrr duiww inx qongw: Linw soxx jnriu hitt xee quann xui si simxmih? Ix ee miaa qiyr juer Pagan, didqaur qinaxzit.

30 Soxiw liw diyhh duiww Islael-qrex qongw, Jruw Jehovah anxnix qongw: Linw iuguann jiauww linw ledjow soxx qniaa :ee, pah lasamm qaqi mah? Iuguann tranr inx kyxngor ee su qnia'imm mah?

31 Linw henr lexmic, hro linw ee qniaw qingquer huew ee sii, iuguann jiong' itcer ee gnoxsiong pah lasamm qaqi, qaur qinaxzit mah? Islael-qrex ar, Guaw qamxx beh hro linw mng mah? Jruw Jehovah qongw: Guaw qiw Guaw ee ingxuac laii jiuwjua, Guaw dikkag m hro liw mng.

32 Linw qongw: Guanw beh cincniu guarvanglangg, cincniu ledqog ee jongjok, kir hogsai caa :ee, jiyc :ee, linw huad kiw jitt hy sim'ir, duanwduanr be jniaa."

33 Jruw Jehovah qongw, "Guaw qiw Guaw ee ingxuac laii jiuwjua, Guaw beh ing dua quanlingg ee ciuw, qapp crunx cud ee ciuxqud, qapp vniar cud ee dua siurkir juer linw ee ongg.

34 Guaw beh ing dua quanlingg ee ciuw, qapp crunx cud ee ciuxqud, qapp vniar cud ee dua siurkir, dui' ledvangx diongx cua linw cud, iarr dui' linw siwsnuar kir hiaxee qog jurjip linw.

35 Guaw beh cua linw qaur guarvanglangg ee kongwiaw, dirr hiax dngbin simxmng linw.

36 Guaw anxjnaixngiu dirr Egipt-de ee kongwiaw simxmng linw ee ledjow, iarr beh anxnix simxmng linw; jex si Jruw Jehovah qongw :ee.

37 Guaw beh hro linw qingquer qnuaiw-aw xe, iarr beh hro linw sriu iog ee kusog.

38 Guaw beh dui' linw diongqanx itjin druu hiaxee vuergik qapp dikjue Guaw ee langg; cua inx cud inx qiawkax ee derhngx, jongwsirr inx berdid zip Islael-de; linw dyrr jaix Guaw si Jehovah.

39 Islael ar, lun qaur linw, Jruw Jehovah anxnix qongw: Kir ar, dagg langg hogsai ix ee gnoxsiong, dogdok au .laii dikkag beh tniax Guaw, byy qycc ing lexmic qapp gnoxsiong setdok Guaw ee sxingr miaa.

40 Jruw Jehovah qongw: Dirr Guaw ee sxingr snuax, dyrr si Islael quann ee snuax, dirr hiax, Islael juann qrex ee jingwlangg, beh dirr hitt xee de hogsai Guaw, dirr hiax Guaw beh jiaplap linw, dirr hiax Guaw beh qra linw tyw lexmic, qapp linw kixtauu sik ee toxsanw, ixqip linw itcer ee sxingr mic.

41 Guaw dui' jiaxee vecsnir diongx cua linw cud, dui' linw siwsnuar .kir ee ledqog diongx jurjip linw; hitt sii Guaw beh jiaplap linw cincniu pangx hniux; Guaw beh dirr linw did diyc henxbingg juer sxingr, hro guarvanglangg knuar .qnir.

42 Guaw cua linw zip Islael-de, dyrr si Guaw giac kiw Guaw ee ciuw, qongw beh snixusur linw ledjow ee de, hitt sii linw dyrr jaix Guaw si Jehovah.

43 Dirr hiax linw beh qir did linw ee soxx qniaa soxx juer, dyrr si linw dui' hiaxee laii pah lasamm linw qaqi :ee; qycc beh in'ui linw soxx qniaa itcer ee pnaiw, laii qaqi iamwngor.

44 Jruw Jehovah qongw: Islael-qrex ar, Guaw uirdiyhh Guaw ee miaa ee enqor, byy jiauww linw ee pnaiw soxx qniaa, qapp linw ee huxvai ee soxx juer kuanxtai linw; linw dyrr jaix Guaw si Jehovah."

45 Jehovah ee ue limqaur guaw, qongw,

46 "Zinjuw ar, liw ee bin diyhh ngr lamhngx, ngr lamhngx vniar cud ue, qongqig lamhngx can'iaw ee ciurnaa laii suantuann.

47 Duiww lamhngx ee ciurnaa qongw, diyhh tniax Jehovah ee ue; Jurw Jehovah anxnix qongw: Knuar ar, Guaw beh dirr liw diongqanx kiw huew, siyx liw diongqanx itcer cnicuir ee ciu, qapp qodaa ee ciu; bingxlet ee huexiam, dikkag byy srid; dui' lamm qaur vag, dagg bin longxx siurr siyx.

48 Huanrnarr u hetkir :ee, longxx beh jaix kiw huew :ee si Guaw Jehovah."

49 Dui' anxnix guaw qongw, "Hnairar, Jruw Jehovah ar, langg longxx girlun guaw qongxx: Ix qamxx m si decc qongw piwzu?"

21 Jehovah ee ue limqaur guaw, qongw,

2 "Zinjuw ar, liw diyhh bin ngr Jelusalem, ngr hiaxee sxingr vsow vniar cud ue qongqig Islael-de laii suantuann.

3 Dui' Islael-de qongw Jehovah anxnix qongw: Knuar ar, Guaw beh dixdik liw, iarr beh vuic Guaw ee dyx cud ix ee sxiur; dui' liw ee diongqanx jenxduu girlangg, pnaiw langg.

4 Guaw qiwzenn beh dui' liw diongqanx jenxduu girlangg qapp pnaiw langg, soxiw Guaw ee dyx beh cud ix ee sxiur, dui' lamm qaur vag, qongqig itcer u hetkir :ee.

5 Itcer u hetkir :ee dyrr jiax Guaw Jehovah ixqing’ vuic dyx cud ix ee sxiur, dikkag byy qycc siuzip.

6 Zinjuw ar, liw diyhh toxkuir, iyqud jric, tongwkow; toxkuir dirr inx ee binrjingg.

7 Inx mng liw qongxx, 'Liw sniaw su toxkuir?' Liw dyrr diyhh qongw, 'In'ui u hongsniax qongxx dairjir beh laii, langg ee simx longxx beh siau'ngiuu, ciuw longxx sngnngw, jingsinn cincniu juiw; knuar ar, jitt xee su decc laii, dikkag e jniaa; jex si Jruw Jehovah qongw :ee.'"

8 Jehovah ee ue limqaur guaw, qongw,

9 "Zinjuw ar, liw diyhh suantuann qongxx, Jehovah anxnix qongw: U dyx, u dyx, si buaa lrai lur qngx :ee.

10 Buaa lrai si beh taii langg, lur qngx si beh cincniu sicnar; lanw qamxx tangx hnuahiw mah? Guaw ee qniaw ee qnuaiw-aw biauxsi jiongww ciurbak.

11 Jitt qix dyx ixqing’ qaux hro langg lur qngx, tangx hro langg ee ciuw giac ix; ix ixqing’ buaa lrai lur qngr, tangx qaux dirr taii langg :ee ee ciuw.

12 Zinjuw ar, liw diyh huah, auqiyr; in'ui jitt xee limqaur Guaw ee vecsnir, qapp Islael itcer ee quiwjok; inx qapp Guaw ee vecsnir longxx qaux dirr dyx-xe, soxiw liw diyhh dah duartuiw.

13 U ciwgiam ee su; narr hitt xee biauxsi ee qnuaiw-aw qruix dirr byy, beh anxjnaixngiu ar? Jex si Jruw Jehovah qongw :ee.

14 Zinjuw ar, liw diyhh dah ciuw suantuann, jitt qix dyx diyhh snax vaiw qavue, dyrr si hro langg diyc dang siongx ee dyx, zip dirr bat vangg :ee.

15 Guaw virvan hro langg qniax ee dyx, qongqig inx itcer ee sniamngg; hro inx ee simx siau'ngiuu, qetnix inx vuahdyw ee su; hniarar, jitt qix dyx congr qaur cincniu sicnar, buaa qaur jin' lrai, beh taii siw langg.

16 Liw diyhh hab'uaw, ngr jniar vingg; vaidin, ngr dyr vingg; cutjai liw ee bin ngr dyclyc, dyrr ngr hiax.

17 Guaw iarr beh dah ciuw, iarr beh hro Guaw ee dua siurkir suah; jex si Guaw Jehovah qongw :ee."

18 Jehovah ee ue qycc limqaur guaw, qongw,

19 "Zinjuw ar, liw diyhh uirdiyhh vunxsinx sed nng diauu lo, tangx hro Babylon Ongg ee dyqiamr dui' hiax laii; jitt nng diauu lo diyhh dui' jitt soxjai vunx .cud; qycc diyhh uirr jitt qix ciuw, rue dirr taur qaur sniaa ee lortauu.

20 Liw diyhh sed jit diauu lo, hro dyx laii qaur Ammonlangg ee Rlabbah, iarr tangx qaur Judah qenqor ee sniaa Jelusalem.

21 In'ui Babylon Ongg kia dirr siangcelo hiax, dirr nng diauu lortauu beh jiamvog, ix ee iyy-jnxir; mng gnoxsiong, giam singlew ee qnuax.

22 Dirr ix ee jniar ciuw, u jiamvog kir Jelusalem ee jnxir, sed ngiutautuii, kuix cuir huah taii, dua sniax auqiyr, sed ngiutautuii, qongqig sniamngg, kiw toduix, jy daii.

23 Hiaxee bad duiww inx jiuwjua ee langg knuar ix juer qew ee jiamvog; jongwsirr ix beh hro langg qir did inx ee pnaiw, drir qaur inx jingwlangg siurr liac."

24 Soxiw Jruw Jehovah anxnix qongw, "In'ui linw ee quewsid lorhen, hro linw ee juerquar duw diyc qir .did, drir qaur linw ee juerog dirr linw ee qniajuer longxx henxcud; qycc in'ui linw siurr qir .did, beh hro langg ee ciuw soxx liac.

25 Liw jitt xee sriu dang siongx qniaa pnaiw ee Islael Ongg ar, liw ee juerog quanwmuaw, liw ee zidjiw qaur lar.

26 Jruw Jehovah anxnix qongw: Diyhh druu kir ongby, liur benxliuu, byy qycc u jitt hy qingxhongw; dnaxx beh hro qe :ee singquann, quann :ee qangwqe.

27 Guaw beh ciax dyw, ciax dyw, ciax dyw :ix; byy qycc u jitt xee, tingwhau ingqiax did .diyc .ee qaur, Guaw dyrr hro ix.

28 Zinjuw ar, liw diyhh suantuann qongxx: Jruw Jehovah lun qaur Ammonlangg, qapp inx ee buxban, u anxnix qongw: U dyx, u vuic cud ee dyx, ixqing’ lur qngx, beh taii siw langg; hro ix cincniu sicnar beh tunbet langg.

29 Langg uirdiyhh liw knuar huqew ee ngirsiong, qniaa vehcat ee jiamvog; jiong' liw he dirr sriu dang siongx pnaiw langg ee amrqunw; inx ee juerog quanwmuaw, inx ee zidjiw qaur lar.

30 Hro dyx zip sxiur, Guaw beh dirr liw siurr jy ee xui, singdiongw ee de, simxpnuar liw.

31 Guaw beh jiong' Guaw ee tongwhun vniar dirr liw ee sinjniu, jiong' Guaw dua siurkir ee huew vunn dirr liw; qaux liw dirr janzimw gauu taii langg :ee ee ciuw.

32 Liw beh juer hniaa huew ee caa, liw ee huih beh lrauu dirr jitt xee derhngx, liw byy qycc did diyc qiwliam; in'ui jex si Guaw Jehovah qongw :ee."

22 Jehovah ee ue qycc limqaur guaw, qongw,

2 "Zinjuw ar, liw beh simxmng, simxmng hro langg lrauu huih ee sniaa mah? Diyhh hro ix jaix ix itcer kyxngor ee su.

3 Liw diyhh qongw, Jruw Jehovah anxnix qongw: Jitt xee sniaa, u lrauu langg ee huih dirr hitt lairbin, hro ix ee zidjiw qaur; qycc jrngx gnoxsiong pah lasamm qaqi, hamrhai qaqi.

4 In'ui liw hro langg lrauu huih, dyrr u jue; liw jrngx gnoxsiong si pah lasamm qaqi; dyrr liw hro liw ee zit qin, liw ixqing’ qaur liw ee nii; soxiw Guaw hro liw sriu ledqog ee lingziok, ledvangx ee tixciyr.

5 Liw jitt xee cauwmiaa jerje ziauxluan ee sniaa ar! Hiaxee lirkuix liw qin, lirkuix liw hng :ee, longxx beh tixciyr liw.

6 Knuar ar, Islael ee siuxlingw, dagg xee tingw ix kuiwlat, dirr liw diongqanx lrauu langg ee huih.

7 Dirr liw diongqanx u buxban verbuw; dirr liw diongqanx u apjer cutguarlangg; dirr liw diongqanx u kuihu qozii qnuaxhu :ee.

8 Liw knuawkinx Guaw ee sxingr mic, huan diyc Guaw ee Anhiyczit.

9 Dirr linw diongqanx u huixvongr langg, beh hro langg lrauu huih :ee; dirr linw diongqanx u dirr snuax-dingw jiac jewmic, dirr linw diongqanx u qniaa imluann.

10 Dirr linw diongqanx u lorhen laurve ee ertew; dirr linw diongqanx u lingziok guehqingx byy cingkir ee hurzinlangg :ee.

11 U langg qapp cuwvnix ee bow qniaa kyxngor ee su; iarr u langg imm ix ee simvu laii pah lasamm ix; dirr linw diongqanx iarr u langg lingziok ix ee jixbe, dyrr si ix ee laurve ee jaboxqniaw.

12 Dirr linw diongqanx u sriu vowlo, laii lrauu langg ee huih, liw iarr u tec lrai jnxir, tyw lirsig; liw in'ui tamsimx, ligsig cuwvnix, did diyc jaili; qingwzenn be qir did Guaw; jex si Jruw Jehovah qongw :ee.

13 Knuar ar, Guaw in'ui liw soxx did vutgi ee jnii, qapp liw diongqanx soxx lrauu ee huih, Guaw dyrr pah ciuw.

14 Qaur Guaw vran liw ee zit, liw ee simx iauxx e zimxsiu mah? Liw ee ciuw iauxx e u lat mah? Guaw Jehovah qongw jitt xee ue, dyrr beh jiauww anxnix qniaa.

15 Guaw beh hunsnuar liw dirr ledqog, siwsnuar liw dirr ledvangx; Guaw beh druu liw diongqanx ee uwuer.

16 Liw beh dirr ledqoklangg ee binrjingg, in'ui qaqi soxx qniaa :ee, siurr setdok; liw dyrr jaix Guaw si Jehovah."

17 Jehovah ee ue limqaur guaw, qongw,

18 "Zinjuw ar, Islael-qrex jairr Guaw knuar si jedaiw; inx longxx si huexloo diongx ee dangg, sxiah, tih, renn; si ginn ee jedaiw.

19 Soxiw Jruw Jehovah anxnix qongw: In'ui linw longxx jniaa juer jedaiw; knuar ar, Guaw beh jurjip linw dirr Jelusalem ee diongqanx.

20 Langg jnaixngiu jiong' ginn, dangg, tih, renn, sxiah, jurjip dirr huexloo diongx; kanx huew hro ix rngiuu; anxnix, Guaw iarr beh ing Guaw ee siurkir, qapp dua siurkir, jurjip linw, he linw dirr hiax, laii ngiuhuar linw.

21 Guaw beh jurjip linw, ing Guaw dua siurkir ee huew vunn linw, linw dyrr dirr hitt diongqanx ngiuhuar.

22 Ginn jnaixngiu rngiuu dirr hitt dionganx; linw dyrr jaix Guaw Jehovah vniar cud Guaw ee dua siurkir dirr linw ee dingxbin."

23 Jehovah ee ue limqaur guaw, qongw,

24 "Zinjuw ar, liw diyhh duiww jitt xee de qongw: Liw si berdid cingkir ee de, dirr dua siurkir ee zit, iarr byy lyc ho dirr liw hiax.

25 Ix diongqanx ee sendix longxx qetdongw, cincniu hmrhm hauw ee sraix, ziaur diyc soxx cniuw ee mic, inx tunjiac langg ee sinhunn, cniuw langg ee huewjaii vyxmic; hro inx ee diongqanx ee jiuxqnuaxlangg qycckacc je.

26 Ix ee jewsix qexcuah Guaw ee ludhuad, setdok Guaw ee sxingr sow, byy hunvet sxingr :ee qapp cosiok :ee, iarr byy hro langg hunvet byy cingkir :ee qapp cingkir :ee; qycc ngx bagjiux m knuar Guaw jiaxee Anhiyczit, Guaw iarr dirr inx diongqanx siurr setdok.

27 Ix ee quiwjok cincniu cailongg, ziaur diyc soxx cniuw ee mic, taii langg lrauu huih, sionghai langg ee sniwmia, rair did diyc vutgi ee jnii.

28 Ix ee sendix cincniu ing hejuiw qra inx cingxvec, knuar huqew ee ngirsiong, ing vehcat qra inx jiamvog, qongw, 'Jruw Jehovah anxnix qongw.'

29 Qog-lai ee vecsnir itbi qniaa apjer, quanwlen cniuw langg; kuihu songwhiongx kunwkow :ee, byy jingliw ki'ab cutguarlangg.

30 Guaw dirr inx diongqanx cue knuar u jit langg tangx laii uii cniuu, dirr Guaw ee binrjingg uirdiyhh jitt xee qog kia dirr puawkiah ee soxjai, hro guaw byy jaubet ix; jongwsirr cue byy jit xee.

31 Soxiw Guaw ing Guaw ee tongwhun vniar dirr inx ee dingxbin, ing Guaw dua siurkir ee huew bet inx; jiauww inx soxx qniaa :ee, vywingr dirr inx ee taukag dingw; jex si Jruw Jehovah qongw :ee."

23 Jehovah ee ue qycc limqaur guaw, qongw,

2 "Zinjuw ar, u nng xee hurzinlangg, si siangg jit xee laurbuw snix :ee.

3 Inx dirr Egipt qniaa imm, dyrr si dirr siauwlenn ee sii qniaa imm; dirr hiax inx ee nix hro langg deh, qycc dirr hiax langg nic ix jairsikluw ee nitauu.

4 Inx ee miaa, duarjiw miaa Oholah, siyxbe miaa Oholibah; inx longxx qer hro Guaw, snix qniaw jaboxqniaw. Lun qaur inx ee miaa, Oholah dyrr si Samalia, Oholibah dyrr si Jelusalem.

5 Oholah qer hro Guaw liauxau, dyrr qniaa imluan, luan'air ix sionghyw ee langg, dyrr si ix ee qecviah qog Assylialangg.

6 Inx cing nraa sig ee snxax, juer singxdniuw, juer qnua'uann, longxx si kyxair ee siauwlenlangg, kiaa bew ee iongxsu.

7 Ix dyrr qapp inx qniaa imm, dyrr si qapp ix soxx dingwir ee Assylialangg; qniwnarr ix soxx luan'air :ee, dyrr ing inx itcer ee gnoxsiong laii pah lasamm qaqi.

8 Ix iarr byy vangwsag ix dirr Egipt quanwlen qniaa ee imluann; in'ui ix iauxx siauwlenn ee sii, dyrr u langg qapp ix snaqab kunr; nic ix jairsikluw ee nix, qycc lrauu cud ix imluann ee su dirr hiax.

9 In'ui anxnix, Guaw jiong' ix qaux dirr ix sionghyw ee langg ee ciuw, dyrr si ix soxx luan'air ee Assylialangg ee ciuw.

10 Inx dyrr lorhen ix ee ertew, ing dyx taii ix, liac ix ee qniaw jaboxqniaw, hro ix dirr hurzinlangg diongx lauu cauwmiaa; in'ui inx duiww ix qniaa simxpnuar.

11 Ix ee siyxbe Oholibah knuar qnir anxnix, dyrr viw ix qyckacc hongwciongr im'iok; qniaa imluan, viw ix ee duarjiw kacc siongdiiong.

12 Ix luan'air qecviah qog ee Assylialangg, dyrr si cing qik suiw ee ihok, juer singxdniuw, juer qnua'uann; kiaa bew ee iongxsu, longxx si kyxair ee siauwlenlangg.

13 Guaw knuar qnir ix siurr pah lasamm, jixbe-aw nng xee qniaa siangg lo.

14 Ix iarr qetnix ix ee imhing, in'ui ix knuar qnir langg ee sxiong rue dirr viah nirr, dyrr si ing ju'angg sig soxx rue Qaldealangg ee sxiong.

15 Iyx haa duar, taukag vaux caixsig ee qun'aw suii .lyc .laii; knuar .kiw .laii cincniu qundniuw, jiauww Bablylonlangg ee hingsiong; inx ee vunxsoxjai dyrr si Qaldea.

16 Ix jid'err knuar .qnir, dyrr luan'air inx; crex suwjiaw kir Qaldea hiax, qnir inx.

17 Babylonlangg dyrr laii, qapp ix jnriu aiwjingg ee bincngg, qniaa imm, pah lasamm ix. Ix siurr pah lasamm ixau, simx dyrr qapp inx lingxdam.

18 Anxnix, ix lorhen ix ee imhing, qycc lorhen ix ee ertew, Guaw ee simx dyrr qapp ix lingxdam, cincniu jingg qapp ix ee duarjiw lingxdam jidngiu.

19 Ix iauxquxx qyckacc imhing, qir did ix siauwlenn dirr Egipt-de, qniaa imluann ee zit;

20 Luan'air ix sionghyw ee langg, sintew iongw, jingx jiog, cincniu luu, cincniu bew.

21 Anxnix liw dyrr qir did liw siauwlenn ee sii ee imhing; hitt sii Egiptlangg deh liw ee nix, rid diyc liw siauwlenn ee nix."

22 Oholibah ar, Jruw Jehovah soxiw anxnix qongw, "Knuar ar, Guaw beh qikdong liw jiaxee sionghyw :ee, laii qongqig liw, dyrr si liw ee simx soxx lingxdam :ee, Guaw beh hro ix ee siwuii laii qongqig liw.

23 Dyrr si Babylonlangg, Qaldea jingwlangg, qapp Pekod, Soa, Koa, jiaxee jok. Assylia ee jingwlangg qapp inx laii, singxdniuw, qnuan'uann, qundniuw, u miasniax :ee, kiaa bew :ee, longxx si kyxair ee siauwlenlangg.

24 Inx beh duar qunkir, jenwciax, un nriuu ee ciax, cua dua dui ee jingwlangg laii qongqig liw; inx giaa dua vaii siyw vaii, taukuex, vaidin dirr liw ee siwuii qongqig liw; Guaw beh jiong' simxpnuar ee su qaudair inx, inx beh ing inx ee ludhuad simxpnuar liw.

25 Guaw beh ing Guaw ee dowki qongqig liw; inx beh ing dua siurkir vran liw; inx beh quah liw ee pni qapp hni-aw, liw soxx cunx ee langg, beh dyw dirr dyx-xe; inx beh liac liw ee qniaw jaboxqniaw; qycc liw soxx lauu :ee beh hro huew siyliyx .kir.

26 Inx beh vrag liw ee ihok, cniuw liw suiw ee vyxmic.

27 Anxnix, Guaw beh hro liw ee imhing, qapp liw dirr Egipt-de quanwlen qniaa ee imluan longxx suah; hro liw byy qycc giahbak knuar inx, iarr byy qycc qiwliam Egipt.

28 In'ui Jruw Jehovah anxnix qongw: Knuar ar, Guaw beh jiong' liw qaux dirr liw soxx uanwhun ee langg ee ciuw, dyrr si liw ee simx qapp inx lingxdam ee langg ee ciuw.

29 Inx beh uanwhun laii vran liw, cniuxtec liw itcer lylok laii did .diyc .ee; cunx liw jit xee ciacsinx lortew; liw imluan ee ertew, lenrr liw ee imhing, qapp liw ee imluan, longxx beh lorhen.

30 Liw e duw diyc hiaxee dairjir, in'ui liw duer guarvanglangg laii qniaa imm; qycc in'ui liw dui' inx jiaxee gnoxsiong laii bag lasamm.

31 Liw u qniaa liw ee duarjiw ee lo, soxiw Guaw beh jiong' ix ee vxuex qaux dirr liw ee ciuw."

32 Jruw Jehovah anxnix qongw: Liw beh limx liw ee duarjiw soxx limx ee vxuex; hitt xee vxuex cimx qycc kuah, drew jin' je; liw dyrr beh hro langg tixciyr qicir.

33 Liw beh dua jiuxjuir, dua iukow; limx linw duarjiw Samalia ee vxuex; dyrr si hro langg gonggniac cnicamw ee vxuex.

34 Liw beh limx jitt xee vxuex, limx qaur dax dax; qycc qra puawvuex ee per, tiah lic qaqi ee nix; in'ui jitt xee su Guaw bad qongw ix; jex si Jruw Jehovah qongw :ee.

35 Soxiw Jruw Jehovah anxnix qongw, "In'ui liw be qir did Guaw, jiong' Guaw hed dirr liw ee qajiah au, dnaxx liw diyhh damdngx liw ee imluan qapp liw hongwciongr su'iok ee jue."

36 Jehovah qycc duiww guaw qongw, "Zinjuw ar, liw beh simxmng Oholah qapp Oholibah mah? Diyhh jixcud inx soxx qniaa kyxngor ee su.

37 Inx qniaa imm, iarr u huih dirr ix ee ciuw, qycc qapp gnoxsiong qniaa imm, iarr hro inx dui' Guaw soxx snix ee qniaw qingquer huew, hro inx tunjiac.

38 Jitt xee ixgua inx iauxx u dirr siangg zit pah lasamm Guaw ee sxingr sow, qanhuan Guaw jiaxee Anhiyczit.

39 Inx taii qniaw henr hro gnoxsiong, dng' hitt zit qycc zip Guaw ee sxingr sow, laii pah lasamm ix; knuar ar, inx dirr Guaw ee cur-lai anxnix qniaa.

40 Qycc linw crex suwjiaw kir cniaw hng hng ee langg; suwjiaw qaur inx hiax ee sii, knuar ar, inx dyrr laii; liw uirdiyhh inx sew sinkux, rue bagbaii, ing ciuxsig qaqi jngtna;

41 Jre dirr suiw ee bincngg, cngg-jingg cai jit der dyh, jiong' Guaw ee hniuliau, Guaw ee hniu'iuu vaii dirr hitt dingxbin.

42 Qapp ix dirr hiax :ee, u qui' din ee langg, an'et hnuahiw ee sniax, iarr u cosioglangg qapp jiuxhanr, dui' kongwiaw snaqab laii, jiong' ciuxkuann qruar dirr inx nng xee ee ciuw, jiong' suiw by dir dirr inx ee taukag.

43 Guaw lun qaur jitt xee lau ee imhu, u qongw: Henrjai langg iauxx beh qapp ix qniaa imm, ix iarr beh qapp langg qniaa imm.

44 Langg zip kir jiurqin ix, cincniu jiurqin ciongqix; anxnix inx jiurqin nng xee imhu, Oholah qapp Oholibah.

45 Beh u girlangg jiauww simxpnuar imhu ee le, qapp lrauu langg ee huih ee hurzinlangg ee le, laii simxpnuar inx; in'ui inx si imhu, iarr u huih dirr ix ee ciuw."

46 Jruw Jehovah anxnix qongw, "Guaw beh cua jerje langg laii qongqig inx, hro inx siurr hed laii hed kir, duw diyc cniuxduat.

47 Hiaxee langg beh ing jiyhtauu dimr siw inx, ing dyqiamr taii siw inx; qycc taii siw inx ee qniaw jaboxqniaw, ing huew siyx inx ee cuwtec.

48 Anxnix, Guaw beh hro qingxlai byy qycc u imhing, tangx hro itcer ee hurzinlangg siurr qingxqair, byy yc linw ee imhing.

49 Langg beh jiauww linw ee imhing vywingr linw; linw iarr beh damdngx jiaxee vair gnoxsiong ee jue; linw dyrr e jaix Guaw si Jehovah."

24 Derr qauw nii ee jap-guec cejap, Jehovah ee ue qycc limqaur guaw, qongw,

2 "Zinjuw ar, qinaxzit duxduxx si Babylon Ongg jiurqin Jelusalem ee zit, liw diyhh jiong' qinaxzit qir ix ee miaa.

3 Diyhh duiww jitt xee vuergik ee qrex sed piwzu, qongw, Jruw Jehovah anxnix qongw: Jiong' dniaw cai dirr huew nirr; ixqing’ cai hyw, dyrr vniar juiw dirr lairbin,

4 Jiong' bacder, dyrr si itcer vuisuiw ee bacder, jingg tuiw, au tuiw, longxx kiyh he dirr lairbin; qingw hyw ee qud tiap hro ix muaw.

5 Cruw ngiuu-qrunn diongx derr id hyw :ee, jiong' caa tiap dirr dniaw-xe, hro dniaw qunw ciangciangg, tangx jiong' qud qunn dirr hitt lairbin.

6 Jruw Jehovah anxnix qongw: U jaieh ar, jitt xee hro langg lrauu huih ee sniaa, dyrr si snix sxenx ee dniaw, ix ee sxenx iauxx bue druu .kir, diyhh jiong' bacder dui' hitt diongqanx jit der jit der tec .cud .laii; byy qra ix liamx kaux.

7 Sniaa-diongx u siurr taii ee langg ee huih, vniar dirr qngx qngx ee jiyhvnuaa dingw, byy vniar dirr de nirr, tangx ing too kamr.

8 Jitt xee sniaa-lai soxx lrauu ee huih, vniar dirr qngx qngx ee jiyhvnuaa dingw, byy tangx ziakamr, si Guaw hro ix anxnix; uirdiyhh beh qig dua siurkir, qniaa vywingr.

9 Soxiw Jruw Jehovah anxnix qongw: U jaieh ar, jitt xee hro langg lrauu huih ee sniaa, Guaw iarr beh tiap dua dxuix ee huexcaa.

10 Tnrix caa hro huew jin' iam, jiong' bah qunn nua, jiong' tngx gnauu kryw, hro qud hulux .kir.

11 Jiong' dniaw, vniar kangx, cai dirr decc dyc ee tnuar-dingw, hro dniaw vikzet, hro dangg siyx angg, rngiuu qidiongx ee uwuer, druu hitt dingxbin ee sxenx.

12 Ix diyhbuaa iawsen, jongwsirr soxx snix dua dua ee sxenx, iuguann byy lag; ix ee sxenx dyrr narr dirr huew nirr, iarr be druu .kir.

13 Dirr liw ee uwuer diongx u imhing, Guaw bad cingkir liw, liw iauxquxx byy cingkir; soxiw liw ee uwuer be qycc did diyc cingkir, qaur Guaw duiww liw huad cud ee dua siurkir suah.

14 Guaw Jehovah bad qongw ix; hitt xee su dikkag jniaa, Guaw iarr qniaa ix, dikkag byy huanxhog, dikkag byy linbinw, iarr byy tewhuew; langg beh jiauww liw ee quxdong, jiauww liw ee qniajuer simxpnuar liw; jex si Jruw Jehovah qongw :ee."

15 Jehovah ee ue limqaur guaw, qongw,

16 "Jinjuw ar, knuar ar, Guaw beh jiong' liw ee bagjiux soxx iwair :ee hutzenn curw .kir; jongwsirr liw m tangx vi'aix tikaur, iarr m tangx lrauu bagsaiw.

17 Dogdok tangx amwjni toxkuir, m tangx cud sniax, m tangx vanrliw songsu, taukag iuguann diyhh vaux tauqinx, kax iuguann diyhh cing ree, m tangx ngx liw ee cuiwdunn, iarr m tangx jiac diauwsongx ee vniaw."

18 Dui' anxnix, guaw jiong' jitt xee su dirr jaxkiw-sii qra vecsnir qongw; ehngx guaw ee bow dyrr siw; qeh jaxkiw, guaw dyrr tranr bingrling laii qniaa.

19 Vecsnir mng guaw qongxx, "Liw anxnix juer, qapp guanw u simxmih qansiap? Liw taixtyw byy qra guanw qongw?"

20 Guaw rinr inx qongxx, "Jehovah ee ue limqaur guaw, qongw,

21 'Liw diyhh qra Islael-qrex qongw, Jruw Jehovah anxnix qongw: Knuar ar, Guaw beh pah lasamm Guaw ee sxingr sow, dyrr si linw ee sewlik soxx kuakauw, linw ee bagjiux soxx iwair, linw ee simx soxx tniawsiyh :ee; qycc linw soxx lauu dirr hiax ee qniaw jaboxqniaw beh dyw dirr dyx-xe.

22 Hitt sii, linw beh jiauww guaw soxx qniaa :ee laii qniaa, byy ngx linw ee cuiwdunn, iarr byy jiac diauwsongx ee vniaw.

23 Linw ee taukag iuguann vaux tauqinx, kax beh cing ree, byy vi'aix, byy tikaur; linw beh dirr linw ee juerog diongx siaubet, sna' duiwbin toxkuir.

24 Islael beh anxnix juer linw ee diaurtauu, huanrnarr ix soxx qniaa :ee, linw iarr beh anxnix qniaa, jitt xee dairjir narr qaur, linw dyrr jaix Guaw si Jehovah.'

25 Zinjuw ar, dng' Guaw druu kir inx soxx uaxkyr :ee, qapp inx soxx hnuahiw ee ingqngx, inx ee bagjiux soxx iwair :ee, inx ee simx soxx tniawsiyh :ee, dyrr si inx ee qniaxzii,

26 Hitt zit did diyc tuatli ee langg qamxx byy laii liw jiax, hro liw cinhni tniax qnir jitt xee su mah?

27 Dng' hitt zit, liw ee cuir dyrr kuix, liw dyrr qapp did diyc tuatli ee langg qongxue, byy qycc exqauw; liw beh anxnix juer inx ee diaurtauu; inx dyrr jaix Guaw si Jehovah."

25 Jehovah ee ue limqaur guaw, qongw,

2 "Zinjuw ar, liw diyhh bin ngr Ammon-jok, suantuann qongqig Ammon-jok, suantuann qongqig inx, qongw: Linw diyhh tniax Jruw Jehovah ee ue;

3 Jruw Jehovah anxnix qongw: Guaw ee sxingr sow siurr pah lasamm, Islael-de duw diyc pahngx, Judah-qrex hro langg liac; hitt sii liw in'ui jiaxee su, ing ue qongqig inx, qongw, 'Horjai!'

4 Knuar ar, soxiw Guaw beh jiong' liw qaux hro danghngx ee langg juer giap; inx beh dirr liw ee soxjai jrad ngiaa kiarkiw, jiac liw ee quexjiw, limx liw ee lingx.

5 Guaw beh hro Rlabbah juer logdyy ee diauu, hro Ammon-jok ee de juer ngiuu-qrunn dyw ee soxjai; linw dyrr jaix Guaw si Jehovah."

6 Jruw Jehovah anxnix qongw, "In'ui liw dah ciuw dngr kax, muaxsimx biauxsi, ngr Islael-de hnuahiw;

7 Knuar ar, soxiw Guaw crunx Guaw ee ciuw qongqig liw, jiong' liw qaux hro ledqog cniuw .kir; Guaw beh dui' ledvangx diongx jenxduu liw, hro liw dirr banrqog diongx vairbyy; Guaw beh dubet liw; liw dyrr jaix Guaw si Jehovah."

8 Jruw Jehovah anxnix qongw, "In'ui Moab qapp Seir u decc qongw, 'Knuar ar, Judah-qrex qapp jiongww qog byy qycngiu';

9 Knuar ar, in'ui anxnix, Guaw beh kuix Moab ee venqair jiaxee juer ix vunxqog ee ingqngx ee sniaa, dyrr si Bet Jesimot, Baal Meon, Kiliataim,

10 Hro ix qapp Ammon-jok longxx qaux dirr danghngx ee vecsnir juer giap, hro Ammon-jok byy qycc siurr qiwliam dirr ledvangx diongx.

11 Guaw iarr beh simxpnuar Moab; inx dyrr jaix Guaw si Jehovah."

12 Jruw Jehovah anxnix qongw, "In'ui Edom ee soxx qniaa, dyrr si qongqig Judah-qrex laii vywsiuu, dyrr dui' inx ee vywsiuu laii huan dang jue;

13 Soxiw Jruw Jehovah anxnix qongw: Guaw beh crunx Guaw ee ciuw qongqig Edom, jenxduu inx hiax ee langg qapp jingsnix; hro ix pahngx dui' Teman, qaur Dedanlangg longxx siw dirr dyx-xe.

14 Qycc Guaw beh ing Guaw ee vecsnir Islael ee ciuw, laii vyr Guaw ee qiusiuu dirr Edom; inx beh jiauww Guaw ee siurkir, jiauww Guaw ee dua siurkir laii qniaa dirr Edom; dyrr inx beh jaix Guaw ee vywsiuu; jex si Jruw Jehovah qongw :ee."

15 Jruw Jehovah anxnix qongw, "In'ui Filistlangg qniaa vywsiuu, junsimx biauxsi laii vywsiuu, qed sixuanr beh jaubet inx;

16 Soxiw Jruw Jehovah anxnix qongw: Knuar ar, Guaw beh crunx Guaw ee ciuw qongqig Filistlangg;

17 Guaw beh jenxduu Keletlangg, bedbyy enhaiw soxx cunx ee vecsnir. Guaw beh ing dua siurkir ee jikhuat, duiww inx qniaa dua ee vywsiuu; Guaw duiww inx vywsiuu ee sii, inx dyrr jaix Guaw si Jehovah."

26 Derr jap-id nii, guec ee ceid, Jehovah ee ue limqaur guaw, qongw,

2 "Zinjuw ar, in'ui Tyle ngr Jelusalem qongw, 'Horjai! Hitt xee juer ledvangx ee mngg :ee, ixqing’ puar, dnaxx qui'ngr guaw; ix ixqing’ pahngx, guaw beh hongsing.'

3 Soxiw Jruw Jehovah anxnix qongw: Tyle ar, knuar ar, Guaw qapp liw juer duiwdik, Guaw iarr qongqig liw, juer duiwdik, Guaw iarr beh hro jerje qog kiw laii qongqig liw, cincniu haiw hro ix ee ingw giaa kiw jidngiu.

4 Inx beh huixhuai Tyle ee sniacniuu, tiah ix ee jiuxqnilauu; Guaw iarr beh kaux ix ee tohunw, hro ix jniaa juer qngx qyrqy ee jiyhvnuaa.

5 Ix beh dirr haiw-diongx juer pak bxang ee soxjai, iarr beh jniaa juer ledqog soxx cniuw ee mic; in'ui Guaw u qongw ix; jex si Jruw Jehovah qongw :ee.

6 Sriok dirr Tyle hiaxee sniaa ee vecsnir, beh hro dyqiamr taii siw; inx dyrr jaix Guaw si Jehovah."

7 In'ui Jruw Jehovah anxnix qongw, "Knuar ar, Guaw beh hro led'ongg ee ongg, dyrr si Babylon Ongg Nebuqadnezar, dui' vakhngx cua bew, ciax, bexvingx, qundui, qapp jerje vecsnir, laii qongqig Tyle.

8 Ix beh ing dyqiamr taii siw sriok dirr liw hiaxee sniaa ee vecsnir, iarr beh jrad ngiaa qongqig liw.

9 Ix beh ansed qongr sniaa ee tuii, qrongx puar liw ee sniacniuu, ing voxtauu tiachuiw liw ee jiuxqnilauu.

10 In'ui ix ee bew jin' je, tohunw ziakamr liw; ix zip liw ee sniamngg, cincniu langg zip u puawkiah ee sniaa; hitt sii in'ui kiaa bew :ee, unrniuciax, qapp jenwciax ee sniax, liw ee sniaa beh dinxdang.

11 Ix ee bexdee beh tunxdac liw itcer ee quelo; ix beh ing dyx taii siw liw ee vecsnir, liw qenqor ee tiau beh dyw dirr tokax.

12 Ix beh cniuw liw ee jaivyw, qapp liw ee huewmic, huiw liw ee sniacniuu, tiah liw suiw ee cur, qycc jiong' liw jiaxee jiyc, jiaxee caa, jiaxee too, longxx hed dirr juiw-diongx.

13 Guaw beh hro liw cniuwquax ee sniax longxx suah, liw dnuaa kimm ee sniax byy qycc tniax .qnir.

14 Guaw beh hro liw jniaa juer qngx qyrqy ee jiyhvnuaa, juer pak bxang ee soxjai; liw byy qycc siurr kixjy, in'ui Guaw Jehovah qongw ix. Jex si Jruw Jehovah qongw :ee."

15 Jruw Jehovah duiww Tyle anxnix qongw, "Dirr liw diongqanx u dua dua taii langg ee su, siursiongx ee langg ai'aix canx ee sii, in'ui liw dyxhuai ee sniax, haixsu qamxx byy longxx dinxdang mah?

16 Hitt sii haiw-vnix hiaxee qun'ongg, beh dui' ix ee ong'ui lyc .laii, druu kir ix ee lexhok, trngr kir suiw snxax, gniauhgniauc cuah, jre dirr tokax, sisii kikkig decc diy, uirdiyhh liw gonggniac.

17 Inx beh uirr liw juer aiqyx, duiww liw qongw: Liw jitt xee u miasniax ee sniaa, vingsor si qniajunn ee langg soxx kiarkiw, dirr haixbin juer qenqor :ee; vingzit ix qapp kiarkiw ee vecsnir, hro itcer diamr dirr hiax ee langg byy m qniahniaa, dnaxx jnaixngiu bedbyy ar!

18 Dnaxx dirr liw jitt xee dyxhuai ee zit, jiongww haixsu beh gniauhgniauc cuah; haiw-diongx jiaxee haixsu knuar qnir liw byy .kir, dyrr longxx qniahniaa."

19 In'ui Jruw Jehovah anxnix qongw, "Guaw hro liw juer pahngx ee sniaa, cincniu hro hiaxee byy langg kiarkiw ee sniaa; qycc hro cim'enx vnuaa quer liw, duarjuiw kamr bat liw.

20 Hitt sii Guaw hro liw qapp hiaxee lyc imhuw :ee snaqab lyc .kir, qaur qoxjaxlangg hiax; hro liw diamr dirr dere cimx ee soxjai, dui' qoxjaw pahngx ee soxjai, qapp hiaxee lyc imhuw ee langg dilehh, byy qycc u langg kiarkiw dirr hiax, dirr uahlangg ee de byy qycc u ingqngx.

21 Guaw beh hro liw juer tangx qniax :ee, byy qycc lauu dirr sewqanx; suizenn langg cue liw, iarr ingxingw cue be diyc; jex si Jruw Jehovah qongw :ee."

27 Jehovah ee ue qycc limqaur guaw, qongw,

2 "Zinjuw ar, diyhh uirr Tyle juer aiqyx,

3 Qra Tyle qongw: Liw kiarkiw dirr haixkauw, qapp ledqog jiongww haixsu bexbe juer singliw; Jruw Jehovah anxnix qongw: Tyle ar, liw bad qongw: Guaw si uanjuann suiw :ee.

4 Liw ee qingxqair dirr haiw-diongx; kixjy liw :ee, hro liw ee suiw uanjuann.

5 Inx ing Senir ee cingciu juer liw itcer ee vangx, ing Lebanon ee vikhniuciu juer liw ee jun'uii.

6 Ing Basan ee siongrciu juer liw ee jniuw, ing Kelet haixsu ee ng'iongcaa, zip cniurgee juer liw jre ee vangx.

7 Ing Egipt siur huex ee iuwduervor juer liw ee pxangg, juer liw ee qii; ing Elisa haixsu nraa sig jxiw sig ee vor, juer liw ee liangvnii.

8 Sidon qapp Arvad kiarkiw ee vecsnir, juer liw ee qyr jniuw :ee; liw diongqanx gauu ee langg juer liw ee hnua drua :ee.

9 Gebal lauxlen :ee qapp gauu ee langg, longxx dirr linw diongqanx juer vow junkangx :ee; itcer quer haiw ee junjiah, qapp inx ee juixsiuw, longxx dirr liw diongqanx qing'ingg singliw ee su.

10 Persia, Lydia, Libia ee langg, dirr liw qun'ngiaa diongx juer jenwsu; inx dirr liw ee diongqanx qruar dinvaii qapp taukuex, henxbingg liw ee suiw.

11 Arvadlangg qapp liw ee qundui, longxx dirr liw siwuii ee cniuu-dingw; liw ee jiuxqnilauu iarr u iongxsu, inx qruar inx ee dinvaii dirr liw siwuii ee cniuviah, singjuann liw ee suiw.

12 Tarsislangg in'ui dagg ngiu ee jaibut ciongjiog, dyrr juer liw ee kecsiongx; duar ginn, tih, sxiah, renn, laii ngua liw ee huewmic.

13 Gleeklangg, Tuballangg, Meseclangg, longxx qapp liw qauquanx; inx ing zinkauw qapp dangkir, laii ngua liw ee huewmic.

14 Togarmah-jok ing bew, qapp jenwbew, qapp lyy, laii ngua liw ee huewmic.

15 Dedanlangg qapp liw qauquanx; jerje haixsu juer liw ee ervnuaa singliw; inx duar cniurgee, obagcaa, qapp liw qau'ngua.

16 Sylialangg, in'ui liw ee jewjy ciongjiog, dyrr juer liw ee kecsiongx; inx ing lxik vyxjiyc, jxiw sig ee vor, siur huex ee mic, iuwduervor, senhyy, angg vyxjiyc, laii ngua liw ee huewmic.

17 Judah qapp Islael-de ee langg, longxx qapp liw qauquanx; inx ing Minnit ee bec, vniaw, bit, iuu, zuxhniux, laii ngua liw ee huewmic.

18 Damaskuslangg in'ui liw ee jewjy ciongjiog, qycc in'ui dagg ngiu ee jaibut ciongjiog; dyrr duar Helbon ee jiuw, qapp vec ngiumngg, qapp liw qauquanx.

19 Dedanlangg qapp Gleeklangg, duar snxax qapp qngx ee tih, ziogquir, ciongvoo, dirr liw ee queci, ngua liw ee huewmic.

20 Dedanlangg ing suiw ee bexnguaju qapp liw qauquanx.

21 Alabialangg qapp Kedar itcer ee lingxsiur, longxx juer liw ee ervnuaa singliw; ing ngiuqyx, qangx ee mingiuu, snua'ngiuu, qapp liw qauquanx.

22 Seba qapp Rlaamah ee singlixlangg qapp liw qauquanx; inx ing dagg lui siongrr hyw ee hniuliau, dagg lui ee vyxjiyc qapp ngqimx laii ngua liw ee huewmic.

23 Halan, Kanneh, Edenlangg, Seba ee singlixlangg, Assurlangg, Qilmadlangg qapp liw qauquanx.

24 Jiaxee singlixlangg ing jin' hyw ee huewmic, nraa sig siur huex ee vor, jrngx qui' vaux; qycc u suiw ee ihok, jrngx dirr vikhniucaa ee sniux-aw lai, ing syh vak ix, qapp liw qauquanx.

25 Tarsis ee junjiah draur qui' vxangx, qra liw jair huer; liw dyrr dirr haiw-diongx vuwu, qigqii ingqngx.

26 Liw ee qyr jniuw :ee, ixqing’ qyr liw qaur duarjuiw ee soxjai; danghongx dirr haiw-diongx qra liw qrongx puar.

27 Liw ee jnijaii, liw ee mihqnia, liw ee huewpinw, liw ee juixsiuw, liw ee hnua drua :ee, liw ee tad junkangx :ee, liw ee qing'ingg singliw :ee, ixqip liw diongqanx ee jenwsu, qapp liw diongqanx ee jingwlangg, dirr liw vairhuai ee zit, longxx beh dimm dirr haiw-diongx.

28 Liw hnua drua :ee auqiyr ee sniax jid'err huah, qau'iaw longxx beh dinxdang.

29 Qniwnarr qyr jniuw :ee, qapp juixsiuw, qapp itcer quer haiw hnua drua :ee, longxx beh lirkuix junn jnriu hnua.

30 Inx beh uirr liw kuix sniax dua kaur, samw tohunw dirr taukag, qy dirr huexhux diongx.

31 Qycc uirdiyhh liw laii tir qngtauu, ing muavor haa iyx, tongwsimx tikaur, qigqii vi'aix.

32 Inx aisiongx ee sii, uirdiyhh liw juer aiqyx, tikaur liw; qongw: U simxmih sniaa cinciu Tyle, cincniu ix dirr haiw-diongx jniaa juer jing cnicnix :ee ar?

33 Liw ee huewmic dui' haiw-bin jnriu snuax, dyrr hro jerje vecsnir ciongjiog; liw ing jerje jnijaii huewmic, hro derjniu ee qun'ongg hyxgiac.

34 Liw dirr cimjuiw diongx hro haixingw longr puar ee sii, liw ee huewmic, qapp liw diongqanx itcer ee jingwlangg, dyrr longxx dimm .lyc .kir.

35 Haixsu kiarkiw ee vecsnir, uirdiyhh liw gonggniac; inx ee qun'ongg longxx jin' qniax, bin dair iusiongx.

36 Ledqog ee singlixlangg, longxx beh cud qicir ee sniax; liw hro langg tangx qniax, liw byy tangx qycc dilehh didqaur ingxuanw."

28 Jehovah ee ue qycc limqaur guaw, qongw,

2 "Zinjuw ar, liw diyhh duiww Tyle ee qun'ongg qongw Jruw Jehovah anxnix qongw: In'ui liw simlai qiaugno, liw iarr qongw: Guaw si jit xee siongrder, guaw dirr haiw-diongx jre Siongrder ee xui. Liw suizenn junsimx qaqi liac juer si Siongrder, qisit liw si langg, m si Siongrder.

3 Knuar ar, liw viw Danel kacc u diwhui, byy jit hxang viwbit ee su duiww liw unxbat.

4 Liw uaxkyr qaqi ee diwhui cangmiaa, did diyc jaivyw, did diyc qimginn, siux dirr liw ee kowvangg.

5 Liw uaxkyr qaqi ee dua diwhui qapp singliw, qetnix liw ee hyxgiac; iarr liw ee simx uirdiyhh liw ee hyxgiac laii qiaugno.

6 Soxiw Jruw Jehovah anxnix qongw: In'ui liw junsimx qaqi liac juer si Siongrder,

7 Knuar ar, soxiw Guaw beh duar guarvanglangg, dyrr si ledqog diongx qiongvy ee langg laii liw jiax; inx beh vuic dyx qongqig liw dui' diwhui soxx did .diyc ee hyw mic; pah lasamm liw ee ingqngx.

8 Inx beh hro liw lyc cimknix; liw beh siw dirr haiw-diongx, cincniu siurr taii ee langg ee siw jidniug.

9 Dirr taii liw ee langg ee binrjingg, liw iauxx beh qongw, 'Guaw si Siongrder' mah? Qisit liw dirr taii siw liw ee langg ee ciuw, vutqyr si langg, m si Siongrder.

10 Liw beh siw, dirr guarqoklangg ee ciuw-diongx, cincniu bue sriu qatlew ee langg ee siw jidngiu, in'ui Guaw u qongw ix; jex si Jruw Jehovah soxx qongw :ee."

11 Jehovah ee ue limqaur guaw, qongw,

12 "Zinjuw ar, liw diyhh qra Tyle Ongg juer aiqyx, duiww ix qongw: Jruw Jehovah anxnix qongw: Liw byy soxx m jiauvi, diwhui ciongjiog, uanjuann suiw.

13 Liw bad dirr Eden Siongrder ee hngg-lai, ing dagg ngiu ee vyxjiyc juer liw ee jngtna, dyrr si angg vyxjiyc, ngg gik, qapp qimqongjiyc, cnix gik, angg bexlyw, qapp pikgik, nraa gik, lxik vyxjiyc, qapp ciah gik, qapp ngqimx; qycc liw ee qow qapp siaux, dirr liw hiax jewjy, dng' liw siurr jy ee zit, dyrr longxx jiauvi.

14 Liw si hitt xee siurr buah iuu ziakamr ee qilorvingx; Guaw andir liw dirr Siongrder ee sxingr snuax; liw ongxlaii dirr cud huew ee jiyc ee diongqanx.

15 Liw dui' siurr jy ee zit soxx qniaa longxx uanjuann, didqaur cue diyc vutgi dirr liw ee diongqanx.

16 In'ui liw singliw jin' dua, langg dyrr ing qiongvy ciongmuaw dirr liw ee diongqanx, drir qaur liw huanrjue; in'ui anxnix, Guaw knuar liw cincniu uwuer, dyrr dui' Siongrder ee snuax qnuaxdiok liw; ziakamr ee qilorvingx ar, Guaw ixqing’ jiong' liw dui' cud huew ee jiyc ee diongqanx dubet.

17 Liw in'ui suiw, simdiongx qiaugno; qycc in'ui liw ee ingqngx vairhuai liw ee diwhui; Guaw ixqing’ ciax dyw liw dirr de nirr, hro liw dyw dirr qun'ongg ee binrjingg, hro inx knuar .qnir.

18 Liw in'ui juerquar jin' je, juer singliw byy qongdy; liw pah lasamm liw hiaxee sxingr sow; soxiw Guaw hro huew dui' liw dionganx cud, laii siybet liw; hro liw dirr soxu knuar .qnir ee langg ee bagjiux jingg, venr juer derjniu ee huexhux.

19 Jiongww vecsnir ee diongqanx, qniwnarr bad liw ee langg, longxx beh uirdiyhh liw laii gonggniauc; liw hro langg tangx qniax, ingxuanw byy tangx qycc dilehh."

20 Jehovah ee ue limqaur guaw, qongw,

21 "Zinjuw ar, liw ee bin diyhh ngr Sidon, duiww ix suantuann,

22 Qongw Jruw Jehovah anxnix qongw: Sidon ar, knuar ar, Guaw qapp liw juer duiwdik, Guaw dikkag dirr liw diongqanx did diyc ingqngx. Guaw dirr ix diongqanx qniaa simxpnaur, henxbingg Guaw juer sxingr ee sii, inx dyrr jaix Guaw si Jehovah.

23 Guaw iarr beh hro un'ik qapp lrauu huih ee su zip ix ee quelo, diyhsiongx :ee dyw dirr ix ee diongqanx, siwuii u dyqiamr qongqig ix; inx dyrr jaix Guaw si Jehovah.

24 Siwuii vingsor knuawkinx Islael-qrex ee langg, ixau byy qycc ngr inx juer cak langg ee cir, hro langg qankow ee cauxcir; inx dyrr jaix Guaw si Jehovah."

25 Jruw Jehovah anxnix qongw, "Guaw jurjip Islael-qrex, dui' soxx siwsnuar .kir ee vecsnir diongx, duiww inx henxbingg Guaw juer sxingr, dirr ledqoklangg ee bagjiux jingg; hitt sii inx beh kiarkiw dirr vunxsoxjai, dyrr si Guaw soxx sniuxsur Guaw ee lovok Jakob ee de.

26 Inx beh anzenn kiarkiw dirr hitt diongqanx; Guaw ixqing’ qniaa simxpnuar dirr siwuii knuawkinx inx ee langg, hitt sii inx beh kiw cur, jaijingr pudyhngg, anzenn kiarkiw; inx dyrr jaix Guaw si Jehovah, inx ee Siongrder."

29 Derr jap nii, Jap-guec jap-zi, Jehovah ee ue limqaur guaw, qongw,

2 "Zinjuw ar, liw ee bin diyhh ngr Egipt Ongg Falaoh, suantuann laii qongqig ix, ixqip Egipt juann de.

3 Liw diyhh tuann, qongw Jruw Jehovah anxnix qongw: Knuar ar, Egipt Ongg Falaoh ar, Guaw juer liw ee duiwdik; liw dyrr si dua goghii, dyw dirr qaqi ee qanghyy diongx. Liw bad qongw: Guaw ee hyy si guaw :ee, guaw uirr qaqi laii jy :ee.

4 Guaw beh ing qaux qaux diauu liw ee gejyy; qycc hro liw qanghyy diongx ee hii kac diauu dirr liw ee lrann; Guaw beh jiong' liw qapp soxx kac diauu dirr liw ee lrann ee hii, dui' qanghyy diongx tuax .cud .laii.

5 Guaw beh jiong' liw qapp liw qanghyy diongx ee hii longxx hed dirr kongwiaw; liw beh dyw dirr cann nirr, byy kiyh juer dxuix, byy siuzip; Guaw jiong' liw hro derjniu ee iaxsiur, kongdiongx ee vuejiauw juer jiahmic.

6 Egipt kiarkiw ee vecsnir longxx beh jaix Guaw si Jehovah, in'ui inx dui' Islael-qrex, bad juer louiw ee qnuaiw-aw.

7 Inx ing ciuw giac liw, liw vrid kuix, siongx diyc inx ee qingtauu, inx uaw liw, liw jric .kir, siamw diyc inx ee iyx.

8 Soxiw Jruw Jehovah anxnix qongw: Knuar ar, Guaw beh hro dyqiamr limqaur liw; dui' linw diongqanx jenxduu langg qapp jingsnix.

9 Egipt-de beh honghuer, lingxjing; inx dyrr jaix Guaw si Jehovah; in'ui ix qaqi qongw, 'Jitt xee hyy si guaw ee, si guaw jy :ee.'

10 Knuar ar, Guaw qapp liw, ixqip liw ee qanghyy juer duiwdik; hro Egipt-de dui' Sikhutnii ee tah, didqaur Kus ee qauqair, juanzenn honghuer lingxjing.

11 Langg ee kax byy dui' hiax quer, sriur ee kax iarr byy dui' hiax quer; ligquer sir-jap-nii quw, byy langg kiarkiw.

12 Guaw beh hro Egipt-de dirr lingxjing ee de jniaa juer lingxjing; ix ee sniaa dirr honghuer ee sniaa diongx vnir juer honghuer, ligquer sir-jap nii, Guaw iarr beh jiong' Egiptlangg hunsnuar dirr ledqog, siwsnuar dirr ledvangx."

13 Jruw Jehovah anxnix qongw, "Muaw sir-jap nii, Guaw beh jiyjip Egiptlangg, dui' inx siwsnuar .kir ee ledqog laii;

14 Guaw beh hro Egipt siurr liac :ee dyr .laii, hro inx dyr laii inx ee vunxde Patlo; dirr hiax beh jniaa juer biser ee qog.

15 Beh juer ledqog diongx derr id biser :ee, iarr byy qycc jurqyx dirr ledqog ee dingxbin; Guaw beh qiamxjiyw inx, drir qaur inx byy quanxhad ledqog.

16 Ix dikkag byy qycc juer Islael-qrex soxx uaxkyr :ee, soxx uat tauu laii giongxbong :ee, benw did Guaw qir did inx ee jue; inx dyrr jaix Guaw si Jruw Jehovah."

17 Zi-jap-cid nii, Jniax-guec ceid, Jehovah ee ue limqaur guaw, qongw,

18 "Zinjuw ar, Babylon Ongg, Nebuqadnezar, hro ix ee qunvingx dua dua diyhbuaa, qongqig Tyle; drir qaur dagg xee taukag byy xmngg, qingtauu liur puee; ix qapp ix ee qunvingx, duiwdirr Tyle, longxx byy did diyc qangjnii, laii vywdab ix dua dua diyhbuaa ee qongqig.

19 Soxiw Jruw Jehovah anxnix qongw: Knuar ar, Guaw beh jiong' Egipt-de sniuxsur Babylon Ongg Nebuqadnezar, ix beh liac ix ee jiongww vecsnir, cniuw ix soxx cniuw ee mic, qiab ix soxx qiab ee mic, jex dyrr tangx juer ix ee qunvingx ee qangjnii.

20 Guaw jiong' Egipt-de hro ix, vywdab ix soxx diyhbuaa :ee; in'ui inx ter Guaw juer qangx; jex si Jruw Jehovah qongw :ee.

21 Dng' hitt zit, Guaw beh hro jit qix qag, uirdiyhh Islael-qrex huad .cud; qycc beh hro liw kuix cuir dirr inx diongqanx; inx dyrr jaix Guaw si Jehovah."

30 Jehovah ee ue limqaur guaw, qongw,

2 "Zinjuw ar, liw diyhh suantuann, qongw Jruw Jehovah anxnix qongw: Camw ar, jitt zit linw diyhh tikaur.

3 In'ui zit qin lar, dyrr si Jehovah ee zit qin lar, dyrr si bat hunn ee zit, beh juer ledqog ee siqii.

4 Beh u dyqiamr limqaur Egipt, dirr Egipt siurr taii ee langg dyw .lyc .kir ee sii, Kuslangg dyrr u tongwkow, inx beh liac ix ee jingwlangg, tiachuiw ix ee derqix.

5 Kus, Libia, Lydia, camcab ee vecsnir, qapp Kub, ixqip dongbingg e qog ee vecsnir, longxx beh qapp inx snaqab dyw dirr dyx-xe."

6 Jehovah anxnix qongw: Hujo Egipt :ee iarr beh dyw; ix sewlik ee qiaugno beh qangwqe; dui' Sikhutnii ee tah kiw, inx longxx beh dirr hiax dyw dirr dyx-xe; jex si Jruw Jehovah qongw :ee.

7 Inx beh dirr lingxjing ee de ee diongqanx, laii juer lingxjing; ix jiaxee sniaa iarr beh led dirr jiaxee honghuer ee sniaa ee diongqanx.

8 Dng' Guaw vangr huew dirr Egipt, qniwnarr vangjan ix :ee, longxx siurr bedbyy; hitt sii, inx dyrr jaix Guaw si Jehovah.

9 Qaur hitt zit beh u suwjiaw dui' Guaw ee binrjingg dah junn cud .kir; hro anzenn kiarkiw ee Kuslangg qniahniaa; beh u tongwkow limqaur inx, cincniu Egipt ee zit jidngiu, knuar ar, dairjir laii lar.

10 Jruw Jehovah anxnix qongw: Guaw beh ing Babylon Ongg Nebuqadnezar ee ciuw, bet Egipt ee jingwlangg.

11 Ix qapp duer ix ee langg, dyrr si ledqog diongx qiongvy :ee, beh laii huixbet jitt xee de; inx beh vuic dyx qongqig Egipt, hro venww de u siurr taii ee langg.

12 Guaw beh hro hiaxee qanghyy dax, iarr beh ing hitt xee de bre hro pnaiw langg ee ciuw; Guaw beh ing guarvangx ee ciuw hro hitt xee de qapp qidiongx soxu :ee vnir juer lingxjing; jex si Guaw Jehovah qongw :ee.

13 Jruw Jehovah anxnix qongw: Guaw beh huixbet hiaxee gnoxsiong, dui' Nof dubet sinvut; dikkag byy qycc u qun'ongg dui' Egipt-de cud; Guaw beh qangr lyc qniahniaa dirr Egipt-de.

14 Guaw beh hro Patlo lingxjing; vangr huew dirr Zoan ee diongqanx; qniaa simxpnuar ee su dirr Lyy ee derhngx.

15 Guaw beh vniar cud Guaw ee dua siurkir dirr Sinr, dyrr si Egipt ee uersow; iarr beh bet No ee jingwlangg.

16 Guaw beh vangr huew dirr Egipt, Sinr beh duw diyc qongpuar, Nof dngtauu vehzit duw diyc duiwdik.

17 On qapp Bubastis ee siauwlenlangg beh dyw dirr dyx-xe; inx beh hro langg liac .kir.

18 Guaw dirr Tahpanhes ad jric Egipt jiaxee dnax, hro ix in'ui sewlik ee qiaugno, dirr ix ee diongqanx suah; hitt sii dirr hiax zit oamr; lun qaur jitt xee sniaa, beh u bat hunn ziakamr; ix diongqanx ee jaboxqniaw beh hro langg liac .kir.

19 Guaw beh anxnix simxpnuar Egipt; inx dyrr jaix Guaw si Jehovah."

20 Jap-id nii, Jniax-guec cecid, Jehovah ee ue limqaur guaw, qongw,

21 "Zinjuw ar, Guaw ixqing’ ad jric Egipt Ongg Falaoh ee ciuxqud; byy vaux ix ee siongx, byy qoo iyc, byy jrad vowliauu tangx hro ix u lat giac dyx.

22 Soxiw Jruw Jehovah anxnix qongw: Knuar ar, Guaw qapp Egipt Ongg Falaoh juer duiwdik, beh jiong' ix nng qix ciuxqud, iongw :ee, siurr ad jric :ee, beh juer jit xe ad jric; hro dyx dui' ix ee ciuw qalauc.

23 Guaw beh jiong' Egiptlangg hunsnuar dirr ledqog, siwsnuar dirr ledvangx.

24 Guaw beh hro Babylon Ongg ee ciuxqud u lat, jiong' Guaw ee dyx qaux dirr ix ee ciuw; Guaw beh ad jric Falaoh ee ciuxqud, ix beh dirr ix ee binrjingg hnihnix canx, cincniu sriu sixsiongx ee langg hnihnix canx.

25 Guaw beh huu Babylon Ongg ee ciuxqud; Falaoh ee ciuxqud beh suee .lyc .kir; Guaw jiong' Guaw ee dyx qaux dirr Babylon Ongg ee ciuw; ix beh crunx cud hitt qix dyx dirr Egipt-de; hitt sii inx dyrr jaix Guaw si Jehovah.

26 Guaw beh jiong' Egiptlangg hunsnuar dirr ledqog, siwsnuar dirr ledvangx; inx dyrr jaix Guaw si Jehovah."

31 Jap-id nii, Snax-guec ceid, Jehovah ee ue limqaur guaw, qongw,

2 "Zinjuw ar, liw diyhh duiww Egipt Ongg Falaoh, ixqip ix ee jingwlangg qongw: Liw hiacc duarder, si cincniu jirjui?

3 Knuar ar, Assylia bad juer Lebanon ee vikhniuciu, qi'nguai jin' suiw, imwngw cincniu ciurnaa, ciursinx quandua, qix-buew crunx zip hunn-diongx.

4 Hiaxee juiw ngiuxci ix duarjangg, cim'enx hro ix huad jin' quann; ix hiaxee qanghyy sehlauu dirr jaijingr ix ee soxjai; tiaccex ee juiw, lrauu qaur canhngg ee ciurbak.

5 Soxiw ix quandua vnuaa quer cann nirr ee jiongww ciu; ix ee qix jin' ram; ix ee nguai jin' dngg; in'ui dirr ix huatsnix ee sii u juiw jerje.

6 Kongdiongx ee vuejiauw, longxx dirr qix-dingw jyh siu; can'iaw ee jauxsiur longxx dirr qix-xe snix qniaw; jerje dua qog longxx diamr dirr ix ee imr-xe.

7 Ciu dua, qix dngg, jniaa juer jin' suiw; in'ui qinx suanx dirr dua juiw-vnix.

8 Siongrder ee hngg-lai ee vikhniuciu ziax ix be diyc; cingciu vutqip ix ee qix, vngciu vutqip ix ee nguai, Siongrder hngg-lai jiaxee ciu longxx be viw did ix ee suiw.

9 Guaw hro ix ee qi'nguai borsing, jniaa juer suiw; drir qaur Siongrder hngg-lai Eden itcer ee ciu, longxx uanwdor ix.

10 Soxiw Jruw Jehovah anxnix qongw: In'ui liw quandua, qix-buew crunx zip hunn-diongx, ix ee simx in'ui ix ee quandua laii jurqyx.

11 Anxnix, Guaw beh jiong' ix qaux dirr ledqog diongx u dua sewlik :ee; ix dikkag beh vran ix, in'ui ix ee juerog, Guaw qnuaxdiok ix.

12 Guarvanglangg, dyrr si ledvangx diongx qiongvy :ee, jiong' ix cyr dng, hetqak, ix ee nguai qalauc dirr snuax nirr qapp itcer ee snuaqog diongx; ix ee qix jric dirr hitt soxjai ee hyy-vnix; derjniu ee jiongww vecsnir ixqing’ lyc .kir, lirkuix ix ee imwngw.

13 Kongdiongx ee vuejiauw, longxx beh hiyh dirr jitt xee suevai ee ciu-dingw; can'iaw ee jauxsiur longxx beh druar dirr ix ee ciurqix,

14 Tangx hro juiw-vnix jiaxee ciu, byy in'ui quandua laii jurqyx; iarr byy jiong' qix-buew crunx zip hunn-diongx; qycc hiaxee did diyc juiw zunrdik u sewlik :ee, iarr be did diyc quandua laii kia .kiw .laii; in'ui inx dirr sewqanlangg ee diongqanx, qapp lyc imqanx ee langg, longxx qaux hro sixbyy, qaur cimx cimx ee dere."

15 Jruw Jehovah anxnix qongw, "Ix lyc imqanx ee hitt zit, Guaw hro langg vi'aix; Guaw uirdiyhh ix ziakamr cim'enx, ioksog qanghyy, hro dua juiw byy qycc lauu; Guaw iarr hro Lebanon uirdiyhh ix cnicamw; can'aiw jiaxee ciu longxx in'ui ix hrun .kir.

16 Guaw jiong' ix hed lyc imqanx, qapp lyc knex ee langg snaqab lyc .kir; hitt sii ledqog tniax qnir ix duirlyc ee sniax, dyrr longxx dinxdang; Eden itcer ee ciu, Lebanon did dicy juiw zunrdik, derr id hyw derr id suiw :ee, longxx dirr dere cimx ee soxjai siurr an'uir.

17 Inx iarr qapp ix snaqab lyc imqanx, qaur siurr dyx taii ee langg hiax; inx bad juer ix ee ciuxqud, dirr ledqog diongx kiarkiw dirr ix ee imwngw :ee.

18 Dirr jiaxee ingqngx quandua, dirr Eden jiaxee ciu-diongx, liw cincniu jirjui? Liw beh qapp Eden jiaxee ciu snaqab lyc kir dere cimx ee soxjai; liw beh qapp siurr dyx taii ee langg, dyw dirr byy sriu qatlew ee langg ee diongqanx. Jex dyrr si Falaoh qapp ix ee jiongww vecsnir, jex si Jruw Jehovah qongw :ee."

32 Jap-zi nii, Jabzi-guec ceid, Jehovah ee ue limqaur guaw, qongw,

2 "Zinjuw ar, liw diyhh uirr Egipt Ongg Falaoh juer aiqyx, qra ix qongw: Jiongjingg liw dirr ledqog diongx, cincniu iongw ee sraix; dnaxx liw si cincniu haiw-diongx ee goghii; liw jongg cud liw ee qanghyy, ing kax dinxdang jiaxee juiw, drir qaur qanghyy ee juiw vnir lyy.

3 Jruw Jehovah anxnix qongw: Guaw beh ing jerje qog ee vecsnir, jiong' Guaw ee bxangx pax dirr liw ee dingxbin, inx beh ing Guaw ee bxang, qra liw tuax .cud .laii;

4 Guaw beh qra liw hed dirr de nirr, vangwhe dirr can'iaw, hro kongdiongx ee vuejiauw longxx hiyh dirr liw ee dingxbin; hro venww de ee iaxsiur jiac liw qaur vaw.

5 Guaw beh jiong' liw ee bah hed dirr snuax nirr, ing liw quandua ee sinsix tun muaw snuaqog.

6 Guaw qycc beh ing liw ee huih, quanwag liw soxx siuu ee de; rimx qaur jiaxee snuax; hykauw beh dui' liw laii ciongmauw.

7 Guaw pacbet liw ee sii, beh ziakamr jiaxee tnix, hro jiongww cnxix oamr; ing bat hunn zia'iamw zidtauu, guec iarr byy huad cud qngx.

8 Guaw beh hro tnix ee qngx dirr liw ee dingxbin longxx oamr; qycc hro liw ee de oamr; jex si Jruw Jehovah qongw :ee.

9 Guaw hro liw vairbyy ee hongsniax qaur liw soxx m bad ee dagg qog, hitt sii Guaw beh hro jerje vecsnir ee simx huanlyw.

10 Guaw dirr inx ee binrjingg bruw Guaw ee qiamr ee sii, Guaw beh hro jerje qog ee vecsnir uirdiyhh liw gonggniac, qun'ongg iarr beh uirdiyhh liw dua qniahniaa; dirr liw dyw .lyc .kir ee zit, inx dagg langg uirr qaqi ee sniwmia gniauhgniauc cuah.

11 In'ui Jruw Jehovah anxnix qongw: Babylon Ongg ee dyx beh limqaur liw.

12 Guaw beh ing iongxsu ee dyx hro liw ee jerje langg dyw .lyc .kir. Jiaxee iongxsu longxx si ledqog diongx qiongvy :ee; inx beh hro Egipt ee qiaugno qruix dirr byy, Egipt ee jiongww vecsnir beh siurr jaubet.

13 Guaw beh dui' Egipt jerje juiw-vnix dubet soxu ee jauxsiur, langg ee kax byy qycc pah lyy jitt xee juiw, sriur ee dxee iarr byy qycc dac ix.

14 Hitt sii Guaw beh hro inx ee juiw jercingx, hro inx ee hyy lrauu cincniu iuu; jex si Jruw Jehovah qongw :ee.

15 Guaw hro Egipt-de honghuer lingxjing, jitt xee de juadbyy jiongjingg soxx ciongmuaw :ee; qycc Guaw qongqig qidiongx itceer kiarkiw ee vecsnir; hitt sii inx dyrr jaix Guaw si Jehovah.

16 Jitt xee si aiqyx, langg beh ing jitt xee laii aikaur; ledqog jiaxee jaboxginxaw beh ing anxnix laii aikaur; inx uirdiyhh Egipt qapp ix ee jiongww vecsnir, iarr beh ing jitt xee laii aikaur; jex si Jruw Jehovah qongw :ee."

17 Jap-zi nii, Jabzi-guec jap-go, Jehovah ee ue limqaur guaw, qongw,

18 "Zinjuw ar, liw diyhh in'ui Egipt ee jingwlangg aikaur; qycc diyhh jiong' Egipt qapp u miasniax ee qog jiaxee jaboxginxaw, qapp lyc knex ee langg, juer jit xe hed lyc dere cimx ee soxjai.

19 Liw ee suiw ngiaa quer jirjui ar? Liw diyhh lyc .kir, qapp byy sriu qatlew ee langg snaqab dyw lehh.

20 Inx beh dyw dirr hro dyx taii ee langg ee diongqanx, ix siurr qauhur dirr dyqiamr, diyhh jiong' ix qapp ix ee jingwlangg tuax .kir.

21 Qiongbingw ee iongxsu beh dirr imqanx duiww ix qapp vangjan ix :ee qongxue; inx si byy sriu qatlew, siurr dyx taii ee langg; ixqing’ lyc .kir, dyw lehh byy dinxdang.

22 Assylia qapp ix ee jiongww vecsnir, longxx dirr hiax; ix ee bong dirr ix ee siwuii; inx longxx si siurr taii, dyw dirr dyx-xe :ee.

23 Inx ee bong dirr knex-diongx qik cimx ee soxjai, ix ee jiongww vecsnir dirr ix ee bong ee siwjiuuii, longxx si siurr taii dyw dirr dyx-xe :ee, inx bad dirr uahlangg ee de hro langg qniahniaa.

24 Elam iarr dirr hiax, ix ee jiongww vecsnir dirr ix ee bong ee siwuii, longxx si siurr taii, dyw dirr dyx-xe, byy sriu qatlew lyc kir dere cimx ee soxjai :ee; inx bad dirr uahlangg ee de hro langg qniahniaa, qycc qapp lyc knex ee langg snaqab damdngx lingziok.

25 Inx qra ix qapp ix ee jiongww vecsnir, dirr siurr taii ee langg ee diongqanx anx bincngg; inx ee bong dirr ix ee siwjiuuii; inx longxx si byy sriu qatlew, siurr dyx taii :ee; inx bad dirr uahlangg ee de hro langg qniahniaa, qycc qapp lyc knex ee langg snaqab damdngx lingziok; ix ixqing’ he dirr siurr taii ee langg ee diongqanx.

26 Mesec, Tubal, qapp ix ee jiongww vecsnir longxx dirr hiax, ix ee bong longxx dirr ix ee siwuii, inx longxx si byy sriu qatlew, hro dyx taii :ee; inx bad dirr uahlangg ee de, hro langg qniahniaa.

27 Inx beh did diyc qapp hiaxee byy sriu qatlew dyw lehh ee iongxsu, snaqab dyw lehh; jiaxee iongxsu duar qesix lyc imqanx; taukag kunr dirr dyqiamr, quttauu dingw u inx ee juerog; inx bad dirr uahlangg ee de hro iongxsu qniahniaa.

28 Liw beh vairhuai dirr byy sriu qatlew ee langg ee diongqanx, qapp hiaxee siurr dyx taii ee langg snaqab dyw lehh.

29 Edom iarr dirr hiax, ix hiaxee qok'ongg qapp itcer ee siuxlingw, suizenn u sewlik, iuguann he dirr siurr taii ee langg ee diongqanx; inx beh qapp byy sriu qatlew :ee, ixqip lyc knex ee langg snaqab dyw lehh.

30 Dirr hiax u vakhngx jiongww ongg ee qniaw, qapp itcer Sidonlangg, longxx qapp siurr taii ee langg lyc .kir; inx suizenn u sewlik, hro langg qniahniaa, iuguann sriu qenwsiaur; inx byy sriu qatlew, qapp siurr dyx taii :ee snaqab dyw lehh, qapp lyc knex ee langg snaqab damdngx lingziok.

31 Falaoh qapp ix ee qunvingx longxx hro dyx taii siw; Falaoh knuar .qnir, uirdiyhh ix hiaxee jingwlangg dyrr siurr an'uir; jex si Jruw Jehovah qongw :ee.

32 Guaw hro ix dirr uahlangg ee de, juer tangx qniahniaa; Falaoh qapp ix ee jingwlangg, beh qapp siurr dyx taii ee langg snaqab he dirr byy sriu qatlew ee langg ee diongqanx; jex si Jruw Jehovah qongw :ee."

33 Jehovah ee ue limqaur guaw, qongw,

2 "Zinjuw ar, liw diyhh duiww vunxqog vecsnir qongxue, qra inx qongw: Guaw hro dyqiamr limqaur jit qog ee sii, hitt jit qog ee vecsnir dui' inx diongqanx qingw jit langg setlip ix juer siuxbang :ee;

3 Ix knuar qnir dyqiamr limqaur hitt soxjai, narr vunn sauwqag qingxqair jiongww vecsnir;

4 Qniwnarr tniax qnir sauwqag ee sniax, byy sriu qingxqair :ee, dyqiamr narr laii jaubet ix, ix ee jue beh qruix dirr ix ee taukag dingw.

5 Ix tniax qnir sauwqag ee sniax, byy sriu qingxqair, ix ee jue beh qruix dirr ix vunxsinx; ix narr sriu qingxqair, dyrr e qiur qaqi ee sniwmia.

6 Setsuw siuxbang ee langg knuar qnir dyqiamr qaur, byy vunn sauwqag, drir qaur vecsnir byy siurr qingxqair, dyqiamr laii taii siw inx diongqanx ee jit langg, hitt xee langg suizenn siw dirr ix ee jue, Guaw beh duiww siuxbang ee langg tyw ix sitlyc sniwmia ee jue.

7 Zinjuw ar, Guaw anxnix setlip liw juer Islael-qrex siuxbang ee langg, soxiw liw diyhh tniax Guaw cuir-lai soxx qongw ee ue, ter Guaw qingxqair inx.

8 Guaw duiww pnaiw langg qongw, 'Pnaiw langg ar, liw dikkag e siw'; liw narr byy kuix cuir qingxqair pnaiw langg, hro ix lirkuix soxx qniaa ee lo, jitt xee pnaiw langg beh siw dirr ix ee jue, jongwsirr Guaw beh duiww liw tyw sitlyc sniwmia ee jue.

9 Setsuw liw qingxqair pnaiw langg uat dngw lirkuix soxx qniaa ee lo; ix iuguann m uat dngw lirkuix ix, ix beh siw dirr ix ee jue, liw dyrr e qiur liw ee uahmia.

10 Zinjuw ar, liw diyhh duiww Islael-qrex qongw, 'Linw siongsiongg anxnix qongw: Guanw ee quewsid, guaw ee juerog, dirr guanw ee sinjniu; guanw si in'ui anxnix jiamrjiam siuabyy, taixtyw e uac ar?'

11 Liw diyhh duiww inx qongw, Jruw Jehovah qongw: Guaw qiw Guaw ee ingxuac laii jiuwjua, Guaw duanwduanr byy hnuahiw pnaiw langg sixbyy, dogdok hnuahiw pnaiw langg uat dngw lirkuix soxx qniaa ee lo laii uac; Islael-qrex ar, linw diyhh uat dywdngw, lirkuix pnaiw lo, linw sniaw su beh cruw siw ar?

12 Zinjuw ar, liw diyhh duiww liw ee vecsnir qongw: Girlangg ee gi, dirr ix huanrjue ee zit be e qiur ix; lun qaur pnaiw langg ee pnaiw, dirr ix uat dngw lirkuix ix ee pnaiw soxx qniaa ee zit, iarr be e hro ix vuahdyw; girlangg dirr huanrjue ee zit, iarr be e in'ui ix ee gi laii did diyc uac.

13 Guaw duiww girlangg qongw, 'Ix dikkag uac.' Ix narr uaxkyr ix ee gi laii qniaa pnaiw, dyrr ix soxx qniaa ee gi, longxx byy did diyc qiwliam; ix beh in'ui soxx qniaa ee pnaiw laii siw.

14 Qycc Guaw duiww pnaiw langg qongw, 'Liw dikkag siw.' Ix narr uat dngw lirkuix ix ee jue, qniaa jingwdit qapp habliw ee su;

15 Qycc hingg langg ee dngwtauu qapp soxx cniuw langg ee mic, juntanr uahmia ee ludle, byy qycc juer pnaiw, ix dikkag uac, byy drir qaur siw.

16 Ix soxx huan itcer ee jue, byy qycc qra ix qir .did; ix qniaa jingwdit qapp habliw ee su, dikkag e uac.

17 Liw ee vecsnir iauxx decc qongw, 'Jruw ee lo byy qongvingg.'

18 Girlangg uat dngw lirkuix ix ee gi, laii qniaa pnaiw; dyrr beh in'ui anxnix laii siw.

19 Pnaiw langg uat dngw lirkuix ix ee pnaiw, qniaa jingwdit qapp habliw ee su; dyrr beh in'ui anxnix laii uac.

20 Linw iauxx decc qongw, 'Jruw ee lo byy qongvingg.' Islael-qrex ar, Guaw beh jiauww linw dagg langg soxx qniaa :ee simxpnaur linw."

21 Guanw siurr liac liauxau, jap-zi nii, Jap-guec cego, u jit langg dui' Jelusalem dyjauw qaur guaw jiax; qongw, "Sniaa ixqing’ qrongx puar."

22 Dyjauw ee langg iauxx bue qaur, jingg jit zit ee ehngx, Jehovah ee ciuw he dirr guaw ee sinjniu, kuix guaw ee cuir; qaur qeh jaxkiw, hitt langg laii qaur guaw jiax, guaw ee cuir dyrr kuix, byy qycc exqauw.

23 Jehovah ee ue limqaur guaw, qongw,

24 "Zinjuw ar, diamr dirr Islael honghuer ee de ee langg decc qongw, 'Ablaham dogdok jit langg, u did diyc jitt xee de juer giap; lanw langgiac jin' je, jitt xee de qyckacc si hro lanw juer giap :ee.'

25 Soxiw liw diyhh qra inx qongw, Jruw Jehovah anxnix qongw: Linw jiac iauxx u huih ee bah, qycc giac kiw linw ee bagjiux, giongxbong linw ee gnoxsiong; qycc taii langg lrauu huih, linw iauxx e did diyc jitt xee de juer giap mah?

26 Linw uaxkyr linw ee dyqiamr, qniaa kyxngor ee su; langlangg pah lasamm cuwvnix ee bow; linw iauxx e did diyc jitt xee de juer giap mah?

27 Liw diyhh duiww inx qongw Jruw Jehovah anxnix qongw: Guaw qiw Guaw ee ingxuac laii jiuwjua; dirr pahngx ee soxjai :ee, beh dyw dirr dyx-xe, dirr can'iaw ee diongqanx :ee, Guaw beh qaux inx hro iaxsiur tunjiac; dirr uersow qapp dong-lai :ee, beh siw dirr un'ik.

28 Guaw beh hro jitt xee de lingxjing, hro langg gonggniac; ix in'ui sewlik ee qiaugno iarr beh suah; Islael jiaxee snuax longxx beh lingxjing, byy langg qingquer.

29 Guaw in'ui inx soxx qniaa itcer kyxngor ee su, hro de pahngx; drir qaur langg gonggniac; hitt sii inx dyrr jaix Guaw si Jehovah.

30 Zinjuw ar, Liw ee vecsnir dirr cuwvnix, dirr cur ee mngkauw damlun liw; hniadi duiww hniadi snaqab qongw, 'Laii ar, laii tniax, tniax knuar Jehovah ee ue si qongw simxmih.'

31 Inx laii liw jiax, cincniu vecsnir laii jurhue; jre dirr liw ee binrjingg, cincniu si Guaw ee vecsnir; inx tniax liw ee ue, iarr byy kir qniaa; in'ui inx ee cuir henxcud jerje cin'air, jongwsirr simx si decc zib jnii.

32 Knuar ar, inx knuar liw cincniu gauu jokgak, hyw snia'imx ee langg soxx cniur ee gnaxqyx; inx tniax liw ee ue iarr byy kir qniaa.

33 Knuar ar, soxx qongw ee ue qinw qinw beh jniaa; qaur jniaa ee sii, inx dyrr jaix bad u sendix dirr inx diongqanx."

34 Jehovah ee ue limqaur guaw, qongw,

2 "Zinjuw ar, liw diyhh suantuann qongqig Islael jiaxee bogjiaw; liw diyhh suantuann, duiww inx qongw Jruw Jehovah duiww jiaxee bogjiaw anxnix qongw: Jaieh ar! Islael jiaxee bogjiaw, in'ui inx ngiuxci qaqi; bogjiaw qamxx m ingqaix ngiuxci ngiuu-qrunn mah?

3 Linw jiac ix ee iuu, cing ix ee xmngg, taii ix ee vuii :ee, iarr byy ngiuxci ngiuu-qrunn.

4 Luanxziok :ee, linw byy qor hro ix iongw; puawvni :ee, linw byy qra ix idi; siursiongx :ee, linw byy qra ix vaux; siurr qnuaxdiok :ee, linw byy cua ix dyr .laii, sitlyc :ee, linw byy cue ix; dogdok ing qiongvy, giamgiamm ee quanxhad.

5 In'ui byy bogjiaw, ngiuu dyrr siwsnuar; ixqing’ siwsnuar, dyrr juer itcer iaxsiur ee jiahmic.

6 Guaw ee ngiuu siwqer qniaa dirr jiaxee snuax nirr, dirr dagg xee quann ee snuax-dingw, siwsnuar dirr juann de, byy langg kir duix, byy langg kir cue.

7 Soxiw linw jiaxee bogjiaw diyhh tniax Jehovah ee ue.

8 Jruw Jehovah qongw: Guaw qiw guaw ee ingxuac laii jiuwjua, Guaw ee ngiuu in'ui byy bogjiaw, dyrr jniaa juer siurr cniuw ee mic, ngiuu iarr juer itcer iaxsiur ee jiahmic. Guaw ee bogjiaw byy cue Guaw ee ngiuu; jiaxee bogjiaw in'ui inx ngiuxci qaqi, byy ngiuxic Guaw ee ngiuu;

9 Soxiw linw jiaxee bogjiaw diyhh tniax Jehovah ee ue;

10 Jruw Jehovah anxnix qongw: Guaw qapp bogjiaw juer duiwdik, beh dui' inx ee ciuw duityw Guaw ee ngiuu, hro ix byy qycc gniuxci ngiuu-qrunn; bogjiaw iarr byy qycc ngiuxci qaqi; Guaw beh qiur Guaw ee ngiuu tuatli inx ee cuir, byy qycc juer inx ee jiahmic.

11 In'ui Jruw Jehovah anxnix qongw: Knuar ar, Guaw, Guaw beh vunxsinx cue Guaw ee ngiuu, laii cue diyc ix.

12 Bogjiaw dirr ngiuu-qrunn siwsnuar ee zit, jnaixngiu cue ix ee ngiuu; Guaw iarr beh cincniu anxnix cue Guaw ee ngiuu; jiaxee ngiuu dirr bat hunn ee oamr ee zit, siwsnuar qaur dagg soxjai, Guaw beh dui' hiax qiur inx dyr .laii.

13 Guaw beh dui' ledqog diongx cua inx cud, dui' dagg qog ee lairbin jurjip inx, cua inx dyr laii inx ee vunxsoxjai; iarr beh dirr Islael snuax jiaxee kex-vnix, qingxlai itcer tangx kiarkiw ee soxjai, laii ngiuxci inx.

14 Guaw beh dirr hyw hyw ee cauxdniuu ngiuxci inx, inx ee ngiutauu beh dirr Islael quann xui ee snuax; inx beh dirr hyw hyw ee ngiuu-diauu lai dyw lecc kunr, iarr dirr Islael snuax vuisuiw ee cauxdniuu jiac cauw.

15 Jruw Jehovah qongw: Guaw beh vunxsinx ngiuxci Guaw ee ngiuu, hro inx dyw lecc kunr.

16 Sitlyc :ee Guaw beh cue ix; siurr qnuaxdiok :ee, Guaw beh cua ix dngw .laii; siursiongx :ee, Guaw beh vaux ix; puawvnix :ee, Guaw beh idi ix; dogdok vuii :ee, iongw :ee, Guaw beh dubet ix, iarr beh vingxqongx ngiuxci inx.

17 Guaw ee ngiuu-qrunn ar, lun qaur linw, Jruw Jehovah anxnix qongw: Guaw beh dirr ngiuu qapp ngiuu ee diongqanx, qangx ee mingiuu qapp qangx ee snuangiuu ee diongqanx, qniaa pnuawduanr.

18 Liw dirr hyw hyw ee cauxdniuu jiac cauw, iauxx liac juer siyxkuaw su mah? Cunx ee cauw linw qingxzenn ing kax tunxdac ix? Linw limx cringx ee juiw; cunx :ee, linw qingxzenn ing kax pah lyy ix?

19 Lun qaur Guaw ee ngiuu si jiac linw ing kax dac :ee, limx linw ing kax pah lyy :ee.

20 Soxiw Jruw Jehovah duiww inx anxnix qongw: Knuar ar, Guaw vunxsinx dirr vuii ee ngiuu qapp sanw ee ngiuu ee diongqanx, qniaa pnuawduanr.

21 In'ui linw ing sinkux, ing qingtauu keh inx, ing linw ee qag dag puawvni :ee, drir qaur hro inx siwsnuar dirr guarbin.

22 Soxiw Guaw beh jinxqiur Guaw ee ngiuu-qrunn, byy qycc juer siurr cniuw ee mic; Guaw iarr beh dirr ngiuu qapp ngiuu ee diongqanx qniaa pnuawduanr.

23 Guaw beh setlip jit xee bogjiaw jiauwqor inx, ix beh ngiuxci inx; dyrr si Guaw ee lovok David; ix beh ngiuxci inx, juer inx ee bogjiaw.

24 Guaw Jehovah beh juer inx ee Siongrder; Guaw ee lovok David beh dirr inx ee diongqanx juer siuxlingw; jex siw Guaw Jehovah qongw :ee.

25 Guaw beh qapp inx lip ving'anx ee iog, hro oksiur dui' qingxlai duanrjuat; inx dyrr beh anzenn kiarkiw dirr kongwiaw, kunr dirr ciurnaa lai.

26 Guaw beh hro inx qapp Guaw ee snuax siwuii ee soxjai jniaa juer hokkir ee guantauu; Guaw iarr beh jiauww sii lyc ho, beh u six hokkir ee dua ho.

27 Can'iaw ee ciu beh qed quexjiw; de iarr beh cutsanw; inx beh anzenn kiarkiw dirr vunxsoxjai; Guaw ad jric inx soxx vue ee dnax, qiur inx tuatli hitt xee liac inx juer lojaii ee langg ee ciuw; hitt sii inx dyrr jaix Guaw si Jehovah.

28 Inx byy qycc juer guarvanglangg soxx cniuw ee mic, derjniu ee iaxsiur iarr byy qycc tunjiac inx; si beh anzenn kiarkiw, by langg hro inx qniahniaa.

29 Guaw beh qra inx hingx kiw jit xee hyw jaijingr ee soxjai; inx dirr qingxlai, byy qycc hro qihngx soxx bet; iarr byy qycc sriu diyc guarvanglangg ee lingziok.

30 Inx beh jaix Guaw Jehovah, inx ee Siongrder, si qapp inx dilehh; iarr jaix inx Islael-qrex si Guaw ee vecsnir; jex si Guaw ee ngiuu, si Guaw cauxdniuu ee ngiuu;

31 Linw si langg; Guaw iarr si linw ee Siongrder; jex si Jruw Jehovah qongw :ee."

35 Jehovah ee ue qycc limqaur guaw, qongw,

2 "Zinjuw ar, liw diyhh bin ngr Seir Snuax, suantuann laii qongqig ix.

3 Duiww ix qongw, Jruw Jehovah anxnix qongw: Knuar ar, Seir Snuax ar, Guaw qapp liw juer duiwdik, Guaw beh crunx ciuw qongqig liw; hro liw lingxjing, tangx hro langg gonggniac.

4 Guaw beh hro liw jiaxee sniaa vnir juer pahngx, hro liw lingxjing; liw dyrr jaix Guaw si Jehovah.

5 In'ui liw kngr ingxuanw ee uanwhun; dirr Islael-jok duw diyc jaieh, juerquar qetqiok ee sii, liw jiong' inx qaux hro dyqiamr ee sewlik.

6 Soxiw Jruw Jehovah anxnix qongw: Guaw qiw Guaw ee ingxuac laii jiuwjua, Guaw dikkag hro liw duw diyc lrauu huih ee vywingr; jue dikkag duiqnuaw liw; liw ixqing’ byy uanwhun taii langg lrauu huih, soxiw jitt xee jue dikkag duizib liw.

7 Guaw beh hro Seir Snuax pahngx lingxjing; dui' hiax onglaii ee langg, Guaw beh jenxduu ix.

8 Guaw beh hro ix hiaxee snuax, siurr taii ee langg muaw muaw; hro dyqiamr taii .siw .ee beh dyw dirr liw ee siyw snuax, qapp snuaqog, qapp itcer ee kniqaux.

9 Guaw beh hro liw ingxuaw pahngx, liw jiaxee sniaa dikkag byy langg kiarkiw; dyrr linw dikkag jaix Guaw si Jehovah.

10 In'ui linw qongw, 'Jitt nng qog nng xee derhngx, longxx beh qruix guaw, guanw beh did .diyc'; qisit Jehovah dirr hiax.

11 Soxiw Jruw Jehovah anxnix qongw: Guaw qiw Guaw ee ingxuac laii jiuwjua; Guaw beh jiauww liw ee siurkir, qapp jiauww liw uirdiyhh uanwhun laii qniaa dirr inx ee uanwdor laii kuanxtai liw; dyrr Guaw simxpnuar liw ee sii beh henxbingg qaqi dirr inx diongqanx.

12 Liw dyrr jaix Guaw Jehovah ixqing’ tniax qnir liw qongqig Islael jiaxee snuax soxx qongw ee vongwdok, si qongw, 'Pahngx lar, inx ixqing’ qaux dirr guanw, hro guanw tangx tunx ix.'

13 Qycc linw ing cuir ngr Guaw laii qaqi kuakauw; qetnix linw jiaxee ue laii qongqig Guaw; Guaw tniax .qnir lar.

14 Jruw Jehovah anxnix qongw: Dng' juann de hnuahiw ee sii, Guaw beh hro liw pahngx.

15 Liw in'ui Islael-qrex ee qigiap pahngx, laii hnuahiw; Guaw iarr beh anxnix kuanxtai liw. Seir Snuax ar, liw beh pahngx, ixqip Edom juann de iarr anxnix; inx dyrr jaix Guaw si Jehovah.

36 Zinjuw ar, liw diyhh dui' Islael jiaxee snuax laii suantuann, qongw: Islael jiaxee snuax ar, diyhh tniax Jehovah ee ue.

2 Jruw Jehovah anxnix qongw: In'ui duiwdik qongqig liw qongxx, 'Horjai, qoxjaiw quann ee soxjai longxx hro guanw juer giap lar.'

3 Soxiw liw diyhh suantuann qongxx, Jruw Jehovah anxnix qongw: In'ui inx hro liw pahngx, dirr siwuii tunqa liw; beh hro liw qruix dirr soxx cunx ee guarvanglangg juer giap; iarr hro qau kauxset ee langg girlun liw, hro jiongww vecsnir huixvongr liw;

4 Soxiw Islael jiaxee snuax ar, diyhh tniax Jruw Jehovah ee ue; Jruw Jehovah duiww jiaxee snuax, jiaxee nxiaw, jiaxee kniqaux, jiaxee snuaqog, jiaxee pahngx ee soxjai, siurr kiwsag ee sniaa, hro siwuii soxx cunx ee guarvanglangg cniuxqiab qicir :ee, anxnix qongw;

5 Soxiw Jruw Jehovah anxnix qongw: Guaw sidjai dirr zet zet ee uanwdor, ing ue jikvi ledvangx soxx cunx :ee ixqip Edom ee juann de; in'ui inx hunpair Guaw ee de juer qaqi ee giap; muaxsimx hnuahiw, sinhunn biauxsi; rair qnuaxdiok ix ee vecsnir, laii cniuxqiab ix.

6 Soxiw liw diyhh lun Islael-de laii suantuann; duiww ix jiaxee snuax, jiaxee nxiaw, jiaxee kniqaux, jiaxee snuaqog qongw, Jruw Jehovah anxnix qongw: Knuar ar, Guaw dirr Guaw ee uanwdor, qapp Guaw ee dua siurkir laii qongw, in'ui liw ixqing’ siurr ngirvanglangg ee lingziok;

8 Soxiw Jruw Jehovah quxkiw ciuw, qongw: Dirr linw siwuii ee ngirvanglangg, inx sidjai beh sriu inx ee lingziok.

9 Dogdok linw Islael jiaxee snuax ar, linw dikkag huad cud linw ee qi'nguai, qycc beh qed quexjiw hro Guaw ee vecsnir Islael; in'ui inx qin qin beh qaur lar.

10 Knuar ar, Guaw si uirr linw :ee, Guaw beh uat dngw ngr linw, dyrr linw beh hro langg jingwjyh. Guaw qycc beh qetnix langg dirr linw ee dingxbin, dyrr si Islael qeqex horho, itcer longxx anxnix; dyrr ix jiaxee sniaa beh u langg kiarkiw; pahngx ee soxjai did diyc kixjy.

11 Guaw iarr beh qetnix langg qapp jingxsnix dirr linw ee dingxbin; inx beh snitnuar jin' je; Guaw beh hro linw jiauwqu u langg kiarkiw; qycc beh hyw kuanxtai linw, ngiaa quer kixtauu ee sii; linw dyrr jaix Guaw si Jehovah.

12 Guaw beh hro langg qniaa dirr linw ee dingxbin, dyrr si Guaw ee vecsnir Islael; inx beh did diyc liw, liw beh juer inx ee giap; liw iarr byy qycc hro inx juadsuu.

13 Jruw Jehovah anxnix qongw, 'Liw byy beh qycc tunjiac langg, qycc hro vecsnir juadsuu.'

14 Soxiw Jruw Jehovah anxnix qongw: Liw byy beh qycc tunjiac langg, iarr byy beh qycc hro liw ee qokbinn juadsuu.

15 Guaw byy beh hro liw qycc tniax qnir guarvanglangg ee lingziok, liw iarr byy qycc siurr banrvecsnir ee huixvongr, liw iarr byy hro liw ee qokbinn diyhdag; jex si Jruw Jehovah qongw :ee."

16 Jehovah ee ue qycc limqaur guaw, qongw,

17 "Zinjuw ar, Islael-qrex kiarkiw dirr vunxsoxjai ee sii, ing inx ee soxx qniaa soxx juer, pah lasamm ix; inx ee soxx qniaa dirr Guaw ee binrjingg si cincniu hurzinlangg qingqii qaur ee lasamm.

18 In'ui inx dirr hitt xee soxjai lrauu langg ee huih, qycc in'ui inx ing gnoxsiong pah lasamm ix; soxiw Guaw vniar cud Guaw ee siurkir dirr ix ee dingxbin.

19 Guaw hunsnuar inx dirr ledqog, inx dyrr siwsnuar dirr ledvangx diongx; Guaw dyrr jiauww inx ee soxx qniaa; inx ee soxx juer laii simxpnuar inx.

20 Inx kir qaur inx soxx qaur ee guarvanglangg hiax, setdok Guaw ee sxingr miaa; in'ui langg qiw inx laii qongw, 'Jex si Jehovah ee vecsnir, dui' Ix ee de cud .laii .ee.'

21 Jongwsirr Guaw vyxsiyh Guaw ee sxingr miaa; dyrr si Islael-qrex, dirr inx soxx qaur ee ledqog diongx soxx setdok :ee.

22 Soxiw liw diyhh duiww Islael-qrex qongw, Jruw Jehovah anxnix qongw: Islael ar, Guaw qniaa jitt xee, m si uirdiyhh linw ee enqor, si uirdiyhh Guw ee sxingr miaa ee enqor; dyrr si linw qniaa qaur ee ledqog diongx soxx setdok :ee.

23 Guaw ee duarmiaa siurr setdok dirr ngirvangx diongx, dyrr si linw soxx setdok dirr inx diongqanx :ee; Guaw beh hro ix juer sxingr; qycc Guaw duiww linw henxbingg qaqi juer sxingr dirr inx ee bagjiux jingg; dyrr ngirvanglangg beh jaix Guaw si Jehovah; jex si Jruw Jehovah soxx qongw :ee.

24 Guaw beh duar linw cud ledvangx, dui' ledqog diongx jurjip linw, cua linw zip linw ee vunxsoxjai.

25 Guaw iarr beh ing cringx ee juiw hiur linw, linw dyrr cingkir; Guaw beh sew cringx linw, druu kir linw itcer ee lasamm, qapp linw itcer ee gnoxsiong.

26 Guaw beh ing sinx ee simx sniuxsur linw; iarr beh ing sinn he dirr linw ee lairbin; qycc beh dui' linw ee ziogtew diongx druu kir cincniu jiyc ee simx, sniuxsur linw cincniu bah ee simx.

27 Guaw beh jiong' Guaw ee sinn he dirr linw ee lairbin, hro linw sunrtanr Guaw ee ludle, siuw Guaw ee huatdo laii qniaa ix.

28 Linw beh kiarkiw dirr Guaw soxx sniuxsur linw ee ledjow ee de; linw beh juer Guaw ee vecsnir, Guaw beh juer linw ee Siongrder.

29 Guaw beh qiur linw tuatli linw itcer ee uwuer; iarr beh qiyr gnoxqog hro ix hongsing, byy hro linw duw diyc qihngx.

30 Guaw beh qetnix ciurbak ee quexjiw, ixqip canhngg ee toxsanw; hro linw byy qycc in'ui qihngx siurr guarvanglangg ee lingziok.

31 Hitt sii linw beh qir did linw ee pnaiw soxx qniaa, qapp linw m hyw ee soxx juer; dyrr in'ui linw ee juerquar, qapp kyxngor ee su, dirr qaqi ee binrjingg laii iamwjen qaqi.

32 Jruw Jehovah qongw: Linw diyhh jaix Guaw anxnix qniaa m si uirdiyhh linw ee enqor; Islael-qrex ar, linw diyhh uirr qaqi ee soxx qniaa, laii lauwkuir qenwsiaur.

33 Jruw Jehovah anxnix qongw: Guaw sew cringx linw, druu kir linw itcer juerquar ee zit, beh hro linw ee sniaa u langg kiarkiw, pahngx ee soxjai did diyc kixjy.

34 Jingg quewlo ee langg knuar juer honghuer ee de, dnaxx jitt xee honghuer ee de qycc u langg jingwjyh.

35 Langg beh qongw, 'Jingg juer honghuer ee de, danxx cincniu Eden ee hngg; jitt xee honghuer, lingxjing, huixhuai ee sniaa, dnaxx kiw jin' qenqor, u langg kiarkiw.'

36 Hitt sii dirr linw siwuii soxx cunx ee guarvanglangg, beh jaix Guaw Jehovah kixjy hiaxee dyxhuai ee soxjai, jaivuee honghuer ee de; Guaw Jehovah ixqing’ qongw ix, dikkag jniaa ix.

37 Jruw Jehovah anxnix qongw: Guaw beh hro Islael-qrex uirdiyhh jitt xee su qriuu Guaw, drir qaur Guaw qra inx jniaa; Guaw beh qetnix inx ee langgiac, cincniu ngiuu-qrunn.

38 Cincniu henwjer ee ngiuu-qrunn, dyrr si cincniu Jelusalem siuw jeh ee sii ee ngiuu-qrunn; anxnix, jiaxee pahngx ee sniaa, dikkag u qui' qrunn langg muaw muaw; inx dyrr jaix Guaw si Jehovah."

37 Jehovah ee ciuw he dirr guaw ee sinjniu. Jehovah ing Ix ee sinn cua guaw cud .kir, he guaw dirr snuaqog diongx; hitt xee snuaqog u quttauu muaw muaw.

2 Ix hro guaw dui' quttauu ee siwuii qingquer; knuar ar, dirr snuaqog ee binrjniu u quttauu jin' je, knuar ar, inx jin' qodaa.

3 Ix duiww guaw qongw, "Zinjuw ar, jiaxee qud e uac be?" Guaw rinr qongxx, "Jruw Jehovah ar, Liw jaix ix."

4 Ix qycc duiww guaw qongw, "Liw diyhh duiww jiaxee qud suantuann, laii qra inx qongw: Linw qodaa ee qud ar, diyhh tniax Jehovah ee ue.

5 Jruw Jehovah qra jiaxee qud anxnix qongw, 'Knuar ar, Guaw beh hro uahkir zip linw ee lairbin, linw dyrr beh uac.

6 Guaw beh hro linw ee dingxbin u qinx, qycc hro linw u bah, qycc ing puee qra linw vaux, ing uahkir zip dirr linw, linw dyrr e uac; linw dyrr jaix Guaw si Jehovah.'"

7 Dui' anxnix, guaw tranr bingrling laii suantuann; dng' guaw decc suantuann ee sii, u sniax, hutzenn dedang, jiaxee qud sna' lenhap, dagg qix qruix dngw ix ee vunxui.

8 Guaw qra knuar, knuar qnir qud ee dingxbin u qinx, iarr u bah, qycc u puee vaux dirr ix ee dingxbin; jongwsirr lairbin byy uahkir.

9 Ix dyrr duiww guaw qongw, 'Liw diyhh ngr hongx laii suantuann; zinjuw ar, diyhh suantuann, laii duiww hongx qongw, Jruw Jehovah anxnix qongw: Uahkir ar, dui' hiaxee hongx laii, vunn dirr jiaxee siurr taii :ee, hro inx e uac."

10 Dui' anxnix, guaw jiauww Ix soxx bingrling guaw :ee laii suantuann; uahkir dyrr laii, zip dirr inx; inx dyrr uac, kiw laii kia, jniaa juer qik dua ee qundui.

11 Ix dyrr qra guaw qongw, "Zinjuw ar, jiaxee qud dyrr si Islael ee juann qrex; knuar ar, inx qongw, 'Guanw ee qud longxx qodaa, guanw ee ngwbang longxx sitlyc; guanw itjin jaubet.'

12 Soxiw liw diyhh suantuann, laii duiww inx qongw, Jruw Jehovah anxnix qongw, 'Guaw ee vecsnir ar, knuar ar, Guaw beh kuix linw ee bong, hro linw dui' linw ee bong kiw .laii, cua linw zip Islael-de.

13 Guaw ee vecsnir ar, Guaw kuix linw ee bong, hro linw dui' linw ee bong kiw .laii, linw dyrr jaix Guaw si Jehovah.

14 Guaw beh jiong' Guaw ee sinn he dirr linw ee lairbin, linw dyrr beh uac; Guaw andir linw dirr vunxsoxjai, linw dyrr jaix Guaw Jehovah anxnix qongw, iarr anxnix jniaa; jex si Jehovah qongw :ee.'"

15 Jehovah ee ue qycc limqaur guaw, qongw,

16 "Zinjuw ar, liw diyhh tec jit der cavanw, dirr ix ee dingxbin siaw, 'Uirr Judah qapp ix ee dangpnua Islael-jok.' Qycc tec jit der cavanw, dirr ix ee dingxbin siaw, 'Uirdiyhh Josef, Eflaim qapp ix ee dangpnua Islael juann qrex' ee cavnaw.

17 Liw diyhh hro inx sna' uaw, lenn juer jit der cavanw; dyrr dirr liw ee ciuw-diongx beh jniaa juer jit der.

18 Setsuw liw ee vecsnir mng liw qongxx, 'Liw juer jitt xee simxmih iwsur, liw m jixsi guanw mah?'

19 Liw dyrr diyhh duiww inx qongw, 'Jruw Jehovah anxnix qongw: Knuar ar, Guaw beh tec Eflaim ee ciuw soxx giac Josef ee cavanw, qapp ix ee dangpnua Islael jiaxee jipair; Guaw beh he ix uaw dirr Judah ee cavnaw, hro ix jniaa juer jit der ee cavanw, dyrr ix beh jniaa juer jit der dirr Guaw ee ciuw.

20 Liw soxx siaw hitt nng der cavanw, diyhh dirr inx ee bagjiux jingg, giac dirr liw ee ciuw.

21 Liw diyhh duiww inx qongw, 'Jruw Jehovah anxnix qongw: Knuar ar, Guaw beh cruw Islael-jok dui' inx soxx qaur ee dagg qog cud .laii; qycc dui' siwuii jurjip inx, cua inx dyr laii vunxsoxjai.

22 Guaw beh hro inx dirr hitt xee de, dirr Islael ee snuax, hap juer jit vecsnir; u jit xee ongg juer inx jingwlangg ee ongg; inx byy qycc juer nng vingg ee vecsnir, iarr byy qycc vunx juer nng qog.

23 Iarr byy qycc in'ui gnoxsiong, qapp kyxngor ee mic, ixqip itcer ee juerquar, pah lasamm vunxsinx; Guaw beh qiur inx cud inx itcer kiarkiw ee soxjai, dyrr si inx huanrjue hiax. Guaw beh cingkir inx; anxnix, inx beh juer Guaw ee vecsnir; Guaw beh juer inx ee Siongrder.

24 Guaw ee lovok David beh juer inx ee ongg; inx longxx beh qruix dirr jit xee bogjiaw; inx beh sunrtanr Guaw ee huatdo, siuw Guaw ee ludle laii qniaa.

25 Inx beh kiarkiw dirr Guaw sniuxsur Guaw ee lovok Jakob ee de; dyrr si linw ee ledjow soxx kiarkiw :ee; inx qapp inx ee qniaxsunx, ixqip qniaxqniaw sunsunx, longxx ingxuanw kiarkiw dirr hiax. Guaw ee lovok David beh juer inx ee zinqunx, didqaur ingxuanw.

26 Qycc Guaw beh qapp inx lip ving'anx ee iog, qapp inx juer ingxuanw ee iog; Guaw iarr beh qenwsed inx, hro inx ee langgiac qetnix, qycc dirr inx ee diongqanx setlip Guaw ee sxingr sow didqaur ingxuanw.

27 Guaw kiarkiw ee soxjai beh dirr inx diongqanx; Guaw beh juer inx ee Siongrder, inx beh juer Guaw ee vecsnir.

28 Guaw ee sxingr sow dirr inx diongqanx, didqaur ingxuanw; guarvanglangg dyrr beh jaix Guaw si Jehovah, hro Islael jniaa juer sxingr :ee."

38 Jehovah ee ue limqaur guaw, qongw,

2 "Zinjuw ar, liw diyhh bin ngr Magog-de ee Gog, dyrr si Rlos, Mesec, Tubal ee zinqunx, suantuann laii qongqig ix, qongw, Jruw Jehovah anxnix qongw:

3 Rlos, Mesec, Tubal ee zinqunx Gog ar, knuar ar, Guaw juer liw ee duiwdik;

4 Guaw beh hro liw uat dngw, ing qaux qaux liw ee gejyy, jiong' liw qapp liw ee qunvingx, bexpid, bexvingx, duar .cud .laii, longxx cing jin' suiw ee jenwqah, jniaa juer dua ee qundui, giaa dua, siyw ee dinvaii, dagg xee giac dyqiamr;

5 Persialangg, Kuslangg qapp Libialangg qapp inx laii, dagg xee giaa dinvaii dir taukuex;

6 Gomer qapp ix ee qundui; vakhngx qigtauu ee Togarmah-jok qapp ix ee qundui; qycc u jerje vecsnir qapp liw juewdin.

7 Liw diyhh qaqi virvan, liw qapp jurjip dirr liw hiax ee qundui longxx diyhh virvan, liw diyhh juer inx ee guansuer.

8 Jerje zit au liw beh siurr vanrliw; qaur lorbuew ee nii liw beh laii tuatli dyqiamr, dui' ledqog siuhuee ee de, qaur Islael quw quw pahngx ee snuax. Jongwsirr ix ixqing’ dui' ledqog diongx duar cud, inx longxx beh anxzenn kiarkiw.

9 Liw qapp liw ee qundui, ixqip qapp liw snaqab laii jerje qog ee vecsnir, longxx beh jnriu laii cincniu qongg hongx laii, liw beh cincniu hunn ziakamr de."

10 Jruw Jehovah anxnix qongw: Qaur hitt zit beh u iwsur hingx kiw dirr liw ee simx, liw beh doboo pnaiw ee qewboo; qongw,

11 'Guaw beh jnriu qaur hniusia ee de, qaur jing jing anzenn kiarkiw ee vecsnir haix, inx soxx kiarkiw :ee longxx byy sniacniuu, iarr byy mngg byy cnuar;

12 Tangx cniuw soxx beh cniuw :ee, qapp soxx beh qiab :ee, uat dngw liw ee ciuw, qongqig hiaxee jingg pahngx dnaxx u langg kiarkiw ee de, ixqip hitt xee kiarkiw sewqair ee diongsimdiamw, dui' ledqog jurjip, did diyc jingsnix huewjaii ee vecsnir.'

13 Sebalangg, Dedanlangg, Tarsis ee singlixlangg, qapp inx diongqanx iongw ee sraix, longxx beh duiww liw qongw, 'Liw laii si beh cniuw soxx cniuw :ee mah? Liw jurjip liw ee qundui si beh qiab soxx qiab :ee mah? Beh tec qimginn, duar jingsnix huewjaii kir mah? Beh dua dua cniuw soxx cniuw :ee mah?'

14 Zinjuw ar, liw diyhh in'ui anxnix suantuann, duiww Gog qongw, Jruw Jehovah anxnix qongw: Dng' Guaw ee vecsnir Islael anzenn kiarkiw ee zit, liw qamxx byy did diyc jaix mah?

15 Liw beh dui' liw ee vunxsoxjai, dui' vakhngx ee qigtauu laii, liw qapp jerje qog ee vecsnir snaqab laii, longxx si kiaa bew, juer dua din, jerje ee qundui.

16 Liw beh jnriu laii qongqig Guaw ee vecsnir Islael, cincniu bat hunn ziakamr de; dirr lorbuew ee zit Guaw beh cua liw laii qongqig Guaw ee de, Gog ar, qaur Guaw dirr ledvangx ee binrjingg, dirr liw ee sinjniu henxbingg juer sxingr ee sii, tangx hro inx bad Guaw.

17 Jruw Jehovah anxnix qongw: Guaw dirr jaxsii, ing Guaw ee lovok, Islael ee sendix soxx qongw :ee, dyrr si liw mah? Dng' hiaxee zit inx lignii camwgiw Guaw beh cua liw laii qongqig inx."

18 Jruw Jehovah qongw, "Gog jnriu laii qongqig Islael-de ee zit, Guaw ee siurkir beh dui' Guaw ee pnirkangx cud.

19 In'ui Guaw ee uanwdor qapp dua siurkir cincniu huew, dyrr qongw: Hitt zit dirr Islael-de dikkag u dua dinxdang;

20 Simrjiww haiw-diongx ee hii, kongdiongx ee vuejiauw, can'iaw ee sriur, ixqip derjniu itcer decc syy ee tangtua, qapp derbinrjniu ee jingwlangg, dirr Guaw ee binrjingg longxx beh dinxdang, snuaniaw beh vanglic, snuakamr beh dyxhuai, cniuviah longxx beh dyw .lyc .kir."

21 Jruw Jehovah qongw, "Guaw beh bingrling Guaw jiaxee snuax huad cud dyqiamr laii qongqig Gog; dagg langg laii qongqig Gog; dagg langg beh ing ix ee dyqiamr taii ix ee hniadi.

22 Guaw beh ing un'ik qapp lrauu huih laii vran ix; Guaw iarr beh ing dua ho, dua pauc, qapp huew, qapp ziungg, qangr lyc hro ix qapp ix ee qundui, ixqip qapp ix ee jiongww vecsnir.

23 Guaw beh henxbingg qaqi juer dua, henxbingg qaqi juer sxingr, iarr beh henxbingg dirr jerje qog langg ee binrjingg; inx dyrr jaix Guaw dyrr si Jehovah.

39 Zinjuw ar, liw diyhh ngr Gog laii suantuann, qongqig ix qongxx, Jruw Jehovah anxnix qongw: Rlos, Mesec, Tubal ee zinqunx Gog ar, Guaw qapp liw juer duiwdik;

2 Guaw beh hro liw uat dngw, beh cua liw jingwjingg, hro liw dui' vakhngx ee qigtauu laii, duar liw qaur Islael ee snuax;

3 Guaw beh dui' liw ee dyr ciuw pah qalauc liw ee qringx, dui' liw ee jniar ciuw pah lag liw ee jnxir.

4 Liw qapp liw ee qundui ixqip qapp liw laii ee ledqoklangg beh dyw dirr Islael ee snuax; Guaw beh jiong' liw hro dagg ngiu ee ingjiauw qapp can'iaw ee iaxsiur juer jiahmic.

5 Liw beh dyw dirr can'iaw; in'ui Guaw bad qongw ix; jex si Jruw Jehovah qongw :ee.

6 Guaw iarr beh qangr lyc huew dirr Magog qapp haixsu anzenn kiarkiw ee langg ee sinjniu; inx dyrr jaix Guaw dyrr si Jehovah.

7 Guaw beh dirr Guaw ee vecsnir Islael diongx henxcud Guaw ee sxingr miaa, iarr byy iong'unw Guaw ee sxingr miaa qycc siurr setdok; ledqoklangg dyrr jaix Guaw dyrr si Jehovah, Islael diongx ee Sxingr :ee.

8 Jruw Jehovah qongw: Knuar ar, dairjir laii lar iarr beh jniaa ix; jex si Guaw soxx qongw ee zit.

9 Kiarkiw dirr Islael Sniaa ee langg beh cud .kir, kiw huew siyx ix ee qesix, dyrr si dua, ser ee dinvaii, qingjnir, tuii-aw, qapp cniux, longxx beh ing inx laii hniaa huew ligquer cid nii quw;

10 Simrjiww inx byy beh dui' can'iaw kiyh caa, iarr byy beh dui' ciurnaa cyr ciu; in'ui inx beh ing qesix hniaa huew; qycc beh cniuw hiaxee cniuw inx ee langg, qiab hiaxee qiab inx ee langg; jex dyrr si Jruw Jehovah qongw :ee.

11 Dng' hitt zit, Guaw beh jiong' Islael-de, haiw ee dangsir, langg soxx qingquer ee snuaqog, sniuxsur Gog juer tiongxde joxdongr qingquer ee langg ee lo; dirr hiax langg beh baijongr Gog qapp ix ee jingwlangg; beh cxingx hit soxjai juer Hamon Gog ee snuaqog.

12 Islael-qrex beh baijongr inx ligquer cid guehzit ee quw, hro hitt xee de cingkir.

13 Tong' qog ee vecsnir beh baijongr inx; dng' Guaw did diyc ingqngx ee zit, jitt xee su beh hro inx did diyc miasniax; jex si Jruw Jehovah qongw :ee.

14 Inx beh pair langg siongsiongg sunjax venww de; qapp qingquer ee langg snaqab jongr hiaxee cunx dirr hiaxee sinsix, tangx cingkir hitt xee derhngx; qaur cid guehzit muaw, inx beh qycc siwqer cue.

15 Sunjax venww de ee langg beh qingquer; narr u langg knuar qnir langg ee quthaii, dyrr dirr hiax lip jit xee qiwhy, tingwhau baijongr ee langg baijongr ix dirr Hamon, Gog ee snuaqog.

16 Iarr beh u jit xee sniaa, miaa qiyr Hamonah. Inx beh anxnix cingkir hitt xee de.

17 Zinjuw ar, Jruw Jehovah anxnix qongw: Liw diyhh duiww dagg ngiu ee vuejiauw ixqip can'iaw ee iaxsiur qongw: Linw diyhh jurjip juewdin laii; diyhh dui' siwhngx jurjip qaur Guaw uirdiyhh linw soxx henr ee jrer, dyrr si Islael snuax ee dua jrer, hro linw tangx jiac bah limx huih.

18 Linw beh jiac iongxsu ee bah, limx derjniu siuxlingw ee huih, qangx ee mingiuu, ngiuu-aw, qangx ee snuangiuu, qangx ee guu, longxx si Basan vuii ee jingsnix.

19 Linw jiac Guaw uirdiyhh linw soxx henr ee jrer, beh jiac iuu qaur vaw, limx huih qaur juir.

20 Linw beh dirr Guaw ee dyh jiac bexpid qapp jre ciax :ee, qapp iongxsu qapp itcer ee jenwsu qaur vaw vaw; jex si Jruw Jehovah qongw :ee.

21 Guaw beh henxbingg Guaw ee ingqngx dirr ledqog diongx, ledqog iarr beh knuar qnir Guaw soxx qniaa ee simxpnuar, qapp Guaw soxx he dirr inx sinjniu ee ciuw.

22 Anxnix dui' hitt zit ixau Islael-qrex beh jaix Guaw si Jehovah, inx ee Siongrder.

23 Ledqog iarr beh jaix Islael-qrex siurr liac si in'ui inx ee juerquar; inx dikjue Guaw, Guaw duiww inx ngx Guaw ee bin; jiong' inx qaux dirr inx ee duiwdik ee ciuw; inx dyrr longxx dyw dirr dyx-xe.

24 Guaw jiauww inx ee uwuer, jiauww inx ee quewsid kuanxtai inx; duiww inx ngx Guaw ee bin."

25 Soxiw Jruw Jehovah anxnix qongw, "Guaw beh hro Jakob siurr liac ee langg dyr .laii; iarr beh linbinw Islael juann qrex;

26 Iarr beh uirdiyhh Guaw ee sxingr miaa zedsimx.

27 Inx dirr vunxsoxjai anzenn kiarkiw, byy langg hro inx qniax, dirr Guaw jiong' inx dui' ledqog diongx cua .dyr .laii, dui' duiwdik ee de jurjip laii. Guaw dirr ledqog ee binrjingg, dirr inx sinjniu henxbingg juer sxingr ee sii, inx beh damdngx inx ee qenwsiaur qapp inx qanhuan Guaw itcer ee jue.

28 Guaw hro inx siurr liac dirr ledvangx, qycc jurjip inx dyr laii vunxsoxjai, byy lauu jit langg dirr hiax, inx dyrr jaix Guaw si inx ee Siongrder Jehovah.

29 Guaw iarr byy qycc duiww inx ngx Guaw ee bin; in'ui Guaw ixqing’ jiong' Guaw ee sinn qangr lyc dirr Islael-qrex; jex si Jruw Jehovah qongw :ee."

40 Guanw siurr liac ee zi-jap-go nii, dirr nii-tauu, guec ee cejap, jit sniaa puar liauxau derr jap-sir nii, duxduxx hitt zit Jehovah ee ciuw he dirr guaw ee sinjniu, cua guaw qaur hiax.

2 Siongrder ee ngirsiong duar guaw qaur Islael-de, andir guaw dirr jin' quann ee snuax, snaux-dingw ee lamvingg u cincniu kixjy ee sniaa.

3 Ix cua guaw qaur hiax; knuar ar, u jit langg kuanxsid cincniu dangg ee kuanxsid, ciuw tec muasyh, qapp cikliongg ee qyciyh, kia dirr mngkauw.

4 Hitt xee langg duiww guaw qongw, "Zinjuw ar, qniww guaw soxx hro liw knuar :ee, liw diyhh ing liw ee bagjiux knuar, ing liw ee hnirkangx tniax, iarr diyhh ing liw ee simx qir diauu; in'ui liw siurr duar laii jiax diaudii uirdiyhh beh hro liw knuar jiaxee su; qniww liw soxx knuar .qnir .ee, liw longxx diyhh qra Islael-qrex qongw."

5 Knuar ar, cur ee guarbin siwuii u cniuu, hitt langg ee ciuw tec cikliongg ee qyciyh, dngg lak dxng, muixx dxng si jit dxng qycc jit vajniuw; ix dyrr nriuu cniuu qau jit qyciyh, quann jit qyciyh.

6 Ix dyrr qaur ngr dangx ee mngg, jnriu ix eee kia-aw; nriuu mngg ee hording, kuah jit qyciyh; qycc jit xee hording, kuah iarr jit qyciyh.

7 Qycc siruervangg, dagg qingx dngg jit qyciyh, kuah jit qyciyh; sna' li go dxng; mngg ee hording, dyrr si uaw qin ngr cur ee mngg ee lingxlongg, kuah jit qyciyh.

8 Ix iarr nriuu ngr cur ee mngg ee lingxlongg, kuah jit qyciyh.

9 Qycc nriuu mngg ee lrongg, kuah veh dxng; ix ee tiau nng dxng; hitt xee mngg ee lingxlongg si ngr cur.

10 Dangsir ee mngg u siruervangg, jitt vingg snax qingx, hitt vingg snax qingx, longxx qangg jit ngiu ee cunwciyh; jitt vingg ee tiau qapp hitt vingg ee tiau iarr si jidngiu ee cunwciyh.

11 Ix nriuu mngkauw, kuah jap dxng, mngg ee dngg jap-snax dxng.

12 Siruervingg taujingg ee qaiwsnuar, jitt vingg jit dxng, hitt vingg iarr u qaiwsnuar, jit dxng; siruervangg jitt vingg lak dxng, hitt vingg lak dxng.

13 Qycc nriuu mngg dui' jitt xee siruervangg ee cur-dingw qaur hitt xee siruervnagg ee cur-dingw, kuah zi-jap-go dxng; mngg qapp mngg sna' duir.

14 Qycc juer hiaxee tiau lak-jap dxng; u ngi ing tiau juer qaiwsnuar, dirr mngg ee siwuii.

15 Dui' zip mngg ee taujingg qaur lairbin mngg ee lingxlongg ee taujingg, qiong go-jap dxng.

16 Jiaxee siruervangg qapp mngg-lai siwuii ee tiau, ixqip inx ee lingxlongg, longxx u qnuaix bat ee txangx; qycc siwuii u txangx ngr lairbin; dagg qix tiau ee dingxbin u jangciu.

17 Ix cua guaw zip guarngi; knuar ar, u vangqingx, qycc dirr ngi ee siwuii u pox jiyc ee de; pojiyhde ee dingxbin u vangg snax-jap qingx.

18 Pox jiyc ee de si dirr hiaxee mngg ee sinvnix, qapp hiaxee mngg vnii dngg; jex si erbinx pox jiyc ee de.

19 Ix dui' erbin mngg ee taujingg nriuu qaur lairngi taujingg ee guarbin, kuah jit-vah dxng; dangbin vakbin longxx si anxnix.

20 Guarngi ngr vag ee mngg, ix nriuu ix ee dngg, kuah.

21 Ix ee siruervangg jitt vingg snax qingx, hitt vingg snax qingx; ix ee tiau, ix ee lingxlongg, longxx jiauww tauu jit xee mngg ee van; dngg go-jap dxng, kuah zi-jap-go dxng.

22 Ix ee txangx, ix ee lingxlongg qapp ix ee cangciu, longxx si jiauww ngr dangx ee mngg; langg dui' cid janr ee qia'aw jnriu qaur hiax; taujingg u hiaxee lrongg.

23 Lairngi u mngg qapp dangsir ee mngg, vaksir ee mngg sna' duir; ix dui' mngg qaur mngg nriuu ix, jit-vah dxng.

24 Ix cua guaw ngr lamsir kir; knuar ar, u mngg ngw lamm; qycc jiauww jingg ee cunwciyh nriuu ix ee tiau qapp ix ee lingxlongg.

25 Ix ee lairbin qapp ix lingxlongg siwuii longxx u txangx, qapp jingg soxx nriuu ee txangx qangg jidngiu; dngg go-jap dxng, kuah zi-jap-go dxng.

26 U cid janr kia-aw tangx jnriu qaur hiax; taujingg u hiaxee lingxlongg; tiau-dingw u jangciu, jitt vingg jit jangg, hitt vingg jit jangg.

27 Lairngi u mngg ngr lamm; dui' mngg qaur mngg ix ngr lamm nriuu ix jit-vah dxng.

28 Ix cua guaw dui' lammngg qaur lairngi, dyrr jiauww jingg ee cunwciyh nriuu lammngg;

29 Ix ee vangg, ix ee tiau, ix ee lingxlongg, longxx jiauww jingg ee cunwciyh; ix ee lairbin qapp ix lingxlongg siwuii longg u txangx; dngg go-jap dxng, kuah zi-jap-go dxng.

30 Jiuuii u lingxlongg, dngg zi-jap-go dxng, kuah go dxng.

31 Ix ee lrongg ngr guarngi, tiau-dingw u jangciu, jnriu veh janr qia-aw qaur hiax.

32 Ix cua guaw qaur lairngi, ngr dangx; ix nriuu hitt xee mngg, jiauww jingg ee cunwciyh.

33 Ix ee vangg, ix ee tiau, ix ee lingxlongg, longxx jiauww jingg ee cunwciyh; ix ee lairbin, qapp ix lingxlongg siwuii longxx u txangx, dngg go-jap dxng, kuah zi-jap-go dxng.

34 Ix ee lrongg ngr guarngi, tiau-dingw dirr jitt vingg hitt vingg u jangciu, jnriu veh janr qia-aw qaur hiax.

35 Ix qycc cua guaw qaur vakmngg, nriuu ix jiauww jingg ee cunwciyh.

36 Qycc nriuu ix ee vangg, ix ee tiau, ix ee lingxlongg; lairbin siwuii longxx u txangx, ix ee dngg go-jap dxng, kuah zi-jap-go dxng.

37 Ix ee tiau ngr guarngi, tiau-dingw dirr jitt vingg hitt vingg u jangciu; jnriu veh janr qia-aw qaur hiax.

38 Mngg ee tiau-vnix u vangg, qapp ix ee mngg; dirr hiax sew siyjer ee singlew;

39 Dirr mnglongg ee lairbin, jitt vingg u nng der dyh, hitt vingg u nng der dyh; dirr hitt dingxbin tangx laii taii siyjer, siogjuerjer, vow quewsid ee jrer ee singlew.

40 Jnriu qaur ngr vag ee mngkauw, jitt vingg ee guarbin u nng der dyh, mnglongg hitt vingg iarr u nng der dyh.

41 Dirr mngg-vnix jitt vingg u sir der dyh, hitt vingg u sir der dyh, qiong veh der; dirr hitt dingbin taii singlew.

42 Uirdiyhh siyjer ee loring ee sir der dyh, si jiyc pah :ee, dngg dxng vnuar, kuah dxng vnuar, quann jit dxng; taii siyjer qapp jiaxee jrer, soxx ing ee kiwqu he dirr hitt dingxbin.

43 U qaux, kuah jit vajniuw, dingr diauu dirr lairbin ee siwuii; dyh-dingw u jewbah.

44 Lairmngg ee guarbin, vakmngg vnix ee lairngi, u vangqingx; uirdiyhh cniuwquax ee langg laii sed; hiaxee vangqingx ngr lamm, dangmngg vnix iarr u jit qingx ngr vag.

45 Ix qra guaw qongw, "Jitt qingx ngr lamm ee vangg si hro damdngx qor cur ee jewsix ing :ee.

46 Hitt qingx ngr lamm ee vangg si hro damdngx qor dnxuaa ee jewsix ing; jiaxee si Levi-jok diongx Zadok ee qniaxsunx, jiurqin Jehovah laii hogsai :ee."

47 Ix qycc nriuu hitt xee ngi, dngg jit-vah dxng, kuah jit-vah dxng; si suwhongx :ee; dnxuaa si dirr cur-jingg.

48 Ix cua guaw qaur cur-dingw ee lingxlongg, nriuu lingxlongg ee dagg qix tiau, jitt vingg go dxng, hitt vingg go dxng. Mngg ee kuah, jitt vingg snax dxng, hitt vingg snax dxng.

49 Lingxlongg dngg zi-jap dxng, kuah jap-id dxng; u langg vreh jnriu ee qia-aw; hiaxee tiau-vnix, qycc u ser qix tiau; jitt vingg jit qix, hitt vingg jit qix.

41 Ix qycc cua guaw qaur dxen hiax, nriuu hiaxee tiau; jitt bin kuah lak dxng, hitt bin kuah lak dxng; kuah, ec qapp vowvnii snadangg.

2 Mngkauw kuah jap dxng; mngg ee siangvingvnix, jitt vingg go dxng, hitt vingg go dxng, ix nriuu ix ee dngg sir-jap dxng, kuah zi-jap dxng.

3 Ix qaur lairbin, nriuu mngkauw ee tiau, nng dxng; mngkauw lak dxng, mngkauw ee kuah cid dxng.

4 Ix nriuu ix ee dngg zi-jap dxng, kuah zi-jap dxng, dirr dxen ee jingbin; ix duiww guaw qongw, "Jex si jiww sxingr sow."

5 Ix nriuu cur ee cniuu lak dxng, cur siwjiuuii ee vnivangg, qokk kuah sir dxng.

6 Vnivangg u snax janr, jitt janr tac dirr hitt janr ee dingxbin, dagg janr u snax-jap qingx; jitt xee cur lingrgua u jit pnxir cniuu, juer siwuii vnivangg ee loring, hro ix ee ngi'aw tangx kuar dirr hiax, benw did kuar dirr cur ee cniuu.

7 Jiaxee siwuii ee vnivangg, naxx quann naxx kuah; in'ui cur ee uii dirr cur ee siwbin naxx quann, soxiw cur ee kuah diddit qaur dingw janr, dui' e janr qaur dingw janr, diyhh dui' diongx janr jnriu .kir.

8 Guaw qycc knuar qnir cur ee siwuii u quann ee gximm; vnivangg ee derqix, quann jiog jiog jit qyciyh, dyrr si lak dua dxng.

9 Vnivangg guarbin ee cniuu, qau go dxng; soxx cunx ee de dyrr si cur ee vnivangg ee soxjai.

10 Siwbin uii cur hiaxee vangqingx, sna' li zi-jap dxng ee kuah.

11 Vnivangg ee mngg longxx ngr soxx cunx ee de; jit xee mng ngr vag, jit xee mngg ngr lamm; siwuii soxx cunx ee de, longxx kuah go dxng.

12 Dirr saivingg lingrgua qeh kuix ee de taujingg ee cuwtec kuah cid-jap dxng; ix ee cniuu siwuii qau go dxng, dngg qauw-jap dxng.

13 Anxnix, ix nriuu cur, dngg jit-vah dxng; iarr nriuu qeh kuix ee soxjai, qapp soxx kixjy :ee, qapp ix ee cniuu, qiong dngg jit-vah dxng.

14 Cur ee jingbin, qapp ngr dangx qeh kuix ee de, kuah jit-vah dxng.

15 Ix nriuu aurbin qeh kuix ee de taujingg ee cuwtec, ixqip jitt vingg hitt vingg lxauu ee lrongg, dngg jit-vah dxng; qycc nriuu lairden, qapp ngi ee lrongg.

16 Ix ee hording, ix ee qnuaix bat ee txangx-aw, ix ee siwuii snax janr ee lxauu ee lrongg; dirr hording ee duiwbin, siwuii ee cniuu longxx ngaw cavanw; dui' tokax qaur txangx-aw, (txangx-aw longxx u ziakamr),

17 Didqaur mngg ee dingxbin, dyrr si qaur lairbin ee cur qapp guarbin, lairgua siwuii ee cniuviah, longxx jiauww cunwciyh.

18 U kig qilorvingx qapp jangciu, nng xee qilorvingx ee diongqanx u jit jangg ee jangciu; qilorvingx dagg xee u nng xee bin;

19 Jitt vingg u langg ee bin, ngr jangciu, hitt vingg u sraix ee bin, ngr jangciu; cur-lai siwuii longxx si anxnix.

20 Dui' tokax qaur mngg-dingw, longxx u kig qilorvingx qapp jangciu;

21 Dxen ee mngkia si suwhongx :ee; jiww sxingr sow ee jingbin, kuanxsid cincniu dxen ee kuanxsid.

22 Dnxuaa si caa jyr :ee, quann snax dxng, dngg nng dxng, ix ee qag, ix ee jxy, qapp ix ee siwvnix longxx si caa jyr :ee; ix duiww guaw qongw, "Jex si Jehovah binrjingg ee dyh."

23 Dxen qapp jiww sxingr sow u nng xee mngg.

24 Dagg xee mngg u nng snir, jitt xee mngg nng snir, hitt xee mngg iarr nng snir.

25 Dxen ee mngg-dingw u kig qilorvingx qapp jangciu, qapp kig dirr cniuu-dingw :ee jidngiu; dirr guarbin lrongg ee taujingg u qau ee cavanw.

26 Lrongg ee vnitauu, jitt vingg hitt vingg, longxx u qnuaix bat ee txangx-aw qapp jangciu; cur ee vnivangg, qapp qau ee cavanw, longxx si anxnix.

42 Ix cua guaw cud laii qaur guarngi; qycc cua guaw zip lingrgua qeh kuix ee de sna' duiwbin ee vangg; hitt qingx vangg ngr vag, dirr cuwtec ee duiwbin.

2 Dirr jit-vah dxng dngg, go-jap dxng kuah ee taujingg, u vag mngg.

3 Sriok lairngi zi-jap dxng ee duiwbin, qycc sriok guarngi pox-jiyc-de ee duiwbin, u lxauu ee lrongg duiww lxauu ee lrongg, snax janr.

4 Dirr hiaxee vangg ee taujingg u jit diauu lo, kuah jap dxng, ngr lairbin jit-vah dxng ee lo; inx ee mngg longxx ngr vag.

5 Dingw janr ee vangg kacc ec, in'ui hro lxauu ee lrongg jiamr ix ee de; viw diongx janr, xe janr, jiamr kacc je.

6 In'ui ix u snax janr, jongwsirr byy tiau, cincniu hiaxee ngi ee tiau; soxiw ix ee dingw janr viw dervnii ee xe janr, diongx janr kacc ec.

7 Qycc dirr guarbin ee vangg ee vnitauu, ngr hitt xee vangg ee taujingg ee guarngi, dngg go-jap dxng.

8 In'ui guarngi jiaxee vangg, dngg go-jap dxng; knuar ar, dxen ee taujingg, u jit-vah dxng.

9 Dirr vangg ee erbin, dui' dangvingg u zip .kir ee soxjai; dyrr si langg dui' guarngi e zip kir hiax.

10 Ngr lamm dirr ngi ee cniuu ee kuah, dirr qeh kuix ee soxjai duiwbin, iarr dirr cuwtec ee duiwbin, u hiaxee vangg;

11 Ix ee taujingg u lo, inx cincniu ngr vag ee vangg ee kuanxsid; dngg, kuah longg snadangg; cutzip ee soxjai, longxx jiauww inx ee kuanxsid, iarr jiauww inx ee mngg.

12 Jiauww ngr lamm hiaxee vangg ee mngg, dirr lo ee tauu u mngg, dyrr si dangsir ee cniuu binrjingg ee lo, dirr zip .kir ee soxjai.

13 Ix qra guaw qongw, "Qeh kuix ee soxjai ee taujingg, jiaxee vaksir ee vangg, lamsir ee vangg, longxx si sxingr ee vangg; cinqin Jehovah ee jewsix beh dirr hiax jiac jiww sxingr ee mic; iarr ing jiww sxingr ee mic, dyrr si sowjer, siogjuerjer, vow quewsid ee jrer, he dirr hitt soxjai, in'ui jitt soxjai si sxingr.

14 Jewsix zip .kir ee sii, dyrr m tangx dui' sxingr sow cud laii qaur guarngi; diyhh dirr hiax vangwhe inx qniaa jithun ee sii soxx cing ee snxax; in'ui hex si sxingr; diyhh ngua inx ee snxax, jiacc tangx qaur sriok dirr vecsnir :ee.

15 Ix nriuu laircur bingvik, dyrr cua guaw cud ngr dangx ee mngg, nriuu ix ee siwuii.

16 Ix ing qyciyh nriuu danghngx, dyrr si ing qyciyh nriuu ix ee siwuii, go-vah qyciyh.

17 Ix ing qyciyh nriuu vakhngx, nriuu ix ee siwuii, go-vah qyciyh.

18 Ix ing qyciyh nriuu lamhngx go-vah qyciyh.

19 Ix uat qaur saihngx ing qyciyh nriuu ix, go-vah qyciyh.

20 Ix nriuu ix ee siwhngx, siwuii u cniuu, dngg go-vah, kuah go-vah, laii hunvet sxingr :ee qapp vingsiongg :ee.

43 Au .laii ix cua guaw qaur jit xee mngg, dyrr si ngr dangx ee mngg.

2 Knuar ar, Islael Siongrder ee ingqngx dui' dangsir laii; Ix ee sniax cincniu jerje juiw ee sniax; de dyrr in'ui Ix ee ing'iau laii huad cud qngx.

3 Ix ee kuanxsid si cincniu guaw soxx knuar .qnir ee kuanxsid, dyrr si guaw jingg laii beh bet sniaa ee sii soxx knuar .qnir ee kuanxsid; hitt xee ngirsiong iarr cincniu guaw dirr Qebar Hyy-vnix soxx knuar .qnir ee ngirsiong; guaw dyrr pag lyc de.

4 Jehovah ee ingqngx dui' ngr dangx ee mngg zip dirr dxen-lai.

5 Dui' anxnix sinn dyrr quxkiw guaw, duar guaw zip lairngi; knuar ar, Jehovah ee ingqngx ciongmuaw dxen-lai.

6 Guaw tniax qnir u jit ngiu dui' dxen-lai ngr guaw qongxue; u jit langg kia dirr guaw ee sinvnix.

7 Ix duiww guaw qongw, "Zinjuw ar, jex si Guaw vyxjy ee soxjai, si Guaw kajniuw soxx dac ee de, Guaw beh dirr jiax diamr dirr Islaellangg ee diongqanx qaur ingxuanw. Islael-qrex qapp inx ee qun'ongg byy beh qycc ing ix ee imhing ixqip inx ee qun'ongg ee sinsix dirr quann ee soxjai laii pah lasamm Guaw ee sxingr miaa;

8 Inx he inx ee mngding qinruaw Guaw ee mngding, inx ee mngkia qinruaw Guaw ee mngkia; inx qapp Guaw ee diongqanx vutqyr qeh jit jua cniuu; qycc ing inx soxx qniaa kyxngor ee su pah lasamm Guaw ee sxingr miaa; soxiw Guaw siurkir laii bet inx.

9 Dnaxx inx diyhh dui' Guaw ee binrjingg druu kir inx ee imhing qapp qun'ongg ee sinsix lirkuix hng hng, Guaw dyrr diamr dirr inx ee diongqanx qaur ingxuanw.

10 Zinjuw ar, liw diyhh jiong' jitt xee dxen jixsi Islael-qrex, hro inx in'ui qaqi ee juerquar laii qenwsiaur; inx iarr diyhh nriuu dxen ee quiboo.

11 Inx narr uirdiyhh qaqi itcer soxx qniaa ee su laii qenwsiaur, liw diyhh jixsi inx jitt xee dxen ee boo qapp ix ee kuanxsid, ix cud ee soxjai, ix zip ee soxjai, qapp ix itcer ee quiboo, ix itcer ee huatdo, longxx siaw dirr inx ee bagjiux jingg; hro inx siuw itcer ee quiboo, itcer ee lexgii laii qniaa ix.

12 Dxen ee huatdo dyrr si anxnix, dirr snuax-dingw siwuii ee qaiwsnuar lai longxx juer jiww sxingr. Knuar ar, jex dyrr si dxen ee huatdo."

13 Ixha si dnxuaa ee niusor, si ing dxng nriuu ix; (jit xee dxng si jit dxng qycc qex jit vajniuw); dnxuaa-dew jit dxng, kuah jit dxng, siwuii ee qnii u en, quann jit vajniuw; jex dyrr si dnxuaa ee jxy.

14 Dui' uaw tokax ee dexjy qaur xe janr ee kad, quann nng dxng, kuah jit dxng, dui' ser kad qaur dua kad quann sir dxng, kuah jit dxng.

15 Dingxbin ee dnxuaa u sir dxng; dnxuaa ee dingxbin ee dnxuaa u tongw sir qix qag.

16 Dnxuaa dngg jap-zi dxng, kuah jap-zi dxng, kuanxsid suwhongx.

17 Siwbin ee kad, dngg jap-sir dxng, kuah jap-sir dxng; siwuii ee en u vnuar dxng; ix ee dexjy siwuii jit dxng; ix ee qiarjanr ngr dangx.

18 Ix duiww guaw qongw, "Zinjuw ar, Jruw Jehovah anxnix qongw: Kixjy jewdnuaa uirdiyhh beh dirr hitt dingxbin henr siyjer, hiur huih; qaur jyrjniaa ee sii, ix ee le cincniu erdew.

19 Jruw Jehovah qongw: Liw diyhh jiong' jit jiah qangx ee guu-aw juer siogjue ee jrer, qaux hro jewsix Levilangg, Zadok ee horer, dyrr si hiaxee cinqin Guaw, hogsai Guaw :ee.

20 Liw diyhh cruw guu-aw ee huih, buah dirr dnxuaa ee sir qag, qapp kad-aw ee sir qag; qapp siwuii ee en; anxnix laii hro ix cingkir, qycc uirdiyhh ix siogjue.

21 Liw iarr diyhh jiong' hitt jiah juer siogjuerjer ee guu-aw, siyx dirr sxingr sow ee guarbin, cur-lai dniardiyc ee soxjai.

22 Derr zi zit diyhh jiong' byy hacuu ee snua'ngiuqangw henr juer siogjue ee jrer; inx beh cingkir hitt xee dnxuaa cincniu bad ing qangx ee guu-aw cingkir ix jidngiu.

23 Liw ixqing’ cicngkir ix, diyhh henr jit jiah byy hacuu qangx ee guu qapp ngiuu-qrunn diongx jit jiah byy hacuu qangx ee mingiuu.

24 Liw diyhh jiong' jiaxee mic henr dirr Jehovah ee binrjingg, jewsix diyhh ing iamm samw dirr inx dingxbin, henr hro Jehovah juer siyjer.

25 Cid zit lai muixx zit liw diyhh virvan jit jiah qangx ee snua'ngiuu juer siogjue ee jrer; inx iarr diyhh virvan jit jiah qangx ee guu-aw qapp ngiuu-qrunn diongx jit jiah qangx ee mingiuu, longxx byy hacuu :ee.

26 Ligquer cid zit inx beh uirr dnxuaa siogjue, hro ix cingkir; anxnix hunvet ix juer sxingr.

27 Hiaxee zit ixqing’ muaw, dui' derr veh zit ixau jewsix beh dirr dnxuaa-dingw henr linw ee siyxjer qapp ving'anx ee jrer; Guaw beh jiaplap linw; jex si Jruw Jehovah qongw :ee."

44 Ix qycc duar guaw dywdngw qaur sxingr sow ee guarbin ngr dangx ee mngg; hitt xee mngg qnuaix lehh.

2 Jehovah qra guaw qongw, "Jitt xee mngg, dikkag diyhh qnuaix, m tangx kuix; bylun simxmih langg m tangx dui' hiax zip, in'ui Jehovah, Islael ee Siongrder, ixqing’ dui' hiax zip, soxiw diyhh dngdngg qnuaix lehh.

3 Lun qaur zinqunx, in'ui ix si zinqunx, tangx jre dirr hitt lairbin, dirr Jehovah ee binrjingg jiac vniaw; ix diyhh dui' jitt xee mngg ee lrongg zip, iarr diyhh dui' hiax cud.

4 Ix qycc duar guaw dui' vakmngg qaur dxen ee taujingg; guaw dyrr knuar, knuar qnir Jehovah ee ingqngx ciongmuaw Jehovah ee dxen; guaw dyrr pag lyc de.

5 Jehovah qra guaw qongw, "Zinjuw ar, Guaw duiww liw soxx qongw kiw Jehovah dxen-lai itcer ee lexgii huatdo liw diyhh juwir, ing bagjiux knuar, ing hnirkangx tniax, iarr diyhh juwir denrdngg zip ee soxjai, qapp sxingr sow itcer cud .kir ee soxjai.

6 Liw iarr diyhh duiww hiaxee vuergik :ee, duiww Islael-qrex qongw, Jruw Jehovah anxnix qongw: Islael-qrex ar, linw qniaa itcer kyxngor ee su diyhh liac juer qraur gxiac;

7 Linw henr Guaw ee vniaw qapp iuu qapp huih ee sii, linw cua hiaxee simx byy sriu qatlew, sinkux iarr byy sriu qatlew ee guarvanglangg zip Guaw ee dxen, qycc vue Guaw ee iog, qetnix linw itcer kyxngor ee su.

8 Linw iarr byy jinrdiongx dirr qowsiuw Guaw sxinr wmic ee jithun; si uirdiyhh linw vunxsinx pair vadd langg dirr Guaw ee sxingr sow qowsiuw Guaw qaudair linw ee jithun.

9 Jruw Jehovah anxnix qongw: Islael ee jok-diongx ee guarvanglangg, dyrr si simx byy sriu qatlew, sinkux byy sriu qatlew ee guarvanglangg, longxx m tangx zip Guaw ee sxingr sow.

10 Dng' Islael qniaa belo ee sii, u Levilangg lirkuix Guaw hng hng, dyrr si qniaa belo lirkuix Guaw kir duer inx ee gnoxsiong; inx diyhh damdngx inx ee juerquar.

11 Jongwsirr inx beh dirr Guaw ee sxingr sow juer ceing, quanxliw denrdngg ee mngg, dirr dxen-lai juer ceing; uirdiyhh vecsnir taii siyjer qapp jewsu ee jingsnix, beh kia dirr inx ee binrjingg laii hogsai inx.

12 Qiwzenn dirr inx ee gnoxsiong ee binrjingg juer vecsnir ee ceing, qycc juer tatgai hro Islael-qrex ham lyc juerquar; soxiw Guaw giac kiw ciuw qongqig inx, inx beh damdngx inx ee juerquar; jex si Jruw Jehovah qongw :ee.

13 Inx be tangx cinqin Guaw, duiww Guaw qniaa jewsix ee jithun, iarr m tangx cinqin Guaw jit qnia sxingr mic, dyrr si jiongww sxingr ee mic; inx beh damdngx inx ee qenwsiaur qapp inx soxx qniaa kyxngor ee su.

14 Jongwsirr Guaw beh hro inx damdngx qowsiuw dxen ee jithun, vanrliw qidiongx itcer ee su, qapp hitt lairbin soxx diyhh juer ee qangx.

15 Islael-jok qniaa belo lirkuix Guaw ee sii, jewsix Levilangg, Zadok ee qniaxsunx, iuguann qowsiuw Guaw ee sxingr sow, inx beh cinqin Guaw, hogsai Guaw, qycc kia dirr Guaw ee binrjingg, ing iuu qapp huih henr hro Guaw; jex si Jruw Jehovah qongw :ee.

16 Inx beh zip Guaw ee sxingr sow, jiurqin Guaw ee dyh, hogsai Guaw, siuw Guw soxx qaudair inx juer :ee.

17 Inx zip lairngi ee mngg ee sii diyhh cing iuwduersnax; inx dirr lairngi ee mngg qapp dirr dxen-lai qniaa jithun ee sii, longxx m tangx cing ngiumngg ee ihok.

18 Inx ee taukag dingw diyhh drir iuwduervor ee by, katuiw diyhh cing iuwduervor ee kor; hitt xee e lrauu qnua :ee longxx m tangx cing.

19 Inx cud kir qaur guarngi, dyrr si qaur guarngi ee vecsnir hiax, diyhh trngr qniaa jithun ee ihok he dirr sxingr ee vangqingx, cing vadd hy ee ihok, benw did ing inx ee snxax hro vecsnir jniaa sxingr.

20 Inx m tangx tir tauu, iarr m tangx hro taumngg huad dngg dngg; dogdok diyhh jenw taumngg.

21 Jewsix zip lairngi ee sii longxx m tangx limx jiuw.

22 Iarr m tangx crua qnuaxhu qapp siurr lii cud ee hurzinlangg juer bow; dogdok diyhh crua Islael ee jok-diongx ee jairsikluw iacc si jewsix ee qnuaxhu.

23 Inx diyhh hro Guaw ee vecsnir jaix sxingr :ee qapp vingsiongg :ee ee jingcax; qycc hro inx hunvet byy cingkir :ee qapp cingkir :ee.

24 U sna' qryr ee su, inx diyhh kia lecc pnuawduanr, diyhh jiauww Guaw ee pnuawduanr laii pnauwduanr; dirr Guaw itcer ee jecqii diyhh siuw Guaw jiaxee huatdo ludle; iarr diyhh siuw Guaw jiaxee Anhiyczit juer sxingr.

25 Inx m tangx qinruaw sixlangg, pah lasamm qaqi; dogdok tangx uirdiyhh laurve, laurbuw, qniaw, jaboxqniaw, hniadi, qapp iauxx bue cutqer ee jixbe pah lasamm qaqi.

26 Ix ixqing’ cingkir liauxau, diyhh qra ix qycc sngr cid zit.

27 Dng' ix zip sxingr sow qaur lairngi ee zit, beh dirr sxingr sow hogsai, diyhh uirr vunxsinx henr siogjuerjer; jex si Jruw Jehovah qongw :ee.

28 Inx dikkag u sanxgiap, Guaw si inx ee sanxgiap; m tangx dirr Islael diongx hro inx qigiap, Guaw si inx ee qigiap.

29 Sowjer, siogjuerjer, vow quexsid ee jrer, inx longxx tangx jiac ix; Islael diongx soxx henr itcer ee mic longxx qruix dirr inx.

30 Qniwnarr kixtauu sik ee mic ee derr id xee, qapp itcer lexmic diongx ee lexmic, longxx qruix dirr jewsix; linw iarr diyhh ing kixtauu cud ee behhunw hro jewsix, tangx hro hokkir limqaur liw ee qrex.

31 Bylun jiauw iacc si sriur, qniwnarr qaqi siw :ee, iacc si siurr vectiah :ee, jewsix longxx m tangx jiac."

45 Linw liamx kaux vunx de juer giap, diyhh henr jithun hro Jehovah laii juer sxingr, dngg nng-bxan go-cingx qyciyh, kuah jit-bxan qyciyh; ix ee qaiwsnuar ee siwuii longxx juer sxingr.

2 Qidiongx hunvet jit dnxua juer sxingr sow, dngg go-vah, kuah go-vah, ix ee kuanxsid suwhongx; siwuii qycc go-jap dxng juer qau'iaw ee de.

3 Dirr soxx nriuu :ee ee diongqanx liw diyhh nriuu, dngg nng-bxan go-cingx, kuah jit-bxan; hitt diongqanx u sxingr sow, dyrr si jiww sxingr :ee.

4 Jex si juann de jithun ee sxingr de; diyhh qruix dirr jewsix, dyrr si juer sxingr sow ee ceing, qinruaw laii hogsai Jehovah :ee; jitt xee de tangx juer inx kiw cur ee soxjai, qapp sxingr sow ee sxingr de.

5 Iuqycc jit hxun, dngg nng-bxan go-cingx, kuah jit-bxan, diyhh qruix dirr dxen-lai juer ceing ee Levilangg, juer inx ee giap, zi-jap qingx vangg.

6 Linw diyhh hunpair juer sniaa ee giap, kuah go-cingx, dngg nng-bxan go-cingx, qapp soxx henr ee sxingr de sna' vaii; jex si beh juer Islael juann qrex ee loring.

7 Qniwnarr qruix dirr zinqunx :ee si dirr soxx henr ee sxingr de ixqip sniaa ee giap jitt vingg hitt vingg, dirr soxx henr sxingr de ee taujingg qapp sniaa ee giap ee taujingg, dui' saihngx ngr saix, dui' tanghngx ngr dangx; ix ee dngg diyhh qapp inx ee jit jipair ee hunrgiap snadangg, dui' saiqair qaur dangqair.

8 Dirr Islael ee qingxlai, zinqunx beh did diyc jitt xee juer qigiap; au .laii Guaw jiaxee zinqunx byy qycc ki'ab Guaw ee vecsnir; beh ing de hro Islael-qrex jiauww inx ee jipair.

9 Jruw Jehovah anxnix qongw, "Islael jiaxee zinqunx ar, linw dnaxx qraur gxiac lar; diyhh druu kir qiongvy qapp cniuxqiab ee su, vingxqongx qniagi; byy qycc vawjiamr vecsnir ee giap; jex si Jruw Jehovah qongw :ee.

10 Linw diyhh ing qongdy ee tenvingg, qongdy ee efah, qongdy ee bat.

11 Efah qapp bat diyhh vnii dua, hro bat tangx drew homer jap hxun ee jit hxun, efah iarr tangx drew homer jap hxun ee jit hxun; longxx ing homer juer piaujunw.

12 Sekel diyhh juer zi-jap gelah; zi-jap xee sekel, zi-jap-go xee sekel, jap-go xee sekel si juer linw ee mina.

13 Linw soxx ingqaix henr ee lexmic diyhh anxnix; siyxbec jit homer diyhh henr efah lak hxun ee jit hxun, duarbec jit homer diyhh henr efah lak hxun ee jit hxun;

14 Lun qaur iuu ee dingle, dui' iuu ee bat, dyrr si dui' jit kor, dyrr si jap xee bat, qycc si jit homer, henr jit bat jap hxun ee jit hxun; in'ui jap bat, dyrr si jit homer;

15 Dui' Islael vuii ee cauxdniuu, dirr ngiuu-qrunn diongx muixx nng-vah jiah ngiuu diyhh henr jit jiah ngiuqyx, juer sowjer, siyjer, siarunjer, ter inx siogjue; jex dyrr si Jruw Jehovah qongw :ee.

16 Qingxlai ee jiongww vecsnir longxx diyhh ing jitt xee lexmic henr hro Islael ee zinqunx.

17 Zinqunx ee vunxhun dirr jecqii, dagg guec ee ceid, dagg vaiw Anhiyczit qapp Islael qrex-diongx soxx dnairdiyc ee jecqii diyhh henr siyjer, sowjer, quanwdenrjer; ix diyhh virvan siogjuerjer, sowjer, siyjer, qapp ving'anjer, uirdiyhh Islael-qrex siogjue."

18 Jruw Jehovah anxnix qongw, "Dirr Jniax-guec ceid linw diyhh cruw byy hacuu ee guqangw, laii cingkir sxingr sow.

19 Jewsix diyhh jiong' siogjuerjer ee huih buah dirr dxen ee mngkia, qapp dnuakad ee sir qag, qapp lairngi ee mngkia.

20 Hitt guec ee cecid iarr diyhh anxnix juer, uirdiyhh cywgo huanrjue :ee, qapp gugong laii huan .diyc .ee, laii uirdiyhh dxen siogjue.

21 Jniax-guec jap-sir, linw diyhh siuw Vnuaquewjeh, siuw jitt xee jeh cid zit; diyhh jiac byy qnar ee vniaw.

22 Hitt zit zinqunx diyhh uirdiyhh qaqi qapp qog-lai ee jiongww vecsnir virvan jit jiah qangx ee guu juer siogjuerjer.

23 Dng' jecqii ee cid zit ix diyhh virvan siyjer henr hro Jehovah, lenlenn cid zit, dagg zit diyhh ing cid jiah guqangw qapp cid jiah mingiuqangw, longxx byy hacuu :ee; dagg zit iarr diyhh virvan jit jiah snuangiuqangw juer siogjuerjer.

24 Ix iarr diyhh virvan sowjer, jit jiah guqangw jit xee efah, jit jiah mingiuqangw jit xee efah, muixx efah diyhh iuu jit hin.

25 Cid-guec jap-go siuw jeh ee sii cid zit quw, ix diyhh jiauww siogjuerjer, jiauww siyjer, jiauww sowjer, qapp jiauww iuu laii henr."

46 Jruw Jehovah anxnix qongw, "Lairngi ngr dangx ee mngg dirr juewqangx ee lak zit lai dikkag diyhh qnuaix; dogdok dirr Anhiyczit diyhh kuix, guec ee ceid iarr diyhh kuix.

2 Zinqunx diyhh dui' jitt xee mngg ee lrongg dui' guarbin zip, kia dirr mngkia vnix; jewsix diyhh virvan ix ee siyjer qapp ix ee siarunjer, ix diyhh dirr mngding hitt dah qingwvair; zen'au cud .kir, jitt xee mngg qaur ehngx-sii m tangx qnuaix.

3 Dirr jiaxee Anhiyczit, qapp guec ee ceid, qog-lai ee vecsnir diyhh dirr jitt xee mngkauw qingwvair dirr Jehovah ee binrjingg.

4 Zinqunx dirr Anhiyczit soxx diyhh henr hro Jehovah ee siyjer, diyhh byy hacuu ee mingiuqangw jit jiah;

5 Ix ee sowjer uirdiyhh hitt jiah mingiuqangw diyhh jit xee efah; uirdiyhh hiaxee ngiuqyx ee sowjer si jiauww ix ee ligliong jit xee efah puer iuu jit hin.

6 Dng' guec ee ceid diyhh henr byy hacuu ee guqangw jit jiah, ngiuqyx lak jiah, mingiuqangw jit jiah; longxx diyhh byy hacuu :ee.

7 Ix iarr diyhh virvan sowjer, uirdiyhh guqangw henr jit xee efah, uirdiyhh mingiuqangw henr jit xee efah, uirdiyhh hiaxee ngiuqyx dyrr jiauww ix ee ligliong, jit xee efah puer iuu jit hin.

8 Zinqunx zip .laii ee sii, diyhh dui' jitt xee mngg ee lrongg zip, iarr diyhh dui' jitt xee lo cud.

9 Dirr dagg xee jecqii, qog-lai e vecsnir diauqnir Jehovah ee sii, dui' vag mngg zip laii qingwvair :ee diyhh dui' lamm mngg cud .kir; dui' lamm mngg zip .laii .ee diyhh dui' vag mngg cud .kir; m tangx dui' soxx zip ee mngg uat dywdngw, diyhh diddit jinwjingg cud .kir.

10 Vecsnir zip .kir ee sii, zinqunx iarr diyhh dirr inx ee diongqanx zip .kir; vecsnir cud .kir, zinqunx iarr diyhh qapp inx cud .kir.

11 Dirr jecqii qapp dairhue ee sii, sowjer diyhh uirdiyhh jit jiah guqangw henr jit xee efah, uirdiyhh jit jiah mingiuqangw henr jit xee efah, uirdiyhh hiaxee ngiuqyx dyrr jiauww ix ee ligliong, jit xee efah puer iuu jit hin.

12 Zinqunx narr virvan qamsimx ee jrer, siyjer iacc si siarunjer juer qamsimx ee jrer, henr hro Jehovah, diyhh u langg qra ix kuix ngr dangx ee mngg, ix diyhh virvan ix ee siyjer qapp ix ee siarunjer cincniu dirr Anhiyczit soxx juer jidngiu; zen'au ix diyhh cud .kir; cud kir liauw diyhh u langg qra ix qnuaix mngg.

13 Dagg zit liw diyhh virvan byy hacuu, bue muaxnii ee ngiuqyx jit jiah, juer siyjer henr hro Jehovah; dagg jaxkiw diyhh virvan.

14 Dagg jaxkiw iarr diyhh virvan snaqab henr ee sowjer, jit efah lak hxun ee jit hxun, qapp jit hin iuu snax hxun ee jit hxun ciauhyy mirhunw; jitt xee sowjer diyhh siongsiongg henr hro Jehovah, juer ingxuanw dniardiyc ee le.

15 Dagg jaxkiw inx diyhh anxnix virvan ngiuqyx, sowjer, qapp iuu, juer siongsiongg henr ee siyjer."

16 Jruw Jehovah anxnix qongw, "Zinqunx narr jiong' sanxgiap hro ix ee qniaw, dyrr ix ee giap qruix dirr ix hiaxee qniaw, inx ingxuanw singjiab juer giap :ee.

17 Jongwsirr ix narr jiong' ix ee sanxgiap ee jit hxun hro ix ee zinsinn ee jit xee, juer zinsinn :ee qaur juriuu ee nii, iuguann diyhh qra sanxgiap qruix dirr zinqunx; lun qaur ix ee sanxgiap, diyhh lauu hro ix hiaxee qniaw.

18 Zinqunx m tangx cniuxduat vecsnir ee sanxgiap, laii qnuaw inx lirkuix inx soxx singjiab :ee; ix diyhh dui' qaqi ee sanxgiap diongx jiong' sanxgiap hro ix ee qniaw; benw did Guaw ee vecsnir siwsnuar, dagg langg lirkuix ix soxx singjiab :ee."

19 Ix dyrr cua guaw dui' mngg-vnix ee lo zip laii qaur jewsix ngr vag hiaxee sxingr ee vangqingx; knuar ar, aurbin saisir u jit soxjai.

20 Ix dyrr qra guaw qongw, "Jex si jewsix juw voxquewsitjer qapp siogjuerjer, ixqip vig sowjer ee soxjai; benw did duar qaur guarngi, hro vecsnir jniaa juer sxingr."

21 Ix qycc cua guaw cud kir qaur guarngi, hro guaw qingquer ngi sir xee qaktauu; knuar ar, dirr hitt xee ngi dagg xee qaktauu qokk u jit xee ngi.

22 Dirr ngi ee sir qaktauu u ngi, siwbin u cniuu uii lehh; dagg xee ngi, dngg sir-jap dxng, kuah snax-jap; sir xee qaktauu ee ngi, inx ee cunwciyh longxx jidngiu.

23 Sir xee ngi ee jiuuii u kiw jit let, ix ee erbin longxx u juw mic ee soxjai.

24 Ix qra guaw qongw, "Jiaxee dyrr si juw mic ee jauwkax; dxen-lai jiaxee juer ceing :ee dirr jiax juw vecsnir ee jewsu."

47 Ix cua guaw dywdngw qaur denrmngg, knuar ar, u juiw dui' dxen ee mngding xe ngr dangx lrauu cud; in'ui dxen ee taujingg ngr dangx; jiaxee juiw dui' erbin dui' dxen ee jniar vingg, jewdnuaa ee lamvingg lrauu .lyc.

2 Ix dyrr cua guaw dui' vag mngg cud .kir, cua guaw dui' guarbin uanx qaur gua mngg, dui' ngr dangx vingg ee mngg ee lo; knuar ar, juiw dui' jniar vingg viag .cud .lai.

3 Hitt langg ciuw tec jinsyh, ngr dangx qniaa .cud .kir ee sii, ix dyrr nriuu jit-cingx dxng, qiyr guaw dui' juiw quer .kir, juiw rimx kabak.

4 Ix qycc nriuu jit-cingx, qiyr guaw dui' juiw lriauu .quer .kir, juiw rimx katau'ux. Qycc nriuu jit-cingx, qiyr guaw lriauu .quer .kir, juiw rimx qaur iyx.

5 Qycc nriuu jit-cingx, juiw dyrr jniaa juer hyy, guaw be e lriauu .quer .kir; in'ui juiw diongwdni, jniaa juer e siuu .did ee juiw, be lriauu .did ee hyy.

6 Ix dyrr duiww guaw qongw, "Zinjuw ar, liw u knuar qnir jitt xee mah?" Ix dyrr cua guaw, hro guaw uat dngw qaur hyy-vnix.

7 Guaw dywdngw kir ee sii, knuar ar, dirr hyy-vnix siangvingg u ciurbak jin' je.

8 Ix qra guaw qongw, "Jiaxee juiw ngr dangx lrauu .kir, beh lyc qaur Alabah, diddit lrauu qaur haiw; soxx huad cud ee juiw beh lrauu zip Iamm Haiw, haiw nirr ee juiw dyrr venr hyw.

9 Hyjuiw soxx qaur ee soxjai, dagg ngiu snitnuar ee dongrbut longxx beh did diyc uac, iarr beh u hii jin' je; in'ui juiw lrauu qaur hiax, haiw nirr ee juiw venr hyw; hitt xee hyy soxx lrauu qaur ee soxjai, soxu ee mic longxx beh did diyc uac.

10 Jionglaii beh u tyxhilangg kia dirr hnua-vnix; dui' Engedi qaur Eneglaim longxx juer pax bxang ee soxjai, hiaxee hii qokk jiauww ix ee lui, cincniu duarhaiw ee hii jin' je.

11 Jongwsirr nua too ee de juixdec ee soxjai be did diyc rix hyw, lauu lecc cud iamm.

12 Dirr hyy ee siangvingvnix beh huatsnix dagg lui ee ciurbak, tangx juer jiahmic, hiyc be qodaa, quexjiw cud byy dng; dagg guehzit beh qed sinx ee quexjiw, in'ui jiaxee juiw si dui' sxingr sow lrauu .cud .ee; ciu-dingw ee quexjiw beh juer jiahmic, hiyc u idi ee qong'iong."

13 Jruw Jehovah anxnix qongw, "Linw vunx jitt xee de juer giap jiauww Islael jap-zi jipair; ix ee derqair diyhh cincniu erdew. Josef beh did diyc nng hxun.

14 Linw singjiab jitt xee de juer giap diyhh snaqab vnii vunx; in'ui Guaw bad giac kiw ciuw ingwunw, jiong' jitt xee de hro linw ee ledjow; jitt xee de beh qruix dirr linw juer giap.

15 De ee qaiwhan dyrr si anxnix; vakvingg ee qaiwsnuar dui' duarhaiw, kir Hetlon ee lo, diddit qaur Zedad cutzip ee soxjai;

16 Qaur Hamat, Belotah, Siblaim, dyrr si dirr Damaskus ee qingxqair qapp Hamat ee qingxqair ee diongqanx; qaur Haulan vniqair ee Hazar Hatikon.

17 Dui' haiw ee qingxqair dyrr si Hazar Enon qin dirr Damaskus ee qingxqair, qycc dirr vakvingg ngr vag si Hamat ee qingxqair; jex si vakvingg ee qaiwsnuar.

18 Dangvingg ee qaiwsnuar dirr Haulan, Damaskus, Gilead qapp Islael-de ee diongqanx dyrr si Jordan Hyy; linw diyhh dui' vakvingg ee qaiwsnuar nriuu qaur danghaiw; jex dyrr si dangsir ee qaiwsnuar.

19 Lamvingg ngr lamm ee qaiwsnuar si dui' Tamar qaur Kades Melibah ee juiw, suar qaur Egipt ee kex, tangr qaur duarhaiw; jex si lamvingg ngr lamm ee qaiwsnuar.

20 Saivingg ee qaiwsnuar dyrr si duarhaiw, dui' lamvingg ee qingxqair, didqaur Hamat cutzip duiwbin ee soxjai; jex dyrr si saivingg ee qaiwsnuar.

21 Anxnix linw diyhh jiauww Islael ee jipair uirr qaqi vunx jitt xee de.

22 Linw diyhh liamx kaux vunx jitt xee de juer giap qruix dirr linw vunxsinx qapp dirr linw diongqanx qiwkax ee cutguarlangg, dyrr si dirr linw diongqanx snix qniaw jaboxqniaw :ee; linw diyhh knuar inx cincniu Islael-qrex ee diongqanx soxx snix :ee jidngiu; inx dirr Islael ee jipair ee diongqanx qapp linw snaqab did diyc de juer giap.

23 Guarbinrlangg kiarkiw dirr hitt xee jipair ee diongqanx, linw dyrr dirr hiax vunx de hro ix juer giap; jex dyrr si Jruw Jehovah qongw :ee."

48 Jipair ee miaa jiauww erdew soxx qir :ee; dui' qik vag ee qaiwsnuar dui' Hetlon ee lo, qaur Hamat cutzip ee soxjai, dirr Damaskus qingxqair Hazar Enon ngr vag qinruaw Hamat ee de, dui' dangx qaur saix; Dan, jit hxun.

2 Uaw qin Dan ee derqair, dui' dangx qaur saix; Aser, jit hxun.

3 Uaw qin Aser ee derqair, dui' dangx qaur saix; Naftali, jit hxun.

4 Uaw qin Naftali ee derqair, dui' dangx qaur saix; Manasseh, jit hxun.

5 Uaw qin Manasseh ee derqair, dui' dangx qaur saix; Eflaim jit hxun.

6 Uaw qin Eflaim ee derqair, dui' dangx qaur saix; Rleuben, jit hxun.

7 Uaw qin Rleuben ee derqair, dui' dangx qaur saix; Judah, jit hxun.

8 Uaw qin Judah ee derqair, dui' dangx qaur saix, si linw soxx henr ee de, kuah nng-bxan go-cingx qyciyh, dui' dangx qaur saix, dngg qapp hiaxee hxun ee jit xee snadangg, sxingr sow dirr hitt diongqanx.

9 Linw soxx henr hro Jehovah ee de diyhh dngg nng-bxan go-cingx qyciyh, kuah jit-bxan.

10 Soxx henr ee sxingr de diyhh qruix hro jewsix; vaksir dngg nng-bxan go-cingx, saisir kuah jit-bxan, dangsir kuah jit-bxan, lamsir dngg nng-bxan go-cingx; Jehovah ee sxingr sow dirr hitt diong'ngx.

11 Diyhh qruix hro Zadok ee qniaxsunx diongx jniaa juer sxingr ee jewsix, dyrr si qowsiuw Guaw soxx qaudair :ee; dng' Islaellangg qniaa belo ee sii, inx byy qniaa belo cincniu Levilangg qniaa belo.

12 Jitt xee diyhh qruix hro inx, dyrr si dui' soxx henr ee juann de diongx henr hro inx juer jiww sxingr :ee, uaw qin Levilangg ee derqair.

13 Levilangg soxx did .diyc ee de diyhh dngg nng-bxan go-cingx, kuah jit-bxan, qapp jewsix ee derqair snadangg; longxjongw dngg nng-bxan go-cingx, kuah jit-bxan.

14 Jitt xee de m tangx bre, m tangx duiwngua, kixtauu sik ee mic m tangx qruix hro vadd langg; in'ui si qruix dirr Jehovah juer sxingr :ee.

15 Soxx cunx go-cingx kuah ee de, si dirr hitt xee nng-bxan go-cingx ee taujingg, diyhh juer vingsiongg ee loring, tangx kiw sniaa, kiw cur, juer qau'iaw ee de; sniaa diyhh dirr diongngx.

16 Ix ee cunwciyh dyrr si anxnix; vakbin sir-cingx go-vah, lambin sir-cingx go-vah, saibin sir-cingx go-vah.

17 Sniaa diyhh qau'iaw; ngr vag go-jap, ngr dangx nng-vah go-jap, ngr saix nng-vah go-jap.

18 Ixgua soxx cunx ee dngg qapp soxx henr ee sxingr de snadangg, ngr dangx jit-bxan, ngr saix jit-bxan; qycc qapp soxx henr ee sxingr de snadangg; qidiongx soxx cutsanw beh hro sniaa-lai juewqangx ee langg juer jiahmic.

19 Dui' Islael jiongww jipair ee diongqanx dirr sniaa-lai juewqangx :ee beh dirr hiax jingwjyh.

20 Linw soxx henr ee juann de, dngg nng-bxan go-cingx, kuah nng-bxan go-cingx; linw soxx henr ee sxingr de qapp sriok dirr sniaa ee de si suwhongx :ee.

21 Soxx henr ee sxingr de ixqip sriok dirr sniaa ee de, siangvingg cunx ee de diyhh qruix dirr zinqunx, soxx henr ee de dirr hitt nng-bxan go-cingx ee taujingg qaur dangsir ee qaiwsnuar, qycc ngr saix dirr hitt nng-bxan go-cingx ee taujingg qaur saisir ee qaiwsnuar, qapp hiaxee hxun ee de snadangg, longxx qruix dirr zinqunx; soxx henr ee sxingr de qapp dxen ee sxingr de longxx dirr hitt lairbin.

22 Qycc dui' Levilangg ee giap, dui' sriok dirr sniaa ee giap, si sriok zinqunx :ee ee diongqanx, dirr Judah ee qaiwsnuar qapp Benjamin ee qaiwsnuar ee diongqanx, longxx qruix zinqunx ee.

23 Lun qaur qi'uu ee jipair; dui' dangx qaur saix; Benjamin, jit hxun.

24 Uaw qin Benjamin ee derqair dui' dangx qaur saix; Simeon jit hxun.

25 Uaw qin Simeon ee derqair dui' dangx qaur saix; Issaqar, jit hxun.

26 Uaw qin Issaqar ee derqair dui' dangx qaur saix; Zebulun, jit hxun.

27 Uaw qin Zebulun ee derqair dui' dangx qaur saix; Gad, jit hxun.

28 Uaw qin Gad ee derqair, lamvingg ngr lamm, hitt xee derqair dui' Tamar qaur Meliba Kades ee juiw, qaur Egipt ee kex tangr qaur duarhaiw.

29 Jex si Linw diyhh liamx kaux vunx hro Islael ee jipair juer giap ee de, inx dagg xee soxx did .diyc ee giap dyrr si anxnix; jex si Jruw Jehovah soxx qongw :ee.

30 Dui' sniaa cud .kir ee lo si jiauww erbin soxx qir :ee. Dirr vakbin jiauww soxx nriuu :ee, sir-cingx go-vah qyciyh.

31 Sniaa hiaxee mngg diyhh jiauww Islael jipair ee miaa; vakbin u snax xee mngg; Rleuben ee mngg, jit xee; Judah ee mngg, jit xee;

32 Levi ee mngg, jit xee. Dangbin sir-cingx go-vah, u snax xee mngg; Josef ee mngg, jit xee; Benjamin ee mngg, jit xee; Dan ee mngg, jit xee.

33 Lambin sir-cingx go-vah, u snax xee mngg; Simeon jit xee; Issaqar ee mngg, jit xee; Zebulun ee mngg, jit xee.

34 Saibin sir-cingx go-vah, u snax xee mngg; Gad ee mngg, jit xee; Aser ee mngg, jit xee; Naftali ee mngg, jit xee.

35 Sniaa siwuii qiong jit-bxan veh-cingx; dui' hitt zit ixau sniaa ee miaa qiyr juer, "Jehovah dirr hiax."

huedngw tauu iac