derrsnaxjniux

uanjuann dyrdig

derr snax jniux

DERR SNAX JNIUX BINRDUIR ZIDSIONGG SING'UAC EE OG

George ee qywanr suecbingg jitt xui byy sriok oklui, jin' u kyxlingg lunlyc jniajyr okdoo ee langg, derr zi jniux si biyue jit duir ixqingx dac zip moqair ee angbow, qaixsueh qidiongx kansiap ee siaog lixlun, qycc laii beh cuthen ee zinbut, siaog ixqingx henr ~ ~ ! guaw soxx dirliauu ee duiwsiong cniurr Bob, si oklangg ee tewsixquiw.

Ix si guaw jingsinkyx limcngg dirliauu huanrjiaw, guaw damsimx togjiaw kyxlingg e zinruii : anne qongw si byy m driyc, mrqycc jiaxee longxx si digle, inx kyxlingg juann si oklangg, mrqycc jiaxee langg , ham' gunw byy qang qrunn; m si dongsu/ cinjniaa hyw vingiuw ji' lui, gunw siy' bad :ee, simrjiww qandna' siy' duw dimr jit xe tauu dyrr quer ee langg, longxx m si jitt lui :ee. Guarhangg langg ciangjai e qra jiapsiu jingsinn isux dirliauu :ee knuawjyr vnertair; zin inx itding ham' vingsiongg langg byy qang. Qisit byy itding, jingsinkyx isux dirr jiuxhue/ huergi/ qongsix knuar diyc :ee, ham' dirr jinxsow ee huanrjiaw, jinghingg cavutdyx, guaw m si beh jriw cud, knuar jingsinn isux/ byy knuar jingsinn isux :ee, nng jiongw byy juadduir ee cavet, beh jixbingg ee, si hro langg sniu be qaur ee, siaog cuthen dirr "jingwsiongg langg" srinx-siong. Zinsingx ee lordoo kamxked qanlann / hnuaidit qaujid hogjap; dyrr si kuanqingw sun sun :ee marr byy lergua, muixx jit xee langg longxx u jurqiw ee koxcow, qamxx qongw knuar jingsinn isux :ee, bunrdee viw itvnuax langg kacc giamdiong? Iauxx si inx kacc u iongxkir/ diwhui, jniawbin didjiap knuar bunrdee? Bob si hyxun, ix dirr jursad jingg taux kanx ciax, inxkiw vadd langg duiww ix ee juwir/ jin' hyxun u cinjniaa guanrir dnax kiw jiauwqor ee jikzim/ marr hiacc hyxun ersaih iong verbuw ee vyxhiamxqimx laii hur dirliauu huiwiong. Dysor siurhairjiaw kiokk byy ix ee unrkir.

Ui' qitnax hongbin knuar .laii, Bob ee qywanr vingsii vutjiw iong'i duw diyc, lenrr guaw ee siyw jinxsow, dagg qywguec iokk u jit vaiw e duw .diyc luirsu Bob verbuw qywanr, qitnax jingsinn isux marr si anne. Langg itsingx ham' siaog siy' siamxsinx, qihue jerje, cavutdyx jixiaur binrlimm zinsingr ee guiqix, dyrr e buah diyc og. Guaw juxdniux "siaog" jitt xee suu qaix dirr jingsinkyx jiamr jit xui, uirr "og" hyrmiaa kaksit u qik dua ee guiqix (derr cid jniux u siongser tyxlun),mrqycc narr kiamr jitt xee miaa, decc jinwhingg qywanr sii, e naxx bongbu nirr knuar huex, dairjir/ dyrliw e bruw qaxx huex .kir. Vangjan og ee siurhairjiaw sii, e qamxqag lat crunx be qaur hiax kir/ ham' oklangg qaujenr sii, ciongbuanw juadbang. Zuqyw lanw lenrr tamwtyw siaog iarr e qniax, qycc si beh anxjnuaw dirliauu og?

Togjiaw kyxlingg singzin Bob ee verbuw junjai moxjiongw siaog ee vunxjid, jerje jingsinkyx ixgua ee langg kyxlingg zinrding liqingx-vuanrdy ee qywanr. Guaw beh qongw ee si, "zinlui vutsii dyrr duw e diyc siaog, iong jursad ee buxkir dongwjyr singwdanr lexmic sangr hro cinsnix qniaw ee verbuw, ingwqaix jin' jiyw. Gauw qycc qongw jit xee jap-go huer javox ginxaw ee anwle --- ix m na si virr zinrding ee venrlangg, marr si og ee siurhairjiaw, ham' Bob ee qywanr viw kiw laii, jitt xee anr qyckacc vutkyxsugi. Siurhairjiaw ee verbuw hyxgiac, suibongw byy didjiap beh jurqiw ee qniaw siw, naxjunxx itsimx-it'ir beh nic siw qniaw ee simlingg.

ROGER HAM' IX EE VERBUW

Zimrjid jingwhuw qiqor ee hingjingr qangjog sii, guaw ee byy dingrqii jriab dexqii jusiongx anr, si aurlaii kaigiap ee qicow; jiapciog ee duiwsiong ciangjai si uirdir kacc quann ee jingwdi zinbut/ hyxgiac ee ludsux. Roger ee vaxvah laujid tingsinx, qra ludsux surbursow ee qangjog jiamrsii anwha, kir damzim jiujingwhuw ee huatlut qowbun. Lak-guec, ix uirr qniaw Roger ee daijir laii cue guaw. Go-guec, Roger duw buanw jap-go huer, dirr qaukux ee qonglip haghau tak, singjig huisiongg janw, qaur qauw nii sii, qui' hagqii ee singjig longxx poxtongx ziiw, vandyrsux dirr hagqii qetsog ee pinggirhue, qra verbuw qongw, Roger erdangr kir qydiong tak, genwgi singx ham' jingsinn isux camsiongg, cue cud singjig baiw .kir ee guan'inx.

Guaw ee quanwle si singx huerbin virr zinrding vnerhuan --- Roger, knuar .laii si "siongrliuu siarhue" ee Bob : qad nekudaiw/ hahsux ee cingrcah/ sanw lyr/ ue byy je/ itdit knuar dervanw/ bagjiux nih be tingg/ ganxsinn sixdimm . Byy qang ee si, Roger byy kangr ix ee ciuw/ utjud byy viw Bob giamdiong. Henxzenn Roger byy kuaiwlok.

Guaw m jaix qaix iong sniaw uerdee singx qongw. Ix byy bingvik jurqiw ee singjig uirhyy jiacc "baiw", byy huathen jurqiw simjingg iubun; viauxsi sing'uac itcer longxx "be baiw". Juewau, guaw quatding beh ham' ix sngw jit dniuu uirr cingsiauwlenn junxvi ee mosid, guaw ui' dyh-dingw tec jit qix suiw suiw ee hueqanx.

"Qaxsed jex si jit qix sinn-dingx, luah jit xe, dyrr e jauw cud jit xee jinglingg, hro liw he snax xee guanrbang, liw ersaih air sewqair zimrhyy mic, anne, liw sniu beh air snaiw?" guaw mng.

"Libtew imhiongw."

"Byy bunrdee, jitt xee mic jin' liuhingg! Liw iauxx u nng xee suanxdik, hibang liw mair keckir, vakdngg vangr kacc kuix lehh, benw qniax bang be sidhen. E qir .did, senzinn huatlik busow-vutlingg, jinrliong qongw cud liw simlai jinjniar beh air :ee."

"Jit daii odobaiw, zuhyy?" Roger lanxsinn qongw, viauxjingg viw jingg hitt xee kacc byy hiacc lingw. Ix naxjunxx qac'ir jitt jiongw sngw hxuad, jiwjiyw qaur jitmaw si ix u cuwbi ee qamxqag.

"Hyw ar! Liw suanw ee be baiw! Jitmaw crunx jit xee, e qir .did or! Simhingx vangr hro kuah, pah diyc diongrdiamw."

"Anne, guaw beh kir qiawyc tak ceh."

Guaw siongr Roger .jit .xe, hionghiongg, honghiongr/ kiwhunx qniaa cud jit diauu lo --- jinsit ee binrbok ham' Roger jywhuew cuanxkir, guaw dirr simlai rue sibzi. "jitt xee jinjniar u iwsur, liw qamxx ersaih qex qongw quaw?" guaw viauxsi.

"Byy sniaw hyw qongw ee!" Roger rinr dirr cuir lai.

"Guaw iyh, liw kyxlingg byy qac'ir jitmaw jitt qingx haghau, sniu beh juanw yc." guaw amwsi.

"Jitmaw tak jitt qingx jin' hyw."

"Qamxx si liw sniu beh likuix cur, byy itding u sniaw dairjir hro liw kunwziauw?"

"Cur lai iauxx sngw hyw." guaw tniax diyc qamm u qniahniaa ee kauxkir.

"Qamxx u ham' vaxvah maxmah qongw .quer ?

"Qurnii ciutnix qongw .quer." Roger qongw qaxx jin' ser sniax.

"Guaw qnaw qongw jex su'iaur quaw iongxkir, inx anxjnuaw qongw?

"Inx qongw bersaih tihh."

"Oor? Inx uirsniaxmic byy dap'ingr?"

"Guaw m jaix."

"Liw tniax diyc 'bersaih' sii, sniaw qamxsiu?"

"Iauxx sngr hyw."

Guaw zinruii jiurr jit vaiw huerdamm ee siqanx, soxx did diyc :ee ixqingx u qraur ar. Zuqyw beh hro Roger duiww jinxliauu isux sanxsingx sinwzim/ qongw cud simlairue, kiongqniax rair u jin' dngg ee siqanx. Guaw qra qongw, e ham' ix ee verbuw qautongx, jiacc qycc ham' ix qewsiok.

Roger verbuw iokk sir-jap-gua huer, jit duir vutjiw piauped ee angbow --- gauu qongxue, cingrcah uanbiw byy kiamwdiamw, henxzenn si dua hyxgiac langg.

"Isux, liw jinjniar zinjuu, guanrir ham' gunw qniwbin." maxmah jit bin qongw, jit bin jin' iugnaw qra vec ciuxlog trngr lyc laii. "liw jin' u miaa, itding jin' byy ingg."

Guaw mng inx duiww Roger ee bunrdee, u sniaw knuawhuad?

"Jex si gunw uirsniaxmic laii cue liw ee." vaxvah jin' u lexmau ciyr ciyr aw qongw " gunw m jaix beh anxjnuaw kir uew cud bunrdee, gunw narr jaix guan'inx, jaw dyrr caixcuw hingdong, marr benw qra liw cingxqaur.!"

Inx nng xee kinsangx/ qinxsog/ sunliuu, cavutdyx byy tingg, dairliok qongw cud jingxqyy surqnia ee vuerqingw. Roger dirr jitt nido kaix yc jinwjingg, camqax bangrqiuu ngiaa, jin' kuaiwlok ee zuac .langg. Inx ee qadingg sing'uac itdit byy qaixvenr. Roger ithiongr jingwsiongg singdiongw --- ursinx kaisiw/ singsanw quewdingg/ ngix-aw/ hunwlen kir venrsow/ cittypnua longxx jin' jingwsiongg, qadingg jin' jiyw cuthen qinxdniux kiwhunx, inx angbow hun'inx hingrhog, dongzenn e u uanqex, jurlaii m bad dirr ginxaw binrjingg byy songxkuair. Roger u jit xee qiamw ix jap huer ee mexmeh, singjig jin' hyw, hnia'mue u sii ee siy' dag, byy qaiww li'pow. Roger itding zinruii dua-hniax byy hyw jyr, mrqycc jex juadduir m si bunrdee. Qinvunw cue be cud bunrdee ee hunziah --- Roger ee singjig cux lyc kir, si jit xee bee.

Erdangr ham' jiacc u diwhui/ u qauwiongw ee verbuw huerdamm --- simrjiww guaw iauxx bue tecud bunrdee, dyrr singx qongw cud dap'anr --- jin' songxkuair, mrqycc m jaix sniaw guan'inx, guaw qamxqag vut'anx.

"Suibongw linw m jaix Roger virr sniaw dairjir kunwziauw, guaw siongsinr, linw itding sukyw .quer jit quaw kyxlingg ee guan'inx, qamxx m si ?"

"Gunw huaigii Roger tak jitt qingx haghau kyxlingg byy sikhap ? Qaur bogjingg, ix dirr haghau ee viauxhen sngr be baiw, guaw sidjai byy guanrir anne sniu... mrqycc, ginxaw e venr, qamxx m si? Kyxlingg jitt qingx ixqingx berdangr buanxjiog ix ee su'iaur!" maxmah qongw.

"Bad sniu quer hro ix juanw kir hurqin tenjuxqaur huwsiok ee haghau, hitt qingx haghuir quir qaxx qniax siw langg." vaxvah suar lyc qongw.

"Linw qamxx si tenjuxqauwdoo?"

"M si, mrqycc gunw zinruii Roger kyxlingg erdangr ui' tenjuxqauwhue nirr did diyc mic." vaxvah jriab lyc qongw.

"Hitt qingx haghau jin' u miaa." maxmah qongw.

"Cniaw linw qra gauw qongw, linw bad sniu quer qra sangr kir qiawyc ?

"Byy sniu .quer, zuqyw jex si isux liw ee qenwgi, gunw itding jiauww vran, mrqycc jex diyhh kaix be jiyw jnii, qamxx m si? Jitmaw jiaxee haghau siuhuir quir qaxx jin' lipow!"

Snax xee langg longxx byy qongxue, dew dew diamrjing au, guaw qongw, "Roger qra guaw qongw, qurnii ciutnix, ix bad mng linw si m si ersaih hro ix juanw kir qiawyc ?"

"Qamxx u?" vaxvah qui' bin bongbiauw.

"Kyxlingg liw be qir .did, hitt sii lanw bad zinrjinx kyxlu jitt jann." maxmah jriab qongw.

"Oor! driyc! Byy m driyc! Isux, Roger ee singjig cuthen bunrdee ixqingx jit dnxua siqanx! Liw duxx mng guaw si m si kyxlu .quer, guaw sniu qongxx liw decc mng ee, si m si juewqin bad kyxlu? Dirr jex jingg, guaw kaksit qinxsin kyxlu .quer."

"Guaw iyh liw ee quatding si byy janwsingg?"

"Kyxlingg gunw duiww jitt qnia su u penqenr, gunw nng xee longxx zinruii vutqaix hro ginxaw sewhanr druar guarkauw. jerje haidongg e kir druar qiawyc, si verbuw byy air inx, qandna' hro ginxaw dirr unxding ee qadingg singdiongw, inx jiacc e u singjiu. Isux, guaw qongw :ee qamxx driyc?" maxmah qongw.

"Cinair :ee, zuqyw isux zinruii druar haghau jiacc si kacc hyw ee suanxdik, anne lanw kyxlingg qaix jaiww kyxlu. Isux, liw zinruii neh? Qaxsuw gunw sangr Roger kir qiawyc haghau, ix ee bunrdee si m si dyrr qaixquad?" vaxvah cab cuir.

Guaw qamxqag simjniaa vut'anx, iwsig diyc jitt duir angbow duiww mow quaw dairjir cuxliw ee hongsid m driyc qaxx u qraur lipow, mrqycc jiaxee dairjir naxx amr naxx henr, hro guaw liahbongx be diyc, inx jnuaxngiu u kyxlingg qra qniaw iauqiuu juanxhak kir qiawyc ee su be qir did? Qycc qongw sniu kiw laii ar? Guaw sniu inx qongw vehcat, sniu beh amkamr cywgo; mrqycc guaw byy huatdo kakding, dyrr sngr kakding qycc e anxjnuaw?! Qamxx qongw guaw qaix iong jitt ee siyw su laii tuilun juan'anr ee qetqor? Guaw iyh jitt xee qadingg itding dirr mow quaw soxjai cud liauw dua bunrdee, hro Roger qib beh likuix, jex si Roger sniu beh qiawyc ee guan'inx. Mrqycc jex qandna' si guaw iyh :ee, Roger vingrr byy qongw inx daux u sniaw byy hyxser. Viauxbin, inx angbow si diwhui/ diwsig itliuu/ u aiwsimx/ jin jikzim ee verbuw. Guaw u jit jiongw irqamw, qiawyc si Roger siongrr qenrjuann ee soxjai, mrqycc kiokk byy huatdo jingwbingg, gauw rair anxjnuaw suechok inx? --- digvet inx jit duir angbow suibongw jnii je, dagg hxang longxx jin' qewqaur. Jnuaxngiu inx knuar jnii jiacc dang? Dongzenn guaw byy hxuad qra inx vyxjingr, zuqyw Roger likuix cur kir tagceh, singjig kyxlingg e jinwvo/ e kacc hnuahiw? Guaw narr m qongw, si m si e sionghai diyc Roger? Ai! Jin' hibang guaw langg byy dirr jiax.

"Anxjnuaw?" vaxvah decc danw guaw ee huedab.

"Dairsingx, guaw zinruii Roger ee simjniaa byy hyw, si sniaw guan'inx gauw byy qaiww cingcyw, jap-go huer ee ginxaw be qra langg qongw ix utjud ee guan'inx, ongxongw diyhh kaix siqanx/ jingsinn, jiacc erdangr tamr diyc jinsiongr. Singjig baiw si ix jiausimx/ iubun ee viauxdingx; marr si ix mow quaw soxjai m diyhngiu ee henrsiong, ix su'iaur qaixvenr, m na si likux cur nirr ziiw, iauxx su'iaur ngua sinx hueh/ singdiongw. Guaw sniu diyh'air duiwjingr lyc iyc, narr byy, bunrdee jixu kacc giamdiong. Qaur bogjingg qamxx u zimrhyy bunrdee?"

"Byy bunrdee."

"Qycc laii, guaw zinruii sangr Roger kir qiawyc tak ceh, kyxlingg si jingwkag , si m si juadduir driyc, henrqaidnua guaw byy vanrhuad kakding. Beh anne jyr, dansunn si Roger ee iwguan, jundiong ix ee iwguan ingwqaix byy m driyc! Qinqir guaw ee qinggiam, cniurr ix ee nihuer, be cinwcaiw qongw cud cuir, dyrr sngr ix qongw be cud lixiuu, duiww simdiongx ee guanrbang si jit jiongw didqag. Dirr ix derr id vaiw qra liw tecud juanw kir qiawyc ee iauqiuu, quer liauw lak qywgeuc, iuguann si qangrkuanw ee iwguan, guaw suin kyxlingg diyhh cniaw linw jaiww zinrjinx kyxlu, jundiong ix ee sniurhuad. Qaur jiax, qamxx u zinrhyy bunrdee? U sniaw byy liauxqaiw?"

Inx qongw longxx liauxqaiw.

Guaw qetlun qongw " zuqyw linw rair sui' jyr quatding, gauw sniu, sangr ix kir qiawyc si jit xee hyw suanxdik; mrqycc guaw zinruii linw byy itding diyh'air sui' jyr quatding, iauxx u siqanx hro linw quancad kacc cimx .quaw. Guaw bogjenn byy vanrhuad qruar vyxjingr, kakding Roger kir qiawyc jinghongw dyrr e venr kacc hyw, zuqyw linw sniu beh kingxding jitt xee quatding si m si jingwkag, guaw qenwqi linw kacc jinr jit vo cimzip quancad. Linw derr id vaiw kar denrue laii ee sii, qongw quer gauw qandna' jinwhingg dexqii camsiongg jusiongx huxdy, guaw kiongxqniax berdangr qewsiok teqiong hiabjo! Lingrgua, guaw marr m si siongrr hyw ee zinsuanw, dng' gunw duw diyc luersimx qamxjingg hongsyw ee cingsiauwlenn qywanr, siongrr hyw ee suanxdik ji' id si caixiong simliw cikgiam, guaw sniu beh qra linw siaurqair hro Dr.Levinson, iu' ix laii cuxliw Roger ee anwle, ix si simliw hagqax, m na jiongsu cikgiam qangjog, qycc ciangjai pingqow cingcunqii ginxaw, jinwhingg jingsinn dirliauu ee juanqax.

"Levinson? Tniax kiw laii hyxcincniu si Iutaiwlangg ee miaa? Si m si?" vaxvah mng.

Guaw jin' qniagii knuar ix qongw" guaw byy cingcyw, guaw sniu ingwqaix si! Donggiap iokk vuawsor si Iutaiwlangg, uirsniaxmix anne mng?"

"Byy sniaw digvet! guaw m si u penqenr/ byy qitnax guan'inx, jixsi hnowhenn ziiw!"

"Liw qongw ix si simliw hagqax? Anne ix ee haglik vuerqingw zuhyy? Zuqyw narr m si jingsingkyx isux, guaw m jaix si m si e hongwsimx qra Roger qaux hro ix?" maxmah mng.

"Dr. Levinson ee julik be hiamm tihh, ix ham' zimrhyy jingsinkyx isux qangrkuanw erdangr sinwlai. Zuqyw linw hibang qaux hro jingsinkyx isux cuxliw, guaw jin' hnuahiw ter linw siaurqair. Lauxsit qongw, jiurr vunxanr ee singwjid laii lun, guaw sidjai cue byy viw Dr.Levinson qyckacc hro guaw cuijenr ee zinsuanw ar! Zircniaw, jongxsi rair cue jit xui simliw hagqax uirr Roger cikgiam, qandna' simliw hagqax jiacc jyr cikgiam, siongrbuew jit diamw, simliw hagqax ee siuhuir kacc qe damrvyc." guaw qongw.

"Uirr gunw qniaw , jnii m si bunrdee." vaxvah huee.

"Oor! Guaw siongsinr liw siaurqair ee Dr. Levinson ingwqaix jin' hac." maxmah naxx longx ciuxlog naxx qongw.

Guaw dirr jinxduanrsux kangvec soxjai siaw liauw Dr.Levinson ee miaa/ denrue, qaux hro vaxvah. "zuqyw linw byy bunrdee, jitmaw guaw sniu beh ham' Roger qniwbin." guaw qongw.

"Roger?" vaxvah qui' bin gignaw, "uirsniaxmic iauxx beh qycc qnir ix?"

"Guaw qra qongw ham' linw huerbin au, e qycc qnir ix, jex si guaw cuxliw cingcunqii vnerlangg ee quanwle, hro guaw u qihue qra inx qongw, guaw soxx tecud ee qenwgi." gauw qaixsueh.

Maxmah kia kiw laii, "gunw kiongxqniax diyhh likuix ar! Gunw byy pacsngr iong jiacc je / jiacc dngg ee siqanx, isux liw jin' hyxsimx, vuah jiacc je siqanx hro gunw." ix trngr ciuxlog-aw ham' guaw atciuw.

Guaw ham' ix atciuw, dongsii knuar ix ee bagjiux qongw "guaw diyhh qnir Roger, quiw hunjingx dyrr hyw."

Vaxvah naxjunxx jit damw aw dyrr byy qib, jre lecc byy dinxdang qongw " guaw byy bingvik uirsniaxmic iauxx beh qnir Roger? Liw tecud ee qenwgi ham' Roger u sniaw dirdai ? Quatdingrkuann dirr gunw, qamxx m si? Ix jixvutqyr si ginxaw!"

"Dongzenn juewau si linw quatding, linw si ix ee verbuw, marr si linw cud jnii. Mrqycc sniwmia si ix ee, ix jiacc si siongrr quansimx lanw damue lueriongg ee langg. Guaw e qra qongw, guaw tecud ix beh kir qiawyc ee qenwgi/ qenwgi Dr.Levinson uirr ix dirliauu/ verbuw si lyc quatding ee langg. Sursit-siong, gauw e qra qongw, verbuw qyckacc u libdniuu laii liauxqaiw ix/ verbuw ee libdniuu viw guaw kacc iuxli/ linw ixqingx ham' ix jywhuew jap-go dxangx ar/ guaw kiokk byy qraur jit diamxjingx. Roger u kuanli jaix jurqiw iuxquanx ee dairjir. Qaxsed linw jinjniar cua Roger kir cue Dr.Levinson, qaixsueh linw ee qitai, duiww Roger jiacc qongvnee, zuqyw m anne jyr, sidjai byy zindy, linw zinruii neh?"

"Cinair ee, dyrr jiauww isux zinruii siongrr sikhap ee hongsid cuxliw! Zuqyw lanw iauxx dirr jiax tyxlun tethak girdee, iokhue dyrr e cenn sniu' quw ar!" maxmah qongw.

Guaw ersaih qycc ham' Roger qongxue, qra ix qaixsueh soxx qenwgi ee diongrdiamw/ zuqyw ix kir cue Dr. Levinson/ kyxlingg e jinwhingg mow quaw simliw cikgiam/ benw qniax jiaxee cikgiam/ cavutdyx muixx jit xee langg longxx zinruii jitt lui ee cikgiam jin' cuwbi, Roger huedab "byy bunrdee". Ix byy tecud zimrhyy bunrdee, juewau, guaw jin' jurzenn tec guaw ee miapnir hor ix --- vutjiw byy vingsiongg ee huanxingr, u zimrhyy su'iaur ersaih kar denrue hro guaw, Roger sewzi qra miapnir he zip kir pueqiab-aw.

Hitt amr, gauw ham' Dr. Levinson tongx denrjue, qra qongw guaw jiong' Roger/ ix ee verbuw ee anwle juanw siaurqair hro ix, byy kakding inx si m si e caixiong guaw ee qenrqi.

Jit qywguec au, dirr jit xee huergi duw diyc Levinson. Ix qongw, Roger ee verbuw byy ham' ix lenlok, guaw jin' qniagii.

Guaw sniu cuxau, byy huatdo qycc u Roger ee siausid. mrqycc cyr ar!

Dirr cid qywguec au, id-quec drew, Roger ee vaxvah kar denrue laii, hibang anvaii derr zi crur huwdy. Ix qongw "jitt vaiw Roger dairjir dua diauu ar! ziaw cud dua mahuann." qra gauw qongw, haurdniuw qiar jitt vaiw "iwgua surqnia" ee puex , quiw zit au guaw itding e siux diyc, gunw iog ee siqanx dring dirr au lexvaiwid.

Qecdngxzit) ervox, siux diyc Roger cur hurqin qaukux St.Thomas qydiongx ee haurdniuw Ross siuluw siaw e puex:

Peck isux,

Dng' guaw qenwgi Roger ee verbuw uirr Roger cue jingsinn dirliauu huxdy sii, inx qra guaw qongw, liw jaxjingg bad uirr Roger jinwhingg dirliauu, qycc beh guaw qiar jitt dniux puex hro liw.

Qurnii ciutnix ui' qonglip haghau juanw laii vunxhau tak, ix dirr jingg hitt qingx haghau ee singjig ixqingx kaisiw baiw ar, dirr vunxhau ee singjig marr byy hyw kiw laii! Hagqii vingqinx si C. mrqycc ix dirr haghau ee langenn huisiongg hyw, dongyc/ laursux longxx jin' qac'ir ix, iuqii si haghau siartuann uahdang ee viauxhen qyckacc hro langg himsiongw. Dirr kywau uirr janjiongr zidongg hogbu, m na guaw cinbak knuar quer ix zedjingg qongqiong surbu, vandyrsux ee vywqyr marr digvet qiongdiau, ix quanwjur jerje ee dongjingsimx/ simhueh dirr jiaxee ginxaw srinx-siong. Sursit-siong, dag'ee simrjiww diujip jnii hro ix camqax singwdanwjed dirr NewYork qixhingg ee "janjiongr juandee" tyxlun huergi.

Gauw e siaw jitt dniux puex si dirr jnxiax-guec jap-veh ee dairjir, hitt zit ervox, Roger ham' jit xui dongyc jongg zip kir ixqingx tewhiux sinhu ee vangqingx, taux tec jit xee ciuxviyw/ qitnax suzinn jaibut. Jiauww lriw qongw, anne ee hing'uii, ingwqaix sriu tewyc cuxhunx, sursit-siong, lingrgua hitt xui siab'anr :ee ixqingx virr haghau kaiduu ar! Mrqycc gunw zinruii, jitt crur ee surqnia naxjunxx ham' Roger ithiongr soxx viauxhen :ee byy qang, suibongw Roger ee singjig byy qaiww liwsiongw, haurbu huergi iuguann quatgi hro Roger lauu yc quancad, mrqycc diyhh singx qingquer liw ee kakzin. Jex si duiww Roger siongrr iuxli :ee, henxzenn, gunw longxx jin' qac'ir jitt xee siauwlenn, vingrr zinruii haghau erdangr duiww ix ee singdiongw iuxsow vangjan.

Lingrgua jit xee sinwsid, kyxlingg duiww liw u loriong, jerje laursux dirr haurbu huergi qongw, Roger dirr singwdanwjed quer au, simrjiww dirr jitt xee dairjir huatsingx jingg, ix ee simjniaa naxjunxx jin' baiw.

Danxtai liw ee qenwgi, zuqyw sniu beh qyckacc siongser ee juliau, cniaw hro gunw jaix.

Haurdniuw Mary Ross

Jitt qekauw laii ee sii, guaw jaiwdo ham' Roger singx huerbin. Ix ham' jingg vaiw qangrkuanw ee jiausimx/ siaudimm, byy qang ee si, utjud nirr qamm diyc qosngx/ bujingg. Viauxjingg/taiwdo cangr diyc lingxcinr/ qaxjong ee doxqiongg, ix byy bingvik uirsniaxmic e longr zip kir sinhu ee vangqingx.

"Qra guaw qongw quanhe sinhu ee dairjir." guaw mng.

Roger ee viauxjingg damrvyc qniagii "byy sniaw hyw qongw ee!"

Guaw qewsiok mng "ix jitt xee sinhu hyw? Iauxx si m hyw? Liw si qac'ir ix? Iacc si tyxiar ix?"

"Ix iauxx sngr hyw." Roger huedab; naxjunxx ix quewkir m bad sniu quer jitt xee bunrdee. "ixjingg u sii e cniaw gunw qaur ix ee cur-lai jiac vniaw/ limx dee. Guaw sniu guaw qac'ir ix."

"Guaw qamxqag qiquair, uirsniaw liw e qac'ir langg' ee mic?"

"Guaw qongw .quer! M jaix qaqi uirsniaw anne jyr!"

"Kyxlingg hitt sii liw qandna' sniu beh cue jit quaw vniaw!" guaw amwsi qongw.

"Aa?" Roger u damrvyc pnaixser.

"Byy itding liw sniu beh did .diyc kacc je ee senrir, kyxlingg liw su'iaur jin' je senrir."

"m si." Roger dua sniax huah. "gunw qandna' sniu beh cue mihqnia taux tec narnia!"

Guaw juanxngua uerdee, "Roger, dingw vaiw ham' liw qniwbin, bad qenwgi liw kir knuar Dr. Levinsong, liw qamxx kir ar?

"Byy."

"Uirsniaw byy kir?"

"Guaw m jaix."

"Vaxvah maxmah qra liw qongw quer jitt qnia su ?"

"Byy."

"Jnuaxngiu e venwjniaa anne? Jex m si jin' qiquair? Liw ham' liw ee verbuw suacc longxx byy qycc tee kiw guaw qra linw qenwgi ee dairjir?"

"Guaw m jaix."

"Dingw vaiw lanw marr bad qongw quer liw kyxlingg juanw kir qiawyc, vaxvah maxmah u ham' liw dramm ?"

"Byy, inx qandna' qongw guaw jin' qinw dyrr juanw kir St. Thomas diongyc!"

"Liw u sniaw qamxsiongw?"

"Iauxx sngr hyw."

"U qihue liw si m si iauxx sniu beh kir qiawyc tak?"

"Byy air, guaw sniu beh lauu dirr St.Thomas diongyc. Peck isux, cniaw liw dauwsnaqang, hro guaw lauu dirr St.Thomas."

Roger hionghiongg laii ee jurzenn huanxingr, guaw qniagii qycc qamxdong. Jin' cingcyw jitt xee haghau duiww ix jin' diongriaur, "uirsniawmic liw sniu air lauu dirr St.Thomas?" gauw mng.

Roger qui' bin bongbu, zenau diam diam decc sniu. "guaw m jaix." tingg jit xe qongw " inx qac'ir guaw, guaw qamxqag dirr hiax sriu langg hixair."

"Roger, liw kaksit si anne. Ross siuluw siaw puex hro guaw, jin' bingvik viauxsi, inx qac'ir liw, sniu beh hro liw qewsiok lauu dirr haghau, qiwzenn liw air lauu dirr St.Thomas, anne kyxlingg guaw dyrr e jiauww liw ee iwguan qenwgi liw ee verbuw/ Ross siuluw. Sinrsuar qongw jit xe, Ross siuluw jriw cud, liw dirr jo janjiongr zidongg uahdang ee viauxhen huisiongg cutsig, liw kir New York hitt jua zuhyy?"

Roger gong gong mng qongw "sniaw New York ar?"

"hm! iuxquanx janjiongr zidongg juandee huergi, Ross siuluw qongw, u langg cud jnii hro liw kir, duiww byy buanw jap-lak huer ee langg laii qongw, jex si jit hxang jin' digvet ee qongingg, huergi jinwhingg liauw zuhyy?"

"Guaw byy kir."

"Liw byy kir?" guaw gong .kir, qycc laii guaw kaisiw damsimx, guaw qamxqag qidiongx quaiwqii. "uirsniaw liw byy kir?"

"Vaxvah maxmah byy be hro guaw kir."

"Uirsniawmic?"

"Inx qongw guaw byy qra jurqiw ee vangqingx saur cingkir."

"Liw duiww inx anne ee huanxingr u sniaw qamxsiongw？"

Roger jit xee ixqingx sibquanr/ byy kangai ee hxingg, qongw "byy iauwqinw."

"Byy iauwqinw? Liw hro langg suanw diyc hiacc u cuwbi ee New York huergi, juann vin' liw jurqiw vunxdingw jingcuw laii ee, juewau cur-lai ee langg m hro liw kir, liw suacc qongw byy iauwqinw?" guaw duar diyc jit sxix ee hunwno qongw.

Roger knuar kiw laii jin' byy hnuahiw,"in'ui guaw ee vangqingx luanrcid-vacjaux"

"Liw zinruii anne ee cuxhuat sikdongx? Liw zinruii qandna' si liw vangqingx byy jingxliw, songwsid jitt vaiw jiacc huanhiw ee huergi --- jitt jua juann vin' liw jurqiw ee loxlik, duiww liw u qauwiok iwgi ee huergi, liw zinruii anne ee lixiuu cionghunx? "

"Guaw m jaix." Roger diam diam jre, byy dinxdang.

"Liw sitbang? Siurkir?"

"Guaw m jaix."

"Si m si liw taiww sitbong, taiww siurkir, jiacc jongg zip kir sinhu ee vangqingx."

"Guaw m jaix."

Ix dongzenn m jaix guan'inx, ix jnuaxngiu e jaix? Jex uanjuann si amwiwsig ee hingdong. "Roger, liw bad siurkir vaxvah maxmah?" guaw kinx kinx aw mng.

Ix qewsiok knuar tenvongg. "inx iauxx be baiw."

Roger ee jiaujyx utjud iuguann cniurr ixjaw, ix ee verbuw bungnaw/ dimjing/ u lexsor marr qangrkuanw. Qnir quer Roger au, guaw cua Roger ee verbuw zip laii vanrqongsig, "jin' sitlew, isux qycc laii qiauxcaw liw." maxmah cud sniax. Ix jre lyc laii, trngr driau ciuxlog, ciyr qongw "laii liw jiax byy iauwqinw, mrqycc gunw dongzenn hibang ixau mair qycc uirr Roger ee dairjir cue liw, siongsinr liw ixqingx siux diyc haurdniuw qniar hro liw ee puex?"

Guaw viauxsi siux .diyc ar.

"Gunw longxx jin' damsimx jitt xee ginxaw ixqingx qniaa zip pnaiw lo, jniajyr juerhuan. Kyxlingg gunw jaw qaix tniax liw ee ue, sangr ix kir liw soxx qenwgi ee isux hiax huxdy, hitt xui isux qiyr sniaw miaa? Cincniu guarqoklangg ee miaa?"

"Dr. Levinson."

"Si ar, kyxlingg gunw jaw diyh'air sangr ix kir Dr. Levinson."

"Uirsniaw liw byy cua ix kir?" guaw sngr hyw inx jaw dyrr jiong' dap'anr sniu jiujuann ar, inx ingwqaix jaix qycc laii cue guaw, benxvutliauw e qongw kiw jitt xee uerdee. Sursit-siong, inx qinvunw byy longrhuir siqanx, singx juxdong tecud. Guaw jin' hnowhenn, sniu beh jaix inx ee huanxingr.

"Liw hro gunw sniu qongxx jitt ee dairjir diyhh hro Roger laii quatding." vaxvah kinsangx qongw. "guaw e qir .did liw bad qongw quer 'jex si ix ee zinsingx', guaw marr jaix liw marr duiww ix qongw quer jitt qxur ue. Ix dyrr byy cuwbi, gunw qamxqag ix byy guanrir jiapsiu liw soxx siaurqair ee Dr. Levinson ee huxdy, gunw quatding byy air hro ix u aplik."

"Lingrgua gunw marr qor diyc Roger ee jurjunx." maxmah voxciong. "ix dirr haghau ee singjig byy hyw, gunw damsimx knuar liauw simliw isux au, e ingxhiongw ix ee jursinr. Jurjunx duiww siauwlenlangg laii qongw jin' diongriaur, isux liw marr anne zinrding?... kyxlingg gunw m driyc ar!" ix bibii aw ciyr.

Ooa! Jiacc kiauw! Dew dew quiw qxur ue, dyrr qra byy caixlap guaw ee qenwgi jitt hxang su, juann sag hro guaw/ Roger nng langg ee quewsid, guaw tee be cud lunrdiamw ham' inx jnex. "linw qamxx jaix Roger uirsniaw e u jitt jiongw taux tec langg' ee mic ?" guaw mng.

"Isux, gunw juann byy qaiwliam, dongzenn! Gunw bad iwdoo ham' ix dramm, mrqycc ix jit diamw aw dyrr m kingw qongw, gunw juanzenn virr ix amkamr kiw laii." vaxvah qongw.

"Taux tec mic tongsiongg si jitt jiongw hunwno ee viauxdat, linw jaix juewqin Roger e siurkir/ hunwno lann sriaux ee kyxlingg guan'inx? Ix si decc krir si'angw? Jitt xee sewqair? Haghau? Iaxx si linw?" guaw qongw.

"Isux, jiurr gunw soxx jaix, ix byy lixiuu siurkir ar!" maxmah rinr.

"Linw si m si e kir sniu Roger taux mic jingg ee hitt quiw qywguec, si m si u sniaw dairjir hro ix jin' siurkir/ byy huatdo vangr be qir .did?"

"Byy" maxmah qycc rinr. "gunw qongw .quer, gunw uanjuann sax byy guan'inx."

"Guaw jaix singwdanwjed jingg, dirr New York u jitt xee "janjiongr" juxdee ee huergi, linw m hro Roger kir."

"Or! Roger uirr jitt jann byy hnuahiw?" "gunw m hro kir ee sii, ix jit sud aw dyrr byy byy hnuahiw ee hxingg ar!" maxmah huachiux.

"Roger viauxdat hunwno hongbin, u jin' dua ee jiongwgai, qidiongx dairvorhun si ix qywzinn bunrdee. Cniaw linw qra guaw qongw, linw m hro kir ee sii, qamxx bad sniu .quer ix ee simjingg?"

Maxmah damrvyc byy hnuahiw viauxsi "gunw nacc e jaix? Byy huatsingx ee dairjir gunw nacc u huatdo singx jaix? Gunw m si simliw hagqax, qandna' jyr gunw zinruii driyc ee dairjir."

Guaw ganxjingg hionghiongg puu cud Roger vaxvah camqax "kuanlik genxtyxhue" ee qingxsiong, jit qrunn jingwkeh byy-mee-byy-zit jiamduir cikliok ircig/ tyxlun, mrqycc gunw byy vit'iaur qycc jnex lyc kir. "uirsniaw linw zinruii byy hro Roger kir New York si jingwkag ee quatding?" guaw mng.

"Ix ee vangqingx byy jingxliw, gunw itjair dinglingg diyhh qra vangqingx congr cingkir, ix dyrr si m tniax, gunw qra qongw, zuqyw liw m qra vangqingx jingxliw hyxser, anne dyrr byy daddid kir New York."

"Guaw byy bingvik, jingxliw vangqingx/ vaiwlak kir New York u sniaw kanlenn?" gauw singx kiw singwde! "guaw marr zinruii linw duiww ix dirr jingxliw vangqingx jitt xee dairjir ee qitai, byy huhap sidjer. Jap-go huer ee javox ginxaw jin' jiyw e qra vangqingx jingxliw cingkir, sursit-siong, narr qongxx jinjniar qra vangqingx jingxliw qra diauu-diauu-iuxliw, guaw dendyww damsimx! Guaw zinruii, byy hro siauwlenn ginxaw camqax kyr jurqiw ee loxlik/ viauxhen soxx did diyc jiacc cuwbi/ qycc u qauwiok iwgi ee huergi, qandna' jitt diamw lixiuu, dyrr byy sikdongx."

Maxmah unhyy, kauxkir simrjiww ban qycc iugnaw "isux, gunw duiww jitt hxang u damrvyc gibun, guaw m jaix Roger camqax jitt jiongw janjiongr zidongg ee uahdang si m si jingwkag? Hiaxee ginxaw marr u be jiyw si simliw byy qenrkongx."

Guaw qamxqag bu'nai/ byy lat.

Vaxvah qongxue ar, "lanw anne kaiqangw byy baiw, mrqycc lanw diyhh kacc qinw jinwzip juxdee, narr byy jitt xee ginxaw e jniajyr juerhuan! Lanw zuac .langg ee sii, bad qongw kiw beh sangr kir qiawyc, isux, liw jitmaw qamxx anne sniu?"

"M si. Lak-guec sii, guaw duiww ix juanxyc kir qiawyc tak ceh dyrr qamxqag vut'anx, jiacc qenwgi linw dirr jyr quatding jinwjingg, ingwqaix singx cingxqaur Dr. Levinson, guaw byy sniu jiong' qiawyc vaiduu gua, jixsi guaw jitmaw duiww jitt xee quatding qyckacc vut'anx! Roger qac'ir jitmaw jitt qingx haghau, ix qamxqag dirr jitt qingx haghau sriu diyc quan'air, zuqyw hionghiongg qra juanxhau, guaw sniu ix itding huisiongg siongsimx. Bogjingg byy su'iaur caixcuw zimrhyy hingdong, sniu beh jaiww jit crur qenwgi Roger kir cue Dr.Levinson."

Vaxvah dua sniax huac, henxzenn si dyc huew ar! "anne m si qycc dngw kir guandiamw, isux, liw qamxx byy qyckacc bingkag ee qenwgi?"

"Guaw kaksit u lingrgua ee qenwgi." guaw qongw.

"Si snaiw?"

"Guaw qionglet qenwgi linw angbow jiapsiu dirliauu, guaw sniu Roger jin' su'iaur linw ee vangjan, linw nng xui marr longxx su'iaur dirliauu."

Kongkir itpenr sixjing, qycc laii vaxvah henwcud hnuahiw ee ciywiongg, "isux, sidjai jin' cuwbi!" jin' jairunw ee qongw "guaw jin' u cuwbi jaix liw jnuaxngiu zinruii gunw nng xee longxx su'iaur dirliauu."

"Jin' hnuahiw liw u cuwbi jaix." guaw rinr, "guanvunw sniu qongxx linw e byy songxkuair, guaw zinruii linw qaix jiapsiu simliw dirliauu, si linw duiww Roger hyxcincniu berdangr kia dirr Roger ee libdniuu ter ix sniu, jixu linw cinjur jiapsiu simliw dirliauu, jiacc e hro linw qyckacc liauxqaiw Roger ee hongsid."

Vaxvah qewsiok zimxkuir, jin' hyxle, "isux, guaw jinjniar qamxqag liw soxx teqiong ee qenwgi huisiongg cuwbi, guaw m si hongsinn, mrqycc guaw zinruii jurqiw juangiap lingxhik viauxhen cutsig, gunw kanciuw ee singjiu marr be baiw, guaw ham' qitnax ginxaw jywhuew marr longxx byy bunrdee. Liw jaix, gunw bow si siarkux uahdang ee lingxdyrzinn, ix si kuhik uixguanhue ee singguann, duiww qauwhue uahdang ee surbu, jinjniar uah'ingw. Liw suacc zinruii gunw simliw byy jingwsiongg, guaw qamxqag jin' u iwsur!"

"Jiauww liw anne qongw, Roger u vne, linw jin' jingwsiongg/ qenrkongx? Dongzenn, Roger ee bunrdee siongrr binghenw/ knuar e diyc si sursit, mrqycc linw diyhh liauxqaiw, Roger ee bunrdee dyrr si linw ee bunrdee. Dirr guaw knuar .laii, linw quewkir sxor nii laii, duiww Roger ee bunrdee soxx caixcuw ingwtin ee honghuad, longxx byy jingwkag. Roger hibang juanw kir qiawyc tak ceh, linw simrjiww m bad jinr jit vo tamwcaa guan'inx, dyrr sui' qirjuat; guaw krngr linw cua Roger kir cue Dr. Levinson, linw marr qirjuat! Jitmaw, ix dirr haghau siartuann ee viauxhen sriu kingxding, did diyc jiongxle, linw kiokk m guan knuar/ knuaw be kiw. Guaw byy diauqangx jriw cud , linw amwiwsig sniu beh sionghai Roger, jixsi ui' simlixhak ee qakdo, linw ee hing'uii siongrdingx amwiwsig duiww Roger u hin."

Vaxvah ixx siongrr sunliuu ee kauxkir qongw "isux, jin' hnuahiw tniax diyc liw ee knuawhuad, jex jixsi liw qywzinn ee quandiamw, qamxx m si? Guaw singzin, guaw duiww decbecc venwjyr juerhuan ee Roger kaisiw u quaw hin, guaw jaix, simlixhak lixlun kyxlingg juxdniux, gunw jyr verbuw ee langg diyh'air uirr Roger huan ee muixx jit hxang cywgo hurjig. Liw qongw gunw m driyc jin' qanxdanx, liw benw cniurr gunw qangrkuanw diyhh qutlat qangjog/ hro ix sriu siongrr hyw ee qauwiok/ hro ix siongrr unxding ee qadingg. Liw jit diamw aw dyrr benw cud kuiwlat."

Maxmah suar lyc qongw, "isux, gunw angx ee iwsur si, kyxlingg vuerau iauxx u qitnax ee guan'inx, kyxviw qongxx, gunw a'jig si jiuxquiw, Roger ee bunrdee qamxx u kyxlingg si uituann diyc baiw ee qiinx? Byy lun gunw anxjnuaw dirliauu, qetqyw iauxx si qangrkuanw?"

Guaw damrvyc qniagii knuar inx " linw si qongw, Roger si byy iyc rix? --- linw si m si sniu beh anne qongw?"

"Gunw sidjai byy zinruii Roger byy iyc rix, gunw jinjniar hibang u iyc qiur ix." maxmah vingjing qongw. "mrqycc gunw dongzenn berdangr itcer kyr isux laii vangjan gunw qaixquad, qamxx m si?"

Guaw erdangr qongw sniaw? Diyhh vyxcii lixsingr ee libdniuu, "jingsinn vnerjingr u kyxlingg laii jurr uituann, mrqycc byy jingwqir henxsi, Roger soxx binrlimm ee bunrdee si sriok jitt lui. Qinqir guaw ee jinxduan, bogjingg kunwziauw Roger ee utjud m si uituann, marr m si byy iyc rix, dendyww, zuqyw u langg erdangr jo ix liauxqaiw jurqiw ee qamxjingg, linw iaxx erdangr did diyc vangjan, qaixvenr duiww ix ee taiwdo, anne guaw siongsinr ix ee bunrdee itding erdangr kikhok. Jitmaw guaw m qnaw qruar vyxjingr, guaw ee jinxduan jingwkag byy gro, mrqycc qinqir guaw ee qinggiam/ pnuawduan, jinxduan jingwkag vixlut ingwqaix u vah hunx ji' qauw-jap-veh, guaw byy hxuad vyxjingr vah hunx ji' vah ee jingwkag, zuqyw linw byy sinwzim guaw ee jinxduan, ingwqaix cue qitnax jingsinkyx isux jyr jusiongx, guaw ersaih tuijenr isux hro linw, narr byy, dyrr si linw jurqiw cue. Beh qiongdiau, dnaxx siqanx jin' vig, narr sui' u sikdongx ee huxdy, bunrdee iuguann erdangr huawqaiw, Roger narr byy kacc jaw did diyc hiabjo, guaw byy kakding si m si iauxx u iyc rix."

"Isux, jex jixsi liw ee knuawhuad, qamxx driyc?" vaxvah henwcud ludsux ee kutser, duiww guaw byy nairsingr.

"Si." gauw viauxsi dong'ir, "jex si guaw qywzinn ee quanqamw."

"Byy kyhak sidjingr, driyc hnor? Liw qandna' iycsniu, liw vingrr m jaix Roger bunrdee ee soxjai, driyc m driyc?"

"Diryc, byy cyr."

"Sursit-siong, Roger ee bunrdee jin' kyxlingg cud dirr uituann, marr u kyxlingg rix be hyw, jex longxx m si bogjingg liw jinxduan e cud laii ee."

"Si, u kyxlingg, mrqycc kyxlingsingr jin' ser, huisiongg ser." guaw tingg jit xe, diamw jit qix hrunx, siangciuw itdit cuah. Guaw siongr inx qongw " linw qamxx jaix? Guaw ui'id ee sniurhuad si, linw siongrr hyw siongsinr Roger ee vne ixqingx be rix tihh! Qamguan jairr ix kir, snix iarr hyw, siw iarr byy iauwqinw, marr byy guanrir siongsinr linw jiacc si su'iaur dirliauu :ee."

Hionghiongg guaw knuar diyc inx ganxsinn ciongbuanw qniahniaa --- juanzenn cniu iaxsiu hitt kuanw ee qniahniaa, byy jit xe quw, inx qycc huehok qysiongw iugnaw ee hongdo.

"Isux, guaw jixsi sniu beh qra dairjir liauxqaiw cingcyw, liw berdangr in'ui guaw sniu beh hunven dairjir ee jinsiongr dyrr puepingg gunw." vaxvah qaixsueh.

"Jerje langg qniax jiapsiu simliw dirliauu." guaw huatviauw iwqenr, qamxqag cincniu duiww guu dnuaa kimm, "jex si jit jiongw jurzenn ee dexkongr qirjuat, byy langg hibang jurqiw ee susiongw/ qamxjingg jysiu taux knuar, mrqycc itdanr liw jniawbin duiwtai jurqiw luersimx, dyrr be jiacc qniax! Uirr beh hro linw qamxqag kacc kinsangx jurjai, guaw guanrir ham' linw jywhuew binrduir, jex suibongw u uihuanw guaw qandna' jinwhingg jusiongx ee quanwle, mrqycc guanrir jin linglik, hro linw/ Roger did .diyc soxx su'iaur ee hiabjo."

Guaw dongzenn byy qitai inx e jiapsiu jitt hxang qenwgi, simlai jerjiyw hibang inx mair caixlap. Mrqycc guaw qamxqag qaix anne jyr, qiwzenn guaw huatqag inx qiongrdongg binrduir bunrdee m si hnuahiw ee dairjir, laii jurr guaw ee liongdix, marr berdangr jit diamw aw byy diuduu qra inx siaurqair hro vadd xui isux, dirr Bob qywanr jiwjiyw quer liauw cid dxangx au, duiww jitt jiongw vnerhongw ixqingx jin' sigciuw ar!

"Or! Isux, guaw siongsinr liw qongw liauw byy m driyc." maxmah cinced qongw, naxx dehue decc kaiqangw lehh. " ham' langg qongxue, u jit xee langg tangx uaxkyr, si jin' hyw, kiokk longrhuir siqanx, marr jin' kaix jnii, qamxx m si? Jin' hibang gunw si quann siuzip :ee, hurdamx e kiw jiaxee huiwiong, kyxsiyh guanw iauxx diyhh jaivuee nng xee ginxaw. Zuqyw dagg dxangx qandna' simliw dirliauu ee huiwiong dyrr rair kaix quiw cingx kox, gunw marr jiac be dax."

"M jaix linw si m si quann siuzip! Guaw jaix liw itding qazip qongvyw, qokk de ee mngjinw simliw dirliauu longxx erdangr hiongxsiu siongrr quann ee voxjo, kyxlingg linw jixiaur hurdamx dirliauu huiwiong ee go hunx ji' id dyrr u qraur! Zuqyw linw iauxx damsimx huiwiong ee bunrdee, kyxlingg erdangr kyxlu qadingg dirliauu, jinxliauu isux dongsii ham' linw nng xui/ Roger jywhuew huerdamm." gauw rinr.

Vaxvah kia kiw laii, "isux, jex si jit vaiw siongrr cuwbi ee huerdamm, jin' u kexhuatsingr, guanw ixqingx jiamwiong liw u qraur je ee siqanx ar! Guaw diyh'air dngw kir vanrqongsig ar!"

"Mrqycc Roger anxjnuaw vran?"

"Roger?" vaxvah bin byy viauxjingg knuar guaw.

"Si ar! Ix longr zip kir suzinn cuwtec/ singjig byy hyw/ simjniaa siaudimm/ uiwhniaw diyhqongg, m jaix zidau e jniajyr sniaxngiu?"

"Gunw itding diyhh liauw jerje simsux dirr Roger ee srinx-siong, byy m driyc! Isux, rair qex iong jerje simlik, isux, liw marr hro gunw jerje qenwgi, liw duiww gunw ee hiabjo siongrr je." vaxvah anne qongw.

Guaw naxx qongw naxx kia kiw laii, byy lun guaw si m si buanxir, jitt vaiw ee huerdamm henxzenn qetsog ar."guaw jin' hibang linw erdangr siongser kyxlu guaw soxx tecud ee qenwgi."

"Dongzenn e lor!" maxmah qongw.

Inx jaiww dxo dongr guaw ham' Roger qongxue, guaw qencii qongw "ix m si linw ee qaqu, ix u kuanli jaix huatsingx liauw sniaw dairjir!"

Ham' Roger qongw jit xe quw, huathen guaw ee miapnir iauxx dirr ix ee pueqiab-aw. Gauw qra qongw, e kar denrue hro Ross siuluw, qenwgi hro ix qewsiok lauu dirr St.Thomas diongyc tak/ ingwqaix kir cue Dr.Levinson jinxdir/ qenwgi ix ee verbuw marr qaix jiapsiu simliw dirliauu. "Roger, guaw zinruii juanvo m si liw qywzinn ee bunrdee, jiwjiyw liw verbuw ee bunrdee byy viw liw kacc kinx, guaw sniu inx byy iong sikdongx ee hongsid liauxqaiw liw, guaw m jaix inx qamxx u huatdo did diyc liw soxx su'iaur ee itcer hiabjo."

Siysii ee sii, cniurr guaw liau e qaur ee, Roger byy viauxsi iwqenr.

Snax lexvair au, maxmah qiar laii jit dniux puex, lairdew longr jit dniux ciuxhingg, iong ix suzinn ee puejuaw anne siaw :

Cinair ee Peck isux,

Liw jin' senrliongg, dingw qywguec jaiww dxo ham' gunw qniwbin, gunw nng xee singsimx qamxqig liw duiww Roger ee quansimx. Guaw sniu beh hro liw jaix, ixqingx jiauww liw ee qenwgi sangr Roger kir qiawyc tak ceh! Hex si jit qingx dirr North Carolina qunhau, inx cuxliw ginxaw ee hing'uii bunrdee miasniax jin' janw. Siongsinr cuxau, jinghongw e zuxx laii zuxx sunrli, huisiongg qamxsia liw uirr gunw soxx jyr ee itcer.

Ixqingx si jap nii jingg ee dairjir, guaw m jaix Roger aurlaii ee jyqu, ix jitmaw ingwqaix zi-jap-sir huer ar! U sii sniu diyc e uirr ix qidyw.

BUQOX EE GINXAW

Siaog hogjap lanqaiw, byy iong'i biyue. Guaw e singx ui' Bob/ ix ee verbuw ee qywanr kaisiw qongw kiw, si jitt xee anwle ee og, binghenw knuar cud, sangr hro ginxaw jursad iong .quer ee cingr si jiongww langg qongzin giamdiong ee sionghai hing'uii, juadduir si siaa byy cyr. Roger ee verbuw kiokk byy jiacc binghenw ee voghingg, gunw soxx tyxlun :ee, vutqyr si unxjunw Roger camqax huergi/ suanw haghau... dringw jyr langg verbuw itvnuax ee quatcig ziiw! Zuqyw Roger ee verbuw duiww jiaxee dairjir ee knuawhuad ham' guaw byy qang, sngr iauxx byy qraur ciongjiog dah inx siaa ee hyrtauu. Sursit, narr si kecho huanxduir guaw ee iwqenr/ byy caixlap gauw ee qenwgi, dyrr qra inx dah og ee viauhy, jex qamxx m si guaw qywzinn ee juerog? Guaw qamxx m si lamriong og ee quanliam, suiven jiong' og tyr dirr huanxduir guaw iwqenr ee langg?

"Sewqanlangg goriong siaog quanliam" si jit xee huisiongg sidjer ee bunrdee, derr cid jniux e qongw .diyc. Uirr guaw ee lunrdiamw --- Roger si siaog ee hisingjiaw --- tecud habliw ee guan'inx, si guaw ee jikzim, kacc diongriaur :ee, Bob/ Roger nng xee qywanr, Roger qyckacc si denxhingg ee tewsixquiw. Bob ee qywanr, "siaog" binghenw henr cud laii, mrqycc og jin' jiyw iong jitt jiongw binrmau henr hro langg knuar. Knuar kiw laii poxtongx/ viauxbin jingwsiongg/ simrjiww lixsow-dongzenn, ongxongw jiacc si og ee siongrdingx. Oklangg longxx si quirjongx ee qyciuw, duiww jurqiw/ vadd langg diauqangx amcangr jurqiw jinjniar ee binrmau.

Lanw cavutdyx berdangr qandna' quancad jit xee langg jit vaiw ee jok'uii, dyrr lunrdng ix si oklangg, ingwqaix ixx jingxtew ee hing'uii mosid/ hingdong/ hongqeh jyr qicow. Cniurr Roger ee verbuw suanw liauw m si Roger iwguan ee haghau/ iacc si inx byy caixiong guaw soxx qenwgi :ee, si inx dirr jit dxangx lai, luirsu ee jonghongw lensuar huatsing snax vaiw au --- inx m na dirr digding ee jinghongw ha byy quanxqor diyc Roger ee simjniaa, qycc vangr quer muixx jit xee kyxlingg ee qihue, ui' tauu qaur buew, duiww Roger kiamr quansimx.

Anne, qamxxx si og? Qamxx qongxx Roger verbuw si catauu? Sursit si, inx ee qamxqag jit diamw aw dyrr byy gong; inx diwhui quann/ linglik kaxbiau ham' siarhue ee vordiau nic qaxx jin' junxkag. Lanw jitmaw qongw :ee m si druar dirr cimsnuax- nalai sanwciah byy tak ceh ee jycsitlangg, si dirr huergi/ jiuxhue nirr, u jnii/ u srer/ sriu quer qydingw qauwiok/ qniadac qygnaw/ jingwdi ciuxlo digvet ee jit duir angbow. Zuqyw inx binxqamxdo byy qraur, dyrr byy qin'axzit ee singjiu! Roger ee vaxvah suisii junxvi jiujuann ee huatlut quatcig, maxmah jongxsi e qir .did sikdongx ee siqanx/ derdiamw sangr cnihuex laii, kiokk dogg dogg be ter Roger sniu. Sursit-siong, inx duiww Roger ee byy quansimx si qingquer suanw :ee --- diauqangx/ kyxlingg si amwiwsig ee suanxdik.

Uirsniaw inx e jyr anne ee suanxdik? Byy air uirr Roger cauhuann? Inx jin' qet/ siongrr singxsu ee hongsid qra Roger ee dairjir buah quer dyrr hyw? Hitt sii guaw byy hxuad caqag inx ee iongrsim, ixau marr byy cue cud laii, qivunw-siong, guaw zinruii jerjiyw junjai liauw lann lixqaiw ee siaog --- siaa m si suxx langg lanqaiw, dyrr si hro langg bongx byy/ cig byy, oklangg jongxsi qongw vehcat amcangr dongrqix.

Togjiaw knuar liauw Roger verbuw ham' guaw duiwue ee lueriongg, itding erdangr cue cud jap ~ zi-jap ee vehcadue, dirr jiax lanw qycc qnir diyc oklangg binghenw ee itdir, inx vutjiw qongw jit ~nng vaiw vehcat ziiw, inx dionghok qongw/ inx si uac dirr vehcat nirr ee langg/ suibongw jitt jiongw vehcat byy sniaw liauxvutkiw/ berdangr qra qryr, duiwdamm quewdingg u suechoglik, sursit, inx lenrr laii cue guaw jusiongx, longxx si jit jiongw kipenr hing'uii.

Qiwzenn inx m si jinjniar quansimx Roger, duiww guaw soxx tecud ee qenwgi marr jit diamw aw dyrr byy diwdang, uirhyy beh laii cue guaw? Vorhun ee guan'inx si jyr jit xee hxingg, inx sniu beh jyr cud iwdoo vangjan Roger ee mongiu, haghau ixqingx tongdix qadniuw juwir Roger, inx narr byy caixcuw hingdong, dyrr byy sngr jin verbuw ee jithun. Narr duw diyc langg' mng "linw qamxx u cua kir knuar simliw isux? Inx erdangr jin' jniawpair hue'ingr"dongzenn lor! Kir quixarr vaiw , mrqycc naxjunxx byy hau."

Guaw u damrvyc be liauxqaiw, qiwzenn derr id vaiw ee huerbin byy songxkuair, marr jaix guaw itding e mng inx byy caixlap guaw qenwgi ee guan'inx, uirsniaw inx derr zi vaiw qycc cua Roger laii qnir guaw? Jex naxjunxx si quaiwqii ee quatding, aurlaii , guaw iyh si gauw bad bingkag viauxsi, guaw qandna' jinwhingg dexqii ee jusiongx, jex dairviauw inx byy su'iaur binrlimm jiapsiu vadd langg qenwgi ee diongrdua aplik. Inx uirr jurqiw packuix qongxdua buhan ee tewlo, guaw ee diauqnia duxhyw huhap inx ee su'iaur.

Oklangg ongxongw kik'ir buakamr jurqiw ee lingrgua jit bin, inx siongrr gauu hijingg qexir ee air laii buah bin. Roger verbuw itdit iwdoo tauwlo " gunw si jinrjid/ u aiwsimx ee verbuw, gunw jin' quansimx Roger." derr zi jniux guaw jriw cud, oklangg diauqangx guirjongx/ jurkix-kizinn, gauw siongsinr, Roger verbuw itding zinrding jurqiw jinrlik uirr Roger huwcud itcer, dng' inx qongw, "gunw ixqingx cua ix kir knuar simliw isux quixarr vaiw! Byy langg u ix ee hxuad!" guaw sniu, ix jaw dyrr qra sursit jinsiongr danr vunwsywduix kir ar!

Qinggiam u qraur ee simliw isux longxx jaix, simx hiongg ee verbuw siwqer longxx u, jiaxee verbuw jerjiyw e ixx hiqew ee air laii vanrqiyh. Dongzenn, lanw berdangr jiong' inx juann quijyr oklangg, mrqycc guaw zinruii, dirr tingdo jerjiyw ham' M. Buber (1878-1965) ee nng jiongw sinue duxhyw hac hac --- oklangg hunx nng lui "jiamrr duirlyc"/ "ixqingx duirlyc" ee oklangg. Guaw byy cingcyw jitt nng jiongw ee qaiwsnuar dirr dyhh; guaw kakding : Roger verbuw ixqingx huac quer jiamrr duirlyc ee hunqaiwdiawm ar!

Dairsingx, inx guanrir hisingx Roger, vyxjunn jurluann ee jurgnow hingsiong/ viauxhen qaxx jit diamw aw dyrr byy qimwqi/ byy jamrjad/ simrjiww lensiongw diyc Roger si "qiinx uituann ee juerhuan" marr byy iauwqinw. Inx qra jitt hxang dairjir rue cud ix ee jikzim gua, zinrding Roger qiongbecc juadbang/ byy iyc rix/ sitsiongg, jiyh jitt xee lixiuu dexjer guaw zinruii inx rair dirliauu ee vit'iaur, guaw iwsig diyc inx itsimx sniu beh qra Roger dongwjyr tewsixquiw.

Derr zi, inx siaw cud jit xee dua vehcat, giamdiong niuxkiog sursit. Maxmah ee puex siaw " guaw sniu beh hro liw jaix, gunw ixqingw jiauww liw ee qenwgi sangr Roger kir qiawyc tak ceh!" jex ham' sursit cax jap-bxan veh-cingx lxiw! Sursit guaw qenwgi inx, qra Roger lauu dirr St.Thomas diongyc, m si likuix! Qycc qongw caixlap guaw ee qenwgi, --- rair inx jiapsiu dirliauu jiacc si guaw siongrr diongriaur ee qenwgi --- inx jyr :ee ham' guaw ee qenwgi sionghuanw. Puex nirr amwsi, inx jiauww guaw ee qenwgi jyr, sursit inx jiong' guaw ee qenwgi siaw hyw knuar ziiw! Dew dew ee bunn nirr, si snax xee vehcat horsiong snalensuar qad jit qnrua (cuanr)! M si jit xee/ iacc si nng xee ! Jiacc siaog/ si-huix dendyww ee ciuxlo suxx langg qniasimx! Dng' ix siaw "gunw ixqingx jiauww liw ee qenwgi..." ee dongsii, ix jurqiw zinrding si junjiauw guaw ee iwsur. M.Buber dirr "sxen qapp og" ee ceh nirr anne siaw " dirr linghunn cimamr ee soxjai, qodnuax ee linghunn dirr vutkyxsugi ee bicsiycue ee iuhir nirr, qaqi siamxbih/ huepiah/ cangwbih."

Ginxaw si siongrr denxhingg ee siurhairjiaw, m na ginxaw si siarhue siongrr ziogser/ siongrr iong'i siursiongx ee jit qrunn; marr si in'ui verbuw duiww ginxaw ee sniwmia u juadduir ee juanjewkuann/ uikuann (juxlangg jipuer lole, verbuw kongwjer juxluw). Suibongw ginxaw ee singsigdo vutjiog/ byy singsik binrduir verbuw qyckacc ilai, vig verbuw diyhh u qyckacc quann ee kuanlik, mrqycc berdangr hiyxzin, verbuw soxx jiongxag ee kuanlik ham' qitnax ee kuanlik siy' qang, kyxlingg huatsingx qokk jiongw byy qang tingdo ok'ir ee lamriong. Verbuw/ ginxaw ji' qranx iauxx junjai tensingx qiongjewsingr ee cinjuw quanhe. Juxlangg/ lole ee quanhe byy hyw, juxlangg e qra lole bre driau, ginxaw be likuix verbuw, narr beh verbuw likuix ginxaw/ tuatli ginxaw duar laii ee aplik marr byy hiacc qanxdanx.

Bob/ Roger ee qywanr iauxx u lingrgua jit xee vutjiw cuwbi ee henrsiong : inx ee verbuw longxx si qang jit xee pnirkangx cud kuir, muixx jit duir verbuw, nng xee qab jyr jit uann, sniakuir qangrkuanw, berdangr qandna' qongw Bob ee vaxvah/ qar maxmah lauwqaux kir, dywvingw marr qangrkuanw. Roger ee verbuw, nng xee qangrkuanw hiqew, nng xee jywhuew cam'uw jewding kuriuw huixbedsingr ee quatcig; itdanr Roger binrduir ee bunrdee hro inx dongr be diauu sii, nng xee jywhuew zinrding Roger byy iyc rix!

Zidsiongg jingsinkyx ee limcngg vnerle, og ee siurhairjiaw byy juann si ginxaw. Lanw laii knuar Harry/ Sala ee qywanr, inx si jit duir uaw go-jap huer/ byy juxluw ee angbow. Jitt xee qywanr henxsi, singlenlangg/ ginxaw og ee jygu, dirr mow quaw hongbin uanjuann byy qang, hro lanw jinr jit vo liauxqaiw "og angbow" jiongxjiongw henrsiong. Juewau, Harry/ Sala ee qywanr jiong' uirr "zinsingr og" ee jingsinn hunlui, denxkuix sinx qycc suxx langg cimsniu ee cunwciyh/ kongqanx.

HARRY HAM' SALA

Derr id vaiw qnir diyc Harry, si ix ui' jiulip vnerngi cud ngi ee jit lexvair. Dirr jex jinwjingg ee vaiwlak jaiw jap-id diamw, ix iong dngqyhingg tiwdyx quah siongx nng vingg amrqunw, dingxsinx byy cing snxax, dui' igqingx qniaa laii langkectniax. Hitt sii, Sala duxx dirr kectniax duir siaur. Harry qniax qaxx dua sniax huah "guaw qycc jursad ar!"

Sala huetauu knuar diyc hueh cobcop dih, qinw vyr anr; qingxcad tongdix qiuwhorciax qnuaw laii, sangr Harry kir qipjinw, dysiongx byy cimx, byy diyc diyc dongrmec/ jingrmec. Siongkauw tni hyw au, sui' juanw sangr jiulip vnerngi. Jex si quewkir go nii laii, Harry derr snax vaiw iwdoo jursad byy sxingg.

Harry/Sala angbow juewqin censuaw laii gunw jitt kux, cutngi au, vnerngi jiong' Harry juanw laii guaw ee jinxsow jyr aursiok ee dirliauu, jinxduanrsux juwbingg "qinglenqii auxud huanxingr (Involutional Depressive Reaction)"; jiac liauw dairliong kongwutjud iyhbut/ dinwdingrjex.

Guaw qniaa kir haurjinxsig gniajih Harry, diamrjing jre dirr Sala sinvnix, gongrsinn dit knuar jit diamw/ diongdingw sinjaii/ ox langlangx imdimm iubun ee laurlangg/ qui' sinkux qiuqux dirr ec jnijnix ee vniqag/ knuar kiw laii viw sidjer qyckacc sanw/ ser. Knuar diyc ix hro guaw jin' tiamw, siongrder ar! hibang juilip vnerngi qra jiaxee langg tad cud laii jinwjingg, erdangr duiwtai ix kacc hyw quaw. Guaw jinrliong jyr cud huangingg ix ee ngiu, qniaa hiongr ix, "guaw si Peck isux, cniaw zip laii vanrqongsig!" "gunw kanx :ee qamxx ersaih zip laii?"Harry kunxqiuu mng.

Guaw knuar Sala .jit .xe, sanw qaxx knuar tangr quttauu, viw Harry qex jiokk sewhanr, mrqycc knuar kiw laii qyckacc quandua, dnix dnix ciyr .jit .xe qongw, "isux liw narr qamxqag byy iauwqinw, guaw dyrr zip kir or!" ix ee ciywiongg vingrr byy duawlaii kinsangx kuaiwlok, cuiwqag vnex ann ee ziauhunn tauwlo vyc vyc iuciuu. Qruar jit qix kongx qimx bagqniar, suacc hro guaw lensiongw diyc qauwhue siuluw.

Jre dnia au, guaw mng Harry " liw uirsniaw beh Sala ham' liw jywhuew zip laii?"

"Ix dilehh, guaw kacc jurjai." Harry lingw lingw dab, byy jit diamw aw qamxjingg, juanzenn qongw jit hxang sursit ziiw! Dongsii, guaw itding henr cud byy zinrdongg ee viauxjingg. Jiacc hro Sala ciyr qaxx jin' dua sniax, "isux, Harry itdit si anne, ix jit kig dyrr byy guanrir qra bagjiux suaxkuix guaw."

"Si m si liw ee uanwdowsimx dang?" guaw mng Harry.

"M si," gong gong dab.

"Arr byy, si uirsniaw?"

"Si guaw qniax."

"Qniax sniaw?"

"Guaw marr m jaix, dyrr si qniax."

"Isux, guaw sniu si ix ee simliam." Sala cab cuir qongw. "Harry, qewsiok ar! Liw erdangr qra liw soxu ee liamrtauu qongw hro isux tniax ar!" Sala huatcud jixling. Harry byy cud sniax.

"Ix soxx qongw ee liamrtauu si sniaw?" guaw mng.

"Ham' 'sad' iuxquanx ee liamrtauu." Harry jin' byy cuwbi rinr.

"Sad? Liw si qongw liw simtauu u jit qrow beh huixbet ee liamrtauu."guaw mng.

"M si, qandna' si 'sad' ee liamrtauu."

"Kiongxqniax guaw byy qaiww liauxqaiw liw ee iwsur."guaw tecniw qongw.

"Qandna' si jitt zri ziiw!" Harry qaixsueh, byy duar zimrhyy qamxjingg. " 'sad' jitt zri cimcangr dirr guaw simlai, suisii dyrr e cuthen, m quanw guaw dirr dyhh, kacc je ee siqanx dirr jaixkiw sii. Jaiw sii guaw kixcngg tir cuiwciux, knuar qniar-lai jurqiw, jitt xee liamrtauu dyrr puu cud laii! Cavutdyx dagg jaiw longxx anne."

"Liw si qongw cniurr huanwsiongw? Liw tniax diyc jit jiongw beh liw 'sad' ee sniax?"

"M si, m si sniax, qandna' dirr simlai ee 'zri' !"

"Dirr liw decc tir cuiwciux ee sii cuthen?"

"Si, hro guaw simjingg siongrr baiw."

Guaw hionghiongg qamxqag mng " liw iong ee tiwdyx si dit dit :ee?" Harry tauu diamw jit xe. "tniax kiw laii ix cincniu sniu beh iong tiwdyx taii langg."

Harry ee viauxjingg qniahniah. Jex si derr id vaiw knuar diyc ix bin u simjniaa. " m si." ix digvet qiongdiau. "guaw byy sniu beh taii langg, hex jixvutqyr si jit jiongw qamxqag, jit xee 'zri' ziiw!"

"Anne, henxzenn, liw sniu beh jursad. Uirsniaw e anne?"

"Guaw qamxqag itcer luan caucaux! Guaw byy hro langg hyxcur, qandna' si Sala ee hurdamx!" ix dimdang ee sniakuir hro guaw byy songxkuair. Ix dongzenn m si e lang langg ciyr ee langg.

"Ix qamxx si liw ee hurdamx?" guaw mng Sala.

Ix hnuahiw qongw " or! Byy iauwqinw! Guaw hibang erdangr u jurqiw jit diamw siqanx, dongzenn, guaw qingjer marr byy hyw."

"Soxiw liw qamxqag ix si hurdamx."

"U siongrder ham' guaw jywhuew." Sala dab.

"Uirsniaw linw ee jnii byy qraur iong?"

"Harry ixqingx sitgiap veh dxangx ar! itdit iubun be kuaiwlok. sing'uahhuir juann kyr guaw dirr denrue qongsix siongrvan ee siuzip."

Harry hionghiongg cab cuir, aiciuu qersniax "ixjingg guaw si giabburguann.

"Gunw qethunx ee jingg jap dxangx, ix kaksit sniu vanrhuad tanr jnii, mrqycc jurlaii m bad jinjniar jin juanlik. Cinair :ee, guaw qongw :ee qamxx m driyc ?" Sala viauxsi.

"Qethunx ee derr id nii, qandna' iongrqimx dyrr nng-bxan-gua ar!" Harry huanxvog.

Sala nairsingr qaixsueh " anne si byy m driyc, hex si 1956 nii, denrkir kaiquanx setvi zedci ee nidai. Muixx jit xee tuisiaux jitt jiongw mic ee langg, longxx erdangr tanr diyc jitt vid jnii.

Harry diam diam.

"Liw uirsniaw byy qycc qangjog?"

"Guaw diyc utjingr, dagg zit jaiw, simjniaa jin' baiw, cavutdyx byy hxuad qangjog."

"Utjud sniaw?"

Harry jit bin bongbiauw, hyxcincniu be qir .did soxu ee dairjir, hionghiongg qongw "itding ham' guaw simlai hiaxee zri u quanhe."

"Liw si qongw cniurr 'sad' jitt lui ee zirqanw."

Harry dimr tauu.

"Liw iong 'hiaxee', qamxx qongw liw simlai iauxx u qitnax ee zri?"

Harry diam diam.

"Cinair :ee, qewsiok qongw, qra qitnax ee zri qongw hro isux tniax." Sala qongw.

"U sii e cuthen luirsu 'ced' 'duii' jitt lui ee zri." Harry byy sniu beh qongw.

"Qamxx iauxx u vadd zri?"

"U sii si 'hueh'."

"Jiaxee longxx si hunwno iuxquanx ee zirqanw. Duhuix liw hunwno lann sriaux, narr byy, liw taukag-lai be cuthen jiaxee zri."

"Guaw byy dair hin." Harry byy kuiwlat hiyxzin.

"Liw anxjnuaw sniu? Liw zinruii ix jin' hunwno?" guaw juanw mng Sala.

"Or! Guaw sniu Harry hin guaw."ix duar diyc zukuair ee ciywiongg huedab, cniurr decc qongw cuwvnix qecpiah ginxaw ciywkuex ee viauxjingg.

Guaw diyhqniax siongr ix, kaisiw huaigii ue nirr ee jinsidsingr. Guaw sniu be qaur ix suacc erdangr juanvo jiacc cingcyw tanxvec.

"Qamxx qongw liw byy damsimx Harry kyxlingg hai liw?" guaw mng.

"Or! Be, Harry lenrr jit jiah horsinn dyrr pah be lyc, cinair :ee driyc hnor?"

Harry jit sniax dy' byy.

"Qongw jingwqingx :ee, ix sniu ee 'sad' 'hueh' 'duii' jiaxee zri. Ngua guaw si liw, zuqyw druar jywhuew :ee, luersimx jiacc je kiongxvor ee zri itdit dirr taukag drew dngxsec, guaw itding jin' qniax!" guaw qra Sala qongw.

"Isux, liw byy liauxqaiw, ix siongx be diyc guaw, ix si qerlorsaix."Sala lingxjing qaixsueh.

"Ix qongw ee byy cyr, guaw jin' nngxziok." Harry ue qongw dirr cuir lai.

"Narr qongw ix byy m driyc, liw u snaiw qamxsiu?"

"Guaw beh qaqi kacc qenqiongg." Harry qongw qaxx jin' lingxdam.

"Harry lenrr sraiw ciax dyrr berhiauw, byy guaw, ix be cud mngg/ benw kir ciauqib cirdniuu/ qitnax langg je ee soxjai. Cinair :ee, liw jyr be qaur, driyc hnor?" Sala cab cuir.

Harry dimr tauu, jit sniax dy' byy.

"Liw naxjunxx jin' quawir Sala soxx qongw ee muixx jit qxur ue/ soxx jyr ee muixx jit hxang dairjir." guaw jriw cud.

"Ix qongw :ee driyc, byy ix, guaw dyhh dy' benw kir."

"Uirsniaw berdangr?"

"Guaw qniax."

"Qniax sniaw?" guaw iwdoo hro ix aplik.

"Guaw m jaix, guaw qandna' erdangr qongw, muixx jit crur guaw jit xee langg, dyrr e qniax, jixiaur Sala byy dirr sinvnix, gauw dyrr qniax."ix huedab qaxx jin' vibii uixkud.

"Liw hyxcincniu si jit xee be duarhanr ee ginxaw." guaw viauxsi.

"Harry ee mow quaw hing'uii ham' ginxaw byy nng ngiu. Cinair :ee, liw iauxx bue uanjuann duarhanr, driyc hnor?" Sala ciyr ciyr aw qongw, iangkir ee hxingg.

Guaw cuir sui' jongg cud "kyxlingg liw byy sniu beh ix duarhanr oox?"

Sala iong hin jai simx ee binrsig knuar guaw, "sniu beh?" siurkir huanxvog "sniaw sii u langg kyxlu .quer guaw ee su'iaur? Guaw beh sniaw jit diamw aw longxx byy diongriaur, guaw ee su'iaur jurlaii dyrr duiww zimrhyy langg byy kiw jok'iong. Qinvunw m si guaw beh/ byy air ee bunrdee, guaw qandna' jyr jurqiw qaix jyr ee dairjir, jyr siongrder beh guaw jyr :ee, uanjuann byy guaw viauxdat jurqiw su'iaur ee kongqanx. Si'angw quanw Harry ee hurdamx? Guaw jit xee langg qrngx soxu ee dairjir; guaw jit langg sraiw ciax, qycc anxjnuaw? Sala byy uanwceh ee kuanli, jyr sniaw longxx ingwqaix, bersaih uanr tnix, berdangr quair langg'. Harry dair diyc utjutjingr, guaw bersaih hiamwkow. Harry qiawuac dirr guaw jiax, byy langg quansimx Sala. Guaw vutqyr si pnai liauw siongrder qaux hro guaw ee jikzim, Sala jixsi jinrlat jyr girbu ziiw!"

Guaw hro Sala jiacc dua qnrua luanrqongg me langg' qniax jit diyy, m jaix qaix vutqaix ham' ix qycc qydnii lyc kir. Hnowhenn hro guaw qycc qewsiok, "guaw iyh linw byy juxluw. Jex si liw ee quatding?"

"Harry be snix." Sala qongw.

"or! Liw jnuaxngiu jaix ?"

Sala ee viauxjingg naxx decc amwsi guaw byy siongsig. "dirr hursanxkyx jyr quer qiamxjax, qongw guaw juadduir qenrkongx, bunrdee m si guaw." Sala qaixsueh.

"Liw marr jyr quer qiamxjax?" guaw mng Harry.

Ix iyy tauu.

"Uirsniaw m kir?"

"Guaw jnuaxngiu rair kir?" Harry rinr, hyxcincniu gauw byy qra dairjir tniax cingcuw. "zuqyw Sala byy movne, anne itding si guaw ee bunrdee lor!"

"Harry, liw si guaw qnir .quer siongrr virdong ee langg; virdang qaur qaxsed linw bow qra liw qongw qiamxjax ee qetqyw; virdong qaur qaxsed zuqyw ix ee qiamxjax qetqyw jingwsiongg, anne dyrr si liw byy jingwsiongg. Sewqanx u zuarr je angbow sianghongx longxx jin' jingwsiongg, mrqycc iuguann berdangr huaiin. U kyxlingg liw marr uanjuann byy bunrdee, uirsniaw byy be kir qiamxjax knuar mai lehh ?" guaw qongw.

Sala ter Harry rinr, "jex ixqingx byy diongriaur ar. Gunw longx jiacc je huer ar, byy vanrhuad snix ginxaw ! Gunw marr byy jnii qycc qex jyr qiamxjax. Liw be qir .did ar? Cur-lai qandna' guaw jit xee tanr jnii, qycc qongw," Sala naxx ciyr naxx qongw " liw qamxx erdangr siongxsiong Harry jyr vaxvah si sniaw ngiu? Ix lenrr jurqiw dyrr cri be uac!"

"Qamxx qongw byy daddid hro Harry jaix, ix m si be snix?"

"Sala qongw :ee byy m driyc." jex si Harry jiamduir Sala qaxsed ix be snix ee hong'uirsimx! "jingwbingg ixqingx byy sniaw iwgi ar!"

Jitt sii, guaw qamxqag jin' tiamw, suibongw li xe jit xui iokjinw :ee, iauxx u zi-jap-gua hunx, guaw qionglet ciongdong sniu beh sui' jiong' huerdamm tingg lyc laii. Jitt xee anr jit diamw aw dyrr byy kuiwsix-aw; Harry qinvunw byy kyxlingg hyw, ix hamrzip jin' cimx! Jex si uirsniaxmic? Guaw jurzenn huaigii, ixx siongrder ee miaa jyr dairjir, uirhyy/ zuhyy e huatsingx anne ee cicamxdai? Guaw inxcua Harry, " qongw quaw liw ee donglenn?"

"Byy sniaw tangx qongw." Harry qniax qniax.

"Anne, liw siongrr quann ee haglik si sniaw?" guaw mng.

Sala qycc ter ix dab "Harry zip kir Yale, aurlaii virr tewyc, si m si cinair :ee?"

Harry dimr tauu. Guaw qamxqag vutkyxsugi, Sala jit jiamx qnir hueh/ jit sud aw dyrr byy lauu jxingg, puepingg Harry si qniawsingx :ee, e si bad tak .quer itliuu dairhak ee langg.

"Liw anxjnuaw zip kir Yale?"

"Gunw daux u jnii."

"Mrqycc liw itding marr si kiauw kiauw jiacc si?"

Sale qycc cab zip laii, "zuqyw m qangjog, kiauw u sniaw loriong? Guaw ciangjai qongw, hing'uii viw guarviauw kacc diongriaur."

"Liw qamxx u juwir .diyc, muixx jit vaiw jixiaur guaw sniu beh qiongdiau linw angx kyxlingg u ee iudiamw, liw dyrr cab ue, byy dyrr qra lauwkuir/ sriaux hongx.

Sala jiamsniax auqiyr "lauwkuir? Guaw laur ix ee kuir? Isux liw si jit xee pnirkangx decc cutkuir, kyxlingg liw jiacc si qra siauhongx ee langg? Juann si guaw ee cyr. Or! Juanvo quair guaw. Harry m qangjog/ m sraiw ciax/ sniaw dai dy' m jyr. Soxu ee cyr longxx quair Sala hyw lar! Guaw qra liw qongw, jaw dirr bad guaw jinwjingg, ix dyrr ixqingx si jit xee byy kuir/ tec be kiw jingsinn ee langg ar! Harry ee maxmah si jiuxquiw, vaxvah ham' ix qangrkuanw byy qud :ee. Ix simrjiww byy jaidiau qra dairhak tak uann. Aurlaii langg' diongwsiongx, qongw guaw si air jnii jiacc ham' Harry qethunx. Dyhh laii ee jnii! Ix hitt xee juir bangbangg ee maxmah jaw dyrr qra soxu ee jnii tec kir limx jiuw, limx qaxx qngx ~~ ar! Guaw si vnuar sxenw dyrr m bad knuar .qyer. Byy langg dauwsnaqang, qiur gunw tuatli koxhaiw; byy langg jo Sala. Itcer dua/ ser hxang juann longxx Sala vauvan! Qingwzenn qongw Sala hro Harry tauu giac be kiw laii. Linw sniu knuar mai, u langg quansimx guaw? Byy, jit xee dy' byy, qandna' jikvi."

"Sala, guaw e quansimx liw." guaw kinziuu duiww Sala qongw, "zuqyw liw guanrir, qra liw ee qadingg/ qywzinn/ simlo qingquer qra guaw qongw."

Sala quawqud qongw " si jnuaxngiu? Jitmaw guaw jniajyr vnerlangg lor! Jin' sitlew, guaw byy sniu beh jyr liw ee vec niauxciw. Byy su'iaur liw ee hiabjo; bunrdee m si dirr guaw jiax! Guaw erdangr ui' bogsux hiax did diyc itcer guaw soxx su'iaur ee vangjan. Ix liauxqaiw guaw/ jaix guaw ee jygu. Siongrder ixqingx jiong' guaw su'iaur itcer ligliong, sur hro guaw. Guaw si cua Harry laii cue janrjo ee. Ix jiacc si jinjniar qaix jiapsiu huxdy :ee. Zuqyw liw erdangr jyr, dyrr qra Harry janr lat !"

"Sala, guaw si jin' zinrjinx ham' liw qongw. Liw qongw :ee byy cyr, Harry su'iaur langg qiur, gunw marr e jinrlat hiabjo ix. Guaw zinruii liw qangrkuanw marr su'iaur. Liw dngdecc hamrzip kunwqingw. Guaw qamxqag liw simhuann-iwluan. Guaw sniu, narr erdangr cue langg' qongxue, iacc si kuix kacc unhyy ee dinwdingrjex. Kyxlingg jinghongw e qaixsen jerje."

Sala kutqiongg dinwding, unw unw jre lehh duiww guaw ciyr, naxjunxx guaw si senrliongg qniaa amwlo ee siauwlenn. "dysia, isux , liw simde jin' hyw, mrqycc kiongxqniax guaw byy jauluan! Sewqandai jin' jiyw e hro guaw kunwziauw."

"Jin' sitlew, guaw ee knuawhuad duxhyw ham' liw dywvingw, guaw zinruii liw kaksit auwud, huex liloo!" guaw huanxvog.

"Isux, kyxlingg liw byy cyr." Sala rinr. Ix naxjunxx byy beh qycc cir giaa giaa. "Harry ee vne jyrsingg jin' dua ee hurdamx, narr byy ix, guaw kinsangx je lor!"

Tniax jitt xee ue, hro guaw qalingxsunw, Harry naxjunxx byy sniaw qamxqag. Ix jysiu .diyc ee apjer/ bujingg pywhai, ixqingx laii qaur siongrr quann diamw. "anne, liw uirsniaw m likuix Harry? Byy Harry ee hurdamx, kyxlingg liw ee sing'uac qex jin' cingsongw. Zuqyw Harry virr vig diyhh jurlip, dngqii knuar .laii kyxlingg duiww ix marr si hyw dairjir." guaw duiww Sala qongw.

Sala henr cud buxsingr ee ciywiongg "oor! kiongxqniax Harry taiww su'iaur guaw, m qramx likuix guaw." juanw hiongr Harry , "Harry, zuqyw guaw likuix liw, liw dongr be diauu hnor?"

Harry liulo cud qniahniaa ee viauxjingg.

"Duiww ix laii qongw, jex dongzenn byy iong'i. Guaw ersaih anvaii hro Harry dngqii duawngi. Dirr vnerngi lai, ix erdangr did diyc hyxser ee jiawqor/ sing'uac-siong ee uanrjo."

"Cinair :ee, liw qac'ir hitt jiongw anvaii? Liw sniu beh dngw kir vnerngi, beh guaw likuix liw?" Sala mng Harry.

"Vaiwtog, vaiwtog guaw byy air."Harry aisniax hauw.

"Cinair :ee, qra byy hibang guaw likuix ee guan'inx qongw hro isux jaix." Sala iong bingrling ee kuiwkauw.

"Guaw air liw." Harry naxx hauw naxx qongw.

"Liw knuar! Isux, ix air guaw, guaw bersaih likuix ix." Sala ixx singwli ee juser qaixsueh.

"Liw qamxx u air ix?" guaw mng.

Sala iong jiapqin ciywkuex ee gixkir mng " air? Iauxx u sniaw air? M driyc, isux, gauw sniu liw siongrr hyw qongw, hex si jit jiongw jikzim. Guaw u jikzim jiauwqor Harry."

Guaw m jaix qidongx u zuarr je jikzim? Qycc u zuarr je si su'iaur? Ui' guaw ee libdniuu knuar .laii, liw naxjunxx su'iaur Harry anne ee hurdamx cniurr ciurqinx zip too hiacc su'iaur. Kyxlingg linw byy ginxaw, kyxlingg liw sniu beh Harry jyr liw ee qniaw laii vow liw soxx kiamr :ee. Guaw m jaix guan'inx cud dirr dyhh? mow quaw lixiuu, liw simlai u jit qrow jin' lann dexjer/ qirjuat ee iogbang, sniu beh kongwjer Harry. Cniurr Harry marr u jit qrow byy hxuad dexkongr ee su'iaur, diyhh ilai liw. Jitt xee quaiwqii ee hun'inx sidhen liw/ Harry horsiong ee su'iaur."

Sala ciyr qaxx jin' qiquair --- qoxquair/ hijingg-qexir gong ciyr. "jex si bew/ guu draur be ba ee nng huesu. Si ar! Nng jiongw juadduir berdangr lam jywhuew qongw ee dairjir. Harry/ guaw bedangr horsiong jyr vixqaur, jit xee si lingo, jit xee si qamx-aw, liw qamxx jaix si'angw si lingo? Si'angw si qamx-aw? Puee ziauu? Qudliux? Iauxx si qau :ee?" Sala qycc girgi ciyr. "guaw iyh si qau :ee, gunw diyhh qau binrpuee jiacc erdangr huanxqig hiaxee vikhai gunw ee langg. linw longxx iong qew kyhak laii vikhai langg'. Jex qycc byy iauwqinw, guaw jaix zuhyy duiwhur vreh qamx-aw/ siah lingo ee langg, siongrder tniar guaw, sur guaw ligliong. Hiaxee quibuew juann si jit dxuix byy loriong ee vunwsyr!" Sala uirr jurqiw venrho. "juewau ee hardniuu, qamx-aw puee vreh driau/ lingo virr ced der, juanvo dryr zip kir vunwsywduix nirr. Linw jiaxee qew kyhak vikhairjiaw siongrbuew dyrr si ham' quexjiw jywhuew danr lyc kir vunwsyr nirr."Sala iaurbuw-iong'uix qongw uann.

Guaw hiyrhuew binrduir Sala hro qongw hiacc je sitkongr/ luan qongw, hro guaw kiw uiwqnuaa. Harry vicamw ee jygu/ jursad ee dongrqix/ kyxlenn ee sinser ixqingx u qraur vuthing ar! Narr qongw angbow nng xee longxx duawngi, sing'uac beh anxjnuaw qewsiok? Kyxlingg Sala marr qamxqag virr vig qaxx be cuanw kuir ar! Guaw siongrhyw uirr Sala anwsngr jit dua dnxua tewlo, hro ix huehok dinwding.

"Lanw ee damue jin' qinw dyrr beh qetsog, diyhh vaiding jit hxun jinxliauu qewue. Sala guaw iyh liw jitmaw itding byy qamxqag jurqiw su'iaur dirliauu, marr jurzin jingwsiongg. Harry juadduir su'iaur vangjan :ee, driyc hnor?"

Sala viauxsi dong'ir, naxjunxx quiw hunjingx jingg ee dairjir byy huatsingx." si ar! Kyxlenn ee Harry kaksit sitsiongg! Lanw qaix jin itcer linglik jo ix."

Guaw amr amr aw cuanw jit dua kuir, capcuir langg' ee hun'inx sing'uac, suibongw byy singqongx, henxzenn byy huanxhaurqyw. "Harry, liw qamxx su'iaur qewsiok jiac iyc ?" guaw mng.

Jit sniax dy' byy, dimr tauu. Sala qongw "cinair :ee, liw narr m jiac iyc, oluanrsniu e zuxx laii zuxx giamdiong." Harry tauu dimr jit xe.

"Kaksit u jitt xee kyxlingsingr, u sniu beh qewsiok jiapsiu simliw dirliauu? Qamxx guanrir kaix siqanx ham' langg siongser qongw simsu?" guaw jriw cud.

Harry iyy tauu, ser ser liam " jitt xee jubi jin' pnaiw quer."

Sala dong'ir qongw, "jingg hitt vaiw, inx iauxx beh ix jiapsiu simliw dirliauu neh!"

Guaw kuix iyhhngx, hro Harry qewsiok jiac duawngi sii soxx jiac ee iyc; hunrliong byy venr/ hibang snax lexvair au qycc laii huerjinw, jiacc qycc knuar si m si qaix ngua qitnax ee iyc. "au huee huerjinw ee siqanx viw qin'axzit kacc dew. Sursit-siong, jin' qinw dyrr ersaih qetsog!"

Gunw snax xee jywhuew kia kiw laii, Sala qongw "isux, dongzenn, liw ixqingx uirr Harry jyr u qraur je ar! Sidjai lann viauxdat gunw ee qamxsia."

Guaw dirr jinxduanrsux siaw liauw dew dew quiw jua zri, nng hunjingx au, qniaa cud huerjinxsig limx qavix. Harry/ Sala ham' viwsux iog xe huee huerjinw ee siqanx. Inx nng xee qniaa cud mngg gua sii, bu'iwdiongx tniax diyc Sala qongw, "Peck isux viw lingrgua jit qingx jinxsow ee isux hyw je ar, liw qongw si m si? Jiwjiyw ix si Bixqoklangg. Lanw lenrr hitt qingx jinxsow ee isux qongw sniaw dy' byy cingcyw!"

Jitt xee anr siongrr cuwbi ee soxjai, kyxlingg m si Sala ee og, si Harry ham' og ee quanhe --- Harry sriu Sala ee jipuer, si Sala ee lole. Ginxaw qxow/ sinue nirr ham' lole iuxquanx ee juxdee, jin' iong'i knuar .diyc. Qowsu nirr ee qongjuw/ ongjuw...dringw, jongxsi siurjer ang'ii/ moquiw ee og sewlik. Lole ee sinue rair qycc jinr jit vo genxqiur, mrqycc guaw byy hxuad qra Harry ui' sriu buasaiw ee jongtair giuw cud laii, jex si guaw ham' sinue inghiongg byy qang ee soxjai. Uirsniaw ix simqamx-jingguan sriu Sala buasaiw? Uanjuann byy hong'ui jiong' jurqiw ee linghunn bre cud kir, qaux hro Sals jiongxquanw?

Huerjinw sii, guaw u qongw .quer, "Harry, liw si guaw knuar quer siongrr virdong ee javolangg". Soxui virdong, siongrdingx vindnua/ kiamr hingdongrlat --- qandna' siux .zip .laii/ byy huwcud ; duewsom :ee/ byy guanrir qaqi qniaa ; jiapsuirjiaw/ m si hingdong :ee. Marr ersaih iong "ilai" "iuwdir" "vindnua" laii biyue Harry. Sidjai u qraur lanxsix! Ham' Sala ee quanhe cniurr ngix-aw/ maxmah, simrjiww byy hxuad qaqi qniaa zip laii guaw ee vanrqongsig, qyckacc benw qongw guanrir jin jurqiw jit hxun lat sukyw jursinx ee bunrdee/ sethaud singdnax doglip jurjuw ee honghiamw.

Guaw byy hxuad jaix Harry jiacc vindnua ee guan'inx. Sala ue-diongx tauwlo, Harry ee maxmah si jiuxquiw, Harry ham' ix ee vaxvah qangrkuanw nngxziok. Jex amwsi Harry cutsinx verbuw longxx jin' vindnua ee qadingg. Dirr jitt jiongw qadingg singdiongw, kyxlingg e hro ix ingziqii ee suqiuu did be diyc. Lanw erdangr qaxsed, dirr ix duw diyc Sala sii, kyxlingg ixqingx si dua lanxsiqud! Suibongw si singlenlangg ee guarviauw, simdir kiokk naxx iuwdongg, jurlaii byy did diyc maxmah ee jiauwqor/ tniawair, amwiwsig jongw vutduan sunqiuu qiongg/ u lat buxcinx ee hingsiong. Sala duxx huhap Harry soxx su'iaur, qycc cniurr Harry buanxjiog Sala buasaiw langg ee suqiuu. Itdanr quanhe singlip au, jniajyr oksingr sunkuann unrjog kiw laii, jurzenn qacimx horsiong ee vnertair. Sala saih jit xee binrsig/ tror jit xee kuir/ hiongg qaiwqair, zuxx hro Harry vibii/ kukax, Harry ee luanxziok/ jingqiongg Sala ee kuanlat iogbong.

Soxiw, Harry m si Sala siaog imngiaw ha, dnuax hongbin/huijurguan ee hisingjiaw. Jitt xee anr suecbingg liauw jit hxang tongjig: jniajyr siaog ee "qangpnua" juadduir m si iwgua, ixqingx si singlenn ee liw/guaw, m si miarun ee juxjnaiw/ kongwjer, virr vig tiaur zip og sewlik ee hamrjnew; si qaqi uew jnew tiaur zip kir. Dirr aurbin ee qokk jniux, dng' lanw tyxlun/ genxqiur quntew og ee henrsiong, qunjiongr kyxlingg kinsangx/ iong'i dyrr qazip qiongrdongg cam'uw cocann hiongog ee hing'uii sii, qokk xui jiong' itjair knuar diyc jitt hxang guanjig soxx huathuix ee jok'iong.

Jitt sii/ jitt kig gunw quansimx ee si siongrr ser dan'ui ee quntew " jit duir angbow", zuhyy siabzip siaog. Harry/ Sala ee qywanr, jerjiyw henxsi liauw lanw cavutdyx byy hxuad hunven og angbow, si'angw jyr og? Bob ee verbuw naxjunxx longxx si oklangg; Roger verbuw cam'uw liauw duisad Roger simlingg ee og. Inx longxx kuriuw siaog ee digjid, guaw byy hxuad dongrcaa inx ee simlingg, qandna' liahsngr, angbow sianghongx ee oksingr byy cniurr viauxbin knuar laii hiacc vnedang/ huaigii si m si jinjniar erdangr hro hiacc siaog ee nng xee langg dirr quxdngg ee hun'inx sing'uac jaxamr qad siyuaw? Uirr huatdenw vit'iaur ee habjog quanhe, inx ee huixbet ligliong itding jin' qniax langg'. Guaw iycsniu dirr Bob verbuw nng langg ee siaog quanhe, mow jit xui jipuewlik vitzenn damrvyc dua quer lingrgua jit xee; dongsii marr sik'iong dirr Roger verbuw. Zuqyw uaxqin quancad muixx jit duir angbow, huathen qidiongx jit xee jiwjiyw sriu lingrgua jit xee soxx juxjnaiw/ kongwjer/ buasaiw. Sala/ Harry nng langg sokvag duiwhongx ee tingdo cavutdyx byy vnedang.

Guaw ham' jerje togjiaw qangrkuanw, Sala/ Harry ee quanhe vutjiw quixquair, inx si guaw je nii jingsinn ihak limcngg qinggiam "siongrr vnertair" ee angbow, guaw jiacc qongw jitt xee qywanr. Inx quanhe suibongw qiquair/ digvet, kiokk marr byy quair, si hun'inx sing'uac junjai ee juxjnaiw/ kongwjer/ buasaiw/ sokvag ee henrsiong, ersaih qongw vutjiw vingsiongg ee dairjir. Damzim jingsinkyx isux jitbu ee togjiaw ingwqaix erdangr texhue, dirr muixx jit zit limcngg jinxduan, luirsu jitt jiongw anwle, m jaix u zuarr je, itvnuax togjiaw marr erdangr dirr ving'iuw/ cinjniaa nirr, cue cud quiw duir luirhingg jiapqin ee hun'inx.

Siaog erdangr dingrgi jyr : uirr hong'ui/ vyxjunn vnertair jurgnow ee uanbiw, liriong kuanlik pywhai/ huixbet tnazinn simlingg singdiongw. Qanxdanx qongw, cue langg' jyr tewsixquiw --- juanbunn cue ziogjiaw/ m si qiongjiaw. Oklangg quanwsir lamriong kuanlik, jiangxag lat hro inx let jyr derr id diongriaur --- diyhh duiww inx ee siurhairjiaw jiangxquanw moxjiongw tingdo ee juxkongwkuann. Siongrr ciangjai qnir diyc ee si verbuw jipuer qniaw ; ginxaw cutsir laii sriu verbuw ee ioksog, dyrr bogquair duardysor ee siurhairjiaw (Bob/ Roger) si ginxaw. Jex uanjuann si ginxaw berdangr doglip jurjuw/ byy hxuad dyy cud mojiangw.

Singlenlangg narr jniajyr siaog ee siurhairjiaw, marr itding byy lat dysiamw. Virr cingr rah tauu ee siurhairjiaw/ sangr kir dogkir qingx duarpuex Iutaiwlangg/ kia jit vaii virr cingwsad ee Uadlamm MyLai cuanbinn/ zimrhyy songwsid iongxkir ee langg, longxx kyxlingg nngxziok byy lat. Mrqycc Harry ham' jiaxee virr vig :ee/ ginxaw byy qang; ix hingdong juriuu, suisii jauw e li. Jiauww qongw, ix qandna' qniaa kuix, likuix Sala dyrr hyw ar! Mrqycc vindnua/ ilai ee gee, hro ix qamguan sriu Sala ee jiangxkongr. Harry knuar .laii si duarlangg, kiokk jurzin si iuwdir bulingg ee ginxaw. Singlenlangg narr m si dirr cingwkauw ee uihiap ha jniajyr og ee siurhairjiaw, anne jerjiyw qeqiamwcniurr Harry, kia uaw og, ham' og tywhiap.

HYRMIAA QIYR SIAOG

"Hyrmiaa" si jitt vunw ceh ee juxdee. Uirr siaa hyrmiaa hro lanw qangr xmoo druu riaux ee lat. Lanw narr byy huatdo jingwkag hyrmiaa" hiwiam(Pneumococc-al pneumonia)"/ "hiwqngw tad(PulmonaryEmbolism)", duiww apjer vnerjingr vitzenn byy lat. Kiamr hyrmiaa quewdingg , kiongxqniax zuhyy dirliauu dyrr bongbiauw m jaix beh ui' dyhh lyc ciuw. Ui' dirliauu/ jinxduan quandiamw knuar, "jingsinn hunlet" "jingsinn qnualingjingr" nng xee uanjuann byy qang, qaxsed byy hxuad iuxhau dirliauu, hy vnerjingr ee miaa iuguann si hyw dairjir.

Vnerjingr dirliauu jingg, diyhh singx jinxduan, sikdongx hyrmiaa, liw/ guaw jiacc jaix qaix zuhyy binrduir jingwtauu. Siaog qamxx si vne? Jerje langg byy zinrdongg. Itvnualangg byy zinrding si vne/ m guanrir jiong' siaog quilui jyr vnerjingr ee guan'inx u byy qang iwqenr. U langg si simjniaa :ee, langg ongxongw ixx dongjingg/ linbinw oklangg, suibongw lanw byy duiww oklangg hin qaur juadbang, kyxlingg e kir hro oklangg qig .diyc, sanxsingx tyxiar. Liw qamxx u duiww Bob ee verbuw qra jursad iong ee cingr sangr hro Bob, sanxsingx dongjingg/ linbinw? Liw/ guaw jin' yh hro Bob verbuw hyw binrsig knuar ee. Narr qongxx Bob ee a'hniax binghenw jingsingg byy jingwsiongg, jiacc kyxingg u dongjingg ee simjniaa. lanw qra jiaxee dah siaog viautauu ee langg, iauxx byy qaur "siauxqongg" soxx dairviauw ee iwgi --- inx be ovec qongxue, jyr su jok'uii byy jingsinn cywluan, dendyww qongxue diauu diauu iuxliw/ duw diyc dairjir lingxjing/ qangjog hurjig/ qutlat tanr jnii/ qniadac henxzenn huhap siarhue texjer, viauxbin knuar be cud zimrhyy kyxlingg huatqongg henrsiong. Mrqycc lanw byy hxuad duiww jiaxee oklangg u vibinw/ tniawsihy, qandna' erdangr qongw si qywzinn simjniaa huanxingr ziiw! Jex byy qraur diauqnia suecbingg siaog si vne. Lanw langg qniax/ tyxiar qeziauxhongx (taixqyx vne), iuguann qra hy jit xee miaa, duw diyc jitt jiongw henrsiong dongwjyr vne laii rix.

Duliauw simjniaa ee huanxingr gua, lixsingr ee guan'inx zinlui byy guanrir qra siaog knuawjyr vne. m quanw jiaxee guan'inx u suechoglik, guaw iauxx si juxdniux qra siaog dongwjyr jit jiongw simlingg jingwtauu. Guaw ee id-id suecbingg jiaxee lunrdiamw, vutkyxsugi ee cywgo laii jicii guaw ee knuawhuad.

"byy tongwkow qamxqag/ byy janhuer, dyrr vutqaix qongxx si vnerlangg, in'ui byy sriu koxlan/ byy vne/ byy tniar." jitt xee juxdniux jaw dyrr u, qaur dnaxx iauxx u jinggi. Dng' jit xee langg sintew byy "songxkuair(Dis-ease)" sii, si "puawvne(Disease)"! Zyqyw lanw dirr byy jingguan/ byy vit'iaur ee sriu kow jongrtair, jin' u kyxlingg dingrgi jurqiw puawvne ar!

Vunxbunn soxx qongw ee oklangg, dongzenn be dingrgi jurqiw u vne, marr be henr cud siurkow-siurlan ee ngiu. Sursit-siong, oklangg ee dua digdingx si siongsinr jurqiw byy vne/ simliw qenrjuann byy kiamwdiamw. Zuqyw jingwtauu ee viaujunw si qenwlip dirr guarviauw sriu kow/ jurqiw u vne ee qicow-dingw, anne oklangg si siongrr byy kyxlingg virr knuawjyr simlingg u vne ee langg.

Jerje sintew vnerjingr ee coqii qaidnua juann byy zimrhyy diaurtauu cuthen. Mow xui qyqaix juxquanw kyxlingg zinruii dingrqii qenwkongx qiamxjax huecab 200/120 sriok jingwsiongg, qamxx qongw isux vutqaix kuix iyc hro qangr huecab (iyhbut kyxlingg hro ix damrvyc qamxqag byy songxkuair)? Qamxx qongw danw qaur ix cuthen snix-siw quankaw/ kyxlingg janhuer ee diongwhongx henrsiong, jiacc zinrding ix u qyhuec'ab, kuix qangr huec'ab ee iyc ? Narr qinqir bogjingg vne soxx sanxsingx tongwkow laii dingrgi, huec'ab quann/ gamm sidjer longxx m si vne. anne ee qongxhuad uivue siongsig.

Isux qongw vne qaxx jin' lirhai sii, liw/ guaw ongxongw e vnuawsinr-vnuawgii, sniu qongxx jurqiw jinjniar hamrzip vnertniar. Zuqyw lanw jiapsiu isux soxx dingrgi ee vnerhongw, sidjer-siong sintew byy zimrhyy byy songxkuair, marr kyxlingg kaisiw huaigii jurqiw si m si puawvne ar!

Dongzenn, marr u lergua. Jit xee u giamdiong simjongrvne ee jycsitlangg, ix ixqingx sitkir diqag, vne qaxx jin' guihiamw, sangr vnerngi qipqiur, dirr qaho vnervangg jiapsiu quancad, derr zi zit cingcniw kiw laii, qra simjong qamwsirkir tec driau, qongxx ix langg hyw ar/ byy dairjir/ beh dngw kir jycsid, horsu vutjunw ix kixcngg/ diyh'air dyw lecc hiyckunr/ jingriongw / byy air ix simjongvnr huatjog. Ix suacc dua sniax huah, " u qraur qiquair! Guaw jit diamw aw dyrr be tniar, simjong cniurr tih hiacc ding, byy liauxqaiw uirsnaiw linw penr guaw laii jiax? Guaw jiacc m quanw linw lehh, itding diyhh dngw kir cri guu!" isux laii anuir ix, marr byy hau, ix dyrr si qencii beh likuix. Anne qamxx ingwqaix hro ix dngw kir? Iauxx si qaix caixcuw vit'iaur ee hanrjer hingdong, hro ix qinw qinw anjing lyc laii, qewsiok tuandat jingwkag ee sinwsid, ham' ix ban ban dadsingg hiabgi?

Qycc qongw jit xee le, jit xee jiuxquiw snax mee byy kunr, sintew hilamw, texunx quann qaur sir-jap dxo C./ mec tiaur 145, cuthen giamdiong tuatjuiw henrsiong, ix zinruii vnerngi si vec niauciw/ satzin'ngiaa, diyh'air dyjauw jiacc u mia. Lanw qamxx rair hro ix ciong cud vnerngi, siauxqongg bih dangx jauw saix, itdit qaur juanzenn byy lat, qui' sinkux banxqinx tuatjuiw byy qiur? Iauxx si rair uivue ix ee iwguan, qiongjer duawngi, hro ix jiac dairliong ee Librium (anbiniyc), voxjiog kunwbinn qaur ix hyw kiw laii?

Ixsiong, dongzenn lanw diyh'air caixiong derr zi hong'anr, m quanw vnerlangg byy zinrding jurqiw u vne/ byy jiapsiu isux duiww vnerhongw lyc ee dingrgi/ mrqycc inx giamdiong ee vnerjingg ixqingx si sursit. Druu jex ixgua, lanw liauxqaiw, u langg byy qor sursit jinsiongr, byy zinruii jurqiw u vne, vunxsinx dyrr si jit jiongw vne. jex qamxx m si oklangg ee hingqingr? Guaw m si amwsi lanw u vit'iaur dirr zidsiongg sing'uac hanrjer oklangg ee sintew hingdong/ vakduat inx qongbinn juriuu, mrqycc byy hxuad dingrgi jurqiw zinqeh sitdiauu, si oklangg ee digdingx. Bylun siaog/ jingsinn cywluan/ jingsinn venwtair/ tngziyrvne/ qyhuec'ab...dringw, longxx si kecquanx ee sursit, juadduir m si juxquanx ee zinrding/ m si kiamr jit tyr vingding ee viaujunw.

Ixx qamxjingg soxx jysiu ee tongwkow laii dingrgi vne, marr u qitnax hongbin ee baiw diamw. Guaw dirr "simlingg derdoo" soxx jriw cud ee, simlingg qenrkongx/ jiongww langg nirr kia tauu ee, ongxongw viw itvnuax langg jiapsiu kacc je ee buatuax. U diwhui/ iusiur/ uixdai ee lingxdy zinbut jin' kyxlingg zimxsiu itvnuax langg soxx m jaix ee kow. Byy guanrir singsiu simlingg tongwkow ongxongw si simlingg vnerjingr ee qinguann. Tetdew texhue jiaujy/ iubun/ gignaiw/ sitbang simjniaa ee langg, viw jurzin qaqi siongrr driyc/ qiautauu jurbuanw/ kuakauw hongsinn ee langg qenrkongx jerje. Sursit-siong, "hiyxzin tongwkow" viw "singzin tongwkow" kacc sikhap jyr vne ee dingrgi.

Oklangg qirjuat singsiu vunxsinx u jue ee tongwkow; qirjuat singsiu u jue/ vutjiog/ byy uanbiw ... dringw tongwkow ee zinrdix. Tauwquer dausia jok'iong/ cue langg cutjue ee hongsid, jiong' tongwkow ciauvuah hro langg'. Jiaxee langg vunxsinx kyxlingg be sriu kow, siwjiuuii ee langg kiokk sriu lenlui --- jit xee vnertair siyw siarhue virr oklangg sokjy kiw laii, jairr ix juxjnaiw kongwjer.

Sursit, liw/ guaw m na si dan'id qywtew junjai dirr siarhue, lanw marr si jit xee kacc dua iuxqitew (siarhue) lai berdangr kiamr ee jit hunjuw. Suibongw lanw juxdniux sriu kow/ siurhai jyr vnerjingr ee dingrgi, ixx qywtew jyr cuthuatdiamw sukyw vnerjingr, m na byy vit'iaur, marr si byy kiauw :ee. Lanw ersaih qongw, jingg soxx qongw .diyc ee og verbuw vunxsinx byy sriu kow/ siurhai, inx daux ee langg kiokk jiahsuex, cuthen siaudimm/ utjud/ jursad/ singjig baiw .kir/ taux tec mic ... dringw qadingg sitdiauu vnerdingx, jiaxee longxx qaix quijue verbuw ee lingxdy. Lanw qamxx erdangr qandna' vin' jit xee langg byy sriu kow dyrr pnuawduan ix si qenrkongx :ee? kiokk juanzenn byy kyxlu soxx duar hro jiuuii dongpnua zuarr dua ee sionghai/ qiaplan, qamxx driyc?

Si'angw erdangr jriw cud oklangg sriu sniaw kow? Oklangg juadduir be henwlo tangwtniar iuciuu ee ngiu, inx juadduir byy singzin vunxsinx ee kiamwdiamw/ byy uanbiw. Jurluann ee simtair vitzenn hro inx denxcud jurgnow siongrr dua/ huah juiw e qandangr ee qewser, jiongww langg longxx jaix, inx m si qyqyx-jairsiong. Byy lun jiaxee verbuw jiong' jurqiw ee simtair biyue qaxx zuarr suixkuir, liw/ guaw ee vakdordngg-aw marr jaix, qisit inx soxx vnuaenw verbuw qaksig byy dnax kiw jikzim. Viauxbin hyxknuawtauu, vutqyr si hiqew viauxsiong ziiw! Jurluann hro inx zinrding jurqiw itcer hyw/ knuar langg' byy jniurbak/ sraiw bagsig/ kuir qig langg, qiongvig jurqiw guirjong cud qenrkongx/ uanbiw ee hingsiong.

Qongw diyc vutduan uicii hiqew hingsiong soxx su'iaur ee jingsinn, lanw dyrr e lensiongw diyc oklangg ee digdingx. Oklangg qra jingsinn kuiwlat dywhiongr siaog/ u sionghairlat ee quanhe nirr, hitt jiongw tingdo byy sux siongrr qenrkongx ee langg quanwjur air ee hing'uii. Jex si uirsniaw? Inx sriu dycc qrow molat saixlong? Qivunw-siong, si qniahniaa. Inx qniax hiqew ee binrdar virr tiah lyc laii, hro guarqair knuawtangr inx ee jinx binrbiau. Inx binrduir jurqiw ee og sii, jurlaii m bad tingjiw qniax --- qniax si tongwkow simjniaa siongrr quann ee jancur. Oklangg zidsiongg jyr dairjir/ ham' langg jicjiab qyckacc anxjnuaw dinwding, iuguann s.-sikig-k. dirr qniahniaa nirr, qniax m na hro langg puawdnaw, marr si jit jiongw banrsingr cinzip ee koxlan, ham' sintew ee jojid qetqor qaujid qydnii, suibongw dirr sintew lai siwqer cuanwlauu, kiokk uanjuann byy diwqag, u kangx dyrr nngr/ u pang dyrr jngr ee jurluann simtair e joxjiw inx jniawbin knuawtai henrjong. Lanw duiww oklangg kyxlingg quer diyc u tew byy hxunn buanxsuer sing'uac/ siw au simlingg jongrtair, byy hxuad sanxsingx juvix linbinn simx, vitzenn duiww inx jiamrr uac qaxx jaujyx vut'anx, marr e dongjingg inx.

SIAA SI JIONGWW VNE JI' OG

Siurkow si juxquanx qinggiam, sriu kow ee iwgi jabcyr hogjap, guaw zinruii siongrhyw mair ixx si m si sriu kow laii dingrgi vnerjingr. Vne ee dingrgi ingwqaix si : sintew/ singwqeh qetqor-diongx, joxgai zinlui jiong' amwcangr linglik sidhen ee jiongxjiongw kiamwkueh.

Qowsingg zinlui amwlik ee iauwsor, kyxlingg muixx langg iwqenr byy qang, byy dingrlun. Mrqycc lanw genxqiur jit quaw ciauhuann zip sxingr ee langg, tamwtyw inx ee digdingx, e huathen jit xee diongriaur ee qiongrdongdiamw : itliuu ee diwhui/ cionghun ee zinrdix/ jinrjingg hiangxsiu sniwmia/ tanxzenn binrduir sixbongg. Inx dirr qangjog-siong ee viauxhen, m na haurlut jabjiog, marr qik u congwsinx. Jiaxee langg zin dongrbut ham' langg qangrlui, juvix pokair duiwtai, jingr senrinx/ did senrqyw.

Mrqycc dysowlangg ee sinkux/ simlingg kicqag qaxx jin' lirhai, dyrr si jin itcer loxlik, narr byy qiongg/ u lat ee dirliauu huxdy uanrjo, qinvunw byy kyxlingg drat qaur jiacc quann ee qingxqair. Jiaxee siurkow-siurlan ee itvnuax dairjiongr (sinkux/simlingg kicqag :ee), qra siaog cangr dirr simqnuaxdew, jygu cicamw.

Guaw qongw .quer, m guan qra siaog dongwjyr vne iauxx u nng xee guan'inx. Jit xee si, zinrding siurhairjiaw ee quanliam. Langg lanbenw jiong' vne knuawjyr xeh/ iwgua laii ee qiab/ binrduir vuthing ee dua lan/ byy lixiuu ee jxiur.

Be jiyw vne kaksit u jiaxee henrsiong, mrqycc juadduardysor ee vne uanjuann ham' jitt xee mosid dua byy qang. Tnia'ue ee ginxaw hionghiongg ciongcud .kir dua lo hro ciax longr .diyc, qamxx si siurhairjiaw? Damsimx ban qaur, sraiw qinxciax ciausog qnuaw kir hur iog ee langg, duxx ziaw diyc jitt dniuu ciaeh, si m si siurhairjiaw? Vixqaur simliw vne/ aplik byy qang diamw: iawsen qangjog, tauu tniar ee langg, qamxx si siurhairjiaw? Uirr sniaw dai siurkow? Dagg vaiw qamxqag byy sriu diwdang/ qodnuax bu'nai/ did be diyc quan'air, hequx dyrr giaa .kiw .laii ee luxsingr, qamxx si siurhairjiaw? Cniurr jitt lui ee langg jerjiyw/ qeqiamw si qaqi jyr kiw laii ee, jurjyr-jursiu (jurjog-jursiu). Inx ee hing'uii dongrqix/ sitvai ee jygu/ qywzinn ee suanxdik, itjair hro jurqiw siursiongx, si huanrvne ee qahairjiaw. Jiaxee langg duiww jursinx soxx jysiu ee koxlan diyhh singx quair jurqiw, mrqycc gunw iuguann zinrding inx si vnerlangg.

Juewqin, ciangjai qra siaog ham' jiuxjingx diongwdok jywhuew venrlun. U quaw langg qencii juxdniux jiuxquiw diongwdok si vnerjingr ji' id; u quaw langg dua sniax jixjig jex si jurqiw jyr did laii :ee, m si vne. isux/ suhuad zinsu/ bin'ir dairviauw longxx camqax tyxlun, dag'ee itdir quatgi, m quanw jiuxquiw dongsurzinn si qahairjiaw guanhiongx, jiuxjingx diongwdok kaksit si vne.

Siaog ee lunrdee luirsu anne ee iwsur. Langg ee og, ongxongw duidngw kir qaur donglenqii ee singdiongw kuanqingw/ verbuw ee jue/ uituann qiinx ingwhiongw. Siaog marr ciangjai si jit dua qnrua qywzinn quatding soxx drir. Langg qaix uirr jurqiw simlingg qenrkongx hurjig, anne qongw, m si qongw byy qenrkongx m si vne. guaw diyh'air qycc jaiww qiongdiau, vne m si ixx siurhai hisingx ee qakdo/ jikzim jyr dingrgi ee qicow, si : sintew/ singwqeh qetqor nirr, joxjiw zinlui jiong' amwcangr linglik sidhen ee kiamwkueh.

Huanxduir qra siaog knuawjyr jit jiongw vne, si siaog byy iyc rix. Qiwzenn anne, uirhyy beh jiong' m jaix dirliauu honghuad/ qaixqiur hongsid ee jongrtair qongw jyr vne? Narr qongxx isux iyhsniux he ee si ingxsingx be siw ee iyc, anne jiong' nilau knuawjyr vne kyxlingg u lixiuu guanliong, mrqycc bogjingg itvnuax ee knuawhuad m si anne. Dairjiongr poxpenr zinruii, lau si zinsingx berdangr piacbenw ee jurzenn quewdingg ; snix-siw mia jurdnia. Byy vit'iaur uirr jex laii siurkir.

Mrqycc jitt xee lunrdiamw lauwqaux jit hxang sursit : je jiongw sewvaux gnerhuar qaur simlinw kiamwdiamw juann longxx si byy iyc rix, lanw kiokk guanrir qongw si vne. kyxlingg lanw hibang uew cud apjer jiaxee vne/ xmoo ee hongsid, jiacc qra hyrjyr vne. qangrkuanw ee dyrliw qamxx m si duxhyw sik'iong dirr siaog? Bogjingg poxpenr byy iuxhau ee honghuad jiong' banrog ee hin/ pywhairlat drir hyw. Qaur jitmaw lanw soxx tyxlun jit sxix jit sxix huntiah siaog, dyrr ixqingx suecbingg kywqin siaog viw jniu tnix kacc lann, qyckacc benw qongw beh dirliauu! Qamxx qongw siaog jinjniar byy iyc rix? Binrduir jiacc qanlann ee kunwqingw, qamxx qongw lanw qandna' danw siw? Toxkuir-vunhnai ee bunai "sniu sniu' je, byy qraur lat lor!" jex qamxx m si zinlui binrlimm siongrr diongrdua ee bunrdee?

M jaix zuhyy dirliauu zinsingr ee og, si qra siaog hyrjyr vne ee siongrhyw lixiuu. Jiong' siaog dah diyc vnerjingr ee viauhy amwsi liauw : sitdiauu henrsiong ee junjai; dirliauu siaog dyrr u hibang ; ingwqaix iong kyhak ee hongsid tamwtyw siaog, sunqiuu dirliauu ee honghuad. Siaog narr si vne, dyrr qaix cniurr jingsinn hunlet/ sinqingx sueziok ... dringw jingsinvne jniajyr genxqiur ee duiwsiong. Jitt vunw ceh ee juxdee decc jriw cud , siaog henrsiong ersaih/ ingwqaix iong kyhak jingsinn, qinxsin sukyw/ bingvik hunven/ siongser tamwtyw. Anne jiacc erdangr ui' henrqaidnua ee budix/ bunai tiux cud laii, hiongr jniawtongw ee siaog simliw mairjinr.

Jiong' siaog dingrgi jyr vnerjingr, marr hro liw/ guaw ixx juvisimx/ linbinjingg binrduir siaog. Siaa dirr vunxjid-siong, qig lanw zinlui sniu beh qra huixbet qiongg quer dirliauu/ hin ngiaa quer dongjingg ee iogbang. Suibongw jitt lui ee huanxingr dirr kixtauu kuriuw vyxho jok'iong, marr e joxdng iuxhau qaixquad honghuad. Guaw zinruii dirr jingsinn ihagqair byy jin juanqiap jikzim, qra siaog qongxjyr vnerjingr jinwjingg, zinlui liauxqaiw siaog/ simrjiw dirliauu siaog, longxx qaix u jitt jiongw ee lixqaiw.

Jitt xui diwhui uanbuanw hing'uii siwjniar ee lau bogsux, unxqux dirr North Carolina ee cimsnuax, dngquw ixlaii, itdit ham' "og" sewlik jingdor, uadlamw jitt vunw ceh ee cyxqyw au, qra guaw qongw, " jin' hnuahiw liw ixqingx zinrding siaog si jit jiongw vne. vutjiw si vne, iauxx si jiongww vne derr id miaa!"

Zuqyw qra siaog dingrmiaa jingsinn sitdiauu, anne si m si erdangr qra soxu byy qang/ qokk jiongw tingdo ee siaog, jniajyr jingsinvne ee jit kyx? Qra let jyr henriuw jingsinn vnerkyx jitt lui, qamxx sikdongx? Jiauww siaog bogjingg byy langg diwdang laii knuar , qra "siaog" ledjyr jingsinn vnerkyx ee huwkyx, naxjunxx vutjiw sikhap henriuw hunlui ee texjer. Bogjingg, jingsinn vnerjingr si hiyxding qywzinn zinqeh jyr juxiaur digdingx, qokk ngiu zinqeh sitdiauu longxx vauquad jairr lai. Oklangg byy guanrir zimxnai jurqiw u jue ee jubi/ qirjuat singzin jurqiw byy uanbiw, anne ee qongxhuad erdangr qra "siaog" let jyr kacc kuacbin jinxliauu kybak, "jurluann zinqeh sitdiauu" jyr huwkyx. Guaw zinruii, qra oklangg knuawjyr hingsingg jurluann zinqeh sitdiauu ee digding venwtew, vutjiw sikhap.

Derr zi, jin' u quanhe ee iauwdiamw berdangr byy qongw. E qir did ham' Sala dramm hun'inx ee jikzim sii, hro guaw qamxqag, ix laulo cud "puer be kiw lamhongx" ee viauxjingg. Ix me "jex si bew/ guu draur be ba ee nng huesu" "qew kyhak pywhairjiaw" sii, m na binrsinn/ viauxjingg cnijinx/ sulo marr kiamr diauliw. Ix sukyw logic linglik ixqingx pnaiw .kir .ar. Sala ee susiongw jiacc hunwluan, qamxx si zinqeh sitdiauu ee henrsiong? Kacc uaw jingsinn hunlet ee dingdiau. Sala kyxlingg huan diyc jingsinn hunlet jxingr?

Jingsinkyx isux tongsiongg zinruii Sala jitt lui ee vne si "jurjorsid jingsinn hunlet (Ambulatoryschiz-ophrenia), si jriw huanrjiaw vingsii jywsu/ hing'uii huhap sewsiok siongquix, byy cuthen sunzenn jingsinn hunlet ee vnerdingx/ benw druar ngi ee dervo, ongxongw cuthen sukyw hunwluan henrsiong, digvet si binrduir aplik sii qyckacc giamdiong, jex ham' denxhingg jingsinn hunlet vutjiw luirsu. Mrqycc lanw duiww jurjorsid jingsinn hunlet huanrjiaw ee zinrbad byy qraur cingcyw, byy hxuad lyc dingrgi, byy sriok jingwsid iliauu kybak. Sursit-siong, guaw simrjiww m jaix jurjorsid jingsinn hunlet jxingr ham' jinjniar ee jingsinn hutlet, si m si u kanlenn?

Lanw duiww jurjorsid jingsinn hunlet soxx liauxqaiw ee iuxhan, mrqycc jerje laii knuar jingsinkyx ee oklangg, qingguer jinxduan huathen si jurjorsid jingsinn hunlet. Ngua jit qxur ue qongw, hro isux qongxx si jurjorsid jingsinn hunlet huanrjiaw nirr, oklangg be jiyw. Suibongw oklangg/ jurjorsid jingsinn hunlet huanrjiaw ee digdingx m si itmoo-itngiu, juadduarvorhun horsiong dingtac. Sidjer-siong, jitt nng jiongw jinxliauu sii, jin' iong'i jyrsingg hunwlam. Qra siaog hyrmiaa, iauxx si covo qaidnua.

Ue anne qongw byy m driyc, guaw zinruii, hro jingsinn ihak jiong' siaog vauquad zip laii sinx quanliam zinqeh sitdiaukyx, vutjiw sikdongx. Jurjorsid jingsinn hunlet vnerlangg duliauw kurvi soxu zinqeh sitdiauu huanrjiaw tuisag jikzim ee digdingx gua, iauxx u erbin sir xee digdiamw:

---quanwsir cue langg' sriu jue ee pywhai hing'uii. Jiaxee hing'uii ongxongw iong simx setqer, hro langg liahbongx byy.

---Duiww vadd langg puepingg ix ee jurluann hing'uii, sionghai diyc langg', simlai jin' vuthok.

---Quawir qongjiongr hingsiong/ jurgnow siongrr gauu ee simtair ; beh air sing'uac unxding, kiokk amwcangr hai langg ee osimx, amkamr vywsiuu ee dongrqix.

---Binrduir aplik sii, sukyw hunwluan, sanxsingx luirsu kinx ee jingsinn hunlet jxingr luirsu ee cywluan henrsiong.

Incuw, guaw itdit juxdniux u vit'iaur ui' siaog ee qakdo, jingwkag hy siaog ee vnermiaa, liauxqaiw oklangg ee koxtniar/ zuhyy vau'iongg siaog/ dirliauu siaog. Dongsii, uirr beh qiur cud siaog ee siurhairjiaw, diyh'air qra siaog hyrmiaa.

Narr qongxx siaog jin' qanxdanx zinrding/ hunvet/ kongwjer, dyrr byy su'iaur cuansiaw jitt vunw ceh ar! Sursit m si anne, siaog siongrr pnaiw lixlak! Kecquanx qongw, singlenlangg ham' siaog dyrr jin' pnaiw ciaucig ar, qyckacc benw qongw hamrzip kunwqingw ee ginxaw lor! Haidongg jixu kixjy simlingg hongue sniavyw, jiacc be dirr simjniaa qngxjng nirr sec. M quanw zuarr ansimx quer liauw donglenqii, jiaxee uicniuu/ simlingg hongvi qijer, berdangr kiamr, mrqycc danw ginxaw duarhanr au, lanbenw sriu jaxnii ee ingxhiongw, sanxsingx hing'uii-diongx ee pencax/ benxqiongw ham' sing'uac henrsit tyxhiap.

Ginxaw dirr og verbuw ngiuxci ha singdiongw, ongxongw simlingg jimr dirr qik dua vut'anx ee kuankingw nirr. Iqair itdit jinrlik hiabjo jiaxee siurhairjiaw, ingwhau be baiw, mrqycc je nii laii, longxx m bad jiong' "siaog" jitt xee zirganw kngr .zip .kir. Dirr byy jingwkag cue cud bunrdee qinguann ee jongrhongw ha, iqair qingwzenn erdangr andah siaog qngxjng nirr ee sionghunn.Jyr verbuw :ee ham' siaog jnex su'ngiaa, kyxlingg si zinlui diyh'air kir binrduir simliw bunrdee siongrr qanlann/ tongwkow ji' id. Duardysor virr pacvai, jniajyr siaog siurhairjiaw. Je nii laii, lanw simrjiww byy siaog jitt xee miaa dyrr erdangr uirr siurhairjiaw jinwhingg dirliauu/ qycc u damrvyc qetqyw. Erdangr uirr siaa hyrmiaa ee langg , dyrr u linglik jiong' virr siaog uwhy ee simlingg sunrli henxlo cud laii. Soxui "ham' siaa dadsingg hiabgi" viauxsi "uir siaog hyrmiaa". Simliw dirliauu isux tuisag be driau ee jikzim, qaix jin jurqiw ee ligliong hiabjo siurhairjiaw, jinkag jixcud inx soxx sriu ee koxlan/ vuthing. Narr qongxx dirr dirliauu jit kaisiw byy hxuad jniawbin knuawtai siaog, qongxcud siaog ee miaa, anne duiww erbin nng xee qywanr, qinvunw byy hxuad teqiong hiabjo.

M QONGXUE EE ANGELA

Angela 30 huer hitt nii laii jiapsiu dirliauu, ix ham' muixx jit xui qinrcinx hyxiuw ee quanhe congr qaxx jin' baiw. Ixjingg si jit xui jin' hyw ee laursux, qangxkyr tongsun mrqycc kaisiw laii cue guaw ee hitt dnxua zidjiw, dyrr berdangr qongxue ar! Dngg siqanx diam diam byy qongxue , samvutgorsii hionghiongg congg cud jit siyw dnxua bogbingg-qibiau ee ue, dagg vaiw narr sniu beh qongxue, jongw e jingg ue jiab byy au qxur, hionghiongg ceckuir, jiacc qongw cud quiw zri. Kixcox, guaw iauxx sniu qongxx hauxhnix si iusiongx quewdo ee huanxingr, dauc dauc jiacc liauxqaiw si iong laii hongjiw gauu qongxue/ ue qongw cingcyw ee qilingg. Jex hro guaw lensiongw .diyc , verbuw qingxqyr qniaxzii bersaih inwcuir-inrjic sii, ginxaw bagsaiw qamm bagqnii kongwgi verbuw byy qongvnee duiwtai. Angela singzin, jixiaur ix qongw diyc qywzinn ee cinbit quanhe, dyrr e huatsingx luirsu ee bunrdee, binrduir guaw ee sii, bunrdee siongrr giamdiong, henxzenn, ix qra guaw dongwjyr kuanuix zinbut ee siongrdingx --- duiww ix laii qongw, guaw dairviauw vaxvah ee hingsiong.

Angela Italy jik, osig taumox, go huer sii vaxvah likuix inx, qandna' e qir .did si maxmah cri dua ee. Maxmah si jit xee quaiwlangg, Angela jap-id huer hitt nii, byy mng Angela, dyrr qra otaumox niw jyr qimsig, qandna' uirr beh air jit xee qimsig taumox ee qniaw! byy qor diyc Angela jin' qac'ir ix ee ox taumox.

Jin' binghenw, maxmah naxjunxx berdangr/ byy guanrir jiong' Angela knuawjyr kuriuw qywzinn kuanli ee doglip qywtew. Angela berdangr u jurqiw ee kuanli, suibongw u qaqi ee vangqingx/ maxmah quiding bersaih qnuaix mngg/ Angela m jaix sniaw guan'inx/ liauxqaiw dyrr si juanlik jingcuw/ maxmah iauxx si be dap'ingr. Jap-sir huer hitt nii, ix ham' maxmah jnex quer, maxmah suacc diyc diyc utjingr qyxgua guec. Dirr hitt dnxua siqanx-lai, Angela diyhh vauvan juw vng/ kuanw cair, jiauwqor siyxdi. Anne, jit kaisiw guaw dyrr dingrgi Angela ee maxmah huan "cimhuan qanziaw jxjingr" --- vutduan cimhuan Angela/ Angela qywzinn unxsux/ qycc kuan'iongg jurqiw byy jetjer cimziaw Angela.

Angela ee liaudingg jinwzip derr zi nii, guaw jiacc erdangr texhue Angela uirhyy hiacc lann viauxlo maxmah duiww ix jiongxjiongw cimziaw hing'uii. Angela diam diam m cud sniax si uirr beh kixjy jit dy horsniaa-hyy, hro maxmah berdangr cimliok zip laii. Byy lun maxmah zuarr sniu beh cimx zip Angela ee sing'uac/ sniurhuad, jixiaur mair cud sniax, dyrr iongxiuw jurqiw ee susing'uac. Dagg vaiw maxmah sniu beh cimhuan, Angela dyrr m kuix cuir, guaw marr huathen, kixjy kiw laii ee horsniaa-hyy, m na jiong' Angela ee maxmah qeclii jairgua, dongsii Angela siurkir qaxx dyc huew. Angela did .diyc ee qauwhun si, uihuan maxmah ee sniurhuad taiww gong lehh, juewau ix itding did diyc dang huat. Angel yc erhiauw jixiaur luixjig qaur moxjiongw guihiamw quantauu, diyh'air qra cuir hrongx hro ann.

Benw huaigii, simliw dirliauu si jit jiongw qydo cimziaw unxsux ee quewdingg, simliw isux vitzenn si liaudingg nirr ee kuanuijaiw. Qiwzenn guaw vnuaenw vaxvah ee qaksig, qycc iwdoo tamwsyh Angela simlingg siongrr cimx ee xui, bogquair ix ee hiwqioghuar duiww guaw kixjy donglenn sidai diamrjing quann cniuu. Jixu Angela caqag guaw ham' inx maxmah qinvunw byy qang ee nng jiongw langg au, jiacc erdangr qaixduu m qongxue ee buxjongx. Gauw cir beh liauxqaiw ix, simrjiww ingxhiongw ix ee sniurhuad. Angela jiamrr liauxgno, guaw itdit cniurr kixtauu jinsimx jundiong ix dogid-buzi ee linghunn/ qywtew. Nng nii au, Angela jiacc erdangr ham' guaw juriuu-jurjai qongxue!

Mrqycc Angela iuguann byy hxuad ham' maxmah jurjai qongxue. Angela ee angx ham' ix ee vaxvah qangrkuawn, jyww ix jauw, u jit xee qniaw, qingjer-siong Angela dihy'air kyr maxmah uanjo. Kacc diongriaur :ee, ix iuguann py diyc hibang, qitai u jit zit maxmah e qaixvenr, singzin ix si doplip qywtew. Jinxliauu derr snax nicex, qongw ix jyr jit xee bang:

"Guaw dirr jit dongr duarlauu-lai, jit qrunn cing vec snxax ee sinvir tuantew qniaa zip laii, guaw ingwqaix si sinvir/ qniax langg' gisid ee jit vorhun, kurvi ciaulinglik, e jurqiw qra sinkux puu qaur tenvongg , qruar dirr vnuawkongdiongx be lag lyc laii. Guaw si virr jingser soxx vig, m si qamguan jniajyr gisid ee jit vorhun, hro guaw qamxqag jin' byy songxkuair."

"Liw duiww jitt dniuu bang u sniaw sniurhuad?" guaw mng.

"Dingw lexvair jit xee enwhue-nirr, duw diyc jit duir kir quer Haiti ee angbow, inx qongw kiw bad tamwhongw Voodoo ee soxjai, hex si jit xui ciurnaa kangwde, jiyhtauu muaw muaw si hueh, siwqer knuar diyc qxex-mox . Tniax inx qongw jitt xee dairjir sii, hro guaw qalingxsunw, guaw sniu si jyr jit xee bang ee guan'inx! Jitt xee bang u damrvyc Voodoo gisid ee qamxqag; cincniu guaw virr vig dangrciuw taii langg'. Mrqycc qycc naxjunxx beh jniawjyr jewpinw. Or! U qraur baiw ee bang! Guaw byy air qycc qongw ar!"

"Liw zinruii jitt xee bang qamxx iauxx u ham' dycc quaw dairjir u quanlenn?"

Angela naxjunxx vutjiw huathongg. "byy lar! Qandna' si guaw tniax hitt duir angbow qongw kiw Voodoo ziiw!"

"Dogg jit diamw iauxx byy qowsingg bang ee lixiuu. Liw jixvutqyr si ui' quewkir quiw lexvair ee sing'uac qinggiam, qingw cud jit hxang laii suecbingg ziiw. Liw itding iauxx u erdangr suanw ee qitnax guan'inx! Vitzenn u moxjiongw digvet ee guan'inx hro liw quawir Voodoo ee gisid." guaw qencii.

"Guaw duiww Voodoo jit sxix aw dyrr byy cuwbi. Simrjiww byy guan huesiongw hitt dniuu jankog/ baiw bin ee bang." Angela qongw.

"Bang-diongx kunwziauw liw ee si sniaw?"

"U moxjiongw siaog junjai, si guaw byy air qycc tec kiw ee guan'inx"

"Kyxlingg bogjingg liw ee sing'uac marr dongsii junjai mow quaw oksu?"

"Byy, byy, vutqyr si jit dniuu gugong ee bang ziiw! Guaw hibang lanw mair qycc qongw ar!" Angela kongwgi.

"Liw qamxx zinruii liw ee maxmah siaog?"

"Ix si vnertair, m si siaog,"

"Cavet dirr dyhh?"

"Sursit-siong, guaw siurkir maxmah cingx-bxan penr ar!" Angela byy didjiap huedab guaw ee bunrdee.

"Or! Liw qongw knuar mai lehh."

"Liw jaix, dingw qywguec guaw ee ciax vywsiaux, ersaih qra ginhangg jiyh jiokgiac hrur sinx ciax ee tauqikuanw, mrqycc byy qraur lirsid jnii. Kar denrue hro maxmah, mng knuar erdangr jiyh guaw lirsid vorhun? 'dongzenn byy bunrdee' maxmah huedab qaxx jin' kingxding. Aurlaii guaw itdit byy siux diyc jnii. Quiw lexvair quer, qycc kar denrue hro maxmah, kiokk rinr qongw nng lexvair-lai byy kyxlingg jiyh guaw, narr byy ix dyrr e sngxsid ginhangg lirsid. Guaw sidjai byy cingcyw bunrdee cud dirr dyhh? Kaisiw huaigii, suibongw ix cuir nirr itdid byy bingg qongw, kyxlingg byy guanrir qra jnii jiyh guaw. Suar laii, dingw lexvair a'hniax kar denrue laii. Guaw bad qongw .quer, dagg vaiw maxmah byy air viauxsi ix jurqiw ee iwqenr, jongw e liriong a'hniax tuann ue. A'hniax qandna' hro guaw jaix , maxmah kyxlingg snix linggamm, kyxlingg diyhh ciuxsut. Maxmah damsimx jurqiw ee jnii byy qraur hrur nilau ee iliauhuir. Qaur jiax, jinsiongr cingcyw ar! Mrqycc snax zit jingg, guaw siux diyc maxmah qiar laii jit dniux jingwsid ee vunxpiyr, ix rair gauw ciamx jiycqir. Narr si jit nii jingg, guaw be ciamx. Mrqycc jitmaw guaw qib beh iong jnii, qycc cue byy hingg jitt diauu jnii ee lo. Mrqycc guaw ciamx ar! Simlai qaur dnaxx qamxqag m driyc ngiu!"

"Liw si qongw narr si jit dxangx jingg, liw itding be ciamx?"

"Hitt sii guaw itding jin' qenwsiaur. Dirr jinxliauu quewdingg qongw kiw maxmah ee jiongxjiongw dairjir, hro guaw gno cud vutqyr si maxmah decc sngw ee jit jiongw hongsid ziiw! Ix jongxsi suisii junxvi druar ngi, suisii anwsngr ciuxsut. Ix itdit jniawciuw jo guaw, dywciuw kiuw guaw aurkax."

"Liw qamxx bad sngr .quer, liw maxmah ham' liw anne sngw u quiw vaiw?"

"Guaw m jaix, quiw vah vaiw, kyxlingg jnriu cingx vaiw!"

"Anne, jniajyr jit jiongw qowding ee hingsid?"

"Kaksit si."

"Liw juewqin itdit ham' siaog qauvuee/ qngxsec?"

"Liw zinruii jex ham' bang quanhe bidced?" Angela hionghiongg jin' kailongw knuar guaw.

"Guaw sniu si. Suibongw liw ixqingx qinglik jitt jiongw qowding hingsid cingx-vah vaiw, liw jaix maxmah si beh hro liw qenwsiaur, ix iuguann sunrli did .diyc, qamxx m si? Liw iauxx si sanxsingx juerokqamw."

"Byy m driyc! Guaw nacc e jaix jitt vaiw maxmah si m si jinjniar snix linggamm? Kyxlingg guaw jinjniar duiww ix sniu' jankog?"

"Kyxlingg cniurr bang-diongx ee jyqu, liw jurqiw marr congr be cingcyw, dauwdew si jitt jiongw hingsid quewdingg ee siurhairzinn? Iacc si qahairzinn?" guaw viauxsi.

"Liw qongw liauw driyc, guaw itdit u juerokqamw."

"Gisid soxx amwsia ee siaog, naxjunxx si jitt xee bang ee quanqenr vorhun. Liw qamxx e zinruii liw jiong' gisid ham' liw ee maxmah jyr lensiongw, hro gisid bag diyc siaog ee vorhun?"

Angela tongwkow viauxjingg " guaw m jaix, narr jinjniar anne, guaw duiww maxmah dyrr sniu' jankog ar!"

"Angela, linw maxmah longxjongw u zuarr je jaisanw?"

"Guaw uanjuann byy qaiwliam."

"Guaw m si beh liw qrow qaxx jit sxenw byy jauxsiamw. Liw jiax dirr Chicago u snax dongr duarlauu, driyc hnor?"

"Mrqycc m si jin' dua qingx ar!" Angela huanxvog.

"Suibongw m si motenx duarlauu, zuqyw guaw byy qir m driyc, muixx dongr qokk u jap qingx qonggu; derdiamw be baiw, qycc uanjuann byy qra ginhangg dairkuanw, qamxx driyc?"

Angela dimr tauu.

"Anne, liw sniu knuar mai lehh, mair quanw qiar dirr ginhangg ee henrqimx u zuarr je, qandna' jitt snax dongr duarlauu dat zuarr je? Jiwjiyw go-jap bxan oor?"

Angela benxqiongw huedab " cavutdyx! Liw jaix guaw m si duiww jnii u qaiwliam ee langg."

"Si lar! Guaw sniu jex si liw dypiah knuar cingcyw dairjir jinsiongr ee jit jiongw inwtin hongsid. Liw iycsniu jiaxee qonggu u kyxlingg dat qaur vah-bxan qewdat?"

"Guaw iyh u kyxlingg."

"Liw jitmaw ixqingx jaix linw maxmah siongrr jiyw u go-jap qaur jit-vah-bxan ee jaisanw." guaw unriong sowhak ee tuiliw logic qewsiok qongw, " mrqycc linw maxmah kiokk viaiuxhen cud jiyh liw jit-cingx, hro liw ham' liw qniaw u ciax si jin' dua ee hurdamx. Ix u qauwqeh qongw si dua hyxgiahlangg, kiokk viauxbin huah sanr, dng' ix qra liw qongw byy jnii sii, dingxii ix decc qongw vehcat, qamxx driyc?"

Angela dong'ir "si ar! Guaw sniu jex dyrr si guaw siurkir ee guan'inx."

"Angela, siaog/ vehcat dongsii junjai, jin' yh hunx. Jitt xee bang ee gisid, hro liw/ linw maxmah ee siaog horsiong qydnii, si qidiongx siap diyc kipenr/ vehcat. Qongw vehcat :ee m si liw, si liw ee maxmah."

Angela diyhqniax huah " guaw ee maxmah vingrr byy siaa ar!"

"Uirsniaw anne qongw?"

"In'ui ix m ... qinvunw m si ar! Gauw ee iwsur si, ix si guaw ee maxmah, guaw jaix ix vnertair, juadduir kanx be diyc siaog."

Gunw huee dngw laii guanlaii ee bunrdee. "vnertai/ siaog cavet dirr dyhh?"

Angela byy hnuahiw qongw "byy cingcyw."

"Guaw marr byy cingcyw." guaw qongw, "sursit-siong, guaw zinruii siaog kyxlingg si moxjiongw vne, jit jiongw digding hingsid ee vne. jiong' siaog let jyr vne, berdangr qra og kamr kiw laii, m quanw siaog si m si jit jiongw vne, guaw zinruii og kaksit si juanjai ee sidtew. Guaw sniu liw diyhh ham' siaa jitt xee sidtew dadsingg hiabgi. Liw ee bang amwsi, liw ham' maxmah ee quanhe naxx liw ham' siaa ee qydnii . Qiwzenn liw berdangr dngrjuat cinjuw (buxluw) quanhe, siongrr hyw jiangxab jurqiw ee hingdong/ susiongw. Guaw sniu liw ham' guaw diyhh qiongrdongg binrduir linw maxmah si m si siaa ee lunrdee/ liw ee quewkir siaog soxx vnuaenw ee qaksig/ birlaii ee suewguet soxx siongrdingx ee iwgi."

Uirr beh puawqaiw Angela/ xe jit xee qywanr Bily srinx-siong hitt qrow molat, lanw u vit'iaur jiong' juwiwlik jaiww juanxii qaur jurluann henrsiong. Ham' langg' dauwdin sii, lanw ixx jurgnow diongsimx ee iwsig qiongg/ ziok, ongxongw singx kyxlu jurqiw soxx sriu ee ingxhiongw, jiacc e sniu diyc si m si kanlenn vadd langg/ jyrsingg langg' ee vutven. Mrqycc dng' lanw digvet quawir mow langg , dyrr is ix ee libdniuu ham' lanw cavet jin' dua, tongsiongg lanw erdangr/ jiongbuew e ixx vadd langg ee qakdo laii setsiongw.

Mrqycc oklangg m si anne. Inx jurluann qaxx jin' tetdew, juann be kir vau'iongg/ lixqaiw vadd langg ee libdniuu. Angela ee maxmah henxzenn m bad sniu .quer : kyxlingg Angela byy guanrir taumox nic jyr qimsig. Bob ee verbuw vitzenn byy kir sukyw qra Steward jursad ee cingr dongwjyr singwdanr lexmic, Bob e anxjnuaw sniu.

Lanw erdangr liauxqaiw, oklangg jurluann/ jurgnow jyr diongsimx, hro inx jniajyr guirhiamw zinbut. M na cue langg' cutjue, marr songwsid ham' langg' qiongrdongg kia jyrhuew ee qangrlixsimx/ jundiong tnazinn ee jurjewlik. Oklangg ee jurluann diyhh hisingx vadd langg buanxjiog jurqiw ee suqiuu/ byy qor siurhairjiaw ee qamxsiu/ kixdang satzinn dongrqix/ hai langg' ee hing'uii byy junwbun diyc tnazinn ee junjai. Jurluanjiaw byy qra langg' knuar jairr qanw-lai ee jinghongw simrjiww qyckacc giamdiong si, songwsid qangrlixsimx, vadd langg uanjuann byy junjai.

Muixx jit xee langg longxx si dogid-buzi ee qywtew. digvet ee vunxjid hro liw/ guaw hingsingg jurgnow; marr hro liw/ guaw byy qang. Muixx jit xee doglip ee linghunn uerhunx liauw kuvet ee qaiwsnuar. Ham' langg' qauongw sii, lanw jongw e jundiong langg horsiong ji'qranx ee qaiwsnuar. Cingcyw qaiwding jurgnow ee huanruii/ zinrcingx vadd langg ee hunqair, si simlingg qenrkongx ee digdingx/ jendee. Lanw diyhh cingcyw jurqiw ee dexsnuar/ langg' ee kixdiamw.

Angela ee maxmah henxzenn kiamwhuad jitt hongbin ee zinrdix. Jip'ir qra Angela ee taumox nixziamw jyr qimsig ee hing'uii, viauxsi byy knuar Angela ee junjai/ byy zinrcingx Angela u qywzinn ee iwguan/ hongqeh/ sohud ix si dogid-buzi ee qywtew. Byy qra Angela jyr "langg" knuar/ byy singzin qywzinn soxx sriok ee suzinn kongqanx. Sursit-siong, jiaxee qaiwsnuar duiww Angela maxmah laii qongw si jxiur, giamqeh quiding bersaih qnuaix vangqingx mngg, si viauxhen dirr guarjai hing'uii siongrdingx. Sursit-siong, narr qongw Angela berdangr bih dirr diamrjing hong'ue cniuu vuerau, Angela ee maxmah jin' u kyxlingg jiong' Angela ee jurgnow qngw zip kir ix jurgnow diongsimx ee cimjnew-lai. Singsik au ee Angela qandna' erdangr vin' hong'ue, ham' maxmah qaqi sniu qaqi driyc/ ciongbuanw qongqig iwbi ee cimhuan hing'uii siy' kongwjingx. Ngua jit qxur ue, Angela jixu kokciongx jurgnow qaiwsnuar jiacc e did diyc jurvyw; dongsii huwcud qolip bunai ee dairqer.

Qiongrsingx quanhe (Symbiotic relationship) si "jurluann cimhuan hing'uii" kyxlingg sanxsingx lingrgau jit jiongw huexbet hingsid, simlixhak ee "qiongrsingx" m si horsiong i'uaw/ qiongrdongg junjai/ iuxli ee hingtair, si jriw horsiong qiawsnix/ huixbet ee qethap. Dyrr si dirr qiongrsingx quanhe nirr, mow jit xee henxzenn did diyc lxi, sianghongx iuguann jywhuew dauwdin.

Sala/Harry si denxhingg qiongrsingx quanhe. Harry si ziogser, narr byy Sala jywjuw, iauxx qycc si iuwdongg jongrtair ee Harry dyrr be quer quanx tihh. Harry ee luanxziok bulingg, buanxjiog Sala diyh-qalew/ iuuadqamw ee jurluann su'iaur, Sala ee jingsinn sing'uac dyrr byy .ar. Inx m si nng xee doglip ee qywtew, si ixqingx hab'id ar! Inx sianghongx zinrding qywzinn ee iwjiwlik/ vunxsingr juann byy junjai, nng langg qngw zip horsiong qydnii ee cimjnew nirr, Harry druu liauw ixx biziok ee jursad iwdoo huanxingr cud jurgnow ixgua, cavutdyx uanjuann hongwkir juadduarvorhun sriok jurgnow lingxhik qaiwsnuar, jairr Sala cimzip.

Ixqingx si dionglenn ee Harry/ Sala u jaidiau "sunrli" huatdenw cud qiongrsingx quanhe, anne siaog/ jurdai ee verbuw, taiww u kyxlingg dirr langrkuann hnuaivar ee kuanqingw ha, sunrli sokjy uikuansid ee cinjuw quanhe. erbin si jit xee qingquer jin' dngg liaudingg au, jiongbuew tuatli cinjuw ji' qranx qiongrsingx quanhe ee qywanr.

BILY EE DIDUX

Qaur qin'axzit, guaw iuguann byy bingliauw, uirsniaw Bily byy hongwkir dirliauu. Jex juann kyr Bily/ jinxliauu isux ji' qranx qiongdua ee ingxhiongxlat, jin' hihanw!

Bily jap-lak huer, singjig baiw, maxmah cua laii cue dongsu huxdy. jiacc jingqongx ee ginxaw, singjig kiokk baiw qaxx u qraur camw! Jinxliauu jinwhingg lak qywguec au, haggiap u hyw .quaw. Henxzenn ix qac'ir uaxkyr jitt xui singsik/ zinjuu/ u nairsimx ee isux. Jitt sii, Bily maxmah qencii jaboxqniaw ee bunrdee ixqingx qaixquad ar. Mrqycc Bily iuguann hibang qewsiok, maxmah qirjuat hur jnii, isux qovutjiongx qra ixqingx si siongrr qe siuhuir, qycc qiamxjyr jit diamxjingx go kox. Bily ee junkuanw u nng-vah kox/ dagg lexvair u go kox ee soxhuir, dyrr anne qaqi hur huir. Byy zuarr quw, maxmah tingjiw hro Bily lansanjnii. Bily kaisiw cue derr id xee qangjog, si qydiongx snax nii sxingx , jex si cid nii jingg ee dairjir ar! Qaur dnaxx, Bily iauxx decc dirliauu, jiacc duxx knuar diyc biqag narnia!

Dirliauu jingg snax nii, Bily dagg hxang dairjir longxx byy iauwqinw, zinruii itcer ham' ix byy quanhe, jingsinn cingcnew sii, juanzenn qra jurqiw ee bunrdee danr kngr jit vnix. Suibongw hibang u kacc hyw ee singjig, ersaih tanxvec singzin jixding jokgiap byy jyr, qongw si vindnua, "jerje qydiongsingx qamxx m si longxx jin' vindnua?" ix anne qongw.

Qniax didux si Bily ui'id vnerdingx, ix tyxiar didux, knuar diyc didux dyrr qniax qaxx jauw byy lo. ix ee vangqingx narr u jit jiah didux, vutquanw si zuarr ser jiah, dyrr si rair langg' qra nic siw tec jauw, narr byy ix juadduir byy beh zip .kir. Jex si jit jiong jurgnow qamxjingg duiww kuankingw inxkiw ee qniax jxingr (Ego-Syntonic). Dng' Bily huathen ix viw zimrhyy langg kacc qniax didux sii, suacc qongw, " hex si dongwgong, inx narr texhue diyc didux ee kiongxvor, qniaxee tingdo itding viw guaw kacc qiongg."

Bily cingcnew sii, jurzin si jingwsiongg, jurlaii m bad junsiuw jurqiw ee singlok! Jingg snax nii ee liaudingg, qajair isux ee "jipquad", Bily marr "cuiwkixqinx qa u ann", jiacc hro dirliauu qewsiok. Hitt quiw nii, Bily hin vaxvah, air maxmah. Vaxvah jidsiwlangg dirr ginhangg quirdaii qangjog, qywsingr qniax qenwsiaur/ diamrjing ue jiyw. Bily zinruii ix ee vaxvah lingxcinr/ souanw, maxmah cinced/ unluanw. Cur-lai qandna' Bily jit xee ginxaw, maxmah si ix ee ving'iuw, itding cue maxmah qongw simsu. Maxmah dongsii u quixarr xee jingzinn, cingcunqii ee Bily siongrr hnuahiw tniax maxmah qongw inx qauongw ee luan'air qxow/ hunguarjingg ! Naxjunxx jitt jiongw huanxvue hun'inx ee hing'uii si lixsow-dongzenn. Maxmah qra vuervuan quijue angsair lingxdam ee qywsingr. Bily ixqingx quanwsir jiong' vaxvah knuawjyr lang'enn baiw. Ham' maxmah lenciuw duiwhur/ hin vaxvah.

Maxmah ham' Bily qangrkuanw, jin' qitai Bily qra soxu itcer dua ser dairjir qongw qaxx jin' siongser. Bily hnuahiw u jit xee jiacc quansimx tniawair ix ee maxmah. Suibongw qongw be cud maxmah jnuaxngiu qirjuat hur jinxliauhuir ee qamxsiu. Ix bersaih/ byy guanrir puepingg maxmah. Isux narr qongw diyc jitt diamw, Bily itding byy rinr.

Bily ham' javox ginxaw ee quanhe huex qyqyy, ix sidjai byy guanrir lamrsamxlaii, jinsimx qitai u qowding ee javox, vue'iongw cimqau ee qamxjingg, dairjir dyrr m si anne huatdenw. Duw jit xee, air jit xee, benw quiw zit/ quiw lexvair, nng xee quanhe dyrr venwjid! Qycc vnuax dngw laii ham' verbuw druar. Maxmah jin' air tniax Bily qongw ham' javox ongxlaii ee dairji, m bad jikvi quer. Suiw/ kiauw ee Bily jin' belangg, cue aiwzinn byy kunwlann. Jit lexvair dyrr lag zip kir jingbang, quiw lexvair quer, m driyc ngiu, suah hxir ar! Bily huaigii, si m si jurqiw jerjiyw/ qeqiamw dnec siw jiaxee qamxjingg ee huatdenw.

U jitt jann ee huaigii/ kanx be diauu aiwzinn ee dakkap, hro Bily jin' tongwkow, qyckacc jikqik jiapsiu dirliauu. Dirr jitt jiongw jinghongw ha, ix luersimx jongrtair, jinsiongr qiongbecc puu cud laii. Bily zinruii jurqiw jit xee langg quer zidjiw vahvnuax lann. Muixx jit vaiw luanjingg, ix jongw e qra langg' liamm diauu diauu/ ix si javo ving'iuw ee ngiaw/ nng langg hingngiaw vutli/ zinruii anne erdangr vyxjingr nng langg be hunkuix --- kunr qang dingw cngg, jiwjiyw hitt amr si tywdongr :ee, benw jitt xee langg. Tauwjaw kixcngg, Bily e iauqiuu langg' mair kir siongrvanx, duiwhongx lanbenw sanxsingx aplik, quiw vaiw quer, qirjuat ham' Bily iokhue, Bily dyrr e qyckacc liamm langg', qra langg' vig qaxx be cuanw kuir! Juewau, venx jit xee lixiuu likuix. Bily qycc jaiww kir cue lingrgua jit xee, u langg dyrr hyw, m quanw jit xee sinx sigsai :ee, dirlingg/ zinqeh u bunrdee marr byy iauwqinw, godnuax/ siokbok qyckcc camw, lixsiongw ee langg qamxx e cuthen? Naxx be hur cri ee diyhqib! ganw-jingg ee javolangg dongwjyr damjingg-suec'air ee duiwsiong, jin' qinw dyrr hamrzip ilai langg' ee jinghongw, liamm langg, vig langg' jauw naxx vuex lehh, oksingr sunkuann/ lunhuee.

Byy huatdo qo' jit xee langg, jex si qongkyr baiw jin' dua ee insor oor? Tak ceh diyhh kyr jurqiw dnuadok uansingg, Bily berdangr "quxdngg ee siqanx" ham' maxmah byy kaiqangw, jurqiw jyr qongkyr si jit dnxua "jin' dngg ee siqanx", ix lenrr jokgiap marr jyr be hyw.

Cue diyc qinguann, Bily kiokk bunai lann vran, bingg jaix jitt xee hai langg ee kiamwdiamw, qycc anxjnuaw lehh? Suisii uaw langg si ix ee vunxjid ji' id! Qniax qodnuax jit xee langg u quaw jurgnow huixbet ee iwbi, jex dyrr si Bily ar! Simrjiww byy hxuad siongxsiong qaiw tauu ngua bin e jniajyr sniaxkuanw? Jex qamxx m si ix qniax didux siongrr habliw ee qaixsueh? Ix berdangr qniaa quer ciurkax, byy qraur qngx ee xui m qnaw kir...

Jitt sii, ix ee isux, qencii Bily diyhh cue jit qingx qonggu, qaqi jit xee langg druar, ix ersaih cue langg dngw laii, suisii kuix siu'imqix tniax, hro sing'uac kacc doglip. Bily zinruii anne qex kaix jnii, qirjuat! Bily ee qangjog unxding au, isux tee quann jinxliauhuir, dagg qywguec rair hur vah-gua kox --- sinsuiw ee sir hxun ji' id, ix qirjuat qolangg druar au, isux jaiww crur qiamw huiwiong, Bily zinruii iauxx si hurdam be kiw jurqiw ee sing'uahhuir, isux qencii itding rair vnuax cud kir qaqi druar, qitnax :ee benw qongw!

Isux qra qongw, zuqyw iuguann dirr qu mosid ha, dirliauu qniax jxingr, qandna' sec ngii kox-aw, jit diamw aw dy' byy hibang. Bily ham' isux siy' vren, vnuax cud kir m si ui'id ee vanrhuad/ isux iauqiuu sniu' quewhun/ sniu' kokhingg .., isux qencii, byy vnuax cud kir dyrr byy air qycc qnir Bily ar! Itdit qaur derr sir nii, jiacc jxox jit qingx qonggu qaqi druar.

Byy zuar quw, cuthen snax jiongw henrsiong.

Derr id, Bily zuxx caqag jit qxow dongr be diauu ee lat vig ix qniax. Amwmee jit xee langg sii, cur-lai jing qaxx hro ix huisiongg jaujyx vut'anx. Zimw qaur qauw diamw, ciax sraiw lecc dyrr dngw kir cue maxmah kaiqangw, sunrsuar dirr hiax kunr, vaiwlak/ lexvair marr si liamm dirr maxmah hiax. Jxox cur ee jingg lak qywguec, qaqi dirr qonggu quewmee qandna' lak vaiw. Liauw jnii m druar, sidjai hyxciyr! Bily jiacc kaisiw sniu jurqiw qniax qodnuax, si vnertair!

Derr zi, vaxvah naxjunxx u qaixvenr. Hitt sii Bily m qamguan vnuax cud kir sii, vaxvah qenwgi qongw vnuax dinr cikcngx ee qu qaqu quer .kir. Vnuax hitt zit, vaxvah qra ving'iuw jiyh jit daii kacciax, dauwsnaqang vnuax jnriu vnuax lyc, qycc sangr jit quanr jiuw jyr sinx cur ee hyrlew. Andah hyxser au, dagg qywguec e brew sinx mic laii, dingx/ doo/ caiwdyx/ cngqinx...dringw qa'iongrpinw, jiaxee lexmic longxx si iong niauxcixsig ee juaw vaujong, jit diamw aw dyrr be inxlangg juwir. Vaxvah itding qra lexmic sangr kir ix qangjog soxjai, diam diam kngr lehh, langg dyrr jauw ar. Ix liauxqaiw jiaxee mic longxx si vaxvah qingw ee, jin' u hongqeh/ qywsingr ee mic, jiacc huatqag vaxvah ee ganxqongx si jiacc quann. Vaxvah tanr jnii byy je, benxqiongw hurdam jiaxee giahgua jicud. Vaxvah iuguann qniax qenwsiaur/ byy air qongxue/ kacc viwsur, mrqycc si jurr Bily u qiwig ixlaii, derr id vaiw qamxsiu diyc vaxvah ee quansimx, sidjai jin' qamxdong! Ix jaw bad huanlyw vaxvah kyxlingg ingxuanw be quansim ix!

Derr snax, Bily vnuax kir qonggu, vaxvah ee quansimx/ maxmah ee lingxdam, hingsingg duiwviw. Bily bad qra maxmah tyw beh tec cur-lai ser ser cittymic, maxmah jongw viauxsi u loriong/ m bad mng quer sinx qonggu ee sing'uac. Sursit-siong, Bily huathen, narr qongw kiw sinx qonggu, maxmah e jin' vut'anx, simrjiww cah vadd xee uerdee. U jit vaiw anne qongw " liw qamxx byy qamxqag itdit qongw liw qonggu ee d.-dangsaix-s. qamxx m si jin' jursux lehh?" Bily jiacc bingvik maxmah byy guanrir ix likuix.

Jitt hxang dairjir zuxx lenr zuxx dua. Kixtauu, Bily duiww maxmah byy hnuahiw ix vnuax cud kir, u quaw amwsongw, jex viauxsi maxmah zuarr air ix neh! Marr siongrdingx cuwduarmngg ingxuanw uirr ix kuix/ erdangr ham' maxmah kaiqangw qaur vnuawmee/ suisii jinwcud ix soxx sigsai ee vangqingx, benw dngw kir byy langkir ee qonggu/ kyxlingg qycc e jauw didux cud laii oor! Jex itcer taiww qibiau lehh! Jitt xee qamxqag duer diyc siqanx jit dih jit dih decc byy .kir. Narr duw diyc maxmah cniurr ixjaw jikvi vaxvah, Bily ee huanxvog "maaw, mair anne, vaxvah m si liw qongw :ee hiacc lrow!" "U sii guaw qamxqag vaxvah vutjiw qoxjuix!" 'Vaxvah' byy qycc si ham' maxmah tyxlun ee duiwsiong. Bily ee huanxingr suacc ziaw maxmah hunwno, maxmah qyckacc ok'ir qongqig vaxvah, u sii lenrr Bily me camx lehh, qui' xee kiwhunx venr qaxx jin' baiw. Bily qiyr maxmah aurvaiw mair qycc qongw vaxvah ee dairjir. Qiamw jit xee qiongrdongg ee digzinn, nng langg ee uerdee qiamw jiokk je. Byy zuarr quw au, huatsingx vaiwsnax amwsii ee dairjir.

Bily si jit qingx ser cutvanxsiongx ee hingjingr qingliw. Vaiwsir qongsix jiauww quanwle qra dua vid siongpinw cud hxuer qaur qokk mngci. Bily ee jikzim diyhh dirr vaiwsir jaiw lak diamw jingg qaur qongsix. Narr qongxx jingg jit amr kir ham' maxmah kaiqangw qaur vnuewmee, qycc kunr dirr hiax, tauwjaw itding vreh be kiw laii/ kunwbinn vutjiog/ qangjog byy jingsinn. Bily ham' isux u jit xee hiabgi, vaiwsnax mee --- jit lexvair qandna' jit zit amr --- vutquanw zuhyy itding rair dirr qonggu quer/ jitt amr qauw diamw ixau juadduir bersaih dngw kir maxmah hiax.

Jingg jap lexvair byy junsiuw singlok. Bily dyrr si jap-zi diamw jingg m guan likuix maxmah hiax. Jinxliauu ee isux dagg lexvair jiauww quanwle mng Bily jyr ee jongrhongw, jongxsi jyr byy qraur hyw/ e ser ser liam isux byy texliong/ siurkir jurqiw kiamr quatsimx. Quiw vaiw quer, jiacc jniawbin knuawtai jurqiw ee ziogdiamw. Jerje vaiw huerjinw, duiww jurqiw hing'uii ee maudunw, qniax qodnuax/ siokbok,beh air maxmah ee unrjingg, marr qra isux jiuwjua beh jyr hyw. Isux qenwgi maxmah vangjan Bily junsiuw singlok.

Bily hnuahiw isux ee tegi, sui' qra maxmah qongw ix duiww isux ee suanser, iauqiuu draur janwlat, vaiwsnax mee veh diamw vnuar jingg diyh'air qnuaw ix dngw .kir. Maxmah qirjuat! "hex si liw ham' isux ee dairjir, ham' guaw byy didai." tniax kiw laii marr byy qaiww m driyc, Bily huaigii vuerau si u sniaw dai hro maxmah byy air siy' tin. Bily kaisiw quancad maxmah vaiwsnax mee ee jit quaw dongrjog/ huathen veh diamw au, maxmah dyrr kaisiw qongw quaw Bily cuwbi ee uerdee/ qaur veh diamw sir-jap-go hunx, Bily sniu vanrhuad cah vadd jiongw uerdee, quiw hunjingx quer, dyrr kia kiw laii qongw be jauw ar. "liw qamxx byy qamxqag liw jin' byy lexmau?" maxmah anne qongw. Maxmah byy girbu jo ix junsiuw singlok, jiwjiyw rair jundiong Bily ee quatding. Nng langg horsiong uirr jurqiw venrho, maxmah hauw ar! Bily dngw kir qaur qonggu, ixqingx si jap-zi diamw ixau ar!

Bily huathen, zuqyw veh diamw vnuar ixau, maxmah ee uerdee byy hau, nng xee dyrr uanqex/ caxnau. Bily ham' isux suansi au ee derr jajp-sir lexvair, jitt hxang su iauxx si jyr byy hyw, mrqycc knuar tangr maxmah ee mosid, qang jitt xee lexvaiwsnax, amwsii veh diamw vnuar maxmah kaisiw qongw qowsu, Bily kia kiw laii, qra maxmah hue sitlew beh laii dngw ar. Nng xee ruanx kiw laii, Bily qongw ix marr byy siqanx ham' maxmah siy' jnex, sui' qniaa cud kir duarmngg, maxmah giuw Bily ee ciuxngw, Bily qra hiur driau likuix, dngw kir qaur qonggu duxhyw qauw diamw. Go hunjingx au, derue giangx, si maxmah kar laii :ee, qongw Bily jauw liauw sniu' qinw, be hur qra qongw, isux jinxduan ix dnaw qetjiyc.

Anne, suacc hro Bily qyckacc qniax didux.

Jitt sii ee Bily iauxx cimair maxmah, suibongw dirliauu sii, e giamle puepingg maxmah, byy viauxsi quer hunwno, jiauwsiongg vaxag qihue ham' maxmah jywhuew. Bily ee duarnauw naxjunxx puawjyr nng vingg, sinx nauw ixx kecquanx qakdo puepnuar maxmah/ qu nauw jiauww quewkir ee susiongw hing'uii.

Bily ee isux qra amwsi, maxmah vutjiw si vaiwsnax amr jiacc u jitt jiongw henrsiong, kyxlingg qinvunw dyrr byy air Bily u jurqiw ee sing'uac huatdenw kongqanx. Maxmah jit huathen dirlaiuu jiamr Bily ee siqanx/ Bily qycc u cuwbi sii, tingjiw jinxliauhuir, qamxx si maxmah kiw liauw uanwdowsimx? Maxmah byy air Bily dngw kir qonggu, qamxx si byy air ix u doglip jurjuw ee jingsinn? Bily zinruii kyxlingg isux driyc, mrqycc ix ham' javox ving'iuw ee ongxlaii maxmah byy huanxduir? Jex siongrdingx maxmah byy ham' ix qydnii be cringx ar? Isux anne qongw, maxmah kyxlingg hibang Bily ham' maxmah qangrngiu/ hablixhuar jurqiw ee hing'uii/ nng langg zuxx sxingg zuxx pnaiw hunkuix. Itdit dirr jitt xee kox-aw lai idnii/ vutduan dngxsec/ knuar byy hibang ee qngsnuar.

Bily ee dirliauu jinwzip derr lak dxangx, ix kaisiw siaw six, jit kaisiw saiw hyw hro maxmah knuar, byy inxkiw juwbak, Bily kiokk jin' hnuahiw jurqiw ee singjiu, jex si Bily uanjuann byy qang ee jit bin/ sriok ix qywzinn dogid-buzi ee jit bin/ kir brew jit vunw puee-hongbin ee qiwsurvunw, qiwlok congwjyh ee sibunn. Narr duw diyc sniu beh siaw ee ciongdong sii, siaw be tingg, derr id vaiw hiangxsiu qodnuax, hro ix ee sing'uac sanxsingx jin' dua ee venwhuar. Sursit-siong, itding rair qaqi jit xee jiacc u huatdo siaw, dirr maxmah hiax berdangr hro jingsinn jibdiongx. Jit u lingqamw dyrr sui' ham' maxmah siy' srii, beh dngw kir siaw ar! Maxmah dyrr dua sniax huah " arr m si vaiwsnax amr ar!" Bily rair sniu jin vanrhuad jiacc u hxuad likuix/ ham' isux decc qongw maxmah ee jit quaw liamm langg' ee hing'uii, hionghiongg qongw " naxx jit jiah didux lehh!"

Isux dua sniax qongw "guaw danw liw jit qxur ue jin' quw ar!"

"Danw guaw qongw sniaw?"

"Danw liw qongw, linw maxmah cniurr jit jiah didux."

"Qongw qycc anxjuanw?"

"Liw tyxiar didux ar!"

"Guaw byy tyxiar maxmah! Ix marr m si didux!" Bily rinr.

"Kyxlingg liw si qycc hin qycc qniax!"

"Mrqycc guaw byy guanrir anne jyr!"

"Anne, jiacc hro liw qniax didux ar!"

Xe huee Bily byy laii huerdamm, qycc laii sii isux amwsi Bily byy laii, si byy hnuahiw isux qongw ix ee maxmah cniurr didux hiacc qniax langg'. Qycc laii nng vaiw byy laii, danw ix qycc laii ee sii "hyw lar! Guaw si qniax didux, qamxx e anxjnauw? E kiw sniaw jok'ing?" singzin ix erdangr binrduir jitt hxang su.

Isux qaixsueh, qniax jxingr si juanxii jok'iong. Kixinx si duiww mow qnia su ee qniahniaa/ huanxqamw, ijuanw qaur qitnax surbut. Zinlui in'ui byy guanrir singzin guansiw ee qniax/ huanxqamw, caixiong jitt jiongw hongue qonglingg ee ijuanw qijer. Jiurr Bily ee qywanr laii knuar, dirr ix byy guanrir singzin maxmah ee siaog. Byy langg guanrir qra jurqiw ee maxmah knuawjyr ciongbuanw siaog/ u huixbedlik ee langg. Bily ham' qitnax jyr langg juxluw :ee qang, siongsinr maxmah air ix/ hro langg sinwlai/ zinjuu/ senrliongg ee diongxjiaw. Jendee si Bily diyhh qra qniax maxmah si siaa/ huanxqamw inxdy quer didux ee srinx-siong, drat qaur jingqamw ee juanxii. Anne, didux jiacc si siaa ee huawsinx, maxmah m si.

"Maxmah jiacc byy siaa neh!" Bily anne qongw, m quanw maxmah duiww Bily jiamrr doglip ee huanxingr byy qiklet, sudexha unriong itcer kyxlingg ee honghuad, joxdongr Bily huatdenw jyr uanjingw/ doglip ee sniwmia qywtew. Bily zinruii anne m si siaog, jixvutqyr maxmah sniu' siokbok jiacc anne jyr. Ix liauxqaiw qodnuax ee jubi, langg dyrr si u jit jiongw kiamwdiamw, air sxingg qrunn jywhuew/ horsiong su'iaur/ iuaw. Maxmah iluann ix, m si siaa, si zinjingg sewsu ji' id ziiw!

Dirliauu isux anne huedab ix, " qodnuax siokbok si benw vutliauw ee dairjir, mrqycc berdangr zimxsiu qodnuax m si zinsingr juadduir ee jit vorhun, hiabjo qniaxzii doglip jurjuw si verbuw ee jikzim, uirr beh jinrjid hurjig, jyr langg verbuw diyhh zimxsiu qodnuax siokbok/ vau'iongg qniaxzii/ qoxle ginxaw, hro inx jionglaii erdangr tuatli verbuw jurlip. Sionghuanw, honggai ginxaw jurlip m na viauxsi byy jin verbuw jikzim, qyckacc si hiisngx ginxaw ee singdiongw, buanxjiog verbuw vunxsinx byy singsik/ ixx jurgnow jyr diongsimx ee iogbang. Vah hai byy jit lxi! Dirliauu isux zinruii, Bily ee maxmah ee jok'uii, kaksit siaog. Bily e qniax m si byy lixiuu ee.

Bily jiamrr knuar cringx jinsiongr, ix ee qenwsig zuxx laii zuxx kuah, ganxqair zuxx kuix. Kaisiw qewsiok vutduan juwir maxmah sniu beh jiangxquanw ix linghunn ee itcer hing'uii. Jit zit ee amwmee, Bily dirr ix ee puebin ciuxceh anne siaw:

"Maudunw/ kueckiamr

suxx langg liahqongg

sangr laii

liw uirr guaw sew cingkir ee snxax

qiap jit pnir

ciutnix huanrngg ee ciurhiyc

si kueckiamr? Qamxx si kongwjer?

... liw ee honghuad jinjniar u hau."

Bily ee sing'uac byy sniaw dua qaixvenr, jitmaw zi-jap-snax huer, kacc je siqanx dirr maxmah daux quewmee, dairvorhun ee siqanx ham' maxmah jywhuew. Byy junxsii lap jinxliauu huiwiong. Ix ee siuzip dairvorhun kaix dirr ham' maxmah kir dongde vutjiw quir ee cantniax jiac vng. Qaux javox ving'iuw ee mosid marr byy qaiw --- qngw zip jingair nirr, iluann/ be cuanxkuir/ hunciuw/ siauxqongg cue aiwzinn/ lenr zip aiwhyy ..., jitt xee/ hitt xee, vutduan ngua langg, qangrkuanw hiwcud, dionghok enxcud/, marr qniax didux!

"Byy sniaw qaixvenr." mow zit huerjinw sii, Bily byy qaiww songxkuair.

"Guaw marr anne sniu."

"Uirsniaw e anne?" Bily duimng. "guaw jiapsiu liw ee dirliauu cid dxangx ar! Dauwdew qaix jyr sniaw?"

"Hyw hyw sniu .jit .xe, uirsniaw iauxx qycc qniax didux?"

"Guaw ixqingx huathen maxmah si didux."

"Liw uirsniaw beh qycc jurqiw qamguan dauu .zip .kir?"

"Liw jaix, guaw ham' ix qangrkuanw, qodnuax/ siokbok."

Dirliauu isux jimjiog siongr Bily. Hibang Bily junxvi hyxser tniax ix beh qongw ee ue "liw marr si jit jiah didux!"

Bily itdit lrauu bagsaiw qaur huerjingw qetsog. Xe jit huee, ix junxsii qaur, simrjiww qib beh jiapsiu jinr jit vo tongwkow ee liaudingg. Ix jinjniar u sii qamxqag jurqiw si jit jiah didux; narr javox ving'iuw junxvi beh qetsog, ix dyrr cniurr jit jiah didux, liamm qaxx ann ~~, siuw dirr ix ee sinvnix. Ix hin jiaxee langg vangwsag ix, kiokk be quanw inx ee qamxsiu, byy quansimx inx. Bily si jurqiw ee su'iaur/ si ix luersimx siaog ee joklang/ hitt qrow siaog jipuer lat itdit jiamr dirr simqnuatauu. Ix m na iong qniax didux hiyxzim maxmah ee siaa, marr iong laii hiyxzim jurqiw ee og.

Itcer horsiong kanlenn, xinx-qryw siy' indnii, Bily/ maxmah sriok qangrlui, u taiww je qiongrdongdiamw. Bily diyhh singx ngiaa quer jurqiw ee og, jiacc erdangr ham' maxmah ee siaa kongwjingx. Qamxx u sniaw lixiuu quaiwjue maxmah? Kiokk byy jikvi jurqiw liamm langg'? Qamxx u huatdo tingjiw snriaa javolangg? Ingwqaix liauxqaiw langg iongxiuw doglip jurjuw ee kongqanx. Bily ham' maxmah si qang jit xee mosid, bunrdee m si Bily zuhyy tuatkuix maxmah ee didux-bxang, si jnuaxngiu huawqaiw jurqiw ee simmoo. zuqyw hrong siongrder ee miaa, liw e anxjnuaw jyr?

Bily loxlik kikhok simmoo. Bylun ixx siongrder ee miaa/ Bily jurgnow ee kuiwlat, ix kaisiw byy ilai maxmah, u jit zit itding erdangr tuatli "qiongrsingx" quanhe. Byy zuarr quw jingg, dirr puebin ciuxjicpo anne siaw:

"Liw ee vne jnuaxngiu hionghiongg laii qongqig guaw?

Qaur jitmaw guaw iauxx jin' diyhqniax!

qingwzenn guaw jit diamw aw dyrr m jaix?

Cangwbih ee digzinn ar!

Pah liw jin' kunwlann

viw jnriu tnix kacc lann

sniu diyc liw dirr guaw ee sinvnix

liw dirr dywvingg, guaw dirr jniawvingg

si guaw ee sniurhuad? Iacc si liw ee qamxqag?

Hro guaw jin' qniahniaa!

Hunx be cringx

longxx si guaw!

Guaw si bih dirr 3k dongw ee ox-vec jabjingxaw

hin guaw ee simx

itdit beh qra nic siw

si guaw siongrr qanlann ee zimrbu

u sii sidjai byy zinjingbi

narr qongxx

liw si liw, guaw si guaw

guaw ham' liw rue cringx qaiwsnuar

qetqyw e anxjuanw?

Knuar kiw laii, Bily naxjunxx jiamrr tauw kuix ix ee qad.

huedngw tauu iac