Tuandy
1 Dirr Jelusalem juer ongg, David ee qniaw, Tuandy ee ue.
2 Tuandy :ee qongw: Kanghux :ee kanghux, kanghux :ee kanghux; huanrsu longxx si kanghux.
3 Langg itcer ee diyhbuaa, dyrr si ix dirr zidqngx ee erbin soxx diyhbuaa :ee, u simxmih lirig ar?
4 Jit dai quer .kir, qycc jit dai laii, jongwsirr de iuguann dilehh.
5 Zit cud, zit lyc, qinw qinw jauw dywdngw ix soxx cud .laii ee soxjai.
6 Hongx cuex ngr lamm, qycc dywdngw ngr vag, dngxsec byy suah, iarr dywdngw dirr ix dngxsec ee sunkuann.
7 Qanghyy longxx lrauu lyc haiw, jongwsirr haiw iarr byy muaw. Qanghyy lrauu qaur dyclyc, dyrr qycc lrauu qaur hiax.
8 Banrsu lykow qaur qik, qongw be jin; bagjiux knuar, knuar be vaw; hnirkangx tniax, tniax be dni.
9 Soxx beh juer :ee si jingg ixqing’ juer; dirr zidqngx ee erbin byy u sinx ee su.
10 Qamxx u simxmih su, langg tangx qiw liw qongw, "Liw knuar jitt xee si sinx :ee?" Dirr lanw ixjingg sewdai, jaw jaw ixqing’ u lar.
11 Ixqing’ quer sewdai, byy langg qir .did; jionglaii ee sewdai, au .laii ee langg iarr be qir .did.
12 Guaw Taundy :ee, bad dirr Jelusalem juer Islael ee ongg.
13 Guaw juansimx ing diwhui genxqiur cakyw tnie soxx juer itcer ee su, dyrr jaix Siongrder soxx hro langg diyhbuaa :ee si koxtangr ee diyhbuaa.
14 Guaw knuar qnir zidqngx ee erbin soxx juer itcer ee su; knuar ar, longxx si kanghux, longxx si liahhongx.
15 Uankiaux :ee be e hro ix dit, kuatham :ee be e sngr .did.
16 Guaw ee simlai sniu qongxx, knuar ar, guaw did diyc dua diwhui, ngiaa quer guaw ixjingg itcer dirr Jelusalem ee langg; qycc guaw simx ligquer jerje diwsig qapp jaibad.
17 Guaw juansimx diwir rair jaix diwhui, rair jaix denqongg qapp gugong, dyrr jaix jex iarr si liahhongx.
18 In'ui jerje diwhui dyrr jerje huanlyw, qetnix jaibad dyrr qetnix iusiongx.
2 Guaw simlai qongw, "Laii ar, guaw ing hnuahiw cir liw, liw tangx hiongxsiu anlok." Knuar ar, jex iarr si kanghux.
2 Lun hyw ciyr, guaw dyrr qongw, "Jex si denqongg." Lun hnuahiw, guaw dyrr qongw, "Jex beh sniaw su?"
3 Guaw ee simx qangxqiur diyhh jnaixngiu ing jiuw hro guaw ee ziogtew knuawuac; jongwsirr guaw ee simx iuguann diyhh hro diwhui inxcua, iarr diyhh jnaixngiu knii diauu gugong, tingwhau guaw knuar bingg, sewqanlangg dirr tnie itsingx diyhh qniaa simxmih su si hyw.
4 Guaw uirdiyhh qaqi hingx kiw dua ee qangdniaa, uirr qaqi kiw cur, uirr qaqi jraix pudyhngg,
5 Uirr qaqi siujy huehngg, quexjixhngg, dirr hitt lairbin jaijingr dagg hy ee quejixciu;
6 Uirr qaqi kuix juixdii, laii quanwag vue'ngiuw huatsnix ciu ee ciurnaa.
7 Guaw iarr brew lovok luxvi, iarr u cutsir dirr guaw qrex-lai :ee, iarr u jerje guu-qrunn, ngiuu-qrunn, ngiaa quer guaw ixjingg dirr Jelusalem hiaxee langg soxx u :ee.
8 Guaw qycc uirr qaqi jikju qimx, ginn, qapp led'ongg ixqip dagg singw ee jaivyw; qycc did diyc cniuwquax ee lamluw, qapp sewqanlangg soxx hnuahiw ee mic, jerje qionghuix.
9 Anxnix guaw dyrr juer dua, ngiaa quer guaw ixjingg longxjongw dirr Jelusalem ee langg, guaw ee diwhui iuguann qapp guaw dilehh.
10 Guaw ee bagjiux soxx air :ee, guaw byy joxdongr ix; guaw ee simx soxx hnuahiw :ee, guaw byy qimwjiw ix; in'ui guaw ee simx uirdiyhh guaw soxx diyhbuaa :ee laii kuaiwlok; jex dyrr si guaw dui' itcer soxx diyhbuaa laii did .diyc ee hunrgiac.
11 Guaw knuar guaw ee ciuw soxx juer itcer ee qangx, ixqip guaw soxx diyhbuaa ee lylok; knuar ar, jex longxx si kanghux, longxx si liahhongx, dirr zidqngx ee erbin longxx byy lirig.
12 Guaw qaqi uat dngw laii knuar diwhui, denqongg, qapp gugong; dirr qun'ongg horvuer ee langg, iauxx e juer simxmih ar? Qandna' jingg soxx juer :ee nardnia.
13 Guaw dyrr knuar cud diwhui ngiaa quer gugong, cincniu qngbingg ngiaa quer oamr.
14 Diwhui ee langg ee bagjiux qngbingg, gugong ee langg qniaa dirr oamr. Jongwsirr guaw jaix inx ee qetqiok longxx snadangg.
15 Guaw dyrr simlai qongw, "Gong langg soxx duw .diyc, guaw iarr beh anxnix duw .diyc." Guaw micsaiw viw inx kacc diwhui ar? Guaw simlai qongw, "Jex iarr si kanghux."
16 Diwhui ee langg qapp gong ee langg vnivnii byy did diyc langg ingxuanw ee qiwliam, in'ui qaur jionglaii ee zit, longxx hro langg be qir .did. Haiar! Diwhui ee langg siw, qapp gugong ee langg byy qyc'ngiu.
17 Soxiw guaw uanwsinx cecmia, in'ui dirr zidqngx ee erbin soxx juer ee qangx longxx si hro guaw lykow; in'ui jex longxx si kanghux, longxx si liahhongx.
18 Guaw uanwhun guaw itcer ee lylok, dyrr si guaw dirr zidqngx ee erbin soxx lylok :ee, in'ui beh lauu hro guaw ixau ee langg.
19 Hitt xee langg si diwhui, iacc si gugong, jirjui e jaix; iauxquxx guaw dirr zidqngx ee erbin, ing diwhui lylok soxx juewjniaa :ee, ix beh quanxhad ix; jex iarr si kanghux.
20 In'ui anxnix guaw dywdngw sniu uirdiyhh guaw dirr zidqngx ee erbin soxx diyhbuaa ee lylok, hro guaw ee simx sitbang.
21 In'ui u langg ing diwhui, ing jaibad, ing vunxsu laii lylok :ee, beh lauu hro m bad lylok dirr hitt xee qangx ee langg juer giap; jex iarr si kanghux, iarr si dua hamrhai.
22 In'ui langg dirr zidqngx ee erbin soxx lylik lysimx :ee, u did diyc simxmih ar?
23 In'ui ix itsingx iulu, ix ee lylok jniaa juer koxtangr, lenrr mii .sii simx iarr byy anhiyh. Jex iarr si kanghux.
24 Langg m dat diyc laii jiac laii limx, qycc hro simx hiongxhog dirr ix soxx diyhbuaa :ee; guaw knuar jitt xee iarr si cud dirr Siongrder ee ciuw.
25 Lun qaur jiac iacc si hiongxhog, jirjui e ngiaa quer guaw ar?
26 In'ui Siongrder soxx hnuahiw ee langg, Ix dyrr hro ix u diwhui, jaibad, kuaiwlok; dogdok u jue ee langg, Ix hro ix lykow, laii siukiyh laii jikju, tangx qruix dirr Siongrder soxx hnuahiw ee langg. Jex iarr si kanghux, iarr si liahhongx.
3 Tnie banrvnuax longxx u ix ee qrii, banrhang su longxx u ix ee sii.
2 U cutsir e sii, u siw ee sii; u jaijingr ee sii, u vuih cud soxx jaijingr :ee ee sii;
3 U taii siw ee sii, u rix hyw ee sii; u tiachuiw ee sii, u kixjy ee sii;
4 U tikaur e sii, u hyw ciyr ee sii;
5 U aicamw ee sii, u tiauwbuw ee sii; u hed jiyhtauu e sii, u kiyh jiyhtauu ee sii; u tangx py ee sii, u m tangx py ee sii;
6 U cue .diyc ee sii, u sitlyc ee sii; u vyxsiuw ee sii, u vangwsag ee sii; u tiah lic ee sii, u voxtni ee sii;
7 U jing jing ee sii, u qongxue ee sii;
8 U tniawsiyh ee sii, u uanwhun ee sii; u qaujenr ee sii, u hyhyw ee sii.
9 Juewqangx ee langg dirr ix soxx lylok :ee u simxmih lirig ar?
10 Guaw u knuar qnir Siongrder soxx hro sewqanlangg ee lylok, hro inx dirr hitt diongqanx laii lenrsip.
11 Siongrder jy banrmic, qokk jiauww ix ee sii jniaa juer bixniuu, qokk jiong' ingxuanw ee quanliam he dirr langg ee simx. Jongwsirr Siongrder dui' tauu qaur buew soxx juewjniaa :ee, langg be e cikdok ix.
12 Guaw jaix jiongdiongx byy jit hxang kacc hyw dirr itsingx kuaiwlok, qycc qniaa hyw.
13 Qycc langlangg iarr jiac iarr limx dirr ix itcer soxx lylok :ee laii hiongxhog, jex iarr si Siongrder ee unsur.
14 Guaw jaix Siongrder itcer soxx juer :ee, beh ingxuanw dilehh, be qetnix, be qiamxjiyw. Siongrder anxnix qniaa, si hro langg dirr Ix ee binrjingg qnia'uir.
15 Henrjai soxu :ee, jingg ixqing’ u; jionglaii beh u :ee, jaw ixqing’ u; quewsinx ee su, Siongrder qycc cue ix.
16 Guaw qycc knuar qnir zidqngx ee erbin dirr simxpnuar ee soxjai u qan'og, dirr qonggi ee soxjai iarr u qan'og.
17 Guaw simlai qongw, Siongrder beh simxpnuar girlangg qapp pnaiw langg, in'ui dirr hiax dagg hxang ee su, dagg hxang ee qangx, longxx u dniardiyc ee sii.
18 Guaw simlai qongw, jex si uirdiyhh sewqanlangg ee enqor, Siongrder beh ciwgiam inx, hro inx jaix qaqi si kimsiur.
19 In'ui sewqanlangg soxx duw .diyc .ee, kimsiur iarr duw .diyc, soxx duw .diyc longxx si jidngiu. Jitt xee anxnix siw, hitt xee iarr si anxnix siw, longxx qangg jit ngiu cuanxkuir; langg be kacc ngiaa kimsiur, in'ui longxx si kanghux.
20 Longxx qaur jit soxjai, longxx cud dirr tohunw, iarr longxx qruix dirr tohunw.
21 Langg ee hxunn jnriu dingxbin, sriur ee hxunn dui lyc de, jirjui jaix si anxnix iacc m si?
22 Soxiw guaw knuar qnir langg byy jit hxang kacc hyw dirr ix soxx qing'ingg :ee laii hnuahiw; in'ui jex si ix ee hunrgiac; ix sin'au ee su, jirjui e hro ix qycc laii knuar .qnir ar?
4 Guaw qycc uat dngw knuar, dirr zidqngx ee erbin soxx qniaa itcer ee apvig, knuar ar, siurr apvig :ee lrauu bagsaiw, qycc byy langg an'uir; apvig ix ee selik, iarr byy langg an'uir inx.
2 In'ui anxnix, guaw ylyw hiaxee ixqing’ siw ee sixlangg, ngiaa quer hiaxee iauxx uac lehh ee uahlangg.
3 Qycc hitt xee iauxx bue cutsir :ee, dyrr si bue knuar qnir zidqngx ee erbin soxx juer ee pnaiw dai :ee, guaw knuar ix, viw jitt nng dringw hy iauxx kacc hyw.
4 Guaw qycc knuar qnir langg uirdiyhh itcer ee diyhbuaa, qapp dagg ngiu qikiauw ee qangx, dyrr hro cuwvnix uanwdor; jex iarr si kanghux, iarr si liahhongx.
5 Gugong ee langg ciuw paccax, jiac qaqi ee bah.
6 Jit ciuw muaw muaw iarr u ving'anx, ngiaa quer nng ciuw muaw muaw laii lylok liahhongx.
7 Guaw qycc uat dngw knuar dirr zidqngx ee erbin u kanghux ee su.
8 U langg qodnuax byy nng xee, byy qniaw iarr byy hniadi, qingwzenn lylok byy suah, ix ee bagjiux byy knuar jnijaii juer qraur gxiac. Ix qongw, "Guaw lylok kikkow qaqi, byy hiongxhog, dauwdew uirr jirjui ar?" Jex iarr si kanghux, iarr si qik dang ee lykow.
9 Nng langg jongw viw jit langg kacc hyw, in'ui inx snaqab diyhbuaa did diyc hyw ee haurqyw.
10 Narr si vuahdyw, jitt langg tangx huu ix ee dangpnua kiw .laii; narr si dnuasinx laii vuahdyw, byy vadd langg huu ix kiw .laii, jitt langg dyrr u jaieh.
11 Qycc nng langg snaqab kunr, dyrr e siyly; narr qaqi jit langg, taixtyw e siyx ar?
12 Dnuadnuax jit langg dyrr langg e pah ngiaa ix, narr u nng langg dyrr e dixdngx ix; snax qrow ee syh byy kuair kuair dng.
13 Songwhiongx qycc u diwhui ee siauwlenlangg, ngiaa quer gong ee ongg, nilau m kingw sriu qanjingr.
14 Jitt xee langg si dui' qnax-lai cud laii juer ongg; ix dirr ix ee qog-lai, cutsir si songwhionglangg.
15 Guaw knuar dirr zidqngx ee erbin decc qniaa ee uahlangg, longxx tanr hitt xee siauwlenlangg, dyrr si derr zi xee, suawjiab ix ee xui :ee.
16 Ix soxx quanw ee vecsnir jerje, be sngr .did; au .laii ee langg byy uirdiyhh ix laii hnuahiw. Jex iarr si kanghux, iarr si liahhongx.
5 Liw qaur Siongrder ee cur, diyhh qinxsin liw ee kavo; in'ui qinrjingg laii tniax, ngiaa quer gong langg henwjer; in'ui inx m jaix soxx qniaa :ee si pnaiw.
2 Liw dirr Siongrder ee binrjingg m tangx suiven qongxue, iarr m tangx simx diyhqib laii qongw; in'ui Siongrder dirr tnix nirr, liw dirr de nirr, soxiw liw ee gengiw diyhh jiyw.
3 In'ui dairjir je jiacc u binbang; gengiw je jiacc u gong langg ee sniax.
4 Liw duiww Siongrder he guan, sria guan m tangx encenn; in'ui Ix byy hnuahiw gugong ee langg; liw soxx he ee guan ingqaix diyhh sria.
5 Liw he guan byy sria, lingkow byy he.
6 M tangx hro liw ee cuir drir qaur ziogtew huanrjue, iarr m tangx dirr suwjiaw ee binrjingg qongxx si cywgo he guan; sniaw su hro Siongrder in'ui liw ee sniax siurkir, laii vairhuai liw ee ciuw soxx juer :ee ar?
7 In'ui binbang jerje, gengiw jerje, lairdiongx u kanghux; dogdok diyhh qingwuir Siongrder.
8 Liw narr dirr singw-lai knuar qnir songwhionglangg siurr apvig, iacc si ing qiongquann cniuw qonggi qongvingg ee su, byc did in'ui anxnix laii gong'gniac; in'ui u jit xui kacc quann dirr hitt xee jre quann xui :ee decc qamwcad; dirr inx ee dingxbin iauxx u viw inx kacc quann :ee.
9 Qycc de nirr ee lirig qruix dirr jingwlangg; dyrr qun'ongg iarr sriu diyc cande ee qionghong.
10 Air dnic ginn :ee, byy in'ui ginn laii dijiog; air vuwu :ee, byy in'ui dikli laii dijiog; jex iarr si kanghux.
11 Huewjaii qetnix, jiac ix ee langg iarr qetnix, giabjuw u did diyc simxmih lirig ar? Vutqyr bagjiux knuar qnir nardnia.
12 Lylok ee langg vutquanw jiac je jiac jiyw, jin' hyw kunr; hyxgiahlangg ee hongsing hro ix be kunr .did.
13 Guaw knuar qnir zidqngx ee erbin, u jit qnia dua jaieh, dyrr si jaijuw dniardnia siuw ix ee jnii, laii hai qaqi.
14 In'ui duw diyc vutcig ee su, jiaxee jnijaii dyrr byy .kir; hitt xee langg narr snix qniaw, ciuw-lai iarr byy jit hxang.
15 Ix jnaixngiu dui' laurbuw ee txex cud .laii, iarr beh cincniu anxnix tngwteh kir; ix soxx lylok did .diyc .ee, ciuw-lai be e duar jit hxyy kir.
16 Ix laii ee jinghingg jnaixngiu, ix kir iarr si anxnix; jex iarr si jit hxang dua jaieh. Ix uirdiyhh hongx laii lylok u simxmih lirig ar?
17 Qycc ix jit siwlangg dirr oamr diongx decc jiac, u jerje huanlyw, qycc u vnirtniar qapp siurkir.
18 Knuar ar, guaw soxx knuar juer hyw, juer bixbiau :ee, dyrr si langg dirr Siongrder sniuxsur ix itsingx ee zidjiw laii limjiac, hiongxsiu zidqngx ee erbin lylok soxx did .diyc ee hyw, in'ui jex si ix ee hunrgiac.
19 Qniwnarr did diyc Siongrder hro ix u jnijaii hyxgiac, hro ix e hiongxsiu, laii cruw ix ee hunrgiac, dirr ix ee diyhbuaa laii kuaiwlok :ee; jex si Siongrder ee sniuxsur.
20 Ix byy dua dua sniu diyc itsingx ee nizit; in'ui Siongrder jiauww ix ee simx soxx hnuahiw :ee inwdab ix.
6 Guaw knuar qnir zidqngx ee erbin u jit hxang jaieh, dang dang deh langg :ee.
2 Dyrr si u langg did diyc Siongrder sniuxsur ix jnijaii, hyxgiac, junquir, drir qaur ix ee simx soxx air :ee byy kiamr jit hxang. Danrsi Siongrder byy hro ix e jiac ix, huanxdngw hro guarlangg laii jiac ix; jex iarr si kanghux, iarr si dua verving.
3 Langg setsuw snix jit-vah xee qniaw, qycc jiac dngg huewsiu, ligquer jerje nii, ix ee simx byy did diyc hiongxhog laii muaxjiog, qycc byy did diyc baijongr; jiauww guaw qongw, hitt xee byy qaur qrii laii dui .lyc ee txex viw ix kacc hyw.
4 In'ui ix dirr kanghux laii, dirr oamr kir, ix ee miaa siurr oamr kamwbat.
5 Qycc ix byy knuar qnir zidtauu, iarr longxx byy diqag, jitt xee viw hitt xee kacc ving'anx.
6 Hitt langg suizenn uac qaur jit-cingx nii, qycc jit-cingx nii, danrsi byy hiongxhog; jingwlangg qamxx m si longxx qruix jit soxjai kir mah?
7 Langg ee lylok longxx si uirdiyhh koxhog, simx iarr dijiog.
8 Diwhui ee langg viw gugong ee langg u simxmih kacc ngiaa ar? Songwhiongx ee langg dirr jingwlangg ee binrjingg jaix soxx tangx qniaa :ee, u simxmih kacc ngiaa ar?
9 Bagjiux soxx knuar :ee ngiaa quer simlai ee huanwhuanr sniu; jex iarr si kanghux, iarr si liahhongx.
10 Jingg soxu :ee, ixqing’ quw quw hy ix ee miaa, jaix ix si langg, ix iarr be e qapp hitt xee viw ix kacc u lat :ee laii sna' jnex.
11 Ixqing’ u jerje su qetnix kanghux, duiwdirr langg u simxmih lirig ar?
12 Langg itsingx hudo qong'imx, cincniu ngiaw quer .kir, jirjui e jaix simxmih su juer langg snijingg ee lirig ar? Jirjui e qra langg qongw ix quewsir liauxau, dirr zidqngx ee erbin beh u simxmih su ar?
7 Miasniax viw hyw ee qyiuu kacc hyw; langg siw ee zit viw cutsir ee zit kacc hyw.
2 Kir songsu ee qrex viw kir enwlok ee qrex kacc hyw; in'ui jex si jingwlangg ee qetqiok, uac ee langg iarr beh jiong' jex su he dirr simx nirr.
3 Iubun viw ciyr kacc hyw; in'ui bin dair iu'iongg, si hro simx kuaiwlok.
4 Diwhui ee langg ee simx dirr songsu ee qrex; gugong ee langg ee simx dirr kuaiwlok ee qrex.
5 Tniax diwhui ee langg ee jikvi, viw tniax gugong ee langg decc cniur kxig kacc hyw.
6 Gong langg ee ciyr cincniu dniaw-xe siyx cixaw ee sniax; jex iarr si kanghux.
7 Ligsig e hro diwhui ee langg venr juer gong; vowlo e vairhuai langg ee simsut.
8 Dairjir ee qetqiok ngiaa quer dairjir ee kixtauu; simx tunlunw ngiaa quer simx qiau'gno.
9 Liw ee simx byc did sywqib laii siurkir; in'ui siurkir jrunn dirr gong langg ee simhuaii.
10 Liw m tangx qongw, "Anxjnaixngiu jingg ee zit ngiaa quer henrjai ee zit?" Liw anxnix mng m si cud dirr diwhui.
11 Diwhui qapp sanxgiap vnii hyw; duiwdirr knuar qnir zidqngx ee langg, qyckacc u lirig.
12 In'ui diwhui e diwimr langg, jniginn iarr e diwimr langg; dogdok diwhui e vyxjuann ix vunxlangg ee uahmia; jex dyrr si jaibad digsig ee lirig.
13 Liw diyhh sniu Siongrder soxx juer, in'ui Ix hro ix uanx :ee, jirjui e hro ix dit?
14 Hingtongx ee zit, liw diyhh hnuahiw, duw diyc huanrlan ee zit, liw diyhh sniu; in'ui Siongrder hro nng hxang vnii vnii vaii lehh, uirdiyhh beh hro langg craa be cud sin'au u simxmih su.
15 U girlangg qniaa gi, huanxdngw bedbyy, u pnaiw langg qniaa pnaiw, huanxdngw jiac dngg huewsiu; guaw dirr kanghux ee zit longxx u knuar .qnir.
16 Byc did qniaa gi sniu' je, byc did diwhui quewtauu; sniaw su vairhuai qaqi ar?
17 Byc did qniaa pnaiw sniu' je, iarr byc did juer gong langg; sniaw su bue qaur qrii laii siw ar?
18 Liw cisiuw jitt xee, si hyw, hitt xee iarr m tangx vangwciuw; in'ui qingwuir Siongrder ee langg beh tuatli jex itcer ee su.
19 Diwhui hro diwhui ee langg u linglik, ngiaa quer sniaa-lai jap xee jiangxquann :ee.
20 Qniaa hyw byy huanrjue ee girlangg, sewjniu sidjai byy.
21 Langg soxx qongw ee ue, m tangx longxjongw he dirr simx nirr, qniax e tniax qnir liw ee lovok jiuwjow liw.
22 In'ui liw ee simx qaqi jaix, liw iarr bad jerje vaiw jiuwjow vadd langg.
23 Guaw bad ing diwhui ciwgiam jex itcer ee su; guaw qongw, "Guaw beh juer diwhui :ee." Jongwsirr jex lirkuix guaw hng hng.
24 Soxu :ee si hng qycc cimx cimx; jirjui e cikdok ar?
25 Guaw uat dngw sniu guaw juansimx rair jaix, rair cakyw, iarr cue diwhui qapp banrsu ee lixiuu; qycc rair jaix sia'og si gugong, gucunw si denqongg.
26 Guaw qycc craa cud jit hxang viw siw kacc kow; dyrr si jit dringw hy ee hurzinlangg, ix ee simx si uahdauh qapp lybang, ix ee ciuw si syxlen; huanrnarr did diyc Siongrder hnuahiw ee langg did diyc siamxvi; jongwsirr u jue ee langg hro ix liac .diyc.
27 Tuandy :ee qongw, "Knuar ar, guaw rair jaix ix ee siauwgiac, jit hxang jit hxang vixqaur ix, dyrr cue diyc jitt xee.
28 Guaw ee simx rair cue ix iarr be did .diyc; dirr jit-cingx langg ee diongqanx guaw e cue diyc jit xee davolangg, dirr hiaxee langg ee diongqanx, guaw byy cue diyc jit xee hurzinlangg."
29 Knuar ar, guaw jixu cue diyc jitt xee, dyrr si Siongrder congwjy langg vunw si jingwdit, danrsi inx cue cud jerje qikiauw ee qewboo.
8 Jirjui cincniu diwhui ee langg? Jirjui jaix surjingg ee kuitiah? Langg ee diwhui hro ix ee bin u qngx, iarr hro ix qongqiongg ee bin did diyc qexngua.
2 Guaw qongw, diyhh siuw ongg ee bingrling, in'ui u qiw Siongrder laii jiuwjua.
3 M tangx qnuaxqinw lirkuix ix ee binrjingg, m tangx quxdngg diamr dirr pnaiw ee su; in'ui ix huanrsu longxx jiauww qaqi ee sim'ir laii qniaa.
4 In'ui ongg ee ue u qxuann, jirjui e duiww ix qongw, "Liw juer simxmih ar?"
5 Siuw bingrling ee langg be duw diyc jaieh; diwhui ee langg ee simx e venrbingg siser qapp simxpnuar.
6 Dagg hxang su longxx u ix ee sii qapp simxpnuar; in'ui langg ee koxlan, dang dang deh dirr ix.
7 In'ui ix m jaix jionglaii ee su; in'ui au .laii jnaixngiu, jirjui e qra ix qongw ar?
8 Byy langg e quanxhad ix ee uahmia, jiong' uahmia lauu lehh; iarr byy langg e quanxhad siw ee zit. Jitt hy ee qaujenr be benw .did, juerog iarr be qiur qniaa ix :ee.
9 Jex itcer guaw longxx u knuar .qnir, iarr juansimx cakyw zidqngx ee erbin soxx juer itcer ee su; ursii jitt langg quanw hitt langg, drir qaur hai diyc ix.
10 Guaw knuar qnir pnaiw langg baijongr, qruix dirr bong; qycc qniaa jingwdit :ee lirkuix sxingr ee soxjai, jex iarr si kanghux.
11 In'ui dring jue, byy libkig sihingg hinghuat, soxiw sewqanlangg simx duardnaw qniaa pnaiw.
12 Juerzinn suizenn juer pnaiw jit-vah vaiw, iauxquxx jiac dngg huewsiu. Danrsi guaw junw junw jaix, qingwuir Siongrder :ee, dyrr si dirr Ix ee binrjingg qingwuir ee langg, qaur buew beh did diyc hokkir.
13 Pnaiw langg be did diyc hokkir, iarr be did diyc dngg huewsiu, si cincniu ngiaw, in'ui ix byy qingwuir dirr Siongrder ee binrjingg.
14 Sewjniu u huathen jit qnia kanghux ee su, dyrr si u girlangg, ix soxx duw .diyc .ee, jiauww pnaiw langg ee qniajuer; qycc u pnaiw langg, ix soxx duw .diyc .ee, jiauww girlangg ee qniajuer. Guaw qongw, jex iarr si kanghux.
15 Guaw dyrr ylyw kuaiwlok ee su; in'ui langg dirr zidqngx ee erbin, m dat diyc laii jiac, laii limx, laii kuaiwlok; in'ui ix dirr zidqngx ee erbin, Siongrder sniuxsur ix itsingx ee nihuer, dirr ix soxx lylok :ee, jex siongsiongg qapp ix dilehh.
16 Guaw juansimx rair bad diwhui, iarr beh knuar sewjniu soxx juer ee su; (u langg zidmii be kunr .did, bagjiux byy vangr keh);
17 Guaw dyrr knuar qnir Siongrder itcer soxx juer :ee; jaix langg be e cakyw zidqngx ee erbin soxx juer ee su. In'ui langg bylun jnaixngiu diyhbuaa laii cakyw, iarr be craa .cud; dyrr si diwhui ee langg, suizenn liac juer jaix, iarr si be e craa .cud.
9 Guaw jiong' jex itcer ee su he dirr simx nirr, beh siongser cakyw; dyrr jaix gi ee langg qapp diwhui ee langg, qapp inx ee soxx juer longxx dirr Siongrder ee ciuw, higsi tniar higsi uanwhun, longxx dirr inx ee taujingg, langg m jaix.
2 Huanrnarr limqaur jingwlangg ee su, longxx si jidngiu. Girlangg qapp pnaiw langg longxx duw diyc jidngiu ee su; hyw langg qapp cingkir ee langg, qapp byy cingkir ee langg; henwjer ee langg qapp byy henwjer ee langg, iarr si jidngiu; hyw langg anxnix, juerzinn iarr anxnix; jiuwjua :ee anxnix, qniax jiuwjua :ee iarr anxnix.
3 Dirr zidqngx ee erbin soxx qniaa itcer ee su, u jit hxang pnaiw dai, dyrr si jingwlangg soxx duw .diyc .ee, longxx si jidngiu. Qycc sewqanlangg ee simx u pnaiw muaw muaw, uac ee sii simlai denqongg, au .laii dyrr qruix dirr sixlangg hitt xui.
4 Qniwnarr sriok dirr uac ee langg, hitt langg iauxx u ngwbang, in'ui uac ee qxauw ngiaa quer siw ee sraix.
5 Uac ee langg jaix e siw; siw ee langg longxx m jaix, iarr byy did diyc vywsniuw, inx ee miaa langg be qir .did.
6 Iarr inx ee tniar, inx ee uanwhun, inx ee dowki, longxx ixqing’ siaubyy dirr zidqngx ee erbin soxx qniaa itcer ee su, inx ingxuanw byy hxun.
7 Jueww liw kir hnuahiw jiac liw ee vng, ing kuaiwlok ee simx limx jiuw, in'ui Siongrder ixqing’ jiaplap liw ee soxx juer.
8 Liw ee ihok diyhh siongsiongg vec, liw buah taukag ee iuu iarr m tangx kiamwkueh.
9 Dirr liw itsingx kanghux ee zidjiw, dyrr si Siongrder sniuxsur liw dirr zidqngx ee erbin kanghux ee zidjiw, diyhh qapp liw soxx tniar ee hurzinlangg kuaiwlok quer zidjiw; in'ui hex si liw snijingg, dirr zidqngx ee erbin, lylok ee su soxx did .diyc ee hokhun.
10 Qniwnarr liw ee ciuw soxx ingqaix juer ee su, diyhh jinrlat kir juer; in'ui dirr liw soxx beh kir ee imqanx, byy juewqangx, byy qewik, byy jaibad, iarr byy diwhui.
11 Guaw qycc uat dngw sniu dirr zidqngx ee erbin gauu jauw :ee byy dikkag e singx qaur, u lat :ee byy dikkag e kacc ngiaa, diwhui :ee byy dikkag e did diyc bixniuu, bingliw :ee, byy dikkag e did diyc hyxgiac, qikiauw :ee byy dikkag e did diyc undenw; inx soxx duw .diyc .ee longxx jairdirr siqii qapp gnoxzenn :ee.
12 In'ui langg ee siqii ix qaqi m jaix, cincniu hii vuthing hro bxang uii .diyc, jiauw hro lybang dngx .diyc, jaieh hutzenn qaur ee sii, sewqanlangg ham lyc dirr hitt lairbin, iarr si anxnix.
13 Guaw knuar qnir zidqngx ee erbin u jit hxang diwhui, jiauww guaw knuar si jin' dua.
14 Dyrr si u jit xee ser ser ee sniaa, hitt diongqanx langg jiyw jiyw; u dua ee qun'ongg laii qongqig ix, uikunr ix, qycc kiw quann ee toduix laii qongqig ix.
15 Sniaa-lai u jit xee songwhiongx, qycc iarr u diwhui ee langg, ix ing diwhui qiur hitt xee sniaa; danrsi byy langg qiwliam hitt xee songwhionglangg.
16 Guaw dyrr qongw, diwhui ngiaa quer kuiwlat; jongwsirr hitt xee songwhionglangg ee diwhui hro langg knuawkinx, ix ee ue iarr byy langg tniax ix.
17 Diwhui ee langg dirr anjing diongx qongxue, viw gong langg ee taubak dua sniax ziongw kacc u langg tniax.
18 Diwhui ngiaa quer qaujenr ee qunkir; jongwsirr jit xee u jue ee langg e vairhuai jin' je hyw su.
10 Siw ee hosinn hro juer hniuliau :ee ee iuu huad cud cauwbi; anxnix jit diamw aw ee gugong iarr e vairhuai dua diwhui qapp junquir.
2 Diwhui ee langg ee simx si dirr ix ee jniawciuxvingg, gugong ee langg ee simx si dirr ix ee dywciuxvingg.
3 Qycc gong langg qniaa dirr lo nirr, kiamwkueh diwhui, duiww jingwlangg qongw ix si gong langg.
4 Jiangxquann :ee ee simsinn sniu beh qongqig liw, m tangx lirkuix liw ee vunxui, in'ui unhyy e benw did dua ee quewsid.
5 Guaw knuar qnir zidqngx ee erbin, u jit hxang m hyw, cincniu cud dirr jiangxquann :ee ee cywgo;
6 Dyrr si andir gong langg dirr quann xui, hyxgiahlangg jre dirr qe xui.
7 Guaw knuar qnir lovok kiaa bew, quiwjok cincniu lovok qniaa dirr de nirr.
8 Qrut hamrknix :ee beh qaqi vuac dirr hitt lairbin; tiah cniuu :ee beh hro juaa qa .diyc.
9 Pah jiyc :ee e siurr jiyc siongx, puar caa :ee e dui' anxnix duw diyc guihiamw.
10 Tickir ixqing’ dun, narr byy buaa lrai ix ee cuir, dyrr diyhh qex cud jerje lat; dogdok did diyc diwhui ee qawsi, dyrr u lirig.
11 Bue liam jxiur ee sii, juaa narr qa diyc langg, liam jxiur ee langg dyrr byy lirig.
12 Diwhui ee langg ee soxx qongw si unhui ee ue; gugong ee cuir tunbet qaqi.
13 Ix ee cuir soxx qongw ee ue kixtauu si gugong; ix ee ue ee lorbuew si hai langg ee denqongg.
14 Gong langg jerje ue; dogdok langg m jaix jionglaii jnaixngiu; ix sin'au soxx beh u ee su jirjui e qra ix qongw ar?
15 Gong langg ee lylok drir qaur hro inx iawsen, in'ui zip sniaa ee lo ix iarr m jaix.
16 Vangqog ar, liw ee ongg narr si ginxaw, liw ee quiwjok jaxkiw-sii enwlok, liw dyrr u jaieh.
17 Vangqog ar, liw ee ongg narr si junquir ee langg ee qniaw, liw ee quiwjok jiauww sii limjiac, uirdiyhh beh vow inx ee lat, m si in'ui hnor limx, liw dyrr u hokkir.
18 In'ui vinrdnua, cuwquar lab .lyc .kir; uirdiyhh ciuw vinrdnua, cur dyrr lrau.
19 Ensiac si uirdiyhh hnuahiw laii sed, jiuw si hro langg knuawuac; jniginn juer banrsu ee loring.
20 Liw m tangx jiuwjow qun'ongg, simx iarr m tangx anxnix sniu; dirr liw ee kunwvangg iarr m tangx jiuwjow hyxgiahlangg; in'ui kongdiongx ee jiauw beh tuanvor jitt xee sniax, u sidqow :ee iarr beh qongw kiw jitt xee su.
11 Diyhh jiong' liw ee bixniuu ia dirr juixbin; in'ui quer jerje zit, dyrr beh did .diyc.
2 Hunrgiac diyhh vunx juer cid iacc veh; in'ui liw m jaix jionglaii u simxmih jaieh qaur derjniu.
3 Hunn narr u ho muaw muaw, dyrr vniar lyc dirr derjniu, ciu narr dyw ngr lamm iacc si ngr vag, ciu dyw dirr simxmih soxjai, dyrr dniardnia dirr hiax.
4 Knuar hongser :ee, byy beh ia jingw; knuar hunsig :ee, byy beh siuquah.
5 Hongx soxx cuex ee lo, liw m jaix, quthaii dirr inrhu ee txex jnaixngiu singdiongw, liw iarr m jaix. Anxnix, qniaa banrsu ee Siongrder soxx juer :ee, liw iuguann be did diyc jaix.
6 Jaxkiw-sii diyhh ia liw ee jingxjiw, ehngx-sii iarr m tangx tingg liw ee ciuw; in'ui liw m jaix jitt xee hitt xee dyclyc jit xee beh borsing; iacc si nng xee beh vnii hyw.
7 Qngx jinjniar si hyw, bagjiux knuar qnir qngx iarr si tangx hnuahiw.
8 Langg uac jerje nii, dyrr diyhh knuaiwlok jerje nii. Jongwsirr iarr diyhh sniu qaur oamr ee zidjiw, in'ui zidjiw beh jerje; soxx beh laii :ee longxx si kanghux.
9 Siauwlenlangg ar, liw dirr siauwlenn ee sii diyhh kuaiwlok; dirr siauwlenn ee zidjiw hro liw ee simx an'uir liw; iarr diyhh jiauww liw ee simx soxx air :ee, qapp bagjiux soxx knuar .qnir .ee laii qniaa. Jongwsirr diyhh jaix, uirdiyhh jex itcer ee su, Siongrder beh simxpnuar liw.
10 Soxiw diyhh hro iubun lirkuix liw ee simx, iarr dui' liw ee sinkux druu kir pnaiw dai; in'ui siauwlenn qapp jongwlenn, longxx si kanghux.
12 Liw diyhh dirr siauwlenn ee zit, dyrr si huanrlan ee zit iauxx bue qaur, qycc liw soxx beh qongw, "uac lehh byy kuaiwlok" jinwjingg, laii qiwliam congwjy liw ee Jruw.
2 Dirr zit, qngx, guec, qapp cnxix bue venr juer oamr, ixqip ho quewsinx, hunn bue qycc laii ee dairsingx, liw diyhh qiwliam Ix.
3 Dng' hitt zit, qor cur :ee gniauhgniauc cuah; u lat ee langg soiyx, ex bry :ee, in'ui inx jiyw, dyrr suah; dui' txangx-aw knuar .cud .kir .ee longxx oamr;
4 Tangr quelo ee mngg qnuaix lehh, ex bry ee sniax ser ser; jiauw-aw jid'err hauw, langg dyrr kiw .laii; cniuwquax ee jaboxginxaw iarr longxx qangwqe;
5 Qnir diyc quann dyrr qniax, dirr lo-diongx iarr u soxx qnia'uir; hingrciu kuix huex, cauxmeh juer dang dnar, ioksimx longxx byy .kir; in'ui langg qruix dirr ix ingxuanw ee cur, aikaur ee langg ongxlaii dirr quelo.
6 Dng' ginlen-aw bue dng, qim'nguaw bue puar, dirr juixjnuaa vnix ee juixvann bue sunxhai, qalag bue pnaiw dirr jnew-dingw;
7 Din'aix qruix too laii huanxvunw, linghunn qruix dirr hro ix laii ee Siongrder ee dairsingx, diyhh qiwliam congwjy liw ee Jruw.
8 Tuandy :ee qongw, "Kanghux ar kanghux, huanrsu longxx si kanghux."
9 Qycc in'ui Tuandy :ee u diwhui, ix iuguann qawsi vecsnir jaibad; iarr jing jing sniu, cakyw, qycc jiauww cuwsu vailet jerje jimgenn.
10 Tuandy :ee juansimx cue tangx hnuahiw ee ue, si jiauww jingwdit siaw ee singsid'ue.
11 Diwhui ee langg ee ue cincniu cxir; huerdniuw ee ue cincniu dingr diauu ee dxingx, longxx si dui' jit xee bogjiaw soxx sur :ee.
12 Guaw ee qniaw ar, iauxx u jit jann, liw diyhh siurr kuanwqair; drur ceh je, byy qiongjin; tak ceh je, sinkux e iawsen.
13 Jiaxee su longxx ixqing’ tniax liauw lar. Qetbuew dyrr si qingwuir Siongrder, qinxsin siuw Ix ee qaiwbing; jex dyrr si langg jiauvi ee vunxhun.
14 In'ui qniww soxx juer :ee qapp itcer unxbat ee su, bylun si hyw si pnaiw, Siongrder longxx beh simxpnuar.